رواية خبايا الروح الفصل العاشر 10 - بقلم نازك الحمراني

❤مسائكم سكر❤
الجزء الثامن
....نازك الحمراني...

ألى ألذين نحبهم لم نطلب أن تحملو الأرض،ولا ان تتسلقو السماء وتأتو بها لنا
ولا أن تسرقو نجمة، ولا حتى قمراً، ولا أن تفرشو لنا الأرض وروداً، كان يكفينااه فقط، أن تقولو كلاماً من قلبكم كلام تعنوه
حقا، نريد كلاماً صادقًا والله كان سيعوّض عن كل الحزن الذي ذقناه من الدنيا

بيوم العقد والشيخ دي يتكلم بصيغة العقد...
رجفه خفيفه أجتني....

بوراها حالة تقيء
حاولت اسيطر على نفسي....يمي بابا ومقابيلي يزن
دا اشوفهم من جوى الكاب المغربي....
عمر منزل عيونه للكاع ...
وشابك ايده وكاعد مثل الساجد..
بقيت أتأمل وسامة عمر...

دا اريد ابعد الحاله الأجتني....من الرجفه
رفع عيونه صدفه الي وشافني اباع له
دنك راسه وهو يبتسم.....ويعض شفته
يتوعدني

عيونه الي بعثتلي طاقه ودكلي اني.
رح اصير زوجك
مديت ايدي كمشت ايد بابا..والشيخ يررد..هل تقبلين؟؟

دا اريد أحجي مثل المعقود ألسانه
....ويحاول يصرخ
هيج حسيت...

ايدي ترجف بايد بابا وهو يفركها الي..
أحس لازم أقاوم وانطق هل كلمه
....وطلعت من شفافي بكوه

- نعم...قبلتُ
نطقتها بلهث ونفس تعبان..حس بابا عليه
نصى عليه

-بنتي بيج شي دترجفين

-لا بابا لأنو اني مماكله زين جذبت لأن
مااريد اخوف بابا اكثر عليه خلص العقد...
معجزه

الكل طلع..
أميره "وغدير "وماما "وام قتيبه"دخلن سوه
أرتجيت ليورى....

ردت اوكع
عمر سندني لزم أيدي...وايده الخ على ظهري

عيوني له تقرب وهو يهمس باذني

-خوفتيني عليج...بس هسه عرفت ليش سويتي هيج
اباع له واني منتظره....شنو يقصد لأن حجى بضحك...ضحكه من وراها قصد

....عيونه الأخواته يحجي وياي

-شنو تقصد

-اقصد كعتي نفسج.. يجوز ردتي اجربين لمساتي
صبرج عليه يابنت

خجلت من كلامه المبطن....واحس مامتوازنه
دنكت راسي مستحيه....واني ودي ابرر له الموقف ضحكته الاخته اميره وشابك اصابعه ويحتضن ايدي سكتني

جانت اول لمسه بينا....
خفك كلبي الها...
يجوز أكثر من عنده...
لأن بين على وجي المرتبك
اما هو فكان الضحكه متفارقه محياه..

وهو يحتضن والدته...الي من دخلت تهلل بدمع

الحظه انقهرت عليها....
والخنكه أجتني
اريدهم يبعدون عني الكاب.....اشرت الغدير الي كانت
دتوزع بلعصير والكيك...والحلويات..

فكيت الخيوط بركبتي ونزعته بتوتر

.....واحس شفافي تيبست..
جريت ايدي...من عمر واني اسحب كاس العصير
الي مخلي بصينية المهر....على ميز زغير
شربت كل العصير دفعه وحده

والدتي اقتربت تحضني وتباركي...

-مبروك بنتي....بس شنو هل حركه السويتيها عيب ماما

ماعرفت شنو اجاوب....الي صار مو بيدي
بس دا احس الكل أنتبه على حركتي الرعنه مو اني سويته شي حركني

لكن عمر بضحكته.. ديبعد أنتباه المعزومين عني...

اقتربت ام عمر من عندي....ودموعها مفاركنها ابد
كل اشوي يقترب عمر منها....ويمسح دموعها
ويبوس ايدها يلاطفها...اقتربت مني

-مبروك أزل لس مو من كل كلبي...مبروك غصب

بس لأن أنتي مشتهى هل الواحد...فيدلل
حضنت عمر...
مااعرف اشكلها.....رجعت عليه

-أتمنى أتكونين كد حبه الج.....بيدها چیس كارتوني

أطلع العلب الخاصه بذهب...جانن كلهن علب مقدفه وفوكهن شريط فستقي...صفطتهم عل ميز

كعدنا من الوكفه والمصوره..تكص صوره الكل حركه..لنا

عمر الي بدا يلبسني الحلقه....

وايدي ترجف
صعدها للشفافه وهو يشمها ويبوسها...من قربها الشفافه
حسيت نفسي آميره قصصيه
هاربه من عالم الروايات...عمر الي دخلني العالم الروايات
بلبسه "
بتصرفه "
برومانسيته الرومانسيه

لبسني الكلاده...
وعيونه وعيوني متقابلات...
منزلهن ابد
جنت ممتوقعه و ممصدكه اصير له...
لكن الي دا اشوفه بعمر ولهفته....انو هو اكثر مني حب

طلع علبه كبيره ....وهو يلبسني السوارات الذهب
واحد ورى الثاني.الكل صافن ومتعجب...عشره سوارات

اتقربت والدته وهي تنطي حزام ذهب مأطره بكرستال
مد ايده على خصري يلبسني ياه..
ضعت وضاع كلبي بكل حركه من عنده..
يلبسني بتأني وحذر...

كأنما قطعه فنيه‌يحاول يعاملها برقه
ويركبها ويبدع بيها...

يخاف عليه...مثل كاس كرستال فرنسي نادر..
يخاف من حركه اقل من قاسيه..
تهشم هل كاس
فيلبسني‌بهدوء الي ينتبه عليه......يكول ملل
لكن اني وهو النا‌نظره خاصه الحبنا
هي نظرة التأني بلمس الحبيب

تمنيته يبقى لكن هو طلع....ويأشرلي بیده على اذنه بايده
عود نبقى على أتصال

بقیت واكفه‌من ثكل الذهب الي لبسته
....ومن فرحتي بلخطبه..

طلعو رميت ثكل جسمي على القنفه...

دخلت أم قتيبه وهي تباركلي....

-مبروك ابنيتي أزل ربي يسعدج...
ويبعد عنج كل حاسد....

أعوذ بالله من هل نسوان أندارت على ماما
وهي تكمل كلامها....

-لويش عزمتي الجوارين كلهن..
دشوفيهن أكلن أزل بعيونهن والعين اصيب متخيب
والحسد يطير الفرحه ويحولها حزن...ماما جاوبتها

-كلشي بيد الله...تركتهن يحجن بعد مابقت الناس تطلع الى أن فضى البيت علينا...
وبديت انزع بلذهب....بس الحلقه بقيتها

البدله خلعتها وكل الي ما لبستهم بلخطبه...
رجعتهم بكياسهم
ودخلتهم الكنتوري....

غدير دخلت عليه تريد أجرب الفستان
اخذته منها اشرد بيه وهي تصيح

-أريد اجربه فستانج...لحتى تنفك جبستي وي أخوج...نطيت الها

-وج اتشاقه لبسي اي شكو بيها...دخلت زوجة عمي متعصبه..سحبت الفستان منها
ونترت بيها

-تعالي لج غدير.. أفلحي بدراسه والعريس موجود
صوتها على وغدير تبجي..كالت

-ماما شكو بيها بنت عمي قابل غريبه
تقربت منها

-ماما العين على أزل...مااريدج انت همات تصيبيها

أخذت غدير من ايدها ..كعدتها يمي أسكت بيها..تبجي بحركه كتلها

-اهووو كافي غدير...ماتعلمتي على والدتج
...وهي تشهك

دخل يزن الي ظل واكف يشوفها تبجي

اباع عليه صام أيده بقوه ترجف أقترب جر كرسي
كعد مقابيلها..
رفع ايده دي يريد يبعد ايدها عن وجها
رجع نزلهم وهو يزفر يستحرم اعرفه

حاجها بحزن وعتاب

-ليش تبجين يابنت عمي...زادت بلجي ومغطيه وجها
مانزلت أيدها ابد...رجع كالها

غدير...عيوني أرجوك دكافي عاد وكأنو كلامه سبب
لحتى أزيد بلبجي...وترفع صوتها وتشهك
نهض بعصبيه وهو وصل للباب
أندار عليها بعد أشوي هدأت....

-غدير اليهنا والصبر ماعاد عنده وجود
..رح أخطبج
مااتحمل اشوفج دتبجين ومااخذج الصدري..
طلع وهو يسد الباب بقوه...

اندارت عليه غدير....وهي فرحانه ولا جنها تبجي
من رزالة امها تحجي بفرح

-لچ لوأدري ادموعي سبب يخطبني
جان كل يوم اكعد باب بيتكم وابجي...لج رح يحاجي
بابا
مااصدك...
ركضت تروح لأن امها صاحتها..واني رحت
الكنتوري اشوف البدلات.....

وبدا صوت زوجة عمي يعلى....لأن رافضة يزن
وعمي موافقوو فرحان...لان يحب يزن
فرحت لان عمي وافق....بيزن
واني بقيت واكفه اتلمس الفستنان وفرحانه مطلعت ابد

بعدني اباع علفستام يم الجام خان واكفه بابا وغدير جروني أثنينهم

وعيوني للجام خان الي بيه البدلات
جروني واحس سحبوني من عالمي...
ركبنا السياره...

والحلقه لساها بأيدي حضنتها الكلبي
والساني يردد بهمس غير مسموع...بس الأذني

-عمر لساه يحبني عمر يحبني اريد عمر
وصلنا للبيت مااريد أدخل...... اريد ابقى بشارع

بلكن أشوفه....يزن اقترب من عندي ديريد يدخلني
واشوف ورى عمر....

ماقاومت نفسي
اي عمر حبيبي اريده....اتكلم بهمس اريده
دخلت للبيت ركض..واني مااريدهم يبعدوني عنه

وكفت بطرمه احجب وياه دا اريد انطي الحلقه...

طلع تخيل ماكو عمر أفترت عيوني للمكان
....ماكو

رحت الغرفتي بخطوات تعبانه
والأصوات بأذني...والوشه تعلى مثل وشة التلفزيون

ألعب بلحلقه بيدي أهز براسي
.عمر...
عمر..
عمر

دخلت ماما يمي وبيدها كوب مي وحبوب
أخذت العلاج.....

واشوف الباكيت قريتها
مهدئات ضحكت أشرب واضحك
وشر بعيني
حتى ماما خافت مني...

اني خفت من نفسي من حركاتي

اني ضايعه بلا عمر....
ناقصه من دونه...راحت ماما سدت الباب

رحت للكنتور
البدلات لساتهم بكنتوري....طلعت وحده منهن

لبستها اخذت الفون...وادور رقم عمر رنيت عليه
طلع صوت والدته الي خلتني أتعصب واصيح....كتلها

-عمر وينه صيحيله غلقته بوجي هل شي عصبني

وكفت مقابيل المرايه...شعري ممرتب
ولابسه البدله فوك التراك....

تاملت نفسي
صدك امبهذل شكلي...بس اهم شي فستان فستقي

اخذتني اقدامي بلا ادراك...مثل لعابة الخيوط
هيج أتصرف...
يعني مو بيدي..
شي وديحركني بجنون...

وكفت مقابيل الصاله...عمي أبو قتيبه سلم على بابا
وعلى كل أهلي انتقلو من بيتهم...
البيت أكبر و راقي...

وسمعت بيتهم اجرو لمريه أرمله صاحبة أطفال
ماهتميت شيكولون....تمشيت للمطبخ بخفيه

طلعو واهلي يودعونهم....
وكفت أريد أتاني اهلي يدخلون...لازم أروح العمر واشوفه..

دخلو اهلي واني بورى باب المطبخ.....

لخفت الفستان
من جوه لان طويل.. شفت الباب مفتوح
يعني الباب مسدود زين....

اول خطواتي خارج بيتنا وعيني له اريد أركض العمر...
اركض وعيوني الباب بيتنا لا احد يطلع ويشوفني

ظلام بكل مكان..
ماخفت لأن عمر اهم
وكفت ضوه سياره وكفت مقابيل....
طلع منها رجال
وجمرة الجكاره بحلكه.....

ركضت لا يشوفني
دا اريد اطلع من الفرع
واصطدمت أبجسم صلب

تخيلته الظل وبقيت أضرب بيه بصدره
صامه ايدي

وحتى خرمشت وجه وهو ساكت
أجتني حالة التقيء...

والصوت أعرفه
واني بثنين ايدي أضرب بيه..

-رووووووح مني .....جراني حيل من ايدي ثنينهم ونفس الصوت الخشن

-وين طالعه الدنيا ليل. متخافين لج بابا اشبيج احجي كافي ضرب بايك عشاچ

-عوووفنيييي...

-اعوفچ من اخذچ الاهلچ... أخذني الطريق بيتنا...
وهو لازمني حيل من زندي...
وماچن یسمع صوتي....نترت بيه

-ماألك حق تلمسني....ياحقير قربت اضافيري الأيده واحس دخلت أضافري بجفه مانطق ولاكال

شكيت بصوته.
بس لأن ظلام بس أشوف الجكاره جمرها يبين بظلمه...

ساكت مايحجي...مثل الحايط صمته
وصل الباب بيتنا أريد اتحرر من ايده

بايده الثانيه يدك الباب والايد الثانيه لازمني بقوه لحتى مااهرب

أنفتح الباب وصارت آضائه وعيونه تنظرله
اريد اعرف منو الي حرمني من عمر

ضوه الطرمه صار بوجهه هذت
ياسر صديق والدي...
كرهته حقدت عليه

هو منعني من أروح العمر وأشوفه...انفتح الباب
طلع والدي مدهوش....بقى صافن عليه
لأن لابسه فستان خطبتي...وطالعه بليل...ماحجة

طلع يزن ياخذني من أيد..هل حايط

اي حايط ضحكت بفرح شفت أضافري الطوال بيهن بقايا جلده
الي نهشت بيه بقوه..

تقيئت من الموقف وحسيت على روحي..
شفت نفسي شلابسه....الأصوات رجعت عليه
حشرت روحي بكنتوري...سديت على روحي
خاف يقتلوني...دخل بابا يدور عليه

-أزل بنتي...وينج سمعت صوته...فتحت الباب
واني اشوف أدموعه...ويزن يمه يبجي

بدا مفعول الحبوب المهدائه يمشي بيه...ونعاس اجاني
وكعت للكاع كل جسمي خدران...

اريد عمر أردد اسمه عمر عمر...

ودموعي بخدي تنزل
مثل ألفقدت السيطره على نفسي...
مرت الأيام...
والأيام....
الاكل كرهته...احب اكعد وحدي

اخاف من كلشي يقترب مني...
احس روحي ضعت من عالم الواقع...
صرت بمكان وبعالم غيره..

ياخذوني أهلي مره الطبيب...يكلهم وسواس قهري

مره الشيخ يقرأ عليه يكلهم جني..
مره الكشافه...

.حتى جوت راسي بحديد حارر
دكول حسد
حسد وعين ماصلت على النبي...
نفس الكلام يرددوه....
حسد لو جني
الخوف أتملكني..

من كل الي يمي...
وحتى من اهلي...

فقدت الثقه بلكل بعد عمر......
حتى بنفسي....

أشوف الكل تعبان معاي....وافكر انتحر..

يطلعوني اهلي اغير جو واني بحالة شتات روحي..
بحالة ضياع....تمنيت الموت ارحم من اني البيه..

الكل يدخل يشوفني يطلع يبجي...
سولي عزا واني لساتني عايشه.....

يا عيشه
عيشه مع اوهام"
مع اصوات
ومع ظل مرعب

بس كل هذا واهلي مااأيسو...
دخلوني للمقامات
للمزارات....واني مثل مااني

مره أخذتني ماما البيت عمي ابو قتيبه الجديد

بلكن أغير من نفسيتي...
ركبنا ابسياره لان بيتهم بعيد
دخلت البيتهم اباع له بس كلشي مااحس...

أحساسي فقدته...كمت مااميز بين الحب والكره..
بين الخير والشر....ماما أو ام قتيبه يسولفن

واني اشوف بس اشفافهن يتحركن...
غدير كاعده يمي تقرا عليه...واني كاشه منها..ونافره

كعدت ام قتيبه توكلني كوه...بقيت أصرخ مااريد
اشوفها هي وماما يبجن عليه...

رجعنا للبيت وطول الطريق ماما تبجي
من وصلنا بابا كاعد بلمطبخ...سلمت ماما عليه..وهي تشكي له
..
-شنسوي أبويزن البنيه تعبت....صارلها أشهر
ولساته كل يوم تتلمس فساتينها وتحاجيهن...

ماتدري بعمر خلاص طلع من حياتها....

مااعرف ماما تقصدني..
معقوله أني..
ليش أكلمهن شنو تخبلت لو قابل عمر تركني؟؟

عمر يحبني بس هو كلي أحب أسافر كل فتره للبريطانيا..

لو لسويد
هو كلي متركني رحت الغرفتي اكسر بلغراض
كسرت أمرايتي...

فتحت كناتيري
دورت على علب الذهب بلخانه مالكيتها...
بقيت أصرخ ابصوت عالي....

-وينهن نيشاني وووووينه عمر وييينه

جريت من جنتطي ورقه...
فتحتها بضحك......

عقد محكمه...بين أزل(......) عمر(......)
بچیت واحس صدري...يتلغبط
عمر حبيبي
مو بعد يومين على زواجنا...

احس شي ينفخ بوجهي هوى حاررى
رعب اجاني
سحفت اتختل جوه السرير.....

واحد يضغط على بطني
دخل بابا وياسر وهم يسحبوني من جوه السرير...

شفت ياسر وهو يمتمت كلام بلسانه...
كعد على السرير...

اجتي ماما حضنتني
ويزن أخوي ماسك رجالي....شاور والدي وطلع...

شردت بزوية الغرفه واشوف ورى اهلي غمامه سوده

ورى بابا"ظل كبير...
بابا الي جان واكف يم الباب ركضت لحتى أقتل الظل

طفرت على ظهر بابا
واخنك بركبته يجر بيه يزن ...

ضربني راشدي يصيح

-ازل حبيبه اصحي اشبيج خيتي..
وعيت على نفسي...

شفته بابا واكف مختنك يجر نفس.. حضنته
ابجي...

نزلت على رجله وراسي على رجل بابا.

-بابا ساعدني لو تقتلني...ليش هيج يصير بيه
خلوني أقتل روحي..

كمت الاخوي يزن...والكل احسهم يخافون مني
وحزنين الي...طلعو تركوني

واني بقيت اهز براسي من الوجع...
اخذتني ماما واسمعهم يسولوفون..يزن يكل الباب

-الدكتور يكول مادام صارلها فتره عل علاج والمهدئات..

أوما نفع بيها..بقى الحل الأخير
الي هو الصعق الكهربائي الراسها أفضل علاج

ضحكت بصوت عالي...
ياخذوني للصعق...

حاولت اشرد بس أخذوني مثل تايهه مسيطر على نفسي

وصلنا للمستشفى دخلنا الغرفه ماهلكد نظيفه مثل حالتي
واجتي الممرضه...ضربتني أبره...واستسلمت للنوم

وادور عمر بهل ظلام الي بيه اني....
فزيت من النوم لكيت نفسي بيتنا وراسي بي ألم قوي...

بوسط هل أوجاع الي سيطرت عليه..
وعالم الواقع الي قطعت صلتي بيه...عشت بذكرياتي

بيومها اني وعمر..أخذني للمحكمه نعقد..جنت فرحانه

ويجوز اسعد اثنين ديعقدون...
الأنظار علينا وهو ماسك أيدي...واني أظحك له..
حتى القاضي الي عقدنا...اتلاطف ويانا وهو يكول

-اكثر اثنين دخلولي أنطوني طاقه الهل يوم الكئيب
رحنا للمستشفى..واحنا نحلل توافق الدم..

كعد عمر يمي وهو ملاصقني كلش..وحاصني..
جر ذقني على وجه...واحد صافن على الثاني
برغم أخاف من الأبر...بس وجوده يمي...سعاده

خلصنا العقدنا وركبنا سيارته يفتح الباب بحب
وصلنا البيتهم...لحتى يشوفني الغرفه...

دخلنا والفرحه مافاركتنا...والدته ولارا كاعدات

لارا من شافتنا شردت...ضجت عمر ابتسم الي مااهتم
تقربت أبوس والدته...والجو بيه توتر...
عمر اخذ ايدي...وهو يخبر والدته

-ماما رح نصعد ازل اتشوف غرفتها...جان جوابها قاسي وبي الم الي

-هي تتحلم بهيج واحد مثلك..لحتى تراويها الغرفه

جريت حسره....مااريد اتعصب..لاجل عمر
صعدنا أدخل الغرفة أحلامنا...

الي جانت موديل تركي..ابلون رخامي وكفت بل باب
جر ايدي عمر..
وانصدمت أبصدره...أول مره أقترب هشكل منه

أحس بروحي أطرافي ممتوازنه...وجهي دي يتعرق
صفن عليه وعيونه تتأملني...الحد منزلت الحلكي

قرب أشفافه للشفافي.....ونبضات أكلوبنا تلاصقت
أستسلمت الأول بوسه بحياتي...
شفافي البتول أول مره تحس هل احساس
أول أحساس منعش يعتريني...

خدر بكل جسمي
وشفافه تحتظن أشفافي....أقدامي ماسندتني

لو ماهو جان وكعت للكاع....بس فطانته خلتني
أوكع بين أيده مدنك كل جسمه عليه
حسيت على نفسي بأيدي دفعت صدره بضحك على خوفي

الباب جان شبه مفتوح...سبقني وهو يسده بأيد
والايد الثانيه محتضن خصري...
غمضت عيوني...
مطيعه له...
خاضعه السحر حبه
متعبده بمحراب عشقه...
مرتله بأسمه
مرتجله من غير تجربه....
.كل احاسيس الحب

قرب أشفافه بلطافه سحريه...لشفافي الغير عصيه
مستلمه "بكل جوارحي"بكل قواي"الحبه

البوسه الثانيه طويله...اختنكت
وردت هوا..
أبتعد وهو يريد أوكسجين...

راد يقترب مره ثانيه
دفعته افتح يدة الباب متنفتح افتح بيه
واني اكله...بتوتر متبنجه"ذايبه"متعصبه

-ليش قفلته...ليش تقفله..حسيت بصدره ورى ظهري
وهو يمد ايده يفتح الباب....ويهمس بأذني مبتسم

-جميلتي مفعول الشفتان يسكر....حد الثماله
على شنو أقفل الباب...

هو مفتوح
مجرد اجرين المقبض من دون توتر.....انفتح الباب

واريد اطلع لأن ماعاد سيطرت يمه..
بوجي امرايا طويله شفت أثر حمره يم حنجي
طلعت أكلنكس أمسحها...

وهو اقترب من المرايا.....يمسح أشفافه
اقترب مني وهو يفتح ايدي...

-هذا الكلنس الثاني الشاهد عللى قبلاتنا الجميله
ياجميلة عمر.....

تدرين احمر الشفه برغم وردي فاتح
بس دمر الدنيا

اخذتها منهخجلانه...شسويت شلون خليته
يحضني ويبوسني...

وبداخلي ألعن نفسي
لأن خضعت له.....

وخضعت المساته
بس بنفس الحظه..عجبتني ثقته بنفسه...
واحترامه الي....متجاوز الخطوط الحمره

................
عوضتكم احبابي...البارحه مالي خلك
والي يغلس على السحك يدخل الجنه😁