رواية خبايا الروح الفصل الخامس عشر 15 - بقلم نازك الحمراني

❤مسائكم رحمه❤
.....نازك الحمراني...
...خبایا الروح...

شعور سيّء تشعر به یصل حد الحزن وای حزن حزن صامت حین تكتشف أنّك کنت تتعامل مع الأشباه .. أشباه الأحبّاء ،أشباه الأصدقاء ،لا شيء حقيقي وثابت في حياتك إلى الآن...

-
أنا متعب جدا، ظننت أنني فقط بحاجة للنوم و لكن الأمر أكبر من ذلك.

الشيخ ألزركشي...وهو بيده سبحه من خشب
عيونه الياسر...الي واكف يم باب الغرفه ويدخن

-ياسر أبني مهمتك هسه....أقترب ياسر من عدنا..كعد يم الزركشي...تربع وجه اليزن....نزع منظرته
يجوز ماانتبهت عليه شلون نزعها
لأن مدنكه راسي
بس شفتها بيده صفنت على المنظره لونها أسود والساعه مالته سوده....
ألفضول أخذني....

لحتى أشوفه ليش لازك بيها...
بس الي مسيطر على تفكيري...خوفي من الظل فمافكرت أباع له..
مجرد امنزله عيوني...
وتفكيري اشلون اطلع عمر من بالي...
وكلبي

لان التفكر من يشغلنا يخلينا مننتبه علمقابل
شنو لابس
لو شنو شكله والعقل مراية العيون..

ماعرفت عيونه وحجمها لان مركزه على ألجرح فقط

حتى حجيهم مافهمته...
مجرد اسمع أصواتهم وهم ديتناقشون عليه...

صوت يزن الهادىء"صوت ياسر الخشن"
الشيخ صوته المبحوح

احس ملامح وجي...تتغير ويه كل صوت..

عيوني المناظر ياسر....وساعته
الي الميل مالتها يدور وبطيء...
وعدادها يحسب الثواني.....ركزت كلش عليها
قرصها واسع كزاز ومأطر بجلد أسود يلمع

دا اريد اشيل عيوني عنها...مكدرت
العرق بدا دينزل مني
ايد يزن وهي تتلمسني اني على نظرتي للساعه.....

-خيتي أزل هسه اجي انتظري هنا
خطوات يزن يبتعد...وياه الزركشي...كامو

اني على صفنتي للساعه صحاني منها صوته الخشن

-عجبتج الساعه...مو ....
ترى هواي صفنتي عليها...هلكد حلوه...

قطبت حواجبي من كلامه المستفز
...حشرجة أنفاسي
واني ودي أرد عليه....وبقسوه

مكدرت وخجلانه لأن أنتبه عليه صافنه على ايده..
حركات وجهي أفتهم أنو هو كدر يستفزني...

صوت ضحكه مكتومه منه وجه صار احمر
أرفعت عيني بعصبيه

-شنو دا تقصد...هواي باوعت عليه محلوه ابد..

-لعد صافنه على ايدي...مو..

أسكتت واني خجلانه للمره الثانيه...
حدية عيونه.....
وحواجبه الثخان..الي مضبور واحد منهن ضبره...
يم الطرف مخلي الحاجب مقسوم قسمين

والضبره واصل للجفن الي اثر خياط حديث بيهن
أثر الخياط من فوك الحاجب للجفن.....
اريد أحسب عدد أثر الخياط

صافنه عيونه أجتي العيونه وكف وهو ضايج....
عرف اني مركزه..على الجرح مالته...
الي منطيه طابع اجرام...
رجع لبس منظرته ابتعد من يمي ينتجي عل حايط... ورافع رجل ساندها علحايط

وكف يم الباب. طلع باكيت جكاير...طلع وحده..ورثها
وهو يطلع الدخان....وبقوه.

نزلت راسي افرك بجبهتي...لويش صفنت
يجوز ضاج.....ردت أعتذر أباوع له..

نزل رجله لأن رن الفون مالته...وهو يكول...

-يعني اجي هسه ولا باجر الفجر....تمام
اجى يزن وبيده دبة مي وشغلات...اقترب منهم ياسر...يحاجيهم

-من رخصتكم عندي واجب مااكدر أبقى وقت قليل جدامي..
أتمنى من الشيخ...تعلم أخوها..لان اني مااكدر اليوم
وچان آنتظرنا نزلتي...
بس أخاف أتأخر...

تعرفون الوضع ميتحمل تاخر

بس ممكن تفهمنا شنو الصار
وليش هل الطفله ديصير بيها هيج...كال هل كلمه يتبسم من بين شواربه الثخان
...المحدده

عرفت متقصد يثيرني....ردت أكوم ارد عليه..شنو طفله
رجعت لأن تعبان معانا...الشيخ الزركشي
أنتبه عليه أنو اتنرفزت...أبتسم وهو ينطي بخور اليزن
الي كان يشد بلعلايك...

كعدو...والزركشي يحاجينا عن حالتي بيده كتاب..كال

-أزل عليها سحر أول چان مو آلها...بس هی الي أنظرت وتأذت.
وهل سحر...
مو قوي
بس يخليها أدوخ تسمع أصوات بعيده..
خنكه بوقت المغرب...
هذا بصلاة المنتظمه يروح....

وهل سحر موجود....
على شي أخضر عدكم...
سدره...
تكيه مااعرف..

السحر الثاني بأيران معمول...وهذا قوي كلش...
الي كلنا عليه مال القنفذ ماردت أحجي وأكول عنه

لأن حسب ماسولفلي ياسر...
أنتم عائله وأقرباء متماسكين....فا التزمت الصمت
برغم عرفت المرأه السوته...
بس هسه لازم تحتاطون منها...لأن هل مرأه حقوده
غيوره...
والغيره تأذي
قابيل مو قتل أخو هابيل بسبب الغيره....

والسحر الي اتسوى الأزل الأول
على مشطها القديم
والثاني على لفه زغيره مال شعرها...
يعني من تمشط...
يوكع شعر بلمشط..
فتذبه بزبل يجوز ومأخوذ...لأن هدفها يجننها..

فتأكدو من ناسكم...ومن قرابتكم...

فحتى لو السحر يروح...أله أثار قويه...على طرفين
الي سواه يتاثر
والي صار بيه يتاثر

وأنتم بيكم بخت لأن ياسر ساعدتكم...
لأن لو ماهو ...
چان صار بیه مثل...
ظل يكح ياسر ضاج أبتعد خطوه

اقترب الشيخ مني

-تدرين ليش ضربتج بنتي...جاوبته

-لا.....بس أذيتني كلش....كالي وهو عيونه الي والياسر

-لأن أريدج أطلعج من الي أنتي بيه..
وتحسين أبقيمة الحياة..طلعي من الوهم الي أنتي بيه
الحياة تسوى لأجل أنعيشها...فنعيش النفسنا
مو نعيش لأجل أشخاص...روحي بنتي

طلع يزن افلوس ينطي...رفض وهو يكول
-العمل لله وياسر حاسبني قبلكم....
خطو اتنا للسياره.....

وياسر الي ديسوق...يزن كله...

-اشلون تدفع انت مو اعرف هل ناس
تطلب افلوس هواي....

-لا تهتم ماكو شي ينذكر...والدك سوه أكثر..
بس هسه أنت باچر....مثل ماخبرك الشيخ...
شكو ملابس عدها...چانت تلبسهن بفترة السحر
طلعهن واحركهم....
وحتى غطياتها لأن اثر السحر بيهن...حتى أذا صور شغلات..

المفروض اني بس عندي واجب مهم...
يزن وهو ديسئله...

-وهاي الدبه مالت المي ...شنو اسوي بيها...

- ماي زمزم خليها تسبح بيه...الجمعه الصبح
بنية غسول الجمعه....وتكاسره وي مي بكده
لحتى يكفي تلث جمع والمي تسبح بيه يترش على حواف البيت

اسمع له بسولف...
واني بالي...ليش كطع كلام الشيخ..مخلا يحجي
وصلنا للبيت...وانطلق بسيارته..

واحنا دا ندخل للبيت...اجتي غدير وهي تبچي..

-يزن حبي أخوي أمشكله...ومريد بابا يدري...روح له

نطاها الشغلات وهو يركض مدري شنو كالت اله...أخذ سويچ مال بابا
رجعت الغرفتي...

وأني ورجعت ذكرياتي وي عمر...الي ما راح عن بالي
بس ظاهريآ نفيته....
أتمدد تعبانه.....

وأسمع تكسر كزاز يمي...
كمت مااكو شي خفت
طلعت من غرفتي خايفه
يزن ماكو الساعه...بثنعش ليل....

أني وبابا"ماما"شهد"غدير"... منتظرينه...

نتصل ماكو
أشوي والباب أندك....راح شهد يفتحه..

دخل يزن ومتلف دم.....كمنا واحنا نصرخ...
بس فتح باب الصاله...وهو يسند قتيبه بيده...

رجل قتیبه مچبسه وایده کذالك..
دخله وكعده عل قنفه......بابا سئل يزن

-شنو صار ابني....ليش ابن عمك هيج..
عمك يدري بأبنه ...

-لا بابا ميدري...قتيبه يشتغل بل ورشه مالته
وچان عنده صدیقه یعني وحده هو يكول موشي..
فرايده منه زواج رافض
مواعدته تلتقي بيه بلسوك تعتذر من عنده...

فظاهر مسويه كبسه عليه...
رأسن متصله على خوانها وكاليتلهم هذا مجلبلي ويعاكس.....
فجنزو اجنز...
ومندلين محله...
مكسرين الجام خان مالته....ورح يبقى عدنا اليوم
باچر آخذه البيت عمي.....

ومناك أني وأنت نروح الاهل البينه...نعتذر منهم
لأن خاف يحاربون رزقه......
جاوب قتيبه.....يزن

-أشكرك خويه...فضلك ماأنسى...زوجتي مااريدها تعرف...

غدير كاعده يم أخوها....وتبچي...
مبقيت يمهم رجعت تمددت على سرير
.....دخل يزن عليه..

-أزل خيتي.. أسف كل الي صار بيچ
...آخاف بسببي

عدلت نفسي وكعدت يمه...عيونه أدمع
مدا اعرف اشبي..ردت اسئله كام...

-باچر آتاکد خیتي...

-يزن شكو خويه....ادنى عليه وهو يبوس راسي..
ويمسح شعري...

-نامي خيتي...اريدج ترتاحين...طلع..واجى يطفي
الضوه.....صحت بخوف

-لا يزن مااريد ظلام...
نمت من فتره...ماشايفه عمر..
احاول اقتل حبه...بگلبي...نمت...

وصحيت على صوت الأذان...كعدت دا أتوضى
من اشهر واني تاركه الصلاة....
وحتى قبلها ماملتزمه....كلش..

وهسه وعدت روحي....ابدي من جديد..
كملت وضوئي....
لبست جادر الصلاة
دخلت للدوانيه....بابا ديقرا قرأن...
صليت وراه.. دخل يزن ضايج وهو يصلي...
كمل...صلاته وتركنا

سمعنا صوت غراض دا تطشر...طلعنا أني وبابا..
شجره مال تكي...بزوية بيتنا...على صفحة بيت عمي
يزن وكف الدرج الحديدي....وهو يصعد

وظل يدور بين أوراقها...وهو عصبي متنرفز
نزل من الدرج وهو يدخل للصاله....
ويستغفر
أخذ قتيبه... وهو يطلعه الأخو مجد..

صاح أبصوت عالي....غددددييرر..وينچ
آجتي تركض..
خايفه
يزن عيونه جمر...وجه أحمر...

-خابري أمچ تجي هسه...

-شكو حبيبي....اقترب منها وهو يعصر وجها
-أياچ دکولین حبيبي دفعها وهي راحت تخابر وترجف

كلنا متعجبين..يزن الهادىء هيچ یصرف..
اقترب بابا منه...

-آبني شكو...ليش هيج وي زوجتك...حضن بابا
كاتم ادموعه...
مختنك...حاسر نفسه..وحزين

-هسه تعرف يابه...ربع ساعه..نحاول نهدائه مفاد وده يضربها

كعدت يم غدير أسكتها تبچي....
اجتي سميره اتشوف بنتها تبچي ...
كعدت يمها.. تبوسها..وهي دكلها

-لا تبچین بنتي مجرد انسداد بصمام بيه
العمليه بسيطه...

يزن جر سميره يوكفها
جراني وهو يوكفني أگبالها....ویصیح

-لیش هیچ سویتو آبأختي...لچ مااکلچ عمه
لآن متستحقین...
لچ الله ینتقم منچ بسما..ياشر بيده..وبعصبيه
الله یاخذچ آنتي...عيونه الغدير رجع للحايط
وهو ينتچي عليه...
ويكعد على كيفه غطا وجه بيده
وهو يشهك...بلا صوت
كل جسمه يهتز...من بچيه...بس بلا صوت..
كام متعصب....
وهو یکمش آید غدير آثنینهن..ویهز بیها

-لچ حتى مااكدر ادعي عليچ...لیش هيچ
یآشر علی کلبه...وهو صام ایده حیل...
ویضربه

-لچ حبیتچ من انتي زغيره ومن اني زغير
لچ حلم الطفوله...
والمراهقه آنتي
ماترست عيني بنيه...ولا شفت غيرچ

حتی آزوجج وترضى سميره..أشتغلت كببچي..
وكل يوميتي أجمعها....لجلج
كل يوم خمسه وعشرين
اخشها كلها...
وأكول غدير تستاهل تحبني...
حرمت اهلي...
ونفسي من افلوس شغلي..
لحتى أزوجج..
شغل تلث أسنين...
أشوف شباب الكليه.تكشخ
تتأنق...
وكول لا فدوه الغدير...وتالي...وتالي يابنت..الكل
ماكمل السب صاح والدي عليه....

-يزن لا تغلط...فهمنا ابني كلشي أله حل
..اندار البابا

-أبو يزن زوجة أخوك...وزوجة ابنك
من عزمتهن بسفرة أيران
هناك مسويه سحر ومو اي سح

هذا سحر اسود
شلون یابه مااسبهن...بویه..مو چانن یتبکبن علی ازل
وهن الساحرات الها....عود یغطن على عيوبهن

یابه....چان ماتت آختي بيدنا...لو ماذاك الطيب

لك ياب....هاي هي"وبنتها"وابنها..البارحه النيمته عدنا
مشترك...وياهن

يابه على شنو هل سحر...عيوني الغدير..
تبچي
وايدي چانت وری ظهرها..اهداء بيها..بعدت ايدي

-أنتي غدير...كلت رب العالمين ماانطاني اخت
بس عوضني بيچ...انتي...ليش وشلون..

كامت تريد تبرر...ابتعدت منها..رحت الحضن ماما
الي كاعده تبچي...وتباع السميره...ودكلها

-ليش بنت عمي شنو البدر مني وهيج..سويتي
ابنيتي چان ماتت بیدي...
خسرت خطيبها وحبيبها

ضاعة سنه عليها من الدراسه..
ابو بيتي چان فقدته جلطتين من القهر صار بيه...ليش داده..

محضره نفسي ابات وياچ مستشفی العملیتچ
وانتي حيه...تنین من جواي......

يزن وهو يبعد غدير مني...ويجرها اله...

-ليش سويتي...اعترفي عاد بلكن مااكرهج..
وهی تمتمت..بکلامها..

-والله مو قصدي أذيه ماما كالت عليكي للشجره
لحتى يزن يحبچ.....
وعلکته من سنین..
ماادري بيه....سحر ضدكم...لو ضد أزل..والله..صاح

-لچ حتی احبچ...

من صدك دتتكلمين..هااااااااااااهاااااااات
.اخ ربي
لچ کولي يا يوم ماحبيتچ بیه.....ونتي تدرين
لچ هسه شسوي الكلبي المايكرهچ....دفعها

واني رحت السميره...كعدت يم رجلها...
وهي كاعده علقنفه.....خليت ايدي على رجلها..

-عمه ليش أني فدوه جاوبي....كامت مغضبه
مثل التهلوس.....
مثل المجنونه تحچي....

-أني ألي كله ابو قتيبه يقارني بيها...سهير
كله يكول...سهير معدله...بزر سهير اذكياء

وقبل لاتزوج...چان جدنا اني وياها يحبها الها وبس
واني يكرهني...
ومن كبرنا...مافكيت منها..

لحكتني على بزري...انتم أذكياء...واني ذول..
جیر وخفت...
وازل دوم متفوقه...
وهل عوبه بنتي..
لاهيه تحب ابنكم.....أندارت البنتها....

-لچ شفتي...كل يوم اكلچ..یولي وانتي تحبيه اكثر
مو بسع نسى حبه الچ...
غدير..تبچي..ودكلها...يمه كله بسببچ...

اتقربت سمیره...الوسط الصاله..وهی تصيح.

تدرون آبوکم یحب سهير ویحترمها....
واني يكرهني ويهين بيه..

أبوكم وفي الها......واني كل يوم ابوكم يتمعشك...

أني شنو ذنبي....
بس هاي الحقيره بنتي غدرتني غدير بنتي
اخذت شعر سهير مني لحتى مااسوي عليه....

من رحت للعراف...لكيت بس شعر أزل..
الخوثه بنتي...
حتى من اساعدتني ضرتني .

بس الله خلاها نست شعر أزل تقربت اليزن تتوسله

-ابني يزن ...

غدير مالها غرض والله
تعاركت وياي بلفندق....
لأن عرفت اني رح أسوي سحر فضربتها
هواي...
مقبلت والله...لادمرها تحبك تموت عليك

دفعها يزن...

-وأختي مو خسرت حبها...
مو خطيبها وراد ينعمى وتنضر عيونه
اختي ضربتة لتحفيه...
مو دمرنا كلنا...

لچ مالچ رحمه عند الله.....بس ربچ اکبر منچ..
خلاچ تحچین....شوفی...
وخلاچ تنفضحين كدامنا....واختي شفاها..
الدور عليج...أخذي بنتچ وطلعي...

غدير تتوسل بيه....

-والله ماخليتها اسوي سحر...
يزن احبك..
لتعوفني
ازل كوليله أحبه...والله احبكم اكثر من اهلي..
راحت البابا....وهي تبوس ايده...والماما...

جرها يزن وهو ياخذها من ايدها...واحنا وراه
اخذ سميره..بيده
واني ابچي
بابا حاضن ماما..يهدائها.....ربع ساعه

رجع يزن مكسور منزل راسه..كعد يمي..

-شوفي خيتي مو مهم گلبي...المهم طلعت حقچ
وعرفت منو آذاچ....

الشیخ الزرکشي...اسبوعين يبات بطهاره..
لحتى يعرف...وكايل الياسر..

مسوين السحر هناك....غدير ماخذه كل الشعر
بس على حظج ملاكيه...مالتج

فسميره چانت ناویه علینا...من زمان...حسرته دمعه
وهو مدنك....
-ربچ دي يخليني أعيش مرارة..الحب مثلچ
من أسمعچ‌تبچین علی عمر....
أکول مو قویه آزل
الی ترکني لازم انساه...

بس هسه أختي....دا احس گلبي ينزف
يعني ورى سنه من زواجي....
أكتشف البنيه الربيتها
الي كبرتها على أيدي....تشترك وي أمها....ضدنا..

هسه كومي انطلع غراضج....راح للكنتور...
جاب بطانيتي...فرشها بلكاع.....
طلع ملابسي...فساتين خطوبتي...واني ابچي
كلشي ولا الفساتين...البوم الصور....جريته من يزن
وهو رجع اخذه

-لچ کلشي...يولي اهم شي صحتج..
هاي سبب لحتى تنسين...الماضي..
سواها بقچه....وصعدها للسطح....
رش علیها ملح.....ونفط...وشعلها...

ادموعي تنزل....وأني أشوف...ذكرياتي تحترك
كلشي...ضاع مني...
حتى الصور...الي يصبرني...راحن
اخ عمر...وينك...

وهي النار تشتعل...وكفني يزن....

-قوي نفسچ آختي...مادام كلهن احتركن...
خل اكلج سر...

-كول..بعد مايجي اقوى من الراح مني..

-الزركشي...ماكال صور....بس حركتهم الأجل
لأن ادري بيج متنامين اله شوفين صورته
انسي حبيبه.....

اوصيري مثلي چذبي على روحج...

-

...............................ء
مرت أيام واشهر...على ذاك اليوم..
عمي أبو قتيبه...علن زواجه من أم نور الأرمله..
وطلع مزوجها من سنتين....وعنده منها ولد...
وهي مناك من زوجها المتوفي عدها ابنيه.....

هجر سميره للأبد..وراد يطلكها
بس ادخلو ولده...
وقنعو ميطلك
وسميره...مثل الي صار بيها صدمه...
من عرفت عمو مزوج....وهي عدها قلب أنشلت..

غدير.يزن تاركها تتعاقب...
ورفع قضية طلاك عليها...

واحنا انقنع بيه يرجعها...لأن هي حامل..
وكل فتره تتصل تتوسله...يرفض..
احسه متعذب على فراكها....كوه يضحك...

أني مرحله ثانيه....ومتحانات الكورس الثاني
عمر...يحاول كل مره...يعترض طريقي..
واني كل مره...اشوفه اتعذب أكثر..
اريد انساه...

رافض ينطيني هل حق..
يعلي الأغاني الحزينه...من افوت من يمه

خاصه حنيت الك حنيت
باقي انتظر وانت بعدت ونسيت

امسح دموعي لساتني ماشفية من حبه..

حبه الي صار الي مرض...
كل فتره يعذبني
لامن يتركني لحتى انساه...ولا من يبتعد مني

عمو ابو ياسر...فتره ست اشهر مااجونا...
وبيوم الجمعه العصريه أجوي..
طلعت أسلم عليهم.....
ورجعت الغرفتي
مااحب أختلط....شما اريد ارجع ازل الاجتماعيه
شي بداخلي يرفض....

اجاني بابا الغرفتي...واني أكلب بلفون
اراقب صفحة عمر....واشوف اشعاره الحزينه
كل كلمه احسه يقصدني...وابچیه..
اغنية حنيت الك كل يوم ينشرها بستوري شكل..ويكتب جوتها أزلي الابدي

سدیت الفون...وبابا کعد یمی...بلا مقدمات..

-تدرین یاسر...چان اشجع شاب...
بسنة الفين وثنين وهو نعمه الاخلاق؟؟؟

..............

ارائكم الحلوه...يزن يسامح غدير