رواية كفي والمنجمه الفصل السادس والخمسون 56 - بقلم Leo Alfatlawi

كفي والمنجمه

بقلمي:  leo  Alfatlawi

بارت السادس عشر   /ج2/

اباوع لمؤتمن وكف متجمد دخلت سماح تبجي وعاء تلطم كالتله ابوي راح ينجلط اذا دره دبرنا راح تطش السالفة بالديره

اندار اخذ سلاحه وطلع مستعجل

صعدت الغطه خجلانه من منظري وبنفس الوقت كوه كامشه الضحكه هاي القنبله الجان يحجي عنها مصطفى

دخلت دعاء صاحت كله منج انتي

-واني شكوو يله طلعي ماتستحين داخله الغرفه واحنه بهالشكل

-يااشكل حجزتي لخاطر تشردين ذاك مو وداعت ابوي ماراح اسكت

-هههههههه شتردين  تسوين سوي يله لج بس والله كفو ابن عمي ذيب ابربج هيج احسللكم انتي مركونه واختج امطلكه بفضيحه لج داده كعدوا وبطلوا اتشمرون نسوانكم على العالم غصب

-منهو شمر احنه بنات الشيخ الي الديره  تتمنى نسبه انشمر

-لعد اشتسمه هاي  اوو يله طلعي دا البس ملابسي  عززا نسيت باجر احد واني صالحته اليوم يله اكيد مافارغه لهيج شي ماضل للاحد الجاي هواي ههههه

صكت على اسنونها رادت تجي تفترسني لوماملحكه عليها سماح كمت كعدت وصحت ااا ضهري عزا بعينك مؤتمن تبتعد عنه كم اسبوع تتأمل تخلص منه انوب يخزن طاقه ويرد يطلعهن من عيونك

اباوعلها خلط الغضب والبجي سوه طلعتها سماح سحل طلعن وسدن الباب

كمت للحمام واني طايره من الفرح والله اجت عدله اثنين في واحد هم اختها اطلكت وهم ليلتها طارت

سبحت وطلعت رحت للمرايه وكفت امشط دخل مؤتمن ورا دعاء سحب الحزام واسد الباب اجه يمي كال وين مصطفى

تذكرت مصطفى من كال انضمي

رجعت ليورا مؤتمن واني شدراني

-غززززل وروح ابوي اذبحج هسه وين وله احجييي

-والله ماادري

-ولج زلمه اشكبرني تضحكون عليه انتم الي ماتسوون قندره  احجي لابالعباس اجنزج هسه وين اخذ مهره ونهزم

بعد استوني اكول ماادري واجاني الحزام خلاني اطفر من مكاني احس جلدي طار شال ايده يريد يضربني واحد ثاني لميت روحي وكعدت بالكاع ضميت وجهي اجاني الثاني على ضهري كطع حتى النفس

اندفعت الباب دخل مكرم وحبيبه يركضون مكرم كمشه وحبيبه صارت كدامي تحميني

كله من كلتله لاتاخذها اصر عليششششش

مكرم-  نلكاه هسه بس اهدء

-والك انفضحنا العالم جوه شكلهم كالها دفع مكرم وجه شمر حبيبه شالني من شعري كال غززل احجي وماراح اكتلج

كمشت ايده اباوعله بخوف رجع صرخ احجيييي

دخل كاظم يركض جره ومكرم سحبني منه دفعني ورا صاح بعدووووو عني وانتي احجي ووووينه

كاظم. يخوي چتلتها راح تموت اتكلك ماادري

-ولكم راح ننفضح ولك الشيخ بالمستشفى صاعد ضغطه اذا مااحجت وداعت جهالي اشنقها

كمشت بضهر حبيبه وضميت راسي لان اتحول مايعرف شيسوي بس يريد يلوحني لان متأكد ادري

صاحت دعاء وهيه تبجي  وراس ابوي تدري  هو وصلها وخلاها تراضي مؤتمن بس حتى ينهزم متفقين اثنينهم ابوس اديكم خلوها اتحجي ابوي راح يموت

مكرم مؤيد كلامها وكاظم معترض ومؤتمن متخبل صارات اصواتهم اشعلاتها رن فون دعاء ردت وصاحت اصخام بوجهييي يامؤتمن جايهم شيخ ابراهيم يسأل اذا الخبر صحيح وهسه جايك بالطريج

ضغط على سنونه دفع حبيبيه وجرني من شعري كال تحجين لو انهيج

من الخوف حتى بعد مااكدر احجي كوه طلعت الكلمه مني مؤتمن والله ماادري دفعني وندار للحزام

صوت صرخت حبيبه وصوت دعاء تلطم  ومكرم يصيح احجي ولج خلينه انلحگ نجيبه

غوشت الدنيا بعد ماحسيت بشي 

فتحت عيوني بالمستشفى امعلك المغذي بأيدي  وهيفاء يمي كاعده شافتني فقت بسرعة اتصلت اسمعها اتكله لاتروح كعدت  اي اي  يله  الله وياك

اجت يمي كالت ولج موتينا وراج شجاج سكتي فد سكته

-شنو سكتت وين مؤتمن

-يبوو على حظ مؤتمن شوطهم مجسور الركبه خلاهم يتلاطمون ورجع

-رد مصطفى

-اي خيه كالهم اشبيكم اخذت مرتي عالكورنيش افرها ضايجه شنهو الصار

-لعد موطلق زهراء

-يكول منيلكم هذا الحجي منهو كاللكم خيه طلعت دعاء اجذب شاعلتها فتنه اردت اتسويلنه سالفه لوماالله اليستر جان انجلط مؤتمن  وانتي الله يهديج متكليلي اشبيج صارلج اشكد  فاقده

-مؤتمن موتني

-اويلي يمؤتمن واكف صافن مايعرف منين تجي الصاعقه وحده اقوى من الثانيه بجها مصطفى وبجها انتي الي ساعة انصحي بيج ماكو حتى النفس كطعتي

-خلي يرتاح هو ومرته

-اي لاريحها كلش على اخر حبايه من عرف الشغله جذب ومصطفى هم الله يهدي شعل البيت

- تعارك ويه مؤتمن

--يبوو اتعارك شنهو  غير شعل الامه على راسه حتى اتجاوز عليه وصارت مذابح تالي مؤتمن الله يسامحه طك مصطفى لان نزل فد نزلة سحگ بالعرض

-عززا وينه هسه بس لا راح وعافني كلتلها وشهگت

-ابجي ابجي يحظي على شنهو ولج تبجين امداج لاخيه ماعافج هو جابج لهنا بعد ما ايس مؤتمن كله مابيها نفس هاي منتهيه

خله الزلمه يوكع من طوله والله يخيه يريد يشيلج بعد ميكدر موش  اتكول جنج ذبانه انهد حيله يكل لمصطفى شيلها يخوي مااكدر سوده عليه اباوعله يرجف حسباله  صدك رحتي وحبيبة خبصتنا بصياحه خلتنا مانعرف طريجنه امنين اشوكحه اتملخ بمؤتمن اتكله ارتاحيت ماتت

-هاي شنو كولها صايره واني ماادري شنو كال الدكتور بس لا صدك بيه شي ولج

-لاخيه انخفاظ بالضغط حاد ونهيار وكلبج هم تعابن شويه

-بعد ماعندي كساح

-ههههههه يلا خلي يخلص السيروم ترا هذا ثاني واحد يعني اسبوع منطيج اجل بعد

-وين مؤتمن

-خيه ماكو دكتور خفر صار ساعتين منتظر اخر شي اخذ عنوانه وراح يجيبه من بيته سحل اشكد عالم باطله يعني المريض وين يروح خاليلهم واحد لاحظ ولاثمر كلشي مايفهم   كل شويه يكول شكل

-لعد وهاي العالم منو يعالجهم خطيه

-خيه  امجطله بالسديات محد بحالها هو بس النه سودنه ساعة يكول ضغطها اذا مااستعدل احتمال تنجلط خومن عرف عندج خلل بالقلب جلب بيها كال لااحتمال كلبها للصبح يتوقف لان لان امبينه داخله بغيبوبه قويه يمكنه جديد استوى يطبق

-هههههه شنو هاي اطبائكم تحفه هاي لو والده كييوت هنا جان هسه ارفرف ويه الملاىكه

خلص السيروم كعدت اعدل الشال وهيفاء تساعدني

دخل مؤتمن شكله تعبان  اجه يمنه رجعت ليوره وكمشت هيفاء شافني وكف ما تقدم اكثر  مااحجه بس اخذ نفس  واشرلها يله وطلع

هيفاء- شمالج خيه اشبيج ترجفين

-ولج شكله بعد معصب اذا ضربني بعد مابيه اتحمل هالمره صدك اسلمها

-ولج ياايضربج هسه امنيته يخلي طلقه براسه ويخلص من عذاب الضمير

-هذا ماعنده ضمير حقج لوشايفه الحزاميات الضربنياهن جان ماكلتيها

-الحزاميات همم هذا كل حيلج بالجمع دكومي

كمت لبست الجبه والشحاطه احس جسمي يرجف مااعرف لويش ردت اتحرك دخت كمشتني هيفاء كال اشبيج

-دايخه

صاحت مؤتمنن تعال يخوي ورجعتني كعدت دخل اشر شكو

- اكلك هاي من هسه متخربطه اشلون ناخذها للبيت

-على شوفة عينج صار ساعتين هنا ماكو زمال يرسيلنه على علتها شسوي يخوي خلي ناخذها وباجر اخذها اخصائي

رجعت كومتني هيفاء الدنيا تاخذ وتجيب بيه طلع قبلنه هو حضر السياره ماعونت اصعد كعدت بالوره يم هيفاء شغل مشه شويه

خليت راسي على متنها ردت انام لبالها طحت صاحت ولك مؤتمن الحكني ردت طاحت

وكف السياره وضل يركع بالستيران يصيح شعمل  متكليلي شعمل  وين اوديهااااا وحك الحسين الشهيد راح انجلط دبريني وين اولي بيهاااا

شوفلنا مستشفى خاصه شوف صخام دكتور هاي البت منتهيه

فتح باب السياره لزم راسه وراح وكعد عالرصيف  مدنگ عرفته صعد ضغطه لان مكانه بعيد ماكو مستشفى خاصه قريبه علينه

جنت صاحيه من منظره  خفت وهيفاء تضرب على خدودي سويت روحي فتحت عيوني بس كوه لان ادري اذا دره مابيه شي شمرني من الجامه

- هاخيه شمالج شتحسين

اشرتلها  بتعب مابيه شي وغمضت

ضلت تمرغ بأديه وتمسح على شعري واني خاله راسي عالگشن مغمضه دقايق واجه گال بصوت تعبان اشلون صارت

هاي جدامك تعبانه محتاره بيها

-وين اخذها اقرب مستشفى كم ساعة منا بين مانوصل لن رايحه منااا گليلي شعمل

الله يهديك يخوي اشلون نطاك كلبك طكها هيج

مارد ضم وجهه ثواني وفقد بلش يدفر بالسياره بكل قوته ويصيح من بين اسنونه مصطفى مصطفففى

عصرت نفسي لان كامت تهتز بينه عافتني هيفاء وفتحت باب السياره نزلت بسرعة كالته راح تموت يخوي اهدي

وكف ينفت همس بكسره تعبانه مو

-ماعليها هسه تصحى

-هم اتحيون وارد اطكها وتموت بيدي

- شمالك يخوي عليش ترجف

مارد رد گعد لازم راسه راحت يمه دنگت كالت مؤتمن يخوي شصارلك

مارد
-بروح ابوك لاتخوفني عليك ردي يبعد اختك وعلي مابيها شي

-راح أذيها اعرف نفسي انه مريض

-كول يالله

-شعمل وعلي حاولت ابعدها عني بس ماگدرت اموت بدونها ولااكدر اخليها لان حيوان ماراح اكدر احميها من نفسي

-مايصيرلها شي لاتخاف وداعت سند صحت وحالته صارت زينه بروح ابوك كوم السكر صعد ساعة ونجلطت

-مابيه شي روحي شوفيها

رجعت اجت صعدت مسحت وجهي گالت ها خيه شتحسين

اشرت مابيه شي اتحسرت ولزمت ايدي تمرغ بيها كام اجه فتح الباب من جهتي دنگ وخر شعري عن وجهي فتحت عيوني باوعتله عيونه جانن حمر ومبين التعب عليه دنگ باس راسي وخر سد الباب بدون لايحجي رد صعد شغل السياره

ناوشها بطل مي بدون لايباوعلي  غسلت وجهي وهو حرك السياره

وصلنه للبيت جان مكرم ومصطفى بالباب منتظرينا  اجوا  للسياره فتح الباب مكرم كال انطيني ايدج استندي  عليه ونزلي

دفعته ونزلت دموعي همست كله بسببك انت الكتله اكتلها

-يخويه بالعباس من مصايبج انتي ومصطفى خليتوها اتيه علينه اي شي يصير حسبالنه مدبريها

دفعه مصطفى ودنگ سحبني اباوع جوه عينه مورمه ووجها مكلوب ضايج روحه طالعه سندني

بين مانزلت هيفاء كمشتني دخلنه وهو ورانا شافني كوه امشي مااسمع غير الباب فلشها وصوته هو يكلهم بشرف امهامتكم حاسبين روحكم شنهو  انتم اشلون طاكيها هيج

مكرم- مصطفىى حسك منا عالم وكول الحضره جنابك هاي عملتك منهو يعملها

-انت كلتلهااا عملتي اتطكوها عليش يابه لوبيك حظ جاجيتني موش ترحون اطكوها  بس اخ وروح ابوي موش بشر حيوانات مابيكم شريف

هوه كال هيج وردت علكت بينهم وصوت جدو يهدأ بالوضع بس ميكدر لان علكت

صعدنا للغرفه دخلت حبيبه عيونها امورمه تمسح ابحلكه لبالي ماكله شي بس اشوف اثار دم

اجت شبكتني وخرت كلتلها ولج اشبي حلكج لويش طالع دم

-يااا ولج هذا موش دمي دم هالمعفنه جنت اعض بيها

- عزا ولج شمسويه لعد بيها وهيج حلكج متروس

-خيه اعض واطك  وميفوخ كليبي وارجع الكشها واعضها واتذكر اشلون طحتي ورجع اعض وهاي من رحتى لسه اخر عضه

كالوا اجت غزل عاد شلعتلي لحيمه منها ديلا لاتضلين واكفه يالمفهيه اكلتي  چتله باطله سوده عليه

-اي والنبي احس جسمي يحركني من الحزام

-سوده بوجهي انتي منيلج روح وانضربتي وانوب بنتج المجلوبه شافت مصطفى شايلج كومت البيت ماكعدته وانوب ترطن منعرفها شتكول ماسكتت لمن رجع مصطفى من المستشفى وشالها خيه شنهو تعرف ريحتكم اثنينكم نفس الصنف

-غير فتحت عينا للدنيا لكتنه بوجها طبعا تميزه عن الباقي

ذبيت ملابسي رحت جوه الدوش فتحت المي احس الضربه كامت تحركني طلعت تمددت عالجربايه دخلت سماح جابتلي معلاك شوي

واشلون احبه اني حشى نعمة الله بس كعدت على راسي كال مااكوم اذا ماتاكلي وجهج اصفر هسه هم توكعين

على واهس كييوت تاكل وتوكلني اضحك القطعه اكبر من جفها اتشيلها واتخليها بحلكي واتكلي ام من تشوفني اكلها تضحك

ادنك تاخذ غيرها بجت سماح انداريت كلتلها لويش دتبجين بس لا غرتي

-لاخيه والله من اخذوج وبنتج بجت وراج احس حيلي راح خفت يصيرلج شي وهاي متعلقه بيج 

انوب مؤتمن شالها راد يسكتها منعرف شتكله وتفرفح هدت حيله سودة عليه بعد حتى مايكدر  يوكف انطانياها وكعد عالدرج يباوع لبنته بجسره   مامستعوب العمله بيج

اخذت بنتي الحضني عزا ويلوموني  لويش رجعت لخاطرها  يمه ابنيتي فدوه كييوت حبيبتي بجيتي عليه بابا ضربني من يجي تفلي عليه وعضي

باوعتلي وضحكت شبكتني يمه صدقه

حمدت ربي عدنه لغه خاصه جان انكتلت مره لخ

شالت المواعين سماح اخذت كييوت اغسللها بالمغسله طلعت خاله ايدي على ظهري احس المكان يحركني  لكيت مؤتمن واكف يسولف ويه سماح

ماحاجيته كعدت على الجربايه وخليتها يمي اجت اخذتها شالتها وصلت يم مؤتمن اتريد تعبر تفلت على ابوها صاحت سماح عيب ماما ميصير تفلت على سماح

ردت شكرا بيعد امج  مد  مؤتمن ايده  يوخر السبال من حلكها لكشي عضه بكل حيلج سحب ايده وكال هاي التربيه الزينه بعد ابوج هواي تعبان عليج مصطفى وجايبج للطريج

اخذتها سماح طلعت تضحك سد الباب واجه يمي كعد جنت امدنكه مد ايده وخر شعري عن وجهي ماحجه بس باوعلي راد يسحبني لحضنه صارت ايده على مكان الضربه صرخت

وخرها بسرعة شافني بجيت راد يشيل تيشيرتي يشوف ضهري وخرت ايده حجيت بشهگه وخر ايدك مؤتمن داتأذيني

دنگ مسح وجها وكام طلع مااسمع غير  انفتحت باب وصرخه دعاء كل صوت يشيل البيت وصوت دكت الباب يردوا يفتحها  الهم

واني الجلاب كلها وكفت ضدي يردوا يكتلني ضل يضرب  لمن صوتها تحول بحيج من الصراخ امبين هم كامش الحزام لان صراخات متاليه

اكثر من ربع ساعة يضرب وهيه على نفس الصوت عزا واني حزامين حتى والله موكلش قويات سلمت امري لله وتوكلت على الاغماء

عفتهم على عيطهم كمت طفيت الضوه ولفيت روحي ونمت

كعدت على لمسات ايد مؤتمن لكيته كاعد متنجي يمي ويدخن ويمشي ايده على خدي صفنت بوجها بالاول علما استوعبت  شنو كدامي

رجعت انداريت وكملت نومتي طفه جكارته راد يسحبني دفعته عصر وجهي وجرني حيل لحضنه صاح ااااش لاتتحركين

-مؤتمن ضهري

-موش يمه بعدت ايد

-مثل ماراح ابعدك عن حياتي

مارد خله ايد على نهايه ضهري وحده على راسي وضغطني بحضنه ماحاجيته بعد لان الكلام ميفيد صدگ مريض نفسي وعلاجه لازم ابتعد عنه

غمضت اشكد مسح بوجهي وحاول ارد افتح عيوني لو احجي مارديت لان تذكرت كلام هيفاء وعرفته ضميره ينهش بي بالاخص من ما عاتبته ضل ياكل بنفسه بس رادني احجي لو الومه حتى يطلع الي بكلبه بس خليتها حسره بي

كعدت الصبح على صوت الدمام وبنفس الوقت  شمه مؤتمن بركبتي اخذ نفس طويل وباسني وطلع امبين من زمان كاعد الي مبدل ومخلص

كمت اليوم عرس مصطفى انتجيت امسح بوجهي  تذكرت كال ايدج بيدي لخاطر تطلع الصفكه قويه شنو محضر مصطفى

گال ضربه انهيهم بيها عضيت شفتي لو اعرف بيها موتي هم راح اساعده وارد حق البارحه من عيونهم للجلاب

طفرت للحمام غسلت طلعت لبست صايه مغربيه ويه الذهب ورفعه شعري بس ضهري يون خاصه من صار عليه الثوب احسه يحركني

سويت مكياج وياهن بست نفسي بالمرايه كلت تعيشين وتاكلين غيرها انتي صالحتي اكليها

طلع الخصر ضيك شويه والحزام مالت البارحه بي لسعة بس ماهونت انزع لان حلوه؛  نزلت بعدني عالدرج صاحت هيفاء
اجت غزل ماطول العطر ترس الصاله هلت عليه

نزلت باوعتلها وضحكت كلتلها لويش محد ياعطر عدكم غيري

-لاوالله خيه عليش الجذب بكدج محد يخلي بس تعالي خرب يومج اشطالعه ولج

-همم حلوو

-منيلج ولج هذا اشوكت اشتريتي

-من طلعنه اني وصافوو

-ياسوديه عليه يصافو لاحنه ولاصخام اكل بوكسي ونام

-ههههههه نفس الحظ

-اي بعلي عمتي هم اتكول طكتهم عين ذوله هاي نيمها المستشفى زين ماماتت وهذا حنوا بوكسات

-وينه

-بالمطبخ ياكل تعالي ولج يفوتج شكل اشريجتج الجديد

-مااريد اشوفه لاهيه ولارجلها

-والله  صلخها صلخ مؤتمن المطي ماانطك مثلها تالي بليل سحلها هيه ودمايتها  وكال لمكرم ردها لابوها نزلت اتبوس قنادر اتكله اخر مره مااعيدها

عفتها لان مايهمني بعد اسمع رحت للمطبخ لكيت مصطفى كاعد ياكل ومهره اتسوي بيض كلتلها سويلي وياج وكعدت يم مصطفى كلتله صباحووو

-هلا

-شنو شو كالب خلقتك فوك مانكتلت بسببك يضرب ويصيح اعترفي وين ضامته

-ههههههه خايبه انكتمي

-بربك هاي القنبله الجنت تسولف عنها انكتلت بيها اني جان كلتلي اتفل عليه نفس الكتله اكلها

-خايبه انجبي غير الشيخ مجلوط بالمستشفى وهسه بنته ماكله طن جتل وفاكاها منزله راسه امجذبه جذبه اكبر من جهامتها

-تره صدگ انت طلكتها مو جذب

-اششش

-اكولك لعد اشلون حتتزوج وهيه مو بذمتك

-صوتج بت المنغوليه راح تفضحينه رديتها بساعتها المهم اريدج تتصرفين طبيعي ويه مؤتمن لاتبينين زعلانه مااريد يوصل غرفه دعاء اليوم

-لويموت مااحجي ويا بعد اصلا الصبح غسلت وجهي بالتفال اشلون سمعت كلامك وراضيته

-شلون راح اكوم اثبت التفال بنعال على وجها غززل تردين حگج لولا

-اعرف اجيبه وهالمره اخذه بكسره راس لان كسره الكلب مابيها فايده

-وانه الراح اساعدج بس عملي مثل مااگلج اهم شي ترسمين بكلبه ذكرى حلوه الج كون هيج من يذكرها ينجوي كلبه  واليوم حگج بين اديج

-اشلون

-جوازاتكم وين ؟؟

-ضامتهن جوه الزوليه هنه والتنازل حتى ميندلهن مؤتمن

-عفيه هسه استعدي لل--

ماكمل كلمته وسكت لان دخلت عمتي دنكت باستني وكالت يعمه خو مزعلانه والو حگج بس وداعت سند للصبح ياكل بروحه اشلون ماحماج  يكول يمه ومااعرف اشلون انطاني كلبي اشوفها تتوسل وعفتها تنطك

مصطفى- عبنه موش زلمه

-يامصطفى والله لو تشوف اشلون دخلت دعاء تلطم وتبجي جاصدكت يمه ماشايفه هيج حيه اشلون دبرتها من جابتها صخام بس فوخ كلبي مؤتمن سوه الحزام نصين عليها وعلي شلعه عليها   نزلها  تزحف  وانتي يعمه سوده بوجهي لابيها ولاعليها

دخل مكرم ومؤتمن يسولفون ويضحكون كام مصطفى من شافهم دخلوا راد يطلع امبين زعلان كمت ورا صاح مكرم شنهو بويه ترا جايين بطلب وانتوا اهل الكرم

مؤتمن سحب مصطفى حضنه ويضحك دكدك على ضهره كله لاابو الصوف مايزعل من اخوته ومكرم ضربني يتشاقه اجت الضربه على ظهري مكان الحزام صحت ااا ودمعت

سحب ايده كال اها عورتج يبعد خوج

اجه مؤتمن جرني لحضنه كله لامابيها شي حضني وباسني من راسي  ودنگ مسح وجهي يباوعلي اذا صدك متأذايه

مكرم ضرب مصطفى وكله هاولك زعطوط تتلاوه ويانا لخاطرها خليت البوكسات مالهن والي

مصطفى- انه زعطوط والحاصريها وبالشين بيها صوندا  والله تريد الصدك انه موش بس زعطوط حتى ماافهم الي رجعتها للطك

وخرت ايد مؤتمن وطلعت رحت لغرفة بيبي اول مادخلت كالت جامامتي موش كالوا سكتت

-كيتي تعالي ماما روحي عضيها وتفلي عليها
بعد امج

بيبي بعدها تحجي وهاي ركضت دنگت عضتها من رجلها جرتها نبتت اسنوها اكثر صاحت ولكم لحكوني شلعت اللحمه   لاتكدر تضربها اتخاف من حلك مصطفى ولاتكدر تتركها لان سنونها حاده ونبتن باللحم ضلت  بس تعيط  لمن شفت بنتي سبل حلكها كمت شالتها جانت قريبه تفلت على وجها كلتلها بالعربي لاعيب

-اووالغسل اتكلها عيب ولج طكيها من انعل ابوها على هاي التربيه

-بيبي لاتغلطين كدامها تتعلم

-كومي بت فريال من وجهي كالتها وشالت عصتها بقهر  ركضت قبل لاتشمرها دخل مؤتمن صرت ورا اجت العصه بي صاح  هاااجده عليش اطكيهن

-ولك هاي مسمومه هيه وبتها كضها جيبها لجاي ولك مامتربايات

اندارلي كال شكو

- مارديت درت وجهي عنه صاحت بيبي ولك شلعت لحمتي شوف الدماااايه يجده

اخذها من ايدي باسها وكالها بابا اشوكت تصيرين بشر -يلا بوسي جده وكولي عفو صفنت بوجها

همست كيوت بوسي بيبي وباوعتلي كتلها تفلي

مؤتمن -بوسي بالعربي وتفلي بالانكليزي موو غزيلان  هاج بنتج ولن من وجهي

شمر كييوت عليه وكال شعره وحده اذا لكيتها طالعه من راسج اشلعه

اخذتها وطلعت عزا بعينه  عرفني شحجيت

بدت الناس تتوافد الولد غيروا ملابسم وطلعوا للمضيف والكدور  امراكع والطبخ والهوسه

الصايه بيها مثل الكلاو بس كولش طويل صعدته على راسي وثبته بماشات حتى ميوكع

هم صار كولش حلو الزي رحت لمهره كلتلها عوفي الشغل وترحين تلبسين مثل هذا جايبلج مصطفى وشكو ذهب عندج لبسي يكول اذا دخلت ولكيتها مخربطه اخربط جهرتها

ركضت لغرفة مصطفى دخلت  تسبح وتغير

طلعت للصاله نزلت دعاء تعرج وجها امنفخ وشفتها مشكوكه رحت يمها همست اشلونها الكتله اتكليله اكتلها مو حييل فوكاها خالج اتبوسين احذيه

-انكتمي

-على شنو انكتم على الصوندات لو على الذل وسحكت الراس صدگ جذب بس يله كلمن على كد مقداره ناس ضل للصبح يبوس بأديهم حتى يرضون عليه وهمه اصلا اهل المشكله واكص ايدي اذا مايدري ومغلس  وناس يسحگ على راسهم حتى يزيد ذلهم وهو يدري بيهم همه الصح بس هيج حجه

-وداعت ابو

-داده سكتي ابو جيس حب كل دقيقه داعت ابوي وكلشي مااشوف ضربني احزام الليل كله يفتر مستشفيات لخاطر عصاره توخر الاثر ومن الصبح لسه  لاحكني من مكان لمكان يريد بس احجي ويا
بنتي خلي عندج كرامه بلكي يكلبج

- ماضل شي اذا مازوعتج العافيه سهله غزيلان

اندكت الباب رحت فتحتها

شفت ام دعاء بيدها علاليك وام مهره صايره وراها  وياها وحده وبنيه وسطانيه

دفعت الشيخه على جهه وسلمت على ام مهره رحبت بيها ودخلتها دخلت وهاي الوياها  تتصفن اشلون دفعت الشيخه ودخلتها

رادت تحجي اشرتلها اشش دخلتها لغرفه بيبي ركضت سلمت على بيبي وباست ايدها كعدت كعدت يمها

اكو ابنيه صغيره كلتلها تعالي بستها كلتلها انتي اخت مهره اشرت اي

ام مهره- وين مهره

-بغرفتها دتغير تعالي شوفيها

-لاخليني هنا يم الحجيه

-بيبي تره ام دعاء نسيتها بالشارع  بالغلط سديت الباب كومي دخليها 

سمعت وطلعت تركض ضحكت على شكلها  اتخبلت

ام مهره- عليش يمه تاركه هاي الشيخه ميصير تراها بكد جدتج

-اني الشيخه بهالديره هسه ذيج زمان ويطبها مرض خليها هو مكانها يم الباب شايخه عالعالم لبالها عبيد عدها عالم متجي اله بالسحل 

-يمه شيخه الشيخات انتي وحك  علي موش جدامج بس عبنج طيبه وعادله هيج تدخلين الكلب براحه

-شكرا خاله  منو وياج هاي كلتها واشرت على المريه الدخلت وياها وكاعده فاكه حلكها

- مرت عم مهره

-اهااا لعد كومن تعالن لغرفة مهره د تحضر مافارغه تجي اخاف تتعطل عليكم

اخذتهن جذب هيه ماتتعطل بس لان عرفت هاي مرت عمها ردتها تموت وياها بتها اتكول حصان

استغفر الله من هيج ميتات من مهره لان حلوه وصلنه رادت مرت عمها تفتح الباب خزرتها دكيت الباب صاحت مهره منهو

-اني غزل 

ام مهره- ياع الشيخه تستأذن من هاي  دخلي يمه تراها هاي ماتفتهم عذريها ولج مهرررره

-لاخاله ميصير غير ماخذه راحتها اشلون ادخل هسه تفتحه

فتحت الباب مهرة لابسة الزي وكامشه المشط شافت امها شبكتها وبجت تركتهن ودخلت ورا مرت عمها الي ماسلمت لان بعد ما تشوفهاواكفه بنص الغرفة صافنة هيه وبتها وترجع اتباوع لمهرة الي لحد الان امها حاضنتها تبجي وتضحك مامصدكه بتها هيج صارت

كعدن ومهره كابلتها تبجي وتسأل عن خواتها

-مهره فدوه كومي عوفي امج تره رجلج هسه حيجي مرتين سأل ماخلصت

طفرت مهره لبالها صدك ماتدري تاليف اريد احر مرت عمها

مهره- غزل حبابه شعري

-اول لبسي ذهبج علمود لاخربطين شعرج

اشرت اي طلعته من الكنتور تبلس وامها تبجي هيه العلبه فوك عالميز وهنه بالكاع كاعدات  خلصت مابقي بيها سديتها كلتلها كافي بعد يطلع موحلو

الثوله صافنه ما تدري متقصده رجعت العلبه وبلشت بشعرها

ام مهره- بالعافيه ييمه تتهنين عساج بسبع سعادات هذا كله ذهبج

-اي يمه جابليا مصطفى وكال راح اجيبلج بعد قرأن وحجل مثل ملات غزل

-الله يحفظه لشبابه ويرزقه على كد نيته

كلتلها لاعزا خاله عوفي نيته هيج حنصفر

ام مهره- شنهو خاله مافتهمت

-لاهيج دااكولج حاجي بنتج شالعه كلبه البارحه حتى الحنه مالته ماخلته يسويها زعلانه لان راح يتزوج تالي عاف الحنه واخذها الكورنيش كوه رضت وهسه هم من الصبح لسه يتوسل تطلع هيه خاتله هنا تتدلل

ام مهره-  عبنها موش وجه نعمه ولج هذا ابن الشيوخ هيج يمهررره بالعباس اكومن اجسر راسج واخلي يسحك علي

مهره- لايمه والله هاي

-خاله تره مصطفى ميرضه تحجين عليها هيج اذا سمعج يعصب تره صارت شيخه بعد ممنوع واحد يحجي عليها

ام مهره- من فدوه لحلكج ربي يحفظ ويحفظلج رجلج و

-كافي بس هو الباقي خلي يولون ههههه

هذا حجينه كله ومرت عمها امفهيه متعرف منين تستقبل الصدمه غمزت لمهره افتهمتني

- يمه بلكي تاخذين مرت عمي وبتها للاستقبال لان اريد اغير هذا امضايقني ماحبيته

كامت مرت عمها تلوي بحلكها ردان يطلعن دخل مصطفى هلا بالزين كمل

سلم باس راس ام مهره وغلس عن ذيج اجه يمنه يسحب بشعر مهره يتشاقه وامها كالتله يمه شكولي منها كالوا شالعه كلبك هاي ماتعرف اله بالطك طگها تستعدل

سحبها لحضنه وضحك  كاللها لاطك مااطك خليها  تدلل كم مهره عندي باسها وعصر وجها

اباوع لمرت عمها انجلطت راحت تمشي وتنجبح وانوب ام مهره بدل ماتفرح بجت وراحت لغرفة بيبي تمسح بشيلتها

هنه راحن وهو دفع مهره كلها بالعباس اسبوع اشعل اهل  اهلج حسبالج اشتغل مجاني لايابه ماكو بلاش

دنكت تضحك مستحيه عفتهم

طلعت وسديت الباب عليهم رحت للمطبخ جانوا مؤتمن ومكرم يسولفون شافني اشرلي تعالي وجها مكلوب

كلت وراها كتله ردت اشرد لكفني من الكلاو هو وشعري سحلني سحله من انضربت بصدره همس يم اذني مصطفى ردها لولا

-ها

-مرررض رد زهراء لولا

-اي رجعها من البارحه بس والله استوى كلي ماادري

دفعني وكال ولي لغرفتج حضري روحج

-وين اروح

سماح- خيه حاجزلج يم الدكتور يله لخاطر انه اروح وياج

-لامؤتمن فدوه والله مابيه شي

مؤتمن -امشي لج يله استعجلي مافارغ لنعوصتج كاله واندار راد يطلع ركضت كمشت ايده كلتله والله مابيه شي شوفني هياتني

-يابه ماتتاخرون بس يجيك وضعج وترجعون

-لاوالله اتاخر هسه لازم تحاليل وصخام فدوه غير يوم والله مابيه شي فدوه

-غزل بويه لاتعلين كلبي روحي غيري خلي نولي

-ما-- كلتها وبتعدت عنه

--ولج شنهو ما كربي لجاي لخاطر اعلمج اشلون تردين الچلمه

انضمت وره سماح ومكرم كله تركيها يخوي خبله هاي ماتفتهم --وانتي لاتطوليها يكلج روح تنكتمين وتولين

باوعت لسماح بترجي تحاجي كالت خيه منتعطل ميفوتج العرس بس خلي نامن عليش هالمرة الاغماء طول عليج ماصحيتي مثل كل مرة

مؤتمن ومكرم طلعوا لبالهم قنعت والله لاغيرت رأيرجعت كعدت اجت سماح گالت غزل عقلي يمه انلحگ على العرس كومي غيري

-مااروح

-حتى مؤتمن يشيلج للسگف ويدگج بالگاع لاحسبالج راح يسكت عن الصار ترا لو ماخايف عليج جان طلع روحج على شوفتي اله وهو يسمع مصايبك من الشيخ  بس هم ضامها الج بس يتأكد مابيج شي حتى يعرف اشلون يفرك حلگج

-شنو كله

-كولي شنو الماگال اول شي شكرا اشلون مجسر بنته ومنزلها سحل ودايس راسها جدام اهلها وطاردها وبعدين گايله يبوي نعرفك تعز حرمتك بس تراها سودت وجهي جدام العالم وعلي خليتني اخجل حتى اطلع وانه زلمه جيبر والي اسمي بالمضايف

-عزه شنو حجيت عليه اشكد حيوان اشلون يحيله

-غززل ابد ماحاجيه موش هو الي يدور خراب بيوت العالم ويشمر بناته ولا بنته يشوفها تخدم وينداس على راسها وهو ساكت بدون كرامه ولاهو الي يكوم ويكعد يحيل بمؤتمن مثل الحريم  حتى يطگج بس مؤتمن ساحكه لان يعرفه مگلگل ومستفاده من فلوسه

-اي لعد  صدگ ماجذب

-يبووو يغزل لو تشوفين وجه مؤتمن اشلونه من يسمع  عتابه بالنقال وعلى اباوعله وجه اسود عاض ايده مايعرف شيرد وانوب كله مشكور يبوي عالفضيحه جدام العالم ولو مامعزتج جبيره مااجي اعتبك جان عملت جثير بس تضل ابني الربيته بمضيفي وسلمته حلالي ومنصبي غصبا على الشوارب

-واكيد مؤتمن ماحاجاني ضامهن يطلعهن بغير شي

-بيج بخت بمرضج وداعت ابني على شوفته موتج مايريح گلبه وهسه محتار اشلون يودي دعاء جدام ابوها ويشوفها بهالشكل لايكدر يخليها لان طلبها بالسان تكف ويه اختها

دخلت مهره انتبهت ذوله صارلهم هواي بالغرفة  تركت سماح وكمت رحت وراها لزمتها همست تعالي ولج شتسوون هاي المده كلها

-هاا ماكو شي

-مهره شفتج منفوخه

-اشش حبابه لاتفضحيني

-لعد احجي شنو سويتو

حجيت بصوت ناصي -يكول لبسي البدله البيضه اليوم وحضري روحج بس لا اتخلين احد ينتبه

-حلو لعد يله عالفوك نتحضر

صعدنا فوك كلمن بجها ترتب بروحه اندكت الباب دخلت دعاء كالت مؤتمن يريد الصايه

-لويش ميجي ياخذها

-موش مهره هنا بقه بغرفتي

-لاحبيبتي مهره حتنزل وروحي كليله ماكو صايه شمرتها

-غززل لاتطوليها الصايه وين

اجيت جريتها من كلبيتها فتحت الباب دفعتها ودخلت

كلت المهره لمي زعابيلج وانطلقي على غرفتج راح اطيرين رجلي

لبست حجابها وطلعت لميت الغرفه دخل ماحجه  فتح باب الكنتور وطلع الصايه ودشداشته وكف يبدل اشكد حلو فوك ماكاتنلي زعلان بس لا يسويها صدك ويروح لدعاء  بعد ماعرف هيه المظلومه   ؛ كون ربي ويسويها حتى من صدك اخذ بنتي واختفي شرط اخلي ينجلط هالمره

صفنت مصطفى وصاني احجزه لويش شنو ضامه ومايريده يوصل  غرفة دعاء وحقي شنو دخله بهيج موضوع  باوعتله هسه هذا اشلون امنعه

رحت قفلت الكنتور باوعلي كال بوبه المفتاح

-لويش زعلان يعني فوك ماكاتلني

-استغفر الله بعدي بويه ماضل وقت اريد اطلع

انداريت  اتجتفت وكلتله  حروح ويه احمد اليوم ابات 

-ماكو طلعه تنطمرين هنا وتسكتين كالها وسحب ايدي اخذ المفتاح نزلت دموعي اخذ حسره كال عليش تبجين

-وخر مؤتمن روح يله هم يالله اتلحك عليها

-اشلون شغله هاي

اندار  فتح باب الكنتور

حتى دموعي توقفت عزا هذا ولا ينسحب هسه لوبس كايلي مصطفى على السالفة جان عرفت شتصرف وانوب يريدني ارسمله ذكرى حلوه بداخله

اباوعله كمل لبسه يريد يطلع  واني بعد ماعرف شسوي لان حسيت شغل مصطفى كله راح يخرب وحتى حقي ماراح اگدر اخذه منه  بسرعة  لزمت ضهره  كال بويه عندي شغل

انداريت  لزمته من صدره وباوعلي عاگد حاجبه مبين عليه الغضب  صفنت بوجهه  اشر شكو رمشت افكر بحجه اعطله بيها  بس كلها طارت من بالي وكفت عيوني عليه صافنه

-غزل بويه بيج شي

-اي

-شنهو اكو شي يوجعج

-لا بس

-بس شنهو احجي شمالج تصفنين

-مو هذا

-اهاا مو هذا بعدي عن طريجي العالم منتظرتني

ردا يوخرني ويطلع لزمته من صدره ورفعت رجليه بسته من شفته

رفع حاجبه

رمشت واسمع دعاء من بره صاحت مؤتمن ابوي يتصل قبل لايتحرك رجعت رفعت رجليه رجع  راسه ليورا وكال العالم منتظرتني بعد غزل

ماهتميت عضيته من شفته  لزم وجهي - جنج ناويتها شو تعالي  كالها ودنگ سحب شفايفي ياكل بيهن  غمضت ثواني ماتأخر  بيدي ودنگ شالني…

كام اخذ المنشفه قبل لايدخل للحمام اتذكرت ماضل وقت للزفه لفيت روحي بالغطه بسرعه وكمت ركضت كدامه  دخلت وسديت الباب دك وصاح بويه  العالم منتظره فشله بطيت عنهم غزل بنيتي عقلي وفتحي الباب

مارديت سبحت لفيت روحي بالمنشفه وطلعت منتصره وبالي كلام مصطفى  فتحت الباب لكيته كاعد عالجربايه ضحكت شال راسه هز ايده كال على شنهو تضحكين كام دفعني وراح

-هههه دااضحك عليك عالاساس زعلان صدك جذب شيخ وشيخ تالي ينضحك عليك بوسه لاوالنوب تبقى بالاخير منتظر سبحت قبلك هسه من انزل وكلهم بعده بالحمام اشكد فشله

-اهاا هيج حلوو

شمر المنشفه واجه عصرني من خصري رفعني كلتله جذب والله دااتشاقه فدوه وخر اخر امره اتحارش بيك فدوه بعد مااسويها مؤتمن ضهري يحركني

اتوسل واصيح حباب وهو ولا ويا رجعني للفرشه خلاني انعل ابو مصطفى على افكاره اليورطني بيها ماتركني لمن نكثت الشيخ بالشتايم  ضحك  عصر وجهي دنگ باسني كال  سبحي هالمره زين لان ركبتج طكعت

دفعني وكام راح للحمام كعدت ضهري طاك نصين اشكد متحيون كمت حضرت ملابس طلع ينكث بشعره كلتله مؤتمن اروح للزفه

-ماكو

-لويش

-غززززل لاتلطشين روحه ماكووو حجزتلج وكاظم امناطرج هو وعمتي

-ودعاء هم ماتروح

-هذا الشي انه اقرره انتي حلكج متفتحي ولي عن وجهي وخرني راح للكنتور يطلع غراضه 

- يعني تاخذها

-بويه عرس اختها اشلون مااخذها

-لعد واني

-استغفر الله غزل حتى طكه بعد مابيج بويه ستري على روحج

رحت للحمام سبحت وطلعت لكيته ماهو بالغرفه لبست سويت شعري والميكب خليت وشال طلعت لكيته استوه طالع من غرفه دعاء بيده اوراق مدنگ يكلب بيهن باوعتلي وضحكت  ماباقي شي صاحي اريد اعرف هذا من راح يشوفها ابوها هيج مايسال

شافني اشرلي  لبسي على راسج  خليته ورحت يمه كمشت ايده كال شكو بويه

-شتسوي جوه

-شتشوفين انتي  كالها ورفع الاوراق

-مره لخ ادز سماح اجيبلج التريده

-استغفر وخر ايدي راد ينزل رجعت لزمته كال غزل وعلي حتى وقت ماعندي لسوالفج

-اريد اروح للعرس

-العرس كلها ازلام وهوسه مااخذج غزل لاتضلين اتلحين

-لعد مودعاء حتاخذها

-دعاء ابوها رايدها ويه اختها

-لعد منين اطلع بابا من كبره واكله اطلب منه

ضحك  باس راسي كال انه ابوج طلبي يبعد روحي امري

-اروح وياك

-مترحين وتردين غرفتج والحجز بعد نص ساعة يله استعدي

-لعد غير ابو انت وتعالي لويش صاير تدخل غرفتها

-بويه وعلي اخذت ساعتي والاوراق عقلج لايشطح لان نفس مابيه على ايدج طيحتي حضي

-مؤتمن حتى متكمش ايدها ولاتضحك وياها

-العالم اتباوع يعلة كلبي خلي انزل

-متاخذها وياك

-مااخذها  بس بعدي عني خلي اولي

نزلنا رحت لغرفة بيبي اجتي مهره لبالي حتكعد يم امها اشو عافتها واجت يمي كعدت شاورتني كالت تعالي لغرفتي كمت وياها امها اتباوع وتضحك فرحانه بتها صارت بيت الشيخ

متعرف انكس بيت بالكره الارضيه هو بيت الشيخ
رحت للغرفة دخلنه سدينه الباب كلتلها شكو

-غزل بالج منهن هسه سمعت دعاء وامها يسولفن بيج اتكلها ماضل شي اليوم اطيح بيها واخلص

-شنو يقصدن

-والله مااعرف بس امدبراتلج مصيبه لان امها اتكلها متاكده بعد بس مره يطلكها وتحرم علي ردت اي بس مره واليوم نخلص

-عزا ذني اشناويات

عفتها وطلعت اخذت فون هيفاء خبرت مؤتمن ماكو غيره المن اكول ينقذني كلتله بسرعه تعال شغله ضرورية

ضليت بالمطبخ اجه دخل  يمشي بسرعه كال شكو بويه بيج شي

-لا باوع مؤتمن اليوم حيصير شي بس شنو مااعرف بس انت راح اطلكني

-ياساتر شكو  شنهو مصخمه

-مؤتمن دااحجي صدك اي شي يصير تلزم روحك لان هاي اخر مره راح احرم عليك

-منين جبتي هذا الحجي

-سمعت من ناس

-كومي  روحي جوه الله يهديج عافني وطلع لباله خبال مثل كل مره

صار وكت الزفه نزلت دعاء كاشخه اخر كشخه صح وجهه متحطم بس اشكد ماگادره مرتبته  مؤتمن ومكرم واكفين يم الباب امتانين مصطفى يكمل لبس راحت دعاء وكفت يم مؤتمن كمشت ظهره

بدون لايندار  همس ماسمعه شنو بس ضحكت وطلعت بره طلع مصطفى بدت بالهلاهل سلموا علي بس وجهه عبوس ضايج مؤتمن يضحك كله تعيش وتاكل غيرها

-يخوي ديربالك على روحك لاتشيل همي

رحت يمه باوعتله وبتسمت كلتله واخيرا شفتك عريس

-شنهو ولج متجين

-لامؤتمن ميرضه

-امم كالها وندار لمؤتمن ومكرم گاللهم اشرلهم روحوا

-ماكو فلته اتلبست لاتحاول يلا فضها كالها وراحوا يضحكون رد مصطفى موش سهله يبن ابوي وانتي ولج روحي لبسي وتعالي بسرعة

-شنو حتاخذني وياك

-افا اتزوج من غيرج خبله انتي يله بس بسرعة  طالع اعطل الزفه بين متخلصين

هو طلع واني طفرت للدرج ركض همزين مكمله مكياجي لبست خليجي ونزلت اركض لكيت الزفه طالعه

اجيت ابجي صاحت هيفاء غزل بسرعة وتاشر من باب المطبخ رحت اركض كالت هاج بنتج واركض لسيارة  العروس لايشوفج احد ماطول مؤتمن ملتهي يم الزلم

اخذت كيوت وركضت بكل سرعتي  للسيارة  فتحت الباب وصعدت كلبي يدك عالسريع ميته تعب من الركض اجه مصطفى صعد يسوق شافني ضرب كصته كال سايق عد الحوليه امج نزلي تعالي هنا

-مويشوفني مؤتمن

-ميشوفج انطيني كيويه وتعالي بسرعه يلا فتحت الباب

باوعت من الشباج تاكدت ملتهين نزلت ركض صعدت يمه سديت الباب رن الفون مالته -رد -ها مكرم هههههه رورح ابوي اذا كلت انزل واكنسل العرس …ماعليك خليها وراي  اي ههههه يلا …سد الفون كال شافنه يكول اشتنطوني وماكول لمؤتمن

-لعد انطلق قبل لايشوفنا

-وعلى شنهو خايفه اشكد ثوله شوفي وين امصعد دعاء

انداريت لكيتها بالصدر يمه  تضحك وهو ولاهامه شي كلتله منهيج مارادني  اجي حتى ياخذون راحتهم

-عبنج ثوله ومصدكه باليحجي بويه هذا تخدير يخدرج بي لحد ماتقبلين بالواقع

-شنو يعني مارح يطلكها

-هه من باجر كاتبلها مؤخر يجسر الظهر وانوب مصالحه كلها تخرب ويضيع الاول والتالي

نزلت دموعي غصبا عني واني اباوعله اشلون دنگ يشغل السياره  وهيه طايره

هاي انت مؤتمن نفسك

مصطفى- غزل بروح ابوج لاتبجين والله ما يستاهل

-كله بسببك انت رجعتني جنت مرتاحه اقلها مااشوفه

-ولايهمج اردج بعد دكته الناقصه العملها  اذا ماكرصت اذاناته واخلي يعبد هبل سهله ابن ابوي كمشي بنتج خلي اعلمج السياقه اشلونها اخاف حسبالج بس انتي تعرفين

كمشت بنتي وهو داسلها بس مونفس الطريق الي بي همه طلع لاطلع غير طريق ادكوا هورنات اجوا ورانا رادوا يلحكون ماكو

كام يتزابك وياهم سوا سباق ويباوع يضحك عليهم كال نزل دموعج  ابن صبوحه مو خويه سهله

لاف السياره بين الازدحامات وكل شويه داخل من شارع تيهم اتصلوا ينطي رفض لمن امن بعد ميلكونه وكف السياره كال شنهو التردي هسه

-مافهمت

-انه رجعتج وعميت عليج وعلى روحي وهسه ناوي اصلح الغلط

-طلكني منه

-لايطلگج ولايتركج غير هو وميت ذني شيليهن من راسج

-لعد اشلون اوجع كلبه

- خلي ايدج بيدي نلعبهم سوه شيخ ههه شيخ على ابو موش علينه استغفر الله

راح اتصل وكولي الي بكلبج كله لاتخلين شي وراج وانه بظهرج

-مااريد اكول شي مصطفى روحي محتركه وكارهه حتى روحي 

-اششش -اتصل وفتح اسبيكر  واني صافنه هذا شنو ناوي رد مؤتمن كاله انت ززززمال وينك

-لااااهدأ لاتنجلط

-مصطفىىى رد وصير ادمي كافي لعب

-اطكها وتجسر كلبها  مو يخوي وعليش لخاطر اتكبر شغلك بروسنا اخاف حسبالك جهال وتمشينه براسك لاغلطان

-مصطفى انكتم ورجع انت الي اصريت تاخذها نصحتك ماسمعتلي

-هاي انه وانت عليش ماطلكت دعاء لاتكول فشله شوفلك غيرها بس خلي يفيدك مركز ابوها

-مصطفىىىى العالم منتظره بطل لعب جهال لاتسود اوجوهنا

-ههههههههه لاشوف منهو وياي بس اكمش روحك بالاول

-خررررب بيك مصطفى

-كييوت بابا سلمي عليهم سلامج الاخير هههه

- لج غزززززل اشوداج وياااااا اشطلعج خرب بأهلج مصطفى وين ماخذهاااااا

- رديتها الك  وحذرتك  بس جنك نسيت ااتطكها  لخاطر المعفنه ولك مؤتمن كم مره حذرتك يله بعد وين اتلوحها انسه الكلته 

-مصطفى لاتتسودن مرتي مالك شغل بيها ردها مصطفى لج غزززل وين انتم احجييي

-انت ضربتني لخاطرها وكل مره اتكول اطلك وجذب كاتل روحك عالطفل خليك وياها اتشبعك جهال احسلك

-لك مصطفففى اشجاي اتقندر على راسك رد غزل لاتدخلها بلعبتك

-انه ماامدخلها اطلك دعاء اردها ماتطلك مالك حگ بيها بعد  وهاي مطار البصره يرحب بكم

-اطلك اطلك وروح ابوي اطلكككك  انعل ابهاتكم وللللك ردهاااا   غزل بويه  لاتطاوعي

- موش ابكيفها هو وطلاكك بعد مايفيد لاطلگ  خليك عليها  اتريد اتضل غزل يطبها مرض  بس بنتي اخذها واروح 

كلتله مااريد اضل اخذني وياك كلتوا انطي جنص سمعت منكم انطيته وتندمت اكثر مااني ندمانه

-غلطه وتصلح ولايهمج يله يابه اخرناكم اخذوا راحتكم

اسمع مؤتمن يشيل روحه ويلزكها بالكاع يصيح اعقل  انه احلها لاتخربط بكفك ارجع لاتتزوج وعلي انه احلها مصطفى بداعت الخوه ارجع

دعاء كامت تبجي بصوت  على طلاكها وفضيحه اختها ومؤتمن يتوسل بمصطفى ويحلف يسوي كل اليريده بس يردني 

شال الفون صاح دعااااء سمعي خويه لان الضاهر رجلج حسمها اتمنالج الرفاه والبنين   وصليها لاختج يابه كلكم شهود كم واحد موجود سمعوا 

زهراء  طالق كالها وسد الفون

-مصطفى اذا لگفنا  موتنا ماراح يشفي غليه

-انجبي حسج مااهيسه بالعباس ادوس راسج

-وين ماخذنا

-اششش كالها وشحط السياره هو ويضحك…

لاتنسو التصويت ⭐⭐⭐⭐⭐