رواية خبايا الروح الفصل الرابع عشر 14 - بقلم نازك الحمراني

❤مساء العافيه❤
نازك الحمراني.....

ليس في جسدي،ولا حتی فی خلایاه
المرتجِفه شیء صامت
كُلِّه عصبٌ عندي يَصرخ.. الم

أشلونج أزل صوت الخشن نفسه .جاوبت بتردد من دون مااندار له....

-تمام الحمدالله...ابتعدت اسلم على عمو أبو ياسر"ودنكت اباوس زوجته...كمت وبابا متبسم

-ازل بنتي تعالي تغدي.. مردت اكسر ضحكته رغم لسى مصدومه من عمر
..جاوبته اتلمس جبهتي بتعب

-اتغدو الف عافيه تعبانه اليوم المحاضرات هواي تمشيت بخطوات يائسه

أنتبهو عليه وصلت للممر الي يفصل الغرف أسمع ماما تتعذر...

-هل ابنيه مااصحت أبد ام ياسر...
من ورى خطوبتها بشهر....
تمرضت"وحالها كسرنا تكسر

وراها عرفنا السحر..
والكينا
وهي لساتها مو على بعضها
رغم هل الحظه نعتبر صحتها أحسن

بس وضعها مو تمام....وكفت على كلام ماما ...ومجاي أستوعب معقوله هيج اني چان بیه لبالي حلم العشته....

زين صحيح حچي عمر
وحچي ماما...الكل يكول أني بیه شي
أشو مدا أذكر شي...مجرد شغلأت قليله..احداث أقل
يجوز فترة شهر متوقعه.....

لكن عمر يكولي أشهر كومه..ماما كذالك
يعني اني اشهر مجنونه...

دخلت للغرفه أدور ألبوم الصور خطوبتنا

لكيت خمس صور بألبوم خشبي كبير..
مشيت أيدي على عيون عمر....
أرموشه
بقيت أبجي..
مااعرف اشكد..بقيت
الحد مادخت ونمت أبملابس الكليه...وحاضنه صورته

صوت ماما من بعيد يجيني..وبصياح بعيد

-أزل حبيبه أكعدي...أسمع أصواتهم...
ماأكدر أجاوب
اريد أنام

بروده بجسمي كعدت لكيت الغرفه ظلمه....صرخت خايفه

-بابا"ماما"يزن"غدير...حضنت رجلي وراسي بينهن
جسمي ينفض...عقلي لخبطه التفكير

الهوى ماكو بريتي...أتنفس بصعوبه
مثل لافين على ركبته حبل متين...عيوني للباب
مدا أشوفه....لأن ظلمه...
حسيت المسافه طويل
برغم قصرها....مرعبه رغم هدوئها....

فزيت خايفه....وماما دا دكعدني من النوم....
كعدت ألهث من الخوف...وصوت ماما

-ازل بنتي الدنيا مغرب ميصلح....جرت الالبوم مني تاخذه بيدها....
عيوني الها...... مثل ماخذه روحي...كمت بحيلي اجر منها...واتوسلها..

-ماما فدوه الله يخليج خلي يمي
....باوعتلي بحزن والده

-بنتي شوفي نفسج بعد...كلشي أنتهى...
انسي مثل مانساچ...طلعت مني

وكفت للمرأيا....أتلمس رگبتي
رطبه...عركانه...رغم برودة الشهر الهدعش
صافنه لأن رطبه...وبيها اثر

قربت للمرايه بيها أثر ايد
يعني من اختنكت بلحلم...حقيقه

يجوز اني بقيت أخرمشها لأن مختنكه

يارب الي صار حلم ولا حقيقه...مدا افهم.

غيرت ملابسي...وطلعت اساعد غدير بلعشا...
حضرت الطاوه...
وطلعت الكبه من الثلاجه
غدير تقطع البطاطا اقلام...

تقربت مني.. منتجيه على كاونتر..

-أي أزل شسويتي وي عمر...شفته ديبجي..
لحظه ذكرت اسمه...ادموعي خانن عيوني..
كعدت عل كرسي...واريد اكتم بجيتي.

-غدير....اعتذر مني..ماقبلت أعتذاره...بس كلبي
كلبي ميطاوعني..

لج هذا عمر...الي من الرابع عدادي الحد السادس..يراقبني
مامره مساني بأذيه..
ولا مره طلب مني شي مااريده..مسحت دموعي
وهي تكعد يمي...

-بس الي فهمته من يزن انو هو ماطول وراج وزوج..
ليش هيج سوه..
موحب هذا أزل...كولي هوس..حب مراهقه
بس لا دكولين حب ناضج...بقيت صافنه عليها.
نهضت واني اريد أكلي..
فون ماما على الشحن...يم الفرن رن الفون جفلت
مديت ايده فتحته....صوت أميره

-شلونج أزل حمدالله عسلامتج...

-الله يسلمج....

-حبيبتي ازل والله مو بيده عمر من شوي اجاني البيتي
منهار....وهو يبج والله چان ظرفه صعب
لاتحكمين عليه...جاوبت

-أميره أخوج خان حبنا وهسه هو اعتبره صفحه وأنطوت..
حلم وضاع....
أمنيه وماتحققت....مااكدر اكلج أكثر...اجاني صوته
صوت عمر تعبان وانفاسه تعبانه..

-حبي أزل حياتي بلا قيمة بدونج..
سامحي خذلاني الج....
سامحيني والله ماأهملج مره لوخ
ورح اخلي حياتي...بيدج
انتي تملكينها" بماضيها" و مستقبلها "و حاضرها"

كل كلمه منه....وكل لحظه يتوسلني بيها...اضعف
مغمضه عيوني أسمع بگلبي ..ارد جاوبه
مسحوره...
بسطوره الحلوه...بس كتله بهمس یائسه

-مااكدر عمر....نشغت صوته....وهو يتوسلني

-أزل ايقونتي...جميليتي سعادتي وسعادتج..
وصوتج الحزين.. كل هذا مرهون بكلمة منج أنت "

حضرت جوابي...واني موافقه على طلبه..بس
ماما جرت الفون من اذني..وهي تغلقه بسرعه..

-بنتي خليج قويه...الشاب أزوج عنده طفل
لادمرين نفسج....
وتعبينا وياج..
والدج مريض...الجلطه الثالثه تهلكه بنتي..
سدته متعصبه

مناقشتها ابد
رجعت الغرفتي الي شهدت حبي...ولهفتي العمر..
ماما تتبعني تحضني..

-بنتي انتي..مصلحتج مهمه عندي
..ومصلحتج..بتركه
الحياة كدامج...وتلكين الف واحد يستاهلج...

وثانيآ ام ياسر أجتي علمودج..صحت عليج ليش
مااجيتي...

الناس مننسى فضلهم...
بردون يطمنون عليج....

.....................
مرو اشهر عليه صعبات...اريد انسى عمر..
تكرار جياته للجامعه...ترجعني الحبه..
خصوصآ اشوفه يذبل.....وحتى شعره طولان ولحيته

يوكف يم الكليه مالتي...
لو يتبعني بنظراته...الدامعه...الي ضعفني
بيومها وكف يم القسم
فقررت أرحم حاله وحالي...واكسر وعد اهلي لأجله

طلعت له...ودموعنا قبل عيونا...تحجي حبنا..
نسيت انو متزوج.....ورح يصير اب...تقربت له..

-عمر...كول العندك...دتعبني أنت والله...
عيونه تتامل وجي..وهو يتحسر مشينا شارع الجامعه

-أزل هيج اني هنت عليج.....

-لا عمر انت الي هنت اني عليك...جيت اكمل
غدير اجتي من بعيد...وهي بتجاهي..دتريد أتبعدني
تقربت وهي تهمس بأذني..

-لچ لارا تریدچ...تعالي فتحت عيوني بدهشه..
واني أجاوب عمر...

-من رخصتك...شغله مستعجله...طلعنا خارج الكليه
وغدير اسولف...

-لچ لارا اجتني للقسم مالتي
وعدها حجي وياج...وهيات منتظرتنا هناك
وصلنا يم سياره نيلي طوخ وكفنا يمها.....
أجتي لارا....
بطنها كدامها. وتمشي بثكل
هاي لازم بطني والطفل طفلي

دخلت للسياره...
واحنا دخلنا وياها...
كعدت يمها هي ضايجه منها وهي ضايجه مني

-كولي لارا...شكو....جرت كلنكس من الباكيت علكشن تبجي...

-أزل عمر.....صار خمس أشهر متغير عليه....
وهسه عرفت...لأن ديشوفج....أرجوج لاتنطي أمل
ماانكر أني أحبه من زمان...
بس قسم بالله هو تقدملي...
وخطبني...حتى كتله
برضاتك لو لأن عمتي...قنعتك...جاوبني

-برضاتي يقسم...ازل اعتبريني أختج..
صدك ماعدنا ذكرى حلوه أني وياج

بس ماأريد بنتي تتيتم....مثلي...
اريدها تعيش بوسط أمها وأبوها...
رفعت عيوني أجاوبها...

-لاتخافين اصلآ من عرفت بيه مزوج
لغيت حبي له
لاتخافين مني...
خافي منه..
نزلت راجعه للكليه...وعمر منتظرني يقترب مني......ديريد يلحكني.....

-أزل مو كلتي بعدين نسولف...أرجوج....جاوبته بثقه

-أنت أرجوك...ابتعد...حجى بصوت تعبان
-شغيرج عليه هيج....

-انت غيرتني تركته..الوجع الي بكلبي...
مثل طاعني بسجين...

رجعت أكمل محاضراتي.....اجتني غدير نطلع..
واني اشرلها لاتكمل...
كلام...
اريد ارتاح من تفكيري بعمر...
الي تعبني
جان عندي أمل...بهل حب يستمر..بس لارا من اجت
طلقت عليه طلقة الرحمه...
صدمتي بعمر اليوم أقوى...لأن شفت جزء منه
داخل لارا...هل شي قطع الشك بليقين..

يجوز غرت لأن حامل منه...

المفروض اني اني موهيه
وصلت للبيت وردد بصدمه
المفروض أني موهيه اني..

الم يكطع بطني...نبض ينحصر بگلبي
روح تطلع من جسمي....صعب حبه انساه

دخلت للبيت....شفت بابا الي يعرف حزني حضنته وأبجي

-أبو يزن ليش بنتك هيج شنو ذنبي
انتبهت على نفسي بابا مريض.....ابتعدت منه دموعه توكع عليه....

كلشي براسي خربط
الدنيا دور بيه مثل ديلاب الهوى....نظري ضبابي
دوخه....وكعت للكاع...

فزيت شفت نفسي بغرفه...بيها اسره هواي
بيدي مغذي....

يمي عل كرسي ماما منتجيه ونايمه..ومغطيه وجها
وين اني....
كمت دا أريد أكعد..وعيوني ادور
اني مستشفى...وأشوف واحد يم الباب واكف
لابس قميص بيج...وبنطلون صحراوي
...ومناظر

ياسر هذا ليش يبوع لا مو بس يباع هو صافن عليه...يتلصص...

أقترب وبين شواربه المرتبات أبتسامه جانبيه

-حمدالله على سلامتج عزيزتي عدلت كعدتي
ومغتاضه من ميانته...شنو يكول عزيزتي..
حس عليه ضايه

ابتعد....وكف يم الباب
وكال بلا ميندار...

-رايح اصيح الدكتور لاتتوترين...اهدئي بنتي
جان مستفز بروده وكلامه وتصرفه
"ومنظرته جاوبته من جاي يطلع..

-شنو قصدك مجنونه لحتى أهداء...
اندار عليه يخلي ايده بجيبه...أقترب يهمس

-الهدوء مطلوب من كل أنسان...
موشرط جنون..
انتي لسى تعبانه..
لاتفسرين الحجي ماتعبين......

-زين وين بابا""يزن أشمعنا أنت...هز كتفه معنى ماأدري
كال وهو ايده ...عل باب

والدج عنده ابره للضغط راح يضربها
وأني جبتكم اليهنا....
ولا شكر على واجب

طلع تركني باحراجي...بحركت كلبي منه
كعدت ماما....

أو حسيتها كاعده من زمان
بس حبت تكمل مشهد الأستفزار الي صار
....قبل شوي

لأن كعدت وهي تبعد شال من وجهه...وتضحك...

.......................
خلال هل يومين رجعت الغرفتي...المغذي ميوكع مني
لأن الأكل كرهته..
اريد اتناسى عمر
اليوم أتمناه يخلص بسرعه..
لحتى مااتعذب من تفكير بحبي انه وعمر
شكد وثقت بيه وبحبه وهاي النتيجه ااااخ اااخ ياعمرر مو دكول أزل عمرك

شكد مااريد انساه مااكدر كوه عليه تأقلم على فراكه... وحتى من رجعت الدوامي كلما أشوف عمر بطريق يرجع كلبي ينبض اله من جديد لكن ماابين أنحرف وامشي عكس طريقه

بس عمر ديتعبني بمتابعته ألي..ونظراته الاعشقهم
الأيام تمشي...
والشهور تتبعها.

الكوابيس متروح والتهيوئات....كثرت

تعبت نفسيآ اكثر من جسمي
ماأكلهم عل كوابيس لأن تعبتهم....واخاف عليهم

بيت عمو أبو ياسر..
رجعو مثل قبل علاقتهم بينا
مثل ماجنا قبل من جنت زغيره وهم جانو
نفس الشارع....
جانو يجون بأي وقت......

هسه كذالك
يجون يتعللون عدنا ويرحون

أما اني مجرد سلام اسلم وأدخل الغرفتي...
كارهه الأختلاط بناس...
حتى بلجامعه..

بلا أصدقاء
منعزله وحدي ماردت صداقه اي وحده مجرد زملاء

تركت كل صداقه...
زميلتي بنفس الستيج نوبات أسولف معاها على المحاضرات ونوبات اغلس

بيومها نمت بعد اخر أمتحان الي
واخلص مرحله الأولى
نمت من التعب..

وفجأة احس أنتقلت لمكان ثاني
مكان أظلم بس أشوف كدامي...
شفت رجال عريان

أقترب ديريد يخنكني كلما يضغط على ركبتي
ينكطع نفسي...

اباع على جلد ايده يصير بي وشوم سوده
حروف غريبه

اريد أبعد ايده عني ختنكت..
رجعت جسمي ليورى ....

انصدمت و حتى لزك ظهري بلحايط
وهو ...مازال يقترب مني
لف ايده على جسمي صرخت حيييل ...

عوفني عووووووفني الله يخليك
ماهتم بصريخي
گلبي بدا ینبض بسرعه...مرعبه...فزيت

والدنيا مغرب واخوي يزن يدك باب غرفتي بقوه
ركضت خايفه أفتح الباب...وجه العصبي
صاح بيه

-ليش تنامين للمغرب ميصلح...اقترب مني..يتلمس
ركبتي مدهوش

-شنو هاي ازل...يله صلي خل انروح للزركشي..
توضيت وصليت بتثاقل...

طلعت للصاله منتظره يزن ياخذني...بيده
سيارة ياسر باب بيتنا...

صعدت ويزن وياي سسلمت

-السلام عليكم....مارد عليه اله من سلم يزن..رد
ضجت منه كلش...بس مواقفه مصبرتني

وصلنا البيت الزركشي نفس البيت دكينا الباب...فتحت زوحته
وجان اكو ضوه....
والزركشي ديغسل وجه.....اندار علينا واحنا انسلم

-السلام عليكم.. جاوب وهو يثبت

-وعليكم السلام....أتفضلو...

كعدنا صافنه على غرفته كلها سبح
دخت بهل تفاصيل كال...بصوت عالي..

-مدي أيديج..مديتها..ضربها بلعصى البيده
صرخت من الوجع....

فتح لكتاب يباوع كالهم..

-السحر قضينا عليه...بس أثاره موجوده
باوع الياسر جان واكف..وايده بجيبه
ويدخن...يم باب الغرفه...كاله..

-ابني ياسر شغلي خلص بقت بعد هاي بعد مهمتك انت والا؟؟؟

.............
جماعة الصونده شلونكم😁
جماعة السلسله شلونكم😁

-