رواية كفي والمنجمه الفصل السبعون 70 - بقلم Leo Alfatlawi

كفي والمنجمه

بقلمي:  leoAlfatlawi

بارت والثلاثون.  ج2

باوعتله ضحك اشر هااا  ابتسمت وهزيت راسي اي

شغل سيارة وداس بكل سرعته
مشينا وانتهت ايامي العشتها ويه مؤتمن انتهت حياتنا الجنه نخطط  لها بأتجاه وسارت عكس حلمنا

اباوع لكيوت اتناشغ بحضني تريد ابوها شلتها  حضنتها اشتم عطره  بيها

باوعتلها كلتلها شتعرفين ماما عن ابوج وهيج تبجين  تعرفين كم مره غدرني تعرفين اشضيعلي احلام كم وعد نكث بي 

اني احجي وهيه تشهك وتباعولي رجعت حضنتها ومصطفى سبه بجيت على بجيتها كال بعدنا بالطريج خوش جاةراح تكملين من غيره

مسحت عيوني كلتله لا اكمل وانسى لان ما يستاهل وراح ابني حياة جديده بس لاتتركني انت هم

-ههههه منهو يتركج صدك تحجين ايدي قبل ايدج من نبني مستقبل لكيوت اهم شي بعيد صبوحه وشرها

-مصطفى لاتحاسب مهره اكيد مهدداتها

-لامحد هددها انطنها كلادة شفتها اول البارحة وهيه تظمها

-بس لا انت ولا اني مقصرين وياها لويش هيج اتسوي

-مايفيد هاي عاشت ابعوز وفقر لو الدنيا كلها صارت بيدها ماراح تكتفي راح تطمع بالاكثر ما تدري هذا الاكثر راح يرجعها للصفر

-شنو دتقصد لامصطفى خطيه لاترجعها

-منهو كلج ارجعها هسه ولج هاي اذني وعيني بالبيت صدك تحجين صح اغلاطها صارت هواي لاتحتمل بس مااكدر هسه استغني عنها هواي فايدتني خليها اشكد تكدر تاخذ منهن بالعافية عليها لحد ما اخلص شغلي منها ساعتها بلكي تكون اكتفت

-منين تداخذ قصدك

-هههههه تره الفلوس الراحت من خزنت مؤتمن وكنتور سماح يم امها

-اشعرفك واشلون عرفت الرقم السري

-شغلتي لا تسألين اشعرفني والرقم السري شوفي حضرتج  اشوكت دكيتي جدامها

-ماادري مااذكر بس هيه دوم جانت واكفه يمي من افتح القاصة انطيها افلوس لعد لويش ماكلت مهره

-انتي ثوله منهو يصدگ غير مقتنعين انتي اتبوكين وتنطيني يله هم ميخالف بس والله راح العب لعب براحتي اهم شي خلصت منج انوب اشتغل بيهم عدل غير جنت حاسب يوم يوم لطلعتج

-ههههههه ركز على صبوحه

-خلي اركز اول على جدي الكلب يريد يسجني عشرين سنه ابن النطيحة والمتردية  حتى يخلص مني سهله اذا ماكعدته عالحديده ورديتلج كل املاكج وفوكاهم هديه كاع صبوحه مااطلع ابن امي

-اكولك دتحسسني انت ابن مريم العذراء بالنسبه لابوك

-اشتعل كبره ١٦ سنة شوفني الويل خلاني اجدي بالشوارع شايفه من اهلك شيوخ وعدهم املاك الدنيا وانت كامش التقاطع  بالشموس تبيع بس حتى اطلع دينار تاكل بي تدرين جنت اغبش من الفجر وانه طفل اشتغل عمالة حتى اخلص ساعات العمل من وكت ورجع للدوم ومن ادخل للمدرسة بملابس جرود المچدي مالابس مثلهن و تصير مضحكه وتنكتم غصبا عنك بس لانو ماعندك احد اخاف تتعارك وتنطرد من المدرسه ومحد يردك وكتها تاكل تبن وتنكتم

-لعد لويش مااجيت لمؤتمن تطلب منه

-وعلى شنهو اطلب منه حگي اخذه بذراعي غصباً عن ابو

-واخذته هسه لو بعد

-اخذته واخذت الاكثر بس بعد اذا ماشوفتهم المر الشفته مااطلع من هذا البيت

-لعد ابوك لويش جان خالك تشتغل وميجيبك يم اهله

-جبان وكلب ابن كلب يخاف جدي يحرمه من الورث لان امي مومن مقامهم تره امي مثل مهره هم فلاحه واخذها الزمال جان خالها بس للفراش كل اسبوع يمر يوم فلس ماجنه انشوف منه  كبرت وصرت مراهق وانه مااعرف اهلي وين ولااعرف عندي اهل من الاصل حضرت  جنابه الكسيف ماخذها بالخفي يخاف من شعشبونه انوب صار عمري ١٢سنة اتعاركوا  ونفصلوا

-واشوكت اكتشفت عندك اهل

-خوالي اتعاركوا ويه امي وطردونه لان صرنا عار اخذتني  واجت لبيت جدي احنه ديرتنا بعيده عن بيت صبوحه ذاك اليوم الدخلنه للبيت لو يمر الف سنة ماراح انساه على الذل والاهاين الي سمعناها  ويارت اتقبلونه لاهم  شمرونا  بالشارع والكلب ابو مؤتمن وكف يباوعلنه من بعيد حلفت وكتها بس اكبر ويقوى عودي اردلهم واخذ حگي

-ومؤتمن اشلون اتخلى عنك

-مؤتمن مايدري جان ساكن مضيف علوان
اووو غزل وين رجعتيني عوفي السالفة

-ههههه تدري جنت اتمنى اسمعها منك اريد اعرف لويش هيج الحقد عاميك وتريد بس تنتقم

-ذني الذكرتهن  لاشيء للصارلي والمرينا بي بيت جدي

-لعد يستاهلون سوي التكدر عليه الله ويدك بس اترك مؤتمن لاتأذي حباب

-مال اتفل بنص وجهج بعد العمله بيج يلا هم صدك كافي علي هسه جسره كلبه تركه يموت عالبطيء

-مصطفى انت جذاب

-هههههه عليش تكولين هيج

-انت تعز مؤتمن اكثر من روحك بس هيج تحب تحجي من بره وتحب تكابر

-تركج من هذا الحجي بنتج نامت نيمها عدل طكت ركبتها

-شنو كلك مؤتمن من طلعنه شفته يسولف وياك

-ماكال شي واصلا ماحجينا ولاتدخلين بهيج امور انتي اهم شي طلعتي مناك بسلام

-واصاك علينه مو

-لا انتوا شنو يابه انسي خلص كلمن اخذ قرار وراح بجهة يكمل حياته انتي اذا ضليتي هيج ماراح تنسي تضلين تبجين مثل المطي وصدك اكلج ذوله جهالج والله رزق كل مايصير واحد تصير مصيبة

-اي والله افكور بس يلا الحمد الله اقلها ماطلعت ايدي فارغه

-عالاساس طلعتي بنعال ابو الاصبع همه فروخ مؤتمن متوحشين على ابوهم وثولان عليج

-عود شكرا هسه يجي تيم وشوفه اشلونه راح يطلع رجال ياخذلي حقي من ابو واهله تره ثلثين الولد عالخال

-ههههه هلا بي بعد خاله بس اشعرفج ولد

-والله ماادري بس احس هيج مومثل حملي بكيوت  شتكول نروح ناخذ سونار هسه

-لاخليها بعدين اريد ارد عندي شغل

-عزا مصطفى صدگ من اكعد الصبح بعد ماشوفك كدامي ويخلص اليوم بدون لاخبث وياك

-اكلي تبن  لااتخليني الف السيارة وارد بيج ونعل ابو مؤتمن لابو صبوحه

-لااا بطلت جذب بس فدوه لاتتركني تعال النه

-اذا موش يومية بين يوم ويوم اشلون ترديني اترك بنتي خبله انتي

-جوعانه

-منهو انتي  كالها وكف السياره كال نزلي لج بت المنغولي منيلي افلوس 

-يااا مصطفى جوعانه

-يطبج احريشي محد كلج طلعي بدون لاتتزقنبين 

حرك السيارة وكال بس والله عجبتيني من نزلتي ملكه زمانج جانوا كاعدين يتراهنون عليج ونزلتي سويتيهم طشار

-على شنو يتراهنون

-صبوحه ونسوان رجلج وامه كالوا متروح اتضل لزكه هاي حتى لوطردها راح اتضل تتبجبج وتكسر خاطره حتى يبقيها

-وهو شنو كال

-ماكال هو محتار بزمانه عملها وتندم لايكدر يرد بكلامه ولايكدر يكمل مثل الشمر روحه بحر ومايعرف يسبح

والحبابات حسبالهن  راح تنزلين بكفشتج تبوسين ايديه حتى يسامحج مثل الباقيات بس والله بطله نزلتي جنج فرسه شايخه على روسهم ماهامج شي

-غير انت كلتلي سويت مثل ما اتريد تربيتك

-اووف والله يخوي اعرف كلبج مجسور بس هاي هيه هم اجت عدل اقلها ضمني سلامة ابنج لايكتلنه روحي يم امج وما تعرفين الوكت اشضام شنهو راح يصير

-شضام خلي يضم مؤتمن ماارجعله بعد

-اي عود باجر بس خلي تمر ايام ويحس بغيابجن حرام يفلش راس براس ويجي يسحلج بس كونه يعقل ويكمل للنهاية

-مصطفى شنو اكو ؟؟

-سلامتج يبعد اخوج رجلج طردج وانه جبتج

- وهاي انت كلتها ماطول طردني ميسوييها ويرجعني كرامته ماتسمحله

-ماراح اكلج شي بس خليج متذكره الكلته ترا

-شنو غير افتهمت شنو حجيت عالعموم مو بعقله  و هسه يصحى على زمانه مااعرفهن ذني لان ماراح ارجعله  ماتغدرني مثل كل مره مصطفى توكف وياي

-افديج بعمري يبعد اخوج اخلص البيدي واخذج انتي وفروخج ونطفر خليهم ينطحون روسهم ورانا

-بس كلبي يوجعني كلتها وبجيت

-انطيني مجال شوفي اشلون  راح اللعبهم  على الحبل واخلي مؤتمن يونسهن  بعيشتهن بالاخص دعاء اخليها تحلم بأيامج  وهاا شرط طلعتها من البيت هالمرة بيدج موش بيد مؤتمن مسحي دموعج يخوي حرمات اتنزليهن لهيج اشكو

-شنو يعني

-خليها لوكتها كلشي بوكته حلو

الطريق طويل بس نساني مصطفى بسوالفه وعدني ياخذ ثاري 

نزلنا بالمطعم اكلنا بجه شوية لان خسر كم دينار وسب مؤتمن

كملنا الطريق وصلنه للبيت نزل ونزل جنطتي دك الباب طلعت ماما تفاجأت لان شافت جنطة كالت خير خوما صاير شي 

مصطفى -ماكو شي بس بنتج ما تفيدنا بطلنا مانريدها

-يااا صدك دتحجي

-وداعت صبوحه هاج الجنطة وهيه طالق

-شنوو ؟؟

-لاجاي اوصلج الفكره على لسان الشيخ وهاج بت بتج العرمة وجلبها ويلا اودعناكم

-وييين اوكف مصطفى باجي وين خلي افهم

-لاهاي واكفه زلمه مشورب بس لحيتي اطول منج باجي شنهو شوفيلج جلمه جاي تحسسيني امگدل وطابر حاجبي

-هههههه هسه اني شفتهمت منك ياعيني  شنو الصاير

-يابه اشبيج متصدكين بنتج مانريدها اخذيها استغنينا عن خدماتها  بيها عطلات هواي يلا اودعناكم عندي شغل

اندار راد يمش وكف كاللها اهم شي الجلب عينج بي  تره هواي تعبانين عليه شمري بناتج وعينج خليها بس عليه  اشر سلم وراح

دخلت ماما صافنه بوجهي حضنتها نزلت دموعي  كلتلها عافني طردني ماما

كمشت وجهي مسحت دموعي كالت شنو الصار ماما

-امه وصبوحه حالنا وخلنا يطردني

-يطبه مرض خلي نخلص بعد احسن

-ماما رجع نسوانه وعافني

-دخلي غير اجت من الله وحدها ربي حقق امنيتي كون عاد ميرد بكلامه

-لابعد ميرد خلص كلمن شاف طريقه

دخلنه بس ماحجيت لماما على سبب رجعتي وهيه هم مالحت جان كل همها تخلص من مؤتمن وهاي خلصت

كعدنه بالصاله خليت راسي بحضنها وعيوني مترضه تبطل مسحت على راسي وضلت اتسولف وياي هواي حسيت روحي تعبت اكثر كمت خليت كيوت يمها

وصعدت غرفتي وهاي رجعتلج  من جديد انتي الضاهر تحبيني مترضين اتفاركيني

بس هو هم حبني وكدر يفاركني

خلص راح الجنت حتى من اني ومغمضه اشوفه غزل انسي شيلي من راسج حتى ماباوع بوجهج من طلعتي شمنتظره  بعد شنو تردين يسوي حتى تقتنعين عافج وبعد مايريدج

شمرت الجنطه وملابسي تمددت غمضت احس الدمع بداخل عيني يجرح بيهن فتحتهن اشوف مكانه يمي

هنا جان نايم وهنا كلي مشتاقلج وهنا حضني وشمني وكلي اعشكج يعلة كلبي

وين علة كلبك تعال شوفني اشلوني بغيابك ساعات ما تحملت غيابك اشلون تريدني اعيش من غيرك

مر وقت واني بس دموعي تنزل مامصدگه كل هذا صار بين ليله ويوم احس روحي داخل حلم بليل خالني بحضنه يشم الهوا بيه والصبح يطردني

اعصر مخي اريد اقنع نفسي هاي هيه انتهت بس شي بداخلي يگلي مؤتمن مستحيل يگدر يغمض بدونج 

من البجي والحرگة ماعرف اشوكت نمت كعدت صاير الليل  كمت عيوني منفوخه  وروحي تعبانه

مسحت وجهي هاي هيه غزل اتقبلي الواقع وعيشي مثل ماتقبلتي اول مااخذج وعشتي

غمضت بس تعبت هواي يالله تقبلت وكلبي ماجان احد بي مومثل هسه ينبض بشوگ لصوت ضحكته

نكثت راسي حلفتي اسحگي وتخلي بحسره النوم كافي غزل فضل عليج دعاء شيلي من راسج

كمت فتحت الجنطة طلعت ملابسي دخلت للحمام سبحت وطلعت صار كدامي منظر مؤتمن من دخل الغرفه يضحك شايلني احس روحي اختنكت

وكف انتجيت على الميز خليت ايدي على كلبي هم مريت على بالك لحكت تشتاقلي بشنو جنت اتفكر من اتخليت عني اشلون انطاك كلبك  ادير ضهرك الي واتخليهن يتشمتن بيه

دخلت ماما مسحت دموعي كالت ها هم تبجين نزلي لبنتج الساعة عشره وفحطانة  متقبل تنام

-لويش اشبيها

-تريد تمن

-شنو تمن؟؟

-ابوها الهيبه

-اهاا يلا هيه نازله اسكتها

نزلت ماما صبتلي اكل واني شلتها وافتر بيها اريدها تسكت بس ماكو انجلبت يومياً هيج وكت تلعب ويا متعوده هم حقها فجأه تعالي تعودي على وضع جديد

كعدت اكل وماما اخذتها طلعتها بره بلكي تسكت اكلت اشلون مجال وطالعت وراها لكيت ماما كاعده عالمرجيحه ومتصله فيديو لكيوت امبينه عجزت منها ماتسكت رحت يمها

لكيتها على بجيتها تشهگ و تكله بابا تعالي وهو يرد يبعد ابوج باجر اجيج

-لاهسه حباب تعال

-كافي بابا لاتبجين والله اجيج   اسمع صوت حسرته واستغفر وراها كالها يروحي لاتبجين نامي يم ماما هسه  وانه جاي وين امج

-ماما تبجي

هيه كالت تبجي واني ركضت جريت الفون طفيته بت النعال يمتى ابجي

ضحكت ماما كالت مواني كلتلها من تبجين انتي امج تبجي

-بت الكلب انعل ابوج اتكله تبجي موهياتني كدامج هسه يكول كاتله روحها عليه

-امم غزل والي يسمعج يكول جذب منو من شوية لكيتها كاعده تنحب

-ماما انطيني كيوت اني شبعانه نوم خلي اصعد العبها بين متتعب وانتي روحي حتى الصبح اتكعدين من وكت الها لان تكعد من الفجر معودها ابوها

اخذت كيوت وصعدت للغرفة خليت جلبها بحضنها وكعدت العبها بس اريد انسيها صار

اجه ابالي هسه نايم بحضن دعاء اليوم الها اكيد راح تعوضه وتنسي غيابنه غصبا عني نزلت دموعي

ضميت وجهي بحضني وبجيت من كلبي بحركة اعرف نفسي داتجذب وكل الداسوي وهم؛ اكابر على حساب كلبي

شلت راسي باوع لكيت اتخيلتها من جانت كاعده تلعب بحضنه وهو خالني على ايده يلعب بشعري ماصار يوم واشتاقيت لحضنك اشلون اكمل من دونك

ماراح اكدر والله مؤتمن راح اموت من غيرك جذب اذا اكلك اكدر  بس انت واحد حقير وخاين اعرفك ماهمك ونسيتني اصلا ومنيم دعاء مكاني حقيررر وكلببببب

احس روحي اختنكت كمت  رفست الميز اكسر بي اصرخ اريد اطلعه من راسي اريد ارتاح مااريد افكر   واحد كلب وحقيررر خاييين ما تستاهل حبي الك الله ياخذك كلتها و صرخت بصوت عالي احس حنجرتي طبكت

دخلت ماما تركض على صوتي حضنتني كعدت بالكاع ضميت وجهي اشهگ گالت كافي ماما والله مايستاهل الدتسوي لخاطره

- ماما مدااكدر راح اموت ماما احبه والله بس غدرني واحد كلب وجذاب  ماما جان يكلي انتي الهوا  خلاني اتعلق بي وطردني ماما جان ديجذب عليه مامااااا خلاني احبه وعافنيييي

كافي ولج راح تموتين

دفعتها ولزمت راسي ابجي بصوت عالي ماعرف شحس بي ماكو بعيني غير خال دعاء بحضنه يتغزل بيها ويضحك على ضحكتها احس انهاريت

دفعتني  وكامت اتصلت بي اول مارد كالتله حسبي الله بيك الله لايوفقك عساك ماشفت يوم بحياتك زين والك رحت بنتي ولك راح تموت الله لاينطيك دمرتها لويش ولك انطيتها الك ورده تضحك اشرجعتها ميته الله لايوفقكم  مااسمع شنو كاللها بس هيه سدته بوجهه

ورجعت اجت يمي تمسح بوجهي كالت كافي والله تنسي  والله ايام وراح اصلا مايجي ابالج نسيتي من رحنه لامريكا اشلون جانت حالتج وكدرتي  تتخطيها هسه لخاطر بنتج شوفيها اشلون واكفه مخترعه من اصراخج

كومي ياامي غسلي وجهج وخلينه نطلع نتمشى بالمنطقه تشتمين هوا راح ترتاحين هو عايش ومرتاح وانتي تاكلين بكلبج دكومي ياامي

كمت صدك  اريد  انساه ما يستاهل  دخلت للحمام غسلت وجهي طلعت كالت هاي سماح تتصل

-عوفيها لاتردين وين نطلع الوكت متاخر محد اكو بالشارع

-لا انروح للمتنزه هذا ميقفل للصبح ناس رايحه راده بي يلا ولاتبدلين خليج بتراكج محد يشوف بليل

لبست شال ماما اصلا مو محجبه 

طلعنه شالت كيوت حتى مابدلت وطلعت بالنعال جانت الساعة ١١بعدها العالم تمشي رحنه يمنه مثل المتنزه اوحديقه هيج شي كعدت غمضت عيوني سحبت نفس ارتاحيت شويه اجه الولد كال شطلبون

ماما- عصير برتقال بس كون دافي مو تجيبه امثلج

رد تامرين وراح ضلت تحجي وياي وتنصحني اشلون اكبر منج وعيشته صعبه حتى جان يحبج عاداتهم ماراح تخلي يكدر يسعدج ووو هواي اني ضاله بس اتسنط اخر شي كالت  احسلج هنا هناك راح تدمرين ماراح تعيشين 

-مااكدر ماما والله اتمنى انساه وتندمة لان حبيته

-شحبيتي منا لاتخبليني انتي شنو شفتي ماما بعدج صغيره لويش دافنه روحج ويه واحد اشكبره وانوب متعجرف ومتخلف عقله قافل مايعرف بس الاهاين والضرب وانوب جايب عليج ثلاثة صدك تحجين غزل لويش ماما ادمرين روحج

-اعرف ماما اعرف بس مو سهل شخص عايشه ويا وكل ليله تخططون اشلون ترسمون حلمكم وبدون مقدمات يگلج انتهي كلشي ماما كلبي يوجعني  موبيدي

-راح تنسين كملي دراسة وشوفي مستقبلج طلعي عيشي اتونسي شنو شفتي بذاك البيت غير القهر تكدرين اطلعين هيج وقت اذا جنتي متضايقه بربج كولي

-لاطبعا مااكدر انحبس بالغرفة اضل ابجي لمن امل وانوب كل شويه وحده صاعدتلي مرزلتني

-لعد انتي مطي وقابله هيج على نفسج ماما حمدي ربج خلصتي منه وهمزين اجت منه مومنج حتى لايردح بعد اعرف كرامته ماتسمحله يدوس عليها ويتنازل يردج الحمد الله من خلصتي تردين نرجع انروح لامريكا بكيفج تردين نبقى هم بكيفج بس اهم شي كملي دراسه

-مااريد ماما بعد ماعندي ذاك الخلگ للدراسه خليني اعيش بس لاطفالي كافي اهم شي مرتاحه

-لامو بكيفج مااريدج تبقين مثل نسوانهم بس للخدمه طلعي كوني مستقبلج

-ماما دااشوفج اتحمستي تره هذا مؤتمن لاتنسين يعني يسحلني من شعري من بغداد للبصر ويخليني هناك بس يذل بيه اذا شاف شويه مايله عن الطريق خليني هيج وياج باقيه مؤدبه اربي اطفالي بعيده عنه  كلش كافي

-شنو اطفالج

-مو اني  حامل

-شنووو عزه بعينج وعين امج اشوكت حبلتي

-من زمان 

-اصخام الصخمج يالثوله ولج تموتين يالغبره لخاطر واحد ميستاهل وشلون خلاج اتحبلين ولو شكو على كلبه موتي يطبج مرض بس كون يجي طفل

-لاماما مايدري والله واذا سمعت اموصلتله خبر اخذ كيتي واهج اخليج متندليلي طريق والله مااريده يعرف لان راح يلكيها حجه ويردني واني مستعده اموت ولاارد يمه

-لحدمن مايدرري

-لمن اولد

-شتولدين يالثوله تموتين

-لاوالله شوفي رحنه لدكتور كولش مشهور بالهند وشاف تقاريري واخذ تحاليل وسونارات كال لاكلبج مستعدل ماراح تتعرضين النوبة بس هم راح تولدين بالسابع ماما لخاطري لاتكولين اريد هذا الطفل فدوه لاتجبريني اسوي شي واندم عليه

-راح يردج بس يعرف

-وروح بابا لو اشوفه ميت ماارد بعد مؤتمن انتهي حلم  مزعج وكعدت منه وهذا الطفل ابني مو ابنه اريده يجي حتى احس الي واهس بالحياه اعيش ويه اطفالي هذا الوحيد المهون عليه بعد مااذكر العمر الضيعته ويا

اجه الولد جاب العصير شربته على طول ماكاعدين مابطل الفون رن همه يتصلون لبالهم صايرلي شي  وماما ترفض ضحكت كلتلها خربت ليله دعاء صدك هاي ماعدها حظ

كيوت التهت تلعب هيه وجلبها بالحديقه نست ابوها مارجعنا لمن نعست وشفنا الناس بدت تقل

رجعنا للبيت ماما اخذتها اتنيمها يمها واني صعدت غرفتي لكيت الفون مالتي ست الاف مكالمة جايتني من سماح ومصطفى  ولاوحدة من مؤتمن شنو من كلب شايل

ماكلت شنو صارلها ماتت عدله صاربيها غز القرط شهالكلب الجلد العدك دزيت مسج لمصطفى مابيه شي نوبه وتعدت لاتقلق غلقته وشمرته نمت بس ارتاحيت شويه مومثل من ساع حسيت الطاقه السلبيه طلعت

ثاني يوم العصر نزلت دخلت ماما شايله كيوت بيدها لعبة كلتلها هاي اشوكت  طلعتوا اشتريتوا

-لاعيني ابوها جابها  غبش علينه من الصبح

-وينه بعده

-لاراح وهم ماسأل عنج ارتاحي بس حضن بنته وبوسها اتكول نازله من السما

-خالوا اشوكت يجي

-خبرته الصبح كال الاسبوع الجاي اجي

خلص الاسبوع الاول  بتعب هواي ضغطت على نفسي حتى ماافكر بي وقررت صدك ابدي حياتي من جديد

مثل ماكال مصطفى لان السوا وياي هالمره مايغتفر واني مو رخيصه هيج حتى انزل روحي وافكر بي

خلص كلمن اختار طريق واني اختاريت طريق لازم اكمله صح راح اعاني بس لالازم اتحمل

مصطفى مابطل مخابرات على طول نتواصل بس بالخفي اما همه قطعت علاقتي ماارد على مكالماتهن ابد

مؤتمن اجه مره من الباب وبعد ماكو بس يخابرها بليل حتى مااسمع صوته لان ماما تحاول اتخبره بره متريدني ارجع للحاله الاجيت بيها

كاعده بالغرفه العبها اندك الجرص اني فوك اتعاجزت انزل ماما راحت شويه واجت كالت مؤتمن يريد كيتي لبسها

-ؤك روحي وهسه البسها وينه هو دخل جوه

-لابالطارمه كاعد عالكرويته كال بس اشوفها واروح عندي شغل

-ؤك هسه دقايق وطلعها وراج روحي

خليتها تنزل بدلت لكيوت وترستها من عطري ماعرف بشنو افكر بس ردته اشوفه بعده ذاكرني لولا  وكفت عالدرج كالتلها روحي بابا جوه

راحت تركض ركضت للشباج وخرت البرده شويه اباوع منها بس عين طلعت شفت كيوت بالطارمه راكضه لابوها اتلكاها شالها حضنها واخذ نفس طويل منها وخر راسه منها ورفعه هالشباج يباوعلي

بسرعة صرت عالحايط مااريد يشوفني
اباوعله

اكيد اشتم عطري الي شال راسه هيج رجعت عالجربايه كعدت

كوه كامشه روحي لااوصل للشباج واباوع غمضت اشكد مشتاقتله اتمنيت يصعدلي ويحضني يكول اشتاقيتلج

ماكدرت اضل كاعده بدون لااشوفه شي غصبا عني يسحبني

كمت وخرت البرده شويه شفته خال كيوت بحضنه وكاعده يسولف وياها وهيه اتكمز سلاحه نازعه بصفه يخاف عليها تتعور ويضحك وياها رجع حضنها وشتمها ادري بي يدور عطري  بيها لعد لويش هيج سويت اذا هيج مشتاقلي ودور عطري بنتك

ضل ربع ساعة يلعب وياها وكام باسها وانطاه لماما رجع بدون وعي رفع راسه للشباج ودنگ بسرعة مثل الي انتبه لنفسه شنو ديسوي

اني هم وخرت خفت يعرف اراقبه رجعت كعدت دقايق ودخلت ماما بيدها ظرف كالت دز ذني

-ماما لويش اخذتي منا مامعتازيله

-والله ماقبلت بس كال كل شهر راح ادز مبلغ هذا مصرف بنتي ماطول ابوها عايش محد يصرف عليها غيري

-يلا هم بي الخير من ذكر عنده بنت وانوب كل شهر يعني مقرر ومنفذ انتهت ويا اي بعد ماكال شي

-لالا ماجاب طاريج اصلا ولاسأل ولاعبرج كالتها وطلعت

كمت شلت كيوت اشتمها بيها عطر ابوها مخلوط بعطري كلتلها هم بابا كلج وين غزل

-يي

-شنو كال

-غزاله هم بعدها تبجي بليل

-شنو كلتيله

-مااعرف

-عفيه بنتي بستها ونزلتها تلعب جاي يسال بعدي ابجي لاوالله زحمة روحك نايم تتنقل من حظن لحضن وجاي تسال عن مشاعري 

لليل نايمه  واتصلت سماح  كد ماتتصل اني مليت وكرهت حتى فوني صدك عجيبه عالم ماترد لاطشين وساحلين نفسك لويش ماادري غلقته وشمرته رجعت نمت استوني اغفه رد رن جرته لكيت طالبه كام  رديت بعدني ماعايطه بيها  صاحت  بذات الله يطيح حظج صار اشكد اتصل وينج

-موجوده شرايده سماح

-عليش وجهج اصفر

-مابيه شي بس يمكن الاضاءة عاليه صايره بوجهي امم  خير اكو شي

-لاماكو بس اشتاقينالج شبيج غزل عليش تحجين وياي هيج

- مابيه شي جنت نايمه وخلاقي من اكعد تعبانه امم اشلونكم

-كلنله بخير بس وحگ على مشتاقيلج البيت وحشه من دونكم صاير فد كئيب ويلعب الروح مابي نفس تحس بيت موته وين ايام تكمزج انتي وبنتج من جنتي حتى نومة الضهر حارمتنا منها

-يلا ارتاحوا ناموا براحه هسه

-وينها الراحه خيه راحت بقى بس الهم اشو حتى مصطفى ماكو دوم يم امه وهيفاء ماكو قلت جياتها سالفة جدي يكول شنهو هاي كلها جانت لامتها غزل هيج تطشروا من راحت

-شكو جايكم بيت بس الحقد والجذب بي

-غزل خيه والله من رحتي لسه كلبي ياكلني حتى اتعاركت ويه مؤتمن كلتله بسببك الصار انه من اشوكت اخاف على غراضي من غزل بروح ابوج مسحبها بوجهي لاتزعلين مني مااعرف اشلون هيج عملت

-هههههه عاد لكه الحرامي بعده شاك بيه يلا خلي يرتاح بعد محد يبوگه  ماطولني رحت

-كافي غزل لاتحجين هيج بروح اهلج كافي الشايله بكلبه وساكت

-يلا سالفه وراحت عوفج منها هم حقكم افلوسكم ذني امم شنو الوضع مقسم عدل لو بعد يزاغل

-هاا اي اي مقسم عدل كل يوم يم وحده

-شكو سماح شو ردج ماادري اشلونه شنو مأذيج

- لاخيه مأذي نفسه تدرين  وداعت بنتي اكعد تالي الليل الكاه يدخن كاعد عالدرج اكله عليش متنام يكول مااكدر عودني يطفرن على راسي ميخلني انام من وكت متاخذ عيني نوم اذا مايأذن الفجر

-سماح ترديني احجي وياج لاتجيبيلي طاري فدوه بس اسمع حاجيه بي انطيج حظر وتدرين بيه اسويها

-لاخيه ماعونت خلص كلبي وانه اتصل

-دعاء طايره بغيابي

-اوووف اووف عوفج خيه لاتحركين كلبج بس ولج جدتي مريضه من تركتي  البيت لسه مانعرف اشبيها كل يوم وتسأل مااجت غزل اشلونها مااتصلت

-اشعجب معقوله اشتاقتلي

-والله شكلج حتى احنه متعجبين بس وضعها موش طبيعي مرتين كالت لمؤتمن رد بنيت عمك لاتتركها  ماعدها غيرك وهيه جاهله ماتفهم ردها يمه

-لادخيلكم ومؤتمن اكيد معارض ولازم اتاني بلكي يحن كلبه ويردني

اتحسرت وكالت يحن خيه يحن بحجت اريد ارتاح من مشاكلجن يصعد ينام بغرفتج انتقل نوم الظهاري كله بغرفتج بعد ماكو يمي البارحة شاف لعبة كيوت بالكاع دنك شالها وضحك خيه والله جذب ضحكته بيها عبره ولمعه بعيونه ذيج وينها

خومن اتعاركت دعاء ويه هيفاء وكالتها والله وكت اتعلين صوتج وين ايام غزل طايحتلج بالجفجير وذكرج مصطفى اشلون من دخلو ا لكوج عالثلاجه والله حسيت غصه بكلبه ماشارك بالحجي بس صافن

-هو الي اختار يبعد

-انه ادري اشخبله وخلاه هيج يكول اوووف هالرجال ولامكتوبله الراحه ينام بليل وكلبه يمكم كل شويه وكال كيوت اكيد بجت كلبي لجمني والله اعرف يقصد ام كيوت بس ساكته عنه اريد اشوف اشكد يتحمل بعد …منوو يا هسه خويه كايمه

-منو هذا؟؟

-مصطفى يريد اعمله  عشه مرته عدا اهلها

-شنو رجعت امها

-خيه امها اصلا ماراحت 

-اهاا  هيج ولازم كاشتلها كشه ورايحه

-شنو

-لاهيج

-انتظري جاي ياشرلي يكول انطينياها لاتغلقين

-يلا وين

اخذه مصطفى كال هاثوله اشلونج

-مشتاقتلك

-كلش وصل التاك

-هههههه تره والله  دوم على بالي

مارد  غمزلي ودار الكام اشوف گدامي  مؤتمن كاعد عالدرج  خال الغتره على متنه ومدنگ يدخن ؛وهو تحمحم ودندن بصوت واضح

امانينا نضل عالبال ولا فد يوم تنسونا
اذا مره وحشناكم الف مره وحشتونا

اذا نسمع ابطاريكم نبوس  احروف اساميكم
حضنه اطيوفكم يابه اشوكت انتم تحضنونا

اعاين عالصور والنوم بلياكم امجافينا
اسالوا فراشنا عنه  عمت عينه الغفت  عينه

علينه فراكم طول بعد مابينا نتحمل

جان يغني ومؤتمن يهز برجله ويه لحن الاغنيه  رد الكام  ضحكت كلتله راح اجيكم

-قطع الاغنيه كال شنهو

-على كيفك لاتفضحني

-لحظه كالها وطلع كال شنهو غزل وين تجين

-اول ما ادخل بالسابع اجي راح اسويلكم مفاجأه  افجر عبوه وارد

-يلا شكو بيها بس حسبالي  فرد مره من تولدين بس هم حلوه الفكره بعلي قنبله

-اي والله اني هم متشوقه اشوف وجها من تركني حتى يسوي طفل هنه ماكو واني وكت ولادتي كولش متحمسه بس اخاف يجلب بيه

-لاامني بعد ميردج رب الجازف وكلج طلعي واتحمل شوفتجن وانت ترحن خلص يكمل بعد كلبه مابي جسره ثانية

-يلا تعبت اريد انام باي

-الله وياج

سديت الفون حلفت اندمه اني ميته وهو مقسم حضرته بالعدل اشكد نذل واني مثل الثوله مشتاقه لعطرك

ياعطر هو ضل عطر بيك من كثر العطور الي بحضنك من حضن لحضن تتنقل خرب بيك وبعيشتك اشكد نذل وحقير

مرت الاشهر دخلت بنص الساس حياتي مشت حلوه مصطفى ماتركنه ابد اذا مايمر بالاسبوع ثلث مرات يتصل ويضل للصبح يدگ سوالف 

ايامي هادئه  تعودت على غياب مؤتمن صح يجي اشوفه من بعيد وكلبي يوجعني  بس تعودت خاصه كل وقتنا نطلع مولات حدايق مانضل وعرفت انو انفصلنا هالمره من صدك وكلمن لازم يشوف حياته

امبين من اخذ القرار جان دراسه عدل لان ماجه ولااتصل بعد حتى سؤال ماسال عني

اني هم كلت بس اولد اطلك واشوف حياتي واندمهم على كل يوم ظلموني بي  اول شي اسوي اسحب حصتي من الشركه قانوني هذا اكبر دمار الهم

ماضل شي للولاده بعد ماعندي صبر اعرف جنس الجنين قررت اخذ سونار اتصلت بمصطفى رد كلتله اشوكت تجي

-بت المنغولي اول البارحة يمج

-لاحباب اريد اخذ سونار

-وانه شنهو فرخج وميصير بدوني تره الفرخ ابطنج بت الثوله

-مصطفى فدوه مو اريدك اتصوره حتى تراوي لذولاك الناس

-اذا هيج عليها باجر يمج بس افلوس السونار عليج

-اشكد فكور اي عليه يلا بس تعال

ثاني يوم كاعده متانيه مصطفى ماما تضحك كالت اول جنوبي اشوفه هيج

-شنو قصدج مصطفى لاهو موهيج تره ميسوي ويه لاخواته ولانسوان مؤتمن بس وياي يكول تذكريني بروحي نفس الشي انمر بي احنه

-الله يحفظه لاهو هم اسبورت-- مو متعصب يبووو شكول عليك مصطفى

-شكو ماما

-شوفي كيوت انوب استعملت الجلب طبله شوفيها اشلون صاعده على ظهره هسه هذا اشبي اثول كالتها وراحت نزلت كيوت ودفرته كالتله تره انت الحلب موهيه اثول

-هههههه ماما اشو هذا صار جبير كولشي

-ولج هذا مال حراسه جلب بوليسي بس طبعا عد كيوت نسه روحه جلب

-لوشايفته من جابه مصطفى والله لبالي من الزبل

-اي مو استوى صاير طبعا يلا هسه المكرود هم حظه جماعته بالسلك العسكري يستلمن راتب وهو طايح بيد هاي ساعه امسويته مخدة ساعة حصان وهسه طبله انوب اكبر منها هو اشلون تشلبه عليه ماادري

-بس اشبيج والله بالشارع هيبته ترد كلها اتخاف منه

-غير يكطعهم طبعا يخافون دكومي اسمع الباب بلكي اجه الشفيه اخوج

كمت طلعت فتحته كليت مصطفى ضحكت كلتله تعال ادخل

-ولج يلا وين ادخل خلي نروح وراي رجعه بس جيبي كييوت

-هاي اجت هيه وجلبها

اتلكها ولازم الاوفر مالتهم اول ماشبكته وسدت عيونها وهزت راسها عرفت راح يبلشون بالدراما الهنديه

صحتت هىىى والمسيح اهد الجلب عليكم فضوني اريد اولي

كام غمني وسحب كيتي الي تمشي وتباوعلي صفح بت المسموط

صعدنه لازم جلبها ويانه احسه فرد من العائلة هذا هم انعم الله علي حامل بنتي وباقي وياها لسه

وصلنه للدكتوره نزلت كيتي منظرها يموت ضحك تمشي هالكدوتها وتسحب بجلب اكبر منها ثلث مرات

الناس خايفه وهيه منطلقة وكل شويه وهافته كف على وجها اتكله تأدب سد حلكك فشلتنا

-شوف مصطفى اشلون تضربه

-يطبه مرض مايتأدب عفيه بنتي ربي واكو وحده هم لسانها اعوج رادلها تأديب

- ماما الجلب لازم يفتح حلكه هو الله خالقه هيج

-تركي البت اتربي انتي شكووو بت المنغولي

-وعالاساس قنعت والجلب هم امسلم امره لله ومتحمل  والله انتم عقابكم اشكبره يم رب العالمين  

دخلنه للدكتوره سرانا واصل كعدت وره البرده ومصطفى يصور يم الشاشه نسمع دكات الطفل ومتانين شنو اتكول هيه كالت ومصطفى صاح  ايييييي واخيرا وصفك ايد بأيد فرحان كمت نظفت بطني حتى مافهمت نزلت وخرت البرده  كلتله شنو

-هههههه تيم ولج اجه الراح يجسر روسهم

الدكتوره كالت شتعودلها

-ههههه اخوها

-هههه تتشابهون وحتى الطفله تشبهكم يلا ماما عالخير يجي بالسلامة الاسبوع الجاي تجين للمستشفى نشوف الإجراءات هم يالله وضعج تمام ماكو اي خطر والطفل صحته كولش زينه

اتشكرنه وطلعنه اثنينه ميتين فرح هذا الراح يرجع حقي ويكسر اخشومهم والله اذا ماذليتكم بي فلا اتسمى  غزل؛ رجعني للبيت انطاني افلوس كال مؤتمن دزهن

-لويش اخذت منه

-والله حصرني كال وين اتريد تطلع مالكيت غير اكله غزل تعبانه اريد اخذها للدكتور عاد صار شريف وانطلني افلوس دكمشيهن جهزي للطفل بيهن

اخذتهن واتشكرته رجع دنك كعد يم كيوت وهيه راحتله اتلولح راسها ضربت كصتي ردوا  للادراما

عفتهم ودخلت مالي خلق اباوعهم متخلص لاساعة ولاثنين تفاهتهم وياريت بيها حظ اسوالفهم حتى الناس اتباوعلهم بالشارع لبالهم مخابيل

دخلت شويه واجت كيوت تضحك كالت راح بابا
يوصل سلامة

صعدت فوك وصلت للغرفه تذكرت جوزداني ناسيته هسه كيوت اتسوي الفلوس طشار

نزلت لكيتها اتباوع بالفون منتجيه عالجلب وتعض بالعشره كالتها بت القندرة هاي اكل جيبيها كلتها وعتيتها لميت الفلوس وصعدت

غيرت ملابسي ماما طلعت للطارمة اضطريت نزلت بسرعه  كامت كيوت شمرت الفون كالت غزل

-هاحبيبتي

-بابا راح يجيبلي لعابه جبيره

-منو بابا

-الوحش الشرير

-اشوكت كلج

-هسه

-عزا بعينج جنتي تحجين ويا

-اي

-تعالي لج شنو كلج

-كال كليلها خلي اتلم السانها احسن مااجي اشلعه الها

-تف على وجهج بت النعال كم مره اكلج لاتتصلين

اني كلتها وهيه اخذت الفون وطلعت تركض اريد الحك ماكو انوب فتحت باب الشارع مااكدر اطلع بلا حجاب اصيح تعالي  وهيه تضحك

اتصلت رد عليها غمضت عيوني اسمعه كالتلها بابا دااتكولي بت النعال لاتحجين ويه هذا التجعرف بعد

رد متعجرف ونعال موش  سهله بابا روحي يلا انه اجي واعرف شغلي وياها

طلعت ماما وراها اجيبها بعد جفصت انتهت رجعت جوه

لليل اسمع الفون يرن كعدت شلته شفت مصطفى يتصل رديت خير مصطفى

-ههههه كل خير امبينه اجت ويانا عدل

-شنو الصار

-جدي انجلط

-عزا لويش

-فتحي كام وشوفي شعملت وهاي اول ضربة كالها وضحك بصوت عالي 

فتحت الكام واشوف كدامي …

لاتنسو التصويت ⭐⭐⭐⭐⭐