رواية كفي والمنجمه الفصل الثامن والعشرون 28 - بقلم Leo Alfatlawi

كفي والمنجمه

بقلمي: leo Alfatlawi

بارت السابع والعشرون ***

فتحت عيوني على كبرهن واني اشوف السجينة بيدها هيه صرخه وهيه ركضه اجتني بكل حيلها

من كثر بشاعة الموقف صرخت صرخه رجيت المكان ردت اكوم مالحگت دنگت خلت ايدها على ركبتي ويدها الثانية بيها سجينه تريد تضربني

بسرعة كمشت ايدها ابعد السجينه عني وادفر بيها بنفس الوقت  ردت بس احمي ورحي

دقايق مو اكثر مرت بس جان الخوف وحده يجن اكبر عاقل صوت صرختها يشبه صوت رجال
شكلها ما مبين بس قوتها  عجيبه على اصواتنا  انفتحت الباب ودخل مؤتمن يركض رفعها مني

سحبت النفس روجعت ليورا دخلوا ورا يركضون فتحوا الضوه  انتبهت الايده  كامش سمر بس شعرها منكوش وتتماطل وياه كوه مسيطر رافعها اتريد ترجعلي
ركض احمد سحب السجينه من ايدها ومصطفى جتفها وشالها

ثلاثتهم  يالله سيطروا عليها مو تكول هاي سمر الرفيعه جانت تمتلك قوة عجيبة وشكل وصوت يخوف طلعوها وهيه بعدها عينها بيه  

اجه مؤتمن دنگ عليه لزم وجهي رفعه كال اذتج

-لا بس لويش هيج  دسوي 

-مريضه نفسياً هاي

-لامو مريضة هاي بيها سحر

-ياسحر بويه من هيه وصغيره جانت شاخطه اشكد عالجوهه يالله اجت للدرب بس هسه يمكن عقلها بعد ميتحمل ادويه انجنت

-لعد لويش تريد تكتلني

-تچتل منهو غير اشنقهه بالبنكه واصلخ منها لحم

-مؤتمن فدوه بعد لاتعوفني هسه تدخل

-لابويه وين اروح بس هدي عليش هيج ترجفين

-مااعرف بس خايفه

رجع  كعد يمي وسحبني لحضنه بالي يمها بس بعدها الرهبة بيه احس روحي رايحه 

هدأت اشويه كلتله خلي انشوف شنو صارلها فدوه اخاف يأذوها

-محد يأذيها كلهم يعرفون حالتها

-ميخالف خلي اروح اشوفها

-غزل الباب تقفلها من تنامين ؛ وحدج لاتضلين خليج بين البنات هاي ماطول خلتج براسها بعد متفوت حالج

-عزا لويش دتخوفني

-موش اخوفج بس شاخطة وخلت شي براسها ماراح اتركه لمن تعمل  مصيبه يله كومي خلي اشوف وين صفت

كمنا  طلعنه نزلنا  لكيناهم رابطيها جوه يحاولون يشربوها علاج وهيه تمانع مصطفى عاصر وجهه واحمد يريد يشربها وماكادريلهه خالتي تبجي وتتوسل وهيه تكول مو بشر تكز على اسنونها وتكلب عيونها

تالي راح مؤتمن كلهم بعدوا وخروا هيه تباوعلي بغضب وطلع اصوات وصل يمها عصر وجهه حيل كلها فتحي حلكج  باوعتله بغضب و صكت  على اسنونها صفكها راجدي اني من يمي طفرت هيه بسرعة فتحت حلكها شمر الحبايه ودار بطل الماي اجت امها وخرته وشبكتها اخذت اقل من عشر دقايق سنحت تكسر الخاطر انوب راجدي مؤتمن صالخ خدها

شالها احمد وداها غرفة بيبي رحت كعدت يمها ودموعي تنزل على حالها گالت خالتي  خو مااذتج

-لاخاله بس ولويش هيج وضعها 

-ماااعرف يا خاله گلنه صارت زينه وراحت منها اشو رجعت ازيد

-خاله اخاف هم سوولها سحر

-منهو الي يصدك ييمه كلهه تكول لاهيه مخبله خليها على الله الله ياخذ حقنه منهن ربي يراويهن بعز شي على كلبهن مثل ما يأذن هاليتيمة

-ونعم بالله بس باجر ناخذها للطبيب

-يمه ماكو فايدة بس خسران افلوس واخوها ماعنده

-لامؤتمن ياخذها مالكم شغل بالمصاريف اشكد متكلف خلي اتكفل اهم شي ترجع لصحتها

كاعدين يمها وهيه تون تكسر الكلب نزلت رجاء كالت شنهو رجعت لخبالهه
 
باوعلها اشلون اتباوعلي و تضحك  شكيت هيه الي مدخلتها  غرفتي واله شصعدها للغرفة وبيدها سجينة بدون لاواحد ينتبه  بس سهله يرجاء اذا ماخليتج اطفرين قهر

كالت يمه همزين مادخلت عليه جان السجينة ببطونه راحت افريخاتنه

-وانتي اشعرفج اكو بيدها سجينه

-ياا بس لا تردين تشمرين علينه  سالفة تره كلهم يسولفون بيها جان بيدها سجينة

دخل مؤتمن كال صوتجن بويه هيه بسرعة حضنته وكمشت ايده ولفتها على متنها وهو هم حضنها وباسها كالها اشلونج

-مشتاقتلك يبعد روحي شنهو هالايام ماتسال

-وين غير غاط لراسي بالمشاكل يلا فضيت هسه امريني  معتازه شي لو بس اشتياق

-اريد اجهز لمؤتمن الصغير 

-من عيوني احسن جهاز يوصلج

-اريد افلوس اطلع اجيب كم شغلة لغرفتي

-هم سهله يجرالج

-اشبيها مرتك اشو اتخازر شنهو اخاف مثل اختها هم بعدين تشطح 

-بعدين ؟؟؟ولج من كاعهه  شاطحه مرتي هم حاسبتها شايله عقل

كمت طلعت اشكد ماصخين رحت للمطبخ لكيت سماح وعمتي يسولفن شافتني كالت هاولج اشلون بعد الخرعة

-سكتي وخليها وحق الله كمزتني بس والله شاكه برجاء

-يمعود رجاء جانت فوك يم تهاني استوها نزلت وانتي عقلي غزيلان لاتضلين ادورين مشاكل اسويلج شي تاكلي

-لااا مااريد بس اليوم انام يم عمه  اخاف اصعد فوك بعد الصار

-عليش يمه وين رجلج

-لاحبيبتي البارحه يمي اليوم يمج

-شنهو والله ماحزرتي لاحبيبتي صار كم شهر طايره تلصمين وحلكج ماتفتحي

-انكتمي والله اروح اكله سماح اتكول اذا هو رجال خلي يدخل غرفتي

-حتى امرعطج بنص البيت وهم يبات اليوم يمج

دخل مؤتمن يشرب مي سكتنا لان نعرف اثنينه  ننسحل صاحت  عمتي ام مكرم  شعامل بنسوانك ولك اشو وحده تشمرك عالثانيه

شال ادي يبرء روحه كلها كلشي ماكو الله وكيلج كاضيها جفاف بجفاف بس اذا مااطكهن بالرابعة تسوا روسهن سهله

-اي والله يعمة صدگ كونك تعملها وتجسر روسهن

اشر بس انتظري ؛اخذ المي وطلع

سوتلي لفه رحت لغرفة بيبي كعدنه شويه وكلمن راح لغرفته ضلت سمر بغرفة بيبي

نام احمد وخالتي يمها قرروا الصبح ياخذها للطبيب احمد ومؤتمن بلكي اكو امل ترد لطبيعتها

اتاخر الوقت صعد لغرفتي بعدني ماقافله الباب وصار كدامي رجاء  بغرفة تهاني لازمه ايد مؤتمن حيل وتحجي ويا  رديت الباب وتمددت بفراشي عالم ماعدهم احساس

وهو مامصدك واكف يم مرته اسمع ضحكهن وين واصل  واني اشتعل وانطفي وين مرت اكثر من ساعة فتح الباب ودخل شمر قميصه واتمدد حلفت بس يمد ايده اسويها هوسه

يخلص ضحكه وسوالفه هناك ويجيني بس وقت طياح الحظ يريد حقوقه هو يمكن فهم السالفة وحده شافني متنرفزه ماسوه شي بس سحبني  على ايده ونام كلتله تره مؤتمن ماصايره هاي شنو اضل طول عمري بالكاع نايمه

-عليش شرايده وشبيها نومة الكاع ماعاجبتج

-لاطبعا ماعاجبتني شوكت حتشتريلي غرفة

-ماكو حمدي ربج خالج شي انتامين علي لان متستاهلين  حصيره انتي

-انت موكلتلي اشتريلج غرفة وانتي الي تختاريها هم

-هاي وين تحجين  تره راح حگج لاتسولفين بأي حگوگ بعد مالج شي يمي

-مؤتمن تره ظهري طك من الكاع وبعدين مرتك وامك باعن غرفتي المفروض تجيبلي وحده مكانها

-مرة ثانية اذا سمعتج تكولين امك اجسر اسنونج داخل حلكج انظبي غزل وافتهمي شنهو تلغين

-اااا مؤتمن وجهي فدوه  لعد اختك شنو اتريد اتكولها يجرالج واني تكتلني

-اختي تسواج  وفوك التطلبة اجيبلها تستاهل

-محد يسواني   تره اني هم حگول لاحمد يجيبلي

-هههه خلي يدبر عيشته احمد هو البيت  فاتح  بخيري انوب تردي يجيبلج

-ذل بالعالم بعد مؤتمن راح يجي يوم وشوف الله اشلون يعاقبك لبالك محد راح يكدرلك

- عقوبة اكبر منج ما اتصور اكو بعد وبعدين ماعملت  شي بغضب رب العالمين عليش اتعاقب

-هذا كله ما مسوي شي حتى لو جنت حيوانه مو بشر راح يحاسبك ربي على السويته بيه يومية ادعي عليك الله يوجع يعزيز كلبك كون ياخذ منك اعز واحد يخليك عايش ميت ورا

-ماشايف بشر يدعي على روحه خمدي بويه خليني انام  

كالها وسحبني اله عصرني حيل احس النفس انكطع هاي مو حضنه اليشوفة يكول صدك يحبني گال غزل لاتدعين بروح ابوج

-من تعوفني  عايشه براحتي ابطل ما ادعي عليك

-چاادعي بموتي لاتدعين على عزيز كلبي

-هيج راح تموت وترتاح اني اريدك ينشلع كلبك

-هو وين شاف الراحة نامي يعلة گلبي

…كاعدين بغرفة بيبي متانين سمر يجيبوها من الطبيب نزلن من فوك يتمخترن بكيزه وزغلول هنه وكروشهن كعدن شاكات حلوكهن يتمضحكن لمن بيبي صاحت بيهن سكتن

دخل مصطفى اتمدد تعبان ومحتر اشر لسماح جابتله مي كال شنهو اشو تأخروا وين صاروا ذوله

عمتي- خابرتهم مرتين ماردوا

بعدنا نحجي ودخلوا سمر تعبانه وخامله خالتي وحبيبه كامشاتها كعدنها على قريوله جدو

ذبوا عباتها انطوها مي دخلوا مؤتمن واحمد كعدوا يم بيبي كالتلهم -هايجده اشمالها

مؤتمن- مابيها شي عدها انهيار بالاعصاب انطوها مهدء لازم تلتزم بي وانت مصطفى شسويت

مصطفى- ماكو يخوي علوان وقع وشال البيعة عنه كال من ينزل افلوس بحساب مؤتمن عود سددوني

-تمام الي وصيتك عليه

-خلي اشوفلي معرض بي حظ موديل حلو والله لو تاخذ رايها وتفضنا هواي احسن

-انكتم وعمل الكتلك عليه

همه يسولفون و كعدت يمه تهاني تتلوك كالتله ترضى  اطلع ويه رجاء اشتري غريضات لبتنه

-روحي بس موش تگولين تعبانه

-لا يبعد روحي ماافتر جثير مصطفى ياخذنا

مصطفى-  يااااااصخام ياخذج بويه تعبان اريد ارتاح شكوا شغله عاطلة وكلتوا مصطفى دولي

-يااا لو غزل جان طفرت وكلت تأمر

-وين غزل اشو من اجت لسه ماسمعت طلعت تكول قرده ورابطيها  لاتشرد

باوعتله -عزا مصطفى شنو قرده

-اشبيج هذا اسمه تشبيه اعجازي الامثال تضرب ولاتقاس  انه ادري اشوكت الله يفكني من  هالشجولات

-نصيحه مصطفى والله دير بالك لاتتنمر على عيشتك تره اطير منك واتضل تلحم تجعلها

-ههه اكبر مجربه ؛ولج شنهو بس لا جنتي عايشه احسن من هالعيشه

-لاع شنو اصلا هناك هم عيشه شنو اكعد الصبح اروح للمدرسة اصلا مدرستنا ولا حلوه ولا اصدقائي يع هم شنو اصدقاء طلعة  حرية  ذني كلهن يع شايف من اكبر همك تختار الموديل لو السهر بأي بارك راح تسويها

-بربج عايشه هيج عيشه ماتكليلي شجابج

- هههههه ماما  ورطتني والله هلكد مافايخه جنت اذا صاح ابن عمو قتيبه بيه اضل يوم كامل ابجي مع العلم اسوي كل مكسوره اشكبرها بي وهو اقوى شي عنده بس يرزلني اشويه
يبوو يوم كامل ابجي ومااحجي ويا اشكد يتوسل ويجيبلي هدايه يالله اقبل ارد عليه وهسه اكلي كتله ودفرات وره دقيقتين اكوم ولا كأنما مكتوله

-هذا اسمه ادبغ حيوانات ابشرج نحستي عالچتل بعد ماتحسين بس بشرفي  اذا اجتج الفرصه تفارجين  هالوجوه الحلوه وتردين لامريكا  لاماراح تعمليها 

-والله بطران غير من الصبح اطفر ولك البريعصي هناك اله حقوق اكثر من حقوقي هنا وعايش احس من عيشتي

-لايابذات ولفه شاورمه ذاك الشهر صح المقبلات اكلتها بالطريج بس جبتلج صمونه شنهو ماغزرت  بعينج انتي ما يفيد بيج اذا مايطكج مؤتمن بوحده رابعة

-اي من كثر الزين العايشه بي ويجيبلي وحده لخ وروح بابا گبل تلكيني منهزمه

-اي تكسي من البصره لامريكا اخيتي هيج النسوان النادره خايبه كومي لانطيج دفره

انداريت على عمه لكيته مؤتمن صافن عليه  واني ماخليت شي ماحجيته نسيته كاعد غيرت السالفة كلتلها عمه اريد شامبو خلص الشامبو مالتي

-ياع يمه موش عندج رجل جامتكليله شنهو اضل مبتليه بيج

-بطلت عمه مااريد كلتها وطلعت اشكد يغثون واحد يشمرني على الاخ رحت لغرفة سماح اكعد يمها دخلت لكيتهه كاعده تخيط بقميص مؤتمن كعدت يمها شالت راسها كالت سولفي غزل منو الغاثج

-لويش مبين عليه مغثوثه صدك دتحجين هذا الخير كوله العايشه بي عوفج مني شنو دتسوين
ولج ذبي بالزبل لاتخيطين ما يستاهل قليله فلوسه لوبس يعرف يخلصهن على تهاني تشهه يومية شكل

-اي هم صدك وهاي شمرت خلي يولي احجي شنهو بيج عليش ضايجه

-مابيه شي انطيني شامبو خلص مالتي وذولة واحد يشمرني عالثاني امج ومؤتمن

-موش انتي خوثه لوبس تضحكيله جان انتي هسه فوك النخل امداج هاي لو انه ويحبني هيج جان خليته ميندل دربه

-لا ابشرج كال ماتسوين فلس بسوك النسوان ورجاء تسوه راسج

-ههه منهو مؤتمن الله يرحم نسى كعدته للصبح عينه بالباب بلكي تحنين وترديله

-يكول هاي زمان بعد كلشي مالج حق يمي

-لايگلبي بعد ماناسي مامر هواي على مصايبج انتي الله يسلمج حشك وحده وره الثانية   ويشوفج نافرته يطلع حجج عليج دضحكيله وشوفي شيسوي ينسى عشيرته

-يلا اتاخر الوقت اكوم اروح لغرفتي راح اخذ من الحمام مالتج

-لاعندي واحد مامستعمل بالدولاب يمج اخذي

اخذت الشامبو وطلعت دااصعد الغرفتي واسمع ضحكت رجاء رجت البيت كالت مبين العالم كامت تشحت ردت تهاني بعد وبعد بس انطيني مجال

عفتهن وصعدت بس كلبي يغلي دخلت للغرفة شمرت الصخام ولميت روحي كعدت نزلت دموعي كلبي محترگ من العز  تاليتي اگدي شامبو وانام بالكاع وذني الميسون يعيرني

سمعت صوت صعدت مؤتمن على الدرج كمت مسحت دموعي هسه اكيد يجي يكملها رحت للحمام غسلت وجهي وغيرت ملابس اسمعه دخل وسد الباب طلعت لكيته متمدد عيونه حمر  عرفت الحجي ياكل براسه ماراح يعبره الي

وخرت شعري عن عيوني وباوعتله  اشرلي تعالي

-شنو صاير تره ماسويت شي

شفته راد يكوم رحتله بسرعة لان اعرف اذا كام راح تزود الكتله وصلت يمه جرني من ايدي كعدني اكباله كال اي ست غزل اطفرين من الصبح مو

-هاا

عصر وجهي بيده صك على اسنونه كال كم مره نبهتج ماتذكري

-هئ والله نسيت انت كاعد

-كل مااريد احترمج واعاملج مثل الاوادم تعملين شغله  تثبتلي انو غلطان  ماتستاهلين  الي اعمله لخاطرج

-ماجنت اقصد

اشر اي وجرني خلاني على ايده ودنگ خله راسه بركبتي ؛ مؤتمن كام يعرف  شنو  اكثر شي اكرها ياخذ انتقامة  بي

ما يدري كلما جاي يزيد كرهي اله بسبب هالشي يتعمد يستعمل القوه وياي وحتى ضرب يضربني اذا بعدته ؛ لازم اتحمل وسكت مرات لهفته تنسي نفسه احسه يفقد ويعاملني كأنما شي ترف بيده يخاف ينخدش ومرات يصحى بالاخص من ادفعه يكوم يضغط عليه حتى يسمع توسلي بس يتعمد مايتركني  لمن يشوفني بعد مابيه تنفس

انگلب يمسح بوجهه تعبان سحبت نفسي ولفيت  روحه بالغطه كمت للحمام احس روحي تفور كارهه نفسي اكثر من حيونته 

سحبت طلعت لفيت شعري اجيت انام كال روحي نشفي لاتنامين هيج

-ماعندي شسوار

-لفي بخاولي وخمدي

درت وجهي عنه كاره شوفته رجعت نشفت شعري  وكعدت امشطه  مو خوف منه بس ادري اذا اضل للصبح  راح يتعكد ويشلع كلبي

امشط بحرگة روح لان الشامبو عادي مومال تسريع وماكو بلسم صار سيم مال اماعين كطعت نصه انوب وصل للنهايه  اتعكد اكثر احس روحي اشتعلت من كثر قهري كمت  للحمام شلت المكص من حلاقة مؤتمن  وجريت شعري استوني  اكصه وماحسيت غير ايدي نضربت حيل طفر المكص لنهاية الحمام

صاح اكيد اتخبلتي والله عرفت من كمزتج وراج مصيبه شنهو بويه تجيج الحالة على ساعة انتي

-مالك شغل شعري بكيفيييي لاتدخل

- صوتج لاتعلي  بت الزمااااال

-مؤتمن وخر والله روحي طالعة كلتها وبجيت من كلبي اني منا محتركه من كلامهن  ومنا زودها لكيتهه حجه طلعت ضيم كلبي كله

من شافني هيج بطل سحبني لحظنه باس راسي
واخذني لفراشي دفعته وكعدت  كعد يمي وشال الغطه لف امتوني وگال  عليش تبجين  منهو وياج

-مابيه شي هيج خبله وحدي عوفني

-الاخبال ومشهودتلج بس عليش هالوكت طلعت

ضيك عيون كال ولج شنهو اخاف قصرت وياج

-مؤتمن والله احرك روحي واخلص منك وخرررر

ضحك بعلو صوته و جرني لحضنه ردت ادفعه عصرني حيل واتمدد  باسني ونيمني على ايده كال شنهو التردي گولي

-مااريد بس وخر

-لا وخر هاي موش  الي تنكال غزل العرض يجي مرة وحدة كولي قبل لاارد بكلامي 

-كولشي مااريد هم يالله عليك رجاء وتهاني مو ذني اليسوني خليهن يفيدنك عود

-والله تجين للصدگ كلهن لسانهن ينكط عسل ويردن بس رضاتي بس شسوي الكلبي يحب اليذله

-يااذله هو اني شايفه منك حتى اذلك

-موش جاي اكلج شنهو الرايدته اشو انتي تماطلين غير افهم

-اريد ماما ولاتكول لاااا

-موش هسه

-لعد اشوكت والله اشتاقيتلها حموت على شوفتها فدوه مؤتمن والله اسوي التريده واصيرلك اكثر من تهاني هيج شنو التريده حكولك تم

-امم وبعد

-والله والله اي شي تريده قبل لاتكوله حسوي

- يله خلي اشوف اخاف بس حجي

-شنو

-لاااا بعدنا من هسه تسالين شنهو بعدي بويه 

-لالا فدوه بس شنو انت گولي واني حسوي

-يابه مااريد انتي  بس لاتشلعين كلبي  كالها وسحبني لحظنه خله راسه بركبتي اخذ نفس طويل و عصرني حيل

…فتحت عيوني الصبح على بوساته جان يطبعهن على خدي بهدوء اول مره احس مؤتمن هيج فرحان اباوع عيونه تلمع رجع حضني حيل وشتمني كال يلا يعلة كلبي  كومي نتريك

-روح انت اريد اسبح اشويه واجي وراك

رجع باسني وكام طلع اني رحت للحمام طايره فرح واخيرا راح ترجع ماما مامصدگه اشوكت اشوفها وحضنها

سبحت على السريع وطلعت لكيت مؤتمن استوى طالع من غرفة تهاني يدگم بردانه وكفت اتخصرت كلتله شنو دسوي جوه

ضحك اجه رفعني من خصري  ورجعني للغرفة يعضض بخدودي

-مؤتمن لاتيه السالفه شنو دسوي جوه

-تره ماطلكتها بعدها مرتي يابه

-اي واذا مرتك شكو جوه مؤتمن لاتحرك كلبي

-ولج غيرت ملابسي اشبيج اريد اروح للشغل

-اهاا واشوكت حترجع ماما

-الله كريم كالها وراد يطلع حسيته جذب عليه كمشت ايده حجيت بتوسل فدوه مؤتمن مدا اتجذب

-افا اكو يوم كلتلج شي ورديت بي

-امم كلت اكبر غلط اتزوجت غزل تذكر صدك اشلون عرفتني اني داحجي وياك بالفون

-ياعلة كلبي املائج كله غلط مافهمت بس دا ودا

-رجعني للمدرسة وشوف اشلون راح اتعلم

-يابه تره هيه ليله بعدني ماشايف شي لاتذليني بيها

-مو وعدتك راح اصير حبابه بس يا مؤتمن اذا لكيتك واصل يم تهاني تعرف شسوي

جان يريد يطلع سد الباب وحصرني يم الحايط كال اي شسوين كولي

-دااجذب تره لاتصدك كل الدا احجي

دنگ عضني  من شفتي عالسريع ونزل اتاخر عن شغله طلعت لكيته مخلص الدرج وصلت داانزل طلعت تهاني تضحك هزيت ايدي على شنو دضحكين بنتي ضحكي على روحج

داانزل واسمعها كالت ماتردين اجيبلج شامبو بطريجي لان مؤتمن حبيبي انطاني اكثر من المعتازتهن

اخخ دقتني طيرت فرحتي نزلت ركض للمطبخ لكيته ياكل وهو واكف

ومصطفى يم الثلاجه يطلع جبن دخلت كال اشبيج وجهج معبس من الصبح

-وخر مصطفى  اريد افلوس

رجع باوع بالثلاجة كال والله مابيها بس بتيته تفيدج

-مصطفى كله خلي ينطيني شوف اشكد منطي لتهاني وانوب حتطلع وحدها

-افا غير هسه اترسج افلوس أمريني ورق لو عراقي

اندارله مؤتمن كله وحگ كتاب الله  يامصطفى اذا مديت ايدك على الخزنه مال الشركة اشلع اذانك
اترسها من شيب ابوك لاتوصل للشركة

-افا يخوي اخلي غزالة بدون شامبو

-ياطلابت شامبو غزل ادري راح اطير نص افلوس الورث بسببه شوفوا ولكم انتوا الاثنين لعب  مال مخابيل لعبوا بعيد لحد يوصل يمي ادك راس براس وحك علي يلااا بعدوا

كالها وطلع مستعجل حتى ما اخلاني احجي بعد وصل يم الباب وصاح يلااااا لك

طلع مصطفى ورا يركض ؛كعدت عمتي بيدها صينيه  باوعتلي بقرف خليت الصنية  هزيت ايدها وطلعت ماافتهمت عليمن  دخلت سماح جابت الجاي وكعدت نتريك باوعتلي و ضحكت كالت هاولج مبينه ماخذه بنصيحتي

-ياهيه منهن هنه هواي

-مؤتمن نازل اليوم طاير حتى نسى يسلم على جدتي من السعادة

-بس شنو ستفاديت دخل لتهاني انطاهه كل فلوسه وطلع واني شامبو ماجابلي

-يبووو يبووو انه وين احجي وانتي اتلطمين عالشامبو بعدج

-نسيت اكولج خبر يجنن

-شنهو فرحيني فدوه اروحلج ولج اريدلي خبر بهذا البيت حلو ماكو

-ماما حترجع مؤتمن وعدني وحتى المدرسة من كلتله ماعارض

-ايي الحمد الله وخيرا راح اشوفج طالبه واكعد ادرسج كون الله ماتقرين يغزيلان انتي الله جابج الي اكضي وقت بيج

-صدك وين واصله يا مرحله انتي

-خلصت سادس وكعدت

-لويش

-همه هيج البت بس اتخلص اعدادية والولد لايكملون جامعة

-مؤتمن مكمل قانون مبين

-ههههه اشعرفج

-لان ميعرف العدل شنو  واحد باطل 

-اووف كون يلكفج جامصطفى مخلص محاسبه

-بعد عمري ما تشوف يحسبها صح اشلون ديشتغلهم

-ويين يحسبها صح ولج شافط الامه كلهه بجيبه

- عوفج منه يعني اني هم نفسي الشي مااكمل مو

-والله بعد انتي وشطارتج مؤتمن مينحزر بس اذا جامعة بس بنات يجوز يوافق

دخلن بكيزه وزغلول متحضرات للطلعه كالن معتازات انجيبلجن شي

سماح- شامبو لغزل  وجيبن مبيد ذبان هالايام كثران

هزت ايدها تهاني وطلعت باوعتلها وضحكت  واكول فقيره  طلعت عرفتهن المن جايات

كمنا بلشنه بالمطبخ خلصنا عالسريع طلعنه بره جانت هيفاء تغسل بالطارمة وسمر وخالتي  كاعدات يمها

سمر  خانسه اجيت يمها باوعتلي ودنكت خجلانه كمت شبكتها من وره وبستها بخدها
-شبيها الحلوه خانسه

-غزل والله ماادري هيج عملت  بيج تره موش بيدي العملته 

-ياع على كوله بيبي شنو ولج غير انتي اختي اعز من روحي ولي اذا سمعتج حجيتيها مره لخ ازعل

كعدت يمها كلتلها سمور حبيبتي ابتعدي عن رجاء لا تشربين منها شي ولا تاكلين وحتى ملابسج ضميهن

اشرت اي

ابتسمت خالتي بس عيونها بيهن هم وهيه تباوع لبنتها ؛اجت سماح بيدها جهازها كالت هاج مؤتمن يريدج اخذته وكمت على صفحه اخابره لان مااريد اضوج سمر

- ها مؤتمن

-بويه  شنهو الشامبو مالتج

-انطيته اسمه واسم البلسم وكم شغله ويا بعدني اعدد سمعته بده يسب بطلت سجلهن وعاد الاسماء للتاكيد وغلقه رجعت الفون سماح تضحك كالت لاماتوقعه هذا مؤتمن نفسه

-عوفج من مؤتمن اشوكت تخطبون هيفاء

-والله خيه مكرم محتار ميريد يخرب ويه مؤتمن يكول اخاف اخطبها وماينطيها ونتخارب

-لعد اشلون تره شغلتهم صارت ماصخه

-اصخام شنهو عملوا  ولج

-سكتي لايسمعنا بس همه مايسوون شي غلط بس هيج

-غزل اذا عرف مؤتمن يذبحهم

-لعد لويش معترض

-يمتى هو هذا جدي الي راسه يابس  دمشي عمتي تصيح صار ساعة خلي انشوف شتريد

رجعت كعدت يمهن وهيه راحت جوه ضلينه انسولف ونضحك اشويه اخذت صونده المي ضلينه نلعب وحده ترش عالثانية طلعت سمر من الجو الي هيه بي كامت ويانه صارت هوسه والضحك وين وصل

خالتي تضحك على اسوالفنه بس فرحانه بتها رجعت اشويه جانت سماح اتصور بينه لبالي لمؤتمن بس سمعتها اتكلها لاعمه هاي بتج سودنت البنات وتضحك شمرت الصونده ورحت يمها اريد اشوف منو شفت ماما صحت  هلوو ماما

-هلو حبيبتي روحي يماما غيري لاتتمرضين

-اي هسه عمو اشلونه

-ابخير نايم اكعده تسلمين عليه

-لاخطيه خلي بس اشعجب اتصلتي هيج وقت موليل عدكم

-اي والله بس جنت اسولف ويه سماح سألتها عنج كالت مخبله البيت وفتحت  فيديو  يلاحبيبتي روحي بدلي لاتبردين

-ؤك ماما بليل حخابرج اكولج خبر يخبل هسه حروح يلا باي

رجعت الفون وصعدت فوك بدلت على السريع ونزلت لكيت بكيزه وزغلول جايات من السوك وياهن كومه غراض

وشعشبونه تكلب بيهن وتهلهل اجيت يم سماح جانت اتباوع للأغراض وعيونها تلمع ملات اطفال صغار ملونات يخبلن كعدت يمهن اگلب بيهن

ا دخلوا مؤتمن ومصطفى اجوا يمنه باوعتله وبرطمت رفع حواجبه كال شكو

-اريد مثلهن حباب

-شنهو مثلهن غزل بنيتي كومي حبابه لاتسودنين ذني حديث الولاده

-اي طبعا بعدها مااجت راح تاخذك مني

-اووو اشلون شغله هاي بويه بطلي غيره كالها وراح لبيبي

كعد مصطفى يكلب بيهن شال الحذاء كال غزل جربيها اتصير

-لاع بس اريد مثلها فدوه اشكد كيوت

-شوفي ذني شنهو شمرلياهن

-يمه فدوه ستوتات مال شعر بلكي الله متطلع على امها گرعة

-لاكرعه ابشرج اخذيهن احسن

تهاني-  يا ملات بتي

مصطفى- اشش لج بتي اشلونها عاده راح تطلع اكيد زركه عليج 

اندارلي كال اخذيهن بعد اخوج لمي كفشتج ولج صدك ذكرتيني الشامبو فرينا نص البصره يالله حصلنا ماتكليلي منيلج هذا

-مااعرف عمه اجيبه الي

-دكومي بالسيارة تلكي ويله انتن لمن زبلجن وصبن الغده

كمنا كلمن بجهه رحت ردت اطلع شفت سماح تبجي كلتلها شوفي سماح وعد اول طفل انطي الج  بس لا تبجين فدوه

-ان شاءالله هيج غزل وصدك يصير عندي طفل

-حسبي تسع اشهر وحيكون بحضنج طفل من عيوني انطيج حتى سجلي بأسمج ما أريده

ضحكت وشبكتني طايره باستني وراحت للمطبخ

اباوعلها فرحانه صدگ  تعال قنع مؤتمن نسوي طفل قافل بالاخص بعد الصار بيه ادري بي عمره كله راح يمنعني من الخلفة 

اخذت الأغراض من السياره باوعتلها وتذكرت من حركتها ضحكت سمعت خطوات مصطفى وراي كلتله اكولك اشوكت غير سيارته مامنتبها

- بنفس اليوم  الحركتيها

انداريت بسرعة لان هذا صوت  مؤتمن الوراي  جان واكف يباوعلي رافع حاجبة

-تره مواني حركتها

ضحك واجه يمي عصر وجهي وكال مرة ثانيه من تخبثين لاتخلين عطر لخاطر ماتنكشفين وهمزين ذكرتيني جنت ناسي هالشغله اقلها استفصل

-شنو يعني اشلون تستفصل

-بليل اكلج اشلون روحي هسه جوه وشعرج لمي لاتخلي هيج

-ماعندي قراصات

-جبتلج دزرن  بس فكينه منه يله

-لعد ذني هواي اشلون اشيلهن

-غززل بويه دخلي جوه لان بدت اعصابي تودع

دخلت للمطبخ خليت الاغراض  بالكاونتر بعد ماكو ثقه خلاني مصطفى ما اثق بأحد اخاف من كلشي على غراضي

حضرنه الغده طلعت اودي السفره جدو ومؤتمن كاعدين وتهاني حاشكه روحها بمؤتمن اتريد تفوت بي مال السم

مديت السفره وكعدت يم جدو حتى مانگلت بعد ضليت احوص حتى اكل ماكلت گطعت مشتهاتي وانوب تتنعوص عود تنسى هيه راح تجيب وهو مصدك بعدها تنسى كل شغله كالتله شالها خلاها كدامها من الغيره اجيت اطفر اعض جدو
خلصوا صبن الجاي وهيه ولاتحركت

الضهر صاحلي كلي صعدي فوك اشرتله اريد اغسل اماعين  يخلي كدام  تهاني والضهر ويردني اصعد  والله بطران اذا ماخليتك طفر سهله

رد صاحلي درت وجهي عنه  تالي شافني ساحكته راح لغرفة بيبي تمدد باوعله مصطفى كله -والله يخويه الله يعينك روح لغرفتي اخذ راحه عيد نشاطك

- انجب ونكتم  خليني انام ساعة لاتلغي

بيبي- عليش يجده نايم هنا كوم اصعد لغرفتج يم امريتك ارتاح

مصطفى- كونه زلمه ويعملها وعلي البس شيله واوكف بنص البيت اهلهل

-صاح دخيل محمد اشلون يخليني اكوم اسحله

-اي كدرتك عليه بركاتتتج بالثوله

تركتهم هو يعيل ومؤتمن مجتف يباوعله يريد يعرف اشوكت يخلص

وكفين انظف بالمطبخ ودخلت رجاء كالت سوولي عصير طبيعي

من هلكد ماانقهرت شتمتها ونعلت ابو اصلها باللغه مالتي سماح تعرف اشويه دنكت تضحك

رجاء-عيني اركدي احجي عربي بت فريال

- من ترحين فدوه لحذاء فريال

-منهو التروح فدوه تعالي لج اعلمج الفدوه اشلونها

شمرت فونها اجت جرتني من شعري رجعت عليها ماكو غير جفجير يمي لبسته براسها اجه بگصتها ماشوف غير دمها تنافر

وهيه شافت الدم وهيه كامت تصرخ بعلو صوتها وامها تلطم ؛دخلوا على صوتهن  مصطفى وكف صافن بالباب ومؤتمن لزمها متخبل ضغط على جرحها بس يريد يوگف الدم لان سبحت بي

ركض جر قطعه قماش ولفه حيل ضل ضاغط اشكد  ويهدأ بيها لان وجها صار اصفر وترجف اكثر من ربع ساعة على هاي الوضعية  يالله انكطع كعدتها ووكف  كال شنهو الصار

رجاء- يخوي تشتمني بس كلتلها عليش تشتمين كامت طكتني

-عززا جذابه اصلاً هيه تكلي بت فريال

-اي كليله شنهو كلتيلي بلغتج

-كلتلج فدوه للجمال الطبيعي الشايلته

-والله جذب مؤتمن شتمتني بالانكليزي

-عززا دتجذب لاتصدك مؤتمن

دفع سماح من وجهه واجه سحبني من شعري  كال عيده شنهو كلتيلها

- انتي حلوه 

-غزل هالمره حجيتي بغير لغه مرة ثانية ادوس على راسج واشلون هيج طاكتها

-تره انت  دوم باااااطل

استوني كملت الكلمة وماحس غير  الراجدي طير وجهي رجع جر شعري كال عيدي الحجيتي

نزلت دموعي دفعني وندار صاحت امه يبووو هذا كل حيلك

-يمه رحمة لدينكم تره روحي طلعت رحمونييي يابه وعلي راح تسودن اجي تعبان عشر دقايق اطلعوها من روحييي

-ولك البت مسويه راسها نصين وردت تجاوزت عليك ولاااتكول طكيتها حتى صوت الطگه ما سمعنا ابن حبيبة اذا اطگه اقوى منها

لزم راسه يفرك بي وامه مستمره تحجي وتلطم اتريده يرد يكتلني

عفتهم وصعدت لغرفتي ماطلعت لليل حتى عشه مانزلت

نايمه واسمع صعدته عالدرج  كمت على السريع ردت قفل  الباب بس سمعت  تهاني فتحت الباب كالتله تعااال شوف الفرشه والكريوك  الجبتهن للطفله  لخاطر اذا ماعجبنك ابدلهن

مارد دخل وياها   سدت الباب خلتي اطفر من القهر دفرت  الباب حيل وراي  اعضض بيديه من الغيره جنت حاسبه  حساب اذله  اكيد  ماراح تخلي للصبح حتى تگعد تذلني

اي لويش لا فرشه جديده ومعدلتله  وتتوسل بي شنو بعد غزل

اروح اجه اتسنط بلكي طلع اخر شي تعبت غيرت ملابس أيست اتمددت استوني دا انام واسمعه فتح باب الغرفه ودخل  جان كالب خلقته لخاطر الغلطة 

اني هم درت وجهي للجهة الثانية ونمت راح سبح واجه تمدد وراي تانيت هسه يمد ايده ماكو هسه يتحارش ماكو

اتعده وقت سمعته شخر طفرت كالتله شنو نمت فز مخترع كال شكو

-طبعا جاي تعبان من غرفتها جان بقيت على شنو جاي

-الله يطيح حضج اي والله بخمس دقايق لحكت اسوي شي  نامي بويه الله يهديج

هم صدك  باوعتله رد غمض هذا اذا اعوفه هيج ارجع لنقطه البداية واخسر كلشي

سحبت ايده ونمت عليها مؤتمن اشوكت حترجع ماما

-غزل والله تعبان خليها الصبح نحجي

-لعد انطيني جهازك خلي اخبرها مو نعسانه

ناوشني الجهاز  ورجع نام اتصلت فيديو كال لبسي شي على جسمج خليت الغطه اشكد خبل يغار حتى من ماما

دقايق و ردت ماما جانت واكفه تغسل اماعين وتحجي وياي بعدين خلته على الميز الجهاز وكعدت كملت حجي

الحلو نازله على مؤتمن ما تدري بي يمي اني اشرلها وهيه ولاكأنما مستمره اباوع المؤتمن نايم ويبتسم  اريد اسكتها ماكو  من كثر غبائي خليت ايدي على عيونه عود امنع الصوت يوصله ضحك ولزم ايدي باسها  انوب دخلت بالثكيل عليه جريت ايده  اتمددت اريدها تشوفه بلكي تسكت شافتني نايمه على صدره بطلت عوجت حلكها

كمت لان سكتت بدلت الحجي كلتلها ماما عندي مفاجأه الج

-اكثر من هاي مااتوقع

-شنو ماما غير زوجي شنو لكيتيني ويه واحد من الشارع اشبيج كلبتي خلقتج عوفج من هذا اشوكت ترجعون للعراق

-سألي الشفيه رجلج اشوكت يشيل الدعوه

-لاماما سحبها

-صدك ولج

-اي والله ماما تكدرون ترجعون يي ما تشوفني فرحانه يله تعالوا بسرعة فدوه

-ماعندي شي حتى لو بس اني اجي وبعدين قتيبه يجي وراي

اني احجي ومؤتمن بدت ايده تتسلل لاماكن غلط ادفعه ويردها حتى حجي بعد مااعرف كمت اشيل منا والطش منا لصتها لمن سديته لان اتفشلت مكشوفه كلتله صدك دتحجي

-صوتج مرض

-تره موغصب مؤتمن

-اشش صوتج ماهيسه كالها وعضني …

-مؤتمن

-همم

-تره والله ضهري طك اشوكت اتجيبلي غرفة

-والله نومة الكاع اتفائل بيها اشهر غرفة بس منصويه  مامحصل شي

-انت شكو عليك اني تحطمت بس اذا ماعندك افلوس مااريد عوفها  كلتله وبسه بوسه سريعه من شفته

-فدوه يروحج مؤتمن وفلوسه باجر امر عليج نطلع اختاري التعجبج

عزه بعينج ماما صدك طلع ينضحك عليه بهيج سوالف اشكد الزلم ازواج تكول جهال  والله يالله واني لبالي هيبه  اثاري كلهم نفس الشي اتكول اطفال بس العدي طفل من نوع المتوحش

نايمه وحس واحد يرفس بيه كعدت لكيتها تهاني باوعتلي وضحكت

-خير من الصبح شكوو داخله ؟؟؟

-كومي لحكي لايفوتج المنظر حبيب الروح جاي ينطك

-منو ولج كلتها وكمت  لبست عالسريع طلعت اركض صوت عمتي وهي تبجي وتتوسل يتركه

نزلت واشوف مؤتمن عاصر مكرم من  ركبته خانگه وطايحله بوكسات 

وهيفاء طايحه بالكاع لاحس ولانفس…

لاتنسون التصويت ⭐⭐⭐⭐⭐