رواية كفي والمنجمه الفصل الرابع والستون 64 - بقلم Leo Alfatlawi

قام جدو تفاجأ، قال: "شنهو بويه؟ عليش تطلقين؟ بعدني ما رديت، وأحس واحد مد إيده عصر فكي، حكى من بين سنونه: "كم مرة قلت لك هالجلمة ما تجيبينها على لسانك؟ جدو: "هدي يا بوي، شمالك ويه الفرخة؟ -"طلعي غزل، نتفاهم بره." -"أترك البيت، أقول لك ما أريدك، طلقها." هو قالها، ومؤتمن صاح صوت خلاه يخنس مكانه، دفعني، أجيت أوقع، سحلني صعدني فوق، أدفع فتح باب الغرفة دفعني، قال: "شنهو العملتيه؟ تتنازلين عن أملاكك عليش يابا؟

-"حتى يطلقني منك." -"اشجلبتيييي! رب الحلو اشجلبتي بالـ استغفر الله! -"ما أريد أكمل وياك، اشوكت تحس إني كارهة عيشتي ويااااك؟ " قلتها وبكيت. مسح وجهه، أخذ نفس، راد يسحبني، وخرت عنه. -"ما أروح، كافي لا تبكين." -"جذاب، بعد ما أصدق بيك مؤتمن، حتى لو ما تروح بعد ما أريدك." -"بسج لا تبكين، وقولي شنهو اليرضيك." -"طلقنييي! -"غزل، هاي الجلمة إذا سمعتك تقولينها وحق علي ابن أبي طالب أفلش راسك." -"ما أريد أعيش ويااااك."

-"تعالي هدي، خليني أحكي وياك." -"ما أريد مؤتمن، وخرررر، وطلاق برضاك غصب راح أطلق." عفته ونزلت، صارت دعاء قدامي تضحك، قالت: "ها عرفتي؟ " وطقّتها ضحكة، عفتها ونزلت، حقها مؤتمن وصلني لهيج طريق. احتاريت وين أروح، أشمر همي، اشكد احتاجيت حضن أروح له أخلي راسي به وأشكي وأطلع اللي بقلبي، ما لقيت غير سماح دخلت أبكي، باوعت لي قالت: "ها دريتي؟ -"يعني كلكم تدرون، ولكم شنو مسويت لكم وهيج تسوون بي؟ والله حتى ما أقدر أتحسب عليكم."

-"خيه وين رايح؟ هو علاج، ما تقولي لي عليش حارقة قلبك؟ -"يروح يطبّه مرض، عسى ما رجع، أنا أستاهل كل اللي صار بي، اشلون وثقت بيكم ورجعت، أنتم الله خالقكم من شر وخبث، اشلون اقتنعت اتغيرتوا؟ الله ينتقم منكممم! -"غززل يمه شبيك صدق تحكين؟ -"إي صدق، المفروض أعرفكم من ذاك الوقت وأدري عمركم ما راح تتعدلون، عايشين على حساب أذية العالم." -"استغفر الله." -"على شنو تستغفرين؟

أنتِ شنو بس دا أريد أفهم، من ضميتي علي هيج شي، شنو ما راح أعرف؟ زين من أعرف ما فكرتي شنو راح أحس؟ -"ولك وين رايح؟ قابل هو أسبوع ويخلصه بالمستشفى." -"خابري مكرم، خلي يجي يوصلني لماما، وخلي واحد يمنعني من الطلعة، وروح بابا انتحررر." -"استغفر الله ربي، تعالي راح تموتين، شكول عليك مؤتمن، اشكد حجيت قفل أصر ياخذها." من حرقة قلبي ركضت بدون شعور، قعدت يمها، خليت راسي بحضنها بجيت، طلعت شكو بقلبي،

قالت: "والله خيه هيج اللي جاي تعملينه بروحك، لو تعرفين اشكد شايل هم اشلون راح يتركك." -"عرفته من أخذ ويا دعاء." -"ولك جا منهو يخدم رجاء؟ ما يقدر وحده، هاي راد واحد يقومها ويقعدها، أحنا عندنا فروخ وأمها مرة كبيرة، والله بالبداية احتار قال لهيفاء، ردت ابني يرضع وإني ما أقدر، بس دعاء دقت له صدر قالت له إني أتولاها." -"خليه ياخذها بس قبل لا يروح يطلقني." -"ولك لا تحكين هيج قدامه، والنبي يطقّك غزل، موش كلشي قلتي طلقني."

-"لو يموت، تعرفين شنو يموت؟ ما أرجع له." انفتحت الباب وإني أشهق بحضن سماح، دخل، قال لها: "ارتاحيتي هسه؟ يلا تعال قنعها وسكتها." -"بويه لا تخبلوني، شعمل ما تقولي لي؟ أنطيني حل، يلا هاي قدامكم، شنهو اللي تطلبونه؟ أنا جاهز." -وخرت من سماح، مسحت دموعي، قلت له: "روح، مالي دخل بيك، بس قبل لا تروح طلقني." أجه سحلني من شعري، قال: "شقلت أنا؟ -"حكيت أو لا آخر همي، وطلاق راح أطلقك غصبًا عنك."

صك على سنونه وجر شعري حيل، حسيت فروة راسي أجت بيده، صرخت، عصر وجهي وصاح: "اشحجيييييت أنا؟ طفرت سماح جرتني من إيده بسرعة، أخذتني لحضنها، قالت له: "مؤتمن اطلع، كافي البنت راح تموت." -"لك ما تسمعيهااا؟ كم مرة قلت لها لا تلغيننن، لا تقندرين على راسجججج؟ " قالها واندار دفر الميز فلشه. لميت روحي وضميت راسي بحضن سماح. -"كله من وراك، قلت لك مؤتمن إذا عرفت تتخبل، بطل ما تعرف اخبال غزل، إذا عرفت تصير هي اللي تعمل اللي براسك."

-"جاشصصصم؟ منهو يولي وياييي؟ منهوووو؟ لا تخبليني، عوفيها يطبها مرض تبكي، تدق راسها بالحايط، أروح وأجي وهي تاكل تبن وتنكتم." وخرت من سماح، قلت له: "روح سوي اللي تقدر عليه، وأنا أعرف اشلون أرد لك هذا غدرك، إذا ما خليتك أنت اللي تاكل تبن وتدق راسك بالحايط ما أطلع غزل." فتح عيونه على كبرهن وأجه، جرتني سماح خلتني وراها وصاحت: "دخل الله ودخلك بروح أبوك هدي، والله محترق قلبها ما تعرف شتحكي."

دفعها شمرها على جهة وسحبني من شعري، قال: "شنهوووو لك؟ ركضت سماح لزمت إيده، دنقت رادت تبوسها لأن عيونه صارت حمر، صاح: "بعدددددي! "دخل الله ودخلك، والله تموت بيدك وتتخبل وراها مؤتمن، مروتك اتركها." "ما أطقهااا، بعدي! "جا وخر إيدك عنها راح يوقف قلبها، البنت تعبت." رد دفعها وجر شعري أكثر، رفع راسي، دنق، قال: "أروح وأرد، إذا بس لقيتك متحركة موش أحرقك، لااا حرام أدفنك وأنتِ عايششه، سمعتييي؟ أشرت له: "إي."

-"ما أخذتيني على قد عقلي لكججج؟ -ما رديت، ضغط على سنونه ودفعني، انركع راسي بالـ "جرباية"، صاح بحرقة قلب ودفر الكنتور بكل حيله، من قوة الضربة طق الباب بالنص؛ لزم راسه، باوع لي ينفث، أباوع عيونه اتحولن مثل الدم، رجعت لورا أباوع له بتحدي وبنفس الوقت الشهقة بقلبي أحس نار تطلع من جواي. دنق مسح وجهه، أخذ له ثواني وطلع، ركع الباب وراه. سماح: "اش بيك اتسودنتِ علي؟ خبلتيه؟ -"ما أريد أعيش وياه."

-"غزل موش طفلة أنتِ، افتهمي يقول لك ما عندي أحد مضطر، شيعمل ما تقولي لي؟ راد يروح يجي بدون لا تعرفين حتى لا تنقهرين." -"وكل عقله إذا دريت بعدها راح أضل ويا؟ وروح بابا لو يصير الروح هم أتركه، وهسه أرجع لماما، إذا هو سبع خليه يوقف بوجهي." بعدني أحكي وانفتح الباب، دخل أجه بسرعة راد يدفرني، ركضت سماح صارت بوجهه، كمشته من صدره، قالت له: "لخاطري اتركها." لميت روحي خفت يكتلني، ضميت راسي بحضني وأشهق.

عصر كف إيده يباوع لي بحرقة، صاحت وسماح: "مؤتمن خشمك ينزف يمك، صعد ضغطك يمعوود." دفعها ودنق عصر راسه. -"دخيل الله شصابك؟ أصيح لك مصطفى؟ ما رد، وخرها عن طريقه وراح، راحت ورا تركض. لميت رجلي، خليت راسي بحضني، دموعي تنزل أحس قلبي يفور، لليل وإني على قعدتي لا سمعت صوت ولا واحد مر، لحد ما دخلت سماح بيدها صينية أكل خلتها قدامي، قلت لها: "ما أريد شيلي." -"ولك أكلي لقمة، بلا غداء أنتِ." -"ما أريد، وخررري، وين مصطفى؟

-"ااااي غزل حتى يحرقكم سوى." -"حتى لو يحرقني هم ما راح أضل." "كل عقلك أنتِ غزل؟ شنهو ما تعرفين مؤتمن؟ أخاف نسيتي وعلي يسحلك ويشمرك بالغرفة ويقفلها عليك لمن تموتين وحدك، عقلي ترا تحملت أكثر منك وعبرت لك، لا تزوديها." "أريد أروح لماما." -"وكلام الله يغزل، يرد أمك لأمريكا ويخليك تحت رحمته مثل قبل، عليش خيه تعمين على نفسك؟ كلش زين تعرفين مؤتمن يقدر يسحكك ومحد يوقف بوجهه." -"يعنييي شنووو؟

-"اشلون بلوا يا ربي، هو متخبل بجهة وأنتِ خبلتيني بجهة." رجعت راسي بحضني غمضت، رادت تتوسل آكل، شافتني ما جاوبتها، أخذت الصينية وطلعت. تمددت بفرشتها، خليت راسي أحس يريد ينفجر من الألم، شوية ودخلت، قلت لها: "فدوة راسي حينفجر، أنطيني مسكن." -"وإني ما عندي هم غير غزل ومؤتمن؟ أفتر بينهم، ذاك يصيح مسكن وأنتِ مسكن، استغفر الله ربي، شبتليت أنا؟ طلعت دقايق وردت، قالت: "قومي اشربي." باوعت لي وضحكت،

قالت: "والله أحسكم أنتم جهالي موش ذوله." أخذته وشربته، رجعت نمت، بعد ما أجه، ماكو غيرها راح صعد لدعاء أكيد يحضرون ملابسهم للسفر. حسيت قلبي اختنق، قعدت لميت رجلي ورجعت أبكي، قامت سماح قالت: "ترا الصبح راح يصير غزل، نامي راح تموتين." ما رديت، ظليت على شهقتي. أخذت الفون اتصلت، رد، قالت له: "تعال شوف لي صرفة لمرتك راح تموت، صار كم ساعة على نفس الجرة بس تبكي حتى ما أكلت... يله اي. غلقتها وكامت كعدت

خلت ايدها جوه خدها صافنة: -شلون ويه غيرتج انتي؟ راح تموتج! -راح ياخذها ويروح. -ولج ماخذها سياحة قابل؟ والله يخدم عليها. -جذاب، متعرفين مؤتمن. لو ماخذها للخدمة مجان ضم السالفة. -غير يعرف سوادينج، هاي النتيجة. حسبالج ميدري راح اتسوين هيج؟ -سماح سكتي، لا اتكل روحي هسه. -هو شبقيتي لروحج ولج؟ على ساعة يوكف كلبج من الحركة. خيه كافي تبجين ولج، متي. ما رديت، ضليت على شهكتي. دخل مؤتمن كال: -من اكول موش عاقلة تعترضين. سماح:

-مؤتمن فيزلها واخذها وياك. -شلحك متكليلي؟ -اخذ فيزه سريعة، جوازها امريكي يجوز يسفروها حتى بلا فيزه. -ما عندي افلوس. -اخذ ذهبي بيعه بس خلصني. سطرتني احس راسي راح ينفجر، اشحال راسها هسه تراها متفتهم هاي لمن اطك وتموت وهيه ما حاسه. -تريد تجي تتبع ذهبها؟ هيه عليش ذهبج ينباع؟ واذا معتزه بي لا تتصور دينار اشمر عليها. خليها اطك راسها وتموت بلكي اتخلصني. -اتبعيه خيه، احجي تردين تروحين ويا يكلج ما عندي افلوس؟

اشرتلها لا ما اروح. مؤتمن: -جا شتردين فهميني؟ ردت اكول ارجع لماما بس شفته صاكَ على سنونه لان متأكد راح اكولها حتى يكتلني، سكتت ودرت وجهي. سماح: -روح بيع ذهبها وفيزلها، اخذها وياك. -انتي خبله؟ هيه ماتفتهم انتي شبيج؟ وينها وين الطيران ولج؟ تموت بالطريق. -لا تموت اذا تركتها ورحت. مؤتمن ماتتحرك اذا ما تاخذها وياك. -وين اخليهااا؟ هيه غرفة وحده حاجز بالمستشفى. -احجز فندق الها ولاتكول لااا، لان انه اجتل روحي موش هيه.

-احجز مرض؟ تريد تجي تضل حالها حالهن بالمستشفى. -ميخالف. -فرفره واطياح حظ ماكو. تنسمط مثل الزمال بالمستشفى اذا فكيت حلكها اجسر فجها. -ما راح تفتح حلكها، هاي هيه بس بروح ابوك خلصنه. ما رد، طلع وركع الباب ضايج. ضحكت سماح كالت: -كومي غسلي وجهج خرب بشكلج. عملتي التريدي ارتاحي، خبلتي الزلمة خليتي يخاف يتحرك من مجانه. يبوو يغزل شيخلصج هناك؟ راح يطلعها من خشمج رايحه ويا غصبا عن راسه. -لويش يبيع ذهبي وهيه ماخذها على حسابه؟

-يبووو سالفة جديدة. انه انطيج ذهبي بس ابوس ايدج سكتي، الزلمة راح ينجلط. -ما يموت عار ضال بس حتى يأذي اليمه. -غزل بسج ظلم خيه، عليش هيج تحجين عليه؟ وعلي يحبج وخايف. -من هيج حجز لدعاء حتى ياخذها ويا. -غزل لو بحالها جان عبرها وهيه هنا موش راكنها مثل البيها جرب ومخلصها وياج اتصالات طول ما انتي يم امج حتى ما كلف نفسه وكاللها اشلون صار جرحج، لحد ما اجت امها اخذتها فتحوا الخياط. -يدري هالشي يحرك كلبي، شلون يسوي هيج؟ -شعمل؟

ماخذها تشيل من جوه رجاء وتتحمل قرفها، وهو سبوع واحد حتى فندق ما حجز، كبل للمستشفى. كل عقلج الترضه على نفسها هالمذله تغارين منها؟ ولج انتي شايفه من تدخل ويه رجاء للحمام شلون لعبان نفس؟ -ما راح تضل عمرها كله بالحمام. هم يجي وقت وتخمد رجاء وهيه تضل ويا.

-عفيه هذا الي براسها الي تحملت كل هالعبان النفس ودكت صدر كالتله انه اخدمها وصارلها اكثر من اسبوع تشيل من جواها. هاي كلها لان متخيلة راح تستفرد بي ومتأكدة بس ترجع راح تعلكها بينكم، بس ما كلتي شنهو براسه هو؟ -كلشي ماكو براسه غير يدور شغلات يحرك كلبي بيها. -يبووو اتكلها ثور تكلك حلبوا. ولج غزل اشكد ضليتي يم امج؟ ولج وداعت جهالي حتى ماباوع بوجهه. يدخل ويطلع يلهج باسمج هاا خابرتوها هاا شعملت؟ امها هم اتصلت؟

عليش ما ترد اخاف صايرلها شي. -لعد اذا هيج يحبني لويش ما يردها لاهلها؟ -هذا الي يريح كلبج ويرد علاقتج بي وتبطلين تمرمرين كلبه وتصعدين ضغطه. باوعتلها واشرت اي. -سهله كومي غسلي وجهج. ما فهمت شنو تقصد، كمت غسلت وجهي واجيت نمت يمها. صاحت: -انيالك يا مؤتمن، اربع نسوان ونايم بالديوانية. -محد كاله يسوينه هلكد، موجنه بس اني وياج شكو كومهن؟ -اوووف حلم نرجع مثل قبل، اشكد جنه مرتاحين.

-ولج سموح اذا صرنه بس اني وياج هم انقسم ايام. -من -خليني ساكته، هو عنده اربعة وانتي ماخذة ست ايام ونص. -لويش نص مال شنو؟ -ياع وانتي حاسبها؟ الاحد يوم منطينه لدعاء، ولج والله حسبت ذاك الاحد بس ساعتين ضل يمها حتى ما بي نص نص ربع يوم. -لا وفرحانه تدخل وتطلع اشوفها تضحك مال المرض اثاري تريد تسافر ويا وانتي هم خبيثة متحجين. -انه اكدر افك حلكي؟ شو سكتي رجلج امسودن بس والله حيل، شلون راح تستقبل الصدمة يمه؟

شيجيب باجر وشوفها. نامي ما ضل للصبح هواي. نمت مرتاحة مو بحال السفر بس من حسيت نفسي كدرت اكسر كلمته واروح غصبا عنه، شي بداخلي برد. لباله بعدني غزل المكسورة القديمة الي يمشي كلامه عليه واسكت. غمضت اتمنيت ما عرفت وكتشفته وهو هناك، والله جان بيها طفره وجرت اذن تعدله الف سنه ليكدام. ثاني يوم هم ضليت زعلانة ما طلعت ولاهو دخل حتى ما سأل، بس اجت سماح كالت: -مؤتمن يكول متأكدة اتبيع ذهبها؟

موش تجي بعد كم يوم تبجي تريده تره ما اشتريلها. ما رديت درت وجهي وهيه هم راحت بعد ما عرفت شنو الصار. كعدت شبعانه نوم، رحت للمطبخ لكيت مصطفى كاعد مكنك. كتله: -لويش لسه كاعد؟ -عندج اعتراض بنيتي؟ -تره الصبح حيصير. -جوعان. -لعد وين مرتك؟ -خامده، سويلي اكل بروح ابوج. -تمام سوي جاي واني المخلمة، اني هم جوعانة. وكف يسوي جاي واني مخلمة. كتله: -صافو لويش دتبوك من المصنع؟ -منهو كالج؟

-مؤتمن سمعته يكول لسماح لبالج ما ادري مصطفى شيسوي بس عايفه براحته. -لا يانغل بس قصده موش عالفلوس، غير شي المهم مغلس. تركي عملي روحج ما سمعتي، يلا خلص الجاي. -اني حخلص المخلمة. -المواعين عليمن باجر؟ -على دعاء. -حلوو، صبي بشكو ماعون بالمطبخ. -هههه يلا اني اطلع وانت صب. -جيبي الجمچه وناوشيني.

وكف اول شي صب ماعون جبير النه وانوب كام يصب واني اناوش. ما خلينا ماعون اخر شي طلعت الجدور هم خلينا بيهن لطعة لطعة، ما خله لا دوالگ لا كلاصات. خلصنه. واكفنه انباع ضحكنه، مسوين انجاز. المطبخ مكلوب كلاب ماكو مكان نكعد، اخذنا اكلنه رحنه للصالة خليته كعدنه اكلنه وشربنه جاي. -مصطفى اجيب حبشكلات ناكل لومتشتهي تريد اتنام؟ -لا موش نعسان كومي شنو عندج جيبي.

رحت للغرفة شكو نساتل وكرزات وجباسه جبتهن. البيت هدوء، نزلت شغلة الـ TV طلع فلم اجنبي، تمدد نباعنه وناكل صارت الصالة هم طشار من المخلفات. كال: -كومي جيبيلي غطه بردت. رحت لغرفة بيبي دخلت على اطراف اصابيعي اذا كعدت تفلش راسي. اخذت بطانيتين خفاف على كيفي وطلعت ركض، انطيته وحده جان يم التلفزيون متمدد. واني صايره ورا كعدت انتجيت عالحايط ناكل ونباوع. صارت الثلاثة ونص كال: -يلا اطفري راح اتصير صلاة الصبح. -لعد والبطانبات؟

-تركيهن مجانهن، احنه شكو عالم قذره يطشرون ويرحون. -يي والله اشكد اعلم بيهم وسخين عيع. -عليمن التنظيف؟ -على سماح وتهاني. -هم اشو موش هيفاء تشبعنه دفرات، يله لج على غرفتج وهاا موش تنامين بدون صلاة خليج امرأة تقيه. -لا شلون بلكي الله يغفرنا النسوي بيهم. هو راح الغرفته واني الغرفتي حتى التلفزيون عفنا مشتغل، شويه تانيت اذن صليت ونمت. كعدت الصبح على صوت شعشبونة اتصيح: -غزززززل.

طفرت غسلت وجهي نزلت لكيتها واكفه ومصطفى يمسح بعيونه ماشبعان نوم، غمزلي اشرلي لا تحجين. مؤتمن: -اي خويه عفيه بالسبع شغل ازلام. ضحك مصطفى لان لكفه مؤتمن. نزلت صاحت عمتي: -شعاملين؟ -شنو عمه شكو؟ -منهو كالب البيت بت فريال؟ -واني شدراني جنت نايمه يجوز حرامي. سماح: -هذا الحرامي عامل مخلمة وماكل نساتل. مجسروت الركبة اكلتي اشيل وراي الوساخة. -هاي اشبيكم منو اكل؟ اني جنت نايمه. دعاء:

-عيني تره النساتل ذني ما موجود منهن هنا امبينات. -لويش عيني مستوردتهن من الصين؟ وبعدين انتي اشكد قذره المطبخ صاير مجزره يمكن صار اسبوع ما غاسله اماعين. -يااا شنهو المطبخ هم داخلتله؟ ركضت للمطبخ وعمتي كالتلها: -حتى للحديقة طالعين ناهشيها ربي منين جبت ذوله. رحت يم عمتي ام مكرم خنست لان طلعت دعاء تلطم اتكله: -مؤتمن ما اغسلهن وروح ابوي، موش خدامة حتى الخدامة هم تشرد، روح شوف المطبخ. اجه مؤتمن خنست يم

عمتي اخذتني لحضنها كالتله: -ياع شنهو اشمالكم ويه البت؟ شنهو الواحد ميجوع؟ والله خوش. -اليجوع يكلب البيت؟ ولكم شلون لحكتوا بس اريد افتهم. دخلت بالوحدة البيت نظيف. كعدت ويه الاذان حرام حسبالي عبوه طاكه بي. شنهو انتم متكولي؟ ضميت راسي بصدر عمتي وهيه غطتني كالته: -روح عندك ثلاث نسوان ينظفن اترك البت.

هز ايده وراح كعد مدوا السفرة وصوت التركع بالمطبخ ماعدهم شي نظيف يصبون بي. ناس تغسل عالسريع وناس اتصب، جابوا الاكل ما اشتهي، مصطفى بس شرب جاي. عمتي: -اشمالك ييمه متاكل؟ مؤتمن: -طبعا مايشتهون اذا كارشين هاي كلها شياكلون بعد؟ باوعلي ضميت راسي وره عمتي همست: -عمتي ضلي اتختلي جنج فاره الج يوم تنكمشي ونشلع راسج. بيبي: -وانه البارحه من حجيت مارضيت كومت الدنيا. كملنه ريوك قبل لا يطلع كال: -روحي ويه دعاء غسلي اماعين.

هزيت راسي اي، كمت هو طلع واني صعدت غرفتي اول درجة جرني من شعري. صفنت هذا اشرجعه؟ كال: -كتلج روحي وياها موش تنامين. -والله نعسانه. -غزل عالمطبخ. شفته معصب خفت اشرتله اي. مكرم: -مؤتمننننن وينك يمعود تأخرنه. دفعني عالمطبخ وطلع. رحت للمطبخ اتثاوب دخلت لكيت تهاني شايله شهم، ردت اخذه بس اخاف اتقرب لتهاني حتى بوجهه اخاف اباوع. دعاء: -غزل اوكفي على الغسل وانه اشطف. -والله لا اغسل ولا اشطف، وشتردين اتسوين سوي.

-عممممممه تعالي شوفي، موش خليتولي نوبه وكلت ميخالف، انوب اطلعوله لشغلة جديدة تراني ما اشتغل عد اهلي هيج. هيفاء: -بس خفي علينه يالاميرة، تره غزل جان عدها خدامة وما تفيگت مثلج وهاي واكفه حالها من حالنه. سماح: -لا والله هم موش من حالنا المكروهه. هيفاء: -اي والله صدك، المفروض انشيل الشغل عنها كافي عليها اخوي امتعبها وساكته المسكينة يوميه يبات يمها، اشوكت يرحمها ويروح ليله يم وحده بيجن ما ادري. دعاء:

-هيفاء اعرفج تردين تغثيني ما راح اسمعلج، وغزل تغسل اماعين. هنه يحجن واني خاله راسي عالميز اتثاوب. سماح تضحك كالت: -كومي خيه انه اغسل ماعين ردي نامي. دعاء: -وعليش انتي عليش موش هيه؟ -انه متبرعة بكيفي كومي غزل. خليتهن يجادلن حتى ما بيه اصعد، دخلت غرفة سماح ونمت. غرفة بارده وغطه ناعم دخلت جوه دفيت، اجت غزول رادت تحجي اشرتلها اكوم اعضج طلعي، خافت راحت تركض لامها غفيت. كعدت على جرت مؤتمن من شعري، فتحت عيني كال:

-شتعملين هنا؟ وخرت ايده وانكلبت للجهة الثانية. شال الغطه كال: -كومي اريد انام. كعدت كوه افتح عيوني كال: -ساعدتي دعاء؟ اشرتله اي. -همم واذا طلع جذب؟ -اشلع راسي. -حلوو واثقة انوب من جوابها. دعااااء. -عزا شكو صايحلها؟ -اشش لا صوتج. دعاااء. كمت ردت اطلع كمشني كال: -وين؟ باوعتله ورمشت بعدني نعسانه، حضنته ودفعني حيل اختل توازني. كعدت بالكاع اتثاوبت، كعد نص كعده كدامي كال: -انتي نايمه صاحيه؟ -هاا. -ومرض؟

كلتلج ساعديها عليش متسمعين كلام؟ رمشت فتحت عيوني حيل اريد افيق، هز ايده كال: -كومي طلعي وياهن عالشغل. اشرتله اي كمت. -غززل. -همم. -الفيزه تتعطل وعندي شغل ما كدر اعطله اكثر، بويه هيه كلها اسبوع ونرد. -لا. -انتي جاي تفتهمين شنهو احجي لو لا؟ -مؤتمن رووح. شفت كام معصب طلعت اركض ما اسمع غير الباب اندفرت.

مر كم يوم البيت هدوء، مؤتمن ما اشوفه ابد يجي تالي الليل بس اعصابه فايره، امبين الشغله اتعرقلت لان ما اسمع بس الصياح مالته وروحه بخشمه، كل الي يحاجي يعيط بي. يدخل للديوانية يسد بابها بدفره. كم مره دز سماح تقنعني، ضليت مصره ما انطيتها اي جواب يريحه، خليته يكمز طلعت شكو قهر حسيت بي من روحه. واكفه يم عمه تخبز بره وكل شويه صايحه: -بعدي لا تنجوين. واني افتر يمها اجه مكرم كال: -ها يمه خلصتي؟ -ما ضل هواي شرايد يبعد امك؟

-اريد اتغده طكني الجوع. -دروح لمريتك اتصبلك. -خلصي فرد مره ناكل سوه. -اجوا اخوتك؟ -لا مؤتمن يكمل المعاملة ومصطفى بالمصنع. وانتي ام كفشه خويه عدلي حجابج لا يجي احد. -انطيني الغتره مالتك حباب. -اي لخاطر هيفاء تسحلنه سوه اذا شافتها متوسخه. -لا والله ما اوسخها حباب والله الشال يفلت وعيب ناس هيه تجي تشوفني. بالبداية ما رضه شاف شالي كل دقيقه زايح بجها، نزعها وانطانياها لبستها اشكد احب لبستها لفيتها مثله، ضحك هز ايده كال:

-هسه جايج مؤتمن ويعلمج على هاي وكفتج. -ما يجي صار اشكد مفقود. -غير اكو عالم خلته يعيد معاملة اشكبرها كرهته بروحه، وعلي اذا لكفج اله يفلش راسج عاد العملة كله من جديد طاح حظه. اجت دعاء كالت: -شنهو تقصد منهو ذوله العالم؟ مكرم: ماكو شي خويه، يلا فضّنه صبّن. -غزل شنهو راح تجين ويّانه؟ -لا، مؤتمن ميقبل. -مو أكول يعني وين رايحين، صح كال العصر نروح نفتر لو مرات بليل، بس أكيد سفر تعب راح نشوف. مكرم

-هههههه أي خويه افتري براحتج، روحي صبي. -شنهو تردون هدايا؟ مكرم -فيل، جيبلي فيييل! -واني جيبيلي هندي يشبهِج كون هيج نفس اللون، حتى من تسافرون مره لخ انتِ ومؤتمن ما أشتاق لجهرتِج. -ما أخلّيج تشتاقين، لا تخافين، أصورلِج يوميه انه ومؤتمن. مكرم -عود باجر، يلا كافي تلغَن، روحن صبّن خلي نتزقنب. عمتي لمّت الخبز، دخلنه جوه، مكرم يجر بالغتره واني مكمشه، دخل مؤتمن وصل يمي، شمر الجواز عليه كال:

-لمّي زبايلج، باجر نطلع قبل الأذان. -بعت الذهب؟ -غزززل، وروح ابوي أجي أعفِس خلقتج نفس ما أريد أهيسلج. عفته، كوه كتمت ضحكتي لأن عرفته واصلتله كلش، ودافع أضعاف بسبب الفيزه المستعجلة، هاي من غير كسرته كدام أهله، مشيت كلمتي عليه ومشيت ويّا غصبًا عنه. صعدت فوك لميت كم حاجه ومناشف وأدوات السفر كلها، بس انترست الجنطه، كوه سديتها، دخل وكف باوع صفن كال: -فرّغيني منها، مالِج وزن غير أربعين. -ذني أقل بس نفخ.

-إذا طلع أكثر، الأغراض الزايده أشمرهن بالحاويه، موش أتكولين ما كال. -عادي تشتريلي غيرهن. -من أكبر أبوج، اشتري، طلعي لا أجي أدوس بطنج. كمت طلعت بسرعة، نزلت أضحك لأن شكله محتار أشلون راح ينزل الجنط كدامهم، وهو الوكف وكال ما ترحين. لكيت دعاء عالدرج، كالت: -شو أتضحكين؟ -ودعت مؤتمن وتعالي خلي أحضنج حشتاقلِج. حضنتها وما حسيت غير دمغه طيّرت مخي من وراي، كمزت انداريت لكيت مؤتمن خازرني، جرني من شعري كال: -شنهو جنتي تعملين؟

-ماكو داا... -شنهووو! -حضنتها دا أودّعها، مو حتسافر. اندار على دعاء، هفها راجدي كلها: -إذا شفت يمها أخلي طلقه براسج. ورجع الي، سحلني من شعري ونزل، صارت عمتي أم مكرم كدامنه، شمرني عليها كلها: -شوفيلج حل، فهميها، جتليها، حركيها، شتعملين عملي، راح تجلطني، تعبت. -ياع عمه اشبيك وياها، هيه يمته طالع صوتها عليش أطكها؟ -عمه عمه، دخيل ربج، أخفيها من وجهي لا أكفر بيها. اندارتلي كالت: -وين جنتي مجسورة الركبه؟

-حضنت دعاء دا أتشاقه، بسطني. مؤتمن -بت الزماله، كم مره كلتلج بعدي عن بنات استغفر الله. كالها واجه، انضميت وره عمتي وعمتي كمشته كالتله: -يمه اشبيك ولك، راح تنجلط أنت؟ -عمه راح تموتني، ناكص عمر هالبلوه. -يااا أنت مدري اشبيك متسودن، دوخر روح أتغده، هيه بعد متوصل صوبها، هسه أعلمها روح. كوه قنعته راح، اجت جرتني من اذاني كالت: -انتِ عليش متعقلين؟ -ما سويت شي. -من تعرفي يغار ويشك، بذني مجسورة الركبه رايحه لحضنها شكو؟

-إذا يشك لويش رجّعها؟ -أخخخ يمه، ولِج صدك انتِ عله، ولي روحي أتسممي. أتغدينه، غسلنه المواعين، نزلت دعاء تضحك كالت: -يلا هسه أودّعكم. خلصت الأغراض، لميت جنططي، افترت باستهن وحده وحده، وصلت الي، انطيتها خدي، باسته ومسحته، وحظي الأغبر شفت مؤتمن امجتف يباوع يم الباب. مسحت خدي وطلعت على كيفي، كبل ركضه لغرفتي، قفلت الباب.

همزين ما فارغ يصعد، دا يلم الجنط يودوهن للمطار، دخلت للحمام سبحت، طلعت فتحت كام ويه ماما أسولف وأسرح بشعري، كملت سويت ميكب، حضرت ملابسي الي أروح بيهن، نعست كيوت، سلمت وغلقته. صار الليل، نعست بس خفت أنام ويروح. ضليت مقاومه وأغفي، للثلاثه كمت لبست وعدلت الميكب، كملت، اندكت الباب، فتحته لكيت مؤتمن كال: -يله وين قندرتج؟

اشرتله على الجنطه، دخل أخذها وطلع، كالب خلقته، هاي كلها بس لأن رحت ويّا غصبًا عنه، والله يالله، لعد ما تدرين اشضامتلك هناك مفاجآت، إذا ما كرهتك بعيشتك وخليتك تحرم تعيدها بعد ما أطلع بت فريال. كملت نزلت، شافني مصطفى صوفر كال: -وانه متعجب أكول شنهو هالهدوء؟ -ههههه الله عليك صدك دتحجي؟ -خايبه طيري، غير انه كملت معاملتج، وين دعاء؟ -يمكن طالعه قبلي، ما أمصدكه أول مره حتسافر خطيه، وأنوب ويه مؤتمن.

-ههههاي، لا راح تستفاد ما طولج وياهم، بس حسبي أحسابج وعلي راح يسحلج سحله عمرِج ما شايفتها. -لويش؟ -خساره وتأخير عمل وحرگان دم وتهديد، كلها بجهه، وجسران راسه جدام الكل بجهه، شيخلّصج منه؟ -هسه خلي أروح وتوبه وسهله، السحله تعودت. طلعنه صدك، لكيتها صاعده، شافتني أشرتلي باي، ضحك مكرم كال: -لا هاي صدك الغباء بعينه، بعدها مصدكه، روحي خويه. انداريت أخذت نفس، كلتلهم: -يله باي.

-أمودعه بالله ومحمد وعلي، روحي خويه، ترحون وتردون بالسلامه. رحت شبكت سماح وبستها، رجعت لهيفاء كال: -لا يا بذات، ولج ولا حجيتي. -أتعلّمت منكم. -مم، المهم ديري وجهج، باوعي وراج راح تنفجر. -عوفج تعالي دا أحضنج. شبكتها وسلمت عليها، بست مهره وحضنت عمه، باوعت لمصطفى ضحك كال: -لا تودّعيني بالعباس أصبحت يمج، ولي من جهرتي. -أتسوّيها رب الصبحت بأمريكا، ما تجي للهند؟ اشرتلهم باي، سحلني مؤتمن دفعني للسياره كال:

-رب الحلو أمهاجره دولي. صعدت وأسمع دعاء تتنشغ، ما كدرت أكتم ضحكتي، طلعت من كلبي. وصلنه كاظم للمطار، نزلنه، سلمنه الجنط ودّعنا، دخلنه. مؤتمن راح كعد يم دعاء ويمهم رجاء، واني ضليت واكفه، شفت المكان الكعدت بي ضحكت. مؤتمن -ضحّكينا وياج. -شوف ذاك المكان، اشرتله على المسطبه، هناك نمت لأن جنت مهمومه أشلون راح أتركك بدون لا أخذ حق الغدر منك. مسح وجه ودنّگ. -صدگ ما بقى فلوس من ذهبي، تره جوعانه.

-لا ما بقى، هسه نصعد بالطياره وأتسممي. رجعت كعدت، كام رح للكافتريا وكف شرب جاي، خليت راسي عالكرسي، انفتح الكاونتر، كمت أشرتلهن يالله. وكف مؤتمن سلم الجوازات، أشروله اكمش سره. وصلوا الي، كالوا: -طلعي على جهه. وخرت انطاني الجواز كال: -بذاك الشريط اوكفي. عفتهم ورحت وكفت، غير شريط جان سريع مالتي الواكفه بي، بسرعه مشوني ورحبوا بيه. رحت للحمام لأن يطولون هواي العالم يالله يلحكهم السره.

لفيت شعري ولبست ربطه صغيره حتى الكاسكيته ترهم وياها، عدلت الميكب، ذبيت الجبه لابسه مانتو جوه الركبه طويل وجنز بس محتشم مابي شي، هاي كلها طلعت لكيتهم بعدهم. رحت كعدت، وين يالله اجه، باوعلي وعكد حاجبه كال: -أبقي هسه أخابر كاظم ردي ويا، وانعل أبو الياخذج. -شكو مؤتمن شنو الصار؟ ضغط على أسنونه كال: -بت الزماله هذا لبس؟ -تره محتشم مابي شي. صاحوا على المسافرين يردون نصعد، مسح وجها لأن ما ضل وقت بس النار تطلع من أذاناته.

أشرلي يله بعصبيه، رحت كدامه، وصلنه للمكان الي نعبر منه للطياره، كلمن يسلم جوازه يشوفوا ويعبروا. أتعدت دعاء، باوع جوازها وطلعت، الثوله ما صعدت للطياره، ضلت مثل المطي واكفه على جهه. أتعدت رجاء وصلي السره، باوع الجواز رحب بيه وكال: -رحله سعيده. أتشكرت طلعت وراي جان مؤتمن. طلعنه أشرتله كلتلها: -يلا عالطياره لا تثولين. اجه مؤتمن كال: -شكلج هذا الزمال. -كال هم واحد امضوجج حتى انوقف الرحله. -أي موش بنت أوباما، أمشي لج.

دعاء. -اشمعنه انتِ عازليج عنه يمشوج غير سره؟ مؤتمن -خلفله على جوازها، واله هيه قندره ما تسوه. -المهم اجيت غصبًا عنكم. كز أسنونه وشال ايده بس أتذكر رد عضها من الخلف حيل مال واحد محترك. عفته وصعدت الطياره. دعاء -خبره بت فريال. -انجبي يالمعفنه، والله بس أفتح حلكي انتِ وهذا تشوفيه اليمشي وراج يخلوكم جوه الكاع. باوع لمؤتمن مغمض يريد يمتص غضبه، فتح عيونه همس: -سهله.

شالت الجواز أشرتله ودرت وجهي، أمشي براحه اشكد حلو من تمشي امسيطر. كعدت بكرسي رجاء حاجزلها مقعدين حتى ما تلجم، وهو كعد يم دعاء، واني يم وحده عجوز كعدت، يريد يحرك كلبي، كعد يمها بدل المقاعد، لباله ما انتبهت من حاجه المضيفه. أتحركت الطياره، كلتها: -خاله بلكي أنغيّر مكانات. جاوبتني بالانكلش تسأل شنو ردت. -أي انتِ الله جابج خلي أنطلق.

كلتلها بكلي نغيّر مكانات أريد يم الجامه، ما رفضت المره كعدت، تعرفت عليها طلعت من بره جايه سياحه للعراق، سالتني كلتلها: -اني هم سياحه. -منو ذوله الوياج أهلج؟ -لا هذا البود كارد وهاي خدامتي، صح متعجرفين بس أتحملتهم خطيه يتامه أكسب أجر. -هم أمريكان؟ -لا عراقيين، هاي جانت تتستعطي وهذا يبيع طماطه بالشمس، عاد شغلتهم عندي يفيدوني جوه ايدي.

ضلينه انسولف، أطرقنا هواي مواضيع، طلعت كولش فكاهيه، سولفتلها على حياتي وهيه تتسولف على زوجها شايب ومقالبها بي شنو، واني أضحك هيه تحجي واني بعد ما أسيطر. دمغني مؤتمن من وراي كال: -صوتج. انداريت باوعتله، لكيت دعاء نايمه على متنه، رجعت عدلت كعدتي. هيج امخليها بحضنك، أوكي لعد أتحمل الراح يجيك. اجه المضيف يقدم، حاجيته انكليزي حتى مؤتمن ما يفهمني. كلتله: -شنو عندك؟ جوعانه ميته، العراق موتني جوع. -العراق أبو الخير وجعتي بي؟

-مابي بس تمن ومركه. -هههههه صدكتي، اختصاص تمن ومركه، هسه شتأمرين؟ -شنو عندك؟ -وجبه غداء بس للأسف هم تمن ههههه. -أوكي أريد كولا ويا. -تمام بعد؟ -هههههه شنو عندك؟ -والله ماكو غيرهن، شويه وأجيب وجبه ثانيه. -لعد شكرًا. أخذتهن خليتهن يمي، انداريت لكيت مؤتمن امندك، خال راسه بين أيديه يفرك بي، موت قهر خال دعاء بحضنك مو سهله يبن عمي. أكلت خلصت، انداريت كلتله: -مؤتمن أريد صمونه.

لكيته مجتف ومنتجي، عينه بيه، شال صمونه انطانيها، يباوعلي بنظره ما أعرفت شنو، أخذت الصمونه أكلتها شبعت. سديتهن اجه لم المتبقي كال: -ها ان شاءالله شبعتي؟ -أمم تمام بس أريد جاي. -هسه راح أجيب بالوجبه الثانيه مشروبات. -بس اني تره كل شويه أجوع، شنو بعد ما تنطون أكل؟ -لا اكو بالمطبخ، اشوكت ما تأمرين أجيبلك. -أوكي. راح، كمت ردت للحمام، لكيت مؤتمن على كعدته يباوعلي، ما أعرفت يتوعدلي، ما أعرفت متأسف لأن جابني واتورط.

رحت للحمام طلعت، لكيت المضيف انطاني كولا، أخذتها وأتشكرت، رجعت أضحك أشرب بيها. أخذله حسره أشطولها، رجعت مكاني، ربع ساعه حسبت ضبط. كمت للحمام رحت، ما عندي شي بس حلو من أفتر بالطياره، رجعت كمشني كال: -اوكفي. كوم دعاء كالها على مكانها بسرعة، هيه طلعت واني جرني ودفعني بالكرسي، اجه المضيف كال: -شنو الصاير؟ -زوجي هذا ما صار شي. مؤتمن -شيقندر هذا. -تره يعرف عربي لا تغلط ولا تتجاوز عليه، تره أحجزك بجوازي.

-انعل أبوچ لا أبو جوازچ، نوصل لو ما نوصل سهلا، إذا ما توبتچ بت فريال ما نحسب عالزلم. صك على أسنونه كال: -أخخخ شيخلص الوقت. -اشكد حلو السفره بدونك ذيج المره، حتى طوبه لعبت بالطياره. -طبعًا إذا ماشيه ويه الكرن مالت أمچ، حگچ ما تنلامين. -أتجاوزك بأخلاقي. شال ايده راد يضربني وعصر جفه، رده، رد غمض كال: -ما ضل شي. كتمت ضحكتي، أمبين استوى.

خليت راسي على متنه ردت أنام، دفعني، خليته على جامه، غفيت شويه وتعبت، رجعت راسي على متنه، راد يدفعني كمشت ايده، بنفس اللحظه اشتميت عطر بملابسه، كلبت معدتي، دفعته وخليت ايدي على حلكي كلتله: -وخر. -شكو؟ -مؤتمن وريحي حتطلع. -من السم الأكلتيه، جرشتي نص الطياره. ما أتحملت، كمت للحمام اتقيأت، اجه وراي كال: -شصابج؟ اشرتله وخر، غسلت وجهي، عدلت وكفتي، أخذت نفس، أشرلي شكو. -عطرك وخر مؤتمن. نفخ بضوجه كال: -رجعنا لطياح الحظ.

غسلت وجهي، أخذت نفس ارتاحيت شويه، رجعت للكرسي. صرت يم الجامه، لويش هيج؟ معقوله حامل؟ بس لا اشلون واشوكت ما نسيت ولا حبايه. اني أفكر وأحسب أخاف أناسبه حبابه، وهو لباله لأن جان خال دعاء بحضنه كاعد على أعصابه، كل شويه ويستغفر، درت وجهي نمت. حسيته يعدل حجابي، نزع الكاسكيته وعدل راسي، ضليت على نومتي. وصلنه، كعدني كال: -يلا نزلنا. ختموا جوازاتنا، رحنه لفندق اني ورجاء سوه، وهو ودعاء لأن هوايتهم إمبدله. انطاني المفتاح،

ضحكت كلتله: -راح أتحرم عليك ولحد الآن ما عندي عقد وياك. وكف باوعلي كال: -شهالغوه، ما تحرمين، انتِ الظاهر تحسبين ساعات للطك، ما تكدرين بدونه. عفته ورحت للغرفة، دخلت ويه رجاء تمددت وايدي على بطني، ياربي كون مو حامل، شيخلّصني من مؤتمن، بس لا الدنيا تفتر وروحي طالعه، هاي أعراض حمل خاصه من صعدت الطياره أكثر ثبتلي هالشي. غمضت أحس راسي يروح ويجي، استوني أغفه اجت دعاء دخلت كالت: -كومي لغرفه مؤتمن انه أضل يم رجاء.

كمت أخذت جنطتي ولبست الشال، وصلت يمها كلتلها: -خدمي مو اتبرعتي يلا شيلي. -أي أخدم عليش لا، حماتي تستاهل أخدمها بعيوني. -أمم واني راح أدلل أخو حماتج. عفتها تاكل بروحها وطلعت، رحت للغرفة قبل لا أوصل هم افترت الدنيا وكفت، كمشت الحايط أخذت نفس شويه راحت. دخلت لكيته كاعد ومدنك، فتت شال راسه كام، شمرت الأغراض كتله: -فدوه إذا اكو حساب بعدين، لأن أحس روحي خلصت ما عندي طاقه أتحمل بعد. اجه وصل يمي كال:

-جايه بنطلون وبدون ستره وتتمضحكين ويه المضيف، تدرين عليش؟ لأن ما ماخذتلج زلمه يكسر فجج ويمشيج عدل. كالها وجر شعري وايده الثانيه عصر وجهي كال: -تتمضحكين مو غزيلان، ماخذتلج زمال. افترت الدنيا منا شاكه بروحي، ومنا تعب السفر، وخفت من عصبية مؤتمن، ما حسيت بروحي بعد. فتحت عيوني لكيت نفسي نايمه وهو كاعد يمي كال: -شتحسين، اكو شي يوجعج؟ -لا بس يمكن تعبت، اني من أصعد طياره أتعب.

-أستغفر الله، من كلت انتِ موش حمل سفر، لطمتي اتخبلتي عليه، يله هسه بيمن ابتلي. -هسه أصير زينه، بس فدوه ذب ملابسك وسبح العطر موتني. كلتها بفهاوه لأن روحي طالعه. -غزل لا تبلشين بسالفه جديده، روحي كوه حاملها، وروح ابوي أخلي طلقه براسج وأخلص من همج فد مره. اشرتله أمم وغمضت. شافني هيج كام يستغفر، وفتح الجنطه طلع ملابس راح للحمام. عزا، ما بيها مجال حامل، أعراض الحمل كلهن، يعني شنو هذا يعالج بدعاء واني أحبل لو شنو؟

ما أكله لأن حينزله ويخرب السفره، خلي لمن أرجع. طلع من الحمام اجه تمدد، انطاني ظهره ونام. ثاني يوم طلعوا من الصبح. كال: -خليج بالفندق، رايحين للمستشفى. اني هم مالي خلك أطلع، ضليت على نومتي، تعب السفر بعد بيه. كعدت تالي وكت، سبحت ولبست، نزلت للكافتريا جوه، طلبت ريوك، كعدت أكل، اتصلت ماما رديت: -هلو ماما. -هلو حبيبتي وصلتوا لا. -أي بالكافتريا كاعده دا أكل، ومؤتمن راح للمستشفى، وانتِ أشوكت سفرتج؟ -باجر أطلع بليل.

-يااا وكيوت؟ -يم مصطفى ما أتأخر، يومين وهو راح يجي لبغداد يضل ببيتي، ومرت خالج كالت هم أجي يمها. -لا ماما لا تتركيها، اني حرجع ما آمن عليها وأخاف يصيرلها شي تالي شيخلّصني من مؤتمن. -لا تكولين سكتي لحد ما أرجع، عوفج منه، صدك بعد يومين عيد ميلادج، كل عام وانتِ بخير حبيبتي، طلعي أحتفلي وتونسي لا تضلين. -شكرًا ماما بس ما عندي فلوس، وجاي حضرته كالب خلقته ما يتحاجه من البارحه لليوم داير وجها.

-عوفي، اني أدزلج اشكد تردين، شوفي أقرب حواله باجر استلميهن، هسه دا أكول لصافو يحولج. -أي والله ماما فدوه، أريد أطلع، ولو أعرف راح يعاقبني ويحبسني بس أحاول، هسه أشوفلي أقرب حواله أدزلج العنوان مالت الفندق. -رايحه غصبًا عنه مو غزل حبيبتي، لعد أتحملي الراح يصيرلج. -ما يكدر كولشي يسوي. -أي حقج، ضلي بالحلم عايشه لحد ما يصحيج بدفره تردج للواقع. -أشتكي عليه هنا بالسفاره بس يحجي.

-حتى جثه ما نلكالج غزل، لا تتخبلين، كعدي عاقله، يله روحي دا أحضر جنطتي. سديته وكملت ريوكي، استوني دا أكوم دخل مؤتمن اجه كعد كال: -منهو كلج تطلعين؟ -تره جوعانه، قابل وين رحت؟ -عليش ما طلبتي، وشنهو هالملابس اللابستيها، انتِ ما تنعدلين؟ -أستغفر الله مؤتمن فدوه لا تبلش، يعني جايه دوله أجنبيه شتريدني ألبس عبايه، تره كولش واكفه. -كومي غزل للغرفه عدل، يلا بدون نقاش.

كمت صعدت، أمبين راح يطلع السفره من عيني، دخلت راح أخذ أوراق وفلوس وطلع، لا عرفت اشوكت يجي ولا كال شنو معتازه، بقيت يومين على هذا الحال. يجي بليل ينطيني ظهره وينام، ومن الصبح يطلع. صدك كرهني بالسفره، همزين تعرفت على وحده جوه شويه أسولف وياها. كعدت الصبح شفته يريد يطلع كلتله: -تره مليت أريد أطلع، خو مو جبتني وحبستني. -منهو جابج، انتِ اجيتي، وشنهو كلتلج؟

كلتلج إذا فكيتي حلكج أفلّش أسنونج، ما فارغ لا أطلع ولا أفتر، جاي علاج، شعملتي حضرتك، لطمتي ودكيتي اله تجين، أتحملي نص كلمه ما تحجين. -أوكي بس خلي أنزل أطلع ويه هاي البنيه تره اختنكت. -ماكو نزله، حتى أكلج طلبي. عافني وراح، اتصلت بسماح سولفتلها، ضحكت كالت: -جا اشكلتلج؟ -ولج ديخنكني.

-خيه محتار هم حگه، البارحه خابرني كال رجاء مالها علاج، لأن نسبة الحرق جبيره والمرض منتشر، ماكو أي أمل، أيامها معدوده، وما أعرف أشلون كل شويه تسألني وأنطيها أمل، ولج والله كاعد وياكل بروحه، وأنوب دعاء تكله ما طولنه هنا خلي أعالج. -لويش اشبيها؟ -تريد طفل، هيه البيوض ضعيفه عدها وهم الدكتوره يمكم كايله أريد عينه من زوجج، أخاف منه هم الصوج خالته يتخبل. -لعد ذوله الجبناهم منين؟

-لا يمكن من أهد حركت رجاء انهبط، خاف صار عنده ضعف والسكر هم يأثر. -يعني شنو هسه لازم ينام وياها، والله أحركه. -ولج عينه عينه يالثوله شينام. -لعد شنو منتظر ما يسويها؟ -ما تعرفين مؤتمن لو أتجتلتي ما يسويها بالمستشفى، بس حاير ماكو مجال، انتِ حاجزه غرفه ورجاء غرفه، محتار وين هههههههه اله ياخذ دعاء بسطح الفندق. -لا حرمات بالسطح، ياخذها بالحمامات هذا مكانها. -مصطفى البارحه سأل كال شنهو اشو هدوء، ماكو واحد انكتل واحد انطرد.

-لويش يعني؟ -حتى مؤتمن يدز عليه ويلحكم، تراه امفيز على أوراقج ومغلس ما يحجي، البارحه كشفته. -هههه كله بعد لمن تعلك صدك يالله يجي. خلص الوقت أسولف، لليل دخلوا، هو تمدد ودعاء بيدها علاليك مشتريه أغراض، باوعتله كلتله: -مو عالأساس ما عندك وقت؟ -غززل تعبان لا تبلشين بالنك. -يا نك، شوف اشكد مشترين، لعد اشكد مفترين؟ -كافي يا أمت الله كافييي، راسي طبل أريد أخمد ساعه. سكتت، هو هم انطاني ظهره ونام، للصبح كعدت على صوت طكطكه،

لكيته يريد يطلع كلتله: -أريد فلوس أطلع. -ما عندي. -شنو ما عندك، أريد أنزل أشتري منا كم شغله. -انتِ ثوله، أكلج ما عندي وطلعه ماكو، حدج للكافتريا تتزقنبين وتصعدين ماكو غيرها. -يعني شنو ما تنطيني؟ -لا. -ما معقوله فلوس الذهب كلهن خلصن بس أجرة طياره، انطيني الباقي لو هم صرفته على مرتك، تبيع ذهبي وتصرف عليها منه. اجه جرني من شعري كال:

-فلوس الذهب مني يعني أبيعه، أشمره بالشارع، أنطي لدعاء، هذا الشي راجعلي، وإذا فتحتي حلكج مره ثانيه أدوس راسج. دفعته حيل، كمت كتله: -تره كرهتني بروحي، هاي كلها بس لأن غرت عليك وما كدرت أخليك وياها، هيج دتعاملني. -شعاملج، انتِ بير النك والطياح الحظ، هاي الغايره منها تسوه راسج، أقلها لحد هسه تخدم اختي وحلكها ما فتحته ولا طلبت شي، وسترها محافظه عليه، موش حاسبه الستر بس ببلدها، غزل لا أريد أسمع منج أو كاره شوفتج من الأصل.

-شنوو يعني أضل محبوسه هيج شهر؟ -يطبج مرض، محد ضربج على أيدج وكلج تعالي. -لعد أخذني وياك للمستشفى. -شكو أموليه، ما شبعتي من نومة المستشفيات، شنهو ما تملين انتِ؟ -تعيرني بمرضي لعد اشكد حيوان و... ما لحكت حتى أكمل واجاني الكف، سطر راسي بالكنتور، جرني من شعري كال: -هاي المره كلتيها راح أعبرها لأنو مستج الجلمه، مره ثانيه راسج أخلي جوه القندره.

دفعني وطلع، لميت روحي كعدت، أحس وجهي نار يطلع منه، صدگ غبيه من تعرفين أعصابه تعبانه تتجاوزين عليه شكو؟ غمضت اشجابني، صدك أتندمت كال ما أفرغ بس مستشفيات. كمت غسلت، حسيت روحي لعبت، تذكرت حملي كلش مو وقتك هسه، إذا عرف يشمرني من الشباج على هاي نفسيته. رجعت لفراشي لأن الدنيا دارت بيه، استعدلت شويه كمت لبست ونزلت، ماكو غير الكافتريا أروحلها.

طلعت شويه بره وكفت باب الفندق، أباوع الناس تفتر متونسه وعايشه، صفنت على روحي اني وين عايشه، لويش لازم أتحمل كل هذا؟ وين ماما كالت أحول لويش ما وصلن لسه؟ أكيد سافرت والتهت. أباوع اكو محل صار كدامي بي أشياء حلوه، انجذبت رحت يمه، أتمشيت أقلّب بي، عجبني لعابه ردتها لكيوت، أتذكرت ولا دينار رجعتها. افتريت هواي أشياء حلوه، هذا قفل بس إذا اشتريت وخليته كدام الأمر الواقع أكيد يدفع، بلكي يكسر التعجرف مالته وينسى سالفة العناد.

افتريت أخذت كم حاجه، بعدني أشتري اتصل كال: -وين انتِ؟ رديت: -بالمحل الكدام الفندق. دقايق ودخل أشرلي: -شتسوين؟ شلت اللعابه راويته ورجعتها للعربانه المتسوكه بيها. اجه جرني كال: -منهو كلج تنزلين وتشترين بكيفج؟ -مؤتمن كم حاجه والله عجبني. -رجعيهن يالله. -اشبيك مو غاليات والله هاي لكيوت وذني هم مو غاليات، فدوه والله حبيتهن الله عليك خلي أخذ. -الظاهر انتِ ما تفتهمين، من أكلج ما عندي ردي الأغراض، ويله ثواني أشوفج بالباب.

كالها وطلع. حسيته صدك ما عنده، رجعت كل حاجه مكانها وطلعت، أشرلي: -يله فوك. صعدت لكيت جايب رجاء، سلمت عليها نفسها ما متغيره، أحسه أسوأ صايره أتخوف. شويه وطلعت دعاء كالتله: -يلا خلصت مؤتمن. كام كلي: -خليج يم رجاء أحنه طالعين. -شنو يعني تره اني ما أعرفلها، وين رايحين أنتم؟ ما رد، أخذ دعاء وطلع، لليل رجعوا ما خاله شي ما مشتريته، دخلت تضحك وهو بس شافني كلب خلقته.

باوعت الأغراض افتهمت وحدي، بعد ما يحتاج أحجي، سكتت كعدت طلعت الأغراض، هو وكف بالبالكون يدخن، أصلًا مو يمّنا صافن بغير عالم. كالت: -هاج جبناها الج. شمرت لعابه عاديه تتخزي. -شكرًا حبيبتي، خليها بغرفتج ما أعتاز هيج زباله، بتي لعاباتها كلهن ماركه.

-ياا وانه حسبالي أدميه أشتريلج، يله جيبيها أنطيها لبنت أختي، فدوه أروح لمؤتمن كال شنهو بنفسج اشتري، ما خلى مكان ما وداني، اشكد افترينا، وباجر راح ياخذني للمول لأن رجاء ما عدها مراجعه، عود ضلي وياها. -عادي ما عندي شي، طلعوا أخذوا راحتكم، وبالعافيه عالأغراض تتهنين، عود خليهن على كبره.

كامت نزلت للكافتريا كعدت، أحس روحي تفور، صدك هذا يحجي لو جذب، لويش ديعاملني هيج، لحدمن أضل متحمله تصرفاته، هاي كلها بس لأن اجيت غصبًا عنه لو اكو شي ثاني؟ ما شفت روحي من الحركه غير اتصلت بمصطفى، أول ما رد بجيت. كال: -والله تدرين صار أربع ساعات أراقب الوكت، أكول غزل ما اتصلت تشكي اشعجب. -تعالي. -وين أجي؟ -أخذني مصطفى اختنكت، ما أريد أضل ويا، أتندمت أشلون اجيت، ذلني ودمرني.

-ولج يا دمرج، صح ما يصير أحجي بهيج مواضيع، بس مؤتمن أظن بعد ما يخلف، بسببج راح يعالج رجاء، أكتشف روحه صاير عقيم، مو والله يساعده وصابر لحد هسه وما جاتلج. -اني شدخلني يعني أخته حركتني وهو صار عنده مرض، اني شنو ذنبي ديعاملني هيج، مصطفى تجي لولا؟

-أجي شكو عندي، بس أبقى كم يوم، ولج ضايج بروح أبوج، خلّينه نتسلى شويه، نلعب على أعصابهم، وحك على دمعتج أطلعها من عيونها للمعفنه، أفا وانه أخوج تبجين غزل مهضومه وانه عايش، لا هاي ما رضيتها منج، جايج يبعد أخوج جايج. سديت الفون صفنت، عقيم اشلون عقيم، لعد منين جبت هذا الطفل، معقوله صار وبعدها تمرض لو شنو، بس والله حيل بدعاء يعني ما راح أتخلف.

حسيت الدنيا تفتر تروح وتجي، كمت صعدت للغرفه ردت أفتحها مغلقه من جوه، عرفت داخله يمه، دفرتها وصرخت بحركة گلب: -الله ياخذك مؤتمننن. نزلت أركض روحي مختنكه، والنار مشتعله بكلبي، طلعت بره الفندق ردت أشم هوا، أريد أطفي النار أرتاح لأن أحس روحي إنهاريت. اكو حديقه مقابيل الفندق، رحت بيها كعدت، لميت روحي، الشهكه تطلع من كلبي، أحس دخت وأذاناتي صفرت، شلت راسي جان واحد يباوعلي بنظره ما أعرف أشلون، خفت من نظرته.

مسحت دموعي وكمت أريد أرجع للفندق، حسيت الدنيا افترت، رحت بعد ما حسيت بروحي. فتحت عيني بغرفه صغيره تعبانه، ويمي اثنين شكلهم يخوف، واحد منهم شافني كعدت كمش ايدي وضحك...