رواية كفي والمنجمه الفصل الحادي والأربعون 41 - بقلم Leo Alfatlawi

كفي والمنجمه

بقلمي: leo Alfatlawi

بارت الاربعون ***

مااعرف اشصارلي بس اريد اوكف مااكدر الموقف موبس صعب وماينوصف لاحسيت بالموت البطيء
دخلت للغرفه كلتله شنو مؤتمن شدتسوي

شال راسه باوعلي واخذ نفس

اريد اوكف مااكدر كمشت الباب وكلبي احسه يريد يوكف

دفع مكرم واجه يركض كمشني كال غزل بويه هدي

-شهدأ مؤتمن راح تتزوج

-بس افهمج اهدي

-شفتهمممم شنو حتكول مؤتمن هيج هنت عليك ولك تتزوج هه شنو انتى يعني هاي الجهزته جان الك ولك خليتني اجهزك بيدي مؤتمن انتي شنو بشر لو شنو لالامستحيل اتكون بشر مثلنا

باوعتله بكسره وهمست لويش موحبيتك وثقيت بيك

كلتها واحس رجليه بعد ماتعيني كعدت كعد كدامي كال - ابنيتي وحك علي غصباً عني

-لااتكووووول غصباً مؤتمن ولك غدرتني لويش شنو سويتلك شنو من كلب عندك اتخليني بيدي اجهزها لويش مؤتمن هيج سويت بيه

سحبني الحضنه دفعته حيل كمت كلته وخر راح اطلقني غصباً عنك كلتلك اذا دخلت اني اطلع وانت اختاريت

-بس اهدي بويه جاي اترجفين لايصيرلج شي

-مؤتمنننن طلكني

-غزل بويه العالم عدنه صوتج

-من انعل ابوك لابو الناس مؤتمن طلكني لاتتصور راح اتجيبها ومتخيل مثل متكول يومين ابجي وراح اتقنعني لاغلطان

ههه واني الجايه امسويتلك مفاجأه طلعت صدك محضرلي شغله اكبر

اجه مكرم كمشني لان مؤتمن جان واكف صافن ميعرف شيرد راد مكرم يوديني الغرفتي مااعرف اشصارلي بس من حركت گلبي دفعته ورجعت لمؤتمن اضرب بي بكل حيلي واصرخ طلكنييييي

التموا الي يسحبني والي يحاول يهديني بس اني ماحس ولاشوف غير مؤتمن بالقاط وفرشته مفروشه

دفعهم عني وحضني حيل لان شافني فقدت عصرني حيل يرني اسكت لان صوتي بده يختفي دافع بي اريد احرر نفسي مااكدر اريد اتنفس اختنكت ضاك صدري كلما ردت اسحب نفس ماكدرت هو حاضني حيل بعد ماحسيت بشي

فتحت عيوني واني على جربايتي يمي سماح تبجي ومؤتمن كاعد وخال راسه ابين ادي احس شي على صدي خانكني اريد يوخر مني ماكو مثل الطوق على ركبتي امسح بركبتي ميرضه يوخر انتبهتلي سماح كال هاخيه اشبيج

ماكدرت ارد جنت كوه اتنفس مؤتمن اندارلي يمسح نفس المكان الامسح بي لمن احس شي انفتح وكدرت اتنفس شهكت مسح ادموعي وكال كافي موش موتيني وعلي

-مؤتمن طلكني

- اشلون اطلكج وانتي روحي

-مؤتمن انت بعتني وبرخص لويش موثقيت بيك لويش دمرتني

كومني وخلاني بحضنه مارد بس احس بعبره صدره خنگته

-مؤتمن لاتتزوج فدوه اروحك والله اموت

-مااكدر والله موش بيدي

-لاتكدرررر تكدررر كلشي تسوييي لاتتزوج فدوه

-بس اجيبها مااحسبها مره

-جذابب جذاب والله اكبر نذل شفته بحياتي انت

-بس هدي نذل نذل ميخالف كلب ابن كلب هم ميخالف بس هدي راح تموتين كافيييي

-لاتتزوج

-بس اجيبها

-اذا رحت مااصيرلك مره مؤتمن وروح بابا اتكون اخر لحظه بينه هاي

-ماراح ترحين مجان اتضلين هنا وهيه بس اجيبها واتركها وخلص غزززل كافي تبجين ماراح يصير غير هذا الشي

-وعدتني وانطيتني كلمه وينها

-بعدني على وعدي ماكو بكلبي غيرج ومتصير مره الي غيرج وانه عد وعدي

-ياوعددد مؤتمن انت صاحي هذا قاطك والزفه جوه شدتحجيييي

-استغفر الله سماح بويه ناوشيني مهدء

-يامهدءء مؤتمن وروح بابا اخر كلام عندي تتزوج راح اعوفك وللابد احرك كلبك مثل ماحركت كلبي مو اتكول ماكلتي هاي اني دااكول

-ميخالف بس سكتي

-ولك موخبله انيييي شنو سكتي

اندكت الباب دخلت هيفاء كالت يلامؤتمن الزفه راح تطلع كمشت ايده اتوسل لايروح وابجي دنك باسني من راسي ورد حضني

دخل مكرم وكاظم سحبوا كالوله يلا يمعود

-مؤتمن لاتروح

مكرم- يلا يخوي العلم طلعت

-روحوا جاي وراكم

-ماكو ورانا جدي منتظر والشيخ خابر يكول عليش تاخرتوا صار كم ساعه مناطره

باوعلي اشرت لا ونزلت دموعي
مسحهن دنگ مكرم سحبه اندارله دفعه كله بعد دخل كاظم جره گله شنهو خبل انت العالم جووه منتظره

-يطبهم مرض ماروح بطلت

-مؤتمننن لاتتتخبل ولك الشيوخ والكباريه كلها مناطره شنهو صابك يخوي امشي بروح عمك وعلي ماعليها البنات يمها مانبطي جثير بس جيبها جدام العالم دخيلك لاتفشلنا

مكرم - مؤتمن يخوي وعلي الزلمه يوكع من طوله موش وصلت لهنا وتهون كلش ماراهمه

مارد دفعه مكرم كدامه وكاظم جره وصلت للباب صحت اوكف مؤتمن خليك ذاكرها راح احرك كلبك مثل ماحركت كلبي واخليك تندم

اشر اي فرك راسه وطلع وياهم خلاني اشيل روحي وادكها بالكاع لطمت ومخلت روحي اريد شي يرحيني لان احس نار تطلع مني احس غرز سجينه بكلبي موطلع

سماح تبجي وتتوسل اسكت وهيفاء وياها صرخت طلعن بره كلجن تدرن ومتحضرات شكو اتسكتني

جان كلتن من وكت بلكي امنعه بس كلكم نفس الطينه الله ياخذكم طلعووووا طلعوا

-غزل والله موش بكيفنه جااشبيدنه احنه

-ولج جهزته بيدي اني جهزته وفرحانه تعرفين دااحس لولا

-كافي غزل ولج راح تموتين

-مالج شغل طلعييييي طلعي على شنو اعيش مؤتمن راح بعد على شنو باقيه

-عوفج منه يطبه طوب شنهو تموتين روحج ورا خليي هسه يندم مايعرف روحه وين شمرها

-جهزها وراح يجيبها بالبدلة البيضه وهذا الوكت كوله يضحك عليه هو وياها ومسايريني

-لاوالله صارت غفل وا الشيخ حرجه جدام المضيف كله عليش متجي تاخذ مرتك شنهو نسبنه مايشرفك وهيج عايفها تالي غصباً عنه اخذها

-لاتجذبينننن لاتجذبيننن مؤتمن ضيعني خاني ولج جنت امسلمته روحي شنو سوالي دمرني وعافني شنو كل عقله اضل ويا واشوفه ويه دعاء هذا عاقل

-غزل بروح ابوج كافي ولج وراااح تموتين

-ولج ضيعني اتعرفين شنو داحس روحي اموت متعرفين شنو النار الي بكلبي داموتتت كلتها وبجيت من كلبي

مر الوقت واني اكول هسه يبطل مؤتمن وعدني ميخلف بوعده لا مؤتمن يحبني هسه يرجع يبطل ميتزوج ارجف وابجي لمن سمعت صوت المسيقى وضرب النار احسهن بكلبي مو بالجو دفعتهن وكمت رادت يكمشني ضليت اصرخ واطفر صاحت سماح كافي غزززل

-ولج اريد اشوفه بلكي احس وابطل بعد وانساه عوفني فدوه عوفني

لزمتني حيل اتوسل وابجي وهيه تبجي وياي

هديت روحي وطلعت اركض وكفت على الدرج صار كدامي وهو يدخلها بالبدله ذبحوا جوه رجليهم اتمنين اني الانذبح واخلص من وجع كلبي

شال راسه مااعرف حس لوجان متوقع وكفتي شافني اني بدون صوت واكفه بي ادموعي تنزل دنك ودخلها للغرفة صوت الهلاهل الضرب بعدها

رجعت للغرفة كعدت وسديت اذاناتي بأديه مااريد اسمع الله ياخذك الله ياخذك الله لايوفقك لويش مؤتمن ولك لويش تموتني

الصوت الهلاهل احسهن صوت اصياح على كبري
اسد بأذاناتي الوصوت بعد يدخل لميت روحي حيل وضميت راسي مااريد اسمع الصوت الله ياخذك مؤتمن الله ياخذك الله يحرك كلبك مثل ماحركت كلبي

صار هدوء عرفت سد الغرفة وهذا الشعور الاصعب يعني هسه سوه ردت اكوم كمشتني سماح الجانت تبجي اكثر مني

-عوفيني راح يحضنها ولج فدوه عوفيني خلي اروحله

-كافي غزل ولج راح تموتين

-ولج سد الباب هسه حضنها وباسها وخري عنييي

دافع والطم وهيه وهيفاء كامشاتني بجيت لمن حسيت روحي بعد انتهيت وسمعت صوت ضرب يعني اتزوجها وانطاهم النيشان بعد انتهت ماكو فايده

خليت راسي بالكاع ولميت رجليه لحضني وغمضت
اسمع صوت هيفاء الجانت تبجي بصوت عالي على حالي بس بعد مااحس بروحي نايمه وفاقده

سماح تمسح على راسي طلعت هيفاء وسماح ضلت يمي شوية ودخلت اسمعها اتكلها صحتله كلتله تره غزل انتهت ماراح اتلحك عليها كال دقايق واصعد

كمت كلتلهن طلعن مااريد اشوف احد

-غزل خيه بعد صارت وانتهت هاي راح يرجعلج

-مااريده بعد كومن يلاااا

-غزل فدوه اروحلج كافي

-ولج طلعي داكللللج كومي سماح طلعي مااريد احد منكم كلكم نفس الشي كومي

كمت كومتها وطلعتها وهيه وهيفاء قفلت الباب وكعدت وره الباب دكنه رادن اتوسلن مافتحتها سمعت صوت مؤتمن صاح شكوووو

-غزل متفتح الباب جوه

-وانتن ثولات اشلووون خليتنها وحدهاااا

-والله اتخبلت علينه وطلعتنه خفنا لاتجتل روحها

-يلا روحن منا

هنه نزلن وهو اجه دك الباب كال غزل بويه فتحي الباب

-روح مؤتمن كلتها كوه صوتي يطلع منبوج

-غزل يروحي فتحي خلي احجي وياج

-لاتكول وروحييي روح مؤتمن كلتلك اذا جبتها ماراح اصيرلك مره وهاي خلص انتهت وياك لهنا خيرتك وختاريت لاتجي بعد اتكول لويش اني مومثلك ماغدرت انطيتك خيار وانت اختاريت

كعد ورا الباب وانتجه كال وحگ معزتج بگلبي وكلام الله مالمستها وبعدني على وعدي وياج

-مؤتمن لويش كسرت كلبي

-لان حيوان ومااستاهل وحده مثلج

-ضيعتني

-موش اكثر من مامضيع روحي

-كرهتك مؤتمن كرهتك من كلبي وحق كل دمعه بجيتها راح ابجيك اكثر منها

-استاهل

-تدري اتمنيتك اتموت ولااشوفك داخل كامشها بيدك شحسيت من نمت وياها هم اجيت على بالك اشلون انطاك كلبج هيج تموتني

-كافي غزل كلبي خلص بروح ابوج كافي

-على شنو كافي تره ماراح اتحس بالنار الي بكلبي لبستها البدله البيضه شفت فرحتها بيها هاي البدله الخليتها بنفسي ويوميه مدخل وحده لابستها ماحسيت بشنو دااحس من اشوفك كامشها لومن اتخيلك نزعتها البدله وهيه تضحك مؤتمن هم هدئتها وكلتلها لاتخافين وبستها مو

-كافيييي غزززل كافيييي ولج والكفل زين لساني ماخاطب لسانها ولاكربت يمهااااا

-كوم مؤتمن انساني بعد ماارجعلك

-اترجعيلي ومتنامين ليله وحده بدون حضني

-لوتموت ماراح اسويها

-ماجان بيدي حل والي رفع السماوات العليه اضعاف الوجع التحسين بي بگلبي كل دمعه تنزل منج تشك روحي

-كوم مؤتمن مااريد اسمع صوتك بعد عوفني ارجع للاختاريته كمل حياتك وياها

-مااكمل حياتي غير وياج

-ياحيف تعب والحب الخسرته عليك اشكد طلعت خسيس ومتستاهل واني الحماره مصدكه

-وحك علي اعشكج

-لاتكولها هواي هاي الكلمه عليك حرمات تكولها بالسانك وحاول تنساها لان ضيعت الحب بغيائك

-محد راح يفركني عنج وماضيعت شي تبقين النفس مالتي

-روح مؤتمن انتهت وياك لهنا مااريد اسمع صوتك بعد كوم ارجعلها منتظرتك

-فتحي الباب غزل بس اشوفج

-روح مؤتمن لاتزيدها عليه دتموتني وانت ماحاسس كوم مؤتمن لاتخليني اكره روحي اكثر كومممم

-مااتحرك لمن اسمعج بطلتي بجي ادعي عليه غلطي اوجعي كلبي عملي اي شي بس لاتبجين وعلي دموعج ذبحني

ماجاوبته خليت راسي عالكاع وغمضت والشهكه تطلع من كلبي اسمعه ضل ورا الباب كاعد للصبح ماتحرك لمن اجت امه كامت تحجي وكالتله امهات العروس اجن كوم راح يوصل ابوها

-روحي يمه هسه جاي وراج

-ولك لاتخزينا بس سلم ورد اصعد العالم راح توصل يمه دخل الله ودخلك بس هالساعات عديها

-كلتلج هسه انزل يمه روحييي منااا

هو يحجي واسمع صوت هيفاء كالتله مؤتمن اجه الشيخ

-تعالي خليج يمها

-ماتحرك بس كوم جدي خبص الامه

كام راحلها بس مو راحلها اخذ روحي وراح وياا مغمضه واتخيل اشلون خلاها بحضنه وتغزل بيها لان گلبي وجعني عرفته جذب عليه ومتقربلها

ردت بس الوقت يمشي شوية احس روحي تطلع اتمنه هيج اشك صدري واطلع كلبي من الحركه نار مشتعله بيه مااعرف اشلون اطفيها اقل الربع ساعة وبدت الهلاهل

كمت لميت شعري ولبست الشال فتحت الباب صارت بوجهي هيفاء دفعتها و نزلت اتلكتني تهاني تضحك هيه ورجاء كالن هاجابها لولا تعيشين وتاكلين غيرها وضكتها ضحكه

نزلت رحت يم غرفته لكيت ابوها يمه وجدو مؤتمن واكف دخلت شال راسه الشيخ كال هابويه تعالي

-الله ياخذك انت شيخ ولك حتى الحيوان هم ارحم منك

جدو- غززززل انكتمي رد الشيخ كله عوفها خليها اتكمل

-اي طبعاً اتكلها عوفها لان تعرف روحك باطل حسبي الله ونعم الوكيل ارتاحيت زوجته ذليت روحك بوست اياده علمود يقبل ياخذ بتك

ماخلاني اكمل مؤتمن اجه خله ايده على حلكه ضربته بكل حيلي ردت بس يوخر ماوخر لمن دنكت عضيته حيل عافني

دفعته كلتله اشبع بيها موهاي الردتها اشبع مؤتمن بعتني لخاطرها خليك وياها انداريت اباوعلها واكفه اطك ابعلجها وتضحك مااعرفت شكلها الكلام وكف بحنجرتي خاصه من شفتها اجت يم مؤتمن وكشت زنده وتضحك انحشكت بي احسها خلت سجينه ابنص كلبي دفعها مؤتمن

بعد يش لمن موتتني انتبهت انداريت للشيخ كلتله مشكوله الذمه روح لربك وهو ياخذ ثاري منك هاي اذا تعرف ربك منو

-كولي يالله بويه

-حسبي الله ونعم الوكيل بيك من كل كلبي ماطالبه من ربي بس يشمرك بنار جهنم ومايغفرلك ذنب وذنبي وجع كلبي ياخذهن من حيلك وهاي بتك الي بنيت بيتها على هدم بيتي ربي راح يتولاها وياخذلي ثاري منك بيها

طلعت رحت لمكرم جان واكف وخال ادي بجيوبه كلتله رجعني الماما

-غزل خويه موش كافي

-رجعنيييي مكرم والنبي وحق الااله اله الله اموت روحي وديني احسلك

طلع مؤتمن راد يكمشني يردني للغرفه دفعته وصرخت صرخه طلعت من نص كلبي اجه مصطفى صاح راح تموت اشبيكممم ودوها

مؤتمن- هسه اخذها فوك احجي وياها تهدأ

-ولك اشبيك ياتهدأ البت راح اتموت مؤتمن خويه يومين وجيبها بس خلي ترتاح

-لاااا متطلع

هو كال هيج واني اتخبلت عرفته يريد يحبسني ويعودني على والوضع الجديد وانوب طلعت دعاء صارت قريبه عليه خلت ايدها على ضهره واني بعد مااشوف كدامي ساعه اضرب بي وساعه املخ بروحي ماكو بلساني غير خليهم يودونيي

جرني مصطفى كال كافي انه اوديج راد يحجي مؤتمن گله عطيتها جلمه يخوي

-مارجعت بيها وانت تعرف

-حلفت ماتمنعها

مارد باوعلي اريد اجر النفس مااكدر ماعرف اشلون احمد طلع بي نخوه اجه جرني

طلعني ركبنا السياره طلع ورا مصطفى وكف باوعلي كله احمد رد يم العالم راح اوصلها لامها خليها كم يوم هناك بين تتقبل وهيه وين تروح اول وتالي راده

بس مصطفى حسيته قرا شنو براسي مارد على احمد اجه فتح باب السياره وسحبني لحضنه كال
لاتسويها غزل وهاي اول مره يحضني كأنما عرف روحه جاي يودعني ؛وخرت عني شفت الدموع بعيونه كال بداعت الخوه لاتعمليها

مارديت بس دموعي تنزل سديت الباب مشت السياره مسافه واني عيني بهذا البيت وعين بمصطفى الي ضل على وكفته حسيته كلي الله وياج

قبل لاتندار السيارة انتبهت لمؤتمن واكف يم الباب عيونه وراي وهاي اخر نظره غمضت دارت السياره مثل مادارت حياتي

خليت راسي على الكشن وباوع من الجامه اودع كل مكان مريت بي منا مريت اني ومصطفى انهوس بالسياره

منا مارينا اني ومؤتمن الجان الطريق كله يتغزل بيه

منا طلعت ويه مكرم الي جان يمشي ويرزل بيه لويش مالبس الشال عدل

ضحكت وبجيت بنفس اللحظه لان راح اشتاقلهم منو الجابني لهنا ومنو الرجعنه لويش هالاذيه

موجنت مااعرفكم لويش علقتوني بيكم وعفتنوني اعاني وحدي غمضت ابعد كل ذكرى من عيني

جهاز احمد يرن عرفته مؤتمن اترجيته ميرد هو هم مارد كال بس لا تبجين كافي بويه وحك الحمزه راح يوكف كلبج

-خلص بعد على شنو ابجي ميستاهل دمعه مني باعني بالرخيص وماسأل

-اي والله باعج بالرخيص لخاطر الشيخه خلي يشبع بيها راح يجي يوم ويمل منها ويتندم عالسواه

-احمد تره سمر ابنيه وانظلمت

-منهو كلج

-مثل مااكلك بس ماكدرت احجي المهم لاتخلي احد يحجي عليها بعد

ضل هواي يستفسر ويتوسل اكله بس ماردت احجي خفت لايكتل رجاء ويضيع روحه هيه يجيها يوم والله يعذبها

وصلنه نزلت شبكته ودعته دكيت الباب فتحت الباب ماما شمرت روحي بحضنها ابجي وقررت ابجي اخر دمعات بحضنها وانسى كلشي مر

ذكرى او حلم مر بحياتي وصحيت منه

بليل ماتحملت تخربطت ودوني للمستشفى بقيت للصبح بيها خبر مؤتمن راد يجي بس ماما كالتله لاعدها انهيار عصبي ابتعد علما تنسى وترجع العافيتها تره تعبانه حيل وانت تزيدها

ضل كل اشويه يتصل اعرفه ما يگدر يجي العالم هوسه يمه يباركوله وملتهي وياهم اعرفه امتاني يطلع السابع وتفض الشغله وتهدأ ويجي يسحلني غصبا عني مؤتمن كمت اعرف شنو يفكر

بليل واجه مكرم فتحت عيوني كوه على صوتهم لكيته واكف يحجي ويه عمو شافني كعدت ضحك مكرم كال ها غزل بويه شجاج متكليلي هسه اليسمع حسباله اول مره يعرس يمعوده خلص العدد هذا المفروض هسه متعوده انتي

مارديت رجعت غمضت اسمعه اتحسر اجه يمي دنك باس راسي كال اشصابج يخوي عليش هيج وضعج

-مؤتمن

-خرب بلشته عوفي خرب بي ولج راح تموتين ورا اشبيج عليش روحج هيج رخيصه

-مرتاح بغيابي مو فرحان بعروسته

-يافرحان وحك نور محمد بالزفه مرتين راد يرد وكوه كمشنا وقنعنا يجيبها وليله العرس بالدفرات دخل غرفتها وهاي على حطت ايدج البارحه نام يمنه بالمضيف واداعتج كضاها صفنات بصفنات

-لويش كسر كلبي

-لان غبي وزمال سواها حسباله سهله وراح اتعدي مثل كل مره ماعرف هيج رد فعلج ويضل مثل الاثول وحده

-بس وعدني هو

-وماخلف بي هم كلتله يحلف ماخلف بي يكول بعدني عليه بعد شنهو يقصد مافهمت فهمج كفايه

-جذاب لاتصدكون بي سواها قبل وعافني على فراش الموت وسامحته بس هسه بعدمااكدر اسامحه

-يله يمعوده تتعدى و تصير سوالف ولج خرب بشكلج البيت وحشه بلياج خو تكج الثاني يفر بذاناته وحده عينه بالباب منتظرج لان يعرف خططه ماتنجح بدونج يله خويه كومي بسرعة ورديلنه انريد جولاتج وجفصاتج الحلوه تره بالعباس البيت مايندخل وانتي ماكو

-الله كريم

-ماطول كلتي هيج بيج امل تردين هاج ذني خليهن يمج اخاف تعتازين

-مااريد ذني منه

-ولج منه مني هيه افلوسنه وحده

-رجعهن اله وكله تكلك اني ماانشري بفلوس صح باعني بلاش بس ماخسر غيره اني اغلى من اي شي يملكه

-والله صح السانج بس شتسويله هو هم جان موش بكيفه هم حصروا وماكدر يفلت روحه

-روح مكرم بعد ميفيد الحجي وانتي هم ماراح اسامحك

-اهااا عليش يخوي

-مرتين جبت السيد وخليته يعقدني غصبا عني وخليتني اتعلق بي

-ههههههه غير بكيفي ولج ماشفتي اشلون جنه ثور هايج اكدر اكله لا ذكرتيني اول مره خرب بغيرتج اشلون بهذلتينه كوه حصلت واحد والطريج كله اقراله اليتيمه يالله قنع

-شتذكر مني مكرم

-مااذكر انه اشوفج كدامي اخيتي الكضيت وياها احلى ايام والساعدتني بزواجي من حبيبتي وهذا الشي ما انساه الج وكفه حتى الزلم متوكفها والطفله التكمز التحجي بلسان اعوج

-لعد خليني دوم بذاكرتك لا تنساني

-عليش بويه وين ناويه ترحين شتردين اتسوين غزل

-مااسوي وين اروح قابل بس ماراح ارجع

-الله كريم للرجعه هسه كومي بالسلامة وبعدين نحجي بهذا الحجي يله لازم اروح اودعناكم

-الله وياك سلملي على هيفاء وعمه وكلهن والله حبيتهن من كلبي

-اووو غزل تره بالعباس اكعد اكابلج وبجي كافي

- هههه ديري بالك على سماح لاتخليها مستغلها مؤتمن دوم تره مايستاهل وحده مثلها

-تره والله ظالمته انتي والله اتورط غصباً عنه

-الله وياك مكرم

-هههههه لااودعناكم كالها وطلع

ثاني يوم طلعت من المستشفى ؛احسن شي سوا مؤتمن ماعقدني محكمه نايمه بحضن ماما وكامشه مبايلي اكلب بصفحته اباوع صور عرسه ناشريهن ومسويله مشاركه اشكد طالع هيبه بالقاط النضاره اشكد اتمنيت هاي وكفته الي مو الغيري بس نصيب ضحكت تذكرت من كال ما تعرف النصيب اشكاتبلك

هو محضر كلشي ومستعد ويسولف بالنصيب

-غزل ماما مو كلنه كافي بجي

-لاماما هيج اجت ذكره على بالي وراحت

-حبيبتي نصيحه مني نزلي الطفل

-لاماما هاي الذكره الوحيده البقت منه

-والله راح يردج بسبب هذا الطفل ويجي يوم راح تتندمين

-مااكدر هذا امنيتي مااگدر افقده

-انتي تردين تخلصين من مؤتمن لولا لوناويه تردين

-لاطبعا ماراح ارجعله لو اموت

-لعد نزلي غزل ماما راح يأذوج بيه ويردوج مثل مااذوني بيج اخذي هالمره نصيحتي

-ماما

-شنو حبيبتي

-شنو بالورقه الي عد مؤتمن كولي ماضل شي بعد ينضم خلصت قصتي وياه

-غزل ماما شتعرفين عني اني موخوش

-لاطبعاً ماما حشاج

-لعد الي بالورقه اعتراف بخط ايد ابوج سبب موته اني وعشيقي واشياء موثقة بالزنه

-يعني سبب انتحار بابا جانت هاي لو انكتل

-مااعرف لكيناه بالبستان مكتول ولاتساليني اشلون ماعرفنه لان مو اول شخص ينكتل ويضيع دمه ماطولج بالعراق كلشي تشوفين

-الولد الي تهموج وياه وينه

-هذا الشي محد يعرف بي غير مؤتمن

-يعني ذبحه مؤتمن مو

-موردتي تعرفين الشي الي بالورقه خلص غزل سدي السالفه مااحب اذكر شي مضي

-والاوراق الي زورتيهن وبگتي حلالهم وينهن

-يم مؤتمن كلهن عنده الله يلعنه محاصرني بيهن

-اشلون ماسجنوا من كتل واحد وبعدين هو صغير جان اشلون كدر يذبح بشر

- ترا انتي ماشفتي من مؤتمن بس الوجه الحلو الله يبعدج عن الشر مالته ماعنده رحمه من هو وطفل هسه يماما بعد تركتيهم وشفتي اذيتهم مااريد تبتلين بطفل وياهم

-اخاف اخطي هيج خطوه

-ماعليج اني اكملج كلشي ماطول بعدج مااتعلقتي بي ماراح تذكري بس طاوعيني اليوم العصر احجز وخلصي منه

-مااعرف

هواي ماما ضلت تحجي براسي وحتى مريم هم مرتين اجت ونفس الحجي كالت ماطول محد يدري بي لان مؤتمن اذا عرف راح يقوم قيامتج موته ابنه

مااعرف اشلون بس قنعت انزله وماما ماصدكت بسرعة رتبت موعد ويه الدكتوره على احسابنا مو مستشفى للمغرب جان موعدنا

لبست وطلعت رجل تقدمني ورجل تأخرني

الحب الي بداخلي يخليني اتمسك بي والكره والانتقام يشجعوني انزله القرار صعب بس لازم جان اتخذه وانهي كلشي

كاعده بالسياره بطريقي للدكتور وايدي على بطني غمضت واتذكر من قررت اسوي اشلون جنت فرحانه واتمنيته يصير بساعتها

لويش مؤتمن وصلتنا لهيج طريق مسدود شنو الخلاك ادمرني بيدك مواني روحك والنفس التكول عايش بي طلع كوله جذب اي جذب هاي عايش بدوني

-يله ماما غزل وصلنه

-ؤك ماما

نزلت دخلنه عياده قديمه خفت بس من منظرها مو انوب ادخل بيها وكفت بالباب اريد اشجع نفسي وادخل اخذت نفس واتخيلت مؤتمن هسه خال دعاء بحضنه يتغزل بيها حسيت صدري ضاق وصار عندي هدف انتقم

دخلت جوه وكفت يم السكرتيره باوعتلي من فوك ليجوه لبالها ابن حرام وجايه اتخلص منه

انطتها ماما الفلوس كالت دخلي

دخلت واتفاجأت دكتور مو دكتوره اول ماشافني ضحك كال يله يحلوه صعدي عالسديه

انداريت للسديه شي مرعب وانوب وسخه كلها دم رجفت رد كال لاتخافين كلها دقايق يله

رحت ردت اصعد خفت تراجعت انداريت ردت اطلع كمشني كال وين بابا كلتلج لاتخافين

هو كمشني واني دفعته و عطت بكل صوتي

على صوت الصرخه دخلوا ماما وعمو قتيبه ركضت لحضنها شهكت و كلتلها بطلت ماانزله

-ولج ماما مو اتفقنا واخذتي قرار

-لا ابني ماانزله يطبه مرض مؤتمن بس هذا ابني اريده

-هذا راح يدمر مستقبلج

-ميخالف ماراح اتخلى عنه مثل ماابو اتخلى عني

ضلت تتوسل بس قفلت ابني ماانزله عجزت وهيه تتوسل اخر شي كالت طلعي يجي يوم واذكرج بي

طلعت من العياده حسيت بروحي ردت حمدت ربي مااتخبلت وموته شنو ذنبه هذا الشي الوحيده الصادق بحياتي صار قررت احتفظ بي واعيشله

رجعنا للبيت وعمو طلع يكمل هو وماما شغلنا صعدت غرفتي كلما ردت انام ماكدرت تكلبيت كمت طلعت الغتره خليتها بحضني اتشتم بيها وابجي اشوكت راح اخلص منك اشلون راح اخلص من حبك هم يجي يوم وصدك اتصير ذكره عابره مثل القبلك

خليتها بحضني ونمت لثاني يوم رحنه لربيل جبت جوازي واني حالتي من اسوء لاسوء العصر احضر بالجنط اني وماما اتصلت سماح رفضته ورجعت احضر بالجنطه رجعت اتصلت اخذت الفون ودخلت غرفتي رديت كالت ولج ترفضيني غزيلان

-شرايده سماح

-اسمع صوتج مشتاقتلج اشلونج

-تعبانه كلتها وبجيت

-يعمري ماشبعتي بجي موش كافي

-وينه يمها مو

-لاوالله صار يومين ينام بالمضيف يم الولد ولج والله اليوم شفتها كمشتني الضحكه امعدله ومتانيته وهو ضربها بوري نام يم مصطفى وتعالي سمعي تصنيف مصطفى ماخذ اربعه ومنيمه بحضني
شاهره شهيره والله يغزل اشوف الهضم بعيونه والشوك فاضحه اشكد يريد يكابر بس امبين ذاك وينه عينه بالدرج اعرفه يتخيل نزلتج منه اشكد يجسر خاطري بس هو ماعرف اشلون غلط هيج غلطه من البداية ماعرف اول واحد هو راح يوكع بيها وها للعلم لساتها ابنيه ماگربلها بس محد يدري كالها اذا دره احد وكتها انتي طالق

-سماح كلبي يوجعني روح فدوه لاتجيبيلي طاري

-اوكفي لاتسدي خلي اكلج على اخر الاخبار

-شكو خير

-من رجع احمد منج اجانه متخبل اخذ مؤتمن ودخلوا للمضيف شوية وطلع مؤتمن متخبل اخذ تهاني ورجاء ودخل للغرفة رحت ورا اريد اعرف شكو بس من شفته نزع ابلوزه وسحب كيبل كهرباء وضل طرك البنطلون عرفت ورا شغله ناوشني البلوز وكال روحي سد الباب

-امم وشنو

-منسمع غير صوت الصرخات تطلع موتهن وحك علي صلخ منهن لحم خله ادمايتهن تتطافر ماعرفنا على شنو بس اتوسلوا بي يعوفهن ماعافهن لمن موتهن نهاهن من صدك بحيث من طلع كبل اخذوهن للمستشفى تهاني تنزف والطفل مهدد بالاسقاط ورتجاج بالمخ ورجاء دخيل علي الله يحمينا

-شنو اشصار ماتت

-لابس الطبيب يريد يشوف الكسور البيها شنو اكتشف غير شي بيها

-شنو

-ذاك المرض الموزين

-يمه اسم الله دخيلك ربي وهسه

-هسه حال الضيم حالها حجزها مؤتمن بالغرفه كال حتى مااعالجها خلي المرض ياكل بجسمها لمن تموت وحدها ؛باقيه متخبله المشكله المرض متقدم

-وعمتي شنو اشلون سكتت

-هددها اذا فكت حلكها يخابر اخوتها يجون ياخذوها باقيه امكابله الغرفة بس تبجي متكدر تحجي صار يومين لااكل ولاشرب اضن عمتي تودع قبل بيتها

- حوبة سمر لبالج تروح بلاش

-لاوالله كلت المؤتمن هاي حوبة غزل شبعتها ضيم وهاي فطيره عليك يالله اطفر بضكحتها

-وتهاني وينها

-رجعها لاهلها كلهم بس تولد اخذ ابني واطلك واهلها هم ماساكتين فوك الكسور البيها هم حابسيها بغرفه واخوها يروح ويجي ياخذله دفره منها يكلها وطيتي راسنا وهيه تحلف مالها ايد هذا شغل رجاء كله

-خلصت المشاكل خلي ياخذ راحته بعد

-لابعده عنده واحد يردون يلكفوا مخبوصين عليه دز زلم يجيبوا كلهم لاتردون بدونه والله اليستر من الراح يصير

-اشوكت يلزم الشيخه الي كتل روحه عليها

-باجر ولج يسون بث مباشر موش يفوتج وهاا يمكن عكبه يجيج ياخذج

-امم تمام بس جنت ضامتله مفاجئه هسه سويتهن اثنين راح اخلي يترحم على الدموع النزلهن مني اذا ماخليته يبجي اضعافهن

-غزل عقلي شغله صارت وخلصت رجعي وصيري حبابه مايروحلها وكلنا نعرف هالشي

-هههههههه لاخلي يمها خلي يشبع هاي الشيخة الجان يتمناها وباعني لخاطرها يلا سماح روحي وبعد لاتخابرين مااريد انطيج حضر مهما يكون بينه ايام حلوه

بجت وكالت والله موش بيدي ماكدرت اكلج والله اموكف البيت على تك رجل يخاف يوصلج خبر راد يكمل الشغلة بدون لاتدرين ويجيبج ومخلص كلشي ويضل يمج ماحسباله راح تفلت من ايده

-ولج تشوفيني افرش بغرفته وحضرها اشلون مامنعتيني ولج اجهزه بيدي وفرحانه اني الاختاريت الغرفة والبدله بيدي فرشاته اني جبتهن اشلون انطاكم كلبكم هيج تسوون بيه شنو السويته واستاهل هيج

اني احجي بحركه وابجي وسمعت باب غرفتها انفتحت عرفته مؤتمن بسرعة كلتلها يلا روحي

رجعت للغرفه الخنگه امدمرتني وجع كلبي وكسرته اموتتني كملنا امورنا وحضرت الغراض الي اعتازهن

ثاني يوم جنت منتظره تنصيب الشيخ اكثر منه اريد اشوف شنو تسوه هاي الضيع حبنه الخاطرها مراقبه صفحته بالثواني لمن فتحوا البث المباشر بس بجهاز مصطفى فتح البث

واكف لابس اعكال وعبايه طالع هيبه اول ما شفته واكف يم الشيخ ويضحك احسه مرد بكلبي هاي ضحكتك وفرحتك اذا ماخليتك تحلم بيها اذا ماطيرت النوم من عينك مثل ماطيرته من عيني

اني اباوع بالغلط انطيت لايك وصلني مسج عالخاص من مصطفى غزل طلعي من البث

مارديت اريد اشوفه اريد اقنع كلبي بكرها الشيخ لبسه العكال عدل وتسالموا ومااعرف شنو حجوا ضلوا هواي يسولفون ويجحي كدام العالم بعدين تشكر وبدت العالم اتسلم عليه

وجان مؤتمن يصير شيخ هاي الجان يتمناها ميدري بروحه حصل شي فقد اغلى شي بحياته اشوف ضحكته واشلون فرحان يسلم مكرم حضنه ودكدك على ظهره انوب راح مصطفى هم سلم على ورجع عدل الكامره

كعدوا طلع مصطفى يصور الذبابح والعالم البره سديت الجهاز

رحت للغرفه دزيت مسج لمؤتمن مبروك يبن عمي ان شاء الله راح تنسيك الايام العشناها وتعوضك عن وجودي اختاريت الصح وشفت حياتك بس دمرتني جان علمتني اشلون اصير مثلك وادوس كلبي قبل لاتعوفني مو جنت اتكول ثوله يعني تعرفني صدك ثوله وصدك بكلشي جان عالاقل حق العشره نبهتني وماخليتني هيج احبك لهالدرجه

يلا بعد ميفيد الحجي مبروك على ثنين الشيخه والزواج هم مالحكت ابارك بالرفاه والبنين هسه انت صح اختاريت الشيخة الصحيحه التكمل وياها ماراح اكلك شي بكد ماراح اتمنى لك حياة سعيده

غلقت الفون اسمع ماما تصيح يلا غزل ماما راح الوكت نزلت وسديت الباب مثل ماغلقت اخر ايام حياتي هنا ضحكت تذكرت اول مره افتح هذا الباب شنو جنت اتمنى وهاي اني سديته لنفس الامنيه

نزلت الدرج اباوع للبيت الي مالحكت حتى احلم بي دخلت وطلعت وحلامي بالهوا

طلعنه صعدت السياره اباوع للطريق واودع اخر ايام ؛ غتره مؤتمن بيدي ساعة اشتم عطره وساعة امسح دموعي بيها هاي السياره اشلون اجيت شايله احلام واشلون رجعت شايله ضياع

وصلنه نزلت اباوع مطار بغداد الدولي شلت ايدي اباوع الساعة الخامسه مساءاً ضحكت انداريت اباوع وراي شنو شفت بيك يالعراق بشنو اجيتك وبشنو رجعتني

سحبت جنطتي ودخلت ماما اخذت الجوازات واني كعدت منتظره الوقت يمر رن جهازي هيفاء رديت اسمع الهلاهل يمها فتحت كام كالت بالمبارك يالشيخه باوعتلي وصفنت كالت عليش تبجين

مسحت دموعي كلتها الشيخه لاهلهه ديري الكامره هيفاء

-شكو غزل اشبيج عوفج من الكام خليج وياي مؤتمن تنصب ولج صار الشيخ

-هيفاء ديري الكام

عرفتها متريد تديرها لان راح اشوف منو اليهلهل واليگفل دارت الكام وصدك مثل ماجنت متوقعه شفت دعاء تهوس وتصفك وبيبي واكفه تهوس وياها تضحك ردت الكام يلا هيفاء الله وياج

-وين انتي غزل

-راجعه لحياتي الصح عانيت هواي جرب كلشي لخاطر اصير منكم بس ماكدرت روحي هيفاء روحي خلصانه مااكدر احجي

-غزل باجر مؤتمن الصبح راح يجيج لخاطري ردي ويا لاتطيرين فرحته محضرلج مفاجئه

-مو اكبر من مفاجآتي يلا روحي
سديته

امحضرلي مفاجأه شنو اخاف ماكفتني المفاجئه المضت امحضرلي وحده لخ

رجعت انتجيت غمضت اجاني مسج كعدت عدل لكيت مكرم -مبروك يالشيخه بس عذيرني كلما اريد اقتنع انتي الراح تمشين ديره ماجاي اقنع يااخي كلش واكفه

ضحكت سديت الجهار مرت ساعه صار الليل رن الفون شلته شفت المتصل مؤتمن يمكن قرا المسج فتحت كام باوعلي ماحجه صفن شويه اشرت شكو

اخذ نفس وگال اشلونج غزل

-مم كولش زينه تمام اموري مبروك سويت الردته شنو حسيت اكيد فرحان موو

-فرحتي تكمل وانتي بحضني

-لاهاي بعد صارت مستحيله ارضه بالبيدك لاتطمع بالأكثر تالي تخسر كلشي عندك البعتني لخاطرها كمل وياها مؤتمن هاي راح اتنفعك اكثر مني

-ماراح اكلج احبج ولامشتاقلج لان انتي تعرفين كلش زين شنهو انتي الي

-اني الغدرت بيها وكسرت كلبها اني الخذتني غصب وشبعت منك كتل واهاين واتحملت اني الحبيتك وادمنت بيك وشمرتني

-كافي غزل لخاطر محمد كلشي يتصلح

-ماراح اتلحك مؤتمن خلص انتهى الوقت وكلمن يرد لحياته

(على ركاب الطائره المتوجهه ... التوجه لبوابه رقم 10)

-غزل وين انتيييي ؟؟؟

-كلتلك كل واحد يرجع لعيشته

-لاغزل لااا دخيلج لا لاتعمليها اعمل التردي لاترحين

-كلتلك لاتروح راح تخسرني

-غززززل غزززل التردي اعمله بس لاترحين بروح ابوج وحك علي اسوي التردي وحگ كلام الله غزل بس سمعينيي شنهو التطلبي يجرالج لاترحين

هو يتوسل واني كمت بس ماسديت الكام اريد اشوف كسره كلبه اشلونها اسمعه يتوسل دخلت البوابه وهو اتخبل رفعت الكامره كلتله اكو مفاجأه جنت امحضرتها واجيت ردت اكلك بس لكيتك امحضرلي اكبر منها

-غزززل عقلي لاتخبليني

-اني حامل

-رجعي غزل وحك كلام الله هسه اطلكهن كلهن غزل بس سمعيني

-خلص مؤتمن اعتبره حلم وكعدت منه

-غززززززل لالا مااريد شي اتنازل عن الشيخه وطلكهن شنهو تردين بعد اسوي حجاها بنكسار وتوسل

-روح مؤتمن الله وياك

-لاااا لاتكوليها كالها وبجه

وهاي اول مره اشوفه يبجي ضحكت بتعب كأنما اذكرى بالعهد

-گال بتوسل اموت بدونج لخاطر حبنا لاترحين غزل وكلام الله التردي اعملة

-ياحب الضيعته بيدك

-ماضاع شي رجعي لاترحي والله اعمل اي شي تكولي اطلهن وتنازل عن الشيخه وشنهو رايده بعد بس لاترحين

مارديت اباوعله اشلون عيونه حمر ويباوعلي بتوسل ودموعه تنزل بترجي لااصعد الطياره

ابتسمت خليني ذكره مرت بحياتك انساني مؤتمن

مارد بس هز براسه لاااا ودموعه تنزل عالسريع
رفعت الفون ردت اسده گال لااا وبعدها سمعت صوت بجيته بقهر

سديت الفون وصعدت الطياره كلتلك راح ابجيك ماصدكت ؛ دااخل واسمع واحد وراي يصيح غززززل

انداريت شفته اخر شخص جنت متخيله اليوم راح اشوفه حسيت روحي جنت بحلم مزعج وكعدني منه بصوته ضحكت وكملت طريقي

...لن اعاتب ولن انتقم ولن احزن بل سوف اعود غريبه كما كنت...

لهنا وننهي الجزء الاول من روايتنا

انتظروا الجزء الثاني قريبا

الكاتبه leo Alfatlawi

لاتنسو التصويت ⭐⭐⭐⭐⭐