رواية كفي والمنجمه الفصل الثامن والأربعون 48 - بقلم Leo Alfatlawi

كفي والمنجمه

بقلمي: leo Alfatlawi

بارت السابع  /ج2 /

…اجه مسج ملاسق كاتب وين الحلو

رد مؤتمن بس اباوع اديه ترجف كتب موجوده

-حضرتي الفلوس لا ولج معتاز استعجلي

صفن كام ردت الحكه اندارلي كال اذا اتحركتي اذبحج ورجع يراسل

اتسحبت على كيفي ركضت لغرفة سماح فتحتها دخلت اركض صحت  سماح لحكييي

طفرت كالت شكو ولج غزل يومية مخرعتني شنهو اهم اتعاركتوا

-عززا بعينج ولج واحد دز صوره الج موزينه بفونج

-يمه اصخام ولج وينه النقال جيبي هم رد دز هذا الله يلعنه

-عد مؤتمن  عزا بعينج سماح منو هذا

-يمه اصخام بوجهي اشوصل نقالي لمؤتمن ولج راح يذبحني  لحكيني

-منو هذا سماح

لطمت على وجهه وصاحت رحت بيها يمه لحگيني

-سمااااح

-ماعرفه فجأه  لكيته  قبل اسبوع دازلي كم صورة يهددني يريد افلوس ولج يعرف عني كلشي ماادري اشلون تكول عايش وياي

-لعد لويش ماكلتي لمؤتمن

-حتى يذبحني  ولج دبريني مؤتمن يذبحني ماراح يسكت راح انذبح ويدور الولد هم يچتله ويروح بيها هو

- بس هدي راح تموتين

-عساني متت عساني متت ولاشافني مؤتمن بهذا المنظر  يمه بس لا يقتنع عندي علاقه ويا

-شنو دخل عليج ولج عزا

-لا لالا والله مادخل ولاشفته  يمه اصخام بوجهي يمه اصخام الصخمني ولج ماادري الصور  اشلون ماخذيهن مدري منهو انه ونايمه يمه وين انطي وجهي

وكت صافنه وهيه كامت تلطم على وجهه حيل وتبجي بخوف ركضت  يمها ردت بس  اكمشها  لان انهارت اتملخ  بروحها وبحرگه كلب 

عين بيها وعين بمؤتمن الي ماادري وين راح مارجع  خفت عرفه وراح ورا يذبحه

لازمتها حيل اهدأ بيها وتذكرت الولد الطلع من غرفة سمر من دبرنها وفوتنه يعني اكيد هم هنه سونها

اباوعلها ماخلت مكان بوجها ماملخته لمن دخل مؤتمن  كامت بسرعة انضمت وراي وتحلف ماتعرفة

نزع حزامة وسد الباب اجه سحلني من شعري وشمرني  كال اذا سمعتلج نفس اذبحج وياها

اندارلها گال منهو هذا

-ماعرفه وراس امي

-من شوكت يتواصل وياج
-مؤتمن والله …

بعدها مامكملة وسكتها بالحزام لبالي راح تصرخ لو دافع عن نفسها بس تفاجأت من خنست  وثبتتها على نفسها خلته يتخبل بعد مايشوف دربه  اباوعله كام كل ضربه يضربها يشلع جلدها  كلما ردت اروح امنعه خفت لان تحول شكله ضليت اطفر وابجي من بعيد ماتركها  لمن تعب اجه يمها لف الحزام على ركبتها وشنقها

ركضت لزمته اجر بي اريد يعوفها ماگدرت اباوعلها صارت زرگه بعد ماعرف شسوي كمت اضرب بي بدون شعور  شفته مايأثر بي دنگت ردت اعضه من ايده دفعني دفعة من قوتها انشمرت مسافة لمن انضربت بالجربايه حسيت راسي اتفلش

كوه كمت لكيتها بأنفاسها الاخيره ترفس اني شفتها واني اتخبلت كمت رجعتله لزمت ايده صحت اتركها واني اكلك منووو بس عوفها راح اتمووووت ولك عوفهااا

دفعها و اندارلي سحبني من شعري كال فاتح مك…ده هنا وماادري منهو ولج هذا

-هذا واحد اختج جايبته هيه وتهاني نفس ماسوت بسمر كم مرة دخلته عليها 

-شنهووووو  كم مرة دخلته وعليش هسه حجيتي

-بس اهدأ مؤتمن علمود اكدر احجي

-هسه جايه تحجييين كالها وهفني راجدي سطرني بالحايط وكام

لميت روحي لان شفته جاب الحزام واجه يمي

-والله ماكلتلك لان ادري حتسوي بيه هيج وماتصدكني كوله بسببك الديصير كله من وراك ماتت سمر وهيه شريفة وهسه سماح هم راح تموت بسببك كومة اشياء اعرف بس مااكدر احجي لان اعرف راح تكتلني و ماراح تسمعني

-احجي غزل منهووووو هذا

-راح تصدكني وماراح اتعيط

-احجيييييي احجييييي لج كالها وضربني بالحزام خلاني اطفر من مكاني ردت اشرد جرني من شعري سحبني شمرني يم سماح عرفت راح انكتل غمضت وعصرت نفسي حسيته گعد كدامي فتحت عيوني عالكيف لكيته ينفت وجسمه كله يرجف همس احجي غزل منهو هذا

-مااعرفه بس نفس الشي سون ويه سمر هيج مرة ضهر شفت تاخذلها صور وتهددها وهو …

-خرب بأهلج لج احجيييي رجع ضربني على راسي

-مؤتمن والله اتضل تضرب بيه ماراح احجي

-استغفرررر الله غزل وروح ابوي هسه اذبحجن اثنينجن

-اي اذبحنا وعوف ذيج الساقطه  بحضنك تخون  بيك

ضغط على اسنونه لزمني من رگبتي  كال منهو منهن 

جهاله صرخوا  اثنينهم وسماح كامت تلطم  هدني و اندارلهم صاح صوت خرسهم كلهم

بعده ماحاجي وياي رد شهم فحط اخذت نفس  وكلتله مؤتمن خلي تروح لابنها واني راح اكلك كولشي صار بس الطفل راح يموت والله اذا الها ذنب الك حق تكتلنا

-غززززل تحجين لو اخلي طلقه براسج

-شوف قبل لا تموت سمر …

حجيتله كاشي وهو صافن كعد بالكاع وكمش راسه اخذله شوية وگال عليش ماحجيتي وقتها

-سماح ماقبلت كالت راح يسون وياج نفس الشي

-اذا موش  سماح تطلع وياهن

سماح- مارجيتها منك يبن خالي اشحال لو ماعمري كله عشته وياك وتعرفني هيج تشك بيه يله انه وموش شريفة ودخلت زلمه غزل من دخل  عليها واحد بليله عرسك هم نفس الشي

-عزززا مؤتمن والله هم هنه مره سمعت امها تخابر اتكله لايكمشوك  صدك والله ناسيه

مؤتمن-  ههه هسه تكوليها

-ماما كالت لاتحجين لان محيصدك اني هم سون وياي هيج وخلوا ابوج يشك بيه انتي محد راح يصدكج خاصه مؤتمن لان لباله مثلي

رد كام دفعني وجر سماح حجه من بين سنونه راس البله انتي

-جبروني وداعت جهالي جبروني

-من شوكت احجيييي ولاروح عمي احرگج

-بنفس ذاك اليوم الكضيت الزلمه

-كم سنه صاااااار

صحت -لعد شنو نسوي اذا انت متسمع بسرعة تتحول

-شتحول بت الكلببب كومي يلااااا لغرفتج

- فدوه لاتضربها

-غزززززل طلعيييي

-مؤتمن الله يخليك عوفها والله مالها ذنب كله من رجاء

-مااچتلهاااااا اريد احجي وياها طلعي واخذي البت ويااااج

كمت اخذت غزوله لان شهم جان بحضنها اباوعلها  كاعده ترجف بدون صوت ومؤتمن كدامها يريد ياگلها  يباوعلها بحرگه منتظرني بس اطلع

وصلت للباب تذكرت وكفت  كلتله مؤتمن تره اكو واحد يفتح الشبابيج هنا مااعرف منو حتى لونغلقهم ومو هسه من زمان ماما نبهتني كالت قبل لاتخلين راسج  عالمخدة تأكدي قفلي الشباج والباب مو بمفتاح لاسلقاطه هيه اسمها سلقاطه مو؟؟؟ المهم  تذكر من كلتلك سويلي سلقاطات من ذاك الوكت

-انعل ابو امج لابو الجابجن عليه طلعيييي

طلعت بسرعة صعدت لغرفتي دخلت سديت الباب خليتها  انطيتها ملاعيب ونستله ردتها تسكت

نزعت التيشيرت اشوف الحزام مطبوع بظهري الله يكسر ايدك مؤتمن هسه اني شكو انكتلت

رجعت لبست اجيت يمها تاكل واتغفي نيمتها فرشتلها بالكاع  وخليتها  غطيتها وكمت  للبالكون اتأكد اخاف هم مفتوح بعد مايتأمنن ذني

صفنت  بس لويش هالمرة سماح  مواني

بس اشلون يكدرن وياي ومؤتمن وفوني بيده ويعرفنه ساندني حتى على الغلط  مايحاجيني ؛ سماح فقيره بس لويش هيج وياها شنو براسهن ذني

رجعت كعدت بفرشتي ضليت بالساعة ونص منتظره  لمن سمعت صعدته عالدرج دخل بس وجها  صاير نار  وعيونه دم وكف باوعلي اخذله شويه وكال شنهو بعد ضامه

-والله ماكو شي بس هاي

-وشوكت جنتي ناويه تحجين

-مااعرف بس خفت تجذبني وانوب هنه يسولي شي يأذني بي

-يعني هذا الطياح الحظ كله وانه هنا مثل الاثول
ولج انتي هم عندج عقل لو شنهوووو شايله

-مؤتمن لعد اني اشدخلني روح الهن

-شكلهن هيه الگادره تعمل هالشكل ماتكدر تحلف جذبببب

-لعد لاتشمرها براسي اني مااكدر اسوي شي هم خفت

-وهذا والغباء تدرين وين وصلنه البت ماتت مظلومه  ومنهو الدمرها اختي وانه مثل الاثول  بينجن  وهسه ناس تدخل  وناس تطلع ومؤامرات وشرف ملعوب بي ولجن شنهو انتن بس فهمنييي شنهووو  ديره اشكبرها كاضها بيتي ماكادرله

-لعد مو كمشتوا الولد واخذتوا ثاركم

-بعديششش بعديش لمن راحت وهسه ردت انعادت من جديد شغله اضرب منها انوب فضيحه بيها جسر ارگاب لوحاجيه جا هذا كله ماصار

ضليت مكاني واني اشوفه محتار وصافن مايعرف شيسوي كعد عالكرسي خله راسه ابين ادي

كال المن اروح شگول  ماعرفت اضب نسواني اگول ضاعت بت بتهمه شرف وهيه اشرف منها ماكو لو واحد يساومني بصور حرمتي 

رجع رفع راسه صاح شكووووول فهميني شكول شنهو العملته  بدنياي وهيج مصيبه وره مصيبه تجيني

كام صفك ايد بأيد -انه لوزلمه صدك جا عرفت اشلون اللمجن بس معذورات عبني مابيه حظ

رد كمش راسه  خفت علي لان امبين صعد ضغطه كمت

كلتله مؤتمن بيك شي

-انتييييي نفس مااريد اسمعلج  رب البلوه انتي جنت مرتاح اجيتي نقمه بحياتي 

-لعد اني شدخلني  كلتها ورجت ليورا لان خفت منه اجاني يريد يخنگني صاك على اسنونه عصر وجهي كال كلت مااريد اسمعلج صوت نفس ثاني اخنكج وانعل ابو اليوكف بوجهي

هزيت راسي اي دفعني وراح بطريقة الكومدي دفره و دخل للحمام وركع الباب وراه

سكتت لان حسيت صدگ بسبب دخولي للبيت كل هذا صار واكو شي سامعه من سماح الي هيج اتخبل عليه

تأخر بالحمام وديتله المنشفه دخلت لكيته واكف جوه الدوش وكامش راسه يفرك بي

-مؤتمن بيك شي

-طلعي غزززززل

-تمام

طلعت كعدت عالجربابه طول يالله طلع حتى مانشف  بسرعة تمدد  كامش راسه انطاني ضهره وكال طفي الضوه 

كمت طفيت الضوه رجعت مكاني اخاف اساله بس الفضول يقرا يمي الف اريد اعرف شراح يسوي  

خليت ايدي على ضهره صاح شيلي ايدج ونطمررري

-لعد اني اشدخلنيييي

كام كعد كل هالهوسه حتى يخلصون منج افتهمتييييي

-لويش شمسويتلهن

-فريال  كالها وصفن مثل الي اتذكر شي باوعلي

خفت سحبت ايدي انداريت للصفحة الثانية وغمضت  عزا بعينج ماما متكليلي شنو امسويه ياربي الحمد الله ماسمعت كلامها وعقدت جان انضاف لملفي المصخم

مر الوقت وهو يتگلب ساعه يكوم يفتر بالغرفة لازم راسه وساعة يرد يگعد يدخن ياخذله دقايق ويرد يكوم مايعرف شيسوي لحد مارحت بالنوم وتركته على نفس الحيره

كعدت على  ايده يحركها على ضهري بهدوء اسمع حسرته طالعه من گلبه  اخذ نفس ورجع غطاني اني هم ما تحركت خلي يشوف اشلون ضاربني بدون رحمه اشوكت يبطل هاي عصبيته ماادري

اخذله ثواني و سحبني خلاني على ايده رجعت نمت كعدت الصبح شلت راسي الساعة ثمانية  كمت غسلت طلعت ماكو لامؤتمن ولا غزول امبين منزلها لامها

نزلت لكيتهم يتريكون الوضع طبيعي ماكو اي شي بس لامؤتمن ولاسماح صبحت عليهم وكلتهم وين سماح

تهاني- نايمه تگول ابنها للصبح  ماخلاني انام مريض

تركتهم ورحت للغرفة  فتحتها لكيتها كاعده ودموعها تنزل دخلت وسديت الباب رحت كعدت يمها خليت ايدي على متنها همس -هاسموح حبيبتي لويش دتبجين بعد مو عرف وخلصت السالفة

-ولج مؤتمن ماراح يسكت تعلميني بي ولج يركبنا الغلط النه لان ماگلنه من البداية يكول انتن راضيات وساكتات اشكد حلفت انه ماادري ميصدك

-اكولج لويش هيج سون وياج مو وياي

-انتي تفيديهن يردنج تخلصيهن من دعيوه لان كل البيت يدري ماطولج رجعتي طلاك دعاء بالطريج بس بقيت انه عثره بطريقهم اخاف حسبالج  تهاني كلما جايها تزيد خلفه هيج لوجه الله لاعيني هاي تثبت روحها هنا هسه بدت تشتغل صح اطلعني منا وانتي اطلكين دعاء انوب تتفرغلج لمن اتخلي يجتلج انتي ورجاء

-عززا لعد انتن تطلكن واني انكتل لويش

-لان بس انتن من حگه يكتلجن غسل عار مسموحله اخته وبت عمه

-امده حضي اذا صدك رجعت علمود اموت  على ايده اشكد محظوظه لعد اكولج موعالاساس اليوم نروح زيارة

-تأجلت خيه جاي يدبره مصيبه مؤتمن يريد يصيد بيها ذني الاثنين وهذا الولد سمعته يحجي ويه الولد  وحذرني منحجي بالصار ابد وخاصه انتي الف مره كال عينج بالثوله لاتخليها تحجي

-وين راح هسه

-لبيت الشيخ يرد دعاء

-وشكو يردها خلي اتولي

-غزل انعدلي موش وكت مشاكلج خلي يحلها ويه الشيخ سودتي وجهه والله راح فوك المصيبه شايل هم اشلون يواجه الشيخ وانوب انتي ضيعتي حگج بيدج حتى لو ارتكبت دعاء وجذبت جدامهم راح يصدكوها بعد لسانج جدام الشيخ مالج اي حگ تحجين شنهو كلتلج موش  كمشيها لاتروح

-ؤك خلي على راحته خلي يجيبها

كمت ردت اطلع كالت سماح بترجي غزل والله مؤتمن تعبان لخاطره هدي ويا وحك على انحصر بزاويه مايعرف اشلون يطلع منها منا خايفج عليج ومنا الشيخ ضاغط عليه وفوك ذني المشاكل البلاوي مايعرف منين يتلكاهم

عفتها وطلعت لكيت عمتي جايبه كيوته اخذتها منها كعدت اريكها وصافنه حتى مااشتهي اكل

اشويه ودخل مؤتمن ورا دعاء كامشه قميصه من وراء اتباوعلي وتضحك صارت عينه بعيني دار وجها عني

كلها غيري وتعالي خليلي ريوك

هيه راحت وهو اجه كعد يم بيبي كالتله زين سويت من رديت مريتك يمه وهم اشكم هاي الصفره خلي تركد لاتوصل صوبها

سهلا -دعاءءء وين صرتي بويه اريد اطلع

بيبي- اي يمه اشلون الشيخ

-بخير راح يطلع للعمره هو وجدي الاسبوع الجاي اذا تردين اسجلج وياهم

-لاع خلي امك تروح وياهم

-تمام …غزل الشيخ يريد تبريله الذمه يريد يروح لبيت الله

-الله ياخذك انت ويا بساعة وحده

بيبي عاطت بس هو مارد اتحسر  وخله راسه ابين ادي ادنك

بيبي-  ولك كوم اسحك على راسها عليش ساكت

-جده رحمه لدينج راسي راح ينفجر بسج

-ياع عليش يمه مكدر روحيتك هسه اكوم اجسرلك راسها اندارتلي كال لج يالفاهيه ام لسان اعوج تبرين الذمه وغصباً عن راسج

اجت دعاء تضحك كعدت يمه صبتله جاي كالت شنهو جده لاتكدرين روحج مؤتمن كال لابوي اعتبرها مبريه واحسبها عليه هاي متفتهم واعتذر

-اي موهيه بكيف مؤتمن شوفي لج ترحين لابوج تكليله لو يموت هم ماراح ابريها لايروح لبيت الله وهو اصلاً مايعرف من ربه منو وترا الدنيا ما مضمونه لحد يجي يوم ويموت وذاك الوقت راح يعرف حركت كلبي شنو من يشوي رب العالمين بنار جهنم

دعاء-مؤتمن جاي تسمعها

مؤتمن- بويه كافييييي كافييي راح تسودنني خرب بمؤتمن وبالوكت الفكر يتزوج بي ولجن خبلتني خليتني امشي وحجي ويه روحي شنو هالغضب الطاح علي راسي

دعاء-جاانت انطيت جلمه لابوي

-وشنو ينطي بكيفه واخاف جنت ماكايلتها عدل كليله اتكول ليوم القيامة وماابريها اله لا دنيا ولا اخره وعسى بنار جهنم مو يكول يتيمه وماعدها احد بكيفي كليله رب العالمين هو الراح حقي منه خلي يموت هو ومرتاح عوود

-منهو ولج التفاوليله بالموت ابويي

-ان شاء الله يموت وتنذلين بعده لبالج الدنيا متدور خاف لبالج معبرج لاكلبي لخاطر هذا المسمي روحه شيخ جايبج هنا وبس للخدمة هم بقندره محد معبرج وان شاء الله ورا مؤتمن هم يموت

ماردت بس ضربتني بستكان الجاي ومؤتمن صافن يباوعلنه

شمرت كيوت على عمتي وطفرت عليها جريتها من شعرها ودنكت عضيتها وهيه ضرخت مامتوقعه راح اطفر بهالسرعة

بيبي تصيح ولك تمالخن هدهن وعمه تصيح بجهه يردن اعوفها واني مستمره ايدي بشعرها وخدها بسنوني ماتركتها  لمن رفعني مؤتمن منها واني مجلبه اجت خصله من شعرها بيدي وسنوني صار بيهن دم وصوت صرختها ترس البيت

وخرني على صفحة رجع دنك عليها مسويه روحها كيوت وتبجي شفته خايف عليها كعدها يوخر شعرها عن وجها يريد يشوف مكان الدم منين يطلع

واني اتخبلت ماعرفت شسوي رجعت ركض دفعته بكل حيلي هو كاعد نص كعده وجته الدفعه من ورا حيل طاح صفح

رجعت عليها دفعتها  ونمت عليها جريت شعرها ونبتت سنوني بخدها الثاني بكل قوتيصح بثواني صارت بس اخذت ثاري مااحس غير دفعه  اجتني قريبه على متني حسيته انخلع  اريد اجر نفس مااكدر وخرت عاصره نفسي صاحت عمتي شصابج ولج

-عمه لحكيني

شمرت كيوت واجت تركض دنگ  مؤتمن راد يخلي ايده على متني صرخت شالها بسرعة

عمتي- ولك انجسر متن  البت شجاك يعمه

مؤتمن- استغفر الله  ربي انه المفروض اخلي جيله براسي واخلصصص

-ولك البت ماتت يمؤتمن

-لبسيها  بسرررعة خلي اخذها للمستشفى

-ياع يامستشفى ولك مجسور يسگطوها  بالزايد ودها  للغرفة خلي اشوف اشبيها بلكي بس زايل من مجانه

-بعدي خلي اشيلها

دنك راد يشيلني واني حتى النفس كاطعته من الالم اول ماخله ايده صرخت صرخه طلعت من كلبي رفع ايده دنگ راد يكومي عصرت روحي  احتار اشلون يشيلني

صاحت عمتي - اتركها بس جيبلي دهن مفاصل بغرفه سماح

كام  بسرعة راح وعمتي هيه وام مؤتمن سندني كوه كمت وصلت لغرفة بيبي احس روحي دتطلع 

نزعتني التيشيرت ونيمتني على وجهي بقريولة جدو  دخل انطاها الدهن خلت ايدها على ضهري تريد تعرف منين الالم كل مكان اتكول منا أشر لا لمن وصلت لمتني واني صرخت

مااعرف اشكالت لمؤتمن لان جنت بوضع انحسد عليه ؛دخلت بيبي كلتلهم طلعوا يله وانت يمه ناوشيني المنشفه

طلعتهم من الغرفة كعد مؤتمن يمي نص گعده مسح وجهي يباوعلي بقلق اجت عمتي انطتني المنشفه گالت هاج عضيها خلي ارد متنج

ردت اكوم لان خلفت كمشني مؤتمن عن لا اتحرك  حجيت بشهگه مااريد وخرر عني مؤتمن

-بويه اتحملي ثواني ويرد  الوضعه 

-لا لا مؤتمن وخرر فدوه وخررر هو يطيب وحده  فدوه فدوه لاتخليهن

-مايرجع اذا مترده مجانه غزل بروح ابوج اتحملي شوية كالها كمشني حيل  الحسره بعيونه امبينه جانت  تلمع وخايف اكثر مني سحب راسي لحضنه وكمشني حيل ثبتني لان بيبي كالتله يلا ولك كضها لاتخليها تتحرك

بعدني ماصارخه بخفه ايدها  طكته احست واحد سحب روحي مو طكت متني بعد حتى هيس من الالم غمضت عيوني احس خدرت

مسح وجهي كال بويه غزل اسمعيني كوه كدرت افتح عيوني نص فتحه ورجعت سديتهن

صاحت بيبي ميل خلي ادهن ضهرها

ابتعد خلي ضهره عالقريوله وغمض وبيبي كعدت يمي تدهن بضهري اخذتلها شوية وگالت -.ياع ولك مؤتمن اشمالج يجده وجهك اصفر

-مابيه شي بس يمكن الضغط ارتفع

-ولج جلعي جيبيله مي

مارد خله راسه بين ادي ضغط عليه وعمتي طلعت اتجيبله مي 

-وانتي ولج شنهو  هذا بضهرج  الزكه

ماريديت عرفت تقصد عالحزام البارحه بس اسمع حسرته طالعه من كلبه

كامت  كملت كالت يلا غطوها بين ماترد عضيماتها مجانهن كونج بأبو الزايد وماكمتي من مجانج بس للكبر

-جده رحمه لدينج لاتدعين بسسسج

-ياع يعلي صوتك لجل هالعوجه

-استغفر الله ربي منين اتلكها كالها وكام دفر الباب بكل حيله وطلع خلاها كلها تطافر

عدلت راسي عالمخده وغمضت رحت بالنوم لان عمتي انطتني مسكن علمود يهدء الالم

كعدت على صوت مكرم كال سلامات بت خالي يابه انتي اشوكت تركدين بالعباس راح تسودنين البيت

-الله يسلمك وعليمن اسودن البيت شواني الطايحه بيها

-لااروح ابوج احنه ماكلين تبن بالشغل ينعل ابو اصلنا ويطلع شكو ضيم شايفه منج بينه

-اي لعد تستاهلون تركوا لاتشتغلون واحد ضارب فيوزه شكو باقين ويا عمه وين كيوت

عمه- تلعب ويه اخوها بغرفة سماح هاي هم مااعرف اشبلاها بنتي كاعده وحدها ودمعتها مانشفت وجها كله كدمات

-البارحه انكتلنا اني وياها

-ياع عليش

مكرم- يمه مالج شغل زلمه بينه وبين نسوانه لا تدخلين روحج حجاها وخزرني عرفته كايله مؤتمن لان خزرته مال واحد يريد يسكتني

طلع اشرت لعمتي سدت الباب كمت وخرت الغطه لبست تشيرتي طلعت صعدت غرفتي بطريقي للحمام لان ريحه الدهن تكتل

فتحت الدوش عالحار وكعدت جوه احس عظامي اطكطك بس الحمد الله متني بعد مايوجعني

ضليت ساعه جوه الدوش اجلف يالله راحت الريحه لبست وطلعت لكيت عمتي ام مكرم كاعده اتلعب بكيوته كالت هايعمه اشلون صرتي

-زينه بس شويه توجعني

-دتعالي خلي امشط شعرج

-خلي اجيب المشط لحظه

-اكلج يمه هذا شعر بنتج على عيونها اكصه شوية

-لاعمه عوفي فدوه هو شعرها الي امحليها همزين طالع على شعري

-يااا كلها عليج ماماخذه منه ابد

-هاج عمه مشطيلي بس فده على كيف --اي تشبهلي بس كون عاد الله ماطلع مثل حضي

-اشبي حضج يعمه والله مولان ابن خوي انتي اعز منه عندي تراج بس والله ييمه وروح اخوتي عنده  الهوا اليشتمه  ولج لو شايفه من كظج اشلون ادي ترجف ومن سمعج صرختي مااتحمل طاح

-مم من هيج كسر متني

-ولج ياجسر متنج غير انه كاعده  موتي البت وبعدج ردتي طكيتي وسكت رجعتي للبت نكشتها نكش كل هذا ماحجه بس راد يزيحج عنها

-يله عمه كملي بسرعة  خلي انزل السموح خطيه ضايجه

-هههههه استغفر الله انتن نفس الصنف اثنينجن  حضجن عاثر

-غير ماخذين نفس الصخام

-وينه كون يسمعج شتحجن حتى يسطرج ولو جاي اشوفه يسمع ويسكت جثير 

-امم يطلعهن بغير شي لاتخافين

كمنا عمه شالت كيوت الي لطشت بيها حتى ماتذكرني بعد هلكد مامدللتها ومعتنيه بيها وهيه مامصدكه هاي بت مؤتمن وغزل خالتها على كلبها

نزلت وراها ردت اطفر اذكرت اني محطمه اسمع ضحكت مكرم كال نزلي خويه نزلي مابيها طفره

ضحكت ونزلت صدك مابيها طفره رحت لغرفة بيبي دخلت لكيت مؤتمن كاعد يم بيبي ومصطفى بنهايه الغرفة  متمدد وخال كيوت على بطنه يسولف وياها شافني كال تعالي ولج هاي اشتحجي

رحت يمه كعدت كلتلها شنو ماما تردين لغت مامفهومه لغتها بس عرفت شنو تقصد كلتله تريد اخذها بالسيارة

-بعد ابوج هسه اخذج بس ارتاح --ولج هاي تحجي وياج

-اي اتكلي انتي كومي

-لابعد ابوج ماكو هذا زمان وراح لاسيارة ولاطلعة بعد انسي حاولي تتقبلين الواقع المر

-غير انت جبتنا الله يجازيك

-اي بعلي وين الله راح يشمرني ابسببجن --اشبيج خويه عليش نزلت ادموعج

همست مؤتمن كسر عظامي علمود دعاء

-افا وانه اخوج بالعباس هسه تاخذين ثارج مسحي ادموعج انعل ابوها لابو ابو مؤتمن

-اسكت لايسمعك اشلون اخذ ثاري متكلي اذا اليوم بس دفعتها كسرني تكسير 

-غزاله بس دفعه ولج من دخلت  اخترعت من جهرتها غير عامله اعلان لسنونج بخدها صدك تحجين اخوي  المهم يطبها مرض على افادها الجنه افاد اخرس اليوم عدمن مؤتمن ينام

-ينام بنار جهنم شدخلني

-حلو مطرود من رحمة الله  يعني بالديوانيه يمي ههههه خلي نتعشى واكلج شتسوين

عمتي-  ابو الصوف وغزيلان  اشجاي ادبرون مصيبه

مصطفى- اول شي ماكو بعد ابو الصوف صار عندي كيويه منا وجاي تصيحولي ابو كايتي شنوو ماماليه عينكم يابه دشوفها فدوه اروح لها طول جنها برغي فالت

كعد  تيه السالفة ويلكف بكيوت وهمه يضحكون اشلون يكفللها ويسولف وياها انوب هيه شعرها مثل شعري من هسه على امتونها خلاها بحضنه اخذ القراصه من راسي لف شعرها

سوالها كصيبه وفرحان بيها يكلها كمر بالعباس كمر طالعتي يبعد عمج الحمد الله ماطلعتي على شله المعفنين احس قرار خذته امج بحياتها ابتعدت بحملج هناك

اهااا طلعت كيكه يبووووي فدوه يروحلج السلف كله

عمتي- ولك عوف البت كتلتها

مصطفى-عمه لا تدخلين رجاءاً  انه وبنتي  صدقه لمحمد من اروح فدوه لهل اخدود

- ولك متتزوج اذا هيج تحب الفروخ

- مااريد اتزوج عندي هاي الله رزقني بيها اكتفيت وحمدته على النعمة

رد شالها يلگف بيها ويسولف وهيه طايره لسان وكاحه

مؤتمن جان عين  بكيوت وعين بيه رادني بس اباوعله ولاعبرته خاصه من اجت دعاء رادت تگعد يمه خزرها ردت  كعدت جوه رجلي وكامت تمرغهن

اباوع لدعاء صح سمره بس حلوه وملسنه فوك هذا تعبد مؤتمن عباده اتباوع لحلكه من يسولف

مصطفى كعد كيوت يعلمها عربي المشكله الطفل من يفتح عينه على لغه خاصة ويتماشى وياها صعب عقله يدرك لغه ثانيه بسرعة راد وقت؛ بس يمكن ويه مصطفى ماكو شي مستحيل

اجه مكرم جايب حبشكلات للجهال شمر لمصطفى نستله وجبس لكيوت شالهن مصطفى خلاهن بحضنها وكال  كولي بابا موخوش

مااعرف اشلون بس جفصت كيوت جانت كافيه بكتل مؤتمن من كالت سف

مصطفى- بت الكلب سيف ماكو بعد انه ابوج

عمتي رادت تغير السالفه لان شافت مؤتمن الغضب كام يطلع من عيونه عرفته راح ينفجر كالت يااا طفله ما تعرف عوف السالفة مصطفى

مصطفى- لاوعلي تفتهم لوبيها مجال حتى انه اصيحله بابا الرجال يشتغل شفتين بس حتى يوفرلها حياة بيها حظ

تهاني- يع چا حياتهم بيها حظ سربته ونحلال وملل

مصطفى- اي خو غزل جانت عايشه بنص الملل شنهو حياتها

اصلاً تكعد الصبح تنزل تلكي الخدامة محضره الاكل تاكل وطك السويج تنطلق

متخلي لا مول لا حديقة يصير الضهر للمطعم تاكل

وراها للبحر وبليل سهر ويه صديقاها للصبح

قمت الملل عايشه جسرت خاطري كلت اكسب ثواب واردها اذا ماتنطك باليوم فد مرتين وتنسحل وتنهان ماتحس بمتعة الحياة

-اي غير الدوله موفرتلها كلشي

-يا دولة يابه الزمال الي يشتغل شفتين بس حتى تفرفر براحتها

وانوب لطمت سيارته فشلتها طلع كلت بالعباس هسه يفلش جهرتها ابن الفاهيه يكلها خو ماتعورتي فداج السيارة وصاحبها

بربج هذا هم  ينحب وينعاش ويا لو مايمسها بطكه ويصبحه بدفره اتكول حيوانه مو غزل لو غلطان

جنت كاعده يمه لامه رجليه  وخاله راسي عليهن اباوعله  همست الله ياخذك

-اي وعلي حتى من ياخذني يحتار وين يشمرني على العملته بيج

-حضي واعرفه انت مالك شغل لاتحمل روحك الصوج جان المفروض من البداية اوافق ما اعترض حيل بيه طيرت النعمة بيدي

ضحك همس كافي لو بعد

شلت راسي لكيته مدنك عالفون  عالاساس يباوع بي بس مبين ذاك وينه جذب ايده ترجف حتى مايسيطر يخلي الجكاره بحلگه گد القهر من غير رجله الي يهز بيها بتوتر 

سحب نفس طير نص الجكاره نزلها راد يثبتها ماكدر لمن عصرها بجف ايده طفاها بدون لايحس

همست كافي وكوه كمشت ضحكتي عمتي اتباوعلنه واتهز براسها بحرگه ضايجه عليه

صار العشه كاموا اني ضليت لان احس ضهر رجع الالم بي تمددت بمكان الجان نايم بي مصطفى دخلت هيفاء كالت اشبيج خيه جا ماطلعين يمنه

-مااكدر متني  ديوجعني

-سوده بوجهي باجر ناخذج للطبيب

-لامابيه شي هسه اصير زينه

-جا خلي اجيب عشانه ناكل سوه

مارديت راحت جابت الاكل وكعدت يمي  تاكل واتسويلي لفات اكل وياها دخلت دعاء تضحك كالت حيييل تجسرتي لخاطر تعرفين ويامن تندكين

هيفاء- ولي منا دعيوه لاتخليني انده مؤتمن

-يااا وشيسوي مؤتمن چاعليمن جسرها غير لان مدت ايدها عليه حبيبي فدوه لطوله خاف عليه مارضه انطگ  بس والله طكه تستاهليها ضحكت وراحت

شمرت الفه نزلت دموعي  لان صدك احترك كلبي   اتوسلت هيفاء اكل كمت كلتلها اريد اروح لغرفتي

-بالعباس كايمه لمؤتمن اذا ماخليته يسحلها فلا اتسمى هيفاء

عفتها راحتله واني صعدت للغرفه دخلت  وقفلتها شوية واسمع الصوت يرعد جوه

عفتهم وتمددت اجتني رساله فتحت الفون لكيت هيفاء دازتلي ضحكه شطولها وياها كاتب غط راسها بالمركه شبعها مال اسبوع بعد ماتضوگها 

شمرت الفون وغمضت نمت لمن سمعت الباب تندك عرفته هو اشكد بطران يريد افتح صاح غزل فتحي الباب مارديت رد دك دك خليك مثل الجلب للصبح تنبح

اخذ شوية وصعد عنده الخبال  دفر الباب وراح حضرته خايف على هيبته ضاج اشلون انطرد كدام اهله

حضنت مخدتي  مرت نص ساعة واجاني مسج من مصطفى كال وين يالفاهيه

-ها صافو شكو

-اااوالغسل  ولج نزلي بسرعة وين وليتي

-وين مؤتمن

-بالديوانيه نايم يم دوشكي بربج هذا هم يحوص لو يركد بنومته

-لابس يدور احضان افلت نصيحه

-الله يطيح حضج وحظ الي سألج نزلي لج

-صدك لويش بالديوانيه موعنده نسوان

-جان صار سبع وراحلهن گبل لاتردين موش هسه من رجعتي

-شقصدك

-ماقصدي بس جنج ماعرفتي مؤتمن لسه

شمرت الفون ونزلت على كيفي المشكله مصطفى بعد ماينثق  بي ما تعرفه ويامن طابك

قانونه مع الكل ضد الكل هيج عايشها

لكيته منتجي امكنك رحت يمه كال بوجهج على غرفة دعاء تلكيها بالحمام تسلقين الباب واطفين الكهرباء وقفلي باب الغرفة وراج  من اطلعين

-اشعرفك بالحمام ؟؟

-وديتلها قاصر  بلكي يطلع لونها بت المنغولي  دزيت هيفاء  جابتلي غترة مؤتمن  يله بدون اسئله
لايكعدون بسرعة ماطولها كلها نايم

-لويش مؤتمن بالديوانية ماكلتلي

- گلك بعد مابيه عرگه ولاغزل بيها كتله  اخذها من الاخير ونام بالديوانيه واحترم نفسي  يله لج بسرعة انه راد للديوانيه انام يمه اليوم اخاف يكوم اقلها اركعه كله وخلي يخمد

-اخاف يسمعوها من تصيح

-لاسديت الغرف كلها والمكيفات والمبردات صايره ضجة لواتصرخين لباجر محد يسمع وهيه غرفتها بعيده يلا لج استعجلي لاتطلع

رحت لغرفتها بس جنت خايفه لاواحد يشوفني صدك بعد مابيه كتله
دخلت على كيفي خفت تموت بالحمام للصبح بس من دخلت وسمعت طكطكه كالت منهو هنا مؤتمن يعمري هسه طالعه ما اتعطل

مو كالت كم كلمة لاانطتني بالكلب خلتني امنيتي مو اقفلها  لاحتى اذبحها

سلقيت الحمام وطفيت الضوه بسرعة صاحت منهووو دكت الباب طلعت ركض وسديت الباب وقفلته

اخذت المفتاح و صعدت بسرعة دخلت غرفتي وسديتها شمرت المفتاح مالتها بالبلوعه مال الحمام

وكفت اجت براسي  غرفتها بعيده يم المطبخ هاي لوادك للصبح ماكو محد يسمعها اخاف تموت

رجعت تذكرت الكالته والكتله گرصت كلبي ونمت ماگعدت غير على صوت تفليش باب عرفتهم  ديكسرون القفل ماهتميت رجعت نمت اني شكو

كعدت الصبح دخلت  اخذت دوش حار بعدهن عظامي يوجعني  غيرت ملابسي خدي كله  شخوط مال ضرب خليت خافي عيوب وسويت ميكب خفيف شلت شعري جانت اوشاله عطر باقي ميفيدني

فتحت كنتور مؤتمن ردت عطر هم مالكيت بس لكيت الباندانه  الهديتها اله اشكد بطران محتفظ بيها لسه واني نص غرضه طشرتهن لو بيها مجال حتى هو اشمره وياهن

اخذتها لبستها على راسي اباوع طلعت كولش حلو
رحت لجنطتي لحد الان مافاتحتها  فتحتها اخذت منها جايبه وياي هواي انواع خليت ونزلت

وصلت للدرج هاي لعبتي اول طفر اجاني صوت مؤتمن غززززل نزلي مثل الاوادم

عفته كملت نزلتي المعتاده وصلت لكيت الوجوه كلها مكلوبه

رحت اضحك فرحانه حابستها بليل  كلتلهم صباحووو

بيبي-  لا هلا ولا مرحبا بهالصباح

-شكرا بيبي

كعدت يم صافو جانوا يسولفون على دعاء اشلون لاكيها متخربطه وصاير بيها خرعه لان محبوسه بالظلمه  وهسه نايمه مااعرف اشبيها بيبي تكلهم اخذها للعلويه اتسويلها حرز هاي انداست بالحمام لان ظلمه وعمتي ام اكرم  اتكلهم لا للامام

ام مؤتمن-  لااخذها  العصر للعلوية سوده بوجهي وجها كركم صاير والرجفه كامشتها

جدو- اشلون انقفل الباب بس اريد عاقل يفهمني

مؤتمن- انه يمكن بالغلط قفلته ونسيت

-جايجدي اشمالك امدوهن انتبه لو رايحه البت متسودنه

اخذ نفس وباوعلنه كال متنعاد ان شاء الله

عرفته كاشفنا انداريت كتله صافووو صبلي جاي

-يااطلابة الصخام هاج القوري وصبي

انطانيا وغمز ضحكت لان سقطت التهمة عنه

اجت سماح  كعدت يمي باوعتلي كالت  شنهو هاي الي على راسج حلوه جا مجبتيلي مثلها

-لاهاي منا جنت مطيتها لناس بس طلعوا ميستاهلون رجعت اخذها صدك حلو 

جان امدنك من سمعني شال راسه باوعلي درت وجهي عنه اتسنط  لسماح الي تگول والله تجنن

مصطفى- وين ام شهم شو ماكو صار يومين

-والله يخويه مريضه قبل يومين طفر حرامي عليه وخترعت صار عندي هبوط

-شنهو حرامي اشوكت طفر شو مااسمعنه بي

مؤتمن- قبل يومين خويه بس طفر مالحكته يمكن عرف افلوس المحصول خالهن بالبيت

-اشبيك يخوي اكو واحد يخلي هيج مبلغ  بالبيت

-يله اوديهن بالمصرف بس افرغ كم يوم هسه ماعندي مجال

همه يحجون واني اباوعلهم شكلهم مثل المتفقين لان وجه مصطفى مومال واحد اول مره يسمع

خلصنه ريوك كمنه للمطبخ اني شايله كيوت وسماح تغسل اماعين تهاني تنظف بالطباخ دخلت دعاء ماسيطرت ضحكت

نسوان مؤتمن تارسات المطبخ وانوب منطيهن حقهن كلهن خرب عرضك حيل مال محرك حديث

دعاء- عيني خلي ايدج بالتنظبف غزل موش واكفه هيج

-وانتي منو وتأمرين لاتخليني امرعطج

-شو يلا سويها اخاف كتله البارحه ماشبعتي منها لخاطر اخلي يسحلج هسه

- ياگتله غير سحكت راسج وكتلتله وياج وهو كل السوا راد يدفعني عنج

-من هيج جسر عظامج

-يا عظام ذني هيه سحبه  انمتنت بيها وبدل هذا المتن صح مو قصده بس هم اخذت حقي من بين عيونه وهاي اني الي ضاربته مو غاط راسي بالتشريب علمود كلمه مويمه وضاله ابوس رجلين بس حتى يرضه عني

-خلي يجي ويسمع خلي نشوف شنهو يرد

- ههه ويسمع شنو يعني و صدگ كالوا مخروعه وبيج جني صاير المهم بنتي بس لاتحمين ترا مااخاف لامنه ولامن ابوج ذوله هم يالله يخوفون مثل نوعج

-غزل بالعباس ادوس راسج لاتنطخين بيه

-ولج والله عيب يومية كاتلتج استحي كرامه حذاء كل يوم  مسحوله

-تره موش حسبالج مااكدرلج بس مؤتمن يكول مريضه لاتموت

-هاا حلو عفيه خليج هيج بس اكتل بيج اشوكت ماضجت حالج حال الحيوانه

-انه الشيخه دعاء بت الشيخ علوان تكولين حيوانه

-هه والله ضحكتيني اشلون شيخ عاد واشلون امربي بناته هاي انتي وحده ماخليتي حذاء مابستها حتى يقبل ياخذج واخر شي دزيتي ابوج يحرجه كدام المضيف ولبسه بيج و اختج الشاذه خو هاي قضية وحدها اذكرج  سوت بيه سوايات سالفة مؤتمن يكول اني اخجل اسويهن وياج بنتي انتوا بنات الشيخ واصلين مرحلة

-غزل انضبي احترمي نفسج

على صوتنه دخل مؤتمن جان يربط احزاء سلاحه مال متنه صاح هوشششش يابه شكو من صباح الله

دعاء- شوف مرتك شتحجي على ابوي

-انجبي لا تلفين السالفة اني حجيت على تربيته سكط  كلت اختج ادور بنات

-جذب ماكو هيج حجي

-عزا ومن طلعتيني من جوه ايدها بالحمام جانت املخه ملابسي واتعضعض بيه

  سمع مؤتمن اجه فاتح عيونه كال شنهووو ولج هاي اشوكت حصرتج بالحمام عليش ساكته

-عيب شكلك ابنيه جانت تريد اتسوي وياي علاقه والله شنو تكول حبيتج جسمج حلو

-هاي شنهو اشوكت هذا الحجي كله وين جنت انه شنهووو بويه شنهووو كل يوم اكتشف شغله بيج

-ولويش دتعيط عليه شوف مرتك هيه جانت تحاميلها

دعاء- جذب مؤتمن لاتصدكها احنه بنات الشيخ تعرفنا  ماعدنه هيج شي

-كولي والله مرتين وبيوم الحصرتني بالساحة وضلت اتعض بشفايفي عيع خلتني اتقيء وكتها لوهم جذب وكلتي اذا وصلتيها المؤتمن اخلي ابوي يسترنا اني واختي بي وبمصطفى

اندار مؤتمن صافن عالحجي وهيه رجعت ليورا اتبررله تگله جذب محد كرب يمها والله جنت ما اخليها توصل صوبها مؤتمن لاتصدك هيه تتوسل وهو وصل يمها ضغط على ركبتها رفعها وحجه من بين سنونه  شنهو لاف ابيتي انه دخييييل الله ولج تتحرشن بمرتي

-والله مؤتمن موش انه مالي ذنب والله زهراء حتى ابوي من كاله ابو سماهر بتك متحرشه بحرمة مؤتمن موتها وحبسها شهر حتى مدرسه بطلها

-بعد منهو الماعرف ولكمممم ياعالم راح تسودنوني شنهووو بعد

لزمت اديه حجت گوه -مؤتمن راح اموت دخليك

ركضت سماح جرتها من ايده كلتله دعوفها يمعود لا تموت وتبلينه  وهاي بعد لاتخليها تطلع عود ضمها عدل  انه لو اشوفها اشتهيها موش بت خنثى  انوب

-اكيد تعرفين وساكته كالعادة

-ياا وانه شعرفني ذيج روح حاسبها عليش سكتت ماكالتلك

اندارلي حتى السلاح جان بعده بيده ماخاله بالحزام شمره عالكاونتر وسحب الكرسي كعد كال تعالن اثنينجن

بين ما انطيت بنتي لهيفاء الجانت كوه كامشه ضحكتها انداريت لكيت دعاء  واكفه وحاشك روحها بي

يمه احس النار دخلت كلبي ماحسيت غير ركضت دفعتها بكل حيلي وگعتها عالكاونتر دنگت جريتها من شعرها  كام مؤتمن سحبني اله دفعته ردت ارجع جتفتي واني كمت  اطفر من الحركه واصرخ لاطشه بيك وانت ساكت عوفنييييي وخررررر مؤتمن

-كافييي بويه تسودنتي وين يمي اركدي لابالعباس اسطرج بكف اثولج بييي

-خلي اموتهااا وبعدين اكتلني وخررررر

عصرني وصاح بصوت رج المكان سكتت دفعته وسحبت اديه وكفت اباوعله بغضب

بجت دعاء  كالتله شنهو ماراح اطكها وداعت ابوي راسي راح ينفجر من وره طكاتها مؤتمن عليش هيج تخليها تهين بيه شوف شعري نصه اتملخ بيدها كل يوم شالعه خصله

-مو بس شعرج هذا وجهج الماضال شي بي اسحگ عليه كل يوم وهاااا اذا لكيتج واصله يمه لوهيج بس اصبع لامسه امرعطج اتمرعط

-عليش يمه حليلي  هذا

-عزززا مؤتمن دتغلط عليك لوهاي وحد تسكتلها واني تكتلني

-يمتى غلطت لو تردين تركبيلج سالفة

-مؤتمننننن

مؤتمن- شكو بويه غزززل صوتج العالم

-شنو صوتي مدتسمع تكولك هذا اليكوله مصطفى

دعاء- ياااع يمتى والله ماكلت

-عززا جذابه دتكولك سمعتهاااا لوتسكت طبعا بت الشيخ هاي مؤتمننننن اذا ماكتلها هسه افلش البيت بيكم وبعد مااحترم احدددد

غصت هيفاء من الضحك وسماح كعدت هو مسح وجها كوه كاتم الضحكه كال بويه ذيج حولي  تختلف

-هااا اي هم ميخالف لاتكولها بعد  وانت شكو واكف بهالقرب كالتها ودفعته وخرته عنها

دعاء- غزل انبضي مثل ماهو رجلج هو هم رجلي
هنا حالي حالج وهاي اريد اشوف شراح تسوين
دفعتني وراحت كمشته من زنده وخلت روحها بحضنه وهو يضحك

من حركت گلبي انداريت ماشفت  غير الطاوة يمي استوها غاسلتها سماح جريتها من يدتها سطرتها بيها بنص راسها خله ايده على راسها وسحبها يحميها بحضنه

رجعت رفعتها وسمطته هو على متنه خليته يدفعها بسرعة يريد يكمشني ؛ضربته وحده بصدره بكل قوتي اجت حيل 

بسرعة كمش ايدي وسحبني يريدني اترك الطاوه كمت ارفس اريد الوحها  رفعني ردا يخلصها  فلتت ايدي وضربته بغراضه الشخصية حيل خليته تركني  وانحني على غراضه

كعد عالكرسي واني ماصدگت  اجتني الفرصه رجعت لطاوتي شلتها وركضت وراها رادت تطلع مالحگت  وين التطيح ايدي بيها كل ضربة طالعة من كلبي على اصواتنا  واعياطها دخل مكرم يركض كمشني وصاح كافييي ولج

-وخررر

-اركدي بويه لااهفج دفره لج غزززززززل

نفخت شعري عن وجهي  وهو اخذ الطاوة دخل للمطبخ شاف مؤتمن كله ها ولك بيك شي

-لايخوي هيج شوية اجت عابره كالها وكام عافس وجها 

هو كام وسماح ميته ضحك هيفاء جانت اتصور مامنتبهين الها غلقت الفون وگعدت من الضحك

صاح مكرم - لامؤتمن هاي قويه بالعباس صدك جذب ولك هاي اتطكم   نص متر مابيها

-وحگ على ابي طالب اتكول زيبك ما تعرف اشلون اتگضها

هيفاء- ولكم هاي تنذكر بالتاريخ شيخ عشيرة ال …اتطكه حرمته

اخذ سلاحه خلا بمتنه وطلع

جنت واكفه كولش حبابه اكل بأضافيري واباوعله  بعدين حسيت اني شنو امسويه مر من يمي كال اذا مفكره بشي وره هاي عملتج بعد شيلي رجعي لبت الشيخ افضل

طلعوا هو ومكرم يضحكون ودعاء شالت روحها ودكتها بالكاع كامت تملخ بشهرها وتصيح   شنهو السويتيلي وخيلتي هيج يحبج عليش انه اشبيه شنهو ناقصنييييي عليششش امداي امده حظي امده حضي

اشرتلي هيفاء طلعنه للحديقه تركنها تلطم وتبجي بصوت رحنه بره گعدنا و كل اشويه تتذكر الموقف وتضحك لمن وصللها مسج صوتي

فتحته مصطفى يصيح بعلي ذببببه كفوووو ماضاع تعبي بالربايه  ولكم الشيخ انسحل  لاهاي فضيحه وولج ولي خلي اعرف اشلون اسحب افلوس منه لوانشر

هيفاء- ولج غزل خيه بطلي غيره واحنه حسبالنه بس مؤتمن يطبكن الوايرت عنده من يغار يمه اليوم شفتج نفس الشي اثنينكم

-حقج ماحاسه بيهج شعور من تشوفين زوجج ويه وحده وانوب حلاله يعني يتقرب بكيفه

-لاوالله عاذرتج وحگج بس خيه امني كلنه نعرف  ماكو بكلبه بس انتي وهاي خالها مصلحه بس تكمل يشمرها 

-من هيج خاف عليها وحماها

-هههههه لاحسبالج بحالها وداعت ابني غمزلي وگال شوفي سحبها  خلاها بحضنه يريد يشوف غيرتج والحمزه  لو وحده من نسوانه عملت العملتي  جاعلكها بالسكف وانتي يضحكلج طاير بيج اشلون غيرانه عليه

-ولج هيفاء دا اموت من اشوفها يمه مااريدها هنا اشلون اخلص منها

-ولا شغلتها صعبه لان مؤتمن الله يسلمه ورط روحه ورطه اشكبرها ويه ابوها واحتار اشلون يطلع منها بس انتي كيديها ماكو غيرها ولاتخلي يوصل صوبها هيه اتمل وتروح وره كم عركه وكم طكه  تولي

-لعد ودفعته البارحه اسكتله عنها واعبرها

-يبووو يادفعت  البارحة مكرم اشكد حجه عليه واتحمل خلص مكرم استلمه مصطفى انوب هذا يدوس بالكلب يحجي كله بالثجيل يكرها بروحه 

خلص اسلمته انه كلتله اذا ردت شردت لاتكول عليش وتكعد تركع جكاير البت صغيره  تنسحب وره الدلال ذاك ماسمعت مصطفى شكلج يكول فارشلها الكاع ورد ويريد بس رضاتها وانت طايحلها اتصكع يخوي لاتزعل وادري الجاي احجي غلط بس مرتك صغيره وثوله شفتها من راحت بعد ماسألت وراها يعني تنساك بيوم وليله وتشوف غيرك فانت خفف وياها لاتخليها ترجع تطفش

-شنو كلج

-والله  ماحجه ضل يركع جكاير للصبح

-اكولج خالتي وحبيبه لويش ميجون شوماكو

-حيل تعارك احمد من رحتي واتخاربوا من اهدها بعد واحد مادخل بيت الثاني

-اشتاقيتلهم

-والله حتى هنه اول البارحه خبرت حبيبه كالت اشكد مشتاقتلها بس شنسوي بلكي فتره ويتصالحون يله حبابه اليوم تردين لحضنه موش بعدين يطير منج وهم تجين تبجين

-ميروح وعدني

-خيه هو ميروح انه وياج بس هيه اتسحبه بحجت مريضه وتعرف بيكم زعلانين وحتى لو بس يدخل للباب راح تسويها سالفه اشطولها حتى تكيدج الصبح وتتخاربون

-خلي يروح صدك وهو يعرف شسوي

-وداعت سنود هسه ادخله تعلميني بيها تره اخيي مايعرف شنهو كيد النسوان عليك يالله يمشي وهو خجلان من الشيخ لان كثرن شغلاتج بعد مايعرف شيسد وراج بس يريد يكتم دعاء لخاطر لاتزيدها وهاي ضلت يمج بعد يله اريد اروح انطيني كيتي  العبها بس تصفن بلكي لن متعلمه حجي 

اخذت كيتي راحت واني ضليت افكر  صدك والله  حجي هيفاء هذا عينه زايغه  وينضحك عليه باقل شي

وهاي خبيثه انوب اليوم اني ضاربته ومتجاوزه عليه اخاف صدك يروحلها واكيد الصبح يكعد يبجي انتي ضاربتها واستحيت من الشيخ حفظت سوالفه

لازم افتحله لمن يتعدى وقت ويكدر يطلكها 
رجعت للمطبخ لكيتها هيه وعمتي يتهامسن بس عمتي اتكلها مالج شغل خليها وراي اليوم الج

تركتهن  صعدت لغرفتي

كلها صارت تعرف الاتفاق بيني وبين مؤتمن اذا رجع دعاء ليله وحده اتركه اكيد هسه يسون شغله يخلنا يدخل غرفتها حتى اتركه كمت اعرف خبثهن هاي بعدت عنه شكد كلشي ماستفاديت اول وتالي ماراح اخلص منه مؤتمن انكتب عليه برضاتي غصبا عني راح انجبر اكمل ويا

صفنت اعرفهن ماراح يخلني اعيش براحه  بالاخص هسه متخبلات لان شافنا  مايحاسبني على اغلاطي وهنه يردن دعاء تاخذ مكاني واني اعرفه يحبني واگدر اسيطر عليه بسهوله بعد لويش اسود عيشتي بيدي 

باوعت الغرفه امهوسه كمت نظفتها دخلت  للحمام اخذت دوش 

طلعت وكفت كدام المرايه شفت جسمي اندعيت الماما على هذا الشغل صدك اجه وقته جان هسه اني امبهذله

عندي وقت احتاريت شنو اسوي  لفيت شعري ردت  تغير اليوم التهيت بالماسكات والترتيب لمن صار الضهر واني بعدني

كالعاده مؤتمن الضهر مااجه معزوم  خليت ميكب فتحت شعري لكيته كيرلي حلو غيرت ملابسي وتمددت عالجربايه دزيت مسج لمؤتمن

اريد شاورما مشتهيه ثواني واتصل

حجه بصوت ناصي -  شنهو شاورما ولج شنووو مشتهيه غزل لاتكولين حامل؟؟

-عززا مؤتمن شلحكت لابس هيج اشتهيت

-خرب بشكلج طفرتيني كلت راح اكل تبن تعالي ولج عندج حب مانع لولا

-ايي عندي دااخذ انطتني سموح

-عفيه يله ولي من اجي اجيبلج

-مؤتمن لاتتاخر فدوه نعسانه وجوعانه تره الساعة سبعة وعدل اسلوبك من تحجي وياي ترا اني مرتك مو بتتتتك

-اشتعلواا كاعد بالضيف غزل ولي من وجهي لاتلحين كلت مأتاخر يله انقلعي

سديت الفون اتصلت سماح رديت كالت ولج غزيلان تره دعاء حاده اسنونها اليوم امسبكتله من هسه بالباب

-لويش مو مريضه هيه

-عادي كل الطرق تؤدي الى روما المهم ادخله  غرفتها بحجت اريد اموت وتعال حتى تتخاربون تراها خبيثه تعرف تلعبها وانوب راسها امعنجر صاير شكبره  وخدها معضوض صاير ازگ مشوه  هسه تجسر خاطره  يريد يسكتها  حتى لاتروح لابوها ويشوف شعاملة بيها بعد مادگله صدر مايخليج توصليها

-هاي متوب اذا ماموتتها

-جاهيه عليش جانت خايفه من رجعتج عرفت هيج راح يصير بيها

-يطبها مرض لعد مجانت تشوفنه قبل لاتاخذه

-اي بس كالتلك بلكي اسحبه وانسي خيه حتى لو بس تشتم عطره عدها كافي حسبالج هيه غزل الليل كله يتوسل بالباب حتى تفتحه وتالي سوده عليه نام بحضن مصطفى

-عزا لاتذكرني كل شويه ويتصل يسبني ويسده

-هههههه غير شبعه تصنيف يكله تعال يبعد اهلي بحضيني  وين امك متيهتك ومؤتمن ميت ضحك عليه يلا خيه نعلي الشيطان وردي رجلج لحضنج لايروح تره هم بزعت روحه من التوسل خليتي ينعل ابو الحب الماحصل منه غير المذله 

-تمام عود بسيطه  انتي اول ما يدخل رمشيلي

سديت الفون وشغلت فلم  اباوعله لمن اتصلت سماح كالت اجه يسولف ويه دعاء بالباب ولج الشغله امبينه حاميه ماعرف شجاي تشكيله لان هيه تبجي بقهر وهو يمسح بدموعها يهدئها

-ولي سماح روحي

سديت الفون واتصلت رد هابويه جبتلج هسه ادزهن بيد سماح

-لااا مؤتمن تعال بسرعة

-ولج اريد اروح يم جدي اتعشه خالين العشه

-ميخالف بس اكولك شي وروح دقيقه موبعدين اتكول لويش دتضمين

-همم لويش ودا يله يابه جايج ولي

شمرت الفون انكلبت على بطني ورفعت رجليه اريد اشوف اشلون دعاء تاخذه اذا ماذليت هذا الشيخ الي تبوسين رجلي واخلي يخدمني بگد ماتخدمي اضعاف بس حتى ارضه عنه  ماطلع بت فريال

سمعت صعدت  نشرت شعري بسرعة دخل بس ماطلع صوته عرفته واكف ماخذ صفنه اني هم مادرت وجهي لمن سمعته سد الباب نزع سلاحه

كال كومي جبتلج عشه اشرتله جيبه لهنا  وخرت شعري عن متني وتربعت طلعت رجليه كلهن خليته يتصفن  ابو نفس الدنيه

جاب العلاكه خلاها كدامي كعد ينزع حذاءه بين مافتحتها  شمر حتى قميصه  بقى بس البنطلون كعد يمي

-شكو گعدت

-يگولون هاي غرفتي وانتي حرمتي

-اي ذكرتني من البارحه خلعت متني علمود تحمي مرتك

-ورحمه ابوي بدون قصدج ردت بس ابعدج ماعرف اشلون نسحبتي حيل ويااحميها غير نعلتي ابو ابوها وعلي من گال الشيخ اليوم خلي تمرلي باجر اريد اشوفها حتاريت شرد

-ترا شفتك اليوم خليتها بحضنك

-ردت احس بكلبج بعده هاويني مثل گبل لو البعد نساج

- واني اصلا موبحالك بس هيج خبث حاجتي حتى لو موبحاله ماريد واحد يمد ايده عليها

-مم حاجه كالها ودنگ يحك بخشمه عرفت روحي جفصت عضيت شفتي وين دعاء تجي تشوف الشيخ شنو ديسمع ومغلس  رفع راسه باوعلي

-شنوو شو طولت حتاكل هنااا

-لايابه موش جوعان بس كلت اكابلج بلكي الله يهديج وتحنين عليه بلفه

-ؤك تمام صح ما تستاهل بس يلا اكسب ثواب

-بت الثوله انه جايبهن ياثواب

-لعد كوم ماانطيك روح اكول ويه بيبي

-اي عليش لا

لبالي صدك كام راح يروح شو هذا   شال العلاكه خلاها عالميز ورجعلي دنگ كال ولانفس اسمع منج

-شنو مؤتمن ؟؟

-منهو هذا مؤتمن بس لا هذا الفلشتي  الصبح ثبتي لج خلي اشوف بعدني صالح للاستعمال لااا

دفعته ردت انهزم جرني رجعني لمكاني عصر وجهي ودنگ عضني  ما اتندمت غير على شعري الساعتين اسوي بي ضيعه بثواني …

راسي عن صدره مغمضه وهو يلعب بشعري همس -اشلون عضتج ولج

-منو

-بت الزمال صدك ولج عضعضتج

-هئ بس باستني من شفتي وان--

مالحكت اكمل گلبني عصر شفتي ونعل ابو الساعة الي فكرت بيها احجي حسيت بي مريض نفسيا كل دقيقه يبتعد يمسحها بطرف اصبعه يصفن شوية ويرجع يزيد اكثر مثل الي يتخيل الصار ويحاول يمحي ومايخلي غير اثار لمساته على شفتي

… طلعت من الحمام اباوع الساعة ١٢ باوعتله لكيته غاط بالنوم رحت اخذت الاكل خليته على الجربايه وكعدت هزيت متنه فتح عيونه اشر شكو

-كوم اتعشى

-مااريد خليني انام

-طبعاً حقك اني منك اموت ارحم

-غزل عليش تخليني اكوم ادليج طريج الرحمه منين

-اسكت بس حجي

-ها تجربين

-لادااكول صدگ تريد لولا

-بويه مااريد اكلي الف عافيه بس خليني انطمر

تركته اتجتف ونام واني بلشت اكل بين مااكلت ولميت الوسخته وغسلت اديه صاره الوحده ونص حسيت بعطش باوعت للباب خفت انزل رجعت يمه  كعدته على كيفي رد فتح عيونه بتعب اشر شكو

-عطشت  فدوه جيبلي مي

- وعلي اذا كمت من مجاني ارد اخليج تسبحين مرة ثانية فستري على روحج ولي من يمي

بعده يحجي وطفرت وخرت عنه  محترمة نفسي  رجع انطاني ضهره نام باوعت للباب  شنو قابل جوه وراح اخاف منه

لبست الروب وفتحت الباب طلعت حتى بلانعال من الاستعجال وخوفي نزلت للمطبخ سمعت طكطكه جمدت مكاني داارجع

وانتبهت تهاني باب المطبخ يمها واحد  ملثم   مااسمع شنو حجه وياها لان يحجي  بهمس بس هيه كالتله من الباب فوتلها بسرعة الشباج مقفول ماكدرت افتحه خلص ابساع ابساع اهم شي شغل امرتب كون مايشكون وانه متانيتك هنا

رجعت لغرفتي اركض  دخلت على كيفي سديت الباب بدون لاتسمع وكفت متصنمه

اخاف  اكول يكتلها  ويروح حاله مثل ماكالت سماح  و اتبهذل اني وبنتي مثل مااتبهذلت ماما اكيد ياخذوها مني ويكولون تزوجي غصب ؛

واخاف اسكت وسماح تروح بيها

انتبهلي عگد حاجبه كال اشبيج بويه

-ها موو

-موو شنهو غزززل كالها وكام

-مو هذا

-اي هذا شنهو احجي بنيتي عليش وجهج اصفر

-مؤتمن لاتكتلها فدوه كلتها وبجيت كأنما عرف شنو الصار

دفعني اخذ السلاح ونزل يركض…

لاتنسون التصويت⭐⭐⭐⭐⭐