رواية كفي والمنجمه الفصل السادس والعشرون 26 - بقلم Leo Alfatlawi

كفي والمنجمه

بقلمي: leo Alftlawi

بارت الخامس والعشرون***

…ويه صوت الطلقة عمتي  دفعتني بكل حيلها وراها  وصرخت دخل الله ودخلك لاتچتلها

ركضت صرت  ورا الباب اباوع فهد غرگ بدمة ومؤتمن هاجم يدفع بعمتي يصيح بعلوا صوته - عممممممممه بعدي لاتخليني اچتلج بعددددي

-ماتچتلها اذا ماتجتلني قبلها يبوووووو لحكونه ولكم ياعالم دخليكمممم

دفعها حيل يريد يحرر روحه حتى يدخل وهيه لازمه ايده الي كامش بيها السلاح وتصرخ لحگوناااااا

اريد اتحرك  مااگدر احس رجليه انشلت خالتي تسحب بيه تريدني انهزم وسمر تلطم صايره گدامي

المنظر مرعب جمد الدم بيه  كلها ثواني بس حسيتها عمر

اجوا الولد يركضون  كمشوا وهو تخبل گام يضرب بيهم و يصيح اچتلها اچتلها

صاح مكرم-مؤتمنننننن السلاح دخيلك ووولك مصطفى جتففففه

گاموا يتماطلون ويا  يردون ياخذون من السلاح ميكدروله نكلب وحش 

مصطفى حاول يلوي ايدي اندارله  ضرب بوكس ورجع لمكرم دفعه شمره مسافه وندارلي يريد يدخل ماشوف غير مصطفى  صار بوجهه ضربة بوكس بكل قوته اجت بعينه

سحبتني خالتي ركضت بيه للغرفة دخلتني  وقفلت الباب

من الهبطه گعدت ورا الباب احس رجليه بعد ماتعيني صارت گدامي رجاء بيدها الفون واگفه متخصرة تبتسم بخبث ضميت وجهي بأديه گعدت خالتي يمي جرت راسي لحضنها

ثواني اسمعها تخابر بجدي تگله الحگ مؤتمن كض غزل ويه واحد وجتله

خليت راسي بحضن خالتي وغمضت مااعرف شنو الصار لو  وين الغلط لويش كتله شنو السوا ويموت بهيج بساطة

اصواتهم بره وصراخهم وين واصل العالم فزعت مؤتمن بعد يصرخ

ماعرف شنو الصار بس اسمع صوته يگللهم   اچتلها واسلم نفسي تركوني  ولكممممم اولاد الكلب تركونيييييي

مكرم- يخوي والولد مات خلينه نلحگ نشيله بروح عمك

-بعد مكرررررم ولك بعددددددد

جان كل صوت يصرخه بيهم كافي يبين الغضب الحامله والحرگة الشايلها

خالتي تلطم وصوت عمتي هم اسمعها واكفه ورا الباب تمنعهم يوصلون اليه  وتبجي

نزلت دموعي بخوف عصرتني خالتي بحضنها وگالت  محد يچيسج والله ماخلي احد يچتلج لاتخافين والله مااخليهم يوصلون صوبج

-خاله راح يكتلني ادري بي ماراح يعوفني

-يمه دخيل محمد ييمه راح يوكف كلبج  دخيلك يربيييي

-خاله فدوه مااريد اموت كلتها وشهكت ماسيطر على روحي من الخوف اتكول داخله بحلم شي يفوق الخيال

الباب بدت تنركع قوي دفرات ومؤتمن يكلها وخرررري عممممه دخيل ربج لاتخليني اجتل روحي وخرررري

وهيه تبجي وتتوسل صوت الولد يبعدوا ويرجع للباب مبين ماكادريله كل دفرة بالباب اكول هسه تنكسر ويدخلي 

استوني اتشاهد واسمع صوت زلم غربه دخلوا يركضون واخذوا بره

من الخوف احس روحي خلصت رخه جسمي غمضت من گد ماحسيت الموت قريب مني وتشاهدت لان اعرف محد يحميني منه 

خالتي تضرب على خدودي تريدني احجي وعمتي دگ عالباب تصيح ام احمد فتحي البااب راحواا

نيمتني على الكاع كامت فتحته طلعت رجاء تركض وعمتي دخلت گالت ولج وينهااا

-هاي  يخيه بس ماعرفن شبيها البت فاقده متحجي لحگيني

-ماعليها بس كوميهااا بسرعة  خلي انهزمها گبل لايردون ويجتلها احمد

-شكومها البت ميته لا ايد ولا رجل تعالي ليه شسويلها

-ولج عمه غزل ساعدينا بروح ابوج كومي يعمه والله يجتلوج خلينه نطلع ولج تموتين يعمه كومي دخيل الله

افتح عيوني وسدهن اكدر اسمع واشوف بس لااكدر ارد ولااحرك روحي

دخلت سمر بيدها مي تغسل وجهي خلت بحلكي حتى مااكدر ابلعه ؛ كابلتني عمتي تربعت كدامي  تلطم

دخل مكرم يركض صاح وين غززززل

كامت  خالتي صارت بوجها صاحت ييمه دخل الله ودخلك والله ماسوت شي شبيكم واتوليتوها 

-عمه بعدي  خلي الحگ اخذها مجان قبل لا يردون بعدي 

دفعها واجه يم دنگ شالني وطلع يركض وعمتي ويا تركض فتحت باب السيارة خلاني بيها وراح بسرعة للجهة الثانيه صعد

عمتي كعدت يمي شغل  سيارته وداس بكل سرعته

عمتي -وين ماخذهه يمة

-لبيت رمزيه محد يندله

-يمه رمزيه الدجاله صدك تحجين

-اي محد راح يجي باله هناك وميندلوها وهيه محد عدها بطرگ روحها

- وين مؤتمن

-اخذوا للحجز  وفهد للمستشفى بس مااتصور يطلع منها ما يعيش

- يبووو يبوو ولك راح ابن خالك

-هو جابها لايده دوم متسرع وهاي الغبييييه ماتنعدل

-ولله من  اصويحبك الصوج جاعليش تحملها الذنب

-يمممممه دخيل ربج كافي تلمين اغلاطها وراها بسسسسج هذا فهد مات ومؤتمن راح ينعدم من وره ثولهااااا

-دخيل الله ولك صدك يعدموووا

-انتهى راح لاتحجين بي بعد

هيه سمعت وهيه كامت تلطم على وجهه وتصيح عليش ضيعت روحك يعمه راح شبابك شحصلت هسه ولك عليش ييمه هيج سويت بروحك سوده بوجهي راح ابني اخوي

-سكتي يمه رحمه للحسين وين بيت صخام دليني راح تسودن هسه ينتبهون ماموجود وياهم ويعرفون انه الهربتها

-لا دخيلك ولك يذبحوها من ذاك الطريج ولك شمالك ترجف مكرم سوگ على كيفك لاتكلبنه

-حگج ماسمعتي جدي من كال چتلوها اريد اشوف جثتها گبل لا اروح وره مؤتمن للمركز

-عليش يمه هيج سهل عنده الجتل

-جا اشعرفهم هذا منهو غير حسبالهم  صاحبها ومؤتمن لزمها وياه احلف وتكفر اكلهم صاحبي  محد يصدك كال اريد دمها هسه كوه خلصت روحي اجيت بين ما احمد  يجيب سلاحه ويجي

-يمه منا طريجها اهدا يبعد امك لاتروح انت هم يمه سوده بوجهي منين اجتنه هالمصيبه دخيلك يبو الحسنين

عمتي مستمر تنخى وتندعي وهو يدخل من مكان ويطلع من شارع لمن وصلنه يم بيت مفلش ويمه حيوانات هواي وكفنه نزل ركض فتح باب السياره

-يمه  نزلي شوفي رمزيه جوه

هيه نزلت وهو بقى يوخر شعري عن عيوني يباوعلي بخوف گال لاتخافين محد يوصلج والله ماخليهم يجيسوج لاتخافين خويه

اشرتله اي ودموعي تنزل خايفه مسح دموعي وباس راسي

هاي اول مره يصير بهالقرب مني يمكن من خوفه عليه خلا ينسى روحه وهيج يسوي لو يعرف روحه راح يفقدني الي سوا هيج

وكف منتظر  امه يمسح بوجها ويرجع يباوعلي بنكسار

اجت عمتي كالت جيبها نزلني من السيارة

-ها خويه تكدرين تنزلين لواشيلج

-لالا  روح اكدر امشي كلتها ونزلت

اندار على امه كلها ضلي يمها لاتخليها بحدها

-لاتخاف عليها بس امانه الله يمكرم لو مو يضغطون عليك لو يجتلوك لاتدليهم مجانه

هز راسه وراح صعد سيارته وشحطها

دخلنه لبيت شفت نفسها العرافه الي تجينه شافتني كالت موش كلتلج بعدي  بالج من  الكرباج

عمتي- لاوالله يخيه حظها مايل هالبيت من اجت للدنيا لسه ماشافت الراحة حتى من دلال ابوها ما شبعت

-ماعليها تاليتها عالي وفوك الكل بس هواي راح تواجه صعوبة بدنياها ياله توصل

-يمتى ماتكليلي شبعت ضيم

- گربت ماضل جثير صبروا

اتحسرت عمتي گعدتني وكعدت  العرافه راحت جوه واني احس نفسي ثگيله والدنيا دور بعدت ايد عمتي و خليت راسي بحضنها اتمددت

اباوع الغرفه تعبانه والسكف سعف منحوت مابيها غراض هواي دولاب اصغير ومدات مفروشه وحصير هم من عودان السعف

غمضت واني واشوف عمتي مسحت على راسي وضمت وجهه بالشيله وشهكت وهيه تگول راح مجسورا گلبه راح وماشاف  الراحه انتهت بعد عمتك هاي هيه وياك

عقلي متبنج حتى تفكير مااكدر افكر ولاواعيه شنو الصار ماكو شي براسي شي بس احداث سريعه تمر 

دخلت المره بيدها دبه مي وكلاص خلته كدامنه راحت جابت طاسه مي كعدت يمي كامت تقرا على  الطاسه وتشيل مي وتمسح وجهي  اخذت اشويه  وكالت البت مخروعة لايصير بيها شي

عمتي- اي والله خيه جا گليل الصار جان هسه ميته لو ماالله الساتر

-شنهو الصار

-رجلها لكاها بالباب ويه رفيج مكرم تحجي

-ياعع وانتي يمكموعة اشوكفج

-خيه ماتوكف ولاتحجي اندكت الباب وفتحتها قبل مده ذاك خطبها ورفضنا اليوم على حظها اجه من شافها وكف يعتب

-جايستاهل الجتل عليش ما حسب  حساب حرمة للبيت وانتي بالغوثه ماعرفتي تردمين الباب بوجهه وتطردي من تعرفين زلمتج مسودن ماتركدين

-خيه زلمتها لاهو الرادها ولاهو الخالها تمشي بدربها

-هذا عاشكها من راسها لساسها ومتخبل مايعرف شيسوي

-شيسوي خيه راح بعد لو مؤبد لوعدام يمه اسم الله على كلب ابني اخيه بيه ولابيك يعمه يبو كلب الحنين ولك انت وراك منهو النه عليش يعمه هيج بهذلت رويحتك وبهذلتنه وراك ولك  يعمه بيو طول الحلو هيج ورحت من ادينا يبوو  يبوو ولك وين انطي وجهي

المره تسكت بعمتي وعمتي تلطم اتلكها وين انطي وجهي لااكدر اعوف هاي ولااكدر اعوف ذاك ولك خيه دبريني راح اموت ورا

-كولي يالله تفرج

-يمه شتفرج جتل خيه هذا  راح العزيز راح رفعه راسنا متكلي شجاك يعمه متكلي عليش تسودنت وين شفتها متكلي وتخبلت هيج ولك يعمه اشلون هنه عليك اتعوفنا وراك

-سودننا الحبايب وشاف الماضي ينعاد عشگ غلط لايگدر ينسى  ولايكدر يترك اگليبه  

-لاوالله  بت فريال عرمه اشكد نصحت ردي وستري علينه

-موش بكيفها كدرها يحرجها  والشر يگودها والعشگ يبعد ويگرب  راده لحضنه ان رضت وان لا

باوعتلها همست -بيبي شرد ياحضن  جان ناوي يكتلني تعرفين شنو

-الغير تعمي يجده الماضي يكوده الزرع الزرعته امج لازم تحصدي

-شنو يازرع معقوله هيج الغيره وصلته بعد ما يشوف لعد وين حبه الي يحلف بي معقوله حبه يوصل للموت هيج بهالسهوله عنده الكتل

-اي يجده هذا امسودن بالعشگ شعل كليبه بيده وماعرف يهوده

--بيبي ياحب تحجين عنه  الولد طاح بالكاع يرفس وهو ولارفله جفن اول مرة بحياتي اشوف مؤتمن هيج واصل درجه فقد بدون احساس يتصرف جان كل همه يكتلني

-نامي يجده تنحل هدي ارويحتج

عمتي بعدها تنعى واني غمضت

اتذكرت سماح من كالتلي مستعد يكتلج بيده ولايشوفج ويه احد غيره جنت اتخيلها تريد تخوفني ماجنت مصدكه بس اني ماسويت شي

لاالصوج مني استاهل وكفتي غلط لباله عندي شي ويا اكيد كال بسبب هذا معترضه ترجعلي تريده
هذا الولد راح  وهو هم راح يروح

للمغرب وحنا منعرف شي عمتي تروح وتجي ساعة تبجي وساعة تلطم اني على كعدتي لامه رجليه وخاله راسي بحضني مااعرف شنو مصيري ادري ماراح يعوفوني راح انكتل ان جان هسه او بعد كم يوم

كاعده ومنتظره  مصيري اشوكت يجي
لليل وهم ماكو خبر عمتي اخذت جهاز من العرافة وخبرت مكرم اشكد رن مارد

بطلت وره نص ساعة هو اتصل ردت فتحت اسبيكر لان جهاز المرة تعبان ما ينسمع گالت هاا ولك وينك عليش ماترد

-جنت يمهم ماكدرت اجاوب

-وين مؤتمن يمه برد كليبي وين اخيك

-بالحجز  واخذنا منهم عطوه  لباجر ونشوف شيصير

-والولد خوما مات

-لامامات عايش بس اهله طالبين دم مؤتمن هسه راحلهم شيخ علوان ومانعرف شراح يصير منتظرين الولد يصحه وياخذون اقواله بس اهله محاصرين الديره كلها يطالبون بدمهم

-ومؤتمن اشلونه هم شفته

-يمه عوفي هذا مسودن الدنيا كايمه وناس راح تجتل ناس وهو يصيح بس طلعوني اچتلها وارد وعملوا  التردوا

-يمه دخيل الله ناويها هالمرة هذا  بس لايدز احد غيره الها

-لا امني فلت من ايد الشرطه وشال احمد من اخوانيكه كله وحك علي الطلقه الثانية براسك اذا وصلت صوبها محد يچتلها غيري

-يمه اشبي تسودن شسوت البت متكلي

-يمه شسوت ماتسكتين اي زمال يشوفها واكفه وكفتها ومفرعه ويا يشك اكو شي استغفر الله روحي خلي اشوف شيصير وارد اتصل

عمتي هدأت اشويه من عرفت فهد ماميت بطلت نوح كالت شيخ علوان مايخلي مؤتمن بالسجن اعرفنه هذا حاسبه ابنه وذراع اليمنى مايتخلى عنه

جابت العرافه طاسه بيها لبن وخبز حار كالت يلا كربوا اكلولكم  الگيمه

صح من الصبح بلا اكل بس من كثر الهبطات والخوف احس روحي شبعانه لو ما العرافة تلح مااخلي لگمه بحلگي

خليت راسي نمت من التعب غفيت بلا تفكير وين يالله كعدت على صوتهن وهنه يشربن جاي الصبح طالع

العرافه- ياهلا بطل الكمر وياهلا بوجه الماي  يمه من حگه  تسودن الزلمه وراج يشوف هيج غزاله چدامه والصياده هواي  خاف يلوحج وحيد منهم

-هههه سكتي بيبي يمعود  لاواحد يصدكج تعالي شوفي حظ الغزاله وين فاين

كمت غسلت ولفيت شعري كعدت يمهن كالت عمتي خابر مكرم اليوم يمشون جامعين شيوخ وسادة الديره كلها بلكي الله يحلوها بفصل

-وفهد مات لولا

-لايمه فاق مابي شي ماخذين اقواله كايللهم طلقه جايه بالغلط

-اشلون مااشتكه وهو جان راح بيها

-لخاطر مكرم  مااعرفن المن داز طاح عليه لان هو اهله يمه ميخلون واحد يوصل صوبه بس الضاهر موصلة خبر بيد واحد وكايله  لخاطر الخوه البينهم راح يچتلوها بسببك اذا راح مؤتمن بيها ميخلوها وراه عايشه راح يصدكون اكو شي بينكم

-اشكد ابن عالم الولد يسوه مؤتمن وعشيرته لعد اشبي حضي اشو الزينين يطيرون الصخام يلطش بيه

-والله يعمه هذا الصخام حتى من يموت ياخذج ويا للكبر بيده حسبالج يجي يوم وتفلتين من ايده شيليها من بالج هسه اندعي كون يضل بالسجن لحد مايبرد اذا طلع هسه بس الله اليستر منه

العرافه- كملي خلي اشوف حضج وين يرسي

-خاله حضي اعرفه لاتعبين روحج

تريكنا شالت عمه المواعين راحت للمطبخ هيه والمره حتى الحر نسيته هنا من كثر الخوف

طلعت بره الكاع خضرة حلوه بيها دجاج وبط بيها ماعز مربوطه واكو اثنين بقرات على جهه مربوطات

رحت يمهن اباوع حشيش اصفر مسطرته بترتيب مضبوط واكو منه مشدد 

تنور طين ويمه سعف  اكو مي بس موشط لاهيج مكان رفيع بي متر عرضه والمي يمشي بي كعدت يمه خليت ايدي المي بارد مديت رجليه المكان خالي مابي ناس بيوت اكو بس ابعاد واحد عن الثاني كولش

اكو تاير مال سياره بي حبل مشدود مسوي مثل المرجوحه اشكد حلو حياة بسيطه وحلوه 

خذت نفس ورفعت راسي للسما ياربي شنو مضموملي بعد وين راح تفر بيه الكاع

رجعت دنكت اباوع لرجليه وحركهن بالمي مؤتمن شنو دااتفكر هسه اكيد تتمنى تلوحني وتموتني بيدك شنو من حب اتحبني الي يخليك تكتلني بدم بارد شنو مفهوم الحب عندك فززتني العرافة وهي تكول-هاا يخاله گاعده لحالج وين ماخذج الدهر

-بالصفنات وين ياخذني هياتني يمج

-دگومي تعالي جاري

انداريت شفتها رايحه لجهة الحشيش كعدت كمت رحت يمها كعدت فرشت القطعه قماش وفرشت الحصو كالت اخذيهن بيدج وشمريهن

-قبل لااشمرهن اول مره كمشتي ايدي وايد مؤتمن وخفتي لويش شنو شفتي بيهن يكتلني مو

-لا شفت دم وخراب شفت طيور بريئه يرحون

-ماعدنه طيور

-جايه الطيور بالطريج  شيليهن وشمريهن ولاتسالين جثير

-مااريد خاله عوفيني انتي تخوفين

باوعتلي وبحركه سريعه حركت ايدها كدام وجهي   اخذت حسرة وكالت مشوارج طويل ويا عثرات جثيرة  واكو من يحوم حولج يحفر لموتج بس يدفن ارويحته 

-شنو يعني

-خليج نبهه اكو من الي يحميج  هذا خلي بعيونج وغمضيهن لاتخلي يروح من ايدج

-منو هذا الي يحميني

سحبت ايدي مسحت عليها ابتسمت وكالت تحملي يمه العشگ  يعمي ويجسر اگلوب

-انتي لويش حجيج كوله اللغاز مداافتهم عليج

-لاتضيعي

-منو غير اعرفه حتى احافظ عليه

-الفراگ گدر  مكتوب  موش بيدج

-يعني هم راح نتفارق

-يله كومي خلي نتغدى اريدن اطلع للشغل همي رويحتج لاتضلين فاهيه

-تره اني مو فاهيه لويش هيج تكلولي كلكم

-يمه عبن حلكج ينكط عسل واحنا هيج بنوات حلوه  ماعدنه

-اني وين احجي وانتي واكفه تتحرشين خرب بحضي الغزل يجيني من الشخص الغلط رجلي طايحلي ادمغ والنسوان تتحارش استغفر الله ومصطفى يكلي مكوكه غلط دشوف ديرتك اشلون امكوكين وتعال احجي

-كومي ولج وتگول عليش جاتل روحه وراي 

كمت دخلنه جوه لكيت عمه محضره كباب طاوه وخضرة ولبن كعدنا اكلنا المرة طلعت  تكول استرزق واحنه ضلينه

لليل واحنه كاعدين على نار نريد نعرف شنو الصار والمرة تاخرت وهيه عدها الجهاز اول ماوصلت للباب كمزت عمتي اخذت منها الفون واتصلت هم فصله مكرم عافته كالت يجوز يمهم

اشويه واتصل هو فتحت كالت بشر شنهو الصار

-ماكو شي فصلنا ٥٠ مليون كوه يالله اتنازلوا

-ومؤتمن وينه

-مابقى بس الحق العام مايطول يمكن لباجر يطلع عوفج من مؤتمن جدي راح يتسودن يريد غزل كالبهه هنا وكل اشويه وطاگ مصطفى  يكله وين وديتها

-اي احسن خلي شاك بمصطفى يتحمل ماعليه ديربالك لايلكفك اعرفنك اتكول من اول راجدي

-هااا حجيه شنهو جاهل جادمج

-لاعبن اعرفنك متچسر چلمه جدك وراح اتگله

-لاامني لا راح اكله ولا راح يعرف مؤتمن وين هيه اشويه وجايج اجيبلج كم شغله الكم يلا غلقي

غلقته رجعنا كعدنا نسولف  وصدك اقل الساعة دگ الباب كمت فتحتها  اباوع مصطفى واكف ورا  باوعلي وضحك هز ايده

طلعت يمهم  كال بعد شنهو الضامة طلعيهن رحمة لموتاج غزل موش يومية مفجرتلج مفخخه

-ياعزا لعد اني شدخلني اخوك مخبل

-هو اخوي لو عقل مااخذج لو رايحه بيها متكليلي اشوكت تعقلين

-كالوا مضرب صدك شلونك

-اي وعلي شكو مصيبه اتصير بالبيت اول واحد يلبسوها براسه انه اتكول بيت مابي غيري  يطگ ويصيح طلعها يابه منين اطلعها تراها مرة موش قوطيه ميرندا

انوب انه محتار وين ختلتي وهذا الناقص مايحجي

مكرم- ولك غير حصلت مجال اكلك بي اشو خاليك وكل الي يجي يسحلك يكلك وينها

-لاازيدك من الشعر بيت جدتي تفلت عليه وكال كرن جتلوا وخلصونه من عار يابه تره فاهمه غلط تراني موش مرت مؤتمن لاتزهرمين على حضي
وانتي ياام المصايب شراح يخلصج من مؤتمن

-راح اضل هنا لمن اصير ١٨ وارجع لامريكا

-ياامريكا بعد ماتستقبلج صرتي سوابق  رب الخراب انتي ما يدخلون هيج ثولان لبلدهم

-لعد وين اروح

-تعلمي الشعوذه من هالمرة  ولفي شيله توكلي على باب الله واذا شفتي الشغل مشه بيدج شغليني وياج حتى لو اشيلج الحصوات لان بعد ضربة  مؤتمن  ما اضمن سلامتي

مكرم- مصطفى شجاي تحجي يمعود هاي ثوله تصدك باجر تلكيها بالبيوت تفرفر   انوب مصيبه جديده دسكت يخوي وانتي يلاه ليجوه دخلي وبعد لاتطلعين والباب سلقوها

انطاني علاكه وراحوا اخذتها ودخلت  سلقيت الباب مر يوم يومين ماكو شي ويه المرية العرافة باقين

مكرم كل اشويه يخابر اخر مخابرة كال شيخ علوان ونسابته كفلوا مؤتمن وطلع وهسه متخبل يريد غزل عمتي حلفته  ميكول مكانه لمن يهدء ويحلف ميچسها يالله اتكله

عفتها تحجي ويا اخذت ملابسي رحت للحمام سبحت طلعت لكيتها بالمطبخ تحضر العشه

طلعت بره كعدت بالمرجوحه مشطت العرافه كاعده يم الدجاج توكلهن كالت ها يالترفه شجاي تعملين

-داامشط صدك بيبي المرجوحه حلوه المن مسويتها

-افريخات ابني من يجونه يلعبون بيها بعد ارويحتي

- انيالهم على هيج بيبي عود مثل بيبيتي تكول غورله بايكين جهالها

-لان تعرف راح يجسر ضهرها ويخليج فوگ الكل

-نفسه الي راح يحميني  وراح نتفارك والي لازم اضمه بعيوني مو

-يله يمه كملي ودخلي جوه اطلع استرزق عبنه جاي عندي وانه مااريدن اريح كليبي خلي محترك مثل ماهو

-منو جاي بيبي لاتخوفيني وشعرفه عندج

-من البارحة طلع اكيد عرف

-لامكرم مايكله صدك منين اتعلمتي هاي الشغلة

- من جدتي جانت منجمة الديرة تشوف شر  من ضل البشر

-من هيج يسموج نذيرة الشوم

-ههههه منهو هذا يسميني كومي جده دشي جوه  هاي شوفه وشوفه ثانيه اودعج بيها كلمن يرد لمجان الجاي منه

-شنو يعني ارجع لامريكا 

ابتسمت

-الله عليج يعني اروح وخلص منه للابد

باوعتلي  ماردت

هيه راحت واني كملت ظفرت شعري فريت المرجوحه   ومغمضت عايشه بأحلامي طايره بالهوا مرت ساعة و مااسمع غير سيارة شحط  هيه كمز وهيه طفر للبيت لان عرفت منو الجاي حسني كلبي من وشحطت السيارة دخلت اركض وره عمه كلتلها لحكيني مؤتمن اجه

خلتني بالمطبخ وسلقت الباب لان مالحكت تطلع اسلقي الباب البره

دخل اجه دك الباب كال طلعيها عمه

-روح مؤتمن وراح اخيه اچتل روحي ومااخليك اتچيسها

-عممممه لاطلعيني من طوري كلتلج فتحي
لااستغفر الله

-يمعمه شبيك تسودنت ولك شعملت البت وتخبلت عليها

-عمممممممه عمممه كالها ودفر الباب

دخل  مكرم يركض كله والله موش هاي المرجيه منك انطيتني جلمة

-ماراح اعمللها  شي خلي تطلع

-ماتطلع لمن تعقد عليها

-خلي تطلع اول وبعدين اردها

رد دفر الباب بكل قوته وصاح غززززل

سمعت مصطفى دخل بسرعة كله مؤتمن الشيخ بره تعقد لو يروح يلا فضها

مااعرف شرد لان طلع ويا مصطفى

باوعت لعمتي فاتحه عيوني على كبرها همست اشرت شنوو 

-اي يمه جااشعبالج من يضمج من ايد احمد وجدج اذا مؤتمن سكت عنج ذوله راح يذبحوج بعد الفضيحه الصارت

-تره مسويت شي لاتخبليني عمه

-والله ادري بعد صارت ونفضحنا شيفضها ماتكليلي واحمد مخبل مارح يرفله جفن لمن يجتلج وحتى لو هو سكت اكو من يكوم السالفة براسه يعمه عقدي والله مؤتمن راح يحميج منهم

-يايحميني عمه دخيلج هو خلي اسلم من ايده وانوب افكر بغيره

-رديله هسه ومااخلي ياخذج اذا مايحلفلي مايجيسج ورح معتصم مااهدج بيده اذا ماتاكد منه

كعدت وره الباب بس اتخيل روحه رجعت مرته وبهاي الطريقه اموت رعب وحدي موانوب هو يريد بس يلكفني اكيد راح يخليني اتمنى الموت وماحصله

اندكت الباب كال مكرم يمه حضريها راح يجي الشيخ لهنا وانتي غزل خويه بحمايتنا  لاتخافين ماراح يحجي وياج

غمضت دقايق ودخل الشيخ ويا احمد بس اسمعه يكمز كوه كامشي حتى الشيخ زمخ بي كله بويه خلينه نشوف شغلنا لوتركد لوتطلع

بده يقره واني دموعي تنزل ارجف  ادري محد  راح يخلصني من ايده ولااعرف  اشلون راح اعيش ويا بعد الصار؛ رجال على كبره موته بدون لايرفله جفن اني شنو راح يسوي بيه

كمل الشيخ كال اذا موافقه قولي نعم سكت خفت احجي عمتي تباوعلي بتوسل ادري  حالها مواحسن من حالي ومابيدها شي بس جنت اتمنى النظرة منها بلكي كلبي يأمن

رجع السيد كال بنتي اذا موافقة احجي

خفت ارد لمن سمعت الباب اندفرت عرفته مؤتمن شهكت وكلت نعم

الشيخ- بويه مغصوبه كولي اذا مغصوبه تره باطل العقد

مؤتمن-  شيخنا خلصت توكل وفر نصايحك

-بويه خلي نفتهم تره باطل العقد

عرفتها راح تصير  مشكله وراح تكبر عقوبتي بسرعة كلتله لاعمو اني موافقه

- على بركة  الله كالها  وكام مبين طلع دك الباب مؤتمن كال يلا طلعي

-عمه فدوه لاتفتحين الباب

عمتي- مؤتمن احلف بروح عمك ماراح اتچيسها

-عممممه فتحي لااستغفررررالله  فتحيييي

-مؤتمن متوصلها

-ماراح اوصل صوبها بس فتحي

-احلف مؤتمن

دفر الباب بكل حيله لمن انعفسن وصاح فتحووووا

فتحت الباب عمه واني وره عمه اجه مكرم بسرعة صار بوجهه شايل اديه كدام مؤتمن يريد يهدي

طلعت واني اشهك لازمتني الرجفه  جان يباوعلي وهو مضيك عيونه يتوعدلي

لزمه مكرم بعده عني كله اطلع من بيت المرة هسه اجيبها امي ورانا

هز راسه وهو يباوعلي بغضب دفعه طلعة من الغرفة ؛

سحبت  شال عمتي خلته على راسي كالت يله

همست بخوف هسه يموتني

-لاع ماخلي يمد ايده عليج امشي بساع قبل لايتخبل بالزايد

-عمه خايفه

-يبعد عمتج لاتخافين حتى لو قسى عليج گلبه ماينطي يأذيج  تربية ايدي وعرفة اكثر من روحه يله يمه امشينا

واحس رجليه كوه احرگهن طلعنا  لكيته واكف يدخن كل نفس ياخذه يطير نص الجكارة وينفخ بحركة فتح باب السيارة و اشرلي صعدي

رحنا يمه صعدت اجت عمتي رادت تصعد خله ايده  كال لهنا اضن كافي يله عمه روح لسيارة مكرم

-يااا عمه شبيك ولك تطردني

-شتحسبيها حسبيها بعدي منا

كالها  وركع الباب وجه صعد وشحط السيارة
اريد اسحب نفس مااكدر بس صوت الشهكة تطلع على طول الطريق عينه  ليكدام اصلاً ماباوع المرايا  طاير

وصلنه لبيت جدو نزل بسرعة وفتح الباب من الخوف رجعت ليورا دنگ سحلني من شعري طلعني من السيارة  اريد اوكف مااكدر اتخيل جدو منتظرني وراح يذبحني جوه

نزلت واني وكامشة ايده اريده ترك شعري وكفت باوعتله بتوسل  اشرلي اشششش حسج ماهيسه يله

وجهه محتقن من الغضب وقبضته  قويه يريدني امشي ويا خل توازني عصرت ايده  ردت اكمشه لان حسيت روحي رخت همست مؤتمن باوعلي غمضت بعد ماحسيت بأي شي

فتحت عيوني نايمة بالغرفة عالكاشي بلا فراش والغرفة حارة تسمط اباوع المكان خالي ردت اكوم شفته كاعد كدامي منتجي على الحايط ماد رجل والثانية عاكسها بيده جكارة باوعلي ورفعها اخذ نفس منها

كعدت بسرعة رجعت ليورا  لميت روحي  احس كلبي بلحظه تغيرت دكاته اريد اتبلعم مااگدر واني اشوفة اشلون يباوعلي ويسحب النفس بحرگه من جكارته

مرت دقايق وهو على وضعة لاحجه ولا تحرك  احس نظراته  موت بطيئ اتمنيت يكوم يكتلني ولاهاي الحرب النفسيه الدخلت بيها

منتظره شنو راح يسويلي اترقبه وارجف شفتي اعضها اريدها بس  تستقر ؛النفس كوه اجره

طفه الجكارة بالكاع وكام رجعت ليورا رجه يمي ضميت وجهي بأديه  خايفة  كعد كدامي سحبهن من وجهي اباوعلة و الرجفه كامشتني دموعي تنزل بخوف ماحجه  بس يباوع لعيوني اخذله ثواني ودنگ مسح وجهه بزنده ؛باوعلي وگال بصوت تعبان -اشوكت عرفتي

هزيت راسي ماعرفه

-كم مرة واكفه ويا هالوكفه

-ولا  مر ه

باوعلي ساكت ريد اسحب ايديه من ايده  مااكدر عاصرهن  حيل  لااكدر اتوسل ولااحجي نظرته هاي كافي تموتني رعب

- هو هذا  الرايدته

-لاوالله

- لاتحلفين غزل

شهكت

-حبيتي

-راح تكتلني ؟؟

-شعملتي  بغيابي بعد

-والله كلشي ماسويت

عصر وجهي حيل وكال بشنهو وعدتي وهيج جازف  بروحه

-مؤتمن و

-اذا سمعتج تحلفين اذبحج احجييي

هزيت راسي بماكو

-تنهزمين وياا

اباوعله عيونه دم وايده ترجف من گد مامحترگه روحه شهكت بخوف

عافني وكام لبالي صدك وتركني ماحسيت غير   الدفرة اجت بطني كطعت النفس انطويت اعصر بروحي دنگ رفع راسي من شعري  كعد كدامي  احس شعري انشلع بيده بعدني استوني احجي  واجتني الضربه بوجهي لمن الدم طفر على ملابسه

حسيت الدنيا فترت وگعت بالكاع بعد مابيه مقاومة مااكدر افتح عيوني همست كوه كافي راح اموت

-نفس قذارت امج

غمضت

-بس انه موش عمي والطلگه مجان راسي راح تكون براسج 

كالها كام بعد مااحس بشي اشوفه يتخطى يمي راح للحمام يمكن غسل وجهه وطلع بدون لايباوعلي  قفل الباب ورا

مرت اكثر من ساعة واني اتلوه من بطني اريد اكوم مااكدر اسمع الباب تنفتح عصرت روحي خفت رجع غمضت بسرعة وكتمت النفس حتى دعاء بعد ماعرف اندعي منتظره اسمع صوته لو احس بضربته دكات گلبي بدت توكف  واسمع  صوت سماح اجت تركض شالت راسي كال اصخام بوجهج شعامل  بيج

فتحت عيوني شهكت

-وين طگج ولج

-بطني حموت

-تستاهلين چا اكو وحده تعمل عملتج  

-مسويت شي

-دكومي كل هذا وتكول ماسويت شايفه حالته من نزل اشلونها والله حسني كلبي گلت مأذيج لان يمشي ويردم الحيطان مايشوف جدامة

-بطني دتتگطع ولج حموتت

-دكومي غسلي بلكي ترتاحين

سندتني كوه گمت رحت للحمام نزعت ملابسي بيها  دم  سبحت نزلت جابتلي تراك خفيف لبسته نشفت شعري بس ولاعظم صاحي بيه مااكدر حتى اتحرك

كوه سندتني طلعت رجعت لمكاني كعدت الجو حار يفور والكاع تسمط ماكو فراش باوعتلي و كالت مؤتمن اذا سمع بيه داخلة يمج يموتني اذا سألج عن الملابس كليله لكيتهن بالغراض ذني فدوه

-امم

-اجيبلج شي تاكلي تشربي

-لا مااريد اريد انام

-يمه اشبيدي عليج ولج تموتين هسه من الحر اوكفي خلي اشوف شي تنامين علي

راحت ادور بالغراض المطشره مالكت شي جابت نفس كلبيتي كالت نامي عليها الكاع راح تاكل جسمج حاره

خلتها بيدي  وطلعت اني هم طبقتها وخليها جوه راسي  ونمت من التعب ماحسيت لتالي الليل 

فزيت على صوت طكطكه يمي فتحت عيوني شفت مؤتمن كاعد وبيده مثل الكولا  بس لاهذا شرب اني جنت اشوفه بيد سيف دائماً فتحت عيوني على كبرهن مامصدگه  ديشرب 

الدنيا ظلمه اباوع الساعه ٢ الصبح هذا شديسوي بروحه انوب يدخن ويشرب بشراهه وكل وحده يخلصها يعفسها ويشمرها بالحايط بكل قوته

لميت روحي خفت تجي بيه غمضت خفت يعرفني كاعده ويرجع يكتلني هو مستمر يشرب ويدخن وحده وره الخ

اكثر من ساعة وهو حالته تزود ماتنقص لمن شمر اخر وحده وباوعلي عصرت نفسي اخذله ثواني وكام  اجه يمي دنگ عليه وخر شعري غمضت حيل   دنگ باسني من خدي ورجع على ركبتي ريحته تكتل مال شرب ماسيطرت اجيت اتقيء دفعته كمش ايدي وحجه بتعب - عليش خنتيني مو حبيتج اكثر من روحي

همست  والله ماخنتك

-اششششش ششش لاتكعد خليها نايمة

-مؤتمن

-ادري بيها تكرهني بس ماگدر اعيش بدونها اعرفها تريد تنهزم ويا  لان انه اهددها بالجتل بس الله اعشگها

بجيت لان عرفته من كثر الشرب مايحس شنو يحجي خفت يموتي بدون لايحس

خله راسه بركبتي وبجه  كال احبها عليش غدرتني
حضني حيل  وسمع شهكته تطلع من كلبه

-مؤتمن والله ماغدرتك

وخر عصر خدودي حيل بيده كال موش كلتلج سكتي راح تكعديها 

-مؤتمن حموت وخر

-موتي مااريدج تعيشين ماتستاهلين تضلين انتي خاينه

بجيت وهمست بترجي والله ماخانتك  يباوعلي كأنما مايسمع  يمسح دموعي بطرف اصبعه ويكول شششش لاتبجين خفت من تصرفه عرفته مو واعي

قوه صوتي بالبجي دفعته وخرته عني دا اكوم سحبني خله ايده على ركبتي راد يختنكني عصرني حيل  حسيت الهوا خلص ادفع بي مااگدر اضرب مايحس  نبتت اضافيري  بأديه وسحبتهن حيل لان بديت افقد استوني اغمض وخر ايده ابتعد

كمت رجعت ليوه اباوعله بخوف گوه اسحب النفس

عصر راسه حيل وكام رجع لمكانه كعد  شال علاگه فتحها طلع  قوطيه طگها رد يشرب خلصها طلع غيرها شرب منها شويه باوعلي عفسها رگعها بكل قوته بيه بسرعة  ضميت وجهي

دنگ فرگ راسه اخذله اشويه وكام  نزع قميصه واجه يمي رجعت ليورا ردت امنعه جرني حيل شمرني عالگاع  عصر وجهي ودنگ عليه …

اشكد توسلت وبجيت وحتى ضرب ضربته ردته بس يرحمني ماكو 
اتعس ليله مرت عليه  ما خله شي ما سواه لا ضرب ولا عنف شوهني گد ماستعمل القسوه وياي حسيت نهايتي بيده لا اكدر اصيح يجوني ولان وضعنا  يخزي ولااكدر اسكت لان مايحس فاقد ياكل بركبتي وشفتي اكل

ماتركني لمن تشاهدت من صدگ وهو خله راسه على صدري غمض بتعب واني نهد حيلي  انتظرت اشويه ودفعته على كيفي وخرت من يمه

كمت اريد شي استر روحي بي ماكو ملابسي ملخات ؛لبستهن صح ماباقي شي بيهن بس اهون من هيج لميت روحي وكعدت بالزويه بدون صوت خفت يكعد ويرجعلي 
ابجي بلاصوت  بطني موتتني احسها تتملخ من غير جسمي يحركني خاله ايدي على حلكي اخاف صوتي يطلع  تعبت احس روحي رايحه من الالم والخوف بعد ماعندي طاقه  اتمددت بالكاع  لميت روحي ونمت وغمضت رحت بالنوم بدون لاحس

كعدت على لمست اديه يمررها على جسمي طفرت من الخوف حشكت روحي يم الزويه ولميت رجليه اباوعله بتوسل وارجف

وكف يباوعلي تفاجئ اخذله اشويه دنگ اخذ قميصه وطلع قفل الباب ورا

اخذت نفس رجعت خليت راسي حيلي مهدود مااكدر اتحرك مر ساعة وانفتحت الباب دخلت سماح اول ماشافتني شهكت ولطمت على صدرها
كالت شصاير بيج

بجيت اجت يمي كومتي -شعامل بيج هذا عليش اتخبل عليج اشبي مؤتمن انجن

-حموت ولج بطني موتتني

-دكومي ياعيني كومي هو انتي اشباقي بيج وتبجين من بطنج

-مااكدر اتحرك

خلت ايدي على متنها وكومتي للحمام سحل كعدتني جوه الدوش وطلعت اتجيب ملابس لميت روحي لان احس جسمي يحركني من ينزل المي

عالسريع جابت خاولي اخذته نشفت روحي ولبست  طلعت رجعت مكاني
خلت كم حاجه يمي بالكارتونه كالت والله حذرنا واحد يصعد يمج اذا دره يطين عيشتي خو اتعرفين خباله وراح تعذريني

-روحي سماح هاي هيه

-ذني الملابس يمج بالكارتون لخاطر لايشك حسباله من زمان هنا وهسه اصعدلج شي تاكلي

-لامااريد مااشتهي

-ياولج من البارحه انتي بلا اكل

-والله مااريد بس اريد مي حموت عطش

نزلت تجيب مي بس ماصعدت بعد يمكن احد شافها من البنات وخافت

لفيت شعري وكمت للبوري شربت منه المي مالح ميروي وحار بس شسوي ميته عطش اباوع وجهي بالمرايه ماضال مكان بي صاحي شفتي وارمه ركبتي صايره اتخوف من عظاته

رجعت لمكاني كعدت بس معدتي تعصرني من الجوع والنوب العطش اكثر صار والجو حار لهيب بس بنكه تذب جمر وصلت لااخرتي شاهدت
للظهر اسمعه صعد عصرت كلبي

فتح الباب ودخل سده ورا شمرلي بطل مي كال ولو ماتساهلين بس اسممي

سكتت مارديت لميت رجليه لامه لحضني والعرك ينزل منا ومنا غاطه بي 

اجه يمي كعد باوعلي كال اشكد تطولين بعد

شلت راسي باوعتله بقهر  شال ايده ضميت وجهي بسرعة سحب اديه حيل ودفعها

رجع مسح كصتي من المي البيها ومسح ركبتي حسيتها حركتني لاارادي صحت

وخر ايده وكام ضل يباوعلي اشويه وبعدين  طلع وقفل الباب اسمعه فتح باب غرفته وسدها

ماعونت يطلع اخذت البطل المي شربته كله من العطش احس روحي لعبت يمكن شربت هواي واني معدتي خاليه ركضت للمغسله اتقيء   اريد اخذ نفس  مااكدر

رجعت انفتحت الباب دخل اجه للحمام واني بعدني اتقيء رفع راسي من المغسله وغسل وجهي اختنكت بالزايد دفعته رجعت اتقيء لمن ذبيت المي الشربته كله

احس الدنيا افترت بيه اختل توازني لزمني بسرعه دنگ شالني طلعني بره كعدني يم الحايط راح يفتح الشباج خليت راسي بالكاع غمضت وكف اتخصر يباوعلي قطره رحمه ماكو بكلبه كال اكو شي يوجعج

مارديت

-كومي اكلي

-مااريد مااشتهي

-يطبج مرض كالها  وطلع وقفل الباب واني لبالي جاي لهنا سمعني وخاف عليه طلع يريدني اكل لخاطر اتحمل بعد التدمغ مالته

معدتي توجعني ميته جوع بس مااكدر اكوم اكل اخاف اكل وهم اتخربط انوب الشباج يدخل سموم صار الغرفة بعد احر

الباب تندك وصوت عمه تصيح يمه غزل ردي بيج شي

-لاعمه هياتني مابيه شي

-فتحي الباب يمه خلي امن

-قافل مؤتمن مويمي المفتاح

-سوده بوجهي انه ادري اشبي تسودن هذا يمه غزل اكو اكل ومي يمج

-اي عمه هياته جاب اكل هسه حاكول

-هم ضربج احجي

-لاعمه ماضربني مابيه شي بس دااكل صوتي اتغير

ضلت كاعده ورا الباب اتسولف وياي واني ارد ماكلتلها على الصار لان راح تتعارك ويا  ادري  يريد بس واحد يطلع حرگته بي متخبل مايعرف شيسوي يتمنى موتي وبنفس الوقت خايف اموت  

سكتت وامنتها كامت كالت بلكي احجي ويا الله يهدي وينطيني المفتاح راحت  للعصر  ماكو خبر واني معدتي عصرتني عصر بعد مابيها مجال كمت سحبت العلاكه لكيت لفه وبطل لبن اكلتها وشربت اللبن بس احس روحي بعدني عطشانه

خفت اشرب من البوري وهم تالي اتخربط  اتحملت العطش وضليت امتانيه رحمة الله

دخلت سماح الحمد الله اجاني الفرج كلت بس اديها فارغه دمعت عيوني ولج اريد مي لويش ماجبتلي

-ياسوده عليه ماجابلج مؤتمن موش صعدلج

-لامؤتمن شاطر بس يذل بيه

-مصطفى سأل عنج كلتله مابيها شي لان  بعدهم متزاعلين هو ومؤتمن ماردت مشاكل ادري راح يسويلنه هوسه

-لااهم شي مشاعر مؤتمن لايهمكم الباقي يطبهم مرض

-جا شگله  والله مؤتمن ينام وياها غصباً عنها لومشوه جسمها بالعض

-هم صدك خلينه على الزعل اهون دروحي جيبيلي مي حموت

نزلت اجيب مي واني انتظرها ضحكت صار اكبر حلم وامنيه عندي اشرب مي استغفر الله صعدت بيدها دولكه واني ماصدگت طفرت اخذتها اشرب بشراهه لمن اخذتها من ايدي 

كالت-كافي تالي تكلب معدتج ارتاحي وشربي بعدين

-لاهاي هيه رويت

-دگعدي خلي اسولفلج على الصار

كعدت وهيه بلشت تحجي عن جدو اشلون حاد اسنونه يريد بس يلزمني ومؤتمن مانعه ومتعاركين  وزعلان يكله بسببك راح تشيخ على روسنا وهيه ماتعرف ريحه التربيه راح تصخم وجوهنا

-اي وشرد عليه ماكله فوك حالها حال الحيوانه عايفها

-لاكله محد يتصخم وجه غيري انتم مالكم شغل لحد يوصل صوبها بعلي ادفنه اليوصلها

-لويش عالاساس ارحم منه هو لوشنو تره انكس خلك الله مؤتمن حتى شرب يشرب

-ياا مؤتمن بعمري ماغضب ربه

-وداعت ماما يسكر بليل البارحه للصبح يشرب بس ماادري وين ودا القواطي 

-غزل لاتضلين تشمرين على بالعاطل لو يموت ميخلي المنكر بحلكه يجوز غير شي

-ياا ولج والله اعرفه الشرب غير اني عايشه هناك وهذا عدنه بالماركت  منه والبارحه كم وحده شرب حتى من سوه وياي هيج مجان بوعيه الصبح كعد متعجب على روحه اشلون هيج امسوي

-استغفر الله عليش هيج صار بي بس لا مااصدك

-دولي هسه لويشرب كدامج هم انتي تعبدي لعد منو فرعنه علينه غيرج

-يلا هسه مرته تجيب ويلتهي ويه بته بلكي يفكنا منه ولج صدك هذا فهد اشلون شكله اشو مؤتمن متخبل

-تره هوا مؤتمن متخبل من گاعه بس لويش تسألين عنه

-يحمس بروحه يكول صغير وحلو عليش ما تحبه على كدها ونفس خفتها
ولج  ضل بنفسي اشوفه لان كلما يتذكر وكفتج ويا يموت قهر

- اكصر من مؤتمن  رشيق  كامل المواصفات هادئ 

-جااشبي خيه مؤتمن شنهو گاصر ودورين حلوين وراه

-اني من اشوكت دورت خرب بحضي ومؤتمن بس شكل اخلاق ماكو ذاك بس اخلاقه تسوه عشرة مؤتمن

بعدنا انسولف سمعنا صوت مؤتمن وهو يصعد الدرج اتخبلت سماح بعد ما تعرف شسوي لاتكدر اتضل ولاتطلع فتح الباب دخل اتفاجئ بوجودها
كلها شكو هنا

-جبتلها مي والله ماتت

-منهو گلج ادخلييين

-يااشبيك مؤتمن اگلك البت ماتت عطش  خاف الله الغرفة جمر شوفها هاي بعد ماطول يوم كاطع المي والاكل وحابسها تره ماجرمت منهو يقبلها على بنته مؤتمن هاي يتيمه خاف الله بيها لاتشوف اخوها مابي خير وتتولاها

-تعالي بعد انطيني راجدي

-اوو مؤتمن والله تره زودتها انت الغيره راح تخبلك اصحى

كالتها ورادت تطلع بس سحبها من ملابسها وصفكها راجدي رجع كمشها من راسها كالها صوتج مايعله  هالمرة اعديها مرة ثانية اخليج وياها سمعتيي

هزت راسها اي
شمرها بره وسد الباب اجه يمي كال ارتاحيتي بس لخاطر تعرفين انتي اشكد اذيه لليمج

-ماسوت شي لويش ضربتها

-مرة ثانية اذا صحتيها راح اخليها يمج وستانسن سوه

-ماتكدر اهلها ياخذوها تره مو غزل هاي وبكيفك تلعب بيها محد يردك

كعد يمي يضحك عفيه عرفي قدرج من اسحك على راسج محد يعترض حمدي ربج لسه خالج تشتمين هوا

-دخيل الله اشكد كارهتك

-بت فريال نفس الطينه ونفس النجاسه على ذمة زلمه وبحضن غير تتمعشگ المثلجن جوه التراب ضايع اثرهن

  هو يحجي واني كلبي يغلي اشكد احتقرته واني اسمعة مستمر بالغلط ماخله اهانه بحقي اني وامي قطع كلامه وهو يسحب ايدي باوعتلها عصرها حيل حتى يگطع الدم

طلعت حاكتها بدون لاحس ردت اسحبها ضغط اكثر وسحب الكلبيه شلع قطعه منها شدها  وكام

طلع حب من جيبه وشمر بوجهي  كال شربي

شلت راسي باوعتله

-لاتباوعيلي بهالشكل حسبالج اكلبج بعد  بس اخاف اجي يوم وماادري بروحي مثل  البارحه مااريد يصير طفل شذنبه وامه مثلج منحطه اخذي يلاااا

نزلت راسي ماحجيت 

-موش احجي ويااااج

اخذت حبايه بسرعة ماكو مي كمت شربت من البوري

طلع وقفل الباب نزل خالني بس لشهوته الحيوانيه ويخاف يتورط بطفل وياي ماشفت احقر وانذل منه

يومين واني على وضعي كرهني بروحي خلاني من صدك اتمنى الموت

بس شمرلي جودليه ومخده هذا الفرق بعد ما انام على الكاع بس جذب اني نومتي اشلونها بليل انام عليها اصبح يم الباب اكعد مصلوخه انوب صار عندي حساسيه  من الحر السبلت عطلان؛حمدت ربي عندي حمام جان هم حسبلي اوقات للروحه

بليل يجي يشرب جكارة  ويشمر كم كلمة  يريدني ارد لخاطر يكتنلي بس اسكت ماجاوبه لان اعرفة يدور حجه هو هم يمل يكوم يفتح الشباج و يطلع 

سماح بعد البسطه صارلها يومين ماكو
العصر كاعده اتصفن ويه الحياطين يمكن صار بيه توحد من العزله

انفتحت الباب سماح كالت غزل تعالي وياي للغرفة الثانية اجه واحد يصلح السبلت

-مااطلع ولا اريد احد يسوي اصلا تعودت

-يا تعودتي البارحه مؤتمن يكول تهرش للصبح من الحساسيه ما نامت

-وهو شدرا وبعدين بس لا سوه روحه خايف

-لاحبيبتي لاتخافين علي مايخاف ولاينجسر كلبه هذا بس انتي الراح تموتين يلا كومي اشويه يجي الولد

-منو دزج انتي روحي بنتي مااريد اني دا عاقب روحي على هذا حضي

-ههههه امداج كافي عقوبة مؤتمن بعد بيج حيل انتي 

-دروحي جيبيلي مي تره ضلت حسره بكلبي اشبع مي شنو هالظلم الي انتوا بي

بعدها ماردت ودفعت الباب تهاني دخلت تضحك كالت  هاي شنو بعدج عاشيه والله يعمه صدك العار ميموت  اشلون خلاج عايشه لسه هاي الفضيحه كلها سوده عليه مؤتمن راحت سمعته بالديرة ولج اكيد نفسه الجان يطفر من الشباج عليج اي عليش لا خلي يشوف بعينه من جان يسمع ويسكت مامصدكنه

-تهاني طلعي لااكوم اطيح حضج

-ههه هاي قديم حبيبتي هسه انتي راح تصيرين خدامة الي حبيبي كال راح اخليها عايشه بس لخاطر تخدمج

-بحلامكم انتي ويا طلعي احس مااكوم اسحلج

-لخاطر اسحكج بنعالي

-سويها اذا مااسحك على راس ابوج مااطلع غزل

-هسه يجي مؤتمن وخلي اشوف شنهو يكول

سماح تجر بيها تريدها تطلع وهيه مستمره اعرفها تريد  تغثني حتى اكتلها ويرجع مؤتمن يباوع بوجهه  ؛ضليت ساكته لحد ما اجت شالت رجلها ودفرتني  كالت هذا مستواج

احس النار طلعت من عيوني بعد ماتحملت كمت سحبتها من شعرها ونبتت اضافيري بوجها لمن شلعت اللحم

كامت سماح تلطم وتصيح دخيلج وهيه تغلط ودعي ماشفت روحي غير ادفعها بكل قوتي وكعت بالگاع شالت راسها تفلت عليه واني ماصدگت

نمت على بنها نيوم ودنگت كل عضه اعضها تعادل عضات مؤتمن اضعاف ماتركها لمن  اشلع لحمه منها

هيه تدفع تخاف على طفلها وسماح تجر واني اتخيلها مؤتمن بين اديه طلعت ضيمة كله ماتركتها لمن ارتاح گلبي

جرتني سماح وخرت احس نفسي بارده

دنگت كومتها وكفت هيه وكفشتها تشهگ گالت  سهله يغزل هسه انزل لمؤتمن ونشوف شنهو اليصير

-روحي اشتردين تسوين سوي تخوفني بمؤتمن وهو ميخوف جلبي

-هيج جا سهله هم تتجاوزين عليه وهم كتلتي بته
كالتها وطلعت

سماح صافنه اتباوعلي بيأس تالي  كالت وين حجابج

-بالحمام معلك

-خليج هنا غزيلان لاطلعين بدونه اخاف اكو احد جوه

راحت للحمام دخلت تجيب الحجاب واني الم بشعري  يم الباب من الهوسه الصارت

مااسمع غير صرخت تهاني ترست البيت …

هلو بنات اهواي طلبتو مني اكتب روايه البنيه الي ذبحهه ابن عمهه

صح اكدر اتصل بأختها وتحجيلي قصتها بس اكيد ماراح توصل الفكره عدل ولاراح نعرف شنو جان احساسها لو اشلون حبو بعض شنو شعورهم من جانوا يسولفون سوه والايام المرة بينهم

وذني اهم شي بالروايه

الابنيه الله يرحمها راحت لرحمة ربها بسبب تقاليد عشائري سائد ظالم

وهاي مو اول حاله هواي بنات راحن ضحيه نفس الطريقه والسبب

جدا اعتذر بنات مااكدر اكتب هيج روايه اهم شخص بيها مفقود

لاتنسو التصويت ⭐⭐⭐⭐⭐