رواية كفي والمنجمه الفصل التاسع والستون 69 - بقلم Leo Alfatlawi

كفي والمنجمه

بقلمي: leo Alfatlawi

بارت التاسع والعشرون  /ج2/

اريد افتح عيوني مااكدر من الرعب الكدامي بس كوة اتماسكت خفت بنتي يوصلها السره

دخلت اركض رحت لكيوت لكيتها  سابحة بالدم وخاتله يم الميز كوه سحبت  روحي رحت يمها احس رجليه ميته

وصلت دنكت  شلتها خليتها بحضني وغمضت مااريد اشوف المنظر كدامي شهم مذبوج من الوريد للوريد

مالي كلب اباوع  طلعت امشي على كيفي اتعديتهم بدوم لا اشوف

رحت للحديقه خليت بنتي بحضني وكعدت بالزاوية دقايق واشتغل الصياح والناس بدت ادك الباب تريد تعرف شكو

ماجان اكدر اميز منو اليبجي كدامي لو منو الدخل ومنو الصيح ؛جنت تقريباً فاقد

منظر مرعب كل الي اذكره بذاك اليوم انو بنتي حاضنتها حيل وكاعد شبه واعية

اشوكت دخلوا الولد منو طلعة  منظر مؤتمن وهو يبجي مصطفى طايح بالباب الولد يتصايحون كلها  اشوف منهم مختطفات جانت فاجعة

لليل  واني مااتحركت كاعده مكاني ناس ترسوا البيت حتى كيوت نامت من كثر الخوف

ضغطت عليها بحضني وغمضت مااريد اسمع الصراخ ولااشوف شي  كل ما اتخيل بنتي مذبوحة مو شهم اضغط اكثر وافقد بالزايد

حاضنه كيوت ومغمضه اسمع صوت ام مصطفى يمي تحاجيني شلت راسي كالت كومي وياي يخاله اشرتلها لا

-ولج كومي جمدت بنتج من البرد

-ماعليها دفيانه

-شو كومي كالتها وعتتني اخذت كيوت صرخت لاجيبيها

-ماعليها تعالي وياي صعدي غرفتج وانه وياج متكدرين اتشيليها

-لالا خاله بنتي انطينياها

-ولج انه شايلتها دشوفيها سابحة  بالدم خلي انغيرلها استبردت

اباوع بنتي صدك غرگانه بالدم بس من كثر الرهبة  لاحسيت ولاشفتها ؛كمشت ايدها وكمت وياها  دخلت للبيت

صارت كدامي سماح وتهاني  كاعدات شاكات ملابسهم وناثرات شعرهن يلطمن اقشعر جسمي جان اني هسه  كاعده مكانهن

باوعت لبنتي وبجيت جرتني ام مصطفى صعدنا للغرفة نيمت بيتي واخذتني للحمام غسلت وجهي  رجعت بسرعة للفراش كعدت يمها لزمت ايدها خايفة كل الي بعقلي اغفل عنها وتروح مني صاحت ام مصطفى-وين ملابس بنتج

-بالدولاب

-ذني

-اي

-اسبحها

-لاتبرد بس غيريلها

طلعت واجت كعدت يمي بدلتلها وردت دكدكت متنها نيمتها من جديد خلتها وغطتها طلعت الفون كالت دكي رقم امج

-لاعوفيها

-مصطفى كال خبروها خلي تجي تاخذ كيتي

-لالا ماانطي بنتي

-شو خاله لاتشلعين كلبي مرتين اتصل مصطفى نبهني يكول مااكدر اتصل العالم يمي اتصلي وكليلها الصار خلي تجي بسرعة

-لاخاله بنتي اخاف عليها

-يمه هنا ينخاف عليها لان هاي بت عمج امسودنه ناويه تجتل جهال مؤتمن كلهم تكله بسبب مرتك مات ابني

-يامرته

-والله يخاله شعرفني ذيج وياها تضحك مؤتمن يبجي جدامها يكلها عليش يخويه حركتي كلبي على وليدي اتكله مثل ماحرمتك حركت كلبي على وليدي

-يعني قصدها تهاني ؟؟

-اي  حتى مصطفى كال والله عرفت تهاني الچاتله ابن رجاء موش سمر وشمرتها براسها بس ربك ميضيع الحگ مثل ماضيعنها ضيعهم

-بس اطفال اشذنبهم بسبب امهاتهم راحوا

-حمدي ربج تگله  كلهم اچتلهم الك مااخليلك فرخ لوما املحكين جا لكيتوا امذبحتهم كلهم

-يمه بنتي دخيل ربي

-اي يخاله ماتشوفين مصطفى متخبل  لاسامح الله اذا صارلها شي ينتحر وراها  لوشايفه من اجه مناك كالوله واحد من جهال مؤتمن انذبح حتى مالحگ يدخل للبيت طاح بالباب

-وهسه اشلونه

-لااتلاحكله مكرم كله موش كيتي شهم تالي  اخذوا للمضمد طلع الضغط مرتفع عنده

-وين مؤتمن

-الله يساعد كلبه مؤتمن ميت ييمه خال فرخه وكاعد امكابله

-سوده عليه الصبح يلعب ويا

-يبوو امكابله هو ومصطفى وينوحون مثل النسوان

-اشلون رجاء حصلت سجينه وهيه حتى متكدر تدخل للحمام

-امها اتكول نسيتها يمها جنت اكشر برتقال البارحة وجيت لكيتها ماكو كلت يجوز وحده من البنات شايلتها اثاري المكموعه ضامتها جوه مخدتها 

-بس خاله ايدها ترجف متكدر تذبح

-يخاله صايحته سوده عليه وهو ركبته رغوه بس ناحرته  من الوريد عالسريع رايح خطية

احنه نحجي ودخلت ماما فحطانه كامت ام مصطفى سلمت عليها كالتلها هسه نريد نتصل

-لامصطفى اتصل من العصر عزا بنيتي اشبيها ولج ماما غزل اشبي وجهج

-كلشي مابي ماما

-يمه بنتي فاقد متدري اشصاير بيها

اجت يمي اخذتني لحضنها وتبجي شمرت جنطتها كالت لام مصطفى عينج بكيتي اخذها اسبحها كلها دم

كامت طلعت ملابس اني صافنه عليها اشبيها هاي اجت كومتني اخذتني للحمام فتحت الدوش

نزعت فتت جوه مثل الصحيت لدنياي شفت وجهي بالمرايه كله شخوط واحمر هاي اشوكت ملخت روحي

طلعت نشفت وحس كلبي حركني ماما تظفر بشعري واني دموعي مااكدر اسكتهن صار المنظر كله كدامي هاي الفتره كلها جنت فاقده مااحس 

عفت كيتي ونزلت اركض جوه كعدت يم سماح بس كالت راح يغزل

واني احس كلبي  مات  دكيت وبجيت لمن احس روحي طلعت  اتكابلنه اني وياها هيه تنعه واتملخ بروحها واني ابجي بحركه كلب

للصبح وحنا على كعدتنا سماح جانت مؤمنه رضت بقضاء الله ويه اذان الصبح كامت سبحت وصلت

صح  تبجي مقهروه على ابنها بس مانست ربها خلت عينها بعينه وسلمت امرها لله

بس تهاني ذبحت روحها كوه كامشيها ملخت روحه تمليخ لان تعلقت بي بأخر الايام

مرن ثلث  ايام الفاتحه مؤتمن مانشوفه يجي يخلص الفاتحه ويروح يبات بالمكبره يم ابنه

يكول مااكدر اتركه وحده اصغير خلوني يمه  ومصطفى هم ماتركه ولالحظه ويا

هسه عرفت مؤتمن لويش جان يكول اريد خلفه واخو يسندون واحد الثاني ماشفت محنه مثل محنتهم اشلون واحد يوكف للثاني صح الولد مامقصرين بس اتضل بيناتهم تختلف

ثلث ايام مصطفى ماشايف النوم كلما يدخل مكرم ويسألوا  عنهم يكول بالمكبر مصطفى كاعد ومؤتمن متمدد نايم بحضنه

اندعيت دعاء تجيب ولد حتى يكون سند لابني 

مرت الايام  اصعب منها ماكو فاجعه كسرت كلوبنا
صار السابع وفضت الناس ماما اخذت كيتي من  ثاني يوم

البيت كئيب بجي وحزن  الكل تعبانه احواله

مؤتمن يدخل  امدنك مايشوف كدامه كوه اتسنده سماح للحمام يسبح ويغير ملابسه ويروح للديوانية 

مؤتمن هواي انكسر وراه ابنه جان متأمل يكثرهم تالي هالواحد وراح منه

بالنهار يا بالديوانيه يا بالمكبره يم ابنه وبليل يذب روحه  بس يون

كاعده يمه بليل بغرفة سماح  افرك براسه لان يوجعه كمش ايدي كال وين كيتي

-يم ماما

-عليش وديتيها شنهو غزل بعد ماتامنين تبقى يمنا

-لابس مااكدرلها والناس داخله طالعه اخاف تتعور واني مالي خلگها

-جيبيها

-هسه اخبر ماما الصبح اجيبها

-غزل كلبي يوجعني

نزلت دموعي ماكدرت اجاوبه حضنت راسه اسمعه يشهك  رجع كال لااعتراض على حكم الله ومسح وجها

كام غسل ورجع كعد اخذني لحضنه باس راسي كال من كالولي واحد من جهالك انذبح اجيتي ابالي خفت بنتج ماكدرت ارد للبيت مااردت اشوفج جدامي

بس من كالوا شهم صح الخبر جسر كلبي بس اهون اقلها انه اتحمل الجسره وحدي غزل جيبي كايتي اشتاقتلها اخاف خطيه تبجي علينه

-لا ناسيتنا  ملتهيه بجلبها صدك فتح عينه ماكلتلك

باوعلي كوه سيطر عن لايضحك فرك وجها كال كومي جيبي غزوله الله يطيح حظج

كمت طلعت سماح كاعده يم  الباب كالت اشلون مؤتمن

-يريد غزوله كومي تعالي يمنه

-خيه مااكدر اكابله واكعد بدون لاابجي وما اريد احرگ كلبه اكثر

-لاديحجي عادي حتى غلط عليه

هيفاء- اشصخمتي وغلط عليج

-والله مكلتله شي بس داابشره جلب كيوت فتح عينه

ضحكن كالت سماح  استغفر الله ربي العقل وينه

-كومن تعالن بس امانه لاتبجن كدامه تره كلبه خلصان

اخذت غزوله ودخلت اخذها من ايدي باسها وحضنها كعدت يمه بسته من خده باوعلي كال لاتحجين احبك اكثر فكيني

-ههه لاوالله  بس مشاقتلك

اخذ حسره ورجع يحجي ويه غزوله كال باباتي  راح اغير اسمج

دخلت سماح وهيفاء وراهن مصطفى كعدوا يمنه

كلتله لويش دتغير اسمها

صفن مارد

سماح- رحت للعرافة مؤتمن

اخذ نفس  وباوعلها هو وساكت

-مابردت كلبك وكالتلك  المن السره ياهو منهن الراح  تفكدها  

-ماافكد احد هاي اغير اسمها وهاي…سكت مارد ماعرفت شنو ناوي

مصطفى- انه اختار اسم الها

مؤتمن- انت بالذات تنكتم

اباوع  مصطفى مارد  بس خله ايده على راسه يتشكر

كلتله شنو حتسميها

-ماادري شتكولين سماح

سماح- اخاف البت اتيه روحها

-لابعدها صغيره تتعود وحتى جنسيتها راح اغيرها اعمل  غيرها

-ماادري بكيفك

كلتله سميها ملاك

مصطفى-بس خفي علينه ملاك اسود اشلون رهمتيها

-والله حلو شتكول مؤتمن

اشر اي

-يعني شنو حتسميها ملاك

كاللها بابا اسمج ملاك سمعتي اشرت اي

- لعد خلي انغير اسم كايتي

مصطفى- هيه هيج كلها غيره بدون فهم بنتج شكو مغيره اسمها

سماح- ياع خيه شتسميها

مصطفى- بزون كلشي اتوقعي منها وحده ثوله وخلفت

-مؤتمن تره ساكتتله احتراماً الك باوعلي وضحك استغفر ربه كال طلعوها بره عني

راد يكوم مصطفى كيف بيها شمر كمشت مؤتمن من زنده كلتله بعد مااحجي كله خلي عوفني

اجه مصطفى جرني من شعري كال يله لج

صرخت مؤتمنننننن اني صحت وهو رفع راسه كاله اتركها  رحمه لدينك هاي تصيح بالطبله مال اذني زرفت راسي

عافني رجع لمكاني سويتله حركه بيدي مال على عنادك ماطلعني

كام سحلني من شعري واني رجعت كمشت تيشيرت مؤتمن هو يسحل واني اجر  شوية بعد وانزعه هلكد ماسحبته تالي صاح بطلوووواا يابه خرب باليكعد وياكم

دخل مكرم كال شكو

مؤتمن- استلم ذوله شتحاجيهم

وكف يباوع كلتله هو بده رد مصطفى انجبي ام حلك الاعوج

- اسمعت خو هو

هز ايده ضحك وكعد بطرف الجربايه كال بيت الشيخ يردون يجون دزوا خبر

مؤتمن- هلابيهم جا اماجوا شنهو ياخذون اذن

باوعتله كمت كلتله شوف مؤتمن الي براسك شيله لااكول ضايج وتعبان لاعيني لهنا وماكو اجيب السجينه وادخلها بنص وجهك يعني تموت امشوه وحتى محد يبجي وراك لان شكلك يكون يقزز  بس صبوحه يجوز تبجي شوية

اشر اي كام  ذب غزوله واجه جرني من شعري فتح الباب شمرني دخل وسد الباب

فتحت الباب اندارلي كال اذا دخلتي افصم راسج

-تره دااتشاقه اشبيك

-غززل ولي منا لاتخليني اجي اسحلج

شفته رجع كعد عالجربايه  دخلت كلتله مو الك اكتلك اشبيك اكتل مصطفى

اندار مصطفى كال بت المنغولي انه شكو تجتليني

مؤتمن- يله راح يبلشون من جديد وتعال سكتهم

كالها ودنك يفرك بوجها سماح وهيفاء مدنكات يضحكن عالكيف ومكرم كال تعالي كعدي هنا وروح خالي اسمعلج نفس هفج دفره الطشج بالكنتور

-ابد مااحجي بس مصطفى هم خو مو بس اني تكتلني

مكرم.- مؤتمن صدك تحجي خويه طلكها صدك متحمل خبالها لسه اشلون

مؤتمن- هو امفكر اطلكها واشمر مصطفى وراها   فد مره اخلص…صدك ولك وين وديت افلوس الفاتحه

مصطفى- يا افلوس ماخذت شي

-مصطفى لاتخبلني الفلوس عازلهن كلت لكاظم اليزود ردهن للصندوق وينهن

-ماادري فلس ماخذت شوف منهو الاخذ

-استغفر الله ولك انت وين تودي الفلوس زين اللحم وينه العجل الاخير ذبحوا وين اختفى

-اشبيك خويه شنهو القصه افلوس وكلت يجوز اخذهن اصرفهن اللحم وين قابل اوكف ابيعه بالتقاطع

-الي يوم اكضك  بس وروح العزاز اذا لكفتك بسالفة عوجه ماارحمك

-عمي اشبكم كل شغله وتاهميني بحال افلوسكم كالها وكام طلع

مكرم- هذا وين يودي الفلوس

مؤتمن- وعلي متاكد هو الاخذهن لان جدي انطاهن منا وهنه اختفن منا ماكو غيره  بس مااعرف وين يوديهن حيرني هالولد

-واللحم صدك اختفى

-اي يخوي كال كاظم راح يجونه بعد ناس كلتله اذبح بعد تالي بس شربوا جاي وكاموا بقى العجل على حطيته ثواني ولن مختفى وين محد يدري

-والله شكلك اذا هو حتى خواله اخذ حصة امه غصبا عنهم  والفلوس اختفت اخاف يلعب اقمار

-لاموش مال اقمار لو شغله اقمار جااصار عنده اشو اربعة وعشرين ساعة امفلس اكو شغله ثانيه ماكو شي يضل مضموم  لازم يجي يوم ويطلع

-اي ابو غزل ماناوي ترجع للمصنع

-لاباجر بعون الله اذا الله راد

كلتله لا مؤتمن خليك باجر كيوت راح تجي وهم اكو ناس لازم نستقبلها لونسيت

باوعلي صفن ورجع باوع لمكرم كله عليش منروح هسه للمصنع موش افضل

-ههههههههه والله لو تجي اتبات يمي اليوم احسن

بليلتها طولنا بالسهر شويه واجه مصطفى جايب حبشكلات هم خلاهن بالنص كال لمؤتمن حرك جيبك تره جبتهن بالدين باوعله هز ايده وضحك كله سهله

كعدنا اكلنا وسولفنه  مصطفى مابطل اتحركش بيه  يريدني اكوم اتعارك

ومؤتمن يضل يرزل بينه اعرفه يسوي هيج مو حركشه لاراد يطلع مؤتمن من حالته شويه

وفعلا كام يسوالف ويضحك ويانا اتحسنت حالته هواي

مكرم- يلا يابه انه اترخص اتاخر الوقت

مصطفى-  اخذني وياك يله يابه انتن لاتلطشن كومن

ردت اكوم سماح كالت لاخليج هنا

-لويش

-وين ترحين وهاي هم لاطشه بيج هسه افرش ونام سوه

-ؤك يله لعد ومؤتمن خلي يروح بالديونيه

مؤتمن- خرب بشكلج اربع غرف عندي انام بالديوانيه شكو

-لعد انت اتشخر اتضوج

-يله بالله هاي شتحجي وياها غزل خمدي نامي نفس مااسمعج

فرشنا بالكاع ومؤتمن نام فوك شفت اتجتف وغمض تقربت يم ملاك  شاورتها كومي ضربي بابا

-يبسطني

-لااني احميج يلا كومي

كامت تمشي على كيف جرته من شعره واجت تركض ضميتها بحضني

استغفر واندار نام

-كومي نام رجعي ضربي

-هم اجر شعره

-لابالمخده

كامت ضربته ورجعت تركض تضحك

كام كعد كال الله يطيح حظج سماح اخذيهن وطلعي لااكوم اسحك روسجن

سماح- ههههههههه يا شبيك وياهن عوفهن اصلا ساكتات ميطلع صوتهن

-استغفر الله بويه عندي دوام الصبح اريد اولي

كمت كلتله يلا زعلت كومي ملوك خلي نروح انام بره

لبالي يجلب اشو كال ايي فكينه دخيل ربج

-شنوو لعد والله مااطلع وهاي باقيه موكه كعدي خلي انسولف اصلا ماجاينه نوم

سماح- ياع ولج راح تسودنين البت خلي تهضم اسمها وبعدين دلعيها شوفي اشلون صافنه عليج

- شنو اسمج حبيبتي

-ملاك

-عفيه منو سماج

-غزل

-بعد عمري شنو ادلعج

--موكه

-يمه فدوه كلتلها وشلتها بستها مؤتمن طابك اديه جوه راسه وصافن علينه كال خلصتي اشرتله اي

-نامي غزل وصلت حدها وياج سماح كومي بويه جيبيلي الحزام يلااا

كامت سماح تضحك جرت الحزام انطته لمؤتمن رودت نامت كال بالعباس الي اهيس حس الها اصلخ جلدها

خليت موكه بحضني ونمت كعدت الصبح على بوسات مؤتمن فتحت عيوني لكيته يمي شبكته باسني وكال يلا كومي نتريك

-لابعد شويه فدوه هسه تجي كيتي اتسويلي هوسه خلي اشبع نوم وييين غززززل قصدي ملاك

-هاي كالها وخر شفت ملاك اخذت نفس سحبتها لحضني كال عليش هيج خايفه

-لامخايفه بس نامت بحضني وهسه لكيتها ماكو

- راح اودها مجان بعيد عنجن لحد ما الله ياخذ امانته

-لويش ماكتلتها مكان ابنك

-ماباقي كلها ايام عليش اللطخ ايدي بدمها ما تستاهل واحد يشيل ذنبها ويدخلها الجنه 

-لعد بين متوديها  خلي اودي موكه يم ماما

-اي بعد متاخذين سماح بالمره هم وديها

دخلت سماح بيدها صينيه ريوك  كالت وين تودوني يله الله ويدكم

مؤتمن- تريد تودي غزوله اوو ملاك يم امها

-يمه بنتي وين تردين بيها ولج

-لابطلت هيج حجيت يلا خلي اكوم اغسل حتى اكل جوعانه

-انتي اشوكت شبعتي

-ماارد عليج احتراماً لمؤتمن

-هاي خوش كامشتها لاخيه ردي مالج شغل بمؤتمن يلا سمعينا صوتج

-هسه اغسل واجيج

رحت للحمام غسلت وجهي اجت وراي ملوكه شلتها غسلتلها طلعن خليها يمي كعدنا ناكل كملت ماعوني وبعدني جوعانه كلتله مؤتمن رد وهو مدنك غزل خاشوكت جاي ماانطيج لاتكدين كومي لاتبجين يمي

-قحط هسه سماح تنطيني

سماح- ولي سماح تنطيني لاواثقه تحجيها برحابه صدر

-مااريد اني اكوم اجيب

كمت رادت تجي وراي ملاك صحت بيها كلتلها اذا طلعتي من الغرفه اموتج اتضلين يم ماما لحد ماجي

سماح- يا غزل اشبيج وياها

-اني معقده يلا عوفوني بس ملاك ممنوع تطلع منا

كلتها وطلعت مؤتمن مارد ضل امدنگ انوب طلعت ونقهرت عليه خفت كلبه انكسر وذكرته بأبنه

رحت للمطبخ لكيت مهره محضره لمصطفى مخلمه وجاي تغسل بالاستكاين غافلتها على كيفي بكت الماعون واجت اركض

دخلت للغرفة وايدي على كلبي خليت الماعون وكعدت باوعلي مؤتمن وضحك كال منين لطشتي

--ماابوگ  اني سويته بسرعة واجيت

-هااا خوش -صاح  مصطفىىىى

-لالا اسكت حباب لايسمعك

بعده يريد يحجي ودخل مصطفى اقتحم غرفتنا كبل شالني من شعري كال اتزقنبتي منه

-لاوالله بعدني

دفعني دنك اخذه كلتله بس شويه حباب

-مرض بت المنغولي بس غسلت وجهي شبسرعه خمطتي

-مصطفى والله جوعانه

-يطبج مرض مخلفج وناسيج كالها وراد  يطلع بطل رجع خلالي بالماعون وكال سم   غمني وطلع

سماح ومؤتمن يضحكون كعدت اكل وملاك بحضني واوكل بيها

كام مؤتمن غير ملابسه وكف مشط راد يطلع كال لاتضلين حابسه روحج بالغرفة

-لالا اطلع

-اي وطلعي وياج ملاك لاتضميها هيج خليها تاخذ نفس

-ميخالف

-غزززل موش ميخالف وتضلين ساجنه روحج

-لاهسه اخذها بالمرجيحه تلعب ودخلها مو لان اخاف لابس خطيه تبرد

مارد اخذ حسره طويله  وطلع

للعصر اني وملوكه بالحديقه خالتها بحضني وكاعده  كمت اخاف حتى اعوفها تلعب صار بيه عقده حتى للحمام اوكف وياها كم مره رزلني مؤتمن كال مو هيج الخوف راح اتسودنين البت بس موبيدي صار مرض بيه بليل اشبكها وانيمها بحضني حتى الباب اقفلها

هو صح كلنه يم سماح بس هم الخوف مسيطر عليه اخاف تطلع وماادري

الضحويه بالطارمه واكفه رش الحديقه وكامشه موكه اجت سياره  اندكت بابنا راحت مهره فتحتها دخل احمد كال سووا طريق دخلنه جوه مانسمع غير اصراخ رجاء وعمتي وياها ردت اطلع كالت سماح خليج لاتطلعين

-لعد سمعي شديسوون

-ياخذوها لمجانها الصح

-عزا خطيه

-جاخيه راح تتخبلين وتخبلين الجهال وياج وحتى هيفاء اتخاف تجي بعد محد يوصلنا الناس اتخاف على افروخها

-سمعي عمه دتصيح

-اي هم حگها بتها بس اشبدينا اخاف تجتل بعد واحد موش بعقلها هاي صح حابسيها بس متتأمن اخاف تنفتح الباب

-تره تهاني الخبلتها اني جنت اسمع تحجي وتتشمت بيها

-وهسه وينها تهاني خاتله بالغرفة لاتعرف ليلها شنهو ولا نهارها بس تبجي

طلعوا رجاء وامها وراها تلطم وتتوسل يتركوها تالي اخذوها وضلت عمتي بالباب تبجي وراها  لليل وهيه على كعدتها لمن اجه مؤتمن كومها دخلها يبوس براسها كالتله ولك اخيتك عليش هيج عملت

-يمه ماعليها بمجان نظيف وامن احسللها من الحبسه هنا

-يمه مااكدر شفت حركت الكلب على الضنه عليش اتعمل بيه هيج

-والله هناك احسن الها وهاي بعد متتأمن احتمال حتى الكم تأذيكم كومي وياي تعالي لاتضلين هيج كاعده 

اخذها وراح لغرفه بيبي واخير ارتاحيت كلت الملوك لعبي انطلقي بعد مااصيح بيج

انوب هيه لطشت بيه وين امشي كامشه ملابسي وراي رحت لغرفه بيبي وهيه وراي شالها مؤتمن باسها كالها عليش مكمشه بغزل

ملاك -هيه تبسطني اذا عفتها

-ولج صدك اطكيها

--اشرتله لا

- طاكتج  بابا ؟؟

ملاك -لابس اتعضني

-الله يطيح حظها باجر تجي بتها وعضيها

-لااا كييوت تشلع لحمي

-استلم مربي جلاب ابيتي شال راسه كال شوفي لج غزيلان اسنونج اجسرها اذا عضيتيها بعد

اشرت لا ابد

بيبي- هايمه اشكلت مارديت الجواب

-جده موش وكتها

-لاوكتها شباقي بالعمر اشوكت اتربي افروخك

اتحسر كلها الله كريم

-ماكو اكرم من رب العالمين بس باجر تروح امك تجيب دعاء وتهاني هم تردها اريدن اثنينهن يبزرن سوه

باوعت لمؤتمن عيوني مليانه دموع

مارد دنك ردت بيبي كالتله اخابر اكلهم يردوها

-لاجده

- وعليش ماترد البت

-شصخم بيها البت حامل خليها تكمل حملها هنااك شكو راده

-وعليش متكمله هنا وتجيب فرخك بحضنك

-اهووو اشلون شغله هاي جده البت ماترد من الاخير وغير ذوله مااريد حمدت ربي هاي هيه

-جاخلي تهاني تحضر روحها

- انه راسي طبل جده رحمه لاهلج كافي كالها وكام طلع

رحت ورا شفته طلع بره يدخن كعدت بالمطبخ اجت سماح كعدت يمي كلتلها سمعتي الحجي

-صار كم يوم تره موش جديد

-يعني تدرين وساكته

-لاتخافين ميردهن يكول استوني استقريت وعوضت امري لله بالراح حمدت ربي عالنعمه

-يعني ميرجعهن

-لاخيه امني ذني يحجن وحدهن

كمت عفتها صعدت غرفتي كعدت لميت رجليه لحضني  معقوله ذني يكدرن ياثرن عليه بس لا هو وعدني وهم اني راح اجيبله طفل ويه دعاء كافي اثنين شيقنع بيبي ادري راح اتضل اتلح لمن اتخلي يقبل ياربي دخيلك

مااكدر اموت اذا شفته دخل غرفتها وطلع سابح عزا يمه كلبي بعد مااكدر مثل قبل اتحمل خلصت طاقتي

تمددت نمت دخل شافني متمدده نزع قميصه شمره  واجه يمي سحبني لحضنه كال وين صافنه

-مؤتمن اتريد طفل مو

-غزل تعبان موش وكت هذا الحجي

-بس كلي حتى اعرف لويش اسمع من الباقين

-مااريد حمدت ربي عالعدي وراح يجيني ابن من دعاء الف الحمد الله ربي يجوز ماقاسملي غيرهم عليش اخرب حياتي على حلم ضايع

-ودعاء هم يجي يوم وترجعها لخاطر ابنك مو

-على شنهو رادها تجيب بالسلامة ومرد الطفل الي اول وتالي

-وتهاني اشوكت ترجعها لاهلها اخاف هم تحبل ولطش بيك

-تحبل من الحايط انتي ثوله نامي بويه

-عاد انت متتأمن جنت  اعوفك دقيقه الكاك حاصر دعاء بالمطبخ

-ههههه وهسه شحصلت من البوس والحضن بس الجفاجير

-مؤتمنننن اني وين احجي

-اي يابه وياج

-اشوكت حترجعها

-من يطلع اربعين شهم

-تره منا للاربعين حتى الظهر تنام بغرفتي

-حتى تاكلج سماح

-لاميخالف روح لسماح بليل بس اضل اراقبك

-سهله

-اول ميطلع الاربعين ترجعها

-هم سهله

-ودعاء حتى من تجيب مترجعها

-مم

-شنو مم احسك تدضحك عليه وبعدين لويش هيج اتباوعلي

-من اتعصبين شريان ركبتج ينط

-من وره قهرك وخر

-وين شو تعالي خلي اشوفه بي لزمه لا

-شنو مؤتمن

-هذه الطير راح يطير ثبتي خلي اكضه كالها  وعضني  من ركبتي …

ورجع مؤتمن لحياته الطبيعيه  وهنا بده خوفي منه خاصه بدت بيبي وعمتي يلحن براسه عليهن اني مجان هامني تهاني لان من البداية ما اشوف اله نضظره بيها بس دعاء لا اتخوف لان حلوه وملسنه تاخذه بالسانها تكدر اتسحبه

ماعرفت وكتها لو مرجعه دعاء جان احسن جان استمريت ويه مؤتمن وحافظت عليه ماعرفت العب ويه شيطان ينهي كل لون بالحلم

بدت المشاكل تكثر ومؤتمن دوم متنرفز على اقل شي يعيط دوم عمتي ام مكرم اتكول اتحملي لان بده يحس بغياب شهم قبل جان فاقد واني هم حسبت حساب هيج شي وساكته

بس بدت تكثر ازيد وخاصه تهاني كامت اطالب ليالي وتريد تعوض الفقدته بسبب اخته

كاعده اباوع فلم ويمي كيوت اتكمز دخل مؤتمن فتح كنتوره يريد افلوس فتح القاصه حسب وكف صفن كال غزل وين الفلوس

كمت كلتله ياافلوس

-اشكد ماخذه

-مااخذت لويش دتسال

-شنهو مااخذتي وينهن شنهو طارن

-اشبيك مؤتمن اني لوماخذه اكولك لويش اسكت

-غزززل لاتخبليني مليون ماكو وين وديتيهن منهو يدخل غرفتج غيرج

-ماكو بس اني وحتى من اطلع اقفلها بس
مااخذت  شي والله عزا مليون شنو اسوي بيهن

-المن انطيتيهن 

-لامؤتمن مااسوي هيج صدك دتحجي

مارد وشمر الفلوس ودفر الكنتور  وطلع

كمت لميت الفلوس رجعتهن للقاصة وقفلتها نزلت وراه لكيته يدخن بالصاله كاعد يم الولد ويمه تهاني كاعده اسولف رحت للمطبخ لكيت هيفاء وسماح واكفات يحجن عالكيف وصلت يمهن سكتن كلتلهن لويش سكتن

سماح- ماكو شي خيه

-لااكو شي شنو الصاير

-غزل ما اريدج تزعلين بس ميصير العملتي

-شنو سويت اشبيكم مؤتمن يكول بايكتني وانتم شنو بعد من مصيبه امدبريلي

-غزل كنتوري محد يفتحه غيرج والفلوس محد يندلهن غيرج

-اي وشنو هم مختفيات

-هاي موش اول مره هاي ثالث مره ماجنت اكول لمؤتمن بس شفتها زادت عن حدها كلتله بالبدايه كال مستحيل بس صعد لكه الفوك اليمج هم ماخذه منهن عاد اتاكد

-تره اني مو بحال افلوس وبعدين اذا اخذهن وين اوديهن قابل

-مصطفى وين يودي الفلوس الياخذهن من مؤتمن

-مااعرف والله

-خيه ندري حاسبته اخوج بس ترا متهور هذا  ويلعب بكيفه لايعلمج على مدت الايده مثله

-مصطفى ميبوك واذا ياخذ من المصنع هذا حقه وما اسمحلج تحجين عليه واحنه مو بحال افلوسكم انتوا اشلون عقلتوها

-يله احنه ماعقلناها وعمتي حلفت  شافتج نزلتي وانطيتي لمصطفى سنده مال افلوس

-جذابه

هيفاء- احترمي نفسج غزل والله اكول لمؤتمن واخلي يشوف شغله وياج

-والله بيكم شي انتوا مو طبيعين مواني الي اجي تالي وكت ابوك ماجايه من الشارع تره بس الراتب الجنت استلمه هناك اكثر من ارتب زوجج مرتين اني لو بحال افلوس ماجنت عفته ورجعت لضيمكم

-والله شكلج هالمره سكت مؤتمن بس مرة ثانية تره ميرحمج

طلعت هيفاء ضايجه وسماح همست كالت تره ذهب جدتي مؤتمن يعرف وين راح بس سكت عنكم 

-بس هذا اخذنا

-والله شكلج بعد الله يهديكم

عفتها وطلعت لان شخص مقتنع انو اني ماخذه مستحيل تجي انت اتغير وجه نظره  وعرفت مؤتمن صارله كم يوم معصب لان اكتشف اني البايگه الذهب بس ماحجه وياي ماعرف تأكد اني ثوله ومصطفى الي يمشيني لو ماراد يحرجني

طلعت بره لكيتهم كاعدين رحت يم مؤتمن جان مكرم كاعد  واحمد متمدد يمه

كعدت يمه  لميت رجليه وانتجيت على متنه عضيته من متنه دفعني

رجعت عضيته اكثر اندار خزرني كال بعدي

همست احبك

-غزل كافي مافايخلج

-والله مااخذت شي

-عوفي السالفة

رجعت عضيته حيل كال مامليتي كافي بيويه

-احبببك

-استغفر الله صوتج الولد كاعديت

همست وحك علي اعشكك يعله كلبي

باوعلي صفح ورجع يدخن رجعت عضيته بس حيل طبك حاجبه ودفعني كال كافي اشبيج

اجت كيوت اطفر هي والجلب تسحل بي الي باقي لسه عايش اشلون ماادري

شالته خلته بحضن احمد تأشرله على عيونها نفس حركه مصطفى متعلمتها عود عينك علي ضحك كلها روحي بامان

اجت تركض طفرت بحضن مؤتمن كمشها عن لاتوكع وهيه كامت اتطفر 

اجت ملاك خطيه رادت تلعب وصلت يم ابوها دفعتها كيتي وشبكت ابوها كال بعلي نفس السوادين وخر كيتي كالها عيب بابا هاي اختج ودنه ملاك باسها

وخرت لبالنه انكسر خاطرها دنكت على ايده عضتها حيل نكث بسرعة

ركضت لمكرم شالها يضحك باسها وكلها طلبت  لجوء انساني محد بعد يكربب صوبج

-لايخوي جيبها لجاي هاي اذا مانجرت اذنها اتضل هيج مجلوبه

مكرم- اها يبعد خالج صدك مجلوبه ويردون يطكوج ضلي لاتتحركين لخاطر لحد يلوحج

هيه هم ضلت بحضنه اتباوع لمؤتمن بطرف عينها عود محميه اني متكدر تكتلني هو يباوعلها ويضحك

اجه جدو كعد كامت ركضت  بحضنه هم اتطفر ضحك كال بويه وعلي هاي غزل بصغرها هاي عافت حضن معتصم واجت تركض لحضني اتطفر

سماح- هههههه اي والله جدي كلما تكبر تصير امها اندارت لمؤتمن كال خوما ناسيها اكثر واحد شبع ضيم انت اشكد انطكيت بسببها

مكرم- ههههه خو الصونده تشهد المشكله احنه زلم وخالي طايحلنه دك عليش اطكون بنتي يابه محد كرب صوبها بس جيب اليقنعه وانوب هيه حتى لو محد واصلها تصرخ وتشهد زور تستمتع من اتشوف مؤتمن يطكون بي

ضحكت كلتله كلبي جان حاسني اكبر ويسحلني كلت اخذ ثاري واني صغيره وبعدين لويش يضربني عود

-لاوالله يخوي مايطكج  بس  انتي عرمه عندج سنين ماخاله واحد يفلت من ايدج

مره واكفين بالباب يم ابو سماهر جان بعده ويانا ما معرس اجيتي اتركضين حافيه والكاع حاره عود انجسر خاطره مؤتمن  شالج وانتي لكشي عضه من متنه وردي تفلي على ابو سماهر

-اكيد كلتني مو

-اي والله حك الله اكلتي كتل بيومها يبس اخدودج طلعت امج اتعد وتصف حالت ابوج وزادتله بهارات

انداريتله كلتله اشكد عمرك جان

مارد طلع جكاره ثانية ورثها اعرفه يضوج من هيج سؤال رد مكانه مكرم كال ١٧ استوى خاطب تهاني وانتي بكد كيوت هيج بيج سنتين اقل

رجعت انتجيت كلتله شايب ويتمندل والله يالله همزين بابه كتلك

مؤتمن- امم اذا عالكتله سهله وحك على عضيتج عض وطكيتج طك خيلتج اسبوع اذا تشوفيني تنهزمين مخترعه

رجعت عضيته من متنه

تهاني- وهاي كل ذكرياتكم جتل

سماح- لاجا اخلي اسولفلج اشلون تنهزم بعز الظهاري من اهلها وتجي تبوس بمؤتمن اتكعده من نومته حتى يكوم يلعبها شلعت كلبه تالي يجي خالي يرزله يكله انت تعلمها على السوالف المجسره اشعرفها طفله تنهزم يبووو يوميه مسويتله مصيبه وخالته ينطك ياينهان شبع ضيم

مؤتمن- وحسبالكم كبرت عقلت ورتاحيت هاكم شوفوا
كالها طلع زنده راواهم العضات ورجع ضمه كال اخاف واحد يكول كبرت غزل ورتاح مؤتمن منها

مكرم- ههههههه انوب جابت مساعده الها بس لا حسبالك بتك اعقل حرام نفس السوادين

جدي.- اييي وبين ليلة ويوم اختفت ضحكت معتصم وبنته راحوا وخلوا البيت فارغ وراهم

ام مكرم- يلا يبوي ربي ماقصر عوضنا بوليداتنا وهاي غزل ردت وجابت وحده تشبها حتى اتعوضك على الفاتك

ضلوا لليل يسوالفون ويسترجعون الماضي تالي وصلوا لماما وعمايلها بيهم

بيبي تنفخ هيه وعمه واني كل شويه ضامه وجهي بمتن مؤتمن اضحك

اتاخر الوقت  كلمن كام غرفته مؤتمن شال كيوت وصعد رحت وراه نيمها وتمدد غمض بسرعة

عرفته ضايج واله مؤتمن ميوصل هيج مرحله اذا ماصاعده عنده كلش خفت الحبابات بدن يقرن براسه راحن يكرهنه بيه

رحت يمه كمشت وجها بسته من خده فتح عيونه كلتله مواني والله

-عوفج بويه من الشغله خلي تولي

-بس والله ماسويتها

-اكو واحد تهمج سألتج وكلتي لا انتهت خلص لاتحجين بيها انسيها

-احبك

-امم

-شنو امم اكولك احبك

-وشتردين غزل تعبان اريد انام

-هااا اتنام هاي جديده

-شنهو الجديده يعني ميصير واحد فد يوم يتعب يخمد براحه تره مصايره هاي

شفته دفعني صدك يريد ينام عرفته ضايج ويسوي هيج حتى لايفقد ويسمعني حجي اني هم ماحاجيته عضيته من شفته حيل بعد راسي وخرت اديه ورجعت عضيته كمش وجهي بين اديه

كال هذا الجلب الي بداخلج اشوكت اتخلصيني منه لو لااعرف اشلون اتوبتج من العض شو تعالي كالها وعضني من ركبتي صحت لا مؤتمن مومن ركبتي كمل عضته صعد لخدي صرخت مومنااا

بطل نزل شويه جوه صرخت لااا مو منا

وخر  يباوعلي متعجب كال عقوبة وبمزاجج هاي وين صايره

-لعد شنو دتعضني حيل تقبل واحد يعضك هيج كلتلها وعضيته من صدره تانيته يوخرني ماكو لمن عفته من كيفي

- كملتي خله ايده سد حلكي بيها وبلش بالعظ  خلاني اصيح توبة  كل عضه احسه يشلع لحمي ماخليت واحد بالعشيره مانعلته على هيلگتي ماتركني لمن شافني بجيت من صدگ دفعني وكال هسه تگدرين تنامين براحتج

كمت ضايجه لفيت الجرجف ورحت للحمام اباوع بالمرايه لا باقيه شفه ولا ركبه جسمي امشوه استاهل وحيل ابو الزايد وياي  طاح حظج صبوحه على هاي الخلفة؛ سبحت وطلعت لكيته يريد ينام ركضت  عضيته من ظهره ضحك گال بعلي مخبله ومتوبين اعرفج

-شوف منو كعدت

-منهو لاتكولين كيتي

-ههههه والله كعدت

شال راسه لكاها متربعه اتباوعله وتضحك  شبعان نوم فرك وجها وهيه طفرت نزلت قريولتها اجت تركض صعدت بطنه

-الضاهر ناويات اتلزمن خفارة انتي وامج عليه

-بابا العب

-شتعلبين يبعد ابوج

-هيج

-شنهو هيج

-دوم يلااااا كالتها وجرته من شعره كام كعد من لاجاره فرك وجه وكلها شنهو تردين تلعبين

-ذاك صافو طاخ

-صافو وطاخ يعني طياح حظ

-باباااا

-يروح ابوج وين لعبة صافو جيبيها العب وامري لله

نزلت ركضت جابت بطل مي وصعدت يمنه تربعت كدامة دنگ لزم وجهه عرف شنو اللعبة وكفت دنكت معكوسه عليه تباوعله  صاحت ها بابااا

-لعبي يبعد ابوج وطوايفه

ردت كعدت  فرت البطل صار عليه كامت ضربته راجدي

-بت الزمال على امج صار وشو متحاميه جايه اشبيج

-اشش

-استلم يله بالله شيخ اشكبرني الناس تحسب حساب للكلام وياي خلي يجون يشوفون حالي هنا 

-يله باباااااا

- يله بويه كملي امبينه من بداية الليله عوجه

فرت البطل اجه عليها كامت ضم وجهه كال شنهو هم انه انطك خرب بيك مصطفى تعلومك الجايف

ماكدرت تلوحه ضام وجهه عضته كلها كملي اخاف عضات امج قليله

رجعت كعدت كلتلها اني افر انطتنياه فريتها صارت على كيتي باوعت لمؤتمن صاح شكوووو اتباوعيلي خرب بيجن لعب مال مخابيل

برطمت مسح وجها كال اخذيلج راجدي كمليها بس والله يوصل السره اله اذا ماشلعت روسجن سهله

كمت كمشت وجهه بديه ضحكت راح اكتله فرحانه وهو ضحك على ضحكتي عضيته من شفته الجوه لمن صاح كافييي ولج اتبين انفضح  دفعني

مسح شفته اتأكد ماطالع دم اخذ البطل كال سراي فره صار ابينه كال هلا لعبتي وروح ابوي التتحرك منج افصم راسها 

قبل لايفكر يلكفنه كامت كيوت ضربته راجدي كال هوششش انه الاطكج بت الثوله موش انتي

وكفت صفنت كمت عضيته من متنه وخرني شال البطل شمره كال يلا اشتغلن براحتج عليش هاللعب الباطل افوز اخسر مطكوك تعالن بويه طلعن الي بكلبجن

كيوت ضحكت جيتت شبكته تمدد يضحك وخلاها على صدره مد ايده خليت راسي بحضنه باسني كال الله يحفظجن الي بويه اريد انام شنهو مناويات اتنامن

-اسمع مؤتمن

-شنهوو 

-مطر يايييي لج كيوت دتمطررر

اني احجي ورن فون مؤتمن شاله كال استلم الخبل الثالث مالتجن يتصل

اخذت كيوت ونزلت اركض لكيته بالطارمه جوه المطر شافته كايتي نزلت راحت تركض وكل عاده  لازم لقاء ادرامي وانوب جوه المطر اجت عدله وياهم

هو كعد وشبكها وهيه بحضنه ادكدك على ظهره بيدها الصغيره تواسي همه كلها صارلهم ساعة ونص واحد ماشايف الثاني

كلتله  مصطفى تره كلش اوفر انتوا

اصلا ماشال راسه اشرلي ولي كاللها بصوت حزين وينج يبعد ابوج

ردت بالدرفه ويه بابا الشرير وغزل التوله

-يابويه سوده بوجهي

-اي والله سوده بوجك  بستوني وشلعوا شعري وانت ماتو

-يبووو اشتعلت صبوحه

صحت هييي تره درامتكم صايره تلعب النفس كافيي

شالها يلكف بيها جوه المطر وهيه تضحك الحمد الله خلص المشهد مالتهم 

رحت اكمز وياهم طلع مؤتمن هو وسماح شايل ملاك وكفوا جوه السقيفه يباوعولنه ويضحكون
صاحت كييوت باباااا تعل

-لابابا مكفين وموفين انتم

مصطفى- تركي  ذوله السود يخافون من المطر  اخاف يزنجرون 

-اي اني بيضه

-انتي كمر على عمج

-وبابا

همست على كيفي اخاف يسمعني كلتله اجلح املح

صاحت باباااا املح

رد مؤتمن انعل ابوج شكول اذا تربيه مصطفى وغزل  حگج يبويه يلا كافي دخلوا لاتتمرضون

دخلوا واحنه وراهم سماح اخذت كيوت وياها اتبدللها وحنا صعدنا للغرفه سبحت ونمنا

كعدت الصبح شلت راسي الساعة تسعة اشعجب شعشبونه تاركتني لسه نايمه وينها عني بلكي يارب هيج وانزل الكاها مجلوطه

كمت غسلت و نزلت لكيت دعاء وامها كاعدات يم بيبي باوعتلي وضحكت هزيت ايدي رحت يم سماح كلتلها شكو جايه هاي

-اتعزي

-اتعزي قبل بالاربعين

-موش جان الطفل نازل نايمه استوها استقرت حالتها

-امم خوش سلامات شافها مؤتمن لوطلع قبل لاتجي

-لااجت من الصبح عزته سلم وطلع

-وبعد شنو حجه وياها

-ماكو شي سألها عن الطفل كالتله بخير وهاي هيه طلع بس كالها ديري بالج علي اصلا سحكها رادت تحجي ماانطاها مجال

-حبيبتي سموح كلبي

-ادري احميلج الجاي والريوك

كعدت اتريك سماح راحت بره يخبزن هيه وعمتي اجت مهره كالت دعاء فوك

- شتسوي فوك هاي

-مااعرف وين  عمتي

-تخبز هيه وسماح

-خوش خلي اصيحها جدتي تريدها

هيه راحت لعمتي تصيحه واني كمت رحت خفت تسوي شي صعدت لكيتها نهاية الدرج فوك صاعده

وصلت يمها بعدني ماحاجيه شمرت روحها للكاع على وجها  مااشوف غير  دمها تارس المكان

على صوت وكعتها اجت امها تلطم  كعدت يمها

شالت راسها لبالي ميته شفتها تبجي حمدت ربي

بعد مابيه هبطه بس جانت كامشه بطنها وتلوب وامها تمسح بوجها وتكلها شبيج يمه  باوعتلها لزمت ايدها  و كامت تصرخ

اجت عمتي صاحت شكوووو

ام دعاء- شوفوا اشعملت ابنتي جنتكم

-اصخام بوجه جنتنا اصخمتي يمجسورت الركبة يبووو ريحتي الفرخ

ردت ارد غلبتني ام دعاء صاحت لحكني البت مواته ولكم يبووو لحكوني

طلعت بيبي شافتها كعدت بالكاع تلطم 

هيه تصرخ وامها تساعدها بالصراخ طلعت عمتي بره تجيب سياره

نزلت كلتلها تره مالي دخل هيه شمرت روحها

دعاء- جذب يمي صعدت ردت ملابسي باقيات اخذهن كالتلي شكو هنا ودفعتني

-عزا والله جذابه اصلا ماوصلت يمها

-وداعت ابوي وداعت فرخي هيه دفعتني كالت مااريد شي يربطج بمؤتمن موتوا سوه خلي اخلص ودفعتني

ام دعاء- كافي ييمه كافي لاتموتين ولج جاي اتنزفين سوده بوجهي

دعاء- يمه لحكيني اخاف طفل مؤتمن صارله شي شيخلصني

دخلت عمتي تركض لفن دعاء بعباتها هيه وامها شالنها وطلعن استلمتني بيبي يالمتخافين الله ريحتى الفرخ ريحتي اخر امل عنده يبوو موتت ابنك يمؤتمن الحگ

-بيبي والله ماوصلت يمها اشبيكم شنو متعرفوهن جذابات

-ولج جذابه تموت روحها هيه وطفلها بس حتى تجذب

- اي موذيج المره شربت سم كلشي اتوقعي

-انكتمي يجي مؤتمن يشولفنه صرفه وياج

عفتها ورحت للمطبخ دخلت لكيتسماح تبجي كالت عليش

-ولج والله مواني

-ولج والله كل امله بي بعد كلبه مابرد من ذاك ابنه عليش تحركين كلبه بالثاني

-استغفر الله والله وداعت بنتي ماوصلت يمها

-كافي غزل كلنه نعرف تردين تخلصين من دعاء باي وسيلة بس ما توقعت تحركين كلب مؤتمن على ابنه سوده بوجهي اذا دره اشلون راح يكون حاله اخر حلم عنده راح بحال الصبح من شافها فرح شفت الضحكه بوجها وهو يباوع لبطنها ويوصيها عليه اتكول كلبه حسه راح يصيرله شي

عفتها تنعى اخذت كيوت وطلعت بره ذوله راح يلبسوها براسي بس والله يجي مؤتمن اكول شنو اي شي صار كالوا انتي

خليت كيتي بالمرجيحه وكعدت يمها اجت تهاني تضحك كالت ها جتلتي الفرخ

-اكولج ولي عني روحي طالعه

-مؤتمن استوى فاقد واحد وراح يجي خبر الثاني اكيد ماراح يسكت

-واني اشدخلني هيه طاحت

-ماوكعت  انتي دفعتيها وكلنا شهود وبعدين دعاء جاتله روحه لرجعتها لمؤتمن ماصدكت حبلت تجي تسقط روحها منيلج هالسالفة حتى الطفل مايعقلها بس عندي عرض الج اطلعج منها نهائيا شتكولين

-شنو اتطلعيني منها اني اصلا مالي دخل يجي مؤتمن واحلفله

-هههههههه كالوا للحرامي احلف شوفي حبيبتي من الاخير اتقنعين مؤتمن يرجعني اله اسويله طفل لوالشغله متلبسه براسج اذا ماطلكج مؤتمن يجتلج جتله موت بعد ضلت بكيفج

-ماراح يكتلني ولايحاجيني وانتي اصلا عكب باجر راده لاهاج وهاي دعاء هم خلصت منها راح طفلها وووف واخيرا خلصت منجن اثنينجن حلم والله ويلا ولي منا هم يالله لمي مزبلتج شكو باقيه صدك ماكو كرامه اله تنشمرين  مثل دعاء

-سهله شوفي منهو الراح ينشمر كالتها وراحت 

كلبي وجعني هاي تخوف اخذت لكيتي ودخلت جوه خليت كيتي بالصاله يمي تلعب واتصلت بمصطفى رن اول مره ماكو رجعت اتصلت مره ثانيه كاله ها غزل

-وين انت

-بالمستشفى ويه بت اصخام

-شنو وضعها الطفل صارله شي

-اي مات وهيه بحاله انهيار حاجزيها بت المطي

-ومؤتمن شنو وضعه

-عالگ مشتغله كل الكلوبات يمه شوفي غزل شمايحجي وياج ويرزلج تنكتمين ابد لاتردين خلي يطلع الي بكله كله لاتتنفسين

-لويش لعد اني مالي دخل والله مصطفى

-جيبي اليي يقنعه ترسن راسه ترس ام دعاء وامه ماخلن يمين يجسر الركبه وترا ماكو واحد يعقلها دعاء جانت ميته عالطفل وهيه تموته بيدها  المهم لاتحجين ابد تره واصله عنده تالي يطكج وتتأذين يروح ابنج مؤتمن اعصابه تعبانه هسه اتحملي اي شي يكوله

-لويش هيج سوت يعني طفل جانت ميته حتى يصير لويش نزلته

-الضاهر اكو لعبة جبيره واهااا تره سمعت تهاني خبرتهن الجماعة حايكاتها سوه ديري بالج

-اخبر ماما اروح لو شنو اسوي

-لااا انتي ثوله اتثبتين التهمه عليج

-لعد اخاف يضربني ويموت ابني

-لابس انكتمي لاتراددين يتركج يلا ولي راح ينتبهون الغي وياج وعين بكيتي لاتثولين وتيهيها يلا انقلعي

سديت الفون ضليت كاعده اندكت الباب كمت فتحتها دخلت وحده اتبع غراض دوم تجينه سلمت ودخلت للصاله صحت لمهره وسماح يمها مالي خلك لااشتري ولااگلب

ضليت كاعده عالدرج اندفعت الباب عصرت كلبي لبالي مؤتمن وكفت استعديت للراح يصير تالي دخلن هيفاء وعمتي سلمن كعدن يم المره هم يكلبن صاحتلي هيفاء كالت تعالي يمنه

-مااريد اشتري عندي هواي

-دكومي شوفي ذني حلوات اخذي لكيوت

-ولج عدها هواي

-باوعي هاي -شالت اتراك حلو جذبني شكله كمت يمهن اكلب حاجه اتجر حاجة لمن ترست العلاگه باوعتلي هيفاء وضحكت گالت همم متردين مو

-هههههه انتي صحتيلي والله مجان ابالي خلي كيوت يمج اكوم اجيب افلوس

مهره- غزل الي وياج حبابه ماعندي

-ميخالف يلا عينجن بكيوت بس اروح بسرعة

كمت صعدت للغرفه فتحت كنتور مؤتمن اخذ افلوس اتفاجأت مغير رقم السري هاي لويش هيج هذا مصدك اني ابوكه صدك يحجي

ركعت الباب سديته ونزلت مخنوكه كلتلها للمره مااريدهن خاله

سماح- شنهو غزل اشبيج

-مابيه شي بس الغراض رجعنهن وانتي كيتي تعالي

-اني ادفع مجانج خلي الاغراض الماخذتهن

-ماااريد سماح لاادفعين ولا ابد ماريدهن رجعنهن

-اشبيج خيه اشدعواج هيج معصبة اعتبريهن هديه مني

ردت هيفاء لا انه ادفع صفنني يعني اثنينهن عدهن افلوس منطيهن ارجولتهن واني هيج يسوي وياي صدك مؤتمن هيج خليتني مذلوله ماعندي ادفع 

سحلت كيوت عاندت كتلتها وصعدتها كتلهن الغراض مااريدهن لحد تدفع

رجعت اتصلت بماما ميته قهر ردت بجيت كلتلها مؤتمن هيج سوه

-فدوه بنتي اني ادزلج شنو تردين

-ماما مو قضية افلوس مامعتازه بس ديشك ابوكه

-ماما مؤتمن مو بحال افلوس يجوز عنده شي براسه الي هيج سوه و اشتردين اني اجيبلج عوفي

ضلت تحجي وياي هواي لمن هدأت وبطلت ابجي راحت الحركه سلمت وغلقت الفون كمت يم المرايه

اباوع لبطني بدت تكبر  بس لا ينتبه صح اني حملي  بالخواصر بس هم بلشت تعله خاصتا هسه اشكد مااكدر البس عريض حتى مايبين  

كم مره انتبه كال لويش بطنج يابسه وكوه اغير الموضوع بس اذا كبرت اشلون مااعرف

اندكت الباب نكثت ملابسي وكفت عدل دخلت هيفاء كالت شكو غزل عليش زعلتي

-منو كلج زعلانه ولج كلبي معصور مااعرف شراح يصير

-خير شنهو الصار

-دعاء سقطت اليوم

-يمه اصخام بوجهي اشوكت وعليش مندري

كعدت يمها سولفتلها صفنت كال غزل ولج اخاف جذب موش حامل جانت

-مااعرف بس نزفت واشلون راحت للمستشفى وكال سقطت

-عادي اتكلهم طاح بالبيت موش شغلة صعبة وحتى الدم هم سهله شغلته حاسبه حسابه وتلكيهن متفقات ويه الدكتور كلشي اتوقعي

-لعد قنعي اخوج راح يجي حامي عليه

-دكومي ننزل لاتضلين خاتله وكلنا نوكف بظهرج شنهو تايهه وانخلي يچيسج يلا لاتبقين

كمنه نزلنا جوه لكيت سماح تبجي رحت بسرعة لبالي مؤتمن صارله شي وكف كلبي كتلها شكو ولج احجي

-ماكو خيه بس مؤتمن اتصل صوته مبحوح سوده عليه المصايب وحدة ورا الثانية يجنه مااعرف اشوكت يرتاح

-عزا وكفتي كلبي لبالي صارله شي يمعوده منو يكول حامل اصلا جانت

-اي انوب طلعيلج جذبه جديده

-شقصدج يعني جذبت من كلت مواني يلا هيه ضلت عليج

عفتها رحت كعدت يم عمتي جانت ضايجه بس مابينتلي هم مينطيها كلبها اعرفها اتحبني ومترضه اتزعلني

للعصر ومحد اجه باقين على كعدتنا حتى غده محد اتغده كلها متشتهي

اجت ملاك تلعب يمي شعرها امكفش كلتلها لويش هيج شعرج

-حلو

-شنو الحلو وين قراصاتج جيبيهن داامشطلج شوفي كيوت اشلون حلوه امرتب شعرها

-ماا

-شنو ما شودااكوم اجيب المشط وعاندي حتى اشلعهن الج لذني الشعرات اتكول سيم اماعين

كمت ردت اجيب المشط والقراصات من غرفة سماح دخلت استوني افتح الجراره ودخلت وراي سماح تركض شافتني مثل الامنت بس ماحجت راحت لكنتورها على كيف قفلته

انداريت ضحكت كلتلها صدك دتحجين سماح

-هاا شنهو خيه

-لاماكو شي سلامتج بس غرفتج حرمة عليه بعد ماادخلها

-لاخيه ياا شجاج ماقصدي شي بس الجهال تلعب خفت على غراض مؤتمن موش منج

-المهم ديري بالكم على افلوسكم لان اني بت فكر ماشايفه كلتها وطلعت حسيت العبره كامشتني

رجعت كعدت يم عمتي بجيت كالت ياا شبيج يعمه

-ماكو شي بس مخنوگه

-منهو وياج

-محد هيج اشتاقيت لماما كلتها ومسحت دموعي ادري ماصدكت بس شكلها يشكون بيه ابوك

دخل مكرم ومصطفى شافني ابجي اجو كال شكو يابه تبجين هو معفن مثلها همزين خلصنه منه يخرب النسل حرمات استوى اتعدل نسل اخوي

مسحت عيوني ماجاوبته دنكت

-غزل منهو وياج

-ماكو مصطفى اريد اروح لماما وديني

-عليش شنهو الصاير

-ماكو شي كلتها وبجيت اجت هيفاء كالت تره متقصد والله واكفه بالمطبخ تاكل بكلبها

مكرم- منهو شنهو السالفة

هيفاء- سماح دخلت وره غزل للغرفة قفلت كنتورها وغزل حسبالها عود خافت على افلوسها

مصطفى- لااا تقصد وموش اول مره اسمع حالحجي تعالي لج خررررره سماح

مكرم- اهأء يخوي خلي نفتهم شكو عليش هيج عملت

-انه اكلك صايره بوكات هالايام بالبيت وكم مره اسمعهن يشمرنها براس غزل بس اغلس اكول نسوان متفتهم بس هيج وصلت حدهاااا

اني اشهك ومدنكه اجت سماح عوزها شوية وتبجي كالتله والله يخويه حتي ماخلاها تكمل

- شوفوا وحك علي ابن ابي طالب الي اسمعه امحاجيها جلمه وحده بهالموضوع احسب الله ماخلقه ولكم شنهو زمايلللل رب الحلو

شنهو من اكل عقلكم  غزل تبوك عليش شنهو معتازه بت شارع ماشايفة

-بس اسمع

-شسمع ولج تدرين منين جبتها من نص الخيرررر وجايه انتي ام الوسخ اتسدين بابج تخافين اتبوكت زبالتج الي حتى المجدي عنده اكثر منها

مكرم- صدك هذا الحجي سماح لا مامرجيه منج شنهو بويه ماشايفه اذا تريد تاخذ خو خزنت رجلها يمها ونعرف مؤتمن مامانع عنها شي

شهكت كلتله حتى مؤتمن قافل الخزنه لباله داابوكه

-عليش شنهو الصار وهيج عملوا

-مااعرف ديتروح افلوس

-اي وتروح انتي شكووو صدك هذا  حجي يشل الكلب كافي خويه كومي غسلي وجهج انعل ابو الفلوس التبجين عنها

كمت للمغسله غسلت وجهي اجه مصطفى حجه على كيفه كال بالعباس رادها الهم لاتبجين بس انطيني صبر اذا ماصفرتهم مااطلع ابن امي

-ولويش امك مو ابوك

-يااخي ماارتاحله لاتجيبين طاريه

-ههههههه بس صدك منو ديبوك تره غرفتي مقفوله دوم والخزنه بس اني ومؤتمن وسماح نعرف الرمز

-من باجر روحي طلعي للشارع اي مطي مار ينطيج الرمز وغرفتج سهله فتحها تره اكو مفاتيج بغرفة صبوحه احتياطي الف واحد ينعمل عليه

-مؤتمن اشوكت يجي

-يم علوان باقي واحد يواسي الثاني على نغل اسود

-عزا هياته وراك مصطفى فدوه لاتخلي يكتلني ابني يروح

-افا وانه اخوج صيري وراي ومالج شغل البوكسي اذا تعداني استقبلي عادي ميسوي شي بس  يدمر جهرتج

دخل مؤتمن اتلكته سماح وعمتي سلمن علي بس جان عينه بيه واني ميته رعب اخاف اباوعله هذا لو احلفله للصبح ميصدك على هاي نظرته

ضل واكف يحجي وياهن شوية وراح لغرفه سماح لبالي يجي يرزلني يكتلني بس ابد ماحجه ولاكأنما موجوده كدامه الله اعلم اشضاملي اشلون راح يطلعها بيه

لليل واني باقيه كاعده عالدرج امتانيه يطلع من غرفه سماح ردت بس احجي ويا واوضحله صار العشه طلع كمت رحت يمه ردت احجي كال

اششش غزل بعدي لان مااريد اذيج

-بس والله مواني

-كافيييي لاتحلفين غزززل بعدي عني روحي واصله للاخر لاتخليني اعمل شي اندم علي بعددي

-وداعت كيت حتى ماخلاني اكمل عصر وجهي وحجه من بين اسنونه كال لاتجيبين طاريها على لسانج غزل بعديييي

دفعني حيل وراح  اجيت اوكع كمشتني هيفاء كالت تركي  خيه موش وكتج

-والله مواني لويش ميصدك 

-ميخالف هسه اعصابه تعبانه لاتحجين ويا تركي كم يوم ويهده بعده جرحه جديد

اني هم سمعت نصيحتها وشفته صدك امعصب حتى اهله يخافون يحجون ويا محد اتجرأ وفتح الموضوع ساكتين

اخذت كيتي وصعدت لان الوضع كلش تعبان اخاف افلت حجايه لويصير شي وانضرب يتأذه ابني خليني فوك لحد مايهدأ

تانيت بليل يجي ماكو امبين نام يم سماح ثاني يوم الصبح لكيته طالع ومااجه لليل حتى كيوت رادت تلعب ويا زمخ بيها رجعت تبجي اخذتها وصعدت خفت يضربها

ضليت امتانيه يصعد اليوم كلت بلكي اشتاق ماكو اجت مهره دخلت كلتلها خير رايده شي

-لابس اجيت اطمئن عليج

-مابيه شي داده كاعدين وين مؤتمن دخل لسماح لولا

-لاكاعد بغرفه جده كاعدات هيه وعمه يقنعنه يرجع دعاء اتكله فشله من ابوها اقلها جيبها هنا اتكمل فترت انفاسها

-وهو شيكول

-مايقبل كالهم هذ ا الحجي لاتفتحوا ابد

-اكيد ماراح يسكتن يضلن يقنعن بي

-اي وحتى على تهاني عمتي اتكله حرام عليك هاجرها هم اتريد حگها بت بعدها صغيره اشافت من عرسها ظلمتها انت رجعها اقلها اتعوضك عن الراح لحدمن اتضل بلا خلفة اشو سماح عاكر وغزل نفس الشي لو ناوي اتضل مثل الشيخ تتوسل واحد يكمش الشيخه وراك نسلك مكطوع

-شنو رد

- ماقبل كالهن نسلي مامكطوع عندي بناتي بالدنيا مكتفي بيهن وهم سد السالفه

-ماراح تنسد ادري يضلن يزنن اعرفهن تعلميني بيهن

-لاخيه سدها وحتى كام صاح بيهن كالهن التفتح الموضوع انوب اتصرف غير تصرف وياها

-كون الله يضل هيج

-اكلج ماعندج شي زايد اريد افلوس معتازه بس استحي اكلج

-ولله افلوس بعد ماكو لان مؤتمن سد القاصه بس غراض روحي للكنتور اخذي التردي

كامت باستني وراحت للكنتور اتطلع وتاخذ اصلا ماشفتها مالي خلك بالي بمؤتمن اخاف يأثرن عليه هالمره والله اذا رجع وحده انتهت ويا بعد ما ابقى شنو اضل طول عمري ديري بالج وعينج علي خوماكو شي اشفت منه بس الركض والقهر

مهره- غزل اخذت ذني باوعيهن

اشرتلها روحي حتى مالي مزاج اباوع طلعت اخذت كيوت بحضني ونمت

كعدت الصبح ردت انزل قبل لايطلع لان من صدك اشتاقيتله

حسيت كلبي وجعني علي مامتعوده هلكد انام بعيده عنه كمت نزلت لكيته واكف يم مكرم يسولف كاشخ بكل حيله لابس مناظرة و السلاح على متنه  امبين عدهم طلعه مهمه 

ردت اروح يمه طلعوا مستعجلين حتى نفسي انسدت وديت كيوت لسماح اتوكلها ورحت لغرفة بيبي تمددت على قريولة جدو

دخلت مهره بيدها المنشفه اتريد تسبح بيبي اخذها ودخلت للحمام ماانسمع غير دبه قويه وصرخه بيبي

كمت ركضت لكيتها بنص الحمام طايحه ومهره تبجي ردت اكومها كمشت ايدها صرخت عفتها ردت اطلع اصيح احد دخلت شعشبونه كالت هاولج جسرتيها

-عمه اشبيج شكو مصيبه تشمريها براسي دروحي شوفيها راح تموت

-يبوووو لحكونه يبوووو ولكم جتلتنييي

كامت تصرخ نزعت شيلتها وملخت شعرها وشكت ثوبها كعدت بالكاع وكفت صافنه شنو دتسوي هاي

اخر شي عضت اديها واتصيح دخلن البنات يركضن شافتها هيفاء دنكت عليها وكامت تبجي اتكلها خبري اخوج ولج راح اموت

-يمه دخيلج منهو العمل  هيج بيج

-ولج خبري جدتج راح تموت بالحمام

ركضت سماح للحمام لبيبي اسمعهن اثنينهن يبجن وهيفاء خبرت مؤتمن ماكو قل العشر دقايق دخلوا مكرم ومؤتمن يتراكضون  دنك على امه كالها اشصار

-شوف يبن بطني شوف مرتك اشعملت

باوعلي اشرتله لا  رجعت وليورا

رد دنگ وهيه بجت بصوت عالي كلتله اتركني ييمه والحگ جدتك مجسوره بالحمام دفعتها منهو يكول اتلحگ عليها عايشه

تركها وكام ركض للحمام هو ومكرم اسمع يردون يكوموها وهيه تصيح بتعب ولكم مااگدر راح اموت

هاي كلها صارت واني واكفه صافنه شنو ديصير 

طلعوها كوه كعدوها على قريولتها وهيه تبجي كالته هاي تعبي عليج يجده هيج تجازيني

-عليش طكتج ؟؟

-واكفة يجده اسبح كلتلها تعالي ساعديني اذب هدمتي غمتني كالت عساج بهدمت الكبر تردين تزوجين مؤتمن مو كلتلها يجده خطيه هم يريد الي يشيل اسمه اجت جرتني من شعفتي كالت خلي يشيل اجنازتج اول يجده طكتني ودفعتي للكاع تجسرت وهاي جدامك انهانيت وانه بهذا العمر

شال راسه باوعلي كلتله والله وروح بابه جذب

بيبي- يبوو تالي عمري اصغر احفاده يجذبوني ياريتني متت ولاشفت هاليوم ربيت وكبرت حسبالي راح انهاب ويكبر كدري تاليتي هيج للمذله باقيه

ام مؤتمن- جا ييمه هاي تاليتنا هيج ساكت كاضيها بس اتباوع بعويناتك امك وجدتك انطكن ونهانن وهيج تالي ربي ماراضة عنه ولاراح ارضه غضبي عليك ليوم الدين اذا ما…

ماخلاها اتكمل اشر كافي

باوعت لعمتي كلتها  خافي الله مؤتمن والله ماسويت هيج لاتصدك حتى اسأل مهره جانت واكفه ويانه

-خوش حجي  وين مهره

بيبي- هيج ييمه تجذبنا لخاطر هاي عوف مهره لا تسألها منريد حكنا وانه الم اهديماتي اروحن يم بنتي بيت مالي كدرة بي مااضل

-لاجده  مامجذبجن بس مااريد اخذ قرار اندم علي حتى الراح اعمله ماكون ظالمها بي احجي وين مهررره  صيحوهاااااا

على صوته اجت تركض دخلت كالتله أمر ابو غزل

-شنهو الصار

-هاا

-ومرررض احجييي الصار بالحرف الواحد واذا حسيت بيج اجذبين  وروح ابوي اكوم امدج بالكاع واسحگ راسج

- دخلت للغرفة  لكيت جدتي بالحمام تبجي وغزل اتطك بيها اجت كلتلها عليش هيج حرام دفعتي وردت تطكها اخر شي دفعتها للكاع وكعت انوب طلعت كمشت عمتي طك وعض ملخت شعرها وتفلت بوجها

كلتلها صدك دتحجين انتي جنت احجي ومتفاجأه على الي اسمعه بجت كالت ادري تساعديني بس مااكدر اشهد زور انه اخاف من الحلف الجذب

رحت  لمؤتمن كمشت ايده كلتله بيمن احلفلك ماسويت هيج

سحب اديه وكال لمي غراضج ردي لامج مااريدج بالبيت

-صدك دتحجي

-غزل اذا بقيتي اكثر راح اطلكج طلعي قبل لاافقد اعصابي يلاااا كالها ودفعني

درت وجهي صارت بيبي كدامي ابتسمت بخبث  كلتلها  خافي الله مره جبيره شنو استفاديتي من جذبتي ماخفتي ربببج مو رجليج بالكبررر

صك على سنونه واجه شال ايده راد يضربني ضميت وجهي بسرعة  عصر جف ايده ركض مكرم لزمه وصاح سمااااح اخذهااا منااا

دفع مكرم وطلع وكفت صافنه شنو الديصير اجت سماح سحبتني  واني متبنجه  صعدتني فوك تبجي كلتلها على شنو تبجين والله ماسويت هيج

-كافي غزل جا جسرت خاطرج مره جبيره اشلون دفعتيها

-عززا انتي هم مصدكة

-شنهو كلها اجذب مهره هم عدها عداوة وياج اشو هيه اكثر وحده اتحبج 

-مااعرف مااعرف لويش هيج حجت بس والله وداعت بنتي ماوصلت يمهن

-كافي بعد لاتنزلين خليج هنا لان مؤتمن كوه لزم روحه عن لايأذيج

قبل لاارد عافتني ونزلت خلتني محتاره بروحي شنو الصار هذا حلم لو حقيقي مؤتمن يطردني معقولة هيج وصلت بينه وعلى شنو على جذبة

جسمي كله يرجف احس روحي اختنكت لميت رجليه وخليت راسي ردت بس اتنفس الخنكه حاصره صدري حتى الدمعة اختفت ماااكدر ابجي

خليت راسي عالمخده واكول لاهذا حلم مؤتمن ميسويها ويتركني مستحيل لا هسه يصعد يكول لاجنت ضايج خليج لاترحين

اي مؤتمن ميكدر ينام بغير حضني لا

العبره خنكتني نزلت دموعي كمت اشهك من كل كلبي لاكالها وكال روحي بعد ميريدني لويش هيج اتصدك بيهن لويش مؤتمن مو اني روحك اشلون هيج اتسوي بيه

ضليت للعصر على فد بجيه احس روحي راحت مابيه حتى اتنفس دخلت هيفاء كالبه خلقتها كال ها بعدج

-رايحه بس امتانيه صافو يجي يوصلني هسه خبرته يعني مصدكه اني هيج سويت

-عملتي ماعملتي  انتهت مؤتمن هسه حجه ويا جدي رد تهاني وراح يجيب دعاء قابلة تبقين ويا بكيفج ماراضية ردي لامج كالتها وطلعت

خلتني اشيل روحي وادكها بالكاع كمت نزلت وراها رحت لغرفة بيبي كلتلها من سويتي هيج ماخفتي من الله مره اشكبرج اتجذبين لويش مو هاي شنو انتي معقوله بشررر

بعدني احجي وماحسيت غير مؤتمن جر شعري من وراي انداريت

ركض مصطفى كمشه رد يدفعه ماخلاه ضل كامشه كال هم كولي ماتجاوزت وجذب عليش بعدج هنااااا

صفنت هذا مو مؤتمن نفسه شنو ديحجي

-خليج لاترحين بس لاتجين تبوسين قنادر بعدين رجعني لامي وكتها انتهي حگج 

-مواني الاسويها   واتوسل بيك اتبقيني   ولااني اتجاوز على الاكبر مني وحتى دعاء مواني الطيحت طفلها وروح بابا ماسوين شي لويش دتعاملني هيييج

اخذ نفس ودفع مصطفى كله تريد اتوديها اخذها هسه لاتجي بعدين غزل ماتت غزل انعل ابواصلها مره مارايدها بعد الي سمعتتتتتت

رفع مصطفى اديه يأشر اي  بس يريد يهدي

ضغط على سنونه واندار دفر الباب بكل حيله من قوه الدفره كمزت صرت ورا مصطفى ركض مكرم راد يحجي ويا دفعه وراح 

باوعت لمصطفى كلتله وديني وقبل لااطلع خلي يطلكني

-لامال يطلكج  شغله شيليها من راسج بس لمي غراضج خلي اخذج بسرعة

- رجعها موو والله لكسر كلبه وخلي النومة حسره بعينه وطلاك راح اطلگ غصبا عنه

- اوكفي غزل خويه اتحملي بس هالليله لخاطري عندي شغله لازم اعملها قبل لاتطلعين

- مصطفى طردني سمعت شنووو كال مره ماريدج الي اني مايريدني بعد اكون مرته

-ميخالف بس الليله وعلي مااكدر اطلع من البيت باجر من الفجر اوديج 

-راح اخابر ماما تجيني

-لااا لا انه اوديج بين ماتلمين غراضج وتحضرين بنتج انه مخلص شغلي يله غزل

-باوعتله مامصدگه الديصير  نزلت دموعي همست شنو السويته واستحق يتخلى عني بهالسهوله

-بالواقع ماكو بس بنظره اموته ابنه الجان مترجي من الدنيا طاكه امه وهاينتها وطاكه جدته وجاسرتها من غير التجاوز والغلط

-تره مهره جذابه والله

-ادري ولو كايله غير هالحجي وصافه وياج جاماصدكت

-لويش هيج سوت

-سالفه خويه مثل ضيعت الفلوس بعدين اكلج بيها خلي انفض هاي وانه اجيبلج حگج من عيونهم يله صعدي غرفتج حضري غراضج

رحت صعدت للغرفة صافنه على دنياي وين ذبتني الليل كله كاعده ماكدرت انام عيني بالساعة وبالباب امتانيه مؤتمن يدخل مثل كل مره يحضني ويمسح دموعي

الوقت يمشي  واني اباوع لمكانه ماصار ساعات من نايم هنا وخالني بحضنه يتغزل بيه ويحلف مايكدر ينام اذا مانيمني على صدره

لعد شنو الصار اشلون كدر ينطقها ويكلي روحي وهو يعرف بهاي الكلمة راح ينهي كلشي بينه ؛ دنگت خليته راسي بحضني واني مامستوعبه سرعة انفصالنه وسهولة الكلمة من كالها

خليت ايدي على صدري احس بخنگه اعرفه هسه كاعد والگاله مو من گلبه بس اشلون گدر يسويها  معقوله اني هيج رخيصه عندك وماجنت احس 

خليت راسي عالجربايه وعيني للباب منتظره اي ساعة يدفعها ويدخل شايطه روحه مثل كل مره ويگول تردين تزعلين زعلي بحضني طلعة منا مالج غير للكبر

لوجه الصبح بعد مااتحملت  نمت واني دموعي على المخده كعدت صاير  الظهر شلت الفون بسرعة لكيت ماكو اتصال من مصطفى  اتصلت رفضه رجعت اتصلت دز مسج لاتلحين كلتلج اوصلج لمي غراضج

دااتصل غلقه رجعت الفون هذا شنو ديسوي بالضبط وين يريد يوصل شمرت الفون
كمت غسلت طلعت اريد اشوفه حتى اطلب تكسي

وجان اتصير دعاء كدامي بغرفتها وامها يمها يعني رجعها  باوعتلي واشرت هلاوو تضحكت  سحبت غترة مؤتمن خلتها يمها وعضت شفتها تباوعلي بشماته احس كلبي عصرني ردت انزل صعدت شعشبونه باوعتلي وضحكت كالت ماباركتي لدعاء ردها لذمته

-بالعافيه خلي يتهنى بس يجيج يوم وتموتين شتكولين لرب العالمين

-وخرري لج انوب عليه الصفره ام لسان الاعوج
دفعتني وصعدت يم دعاء واسمع ضحكهن وهيه تكلها حجيت ويا وكال كل طلباتها تعتبرهن تمن

غمضت ونزلت احس روحي داخل حلم وكل هذا جذب  رحت للمطبخ دخلت تهاني مكيجه وذابه الاسود تضحك كالت رجعت لولا هههههه

مسحت وجهي وكعدت احس خنكه بكلبي اجت سماح كعدت يمي كالت اشبيج

-لالاكلشي مابيه شنو قابل بيه

-غزل ميخالف اتحملي مؤتمن هسه معصب وميعرف شيعمل  فتره ويوعه لزمانه ويرجع كلشي لمكانه

-واني امتانيه لحد مايصحه لزمانه

-لاغزل بروح ابوج والله خيه مااعرف اشلون حجاها ولج البارحه للصبح مانام بس يدخن وعينه بالدرج عرفته خايف تعوفي هسه لو اعرف شنو براسه ارتاح

-يرد طفل

-لاوالله خيه موش لخاطر الطفل والله رجلي واعرفه كلبه وجعه عليج كالها وعيونه عليج  يباوعلج خايف يصيرلج شي  بس مااعرف عليش هيج عمل

-لان من البداية ماترهم جمعتنا وهاي صار الوقت كلمن يرد لحياته اني اصلا جانت غلطه دخلتي هنا

-غزل بعد عمري جا اتعوفينه ينطيج كلبج

-هو الراد هذا الشي

-هم اتكلي هو ولج وداعت بنتي يفتر مايعرف شيعمل محتار والله خفت لايصيرله شي تره موش سهله الصار كل المصايب وحده وره الثانية سوه اجنه

-امم هسه شنو المطلوب مني اتقبل واضل اتوسل بلكي يخليني

-لابس خليج بغرفتج بين ميهدأ تره مؤتمن هيج يحجي يوم واحد بدونج انتي وكيوت ميكدر والله يموت وراجن

-اي صح كلتها وكمت لبالها راح اضوج لو ابجي اتفاجأت من فتحت الثلاجه تكول ماهامني بس اكو نار تسعر جوايه مااعون مصطفى يكول يلا احس الخنكه كامشتني

طلعت سويت ريوك خليته على الميز كعدت اتريك بهدوء نزلت دعاء دخلت تضحك كعدت كدامي كالت كالوا طردج بس الضاهر ماكو كرامه

مارديت

- بدال الراح اجيبله عشره

ضحكت كملت ريوكي كمت غسلت المواعين اجت تهاني كالت اليوم الي كال

-دعاء اي الصبح جدتي قسمت دريتي شافتني مارديت ولاباوعتلها كملت وحدها اليوم التهاني وباجر الي وعكبه لسماح وكالتله بعد بكيفك تريد اتخلي غزل انه ماعندي مانع امسامحتها خليها هم بت عمك ويتيمه تكسب ثواب بيها متريدها خليك على التقسيم هيج وينعاد السره

تهاني- وشكال هو

دعاء- مارد بعده متاني بلكي عدها كرامة وترد لاهلها

تهاني- والله على طردت البارحه  الحصلتها ايست اتروح امبينه لازكه

دعاء- عههههه حتى لولازكه هو غير يوم بالاسبوع مالها لان عمتي كالتله اتخربط يوم اغضب عليك موش هم تمشيلي يومين وتخربط بكيفك تنسى الشغله وترد الصفر اشرلها لا

عفتهن يسولفن وصعدت غرفتي كافي السمعته منهن اتصلت بمصطفى رفضه ودزلي مسج الصبح اخذج

-الك نص ساعة اذا مااجيت راح اخذ تكسي واروح

-لخاطر اخلي طلقه براسج واخلص منج غزل انضبي وخليج مجانج بس الليله اريدج تشوفين شي لخاطر تعرفين نفسج شكد حماره ومايجي يوم ويحن كلبج

-اكثر من السمعته مستحيل بعد اكو شي

اباوع اصلا مااستلم المسج عرفته غلق فونه صفنت شنو بعد اكو

ضلت لليل ماطلعت احس روحي داخله بدوامة غراضه داير مدايري بالغرفه بس احسها وحشه من صوت ضحكته وهو يتحركش بيه يحاول يستفزني حتى يعاقبني بحضنه

دخلت هيفاء كعدت يمي كالت ولو زعلانه بس ماانطاني كلبي وهم مكرم كال صعديلها شوفيها عليش مانزلت خاف بيها شي

باوعتلها بتعب نزلت دموعي اجت حضنتني كالت لاتبجين بروح ابوج والله كلنه نعرفه مايطول يومين ويردلج ولج من هسه كلبه واجعه عليج عينه فوك ويكابر

-خلص لاتجيبيلي طاريه هنه كم ساعة وكلمن يكمل بطريقه

- خيه بس هالايام بروح اهلج لاتضوجين هو اخوي هم مدري اشبي من يعصب مايعرف شنهو يعمل

-لاسوه الصح لان اصلا جان زواجنا غلط

-ياغلط وره ماصارت عدكم طفله

-هيه هاي اجت غلط رجعتني مية سنه ليورا جان اني هسه بأمريكا عايشه حياتي ومكمله دراسه بس دمرت روحي بنفسي اشكد نصحتني ماما انزلها مارضيت كالت راح يجي يوم وتتندمين ماسمعتلها

-ولج  لاتحجين هيج غزل والله جاي تحركين كلبي يمه كيوت اشعزاتها هسه لوشايفه البارحه اشلون تضرب ابوها لان شافته صاح عليج  وزعلانه عليه  تالي لليل لمن نعست راحت نامت بحضنه 

-وين مهره ؟؟

-يم رجلها

-هم حاجاها مصطفى

-لاابد علاقتهم عاديه عليش يحاجيها

-لاهيج

- يلا  تكومين  تاكلين نزلي وياي فدوه اروحلج

-لاباجر انزل

-اي يروحي الله يهديكم ويردكم مثل قبل ماكو ثنين اذا متصير بينهم مشاكل وذني اعتبريهن ماموجودات حتى لو قسم تعرفين المعزه الج

-مثل ماكلتي مشكلة صغيره مومهم اتعدي

-يلا اكومن انيم ابني هسه الكه كيوت ماكلته

-ههه يلا اتحملوها بس اليوم

-شقصدج ولج بس لا تردين تعوفينا

-لا باجر اتنام يمي هيج دااقصد

-اها كلت انزل اكول لمؤتمن واحيله اخلي يصعد يسحلج يلا حبيبتي تصبحين على خير

اشرتلها وانتي من اهلو طلعت وسدت الباب ردت بس تخلص هاي الليله صدك يسويها ويروح لتهاني لو هيج هذا ديحرك بكلبي

مره الليل من عمري اروح واحي ماكدرت انام للثنتين واني روحي شايطة اخر شي مااتحملت نزلت رحت للمطبخ كعدت ردت بس اشتم هوا ردت واحد يكلي جذب مؤتمن ماراح يسويها ويدخل لتهاني

مشتعله نار مرت ساعة واني على كعدتي صار اذان الصبح كمت ردت ارجع طلع مؤتمن من غرفه تهاني صرت بوجها وكف باوعلي بعيونه نظره ماعرفت افسرها مثل الخوف لو شي ضايع  اخذ نفس وكال عليش كاعده لسه

مارديت رحت  صعدت بس احس روحي جاي تطلع ماعونت اوصل غرفتي وادخل  وسلقيها وراي رحت على الفرشه اريد اخذ نفس صدري انقبض حسيت كلبي ينغزني وبطني لوتني فركت كلبي مثل الصحاني لوقتي وگال قصتنا انتهت واني اختاريت النهاية 

مر شريط من جنت بحضنه وكلتله اشوكت مامليت رجعهن وكتها اعرف مالي مكان بعد بحضنك راح انسحب بدون عتب

كمت سحبت الجنطة مالت السفر من فوك الكنتور خليتها بالكاع طلعت غراضي وغراض كيوت

ماخليت حتى الذهب والجوازات اخذتهن سديت الجنطه دخلت للحمام سبحت طلعت شفت الشمس طالعه يعني وكت ريوكهم عدلت روحي لبست وكشخت مااريد اطلع مكسوره مثل مااجيت بأناقتي اطلع نفس الشي

سحبت جنتي باوعت للغرفة حسيت كلبي وجعني مااكدرت اكمل فتحت الباب ونزلت مااريد دموعي تنزل

لاخليني قوية اني كد القرار الاخذته نزلت جانوا يتريكون باوعلي مصطفى غمزلي وضحك ؛ شال راسه مؤتمن  باوعلي بس ماحجه رد دنگ يكمل ريوكه

سماح- وين تردين غزل

ضحكت كلتله يلا صار وكت اودعكم كامت رادت تجي تمنعي وتتوسل   شبكتها واني ابتسم 

كام مؤتمن راد يطلع ركضت كيوت جلبت بي شالها وطلع بره

شلت ملاك بستها  وحضنتها رجعتها لامها ورحت لبيبي دنكت عليها بستها كلتلها عمري ماكرهتج بالعكس جنت اشم ريحه بابا بيج باوعتلي

كلتلها مبريه الذمة عالسويتي ذكريني بالزين بيبي 

انداريت على عمه كلتلها مااعرف شكلج بس اكو منو الي يباوع للبشر ويحاسب

ردت اطلع صارت بوجهي مهره تاكل بضافيرها  وترجف

رحت يمها كلتلها لاتهتمين انتي مو اول شخص اخلي ثقتي بي ويغدرني صح غدرج كلفني خراب بيتي بس هاي قسمتي انتي مالج دخل

-غزل والله

-لاتحلفين سكتي الغلط من البداية مني مو منج اني ماابطل حالتي عايشه عليك يالله ومفكره العالم مثلي يلا ديري بالج على مصطفى تره متحصلين مثله نصيحه ابتعدي عنهن تره راح يكون مصيرج مثلي

انداريت  اشرت لمصطفى يلا كام اخذ الجنطه بجت سماح كالت بروح ابوج لاغزل

ابتسمت  سلمت وطلعت عفت وراي كل ذكرى حلوه مرت الي بهذ البيت

كل ضحكة وكل دمعه نزلت عفت حب وغزل مؤتمن عفت حنيه وخوف سماح طلعت اودع كل لحضه مرت بينه

صعدت السيارة اجه مصطفى صعد الجنطة راح اشوفه اشلون اخذ كيتي من مؤتمن وهيه بجت متريد اتعوفه تكول كلبها حسها

دار وجها واشرله روح وراح يمشي غير جهه مدنك  اجه مصطفى انطاني كيوت صعد لكاني عيني بمؤتمن الي ردته بس يدير وجهه يباوعلي 

اردت بس يحسسني بحنيته لاخر مره فززني مصطفى وهو يكول نكول يالله

ضحكت اشرتله يلا شغل سياره ونطلق …

لاتنسون التصوين ⭐⭐⭐⭐⭐