رواية خبايا الروح الفصل السابع عشر 17 - بقلم نازك الحمراني

❤مسائكم رحمه❤
....نازك الحمراني....

كعدت واني لابسه فستان موف بسيط
تصميم حوريه...من فوك ضيك ومخصر...جوه كلوشه
اردانات طوال...
كعدت يم الكوميدي...ادور أعلى كعب عندي..
لأن هل مستفز..
حتى طوله مستفز...بلنسبه أليه
ماما يمي لحتى أساعدني بترتيب نفسي...
وحده قريبة ماما رتبت وجي..وشعري
خليتها أتسوي الي تسريحه برم...كل شعري
ومن فوك أتشيله...والمكياج خفيف....
طلعن...واني لبست الكعب..
كعدت على سرير ضايجه...ليش قبلت بيه
وشلون...
عمر"وحبي له"
أي قنعوني...مو قنعت...برغم رفضي للخطوبه
البارحه..من أجوي ياسر"والده"والدته"وخوانه
ماطلعت الهم...وكعدت أبچي..مااريد

اي بچیت خاصه البارحه بليل من اجاني اخوي يزن وهو يكعد يمي...كالي

-شوفي أزل أنتي الرأي رأيچ..بس فکري زين
الولد شاريچ...
ومیتعوض...لأن ثقه وثكيل..
يزن يتكلم معاي على رجال..غير عمر..بچیت
تقرب حظني...ويهديء بيه

-أزل خيتي الي صار حبيبه..الكل تأذه منه
أنتي "أني"عمر"غدير...
والكفه الراجحه بلأذيه..أنتي
بس عمر خلاص أزوج خيتي....شتردين يعني
أخليچ تزوجین واحد مزوج...وزوجته یتیمه
وتنعاد القصه...
شوفي نفسچ خيتي...مثل ماأني رح أشوف نفسي

لارا أنسانه تحب عمر...متستحق أحنا نأذيها
الناس طول عمرهم يحبونه...عمر صديقي
ياما كعد عدنا...واكلت عدهم "وأكل عدنا
وتأذى عليچ من تمرضتي...بس مابقى بعدج ..
وخصوصآ هسه هو مزوج...
ما رح ترتاحين.....
لأن اهل عمر كلهم يحبون لارا....

وأنتي من رح أدخلين بحياتهم... رح تكونين المكروهه
فمااريد اخليچ مکان آنتي مكروه بيه...

وربي يعوضچ...بهل ياسر...
والله يااختي لو أشوف أكو أمل براحتچ..
بزواجچ من عمر...
چان وکفت معاچ....مثل ماوکفت قبل
بس هسه...عمر..آبو أفنان...مو ملك روحه
ملك بنته وزوجته...نزلن أدموعي

-يزن أفنان..هذا أسم أني أختاريته..
كام وهو يبوس راسي.....وافقي خيتي....
واني أفكر بكلامه....تركني وطلع

دخل بابا...وهو يكعد يمي..

-بنتي أحنا انريد مصلحتچ..هسه آدکولین
بابا مستعجل علیه...وعلی زواجي...
لا أبد...
بس دا أشوفچ عندچ آمل انو ترجعین العمر
ویوم علی یوم....
آشوف الآمل عندچ....یکبر

فبخطوبتچ من یاسر...الامل عندچ...یروح
وتبدین اتشوفین الحیاة حلوه..
ومو بس عمر بيها...
تدرين ليش مستعجل..بلا مااخبي عليچ..

آم عمر آجتنا قبل کم یوم...کالت الی والآمچ
انو عمر..وافق یخطب لارا...
بس من شاف بنتکم...رفضها...ولارا تمرضت
طول فترة الخطوبه..
من تمرضت أزل...قنعنا يخطبها..وافق
و عمر أزوجها......ومرتاح وياها..
وحتى من حملت هو فرح كلش.
بس رجع من شاف بنتكم..أتغير...
ماصدكتها ابد...لان ادري عمر يحبچ...

بس طلعت من جنطتها..صور شهر العسل
مال لارا وعمر...بفرنسا...
وانتي بنيتي...صورهم جانت
كلش رومانسيه..
وحتى ماخذ صوره...من طلعت حامل..

جائز تمسك عمر بيچ
لان شاف بيچ...الي مشايفه بأي أبنيه...یعرفها
وهي عفويتچ الحلوه...وطيبة كلبچ

أما ياسر فشافچ بآتعس حالاتچ...ورادچ

فأني محبتي بياسر..أستعجلت عليچ..
اله لو غیر...مستحيل أقبل....وانتي لساچ
طالعه من تجربه صعبه..وصحتچ مو تمام
وماآکدر آبقیچ...عایشه علی آمل عمر...
آنتي فكري...

كل الي كالو صح...لازم أنساه..واعتبرها حرب
بيني وبين هل مستفز....قبل لايطلع بابا...
جاوبته موافقه...

بعد خلاص ماافكر باي شي..جريت حذائي نصيت جسمي وبديت البس الكعب دخلت ماما..
والضحك تارسه وجهه...وهي تبوسني

-يله بنتي الشيخ اجى...خليت شال عراسي
دخلت الغرفة يزن...كعدت على سريره..
جنت أمدنكه راسي...وضايجه..
أفكر..
قرار الخطوبه صح..ولا.....لا
صعبه...على گلبي...أكتم أدموعي..
وأيدي ترجف..خليت أيدي على گلبي..أدعي..

-يارب شيله....من هل القلب...
يارب ...مالي حق بعد افكر بيه.....هل صوت الخشن
الي ينتشلني من صفنتي...وهو يتكلم

-ياهنيال الي ماخذ العقل...وخاطف ذهنج..
عيونه له رفعتهن....زفرة حسره
واني أشوفه فرحان...ومبتسم...عكسي ضايجه.بحزن

لابس قميص چويتي..بربطة عنق سوده
وبنطلون أسود...ايده بجيوبه وهو يقترب مني
حواجبه المقوسه...وشاربه المحدد تكلم من بينهن

-الحسره المن أليه.... بسرعه أشتاقيتيلي..
ولا الحسره...
لأن أجيت...رفعت راسي له ...
وهو يصير مقابيلي...
منتچی علی میز المرایه..ومچتف...كتله بغيض

-اشدعوه هل غرور عندك...ياترى منين جايبه..
أبتسم..وهو يستفزني

-الثقه جايبه..لأن أبنيه حلوه صايره مقابلي..
ودتتفحصني...وبخزره...وبعصبيه
وعيونها الخضره...وي هل كحل الأسود
جاي أتخيلها مصاصة دماء...تريد تهجم عليه
وتفترسني..

حرك دمي...فور أعصابي..
-مصاصة دماء...أني أزل مصاصه دماء..يامغرور.

-لا..لا..لا..القمر يمي...كيف ماأنغر...يابختي
اقترب وهو يكعد يمي...واني ابتعدت منه
هو بطرف...واني بطرف الثاني..
واحس الحراره بوچي صعدت..بسببه...رجع همس

-لچ هل خدود صارن طمامه...یخبلن...
حیلچ...علیه..
خضار...وحمار....والشيخ أتأخر
وثالثنا الشيطان...شلون أطرده.....

كمت متعصبه منه...ومن جرئته...وهو على كعدته
صرت يم باب الغرفه...

-أنتى منو سمحلك تتكلم هيچ...رفع آيده يباوع للساعه
-بعد خمس دقائق تصيرين..زوجتي...شرعآ..
وأني مااتصرف اله...بما يرضي الله...

ضربت رجلي بلكاع تلث مرات ..من أستفزازه
وهو يبتسم...لساته..

بقلبي..كومه لعنات عليه...واريد اطلعهن..مكدرت
لأن الباب مفتوح...مال غرفه..مقابيلها الصاله
بيها اهله...واهلي...يعني شصرف يشوفوني...كتله..

-ألله ينتقم منك....ياجريء..يا مغرور..
اشوفه عدل كعدته...وهو يچتف آیده..
مثل التلمیذ العاقل...ومدنك راسه..
واني أتكلم بعصبيه عليه.....درت وجهي..
شفت بابا وراي....وهو ضايج مني...كلي

-بنتي عيب..دكوليله مغرور..تركني وراح الياسر
وهو يخلي ايده على جتفه..

-أمسحه بوجهي أبني..تدلع عليك..
باوعلي بابا...وهو ياشر بعينه...
-تعالي بنتي أعتذري منه....أقتربت من بابا..

-شنو بابا أني..اعتذر اله...كام ياسر يبتسم برفزه

-لا عمي..مايستوجب تعتذر لأن اني اهم شي عندي
..انت راضي عني..
-بارك الله بيك أبني...الله يرضى عليك

دخل الشيخ ويزن....رتبت حجابي...
.ورجعت كعدت يم بابا....
بدا العقد...وخلص..واني أحس مختنكه..وي كل كلمه
ذكريات عقدي وي عمري...
چانت حاضره...وبكل تفصيله..
عمر..الي من كلت كلمة قبلتُ...
كلته بفرحه حبيبه.. تاخذ حبيها..

هسه كلتها..واحسها..طلعت مثل زواج الصالونات..
خلص العقد...كمت وكام ياسر..
دست بكل قوتي...
وبكعب رجلي...ضغطت على رجله
احس برغي الكعب زرف رجله...
برغم چان لابس بس جواریب...بس ماتآثر

نظرتله...وهو يقترب من عندي..ويبوس راسي
-مبروك حبي...بس شنو دغدغتي رجلي..
عل عموم..عندي واجب ماابقى هواي...مااكدر
رح اروح
بعدت منه....واني محتاره من برودة أعصابه

-
.....................................
مرت يومين اكثر....واني مااحاسه نفسي مخطوبه
وحتى انسى الحلقه البسها...
ومن البسها...اغسل وجهي لو اسبح..انساها

اداوم بلكليه...بابا ياخذني.....
بيومها كاعده بغرفتي......

افكر كيف احبه...وكيف زوجته ماتت...
مجرد كال بابا زوجته ماتت....

انفتح باب غرفتي اجتني ماما...وهي فرحانه
-اجى خطيبج...كومي...فرحة واني اكوم

-عمر....ها العفو اي ماما...نسيت ياربي
بس لااغلط باسم عمر...كمت واني جنت لابسه
زي هندي سمائي وبي...نقشات ورد...

خليت عطر....وغسلت وجهي..
شمرت شال على راسي.. دخلت للديوانيه

چان واکف یم بابها..‌
یسولف وي بابا....
دخلت...واني أكعدت عل قنفه... طلع بابا
كعدت مقابيلي...عل قنفه بينا طبليه كزاز..
خلى الفون.. والمفاتيح مال سيارته....
ومنظرته بيده يلعب بيها....وهو ينظرلي...

-شلونچ حبي آزل...شو مو علی بعضچ
ضايجه....
نطلع...نتعشی...
آخذچ المول...الحدیقه..آي مكان .
تركته وطلعت....مااكدر أجاوبه.. ..

أشوي أجتني ماما.. عرفت هو طالع فرحت
-ليش طلع الولد...كالي أزل تعبان خل ترتاح
لچ هل تصرفات اتعبينه وتخسري..
مجاوبته....تركتني

نمت ضايجه...واني أفكر مجاي أشوف انسجام
مجاي أشوف...انو اكدر أحبه..

الصبح حضرت نفسي للكليه...
بابا...يتريك...وهو يكلي...

-روحي بنتي..خطيبچ رح یاخذج...
طلعت وأني أتمنى اشوف بيه الخطيب..
لان لسى ممستوعبته

شفت ياسر يم سيارته واكفه...وهو لابس لبسه العسكري
والبيريه...والنجمه التلمع على چتفه
واكف يدخن....وشكله ضايج...
أقتربت منه...شمر جكارته بلكاع. طفاها برجله..
وهو يبتسم...

-صباح الخير حبي...فتح الباب اليه

-صباح النور......ركبت...سدا اندار
...وهو يركب.. ساق السياره..
طلع معطر رش اشوي للسياره...نفس نوع عطره..

اي هو هيج عطره التفت عليه ...كال

-أزل ممكن رقم الفون مالتچ...البارحه شتاقیت لچ
والشوق...بلا حبیب..عذاب..
نطيته الفون وهو يسجله...وبالي هواي اسئله...سئلته

-ليش تحبني...ومن شوكت..وليش اني..بصراحه
اندار عليه يوكف سيارته...منتظرين
اشارة المرور....جاوب

-ليش..احبچ...الحب مايحب هل كلمه
ومن أشوكت...الحب يذلل الوقت..اهم شي
ورى الحب...اجتماع الحبيبين..

وليش أنتي...بحكم خبرتي...بلعسكريه
ونشوف اشكال والوان..من الناس..
شفت بيچ البنیه الطیبه...البریئه...الي من اطلع
أو اروح الواجب...أمن بيها وباخلاقها..

انتي انسانه..مثل نسمة الهوى..صافيه
فأنطيني مجال....لا تستعجلين...باوعت له..وبالي
هذا السؤال..

-ليش زوجتك ماتت...ومن شوكت...
زفر حسره ...وابتسم..

-اليوم ماعندي شي..اعزمج على عشا..
ورح أسولفلچ کلشی یخصني..

وصلنا للجامعه...وهو نزل معاي....نزع البيريه
واني فضول اطفال عندي...

-ليش نزعتها بيريتك....طبكها بيده..وهو يبتسم
وياشر....على مجموعة جنود...

-لحتى ميدكون تحيه الي من يشوفوني..
هل الجنود...جاي انروح...عدنا واجب
وكتلهم هنا ينتظروني...

لحتى أصف سيارتي هنا...والظهر اجي اخذج
من الجامعه.....الله وياج...وصيري شاطره.

ابتسمت الكلامه...دخلت للجامعه..
وعمر اجى بوراي....وهو ضايج

-شنو أزل تضحكين...بسرعه نسيتنيني...جاوبته

-عمر لهنا كافي ترى اشتكي عليك...عند العماده
تركته...واني ضايجه....
من شوكت واني اتكلم بعصبيه وياه...
تعبت....وتعبني..حبه..دخلت

وشفت غدير منتظرتني.....رحت الها..

-صباح الخير شلونج..غدير...مو على بعضچ..
کوه تتكلم..وجهه مورم...وحتى خشمها..

كالت وهي جر نفس..

-متانيه أمجد ياخذلي أجازه.....موعد ولادتي فات
وماما مريضه...متكدر تجي معاي..للمستشفى

واني أصلآ مقاطعتها.. ..وهي وقتيبه بيت وحد
حتى جابلها خدامه...تخدمهت
اما مجد من درى بيها...هي سوت السحر..
طلع هو وزوجته واني معاهم بيت...وحدنا...
فا اخوي مجد هو رح يجي ويايه
.للمستشفى
نسيت مبروك عل خطوبه....فرحت لج...

أجى مجد....وهو يسلم....

-شلونچ بنت عمي...مبروك تستاهلين كل خير
وأني أظل اشوف بنت عمي الحلوه..
تنخطب الغريب..ومينطوني ياها....ظحكنا..

-ماجوز من سوالفك...رجع ضاج...وهو يكعد يم اخته

-أزل اليوم أروح اليزن...اقسم بالله غدير مظلومه
مالها علاقه....

اني وغدير...ربينا عدكم...تتوقعون أنظركم...
كعدت يمهم.....واني احس بيهم صادقين

-لا اخوي ابد..بس روح اليزن..واتمنى يوافق
رحت للمحاظره...
واني عقلي مشتت...
مره عمر....ونظراته...ومره افكر بزوجة ياسر
خلص الوقت وطلعت...باب الجامعه...
شفت سيارة ياسر...رحت الها...
فتحت الباب وصعدت. ...بيده بطل مي مدا اليه..

-الله يساعدج..بللي اشفافج...اخذته..
واني اشرب...

-شكرآ كلك ذوق....كالي..

-بله عيديها...ولا مااستعجل..اليوم اخذج
الارقى مطعم...بغداد فتح جديد...ماشي

نزلنا....ودخلت...وصحت البابا يتكلم معاه ياسر
ويترخص منه نطلع....

..................

كعدنا بلمطعم كلش راقي....وهادىء..
واني فرحانه...بهل جو...طلبنا عشا..
واحنا سوالفنا عاديه....كالي انكمل عشى..
يله اسولفلج....
فعلأ خلصنا....وطلبنا چاي....شعل جكاره..وهو يسولف

-شوفي ازل...اني جنت معجب ببنيه...
جانت انسانه...مؤدبه...وملتزمه
جنت اراقبها...من تطلع وي امها..للسوك
ماجانت تدرس....فبعد ماراقبتها...
عرفة هي هل انسان...لازم اصير زوجتي..
واخطبها لو شنو يصير...لأن حبيتها

فدزيت ناس عليها...هل كلام من سنين..
ماقبلو اهلها...
دزيت مره ثانيه وافقو....
وصارت الخطوبه...وهي فرحانه مثلي..

لأن جانت تعرف اني اراقبها...
فصارة الخطوبه....وزوواج....واسعد اثنين صرنا
مر على زواجنا اسبوع....

كامت نسرين...تتقيء...وتتخربط
اخذنا للطبييب...مابيها شي...

بقيت افتر بيها من مكان المكان...بطنها كبرت
تحاليل...وسونارات كالو تسمم..

همات علاج...ومن محافظه المحافظه افتر بيها
اخر شي اجتي امها...اخذتها مني..

واني كل يوم عدهم....كالونا اخذوها لواحد روحاني
اكو ولد ساعدته...طلعته من السجن..
یصیر ابن الزرکشي....شفته صدفه
وسئلني ليش ماجني عريس...ومن هل كلام..

سولفتله...انو زوجتي تعبانه...كالي جيبها الأبوي..
ماجنت أمن...ومهتميت الكلامه...
تلث أيام...نسرين ضعفت"وصارت تخوف...
لاتاكل ولا تشرب..
سولفت الوالدتها والاخوها...عن الشيخ..وافقو

اخذنها اله...وجان الشيخ الزركشي..يرفض
بس من سولفله ابنه..انو اني ساعدته...

كال دخلوها....
كعدها يمه...وقرا عليها....تخربطت كلش
كالنا أخذوها....لمرقد أمير المؤمنين..
وكعدوها بلحضره....ساعه واقرو عليها..

علمني أشلون اقرا....ونطاني صونده..

كال بعد الساعه...اذا تقيئت معناها..رح تشفى
وذا لا...بعد هي وا الله...

اخذنا للمرقد..وزرنا...وندعينا...
وقريت عليها....نامت....
ورى شوي كعدت كالت...تحلمت واحد نطاني ماي
شربته....وراح...
ذاك صيحو...
ماتقيئت رجعنا بيها للبيت...جاي ندخل ماتت

بهل لحظه كلشي نهار بيه..تأزمت..
رجعت للشيخ...واني اسئله...ليش هيچ..

-کال آنتم تآخرتو....منطيها سحر(سكى)
يعني سحر بعصير...بي مواد وشغلات هل سحر

وستفحل بيها..القرأئه القرأنيه عن قرب
تقضي عليه....وي التزام ديني تشفى..

البنيه تامن بلسحر وبقوه....ايهامه بقدرة السحر
وي هل العصير الي بي سحر...

ستفحل بيها...وقضى عليها
والي شرباها وحده...من قرايبها....
بس الحد هل لحظه ماعرفنا منو...الي شربها
ماتت نسرين.....وهي عمرها سبعطش سنه....

بقيت سنتين حزين عليها...ومتأزم
مقهور....ذبيت جهدي بشغل....

خطبتلي والدتي..جارتنا...بنيه جدا جميله
تعتقد امي انو من اشوفها حلوه...اطلع من ازمتي

ماانكر انعجبت بيها...وخطبتها..وفرحان
بس مره نست فونها عندي....

شفت بيه رسائل غراميه...وحديثه..
فسخت الخطوبه...وقررت بعد ماافكر بأي مرأه

بس من شفتج...قبل اربع سنين....تغير كلشي
بس جنتي مخطوبه....وستوج نازله انتي وخطيبج
حسيت غرت...واعصابي نار.....
بس أستغفرت ربي....مو اني انظر المرأه متزوجه
فنسيتج وشلتج من بالي...ابد...
ومن سمعت انتي مريضه....اجيتكم..
واني مقرر ارجع...ازل الي جانت تظحك...
من شفتها أول مره....
ماجنت اعرف بيج...انو خطيبج مزوج....

وبعدها زاد عجابي.. سمعتج..بجامعه..
تتكلمين وي خطيبج...ودكليله..

-مابني سعادتي على سعادت زوجتك..
ارجع الها..

حبيت نفسيتج الحلوه..ونظافة روحج..
کلت هل ابنیه الراقیه....هی زوجتي..وروحي

چان یسولف....ومسترسل..ويضحك..
ضجت من كلامه...يعني أزوجني شفقه..

تعصبت منه...واني أكز أسناني...كتله

-أنت أزوجتني شفقه...لأن مثل زوجتك..
مو لا تنكر...
ولادكولي من شفتج حبيتج...
مااحب هل الكلام....

مد ايده...وهو يتلمس ايدي..يبوسها..

-قسم بذات الله...أحبچ ...شنو شفقه
منین جبتی هل کلام.....

جریت آیدي منه...

-رايحه اغسل وجهي بلحمام...
رحت وخطواتي الممر الفندق..

دخلت للحمام....اغسل وجهي
الضوه يلمض...يطفى ويشتغل....خفت..

اريد اطلع....مااريد ظلام..فتحت عيوني
أكو ضوه...
اسمع دكات باب الحمام...وصوت ياسر..

-ازل حبي وينچ...سمعت صوته..
فتحت الباب خایفه....وهو صافن علیه..

-ارید ارجع للبیت...رکبنا السیاره...
وهو کامش ايدي...الي ترجف من الخوف...

-شبيج أزل....شصار...فهميني..

جاوبته...واني اذكر ظلام..وابچي

-طفت الكهرباء بلمطعم..بس بسرعه رجعت..كال

-أي حولو علمولد طبعآ ..ماطولو ثواني..
جراني الصدره...وایده محاوطتني...والثانيه يسوق
..
-لا تخافين حبي...طول مااني وياچ ابد لاتخافین لامن سحر،ولا من ظلام
بعد ايده من چتفي لان شافني مضايقه
وهو يكلي ازل حبي أرتاحي هسه

جاوبته بخوف

-بس الظلام...اخاف منه عمر....؟؟؟

...............