رواية خبايا الروح الفصل السابع 7 - بقلم نازك الحمراني

الجزء السادس❤مسائكم محبه❤

..........نازك الحمراني...

أغمى عليه بس بدوخه قويه او اول مره  بدت تجيني حالات دوخه بلا سبب ماعرفة ليش

يجوز هاي ثاني مره رغم اقوى
بس لان من طفت الكهرباء

چان بيدي الماسحه حسيت صوت من بعيد يصيح بأسمي..أزل،أزل،أزل

خفت من بحة الصوت
جيت أركض أروح الماما لأن بيدها لايت
والضوه حينقذني من الصوت

اجتني الدوخه والأرضيه مبلله عثرت وكعت

مااكعدت اله وشي حار يوكع من راسي
فتحت عيوني
اني بسياره وراسي بحضن بابا حاولت أكوم مكدرت

وصلنا المكان مثل عماره 
اوشقق قريت عل بوست فوك اسم عياده الزهور..نزلني بابا يسندني..

يزن تراكه الصحراوي متلف دم.....بين دوختي خفت عليه...كوه حركت أشفافي

-منو وياك يزن اشو دم....صوت الخشن وراي أتكلم

-ابو يزن خل ندخل هنا هيات صديقي
....ماانتبهت عليه زين

الدوخه رجعتلي...وتمشينا داخل العياده..
ممر طويل فارغ....

وابو صوت الخشن بيده الفون يخابر
ونبرة العصبيه الأمره

-يله استعجل احنا دخلنا مو كتلي بعدك فاتح عيادتك
شنو خمس دقائق البنيه دا تنزف...عجل

تلمست راسي.الي بابا ضاغط بقطعة قماش على جبهتي اول مو صلنا يم الكراسي المجمعات...كعدني بابا

واجى شاب يركض وهو يفتح باب غرفه يمنا

دخلنا وراه وتمددت على السرير..
والولد الي دخل طلع هو طبيب وهو يحضر الابره والخيط

بابا ضاغط على أيدي....وايده ترجف خايف عليه..

يزن كاعد يباع الي بحزن.....وارد افتح عيوني عل واكف مقابيلي متكتف....شفت ضخامته

مثل الغيبوبه اجتني بسب الألم براسي غمضت عيوني

وعيت ولكيت نفسي بيتنا.....وراسي ثكيل ملفوف..

دخلت غدير ضايجه...كعدت يمي ع سرير

-شلونك أزل...ربج ستر...وج وكعتي عل حافة كاشيه حاده
زين ماصار بيج رضه غير تنتبهين

-اني وكعت معقوله ي أذكر دخت...لا لا ريحة تخنك أبخشمي اجتي

بعدها دخت وكعت الوجع قوي
صرخت
وشفت يزن بيه دم وينه احجي اخوي يزن ملابسه متلفه دم....

لزمت متني ترجعني للمخده

-لج هذا دمج ركض عليج...لأن من صرختي
همزين اجتي الكهرباء...وصديق والدج جان قريب عليج

من عثرتي هو سندج....وتعرفين يزن يغار
.اجى ركض..ديشيلج وتلف هو وصديق والداج

وهسه ارتاحي حججيب الجدول مالتج ومالتي...
طلعت غدير من يمي..وبقيت نايمه للعصر...
تنفرزت من ملابسي...
كمت فتحت كنتوري..تلمست زي هندي...

لون بنفسجي
صفنت عليه.عمر يحب هل لون عليه..دفعته
طلعت الثاني لونه فستقي...جريته وردت اشكه...
لا لزم البسه...مااتهرب....اي اعاند روحي لازم البس الفستقي...
وذا هل لون يذكرني بعمر بس  اني قويه
....واقوي نفسي

اقوي روحي من حبي له....ألي ديزيد مينقص
وخطواتي للحمام دخلت اغسل....من الدم. ريحته اذتني....بدلت رشيت عطر قوي..

مااعرف هل فتره العطور...الكريهه بخشمي...
طلعت من الحمام رغم ريحة الشامبو بس سى العطر المقرف بخشمي

هوى لفحني  كلبي خفك مثل الخايفه
سمعت بصاله مالتنا صوت أم عمر.....
كلبي زادت ضرباته ودي ادخل

ايدي على ضلوعي أسكت گلبي
حتى الصوت والدته...
هل كلب يحن له

ارتجيت على حايط ودموعي خذلني...
مااعرف احساس اجاني هو قريب.....

اخذتني رجلي بتهور طلعت للطرمه....

رحت الباب الكراج فتحت الباب شوي...
ماكذبني حساس كلبي....أنو عمر قريب عني
هنا تلمست"
وصدقت"
وأيقنت"
بأن قلوب المحبين صادقه.....هذا عمر كاعد داخل السياره
من نفتح باب بيتنا رأسن
رفع راسه وفتح عيونه بفرح....

جفلت منه
وسديت الباب ونتجيت عليه....
مااريد اضعف وعدت بابا....صوته وهو يهمس..
من ورى الباب...حتى بحزني..اتفشل كدامه...كال

-اعرفج واكفه ورى الباب..اثر رجلج ضاهر....
حرام عليج ازل ماجنت طمعان بشي منج....

مجرد نظره ابتسامه تكفي..منج
جاي تعذبيني...

شنو الي بدر مني شلون صرتي

أزل"ازل"ازل..

يردد اسمي برجاء مرهق
شي بداخلي فرح ابتسمت....وفرحت ...
يحبني
ألساني يردد أي مو يلعب...يحبني

دخلت للبيت اخذت فون ماما....

رنيت على غدير أنتظرتها....اشوي واجتي
دخلت الغرفتي متلهفه...

-شونك ازل بشري ظل بالي عليج محتاجه اسوي شي الج....صميت حلكها بيدي. ..

-اسكتي لج....يحبني والله...
عمر يحبني...
كامت من يمي رافعه حاجب...

-اي بله شلون عرفتي...وانتي مطالعه

-لج شفته يم بابانا واكف منتظر...والدته...
كعدت يمي

وهي تضرب خدها...
-عزا وشلون حجيتو.....

-لج من ورى الباب كلي شلون صحتج....

تقربت غدير تتلمس خدي....

-لا ممصخنه ابد....يعني من واحد يسأل شخص مريض ويكله شلون صحتك يعني يحبه...

كمت الها ..
-ولج احساسي...خلاص بعد عرفت...يااختي فرحيني

-ماافرحج...شفتي والدته...والفروق الطبقيه
احنا مو بعالم القصص...الامير يزوج الفقيره...
انتي هنا بلواقع......وكلمن ياخذ ثوبه....بعدتها عني..

-وانتي ليش مجلبه اليزن.....وأنتم همات اغنى..
واخوي لساته مامتخرج....تقربت مني

-شوفي أزل اني ويزن...حب طفوله هو واثق مني
واني واثقه من عنده يحبني....
وثانيآ هو ابن عمي....

يعني مااهتم الحجي ماما..
بابا يحب يزن...فاهمه....انتي مجرد دخولنا البيتهم
بنت خاله
وحتى والدته....اذوج وجرحوج بلكلام..
ولو ماعيب جان رديت عليهن...وعلى عنجهيتهن

تركتني وطلعت.....واني بعالم كلامها الواقعي...
بس صوت داخلي يكلي مااتخلى عنه
بقيت اراجع بدروسي.....دخل بابا شوي طمن عليه
تمددت على السرير  فرحانه..وطايره
مجرد كم كلمه منه...رجعتني للحياة...

يجوز من يكلي احبج....مااعرف شيصير بيه..نمت
وكعدت الصبح احضر نفسي...للدوام
لبست ملابسي وشلت الفاف...لأن اذاني بقيت بلاصق والقطن
لحتى ارتب ربطة راسي
طلعت من الغرفه...بوجي للمطبخ
بابا وماما ويزن....ديتريكون....جاوب بابا

-وين بنتي روحي ارتاحي اخذت لج
...اجازه تلث ايام
تقربت منه بست خده..

-بابا هاي بكلوريا...اليوم الواحد يأثر...وثانيآ ضوجه
يزن رفع راسه وبيده كوب الجاي...

-يعني علمود البكلوريا لو ضوجين...نطقها وهو يغورني.....

غمزت له واني أستخدم طريقته بعد ماكعدت يم الكرسي مالته

-لا حبي يزن والله غدير خطيه
دا دكول ضوجه وحدها..
جان جاي يشرب جايه......شرك وظل يسعل
مديت ايدي....مسحت ظهره..

-لا خويه مو هيج...قابل ذكرت الأميره ديانا وتشرك
أندار وهو يخنزر عليه....

-بنت عمج هاي أزل.....نهض...واخذ كتبه والفون مالته
-يله اترخص.....اندار عليه الله يعين الي ياخذج....
هذا والدته ادعي عليه...

كرص خدي..
ضحكنا  طلع من يمنا....
لأن بابا وماما يدرون بيه يريد غدير...
والي من طلع يزن....هي اشوي ودخلت...

شربت كوب الحليب وعلاجي....وسلمت وطلعت
بطريق...سولفتلها شسويت بيزن....وهي ضاجت مني
واني اضحك ....
وصلنا للمدرسه....والدوام....والدروس كوه كملت
لأن الوجع براسي...وصوت البنات تأذيت...
نطونا جدول الأمتحانات الاخيره....
بعد ماطلع دخول غدير للبكلوريا....فرحت الها
لان رح نكون اني وياها....همات بلكليه....

طلعنا من المدرسه....وعيني للشارع مال عمر...
اي سميته شارع عمر....
وطريق عمر....
وهوى عمر....

لأن مكان بيتهم هذا
طلع من الفرع.... بيده كتبه يمشي بشكل سريع...متأخر
واني اتأمله كيف الطالبات ينظرله....احترك كلبي
بس هو ولا مهتم...
يمشي وجه ينظرلي
ودي اقترب منه وأرزله ليش يتكشخ زايد
أقترب من الرصيف الي دا امشي عليه...

وعيونه تتامل عيوني يرفع ايده يرتب شعره
دنكت خجلانه.....اقترب من عندي....

-اهلا بأيقونة الطالبات.....جميلة عمر شلونها
ابتعد مدنك راسه.....واني الي بغير دنيا..
لو ماصوت هل غدير....

-اكلج انتي سارحه وهو يضحك....لج اشبيكم
-اسكتي كلبي مدري اشبي....من اشوفه...
نظرتلي وچن ادکلي....اعرف وحاسه...
وصلنا للبيت....والدوخه براسي...مكدرت حتى انام

بين ماارتب غرفتي.....ورجعت أقرا دروسي...
رحت للصاله....امسح التلفزيون والمعرض...
رن فون ماما....بشاشه اسم أم عمر...شلته

-اهلا خاله تفضلي....اجاني صوت اميره.

-اهلا ازل شلونج....همزين أنتي جاوبتي..
لأن عمر موتني....يريد يحجي معاج....

-لا عفيه اميره....لا مااكدر.....صوت عمر..

-ليش متكدرين.....لج ماسك روحي عنج..
اكول تخلص السادس...واجي اخطب..
وانتي متكدرين....تحجين وياي....

-ها انت شلون تحجي هشكل غلقته...رجع اتصل
تركت فون ماما صامت....اي احبه..واموت عليه
بس وعدت بابا....وهو واثق بيه
.....................................

التهيت هل فتره كل جهدي للدراسه..
اشوف عمر

يجوز بينا بس نظرات..
ماخليت الموضوع يجاوز اكثر.....يتخلله كلمات بسيطه

برغم احبه......بس أرداتي أقوى....ونفسي عزيزه
مخليه بالي أذا حجي وياه  أو اوعده
...ارخص نفسي

فصارت هل فتره جدا صعبه والبيت داخل انذار...
لأن بابا نبه الكل....

محد يزعجني...
ولازم اتفرغ للدرسه
كلما اشتاق العمر....اقراء اكثر واجتهد
لأن عرفت من اميره....

لأرا خريجة معهد....
وهل شي شجعني....انو أتغلب عليها.....
بيومها اجتي ام عمر....يمنا
وهي فترة شهرين مابينت
فتعجبت لان اجتي... الفضول خلاني ادخل
لأن متوتره ومنتظره النتيجه...
راح يزن يجيبها من موقع انترنيت
بلكافيه القريب عل مطعم الي دي يشتغل بيه...
جنت كاعده على نار....
متأكده انجح لأن تعبت كلش... بس خايفه من المعدل
التوتر والخوف ضاهر عليه...حتى اليل مانمته ابد
من التفكير....ترخصت من ماما اروح البيت عمي
وبدخلتي البيت عمي ابو قتيبه..ارد اشوف غدير.....
دخلت الغرفتها..لكيتها كاعده اصلي
ومصفطه يم السجاده...قران...وكتاب دعاء..ومناجاة
كامت من السجود وهي تبجي.....

باوعت عليه وهي ضايجه....وتسبح...
-لج انتي حقج.....تفكرين بس بلمعدل..
اني اريد بس انجح....ماخليت دعاء ولا صلاة ماصليتها

اريد اضحك عليها...

-لج نعمه بالله بس الدعاء بلا قرايه شيسوي.
أنتي نهار كله وليل....صافنه على صورة يزن...
لج كلشي بوقته....

شالت سجادتها ترتب بيها..

-موبيدي أنتي مثل أخوج...رح تعلوني
اشلون تتحكمون بعواطفكم....تحبين عمر وتقرئين
لحتى أطلعين معدل قوي...

اخوج يوميه جان يباوعلي...من امتحن بكلوريا ماشفته
والكم العاطفه العندي مااكدر اتحكم بيها..علموني

جرتني من ايدي....انروح البيتنا ننتظر يزن...
ولكينا أم عمر....الي تحجي وي ماما جنها صديقتها..
وكل فتره تجي تكعد معاها وسوالف.....وضحك
بس من يوصل الموضوع يمي...تتغير

سلمت عليها جاي أطلع....دخل يزن وشكله ضايج
بيده نتائجنا...اني وغدير...
اجيت يم ماما خايفه....غدير كعدت عل كرسي تبجي..

-وحق الله ادري بروحي...اني كل صف سنتين..
لازم اعرس كل صف..مو نوب ألسادس اريد انجح گبل..

كامت  تتقرب منه...
-عفيه لا دكلي وجك ميطمن...واني متأكده
اذا ماطلعت واكعه برياضيات...والعربي..
هن ذن لو يشيلوهن من المنهج...انجح...
اجتي عمتي أم قتيبه.....متنرفزه

-ها بشر بله خل نشوف عتبتك...جاوبها بثقه وعيونه الغدير....وهو فرحان يجوز أكثر من أمها...

-مبروك غدير ناجحه ومعدلج سبعين...
ظلت صافنه عليه.....وفرحانه وهو فرحان الها
صفنتهم طولت وخفت تنبه زوجة عمي .
تقربت الغدير حظنتها...

-مبروك حبي غدير...تستاهلين...اندريت اليزن

-واني يزن بشر تقرب مني وايده على جتفي
والله يزن اذا معدل تسعين لادكلي
شردت الغرفتي وهو يلحكني...حضني

-لج سباعيه انتي واحد وتسعين حبيبه...
حققتي حلمنا كلنا......رجعت حظنت ماما
وهي فرحانه وهي تهلهل...
دخل والدي وهو يحظني ويبجي

-هذا تعبي....وهذا حصادي أموعه الي ملت عينه. هو وماما...حظنتهم اثنينهم

كعدنا ام عمر تقربت مني....وتهمس

-مبروك.....عاد تنفعين نفسج...طلعت
بس مانطيتها فرحتي.....بالي يم عمر شنو شأخذ
غدير باركتلي....هي وأمها وطلعت ام قتيبه ضايجه

بابا كعد يمي....وهو يمسح أدموعه كال

-شوفي بنتي....قبل فتره أنطونا مكافئه رسم خدمه
وجنت خاشهم الهذا اليوم...
من باجر اشتغل بجوزاج....انتي وخوانج وألدتج..
لحتى أروح سفره سياحيه الجبال أيران...
حظنته وفرحانه......
-صدك بابا...واخيرأ رج انسافر.....

...............ء
مرت الأيام بيتنا سعيده...والضحكه مافاركاتنا
والي زاد بفرحتي...عرفت من ماما وهي دتتصل
وجان اتصالها مع أم عمر....انو عمر مطلع طبيه..
يعني نفس الجامعه..
وواحنا دنجهز النفسنا للسفر.....أسمعت صوته
طلعت فرحانه...جان واكف يم بابا...همزين مو يزن
نزلت راسي  واكفه يم بابا لأن يسولف معاه
صوته عمر وهو مستمر بكلامه...

-مبروك على النجاح والمعدل....خبرني الوالد
ماكدرت اجاوبه...اله من جريت نفس..

-الله يبارك بيك...وانت همات....ماسمعته شكال
دخلت لان عرفت يريد يودع اهلي لان يريد يسافر

اخذت فون ماما...اخابر لو لا....
يرجع كلام بابا بأذني.وهو يكلي أنتي جوهرة ابو يزن

تركت الفون....اريد التهي بأي شي....مااتكلم معاه
اي هذا قراري واني كده....ومثل ما نصحني بابا..

ليحب يستميت الاجل محبوبه مايتكتف ينتظر القدر
لان الحب مثل الحرب...بلنسبه للرجال
يبين بيه الضعيف والقوي...
المهزوم والمنتصر....
يظهر بيه...الذكر...من الرجل..
لأن الرجل ميخلي اي ابنيه تسقط دمعتها..

جهزنا نفسنا...واحنا بلمنشاءه..انطلقنا الأيران..
الي تعتبر سياحيه اكثر من دينيه...
عيوني للنافذه....اتامل هل طبيعه الحلوه...
التعب أخذنا...وصلنا للفندق.....تمددنا دنرتاح

بعد مازرنا القبه الذهبيه....
وخلينا حوائجنا داخل الحضره....
اخذتنا السياره السياحيه....للبحر
وناس كاعده...وناس متمدده على تراب..

اشياء اشوفهن بتلفزيون....شفتهن قريب..
كعدنا اني وغدير
ويمنا يزن...وشهد
اما قتيبه ابن عمي...يفتر ورى البنات ويضحك
صاحتله والدته وراحو....
بقى بابا وماما وعمي....كاعدين على كراسي بعيده

كعدت العب برمل....واسمع صوت ...حبي
أنداريت ...وشفت عمر يركض بتجاهنا
الي اقترب علينا....وهو يسلم
وعيني تدرس تفاصيله الحلوه...
وجه من شمس احمر..
صدره من الركض يصعد وينزل...
مد ايده يصافح يزن....الي فرح من شافه..
واشرنا نكوم....نروح يم بابا....
جرتني غدير...ولو ماهيه يجوز ابقى كاعده..

-شفتي يزن كومنا هسه شمسوين...واحنا دنتمشى
واحد شمر كرة قدم...ضربت ظهري...
انداريت واشوف عمر يركض وهو يصيح عل ولد
الي شمر الكرة عليه

......