رواية كفي والمنجمه الفصل الثامن والستون 68 - بقلم Leo Alfatlawi

كفي والمنجمه

بقلمي: leo Alftalawi

بارت الثامن والعشرون /ج2/

هاي الكلمة كافية تخليني افقد كل امل الي بالدنيا اسمعها تحجي تكول راح ابو الضحكة الحلو راح اخي يغزل راح شبابه شوية وتلاشه صوتها صار بحيج وختفى ماحسيت بروحي

صحيت ضربات مؤتمن على خدودي وسماح تغسل وجهي

فتحت عيوني شالني مؤتمن خلاني على قريولة بيبي باوعتله وشهكت اتحسر مسح وجهي وكعد يمي

كمت كعدت كمشت ايده اباوعله بترجي وهمست مؤتمن لخاطري لاتخلي ينسجن سوي شي طلعه

اتحسر وكال شطالع بيدي

-اخذ مره لخ مشية روحلهم الله يخليك مؤتمن عشيرين سنة تعرف شنو يعني بعد مااشوفه راح والله اموت ورا الله يخليك شوفلك شي لاتخلي يبقى هناك محبوس

جدي- يستاهل اتركوا يتااادب

-لالا مؤتمن لاتسمع هذا اخوك مؤتمن الله يخليك كلشي ولامصطفى لاتنسى اشكد وكفلك

بيبي- يطكه حريشه محد كله روح اجتل خلي يخيس بالسجن نخلص من شره جا ولدنيا راحوا ابسبته هيج والله يفكنه منج جا خير يمه رادلها بخت يبو الحسن

كمشت وجه مؤتمن درته عليه اشرتله لاتسمع اباوعله ودموعي تنزل وخر اديه وفرك وجهه دنگ محتار شنو يسوي

صاح مكرم ناخذ بعد مشيه ونفصل من جديد

جدي- بعد فلس ماذب عليه ماكو واحد يشمرله دينار كافي الصابنه بسبت عمايله المايلة

كلتله من مؤتمن مومنك انداريت لمؤتمن -انت طلعه

-مااعندي بعت الوراي والجدمي صفرت بقى بس المصنع واذا بعته منين اعيش هالعالم

-اني ابيع شنو عندي املاك باسمي اخذهن بيعهن

جدي- انتي تنكتمين مالج ولافلس يمنه هاي املاكي موش سجلها بأسمج حسبالج تلعبين بكيفج

-لاملاتي وابيعهن كولهن ولااخلي مصطفى يوم بالسجن

مؤتمن- ميكفن يردون ... بعد

-ابيع الذهب

هيفاء- انه هم ابيع ذهبي وعدنه كم دينار لامينهن ومرته هم عدها ذهب يخوي يلمن لاتتخلى عن اخينا

-لايخوي اشلون اتخلى عنه بس مابيدي شي اعمله ماعملته حسبالي تخلص الشغله هيج ويتنازلون بس النواقيص ماتنازلوا هسه اتصل ابنهم يكول النه...يمكم اذا تردون ابنكم

صحت عوفهم لايتنازلون احنه اندبرها بس روحلهم

-شندبر غزل ال...موش لعب جهال لاحسبالج الكاع والبستان يجيبن تراهن زراعيات مابيهن افلوس

-هسه اخبر ماما اتبيع سيارتي وادز افلوسها بس روح

مكرم- يخوي انه هم اداين وانبيع بيتنا نرجع هنا

اتحسر كال باجر اروح لشيخ ابراهيم هم احجي ويا ناخذ مشيه جديده ونشوف شنو طلباتهم حتى يتنازلون

جدي- يمؤتمن اذا وصلت كرب المصنع اتبره منك

-لاجدي مااوصل كربه نعمل النكدر عليه بس موش انبهذل العيال ونكتلهم جوع رزقنا كله عليه

دفعته وكمت كلتله مو بكبفكم المصنع الي بي اربعين بالمية اني ابيع حصتي

جدي- بالعباس اكومن اجسر راسج واخليج حتى نفس ماتتنفسين

-ميخالف سوي التريده بس مصطفى مااخلي يبقى هناك

مكرم- وين ورثه وين ضام افلوسه

مؤتمن- والله يخوي لاورث ولافلوس وحتى حصت امه الاخذهن من خواله هم ماكو ماعرفن وين يودي الفلوس اشكد ياخذ من المصنع بس دومه جيبه خالي هالولد راح يخبلني لااعرف اشلون عايش ولااعرفن وين بودي افلوسه

بيبي- تلكي على اسوالفه المجسره عبنه اعوج

-ماعنده سوالف مجسره هذا الي محيرني

بيبي- عوفه يجده لاتطلعه هذا يعمللكم مشاكل

مارد مؤتمن كام طلع واني حتى رجليه بعد متعيني من اتذكر مصطفى بعد مااشوفه

مااعرف شيصير بيه خنكه كامشه بلعومي اشلون اكمل وهو ماموجود يوم واحد من غيره الف مصيبه اتعرضلها ما اتخيل حياتي من بدونه

اتعده الليل مانعرف اشلون ولاواحد نام كلمن صافن بجهة كلها محتاره اكثر واحد مؤتمن لان اصلا مادخل للبيت ضل كاعد عالشط

اباوع لغرفته واتخيله يطلع منها مثل كل مره يأشرلي ويضحك العبره كمشتني احسها خانكه بلعومي

كامت سماح كالت كافي خيه راح يصير الصبح وانتي مابطلتي بجي

شهكت گلتلها بكسره هذا مصطفى ولج تعرفين شنو

-اعرفن يخيه بس شبنهو بيدنا

-ولج مااكدر بدونه والله اموت عزا البيت هيج يضل فارغ ماهو بي يمه غير اموت لالا اشكد يردون ننطي بس يطلع

-دكافي راح تموتين وانوب هو هناك هم شايل همج كل مايرحوله كال عينك بيها تراها ثوله تذب روحها بمصيبه بدون عقل

-يمه دخيلك ربي كلشي ولامصطفى ياربي دخيلك

-دكومي راح يأذن بطلي بجي وروح فرشي سجادتج صلي واندعي الله يفكه من هالازمه كومي خيه انتي كلبج فطير الله يسمع منج

كمت انطيتها كيوت وصعدت اتوضيت فرشت سجادتي ضليت ساعة كامله اصلي اندعي وابجي ربي يفكها عنه اخر شي ما تحملت كمت لميت سجادتي اتصلت بماما رن - ردت مخروعة كالت هاولج شنو الصاير تتصلين هسه كيتي بيها شييي

-ماما مصطفى كلتها وبجيت

-عزا بعينج غزل شنو ولج ماتت

-لاماما راح يسجنوا عشرين سنة

-يمه دخيل الله لويش ولج

-كتل واحد لكاه يتحرش بطفلة

-مافصل رجلج ماصخم لعد وين شيخ وشيخ تالي اخوه ماكدر يطلعه من هيج مصيبه

-فصل ماما...بس بعد ... وهو ماعنده فدوه ماما ماعندي غيرج ذوله اهلي جلاب مينطون ومؤتمن عجز ماعنده دبريني

-يماما منيلي ولج ال ...مولعب الله ينتقم منهم على هيج مبلغ شنو كاتل رئيس دولة

-مااعرف ماما الله يخليج اتصلي بسيف خلي يبيع السيارة وانتي شنو عندج افلوس دزيلي الله يخليج فدوه اروحلج والله اموت من غيره

-كافي لاتبجين يا امي هسه هم اشوف عمج قتيبه بلكي يبيع سياراتنا اشوف اشكد اكدر الم وادزهن الج والله اني كارهتهم بس مصطفى لامايستاهل خوش ولد

-اي والله ماما كال مؤتمن اذا دفعنا الفلوس وتنازلوا بالدوله اكدر اطلعه ثاني يوم بس اذا مالحگنه ينحكم عشرين سنة

- اشكد ناقصين ضربوهم فصلين خاص وعام اشكد انذال وماعدهم شرف فوك ماابنهم عار يله حبيبتي اهدي باجر اردلج الخبر

-اي ماما فدوه بيعي اي شي عندج لخاطري ماما اموت بدونه والله

-اعرف ماما والله اعرف رب الاخذ بنتج وسامحتي عرفت معزته بكلبج اشكد ان شاءلله مااقصر يله يروحي لاتضلين تبجين مو زين عليج تدبر اعرف مؤتمن ماراح يتخلى عن اخوه

سلمت وسديته شوية امنت يعني نكدر المهن رحت للكنتور طلعت الذهب عزلته

شفت ساعه الجابلياها حطيها على كلبي عزا مصطفى صدك هيج ولك تعوفني اشلون مو اتكول ثوله اتيهين من غيري مو تكول اني الي ابتليت بيج امج البدلية لعد اشلون انطاك كلبك تتركني

ماجان تكتله اسلمه للحكومة لويش ورطت روحك وضيعتني وياك

كعدت بالكاع احس روحي خالصه بجيت لمن بعد مابيه افتح عيوني كلت لا مااخلي شنو كاعده ابجي الفلوس ادبرها حتى اخذ ورثي من ماما المهم مااخلي

كمت اتصلت بهيفاء كلتلها ذهبج والفلوس العدج كلهن جيبيهن

مااعترضت غلقته اتصلت بمهره لان بعدها يم امها سولفتلها عالصار كلتلها وذهبج جيبي بس صدمتني كالت لاغزل مااكدر وهنه هم ماراح يفيدنا قليلات

انصدمت من كلامها صدك عينها فارغه ومااشايفه مثل ماكال مصطفى اني هم مااجادلت ولاحجيت زايد غلقته بوجها

لميتهن ونزلت رحت لغرفه سماح كلتلها تنطيني ذهبج لولا

-ياع خيه جا المن خالته اذا لاخوي ماانطي اوكفي هسه اطلعه

كامت انطتنيا خليته عالذهب مالتي وخليته عالميز كلتلها راسي دايخ حنام شوية

-نامي ولج وجهج اصفر

-اني خبرت ماما راح ادزلي كل الفلوس الجامعتها وتبيع سيارتي هم وحتى ذهبها كالت ادزه

-والله يفريال طلعت بت اصل

-ولج مهره ماقبلت

-ههههه متوقعه منها هالشي تركيها خلي تولي دنامي يلا لاتوكعين وعلي مؤتمن يشمرج بالشط كافي البي

خليت راسي من التعب والتفكير رحت بالنوم كعدت على صوت مؤتمن وهو يكعدني كمت اباوع الساعه ثلاثه العصر همست هاي اني اشكد نايمه

-نوم العافيه دوقعيلي هنا

-وين هنا

-اي ...وهاي بعد هم وقعي هنا ...وذني هم

خلصت توقيع على اوراق كال غزل متاكده تردين اتبيعيهن موش تجين وتكولين عليش هيج عملت بس وداعتج اعوضج غيرهن لو مامجبور فلا اخليج تعملين هيج

-لاعزا اخذهن وحتى الذهب وماما حدزلي الباقي

-اي يابه حجتلي سماح لا تشكريلي منها دبرت الفلوس

-يعني حيطلع

-ماادري بعد ساعة اخذ الزلم ونشوف وين تصير يلا كومي لاتضلين نايمه اتغدي وروحي ويه عمتي غيري الضماد

اشرتله اي هو طلع واني كمت غسلت طلعت للمطبخ البيت كئيب كلها ضايجه صبتلي سماح خلتلي الاكل كالت يلا وتكولين اطلكج جا منهو يخليلج الاكل

-ههه سكتي احسها بومة هاي كلبت البت وطلعت

-والله خيه شكلج يلا الله كريم تگظي وتصير سوالف كملي وروحي ويه امي امتانيتج

-صدك كال مؤتمن دبرت الفلوس

-شو خلي اكعد حتى انسوالف براحتنا

سحبت الكرسي وكعدت كالت راحوا مشيه هسه بس يكول نكدر نضغط عليهم انزل شوية
عاد باع البستان والكاع مالتج لجدي وهو باع بستانه هم لجدي بقى معتاز كم دينار كلتله اخذ الذهب مارضه كال ادبرهن

-يلا الحمد الله بس كون يطلع

-يطلع خيه يطلع ما يخلي اخو بالسجن لخاطر افلوس ولكه ضباط هم عرف دكوله صدر كالوله بس خلهم يوقوع تنازل وحنا انطلعه ثاني يوم يعني يفرون السالفه ماعرف اشلون

-ذهب هيفاء رجعتي

-اي خيه كلمن ذهبها رديته وحتى افلوس مكرم مارضه مؤتمن واحد يشارك بالفديه غيرج انتي ويا ماعرف عليش

خلصت اكل كمت ويه عمه رحنه للمضمد بدل الضماد وعقم رجلي وعمتي كاعده وتدعي على دعاء وامها

رجعنا للبيت لكيت ام مصطفى كاعده بنص البيت وتبجي وهيفاء مكابلتها عفتهن ورحت لغرفتي لان روحي رايحه حتى بنتي مااعرف عنها شي مبتليه سماح

خبرت ماما كلتلها بعد لااتدز افلوس دبرت وغلقته

رجعت نمت تكول بسبات مااعرف تعب مااعرف اني اريد اخلص من الواقع العايشته

مرن عشرة ايام والكل مخبوص وحنا على حالنا محد يكول شنو الصار بس عرفنا تنازلوا يم الدوله كالوا ايام ويطلع

الصبح كاعدين بالمطبخ وحده صافنه بوجه الثانية وماانسمع غير السيارات طبگت وصوت الرمي بالجو

طلعنه نركض واشوف مصطفى دخل يضحك احس ردت روحي ماامصدكه رجع

طلعت ردت اتلكاه واتحمدله بالسلامة شفته كاظم يذبح جوه رجله عجل اني شفته واني بعد مااحس باليمي

فتحت عيوني مؤتمن يضحك ويغسل بوجهي ومصطفى واكف على راسي اديه بجيوبه كال اتفل على وجهج هذا استقبال طيرتي متعة الحياة بذبح عجل صبوحه جوه رجلي

كمت كعدت مسحت وجهي اخذت نفس مااكدرت احجي بجيت بسرعة ضحك مسح على راسي كال خبلة رجعت على شنهو تبجين

مؤتمن- على املاكها الضيعتهن

-والله تريد الصدك حتى انه راح ابجي ولج اكو ازمال يبيع هلكد املاك لخاطري هو انه بنفسي مااهون اذب فلس عليه

شلت راسي مسحت دموعي كلتله عزا لبالي بعد مااشوف

-ثول اكو اسهل منها طكي صبوحه جيله وتعالي وياي للسجن

صاح مؤتمن مصطفىىى انكتم ولي للديوانية العالم اجو يله لاتضل تلغي

باوعلي وغمنب راد يروح كلتله اوكف خلي ابشرك

-خير

-دعاء اطلكت

-ههههه بيها الخير الي يشوفج يكول حررتي الاندلس هيه معفنه بس هم خوش خبر بقت بس وحده غمزلي وطلع

شنو قصده هم يرجعها مؤتمن والله يسويها صدك باوعت لمؤتمن عبست بوجها كال بالعباس اسويجات انتم هز ايده وطلع وره مصطفى

صار هوسه والناس اجت والطبخ واحنه انخبصه خبص وياهم

كلمن بجهه واكفه مهمزين مصطفى مبتلي بكيوت وهيه هم مامصدكه مجلبه بمتنه مانزلت ابد

دخلت عمتي وهيفاء يهلهلن طلع من الديوانية طشن على راسه جكليت وهلهلن اجيت ردت اخذ جكليت كالت عمتي ها ردت ضحكتج
ولك للصبح لا نامت ولااستجنت كضتها مناحه وراك

مصطفى- موش اكلكم امتيها امها بيه ماتصدكون

كلتله ابو امها تره ماما اتسلم عليك وتكول اعذرني مااكدر اجي لان حتسافر

-كليله كفت وفت عمتي والله وطلعت كفو تسوى اهلي من صغيرهم لجبيىرهم

عمتي- شنهو ولك

-لاعمه اقصد من صبوحه لرجلها لايروح بالج بعيد

-ياع انوب يكولها بوجهي ولك جدتك لا تجيب طاريها

-لاااا هاي ماارضاها منج جامنهو اليصيح عليها من تموت بعلي غير اسودن هيج اوكف بنص البيت وامدها اكبالي والطم بكل حيل صدر يبعد حيلي يصبوووووحه

على صوته طلعت كلته من عسى حيلك راح ماشفت راحه ولك ابيش طالبني يالاغم

-بكل خير جده

حاجها ورفع حاجبه وهيه عفست وجها كالتله جامابگيت بالسجن واخلص من شرك

-من تاكل الجلاب غزل مووو صبوحه حسبالج ماادري هناك واعرف كل الدار براسج بس باقين نتمدد على چياد الرادلنه الموت

تفلت علي وردت لغرفتها وهو ضحك كلتله شنو قصدك

-ولج يالثوله لولا حرمات اكلج ثوله انتي اوطئ من هيج شي اظلم الجلمه بيج

-عوف الثوله وكولي شنو دتقصد ولويش تفلت عليك

-متفقه ويه مرت الشيخ يطلعنج حتى يلكفوج بيت حمزه ويساومون مؤتمن راس براس انه وياج تريد تسلمني تسليم ايادي صبوحه حتى الحرس مالتهم الخالهم الشيخ دازتهم بشغله حتى لاينكشفن

- اي والله صدك حتى اني شكيت لان ماشفت ولاواحد بالباب همه جان عدهم شباب اثنين يوكفون اختفوا على ساعة صدك انت اشلون عرفت

-اول ماخبرنه غيث رحت سلمت نفسي بدون لايدري مؤتمن حتى لااخلي بهيج موقف لان اعرف وراها راح يجون لغيث وياخذوج منه ويساومونه تالي نامت خطتها بالفشل

-تدري جان اكلتني الجلاب

-شياكلن منج باقيه بس شعر خايبة دولي كالها ودفعني صاح مؤتمن هوشش شنهو حدكم دقيقه وتتهاوشون بويه عليش متركدون انتم

- هو دفعني وغلط عليه تقبل

-خرب بأهلج تجذب ولك مؤتمن هاي تعلمت اجذب طلكها يخوي

-عزززا مؤتمن مو كدامك دفعني طرده من البت

اجه مؤتمن يمنه يضحك كال ها اختلفتوا حلو انه بامان ماطولكم مختلفين خليكم هيج افضل

باوعت لمصطفى غمزلي كال صدك المعفنه خذت اغراضها بعدها

مؤتمن- لابعدها عليش تسال

-يعيني ناوي تردها

باوعت لمؤتمن كله مصطفى ولي للديوانيه لاارفس بطنك وانعل صفحة الطلعك

راح مصطفى وكفت لمؤتمن اباوعله بخزره ضحك كال غزل عيونج لابززهن

-صيحلهه خلي اتلم زبالتها

-موش وكتها

-لاوكتها لو اتريد ترجعها والله اعرفك

غمزلي وكال شنهو تطيني واخبرها تجي اتلم غراضها

صفنت بوجها كلتله ماعندي بقت بس ساعة مصطفى

دفعني وكال حظج وحظ مصطفى ولي من وجهي راح يدردم يكول محسوبه مره انعل

- تره سمعتك

اندار اشرلي تعالي شفته معصب ركضت لغرفة بيبي كعدت يم عمه كامت ام مصطفى باستني كالت ربي يحفظج ويخليلج بيت ورجلج على العملتي

-شكرا خاله بس هذا اخوي

-ادري يمه والله حتى هو حاسبج اخته واعز هم مايقبل يجي يعيش وياي يكول اشلون اتركها تاركني لخاطرج

ام مكرم- يااا لاخيه احنه ماننطي لاتفكرين تاخذي يمه البيت من دونه مايندخل ملحت البيت هذا

-هههه لاهو هم ميتركم تعود عليكم وانه مستقره يم اخوتي بعد

بيبي- امم جيبن يالحيايه وشمر عليه

عرفتها تقصد علينه ردت ارد عصرت ايدي عمتي كمت طلعت

دخلت مهره وامها بالبداية جنت ضايجه من تصرفها بعدين كلت يجوز متفتهم شدخلني هسه سالفة وراحت

اجت تركض شبكتني وباستي واجت امها وراها سلمت وراحت لغرفة بيبي اني صعدت لغرفتي

اجت وراي كالت اريد احجي وياج

-شوفي مهره ذهبج وانتي حره بي والصار شغله وراحت انسي داده ومصطفى محد يكله امني

-يابعد عمري والله مااكدرت انطي تعرفين من معزتي لمصطفى وهاي اول هدية منه مااكدر افرط بيها

-الله يديم المعزه لويش اليوم يالله اجيتي

-هاا موش خالي اجه ويرد ياخذ امي وخواتي ضليت وياهن الم غراضهن ونتوادع

-اها يعني مترحين وياهم

-لايمه اشلون اعوفن زلمتي واروح لاخيه هذا بيتي مااطلع منه بس للكبر

-اسم الله عليج يلا د ايريد انام معتازه شي

-لابس يعني

-شنو كولي

-موش امي راح تروح وبعد هواي يالله اشوفها الله اعلم اشوكت ماعندج ملابس غراض زايده لخواتي واذا افلوس بعد احسن ادري جاي اثگل عليج بس ماعدنه غيرج وانتي تعرفين بحالنا بس اذا ماعندج مااريد عوفي

-انتظري هسه اشوفلج

كمت فتحت كنتوري طلعت كم شغله ملابس وتراكات رحت للميز طلعت اكسسوارات لخواتها على كم حاجه هم كلت اشتري غيرهن خطية شفطتهن بالجيس وفتحت كنتور مؤتمن اكو قاصه بالكنتور جنت مااعرف الرقم بس مره جنت واكفه ابصفه فتحها كدامي عرفته

اخذت ميتين الف قفلتها انطيتها كلتلها مااكدر انطيج غيرهن لان اخاف يعتاز

اتشكرت طلعت طايره بيهم كسرت خاطري كد الفقر العاشته تفرح على ابسط شي

رجعت لفراشي هسه واخيرا انام براحه لادعاء لاهم يحزنون

تمددت نمت كعدت على نفس مؤتمن بركبتي دفعته عصر ايدي كال بالعباس اخابرها هسه واردها تنجبين وتنعدلين

-شنو تخابرها تره تعبانه اكو بشر تعبان يريد يرتاح

-عود باجر كالها وعصر وجهي ودنگ دفعته وصحت تعبانه ياعاااالم

رفع راسه هفني راجدي ردت اصرخ سد حلكي دنگ عضني عضه احسه شوط روحي صدگ خلاني اتندم اطلع دعاء منا

وخر دفعني وكال يله هسه ارتاحي براحتج

باوعتله بغضب لفيت روحي واني امسح بخدودي همست دنع اتضل عمرك كله ماشايف

شفته اندار راد يرد يلكفني طفرت ركض للحمام سحبت وطلعت لكيته منتجي عالجربايه بيده جكارته شافني خلاها بلحكه واشر تعالي

رحت يمه سحبني لحضنه باس راسي وخلاني على صدره ضغط عليه وبأيده الثانيه وخر الجكاره همست مؤتمن اخذت منك ميتين الف ترا

-منين اخذتي

-من القاصة جنت معتازتهن دزيت شغله

-فداج اخذي التردي

-اشوكت تخبر دعاء تاخذ غراضها

طفه الجكاره واندارلي كال وعليش هلكد مهتمه
شنهو اذا اريد اردها تمنعني غراض اشبيج انتي

-مااريد اغراضها هنا ماصدكت نرجع سوه وحدنا

-بس هاي السوة كلشي مامستفاد منها

-يااا لعد منو من شوية جان ديسحل بيه هاي شفتي حتى ما اكدر احجي هلكد ماسحلتها

-شو وينها

-مؤتمن

-اششس ثبتي

لو ادري ماحاجيه رجع مؤتمن اني روحي طالعه من الحمل وهذا فايخ يريدني اجاوب ويا

ادفع وانكتل ويرجع يسحل بيه وارجع ادفع ساعة اتكتل وساعة انعض لحد ما بهتت هدأت من وحدي حس عليه شال راسه گال اشبيج بويه شنهو تعبانه لو اكو شي يوجعج

خفت يكتشف حامل كلتله لابس لان مانمت هواي مابيه حيل احجي

انكلب اخذني لحضنه دنگ باس راسي وگال نامي بنيتي

-اشوكت اتخابرها

-غزل كلما تكولين خابرها اردلج ماعندي شي لباجر الصبح مستعد اضل

-لويش عيني كول مااريدها تاخذ غراضها حتى اضل اتامل بيهن

-تعالي انتي جنج ماتركدين ولا تتأدبين اذا مااسحلج سحله معدله كالها ونكلب خله راسه بركبتي صحت لاجذب اصلا رجعها دا اتشاقه وياك مؤتمنننن فدوه بس باوع دااكلك مؤتمن مؤتمن عااااا ولك دااحجي مامااا لحكينييي

شافني كمت اصرخ عض خدي دفعني وكام ؛لازم يذلني يالله يتركني اتكول جايبني من الشارع مو مرته

طبك اديه وره ظهره طكه اباوعله مو ظهر تكون حايط راح للحمام لميت روحي وسبيته وكف عكد حاجبه كال شنهو كلتي

-هيج ماحجيت اصلا

-اها خوش انه داخل للحمام بس اذا ترديني اخابر دعاء تره بعدها بأولها كولي لاتخجلين

-لاااا لا مااريد اتخابر روح الله يطيح حظها وحظ ابوها طاح حظي بطلت

ضحك بصوت اخذ المنشفه وراح

يومين والناس يالله بدت بعد ماتجينه خفت ؛كعدت الصبح لكيته ماهو ماخذ كيتي ونازل

كمت غسلت رحت للميز رتبت وجهي و طلعت واني الم بشعري داانزل لكيته واكف يم الدرج يسولف ويه سماح وهيه اتعدل بالحزام مالت السلاح نزلت على السريع وصلت يم لفيت اديه على ركبته من وراه دار راسه كال ها بلشنه

-شيلني

-شنهو ولج؟؟

-اي شيلني وديني لهناك

هز ايده وسماح تضحك كاللها يلا بله استلمي منين هالعطلات تطلعلك من الصبح

سماح- شيلها يمعود ودها للصالة لايضل بنفسها

- اي والله يضل بنفسي شيلني

فتح اديه من ركبه كال ولي لج وهاي شنهو خرب بشكلج دشداشتي اشصار بيها

رجعت صعدت لان اتلوخت حمره ضل محتار يمسح وسماح تقنع بي مابيها وصلت اخر درجة فوك صاح نزلي خمس دقايق غسل واوتي لاالزمج افلش جهرتج

اشرتله اي ودنكت ردت اطفر صاح هوووش نزلي مثلي البشر او لااا تعاالي

وكفت
-وعلي يغزل اصعد اهفج من فوك كلتلج تعالييي

-اي حتى تكتلنييي

-ماطگج نزلي

-بعد مااطفر ابدد اخر مره

اشر اي تعالي

نزلت وصلت يمه ضميت خدودي وسماح كامشته تضحك ما تريده يكتلني قاطعتنا دعاء بدخلتها هيه واختها هيه دخله وهيه ركضه كمشت مؤتمن تتوسل كلها شيلي ايدج وبعدي بويه ميصير

-دخيلك اخر مره اعملها بس ردني ماراح تسمع مني لاصوت ولاراح تشوفني من الاساس واذا شفت عليه شي راح اطلع قبل لا تطلب بلسانك

-انه لواريدج تكملين وياي جاماطلكتج من الاساس روحي بويه الله يسهل امرج

-لالااا بروح اهلك اموت بلياك

اجيت انزل اسحلها بس وقفني دفعته الها وهو يگللها خليلج كرامه شوية وحسبي حساب لشيبات ابوج يلا لمي غراضج وتوكلي بسرعة

عافها وراح للديوانيه كعدت يم الدرج تباوع ورا وتبجي بصوت دخل مصطفى يغني بصوت عالي

اواسي بكلبي وجروحي والملم عمر الباقي

ضحكني اشرتله هلاااووو

صاح هلا بعد اخوج وطوايفه

كام دفعتني صعدت كالت لاتفرحون زايد راده غصباً عنكم

عفتها ورحت للمطبخ اتريك اتريكت وغسلنه المواعين وهيه بعدها سماح كالت شنو اشجاي اتلم

مهره- ماادري بس اختها طلعت تودي وجبه الاولى من غراضها بقت بس هيه

-شو خلي اكوم اشوفها عليش بطت مامعقوله ثلاث ساعات اتلم جرود

كامت صعدت ماكو ثواني سمعنا صرخت سماح طلعنه نركض صعدت لكيت دعاء واكعه بالكاع وزايعه من حلكها ابيض

خفت من منظرها لبالي ميته رجعت ليورا نزلت مهره تركض اتصيحهم يلحكوها

سماح شالت راسها تمسح بوجها وتضرب على خدودها وهيه ولاالها روح دخلوا مكرم ومؤتمن دنك مؤتمن لفها بعباتها وشالها طلع بيها

كعدت مكاني كامشتني الرجفه اجت سماح كال انتي شجاج خيه اشصابج

-ولج بس لا ماتت وهسه جنت اضحك عليها

-خافي على ارويحتج كومي هاي ما تموت عملتها بس حتى مؤتمن ينجسر خاطر ويردها

-تموت روحها هيج بساطه

-اي هاي دعاء الي جانت توكف باب المدرسة بالساعات بس حتى تباوع طوله والي خلت ابوها يجسر هيبته بس حتى يحرج مؤتمن جدام الكباريه وياخذها

- غمضت دنگت امسح احس الدنيا تفتر

-دكومي غسلي وجهج صار اصفر لاانوب اطيحين انتي غزل تراه الدكتور حذر اكثر من مره كال كل اغماء يتعب كلبها اكثر خيه اشمالج بايعه روحج

-لامن اني وصغيره اذا انصدم يغمه عليه ماله شغل مرضي بهذا الشي

كمت غسلت وجهي وتمددت خفت على طفلي يوميه هبطه عفيه طفل راح يطلع راسه امربع من وره الخرعات

للعصر وماكو خبر تالي عمتي لبست وكالت رايحه وراهم اشوف شنهو الصار بيبي هم كالت اخذوني وياكم

طلعن لليل دخل مؤتمن وراه هنه اجه سلم وكعد ركضتله كيوت شالها يبوس بيها خلاها بحضنه

سماح- شنهو الصار اشلونها دعاء

-مره خبله شاربه سم فار ومنتحره

-اصخام بوجها منيلها وشنهو ماكو مجان تموت بي غير يمنه عفيه بيت بس مصايب

بيبي-من دخلت بت فريال وجه الفكر كل المصايب دخلت وياها

-شكرا بيبي اني كلتها ومؤتمن خزرني سكتت اجت شعشبونه كعدت اتقنع بي يمه ردها وانه اكفلها اذا صار شي بيدي اردها ولك العالم تجي منهو يتلكاها غير شيختك هاي ولازمه ظهرك موش اول غلطه هيج شمرتها

-سالفه وخلصنه منها سدنها

-يبعد امك خطية جاهيه ميته اليوم شذنبها

-يمه دخيل ربج كافي ميصير ارتاح بويه عتقوني رحمه لدينكم كالها وكام صعد للغرفة

رحت وراه دخلت لكيته متمدد اشرلي تعالي رحت يمه اخذني لحضنه جان ساكت كلتله شو ساكت بس لا كسرت خاطرك تره لو ماهذا الولد صديقك جان هسه ترش علينه مي ورد

-لايابه على شنهو ضايج بس ابوها جسر كلبي واكف يبجي هيج البز عزيز نسى كل اغلاطها يريدها بس تكوم

-طبعا الطفل عزيز بس خو مواترجعها شنو والله انتحرت مؤتمن تره انتحر هالمره اني لان طكيت

-متاكده وتخيلني اكمل هيج بهدوء ويه دعاء

-لامو اكتلك قبلي ونوب اموت وراك

-اي هيج هيه غزل الي اعرفها هاي بس اكو خبر يعني هو خوش خبر بس موكلش لبعض الناس

-شنو ياستار كول مؤتمن

ضحك كال بس لزمي اعصابج

-شنووو تره وترتني

-دعاء حامل

-اشلون حامل منين اشوكت رحت مؤتمن

-والله شكلج اتكول صار ثلث اشهر لو اكثر ومااعرف روحي حسبالي خربطه بالهرمونات

-لعد والابره الاخذتها مال التفجر شنو وشلون الدكتوره كتبتها بلا تحليل مؤتمن تره الحجي الدتكوله مو قانوني

-يابه شعرفني بسوالف النسوان ماتنكتمين البت حامل وكان الله يحب المحسنين

- يلا اول وتالي تنكشف قابل اتضل عمر تجذب بس اخاف اتكول اريد ارجعها

-عطيتج جلمة يعلة كلبي وحتى لو موش حامل ماردها لويصبوها ذهب بعد العملته وهاي الحمد الله حلت الازمه بهالخبر

-اول مره اتصير خوش ولد

-شنهو ولج كالها وكام كعد خليت ايديه على خدودي كلتله والله خاني التعبير بالغلط حجيت اسفه والله مؤتمن بالغلط

-امم بالغلط واسفه هيج فوكاني شستفاد منها هاي

شفت نظرته موراحه يعني وراها سحله

سحبت روحي على كيف وطلعت اركض اسمعه وراي كال خو موش تضلين للصبح جوه روحي لاتجين احسلج

مر شهر واحنه اسعد منا ماكو رجعت حياتي استقرت ويه مؤتمن الظهر يم سماح مرات هم تصدف بليل يبات مااحاجي لان اصلا ادري بي يروح مو رغبه بيها بس حتى لاينكسر خاطرها واتحس روحها مركونه

طلعنه مرتين اخذنا اني وياها عالشط اتغدينه اشوفه اشلون يلعب ويه اطفاله فرحان بيهم ولا تكول هذا مؤتمن المعصب هيج يلاعبهم

طبعا الحصه الاكبر باللعب كيتي هو يكول لان الصغيره بس سماح اتكول صح من شمتها اعرف معزتها خليني ساكته مؤتمن هو مايرد يضحك ويرجع يشم بيها

كاعدين اني وسماح عالدرج نسولف ودخل مصطفى شايل الجلب صغير على كلبه صاح بعلو صوته كيوييييي اشتعلت امج وينج بويييييه

طلعت كيتي هيه وكفشتها اطارد من الغرفة مو تكول مصطفى صايحلها اتكول نزل ملاك من السما

فاتحه اديه وشاكه حلكها وطايره هو هم شمر الجلب واتلكاها حضنها وضل اشكد

عوزهم بس عتاب وموسيقى حزينه اتكول اسنين واحد مشايف الثاني فد منظر كولش اوفر يفشلون

كعدها كدامه وهو تربع وخلوا ضحيتهم كدامهم جلب صغير عين مفتوحه وعين مغمضه مدري امدكنه

رحت يمه كلتله عزا مصطفى هذا شنو

-صبوحه اءء قصدي جلب

-اعرف جلب بس اعور

-ثول اعور شنهو عينه امدكنه هسه الطعها يفتحها

-عيع مصطفى عيع وبعدين لويش مهروط اول مره اشوف جلب مهروط وين الشعر هذا شنو جلب لوجريدي

-مال اتفل بوجهج هذا اغلى منج واذا عالشعر سهله تره موش كل العدهم شعر براسهم خير هاي انتي اكبر مثال جنج قرد لاحظ ولاثمر بس شعر ها بابا كيوي حلو

كيوت امكنبصه كدامه فرحانه اتكله اييي وتضحك

-مصطفى تره موحلو والله شكله يخزي شنو هذا

-ولج ولي شوفي كالها وشاله يخبل يمه صدقه يجنن بعلي احلى من الي ابالي تعالي بس تبوسي تحبي

-عيع مااريد احبه كافي انت وبتك نفس الذوق حبوا سوه

يلكف بي وهو روحه رايحه يمكن لاكي بالزباله وجايبه قطره اكل ماشايف بحياته كاتله الجوع يرجف من الضعف

هو يلكف ويصح يخبل خاله بالكاع مخاطه نازله عينه مسدوده شعر مابي وحده من اذاناته مطبوره تلعب روحك اتباوعله

وهو وكيتي طايرين بي سبحان الله ذوقهم اشكد بيئه كالها يلا شنو اسمي

-تمن

-لاعيب ابوج موش جلب ولج سكتي لا يسمعنا تالي يذبنه بلملجى شوفيلنه غير سم شنو شنو

-تنو

-صبوحه

-بوحه كالتها وكامت صفكت فرحانه وهو شالها يبوس بيها يكلها بويه تروح عشيرت مؤتمن فدوه لهالضحكه باسها وخلاها بالكاع يلا تعالي اشدلج السنسله حتى تعلمي عليج

لبالي صدك جايب سنسله

اشو هذا كالها و راح للحبل باوع منا ومنا مااكو احد جر دشداشه بيبي شگ اذيالها طلع خيط طويل منها

جابه شد الجلب من ركبته واكله هاج انطلقي يبعد ابوج

وكيتي ماقصرت اخذت الجلب وعلكت تمشي وتسحل بي نعلت ابو اصله من غرفه لغرفه دخل مؤتمن شافها كال منهو الجابه

مصطفى- محد يخوي لكينا بكونية البانية

-اها كلت بكونية البانية اجيبلي شغله بيها حظ شنهو هذا

-غير اريد شي يحميها جبت جلب حتى يدافع عنها

-شيدافع هذا اذا ضل عدل لباجر اطلع امعتب ولك شوف اشلون تسحل عليش هيج خطيه شذنبه وطاح بيده هاي

-اهااا قصدك بنتي مجلوبه بويه كيوية تعالي لمؤتمن يكول كيوت موحلوه

كيوت ماصدكت اجت انطت الخيط مالت الجلب لمصطفى وركضت كمشت مؤتمن من رجله ودنگت عضته لايكدر يكتلها وتهده ولاهيه تقبل اتهده لمن طلعت دمه وخرت خلت اديه وره ظهرها كالتله اوا

-لايبعد ابوج موش اوا اندار لمصطفى كله الله يطيح حظك وحظ بتك تربيه سزز اشتطلع اذا امكابلتك

رجعت كيوت اخذت الخيط وكملت مسيرتها بالسحل

اني افتر وراها لليل متت تعب اخاف عليها من تهاني ورجاء صح رجاء بعد متتحرك منتهيه بس هم تخوف كل دقيقه وصايحه واحد من الجهال وذوله ميفتهمون يرحون ركض اطمعهم بالنساتل

واني كلبي عاصرني مااخليها وحدها ابد لوعندي لوعد مصطفى كامشين حراسه نتناوب اني ويا

صار الليل احس رجليه ماتن كعدت عالدرج وهيه كدامي امكابله جلبه وتحوحو ويا عود تعلمه يحجي

اجه مصطفى كالها ها يبويه تعبج بوحه ماحجه

- لا

-ولج موش هيج اتعلمي كالها وكعد كدامها وكام يعوي وهيه ويا بعلو صوتهم يصيحون عوووووووو تكول ذيابة موجلاب

طلعت بيبي بعصتها تريد تكتلهم تتشائم من هالصوت هيه دعي ومصطفى يرد

تالي مؤتمن صاح بسكم يابه وينننج سماح بويه العشه شنهو اليوم مانتعشه كالها وراح كعد يم جدي

حتى العشه ما اتهنيت بي من ورا كيتي وجلبها ماعونت يصير الليل واصعد انام

كعدنا بليل على صوت صرختها طفر مؤتمن لباله انكرصت لوصار شي شالها يكلها اشبيج بابا

-عوو

-اووو هاي اشلون شغلة انوب تعوي شفتهمت هسه شنهو بابا

-عووو وين

-خطيه نايم نامي الصبح لعبي ويا

-مااا كالها وردت تصرخ

-استغفر الله خرب بيك مصطفى كومي جيبي الاستغفر الله

-مؤتمن روح انت حباب

-غزل نزلي وجيبي لااشمرج انتي وبتج منا

ضل شايلها يبوس بيها واني نزلت عين مغمضه وعين امفتحة

الجلب جان بره امخلي رحت للحديقة اسمع ونه من غرفه رجاء لبالي تتوجع عفتها جبت الجلب رجعت

نفس الونه اجيت كسرت خاطري ردت افتح الباب اشوف اشبيها وجان اسمع صوت تهاني تتشمت وذيج تبجي تركتهن ورحت حتى ماسمعت شنو تحجي بس سمعت الضحكة ورجاء تون بوجع

سبحان الله اشلون تندار الدنيا اشكد حلوه عدالة السماء من تجي شنو جانت اتسوي بسمر ربي رجعه بيها

صعدت انطيها الجلب يالله خمدت خلته بحضنه وغفت كام مؤتمن سحبه على كيفه طلعه بالبالكون ورجع غطاها اجه نام

نايمين وماانحس غير كمزه على بطنه فتحت عيني اسمع ضحكت مؤتمن وكيوت اطفر على بطنه

شافني كعدت باسني درت وجهي وماحس غير كيوت تضربني بكل حيلها كمت صرخت بوجها
تفلت ردت اضربها بسرعة ضمها بحضنه

-تره دتدللها وتكول تعلومكم

-ولي لج منهو كلج تجين يمي بنتي اتغار

-هيج لعد خوش دفعت كيوت بحضنه وكمت ابوس بوجها وهاي اتخبلت اتجر بشعري واني مستمره شافت روحها ماتگدر توخرني رجعت على ابوها ضربته وعضته

كام كلها انه شكو بت المداس

- تستاهل لعد اشلون اتخليني ابوسك

-ههههههه نفس السوادين ذكرتيني بالجفجير خرب بيجن نفس الصنف

-مؤتمن

-روحي

-هم تشتاقلها

-منهو

-لاتكول منو تعرف شنو دااحجي

-انه الاشتاقلها اجيبها مااضل اباوع من بعيد موو؟؟ ولاتضلين اشغلين راسج بهيج تفاهات

-تفاهات مو ؤك كيوت بابا ميحبج يحبني اكثر

اخذت نفس متفاجأه كالت هااا وجيت على ابوها تعضعض بي وهو يضحك يدغدغ بيها لمن تعبت خلاها على صدره وتمدد

سحبني على ايده باسني اخذ نفس وكال الف الحمدالله والشكر

-على شنو

-كل هالنعمة وتسألين شنهو

-صدك مؤتمن اتحبنه

-انتي لا بس كيوت يمكن شوية

-انت دتلعب بعداد عمرك مو

ضحك و حضني حيل وباسني كال وحگ علي اعشكج يعلة كلبي

اندكت الباب كال منهو ادخل

فتحت الباب دخلت سماح كالت تأخرت عن الشغل كلت اخذته النومه

-ابرج العده زوج مخابيل يكدر ينام هاج استلمي المكافش والعض من صباحيه الله شوفي لاخالات لايد ولا ظهر ملخني تمليخ

-يا على شنهو ولج عليش اتعضي

-يكول احب كيوت اكثر

-لاخيه يحبج اكثر فوتي حالة الزلمه هيه كالت هيج وكامت كيوت فتحت عيونها كلهن كالت شنووو

-لايروحي جذب يحبج انتي اكثر غزل شنهو

-هااا سماح تره داسمعج

-يبووو مؤتمن لم مخابيلك وتعال حطيت الريوك

مؤتمن- وين رايحه انتظري جاي وياج حرام لليل ميهدني اثنينهن مسودنات

طلعوا يضحكون

-تعالي ماما عوفيهم ذوله متعجرفين تعالي اغسلج

اخذتها غسلتلها نزلت وهيه وياي تسحل ماتبقى من روح الجلب رحنه للمطبخ سويتلها حليب هيه وجلبها الي تشربه اجباري نص ممتها شافت ابوها يريد يطلع شمرتها وراحت تركض

اتعود مؤتمن يومية الصبح لازم يغير مرتين لان كيوت ما تركه لمن تمسح وساختها كلها بملابسه باسها وانطانياها كال سماح بويه قميص هذا صار حليب

سماح- هو لوحليب لوحمره اشعدنا غير غزل وبتها

-يله هسه بعد ابتلينه شنعمل امرنه لله وين نشمرهن

-لاتركهن نكسب ثواب بيهن

اني متخصره وباعله امتانيه وين يوصل بالحجي شافني وضحك اجه اخذله بوسه عالطاير وراح يغير ملابسه

العصر كاعده يم هيفاء هيه تسكي الزرع واني كاعده عالمرجيحه اجت سماح يمنه هيفاء كالتلها وين الجهال عليش تركتيهم بحيدهم

-بالغرفة يلعبون ماعليهم مليت من الكعد واترك اخوك ابطل لاتوكع خيه خبلوني عملت شعريه هسه تستوي واوديلهم هم ياكلون

-لاخيه انه ماأمن ابني يلعب وحده تاكله بت غزل اكوم اجيبه حسبالي بعدهم يمج

كلتلها جيبي كيوت وياج اشرت اي ودخلت

استوها دخلت ومانسمع غير صرخة وكفت كلوبنا

حسيت رجليه ماتت مااعرف اشلون اركض ماشوف غير كيوت بعيوني

دخلنه جوه لكيت هيفاء طايحه باب غرفة رجاء فاقده

ركضت عليها وكفت متصنمة واني اشوف المنظر داخل الغرفة

الرگبة مذبوحة من الوريد ورجاء نايمه تبتسم وايدها ترجف بيها سجينه ...

لاتنسو التصويت ⭐⭐⭐⭐⭐