تحميل رواية قدمت قرباني 🔞 بقلم زينب علي pdf

# زينب علي

قدمت قرباني 🔞

اليوم بلليل ينزل بارت بس انوه والاحداث قديمه ومن هسه القصه احتمال متعجب البعض فرجاءا الي ما يعجبه لحد يقرها اتمنه منكم تقدرون هلشي ...

تطرق هواي للنظام البائد .. فلي ميعجبه بدون تفلسف يحظرني ويطلع . لو يلغي المتابعه مو مثل قصه اياك ان تفعل تسكموني عليها ...

ويا ريت تقدرون هلشي القصه واقعيه .. وما بيها كل زيف ...

النشر حسب تسيل الله لان هسه حاي اكتب بيها ...

القصه مو مولائمه لكل الاعمار 🔞🔞 مو تجي وحده وتكلي امي متقبل خاف تكسر التلفون على راسي ...

الراهبات خل يطلعن من القصه

يلا بلليل ينزل اول بارت تحياتي للكل ...

همتكم وياي

#زينب_علي ..   قدمت قرباني

سلام عليكم اني زهراء مواليد ١٩٧٠ يتيمه من اول يوم جابتي امي. توفت بي والدي ما تزوج رباني جان يموووت عليه اني روحه من الدنيا  وما عندي لا اخو ولا اخت الطفله المدللة الي جان محد يكدر يحجي وياها .

بييتنه من ارقه الاثاث الموجوده بلعراق بذاك الوقت

وخيرررر جنه كلش مترفين

امي من من اصول عجميه تمتاز بجمال خرافي يعني مع عمليات التجميل الي يسوها هسه جذب مره تلحكها وتلحك جسمها وجمالها وحده شعرها قضيه كامله بحد ذاتها عبالك فروه وطويل وثخين وسرح ورثت كلشي منها من جمال وحسن وبراءه عيوني جانت سود ورموشي كثيفه كلش   . طبعا هذا نقلا عن لسان الناس والصور  ...

والدي جان تاجر جبير توفه اثر سكته قلبيه لمن جان عمري ٧ سنوات . بسنه ١٩٧٧

اني كلش بجيت هوووواي عليه  ما اعرف حسيته  راح الامان ويا . وصحيح الاب خيمه . كل الي اذكره خالتي كالتلي اذا سألوج كولي اروح وي خالتي ام رضا جان اسمها پرواني يعني فراشه بلايراني ...

اجو عمامي وعماتي اني شايفتهم كالو ويامن تضلين اشرت على خالتي ام رضا . بلاول ما قبلو لان يردون يكوشون على فلوس ابويه . بس اني اخاف ومتعلمه على خالاتي كلش جانن قريبات عليه يجن ويمشطن اليه ويرتبني وبلاخص خالتي ام رضا لان جانت جوارينه .

.

.

وصدك ربتني خالتي . وتكفلت بتربيتي وجان عدها ابن واحد اسمه رضا ستوه تخرج من الكليه  ...

سنه ١٩٧٥ صارت اتفاقيت ايران مع العراق الي معروف لهذا وقتنه باتفاقيه الجزائر .  وصارت مشاكل بين ايران والعراق وبده يحثد الصراع

وبدت التهجيرات وهجرو هواي من الاكراد وبلاخص الكرد الفيليه . واي احد عنده اصول ايرانيه حتلو جان ابو عراقي ...

كل هلاحداث اني ما اتذكرها بمرور الايام عرفتها من الاهل ...

بس حادثه وحده اتذكرها لمن اجو علينه الامن بسنه ١٩٧٩ وجان صدام حسين ستوه لازم الحكم بعد ما كان نائب احمد حسن البكر ...

اندكت الباب بلليل . فتح الباب رضا وصار صوت وخروووو . امشي لك ابن الكلب ابن النعال . ودك حطو شبعو دك وطلعت خالتي الي اني كمت اصيح الها امي

وطلعت امي تصيح بنص الليل تحجي وي العساكر شكووو ولكم شكووو .

يمه وليدي وتسحل برضا اني بعدني صغيره كلش ما اتذكر ..

بحيث اجتي سياره وسحلو رضا سحل كالو هسه اطلعون والولد يروح ويانه وضلت امي تتوسل بيهم وجان الجندي هيج عمره ٢٥ باست ايده كالتله ما عندي غيره بروح امك عوفه اليه وبسرعه جرت تراجيها وخلتهن بأيده عاد هو كللها هسه اطلعون وبسرعه . شاور امي كلها اذا واحد شاف ابنج وكتيله ع الصار اموت ابنج واموتج ...

لا ابد والله ولا احجي ...

روحي اخذي ابنج واصعدي . صعدنه بسياره على كتر عفنه بيوتنه وذهب امي وملابسنه وغراضنه والمستمسكات وكلشي وطلعنه وياهم وجان من ضمنه جوارينه هم هجروهم بحجه انو همه تبعيه الايرانيه . ضلت تمشي السياره واني جنت ستوني متكلفه عمري ٩ سنوات  وجانت امي شديده بتعاملها وياي . وحجاب وحته رضا جان يعاملني كانو مره مو طفله اني . نزع قمصلته وضل بلبلوز وخلا على راسي .

ماما وين راح يودونه ...

شبكتني وكالت اسكتي لتحجين ابد ...

كعدتني بحظنها جانت لابسه دشداشه وشيله سوده .

واني حسيت عضامي اطكط من البرد سياره كشفه . مفتوحه ذبونه ع الحدود .

وهذا الجندي شافني من جنت بدون حجاب  لابسه تراجي . نزعنياهن وكل لامي روحو ...

لكينه مجمع مال ناس شكثرهاااااا مو طبيعيه . وكلها نسوان واطفال وزلم كبااار بلعمر بس رضا وياهم شاب .

كالو لامي شعجب ماخذو اخذو شكو شاب  ....

امي كالتهم هدايه الله ...

واحد من الزلم كال لامي تره تجي هسه سيارات وياخونهم اخذيهم واشردي ....

امي رادت تتخبل كومي اخذي رضا واشردي . طلعنه بطريق اتذكر جانت امي تسمي الشلامجه كبل . الدنيا ليل ونمشي مثل البايك بوكه الاوضاع مو تمام واكو انباء انو على وشك تندلع حرب بين ايران والعراق . ويجندون الشباب للحرب لو يكتلوهم فخذت امي رضا ميته يابسه بدمها بس تريد توصل .

.

وصلنا الايران . جان الحاكم * الشاه محمد رضا بهلوي* اخر شاه حكم ايران . بسنه ١٩٧٩ جانو الايرانين ينادون بحكم الخميني  يطالبون بحكم اسلامي وميردون حكم الشاه

((( رجل دين ومرجع ديني وفيلسوف وكاتب وسياسي شيعي إيراني وكان مؤسس جمهورية إيران الإسلامية وقائد الثورة الإسلامية عام 1979 التي شهدت الإطاحة بالملكية البهلوية ومحمد رضا بهلوي، الشاه الأخير من إيران. بعد الثورة، أصبح روح الله الخميني المرشد الأعلى للبلاد )))

جانت يمكن اصعب ايام حياتنه قضيناها من الخوف الي مضه على كلوبنه  . وضروف صعبه والحرس واكفين وبعد معانااااه هوووواي دخلنه . وبسرعه . مرت اول ايام كعدنه بلمخيمات . وميزو التبعيه بكارت اخضر وكانو محسوبين ع العراق حته وان همه بأيران لان اغلبهم من اباء عراقيين .

كول الله سهل وطببونه اكو بيهم  سكن بلاهواز واكو بلمحمره واكثر العراقين جانو بلاهواز قضينه سنه بلاهواز بسنه ١٩٨٠

.

وكمنه ننتقل بس جانت صعبه علينه لان كلشي منملك ايي شي .

وتنقلنه من محافظه لمحافظه . ومن مكان لمكان ومن منطقه لمنطقه فكر وضيم كوه ناكل وكوه نشرب وماكو فلوس لغه صعبه ومنفتهمها . ضلينه على هلحال لسنه ١٩٨١.. يعني سنتين كلش متأذين وما خلت امي شي ما شتغلت ورضا واني اروح وي امي باعت بلملابس . اشتغلت منضفه . خياطه . اشكاااال بس في سبيل تعيشنه . ورضا ما خله شغله ما شتغلها . وجان اسرع واحد تعلم اللهجه الايرانيه رضا وراها امي وراها اني

بلمناسبه كل الناس الي تهجرت حصلو على جنسيه التبعيه الايرانيه . يعني ما حصلو جناسي ايرانيه . بس بغدين اصدر قرار الخميني انو اي شهيد ببحرب يتخله عن جنسيته للمسفرين . مرت اياااام اشبه بلموت عدنه والسنوات الي بدت بيها الحرب يمكن جانت اصعب ايام حياة العراقيين بأيران وضلو كلش يأذوهم ويضايقوهم حته الوضائف او الاعمال اذا يدرون بي عراقي ميشغلو .

خو اكيد مو كل الناس بس بيهم يعني الي اذونه هووواي .

مرت الايام والسنين وصرنه بسنه ١٩٨٢ وهنا استقرينه بلمدارس واستقرينه بقم . لان جان اغلبها عراقيين يعني بيها واشتغل رضا هو يعيلنه وامي هم تشتغل مرات اذا لكت شغله .  والعمل الي اشتغل بي جان محل مال احذيه * اجلكم الله * وهذا باب رزق بسيط بس ماما نادره لمت وسوت وضلت تجمع وهلي الي نحصله تلملمه وتحطه فوك فلوسها ويوم عن يوم بدت تجمع فلوسها واشترت بيت . واني صار عمري ١٢ سنه وبده فتره المراهقه جانت ماما كلش صعبه . صوتج ضحكتج شعرج رجليج اديج ملابسج دير بالج . كلشي تسوين . وابد متقبل بلغلط مع العلم هيه احن عليه من يمكن حته امي . ثنينهم هيه ورضا . احسهم مثل امي وابويه الي ربوني . يعني رضا جان اكبر مني ب ١٧ او ١٦ سنه .

.

بلمدرسه وجان كلشي احتاجه ارجع لرضا هو الي يتكفل مسؤوليتي بلدراسه . وجان طريقته بلتدريس تخوف واذا ما استوعبت بسرعه يصير عصبي . فجنت مو كلش احب يدرسني واضل اتوسل بأمي وامي متعرف يعني كلشي ارجع لرضا . بس عندي عادي تعلمت عليه ...

.

*عشق سن را نمی داند و تنها زمانی می داند که قلب به عشق عشق می ورزید *

يلا وهاي كمت احجيلكم ايراني . هههههه

التجاوز ممنوع ...

الغلط ممنوع ...

وانتظروني ابارت قادم عن لسان رضااااا ..

#زينب علي

وصلت لسنه ١٩٨٣ وصار عمري ١٣ سنه وبهاي السنه اني بلغت وبعده جسمي يتغير وشكلي كله . وضليت اني الطالبه الي تروح يوميه وتجي من المدرسه مسرعه بأحظان رضا ...

شويه شويه تتوهج نيران حبه بكلبي كانما واحد ديصب ماي ويسقي الحب الي نغرس بكلبي شوكت وشلون وليش وشنو السبب ما ادري !!!! بس كل الي اعرفه وي كل نظره اخوه من رضا اقابلها بنظره حب من طرفي . وي كل نضره ابوه من رضا اقابلها بعشق من طرفي ...

لهذه القصه اسم ثاني يسمى بي حبي من طرف واحد ...

وما ادري شوكت راح يحين الاوان لاعلان هذا الحب

من جنه نريد انام رضا ينام بغرفته واني وامي انام سويه . واني عيني على البااااب لمن يغفه يلا اغفه . الشعور بلحب حلوووو بس الاحلى احد يشاركك هذي المشاعر . هذي المشاعر الي ابدااا ما اكدر انطق بيها ولو حتى افكر انو اجاهر بيها واحتفظت بيها بكلبي وخليتها حبيسته انياط قلبي  وخليتها للزمن هوه كفيل بيها .....

بنهايه سنه ١٩٨٣ رجعت من المدرسه تعبااااانه ومنهكه وروووحي طالع دروس وتعليم .

وصلت للبيت وجان الحوار هذا ...

يمه البنيه تقبل محد تفرط بيك حبيبي ....

ما ادري ابوها صعب ما اتوقع ...

ها ماما شلونج رضاوي شلونك ...

هلا بأم الكسل ....

رضاااا وخزرته على كيف  ...

جبتلج شغله ...

صدوك شنو هيه ...

طلعها من الجيس

وااااو تخبل رضا حلوه بس ليش فلات والله مشتهيه عالي ....

اشش صيري حبابه لمن تصيرين بلكليه مو هسه بعدج صغيره ...

كل البنات الي بعمري لبسو عالي بس اني ....

زهراء سدي حلكج واذا ميعجبج رجعيها ....

لا بلعكس عاجبتتي حيل شكرا . ورحت شبكته . الللله شعوع لا يوصف شكد ارتاح من اصير بحظنه .

امي : يلا زهراء كومي صبي غده ....

اي يمه ...

كمت صبيت غده اجتي امي ورايه متستحين هيج تشبكي مو ميصير ماما انتي جبيره ...

يمه مو تكولين اخوج ...

اي بس ميصير هو مو اخوج ...

حتلو اني احبه * من حجيت هلحجي ردت اخليها تأيس حته اضل اشبكه *

شوفي زهراء صيري ادميه وانجبي جاي اكلج ....

والله ما غليه هو مو اخويه ....

ولج يمه ادري ما عندج شي بس حرام يعني هو الله محرمها شبيج وهو هم حاسبج اخيته يبعد امج ليش ترتكبين حرام ...

حطيت ايدي على ركبتي .  يمه ما عليج الحرام بهلركبه . يا ناس اكو وحده ما تشببك اخوها والله حلوه هاي ....

هسه راح يزوج وتجي مرته تخليج هيج تشبكي ييمه النسوان مايخلنج هيج الله وكيلج . وخصتا اذا درت بيج مو اخته  ....

يزوج ؟

اي ..

رضا يزوج ....

يمه شبيج قابل صغيرون ....

رحت طلعت من المطبخ اركض ورجليه ما تشيلني .

رضا صدك تريد تزوج؟

ههههع اي ...

عليش تضحك بس اني ما موافقه ...

عععع وشبيها اخيتي شو تعاي يمي جرني كعدني بحظنه . اي سولفيلي عليش ضايجه ...

ما اريدك تزوج هسه ...

ما يصير يا كلبي هم اني لازم استقر وتجي وحده تشيل ملابسي عنج وتساعدج ....

ما عليك بيه اني مستعده اكرب ....

تصير صديقج ...

متصير صديقتي ابد ...

زهراء بابا شبيج انتي ....

لتصيحلي بابا هاز كاروكي ....

اي هاز كاروكج ههههااااي هسه انتي بطول اصبعي . بس انطيني سبب ليش رافضه فكره زواجي ....

حته متجي وحده وتفرقنا ....

واذا اكلج متفرقنا ....

نزلت دموعي شحجي وشكله . اكله اني احبه . لو اكله اني اموت عليه . لو اكله هلكلبه الي راح تخطبها راح تاخذ اعز شي عندي . ما حسيت بي اله وهو شبكني . حسيت جسمي صخن من شبكته . اجتي امي : ولك رضاوي اني شكتلك يبعد امك ...

هدني وكلي يلا كومي زهورتي اريدج احلى وحده بلحفله ....

كمت عنه شدعي عليج يا يمه ما خليتي يشبكني حته هاي هم حارمتني منها هاي ابنج راح يعرس ارتاحي ....

بنفس اليوم تمرضت مرضه كلش قويه بحيث هدتني بلفراش . واني نايمه ما حسيت بجسمي بعد . كعدت من النوم اني بلمستشفى .

ها يمه شصاير ...

مدري شجاج انتي ...

طلعت من المستشفى وصعدت بلسياره واخذني رضا للبيت . تعبانه مريضه والي عرفته من امي . مكعدتني ما كاعده وضاله تلطم خطيه لمن شالتني ودتني للمستشفى وهناك لاحكها رضا .

مرت الايام واني يوميه اشوف رضا كبالي جان عمري ١٣ سنه بهاي السنه جرعت المررر والعذاب . مر الفراق والعذاب الحب ....

سنه ١٩٨٤ صار عمري ١٤ سنه ورضا اتصور عمره بين ال٣٠ او ال ٣٣ هيج جان .

وخطب وحده اسمها * معصومه * جانت ايرانيه عربيه بس تحمل الجنسيه الايرانيه ...

* بأيران موجود مثل الاقليات شلون احنه كرد وازيديه ومسح ومسلمين . هناك هم البهائيه والعرب .والعجم . واكو حته اكرد . وزدشتيه . ومسحيهه غالبيتهم من الارمن وايضا اليهود  *

وصار خطوبه رضا بيوم ١٤ /١ /١٩٨٤ بهذا اليوم بجيت بجي مثل طفله واخذو ابوها ... والله حسيت نفسي يتيمه لاول مره . وكل هذا جان وحدي اما احبس نفسي بلحمام لو من انام ما اخلي احد يحس بيه . رضا جان اعز ما املك واخذته معصومه وهاهيه صارت معصومه زوجه رضا ..

بيوم الخطوبه كلها حست عليه ضايجه وكلها عرفتني غيرانه بس عبالهم اخويه وضايجه عليه . محد يدري بلحقيقه .

وره ما رجعنه

ماما : شبيج اليوم ...

ما بيه ..

زهراء شبيج ....

يمه ما بيه . الله الله شنو القصه  ...

زهراء اني ربيتج لمن جنتي علج لحم عبالج ما ادري بيج ....

شتدرين بس اريد اعرف شتدرين ....

كلشي ادري بس اريدج انتي تحجين ....

ما عندي شي احجي لو عندي جان حجيت ....

براحتج  زهراء ...

عافتني وراحت واني حسيت الغصه واصله لبلعومي بسرعه رحت فرشت فراشي ونمت وغطيت وجهي وبديت انصبت عزاء حبي بيني ما بين نفسي . شبعت بجي وخنكت روحي بلبطانيه . حسيت اجه رضا ..

ها يمه شلونج ...

بخير ماما ...

بلعجل وكفت دموعي وبس اريد اسمع وخايفه لا يشيل الغطه عني ويشوفني .....

شعجب زهوري نايمه ...

تعبت اليوم من الركص ...

يا ركص جنها بومه . حته معصومه كالت شبيها ضايجه  ....

اني طفرت من مكاني هيه حجايه وهيه طفره . ها كام تخبث من هسه . هاااا تريد تسممك عليه . هاااا عاد راح تجينه الحيه ... الله ياخذ عمرها ويخلصنه ولا ارتاحيت الها ابد .. شوفي يمه مو اكلج راح تغيره شوووفي  ...

امي ضلت باهته ورضا صافن

رضا : شبيج ...

مااااااااااااااااا بيه شيييي   ....

جا شبيج هيج كالبه خلقتج وبس تبجين وشصار هسه اذا كتلج كالت معصومه ....

دافعلها دافعلها اخو مريتك طبعا  ...

خزرني حيل وصاح زهرااااء ....

اني صرت مثل الصنم صوت عالي وحسيته ضاج . وخفت . 

اني ما ماد ايدي عليج لتخليني اسويها سمعتي ....

شوف من وراها حته راح تضربني ورحت اركض بحظن امي .

كامت امي شبكتني وطلع هو سد الباب .

لشويه اني سويت روحي نايمه كلت حته لا تفشلني امي ولا اشوف رضا وغطيت راسي ...

شويه واجه ...

ها يمه شلونها ....

زينه يمه ...

شبيها تخبلت قبل شويه مكالتلج ...

يمه اخيتك وتغار عليك تحس راح تاخذك منها هم عليكفك وياها ...

يمه توصيني على زهراء والله هاي اعز من روحي صدك تحجين اني مربيها زهراء والله ....

اي يمه داري مشاعرها هم خطيه مكروده ويتيمه ...

لا تكولين يتيمه جا اني شنو . والله احسها مثل بتي .....

الله يخليك يمه و يفرح كلبك وكون تترس البيت كله جهال يبعد امك . والله انته هلوحيد شحصلت غيرك ....

وستمر الحجي بين امي ورضا . وجانت النتيجه عرفت انو مسسستحيل يحبني لان هو معتبرني بنته او اخته وهذا جان الفج الي موجود بقصه حبي ....

.

.

.

*سر، عزیزم من همیشه هستم*

سيدي ستبقى حبيبي الى الابد ...

.

هذا اخر بارت راح ينزل حته يرضي جميع  الاطراف . وراها ما اكدر انزل ايييي بارت

في امان الله ...

الي تروح مشايه خل تدعيلي . الله وياكم ...

بنات الله يخليكم هلايام ايام الاربعينيه وصار وقت النشر كلش محرج والبارتات القادمه كلش 🔞 فاني افضل انو ينلغي النشر وره الاربعينيه ونبدي انوب ننشر لان والله زحمه انشر هسه ....

.

طبعا اني اسفه حمستكم ع القصه بس شو ما ادري ليش ضايجه اكتب بهلايام .

#زبنب_علي

قدمت قرباني 🔞

قراءه شيقه """"""

كومي لبسي ييمه ...

اي يوم ...

كمت لبست تنوره وتشيرت وهديت شعري . على طوله . توسلت بامي خل احف ما قبلت . بلبسكوت شووويه اخذت وشافتني وكلبت الدنيا على راسي . انوب توسلت بيها كتلها بس اخلي مكياج شويه كالت ابطل حته للعرس ما اروح ولا انتي ترحين . سكتت .

وصار الزواج . وبدت مراسيم تبديل الخواتم . وطب رضا وبدل الخواتم دموعي سبقتني بدون شعور خاني التعبير وما لكيت غير اضحي بحبي الي مات قبل ان يولد اصلااا

ما اعرف شنو الشعور الي حسيته شعور الانكسار صعب بحيث انت ما بيدك تقدم شي لنفسك الانسان الي وعيت عليه وفتحت عيوني عليه ما چان یحس‌ بیه

اخذوهم للبيت وجانت الست معصومه كاعده بلبدله طبعا خو طبايعهم تختلف عنه هووووواي يعني همه عليهم يأثثون البيت او الشقه . والشقه ع الرجال وبلفعل هذا الي صار . لان اساسا بيتنه جان معزول على صفحه وبي قسم امي مخليته لرضا يعني .

وصار زواجهم الفعلي .

اول مره انغلقت الباب عليهم حسيت انو كلبي راااح . شويه شويه بده النفس يصعب عندي . بجيت حد ما انكطع نفسي . شويه وما حسيت بلدنيا شكو . صحيت ع روحي بلمستشفى . راسي ثايل رجعتني امي للبيت . وجهه اصفر كايليلها فقر دم وضغطعا هابط . رجعت كامت تبجي . واني شفتها تبجي حسيت واحد واطلق العنان لعيوني واذن لدموعي بلبجي ...

وج شبيج يمه زهوري شجاج ...

ما بيه شي عوفيني ....

مايفيدج يكلبي ولج اكبر منج بسنه سنتين تلاثه خمسه عشره خمسطعش ولج اكبر منج ب ١٧ سنه هنااا هنااا ولج انت من بزره باجر عكبه تاخذين واحد بعمرج ...

يمه لخاطر الله سكتي تره روحي راح تطلع ....

كلبي ينمرد عليج انتي بنيتي وما عندي غيرج هلبنيه من هسه ممرود شبابج ادري ليش ....

يمه جان خليتي ....

قاطعتني وج يمه شخلي انعلي الشيطان الولد هاويها ما كدر اكسر بخاطره ...

لان مو بتج تكسرين خاطري ولا تكسرين خاطره ...

وج يمه مفرقته عنج اني والله لو ادري بي هاويج جان بيدي زوجتج اله . بس انتي ما اباله . غير يعني يفكر بيج مثل النسوان ....

ياهو الكلج ما باله ...

انه امه واعرفه يبعد روح امج انسي ودعيله ودعي لنفسج الله يصبر كلبج ويهييلج ابن حلال ....

سكتت محاجيتها بس كل الي احس بي مستحيل اي انسان يحس بي بس الفاقد عزيز يمكن يحس بشعوري .

شبكتني امي ونيمتني على ايدها . وما جان بأيدي غير اغفه على صدرها الحنين ودموعي تصب .....

كعدت الصبح وجانت هيه فرحانه وهو هم فرحان سلمت عليهم . بسته وباركت الها . وبسته وباركتله شبكني حيل . بدون شعور قويت ايدي وعصرت ضهره وضليت ابجي . هو ضحك

لااااا زهوري تبجي ...

علخير رضاوي .....

شفت امي من بعيد تخوزر بيه

عليش تبجين ...

لا هيج مشتاقتلك ....

بويه تره ما خذتني منج معصومه ....

دنكت راسي كتله ادري .. ورجعت ....

طبيت للغرفه . طبت ورايه امي . اني شكتلج مو كتلج لا تشبكي ....

يووووووه هو شبكني ....

وج زهراء ...

اكلج تره خبلتيني زربانه ما زربانه شو عوفيني ....

صدك هيج زهراء ترادديني . طاحظج اي والله وطاحظني اني الاحجي وياج اكول بنيتي ....

عافتني وراحت ضليت ابجي . رحت بست راسها وكتلها اسفه ما اعيدها بعد . والله .

اني شريد غير مصلحتج *تحاجيني بثكل *

كولي ما زعلانه ...

شكلج بلا انتي زعطوطه اخلي راسي براسج ....

يمه ليش تكبرها . والله اني راح اطك واموت وانتي تزيديها عليه ...

وج يمه البعيد عن العين بعيد عن الكلب . كلما تبعدين عنه يبعد عن كلبج وهاي فتره مراهقه يوميه تحبين وتكرهين علما توصلين ب ٢٠ سنه تلكين نفسج عاقله والله اليعلم اذا تعقلين لو تضلين بطيشج هذا ....

شبكتها اووووف يماما انتي احن وحده بلعالم بس ابنج ما عنده احساس مثلج .....

هههه تكبرين وتنسي ....

مرت الايام وجان يوميه حب رضا يكبر بكلبي وكأنو الله خلقه وكسر القالب . وجنت اعرف روحي مراح الكه السعاده وي غيره .

من جهتي جان الحب يكبر ومن جهه معصومه ورضا حبهم هم يكبر وبده يوم عن يوم تبين اثماره وقررو يسون طفل .

هوووواي قنعت روحي انو اتركه او انساه بس كلما احاول ازيد بلزايد حب ، عشق ، لهفه ، هيام

وسمعت بخبر حملهم سنه ١٩٨٥ وجابو الطفل بنفس السنه وجان ولد حبلت بي ٩ اشهر ومات لمن جابته ...

يااايابه شعور رضا شلون جان حسيته جان يريد يموت وكانو قطعو روحه بمكان هلطفل الي بعده ما مولود اصلا ....

وبعد مرور خمس اشهر هم قررو يسوون اطفال .

مرت الايام وحبلت مره ثانيه وهم جان نفس الحاله الطفل يموت يوصل وتجيبه ويموت جان بوكتها العمليه خطره وصعبه والناس كلها طبيعي مو انوب هيه عمليات واحد فوك الثاني . بس هيه سوت المستحيل حته تجيب الطفل ....

ولاول مره اسمع امي تحجي شي يأذيني كالت رضا منفوس ما اتصور يصير عنده اطفال ...

يمكن جانت هاي حجايتها بدون قصد او بقصد الله العالم بس حسيت واحد شعل نار وذبها بنفط ودارها عليه . صحيح هيه امه ولو شمهما يكون . تعزه اكثر . وهو هلواحد وتريدله اطفال . واني حته ما تجرأت وسألتها شنو قصدها . واخذت عهد ع نفسي انو لو اموت امي ما احجيلها ايييي شي . لان هيه فهمت حبي اله غلط .  ابد ما تمنيت هيج يصير وياهم صح احبه بس حبي اله نقي ما بي كل دغش وماوبي حقد صح ولا حبيتها يمكن معصومه ولو تسويلي تمثال ذهب ما احبها بس مستحيل ارضه.يوم من الايام او حته دعاء ادعي عليهم ابد مستحيل ....

سنه ٨٦ صارت مشاكل بين رضا ومعصومه بدت مشكله وره مشكله هيه تريد اطفال وهو يريد بس ثنينهم يخافون من الطفل لان نفسيتها تعبانه ورضا يخاف عليها من الهوه الطاير ....

امي خافت لا يصير شي . لان الايرانيات ما عليهن امان بسرعه يضربن الرجال عرض الحايط . وهيه منا تشوفه متعلق ليها .  ضلت تلح على رضا انو يطلع بغير بيت . معصومه اجه بجانبها هلخبر . وصدك رضا بعد لح من الطرفين من معصومه ومن امي قرر يطلع بغير بيت . بس فلوس ماكو منين يجيب .

شاءت اراده الله بنفس السنه كدر يسحب قرض على كفيل لان كبل ميصير احد يسحب قرض اله الي يملك الجنسيه الايرانيه .

امي فرحت لمن طلع كل الي اجه ابالها انو اني نافستها وجهال ميصير عدهم . وبعد مرت الايام وصارت ولادتها وجان تجيب .

ها ماما بشري جابت معصومه ...

باوعتلي صفح . اي جابت

بشري شلونه ...

اليشوف خلقتج يشوف خير ...

ليش يمه اني شيخصني ....

من وراج يا طفل الي يجي يموت وهسه مشوه انوب ....

ماما تره انتي تخبليني من هيج تحجين ....

عليمن اخبلج خو كليلي مسويه سحر للولد ميصير عنده بزر ....

ماما اني حبيت رضا من كل كلبي . واليحب ميريد حبيبه ينقهر واني حبيت رضا ما اريد يتأذه ومو انتي كتلتي روحج حته يطلع . وميجي لهنا . صار وراح شكو بعد ....

نفسج ورا غير ....

عفتها وطبيت لغرفتي محترك كلبي اصلا هيه من وقت حباله معصومه لحد هسه متخبله عليه انوب اجه الطفل مشوه . وبهذا الوقت اول مره اصير متمرده عليها . وقررت خلاص انو رضا لازم ينتهي من حياتي وما عليه بي كافي نهيت ٥ سنوات من عمري واني هيمانه بحبه وهو اصلاااا مو بحالي . وفوكاها امي هيج تحجي وياي .

ماما جانت تعشق العراق وشكد شافت رغد بأيران وكلشي متوفر بس تضل تحن ع العراق وحته من واحد يجب طاري العراق تضل تبجي عليه . اني ضليت ع العمدن اشتري ملابس مثل الايرانيات وحته عباتي غيرتها سويتها نفسهن مع العلم جانت ماما هيه تخيط اليه والها عبي ع الطريقه العراقيه . وكمت احجي بأيران دائما وشعارات ايرانيه . هيج صار عندي نوع من التمرد وما اعرف شسوي . جان احساسي بوقتها ادري جاي اتصرف خطأ . بس حسيت كانو اني صديقتي الوحيده الي عرفت سري وكامت تعيرني بي .   فضليت ع الطالع والنازل اتعمد اخليها تضوج من تصرفاتي . جانت كلما تباوعلي امي احس عيونها تكلي نافستهم من وراج ممرتاحين . مع العلم هيه بس هذني المرتين حجتهن بس اني ضليت مستمره وحطيتهن ابالي .

بس كانت الايام ضدي وحالت بيني وبين اثبات انو اني ما احب رضا وبكل الطرق ردت اشرح فشلت  وكم مره كتلها احب واحد جوارينه وكم مره كتلها المدرس عاجبني بس هيه كانو تحس نو اني جاي اجذب عليها . وتدري بيه لسه احبه . دائما تكلي الله يشوفلج ابن حلال هسه بس صبري .

الى ان اجه يوم. ١٢ /١ / ١٩٨٧

كعدت من الصبح . اشتميت ريحه حرك كلش قويه ودخانيه بلبيت . رحت يمه وينج ...

ها شنو . ماااااماااااا

شفت امي واكعه بلمطبخ والكدر محترك حرك . تخبلت وج يمه اكعدددددي . ركضت صحت الجيران . اجو بسرعه وصاحو لرضا بيتهم جان قريب علينه .  ايام حزن وهم وقهر . الله انطاني امهات ثنين بس ولا وحده شبعت منها وبلاخص خالتي ام رضا راحت وجانت مقهوره مني . تأنيب ضمير بيه . الم موجع انو تروح امك هيه ما راضيه عليك . والاكبر منها انو تدري بنفسك متعمد تأذيها . مر شريط حياتي كله كبالي من يوم الي جانت تواسيني وربتني وتسبحني وتضفرلي شعري كصايب وتلبسني ملابس مستوره حته محد يطمع بيه على حجايتها . وتقريني الى ان وقت تمردي عليها وجنت متعمده احف واحط مكياج وجانت خطيه شكد تتعارك بس بعديش ما حسيت بقيمتها لمن رحت . فد الام صعب وبلاخص لمن تحس بيها ضحت على حسابك

زر والديك وقف على قبريهما

فكأنني بك قد نقلت إليهما

لو كنت حيث هما وكانا بالبقا

زاراك حبواً لا على قدميهما

* اختصرت هلاحداث لان الاحداث منا وجاي راح تبدي واني بطبعي ما احب اكتب القهر والمعاناه اني من يمي مقبوض كلبي فمن البارت القادم راح ابدي بلتفصيل ....

تحياتي للجميع ...

رحت وياهم للبيت جانت معصومه متضايقه من كعدتي وياهم هيج حسيتها . كوه على اعصابها . حجيها عربي . بس مو مثلي لا كانو كويتيه من تحجي اصلها من عبادان .

رضا جان مقهور لدرجه جان وده يموت وراها . هيه هووواي اشوفها تواسي وتواسيني .

ومرت الايام والاشهر  ورجع الوضع طبيعي ما اكول نسوها بس اكول تناسوها . رضا هونت عليه معصومه . وضل شاغل باله الاطفال . بس اني منو يهون عليه مصيبتي ضليت وحدي واللوم ياكل بكلبي .

صادف واحد من الايام الي طلعت بلصاله لكيتهم بوضع مريب يعني هيه بحظنه وتبوس بي وهو هم يبوس بيها . رجعت لغرفتي . قفلت الباب ونمت شكد كرهتم بهاي الليله . نمت حلمت بأمي لن جايبتلي بنيه كلش حلوه وتصيح الها حفيدتي وفرحانه بيها . وبلحلم لا رضا ولا معصومه ...

كعدت ما اعرف شنو هلحلم شنو تفسيره ما ادري . طلعت لكيتهم مموجودين طلعت بره شويه فتحت الشباج كلت خل اتنفس . واسمع صوتهم بنص الليل .

اوووو شبيهم ذوله . رجعت لغرفتي . نمت . كعدت الصبح الوجوه مكلبه

صباح الخير ...

رضا : صباح الخير

معصومه : وعليكم السلام

اني غلست كلت هو اني يمته سلمت . سويت ريوك لروحي . كال رضا : اني راح اخذ معصومه لطهران انتي شلون بيج ....

اضل وحدي يعني ....

لا تجين ويانه ....

اي بكيفكم . بس خاف ازعجكم ....

حتلو تزعجينا نعوفج وحدج ....

لا عليش خلوني وروحو قابل صغيره ....

انجبي واسكتي ....

مرر هلايام رضا اول مره اشوفه يغلط عليه . يعني حسيته متهستر . مدري ليش . مع العلم اني ابد ما انطخيت بمعصومه من تزوجت ولحد الان ولا يوم كالتلي ع شغله دائما حتذا تريد اساعدها ....

معصومه حظرب روحج وحظري ملابسي حبابه حته باجر نروح ...

اذا متجيب التايت الوصيتك عليه ما اغسل ملابسك ....

لج بابا غالي والله . انتي متفكرين ورانه روحه لطهران وفحوصات ....

شلي شقل بيك ....

شنو شلج شغل يعني انتي تعاندين على حساب التايت ورانه روحه ....

اني ما يعجبني هلتايت ما يطلع الوصخ ....

صارت نهايته عركتهم ثنينهم عاندو لا رضا يجيب تايت ولا هيه وتغسل الملابس . وره ما راح . كامت طبت للحمام حطت ملابسها بمعجانه . وضلت تسحك عليهن وشالتهن وصعدتهن . طبيت اني لكيت ملابس رضا تارسه الحمام يلعبن الروح هنه وصخات وانوب بلحمام مخمخمات روحي جتي تطلع . كمت حطيت ملابسه غسلتهن بيدي وساعه اجلف بيهن انوب ملابسي وصعدت شريتهن . شويه واجتي معصومه .

انتي شلج شقل بملابس رضا ....

ما غسلتهن كلهن بعد اكو ....

وشلج شقل انتي ....

بابا متشوفيهن جايفات شنو انتي ما عندج احساس الولد بيمن يطلع ....

وانتي شدخلج اني اريده يجيب غير نوعيه ...

يجيبلج بس دغسلسي ذني خطيه متشوفي لازك بملابسه صارله ٣ ايام ....

مالج شقل بينه سمعتي يولا ....

ما مدخله وحته لتكوليله اني غسلتهن علما يجيب ....

احترك كلبها كامت جرت الملابس دغمثتهن بلسطح وترستهن ترس تربان . ملابسي وملابس رضا .

طكن عندي لميت الملابس كلهن . ونزلت على العناد غسلتهن مره ثانيه وحته الي خليتهن ما غاسلتهن هم غسلتهن . وصعدت شريتهن . وهيه ضلت تصيح وتغلط . اخر شي اجه رضا . كالتله جبت تايت لو لا ...

يبوووو من نرجع من السفر ....

هاي مو وضعيه تره ع تايت صارلي سبوع الح ....

يجرالج التايت بس وره منرجع من طهران ....

وشنو قيمه فلوس التايت يعني .....

هسه انزل اجيبلج .....

راح نزل جاب تايت الي رادته واجتي شفته كلت بكلبي حظ الخايسه كبر . رجعت سمعتها تكله واني غسلت ملابسك كلهن .....

عاشت ايدج حبيبتي ....

سكتت ما حجيت بعد . كلت عليمن اتعب روحي ويا .  وصدك سافرنه ثاني يوم رحنه لطهران .

عافوني بشقه وراحو . راحو سوو فحوصات واجو هو خايف وهيه خايفه .

وجانت النتيجه ثاني يوم انو مستحيل يصير عدهم اطفال طبيعيين لان عدها مرض بلدم * مصاب بفقر الدم المنجلي * وهلشي جان بوقتها كلش صعب عليهم رجعو مكسورين كسر . وهيه تبجي وهو كوه عصبي صاير ناررر

.......

سلام عليكم / اني رضا شاب حال اي شاب عراقي من نولد والحظ السيء اجه ويا وعفت العراق ورجع الحظ الاغبر يركض ورايه ولحكني لايران . الى ان تعرفت على معصومه . الي جانت بلجنسيه اسمها عصمت . طالبه * شريعه * اول ما شفتها رف كلبي الها . بس اني طبعي كتوم ما احب ابين للناس مشاعري . ومرت الايام وما حصلت مني معصومه غير النظرات يمكن جانت هيه اشجع مني واعترفت بحبها اليه . وراها اني كوتلها رايدج حلال اذا تقبلين اتقدم الج . طبعا عادي عدهم همه تضل غلى غلاقه بلرجال شي ٥ سنوات لحد ما يتوضفون وتعرف اطباعه بدون ممارسه جنسيه بس اني جنت احبها فما ردت اضل بس علاقه وكللت هلحب بلزواج .  عرفت معنى الحب وي معصومه حياتي كلها تغيرت من يوم دخلت بحياتي . وبسرعه قدمت على تعين بوحده من الشركات وانقبلت وصار عندي خير من الله مال وجهاه وبيت وزوجه  . معصومه مره مؤمنه شخصيتها قويه شكلها طبيعي يعني ما متصنعه سمره عيونها كبار ضعيفه . حبتني بصدق وما عندنه كل خلل بحياتنه يمكن اسعد ثنين بلعالم . بس خو الدنيا دار اختبار الله خله اختبارنه بشغله الاطفال . مرت الايام ونقرر نسوي طفل وكلما يصير لو يموت لو مشوه وحته المشوه يموت . هاي المشكله الي عقدت حياتنه اني وياها ... وبلاخص من درينه انو هيه حامل لهل صفه مال دم يعني يحتاج عمليه لازم تزرع خلايا جذعيه

((((توفر زراعة النخاع العظمي، التي تُعرف كذلك باسم زراعة الخلايا الجذعية، العلاج الوحيد الممكن لفقر الدم المنجلي. وعادةً ما يتم إجراءها للأفراد الذين تقل أعمارهم عن 16 عامًا نظرًا لتزايد المخاطر بالنسبة للأفراد الذين تتخطى أعمارهم 16 عامًا. العثور على متبرع يعد أمرًا يتسم بالصعوبة، كما أن العملية تتسم بمخاطر بالغة ترتبط بها، بما في ذلك الوفاة.)))

بوكتها جانت خطره وصعبه ومو اي دكتور يسويها واحتمال ضعيف انو جسمها يستجيب للزرع  .

فلازم نسافر للخارج وجانت ايران بحرب فصار كل شي ضدنا وضد سعادتنه . هاي المرأه الي حبتني وحبيتها تحولت الى وحش كاسر بعد هذا الخبر . كمت احسها صارت بيها حاله نفسيه . واني هم تعبت من التفكير . ضليت بس افكر بهلموضوع .

رضا ....

ها حبيبتي ....

اريد طفل شلون .....

حبيبتي اراده الله ميصير شنو اسوي .....

بس احس نفسي مو كامله ...

ماكو انسان كامل والكمال لله .....

رضا تزوج ....

التفتت الها . ههههه معقوله . معصومه انتي تغارين عليه من الهوه ...

اول طفل اني اربي ....

مستحيل حبيبي ما اسوي هلشي . ما اريد اطفال ....

رضا بس اني اريد ....

هو شنو الي تردي مثلا ....

وين الكاها هاي الي ترديها تنطي الطفل .....

ليش اكو ....

هههه روحي معصومه انب تعبان ومالي خلك ....

زهراء موجوده ....

هههههه انتي مخبله زهراء اختي .....

لا مو اختك .....

معصومه حجايه ثانيه متحجين بهلموضوع .....

بس هيه ممعتبرتك اخو ...

معصووووومه جاي اكلج اسكتي زهراء اختي وبسسس .....

هيه اصلا كاتله روحه عليك . وانت متدري .....

كمت ضربتها راشدي شكد سخيفه وانانيه ومتفكرين بس بنفسج ...

اني انانيه مو زين افكر يصير النه طفل ....

هو شلون النه بس اريد افتهم هو اصلا مو ابنج ....

انت اشرط عليها ....

مجنونه اني مو صاحيه زهراء طفله ويستحيل اخليها تشارك بهاي اللعبه لو اعرف عمري كله اضل بدون اطفال باجر عكبه تزوج ليش اكسر ركبتها واضافه الى هذا الموضوع . زهراء اختي اكو واحد تدنه نفسه على اخته . اني مربيها لمن جانت صغيره .....

رضا اني ما اكمل بهلزواج هذا . اريد طفل ....

يعني انتي تهدديني كأنو الصوج مني ....

اذا نتبنه طفل .....

هو شنو نتبنه نجيب نغل نطببه يمنه انتي كل عقلج . وينه ايمانج صلاتج صومج .....

ملخص الحجي الي دار عرفت معصومه فكرها تغير او جاي تحجي من الصدمه النفسيه الي صارت بيها وهاي بعدنه باول ايامنه اول ما طلعت النتائج فاذا بعد مرور ايام واشهر شتسوي . مرت الايام وصارت المشاكل بين زهراء ومعصومه .  وصارت كل شي معصومه تحط روحها بي . الى ان اجه اليوم الي زهراء تنخطب بي  *لاغا حيدري *

شاب ايراني حامل لكل المواصفات الي اي مره تتمناها طول جمال مال وبيت .....

.

* بعض الاحيان الحب يحتاج تضحيه ... *

اريد توقعاتكم عن القصه شلون راح تصير .

زينب علي ....

قدمت قرباني ....

خانوم صفيه . ام حيدري . الي هوه اسمه حسين علي حيدري .

جانت جوارينه وتعرف امي وكلش تحبها وجانن صديقات . خطبتني لابنها حسين . جان حلو وجميل بحيث النسوان جانن كولهن كاتلات رواحهن عليه .

ها بشري شنو جوابج .....

ما ادري ...

معصومه : اني برأيي مو زين ....

زهراء : ليش ....

معصومه : هذا بلجيش واحتمال ع ساعه يموت ....

رضا : لا ليش اذا خوش انسان ليش تخلين هيج شغلات براسج ...

يحجي ويخزر بمعصومه .

منو يكول الكه انسان احسن منه ....

معصومه : بعدج صغيره احتمال تلكين الانسان الي تحبي ...

اني نزلت راسي كتلها اي صحيح الكه الانسان الي احبه ....

طلعت كلت الهم بعدين نحجي بهلموضوع . طبيت بغرفتي ضلبت صافنه عقلي فاااارغ مابي مجال مال تفكير . طبت معصومه شلونج ....

الحمد لله ....

امممم خدايا شكرت ..... *الشكر لله *

ههههه تعالي تفضلي ....

اجيت يمي زهراء اريد احاجيج بموضوع .....

شنو ....

رضا رايدج بس يستحي يكول خاف متقبل وحاسبتني مثل اخوها .....

شنو .....

عاده عليه الحجي مره وثنين وتلاثه واربعه واني احس نفسي بحلم سالتها شنو ما افتهم وهيه تشرح وتعيد تالي كتلها وانتي قابله ....

اني احب رضا وما اريد اعوفه ع الاقل ياخذ وحده تحبه ومتفرط بي ....

روحي معصومه عقلي مشوش ....

كامت عافتني وراحت واني صافنه صدك جذب معقوله هيج هههههه رضا يريدني وين جان عني . وليش اله هسه بلذات .

ثاني يوم اجتي الصبح ها فكرتي ...

لا ما فكرت ولا راح افكر ....

يعني انت موافقه بالاغا .....

اي موافقه ....

جانت الصدمه بوجهه داير مداير وجهه مستغربه . حسيتها ضامه فد شي بس شنو ما اعرفه . اول شي اجه ابالي كلت متريدني اخذه لان حلو وحالته زينه . ماواعرف كلشي اجه ابالي بس الشغله الحقيقيه راحتت من دماغي بساعتها .

رضا : ها زهوري موافقه ....

اي موافقه .....

كام باسني براسي وشبكني عفيه عليج خيتي البطله .

طبيت للغرفه . واسمها تبجي وتكله ليش هيج تسوي . وهو يتعارك ويتفارس وياها يكلها مالي نفس بيها انتي متفتمين ؟؟؟؟

طلعت كتلهم شنو السالفه .

رضا ارتبك كال ماكو شي .

معصومه : اجتي تركض . لزمتني من ايدي بتوسل . زهراء انتي تحبين رضا لو لا ...

اني جمدت بمكاني . زهراء احجي حبابه تحبين رضا لو لا ....

شنو شبيج .

ماحسيت اله على رضا سحل معصومه من شعرها للغرفه وضربها موتها . اسمع معصومه تكله لو تموت ما اضل وياك بعد اريد طفل واذا تزوج غيري راح تنساني ع الاقل هاي مالك نفس بيها شنو ذنبي اني اتحمل ع الاقل اضل وياك . احبك ما اكدر اعوفك .

وهو يكل الها هيه كوه خو اتزوج غيرها ما اريدها جاي اكلج . لمت غراضها وراحت .

اني عرفت الفلم بدون ما واحد يشرحلي وصارت الصوره واضحه . طلعت شفتها كتلها بكلبي شكد خبيثه متهتمين بس بنفسج كرهتها كمت اموت منها اول مره احقد ع بشر هيج . صح جنت ما احبها بس ابد ما تمنيت يوم تتأذه بس هلمره كلش كرهتها وتمنيت من الله يحرك كلبها نفس ما حركت كلبي حاسبتني لان محد الي تريد تستغلني .

طلعت راحت لبيت اهلها . وضل رضا كالب خلقته واني هم كلبت خلقتي . كتله اني موافقه اتزوج الولد لتربطوني بحياتكم ...

رضا فتح عيونه خزرني . لج انتي منو مدخلج بحياته فوك ما جاي ادافعلج وهيج تحجين ...

لا ادافعلي ولا هم يحزنون اني موافقه ع الولد وخلاص .

طبج مرض متوافقين منو لازمج هاي حياتج وانتي حره شنو تسوي وشنو الي تردي .

وصارت ايام وتقدم الولد بعد الايراني شتكله المره كال حااااظر . حفيت وجهي وصبغت شعري ورتبت روحي وهذا الحجي جان سنه ال١٩٨٨

بدت خطبتي من حسين الي جان بلجيش حان فترات ينزل يشوف اهله ومرات يروح للدوام . جان اول ما ينزل بوجه اليه . اول ما يطب جايب ويا شي مستحيل يوم من الايام يجي فارغ غركني بلهدايا .

دللني دلال جان بأجازته يشتريلي الي يعجبني اني مو كلش افرح من يجي احس فد شي وخانكني من اشوفه وابدزما دك كلبي اله .

ومعصومه ما اعرف عن خبرها غير بس هيه تريد طفل بكل وسيله هذا الي افتهمته ومتقبل  ترجع ضلت ابيت اهلها وشرطها يتبنه طفل رضا يلا تقبل . ومنين يتبنه طفل هذا الي ما اعرفه ؟؟؟؟

اني بدوري حاولت اتناساه لرضا لان عرفته مو اليه ولا راح يحبني مثل ما اني احبه  شكد جان يحبني حسين بس ابد ما حسيت بحبه هيج احس ما عنده رجوله تخبلت من عنده . مو بيدي اني صغيره كل عمري ١٨ سنه انوب هذا هم بس ازعل ويا يرجع يراضيني ويتوسل بيه توسل مو بيدي كرهته كلش . واني منا ما اطيقه .

الى ان صار يوم ٢٠ / ٨/ ١٩٨٨

بهذا اليوم انتهت الحرب بين ايران والعراق . اجه حسين للبيت اني لبست وعدلت روحي . ورتبت نفسي . شافني راد يتخبل . كام باسني بكصتي  لان رضا  جان كاعد وضلينه كاعدين وحسين يحوص ورضا هم يباوع ما عاجبه الوضع .

شويه وكام رضا كال اني عندي شغل * يقصد كون شويه ويطلع *

اول ما كام رضا تقرب اليه وباسني بحلكي ويكلي مشتاقلج وصوته متنهد وتعبان  حسيت لعبت روحي وردت اتقيء وخرته عني لعبت نفسي ، شبكني وخله ايده ع خلفيتي وضل يخوس بجسمي اني اجيت اصيح من ورا لان كلش بعد ما اتحمل  . فتح الباب رضا ستوه يريد يحجي مدري شنو جان ناوي يحجي وشافنه اني خجلت كلش منه . وهو صار عصبي نار .

حسين رجع وعافني وكعد بمكانه . طب رضا فهمه كله اريد اروح ولازم تطلع هسه . حسين قبل وجان مستحي من رضا خله وشرد مثل الجبنان  . كلش كرهته بيومها حسيت نفسي رخيصه وهو هم جبنان حته استحه يباوع لرضا . 

رجعلي رضا : شنو هذا الجان يصير ....

شنو ....

حسيت صارت عيونه حمر كام ينفخ مسح عيونه وكال اني طالع شويه وارجع .....

راح ورجع عصبي ومطنكر . ضل الوقت كله يحوص ويريد يحجي بلموضوع بس اني ما انطي مجال بعد . ومن هلحادث حسين بعد ما اجه .

مرور ع هذا الحادث ما يقارب شي اسبوع رجعت معصومه وجان رضا ضايج من رجعتها لان عافته كل هلفتره وهيه تكله احبك وتتملق اله . اني فتت لغرفتي حته ما سلمت عليه . وره شويه حسيت صوت ضحكاتهم تارسه البيت عرفت رجعت الماي لمجاريها .

معصومه : صباح الخير . .

اني ما رديت عليها . شويه واجه رضا . سلم . سلمت عليه بس منزله راسي . اول ما كعد عفته ورحت

كالتله ها مو اكلك تحبك ...

هم رجعنه لهلموضوع ....

لا ما رجعنه بس جاي اراويك ....

مره ثانيه اذا اتفتح هلموضوع كل واحد يروح بحاله ....

هاااا لازم مليت مني طبعا شلون . لازم تريدلك طفل  ....

شمر عليها السفره وطلع . من هلحظه صار رضا ٢٤ ساعه  عصبي وهيه بس تنغط طفل اريد طفل . وبدت حدت الصراعات بينهم هيه تكله اريد طفل خل نتبنه وخو يكلها مستحيل اتبنه طفل . هيه تكله اريد طفل راح اتخبل وهو يكلها اني قابل بيج هيج واذا ضليتي تلحين اله زهراء مستحيل ما اتزوجها واتزوج غيرها . ومعصومه تكله طلكني قبل لا تزوج وحده ثانيه . عود تضغط عليه لان تدري بي يحبها .  بعد مرور ايام طلعت معصومه وراحت لبيت اهلها والسبب غير معروف حته بدون مشكله .

رجعت للبيت وره يومين جايبه طفل وياها ومن هلحظه صارت مشاكل دك وطردها رضا هيه والطفل .

يوم ١٣ /١٢/ ١٩٨٨

طلبت الطلاق معصومه . وجان واقع هلقرار كلش مؤلم لرضا . حسيته صار حزين الى درجه . وقانون حمايه الاسره اخذ من رضا هووووواي حيل وايام يلا كدر يخلص من اجراءات الطلاق . جانت معصومه اول حب بحياه رضا بحيث اياااام جان يبجي عليها . حسيت بي . كبر يمكن ٢٠ سنه . كلش انقهرت عليه .

اني بلنسبه اليه ما نطخيت بيهم وحته رضا حسيت مو ذاك الحب الي جنت متقاتله عليه . صح هو ما اذاني بس بعد طابت كلبي من ناحيته . ما اعرف احتمال نضجت او ضروف ما ادري وبلنسبه لحسين جنت اعرف زواجي منه شي مستحيل . مو هذا الرجال الي ابالي . صح رضا معشعش بدماغي بس المهم اني حسين ما مقتنعه بي .

بين رضا ضايج وكاعد وحده ومقهور ع معصومه . اجيت كتله اريد افسخ .....

زهرااااء تره روحي خلاصنه اني .....

ما اريده ....

هو شنو الي متردي . هسه ما اكدر احجي ....

ليش احجي ، ليش ضام بكلبك .....

طلاك ماكو امشي ولي منا يلا .....

وزواج ماكو لو اموت جنازتي تطلع منا وما اطلع .....

ركض ورايه راد يضربني سحلني من شعري . تعااااي ، شكو خلت ابالج معصومه شي تردين تطلكين ع حسابه .....

دولي اني بحالك ، وخلت ابالي معصومه شي ، لا بس اني ابالي شخص ثاني ، وحسين ما اريده .....

ها والتمصمص الشفته ....

عيب هيج تحجي تأدب .....

اتأدب ، اي اتأدب ليش لا

روحي بابا وكليله هلافندي اذا اجه خل يستعجل بلعرس ......

والله اشرد واسويلكم مكسوره .....

اي شردي علوا اخلص منج .....

كاعده ع كلبك .....

لا كاعده ابيتي ....

قحط يجوز يجيني بعد جم يوم رجال عراقي يخبل واقبل بي ....

رجال عراقي ، وشبي العجمي .....

فاهي يلعب النفس ....

كومي لا اسلكج بنعال يكعدج وزن يلا ولي فاهي القندره منين متعلمه  هلحجايه .....

اي شنو والله فاهين ....

انبجي لج .....

هسه شحاجيه اني قابل حته هاي حرام .....

مو حرام بس عيب . هيج تحجين انتي بنيه  ....

شنو العيب بلموضوع ....

زهراء امشي ولي واسكتي يلا بسرعه على غرفتج .. صدك نسيت اكلج شفت وحده عراقيه كلش عجبتني حظري روحج خل نخطبها ....

شنو مواصفاتها  الخانوم الجديده ......

بيضه وطويله لا اكلج ولاوتكليلي حاجيه وحده منج تشبعج دك ....

تشبعني لو اشبعك ....

اويلي على الله اني قابل حتلو ....

رضا شكد تلعب الروح شنو هاي . ولي منا ....

هههههههاااااي لج بابه بس تشوفيها تعجبج والله .....

عود من نروح الله كريم ....

*قد يتلفت اليك القدر فجأه فتكون انت المقصود *

توقعاتكم للقادم .

زينب علي ....

قدمت قرباني ....

خانوم صفيه . ام حيدري . الي هوه اسمه حسين علي حيدري .

جانت جوارينه وتعرف امي وكلش تحبها وجانن صديقات . خطبتني لابنها حسين . جان حلو وجميل بحيث النسوان جانن كولهن كاتلات رواحهن عليه .

ها بشري شنو جوابج .....

ما ادري ...

معصومه : اني برأيي مو زين ....

زهراء : ليش ....

معصومه : هذا بلجيش واحتمال ع ساعه يموت ....

رضا : لا ليش اذا خوش انسان ليش تخلين هيج شغلات براسج ...

يحجي ويخزر بمعصومه .

منو يكول الكه انسان احسن منه ....

معصومه : بعدج صغيره احتمال تلكين الانسان الي تحبي ...

اني نزلت راسي كتلها اي صحيح الكه الانسان الي احبه ....

طلعت كلت الهم بعدين نحجي بهلموضوع . طبيت بغرفتي ضلبت صافنه عقلي فاااارغ مابي مجال مال تفكير . طبت معصومه شلونج ....

الحمد لله ....

امممم خدايا شكرت ..... *الشكر لله *

ههههه تعالي تفضلي ....

اجيت يمي زهراء اريد احاجيج بموضوع .....

شنو ....

رضا رايدج بس يستحي يكول خاف متقبل وحاسبتني مثل اخوها .....

شنو .....

عاده عليه الحجي مره وثنين وتلاثه واربعه واني احس نفسي بحلم سالتها شنو ما افتهم وهيه تشرح وتعيد تالي كتلها وانتي قابله ....

اني احب رضا وما اريد اعوفه ع الاقل ياخذ وحده تحبه ومتفرط بي ....

روحي معصومه عقلي مشوش ....

كامت عافتني وراحت واني صافنه صدك جذب معقوله هيج هههههه رضا يريدني وين جان عني . وليش اله هسه بلذات .

ثاني يوم اجتي الصبح ها فكرتي ...

لا ما فكرت ولا راح افكر ....

يعني انت موافقه بالاغا .....

اي موافقه ....

جانت الصدمه بوجهه داير مداير وجهه مستغربه . حسيتها ضامه فد شي بس شنو ما اعرفه . اول شي اجه ابالي كلت متريدني اخذه لان حلو وحالته زينه . ماواعرف كلشي اجه ابالي بس الشغله الحقيقيه راحتت من دماغي بساعتها .

رضا : ها زهوري موافقه ....

اي موافقه .....

كام باسني براسي وشبكني عفيه عليج خيتي البطله .

طبيت للغرفه . واسمها تبجي وتكله ليش هيج تسوي . وهو يتعارك ويتفارس وياها يكلها مالي نفس بيها انتي متفتمين ؟؟؟؟

طلعت كتلهم شنو السالفه .

رضا ارتبك كال ماكو شي .

معصومه : اجتي تركض . لزمتني من ايدي بتوسل . زهراء انتي تحبين رضا لو لا ...

اني جمدت بمكاني . زهراء احجي حبابه تحبين رضا لو لا ....

شنو شبيج .

ماحسيت اله على رضا سحل معصومه من شعرها للغرفه وضربها موتها . اسمع معصومه تكله لو تموت ما اضل وياك بعد اريد طفل واذا تزوج غيري راح تنساني ع الاقل هاي مالك نفس بيها شنو ذنبي اني اتحمل ع الاقل اضل وياك . احبك ما اكدر اعوفك .

وهو يكل الها هيه كوه خو اتزوج غيرها ما اريدها جاي اكلج . لمت غراضها وراحت .

اني عرفت الفلم بدون ما واحد يشرحلي وصارت الصوره واضحه . طلعت شفتها كتلها بكلبي شكد خبيثه متهتمين بس بنفسج كرهتها كمت اموت منها اول مره احقد ع بشر هيج . صح جنت ما احبها بس ابد ما تمنيت يوم تتأذه بس هلمره كلش كرهتها وتمنيت من الله يحرك كلبها نفس ما حركت كلبي حاسبتني لان محد الي تريد تستغلني .

طلعت راحت لبيت اهلها . وضل رضا كالب خلقته واني هم كلبت خلقتي . كتله اني موافقه اتزوج الولد لتربطوني بحياتكم ...

رضا فتح عيونه خزرني . لج انتي منو مدخلج بحياته فوك ما جاي ادافعلج وهيج تحجين ...

لا ادافعلي ولا هم يحزنون اني موافقه ع الولد وخلاص .

طبج مرض متوافقين منو لازمج هاي حياتج وانتي حره شنو تسوي وشنو الي تردي .

وصارت ايام وتقدم الولد بعد الايراني شتكله المره كال حااااظر . حفيت وجهي وصبغت شعري ورتبت روحي وهذا الحجي جان سنه ال١٩٨٨

بدت خطبتي من حسين الي جان بلجيش حان فترات ينزل يشوف اهله ومرات يروح للدوام . جان اول ما ينزل بوجه اليه . اول ما يطب جايب ويا شي مستحيل يوم من الايام يجي فارغ غركني بلهدايا .

دللني دلال جان بأجازته يشتريلي الي يعجبني اني مو كلش افرح من يجي احس فد شي وخانكني من اشوفه وابدزما دك كلبي اله .

ومعصومه ما اعرف عن خبرها غير بس هيه تريد طفل بكل وسيله هذا الي افتهمته ومتقبل ترجع ضلت ابيت اهلها وشرطها يتبنه طفل رضا يلا تقبل . ومنين يتبنه طفل هذا الي ما اعرفه ؟؟؟؟

اني بدوري حاولت اتناساه لرضا لان عرفته مو اليه ولا راح يحبني مثل ما اني احبه شكد جان يحبني حسين بس ابد ما حسيت بحبه هيج احس ما عنده رجوله تخبلت من عنده . مو بيدي اني صغيره كل عمري ١٨ سنه انوب هذا هم بس ازعل ويا يرجع يراضيني ويتوسل بيه توسل مو بيدي كرهته كلش . واني منا ما اطيقه .

الى ان صار يوم ٢٠ / ٨/ ١٩٨٨

بهذا اليوم انتهت الحرب بين ايران والعراق . اجه حسين للبيت اني لبست وعدلت روحي . ورتبت نفسي . شافني راد يتخبل . كام باسني بكصتي لان رضا جان كاعد وضلينه كاعدين وحسين يحوص ورضا هم يباوع ما عاجبه الوضع .

شويه وكام رضا كال اني عندي شغل * يقصد كون شويه ويطلع *

اول ما كام رضا تقرب اليه وباسني بحلكي ويكلي مشتاقلج وصوته متنهد وتعبان حسيت لعبت روحي وردت اتقيء وخرته عني لعبت نفسي ، شبكني وخله ايده ع خلفيتي وضل يخوس بجسمي اني اجيت اصيح من ورا لان كلش بعد ما اتحمل . فتح الباب رضا ستوه يريد يحجي مدري شنو جان ناوي يحجي وشافنه اني خجلت كلش منه . وهو صار عصبي نار .

حسين رجع وعافني وكعد بمكانه . طب رضا فهمه كله اريد اروح ولازم تطلع هسه . حسين قبل وجان مستحي من رضا خله وشرد مثل الجبنان . كلش كرهته بيومها حسيت نفسي رخيصه وهو هم جبنان حته استحه يباوع لرضا .

رجعلي رضا : شنو هذا الجان يصير ....

شنو ....

حسيت صارت عيونه حمر كام ينفخ مسح عيونه وكال اني طالع شويه وارجع .....

راح ورجع عصبي ومطنكر . ضل الوقت كله يحوص ويريد يحجي بلموضوع بس اني ما انطي مجال بعد . ومن هلحادث حسين بعد ما اجه .

مرور ع هذا الحادث ما يقارب شي اسبوع رجعت معصومه وجان رضا ضايج من رجعتها لان عافته كل هلفتره وهيه تكله احبك وتتملق اله . اني فتت لغرفتي حته ما سلمت عليه . وره شويه حسيت صوت ضحكاتهم تارسه البيت عرفت رجعت الماي لمجاريها .

معصومه : صباح الخير . .

اني ما رديت عليها . شويه واجه رضا . سلم . سلمت عليه بس منزله راسي . اول ما كعد عفته ورحت

كالتله ها مو اكلك تحبك ...

هم رجعنه لهلموضوع ....

لا ما رجعنه بس جاي اراويك ....

مره ثانيه اذا اتفتح هلموضوع كل واحد يروح بحاله ....

هاااا لازم مليت مني طبعا شلون . لازم تريدلك طفل ....

شمر عليها السفره وطلع . من هلحظه صار رضا ٢٤ ساعه عصبي وهيه بس تنغط طفل اريد طفل . وبدت حدت الصراعات بينهم هيه تكله اريد طفل خل نتبنه وخو يكلها مستحيل اتبنه طفل . هيه تكله اريد طفل راح اتخبل وهو يكلها اني قابل بيج هيج واذا ضليتي تلحين اله زهراء مستحيل ما اتزوجها واتزوج غيرها . ومعصومه تكله طلكني قبل لا تزوج وحده ثانيه . عود تضغط عليه لان تدري بي يحبها . بعد مرور ايام طلعت معصومه وراحت لبيت اهلها والسبب غير معروف حته بدون مشكله .

رجعت للبيت وره يومين جايبه طفل وياها ومن هلحظه صارت مشاكل دك وطردها رضا هيه والطفل .

يوم ١٣ /١٢/ ١٩٨٨

طلبت الطلاق معصومه . وجان واقع هلقرار كلش مؤلم لرضا . حسيته صار حزين الى درجه . وقانون حمايه الاسره اخذ من رضا هووووواي حيل وايام يلا كدر يخلص من اجراءات الطلاق . جانت معصومه اول حب بحياه رضا بحيث اياااام جان يبجي عليها . حسيت بي . كبر يمكن ٢٠ سنه . كلش انقهرت عليه .

اني بلنسبه اليه ما نطخيت بيهم وحته رضا حسيت مو ذاك الحب الي جنت متقاتله عليه . صح هو ما اذاني بس بعد طابت كلبي من ناحيته . ما اعرف احتمال نضجت او ضروف ما ادري وبلنسبه لحسين جنت اعرف زواجي منه شي مستحيل . مو هذا الرجال الي ابالي . صح رضا معشعش بدماغي بس المهم اني حسين ما مقتنعه بي .

بين رضا ضايج وكاعد وحده ومقهور ع معصومه . اجيت كتله اريد افسخ .....

زهرااااء تره روحي خلاصنه اني .....

ما اريده ....

هو شنو الي متردي . هسه ما اكدر احجي ....

ليش احجي ، ليش ضام بكلبك .....

طلاك ماكو امشي ولي منا يلا .....

وزواج ماكو لو اموت جنازتي تطلع منا وما اطلع .....

ركض ورايه راد يضربني سحلني من شعري . تعااااي ، شكو خلت ابالج معصومه شي تردين تطلكين ع حسابه .....

دولي اني بحالك ، وخلت ابالي معصومه شي ، لا بس اني ابالي شخص ثاني ، وحسين ما اريده .....

ها والتمصمص الشفته ....

عيب هيج تحجي تأدب .....

اتأدب ، اي اتأدب ليش لا

روحي بابا وكليله هلافندي اذا اجه خل يستعجل بلعرس ......

والله اشرد واسويلكم مكسوره .....

اي شردي علوا اخلص منج .....

كاعده ع كلبك .....

لا كاعده ابيتي ....

قحط يجوز يجيني بعد جم يوم رجال عراقي يخبل واقبل بي ....

رجال عراقي ، وشبي العجمي .....

فاهي يلعب النفس ....

كومي لا اسلكج بنعال يكعدج وزن يلا ولي فاهي القندره منين متعلمه هلحجايه .....

اي شنو والله فاهين ....

انبجي لج .....

هسه شحاجيه اني قابل حته هاي حرام .....

مو حرام بس عيب . هيج تحجين انتي بنيه ....

شنو العيب بلموضوع ....

زهراء امشي ولي واسكتي يلا بسرعه على غرفتج .. صدك نسيت اكلج شفت وحده عراقيه كلش عجبتني حظري روحج خل نخطبها ....

شنو مواصفاتها الخانوم الجديده ......

بيضه وطويله لا اكلج ولاوتكليلي حاجيه وحده منج تشبعج دك ....

تشبعني لو اشبعك دك  ....

اويلي على الله اني قابل حتلو ....

رضا شكد تلعب الروح شنو هاي . ولي منا ....

هههههههاااااي لج بابه بس تشوفيها تعجبج والله .....

عود من نروح الله كريم ....

*قد يتلفت اليك القدر فجأه فتكون انت المقصود *

توقعاتكم للقادم .

زينب علي

قدمت قرباني ....

رضا /

سنه ١٩٨٩ . بعد مجان الحب ياخذ كل فكري وكل حياتي اشوف الانسانه الي حبيتها تعيش وي غيري وسعيده وكأنو اني جنت سبب بتعاستها . خليها براحتها . وجان ابالي شي واحد الباعك لتشتري . مو اني الي اركض وراها . نهت كلشي بقرار محكم . وجان اجمل حب انتهى امام القاضي بعد موافقته على اوراق الطراق . ضاهريا معصومه انتهت من حياتي وباطنيااا جانت كل حياتي بس راح احاول انساها .

مرت الايام بيه وكأنو اني جثه بدونها سنتين اضحك وداخلي ينزف واكف وحيلي بايد . الرجال مينكسر من شويه الي تهده وفاه امه وفراق الانسانه الي تحبها . وهاي اني فارقت الاثنين . ومجان ابالي  مجرد اعيش حياتي اعيش يومي شلووون مجان .

سنه ١٩٩٠

صباح الخير رضا ....

صباح النور ....

اكولك شوكت تاخذني اشتري ملابس ....

رضا صااافن ميحجي . اكلك محتاجه ملابس ....

ميخالف من افرغ ....

اريد اداوم حرام عليك ورايه دوام .....

الله كريم ....

رضا فدوه ....

جاي اكلك اييي من افرغ عود .....

رضا اريد اسال سؤال اذا تقدملي واحد بلجامعه تقبل ....

رضا فتح عيونه حيل . انتي رايحه تدرسين لو شنو ؟؟؟؟ هذاك وكلتي ما اريده وعفتي هسه شنو تردين واحد يكسر راسج ....

رضا شبيك انت ليش هيج لئيم غير افكر بمستقبلي ....

اذا تتوقعين الرجال او الزواج مستقبل فهذا بحد ذاته غباء .....

لعد شنو المستقبل برأيك ....

تكملين دراسه تشتغلين تشترين سياره وتزوجين حته انتي تكونين روحج وتصيرين قويه مو ضعيفه اني احتمال باي وقت اموت ....

اسم الله عليك رضا شنو هلحجي ....

اي جاي احجي الحقيقه . متدرين شنو الله ضاملج وشنو الله كاتبلج وما اريدج تضعفين وتخلين اي احد يستغلج ....

رضاوي لتخاف عليه اني مره حوك ....

انشاء الله هو اريدج هيج قويه ....

انت تدري لو اريد احد يستغلني حان وافقت قبل ٣ سنوات .....

سكت مجاوبني . كام . كلي راح اصلي بس صبي الغده حته اطلع ....

اي . كمت صبيت الغده . تغدينه سويه هو ياكل واني اباوع عليه . هههههع فديته عيونه شلون مجرورات . اكلك رضا عيونك عليمن هيج حلوه .....

ههههه عساس عيونج مو حلوه ....

تفاجأت من هيج حجه . معقوله رضا منتبه لعيوني . ههههه صدوك رضا عيوني حلوه ؟؟؟ ..  ....

شال راسه من الاكل . زهراء اكلي واسكتي ....

عابت شجاك ....

خزرني بعينه .

كافي راح تنشك عيونك من الفتحه ....

رفع حاجبه كومي يلا ولي منا .....

ما !!!!!!  اريد اكل ....

كومي ماكو اكل ....

ماااا ....

كومي لج ....

كمت عفت وحده وطبيت بلغرفه ووووووووووووي راح اتخبل عقلي كله راح ينجن من ورا سودني هلرجال هذا .

ع افكاري بي وهو ابالي . ٢٤ ساعه اسمع صوته من يصلي يمااااي فديت الصوت البي بحه . وراها فات للغرفه . رحت باوعت من فتحت القفل شفته جاي ينزع هدومه . ههههه كلت خل اشرد لا يفتح الباب عليه .

طرت لغرفتي ركض . شويه وهدأت الاصوات رجعت شفته من فتحته الباب . نايم ومخلي المخده جوه رجليه . ونايم على ايده هههه مو نومه هاي عركه .

شويه وحسيت صوته طلع . صاحلي بدون ميباوعلي محتاجه شي اجيب للعشه ....

جيب لحم خل اسوي كباب ....

تخيلت روحي اكله حبيبي الله وياك ممحتاجين شي . راح اتخبل دخيلك ربي . ثبتنه ع العقل والدين يا الله . الولد طلع وراح واني افكاري وييييين ....

* خل اشرحلكم بلتفصيل . اني ورضا كاعدين ابيت اخوان ومو اخوان . هو يعاملني مثل اخته واني كلبي مفرفر عليه حته من احجي هيج اريد احرك كلبه   وهو يفكر اني اخته . شايله مسؤليه الزوجه الي تنضف وتطبخ وهو بس ياكل هههههه بس كل واحد بغرفه . ممنوع اجاوز وادخل غرفته قبل لا ادك الباب  . ولمن يطلع يلا انضفها . ممنوع ابخوش بغراضه بس اني ابحوش ههههه ما اكدر اصبر . يمكن عمره كله مفات لغرفتي حته جنه لمن اتعارك اسد الباب واطب وهو ميفتحها ابد يدك بلباب ويصيح طلعي اريد احجي وياج .

يشبكني بس بحدود الاخوه واني عمري مفكرت بي اخويه بس لمن جان عمري ١٠ سنوات . مشكلتي احب رضا واموت عليه ويوميه افكر اطلعه من بالي واكول هسه يطلع تالي ميطلع وارجع وبقوه عليه . عشق مكبوت بداخلي ما يقارب ١٠ سنوات . من لمن جنت صغيره وكبر وياي . اغار عليه بس ما بيدي اسوي شي . حته من احجي استحي منه لان احس بي معتبرني اخته . مخلص الحجي رضا ابن كلبي الي ربه وعاش بي *

مشكلتي وي رضا ما شفت واحد قنع عقلي مثله . اول شي مو من ذوله الهمج والي يضربون لو يعتدون على مره ابدددد .

ولا يحطمها من كيانها بلعكس يسعى ان اصير شي ويصير اليه بيت وكيان ومستقبل وحته سياره وعمل خاص .

جميل شكله كلششش حلو .

حالته الماديه متوسطه . يعني مو من ذوله الغنايه الي تجيهم الفلوس بدون تعب . لا رجال شتغل وجاب مصرفه بأيده .

شريف الى درجه وابد متدني نفسه على مره اله حلاله . ما عنده سوالف مكسره . وبلاخص بايران جانت المخدرات ترررن بيها . والكبسله . هو ابد ما اله كل دخل بيها . صلاه صيام رجل ملتزم يعني اي مره يمكن تحلم بأضفره . ومشكلتي هو مكابلني وكاعد والمصيب الاكبر صارله ٣ سنوات كدامي عازب واني وصلت عندي مرحله ويا وبعد ما اتحمل . ههههههه

باجر حظري نفسج حته اخذج اشتريلج ملابس ....

شكرا ما اريد ....

بعد احسن ....

ها كيفت ....

طبعا كيفت هسه انتي شكد تخسريني . خلي فليساتي اليه احسن من ناس ما تستاهل .....

ناس ما تستاهل وفليساتك . ها يكحف ابو فليس . المن ضامهن فلوسك ....

باجر عكبه اتزوج واصرف عليها . بحالج . اجاج اغا حيدري هسه يجيج اغا حسيني واغا رضائي والاغوات كلها تصرف عليج يلا ولي ....

رضاوي مو انت تكول اني اخيتك الصغيره . فدوه العينك اشتريلي .. .

ابدددد كلام الملوك لاااا يعاااد ....

وشلون اني اضل هيج بدون ملابس .....

يطبج طوووب .....

والله ما عليه تشتريلي ....

لو تموتين .....

حباب .....

ولي لج ....

قربت روحي اله . جان نايم ع القنفه حطيت ايدي على شعره كمت العب بي . بسته بخده . باجر اشتريلي ملابس فدوه .

الله كريم ....

رحت عنه عفته حسيت كلبي اجه يطلع من مكانه مجاي اعرف اسيطر ع مشاعري وهو موجود راح اتخبل مو بيدي رضا مثل الجن ومتلبس بيه .

ثاني يوم رحنه اشتريت ملابس على ذوقه كلهن . وضميتهن فرحانه بيهن رجعت لبستهن وحده وحده . لليل اجه دك الباب مال غرفتي .

زهراء .....

فوت رضاوي فوت ....

طب رضا جايب اخذيه . كلي ذني الج ....

رخت شبكته خطيه حبيبي خسرتك هلمره ....

يلا شعندي غيرج ....

شبكني وخله ايده على راسي شويه وحسيته سحب نفسه مني . اوووف شسويلك حته بس تحس بيه وبنار كلبي ....

مرت الايام ودخلت اول سنه اليه بلجامعه شعور حلو انك توصل لهل مرحله بفخر . طبيت لابس ملابسي وفرحانه بيهن . وتعرفت ع بنات ايرانيات هم حبابات . وستمرت ايامي بلدراسه احتاج شي اروح لرضا يراجعني . رضا خطيه مو نفس اختصاصي بس يعني زين مرات يساعدني ..

تعرفت ع وحده من البنات همات عراقيه وصرنه صديقات اسمها ساره جميل صارت صديقتي بلروح وحده كلش حبيتها حسيتها قطعه مني . مرت الايام وهيه طلعت تحب ابن عمها ومتفقين على زواج وصاراها هواي ويا . وسالتني انتي هم تحبين . كتلها لا ...

جذابه ....

والله لا شبيج ....

والله جذابه عيونج كامت تلمع .. 

واذا لمعت عيوني . اني حبي مات قبل لا ينولد اصلاااااا ... 

يا ولج زوزه ليش ....

احب ابن خالتي وهو معتبرني اخته ....

هههه صدك ما كتيله احبك ....

اكلج معتبرني اخته شلون اكله احبك واذا كلي لا غير حته ما اباوع بخلقته ....

حته ترتاحين يأما اي يأما لا وتزوجين وتعيشين حياتج ....

هههه جربت وانخطبت وتمنيت انسا ما اكدر ....

هلوووو كلها هاي السوالف وين جنتي ضامتها ولج ....

اله اكلج حته تزوج كدام عيني وما سويت شي ما اكدر اذا رفضني اموت .....

اذا متزوج شلج بي تخربين حياته .....

طلك قبل ٣ سنوات ....

ولسه ضال بدون زواج ....

جان يحبها وعافته الغبره ....

هههههه ليش ....

هواي حجي سالفه شطولها ....

اني افضل تصارحي بلحقيقه . لو هااا عندي طريقه !!!!

.

* حته چلماته التغثني استاحشتهن *

ويجعل الله لك مخرجا من حيث لا تحتسب ....

لكم التعليق .

اشكر كل من عزاني وبلاخص ع المنصه عذروني حبيباتي تره والله ما كدرت ارد عليكم . تحياتي للجميع .

زينب علي ....

قدمت قرباني 🔞 ......

تمايلي كدامي . لبسي ضيك اشو جسمج يخبل . ادلعي حطي مكياج سويله اثاره . شوفي زوزه لازم تخلين حد لنهايه حبج هذا . يأما يقبل او يرفض ....

لج بابا استحي انتي كل عقلج . اني حفافه كوه احف . وهو معتبرني مثل اخته  ....

هسه طبعا مثل اخته لان هوه الي رباج . بس من تدلعين كدامه لا راح تتغيره الفكره ....

بس ما اتذكر معصومه جانت تلبس وتدلع . هو هيج جان يحبها ....

هذا فقير ما شايف واحد غيره اويلي لو يطيح بيدي شسوي بي ابهذل احواله ....

تأدبي ساره عيب هيج تحجين عليه ....

لج بابا تدرين احنه يا سنه هسه لو متدرين . سنه الف وتسعميه وتسعيييييين يعني بدايه الانفتاااااح . دشوفي الافلام يحظي وين عايشه بيا قرن انتي ....

ما ادري ولج .....

لج كبل امهاتنه كلهن يباوعن لكوكوش ((( ولدت گوگوش في ايران وكانت ممثله في  الستينات والسبعينات من القرن الماضي. وما زالوا معجبينها يستمعون إليها. لم تترك الفنانة إيران بعد الثورة الإيرانية بل بقيت ولكنها كانت ممنوعة من الغناء وتم منع أغانيها من البث. غادرت إيران نهائيا في عام 2000 ))) ويغنن بأغانيها . هسه انتي شجاج يحظي . لج اشتري ملابسج يخلنج كدامه ست مُلعب ..

ساره اني شعندي ملابس حته اضل اغري والله بطرانه ....

ما عندج نص ردان ....

لا ما يصير البس كدامه مو زين نازعه الحجاب منه جانت امي الله يرحمها يوميه تكلي تحجبي واني اغلس ....

اي ما مسويه اغرائات بشعرج ....

شوف هاي ....

ادري جا عليمن نازعه الحجاب اذا شعرج ضامته ومتلبسين كدامه شلون يشوفج ....

شيشوف متكليلي ....

دباعي جسمج يخبل كله تضاريس 😉 بابا ولج شوفي ادلعي كدامه . وامشي وره الجامعه هسه نضرب اخر محاظرتين ونشتري حاجات ....

خوش ....

رحنه ضربنه المحاظرتين واشتريت ورجعت للبيت اركض جني مسويه جريمه فلتت .

طبيت كمت اطبق الوصيات الي وصتني بيهن ساره .

اول شي انضف جسمي . وكعدت اهلس لا ساعه ولا ثنين الشعر نابت بكلبي . ويومين يلا خلصت جسمي لمن فحطت .

ثاني وصيه البس الملابس الضيكه وحته ابرز جسمي

واحف حته ابرز عيوني .

وووووو الف وصيه وصتني بيهن

وصار وقت التنفيذ .

هديت شعري وكلبته ع القنفه وحطيت الاوتي وكويته اشو جانت عندي هاي الطريقه احلى من الشسوار . ههههههه

وحفيت حاجبي ولبست ضيك بس اول مره هيج البس .

اجه رضا حسيته باوعلي ودار وجهه وفات للغرفه كبل .

اوووف الله يطيح حظج يا ساره ع هاي النصايح الي وكلتني عسل من وراج .

تالي اخر شي فكرت كلت صدك هيه منو مثلي هسه الزمن تغير شون اني هيج اضل افكر . لبست ثوب اسود وضيك ع الجسم كلش . بس مو كصير لان هو ما متعلم عليه هيج خاف يكول شطحت نطحت  .

بس شنو اختاريته كلش ضيك كلت اليوم اله اطبلك لو اعرف اموتك .

هديت شعري وامشي كدامه . باوعلي .ونزل راسه واني ضليت متعمده ادور وجهي كدامه وامشي وارفع وانزل .

زهراء كومي بدلي ....

طنننننن وجانت اول صاعقه . ليش .؟؟؟؟ ......

متستحين اكو وحده هيج تلبس ....

شبي تره هذا هديه ....

طاحظج وطاحظ الهداه الج . كومي يلا بدلي ..

كمت بدلت واني متفشله رجعت ملابسي جنهن كونيه تمن . متحلفه بساره اريد اركعها بلنعال على هاي النصايح ....

ثاني يوم سولفلها . كامت تحجي عليه . يغبره جان عاندتي يمطيه جان كتيله ما انزع ....

واذا حصلت دكه ....

واذا شكو ببها  حصلي من يبسطج دوري ضهرج حته يفقد ....

دروحي ساره عبالج فلم هندي شنو ....

شسويلج غير تردين حل ...

انتي بطرانه دوخري ...

رجعت للبيت . هم لبست ثوبي الضيك . بس غيره جان لونه اصفر ليموني . كلش حلو .

طب رضا . شافني اول ما طب بدون ميباوعلي زهراء روحي بدلي ملابسج . اني انطيته اذن الطرشه .

كومي صبي الغده ...

اي ....

مو كتلج اني بدلي ....

ما ابدل شبيهن ملابسي ....

زهرااء كومي بدلي لا كل راشدي اضربج بي يصحيج على زمانج ....

اياك وبالك تسويها والله اهج من البيت . لزم ايدي قوي سحبني اله . اي كملي وين ترحين لج .

بخوف ، ما اروح ....

عندج شي ....

لا ....

روحي بسرعه بدلي ملابسج ....

طبيت للغرفه مالتي بجييييت كلت اهو امداني نزلت كرامتي وهنت نفسي .....

كمت بدلت . شفت الملابس الي اشتريتهن فردشتهن بلكاع اكو واحد نيلي يخبل كلش عجبني . لبسته جاي اشوف روحي بي . شويه واندكت الباب .

زهراء ....

هااا ...

تعاي تغدي ....

ما اريد ....

صاح بصوت عالي . مو وياااااج .....

دك الباب حيل . كتله فوت . طب شافني لابسه الثوب  . هااي شلابسه ....

شلابسه ....

سد الباب وراح .

ستمريت على هذا لبسي وضليت كلش اضيك بملابسي .وهو كلما يشوفي يكول بدلي مرات ابدل لان يرزلني كلش ومرات اعاند وكمت البس بنطرون ضيك حته يبرز جسمي . ما فاد ويا اي شي وهلحجي ضليت شهرين ع نفس الترتيب . وكلما اروح للكليه تسالني ساره اذا ما تغير شي والجواب نفسه . اذا تحرك الحايط يتحرك رضا .

اخر شي اقترحت عليه انو اروح لغرفته واني بدون وعي اندفعت بدون تفكير . صار الليل وراح لغرفته رتبت روحي وعدلت نفسي . ورحت للغرفه . فتحت الباب ع كيف جان نايم بس ما غافي بس حاط ايده على كصته . حس عليه شال ايده ضل صافن . شعندج هنا !!!!!!!

رحت يمه بدون كلام كعدت ع جربايته قريبه عليه لزمت ايده وخر ايدي حطيت راسي ع صدره . زهراء كومي روحي لغرفتج .

رضا حس بيه والله راح اموت مو بيدي ....

كومي زهراء لغرفتج بسرعه ....

بس هاي الليله يمك الله يخليك ....

كومج لج وبسرعه روحي لغرفتج وبعد ما اريد اشوفج ....

شفته صار عصبي ورزلني رزاله ناااشفه غسل ولبس . اني نهضمت متتت .

رضا بعد ما اتحمل روحي راح تطلع حس بيه راح اموت من وراك ....

طلعيييييي بررره ....

دموعي كامن يصبن . كتله احبك بكل حركتي ونار ولهفتي احبك من الله خلقني وبعد ما تحمل هلجفا . مو بيدي شيل كلبي بلكي انساك .....

روحي لغرفتج ....

لتكول روحي . انهيها اليه اذبحها على قبله وياي ....

روحي لغرفتج وباجر انهيها .....

احبك رضا ومستحيل اتزوج غيرك لو اخلي اي احد يلزمني غيرك ....

انتي صغيره ومراهقه ....

مو مراهقه حس بيه والله مو حب مراهقه ما اكدر اطلعك من دماغي عبالي مراهقه من جان عمري ١١ سنه بس هسه لا والله اموت ولا اشوفك وي وحده غيري .....

ضل صافن رضا يشوفني ابجي ودموعي تصب . والحجي يطلع من كلبي . لزمني شبكني . كلي روحي لغرفتج كافي .

ما اروح اضل وياك .....

روحي زهراء ليش تخليني اضربج بنص الليل روحي ....

طلعت لغرفتي واني حسيت رجليه ميشيلني ع الحركه ابددددد . ونار موهجه بكلبي . بجيت الليل كله ....

رضا /

هاي الفتره كله زهراء تصرفاتها متغيره وحته لبسها حسيت من خلال حركاتها عرفتها شتقصد . ما اجذب صح بديت انجذب الها لان اني مشايفها هيج بس بنفس الوقت اني حاسبها صغيره وهيه طفله متفتهم اني على ابواب الاربعين عمري هسه ٣٧ سنه وهيه لسه ابدايه العشرين . جربت الحب وي معصومه وجان فاشل رغم ما اني جنت ناوي اكمل عمري وياها بس خلت الشيطان يدخل بأفكارها . فأريد مره بعمري تفتهمني جبيره ما اريدها زعطوطه . وقررت انو اتزوج حته تكطع الامل مني .

___________

كعدت من الصبح شفت رضا طلع حته بدون ريوك .

رضا ....

التفت اليه وعاقج حواجبه. شكو ....

وين رايح .....

مالج دخل ....

عافني وطلع . رحت ورا طلعت رحت لبيت صديقتي ساره وكمت ابجي شبعت بجي . وساره تسكت بيه وتواسيني .

ساره راح اموت شلون بيه ....

خاف ما عرفتي تحجين عدل ...

والله ما اذكر شحجيت بس اذكر فرغت الي بكلبي ....

زهوره كلبي عوفي معناتها ما يريدج ....

اذا صدك ما يريدني راح اعيش بغير بيت ....

عود صدك تحجين ....

شنو قابل اجذب جاي اكلج احترك من اشوفه كبالي . والله كل شبر بجسمي يحبه والله من ساسي لراسي هاويته ومشكلتي ما اهوه غيره . خل يروح يزوج واني وحق غريب طوس ما ازوج لو اموت . وحق هذا ابو محمد ما اخلي غيره يلزمني ابد لو اموت . خل يروح ما امنعه بس مو كدامي بكيفه ....

والله ما ادري شكلج من حب هذا مال مخابيل ....

شسوي ساره شسوي جان وي معصومه وكلت الي يحب يدور راحت الي يحبه ، عفته رغم ما جان كلبي ينزف عليه . وسكتت كلبي . هسه كليلي شلون اسكت كلبي وكمت احبه اضعااااف مضاعفه لحبي اله .....

تره تأخر الوقت زهراء وخاف رضا يقلق عليج ....

ما ارجع مو هسه ....

بكيفج حبي البيت بيتج ....

صارت الساعه ب ٦ كلت خل اروح . احسن ما يشوش عليه . وصلت للبيت لكيته واكف بلباب وشفايفه يابسه . اول ما شافني طب جوه . وصلت للبيت سديت الباب نسحلت من ملابسي وجرني سحلني شبعني كتل . وغلط اول مره هيج يغلط عليه اول مره اسمعه هيج يحجي وعصبي متخبل وضربني ضرب موتني بي . حته شعري وكعه بيده . عرفته مدور لمن ميت من ورايه . اخر شي ضال متانيتي لمن رجعت .

كمت اعرج من وره الضرب مالته سكطني تسكط . طبيت لغرفتي وما طلعت بعد . وصار الليل شبعت بجي .

رضا /

رجعت للبيت ما لكيتها بلبيت طالعه واليوم جمعه ما عدها دوام

رحت دورت عليها وين اسال يعني شكول نخطفت لو شردت شسوي وين ادور عليها . رحت للمجمعات الي قريبه علينه ماكو .

استحي اسال الجوارين عليها خاف تطلع سمعه علينه . واني كاعد واشوفها نزلت تتمخطر كلت دصبري خل اطبين للبيت اريد اشبعج دك حته اتوبين اطلعين مره ثانيه .

اول ما طبت طلعت قهري كله بيها . شفتها كامت تتوسل ما اضربها كسرت خاطري . ادري بيها ضايجه .

شويه وكامت لغرفتها واسمعها الليل كله تبجي وتنحب . دكيت باب غرفتها . بس تبجي مجاوبت . دكيت الباب . ما حجت . زهراء افتح الباب ...

لا روح لتفتح الباب ....

خل احجي وياج ....

ما اريدك كمت اكرهك اصلا روح .....

ههههه ماشي ....

اي ماشي يلا روح ....

فتحت الباب وفتت عليها لكيتها عيونها مورمات من البجي والخشم احمر والكفشه منفوشه .

مو كتلك روح شعندك جاي ...

تعاي يمي ....

كامت تبجي وتعيط وحجيها يوصوص رجليه توجعني ما اكدر امشي ....

هههههاااااي ....

اريد اكلج شغله شوفي اريد ازوج ....

متروح تزوج منو لازمك ....

هاااا صدك ....

اي صدك .....

اني عبالي تكتلين روحج ....

قحط عليمن اكتل روحي مو شبعتني كتل ستوك ما تستاهل ....

انتي من اطلعين غير تكولين . متكولين اكو احد يسأل عنج ...

بحالي هسه انت ....

خله ايده ع راسي . قرب راسي عليه . وخله ايده ع ضهري وضل ينزل ويصعد بأديه على ضهري . شبكني حيل . واني بحظنه نسيت الكتله الي حصلتها منه .

رفعت راسي اله . صار وجهي مقابيل وجهه باسني بخدي وباسني بحنجي . وضل يباوع ع حلكي . كتله يلا دتاخذ خيره . ضحك بصوت عالي وباسني بشفتي بوسه على كيييف .

اشوفج عبالج الزواج بس بوس ....

اي بس بوس ....

مو اكلج مراهقه ....

راح اثبتلك العكس . وهسه تشوف ....

تزوجيني ....

بتسمت اله . اي ....

*  اعتقد اننا نضجنا كفايه لمعرفه ان لا احد يغيب هكذا لمجرد الغياب الا اذا احب الشروق من مكان اخر . *

متابعه شيقه .....

توقعاتكم للقادم ....