رواية كفي والمنجمه الفصل الثالث والأربعون 43 - بقلم Leo Alfatlawi

كفي والمنجمه

بقلمي: leo lAfatlawi

بارت الثاني /ج2/

… قيد اديه ؛انداريت ردت اكوم مالحكت اجه بسرعة جرني ردني لمكاني ودنگ قيد اديه

بعد ماعرف شسوي كمت ارفس واصيح بصوت عالي بس اريد احد يلحگني

اشكد دفعت وهوست ماگدرت اخلص روحي لحد مادنگ باسني احس روحي راحت صرخت صرخه رجت الغرفة
ضغط عليه ورد دنگ خله راسه بركبتي يحجي كلمات مامفهومه

ارفس واتوسل احتاريت شسوي اسحب بأديه ودفع بس مااگدرله يأست واحس طاقتي خلصت   شهكت و صحت  --سيف والله اكتل روحي بس تلمسني وخررر ولج مامااااا لحكينيييي …سيف فدوه سيف الله يخليك عوفني  بتي حتموت وخر دخيلك

-متموت هاي بنتي هاي راح اتكون الي

-ايي الك اسجلها بأسمك بس عوفني فدوه الله يخليك سيف دتخنكي راح اموت فدوه وخر الله يخليج …والله دتضغط عليها راح اتموت سيف اذا تحبني صدك اتركني

-انت ي  ال ي 

-الك الك بس وخر راح تخنكها

-متردين ل مؤ تمن

-لا لااا ماراح ارد اني اصلاً رجعتلك احبك الك بس وخرررر

-راح تطلكين منه موو

-اي ي اطلق وتزوجك  هدني حموت  ولك حتخنك الطفله ولج مامااا لحكينيييي

اكثر من ربع ساعة اتوسل وابجي ماضل طريق مادخلت بي يالله يله  بعد عني  بس بعد ما روحي طلعت  مااكدر اتحرك من الهبطه احس جسمي خدر من كميه الرعب الحسيت بي

غمضت عيوني خليت دايه على وجهي اريد اخذ نفس ارد استوعب الي اني بي اسمع بجيته يمي

وخرت اديه اشوفه كاعد بالكاع منطيني ظهره ويبجي دااتحرك وقفني صوته وهو يگول …راح ياخذج ادري بي  ياخذ ج  مايخليج يمي
؛ اندار باوعلي عيونه حمر گال بتوسل غز ل…لاترد ين  ويا خليج  يمي شنو تردين اني اسوي الج بس لااتعوفيني والله اموت بدونج

جان يحجي ودموعه تنزل كمت وبسرعة فتحت الباب وكفت باوعتله همس بيأس راح تعوفيني مو

-  ماراح اعوفك مؤتمن خلص من حياتي مستحيل ارجعله كافي لاتبجي ماراح ارجع

-توعديني غزل تبقين والله التردي اسوي

-راح ابقى بدون وعد اني لوجان رايده مؤتمن جان بقيت ويا ماعفته سيف ماراح ارجع ولاتتخيل ارجع فد يوم ؛يلاكوم اطلع ارجع لغرفتك وبعد لاتشرب الله يخليك

-لالاماراح اشرب بس ابقي وياي

-كلتلك باقيه كوم يلا فدوه اطلع ولك احس روحي منتهيه

كام كوه يمشي وصل يمي مد ايده راد يلمس خدي ابتعدت ليورا كلتله اطلع سيف

-احبج والمسيح

-اني هم احبك بس اطلع

ماعونت يطلع  قفلت الباب بسرعة كعدت ورا وانتجيت غمضت اخذت نفس

هذا اشلون ويا يربي اعرفه ماراح يتركني يشرب ويجيني اشلون راح احفظ روحي منه

احسه رجع مثل قبل بعد مايحس شنو ديسوي شنو العرفه وخايف منه معقوله مؤتمن مهدده بس اشوصله لهنا  لا مستحيل

لعد لويش رجع لهيج حاله موصار زين وخفف شرب
لميت رجليه وخليت راسي عليهن

كلبي يدك الف دكه بالدقيقة اجه على بالي لمعه عيون مؤتمن

حسيت مؤتمن هسه شفت اشكد صعبة من تشوف التحبه بحضن غيرك  وتوكف عاجز ؛شنو دتحس هسه اكيد بالموت مريت بهذا الشعور قبلك واعرفه شنو شعور  كسره الكلب بي 

رفعت راسي  اشوف الوشم ابتسمت اتذكرت من سويناه اني اتوسل بي وهو يسب بيه 

ضحكت هم اشوفه بعدك وتذكرني خليت ايدي على كلبي وغمضت اريد يوصل دكات كلبي للاسم بلكي يحس بيها ويدك كلبه وياها 

بكد ماجنت مشتاقتله بكد هاي نظرته  رجعتني شكد ليورا ؛رجعتني لايام غزله وحضناته رجعتني لخوفه عليه وتعصبه مني ؟لصوت ضحكته من يشوفني نازله من فوك مستعجله 

مسحت دموعي وكمت رجعت لفراشي اشكد ردت انام وانسى ذكرياته ماكدرت ضليت اتكلب الدنيا الضهر احتاريت وين اروح

فتحت الفون اكلب بي عجبني مقطع منشور

…لاتتورط بالحب فهناك قاضي اسمه الاشتياق لايرحم احد…
حولته بالانكلش ونشرته ؛اول لايك اجاني من ابو شهم

صار عندي فضوله اعرف هذا منو
دخلت على صفحته فتشت ماكو شي خاليه بس اشعار عن الحب  واي معلومة ماكو سويت سكرين ودزيت ارسال لمصطفى كلتله شوف هذا منو

رجعت افتر بالبرامج دقايق واجاني مسج  كاتب منيلج هذا

-مااعرف من متابعيني هيج لكيته

-وعليش بالذات هذا لفت انتباهج

-لان عربي واني ماعندي متابعين عرب

-سمطي بلوك شكو تبحثين ورا

-ما مااذيني لويش انطي بلوك يله هم صدك هسه احضره

حضرته ورجعت افتر بالبرامج شويه واجاني مسج ثاني من مصطفى كاتب شيلي الحضر

-لويش

-هاي ابنيه موش زلمه يمكن امسجلتها بإسم زوجها

-لا يله عوفها خلي تولي ما افتح الحضر

-عليش ولج خطيه تلكيها وحده مثل حريمنا محبوسه بالبيت ومتونسه على منشوراتج اقلها خليها تفتر وياج بخيالها بالولايات شيلي الحضر

-ؤك تمام صدك كسرت خاطر ذكرتني من جنت عدكم خرب بعيشتكم

-عليش ولج

-صدك تحجي اني لوباقيه سنه بعد ويه مؤتمن جان الحكومة داعت بيه بس  محسوبه من عدد السكان مالي اثر   هلكد ماظامني بالغرفة

-اي وحك علي صدك بس هم  فلتي من ايده الجان خايف منه صار

-اشلونه هم بعده يذكرني

-خليج وياي دقيقه فتحي كام  وتعالي وياي اراويج السبع شيخ عشيره ال…وينه

فتحت الكام وضليت وياه لمن طلع بره الدنيا ظلمه مامبين شي كوه اثر ضوه  وجه الكامره عالشط

كال شوفي وينه كاضيها هناك الليل كله دك جگاير على هاي كعدته وابن ابو اليوصل صوبه

-وين عنه صبوحه اشلون عايفته هيج

-بس لحظه لايسمعني  وتالي اكلي طكه بنص الليل

رجع للبستان كعد طلع جكاره ورثها كال اي ست غزل مرتاحه مو

-امم بس كلبي يوجعني على شوفتكم

-شوفتنا لو شوفته

-مااريد شوفته ولا افكر بي ما انساه السوا بيه شكد ترجيته ما يروح للزفه

-يااطلابت الزفه هاي خرب بهيج عرس كلب البيت نعل ابو اصله  خلاها كلها تترادم

-لويش اشصار وراي بعد

-كولي شنهو الما صار وجه الفكر دخلت دخل شكو نحس وراها اولهم مؤتمن اتحول لحيوان مفترس

-لويش موجان هاي امنيته وحققها شيريد بعد

-ميريد بطل  تاب يابه تاب كام يكتفي بالقليل انجرت اذنه وانعل ابو اصله بهذا حلمه
بس والله انه اجتني حاضره محضره شفه غليلي بصبوحه خلاها تنعل اليوم الدخلت بي هالمعفنه

-لويش شبي ويه صبوحه

--غير محلها مسؤولية الصار جا منهو الورطه بالعقد  وبعدها دكتله صدر بيج وجدي ايدها كالوله مالك شغل غزل يمنا بس تزوج وهسه عينج ماتشوف اله النور اول ماصار شيخ شاخ عليهم غير جلمته ماتمشي لوينطحون روسهم بالحيطان خلاهم يطفرون وراه واي طلب لو نصيحه باقرب حاوية يشمرها واذا همه بيهم حظ يحجون ويا يشعل ابهاتهم  يكوم البيت مايكعده اتفرعن عليهم كام يشوف ضيم  فكدج بعيونهم كرهم بعيشتهم

-ودعاء

-هههههاي دعاء استغفر الله هالمعفنه هم حاسبتها مرة بس والله يستاهلها حيل بي وحگ علي من تكعد يمه ويباوعلها بغل  تكضني الضحكه وين ايام غزاله جان اشلون يباوعلها خرب بغيرتك مؤتمن بالعباس شمر روحها بنكره محد يطلعه منها صدك ولج عليش حاضره سماح

-هاا

-ومررض صدك فوك شينج كوات عينج هم شارده وهم انتي الشايخه  علينه تدرين هاي عدنه المفروض انجتلج

-هههههه اعرف عايشين بقمة  التخلف وهنا اني حامل بدون زواج محد يتجرأ ويكول اشلون بالعكس كلها فرحانه ومتاني يجي

مارد صفن شوية واخذ نفس نفخه گال مؤتمن تعبان غزل

-مؤتمن هو اختار هذا الطريق خلي يتحمل

-غلطه وندم عليها  وحك علي ولج والحمزه ابو حزامين يضل للصبح على هاي كعدته خايف فد يوم يطك ويموت

-مايموت لاتخاف ماكو واحد مات وره مره

-بس اكو التسودن اوووف يغزل الصبح نتريك وهو عينه بالدرج كل حسره تطلع من نص كلبه دمرتي تراج جثير قسيتي عليه

-مصطفى ماراح ارجع اني ماتركته هيج خيرته وهو اختار هذا الطريق

-غزل  اليحب يضحي جان انطيتي جنص يصلح العمله انتي باول فرصه اجتج طفرتي ماسالتي عن الدمار الخلفتي وراج

-هو دمر نفسه يعرفني اتركه لويش جازف وستهان بيه

لان حس بحبج اله ويعرف اليحب من صدك يعتب ويعذر موش يترك وحگ علي اراهنج هسه اذا كلتيله اتنازل عن الشيخه وطلگهن كلهن راح يعملها بدون تفكير ولج يحلف يطلك حتى سماح اذا طلبتي جا وين وصل بي الحال ----اهووو استلم صوت مرت ابوي وين واصل يابه شكو

-ههههه شسويت مصطفى بعدك تخبث عليها

-وداعتج ماتحلى الحياه بدون الخباثه على شعشبون اسمعي صوتها اشلون يريح النفس من تصيح يااخي احس بنتعاش

-الله عليك شنو سويت

-ماكو شي فتحت المي عالزرعات غرگت الكاع موش شغله جبيره ماعرف عليش مخبوصه 

-عزززا راح محصولهم ولك مصطفى لويش متبطل

-لاتخافين باجر مؤتمن ياخذهن من ورثي

-ياورث شنو جدو وزع ورثه

-لايابه ورث ابوي طلع الاربعين توزع

-شنوو عمو مات عزا اشوكت

-حيل يابه صار شهرين وانتي وين شفتي عمج وصحتي عزا  هنه مرتين لو ثلاثه يابه صح جان ابوي بس ابد ما ارتاحيتله   يله الله يرحمه راح يونس معتصم خرب بغيرتج صبوحه ولدج ماتوا وانتي امكمشه بالروح

-صدك لويش جان ميجي  يمنا

-غير جدي اشتعلت روحه طارده لان رد امي كله لو تطلكها لو متدخل بيتي هو اختار الحل الاسهل احسن من ابنه اختار حبيبة گلبه لوجان زمال مثل ابنه چاهسه كاعد يمه عالشط واحد يواسي الثاني

-ههههه مايحتاج هسه  هو يم بابا هم كاعد واحد يواسي الثاني نسوانهم بالدنيا تفرفر وهمه هناك هسه بعد كم يوم امك تتزوج

-اي والله  صدك  تسويها رب الي بقت ويا بالسر ١٢ سنه لمن صرت زلمه متعملها هسه

-ههههه الله مصطفى يصير عندك اخوه صغار

-مااريد مؤتمن كرهني بالخوه --غزل بروح ابوج رديله ولج والله ميت بدونج

-مصطفى والله بعد مااحجي وياك اذا فتحت هيج موضوع خلص اني رحت واستقريت بعد مااخرب حياتي مره لخ

عليش تخسرين وتردين مره ثانيه تعيشين بندم چاي يگلج اطلكهن والج التردي طلبي الي يخطر على بالج وردي شيخه على روسهن افضل ماتردين بينهن والنفس الرطنه

-لااطلب ولاارد انتهت مصطفى لاتلح وتزعلني منك

-براحتج  راح  يله خلي اكوم  يابه  روحي 

سديت الفون سمعت  صوت الباب عرفتها  اجت ماما كمت نزلت نزلت ابجي سولفتلها عالسوا سيف بيه وهيه استلمته سحلته من فراشه سحل

صحته من الشرب بلاماي صوتها جان كافي يصحي الميت من كبره 

اني رجعت صعدت غرفتي واسمع الرزايل والتهديدات اخر شي كالتله ترجع شقتك انت موامان ضل يتوسل ويتعذر

عفتهم  همه نفس الصنف يحلوها بينهم خلي تشوفلي حل ويا اليوم الله سترها شعرفني باجر شيصير

ثاني يوم طلعت الصبح لكيت سيف واكف يم سيارتي صبح عليه مارديت وصلت يم السياره
كلتله من رخصتك خلي اصعد

-غزل والله ماحس لاتزعلين

-واني شنو ذنبي سيف اني اجيت هنا اريد ارتاح موانوب ارجع اعاني وياك

-وعد بعد ما اشرب بس لاتزعلين وداعتج ماعيدها
مااعرف اشلون ثكلت بالشرب غزل والمسيح احبج واخاف عليك اكثر من روحي

-لعد اذا اتخاف عليه لويش هيج دتسوي

-غلطه ومااعيدها

-لامو غلطه اكو شي صاير ويه مؤتمن جنت تحجي بس مامفهوم كلامك

-هاا لاماصاير شي وين لكيت مؤتمن حتى يصير شي عوفج منه وتعالي عازمج على ريوك فدوه لاتكسريني وهاي اخر مرة وعد ماراح تنعاد

-ؤك سيف بس مره لخ اخذ شقه واطلع وحدي اخاف اتكول ماكالت هاي دااكلك

-تمام اذا انعادت حقج سوي التردي

مرت الايام ماكو حياتي طبيعيه ماشين  بين مولات وطلعات وحتى سهرات صرنا نسهر كل يوم جان بيت وحده منا

اما  مواقع التواصل جان اله اثر جبير بحياتنا اكثر وقتنا مخلصينه ويا تعرفنا على ناس جدد دخلوا حياتنا

رانيا حبت واحد عربي من خلال برنامج  التواصل الاجتماعي قررت تتزوج بس لحد الان ماشفنه صورته اشكد حاولنا وياها ماقبلت كالت امسويتلكم مفاجئه بيوم العرس راح تشوفوا

احنه هم مالحينه بس امبين الولد امريش لان دك حوالات توصلها صح  زواجهم يتاخر لان من فتره قليله بدأت تمشي بمعاملة الزواج علمود تكدر اتسحبه بس هو يحوللها قبل حتى لاتطلب مبين ميت عليها

أما اني ياهن اگضي يومي او طلعات ويه سيف اكثر الوقت يعزمني لو نطلع نفتر مكانات قريبه مرات نفتح مباشر ويه البنات ويعصب مصطفى اضطر اغلقه گضيها بس نشر يوميات

بديت ارجع لحياتي القديمه وتطبع عليها طبعاّ متخلوا من شوقي لعائلتي هذا الشي الوحيد الجان خانگني

اشكد مرتاحه هنا وماكو مضايقات وعايشه براحه بس اضل احن لايامي القديمة مو بيدي صح جنت اعاني بس صدگ جنت احس بيهم ذولة اهلي بالاخص البنات وعمتي ام مكرم

…كاعدين عالبحر عازمنه سيف على غده صح الجو بي بروده بس الكعده حلوه مشغلين منقلة بين مافرشت اني ورانيا هو ومايكل  وكفين  يشوون
ماما كاعده  وعمو قتبه وعمو ابو رانيا يلعبون طاولي

المكان هادئ  مفتقده هيج كعده من زمان وهيج اجواء راحه باوعتلي تالي وضحكت كالت وين حجابج

-لابسه كلاو

-يعني هذا حجاب غزل لو رجعتي مثلنا

-مااعرف حسيت روحي نشاز وماما وعمو ايدوني

-طبعا تايدج لان هيه مو محجبه اصلاً وعدكم بالدين لازم تتحجبون يعني لو عادي

-لالازم واعرف روحي غلطت من نزعته بس مااعرف يمكن الشيطان وزني لو حبيت انتقم من زوجي ردت اتحرر من كلشي جبرني عليه  

-بس انتي بعدج صغيره يعني راح يقيدج

-تركي الحجاب اشتمي ريحه الشوي تموت

-وين تردين تره فتحت مباشر

-جيبي خلي اصور ذوله اشلون ديشوون

اخذته  كمت رحت يمهم وكفت وحولت الكام عالاكل واضحك وياهم كالي سيف غزل اشويلج معلاك

-لاخليني عالاجنحه

-موعلاساس مطيقين ريحتها

-مااعرف بس اشتهيتها يله فدوه بس استعجل تره متت جوع

-من عيوني ثواني بس وخري لاتنجوين

-وين مايكل

-واراج يسوي زلاطه يم المساعده

-ههههههه عاف الدنيا كلها انعجب بالمساعده مالتنه خرب بغيرتك مايكل

رحت يمه درت الكام عليه كلتلهم شوفوا صديقي ويامن امكبل وضحكت

علق مصطفى كال احجي عربي بت فريال خلي نفتهم اشجاي تصخمين طفي المباشر وتعالي خاص لااشعل اهلج

سديته واتصلت خاص فتح كام كال غردي بعد اخوج منهو هذا النوب

-ماكو ولك دشوفي صديقي امكبل ويه المساعده مالتي

-منهو عدها خدامة بت فريال  والله وكت الله يرحم ايامج صبوحه من جنتي توكفيها استعداد على الطارمه

-اي والله وانوب ميعجبهن غسلي اعيد كم مره لمن يطيحون حضي يالله يعوفني اشتعلت روحها على كولتك

-وييين ياااابه منهو الكال لاتبلينه

-شنو اشبيك مؤتمن يمك

-لاوين يمي مؤتمن ثلث نسوان عنده فارغلي اااا

-اشبيك

-لاهيج حادث عابر  اي شنهو اليوم اكو بحر وعزيمه خيرج

-ماكو بس طلعة عائلية عادي شوف هاي الكعده  اشكد حلوه تريح  الاعصاب

-جاهيه حظوظ ناس بحر ومتونسه وناس امكابله وجوه اذا تصبح بيها تنكلب قرد

سيف- غزل صار الاكل اجيبلج

-اي شوية حطلي بالماعون ويجبه يمي   دااحجي ويه اخوي

-تمام تامريني

مصطفى- شجاي يرطن ابن الحذاء هذا

-ديكلي خلصت اجيبلج تاكلين

-هذا الرطن كله بس لخاطر يكول استوى غزيلان اذا لغيتي بعد ويا بغير لغه اسحك راسج

-يووو مصطفى ماحجيت شي كال تجين يمنه تاكلين رديت لااكول هنا يم البحر بس

اني اقنع بمصطفى بالكوه واجه هذا الزمال جايب ماعون خلا يمي وكرص خدي يضحك كال اكلي الف عافيه

-اخ سيف تره توجع كرصتك كم اكلك بطل

اني احجي و انسحب الفون من ايد مصطفى واشوف مؤتمن كدامي  عيونه حمر ضاغط على سنونه انوب الكامره نزلت شوية لان كمزت من صوته جنت مطلعه بس وجهي ولابسه اكلاو مامبين شعري من كمزتي طلع شعري ولبسي هو شافني وهو انجن رسمي

بعد مالحگ اسمع شنو نوع السب  ماخله واحد من عشريتي ماطلعة نكثه ونعل ابو صله ورده

اريد بس احجي لو ارده ماكدر  كوه كلتله تره مو وحدي وياي  ماما جايه وانت شدخلك

-من انعل ابوج لابو امج لابو الجابج عليه حسبالج رحتى ومالوحك وحگ الخالقج اجيبج سحل وانعل ابو اصلج اذا ماكرهتج بالعيشه ماتسمى زلمه ولج غزل شامره حجابج وتفترين بالبنطلون من احترك ابوج بكبره

-مؤتمن تره موبالبصره اني بأمريكا يعني عادي وانت منو وتمنعنيي

--غززززززل لاتخبليني هسه تريدين للبيت ولاحك الكعبه احجز واجي اشعل ابوج بكبره

-لاتغلط اكدر هسه احضرك  مثل ماحضرتك من حياتي بس ماراح اسويها لان مامسويه شي غلط ولاتتجاوز لان ماسمحلك

-طالعه مفرعه ابنص الزلم وتكول لاتاكل تبن لج غزل اذا مارديتي هسه للبيت وراح الراحوا اصبح يمج واعلمج الامهات شتجيب

-متكدر كولشي اتسوي هنا يسجنوك

-دخلي اكضج واگضي بيج التوبه وكتها سهله السجن  اذا ماترست حلكج باردو مااتسمه عالزلم يلاااا بسرعة عالبيت وكون اللكفج طالع من غير حجاب وكتها اعملج اشلون تتادبين

-لاتصرخ مؤتمن  شي مامقتنعه بي مااسوي

اباوعله  عصر جف ايده وعضها بكل حيله  لوبيده يطلعلي من الفون يخنگني وخر ايده وحجه من بين اسنونه- غزل لاتختبرين صبري احسبلج دقايق اذا لكيتج بعدج بره وحگ الحگ كلها ساعات وتلگيني على راسج وانعل ابو المسيبج بره

ماردين بس حركت راسي بحركه مال استهزاء

ومااسمع غير عاط عيطه طك طبلات اذاني وراها انشمر الفون وانطفه يمكن كسره عرفته راح فون مصطفى المكرود

احس براحه وكلبي برد من شفته معصب وميكدر يلوحني اجت ماما كالت شكو شنو الصاير مؤتمن اتصل متخبل

-ماما يكول رجعي للبيت لباله بكيفه

-اي بكيفه يلا نرجع

-شنو ماما تره ما يگدر كلشي يسوي شيجيبه هنا

-لاوالله صعبه من الصبح تلكي على راسج لاتنسين رجل اعمال عنده جواز وين يريد يوصله غزل يله بدون معاند خلينه مرتاحين

-ماما تره حتى لو اجه مايكدر يسوي شي

-اي من باجر عود ولج والنبي  يخلي طلقه براسج ويدخل السجن عند يامسهله ولايخليج تلعبين بكيفج يله ماما لاتزوديها كلتله عشر دقايق وحنا بالبيت كوه قنعته يله لاتشلعين كلبي

-اووو ماما يعني حتى هنا ماارتاح راح يخنكني

رجعنا مابيدنه شي هسه عرفت لويش سيف اجه سكران يمكن امهدده لو هم دازله جماعه امهددي  كمت كلشي اتوقع من مؤتمن

صدك مثل متكول ماما مو سهل مؤتمن بس الغلطه الوحيده الغلطها ماعقدني محكمه بعد ماله حق  كلشي يسوي

بطلت قليل افتح مباشر كمت اخاف او اتجنب المشاكل حتى مصطفى بطلت اراسله

مع انو  ثاني يوم صلح جهازه ودزلي مسج ساحلني سحل بي لان انكسر جهازه بسببي ضحكني ماهامه الصار يبجي على الفلوس الخسرهن  اني هم لغيت الارسال  وخلصت من السالفة

يمشي يومي هادئ بس بليل تهيج المواجع صار عندي مثل الادمان ما انام اذا ماافتر بصفحة مؤتمن  واكلب صوره اخر شي احضن غترته وانام متامله يجي يوم وانساه

اعرف دااجذب على روحي لان اتخيل كل ليله بعدني بحضنه واسمع غزله كمت انام بس حتى  اتامل يجيني بالحلم

الباب يندك  وصوت ماما وهيه اتكول غزل راح الوكت يلا كومي

فتحت عيني شلت راسي الساعة ثمانية فركت عيوني وتمغطت

رجعت درت وجهي اشوف غترته يمي شلتها صرت اخاف من كثر مااحضنها  واشتمها يروح العطر مالتها ومااعرف وكتها شسوي

كمت للحمام غسلت وغيرت ملابسي للمدرسة جان الزي  لو تنوره قصيره لو بنطلون

لبست بنطلوني وقميص الدوام ردت اطلع خطر على بالي البس غترته مااعرف لويش بس حبيت هيج اسوي احسه قريب عليه ؛رجعت للمرايه ظفرت شعري ولفيتها اول مره ما ضبطت فتحتها ورجعت لفيتها ويه كل خطوة اذكر مؤتمن اشلون يسويها اتخايله واسوي مثله  لحد ماضبطتها اباوع  طلعت حلوه

خليت ميكب خفيف صح خدودي صايرات كولش مدبدبات بسبب الحمل بس هم طلع حلو

اخذت الفون وطلعت اني وانزل لكيت رسالتين واصلاتني من مصطفى فتحت الرسائل وحده كاتب ها بت فريال وينج

الثانية غزاله خويه وينج عليش مختفيه شصابج

ضحكت اشكد مااريد ابعد عن هذا الولد مااكدر احسه توأمي 

خلصت الدرج شافتني ماما عوجت حلكها ماعجبها لبسي اني هم ماحجيت وياها اخذت قمصلتي لبستها وطلعت صعدت  السيارة واتصلت بمصطفى فيديو  ثبت الفون كدامي ودنكت اشغلها  بعدني مدنگه وانفتح الفون بس ماكو صوت شغلتها ورفعت راسي

لبالي زعلان ما يحجي وياي لان صار كم يوم ماارد عليه بس تفاجأت بمؤتمن صافن عليه وكفت سيارتي ردت اسحب الفون اغلقه كال غزل بس لحظه اوكف بروح ابوج لاتغلقي

-مؤتمن على ما اظن ماكو بعد كلام بينه

اخذ نفس وسكت اخذله ثواني يباوعلي و كال من اشوكت غزل خلص الحجي بينه

-من تزوجت

-مااگلج ماغلطت بس موش كافي اخذت جزاتي ومستعد اعمل اي شي اطلبي

--فات الاوان مؤتمن خلص كلمن رجع لحياته الصح هيج احسن النه اثنينه مهما حاولنا ماراح تضبط حياتنا سوه

-مشتاقلج يعلة كلبي

جنت امدنكه واحجي مااكدر اباوعله بس من كال يعلة كلبي حسيته شلع كلبي من مكانه شلت راسي وباوعتله نزلت دموعي بسرعة دنگ لزم راسه

-دمرتها لعلة كلبك كلتها ومسحت دموعي رجعت شغله السيارة ودست حيل

-محد ادمر غير …غزل بويه سوقي على كيفج

-مدااسوق حيل يله موتمن روح عندي دوام

-غزززل خففي السرعة

-مؤتمن انت اشوكت اتحس اني نسيتك وبعد مااذكرك ابد

-ميخالف بويه خففي السرررعة

-انت شنوو ماعندك احساس مدتشوف اشلون عايشه بدونك براحه يعني خلص شلتك من راسي

-حسيت من لبسج لغترتي

-تره هذا استايل مولبالك بحالك

-غزل رجعيلي والتردي يجرالج

-مؤتمن خيرتك وانت اختاريت

-ندمت وحك علي ابن ابي طالب اتندمت وعضيت اصابعي ندم ماكفاج العقاب رديلي بويه بالعباس ميت بدونج

-رجعه ماراح ارجع لويش على شنو راجع على عيشتك الحلوه لوعلى اهلي الي ناس تاكل ناس لوعلى ظلمك الي وهم كول ميخالف اتحملتهن كولهن شنو سويت اخر شي تزوجت وشمرتني تذكر اشكد بجيت واتوسلت اشكد اترجيتك مؤتمن لاتروح
شنو سويت انت وكتها تذكر لواذكرك

-غززززل  خففي سرعه خرب بعشيرتج لج بويه لاتتسودنين غزل بويه هدي

-وهاي وكفت  يله مؤتمن امر شنو اتريد رجعه ماراح ارجع ودعاء الي اختاريتها كمل وياها صرت شيخ ارتاحيت كملت احلامك على حساب كلبي وهسه راجع اطالب ارجعلك ماراح ارجع

-اخر مره راح اطلب منج غزل ردي التردي يجرالج تردين اطلكهن ثلاثتهن اطلكهن ماراح اعترض لان هذا حگج بس اذا رفضتي اردج غصباً عنج وكتها ينتهي حگج لاتجين اداعين بشي انتي جنت سبب ضياعه

-ماتكدر تسوي شي مؤتمن لوجان بيدك شي جان ما تاخرت لسه روح كمل حياتك بعيد عني انساني يااخي كمل ويه الي اختاريتها وهاا على فكره بس اولد راح اطلق منك واشوف حياتي مو لانو ميته على الزواج بس هيج اريد احسسك بالحسيته

اشر اي وهو ضاغط على اسنونه  همس هانت وسد الفون

صفنت هذا شنو يقصد شديحضر مؤتمن كلبي لعب شنو المصيبه الناوي عليها بس مايكدر يسوي شي اني بعيده عنه اي قابل شنو يكدر بس لا والله مؤتمن ماينحزر مستعد ينطي كلشي عنده بس حتى ينفذ الي براسه سواها قبل وخسر املاكه كلها حتى يردني 

دكيت رقم سماح ماكو احد يعرف غيرها هاي بير اسراره اكيد تعرف شيفكر وشديحضر خليت الفون يرن وشغلت السياره راح الوكت ثواني وردت هلوو عيني شنو هالغيبه

انداريت عليها عين بالطريق وعين بيها لكيتها  بالمطبخ واكفه ويمها هيفاء الجانت زعلانه متحجي وياي  ضحكت كلتها هلا سموح حبيبتي مشتاقتلج

-اي عيني هواي امبين شنو عمي تطور وسيارة ومفرعه بعد ياسموح ابيش كيلو

-هههه ولي لج --اشلونج هيفاء لوبعدج زعلانه متردين

هيفا -لاعلى شنهو زعلانه قابل هديتينا  ونهزمتي بليله ظلمه وخليتي اخوي ينوح وراج لو ماحسبتي للخوه البينه وكلتي اشلون اترك اخياتي

-هيفاء لاتلوميني على شي مامريتي بي وحسيتي بوجعه

-اوووف غزل يله بعد صار الصار اشلونج بس بدون لااسأل امبين احوال صايره

-اكول شكلجن خليتن عينجن وراح اسوي حادث ماعونت اخلص من اخوج واسده بدون حادث انوب بلشتن انتن

-الله عليج جنتي تحجين ويه مؤتمن

-عوفج من مؤتمن الي مامن ورا غير شلعان الكلب ولدتي بعدج

-اي ما تشوفني يم اهلي جبت سند

-الف مبروك يعمري يتربى بعزج  اني احجي واسمع دعاء صاحت وتهاني جابت شهم كالتها واجت كاميرا

-اي الف مبروك واخيراً انفتحت عقدته مؤتمن وصار عنده ولد

-انفتحت من زمان لاتخافين من صار شيخ

-ماشايفه شيخ يبجي على مره هذا شيخج بس عليكم تعرفين من ساعة شنو جان ديحجي وياي وداعت بنتي كال اطلقهن كلهن بس رجعيلي كلت اعرف هذا العز لخاطر هالعبده اذلها لاحرمات الصراحه ماهونت كافي الذل العايشه بي هسه

-جذب مؤتمن مايكول هيج وين الذل امعيشني ملكه

-هههههاي ملكه عد منو عد مؤتمن فدوه لاتضحكيني ست راسج ماعاشت عنده ملكه مو انوب انتي الجابج ابوج وشمرج غصباً عنه عليه واتنازله عن الشيخه بس لخاطر يقبل بيج

-غزل وحگ

-كافي كافي لاتحلفين ولي اتاكدي من كلامي وتعالي الغي او لويش ترحين مبين من مخلصها نايم بغرفتي على عطري وتاركج حالج حال الصخله الجربه بالحجز

-منهو گلج

-ههههه لويش هو منو المايعرف خال شرط طلاگج بأول كلمه تطلع منج انو بعدج بنيه بس والله خطيه كسرتي خاطري بعد هذا التعب والهوسه كلها تالي انشمرتي بس للخدمه ههههههههه

دفعت الجهاز وراحت شايطه اسمع سماح وهيفاء ميتات ضحك كالت سماح والحمزه مرة بيج حظ حيل بيها اشكد قاهرتني

-سموح لاتلعبين براسي واتخليني ارد واعلمها اشلون تقهرج

-والله ياريت هو محد دواها غيرج

-افا جنج على جرة اذا خليها عليه والله اله اخليها اتكول الله حي واني هنا بدون لااتحرك

-ماراح ترجعين

-بس لحظه اوكفي خلي اركن السياره وانزل وارد بجواب يفوخ كلبي بيج

ركنت سيارتي واخذت الفون نزلت قفلت واسمعها صاحت اصخام الصخمج اشلابسه غزل وين مؤتمن يشوفج

-ههههه شافني بس ماطايحه بيده اشتعلن  اخر وايرات مشكلات براسه ونطفن وحدهن

-ولج امي جاي تصيحلي اتريد تشوفج

-لويش وينها يمكم

-اي بغرفه جدتي بس اخلي اخذ النقال الهن

-ديله وخلي بعيد اريد اراوي عالم يمكن من زمان جانوا براسي

-ههههههه غزيلان موش كافي

-ولي لج وسوي مثل مااكلج

راحت لغرفة بيبي وصدگ سوت مثل ماكلتلها خلت ميز وثبتت الفون كدامهن شفت عمه تبجي ضحكت مسحت دموعها ودارت وجهه تشهگ

-عزا عمه لويش دتبجين

-ولج هيج هنت عليج وتركتيني يغزاله

-والله يعمه غصباً عني المفروض انتي اول وحده تعذريني

-معذوره يبت الغالي بس يعمه ماكفاج بعد

-لاعمه دخيلج دشوفي نعمة الله المطشره اشلونها ابربج  ترديني اعوفهم وارد خافي ربج ظالميني بمؤتمن دشوفي

-مم  يعمه شفت اشلونج  انتي حملج اشلونه

-بس انتظري لحظة خلي ادخل اكعد حتى اسولف وياج

وجهت الكاميرا عالطلاب واني ادخل للممر وهنه بس يصيحن ياااع وياااع ؛  لمحت دعاء يم الباب واكفه وتهاني كاعده يم بيبي ورجاء لامه رجليها واعوذ بالله شكلها يخوف مومياء وشهبه ولاشعره صح حاطه حجاب بس امبين الله يجفينه الشر ويشافيها 

دخلت ليجوه طلعت كارت الطلبه دكيته بالدخوليه ودخلت  رحت للكافتريا كمت اني وامشي شكو واحد حلو اسلم عليه حتى لو مااعرفه بما انو احجي غير لغه مأمنه مايفتهمن عليه بس فاكات احلوكهن وادري شعشبونه راح اتوصل الحجي نصاً اذا ماجملت عليه

واجان اشوف كابتن المدرسة هذا مضروب بي المثل بالجسم والشكل عدلت الكامره علي ضبط وكفت كلتله ممكن من وقتك

-اتفضلي

-اريد اسجل بالنادي اشلون الطريقه

-تعالي باجر وجيبي المستمسكات والدفع الشهري اسويلج كارت دخولي

-تمام بس اشوفك طويل يعني اذا دخلت النادي اصير بطولك 

-هههههههه لاطبعاً انتي قصيره بس اتنحفين قليل مو تطولين

-ههههه اوكي تمام شكرا

رحت جذب اصلا لااريد اسجل ولااريد اضحك هيج حجيت عالاساس صديق واريد اغيظ بي ادعيوه صاحت هيفاء فلك طرك موش زلمه ضيم بالعباس

-ولج هيفاء هذا البيست مالتي مااسمحلج

-خرب غزل خيه ماتسحبيني وياج

-عيع شصخم بيج نفس اخلاق اخوج راح اتشلعين كلبي

-بالعباس مااشلع كلبج ولج عسل موش زلمه يماي چا اشكد مظلومين على كولتج لاخيه عذرتج خليج هناك واذا اجيتي اني اچتلج

-منو كلج اجي شنو تخبلت ارجع للتدمغ مال مؤتمن يااا هاي صبوحه اشلونج صبووووحه

-وجعت صبوحه عبنج مامتربايه وفالته على امج

-ههههه لعد خلي اكملج اراويج اشلون لابس بس لحظه خلي ادير الكم عليه…اشلوني ها خو عجبتج

-امم جنج بزون شابع بريعصات

-ههههههه اخ يمه  لاهذا مثلج بمكانه  صدك وخدودي منفوخات حقج بس والله بيبي من ورا الخير الاني بي بس اشلونه الجنز ويه البوت مو يخبل مااعرف من لبسته اليوم لويش اجيتي على بالي من خليتي مؤتمن يكتلني على الجواريب اخ منج اشكد جنتي خاله نگرج من نگري

-ولي نگرها عبنج موش بت شريفه جا هذا لبسج مال شريفات بت فلتانه وماشامه ريحة التربية

-اه ذكرتيني بالتربية نسيتها يمكم  شوفي بالله بس كوله من وراكم صدمتوني خليتوني اطلع مستعجله وانسى اخلاقي وشرفي يمكم

سماح- موش كافي جنج زوتها غزيلان

-عوفيني الزياده خلي اثبت الفون عالطبله واطلب شي فتحتوا نفسي عالاكل وانزع القمصله متت حر هلكد ماضحكت

-ضحكت خير يعمري ان شاءلله

هيفاء- ضحكت خير بوجود  مؤتمن مااتصور

-شنو دتقصدين ؟؟؟

-لاحبيبه ماكو شي طلبي اكلج

خليت الفون وطلبت اكل الولد جابه خلايمي وجو رانيا وتالي عرفتهن على اهلي سلمن وحشكن روحن بيه رانيا تحجي وياهن بس تالي صافنه هنه يحجن ورانيا ترجملها  وترد مكانها واني بالنص اضحك على اسوالفهن اشلون يتحارشن بتالي وفاكات حلكهن لان امصلخه

لمن اجه مايكل وهذا رخم من نوع اللزكه انوب شافني لابسه هيج اتخبل اجه يتحركش يريد يسحبها ولبسها ادفع ويرجع لطش اخر شي عطت بي

اجه خله راسه بالكاميرا دفعته وكلتله ممنوع واحد يشوفهن ذني

بس جذب اذا فك ياخه عني  اول ماشافني رجعت  احجي وياهن رجع وكف وراي وجعص خدودي بأدي كمت  هفيته بالبطل مال الصاص ورجعت كعدت لكيتهن ميتات ضحك وعمتي تلوي بحلكها

كالت سماح ولج ولعباس حياتج ونسه

-اي لعد اشعبالج بس هذا مايكل شوية لزكه اذا ما نضرب ما يستقر حمار بمعني الكلمه اكوله ذني من جماعة القديسات مايصير يظهرن وجهن وهو ولايمه

-هههههههههه اي بعلي صدك من القديسات ماجذبتي زلمنه خللونه بالبيت جاكون اطلع مثل صاحبتج  بالستيان يماي وين عني مؤتمن

-عزا هو انتي كدام مؤتمن مامسويتها تردين للشارع عدل كولي غيرها

هيفاء- ياع وداعتج بعرسي سويتها ولبست لرجلي هيج

-استلم بعرسها اكولجن راح اسوي دعوه لزلمجن واسحبهم كلهم داده  مظلومين وياجن

سماح- اي والله مظلومين خاصه مؤتمن راحت البطه بقن الصخول غير حظ عنده

-لاحشاج انتي ورده يعمري بس الباقيات صدك اصخول بشري ابنه بس لا هم  على امه

تهاني- يااا واشبيها امه

-لاافا جنها الكمر من تبلعه الحوته البلاعه

دعاء- امم ميته غيره جامؤتمن فضلنا عليها

-ههههههاي شفضل ابربج ماسكتين انتي على كولت صافوو اغراب البين  هذا الفضلج روحي شوفي دارز جسمه باسمي وماينام غير من اغلق الفون  وهم يحضن مخدتي لبالج ماادري كلتها وغمزت وسماح

طكتها ضحكه ضحكت على ضحكتها وكلتلهن
يله بنات صار وكت الدرس باي

سماح- يمه فدوه والله اشتاقينه لسانج الاعوج

-هياتني يمكن كل يوم اتصل ماعندي شي باجر حروح عندي سفره اخذكم وياي يله هسه لازم اروح بااااي اموووواح

قفلته ودااكوم   ردت اطلع  واشوف جهاز رانيا يرن يمي بس الاسم جذبني مصطفى هيه راح تسحب سندويج

اخذت الفون وفتحته لكيت كاتبلها ها كلبي كملت الحواله اليوم توصلج  هسه راح اصعد الطيارة اليوم  بحيل الله اوصل   للاردن نلتقي هناك مو تتاخرين

باجر من الفجر ايردج مزروعه كدامي

احس صاعقه نزلت عليه معقوله مؤتمن جان يقصد علي يعني هذا مصطفى الراح يدزه عليه اي كالت سماح دز مصطفى بشغله يعني تقصد على هاي شنو محضرلي مؤتمن

رجعت كعدت مكاني مصدومه اوهم روحي بلكي تشابه اسماء مو نفسه مصطفى شالت راسي شفتها اجت تضحك كالت هاخلصتي مكالمتك

-منو الراح تتزوجي

-ليش

-منو رانيا

-واحد عربي ماتعرفي

-رانيا عراقي موو

-شتردين غزل

-شنو شريد  منو رانياااا مصطفى اخوي

-اي مصطفى اخوج هو نفسه حبيبي   كملنا العقد وباجر  حنسافر للاردن  ويكون  حفل زواجنا

هناك  وكملت كل اوراق السحب خلص…

لاتنسو التصويت ⭐⭐⭐⭐⭐