رواية كفي والمنجمه الفصل الثالث والعشرون 23 - بقلم Leo Alfatlawi

كفي والمنجمه

بقلمي:  leo Alfatlawi

بارت الثاني والعشرون***

اني احجي هيه غلقت الخط رجاء سحبت الفون من ايدي و استلمتني ماخلت غلطة ماگالتها  ضحكت وطلعت ما مهتمة
لان احس هم ونزاح  شفيت غليلي بيهم حتى كل واحد يعرف قدرة شنو ؛ استوني كملت العدة انخطبت وهيه اسنين تتوسل بمؤتمن اوخذ اثنين يالله قبل بيها

رجعت للغرفة عفتهن يعدن وراي دخلت وسديت الباب رحت للشباج فتحتها صح  الهوا حار يدخل  بس مو احر من جمر كلبي

قررت  اشرد مستحيل  اخليهم بتحكومون بيه بعد حتى لو لكوني وذبحوني هم اهون من انو اخليهم يسوون بيه هيج

دخلت هيفاء اجت يمي جانت اتباوعلي مقهوره عليه كالت لاتاخذين على حجي رجاء تراها ماتفتهم

-على شنو يمعوده هيه ضلت عليها وين مصطفى  مارجع

-كاعد يم الشط تره والله مصطفى عاجر صار كم يوم يتعارك ويه جدي بس مايكدرله لان احمد موافق وهو قانع كلش يكون ابن عالم متحصل هيج نصيب خلي نسترها

-لويش يعني اني مفضوحة ويريد يسترني

-عدنه المطلكة عيب وينحجي بيها

-زين هذا الرجال منين وين شافني

-يصير ابن خال تهاني

-عزا بعينها واكيد هيه الدزته

-والله مااعرف بس اكيد الها ايد اخاف مؤتمن يرجعج بالمستقبل لان امها اجت توسلت بجدي وكالتله شنهو التردوا يجرالكم بس انطونياها

-طبعاً بيبي وامج هم شاركن بالسالفة

-غزل ارضي بنصيبج خيه يكولون خوش ولد مؤتمن بعد ماله جيه لاتترجين منه شي خلص استقر هناك

-هو هم هيج بس اريد اشوف مصطفى فدوه قبل لاينام

-ميخالف هسه اصيحه دقايق

طلعت واني ضليت انتظر اريد اودعه مااكدر اروح اذا مااشوفه احسه جزء مني صار اعز من احمد اكيد ماقصر واعرفه هواي دافع عني بس ميكدر لجبروت وطغيان جدو

اندكت الباب دخل بس اتحسه شايل هموم الدنيا على اجتافه اجه يمي كال شنهو غزل كولي شنهو اليطلع بيدي وماعملته والله عاجر مابيدي شي لاتلوميني والله تعاركت اكثر من مره بس قافل وتعرفين جدي اذا قفل واخوج الناقص ويا واكف

-مدا الومك بس اشتاقيتلك ردت اشوفك

-غزل شنهو ناويه اتعملين دخيل ربج

-ولاشي لويش احسك خايف

-لان ثوله وكلشي اتوقع منج شنهو ناويه هالمرة

-ماكو شي لاتخاف ولاتباوعلي هيج تره اعقل من الي يدور ابالك مستحيل اكتل نفسي لخاطر اسوالف جدك وتعال كلي لويش مكلت المؤتمن

-عوفج من مؤتمن هو سبب هاي كلها جدي يريد يجسر راسه لان جسر جلمته وماقبل يردج  يريد يأدبه

-امم واني شنو هيج لعبة يأدب بيه اليضوجه من يرجع اتكلوله اتزوجت هيج يعني عادي

-غزل تره مؤتمن بعد ميكدر يرجع ذب فلوسنا هناك اذا اجه يرحن كلهن منه تعب اسنين ما يضل منهن شي يختفن  اذا بس فكر يطلع من احدودهم

-يله كلمن يرضه بقسمته واني يمكن هذا نصيبي خلص عادي اذا طلع هم موخوش ادمي ارجعلكم مومشكله شوفولي واحد رابع تره كولش عادي

مارد كعد على الجربايه ودنك كال غزل شنهو الراح اتعملي

-اول كول انت لان داشوف بعيونك غير الدتحجي

- غزل شناويه بروح ابوج  لااتخليني اكل بروحي

-اشتعلت روحه لابوي الجابني وخلاني يمكم

-عوفج من احمد اعتبرني مجانه اذا عندج فكري كليلي انه اساعدج بيها مستحيل اخليج تتزوجين غصباً عنج لو اعرف اخذج وانهزم

-راح اتسويها مصطفى لوبس حجي

-وروح عمي اعملها حسبالج  اسكتلهم وانتي ماراضيه لاخويه  والله احركهم حرك ولاخلي احد يجي صوبج

-لخاطري لو لخاطر اخوك الي ورطوا بالسفر وغدروا بي

-اخوي هو الي جابها لنفسه من يوم الي فكر يجسرج بتهاني غبي ماجسر غير گلبه

-وين راح توديني

-اخذج واهج لبغداد عندي صديق هناك نروحلها

-مصطفى مد تسحب لساني وتريدني اعترفلك بالراح اسوي موو؟؟؟

-لاافا وانه اخوج انتي بحماي بس كولي شنهو التردي

-اشرد

-وهاي انه وياج بيها بس انطيني مجال باجر اخذ افلوسي منهم وبليل نشرد بس مسحي ادموعج وميصير خاطرج اله طيب غزيلان  هذا السر يندفن ويانه ان نجحنا اولا مايطلع يم احد لسانج ضبي اشويه موكل ثانية اتودعيلج احد تره انتي ثوله مكشوفه

-يعني عرفتني دااودعك

-غير ربيتج على ايدي واعرف غبائج يله نامي وصير حبابه مسحي ادموع احسن مااطلع اجتل صبوحه

-شتكول صدگ نكتل صبوحه ونشرد

-غزل نامي

ضحكت هو راح واني صدك بعد هاليوم المتعب نمت ماكعدت غير للصبح كمت بكامل نشاطي خلص راح ارجع لبغداد واخص منهم طلعت من الغرفة لكيت مكرم كاعد على الدرج ومدنك رحت يمه صبحت عليه كلتله لويش كاعد شنو هم جاي بلا ريوك

-لاوالله دزوني حراسه

-منو دزك جدو ؟؟

-انعل ابو جدج لابو اهله شلع قلع  عوفج منه شنهو اشوفج فرحانه اكو شي جديد صاير

-هئ بس غير زواجي باجر لازم استعد اليوم

-هم صدك من حقج يابه عليش لا بس سويلي شي اكله قبل لاتعرسين

-شنو ذولاك الناس لازم طارديك اكو شي جديد صاير

-لايابه بس فشله اكلها سويلي اكل

-اها فشله بس من تح

بعدني مامكملة الكلمة طفر صم حلكي كال غزالة يبت خالي العزيزة موش اخوج انه لاتفضحيني تالي يوكلوني تبن مكال الريوك

دفعته - تعال يله حسويلك و هذا اخر ريوك ناكله سو

-عليش رايحه للمريخ اذا طولتي ويه الزلمه اسبوع تعالي تفلي عليه هذا اذا طلع ابن حموله وكلش اتحملج

-الله وارجع اعيش وياكم صدك مكرم مراح تشتاقلي مو راح ترتاح وحدك بالبيت وبعد محد يلبس الغتر مالتك

-فدوه الغتر وصاحبهن ولج والله ماكدرت انام الليله بالي يمج والبيت وحشه من دونج لااتخليني اروح اجتل جدي وخطفج عفت امي وراي اتلم بغراضج وتبجي هيج طلعتي ماخذه معزه بكلوبنه خرب بشكلج

-شنو عمه رجعت من الزيارة

-اي خبرتها اجت من الفجر

-لعد لويش مادافعتلي اشلون حتخليني اتزوج غصباً عني كلتها وشهكت لان حسيت روحي صدك بلا سند

-وداعت امي ماطايح شي بيدي انه غريب عنكم مالي جلمة هنا مااكدر احجي والله انطي روحي الج غزل وانتي تعرفين مسحي ادموعج خويه تنحل
ان شاءلله ماضل شي

-شنو يعني

-ماكو سلامتج بس يله تره الجوع طكني امشينه للمطبخ واريد مخلمة اقلها ختيمها ويانه بشي حلو ينذكرلج 

رحنه صدك سويتله مخلمة مصطفى من الصبح طالع للمصنع وجدو متعجب يكول اول مرة يسويها بس مكرم يبتسم ومغلس حسيت يعرف بالجاي انسوي وساكت اني هم ماحجيت لان انطيت كلمة لمصطفى كعدنه اتريكنه دخلت سماح صبحت وكعدت ويانه كالتله تره انه اختك المفروض اتكعدني شنهو نسيت لوغزل كوشت محبتها عالبيت كله تره كمت اغار

-لاتغارين يبعد اخوج نفس المعزة وحك علي اثنينجن خواتي

-چا اخذني وياها للصالون ماعندي افلوس رجلي راح وكال عدولي

-افا من هالشارب بس شكو بالصالون رايحات

-غير انحضر غزل لباجر جايها الزلمه يعقد

-اهاا بيها الخير اي سهله حضرن روحجن وانه اخذجن وشوفن وياجن هيفاء خطيه اخاف اتريد اتروح

-اهااا خطيه مو المهم اي تروح عليش لا وين محصلة صالون وبلاش يلا حبيبي بس انكمل الغده نطلع

-خوش انه رايح وره مصطفى اشوفه عليش غابش وارجع قبل الغدة والله كلبي لاجمني من ابو الصوف خاصتاً من اشوفه يباوع لجدي تك عين

-ههههههه اصخام والله هذا الولد اذا ماجلط الزلمه ميرتاح

طلع وسماح كامت للشغل اني ضليت كاعده عالاساس عروس ذوله كل عقلهم اني موافقه راح اكملها استغفر الله اشويه وانفتحت الباب والهلاهل دخلت ام تهاني وياها مره جبيره اجن يمي سلمت عليهن والمرة جانت اتباوعلي بحقد حسيتها  مغصوبة عليه

والله شكيت ذني ديلعبن بس يردن يخلصن مني لخاطر مؤتمن يضل على بتها شمرن عليه  علاكه وراحن يم بيبي

دخلت عمتي ام مؤتمن تركض اخذت المي وكالت حضرن الضيافة  وانتي كومي عدلي روحج لاتضلين امبوزه هاي عمتج ام زلمتج روحي عدلي ارويحتج وتعالي يمنه بسرعة جايبات النيشان اذا اتاخرتي دقيقه انده جدج اخلي يچسرج 

طلعت مستعجله اجت سماح تتوسل اكوم يمهن اتخاف انضرب اتفاجأت من ضحكت وكلتلها هسه رايحه واطيح على عمتي واشبعها بوسات بس كون جايبتلي نيشان بي حظ اتعرفين اول مره احس بهيج شعور

طلعت عفتها وراي فاكه حلكها دخلت غرفة بيبي اول ماشافتني ام رجلي المستقبلي عوجت حلكها كوه كمشت الضحكه  عززا شنو من عالم ذوله
كعدت وهنه مستمرات بالسوالف لحد ماام تهاني كامت انطتني حلقه وتراجي كالت هذا نيشانج والباقي انجيبه يوم العقد باجر  العصر نعقد

-امم اوك خاله شكرا

-وذني خمس مية للصالون واذا تعتازين بعد كولي

بيبي- لاخيه كافي حتى نيشان هيه عدها ذهبات تاخذهن لاتكلفون روحكم جدها كال بس حلقة لان نعرف ضروفكم

-اي والله يخيه سايق تكسي وعنده عائلة بركبته كوه كافي المصرف وايجار ورا وفريخات

-باوعتلها اشرت شنو

-عليش تأشرين اشبيج مفهيه احجي

-كلتي عائلة شنو مافهمت

- جا ماكالولج متزوج وعنده اربع فريخات

-لاع لعد اذا متزوج لويش يتزوج مرة لخ

-مرته كبرت ويريد احديثه يتونس وياها بس كال شرط انو ما اريد جهال كم سنة كلت قبل الدخلة اخذج لدكتورة اخليلج لولب

-يعني حتى اطفال لازم انحرم منهم لان الافندي يريدله جارية

-ياااع وشنهو لازم ماعاجبج تره هذا شرطنا وجدتج وافگت وكالت انتي موافقه

بيبي-  اي خيه موافقين لايضل بالج اخذيها وخليلها ماعرف شنهو تسموا هاي متعرف تحجي عوفيها

-خوش چا اخذنها بعد العقد وياي ومن هسه خيه هاي جدامكم ترانه مانحب المشاكل ابني رجال جبير وتعبان بحياته يريد مرة سنعه يجي يلكه هدمته نظيفه واكله حاضر وماكو مشاكل حتى لو تجاوزت عليها مرته الجبيرة خلي تحسبها بمگام امها لاترد تصير عاچله ماانريد مشاكل ناس النه سمعتنا بالمنطقه مانحب صوت النسوان يطلع من هسه اگلها جدامكم تره ابني ايده والطك اذا هيس حسها يچتلها

-لاعلى بختج خيه بتنه معدله وتسمع الچلمه وهم نعلمها قبل لاتجيكم خليها جوه ايدج بس هيه طبخ ماتعرف علموها

-يااا جنها فاهيه والله امبين من شكلها صفره

-هئ  تره اني شكره مو صفره اكو فرق لوسمحتي

-شنهو عمه شنهو چاي تجي البت

ضحكت عمتي ام مؤتمن وكالت لاخيه ماتعرف هاي جاي تكلج لان بيضه تشوفيها هيج بس هيه لسانها معوج مينفهم حجيها

عزاا بعيني اي والله اشلون راح يشمروني شمرة شنو هاي كلها بس علمود يبعدوني عن مؤتمن صدك يحجون شنو من بشر ذولة؛ اترخص وعفتهن يكمل لغوة اتكول بيعه عدهم اكو مهر خمس مية وين صايرة هاي وانوب بيبي اتكلها متعتاز ملابس عدها هواي لاتجيبون هاي شنو شربن جدو وخلنا يقبل ويسكت يمه مو نسوان عزا حتى ابليس كعد بالزويه خجلان من شاف عمايلهن

طلعت صافنه شافتني رجاء ضحكت كالت ها خوش نصيب موو اي چااشلبالج تريدين تبقين ماخذه شيخ الشباب انتي هذا مستواج ماجاوبتها امبينه طابخاتها سوه

رحت لغرفة سماح كعدت يمها صافنه اني وين عايشه

طلعت فستان طويل  كالت هذا اشتريته وماصار لبسي نروح للصالون ماضل وقت

-يعني انتي مقتنعه اتزوج

-سكتي غزل لاتعلين كلبي اشكد حجيت ونصحت شنهو كلتلج موش  تهاني اذا دخلت تخرب كلشي هاي خذت الزلمه وطفشته وشوفي وين راح يصفه بيج الحال تره العريس هنه جايباته هاي اذاماطلعن مطياته افلوس لخاطر  يتزوج كلشي اتوقعي

-لعد لويش جدو وافق

-ولج جدج الله اعلم اشلون سكتته جدتي تره ذني يشتغلن بالسحر الاسود وشي ثاني جدج يريد يجسر خشم مؤتمن لان جسر جلمته كله ردها لذمتك وماردج

-تمام عوفج من مؤتمن اريد فساتيني وينهن

-غزل ذني ضيگات خيه عيب اتلبسيهن چدام الولد

-مالج شغل انطيني لومااروح اصلاً

ماردت طلعتلي فستان من فساتيني القديمه جان كولش حلو ايام الخير هذا اشتريته من جنت اشتري الاشياء بالهبل بدون تفكير لونه كابوي خفيف كلوشة من جوه وصدره ضيگ وفتحة صدره واسعة 

رحت لبسته لفيت شال بالونه وحذاء كعب عالي لان اني قصيرة موطويلة كلش وراي روحه لبغداد لازم اكشخ ماالحك اغير ملابسي بعد

طلعنه لكيت مكرم امتانينه صعدنا ويا وصلنة لمركز التجميل دخلنه كلمن اخذت كرسي لان مستعجلين راح الوكت وعدنا شغل هواي

بلشن شغل بيه طلعلي وجه ثاني شغل وجايني بلاش خلي يدفعون الحبابين ماخليت شي ماسويه لااضافير ولا تقشير حتى رجليه هم سويتهن  للمغرب يالله خلصنه

خابرنا  مكرم اجانه بس جان مخبوص السماعة بأذانه  ويحجي بس كله بالالغاز  ساعات يعبس وساعات يطكها ضحكه ماعرفنه اشبي وصلنه
نزلنه رحت لغرفة سماح

اول مادخلت اجه عطر مؤتمن بداخلي احسه عصر  كلبي  اشتميته هذا عطره متأكدة  منو يدخل غرفة سماح ويستخدم عطر رجالي

متأكدة ولاواحد من الولد يستعمل هذا العطر بس هو ؛يمكن هاي اشتاقتله ورشت منه هم حظها مايل المكروده

اووو مؤتمن شنو من حساب راح تتحاسب بسببنا تدري اشتاقيتلج ابكد كرهي الك 

نزعت الجبه والشال والحذاء  وحضرتهن يم الميز علمود سهلات استعد لليل فتحت شعري اباوعله والله امسويته حلو امسرحته اكثر  صاير مي يلا جدو راح يبتلي بالدفع حيل بي مو يريد يزوجني غصب يله شيل الفضيحة الي راح تجيك

  لفيته  وشلته  خليت الشال فوكاني وطلعت رحت للمطبخ دخلت لكيت رجاء جان وجها اصفر  يمكن من الحمل بس اباوعلي وتصفن مو طبيعيه وكفت يم الثلاجه اشرب مي وهيه بعد مااتحملت كالت  تره مكياجج طوخ خففي غزل

انداريت باوعتلها بستهزاء ضحكت ورجعت  اشرب مي

-موش وياج احجي

- لاتدخلين مالج شغل عروس وفرحانه الروحي اكو شي ضارج 

-غزل احترمي روحج ودخلي غرفتج لاتطلعين

-لويش

-ماكو عليش عدنه ناس غربه لا تضلين داخلة  طالعة وهذا لبسج

-تمام ولايهمج  بس اعصابج لاتنجلطين اصلاً نعسانه اني بس مصطفى اجه لوبعده

-لااجه بالديوانية شرايده منه

عفتها على حرگتها جنها طفير مشلوع جناحه طلعت ادور على مصطفى وادردم غير بنات عيع الغيره كاتلتهم صاح اشبيج

-عزاا تره طفرتني مصطفى

-شكو ادردمين منهو ياج

-هاي اخت الصخام تنبح مااعرف منو داس على ذيلها

-تنبح واخت اصخام  همم عرفتها بس ولج خو موش انه الصخام

-لاع طبعان يروحلك فدوه الاجلح الاملح

-حححم موش اكول كافي ستري علينه بهاليل لاننشحت منا جلاليق

-هسه عوفك من هالعائلة المختله وين جنت

-تره انتي تسألين عليه اكثر من امي

-هههه غير البيست  دااكولك شوفي شنو جابولي هاي حلقه وتراجي شوف يفيدنك هاك

-لافاهمه غلط انتي العروس موش انه وصدگ  عليش مالبستيها

-مولابسه الحلقة مالة التحفه اخوك مترضه تنزع لاطشه مثل خلقته  رادلها كص

-انه اكول راسج راح ينكص لصمي حلكج احسن مااطير معالم وجهج لان اشوف لونه اتغير معناتها وصلنه لخط الاستواء

-شنو مافهمت صدك اشوكت بعدني مامكملة الكلمة ومصطفى صم حلكي كال هااا غزل

وخرته وبتعدت بس انضربت بأحد وراي دخل عطره  بريتي اخذ كلبي ويا انداريت شفت مؤتمن واكف اديه بجيوبه رفع حاجبه

ابتعدت عنه ليورا متفاجأه من وجوده وكوه كمشت روحي ماردت اضعف ؛احس كلبي عصرني    انداريت ردت مصطفى استمد القوة منه لكيته ماهو غمضت واني اسمعه يهمس عليمن ادور غزالتي

باوعتله مارديت تسال عليمن لويش جاي مؤتمن موبديت اتعود على غيابك ردلي الشعور الجنت احس بي وهو  يمي مشتاقه لحضنه ولمست ادي

--عليش شاكته شصابج بويه

-لويش رجعت

- ديرتي ورجعتلها عندج مانع

-لاالحمد الله على سلامتك كلتها انداريت بعدني مامتحركه  كمشني من ايده كال وين تردين ماحجينه

-مؤتمن فدوه عوفني حجيتها بترجي وعيوني مليانه دموع مااكدرت اكتمهن اكثر نزلن سحبني  وخلاني بحضنه عصرني حيل احس ضلوعي  طكت بداخل حضنه اخذ نفس طويل وكال بويييبه اشكد مشتاقلج يعلة كلبي

دفعته ردت اوخر شدد حضنته اكثر رفعت راسي

-مؤتمن وخرر ويااشتياق دتحجي عليه  تره زواجي باجر

--هه مقتنعه اعوفج بويه شنهو انجنيتي اخليج بحضن غيري

-مو بكيفك غصباً عنك اني موافقه وباجر العقد شتريد اتسوي

-تذكرين شكلتلج  المرة العندي متطلع منا غير للكبر

-لا هالمرة مو  بكيفك رايحه وكدام عينك برضاتك اولا اني رايحه وخر عني دااروح

-مم وبعد

-مؤتمنن اتركني تره اختنگت وهاا و صدك نسيت باركلك على الطفله بس خليها براسك الدنيا دوارا هسه تموت وبتك يجي واحد يسوي بيها مثل ماسويت بيه

-اذا يعشكها هيج حلال اليعمله  بيها 

-ياعشك التحجي عنه انت تعرف الحب مؤتمن هم حاس بي

-دخلي كلبي شوفي شنهو الي بداخله الج

-دخلت شفت حقد وظلم شفت تهدم بحياتي وتبني حياتك  شفتك وانت تتركني على افراش الموت تدري مرات اصفن اريد اعرف شنو من  گلب شايل اشلون انطاك كلبك تتركني بهيج ضرف

-ردت تتعالجين  وتاخذين راحتج من شوفتي جان ثمن بقائج الي  سفري

-هيج سهله تحجيها

- وروح عمي الموت جان اسهل رحت غصبا عني وداعت كل عزيز بكلبي اسبوع ماشفت النوم وراج بس مجان بيدي شي اعمله غلطت غلطة كلفتني عمري غدرني جدي حاربني بيج لومارايح جان صار غير شي  

-مؤتمن لاتذب اغلاطك على غيرك انت اتخليت عني بأكثر وقت اعتازيتك بي بعد لاتجي لاتعترض على الراح اسوي 

-وحك حبج الي بكلبي وداعت كل يوم عشته وياج يغزل اي غلطة منج تطلع ادفنج وانعل ابو العشگ لابو اليعشگ

دفعته عصرني بحضنه حيل و دنگ اخذ نفس طويل  باسني  ورد دفعني اجيت اوكع كوه سيطرت هزيت راسي بيأس ورحت مستحيل ينعدل لو يصير براسه خير يضل متحيون دااخل للغرفة ماحسيت غير انسحبت حيل درت وجهي لكيته هو

-هذا الثوب اذا شفتج لابسته مرة ثانية اجفنج بي اسمعتييي كالها ودفعني لبسني بالباب وراح يتعارك ويه خياله خبل والنبي خبل موطبيعي

دخلت وسديت الباب حيل نفسه مؤتمن ميتغير لو ايمر قرن عليه لايتعدل ولابد يضل متعجرف وتعامله مثل الحيوانات

لويش اجه موكال سنه اشذكره ورجع لوعلى حضي لبالي ارجع لبغداد وارتاح واخلص منه

ماكو دقايق واسمع العيطه كبت وصار صوت عالي علكت بين جدي مؤتمن فتحت الباب الصوت جاي من غرفة جدو دااروح واسمع جدو يكله باجر جايين ياخذوها واذا حجيت اخلي طلقه براسك

مؤتمن-الزلمه ابن ابو يوصل صوبها قسماً برب الكعبه وهاي جدام الكل اليوصل يم حرمتي ادفنه مچانه

-موش حرمتك انت طلچتها مالك حگ بيها

-طلگتها ضلت بأسمي هذا الشي راجعلي  محد يوصل صوبها  وحگ الخلق الكون اخلي الدم للرجاب

-مؤتمن تچسر چلمتي

-من توصل لمرتي اجسرها اعذرني جدي غزل مالتي محد يكربلها والي يوصل صوبها اجتله

-هينه يمؤتمن بس لاتجي تلومني باراح اعمله

-شنهو اليخطر على بالك اعمله متحرك شعره من راسي وعلى شنهووو تراها مرتي ياعالممممم هاي مرتيييي شنهو اتزوجها بكيفك

-انت طلجتها وكلتلك ردها مارضيت بعد مالك حگ يمنه

-هم يكلي طلگتها يابه هذا الشي راجعلي وهم سهله هسه اجيب ازمال واردها لذمتي

-شنهو بكيف اترد واتطلك غزل متردلك بس من اموت

-ولايهمك خليها هيج ماعندي شي بس محد يكرب يمها بالعباس احركم ولااعرف لاجبير ولاصغير خلي يجي الزلمه ويحجي وياها چلمة حرام بالحرمة وروح العزاز اترس حلكه  بارود وهذا الجايها لويطير للسما اللگفه  يجي الصبح لومايجي سهله مابقى شي اعلمه اشلون يخلي عينه على حلال غيره

-ولك تريد تفضحنه جدام العالم اتريد اتسويها دمايه تسودنت انت

-يعني هاي موفضيححححه اشلون رضيتها انتى جدييي لاتخبلني اتخليهم يخطبون مرتي وتنطيها عليششش موامنتها يمك ورحتتت وانطيتني جلمه  ماطولك هيج سويت بعد مالك حگ يمي

سمعت جدي كح حيل ثواني وراها واسمع صوته وگع وهمه انخبصوا  بس مؤتمن مااهتم لان طلع وصعد الدرج بسرعة امبين رايح لغرفته اني هم رجعت لغرفتي خفت يكولون بسببي دخلت بسرعة  وسديت الباب

اسمع صارت هوسه يمكن اخذوا وطلعوا للمستشفى اتسنطت لبالي مؤتمن يقلق وينزل بس ماكو

يالله بلكي يموت ونخلص منه غيرت ملابسي اتعاجزت اغسل وجهي من المكياج انفتحت الباب ودخلت هيفاء ميته خوف وتبجي على جدو غميتها

-ولج خلي يموت علمود تتزوجون اشبيج تبجين

-لاغزل اسمه الله عليه من عمري على عمره

-لعد يطبج مرض خلي يتزوج مكرم لان مل وانتي مبينه شغلتج تتعطل

-يااا غير اچتل روحي

-ماراح اتكتليها قبلج كلتها وهاي اني كدامج هياتني مابيه شي

-بس هو تسودن بسببج والله اليستر من باجر لايفضحنه چدام الوادم يچتل الزلمه

--هم لاتخافين علي خلص المسرحية وراح يركض لحضن تهاني

-لاولج تهاني بقت هناك اجه وحده

-عزاا يعني ناوي يخرب زواجي ويرجع هيج يخليني معلكه موو

-مااعرف شيفكر مؤتمن بس سمعته يكول لمصطفى مالكيت تذكره بس وحده اضطريت اعوفها

-اها يجوز جدو اتعارك ويا لان عافها

-لالان بهاي نزلته خسر كومه افلوس وراح يلغي العقد واكو شرط جزائي موقع عليه يجسر الضهر  هم لازم يدفعه دمر كلشي رجعنه للصفر بهاي عملته ضيع تعبنا وتعب الوادم

-ياوادم ذوله لويش ماخذين افلوس من عالم انتوا

-اي چا همه شراكة ويه شيخ علوان وتعالي حليها اذا تنحل بعد ذاك اله الحصه الجبيره امنها بأيد مؤتمن وثق الرجال بي انطاه حلاله تالي هد كلشي ورجع

-كله بسبب جدو لويش هيج سوه يستاهل

-لان يريد مؤتمن يبقى هناك ويكطع رجله منا وهذا الشي ميصير غير بزواجج

-عزاا اشكد باطل يدمرني علمود يلم افلوس كون يموت ياربي واخلص منه

اتمددت اريد انام ماكدرت لان صوتهم  جان عالي ومخبوصين  اشويه وجابوا العار مابي شي بس طلع ضغطه صاعد خمد نام

وكل واحد رد الغرفته نام صار هدوء  بس كلبي الماهدأ  من اتذكر فوك اتمنا اصعد وروح انام بحضنه اتذكر كلامة من يكول مشتاقلج هذا صدك ديحجي لو هم ديجذب عليه

هو لو صدك يحبني مجان تركني غزل ماتبتي من الصارلج اشوكت تتعلمين دتعيدين الاغلاط نفسها ياربي شيلة من راسي وكلبي خليني اعيش براحة مثل بقية البشر بعده عني مؤتمن قربه دمار الي

غمضت عيوني انام وسلمت امري لرب العالمين لان ذوله ناس باطله وظالمه محد يكدرلهم غيره

واسمع الفون مالة هيفاء يرن كمت لبالي ماما اباوع لشاشه الفون مكرم وهيه نايمه فتحت الخط
كلتله انت متستحي ماعندك خوات

-لاعندي اثنين ماخذات خبل من اشويه جلط الامه لخاطر وحده ثوله منهن

-اممم مكرم جنت تدري بي جاي مو

-لاتدخلين بنتي بهيج حجي مال اكبار   وين هيفاء

-نايمه اتريد اكعدها

-لاخليها نايمة وانتي يله ولي وها غزل لاتطلعين ولاتحجين تره تاكليلج جتله لان الشغلة حامية

-لعد لويش متجي تاخذني

-عليش يابه اكو واحد كلج بايع روحي دولي الثور جاي حامي اليوصل صوبج ينطحه غزل مااوصيج باجر لاتطلعين لمن اجي سمعتي

-اكولك وين تهاني

-بقت هناك

-شنو لازم حيرجع

-يرجع بس موش هسه لمن يسوي الي براسه وجدج قافل بعد منعرف وين توصل يلاولي اريد انام

…صوت عيطه صارت وسكوت بعدها فتحت عيني كوه من النعاس الساعة ثمانية ونص الصبح كعدت اتمغط دااكوم واسمع العيطة كبت مره لخ بس جانت اقوة وصوت الولد امبين كلهم موجودين

لفيت شعري وطلعت على السريع الفضول كتلني فتحت الباب واشوف جدو مشتعل من الحرگه ومكرم وكاظم كوه كامشي مصطفى عينه طافره ومؤتمن يمسح بحلكه مجروح وقميصه مملوخ مبين مضروبين خوش ضربه مسحولين سحيل

جدو جان معصب وهاد عليهم يشيل روحه ويدكها بالكاع ومؤتمن ومصطفى واحد يباوع للثاني وكوه كاتمين الضحكه وصايره هوسه

سماح واكفه على جهة رحت يمها اريد اشوف شنو هالهوسه عليمن اول مكلتلها شنو الصاير

اندارت وهيه فايره كالت بسبب حضرتج جان انجتل مؤتمن

-عززا لويش شنو الصار

-رايحين لاهل الولد الخطبج امطلعي طاكي وطاكين  اخو الجبير  فازعين ولد عمهم  هم مضاربينهم  كوه العالم فاكيهم لومافازعين اهل الديره جان الله اعلم شنهو الصار

-شنو مو توهم

-لايمه اسم الله بس الولد بالمستشفى هو واخو الجبير راح اتصير عشاير وشيحلها بعد

باوعت لجدو مستمر يرزل بيهم اشكد حجه عليهم وبالاخص مصطفى يروح ويرد يغلط عليه

اخذله بالربع ساعة وكعد تعبان گاللهم  اشلون احلها راح تصير دمايه اشبيك تسودنت عقلك وهيبتك وين من تتصرف تصرفات مراهق اتروح اطگ الزلمه اكيد تخبلت

-هه اشبيك جاتل روحك  باجر افصله 

-وحك العباس تسودنت انت موش عاگل ولك اطگ العالم وتفصل شنهو هيج سهله عندك

-اي سهله وهاي جره اذن النوب اترسه بارود اليفكر يوصل

-اطلع مؤتمن مااريد اشوفج وجهك واخذ هذا السگط وراك كون تنجتلون واخلص منكم

جدو محترك ويصرخ عليهم وهمه مامهتمين اصلا راحو صعدوا فوك بكل برود بس كل واحد ميمسح الدم من جهه امبين العركه قويه

للضهر والهوسه ماخلصت جدو يخاف عليهم يكول هسه يدگونه ويجتلون ولدنا ماخله احد مااتصل بي من شيوخهم بس مؤتمن معترض ميقبل يودي مشيه قافل يكول هو التعده على بيتي اشلون يخلي عينه على حلالي وجدو محتار لان ميكدر لمؤتمن يكول تسودن الولد بعد ميعرف يتصرف

اخر شي خبر شيخ علون كال بس هذا يكدرله 

عمتي ام مؤتمن اتروح وتجي تغلط عليه خو بيبي كل اشويه اتكلهم كضوها جيبوها ليه منهو وصله الخبر غيرها ام المصايب شعرفه مؤتمن واجه لجاي لوماام المصايب شمرت سمها 

اتريد اتزوجني واسكت والله شفت ناس ناس زبالة  مثلم ابد ماشفت

…واكفين بالمطبخ واجه احمد يركض كال حضرن الديوانية جايينه ناس

راحت هيفاء وسماح يرتبن واحنه بلشنه نحضر بالضيافة قبل لايجون وتالي ننخبص

مبينه اطلابه راح اتصير جبيره من وره اخبال مؤتمن اجت عمتي ام مكرم وكفت وايا اخاف مندبرها وحدنه مااعرف لويش هذا الشيخ هيج يحسبوله احساب دخل مصطفى عينه امورمه كال وينجن كملتن

-اي هياته كامل كولشي

-من الله يطيح حظج هسه لويشوفون الهوسه الصارت لخاطر ام هياته جان تفلوا بوجه  مؤتمن

-لويش منو اجه

--شيخ علوان ويا شيوخ هواي والله حض علوان لم الدنيا وجابها يقنع مؤتمن يروح وياهم يحلون السالفة لوبس اعرف شنهو نوع السحر العاملته امه الي خلت الشيوخ  هيج يحبون مؤتمن ويحسبوله احساب وانه امي كلتلها سويلي محبه كلبتني ضفدع

-عززا واشلون رجعت بشر

باوعلي صفح كال شفت ثوله ورديت وخري عن طرجي لاادفرج 

بلشنه كهوه وجاي وجاي وكهوه ماتت رجلينه داخلين ناس طالعين ناس متنه واكفه يم عمه وادردم على هاي الوطه والتعب الشمرنا بي اشوفه اتباوع وراي وتبتسم

انداريت لكيت مؤتمن واكف يم باب المطبخ اجه سلم على عمتي  وحضنها رحت يم السنكي الهي روحي عنه اسمع عمتي اتكله هديت شغلك ومالك حصلت طگ يسوه عمرك   عاد رواها نتيجه  لوماكو

- والله باين ماكو
كالها  وضحك عفتهم وطلعت بسرعة ما اريد ابقى ويا نفس المكان رحت لغرفة بيبي لان البنات بغرفة هيفاء اتمددت على قريوله جدو كدام السبلت متت حر وتعب

بيبي وام مؤتمن وحده اتهدني والثانية تستلمني بالحجي اسمع واسكت ماارد غمضت سويت روحي نايمه اريد اخلص من لغوتهم اشويه صار هدوء يمكن قنعوا واخذوا وياهم لان اختفى صوتهم امبين طلعوا واني هم رحت بالنوم 

فزيت على صوت مؤتمن  فتحت عيوني صار كدامي كاعد يم بيبي عيونه عليه و يسولف وياها كعدت  لكيت شعري منثور على كد القريولة لميته دااكوم كال رجعي مجانج الولد يمنه لاتطلعين حجها ودنك انتجه على رجلي  يكمل كلامه وياها

بيبي- اتركك من المصيبه يجده حلانا غادي لاضيعه رد وانه اتعهدلك محد يكرب صوبها بعد  

-منهو امضيع حلالج جده راح اصفي كلشي وارد رجعة لهناك ماني راجع

-ولك وحرمتك

-خابرت صديقي يزتها للمطار واحد من الولد يروح يجيبها مناك

-ياع مؤتمن من كال جدك تسودنت ماصدكته صدك ولك يجده اعگل هاي لو الصفر تركتها هيج لو جان لفيتها بجفن وضميتها حدر قميصك لخاطر لايشوفها احد

-عفيه وهذا الي رايد تخلوا براسكم  ابتعدوا عنها لخاطر لا الف اليگرب صوبها بنفس الجفن

-وذيج موش حرمتك وام بزرك ولك  وروح يم امريتك  وحلالك 

-سهله جده كالها وكام وصل يم الباب اندار كال غزل لاطلعين بعد يذني ملابسج شوفيلج اعرض منهن وحجابج لاتنزعي اذا شفت مرة ثانية من غير حجاب اسحل بيج البيت

طلع وسد الباب حتى مالحكت ارد اشيبهن ملابسي غير صيف لعد مو مرته تاركها هناك لو ذيج وحد كدرته عليه

دخلت عمتي ام مكرم يم بيبي كعدت اتسولف على المشيه واشلون طالبين منهم فصل ومتكفل بي شيخ علوان كالهم مني انه ادفع 

كمت فتحت كنتور بيبي اريد اخذ مشط شفت صندوق اصغير يخبل عجبني شكله شلت وبيبي طفرت صاحت ردي ولاتمدين ايدج

-بيبي بس دااشوف شكله حلو شنو هذا

عمتي- جيبي ليه وتعالي عمه

راحت يمها كعدت  فتحته بي ذهب بيبي بس كله موديل قديم  كل حاجه اطلعها يذكرنها اشوكت اشتروها وشنو قصتها طلعت كلاده اول ماشافتها بيبي بجت جانت مداليه ناعمه حلوه  سحبتها عمه مني رجعتها للصندوك ورجعته بدون لاتحجي

جابت المشط وكعدت اتمشطلي كملت تمشيط وضفرتلي وبيبي بعدها تمسح بدموعها وترجع تبجي لمن عمتي  كالت لخاطره ييمه مثل ماهو عزيز على كلبج هاي عزيزته رحمها

-هاي بت فريال موش بته

-لاييمه لاتخلين الحقد يعميج تذكرين من جاب المداليه ولبسها فرحان بيها اشلون كطعتي فرحته وغثيتي لخاطر النبي لاتعيدها هسه عوفيها ترا يتأذه بكبره من يشوف دمعتها  على خدها

-ياع وانتي جاي اتكدرين خاطري لخاطر بت فريال نسيتي السوته واشلون خذت ابني

- كومي يمه يم خواتج للمطبخ راحوا الولد

عرفت عدها حجي مترديني اسمعة اني هم كمت وطلعت رحت للبستان لكيت هيفاء تخبز والجو يفور وكفت يمها كالت غزل بعدي وجهج كسب

-بس الم الخبز لويش اليوم بليل اتخبزين

-نسيتي مصيبه الصبح غير شفنه دربنه وغزل حبيبتي كومي لبسي حجاب لايجي مؤتمن

-ماهو طالع عوفج من مؤتمن ماعرفتي اشوكت ترجع تهاني

-لابس مؤتمن قبل اشويه تعارك ويه جدي لان ميرضه يروح يجيبها يمكن اليوم توصل لان اتعاركوا وراح مكرم للمطار

-هذا اخوج مايعرف شي غير العناد والعركات 

-اي يعرف يصيد ويتسودن بالعشگ

درت وجهي سويت روحي ماسمعها كعدت الم الخبر كملنه  بس احس جسمي امجمر من الحر وتطلع من وجهي حماوه دخلنه جوه صار مؤتمن بوجهي وكف اشرلي  تعالي

اتذكرت بلا حجاب بسرعة صرت ويه هيفاء كلتله والله محد موجود البيت خالي جنه بره نخبز

--وطالعة للبستان هيج لج انتي ناويه اجلطينييي

-الدنيا ظلمه محد شافني لويش اتصرخ والبسنات اصلا امسيج

-غزززل غزززل شنهو الطريجه التفتهمين بيها دخيل ربج ولج ديره ابكبرها كاضهه  بأيدي وانتي متر ماكادرلج 

-يعني اشسويت تره ليل وماكو احد بس انت معصب من البارحه واتريدلك حجه اطلعها بيه

اجه يمي واني اضمضم روحي وره هيفاء وهيه خطيه خافت اتريد تحميني بس هاي كلها ضاعت بكف واحد هيه انشمرت لهناك واني انسحلت بيده دنك عليها واني ضامه خدودي بأديه احميهن كال كم مره نبهتج

-اخر مره

رجع جرني حيل كم مره كلتيها

-ااااا لالا مؤتمن فدوه شعري اخر مره اذا شفتي كص شعري

-راسج اكصه اسمعتي

-ييي

- اخر مره انبهج

-اصلا بعد مااطلع بس ايدك  والله وجهي انجعص

باوعلي برطمت نزل ايده لمن وصلت لشفتي عصرها  دفعني وراح مسحت حلكي  حضرته يكص راسي ميهون  بشعري والله يالله رحت للمطبخ اعدل بكفشتي نصها مكطعا مال السم بكلبه شافتني عمتي كوه كتمت ضحكتها عود مارادتني اتضايق بعديش هو انسحلت

وكفت على السنك دااعدل شعري على المرايا ودخلت  ام تهاني اتصرخ يبوو جابها وشمرها عليه لخاطر يرضي راس الحيه  ركضت عمتي ام مؤتمن اتسكت بيها بس هيه جانت اصرخ بعلو صوتها دخل على صوتها مصطفى ومؤتمن لبالهم شوشنو صاير صاح مؤتمن بويه صوتججج

-ولك مؤتمن موس هاي الجتلت روحك لخاطر انطيكياها هيج تعمل بيها

-منهو جتل روحه ثمني كلامج فلسين مادفعت بيها لاتضلين اتشمرين حجي ويله بتج عندج نص جلمه مااريد طلعي منين مااجيني

-ولك البت حبله خالها تجي وحدها مناك لهنا وتشمرها علينه عليش شنهو الجرمته

-اهووو انتي مبينه فارغه وانه روحي كوه حاملها

-مؤتمن راح اجيبها اذا حاجيتها اخلي ابوها واخوتها يردوك اخاف حسبالك  ماكو زلم وراها

-يابه مارايدها اترديها  شنهو غير انه شمرتها عليكم شكو جايبتها

-ياع وعليش رديتها شنهو العملته

-لاحشاجن كلشي ماعملتن  القصور مني يابه  بتكم يمكم وبس اتجيب اخذ الطفل واطلكها رده لهنا ماني رادها يلا فارجينه

كالها وراح خلانه كلنه صافنين لويش هيج سوه ام تهاني بعده استوه طلع وهيه هجمت عليه اول ماوصلت يمي صرخت  رجع مؤتمن بسرعة سحبني خلاني بحضنه

كال شفت عالم ماعدهم كرامة مثلكم بويه ماشايف؛ بتكم رديتها وكلتكم مارايدها واتفقت ويا ابوها  رادين تتوسلون شنهو هالذله الي انتوا بيها

-اي احضنها لاطير ام سحور السودنتك

كالتهاوتربعت بالكاع تبجي وتلطم اتلكلهم دخيلكم البت راح اتموت من اجت لسه تبجي وتلطم وين اوديها اذا صارلها شي ولك يمة بروح عمك ردها مالها شغل بالصار راحت تموت وتموت بتك وياها

ولك ارحمها الله يستر على شبابك هيه تحجي ودخلت  وحده لخ هم عايطه  بس شفتها اجت يمنه واني جلبت اكثر بموتمن دخلت زايد بحضنه ولزمته حيل من صدره خفت انكتل لان كل وحده اتكول ثور هايج اشكبرهن وسود يخوفن

وانوب يبجن اتكول انكتل ابوهم موبتهن رجعت
مؤتمن دنك همس يم اذني اضافيرج نبتن بصدري من اشتعلت عشيرتج

شلت راسي باوعتله صافنه- عزا مؤتمن ذني سعالوا

ضحك وهمس  شوفيج مچان انضمي بي لاياكلنج

استوني وخرت وماحسيت غير عمتي سحلتني من حضنه وصارت نيتها تشمرني عليهن يتولني جرني بخفه  من ايدها رجعني لحضنه لطشت بي ضميت راسي بصدره

خالت تهاني ماخلت شي ماسوته لا اتوسل ولابجي اخر شي دنكت على ايده وباستها تتعذر منه عالسونه هنا تأكدت مو بس سحارات حتى كرامة ماكو

سحبت روحي على كيفي منه وركضت للغرفة عفتهن يذلن بروحن

اشويه  وهدأت يمكن حلت الشغله وصار وقت العشه طلعت لكيت البنات يمدن السفره
جان جدو كاعد ويمه مؤتمن امدنك على الفون مالته مكرم جان واكف يغسل اديه يم المغسلة صاحت بيبي  وين جنتي ولج

-بالغرفة بيبي

-روحي ساعدي خواتج ونكلي الاكل لاتضلين ثوله مسفطة واكفة

-هسه دااروح اساعدهم شال راسه مؤتمن باوعلي وكام اجه يتمشى اشرلي تعالي اتذكرت بلاحجاب

درت وجهي ماكو غير مكرم ركضت صرت ورا وسحبت الغتره خليتها على راسي اندارلي  نكث المي بوجهي وكال اتضلين ثولة ديري بالج تتعلمين

اجه مؤتمن يمنه قبل لايسحبني دفعه مكرم وضحك كله لااا دخلت يمي دخيلة اشحدك اتمد ايدك

-بويه ميل   خلي اغسل اديه

وخرنه  تركنا مدنگ يغسل بأديه مو يمنا اصلا بس هيج يحب يدخل الواحد بحرب نفسيه ؛ راح مكرم يم جدو واني للمطبخ دخلت

حضرت الماي بين ماكملن نكل گاعدين رحنه كعدنا نتعشى وجدو بلش يحجي بموضوع تهاني اباوع لمؤتمن مدنگ ياكل كأنما مو ويا وجدو مستمر هاي زوجتك اشلون جابوها من المطار كبل لاهلها ميصير فوك ماتاركها وحدها هناك هاي عيبه بحقه جان

عدل كعدته مؤتمن ورد دنگ ياكل وجدو مستمر ينصح ويحجي ساعة يامر احتار بأي طريقه يسولف ويا بس هو منطي الاذن الطرشة لمن زهك جدو وصرخ بمؤتمن كاله خلص والحكني للديوانية

كام راح وهو لاشال راسه ولااهتم ضل ياكل كملنا الاكل وشلنه المواعين لبالي راح يكوم بس ولاتحرك جبنه الجاي وجدي ينتظر محد معبره  لمن عمتي ومكرم  ضلوا يتوسلون بي يكوم يروحله

عفتهم يتوسلون ودرت وجهي لمصطفى كاعد يمي يلعب بجهازه مدنك عينه مورمه همست دتوجعج

-هسه بالله انتي تسوين انطك لخاطرج

-لويش هالعنف جان خليته وحده ينكتل يستاهل لويش رحت ويا

-عود يكولون اخوي كلت اكسب بي ثواب  اروح ويا انطك

-يعني من واجب الاخ ينكتل ويه اخو هيج عدكم

-وبعد من واجب الخ يتحمل الثول مال مرت اخو
عوفج من غبائج وشوفي اشلون جاي يشتغلهم عالبارد ذيب خرب بعشيرته خلاهم كلهن يتلاطمون بينهم حسبالي بس انتي ثوله طلعت صفة متوارثه منهم

-لويش يعني شنو سوو بي

-غبران مثلج اتحارشوا بكلبه كل عقلهم يكدروله وهمه مسلمين اركابهم بيده اكو زمال ينطي جلمة المؤتمن ويرد بيها خلي يتحملون الراح يجرالهم

-مافمت شنو دتحجي

-ربييي منين طلعتلي هاي كومييي غزل من يمي

على صوته شال راسه مؤتمن يباوعلنه سكتنا اثنينه ادنيت عنه ماحجه كام راح يم جدو الله

مصطفى- شيل جدي وعلي عندي فضول اعرف هالمرة شنهو تكون المقايضة

-الله اليستر كون يبعدوني عن اتفاقياتهم

-ومؤتمن مايتروض اذا ما جدي يخليج بداية صفيحة الاتفاق

سماح-  يمة بداعت مكرم  گومي روحي يمه اخاف جدي يشمر جلمة ومؤتمن يفقد وتالي يعمل مصيبة

استغفرت عمتي وكامت راحت وسماح ادنت يمي گالت غزل بروح ابوج وداعت امج اذا راد يردج قبلي خلصينه من تهاني والله اذا رجعت تسود عيشتنا

-وانتي تردين اتضحين بيه لخاطر تخلصين من تهاني خو ماكو شي

-غزل اخاف هالمرة اجت وياج عدله ولحگ عليج مؤتمن المرة الثانية ترحين بيها اهلي كارهيج اريد اكولها بوجهج ميردوج ويانة يردون يخلصون منج بأي طريجه لان يعرف مؤتمن مسودن بيج واذا شغلتي عقلج راح تسيطرين عليه فنصيحة رديله محد يحميج غيره

-مستحيل ارجع لمؤتمن بعد الشفته منه

-غزل تحبي انتي عليش تصرفين هالشكل

-منو كلج احبه اني  لو احبه ماخليته يطلكني وبعدين نسيتي بيا حاله عافني وراح

-بس هو يحبج ومستعد يعمل التردي تره موش قليل العمله لخاطرج مؤتمن عاشكج غزل وتنازل عن جثير امور  عليش مذكرين منه بس الاذيه

-هسه خلي انشوف شنو راح يكله جدو يجوز انتي هم تطلكين وياي ويرجع تهاني

-يمه اسم الله غير اطگ واموت

-لويش وانتي عالاساس ماكو هيج هو انتي شنومستفاده باله ماتكليلي

-ميخالف بس اشوفه مرتاح هيج جدامي انه وحدي اتعافه وبعدين مامأذيني يحترمني وحاسبلي الف حساب

-ياحساب لخاطر ربج تره جاب اثنين على راسج

-انه طلبت منه يتزوج  وكم مرة اعيدها عليج من حقه هذا الشي اكو امور ماتعرفيها لاتظلمي بيها

-اهووو شو سكتي حبابه باوعي لج هياتها عمه طلعت كومي شوفي شنو الصار

قبل لا تكوم سماح اجت عمتي كعدت يمنه كالت قبل لايفتح حلكه جدج ويحجي مؤتمن كاله من الاخير  ردها بس تولد وتولي لخاطر ابني اتضل بغرفتها فوك واي حقوق مالها يمي بعد العملته
ورجعه لدبي ماني راجع اذا ماارد غزل لذمتي

-عزززا وجدو شنو كله

- والله يمه  اتوسل بي يروح يلحگ على شغله هناك وانطاه جلمه يخليج  بعيونه لحد مايرجع بس ماكو قفل مؤتمن كله ماعندي غير هالكلمتين كالها وكام حتى ماخله جدج يكمل وانتي غزل شنهو عيني تأمرين

-ارجع وياج عمه والله اشتاقيتلج

-يبعد عمري والله البيت مايندخل  وانتي ماكو بس يمه هذا ارجيلج رجعيله وانه باقيه يمج

-ماارجع عمه مؤتمن بعد السواه لواموت ماارجعله وانوب يريد يرجعني ويرجع يسافر كولوا والله اضل هيج لاطايلة سما ولاكاع معلكة

-لايعقدج محكمة وياخذج ويا 

درت وجهي مارديت اجت رجاء اطك بعلجها كعدت كدامنا بعدين طبكت مخدتها ونجطلت عمتي گالتلها ها يمه بنيج بي شي 

-لاعمه لاتخافين الطفل بخير مايروح من الشغل بس خوفج من العيون الحساد

-ياعمه دخيل الله منين عدنا عيون تحسد

-چا هجمان بيت اخوي جاي من بلاش لو ماعيونهن التفطر الحجر

جانت تحجي وتباوع لسماح اشكد دقتني اجيت اكوم اكتلها اعرفها شايفه روحها هيه واخوها عمتي عصر ايدي تريدني اسكت اشوف سماح عيونها مدمعه وروح تحترك اكثر ردت

- باجر ان شاء الله من الصبح ترد ام البيت عود هم ضوجنها وداعت جدي اخلي مؤتمن يدوس راسها بالقندره التحجي وياها هذا بيتها خلي وحده تفك حلچها

عمتي- يايعمه هسه شنهو حجينا  وانتي هيج اطفرين

-لايعمه اعرفهن ذني الاثنين خصه هاي الصفره كل المصايب من جوه راسها اشلون قهرتها اليوم وخلت دمعتها تنزل يمه اسم الله على ابنيت اخوي لايصيرلها شي هو هذا الي يتمننى يصير  ذني الحيابه

-انتي هييي تسكتين لااكوم اسحلج سمعتي

-كومي هو اريد اطلعين سمج خلي يشوف اخوي شظامة  جواج من مرض وحقد  بس اذا مسودنته بسحورتج وين يشوف سوده عليه

-والله السحوره هاي اختصاصجن انتن اعرف اني بنيه جايه من بره اقوى شي عدنه الابتسامه وهاي متعرفنهن لان مليانات سم

-منهو هاي ولج علينه كالتها وكامت اجت هاده دفرتني اجت بخاصرتي جريت رجلها من حركت كلبي تفركحت وطاحت ضربتها بوكس بكل قوتي اجه ترس بطنها وهيه نضربت وهيه كامت تصرخ بطني يبووو لحكوني راح فريخي جتلته غزل

طلعت عمتي ام مؤتمن من الغرفة تركض دنگت عليها شالت راسها خلته بحضنها ثواني وغابت عن الوعي اعرفها جذابه بس طورتها عمتي بلطمها وصوتها الي يصحي الميت

عمتي ام مكرم بس اتريد تسكتها وسماح ادك على اخدودها اتكول شيخلصنه من مؤتمن على طاري اسمه

نزل يركض من فوك على صوتها اجه بهتان دنك عليها  شالها ضرب على خدودها فتحت عيونها كوه  كلها اشصابج يخوي

عصرت بطنها وصرخت بصوت رجت البيت راد يشيلها صاحت امه اتركها ولك لاتحركها يموت فرخها

رجع خلاها بحضنه محتار  هيه ما انطته مجال حتى يعرف شكو  كامشه بطنها وتبجي وتصيح  غزل جرت رجليه وكعتني اطك بيه  واتكول انتن مسمومات امهات سحور انتي وامج جتلت فرخي يخوي جتلتتته

شال راسه باوعلي اشرتله جذب مسويت هيج

رجع راد يشيلها صرخت بكل صوتها رجعها لحظنه مايدري شنو يسوي

كامت امه صاحت  رتاحيتي بت فريال جتلتي فرخها

-تره مسويت شي هيه طاحت

-ولج بت فريال ما اعرف بسمجن انتي وامج تموتن عالخراب وهجمان البيوت

-تره السم جاي منكم هذا الشي ما نعرفه شوفي روحج انتي وبنتج شنو دسوون اشوفكم بعيوني اشلون ترشن سحر بالبيت 

هو جان مدنگ على اخته يمسح بوجهه يريدها تهدء لان صوتها بده يختفي وهيه اجتني متحاميه  رادت اجرني دفعته دفعه خفيفة من ايدها حتى تتركني مااشوفها غير وگعت  بالكاع على وجهه بكل قوتها لمن طگ خشمها دم انگلبت على ضهرها شبه واعيه صاحت اخ ييمه مؤتمن الحكني

اندار هو شافها بهيج حالة وهو بعد اخته وكاملي سلحني من شعري ماحس غير الراجدي اجاني من قوته كعدت بالگاع
ركضن سماح وعمتي يفكني منه دفعهن ورد جرني من شعري كومني بعدني ماحامية نفسي واجاني الرجدي الثاني اقوى من القبله خلاني افقد توازني گعدت دنگ رفعني من شعري حجه من بين اسنونه شنهو انتي  لخاطررر محمدد

- والله ماسووويت شي ذني يجذبن

- غززززل غزل

جرته عمتي صاحت اتركها بروح عمك هسه دنگ على ايد امك وتعتذر

-والله لويموت هو وياها مااسويها

بعدني احجي  ماحسيت غير الدفره اجت بطني كطع النفس رجع شالني من شعري كال شنهو گالت

كوه كدرت احجي والله مؤتمن لو تموتني  جان رافع راسي بيده من شعري احس الفروه مالة راسي انشلعت صك على اسنونه  كال ولج انه واكف اتطكيها جدامي شهل رعوننننننه 

تستاهل المو…گطع كلامي براجد احس راسي فر وخشمي نزف كمشت ايده عمتي ام مكرم كالت  ولك راح تموت بيدك وتتسودن وراها عوفهااا يمصخم

دفعني عليها ورد الامه الي عالاساس فاقده بالگاع

جرتني سماح بسرعة اخذتني للغرفة وهو  ضل محتار بين امه واخته

وصلت اخذت محارم خليته على خشمي وتمددت عالقريوله ميته احس جسمي يحركني كعدت يمي سماح تبجي كالت ماتشوفيني ساكته عليش هيج تسوين بروحج ولج مالج شغل بيهن بسرعة يفرن السالفة واطلعين انتي المحقوقة شفتي اشلون شمرت روحه جدامه وكالت جتلتني

-وخري سماح حبابه عني محد طيح حضي غيرج

-ياخيه انتي متعرفيهن  والله يطلعن مصايب من جوه الكاع بس حتى يفقد يطكج وتشردين

-لج سماححح راح اموت وخري من اعل ابو على ابوج اني شدخلني بيكم طلعي مناااا

كامت طلعت احس روحي شايطه وجسمي مشتعل نار من الضرب خشمي عاصرته  اريده يبطل دم ماكو همست الله يكسر ايدك مؤتمن

الصوت صار هدوء دخلت هيفاء كالت ها غزل اشون صرتي

-ولج الدم مديبطل ينزل

-شو خليني اخليلج شب هسه ينگطع

-لاااا عوفيني هو وحده حينكطع

-ولج مينگطع ما تشوفين اشلون جاي تنزفين

-هيفاء ولي روحي  لااتخليني اطلع ضيم اخوج بيه

دخلت عمتي بدون لاتحجي اخذت الشب رفعت راسي ونشفت خشمي من الدم خلتي اطفر من الالم رشت شب صدك اشويه وانكطع غسلت وجهي رجعت اتمددت احس راسي يريد ينفجر من الالم كعدت يمي كالت اليوم ابات يمج

-لاعمه خطيه مكرم يضل وحده

-لانايم بالديوانية يم مصطفى

-رجاء شنو صارلها

-مابيها شي اجه احمد اخذها عياره يعمه والله وره ماانطكيتي  كمزت مابيها شي عود تتألم جذب

-ماشافها ماحس سنو السوه الله ينتقم منه

-لاتدعين علي يعمه شعرفه  بكيد النسوان حسباله صدك  وشاف اشلون تمدين ايدج على امه هم أكدتي  السالفة تره ماكو زلمه يشوف مرته اطگ امه ويسكت اشعرفه جذب  

-عمه بطني توجعني حيل

-سوده عليه يعمة

عصرت نفسي ونكلبت افرگ بطني مغمضه وادعي على مؤتمن اقل الربع ساعة واندكت الباب كامت عمه فتحتها طلعت  اشويه واجت دخلت وسدها  بيدها عصاره وحبوب كالت كومي خلي ادهن جسمج وهاج هذا مسكن شربي

اخذتهن صدك اشويه وجسمي رخه بعد مايحركني رجعت نمت غمضت عيوني وعمتي يم راسي تمسح على شعري وتقرا ايات رن جهازها  عافتني وشالته ردت هاا يمه … نامت…ياا لابطلت بعد متبجي….اي دهنت مجان الطگ  بعد ما تحس …ولك شبيك والله نايمه  لاراح ابقى يمها …اي ميخالف …اووف جا اشمالك يعمه اذا انت هيج عليش اطكها متكلي اشوكت اتبطل عصبيتك والله الها يوم تموت بيدك وتتخبل وراها …ولك هاي موش مثل نسوانه يعمه هاي ترفه متتحمل والله كسرت خاطري غير صالخها  من الضرب عليش ولك …لا نايمه لاتجي …عود الصبح …وانت من اهله

المسكن هدأ الالم البيه نمت بعد ماحسيت لاذان الصبح على احد يكعد يمي على الجربايه عرفته مؤتمن من عطره وخر شعري عن وجهي دنك باسني من راسي ويسمح بطرف اصابيعه على وجهي عمتي يمه تحجي بهمس تگله  تره ميصير حرام هاي محرمه عليك هسه

-دخيل ربج لاتحجين هيج جتليني ولاتكولين محرمة

-يا ج ااذا هيج تحبها عليش طكيتها  البارحة

اخذ نفس وكال تأذت مو بجت هواي

-اي والله يعمة بجت مهضومة عليش يعمه وياها تراها موش كد ضربتك والله يمعمه جسمها مصلوخ البارحه كوه نامت …اشبيك يعمه عليش كامش راسك

-ماعرف احسه يريد ينفجر

-مارحت للمستشفى انت عليش هيج هامل نفسك

-لامابيه شي يمكن ارهاق من قلة النوم البارحة ماكدرت انام

-دكوم وخر عنها لاتكعد وبعد لاتجي صوبها مؤتمن يمه حرام ميصير

-استغفر الله عمه بروح اخيج لاتحجين يمي هيج الحرام وانه حامله سكتي رحمه لدينج

-امم يعمه حسبالك ماتنكشف تره اعرفن شنهو الظامه وهم شيلها من راسك بعد هاي عملتك لوتسحلها ماتردلك

-عمه راسي راح يطگ

-سوده عليه ييمه اشمالك متگلي شفت وشفتني متسودن وتصيح من راسك دكوم لغرفتك هسه افرگه الك

لاخليج يمها هسه اسبح بلكي يهود

-مؤتمن رجعت گطعت صلاتك مو يعمه

مارد  دنگ باسني من خدي واخذ نفس طويل مني وكام طلع

ضليت على نومتي ما بنت انو كاعده واسمعهم جاي ضايج حضرته  بعد ماشبعني كتل  يضحك على الناس بهالكلمتين رجعت نمت

فزيت على طكطكت عمه وهيه تفتح الباب كعدت احس عظامي اطكطك يوجعني الله يكسر ايدك يارب

كمت غيرت ملابسي لان جان بيهن نقط دم شلت شعري وطلعت للمطبح لكيتهن يحضرن الريوك صبحت عليهن دخل مصطفى كال هاولج كالوا مجتوله البارحة

-اي والله الله يشل ايده موتني كتل

-هاي شنهو جوه عينج ازرك صدك والله عليش ولج انطكيتي

-لان كتلت اخته و كلتله امك واختك سحارات 

-الله يطيح حظج هاي احجايه تحجيها صدك ثوله

-اي هو انتي هلكد متكلي ثوله صدك حصير ثوله

-يلا عمي يالنبيهه حضري الريوك وجيبي ريوك جدتي للغرفة لان تعبانه متكدر تطلع

-عساها ماصحت

-امين جثري من هالكلمات بلكي تصيب وحده منهن

ضحكت دمغني وطلع  سوينه الاكل اتريگنه خلصنه  وكلمن راح لشغله بس مؤتمن بعده مانازل سأل عنه جدو كالوله نايم بعد ماحجه طلع 

اني راسي يوجعني مابيه حيل اشتغل هيفاء كالت روحي انه اشتغل مجانج رحت لغرفة بيبي لكيت عمه تسولف وياها كاعدات رحت اتمددت على قريولة جدو كالت بيبي اشلون البارحه اطكين بت عمج

-هيه ضربتني بالاول

-يااع واذا ضربتج غير البت حامل لوجاتله فرخها

--يطبها  مرض منو كلها تتحارش تستاهل اليصيرلها

-غزيلان انعدلي لااخلي مؤتمن يسحك على راسج

-ميحتاج البارحه سحك لاتعبين روحج كملهن كولهن البارحه كتلني وذلني وسحك على راسي وشنو يخطر بالج سوا ارتاحي حني اديج

-يااع شوف البت جنج متنعدلين انتي ولكم متكضوها جيبوها لجاي

-اهووو بيبي فدوه راسي حينفجر مو وكت اصراخج وين اولي متكليلي

-كومي طكيني بعد يبت فريال عليش بس تكتميني

-تره ماسكتج كلتلج راسي ديوجعني بس لاتصارخييين

دخل مؤتمن سكتت راح  دنگ على راس بيبي باسها وكعد يمها كالتله متكوم تجتلي هاي الفرخه وتشفي كليبي بيها عبنها تربيه شوارع

-شكرا بيبي بس تره هاي الشوارع التربيت بيها توسه ديرتكم وخباثت نسوانكم

كمت دااطلع وهيه شالت عصتها شمرتني بيها بسرعة صدها مؤتمن وعاط  صدگ جذب جده شجرالج لوجايه بيها

-ياع وخايف عليها تموت من عصتي جا مامات من جتلت البارحه كالوا جارم بيها هسه تموت من عصه

عفتهم هو يستغفر وهيه تعد
طلعت بره رحت للبستان يم سماح كعدت يمها كالت تدرين اليوم ترجع تهاني

-اشتعلت تهاني على رجلها واني شكوووو

-خاف هاي الضربه الي اكلتيها البارحه تاكلين اضعافها خلي اكلج

-وين اولي متكليلي واذبح روحي واخلصص

-روحي كولي المؤتمن ارجعلك بس طلكها

-لو يموت ماارجعله شيليها من راسج

-غزل كلشي رد بيدج هسه شتكولين راح يكول تم لاتضيعينها من جديد ونرد للندم

-الندم هذا انتي تعيشين وحدج بي اني ماارجعله

-ولج عليش موش تركتي لان اخذها وهاي تكدرين بجلمه وحده منج يشمرها

-اي وهو حيكول حاضر تم على امرج تره مصار كم ساعة من سحلني

-ولج البارحه للصبح يتكلب ماشاف النوم بعينه  مات وراج والله عيونه مغوركه كل اشويه يسألني اذيتها مو  جتلتها حيل  بجت هواي  اكيد زاد كرها الي  يسكت ويرجع يكول حقها تكرهني اشافت مني حتى اريدها اتحبني

-اكولج عوفج من مؤتمن دااحسج اخته مومرته ماكو هيج واحد يسولف لمرته لو هو حيوان لوانتي ماكو احساس تره علاقتكم غريبه

-غزل اكلج سر بس بروح ابوج لاتكولي لواحد واذا عرفتي توكفين وياي واتصيرلي اخت وسند

-عزا صدك دتحجين يعني لحد الان محاسبتني اخت ولي زعلت عليج

-والله لوعندي اخت ماحبيتها ابكدج ولاعزيتها

-لعد كولي يله شنو السر

-مؤتمن بمثابة اخواي احبه مثل مكرم وهو هم هيج

-يعني شنو مافهمت اشلون مثل اخوج

-يعني علاقه عاطفيه مابينه صح واحد يعز الثاني بس والله اشكد حاولت ماضبطت احبه وغار علي وهو كذالك بس من توصل لذيج الشغله واحد مااطيق الثاني  لذلك ابتعد عنه اشكد مااكدر

-لعد لويش باقين سوه متطلكين

-يمه اسم الله ولج مو توصل للطلاگ لا يعني اشلون افهمج شوفي اتربينا مثل الاخوه بيت واحد وهوه اصغر مني يعني حاسبته مثل مكرم من اتزوجنه هواي حاولت اغير مشاعري بس ماكدرت وهو وكتها جان يحب تهاني هم مابادر وياي وساعدني اتقرب منه ضلت علاقتنا بارده من اتعطل الطفل ماجه راجعنا كالوا عندج ضعف  من وكتها خفت العلاقه العاطفيه وبدت تتلاشه بمرور الوقت طبعا كيفت بس بنفس الوكت احبه مااكدر اعوفه وحتى هو يعني واحد اتعود على الثاني

-يعني نهائيا ماكو شي

-لامو ماكو مرات بالصدف اتصير من اشوفه يجسر خاطري واخاف من الحرام كوه على اعصابي اجبر روحي اول مااجيتي صح غرت منج خفت تاخذي مني كلت صغيره وحلوه هسه اتخلي يطلكني بعدين فرحتله من شفته حبج وانتي طيبه كلت هاي التكمل حياتنا واتخلي وياي مايعوفني

-عزاا هذا صدك محظوظ كل التاخذه مجبوره عليه وتتمنن بس يستاهل خلي هيج واني اكول مامهتمه من يحجيلج عن سوالفه

-غزل امانه السر يبقى بيناتنا اذا سمع احد يطلكني منه يلبسني مصيبه ويخلنه يعوفني اموت بدونه انه

- مواتكولين ماحاسبته زوجج لويش هيج تحجين

-لاوالله اموت علي بس اني جبيره الي بكدي جهالهن بطولهن مومال هيج سوالف وبنفس الوقت مااكد بدونه

-وهو شنو شعوره من ترفضين متردي هم يغصبج

-لا ولا مرة غصبني على شي خالني براحتي و حاسبني قريبه منه ومشاركني كل همومه اسراره بس كزوجة لا لان يشوفني رافضه هالشي هو محترمني ومحافظ على العلاقه البينه

-والله دخت مااعرف شنو دتحجين اول مره اشوف هيج علاقه معقده اتحبي ومتردي عايشه ويا ومبتعده عنه ماعرفت شنو بالضبط دوختيني

-من اتكونين انتي الجبيره ومربيه واحد ويه اخوج وبعمره وتتزوجي اتحسين بهيج شي
عوفج مني هسه انتي ارتاحي من جانبي خلينه بتهاني اذا دخلت تشعل البيت غزل البيت كله داخل انذار منج يدرون اذا رجعتي راح تسيطرين على مؤتمن ودمريهم تره عايشين بخيركم انتم الاثنين

-هذا الخير مااريده متنازله عنه اريد يعتقوني 

-ولج والله ميت عليج هو يتمنى بس اتباوعيله اتكدرين تفرين عقله واذا بيج حظ كطعي كلشي عنه واخذي حيفج منهم

بعدنا نحجي وسكتنه  صوت صراخ جوه كمنا
دخلنه نركض لگينه  رجاء  كاعده بنص البيت شاكه
ثوبها من فوك  ليجوه  وتلطم وتصيح
يبووو…

لاتنسون التصويت❤️