رواية خبايا الروح الفصل الثامن 8 - بقلم نازك الحمراني

❤مسائكم رحمه❤
...نازك الحمراني....

اجتي الطوبه(كرة القدم) بظهري...عطت بوجع وانداريت
واشوف مجموعة شباب هم الي رموها...

چانو يضحكون بشبابيه ولاچنهم ضربوني
تعصبت بوجع من عدهم....
وهم يتغامزون...
وكفتهم مستفزه"ولبسهم مستفز......
لبسهم مجرد برمودات بحريه
بلا ملابس صدرهم عريان وسناسل تتحرك وي ركضهم

جيت أغلط بس من شفت لبسهم..تراجعت من عدهم مستحيه وخايفه لأن خمسه

عمرشافني متأذيه....
وشاف نظراتهم وضحكهم

ركض على ركضت يزن....
تقرب منهم وهو عصبي....زنخ واحد منهم...

بس والدي وعمي ادخلو بسرعه
لحتى متلاحظ العركه الشرطه الايرانيه.....

وعمر صاح عليهم..بعصبيه

-يويل عيب روحو منا هاي عرضكم..عود دصجمون...
اذيتوها للبينيه طيحان الحظ مالتكم لهنا جبتوه...
قسم بذات الله بس أرجع نتحاسب هناك

اخذتنا ماما اني وغدير.....وعمر لسى متعصب..
كعدنا يمها بلستراحه..

وبيه وجع بظهري ماما تخزر بيه تقربت مني وتتكلم بعتاب وياي...

-يجوز والدج "واخوج" وعمج ملاحظو
..بس اني
جاي أشوف توترج وعصبية هل عمر الي بلا معنى
كلامنا مو هسه....لمن نرجع..للعراق
بيج بخت مازوجة عمج هنا....چان آنتبهت

خجلت...وآثر ضربة الكرة سببلي ألم وجع اضافه عتاب ماما بس اني بالي يم عمر اول مره اشوفه عصبي

أباع شلون صك أسنانه....وايدي ضاغطه على بطل المي رغم اصواتهم من بعيد توصل الي...

اجى بابا ويزن وياهم عمر يسحب بيه يزن
ويهدي بيه كعدعمر على كرسي مقابيلي
يباوع وعرفت عصبيته علمودي..

يزن راح يجيب عصير من البارك....كاله

-لك عمر اول مره اشوفك هيج أكعد
بابا وعمي كعدو يمي مااكدر ارفع عيوني

....مجرد توتر يحيط بيه بابا يهداء بيه...

-ياابني ميصير هيج هم اعتذرو...يجوز ممتقصدين
عمر رفع راسه الوالدي...وهو يحاجي ويمسح وجهه بخجل..

-عمي مو ذول محسوبين عليه...جبتهم وياي وهاي ألكره ثكيله تأذي لأن چنت دا العب بيها..
نظره خاطفه اليه الوضع صار مشكوك بيه..
مو بس ماما حست...يزن أقترب وبيده بطل عصير
قدمه العمر....وهو ضايج

-برد كلبك عمر...لأن توترك ما أله اي سبب
أختي ترى
عيون عمر ألأيد يزن الي كامش البطل... لحظه له نهض من كرسيه بلا ميحجي......

بقيت كاتمه الألم...الى أن مسيطرت
بقيت أتلوى وايدي تريد توصل الظهري
......تقربت ماما من عندي

-بيج شي بنتي....ناخذج الدكتور....هزيت راسي لا..
غدير وكفتني.... تترخص من عدهم

-بابا عمو...عمه رح نصعد للفندق أني وأزل..

يزن اقترب من عدنا....وعيونه بيها ضوجه
الحظه ضجت شنو هيج يصرفون وياي
يزن كمش ايدي...يحسسني بذنب ماارتكبته
دفعت ايده ضايجه منهم...نترت

-شنو الي جاي يصير هنا ارید آفهم العيون اتجهت عليه
ماما تأشرلي بعيونها اسكت....

غدير تسحب بيه لحتى اروح للفندق
بابا دنك راسه يزن اقترب مني..واشوف عيونه حمر
وكاز اسنانه
-أكطعي الشر وصعدي....عيونه له...

-وذا مااكطعه خويه شيصير...أتمد ايدك عليه...

جاوبت غدير....
-لا ازل يزن ميسويها...تعالي خلينا نصعد...جاوبتها

-لا غدير اني بابا عمره ماباع بهيج نضره...
وذا اي شخص عنده حچي..تقرب بابا من عندي.

-بنتي أزل مو والدج الي يشك بيج.
..وعمره ميسويها
لأن أعرف شنو ربيت...ربيت ابنيه قويه
وعدها ثقه
ودليل وكفتج مقابيلنا بثقه
بلا توتر عفيه بنتي الماتغلط
جريت ايده بستها....
-خلاص بابا...انت واثقه ابنتك....هل شي يكفي

رحت اني وغدير...لأن ادري بابا رح يعاتب يزن
مااريد غدير اتشوف بابا من رح ينتقده..

واحنا بطريق الفندق...سمعت صوت عمر يسب وعصبي
وكفتني غدير...وهي تأشرلي..بيدها

-لچ ذاك عمر ضربه الابو الكرة......عيوني للصوت..

شفت عمر واكف وجه أحمر من الأعصاب..
وكدامه الشباب الأربعه....يرزل بيهم وهم مدنكين

الحظه خفت منه لويش يخافونه ذول
الولد
جريت غدير وهو ندار علينا مشى بسرعه بتجاهنا يحول ملامح وجه....من الغضب للفرح...اقترب

-شلون ظهرج...ترى مكدرت أسئلج..لأن يزن باوعتله مسيطره على مشاعري
اكطع كل امل مااريد يجيني حجي

كتله وناهيه كولشي
-لا تقترب عمر لا جيبلي شبهه...خليك بعيد عني..
ثانيآ انت شلون تجي بورانا منوو سمحلك

رتب شعره بأيده...هل حركه الي تخليني اراقب خصلاته السرحه كيف يرجعن وينزلن بترتيب هو مبتسم

-جميلة عمر...چان كلتي الكلبي العاشق...
الي ترك السويد....
وفتيات السويد...
وترك ساعة لندن..
وفتيات لندن......وغير مسار رحلته..واخذ جواز جديد
وترك كلشي ولأول مره يدخل ايران علمود هل زيتونيات ألي من يشوفهن يغرق بحشائش لونهن..

كلامه ماسامعه مثله أبد يجوز قاريته بلقصص
اسمع الكل حرف"وكل كلمه ينطقها....
چن‌سحربیه
سحر کلامه......
من شافني مندهشه بكلامه وفاتحه عيوني..بتعجب
من غزله الجريء....رد

-بس انتي مال ماسمحيلي أجي سفره سياحيه
ترى هاي واكفه....

لأن ماعرفت من شوكت اشتريتو هل أراضي...
وجهي صار نار"احمر"أخضر"كل الوان الطيف الشمسي

مااعرف لشوكت اظل اتفشل كدامه....
أني الي
الي كلي ثقه بكلامي وشخصيتي ...بس يم عمر
اصير غير شكل....

رجعت رفعت اصبع السبابه بوجه..
-عمر بعد عني....ولا تجي بوراي ومااسمحلك
جريت غدير واني اصيحها..

-يله تعالي خلينا ندخل للفندق المن واكفين مشيت بسرعه مثل الركض خطواتنا للمصعد...دست زر باب المصعدبتكرار
غدير دردم

-لج خبله المصعد رح يعطل...اجاني صوت عمر

-اي ياخويه كليلها لا يعطل المصعد...وهل ناس خطي
العجوز والي مكسر....شلون رح يصعدون..

انداريت اله....

-عزا المن جاي لك ليصدكون احنا بينا شي..
الله عليك روح منا رررررررروح شنو دسوي نجنيت رسمي

بس هل كلمه كالها وراح...

-يدلل الحلو...صعدنا للمصعد..جريت نفس
خفت لايشوفونا اهلي....غدير اجتي تحجي ...
اشرتلها بايدي...

-فدوه اسكتي خل استوعب الي ديصير
صدك
دخلنا للغرفه.....بقت غدير واكفه...

-ماما وقتيبه وين....لساتهم مارجعو
هسه من يجي بابا ويسأل شنو أنكله...
.................................ء

طول هل عشر ايام..احلى ايام واحلى سفره سياحيه
حاولت ماانطي مجال العمر...
الي بكل مكان وراي اشوفه...

حتى اجر مثل الباص مالنا هو وجماعته...
اي مكان نروح بيه نلكا كدامنا...
مااحتك بعدها بأهلي....مجرد سلام من بعيد

يزن وغدير.....

اخذو راحتهم بلحجي
لأن عمي ابو قتيبه وي بابا...وزوجته وقتيبه
ظلو يرحون وحدهم....حتى اخر روحه تعارك عمي
وصلت للنقاش الحاد بينه وبين...زوجته وقتيبه
الي يروحون الظهر...ويرجعون قبل المغرب...

الى أن ماما وبابا ....قنعو عمو ميخاف عليها
لأن ابنه قتيبه شاب وكبير...ليش يخاف عليها..
فسكت وتركها هي وقتيبها الراحتهم...

اخذنا الباص السياحي...الجبال نصعد
فد مسافه بسيطه....

نركض الزرع نوكف جوه الشلال احلى لحظات وثقناهن بصور

خلال هل يومين مشفت عمر..
وكفت على صخره عاليه....

اشم هوا الطبيعه.ريحة الجبل المنعشه..
والحشيش...

الي يحركه الهوى العالي....
ايدي على عيوني اريد عمر
اشتاقيت له كلش....

تمنيت بس اشوفه..
اعرف مااعدنا علاقة سوالف"وضحك"
بس
مجرد هل كلمات القليله الي نحجيهن من نتشاوف
احس كلمات...تعادل مجلادت من شعر الحب
نظراتنا من نلتقي صدفها...
بيها الف سؤال....
والف وجواب..

حبنا حددته اني...
وفق قانون بابا الي ربيت عليه
انو اني فتاة
اني خط احمر...الكل رجل...

بلا كلام"
ولا تلفون"
ولالقاء"
ولا موعد"..ينمو الحب

لأن اذا اكو خطوط حمر...معناها احترام لقانون الحب

اعاني بسب هل حب..شوقي العمر زاد منقص
اتمنيت اشوفه هل لحظه...
لحتى اطفي نار الأشتياق...

جنت ماده ايدي للهوى...مادتهن بحريه
واطول بروحي....

ماما هي وبابا ديسولفون
يزن وغدير يمي كلش بس الي يفصلني عنهم..تله
كعدو جواها....

تاملتهم وعيون الحب تسولف حبهم اكثر
نظراتهم البعض قبل شفافهم...

يضحكون بقيت فوك التل....تغطيه الهم...
درت وجهي...
شفت عمر وراي.....متكتف وصافن عليه
رتبت شالي لأن طلعت خصله من الشال.....

نظراتي له بعصبيه..وهو صافن على جزء من شعري
درت وجهي ناتره

-شكو دتباوع...حجيت على كد شوقي شنو وين اروح من عندك..

بثقه يقترب مني...ولساه متكتف

-ليش تنكرين...ترديني مثل مااريدج...بس كولي
ننجمع انشاء الله...

متمتت اشفافي...بكلام كوه طلعته

-اي بس ميصير هيج تتبعني يزن صديقك.

واني اخته
وأنت خبرتني قبل فتره..انوانو
جاوب وهو يبتسم

-انو انتي....اخت صديقي يعني عرضي....
ماانكر....
رح اراجع وقرارات.....
تعجبج وتعجبني..

أبتعد من عنده...طفرت الصخره واني ماسكه كلبي بيدي...
ورفعت راسي للسما ودعيت

-انشاء الله لبالي....مثل لبالك...انشاءالله
...............ء
رجعنا من سفرنا تونسنا بيها وهل مره رجعتنا بلقطار
اتلفت خاف عمر ويانا....ماكو....مجاي
ابن الزناكين يجي بيه لازم بقطار

وصلنا للبيت اول يوم ارتاحينا بيه..ثاني بدا الشغل
لان لكينا البيت مترب كلش..جانت عاصفه ترابيه....

واصل التراب حتى للصحون بلمطبخ
اشتغلنا ونظفنا رغم تونا راجعين
نكتت بسط واجى التراب بعيوني

حتى شعري اترب ركضت للمغسله اريد اغسل وجهي عيوني نملت تراب تحركني

جاي افتح الحنفيه اندك الباب بيتنا...
وجي كله تراب وبعدها بيدي مكناسه

رتبت العلاكه سوده على شعري...
وفوكها ربطه على راسي شديتها زين
لان شعري الطالع اترر
ماما ملتهيه.....
بابا ويزن مو هنا...
لازم اني افتحه

فتحت الباب ابسرعه لان هواي اندك..
وي فتحته اجى هوى دخل تراب الخشمي عطست من التراب رفعت ايدي الي لازمه بيها المكناسه

رفعت عيني شوف عمر...متفاجأ من الكائنه الواكفه يمه....جاوب

-سلامآ قولآ من رب رحيم....شنو هاي
واني اكول انتي الخليتيني احب
وانحب واعشق الحب وسيرة الحب
وانتي الشمس لنهاري...

وتالي ياحظك يعمر...وتالي
جاوبت بعصبيه...رافعه المكناسه

-اي وتالي شنو شرح دكول....أبتسم الي

-تالي ياجميلة عمر وتالي حلوه بكل ترابج
اقصد بكل حالاتج...

تذكرت شكلي طكيتها ركضه.....ورحت الماما جانت اسلفن اكل...كتلها بضوجه

-ماما عمر بلباب ليش دزيتيني...اندارت الي تضحك

-يا عزا شبي وجهج...خطي عمر اجى على الدولمه....
بس خوما نخرع اروح دا اشوفه

ماهتمت الي وطلعت اخذتله الجدريه....

اجتي غدير أساعدني جنت اباوع بوجهي بلمرايه
كله تراب حتى رموشي متربات...
وصخام من الطباخ بخدي

غدير شافتني تضحك بستفزاز...كالت

-لادكولين طلعتي هيج له هزيت راسي اي..
غسلت وجهي رحت الغرفتي معصبه
كعدت على الچربایه...

وهي وراي اجتي كعدت عل كرسي خلت رجل علی رجل ترفع حاجبها...وكاتمه ضحكه

-بعد أيسي مارح يخطبج...شوفي مستقبلج بنتي
الحياة كدامج...
علاكه"
صخام"
تراب"
كلبيه مال امج"مكناسه خدامه بنكلداشيه موهيج ...مسكين عمر

جريت المخده شمرتها عليها...

-حبي هو الخسران....ضحكت

-قصدج هو الربحان......دخلت ماما علينا تصيح

-تعالن ساعدني...يله....طلعنا كملنا شغل..
ماما متوتره كلش ترتب بلمطبخ
اقتربت منها..حضنتها من ورى....

-الحلو اشبي.....رفعت عيونها الي.. فرحانه..
بس وي الفرح شي ثاني.....كالت

-عمر من اخذتله الجدريه بلباب....كالي
خاله بلجمعه رح تجي الوالده...واتمنى توافقين

لأن الاعرفه من يزن انتي الج دور بكل قرار
واريدج واتمنى توافقين عليه زوج البنتج أزل

هذا حجي عمر يريدني اقنع يزن وابوج
بس امه عمر ماعتقد تقبل