رواية خبايا الروح الفصل السادس 6 - بقلم نازك الحمراني

💓جمعه مباركه💓
....نازك الحمراني...

دخلت للحفله بعد ماصار بيني وبين لارا...
نظرات تحدي

كعدت يم ماما وكل ماتفوت أتغزني كلما تسلم على وحده تسمعني

-ألجهال ،وزقچات منا یکعدون..حاولت ما اعیرها اهتمام لان یمي أم عمر طول كعدتها تحچي بعمر تيهت كلش وضعت بكل تفصيله أتذكره بيها...واعيش الحظه

غدير ندستني لأن أم عمر انتبهت عليه
وتفاجأن بصفنتي على كلامها بدت هوسة الخطبة....وعرفت اسم اخت عمر أميره
كل شوي تباوع وتبتسم....ماعرفت ليش

الى أن أشرتلي بأيديها اجي اكعد يمها...
مديت ايدي على صدري وبين شفافي گتلها ..آنی اجي هزت راسها معنى اي

ترخصت من ماما كعدت يمها...بادرتني بسؤال

-أهاااااا أنتي أم عيوني الزيتوني....عرفتج كد مايسولف عنج..

غلست،ونثولت وگلبي بدا يخفك فرح
خجل"خليط بينهن جاوبتها واني متوتره..

-عمر
-اي عمر
-يعني أني يحچي بيه ...ليش؟؟
لارا ورانا علت صوت الديجي...ودخلت بلوسطه تجر بنات مثلها طوال...عيطات
وظلت تركص...وتباوع  برفعت حاجب..
أميره ربتت على ايدي.....عود مااهتم..

عيوني ألارا طولها يوصل ميه وسبعين
مدري اكثر اقل او اكثر.....
تخيلتها برغم جمالها وجسمها الحلو.
تخيلتها عملاقه....

كامت أم عمر...وندست بوسطتنا اني وأميره وجهه متنرفز....بس ميتفسر
اندارت عليه....كالت

-شوفي أزل هل لارا تخبل...جنها عارضة أزياء حتى من دا تركص يلوك ألها.....
سيقانها يلالن....
وي ثوبها النيلي
شعرها الكستنائي يلمع وي عيونها الصفره
بعد شيريد عمر....مانيكانه....
اميره زفرة..وهي ضايجه جاوبت امها

-يا ماما ياحبيبه مو وكت هل كلام....
ام عمر مسمعت الها....ومهتمت الكلام اميره.. رجعت أندارت الي وتتلمس ايدي بعصره قويه وجعتني....بس مابينت الها...كالتلي

-انتي مثل بنتي الله شاهد..برئيج مو تلوك العمر....
نفس النزاكه....وقريبه على طوله
حسيت تقصدني بكل كلمه....وجي يبض عرك
بديت أمسح العرك...بطرف ايدي.....جاوبتها

-من رخصتج خاله.....كمت منهن..واميره ضايجه
تقربت الماما وغدير وامها...كتلهن

-رح أرجع للبيت منو ترجع معاي...احس المكان يخنك
وحابسه ادموعي....كوه....أتقربت أم عمر من عدنا
ونفس نبرت الأستهزاء بصوتها.....كالت

-كومي أم يزن أخذي بنتج...تغسل وجها..نخطف لونها
وأنتي تندلين المغاسل وين.....
برغم كبر بيتنا..
بس أنتي من اجيبين طلبات الأكل.....دائما أدخلج
وتعرفين المطبخ وين....والمغاسل وين..
لأن مره سويتلي مركة كبه حمره..وتلفتي...وغسلتي

أعيون ماما وبرائتها ماافتهمت شنو دا تقصد ام عمر..
بس جاوبتها ماما بكل....حسن نيه...وبضحكه

-ههههه أم عمر لساتج تذكرين....من اتلفت عفيه عليج والله لو مكلتي...جان مااذكرت

عيوني تتفحص أم عمر...الي خلت ايدها
على حزام الذهب الابسته
وهي تحرك بي ترتبه....وتهز بأيدها...بفخر
وصوت خراخيش سواراتها
الي صوتهن...اخترق أذني....
ردت أتقيء.....من هل تكبر
اشوفها تبخترها...العرك بوجي زاد....
دوخه بسيطه....بس غوشتني
ماما حاوطت بيدها زندي... وهي طلعني من الصاله
الي كلها فخامه..حالها حال هل بيت...

طلعنا من صاله كبيره...دخلنا الصاله ثانيه...
كلشي بيها ملوكي...عباره عن غرفه تصميمها دائري
وطخم قنفات لون شكري...مأطر بذهبي..
والارضيه رخاميه...تمشينا ممر طويل بعده

واخذتني ماما للحمام...الي بس المقدمه مالته..
من المغسله...للمناشف للمرايا الكرستال...شي مينوصف
ماشفت ولاعمري اشوف مثل هل بيت...
الي تصميمه مثل بيوت المسلسلات الخليجيه..

هل شي خلاني الغي تفكيري بعمر...
اضافه الكلام امه وتعير بيه بشغل ماما
فتحت الصنبور....والماي يجري
بللت وجي....احس أتوازنت...
كتفي صارت بي مثل النغزه الخفيفه....
اشرت الماما نرجع......ورجعنا للصاله الثانيه
بقيت واكفه...لارا تركص هي وام عمر.....
ماردت ادخل لأن اجوي اهل الولد....وصارت هوسه
اجتي ام قتيبه وغدير.....جابتهم ماما...
بعد ماودعت أم عمر.....شي وبداخلي مكسور...

طلعنا من البيت والساحه ممليه ناس...
احس ادموعي تريد تخوني....وعبرنا النافوره..
صوت ضحكت عمر...الي انتشلت دمعتي...
عيوني اجتي العيونه....نظراته الي قطب حواجبه
وهو يسألني بعيونه.....وياشر بأصبعه....معناها
ليش عيوني  مدمعه

صنعتلي قوه خارجيه...واني اعبر من يمه..
ورافعه وجي....وحاجبي....
حست غدير عليه...وهي تهمسلي...

-ليش وي عمر....خطيه ضاج...وضيعتي ضحكته..
ضغطت على ايدها...
-كافي غدير....نص ساعه ونهانت ماما
ولج ماما متعرف انو أم عمر دا تغزها.. ....

طلعنا من بيتهم....واريد احلف ماادخل بعد له
.........................................
ذبيت جهدي على الدراسه ..
سادس علمي....ولازم أقرا او أشيل نفسي..
غدير كل مىه تجي معاي تدرس....
من تجيب طاري عمر مااسمحلها
برغم بلسبوع تلث مرات بقى عمر يجي البيتنا..
وبنفس الموعد بتسعه.. عسى يشوفني
بس ماردت اشوفه.....
خاف أضعف يمه..

وحتى طريق المدرسه...اخلي قتيبه ياخذنا بسيارته
لو اروح ابتكسي بابا....
شهر كامل.....تلاثين يوم...بساعاتهن
او عمر من نهد الخطوبه...حرمته وحرمة نفسي منه
الى أن خلصت أمتحانات نصف السنه.....
قرر بابا يأخذنا للزياره.....
وعمي أبو قتيبه أقترح اروح بلكيه مالته...
وبيومها حضرنا نفسنا الصبح دنتطلع....
أجى عمر...اسمعت صوته...الي كابرت لحتى انساه
بيدي جنطه زغيره...الحاجاتي...
تقرب من يزن.....وعيونه الي....بيهن عتب"حزن
درت وجي منه..
وصوته يوصلني...وهو يحاجي يزن

-هاي رساله....اريدك أذبها بشباك الأمير...
وعينك عل عائله...رح أشتاق الكم...
انت وخاله ام يزن...وعمي أبو يزن.....اوو..
باوعلي ودنك....راسه...
صعدنا للسياره...وهو ياخذ الجنط من ماما
أقترب وهو يحني جسمه ياخذ جنتطي.....لزم مسند الجنطه اليده
رفعت راسي بنظره متعصبه منه..
جريتها الجنطه حيل  وصعدت....
غدير تشكرت منه... وهو ياخذ جنطة أمها

عيوني للشباك اريد ابقى قويه من يشوفني لأن متعلم الحلوات يمه
يلتصقن بيه...
وهن هواي
لارا وبنات عمه....وبنات خاله...

الي ماانكر رغم غيرتي وحده احلى من الثانيه...

دمعه وحده وكعت بلعت حزنها.....كوه
سياره تحركت واصوات أهلي تسلم عليه ..
وهو عيونه... تتوسلني وبيهن سؤال...
ليش هيج اصرف بجفاء معاه

بقى واكف...وسياره على كيف تعبر...واني
اتفحص كلشي بعمر....

ألبدي الرصاصي الساده الابسه
وسلسلة ذهبيه...محاوطه ركبته....ساعته الأكترونيه
سراواله البرمودا

وكفته مدخل ايده بجيبه
حتى حذائه الأبيض الرياضي..
انتبهت على شدت القيطان مالته....
كلشي بيه اريد احفظه....

غفيت مقهوره ومااكعدت الى ان السياره وكفت وصلنا للنجف..

واول مادخلت للمقبره...تقيئت
ركض بابا عليه....يسندني..
لأن ماما راحت كدامي.....رجعنا للكيه...
وبيد بابا بطل مي...وهو يحط مي الأيده
....ويمسح وجي..

-خيرج بويه شو اشوفج مو تما بنتي
...صاير شي وماادري كعد يمي...وهو يفرك بأيدي..

-لا بابا ماكو شي.....رد

-شلون لة حبيبتي من فتره وانتي مو يمي
كلت هسه تجي وتخبرني لأن بنتي ماعدها اسرار
اني وياها كتاب مفتوح...
عيونه بعيونه مكدرت أحجي..بس حضنته وابجي...

-ابويزن بنتك تعبانه...بس قويه...مسح على راسي

-ابجي بنتي...لاتخشين بكلبج....أنتي كبرتي واني لساتني
معتبرج  أزل الي تلعب حبل...وتوكي
ماادري ابنتي كبرت....وصار عدها هموم..غير لعاباتها
بعدني من حضنه...وهو يمسح دموعي..

-مارح اجبرج تحجين غصب...تدرين ليش..
لأن أعرف اني ربيت عدل...واعرف بنتي متخون ثقتي
ولأجل هل شي دموعها داتوكع...
هزيت راسي....وجاوبته

-اسفه بابا بس والله ماخنت ثقتك...اني بنتك القويه
بنتك الي تحبك....دنكت راسي واني أبجي
رفع ذقني بيده....وهو يواسيني....

-شوفي بنتي هاي دموعج...اي شخص ميستحقهن
الي يريدج....يجيج
والي يريدج....يحارب علمودج....فتركي الدموع الج
يعني من تحسين تحتاجين تبجين...
مو تبجين على من هب ودب....
أنتي كنز أبو يزن....درت والدج
انتي عزيزة أبوج....فاهمه
لاتخلين أي شخص يشوفج غير هل شي...

كلامه طاقه الي ضحكتله.. ابوس ايده...

-صح كلامك بابا...اني كنز ابو يزن..
نزلنا اني وياه....ورحنا للحضره...وهناك مكدرت ادخل
ازدحام...وهوسه...كعدت بصحن...اقرأء قران
واصلي وابجي....
اجتي ماما...وغدير....الي وجها يضحك...وياها يزن
فرحت الهم...بس عمتي أم قتيبه...
جرت غدير حيل من ايدها....وكعدتها وراي...ودكلها

-ان شفتج اسولفين...وي هل معقد...اذبحج
طالب مرحله ثالثه...خلك كتبه وبايسكله
عود العصر يشتغل...كببجي بأجره..
لج ربيناج...انتي وخواتج... عل دلال....
خواتج أحسن قسم أخذن....وأنتي تردين اصيرين
چنة أم الكبب...حتى اشغلچ ویاها..

مثل مازوجن خواتچ زناکین...انتي مثلهن....
غدير بس تبجي... وماجاوبتها....راحت امها
أقتربت الها وهي تبجي وتنخى.....كالت

-ازل امي جايبتلي....حما أختي نضال
اشلون فهميني....بس اخلص سادس يتقدملي

-لا تخافين حبي....كل عقده...والها حل...
واحنا بحضرت الامير....مانطلع اله وحاجاتنا مقضيه..
مااعرف اصبرها اصبر روحي...

حتى زوجة عمي...تعيرنا بعيشتنا...
طلعنا من الحضره.......
وافترينا النجف....والسوك الكبير...
ويزن اشترى عبايه.....وهو فرحان...
عرفت  اشتراها الغدير......الي تضحك له..
ماحسسته.....بكلام امها...
........................
تلث ايام يوم احلى من يوم...خلصناها بزياره
تمنيت ابقى اكثر....
رجعنا....وكلنا امل...نرجع مره ثانيه حوائجنا مقضيه
جانت دعواتنا...نتخلص من السادس وهمه...
واكو دعوات قلبيه....اني وغدير...
يزن الي بيده السبحه....وعيونه الغدير..
كل شوي....تتنغصله....بأكله..
شاورتني....غدير..

-لج رح احسد اخوج...عيونه زيتونه يخبلن..
وي لحيته السوده....وشعره الاسود هواي عليه..

باوعتلها واني اضحك..
-اكيد حلو غير مثل عيوني...ضربت كتفي..
-ولج هو الزيتوني مالته....يخبل...
انتي لونه محلو ممبين...لا جيبين يزن وياج..

-لا والله...شوفي ترى اني الكاتمه مالتكم..
هسه اتمدحيني....ضحكنا طول الطريق..
وصلنا البيتنا...

وبيومها تعبانه ماما...ظهرها مشنج...
والساعه...بثمانيه ليل....يزن غسل سيارة بابا...
فاضة الطرمه...صاح عليه..

-تعالي ازل نشفتها للطرمه...الباقي عليج..
طلعت واشوفها فيضانها....ركضت وراه..
دخل الغرفته....وقفلها...طلعت ادردم عليه
وندك الباب....صحت منو...ماكو جواب...
جنت شاده راسي بربطه قصيره..
فتحت الباب...مديت راسي....ماكو أي شخص..
جاي اسده...واسمع صوت واحد يسعل

رجعت فتحت الباب ماكو
طفت الكهرباء.....اجاني صوت..خشن"جش"بحسره

-ممكن اتصيحلي ابو يزن.....اختي

-اي لحظه بس منو أكله الصوت ماكو

اهوو هذا معقد ....سديت الباب
ودخلت اصيح بابا....وظلمه

-بابا واحد يريدك بلباب....جاوبني

-صار بنتي.....طلع بابا...واسمع صوته فرحان....ويكول

-هلا بياسر السبع...شلونك شخبارك والدك صحته شلونهة
ا
ماشفناك بعد عزمتني على زواجك ورحت
وبعدها فلاشفتك اتفضل أبني...

رحت للمطبخ أحضر جاي..رتبت الأستكاين
لفيت الشال على راسي.....ودكيت باب الدوانيه
أجى بابا أخذ الجاي...

رديت للطرمه وبيدي الماسحه دا أمسحها...
ورجع الباب أندك.....طلع يزن هو يفتحها..كال

-هلا عمر...تعال أدخل للغرفه اريدك اشوف حاسبتي
مااعرف شنو بيها......
واني بطرمه امسح دخل عمر شافني
وكف وبعيونه سؤال
وبنفس الحظه طلع صديق بابا...وأبنه
وجاي ارتجي على الحايط حتى محد بشوفني حسيت بلعبان نفس ودنيا ظلمة أدور بيه
اجتني الدوخه ماحسيت اله وكعت؟؟؟
.......

-