رواية خبايا الروح الفصل الرابع 4 - بقلم نازك الحمراني

🕵️‍♀️مسائكم ظل وحب🕵️‍♀️

شمرت الفون بسب صوت عمر
لان وهو ييجي اسمع مو بس صوته...
اسمع صوت حفيف مثل حفيف  الافعى ..
خليت ايدي اثنيهم على أذني.....
أصرخ،اريد احد يفهمني
دخلت ماما على صوتي.....

لملمت رجليه خفت منها تقربت مني..
هي ماما بس ليش صوت مشيها

خطواتها بيهن صوت مثل دك الطبل
ريدها توكف

خزرتها إشرت بيدي الها تطلع...مطلعت
گالت..شبیچ ازل

درت راسي اتلفت اريد أشرد منها
دنت جرت ايدي تريد أدكومني توسلتها ماما ليش تردين تموتيي
والله ماكو طاقه بجسمي...

حاولت البي بس مثل المسحونه روحي....
وهي تتوسل

-يمه تعاي اني أسندچ تريد اخذچ للحمام

جریت نفسي منها

-اي  عرفت من الخاولي تردين أتسبحني
فتحت عيوني بوسعهم....
مديت ايدي عليها
بقيت ادفع بيها...وهي تصيح

-يمه گومي فدوه الطولچ

-مااريد اسبح أاااااااطلعي.....صوت ماما تحجي وتبجي

-بنتي اخذج للطبيب عيب ..صارلج سبوعين مسابحه وریحتچ

-روحي متحبيني روحييييييييي

الباب نفتح يزن اخوي اقترب وعيني السبحته الصفره..
بيده احس أرتاحيت من شفتها...
أقترب وعيني له....وعين الماما....
شي ويخنك بيه...
خليت ايدي على ركبتي اريد ابعد اليخنكني
وهم يقتربون والخنك يزيد...وكعت للكاع...
أكح
عيوني أتشوف خطواتهم......والهوى أنكطع

اقترب وبيده حبل....
جر ايدي واشوف ادموعه
وهو يلف حبل على ايدي.....

هذا يزن اخوي يبجي..
صراع داخلي بين انقهر..اخوي يبجي...
بين يلف ايدي...اكرهه

اجتني قوه او شي حرك رجلي..
بينما يلف يزن الحبل ضحكت بحقد عليه
وي ضحكتي...

رفسته بطنه كمل لف ايدي عيوني الأيدي الملفوفه...
واصرخ...
وارجع اراقب يزن الي لازم بطنه بأيده.....
وصاك على سنونه...
ويعصر بعيونه حيييل...
موجوع
كامت له ماما...تفتح سحاب تراكه...تشوف صدره لو بطنه.....خاف تأذه

رجعت لحساسي واريد اشوفه متأذي.....
كعدت مثل الساجده گباله وصوت غير صوتي حچی ...بس بشفافي

-والله خويه أسفه مو أني أختك....
مو اني ضربتك...
ابتعد
وهو ينتجي عل حايط  بسحف..
خلى ايده على راسي....

بس هو موجوع
جسمي بعد مابي قوه....
بس شي يحركه...
يسيطر عليه
مثل الكنترول يتحكم بيه...
الهث من التعب

التحكم بجسمي يخلي عندي قوه
عيوني السبحته الي لافها على أيده...

حضني يزن وايده على زندي يطمني عليه ويضحك بوجع باس راسي كلي

-أزول حبيبه لا تهتمين.....اخوج بطنه عضلاتها قويه من التدريب

يعني بطني صلبه لان أدرب بنادي
بس الضربه مالتج اجتي على صرتي....
وبيها عمليه قديمه مال فتك ريح....ههههه
يضحك كذب خليت راسي على جتفه
اريد أرتاح
تعبت من الحرب الداخليه...
واني راسي على جتفه
الخنكه اجتني...

ماما كبالي تبجي.....
اخوي شهد
.....حاضن ماما......
رجع الوشيش الأذني
دخلت زوجة عمي...وغدير.....الي عينها الي واليزن
مدري تخاف على يزن ...
وعلى صرته....
مدري عليه....

بس اشوفها تبجي...دفعت يزن
بديت اريد افتح الحبل البيدي بسنوني...
بس سندتني ماما وغدير
كومني من يزن...

واني اريده هو
كام وياهن
وهو يقترب مني. فتح باب الحمام..
قبل لايدخلني
وكفت اباوعله برجاء...مااريد اسبح..كالي يزن

-طول مااخوج يشم راسه الهوى....انتي سالمه
بجيت واني اشوف بيه عمر...اشوف بيه نفسي..
الظل وراه....

رجعت خطوتين ليوره....
احس وجي يعرك....
ايدي اريد افتحهم أاضرب الظل..لايقتل اخوي

اغلط اي اسمع الساني يغلط...اخوي صفن عليه
اول مره اجاوز عليه واغلط هيج...بصقت بوجه...

-حقير لك  افتح الحبل....اقتلك اقتلك...رن فونه
وشاشه تضوي مكتوب بيها....عمر صديقي.

باوع عليه...
وهو يتصل طلع من يمي..
وماما وغدير أخذني للحمام....
اول مادخلت
شفت عل تعلاك
معلك شال بنفسجي...

اذكرت بيه عمر..
اي حب هل لون عليه صفنت واني اذكر
عمر وحبنا

صادف العطله الصيفيه الجبيره...
وبعد كم يوم للمدرسه
ونداوم سادس علمي...
اجتنا أم عمر للبيت مالتنا...

جنا كاعدين اني وغدير
ودخلت للصاله...دزتني ماما أقدم كعك وجاي..
.بيدي الصينيه
وشفت ام عمر وياها بنيه شابه صفنت على جمالها

البنيه حتى كعدتها غير نازكه....اقتربت واني اسلم
قدمت اخذت كوبها ام عمر..واني مبتسمه
كتلها

-شلونج خاله ام عمر زارتنا البركه..وهي تضحك

-هلا ماما أزل...تعاي هنايه شوفي هل جمال الموصلي

هيات بنت اخوي لارا.....

حاولت اضحك بلكذب جاوبت

-اهلا وسهلا تشرفنا.. جاوبت بنزاكه ومياعه

-الي الشرف قلبي...
تعصبت بداخلي..ماكدرت ابقى...طلعت بسرعه
رحت الغرفتي...

واني اشوف غدير...
تتلمس بصوره منضديه الي واليزن..
.تباوع الها وتضحك وغركانه بيها..
جريتها منها وهي صفنت..

-شنو ازل اشبيج شصاير...جان جرحتيي بلأطار

رجعت الصوره عل ميز بنرفزه...وكعدت ضايجه

-غدير اريد ابچي...تعالي ضربيني باوعتلي

-اي ولله امنيتي اضربج من زمان...لأن متحمله خبالج يلخبله
ومتحمله عقد أخوج شموازيني عليكم

كمت الها..

-لا دا اتكلم صدك...وكفت مقابيل المرايه...
لج اعيونها صفر وهمات رموش مثله

اعتقد عدهم جينات وراثيه برموش...
اني مثلي جيناتي
..شقار‌جذبي.. لاهو املح ولا هو اصفر
تلمست عيوني...

-غدوره شو عيوني مو مثلها...
لا حلوات عيوني والله كلها دكولي... عيوني يخبلن
انداريت الغدير...شدكولين صفیقه ...

-الحمد الله  شنو اكول تردين..بس  اللهم ثبت عقلنا....تقربت الها..

-دروحي شوفيها...بييييضه..تغسل بحليب
رفعت حاجبي...

لان غدير تباوعلي مثل الصافنه على مجنونه...ثرثاره

-هاي انتي بنت عمي وتحبين اخوي
...كليلي حلوه
چذبي عليه بردي كلبي..رح اموت من الغيره..
بعدها ساكته...رجعت للمرايه..اتامل وجي..واحجي

-أوي معلي بيج.....اني احلى لأن والله شوفيها جامده

دمها يكتل بلد..

وبياضها وییییع  مابيه فكره
اني دمي يلعب وبياضي بيه فكره...

اجا صوت غدير الي..

-فكرة...بله شنو الفكره الي بياضج...
الحمد الله خل اطلع من بيتكم
قبل لا انجن...
بس قبلها اغم وجي...
وحظي..
كل سنه تنعفين ودرجاتج عاليه وفوكها علمي
وتريدين  كليه طبيه...
واني العاقله  المتواضعه جاي ارسب

اصلآ كون ينطوج اعفاء بل اخبال بل هبوشيه

صوت ماما عالي تصيح عليه
-اززززل .....كتل الغدير

-عمتج صاحتني اكيد رزاله عاد ساعديني اخذي غلطه غلطتين...

-ولي روحي الامج ..غميتها وطلعت ركض
...وصلت لصاله
جانت فارغه...وماما تلف كليجه...

-ها ماما وين خاله ام عمر....

-روحي ماما وصليها للباب عيب وفوكها عافتهن متستحي...

-يله طالعه لازم تتغزلين بيه....
طلعت لطرمه

اقتربت وهن جاي يطلعن وكفت يم لارا...
جانت طويله وصلت الجتفها....بقيت افكر هي طويله
اتلوك العمر....
بقيت صافنه على بنطلونها....مخصر رجلها تخبل
جسمها مخصر وبارز.....
عيوني الصدرها..
وصدري...
دفعت بطني حتى يبرز جسمي....

غدير من ورى الشباك تباوع الي وتضحك..
ولاجنها بنت عمي...

صوت ام عمر..وهي دكلي..

-بعد تلث ايام معزومين عل خطبه...مو ماتجين
صفنت بلا مااجاوب....

كلبي انعصر..
طلعت وسديت الباب وراهم....
دخلت للغرفه
ابجي...
اجتني غدير..
وجنت محتاجه احضنها وابجي....
وهي تريد تعرف شبيه...

وليش أبجي..

-خبالو ليش تبجين

-غدير رح يخطبها...اني صارلي فتره اتعيقل عليه..
يوكفلي من اطلع من المدرسه واني لابسته مغلسه....

يجي قبل لا اطلع للدوام لحتى يشوفني..
واني مغلسه

كلت أسوي مثل يزن

-شبيج اخوچ یزن

-مو اخوي لابسچ ومغلس  وتحبيه..
غدير چانت حاضنتني...

كامت وهي دردم
-امداج ضاع الشاب منج شوفيني صابره على اخوج...

لچ حب طفوله...
وانتي ماصارلكم سنه

وبهل سنه...
مواقف بايخه وياه
الاول فتحتي باب السياره بوجه وجان تفلشت عینه..
وجت الضربه بحلكه...
ومره الثاني...صبيتيله كهوه مالحه...كمت على حيلي

-حبي الكهوه المالحه صوچ ماما...امبدله علبة الشكر

وكفت غدير مخصره...وتحجي بثقه فشلتني

-لج چذبي على الناس كلها...
وكولي ماادري
بس مو عليه...

أنتي ردتي تقلدين الأتراك لأن صاحبتج الخبله ريهام...
كالتلج أكو عاده عند الأتراك..

البنيه تقدم كهوه مالحه الحبیبها
اذا شربها حبيبها كلها بدون تذمر...
معناها يحبها...ویتحمل السانها
وذا مشربها معناها ميحبها.....

سمعتجن بلمدرسه تحجن
اجيتي انتي العينتين وطبقتيها على عمر المكرود...

وهو الخبل عرف دكتج وشربها...وتقيء
وزين ماتسمم
اقتربت منها حيل اسد حلكها...

-غدير حبي لاتسمع ماما...حبابه اريد حل فدوه
بيدها الفون مال أمها....اجيت اخذه منها..اخابر
شردت مني....

وصلت للطرمه جريت شالها
انفتح الباب دخل يزن شاف شعر غدير طالع
استغفر...
صفن على كصيبة غدير دنكت
تريد اجر الشال من ايدي.....
وهو صافن عليها....كال

-شنو معناها الباب ممقفول زين...وانتي بلا ربطه
اتخيلي غيري اني  شافج...
شيصير
رجع عينه للسبحه....وألغدير...

-أكلج أتخيلي غيري...شنو ليصير..متمتت
وهي تحجي...بخجل...

-ها يزن اي نفس الشي حرام..أنت أوغيرك
...بس ممتقصده اقترب يزن....منها
وجه الي الحظه تحول من هدوء
الى غضب...
اقترب  كلش منها..

-منو قصدج همات نفس الشي....أني وي غيري...
رغد انتي بنت عمي....يعني يعني اذا غيري
معناها...
يكون زعلي قوي عليج....وعلى نفسي
منا وهيج أنتبهي...جاي يتركها جاوبت غدير بحزن

-اوا مر ثانيه ماكو أستاذ يزن....عيونها تدمع..
صفن يزن عليها... تحول وجه من غضب لحزين...
وهو يشوف عيون غدير....مدمعه
جرت الشال مني وتبجي...

انقهرت عليها..اخذتها أغسل وجهه عل مغسله..

-يغار عليج غدير...لاتبجين بداعتي...

-لا اخوج معنده اسلوب وياي هاي اني حظي وكعني بيج الخبله واخوج المعقد

ياربي شسوي الگلبي ابن ستين چلب
مااصادق الا ازل ومااحب اله یزن

-حبابه لاتبچین والله ضاج من شافچ ضجتي اهوو دكافي ياعيني

-معليه خل اكمل هل دمعتين وولي البيت اهلي..
واقرا دعاء النسيان..

-يااااا شيسوي..

-ماادري بس اقرا وسلام...غسلت وجهه جاي تطلع

سمعنا صوت دك قوي...

-يااا شنو هذا الدك غدير

-بيتكم لو بيتي تعاي دنشوف رحنا أني وغدير  للمنور(مكان خلف المنزل)
فتحت الباب...

واشوف يزن يكسر بلخشب بطبر
خشب كبار...
نجييبه الشوي السمك للطلبات
يكسر بطبر...
وهو عصبي.. ....

حتى ما امبدل ملابس الجامعه...
يكسر خشب

ولابس ملابس ملابس الكليه...باوعت الغدير وهي تنزل عيونها خجلانه كتلهاا

-ها عيوني  شنوگلنا

...........................

بقيت محتاره اشلون اوصل العمر...
لازم اتكلم معاه...

هو بليل يجي بتسعه حنتظره اي انتظره.......

صارت بتسعه.....سويت روحي اغسل المغسله

ماما بلمطبخ هي وبابا...
يزن وشهد يلعبون بلي...

اندك الباب..
رحت اتمشى على كيف فتحت الباب...
واني اشوف عمر
الي كلما أشوفه اصفن بعيونه....كال

-السلام عليكم....من اجاني صوته غمضت عيوني

وقررت احچي  كلشي لبكلبي....مااسكت  ابد
رأسن ردیت وبسرعه...

-اولا عمر ليش تخطب مو انت سادس...
والسادس يرادله معدل

على شنو مستعجل.....
الزواج دمار....
ومارح تكدر تقرا وانت مزوج

بتالي اطفال يصيرون......
ها وشنو هل طويله....
كلش طويله طولها اوفررر
مو بس طويله لا ...
وجامده....
صدك عيونها صفر ورموش طوال وبيضه
بس اني احلى......

فتحت عيوني اشوفه‌منتجي على
الباب ومبتسم...ويباع

-اولآ الشال البنفسجي حلو عليج...ماشاء الله احلی لون لابق الچ

وثانيآ منو كلج اني رح اخطب...
وذا قصدج
الوالده عزمتكم...

فهي عزمتكم على خطوبت‌آختي المهندسه
واني خبرتها تعزمكم...

لأن صار بينا زاد وملح..
وثالث والاهم

البنات الطوال...ابد مو بالي...

وهسه حبابه تعبت من الوكفه صيحيلي أخوج..

اتمنيت ابلحظتها الكاع تنفتح وتبلعني...
صاروخ امريكي يقصفني...

طلقه تايهه تجيني ولا هل فشله..شردت
واني مغمضه عيني...

صحت اليزن يطلع الصاحبه...من دخلو
عبرت من فتحت السياج على بيت عمي...

شفت غدير واكفه اتشر ملابس....وهي دندن
باغنيه مافهمتها...
بس الفشله  محاوطتنی .لبدت ورى الملابس..
الي عل حبل خليت وجي بين الملابس المبلل
وطلعت نصه  صوت غدير
الي تستخدم بيه نبرة الأستهزاء...

-اشسويتي مشکله هل مره ....
حبيبتي ازوله...
آكيد دكه من دكايكج
طلعي وجهج كله ترى تعلمت عليج
ام الدکایک كولي..
طلعت وجهي نصه

-لا هل مره شي غبي...ويخجل واستحق لقبج من دكولين عليه غبيه
ومجنونه
.....جرتني من ايدي..
واني بعدني مغطيه وجي

-ولج اعرف حچیچ  كله ومن زمان وادری مخبله ومجنوته
بس الجديد شنو طلعت وجي....وفتحت عين وحده

-فتحت اله الباب‌وكتله بنت عمك طويله...
واني احلى منها...
لاتخطبها....غمت كصتها غدير

-عزاا شكد عيب اي وشكالج.....

-كالي الشال البنفسجي حلو عليج...
والخطوبه خطوبة اختي المهندسه

جريت الشال. من التعلاكه...الي محتفظه بيه
صارله سنين عندي جريته الظل يريد ياخذه

واني اصرخ....

وماما ذب ماي عليه....
واحس كل قطره....نار توكع عليه. ..

مو سبح عذاب.....

بس من تقراء عليه
احس براحه من تعلي صوتها...اصرخ
طلعوني من الحمام......

وبدلت واجى بابا...وهو يركبني السياره
ويانا غدير اروح الدكتور...معروف...
الخوف متملكني....

وايدي بايد غدير...
نزلنا الشارع....
ودخلنا للعياده....الي جانت مزدحمه...
طفله يتكلم وي الحايط...
عیاده نفسیه
مريه تتحچي مع نفسها....

وبزويه بنيه شابه
كاعده على كرسي...وتحجي وي ظل..؟

ومن السحر ماياخذ العقل
ومن السحر مايقتل الروح
..........