رواية خبايا الروح الفصل التاسع 9 - بقلم نازك الحمراني

❤مسائكم حب❤
....نازك الحمراني....

.....

ابذر وابذر وابذر  بأبتساماتي حتى اهمش وابعد  ألانظار عن حُزنَي

نظرات ماما جانت وهي ضايجه دكلي..

-عمر تقدملج ويريد اقنع اخوج وابوح

مااعرفت شنو أجاوبها...برغم صداقتي وي ماما
برغم دلالي وحريتي بلكلام والتعبير..الي عتاديتها
بيتنا...
بس من وصل موضوع الرأي بلخطوبه خجلت...
نهضت دا اريد أكوم...ايد ماما وكفتني

-أبقي كاعده بنتي...رضخت الطلبها كعدت علكرسي
الصمت بينا طال...الى ان بديت أني

-تفضلي ماما..
تحشي الكليجه...بدون ماتباع طك الثالب بصينيه وتجر حسره....

-شوفي بنتي اني مو غشيمه...واعرف شنو دي يصير

برغم تمنيت تجين فد يوم انتي  بنفسج بس عل عموم الشي فات....
ادري بيج معجبه بعمر.رفعت عيوني الها بدهشه وخجل
أبتسمت وهي...تلف
بس الي مسكتني عنج..انو انتي او حتى عمر مؤدبين
هو محترم قانون الصداقه...فمامتعدي حدوده...
وأنتي محترمه طهارة هل بيت فما متعديه حدودج...

بس تعتقدين زواجج من عمر ناجح....
بقيت ساكته محجيت ابد...جانت منتظره جوابي
واني ماعرفت شجاوب ولو مااستحي جان صحت بعلو
واكلها أي اني أحب عمر..
احبه واريده زوج الي
احبه واريد ادخل عالمه
احبه ومااحب أغيره...

وصلت الهل جمله...
وأبتسمت لا اراديآ....ايدي على شفافي اريد أتأكد
اني ممتكلمه...بصوت عالي واني الي ديحجي  هو ملبي..
الي يتكلم هي جوارحي...

طلعت حسره بداخلي طلعتها بفرح..لان ماسمعتني..
بادرت على صمتي..

-ماشي اني أحجي عنج بنتي...وأوضح لج أشياء فاتتج

عمر ناس الله رازقهم...
أفلوس
أملاك
مو بس بلعراق...للااا
همه تجار اب عن جد

مثل منكول ناس من الطبقه البرجوازيه
الي ناس تشتغل جواهم..

يعني عكس طبقتنا..
أملاكهم حتى بلأردن عند والده شركه مال أستيراد وتصدير...

وأضيفج بعد احنا أذا ضجنا حدنا طلعت السوك..
لو مول...
كلش انروح نزور محافظات...
ولازم انجمع مبلغ يله نزور

اما همه ناس مخلصيها سفرات للخارج "وسياحه
وشفتي بيتهم الحديقه أكبر من بيتنا كله....
هاي أولآ

ثانيآ اني أعتبريني الطباخه الي تطبخ ألهم....
ولي تجهز طلباتهم

لأن دائمآ الغدا والعشا أني أسوي

وحتى العزومات
طبعآ ماطابخه ابيتهم...
بس هو هيج معناه
تركت الشغل وطلبات الناس وصرت أطبخ بس ألهم...

لأن أم عمر هيج رادت...
ودتنطيني القاسمه الله.....
فخاف مستقبلآ تعيرج بنت الطباخه يعني فكري بهيج شي

ثانيا يمه نرجع ألبنت خالة عمر لارا...
هاي البنيه عزيز عند أم عمر.. تحبها كلش...
حتى جابتها من أخوها لحتى تعيش عدها...

لأن والدة لارا.... توفت من فتره اثر ماي الرئته
ورى أربع سنوات أتزوج والدها
ف أم عمر من اربع سنوات جابتها لحتى تسكن عدهم.
في سبيل تقنع عمر يزوجها..

فما معقوله رح تقبل بيج زوجه الأبنها..
وتعوف لارا

من كد مااروح البيتهم..اشوف لارا من يدخل عمر ترتبك
قريت بعيونها...
مثل مادا أقرى بعيونج....

اي بنتي لارا تحب عمر....وام عمر تحب لارا
فكفت الميزان ألمن ترجح....
دفعت الكرسي كمت واني حابسه دموعي....

صار بوجي بابا
الي بيده هديه مغلفه بورق فسفور رصاصي...ابتسم الي

-شلونج بنتي أشو مو على بعضج.....بس اتفضلي
شوفي شنو جبتلج.....
محبيت اضوجه فرحان...ويحير شيتصرف معاي..
لحتى يوفرلي كلشي...اخذت الهديه حضنته أشهك من البجي...بعدني عنه وهو ينظرلي بحيره

-شكو بنتي صاير شي...انتي لازم تكونين فرحانه
بكره  يوم دخولج للجامعه...

عيوني له والماما....الي حست عليه... وضاجت الي
قرب بابا ايده وهو يمسح أدموعي..
حضنته واني ازيد بجي...

-مبيه شي بابا...بس دا ابجي لأن انت دا تحاول تسعدني
قاومت أدموعي....وابتعد من بابا وايدي ترجف بتوتر افتح الهديه...

-خل دا اشوف أبو يزن الذواق شجايبلي....
اكتم حزني وأفتح بلهديه....چانت عباره عن فکس ملازم

بی رسومات...الورد عیونی له ودموعي تنزل
كتله بابا من أني طفله جنت أتغلف كتبي بجلاد ورد
وحتى للكليه جبتلي فكس ورد...اشكرك بابا
لأن ماتنسى بنتك شتحب وشتريد....هو هذا البجاني
بسته من خده..مشيت بسرعه دخلت الغرفتي...

اريد الهي نفسي
رتبت ملابسي...
جاي اكعد على سرير
اندك باب غرفتي....فتحته

-اهلا زيون حبي ادخل.....كعدت على سرير وكف يمي يطلع جزدان من جيبه...
مد ايده بيهن افلوس...ملي.

-حبيبتي ازل كم مره نبهتج لادكولين زيون...
يزن فقط
طلع مبلغ من المحفظه. رجعها م بورى بنطلونه
جر أيدي وهو يبتسم

-مااعرف أو ماعندي خبره بسوالف البنات...
هاي هديتي
وانتي تستاهلين....بيدي الفلوس

-يمه فديت حبيبي  أشكرك الفلوس هواي...بس أنت متعرف اجيب الأختك هديه....غدير تعرف اجيبلها مو؟؟

جان راد يطلع أندار عليه..وهو يرفع حاجبه
-ازل خيتي غدير كلشي عدها ومتوفر
...فجبتلها شي بسيط
اما أنتي الي مشبعين من الملابس.
..الفلوس افضل لج

كمت اجر العلبه بجيب بنطلونه خاشها
وهي ظاهره .....
جريتها من عنده شافها بيدي
احرك بيها صفن عليه

-داكولج جيبيها ترى مالي خلك......انفتح الباب
اجتي غدير ارتبكت بقت واكفه يم الباب

جر يزن الهديه مني سد باب الغرفه واقترب من غدير مبتسم
تباوع فرحانه....جانت النظرات مالتهم حلوه
كعدت على سريري....وتأملهم صوت غدير بي رجفه

-أشلونك يزن شخبارك صار يومين
...مدا...مدا..
أأأشوفك
جاوبت من مكاني واضحك عليهم

-اي والله اكلتي راسي عليه....ضحك يزن عليها  ينطيها الهديه وعيونه متنزل عنها..چنه یقراها

-اتمنى تعجبج.....لأن شنو الي أشوفه أتمنى اجيبه
بس هل شي حسيته يتكلم عني....
يعني رح تلبسي تبدي الحياة بيها وتشتغل
ورح تخبرج كل ثانيه"وكل دقيقه"وكل ساعه"عني

إخذتها من عنده واجى يطلع

-أشكرك يزن كلشي لجيبه ح يعجبني
..بس وين طالع
بعد وكت....وكف وعینه علی  ساعه البیده

-عندي شغل هم يله اروح...ومبروك مره ثانيه
طلع  اجتي الي...

-لج رح يموتني اخوج.....شفتي هاي نظراته تموتني
شلون كليلي.....حده کلمه کلمتین...
بداعتي ازل كليله شوي يزود حجي...ترى الحروف هواي
هي تفتح الهديه
طلعت ساعه سولتير على النبض...من تلبسها تشتغل
جريتها من عندها..

-شوفي اخوي شلون رومانسي خل انشوف الكارت..
ساعه راقيه وعل نبض...
يعني كل ثانيه ودقيقه يكلج احبج
.
تستاهلون غدير ربي يجمعكم...
والكارت كاتب بيه....

اجتي تاخذه مني..
صعدت على السرير ااقراه....
الى بنت عمي الغاليه جدآ جددآ
مبروك النجاح ايتها العزيزه...
اخذته مني وهي تبوسه....

-حتى لو ميكول احبج...بس هذا كافي...
طفرت من السرير...
-هسه خلينا انروح تاخذنا ماما انروح للسوك نشتري

ونجهز حاجاتنا  باجر عدنا  داوام....
واحنا دنسولف أندك الباب بعصبيه...طلعنا على صوت
ام عمر واكفه يم ماما وتنتر بحديه..

-هيج أم يزن تغدرين ابني يكلي اجي اخطبله بنتج
مو أنتي دتعرفين البير وغطا..اندارت عليه وتقدمت

-كولي شنو سويتي بأبني سحرتي وهل دي يريدج..

لج صارلي أسنين أقنع بيه...مجرد خطبه يخطبها الارا ميقبل

وانتي كلب البيت علينا ويريدج...خطافه
لج كولي صوتها صار عالي...تعصبت منها ردت أرد
تقربت ماما منها

-أم عمر عيب هل كلام.....لو جايتني أبأسلوب افضل

دتجاوزين على بنتي...
احنا ماعدنا بنات تسحر...ولا عدنا التخطف
المحبه من الله.....
وذاك ابنج وسئلي
عيونها الي والماما....ودموعها نزلن..

-أبني ياأم يزن ارجوكم....ارفضو بنت أخوي تحبه
واني عشمتها بيه....جاوبتها ماما..

-ياأم عمر ابنج أهم  خطيه ترى هو همات يحب...
وذا رفضنا يتأزم
وذا أنتي رفضتي يعند...والممنوع مرغوب نظرتلي

-اسفره للسويد..للنمسا او ادزه عند عمه ببريطانيا
بس ارفضو.....

جاوبتها ماما...
-شوفي ام عمر...الزواج قسمه ونصيبه..
ونصيب بنتي
اذا مع عمر لا اني ولاا أنتي نكدر نوكف
طلعت وهي ضايجه اندارت عليه ماما....

-ها ازل الخايفه منه صار...امه متريدج
اشلون رح يكون زواجكم...
..........................ء
وكفت عل مرايه...

أتأمل لبسي...
فستان رصاصي طويل بي بروش بارز...

وربطه بيضه حرير..
جنتطتي بيضه...
الفكس بيدي...سديت باب غرفتي
دخلت للمطبخ
انتظر غدير...
الي لابسه تنوره كلوشه....وقميص ابو الفيونكه
دخلت صاحت

-الله الله شلون جمااااال

-شكرا حبيبتي انتي همين

بقينا منتظرين يزن.. اول ماشافنا ه طلع ضايج

رحنا للجامعه بابا أخذنا بتكسي مالته
وعيوني على دربونة عمر...

اليوم هو همات يداوم....كيف نلتقي..قسمه مثل قسمي
افكر باجر رح يجون يخطبوني...لو لا..

خطواتنا للجامعه....
والفرحه ماسايعتنا
غدير راحت الكليتها الي يم كليتي....
أتمشى رحت وي مجموعة بنات الي رحنا للمستشفى قدمت أوراقي واحنا نفتر ونسجل

اتقدمنا للمخزن الي يوزعون بيه الستر البيض..
استلمتهن....
دخلنا القسمنا....
ومرحلة التعارف....وعيوني ادور عمر
مااعرفت وينه..
وكفت وي مجموعة طالبات...واسمع صوت عمر

يسلم على اصدقائه...وهو الأنيق بكلشي
يلمع كلشي بيه يلمع..

عيونه
لبسه
قميصه
ايده
اضافره
ساعته....صدك الفلوس مبينه بيه وبكلشي
تحسرت يارب ساعدني

اندار وشافني.....أشرلي
ابتعدت من البنات يتقدم واني نسيت روحي بوسامته
کلامه الی وهو یتآملنی...همس

-وکآني اقف بين انسة الجميلات
حسناء الحسناوات..
هل انتي من الأرض..
أم من السماء...

نزلت راسي بخجلي وبكلبي أكول هو ليش هيج غزله
رفعت راسي له...

-اشكرك اشو مشفتك..بيا قسم أنت
..ابتسم

-انتي قسم الصيدله....واني طبيه
يعني اني اكتب العلاج....وانتي تنطيه

قسمي مقابيل قسمج.....بكره ياجميلتي الموعد
واريدج ادكولين موافقه....
لحتى أكون اسعد رجل بلعالم.....تذكرت والدته..

-عمر والدتك.....رافضه اتقرب عليه واني عيوني لرموشه...الي بلشمس سوادهن برز.. هن ورمادياته

-أنتي وانا....وكل العالم خلفنا
والدتي ترضخ الي...ومبدئيآ اني قنعت بابا
روحي بنتي لا افقد جزء من هل عقل...
بسبب هل
زيتونيات....الي سرقآ لب العقل...

....................
اليوم التحضيرات البيت.....والدي اتصل على عماتي
لحتى يحضرون بكعدت النسوان...
واتصل على عمي ابو قتيبه....وخالي الكعدت الرجال

بدلت وجهزت نفسي......دخل بابا عليه فرحان مفتخر بيه
كعد على السرير....

-تعالي بنتي كعدي يمي.....

-نعم بابا.....تفضل تلمس ايدي

-شوفي بنتي اني لا اجبرج...ولا اكلج رفضي
بس يابنتي هل زواجه بيها تبعات هواي...
يجوز والدتج أتكلمت...
واني اخبرج
انتي رح تتحملين هل تبعات...هسه دكولين ..نعم

اني اكلج عن رئي ممقتنع...برغم عمر خوش شاب
ونعرفه من اربع سنين....
ماشفنه من باطله
وحتى اهله ناس طيبين....
لكن الفروق بينا وبينهم
واضحه.
..
فهل مره اختيارج...
ولازم تكونين كد كلمة النعم

لأن قفوهم فهم مسئولون...انتي مسئوله عن اختيارج

اريدج تبقين قويه...انتي بنتي الي عائلتها بظهرها

عيوني تابع كلامه الي ينطيني القوه..

-اني بنتك وكد اختياري نهص وهو يبوس راسي

-مبروك بنتي...
رح انطي موافقتج ربي يقدم الي بيه الخير
.................

طلعت للنسوان  اقدم العصير..
برغم ام عمر ضايجه...
بس اميره بنتها فرحانه الي كعدت يمها...همستلي

-عمر يكول تاكدي من شعرها لأن شاف خصله
خجلت وكمت...صوت الهلال على
وكلبي فرح....

تمنيت اطلع اشوف عمر شلابس...
غدير ماخلتني......
اليل كعدت فرحانه
غدير يمي أنجهز روحي...وتحفلي...
اليل نمته فرحانه....الصبح كعدت تريكت بشهيه
يزن يضحك كام  من كرسيه...
باس راسي...
-خيتي الف مبروك...افلوسي اثرهم حلو عليج

رح تزوجين هههههه خلت لان بابا كاعد...باوعتله

-ابد ميلوكلك الشقى بس عل عموم يوم الالك..

صوت هورن...اميره ويزن اجوي غدير دخلت
وعيونها اليزن....
وهم يبتسمون البعض
جريتها....
لحتى نطلع كنت بالي اشوف عمر
طلع اميره وخطيبها.....ركبت سياره واميره كالت

-حبي ازل عمر متانينه علمود البدلات
لأن البضاعه جديده...

الفرحه الي بداخلي كبيره
احس رجلي ماشايلتني....

واتمنى السياره اطير يسولفن اميره..
وغدير...
واني مااسمع

وكفت السياره ونزلنا شفت عمر منتجي على سياره..

أقترب من عندي.....
واني اتأمل ملامحه
الي كل مااشوفه...

كأنما اشوفه كل مره
حسيت بجمال الدنيا من عرفت...حسيت بلحب يمه

حسيت العالم كله ملكي صوت عمر وكلماتها الي

تخليني اعيش ملحمة حب اسطورة حب كلامه

-انستي المكان قريب...لحتى تشوفين ذوق زوجج
كال زوجج تضاربت مشاعري...بين الخجل..
والسعاده

واني خطواتي للمجمع...
دخلنا واكو شباب من دخلنا
شالو الاكياس عن المنيكانات....
مجموعة بدلات...
فصال حوريه...

كلهن تدرجات الون الفستقي عمر تقرب من عدهن

وهو يمد ايده الي اقتر من عنده..

اختاري بدلتين...
ذني من الباخره الج
اختاريهن لحتى من نزوج...
كل سنه بتاريخ خطبتنا
تلبسيهن الي...فتحت عيوني بدهشه

-يعني نشتريهم مو اجار....اقترب مني وهو يهمس

-حبيبتي من تلبس شي...مامسموح احد يلمسه
انتي مال انا....
وانا مالتج
اختاريت أثنين وحده فستقي فاتح منفوشه شوي

وحده تصميم حوريه كلها كرستال....
واشتره بدله الغدير...

الي رفضت لو ماهو يصر عليها
خطواتنا للصالون الي حجزنا عنده..

لحظات الحب من تجي...تحس انك مو من هذا الكون

هو هذا الي استشعرته
بنظرات عمر..

الي جانت الي نظرات قدسيه...
غزله الغريب
خلصنا تجهيزتنا....
الكل ركب سياره...
وكف مقابيلي....وبيده بوكس نطاني ياه..

-أيعز عليه أفاركج بس هذا الفون الج
من باجر تفعلينه نتخابر ندردش،نسولف

-اليه شكرآ اشكرك جاي اصعد....همس

-حبيبتي هسه من حقي أنطقها....خليني املي عيوني

واحزن هل وجه الحمامي...بعيوني...
فتح باب السياره.....

-الموعد غدآ ياجميلة عمر.....؟؟

كعدت  أتأمل الاكياس..الي داخلهن البدلات
جانن يم غدير....همس وهو يكلي

-حبي بكره....

-عمر انشاء الله همس هو انشاء الله
هذا ايوان الي يشبه عمر