رواية خبايا الروح الفصل الخامس 5 - بقلم نازك الحمراني

❤خميسكم رحمه❤

بنيه تحجي وي الظل مين تعرفه وشو متخاف منه
كمت بخطوات بطيئه
ألتفت على حيطان أللعياده...

اريد أتأكد هاي ألبنيه يمها ظل صدك
تقربت كعدت على الكرسي اليمها...واريد أسئلها تحچي بصوت مسموع

عيون الناس عليه وعليها..لزمت چتفها

-یبنیه أنتي هم أتشوفين الأشوفه
...أندارت عليه بخزره وضحك تخوف

-أي أي أشوفين مثلي ليش مجاي  أحد يصدكني

تكرض بأظافرها نزلت دموعها تتوسل بيه وتبجي خايفه تگلي

يبنيه حرجع للمستشفى عندي جلسات كهربائيه
جرت ايدي حيل وضغطتهم تتوسلني..

اي أنتي خبريهم..مابيه شي لأن الوجع مال صعق الكهرباء يأذي

يأذوني فوك أذيت هذا..
هذا الجيثوم...
الي وراي بكل مكان....
وين مااروح يتبعني..
اكلهم بعدو عني....

يكلولي تتخيلين اصرخ من الخوف..
جابوني الهل طبيب

گول فتره..يسوي نتلات الراسي رفعت ایدها الراسها‌بعدت الربطه تراويني...مكان النتلات الكهربائيه.

باوعي هنا حرق مال نتلات هنا وهنا
تحچي وتأشر..

بسرعه جت مريه اخذتها من أيدها....واني صاحو بأسمي..تركتها وماما تاخذ ايدي
دخلتني للغرفه كعدت علكرسي...
وعيني للدكتور....

شكله وتوتره...
ونرفزه بوجه
يحاول يصنع ضحكه وهو يسألني بعصبيه مكتومه

-الحلوه أشبيها...أرتجيت على كرسي عمر يكلي هيج
اي عمر دومه يكولي الحلو شبي

أدموعي توكع الحالها
جاوبته أفتح ايدي بيها الحلقه ركزت هاي الحلقه جابها عمر
من كد ماضاغطه عليها جارحتني...گتله

-أريد عمر حبيبي تكدر تساعدني..غدير لزمت ایدي

-شدا دكولين أجت اجر الحلقه مني خزرتها صميت ايدي وختلتها ورى ظهري لاتاخذ الحلقه..نترت بيها

-دا اكولچ شوفي لا تتوقعين تاخذيها مني
...هاي اني وعمر..
ازل وعمر
الحلقه داخلها حبنا درت وجهي للدكتور....
وايدي على الميز

-عفيه ساعدني دكتور...عمر ديتعذب يحبني..

واني اريد أطيب الأجله...بعد الاصوات من أذني
بعد القرف من حياتي.....
اريد ارجع الجامعتي
اريد ارجع الصحكتي....
ارجع أزل...

وهو صافن
واني صافنه بوجه
وأتأمل خطوط السنين...الي تحيطه
خشمه وشاربه
صحتله بصوت من داخلي....صوت غليظ

-اشك بيك تكدر...بيده القلم وهو يكتب برجفه..
سلم الورقه الغدير وبقى بابا يمه...كمت منه
وهو يسجل  بلا ماانطي وضعي...وشبيه
طلعنا من يمه وكفت اطالع وجوه المرضى..بلممر

وصوت بداخلي يحجي....كلمن مرض بيهم...
باوعت للطفل الي يضرب راسه بلحايط وامه تسكته..
وكفت يمها...كتلها

-ابنج حاسدته وحده تكرهج....تركتها رحت للبنيه الي تحجي وي ظل
وكفت يم أمها...

-خاله أرحمي بنتج...جن متلبس بيها النتل الكهربائي ياذيها

وكفت يم ثالث واحد شاب ...ياكل بأضافره..
جرتني غدير....

-تعالي ازل...عمي ديحچي وي الطبيب..لا يتعصب
طلعت من العياده....

طلع بابا واليأس بملامحه...اخذ ايده بيدي...
ويحاول يمسح..اثر دمعه..

-يله خل نروح عازمج على ايس كريم
بلكاكاو ....ابتسمت له

-تمام ابو يزن...مانخسر شي...

يريد يضحك الحزن يخونه...

-بنيتي...لصبح كولي ابو يزن...بس ارجعيلي
ياضحكتنا ايده باصابيعي .
واحنا نمشي من الشارع  مال الدكتور
الي يصير يمه مجمع بدلات الحفلات
ومنا محل جام خانه احذيه

الجام خان بيها مانيكانات لعابات استغراض..لابسات البدلات.. عيوني اجتي على بدله  فستقي بف بيها
شذر هواي...

تركت ايد بابا تمشيت للجام اقتربت تلمسته

وذكرت عمر حبيبي ...بيومها چان حفلة خطوبة أخته...
احتاريت شلبس طلعت كل ملابسي...
طشرتهن على سريري غدير يمي...كتلها

-عفيه حبي شنو البس...هو كلي البنفسجي حلو عليج
كامت وهي تباوعلي..

-لا تضوجين خلينا نطلع للسوك....وهل مره على حسابي نشتري
طلعت من جزدانها خمسين الف...خلتهم بيدي
حضنتها  فرحانه لان اني همين
عندي مبلغ مجمعته يعني فاكدر اجيب شي حلو...گتلها

-مشکوره لو هیچ مرت الاخ لو بلاش..دفعتني

-اريد اتلوك الچ الخاطر یزن مو الخاطرچ
طگیت چتفها..

-يله بسرعه طلعي ورقه وقلم وجمعي دينج اشكد صارن عليه...

اول مادخل للجامعه...وتخرج وتعين
وافتح عيادتي
اكت الفلوس كت عليج....يله ستعجلي وبدلي...دفعت ايدي

-وچ صفیقه مو بیدچ...حبدل

طلعت من کنتوری تنوره غجريه سوده بورد ماروني..
وقميص نفس لون الورد ويلك اسود
.حجاب قصير شدیته من وری

غدير لبست صايه عدها آضحك بداخلي
اتريد ترضي يزن....

تركتها تبدل ورحت الغرفة يزن ودخلت لعنده كاعد يقرا قرأن دكيت باب الغرفه..
سدت القران وباسه...

-گولي حبيبتي..

-زيون حبيبي ماما كالت اذا يزن ماياخذج روحي للسوك وحدج...

وانت تعرف السوك لازم تكسي...
واختك حلوه تنخطف..
يلملم السجاده ومارفع راسه...كالي

-روحي انتي منو يخطفج..خل بابا ياخذج مالي خلك..
وراي نادي
وتدرين مااطلع معاج اذا مو صايه تلبسين او عبايه
مال سافره...ابد...جاوبته

-يله براحتك..رح اخبر غدير يزن ميجي وياخذنا بابا....كام بسرعه
وهو يتقرب عليه....ومتعصب..

-شنيه ترحن وحدجن...وغدير منو منطيها الأذن تروح
باوعتله صفح...وكتفت ايدي..

-اكيد عمو ابو قتيبه الي هو ابوها..وامها..
وكف يحك راسه خجلان...طلعي خل ابدل
اني أخذجن

محل صديقي كلشي عنده حلوو....ضربته بجتفه وشاورته..

-يابركاتج ياغدير...خليتي يزن ياخذني المحل صديقه
الي صارلي سنتين صديقاتي يحچن عن ملابسه
وأنت ترفض تاخذني له دفعني وسد الباب..
رحت الغدير بعدها ترتب بشالها گدام المرايه..وكفت يمها

-مسحي الكحل حبي والصايه موهاي  البسي اعرض من هاي
ترى يزن رح ياخذنا توترت طلعت من المجر مالتي كلنس مبلل ومسحت وجهه

-ها صدك والله....عزاا بس لاتبين الكحل
صاحنا يزن...

-تعالن بسرعه وطلعنا جان منزل راسه
يلبس ساعته..
رفع عينه الغدير فتح عيونه على وسعهن طلع منديل ابيض دخل يم الحمام
ورجع

عرفت راح للمغسله صوت  الصنبور
اجى يم غدير...

-تفضلي ست ليطمئن قلبي...اخذت المنديل
وهي تمسح وجها اضحك عليهم..
هي الخجل كاتلها...
وهو التزمت حيموته
نطت المنديل فتحه يتفحصه...ماكو شي بيه...گالها یتغزل بيها

-سبحان من سواك فأعدلك...أبتسمت له....
صحت عليهم

-والله ودي اطول واباوع  الهل مشهد الحلو الرومانسي من رواية شجرة البلاب
بس الساعه تلاثه وقت النهار بشتا قصير...

يجوز حرجتهم...
بس قطع الاحراج صوت رنت فون يزن..سداه

-يله بنات اجى عمر ياخذنا بطريقه
....تسمرت مكاني
جرتني غدير وهي تشفى..

-حيل بيج يمهل ولا يهمل يوم لك
ويو عليك حبي....
توج حرجتينا...

-عابت يله عادي...طلعنا وتفاجات
سيارة عمر هل مره لونها حمره...
جنها رياضيه..

يجوز انقهرت على يزن وقارنت.
لان يزن يروح لجامعه بخط....
وعمر الي كل فتره يبدل سياره شكل...

نزل عمر باناقته الراقيه يسلم
على يزن وعلى غدير....وصلت اني حتى بلكن يسلم عليه

شو على حظي راسن صعد سيارته
وغدير كاتمه ضحكتها بيدها

ومااعرف كل مره موقف ابيخ من الثاني. 
صعدنا للسياره...
والي متروسه عطره...
كعدت غدير ورى كرسي عمر واني مقابيله

عيوني تتأمله اسرق نظرات..الشعره من ورى...
ويجوز صفنت على رموشه يحجي
وي يزن
مااعرف اشكد صفنت
غدير ندستني
رفعت راسي للمرايه..شفته ابتسم بوجي....خجلت
يافشلتي...

عرف اني صافنه عليه..
غطيت وجي بجنطه....وغمضت عيني...
غدير الي تضحك عليه...
جرت الجنطه...وشاورتني

-يحظي عليمن تتفشلين اتعلم عليج الولد
ولا تهتمين...شاورتها

-واني تعلمت على نحاستج....غير تنبهيني..
وصلنا للسوك صرت ورى غدير...مااريد عمر يشوفني
واحنا نتمشى لسوك...شفت بلوعه مفتوحه..

غدير يمي كلش تقربت احاجيها

-شدكولين هنا اطم روحي بلبوعه..رجعت شاورتني..

-ومن طمين روحج همات الفشله ماتروح..

-مره بحياتج لا تقصفيني... جاوبتي

-من حبك قصفك...مو هذا قانونج وياي
تعلمته منج
يزن اندار علينا...وهو يامرنا

-رح ندخل للمحل...
ضحك ممنوع..
صوت عالي ماكو
وهسه تبعني....

دخل المحل كل كبير..ملابس اشكال الوان
يزن سلم على صديقه..وگله

-خويي انريد ملابس حفله

-تامر ضلع اخذنا صديقه ياشر لطابق الثاني واجاني صوت عمر..

-يزن همات اني  حصعد اختار هديه الاختي..
صعدنا الدرج
وهو تبعنا وصلنا المكان الملابس...
نسيت نفسي...بجمال الفساتين...اختاريت جويتي..
بي شذر طويل...ادور على غدير..اراوي الها...
رحت الها تعجبت بيه...

-وچ یجنن بلعافیه
شفت عمر...يگلب بمجموعه..وهو يأشرلي.. علفستان
ويحرك اصبع السباب وياشر معنی محلو
باوعت اله وللفستان واشر

-عود محلو...هز راسه معنی ای

رجعته للستاند ضايجه اختاريت اسود..
شلت من الستاند فرحانه بيه رفعته بحجة اشوفه

رجغ اشر بعيونه وبسبابه گلب وجهه و
مغطي بيده حتى محد يلاحظ حرك صبعه

-لا
اختاريت فستقي بي شذر طويل
ردانات طوال بسيط...بس شذراته حلوه
تصميمه حوريه بحر
رفعت عيونه له..
ابتسملي بعيونه فتح حلگه فرحان

رفع ابهامه معنی اي....

اخذته ورحنا تحاسبنا يزن متئفئف ضايج
اسمعه يكل الغدير....

-يعني الحل الوحيد...بس هذا الفستان اخذي
واني انسق معاه ربطه لج...ابتسمت له

-اي موافقه بس كون ترضى

وكفنا يم الحساب أقترب عمر شمر علاكه زغيره بداخل علاكة الفستان مالتي وهمس

-الفستقيوي لون عيونج الزيتوني...
تصيرين ايقونة الحفل....
واميرة البنات
وسيدة قلبي

ابتعد يتحاسب طلعنا وكلبي يخفك
خوف"
فرح"مااعرف...

....................
موعد الحفله باجر حتاريت شنو اسوي..
ساعه اخلي روبه الوجي...
ساعه اخلي طماطه....وماما تصحك عليه...

-مااعتنيتي بوجج بذيج الفتره اله هسه...
بقيت متوتره الحد ساعة الحفله...

وجهي صافي بس مجرد خليت باودر خفيف
روج بصلي فاتح..
مسكاره...
والشال الي جابه عمر....
وجزدان كرستال الشال

الشال چان عباره عن قطعه طويله...بنهاية اطرافها خرز کرستال مثل خرز جزدان
تعجبت عليه...شلون راقي

كملت تبديل من لبسته ماما صافنه عليه
....كالت

-منين جبتي سعره فلشج ارتبكت..وذكرت غدير

-ماما غدير نطتني افلوس دين رجعت للغرفه حتى ماابين جذبتي

جهزت نفسي رحنا اني وماما...زوجة عمو ابو قتيبه...وغدير

اخذنا يزن للحفله وكفنا گبال بابهم
اول ما دخلنا طرمتهم یجوز اكبر من بيتنا
بوسطتها نافوره....

وحديقه منا ومنا مشينا...وعمتي وماما صافنان للحديقه..وزرع

وكفنا مقابيل تلث بيبان واحد اكبر من الاخ...
الباب الي عل بسرى طلع عمر منه...صفن عليه‌ تلعثمت ايدي ترجف....
حضنت الجزدان الكرستال على صدري...

اقترب من عدنا وعيونه ونظراته اليه...بس سلامه للجميع....گال بلکنته الحلوه

-اهلا بأجمل سيدات حي تونس...اندارت ماما عليه

-اهلا ابني عمر ولا جوز من سوالفك..

لايسمعك عمك ابو يزن ويغار...جامل ماما..وجاوبها

-حقه خاله...غير انتي كاشان وربي...تفضلو
دك الباب دكتين....
طلعت والدته وراها لارا الطويله...

الي من شفتها...فار دمي
ودي اكسر رجلها واشمرهن واخليها اصير بطولي..

اندرايت العمر شكد انيق لابس قميص وايت ويلك حرير نيلي وبنطلون مثلههمس بأذني قبل لاادخل
ريحة حريق بس من وين..

يحرك رموشه الطوال...وعيونه الضعت بيهن
صوت لارا اجى بقوه تباوع الحذأئي
الي امبين لأن رافعه الفستان بطرف ايدي...كالت

-أتفضلي عيني والدتج وقريباتج دخلن..
بس اشدعوه حذائچ هيجي عالي....ههههه حقج زقچه

عيوني الها والعمر سوه روحه..يرتب شعر
..بغباء
جاوبتها...واني مبتسمه مستهزئه

-الطول لرياجيل والقصر للبنات..لأن القصر انوثه
والطول...رجوله...

دخلت وقهقت عمر رنت بالي..وكلماته

-هههههه عفيه السان...مايضيع حقه

............
شوي نحاول من مس الابطال لان ازل تابع وياكم زحمه حبايب وربي

.