تحميل رواية قدمت قرباني 🔞 بقلم زينب علي pdf

زينب علي ....

قدمت قرباني  .....

كام من يمي ركضت ورا . تعال لتروح ....

لا زهراء وخري خل تعدي الليله ع خير ....

لتسوي شي بس اشبكني ونام ....

دروحي بابا اشبكها . حجاره اني دروحي شو .....

عافني وراح لغرفته . كلت والله ولا افوتها اله . رحت ورا . سديت الباب . روحي زهراء بسرعه طلعي ....

ما اطلع والله ....

روحي لج واستري عليه تره كوه لازم روحي بروح امج اطلعي ....

لتخاف ما اغتصبك ....

شوف بت ال.... شتحجي . لج انتي منيلج هلجرأه جتني مثل البزونه شجاج متكليلي .....

ما اكدر بعد احبك ما اتحمل ....

اذا صدك تحبيني روحي منا هسه ....

ما اروح لو اموت .....

كام عافني وراح للاستقبال وقفلها عليه . عفته طلع وضليت بغرفته اشتم بملابسه . يمه ما اصدح واخيراااا . احبك يا سرسري اموووت غليك وضليت ابوس بملابسه لليل . حسيته فتح بابا الاستقبال . واجه للغرفه عباله راجعه بغرفتي . ركضت ختلت وره الباب . فتح الباب شافني ما موجوده . صفن شويه وطب سد الباب شافني . اخترع . عبالك تخلص مني .

اهووووووو ....

ركضت قفلت المفتاح وخليته بصدري . يلا تريد تروح . الله ومحمد وعلي وياك .

وتالي يربي . ولج خل تعدي بس هليله ....

هاي حطيته بصدري واذا تريد تعال طلعه ....

تقرب اليه شويه . شالني من رجليه وخلاني قريب على وجهه . باسني بشفتي وكلي بطلي سوالفج وصيري حبابه ....

والله ولا اصير . اني الله خلقني وكيحه ....

هههه ولج منين جبتي هلوكاحه ....

من وراك خبلتني شلوشتني احبك والحب اعمى ....

لزمني نومني ع الجربايه رفع ايديه ليفوك ولزمهن وحط جليه بين رجليه فتح صدري وطلع المفتاح باسني بصدري بوسه خفيفه وكلي يلا خل اروح .

ضليت وحدي مكرفصه وكاعده بمكاني حسيت ريكي ناااشف من وره حركاته اجيت اموت . جمدت بمكاني راح ومشه واني نايمه على جربايته واديه ثنينهن ليفوك عبالك جسمي توقف على نفس وضعيتي من جنت ويا

ثاني ويوم من الصبح كعدت سويتله رويك وكعدته كام شافني كاعده ونشيطه . كلي خاف بس تزوجين تتغوبرين

اضل طول عمري هيج الك . ولا اتغير اصلا .....

الله كريم خل نشوف ....

اكلج اني وره الغده نروح نعقد ....

يلا ....

انتي مكيفه ههعع ...

ليش ما اكيف يعني ....

امرج غريب ....

ليش غريب ما غريب الاالشيطان ....

خاف هاي نزوه وتالي تبطلين ....

نزوه شنو رضا تره  اني احبك كبل ١٠ سنوات وحبك انزرع بكلبي ....

سكت ما جاوبني . وصبت الغده وكملته وتغدينه وطلعنه تمشي السياره بيه واني اباوع لكفا . اكول هم يجي يوم واتندم هم يجي يوم واكرها . مستحيل ما اصدك يجي يوم ويطلع من كلبي رضا ابد ....

طبينه وعقدنه سويه وطلعنه كلبي مبارك عليج .

ضحكت كتله الله يبارك بيك . انت امنيه والله حققها اليه .....

باس راسي بنص الشارع والزم ايدي ومشه .

طبينه للبيت اني اول مره جنت تعبانه عبالك رضا جان حلم وتحقق وردت بس انام شويه ارتاح من التفكير الي اخذ كل حياااااتي .

فاجأني رضا بسحبه اليه . هدني رضا شبيك ....

ما بيه شي بس تعاي وياي .....

حطني ع الجربايه ونومني عليها باسني . ولك كافي .

ها موكتلج هاي نزوه شوفي البارحه وين واليوم وين ....

تقربت عليه كتله والله مو نزوه بس اريد اخذ راحه مال ١٠ سنوات حب ....

بس اني ما اتحمل بعد ....

عرفته خطيه كوه مصبر البارحه . تقربت اله بسته بشفته . هو عاد كام باسني بشفتي دارني على ضهري وصار ضهري بصدره وخر شعري جمعه وخلا كله على كتر واحظ ع الجهه اليسره  . طلع كلاده بيها طير ولبسنياها كال لتنزعيها من ركبتج هاي . كتله هاي من يغسلوني يسلموها الك بلمغتسل

لج زهراؤ هيج انتي تحبيني ....

روحي وعقلي وكلبي وعمري وكل كياني بيك . انت الانسان الي فتحت عيني عليك ....

شبكني حيل . وضل يبوس بيه وعدت ليلتنه كأنو اجمل عروسين الله خلقهم .

حبي اله جان شي وهسه صار شي . حسيت رضا اسعد رجال بلعالم . رضا انسان فريد ناااادرااا ما تلكون واحد نفسه .

رضا /

حسيت نفسي انسان مراهق وي زهراء كدرت تاخذني وياها لعالمها وهاي كلبي يدك للمره الثانيه بس اكثر من الاولى . شعلت نار الحب بداخلي عيونها مسسستحيل متغريك كلي على بعضي وياها .

عيونها تفاصيل جسمها كلبها روحها ضحكتها شعرها شفايفها حركه حواجبها رموشها طيبتها حبي الي ما اله نهايه كله على بعضه مغري تملكتني بكل جوارحي .

كمت حته من اروح للشغل اشتاق الها . موتتني بحبها .

الله عوضني بزهراء ونسيت كلشي وياها ضلت زهراء تفكر بلطفل واني وياها . اني تمنيت يصير عندي اطفال بسرعه لحد سنه ٩١ صار عندي ولد اسمه احمد انوب قفلت الها ولوحدها بعد ما صار عدها . وضلت ترجع اطباء ودكاتره لسنه ٩٣ صارت رضوى . وهم قفلت اله تروح تراجع يلا يصير عدها اطفال . وصار عدها ساره وزينب وضلت زهراء تحبل على حساب الولد . لحد سنه ٩٨ .

جنت بلشركه تعبان وروحي طالعه اجتي معصومه عدها معامله . شكلها متغير ولا كأنو هيه نفسها . شافتني كالت شخبارك احوالك ...

الحمد لله بخير ....

كالولي متزوج ....

الحمد لله ....

اشو من جنت اكلك على زهراء تكول اختي ....

اختي خلصت معاملتج يا ريت لو تتفضلين ....

رضا نسيتني ....

عفت معصومه تلغث وطلعت حسيت نااااار بكلبي . نار بين حب قديم راحت واني ما شفت منها شي طلبت طلاق بدون سبب بدون متوضحلي حته الاسباب . وغياب هلفتره وبين زهراء الي عايشه كل حياتها اليه وصارلها وياي ٨ سنوات . وين جانت كل هاي السنين . ليش هيج . عفتها وطلعت كأيييييب كلت خل اروح للبيت واحجي لزهراء لان الوحيده الي تكدر تخفف عني .

طبيت للبيت تلكوني الجهال . احمد ركض عليه شلته . والبنات وحده وره الثانيه .  واخر شي زهراء اجتي تلكتني

ها حبيبي الله يساعدك ....

الحمد لله ...

اكو غده لا ....

اي اكو ليش لا ....

صبيلي لان جوعان ....

اصبلك عيوني ....

يسلم عيونج يعمري ....

صبت غده وتغدينه ورحت نمت . حلمت بمعصومه لن اني وياها متزوجين وهيه يمي وجهالي جهالها اني وياها واصلا زهراء ماموجوده بحياتي . ضليت اركض بس ادور عليها .

كعدت من النوم احس كلبي فاحط مستحيل اتخله عنها . مستحيل زهراء احبها وتحبني .

اجتي زهراء . شبيك رضا اشو وجهك اصفر .

ما بيه شي . تعاي شبكيني ....

اجتي يمي شبكتني ونمت على صدرها . وضلت تلعب بشعري . تذكرت امي الله يرحمها من جانت تكلي اخذ الي تحبك ولا تاخذ الي تحبها . لان الي تحبها راح ادللك والي تحبها تشلع كلبك بلدلال . يمكن جانت تقصد زهراء بوقتها بس اني ما حسيت .لان جنت هيمان بمعصومه . ما ادري هسه هيه منين طلعت ما اعرف .

مرت الايام عليه واني تناسيت جيتها وحاولت انساها وانسى شي اسمه معصومه . 

رجعت حياتي طبيعيه بين اطفالي وزهراء وشغلي وخطيه معاناه زهراء تريد تجيب ولد كاتله روحها . تريد اخو لحمودي .

لحد ما حبلت بسنه ٢٠٠٠ كتلت روحها تدعي بس كون ولد . ما خلت دعاء ما دعته تكول حته اقفل الانتاج بعد ما بيها حيل صحيح لان كلش تعبت . وتربيه الاطفال صعبه وبلاخص بايران ايام الالفينات لان جانت الفلوس مشحطه ...

* مرات الانسان ميحس بلنعمه لمن تزول *

الله ليزول اي نعمه من اي احد

اعتذر طبعا اختصرت 🔞

بطلب من صاحب القصه حفاظا على مشاعر ابوه وامه .

رابط نشرته ع المنصه اذا تحبون تشاركوني بلاساله تحياتي للجميع

زينب علي ....

قدمت قرباني ....

رضا هلمره حملي كلش مأذيني .....

شبيج حبيبتي ....

شو ما ادري جي قبطت الثلاثين ما ادري ....

ما عليج شر حبيبتي ان شاء الله ....

رضا/

رحت للدوام واني مهموم على زهراء وضعيتها تعبانه وخطيه كوه تشيل روحها . وصيت رضوى عليها وحمودي وطلعت . صح هم صغار بس ميخالف ع الاقل يفتهمون ....

اني بلدوام صاحولي . رضا اكو وحده بلتلفون تريدك . كمت امشي احس كلبي خايف كلت بسلا زهراء بيها شي . الووو

سلام ....

ها زهراء بيج شي ....

هههههه لتخاف ما بيها شي زهراء ....

منو انتي وين زهراء ....

شبيك اني معصومه ....

وين زهراء ....

شمدريني . على كيفك .عيني .....

شتردين ...

خل نلتقي ....

اني بيا حال وانتي بيا حال شو جفيني شرج ....

ضلت معصومه يووووميه تتصل بيه . صح ما انطيها مجال وصح اكول الها احب زهراء بس جان خطأي من البدايه انو انطيت مجال وضلت تتردد عليه ما يقارب ٨ اشهر . كمت اطلع وياها وره الدوام ونتغده وارجع للبيت .

من ارجع اشوف زهراء احس كلبي مقبوض اتمنى الله يخلصني من معصومه بس شسوي مدري ليش اضل وياها . اشوف زهراء احس نفسي خسيس حقير ما استاهل الي سوته اليه ما استاهل حبها . وهيه حامل وعلى ابواب الشهر السابع وضعيتها تعبانه .

يوميه من انام اخليها تشبكني مثل الطفل ادري بيها اذا درت بمعصومه راح تتأذه وتشعر بلخيانه . ااااااه ضميري يأنبني على كل دقيقه وي معصومه .

ومرت الايام واقترحت عليه انو اروح وياها للبيت

. ورحت وياها وجان ضلينه حد ما جمعتنه معاشره اني وياها . بهذا اليوم كتلها ليش تركتيني ذيج الفتره ليش عفتيني .

كالت راجعت وداويت ما خليت دوله ما راجعت بيها بعت املاكي نصهن بس في سبيل امل تتغير عندي والعمليه سويتها وبلكي تنجح . احبك رضا .  تزوجني ومراح اعوفك . بلكي يصير عدنا اطفال .

اني حسيت على روحي هاي شسويت اني زنيت اني صرت زاني اني خنت زهراء . اني غضبت رب العالمين . طلعت اركض من بيتها بدون وعي وصلت لزهراء . استقبلتني بحبها . اول ما شفتها كمت ابجي .

شبيك حبيبي ....

وخري عني . طبيت غسلت . وجسدت لربي كتله ربي سامحني ع الجريمه الي سويتها . طلعت بسرعه . رحت لمعصومه كتلها تعاي خل نعقد . الي صار اليوم حته الله ما يرضه بي .

وافقت معصومه ورحت عقدت . عليها . كالت هسه وين اروح . كتلها بس ابتعدي عني . كلشي ما اريد .

رجعت للبيت شحجي هسه شلون افاتح زهراء بلموضوع شلون شسويت اباوع لولدي اباوع لزهراء البطنها واصله لراسها . استغفرك يا ربي على جرايمي الي ارتكبتهن وحده وره الثانيه .

مرت الايام واني ما اباوع لزهراء اخاف تحس بيه لو تقره عيوني .

وصلت ليوم جابت بي . وصدك خطيه جابت ولد . وسمينا حسين .

مرت الايام ومعصومه موجوده بحياتي . اروح يمها من ارجع من الدوام ساعه واروح يم زهراء . ضلت معصومه تطلب هواي اريدك يمي احبك اموت عليك كلبي وياك ليش عايفني . اخر شي كالت كل لزهراء خل تنطيني حسين اربي والله بنفسي يصير عندي طفل اني وياك . واني كلش انقهرت من هيج حجت . كتلها مستحيل زهراء متقبل ....

ها شوكت صار ااحجي بيد زهراء ....

عصمت جاي اكلج ما اكدر زهراء متعلقه بأولادها ....

كول اخاف منها ...

مو مسأله خوف . بس ميصير اولادها ....

والله ادللة دلال حته املاكي اسجلهن باسمه . حباب قنعها . واذا صار عندي والله اضل اربي وما افرق بيناتهم  ....

سدي الموضوع معصومه هلشي مستحيل  ....

........

مرت الايام . لحد ما يوم اجيت للبيت لكيت زهراء منهااااره شكو شبيج ....

الدموع تصب والشعر مشلعته .  شوكت متزوج معصومه ....

اني سكتت شجاوب شحجي شنو هالمصيبه الي وكعت على راسي .

حاجيني شوكت تزوجتها ....

قبل فتره ....

لمن جنت تجيني متغدي وين جنت تتغده ؟؟؟؟ ....

يمها .....

هيج رضا انطاك كلبك . عفتني واختاريتها ....

ما اختاريتها . بس هيه تريد بس طفل ....

هاي الزلم كووووومه بس انت تريد منك طفل . رضا ليش ...

لان تحبني .....

واني ما احبك !!!! ....

لج بابا خطيه والله .....

هههههه واني مو خطيه ....

والله كسرت خاطري ....

واني ما كسرت خاطرك ....

عذريني زهراء والله صار غصب عني ....

ههههه اي صحيح غصبا عنك . خوش عاشت ايدك يا ابن خالتي . مدام اختاريتها اطلع اني من حياتك ....

وين اطلعين ....

ما عليك بيه ....

زهراء والله احبج ....

اشششششش ابد لتحجي وياي بعد .....

زهراء لج والله انتي روحي بس هاي خطيه .

ولك محد خطيه غيري محد خطيه غيري محد خطيه غيري . جاي تعرف شنو احاجيك ....

راحت جريت ايدها . هدت ايدي . عوفني رضا عوفني . صدكني مراح تشوفني بعد ....

تعوفين حبيبج ....

هو العافني مو اني ....

زهراء لعني الشيطان والله اني اسفه زهراء والله انتي اجمل شي صار بحياتي ....

هذا حچي مدام اني اجمل شي . شكو بدلتني .

زهراء ///

اجتي معصومه زارتني اني تفاجأت من زيارتها وين جانت صار الها ١٣ سنه اول ما شفتها حته بدون كلام عرفتها عدها فد شي وي رضا بس اجذب روحي . رغم تصرفات رضا الغير طبيعيه خلال هاي الفتره . بس اجذب بنفسي .

شتردين ....

زهراء تذكرين من جنت اكلج تزوجي رضا ....

وهسه شنو جايه تذكريني ....

لا بس تذكرين شنو السبب ....

لا ما اذكر  وحته انتي هم ما اذكرج كومي طلعي بره ....

زهراء بس سمعيني الله يخليج ....

شتردين مني ومن حياتي شعندج اجيتي هسه .....

اني ورضا تزوجنا ....

شلون شلووووون ....

اسمعي كبل لتحكمين ....

شحكم فهميني شحكم .....

الله يخليج اني احب رضا ....

ههههه طلعييي برررره . بدون شعور كمت اضحك وابجي واصيح . شتردين من حياتي ....

بس انتي هم جنتي بحياتي ....

لاااا عمري ما ادخلت بحياتج . وحته انتي اختاريتيني ما قبلت . وهسه جايه شتردين مني .

كومي اطلعي بره ....

خل نبدي صفحه جديده ....

هههههه صفحه جديده تاخذين ابو بيتي وتكولين صفحه جديده ....

انتي مو اخذتي ....

صبن دموعي من الانكسار الي حسيت بي . ما اخذته منج تخليتني عنه واني خافظت عليه  حبيته بكل نفس بيه ....

عفتها وكمت بغرفتي بجيت حد ما طكت عيوني . بهل الاثناء اجه رضا .

وينك يا تعب سنيني ...

وينك يا  اول حب واخر حب .

وينك يا ابو بيتي .

استاهل هيج كسره تكسرني .

.

اول ليله نمتت بشلاع الكلب حسيت روحي اجتي تطلع . قفلت الباب وبس ابجي . واسمع رضا يدك بلباب . فتحي الباب زهراء مروتج بس حاجيني .

فتحت الباب . ها رضا كلي ارتاحيت هسه

والله ما مرتاح بس اريد الله شاهد كسرت خاطري تتمنه طفل ورادت حسوني تربي . تدرين بيها هيه ....

ميخالف خل تاخذه ...

زهراء بس سمعيني حبييبتي  . والله احبج ....

عافتني وراحت رحت وراها . اني اسف اعذريني . اني غلطان

رضا /

نمت واني كلش كاره روحي لدرجه مفوله عندي وقررت ثاني يوم علاقتي بمعصومه لاااازم تنتهي . لان اني بيدي حطمت حبي وحياتي واستقراري . واتحمل زعل زهراء واضل احاول اكسب حبها مره ثانيه لو اعرف روحي اموت .

كعدت من النوم دكيت الباب على غرفتها . زهراء الانسان ما معصوم واني غلطان وقريت بغلطي .

مجاوبتني ....

دكيت مره وثنين وتلاثه واربعه مجاوبت فتحت الباب . لكيتها ما موجوده .....

بابا وين امكم ...

راحت ....

وين ....

ما ادري ....

.

.

.

.

* يروحي شبيج متشورين . خلص مفعول بختج لو كعد حظهم *

لكم التعليق توقعاتكم للقادم

زينب علي ....

قدمت قرباني ...

دورت على زهراء ماكو فص ملح وذاب ما خليت لا مستشفيات ولا بيوت ولا مراكز صرت مثل المخبل . بس ادور عليها . ما فكرت يجي يوم وزهراء تبتعد عني ولا فكرت يوم من الايام هيج راح يكون فراكها صعب .

معصومه عرفت بلشغله حاولت تتقرب مني زايد خبرتها بقراري انو خلاص انتهينه علاقه ميته وماتت ونزوه صارت .

بعد مرور سبوعين . اجتني ورقه  بلمحكمه . زهراء رافعه قضيه طلاق عليه .

بهذا اليوم حسيت بلاهانه وكل هذا وكلت استاهل . اني جبتها لروحي . رحت الها . زهراء تردين دخليني محاكم تالي عمري ....

مصيرك ترجع لهاي المحكمه ....

مستحيل افرط بيج ....

فرطت ....

انتي روحي ...

تسفط حجي ....

مو حجي والله . وحق هذا ابو محمد احبج ....

كافي رضا كافي البيه مخليني ....

زهراء عود شنو شعبالج اعوفج ....

اني اعوفك انتي عفتني وخلص الموضوع ....

طلكتها ....

محد جبرك تزوجها ومحد كلك طلكها ....

اريد اسالج سؤال . اني معصوم ؟؟؟؟ ...

لا انت انسان ماكو مثلك .

زهراء امشي ارجعي للبيت ....

ما ارجع لبيتك بعد ....

تعاي صدكيني مراح احجي وياج بعد ....

روح رضا عوفني وروح الله وياك ....

اجه احمد ورضوى يبوسون بيه ماما رجعي . كتله متبات بلبيت مالتي ابد ....

ميخالف ....

رجعت للبيت احس طاب كلبي منه رغم حبي اله بس كلبي انجرح ....

وصلت للبيت تعوذت من الشيطان وتنازلت عن اادعوه بس ضليت ما  احاجي . يوميه اريد ابدي صفحه جديده واتذكره شلون تخله عني . احقد عليه . اموت منه . صح رجعت للبيت بس علحساب جهالي مو علحسابه احمد صار رجال بطولي .

مرت الايام والسنين وفطمت حسوني من صدىي واني هاجرته لرضا . ما خله شي ما سوا . توسل بيه تواسيل بس جان كلبي رافضه تماااامااا.

ضليت حد قرابه ٢٠٠٣ ما احجي ويا وهو اجر بيت قريب غلى بيتنه . وانوب الناس كامت تحجي كعد ويانه بنفس البيت واني حالفه ما احجي ويا . رغم طلاقه بس احس كلبي انمرد مرد من ورا . وفكرت انطي مجال يختار الي تناسبه  .  

سنه ٢٠٠٣ . وره السقوط الي بلعراق . اول ناس رجعت اني . لميت غراضي ورجعت بدون ما اخذ اذنه بس انطيت خبر راجعه للعراق . . طبيت لبيتنه لكيت ناس كاعدين بي . وصاير هجااااااره .  عمامي ما مخلين من املاك ابويه ولا حاجه كلها مقسمين الورث وحدهم مدري بيا شرع مدري بيا قانون . بيت امي فرغو الناس بعد سبوعين . رجعنه اني ورضوى للعراق

وره فتره كتلهم راح اقيم دعوه عليكم اذا مترجعون حلالي . ما حلصت منهم بس محل لان كل عمامي اما ميت او مريض على فراش ااموت بس عمي الصغير كال هذا الج حلالج مدري شعجب هدايه الله . وكوه حصلت واحد من محلات ابويه الله يرحمه .

مرت الايام واني بلعراق جانت السلوى مالتي بزباره اروح ازور يوميه بأمام . لو مراقد اهل البيت . رغم الالم الي شفته من رضا بس ابد ما راح عن بالي ودائما ادعيله بحسن العاقبه . ودائما اتمنى من الله يرتاح وي الانسانه الي هو يختارها.

على هاي افكاري

وما حسيت اله الباب ندكت .

فتحت الباب واشوف رضا واكف .

اااااه يا عوده للدار ما اقساها ....

اسمع بغداد ولا اراها ....

درت وجهي سحب ايدي . ولج مو كافي نبي وعصيت وجاي تعذبيني معصوم وخطأت . ما رف كلبج عليه ...

هد ايدي ....

ما اهد ايدج . انتي تحبيني ....

عفته وطبيت للبيت طب ورايه . والله ومصدك روحك .....

نزعي الكلاده شكو لابستها صارلها كومه بركبتج اذا متحبيني ....

صدك والله . رحت اريد انزعها . طفر عليه . لج حقيره تردين تنزعيها ...

لتكول حقيره وخر عني انزعها طبعا شنو قابل اخليها بركبتي ....

والله مشتاقلج ....

اني ما افيدك بعد ....

لج كافي بابا صار ابنج رجال استحي فشلتيني كدام ولدي ....

جان استحيت على روحك انت وما فشلتني كدامهم  ....

عفته وطبيت جوه للغرفه لحكني  .

ام احمد وينج عيني ....

شتريد روح وعوفني ....

اني مريض والدكتور كلي احتمال اذا ما سامحتك مرتك تموت .. 

هو هوووووو . (واشترتله بأيديه باصبعي )

هههههاااااي خرب يومج . لج مشتاقلج ومشتاق لسوالفج ....

ما ارجع لايران بعد ....

بويه وين ما ترحين اروح وراج ....

خاف تعشكلك معصومه هنا ....

اهووووو شهطلابه يا علي والله بفراكج شفت الويل موتيني شجاج متكليلي . مو كتلج غلطه وصارت  ....

لا عبالك انساها هاي سوايتك بس اني اسامحك حته الله ما يغضب عليك ....

ههههههه لك فديت اميره حبي انا .....

دروح عيشني بلكلاوات هاي ....

وحق ربج مو كلاوات . شايفه من ٢٠٠١ لحد هسه شلون ادمرت بيها وكل يوم اكل بكلبي اكل . وحته هسه لو مو تكوليلي مسامحتك اني سويت شي وغضبت  الله . وهسه بيدج انتي تنسيني الي صار ونبدي صفحه جديده ....

واني شلي شغله بيك انسيك روح لذيج معصومه ....

ما اريد غيرج ينسيني لان انتي حبيبتي ....

هسه صرت حبيبتك . والله لو قابله جان ضليت وياها وحته حسوني انطيتهيا ....

كلشي بجفه وزعلج بجفه اسوي المستحيل ولا تزعلين ....

وهاي اني زعلانه يلا سوي المستحيل ....

بت الاوادم جاي وراج للعراق وعايف شغلي وجاي بس على حسابج شتردين اكثر بعد ....

اذا هيج كاتلتك الجيه ومحملني جميل عليها ارجع منو لازمك .....

ما ارجع اريد حبيبتي ترجع وياي .....

لو اموت ما ارجع بيتي وكاعده بي ....

بيت امي مو امج ....

امي هاي مو امك .....

وتالي زهراء تضلين هيج شنو انطيني حل .....

ما عندي حل ذيج معصومه وروح ارجع الها .....

والله راح اضربج مره ثانيه . كافي مو موتيني .....

وغلى شنو تضربني.. كوه هيه ما احبببببك ....

لزم ايدي جرها . لج معصومه صدك تحجين .....

هد ايدي يلا .....

عافني وراح طب للاستقبال .  وضل كاعد  . ما سويتي غدا . عاد صبيلي حته ارجع ....

ما عندي قابل شنو متشوف البيت شلون تعبان . هو اني جايه علحساب زياره الحسين ....

خوش جا اكوم اني ضلي انتي . شوكت ترجعين ....

ما ارجع بعد ....

شنو مترجعين ....

احسن اليه هنا ....

جهالج عايفتهم كل واحد ها طوله شنو اضل هنا ....

خليهم يمك انت ومعصومه .....

مو كتلج طلكتها ليش تلحين ....

ترجع الها . شنو عادي مو طلكتها ١٣ سنه ورجعتلها ...

بعد حسبي ١٣ سنه هم افكر ارجعلها .....

اي طبعا . الخيانه بدمكم ....

شمدريج كم واحد خاينج انتي ....

ميحتاج هواي انت كفيت .....

هسه شنو ترجعين لو لا ....

لا ...

براحتج .....

طلع . من البيت راح زار الامام علي ومسجد الكوفه ورجع جايب ويا غده ....

تغده هو  ورضوى . ومن خلصو غده اكلت اني 

رضوى : ماما دكافي خطيه بابا هسه غلط وجاي يعتذر الج ....

انبجي لتحشرين نفسج .....

ماما والله خطيه بابا والله ميستاهل ....

فوكاها ميستاهل . قابل اني رحت تزوجت وعفتكم ....

كامت تبجي دموعها غوركن . ماما والله بابا يحبج واني احبه ليش هيج تضلين تسوين حته حمودي يكول اضل وي بابا . ليش هيج تفرقينه .....

رحت يمها شبكتها خطيه حته جهالي متأذين . ادري سوايه ابوج هينه بيه ....

سامحي خطيه ....

رضاوتي اني بعمرج جنت احب ابوج  لحد هذا يومي لا عبالج ما مسامحته وادري بي غلط بس اخاف يعيدها .....

خطيه والله بعد ما يعيدها . بابا جبير وبسرعه يتأذه ....

سكتت كلت شجاوبها هاي طفله شمفهمها . وكل خوفي ياخذها معصومه مره ثانيه لو حته بلسر .

فرشت فراشات ونمنه قبل جان التومان مو مثل هسه اله حوبه وشغل . اشتريت الي احتاجه للبيت . لان قررت اني كل سنه هنا كون . وما اكطع وي العراق .

نام رضا واني هم نمت ورضوى . بلليل حسيته كعد ع الصلا . توضه وصله وسجد اسمع صوته جهوري حنين والله مشتاقتله . خلص صلا واني هم خلصت  . كتله الله يتقبل  التفت اليه كال الله يتقبل اعمالج ....

دعيتلج بلصلا كون الله يهديج ....

تقرب يمي لج زهراء وحق ربج احبج شوكت تحسين ...

طلعت ايدي من الجادر خليتها على وجهه . اني هم احبك ...

مشتاقلج زهراء والله مشتاقلج . مشتاق تشبكيني . مشتاق لكلشي بيج ....

نزعت الجادر واني ع السجاده شبكته . الله ليجيب الزعل ....

خله راسه على رجليه . وكلي خل انام هيج اني وياج .

هههههه مو تكسر رجليه اذا تضل للصبح هيج ....

جيبي فراشج وتعالي ....

جابت فراشها وشبكتها حسيت انو هذا الامان هنا وطني يمها هنا روحي يمها هنا حياتي وبيتي وانسي . الله ليحرمني منها ...

.

القصه قصه نضال امرأه عراقيه هاجرت وتهجرت من بلد لبلد من دوله لدوله ما عشقت غير والدي .  ثق دائما كل خطأ الجأ بي لله . اذا سامحك ربك . البشر هم راح تسامحك . اني جنت واعي لابويه جنت اشوفه كلش يتعذب بفراك امي . وصلت مرحله كرهت امي من جفاها . مع العلم ادري بيها تحبه وتكابر عليه . وجان سفره للعراق . عرفت ميرجع خالي اله ويا امي .

وبلفعل رجعت امي ويا .

يمكن تكولون رضا خاين . او ما قدر نعمته . بس والله ماكو اب مثله .

دمت فخرا لي والدي ......

* الاب خيمه رغم كل الضروب *

* والام عزيمه واصرار رغم كل المحبطين *

تحياتي الكم قرائه ممتعه ....

اني سمعت من رضوى عن قصه حب احمد وي بت عمه لامه . وكالت حب وتكلل بلزواج .

سالته كال جذب اضاهر ميريد يحجي بلموضوع ععهعععع

اذا شفته بي مجال ويسولفلي القصه راح اكتب قصه احمد ... حظرت اسمها بلكي يقنع . حب عبر الحدود ....

انتظروها .... احبكم ....

شوكت اكتبها والله ما ادري تحياتي الكم ....

زينب علي

@FatimeRaad

فاطمه كاتبه جديده وعدها قصه اسمها الغجر . كلش حلوه .

تريد دعم .

فيا ريت لو ادعموها . تحياتي للجميع

بنات حبيباتي خواتي وصديقاتي .

تسالن ليش مختصره . يعني احمد مقيدني بكل كلمه والله مرات هواي يحذف من الي اكتبه لان ميقبلون . يردون نقل للاحداث كقصه مو غير شي .

تحياتي للجميع .