رواية خبايا الروح الفصل الثالث عشر 13 - بقلم نازك الحمراني

❤مسائكم مسرات❤
....نازك الحمراني....
...خبايا الروح
....

‏ربما حان الوقت أن عترف بأني فشلت في الإحتفاظ بحبي لك
واعترف اني خسرت اكبر امل أحبه فيك
ألأ أنني لم أنسى ايامنا ولا عشقنا
لأني ‏كنت أظن انك عاشقي..
لكن ألظن أثم يحاسب عليه الله

رنيت على رقم عمر واجاني صوته كل كياني تزلزل نفس الصوت أريده واحبه ضايج والوحيده اني اعرف اذا عمر ضايج جاوب

-ألوووووو منو حضرتكم...ممكن أجاوبون
حسرتني الدمعه عمر معرفني....وهو مره عرف حتى صوت تنفسي.. رجع گال

""آتفضلو شنو هل أزعاج...يمه صوت أبنيه د ادكله بدلع
-أغلقه عيني لا تعب روحك ناس فاضيه

وكع الفون من أيدي صوته عمر لسى...الو "الو ألووووو
دخلت ماما باوعت الها شلون خایفه عليه

كعدت يمي تحضني بعدتها .الملم جسمي
كعدت عل كرسي مقابيلي حضة رجليه

گالت ماما

-شکو آزل مو ستوچ زینه...لیش بنتي
..عيوني ألها والحركه أبگلبي بقیت منزله راسی وحاچیها

-ماما أشكد اني چنت مریضه عمر وينه..دنكت راسها

-عمر..
-أي ماما عمر وينه وشكد اني صار مريضه

-ماما أنتي مريضه من تسع أشهر...وربج هسه خلى شفائچ بیه سبب الچ
یعني الباقي ماعاد مهم صحتچ من الدنیا
تعديتي الاكبر...الباقي يهون

-ماما "عمر"وينه...جانت كاعد على السرير...نهضت تقربت مني ايدها على متني

-بنتي عمر الله يخلي فسخ العقد أو بمعنى والدته أجتي
بيدها أوراق الطلاق لأن عمر چان مریض

التوتر أجاني واني اهز جسمي....مامصدكه عمر يطلكني

-ماما مو چان آقل من آسبوع آلزواجنا‌
هو يحبني ميسويها جهز الغرفه وكلشي
کیف یترکني
عمر لسى يحبني هسه مز أرجع للدوام
أحچي وياه..

اي هو كل يوم مينام اله على صوتي..

لازم أعرف سبب تركه اليه
نزلت رجلي من السرير وكفت اتلمس كف ماما..

-عمر يحبني وانتي تعرفين ماما شلون حارب أهله...وناسه الأجلي
عمر الي سافر الأيران لحتى يشوفني
عمر الي ضرب اصدقائه..
لان طخوني بطوبه
عمر...الي وازني وزن وي روحه....
عمر الي عاند والدته الاجلي...
عمر..الي يكلي جميلتي..
ماممكن يتركني بسهوله....

مو ماما
گولي مو

باچر رح آداوم
أي ماما
وأكلمه وسولف اله وعاتبه ليش تركني واني مربضه ..أدموع ماما تنزل...تبجي عليه

-لا ماداومين...لأن العطله هسه..راحت سنه عليج
وهسه انتي ترجع صحتج وكلشي تردي يجرالج..
تركتني وطلعت..
اخذت المخده...وحبست وجهي بيها واني أصرخ
چان بینی وبین الجنون شعره...
عمر ماقطعها
ذكرياتي وي عمر وازنتني...
اشلون يهجرني شلون يطلكني

انفتح باب غرفتي دخل يزن يكعد يمي.يمسد ظهري...يريد يبعد المخده من وجهي

-خيتي أرحمي نفسچ البچي شيسوي..
ماانريد نحكم عليه هسه...
لأن الولد صديقي واعرف السواه تحت ضغط أهله

واعرفچ دموعچ علی خطیبچ‌ بس هسه
خيتي كومي أخذج للطبيب...
عندج تحاليل..هواي

وخرت المخده من وجهي...همست بيأس

-ميخالف حبدل ...طلع وعافني كمت أبدلت حلوه من رجعت الواقعي ونتهى كولشي

بس بدى وجع أكبر شوقي العمر وحبي
تمنيت أرجع الجنوني...
ارجع الأثر السحر...
لان جنت بلا احساس ولا مشاعر
هسن رجعلي أحساسي...والأحساس يوجع

طلعت للصاله شفت بابا دي يسولف وي عمو بو ياسر
سلمت عليهم.....
وجع الحبيب يغز گلبي...
تحس حتى السلام صعب..شكد چنت احب اتلاطف وي عمو ابو ياسر هسه مالي خولك

اخذني يزن بيده فت باب السياره...
كعدت وراه......هو وغدير يضحكون كعدت يمه

من كد وجع گلبي أضغط بأيدي على مقعد السياره صلب
تذكرت سيارة عمر...الجيب چانت مريحه
كراسيها ..تكلمت بصوت مسموع وبچي

-يزن سيارتك توجع مقاعدها..سيارة عمر مريحه...
محلو السايبه مال بابا توجع...تنهد ساكت

واني افكر بكلشي يخص عمر
حتى السيارات يذكرني بيه.....گال

-باذن الله ابدلها بسياره مقاعدها مريحه بس ادعولي استلم سلفه اول واحد..
مجاوبت بس سألته

-يزن تفتكر أكدر أنسى وأنسى أحلامي وياه....جاوبني بحسره

-أنتي كدها خيتي وأني معاج...
تباوعت للشارع طول الطريق
...اتذكر...
كلامه..
وغزله..وامسح دموعي

نزلنا للعياده كعدت بلمختبر مديت أيدي الممرضه تاخذ دم مني...
تذكرت عمر بيوم تحاليل من حضني بحنان ...لحتى ماأخاف من الابره

رفعت راسي يمي يزن غدير تبسمت كذب

أشلون انسى حبنا بسهوله...
كاعده عل كرسي..
منتظره النتيجه مال تحاليل....
اخذنا يزن...للسونار...
واني أتمنى الموت ياخذني

كل خطوه أصير كدامي....
ذكرياتي وي عمر تسبق خطواتي

اسمع للدكتوره...تشرح حالتي..

-فقر دم"جفاف"التهاب بلعظام"ضعف عام..
أخذنا هواي علاج.....
ورجعنا للبيت...
دخلت الغرفتي...ودخل حزني معاي

اريد أشمر علاكة العلاج...
بس أنتبهت الوجهي بلمرايه
چان جلد وعظم....
هالات سود قويه
الون أصفر شاحب...
عيوني شاحبات...هيچ آني صايره چني زومبي

قررت أبدي بعلاجي...
لحتى أرجع النفسي
أرجع الصحتي..
وكلي أمل انو الكى عمر منتظرني..
...................................ء

مرت الايام والاسابيع والاشهر خامس شهر
صلر أصعب من الصعب..
أخاف من الظلمه...أخاف من الصوت العالي
صدمتي بعمر اصبر روحي أنو أشوفه...في يوم..
بس من أصحى...وترجعلي صحتي..اروح له

الفون مالته من أرن...تطلع أبنيه...
ألى أن أنغلق الرقم نهائيآ.....
ياسر...
وعمو ابو ياسر كثرت زياراتهم ألنا..
واني كلما يجون أتهرب.....
لأن غدير كالتلي أنو أني حركت ياسر بجكاره بايده..
والحرك التهب لأن مدخلتها كلش بيده

وكالتلي مرتين أتقيئت عليه...وخرمشته
.وفوك كل سوالفي وهو ديساعدني...
تمنيت اشكره واعتذر...

بس ماكدرت
لأن أغلب تفكيري...بعمر...وكيف ارجع الطبيعتي الأجله
الاجل يشوفني...أزل حبيبته...

.............ء
بدى دوام الجامعه كعدت ألصبح أجهز نفسي للدوام...
قميص أبيض مخصر...بستره رصاصيه مخصره
تنوره رصاصي شال أسود جنطه سوده..
كعب سلو اسود..
مكياج خفيف كحل لحتى تبرز لون عيوني
أي لاينر للجفون.....
قلم لشفافي لون بنك..هادىء
رشيت عطر..جادو اخر عطر جابه الي عمر...
كعدت بلمطبخ أتريك مستعجله...
لازم أشوف عمر
وأعرف هو يحبني....
غدير أجتي بيدها الصينيه...
جانت تتريك وي يزن...بقينا ندردش

طلعنا ركبت السياره...
والفكس بيدي...فرحانه رح أشوفه
رح يرجعلي عمر
رح يرجع الي ناقصني...ويكملني

عيوني الشارعهم البي بيه بيتهم...
سمعت ركو من من اشهر كثيره
هذا العرفته من يزن.....
أنو رجعو المنطقتهم الي اجوي منها...
دخلت للجامعه....

واني واثقه بحبنا
أول محاضره عدت....
ورحت ألكلية الطب..أدور عمر
مالكيته....
ماجان عندي جرئه اسئل أصدقائه..

بقيت كل يوم أداوم...
وأدوره بين الطلبه...
شهر هو ماكو
مااعرف فص ملح...وذاب...

بيومها أني وغدير رجعنا للبيت...بسيارة اجره
لأن يزن طلع تعينه هندسة نفط...
عنده أيفاد للبصره ومحد ياخذنا
بابا تاخر علينا..

من نزلنا من السياره
لكيت بابا متخربط وكاعد بسياره..
ركضنا عليه..
چان متخربط...مااعرفت آشبیه...صحت بصوت

-روحي غدير صيحي شهد..خل ناخذ بابا للطبيب..
راحت واني كاعده بسياره..
أدلك صدر بابا...وخايفه..وكله بجي

-أبو يزن أكعد...لا تسلم نفسك للغيبوبه افتح عيونك بابا أبچي عليه واحجي
اريده يكعد...

واني أشوف راسه منحني الصدره

بابا أكعد ابو يزن...اجى شهد اخوي اجرنا تكسي
واني وياه...
سندنا بابا...وخذنا للمستشفى..
طول الطريق أدلك بيه وصلنا بخوف

شهد يبجي...كعدنا عسرير يمه...
منا لمن اجى الدكتور...
واخذوه بسرير ثاني يعالجو...
حسيت بهل لحظه بضعف.....
محد يمي..
والدتي عند خالتي مريضه
يزن مسافر..

شهد أخوي ايده على عيونه يبچي..
تمنيت عمر يمي يساعدني...
اتصل على غدير كتلها

-اريد واحد وياي...ردت

- رح يجون اخواني قتيبه..ومجد

-اي عفيه بسرعه

بقينا نفتر بردهه....محد أجى...
أخذت تلفون أخوي شهد....

لأن ردهت بابا كلها رياجيل....
كلبت الأسماء
عمو أبو ياسر....اتصلت واني أرجف متوتره هو صاحبه خلاص

چان الصوت مو عمو آبو یاسر...صوت ثاني..
تردد وانفاسي ترجف...حسيت وصلت له..وهو يكول

-اهلا...اذا ردتو الوالد...فا الفون مالته عندي...
نفس الصوت الخشن غلقته هذا أبو مناظر
المرعب رجع رن...فتحته..

-أبني شهد محتاج شي...ولا غلطان..رديت عليه..

-أني"أني....صوت حشرجه..وراها كال

-أنتي أزل كالها وهو يزفر بأريحيه...تفضلي
أذا محتاجه شي.....هل كلمه صارت صعبه محتاجه
نزلت آدموعي...وبنشغه...
اي البنيه..
اذا ابوها مو يمها تحتاج...جاوبته

-أي بابا تعبان واني وحدي...اريد عمو أبو ياسر..
ثانيه وحده سكت..مثل المنتظر اكمل لحتى يتكلم

-عنوان المستشفى اريده جاي الكم..نطيته العنوان
كعدت علكرسي...
اتصل بغدير...ماعاد جاوبت...
بابا مريض...
العصا الي عليها أستند بهل دنيا..ابوي..

غطيت وجهي بأيدي اشهك أدعي
..ياربي.مابيه حيل
مااتحمل صدمه لاخ...
ربي ساعدني
والله موكد الي ديصير بيه...ياربي...
حظنت اخوي شهد...تمنيت احد يمي يساعدني
عشر دقائق..فاتت على اتصالي

واشوف ياسر..طوله الي هو اطول من هوسة الناس
مثل الي جنت بغربه...
ولكيت صديق..
اي لان وحدي...شهد يبجي...
بوسط الدموع ماانتبهت علیه زین‌...آقترب مني
ومناظره..الي ما نزعهن

-السلام عليكم.....رديت مستحيه منه..
-وعليكم السلام...هسه يجي عمو أبو قتيبه..وهمات ولده
ليش تعبت روحك...اخي
حجيت منزله عيوني... أيده قريبه عليه
لأن اني كاعده وهو واكف....من ذكرت ولد عمي..
چانت راحت ایده مفتوحه صم چف آیده بقوه...ضاغطها
وهو یجاوبني..

-ماكو داعي يجون...اني هيات هنا.....خلى ايده
على راس أخوي شهد وهو يوصي...

-ديربالك على اختك أكعد يمها...رايح للدكتور..
راح واحنا بقينا منتظرين...دقايق
رجع وجه ميتفسر.....وهو يكلنا..

-تعالو شوفو الوالد وخل ارجعكم للبيت تبعنا للغرفه..
شفت بابا..ممدد على السرير..بحلكه مال اوكسجين
بايده مغذي...
شافنه رفع ايده...يطمئنه...كعدت يمه
ابجي...وحاظنه ايده..

-ابو يزن اشبيك...وين القوي.. الي بنته قويه بيه..
رفع ايده كوه...يمسح دمعتي...
الممرضه اجتي كالت موزين تبجون يمه..
طلعنا....وياسر ياخذنا السيارته...طول الطريق أبجي
وكف السياره....نزل اشوي وجاب بيده علاكه....
طلع ابطال مي...وعصاير...اخذت البطل منه..

-شكرآ اخي...بس شنو بيه بابا جاوب

-جلطه ثانيه...هسه يسيطرون عليها..لاتخافين
اخوج يزن اتصلت عليه رح يجي بعد ساعه..
هسه والدج مو وحده وصل يمه والدي....
والعصر همات أشوفه....بلكن بليل يطلع..او بكره...

وصلنا للبيت...دخلتأبچی...القولون هاج علیه..
الآلم بکل مکان‌‌....بابا مريض...عمر مختفي..

..................ء
مرت هل يومين جدا صعبه طلع بابا...
وجان ودي اشكر من ياسر...
بس هو جان محدود بلكلام....مغرور بتصرفه
كلشي يسوي بسكوت وذا تكلم..حد كلمتين
مناظره...
وجكارته...
مايفاركهن...اله القليل...

هل شي خلاني...اتصرف مثل مايتصرف معاي..

بيومها اجرنا خط للكليه....دخلت شفت عمر يم حديقة الجامعه
العالم وكف هل الحظه
تأملته...
وكلبي يخفك
خليت ايدي...على صدري
أريده يهداء گلبي
احساسي مثل الشخص الي رجع من الموت..
هو هذا الي صار بيه وجربته
رجعت من الموت !!!
هذا حالي حالتي شكلاً و تفصيلا ً ...
ميته وانفاس عمر يمي
عميه هو چان ضوه عيوني
خرسه واني فقدته
آي فقدت صوته العذب
الي جان يداعب اذني كل يوم ولمدت شهركامل
هي طول فترة الخطوبه....
جان صوته دوه الي

رغم مرت ايام وشهور بعيد عني
بس حتى أبمرضي"وبحالتي
جان هو بين خلايا عقلي ..
يجري بعروقي مجرى الدم !!
اشكد اعشقه و شكد أبغض عشقي له لأن تعبني !!
حتى بعد شهور من فراكه..
مازال صوته باذني....وكلمته الاحبه

أزل مالج علاقه ماما..
أني أحبج وماأتركج.... ..ا

اقتربت منه الصوت راد يخوني...
صرت بوراه ظهره
شعره السبل أنظرله...همست له

-عمر...عمر...اشوي عليت صوتي
عمررر..اندار عليه متفاجاء مثلي...عيونه بيهن دمعه..ارموشه تبللن

-ازل حبي...وينج...
-انت وينك...
-لچ احبچ...
-واني اموت عليك...

اخذني من ايدي اتبعه فرحانه عمر مطلكني
شلون يطلكني....
اخذني السيارته...
فتح الباب اليه
كعد
وكعدت يتامل وجهي بيده..ويمشيها براحه
واني مغمضه عيوني مشتاقه له...كال

-حبي مو بيدي الي صار..تدرين حاربت الدنيا علمودج
وماتخليت عنج...عاندت ماما...

من تمرضتي جبتلج أفضل دكتور يعالجج..
وكان جوابه...
انو حالتچ صفر...
ماترکتچ..
قسم بالله...
اجیتج...
وکعدت یمچ...
خرمشتي وچهي..
لو مايدخل والدج
جان شوهتنيي..ضحك وبقيت منطلقه فرحانه

جر ايدي يبوسها طلعت حلقته من جنطتي
اريد البسها له....
واني اجر ايده...
شفت حلقه غير حلقتي.....
عيوني تابعه..
ادموعي نزلن...
نفسي يصعد وينزل..همست اله

-شنو هاي عمر...اريد اسكت مااكدر..بس اسمعه يكول

-حبي والله جبتلج دكتور الماني..صديق بابا..
ومفاد...
اخر روحه رحت الج ضربتيني بتحفيه
جانت عاج قويه...
اجتي بطرف عيوني..
لو ماداير جان انعميت....

أخذوني للدكتور... اربع خياطات براسي
وتأثر اشوي...
من عصب العين...اهلي خافو عليه
سفروني للأردن...
عالجت عيوني هناك...
تكأبت علمود فراكج خليتهم يرجعوني للعراق..
لأن ردتج الج..

اتصل عليج....
تصيحين أكرهك...
واني وي كل كلمه اكرهك ادكوليها..
ابچیچ
وابچي...
كل يوم اروح يم يزن...
يسولف عنج..
وابچي يمه عليچ....

عرف والدي بيه وشاف وضعي...
سحبني من يزن
رجعنا المنطقتنا...وغيرنا بيتنا لان حبج جنني...وانتقلنا بلكن انساج...
والدي...اصر عليه أزوج لارا...

الي بقت يمي...من ابجي عليج تصبرني..
ساعدتني...

شفت اهلي تعبانين عليه
قبلت ابلارا وزوجتها
والله خلال اربع اشهر بس مرتين قربتلها
وحملت

ازل احبچ الچ...
باوعت له...وبقوه..

-يعني خلاص ازوجت...وهسه زوجتك حامل...
وتريدني اصدك حبك
عمر دمرتني انتي..
روح الله يسامحك....
فتحت باب السياره

خطواتي ثكيله...اريد اندل دربي
من الدموع..
اريد اعزي نفسي...
بموت حبيبي..
أي من هل لحظه اعتبره ميت.....
مزوج وعنده...طفل....

خطوات عمر وراي وصوته...

-أزل جميله عمر...ايقونة روحي..
ظروف حبي...اصبري...انداريت له

ورفعت اصبعي قويت نفسي واني اذكر كلام بابا...
أياك أياك تحجي بأسم الحب...

الحب عندك ظروف تنهيه
اني عندي ظرف تحييه..
الحب عندك سبب...
اني الحب عندي موقف....

اتركني عمر ولا تتبعني واعتبرك من هل لحظه ميت

صار كدامي والطلاب انتبهو...كال

-اطلكها الأجلج ماريدها.....ضحكت بوسط الحزن...

-روح عمر...خليني أحترم...ذكرى حبنا...
لا تسقطه وتنهي بعيني...
روح وربي يوفقك زوجتك مالها ذنب..
ولا طفلك مذنب
نزعت الحلقه مالتي....جريت ايده
وخليتها براحته

-هاي چانت تربطنا..ومحاوطتنا بوسطتها..‌
هسه هي يمك...تريد ترميها..تحتفظ بيها

-لا ازل معقول تنسين حبنا..ازل

-وليش معقول مو هيات انت زوجة

-أحبچ ازل لاتحاچیني مثل واحد غريب

صوتي صار عالي وكأن صرنا غرب على بعض من صدك

-روح عمر لا تتعرضلي بعد انت بطريق...
واني بطريق...

اختبار الحب...
والزواج سقطت بيه...
فلا تسقط اكثر...بچى مستند على سيارته

واني فتت اطلب تكسي...
شفت يزن...جاي اركب
غدير لحكتني تشوف عمر..

-شكو ازل شنو صار....انداريت العمر...وهو مستند
ويلعب بلحلقه بيده...ويمسح دمعه..
مااريد أضعف...
ركبت...بصدر غدير....وهي تسال

-شلونك حبي....شعجب اجيت هسه....
واني اردد بالي..
هو هذا الحب بس وجع
تمنيته وردي مثل مااريده
بيه معجزات مثل مااريده......
بس شفته مو هيج....

طول عمري تمنيت أعيش قصة حب
تستمر اشهر وتنتهي بالزواج
واعيش وي حبيي بسعادة للأبد...
شكد غبيه اني.

السعادة شي غالي
والأبد وقت طويل كلش.......
هذا الحب الي عشته حب كله الم ....
حبٌ قتل قلبي.....

بينت روحي قويه اول مادخلت بيتنا

واشوف السفره ممدوده
عمي ابو ياسر زوجته...
بابا"ماما
ديتغدون سلمت عليهم

-شلونكم جميعااااات اروح اغسل واجيكم
خليت كتبي علقنفه...رحت للمغسله اغسل
فتحت الحنفيه صوت وراي المغسله...

-شلونك أزل.
#يتبع
............