رواية خبايا الروح الفصل السادس عشر 16 - بقلم نازك الحمراني

❤مسائكم رحمه❤

.....نازك الحمراني...

رجل يستطيع أن يجعلكَ تبحثُين عنهَ في كلِّ مدن الرجال وَلن تَجدَي مثله وفائه

بسنة الفين وثنين...والفين وتلاثه..
جان ياسر من الشباب الي يريد يقدم دوره مال ضباط....
وا نقبلت معدلاتهم.....وعلى ساس انكمل العدد
يله نبلش...
فلحرب صارت......والجيش أستنفر كل شبابه..
حتى المايعرف عسلاح ...دربناهم على سلاح..
لحتى يقاتلون....

ومن صارت الحرب..والقصف..
رجال الجيش الكبار كامت تنسحب...
والجنود بقو بلا ضباط...بلا رتب

اكو البعض بقو....وخبرو الجنود يستسلمون..

أحنا أجانا امر...ننسحب...
الكل شمر اسلاحه...وبقو يتركون المعسكر..

اجاي أطلع...واشوف ياسر يفتر وبيده اسلاحه..
صحتله ابني عوف اسلاحك اوامر اجتنا..

كالي أدور على والدي...مااطلع اله الكاه..
قصف كل اشوي يصير.....تالي طلعت تركته
وبين مااني جاي أطلع.....

شفته شايل صديقي حمزه على جتافه....مصوب
وسلاحه بيده....واخذنا الطريق مشي...وهو شايله
ماتركه وماترك أسلاحه....
ماسئلته...لیش نقذ حمزه بس من السمار..
وضخامه
عرفت أنو حمزه والده...

فا كعدنا نرتاح من المشي...لأن الامريكان يفتشون
وهو بيده سلاحه وماقبل يذبه
فكمنا ناخذ طرق بعيده عن شارع...
مشينا كيلو مترات....دون من توقف..

عاد كتله خلينا نستراح
استراحينا چان یلهث تعبان موت

وچتافه کله دم.....
عرفت هو مصوب..
من انقصف موضعنا.....موجوع ومايرفله جفن..

طلع الأسعافات الي بيده... كمنا انعالج حمزه..والده
الي وکعت علی رجله...صندوک اسلحه..
چان مدد رجله..والصندوك ثکیل....بی ستین کیلو
وكع عليه...

مشوفین عمچ ابو یاسر لسی یعرج..
لآن اتهشمت أصابع رجله....والمفصل....
واحنا دنعبر.....وصلنا بسلامه
البيتهم أبداية بغداد..

أستضافوني وماخلوني اطلع...يومين عدهم..
ومخلاني أطلع اله هو يوصلني وبسيارته أخذني
وصلني للبيت...
برغم الوضع يخوف....وحواسم

بس ماتركني أبد...وراح..

عنده وفاء قوي وعتزاز بنفسه...

الأغلب ترك سلاحه....
وهو ماصارله شهر...
ماقبل يتركه....هيج رجل وفي قليل بهل وكت..

تدرين ليش...لأن رح يصونج....

باوعت الوالدي.. شنو ديقصد غير عمر..احب
غمضت عيوني وأني أتخيل اشيل حب عمر..مني
وجهي تغيرت تفاصيله...
وبين على حركة حواجبي
أني اني ضايجه...عيوني الوالدي..

-لا بابا مااكدر صعبه والله...مااكدر
أبتعد من والدي الطرف السرير كعدت
واني حاضنه رجلي....منتظره كلامه.....كال

-بنتي شنو المانع...قابل رح تزوجين...
مجرد خطبه
عقلي يردد كلمة بابا...خطبه..خطبه

-لا بابا شنو خطبه..أحب عمر لساتني..ابتسم الي..

-شوفي بنتي..خل اكملج سالفتي..تذكرين
من كتلج جنت احب وحده....
ومن شفت أمج..نسيتها
حضنت رجلي حيل...وهو يسرد....اريد اسمع...كال

-جانت أبنيه كلش نازكه....شفتها بلمكتبه
جانت أكو مكاتب رئيسيه...تكعدين بيها تقرين

فصدفه فتت من يم المكتبه...منتظر صديقي..
شفت اول حب بكلبي...
ويجوز بلحظتها حبيتها
جنت شاب أزغر منج...بقيت اراقبها..وين متروح
خبرت الحجيه تخطبها....
طلعت ديانتهم صابئه...واهلها رفضوني...

بچیت وتآزمت...والحجیه...ابتلت بیه..
وحزنت وحلفت بوکتها
بعد لا احب ولا آزوج....
تلث سنوات مرن علیه.....شفت آمج...ونسیت..الاول
الحب الآول...
آو اکتشفت شي...انو ماكو حب أول وثاني..
هو حب واحد..الي تعيش بيه...وتزوج بيه..وتخلف بيه....

فأنتي هاي حالتج أذكرني أبنفسي قبل...
مثلچ‌متت"وقسمة
تالي الحبيبه سهير...خلتني انسى كلشي..
وابدي"وانتهي على ايدها.جاوبته

-بس بابا مااكدر ارجوك...لاتغصبني
ملامحه تغيرت
وهو يرفع عيونه عليه بحديه...

-من اشوكت أني غاصبچ...انتي او أي شخص بيكم
اني فقط اريد مصلحتج...
الشاب دره مال الله....واني مريض مدايم الچ..

آخوانچ همات باچر کلمن یشوف دربه...

واني ماأمن على هل دره الغاليه...بس عند ياسر
الي هو والده افضل اصدقاء الي...
ورح يحبوچ علی محبتي...

أني مجاي أغصبچ بس آتمنی تحترمین رئيي..

من تقدملچ عمر...برغم تحفظي عنه....بس قبلت بيه

لأن شفت بعيونج.. حبه‌
وشفته هو مثلچ
متمسك بیچ ویحبچ...

سمعت کلمة يحبچ...جریت ايد بابا أبوسه...واتوسله

-بابا لويش هيچ سوه...آذا يحبني..نزلن ادموعي حارات
وهو يمسحهن..بیده

-شوفي بنتي كتلچ..الحب مثل الحرب میفوز بیه
آله الجسور..‌الرجال
یعني...
من أصير حرب..خل نتخيله عمر
يدخل الحرب بكل قوته...لحتى ينتصر...
حارب عمر...وطلع کل اسلحته..
وصل المرحله تعب...قرر يوكف قتال...ليش؟؟

-لآن هذا حده....ميكدر أكثر...أحنا منلومه أبد
لأن عمر أنولد وبحلكة خاشوكة ذهب...

والي صار هواي عليه...فاق قدرته...أسمع كل كلمه
من بابا واني أبچي ..رجع بابا يمسح أدموعي..

-عسى ان تكرهو شي هو خير لكم...
الي صار يابنتي خلاج تعرفين أنو عمر...حبيب يصلح بس مو زوج....
لأن من أول موقف تركج...ماصبر ابسرعه أزوج
يعني لا سامح الله أتخيلي صار بيج ذاك المرض..
.وهو زوجك...
هل ياترى رح يتركج....مثل هل مره..
ماأنكر أنو ساعداج...جاب للبيت افضل دكتور
أنتي شخصيآ أذيتي...لكن فترة أشهر...
يقترب الزوجته...وتحمل...

-بابا بس هو يكول انجبرت....أبتسم بابا..

-اذا انجبر على زواج لارا الأجل أهله...
فكان المفروض
مو بسرعه يقترب الها

لأن هو يحبچ ودیعاني من حبچ.....بنتي فكري
بكل كلمه كلتها الج وخلي بالج

عمر الحبيب سابقآ هو اب الطفله
مالها ذنب بكل الي ديصير..

طلع وتركني بحيره من امري...ايدي على شفافي
أغطي ابتسامة فرح...عمر أب ابو رموش صار اب
معقوله سمها أفنان"مثل ماتفقنا أني وياه....
غطيت وجي بلمخده....كتمت صرختي بيها

..............
مرت اشهر الامتحانات واني أتلافه عمر..
واتلافه غدير...

خلصتهن على مضض...
لأن كل مااشوف عمر...أضعف..وارجع للبيت ابچي

ياسر يجي قليل ...بس والده والدته واخته يجونه
يبقون عدنا ...واني مجرد سلام معاهم.....
كل جمعه اروح أزور....ارجع مرتاحه

يزن يرجع من الوظيفه...يروح للنادي..يدرب.
وبليل للجامع لحتى يرجع تعبان وينام..
ونوبات أصلا مينام... يبقى سهران وياي علتلفزيون

نكعد نضحك على نفسنا....وعل الي صار بينا..
نختم كعدتنا....وكل واحد بطرف عينه دمعه..
دمعه تحچي..وتفسر حالنا...

برغم تتصل بيه...احسه يفرح...بس ميرد عليها..
الكل واحد من عدنا عنده طريقه...كيف يصبر نفسه

بقيت ملتزمه بغسول الجمعه...ماتركته..
وملتزمه بقرائة سورة يس...
بس بقى خوفي من الظلمه...مسيطر عليه..
انام الضوه مشتعل.....ويمي تيبرلام يله..

من غير..امراضي الي متركتني...اتحسس من الكلام
همات كله هذا اثر السحر
بدت المرحله الثالث بلجامعه....وصادف أول يوم

دخلت واشوف غدير...منتظرتني...بطنها كبيره
وذبلانه كلش. . وجهه تعبان أصفر..تقربت منها مشتاقه الها...
وذكرت واني جاي أبتعد من عدها...صاحتلي

-أزل أرجوج....أنتظري وكفت واني اذكر شقانا
أسوالفنا...رجعت ألها..
كعدت يم كرسي موجود...وهي كعدت يمي..
جنت منتظرتها تتكلم....بس هي بچت..
آنقهرت ...واني اهديها...

-لا تبچین غدیر...بطنچ کبرانه رح اصیر عمه..
ضحكت وهي تبچي.....

-والله أزل مااعرف ماما دضركم....وحتى بايران
من شفتها دتاخذ الشعر....
كله اخذته منها..
وتعاركت معاي...وطلعت..
وبعدها حلفت الي انو هي متكدر اسوي..
لأن السحر اله على الشعر...
واني كله أخذته
ماادري مالتج باقي...
والي عل الشجره....چان محبه...
وداعت حبي اليزن

أني رابيه عدكم...
مو من اجي اشكي من عدها كدامج..
فكيف اضركم....
واني من يوم دريت هيچ مسویه
مااتکلم معاها....
قتیبه جاب وحده تخدمها....
مصدکتني مو....ازل

-مصدكتچ...بس لیش مخبرتیني..
چان وکفت معاچ....

-مشتاقه اليزن...رفع عليه دعوة طلاق...
وطلبو حضوري....مارحت..
وشفته من طلع...تدرين أشكالي ..

-ألقاضي ينتظر ولادتچ...واخذ ابني منچ
لآن ماارید اشوفچ...

بچیت یمه...الحظه شفت نظرة الحب بعيونه
بس تركني...
شسوي أزل...كل يوم أتصل عليه...
يفتح الخط...وميتكلم
تدرين مقتنعه...بهل أتصال...
لأن اسمع صوت أنفاسه.....وهذا يكفيني

تدرين بيه چنت آتمنی کلمه منه...
فکیف آنفاسه...

آزل...رح آموت بفراک یزن...مشتاقه له
مشاقه لعیونه...
مشتاقه النومتي على صدره.....
مشتاقه الريحته....اريده اشلون

بقت تحچي....ودموعها ماوكفن..

................

اخر محاضره....طلعت واشوف دكتور محاضرتنا واكف يتكلم عن موعد دراستنا التطبيقيه..
وي الطلاب....

الطلاب كلهم راحو واني ما خذيت موعدي...
سئلت وحده من زميلاتي...عن الموعد..
عرفت أنو مقسمنا أقسام...وكالتلي لحكي
وشوفي وين قسمچ...

تمشیت بسرعه....قبل لا یطلع..
واني أشوفه واكف وندهشت واكف يمه ياسر...
هل مره مو لبس عسكري....
لابس بدله رسميه....بقميص نيلي...ومنظرته وشعره

ليورى بتسريحه كبس...
يسولف وي الدكتور.....جاي أقترب

صار عمر كدامي....وهو ذبلان...
الي كل مااشوفه..تطلع روحي...وترجع الي
افرح"واضوج"
اموت"واعيش"
أتعذب"وارتاح"...مااكدر انسى..ولا هو يسمحلي.

-ازل عندي كلام معاج...هاي أخر مره...
تعالي للكافتريا كالها بيأس..وهو مكسور

أما اني منزله عيوني بصعوبه...ماانظر له
ادري أضعف كدامه...

-كول عمر الي تريده...مااكدر وعدت اهلي..
جر حسره وهو واكف..يعدل شعره..
ويشده من ورى حيل
هل حركه الي تكسر اخر جدار صلب ابني ضده
اراقب هل خصلات تنزل...بأريحيه...
اقترب كلش...

-أزل یاجملیتي...ومحطمتي..ماحن كلبچ
انطیني حتى لو بصيص..امل

خبرني يزن بلي صار معاچ سحر...
مااعرف شنو یقصد...ومنو سواه‌..
بس الآعرفه آني وانتي ضحيه..تخلف وحقد..

ارجعي حبي. ارجعي ورجعيلي كلبي..
لاتقسين زايد...مو عوايدج...تقسين "وتبعدين

تاملت رموشه...الي مشتاقه الهن..ودي اخبره
أي موافقه خل نترك هل عالم...ونروح اني وياك
نترك كلشي...بس أني وأنتي..
نترك اهلي واهله....لاجل حبنا....

بس أذكرت كلام بابا..جاوبته

-عمر اني من تركتك...مو مثل ماتركتني
تركتك لأن عندك عائله...
أما انت تركتني لأن اني مريضه....
عمر...حبيتك وأول حب...بس ماعاد ينفع
بنتك" زوجتك"شنو ذنبهن..
لدكول أنجبرت...دورتلك عذر...مالكيت
اربع اشهر...تزوج فل نفرض انجبرت..
ليش تقترب الها....
كافي عمر حبك حماسي
حبك فقاعه طارت ونفجرت..
مو حب وفي...

روح الله يوفقك ويسعدك وي عائلتك..
مااكدر أكون سبب بدمار زوجتك"وبنتك

خل ينعكس الدور..اني مكان لارا.
مااقبل وحده أدمر عائلتي...
وأنت اذا صدك تريدني اذكرك بخير
لا تقترب مني روح

روح البنتك وزوجتك...
بنتك الي الله رزقك ياها...
لحتى اشوف جمال الدنيا...

نزل دمعته...وابتعد بلا ميتكلم اي شي
ابتعد واحس خسرته...
ابتعد واحس دمرته...برفضي له.بس خلاص هاي هيه انه وياه مكدر ادمر حياته وبعد لهنا ونتهت قصة حبنه انه وعمر ونتهى شي اسمه انه وياه أحباب

..........
واني افكر بكلام بابا ماانسى عمر
الى من الكى شخص ينسيني
على وكفتي ....
صوت خشن يسلم
هل صوت الي دائمآ ينتشلني. من صفنتي

-اشلونج أزل....الماخذ هل عقل يتهنى

عيوني له...واني صافنه على جرئته..

رديت بجرئه...وبحركة كلبي على عمر..واني امشي

-محد ياخذ عقل واحد...والدليل اني هنا
بهل جامعه..وهل اختصاص...حجيتها بكره"بغرور
حبيت اغيضه...
خطواته وراي وهو يتبعني...
صار كدامي وهو يمشي..

انتبهت على شعره بيه شيبات متناثره
وي شعره الاسود الناعم...تكلم دون ميلتفت اليه

-والدج....نطاني هل شرف انو اوصل..طفلته
وأتمنى ماأضايقچ...التفت علیه
وهو یبتسم..من بین شواربه
كرهته"وكرهة هل كلمه..شنو يشوفني طفله
وکل مره یعیدها...جاوبته بحدیه..

-كل كبير بلعمر..وصاحب شيب..
يشوف ابنيه عمرها أثنين وعشرين طفله..

حسيته ضاج...وهو يخلي ايده بجيبه..
ویرد على كلامي بنفس نبرة غروري...

-ترى ابد مكدرتي تضايقيني..العمر مورقم...
والشباب شباب الروح....
ودتحسسيني....انو اني رجال عجوز..بيدي عكازه
واني عمري...الكل يريده...قمة الشباب
والثلاثينات جوهرة الأعمار...بنتي

وصلنا السيارته السوده چانت عالیه
فتح باب السياره....ركبت..کوه
لآن لابسه کعب...عالي..وتنوره ضيكه..من جوه..

ابتسم وهو يسد الباب...عرفت ابتسم
لأن شافني..مضايقه من صعدت...بسبب تنورتي

وهو يحرك السياره...نزع منظرته..
خلاها علكشن....
انتبهت اشوي على لون عيونه..سود كلش.
حواجبه ثخان...

-أزل من فتره...دزيت الوالد والده عليچ..
وکل مره...ابو يزن يأجل بلجواب..

اعرف انتي من سنتين مخطوبه...ومصار قسمه
بس ليش متنطين جواب...

خجلت من كلامه...جريئه..بكل حرف..وكلمه
صريح...حد التعب
ماعرفت اجاوبه....وهو مستمر يتكلم..

-أني اتمنى اسمعها منج..لأن اني مااخوف
مثل مشوفيني...وأوعدج....اذا وافقتي
رح اخليچ تحبیني...
وتموتين عليه....
ومثل ماكالو اهلنا....العافيه تداريج

شدكولين...

حسيته مغرور...بس شفته يبتسم
عرفت همات ديريد يستفزني....جاوبته..

-ومنو كال اني اخاف...اصلآ انی مااخاف‌ منك
ولا حذره من عندك...وكد كلمتي..
اني مااخاف...

شفته يبسم مره ثالثه مدري رابعه...وهو يكول

-معناها موافقه...ونكول مبروك
جاي اجاوبه وصلنا للبيت...وهو نزل ..
اجى بابا..فتح الباب الي...

-شلونج بنتي...ياسر عنده چانت شغله..بجامعه
وکتله یوصلچ لآن سیارتي عطلت..
أقترب ياسر..وهو يكل البابا...

-عمي انت صعبتها عليه...وتاجل

وبنتك ادكول اني كدها....بعد تلث ايام
تجي الوالده..

جاوبته...بعصبيه

-لا شنو تلث أيام...اندار على بابا...

-عمي يومين بعد.. حرك كلبي...وهو يبتسم
وجه الجامد.. الحدي.
الي مابي أي معنى...كتله

-شنو يومين ابكيفك...سلم على بابا...

-ماشي عمي...الباجر..يجون اهلي
وانتم حددو الموعد
وذا أزل تكلمت بعد أخليهم اليوم يجون..
وارتاح..
ضحك بابا..واني دخلت متعصبه..من هل مستفز
المغرور...
-شنو بابا مااقبل؟؟