رواية خبايا الروح الفصل الثامن عشر 18 - بقلم نازك الحمراني

❤مسائكم محبه❤

....نازك الحمراني....

- لن ينفع الندم حين يكون ڪُل شي انهدم

عمر أخاف من الظلمه..عمر...
أتخيل الظلام...مااريده
چان راسي على صدره...رفعت عيوني الدامعه..له
وأشوف عيونه حمر.....
اسنانه ضاغطه على شفافه الجوه
أتعصب داخليآ.....وهو محافظ على هدوئه ظاهريآ

بعدت منه وهو وجه للشارع يسوق...ويتكلم

-ماكو ظلام حبيبه...أني يمچ...اندار الیه..یبتسم
ورجع یکمل سیاقه...
واني خايفه لأيتعصب مني
بس تصرفه البارد ويايعه وهدوئه بلكلام...
حسسني أنو مضايج مني....وكف سيارته
نزل...
واني أفتح الباب جاي أنزل صار كدامي....
وايده عل باب...
وثاني على سياره
جاي أطلع بس هو بوجهي صار...
اخذ أيدي....وهو يبوسها...وعيونه بعيونه..يتكلم

-حبيبتي چان بودي أن هل مشوار..يريحچ...
أسف..اذا چان تآذيتي أوخفتي..
نغزت اشواربه الثخان بيدي
وكلامه حسيت برجفه خفيفه...
سحبت أيدي...لا أراديآ

-شدا اسوي...بعدت أيده من باب السياره..
وعبرت منه
خطواته ورايه...وصل الباب بيتنا قبلي..وهو يدكه

وصلت يمه...بمسافه...فتح يزن الباب وهو فرحان

-شلونك يانسيبنا...أختي أشلونه..جاوبه ياسر

-أمانتكم هيات...وذا ماعدكم مانع اجي باجر
يظحك هو ويزن...الي جاوبه

-البيت بيتك سيدي...والدي تعبان أشوي ماطلع
بس أتفضل..جاوبه ياسر

-زاد فضلك..بس مستعجل....
أبتعد من يزن وخطواته الي و وهو يبوس راسي..
ديربالچ علی نفسچ...
وأي شي تحتاجي...موجود أني

دخلت للبيت...وخطواتي للغرفه...ذهني مشتت
بالي مو صافي...
ماما وهي تصيح عليه..

-أزل بشري شلون شفتي الولد.. واني أتذكر الظلام..

-زين ماما...اريد أرتاح
دخلت للغرفه...واخذت ملابسي من الكنتور دا اريد أروح للحمام....
فتحت الدوش..
واني جوه المي
وهل قطرات مال المي الي تنعش الجسم...
تمنيتها تنعش روحي....
افكر بردت فعل ياسر...البارده

وافكر بتهديدي العمر.....عمر حبيبي اهدده
أشلون انساه..وكيف
واني من الرابع عدادي....الحد أول كليه احبه
أول شخص أحبه..
وأول شخص....يبوسني...ايدي على شفافي
واني اتذكر بوسته....بچیت بشوق علیه..عليه

ادموعي والماي سوه...ينزلن
ماادري منو الاسرع بيهن...

عمر مو چان یحبني...
موچان یکلي كولي أنشاء الله..ننجمع
موچان یکلي جميلة عمر... صوت يزن وهو يصيح

-أزل حبيبه اريد اسبح...نشفت جسمي وبدلت
طلعت وهو واكف يم باب الحمام...منتجي عل حايط
صافن وضايج...انتبه لعيوني باجيه...

-نعيمآ خيتي ...بس اشكلنا البچي بلحمام موزين
يااختي عيشي مثل ماهو عايش..انسيه

ياسر ميتعوض...
واسلوبچ الجاف ویاه...یخلي يمل..تذكرت غدير...

-يزن الباچر الصبح..غدير تدخل للمستشفى
عدها ولاده..لأن حملها متعب فلازم عمليه

بدت ملامح وجه تتغير...وهو صافن عليه..
تقربت منه...
-يزن الباچر الصبح...انروح اني وياك وماما
منتركها وحدها...ومبروك مقدمآ
بيها بنتوته.....ظحك وهو فرحان..

-أي كالي مجد بس عبالي يكذب..
غدير بيها ابنيه واسميها رزان...
اي الله.....شكد حلو...أصيحولي أبو رزان
حلو مو....فرحت الفرحه...وبابا ورانا...

-ربي يظحكم دوم...ظحكوني وياكم...انداريت البابا

-أبو يزن الكلام بعد ميفيد كبرت..ورح اصير ..جد..
باچر عملیة غدير...وكلنا اروح..باوعلي بابا..

-خطيبچ ياسر يعرف بنتي...لازم تخبري...
وبكل مشوار اسوي
الاجل الثقه بنتي...
ضجت من كلام بابا...ورجعت الغرفتي...

اشوف الفون يرن....بيه خمس مكالمات..
واربع رسائل...فتحتهم من ياسر.....
شمرت الفون عسرير....
وهو يتصل......ثالث مره فتحت خط..واسمع صوته

-أزل انتي زينه...ليش طولتي..تركت الواجب
دا اتصل علیچ...الو..الو

-ویاك...چنت آسبح..وتکلمت وی آهلي
وهسه دخلت للغرفه....

-نعيمآ حياتي...لعد أرتاحي ونامي...
البرود الي يستخدمه بكلامه....يدمرني

ماچني غلطت بأسم عمر....
ولاچني....أهمل اتصاله....
كلشي عنده عادي..كتله

-ياسر باچر بتسعه الصبح...اروح للمستشفی..
زوجة أخوي عدها ولاده.....زفر حسره

-مبروك...للعمه الحلوه....وأجي أني أخذج..

-لا شکرآ اروح وي بابا...مع سلامه...جاوب برود...
-الله يسلمچ....
تمددت علی السریر....وآني احاولي اشيل عمر..

بس اذكر...كيف وجه ذابل...شعره طولان
كلشي بيه ذابل.....مثل ماكلشي بيه تعبان

بس من اذكر كلام بابا"يزن...اكول لا عمر..أناني
يريدني"ويريد حياته الزوجيه
اتعلم كلشي...يصير له..

يرجع عقلي...يكلي...هو حبچ مافد یوم أذاچ
بلعكس رومانسي"شفاف معاي...

هواي افكر..نمت واني أذكر المستفز..الي عرفت
زوجته متوفيه...بسبب السحر..
واني مسحوره....
يعني زواجه مني شفقه..كرهته من خبرني
لو مامخبرني أفضل....

رجعت تفکیري الذيچ الفتره.....
من اجرو یمنا بیت عمو بو یاسر...بقو فترة يمنا
وتالي رجعو المنطقتهم...

بس مااچنت ذكر زين بس عمو بو ياسر..اذكره
بابا أجرلهم يمنا فتره...بعد مافلشو بيتهم
ورجعو بنو من جديد....

چنا نفس الشارع....بس مدا آذكر ياسر

غفيت.. واني أكعد على صوت يزن.

-أكعدي يله راح الوكت....باوعت للساعه...بسبعه

-ياسر لساها بسبعه....
يا تأخر تقرب الي..وهو كاشخ
لابس قميص فستقي فاتح.....بنطلون اسود..نغزته

-هاي الكشخه كلها البنتك...ألمرتك ظحكنا..أثنينا

بدلت...على سريع...وتريكت واني واكفه..

اني بابا"ماما"يزن"شهد... ..وصلنا الباب المستشفى
محد قبل يدخلنا...بس يزن لأن كلهم زوجها
جاي نرجع للسياره....
وسيارة ياسر وكفت..نزل منها
وهو لابس ملابس الضابط...السود
وابتسامته...الجانبيه...ومناظره اقترب من عدنا

-صباح الخير....محتاجين شي..جاوبه بابا
صباح النور أبني....بس ميدخلونا..أقترب من الشرطه
وهو يتكلم معاهم.....تقرب من عدنا.

-هسه تكدرون أدخلون....دخلنا وهو ويانا..
أقترب مني...وعطره الي بديت أميزه...
واحنا نمشي وحدنا...وماما وبابا "شهد..راحو اليزن
قبل لنوصل...المكانهم....همسلي

-أشتاقيتلچ...شهل الصباح الحلو...
الواحد يصبح...بهل وجه...البريء...
والشفاف الحلوه...والعيون المغريه....تقتل الصبر
اريد...تستعجلين بموعد الزواج...

وجهي صار أحمر....من كلامه..عن الزواج..كال

-الله يلعن هل تفكيري...لچ وجهچ صار طمامیه..
وآني....كلبي يظل يريدچ آکثر...

آنداریت الوجه...واني مندهشه من كلامه...جاوبته

-ليش جريء...مااحب هل كلام...أبتعدت منه..
وكفت يم ماما...وهو اقترب يسلم على يزن..

نزع منظرته...وكلساع يغمز الي...واني منحرجه
لاخاف يشوفنا بابا...
او اي واحد..ختلت ورى ماما
ألي چانت واکفه....یم الآستعلامات...

راح ياسر....واني ذبيت حسره فرحانه لأن راح..
أقترب وبيده كرسي...خلاه يم ماما...

-عمه استريحي هنا...مدا اشوف زين...قصدي تعبانه
رجع انتچی علی جام خان الاستلامات..
وهو صافن علیه...ماترکتي..

وهو كلساع...يسوي حركه..شكل..واني متعصبه
انتبه بابا على عصبيتي...ويحاچینی..

-اشبیج بنتي....ليش معصبه منو مضوجج.. جاوبته

-ياسر ديعيب عليه..اندار بابا على الياسر..الي جان يسولف وي يزن...كالي

-عيب بابا كبرتي...شهل تبلي....تركني..
واني عظيت شفتي بعصبيه...صفن ياسر عليه
خلى ايده على كلبه....
وهو يجر نفس ويغمض عيونه....

ردت اقترب منه اتعارك معاه..

أجى مجد وبيده جنطه ومعاه غدير..
الي من شافتنا...عيونها تنزل بظحكه..
وهي تحظن ماما..وبابا...وكفت يم يزن...الي كلها..

-أشلونچ غدير حبي ...
انشاء الله رح أدخلين وأنتظرج هنا...
انتظرچ انتي وبنتي رزان....بچت وهی تعتذر

-أتمنى اسامحوني...والله ماادري ماما تأذيكم
لأن الشعر كله أخذته...كعدت تبچي...يزن كعد يمها

وهو يريد يظحكها...
-غدير بس اشو خشمچ کبران هاي هيچ الحمل
تعالي ماما..
شنو يبقى هيچ..کالتله ماما...
-لا ابني هي لأن اخر شهر..هيچ یصیر

ضاجت غدير من كلامه..ادنى يمها...
--لچ آظحكج...أنتي مكانچ هنا...بخشم بلا خشم
حجی وهو یآشر علی کلبه

ظحكنا...واني اشوف حبهم رجع مثل قبل...
صفنت عليهم.....
وأتذكرت حبي...اباوع الهم
أشلون فرحانين...وحسيت دمعه حاره على خدي
وصلت أشفتي بلعتها.....
مالحه...وحاره...لأن دموع ذكرى حب..انقتل..
حب قبل مايصير كامل....انتهى....
حب قبل مايكتب ....انمسح
حب غادر العالم ....قبل مايجي..

الي كطع صفنتي...هل صوت الخشن...وهو وراي

-الله الماخذ هل عقل يتهنى...عیوني له..

-محد ماخذه...بس انت رح تاخذه..وجنني..رجع كال

-اي وقريبآ....وخليچ بس تفکرین بیه....

صاحو آسم غدیر...وهی تحظنى كلنا..
واحد ورى الثاني ..

وصلت اليزن الي بدا ينظر الها...

-منتظرچ غدیر....حبي..معاچ هنا....دخلت..
ويزن عيونه أدمع....
اخذوه بابا وياسر...يهدائونه..ويبردون قلبه

بقينا منتظرين...الحد ساعه...طلعت الدكتوره
وهي تبشرنا....
العمليه نجحت...وجابت أبنيه..

طلعنا غدير...الغرفه خاصه...حجزها يزن..
وهي بين البنج....تحچي بيزن...
أنطوني البنيه..
بعد ماكبر بأذنها.... بابا.....

كعدتها بحظني...واني أشوفها كيف زغيره..
كعد يمي..ياسر..وهو يبوسها...
خله أفلوس بكماطها....كام......ماما كالت..

-انشاء الله ابني يوم الكم...ونفرح....خجلت بفرح
اقترب ياسر....

-لا تخجلين...ترى عادي...اصير عند أثنين..
جاي اجاوبه....كلي برود..
حبي رايح عندي واجب....ويجوز اطول..

طلع واني فرحت بطلعته...اشرتلي ماما اكوم وراه
شافني معنده منه ....كال الماما

-خليها خاله براحتها.....

اما احنا ..فكلنا فرحانين بأول حفيده عدنا...
رجعنا أني وبابا
ماما ويزن بقو يم غدير...وصلنا للبيت رتبته

ورحت الغرفتي اقراء....كملت اقرايه..

خليت الهتفون بأذني...اسمع رقيه الشرعيه
الي لازم كل جمعه أسمعها...

نمت وااهتفون بأذني...مرتاحه...

.....................................
مر شهر...كامل..واني احاول احب ياسر
برغم چان یداوم بنفس المحافظه...
بس دزو عليه...بواجب خارج المحافظه..

فما شفته من يوم ولادة غدير...
شهر كامل مااشتاقيت اله....ولا حنيت..

بل جامعه اشوف عمر...وابتعد منه....
يقترب مني وانسحب منه....

عقلي...يكلي كرهي أناني...يريد الزوجه والحبيبه..له
قلبي يكلي...مسكين انظلم مثل ماانظلمتي..لاتقسين

ياسر كل يوم...يدز اشعار غزل...ويتصل..
نوبات اجاوب...ونوبات لا....
بس أحب ...الرسائل الحب مالته..الي يدزهن
برغم مامره رديت عليهن
ولا مره...ولا جاوبته..بيهن..بس احبهن..

بعدها ..يومين ماكو ولا رساله....كعدت ضايجه.
ومتحانات الكورس الثاني بدت...كم يوم اخلص
وهو ميرسل....ولايتصل بيه..
وأني ودي أتصل وكله ليش كطعت...

بيومها...اجتني ماما الغرفتي....

-كومي أزل بنتي عيب عمتچ آم یاسر مریضه
يومين بلمستشفى...واليوم طلعوها..

سمعت من والدچ....کومي...اندك الباب مال بيتنا
راحت ماما تفتحه...صوت ياسر..

طلعت له واني ضايجه....لأن ميتصل...
دخلت للدوانيه....كاعد يدخن باب الدوانيه..
اقترب للميز..طفى الجكاره...بلنفاظه....كعد

-شلونك ياسر...اسفه على والدتك..ماادري مريضه
چان یتآمل وجهي وعيونه الي.حسيت رح يكلي

-انتي متسألين...شلون تعرفين
بس جاوب عكس فكري...وتفكيري..كلي بهدوء

-ولا يهمچ..عادي...بس باچر معزومین عل غدا
واریدکم تجون آنتي وكل اهلج
تشوفين الشقه مالتنا...
انتي مقبلتي تجين تشترين وياي الأثاث..
فشتريت على ذوقي...واتمنى يعجبچ....جاوبته

-انشاء الله...كام وهو يقترب مني باس راسي

-اترخص حبي....اسوك للعزيمه..اني والبنات
.......................
بيوم العزيمه....اجانا ياسر...بسيارته..
اخذنا اني واهلي...وغدير ويزن...وبنتهم رزان..
وهم طول الطريق يسولفون...بالي شارد للعرس

اشلون...ازوج واني لساتني ممتعوده عليه..
شهرين...وتلاثه"واربعه"واني بارده من يمه
رغم اهتمامه وحبه الي ظاهر للكل. ..

وصلنا العماره سكنيه...راقيه..بيها تلث شقق..
وجوه صيدليه وعياده...اتذكرت مره اجيتها
بس شوكت مااعرف...

اخذنا ياسر الورى العماره...باب دخلنا منه..
وياسر يتكلم....

-هاي الشقق....التلاثه...الأولى للوالد"والوالده..وخواتي
والثانيه اليه....والثالثه مؤجره...

وجوه بيها صيدليه وعياده...الأخويه...جاسر
يريد يتركها...لأن يطلع للخارج...وحجزتها الازل..

هل عماره....ملك بابا....بس اني جددتهن..

تعجبت على كلامه.. .الكلشي محسب.
بس قلبي مو بيدي....
دخلنا سلمنا على والدته
وشقتهم نازکه....بکل اثاثها وتصمیمها....
خواته یحضرن الاكل....بعد ماارتاحينا..

اخذنا للشقه مالتنا....دخلنا الها...
فارشها كاربت تركي أحمر....
الصاله طخم احمر بأبيض...وبلازمه..
والمطبخ مفتوح....عصاله...والكاونتر بيج

دخلنا للغرفه...سلايت بيضه بأسود..
فتح باب من الصاله..بيها بالكون...
اجى هوه حلوه...عجبني
رحت للبالكون يمه ...ولكيته مخلي ايده عل بالكون..
ويدخن...
وكفت يمه...اتأمل المنطقه..هادئه..وبيها بيوت عاليه
والبيوت بيهن حدائق....
وكم طفل موجود...بشارع..
عجبني المنظر....
خليت ايدي...مثله...اندار عليه..

-أدخن هنا لأن اعرف والدچ میحب الجکایر..
واتمنی انتي مضوجين مرديت سكتت
بس بقيت أنظر له...وهو يتكلم...كال

-السبوع الجاي...العرس..لو شوكت...تردي
اجى بابا ورانا
وصوته وهو يخلي ايده عليه..

-خوش موعد أبني...طفى الجكاره..ومنتظر جوابي

-انشاء الله الباجر اخر امتحان...
عادي....شردت...يم ماما...صوت الفون اجتني رساله

-يخبلن خدودچ الطماطه....وتالي وياچ..

خجلت بزايد واني أحظن الفون....
اقترب مني ياسر...طلع لايت ازغير ضواه قوي..كلي

-خلي بيدج...لحتى من تطفى الكهرباء...تشعلي
ومتخافين من الظلمه.....
الكلشي يفكر...وكل يوم يحسسني بحنانه
................
خلصت اخر امتحان.....وثاني يوم عقدنا محكمه
رجعنا للبيت....واني احجز البدلات..
الايت بأيدي...كل ماتطفى هو معاي..

اجانا یاسر للبیت یرتب بطاقات العرس..

لأن يريد يكتب اسماء اصدقاء بابا والده..
كعدو بدوانيه يرتبون...جبتلهم الجاي..
ورحت الغرفتي......الايت بيدي خاف تطفى
صاحتلي ماما اعلك خاولي عل مغسله...

رحت اعلك الخوالي...طفت الكهرباء..
واني يم المرايه مال مغسله ..خفت اريد أصرخ

اسمع صوت ياسر...يصيح بأسمي..
والدي يزن....واني خايفه أجاوب..

ومصطكه امكاني وجهي للمرايه...
والتخيلات اجتني
صرخت..برعب
اشوف ياسر اتقدم بيده ضوه الفون....أقترب مني
واني أصرخ....حضني من ورى.....اريد ادفعه

وهو يهداء بيه..

-اششش اش اش..حبي لاتخافين..اني يمچ
یاسر یمچ....حبي
صدره بظهري..وايده محاوطتني...ولامس ايدي
اهدائت من صوته.....بس خايفه من الظلام
ايده الثانيه مقرب الايت بعيني...وهو يهمس

-هذا ضوه حبي لا تخافين...لاتخفين اني يمچ
عيوني له وللضوه...عیونی له وللضوه
انتشلني من رعبي...بس الخوف تملكني
و جسمي متيبس
وهو لسى حاضني...يقرأ ايات قرأنيه...
دفعته...وكعنا للكاع.....
اجتي الكهرباء...اشوف بابا"يزن"ماما"

واني بحضن ياسر....شعور ماكو...ولا احس بشي

ردت اكدر اكوم....مكدرت...ولاكدرت أتحرك
كام ياسر...كومني من ايدي ...وكعت
واحس اني مخنوكه....هوى ماكو....
دخت والدنيا تفر بيه.....وكعت وهو مسكني
شالني واني محاوطه ركبته...وضاغطه بايدي عليه

واسمع صوت ماما تبچي...وبابا يفززني
وماما تكلي كعديي ازل