رواية خبايا الروح الفصل الثاني عشر 12 - بقلم نازك الحمراني

❤مساء الحب❤

...نازك الحمراني....
انا ألتي تتسول حبك تسول العاشقين
لتتربع على ضلوعي حاكمآ لقلبي

لابس مناظر سود وبيده الصونده...وصوت كعب حذائه مزعج بأذني
برغم الصونده چان یخفیها وراه...بس شفتها.

خفت منه ومن طوله وهيئته اصرخ عليه يبتعد خايفه ودي أدخل بطن الحايط

-أااااطلع أااااااااااطلع

مهتم بقى يتقرب ويحجي بصوته الخشن.
البرود العنده خلاه يحجي من دون أن تتحرك ملامحه...تقرب يم سرير..همس

-أزل ممكن تستريحين..حسيت بطمئنان بصوته
بس بقى شك عندي منه...
لأن مدا أذكره زين
رغم اكو صوت بداخلي يكلي تعرفينه سابقآ..

ابتعد من عندي...واني قارفه منه...
ومن كل حركه...ديسويها

طلع يحجي يم الباب ودخل بابا...وعمو أبو ياسر
رجعت للسرير أتمددت
احس من كد الصريخ..صوتي بح وتعبانه
غطاني بابا بغطى..وهو ماسك ايدي بقوه..
وعمو ابو ياسر....واكف يم الباب..

جاب ياسر الصونده قربها الأذني.....
وهو مدنك كل جسمه

وهنا عرفت الصونده مثل السماعه يستخدمها

يخليها بحلكه يقرأء..ويرتل أيات قرائنيه بجانب الثاني من الصونده...بأذني
قراء سورة الملك صوته بيه طمأنان

احس أرتاحيت...
ودي أنام
رجع كرر..أية الكرسي ويقراء بصونده من جهه الي يمه. والجهه الخ بأذني كلش...

لأول مره احس مرتاحه....برغم الكل قرا يمي
بس مو مثل طريقته.....مو مثل طريقته بلصونده
حسيت بنفسي افضل...اخذ الصونده بيده...

بابا وهو يبوس راسي نهض..وهو يوكف يم ياسر..
الي طلع باكيت جكاير....وبابا الي واكفه يمه...كال

-نسيت اني ماطيق الجكاير....ياسر وهو يبتسم له

-لا مانسيت عمي...رجع الباكيت الجيب بنطلونه
والجكاره بقت بين أطراف أصابعه..وهو يكول..

-شوف أبو يزن عندي خبرين ألك....
الأول چان والدي
شاك أنو بنتك بيها جن وذا طلع منها..
فأحتمال يأثر على حياتها....

يعني لاسامح الله
لكن من قريت عليها الرقيه
مااشفت أي ردت فعل انو هي بيها جن..
يجوز مس فقط...

وهل شي يعتبر بداية خير...

الخبر الثاني...وهو الأصح أنو بنتك بين أمرين
لاثالث بينهم...أقترب من عندي
وعيونه من ورى المنظره تبين انو هو صافن عليه..
نظرته مافسرته رجع أندار الوالدي...وهو يكمل

-انو هي محسوده وهل أحتمال ضعيف..
أو مسحوره والسحر قريب...وهل أحتمال أقوى..
هسه أني تعبان أبو يزن...اجيت من الكراج الكم
أرتاح ابيتنا...واتمدد..واروح الصديقي الزركشي
هو يساعدها...
اجى يغلق الباب واني عيوني تتوسله..بس كارهته

بقيت أبوحدي...كمت على رجلي ذبيت الشال أصرخ...
من الوجع
كل جسمي ديوجعني....
شي ويضرب بجسمي

دخل والدي اقترب يهدأني...دفعته من الألم
ماما دخلت ماكدرتلي...واني اضرب نفسي وجهي
وأخرمش بأيدي...
لأن احس نار بجسمي تمشي...
الوجع زاد واني ابجي

تعبت من الصريخ...
شردت من الغرفه الوشه زادت
اريد اقتل نفسي ولا هل عذاب...
صار بوجي ياسر الي هو بصاله واكف ويدخن
دفعته اريد اشرد بر البيت....بابا يصيحله ويستنجد

-ابني ياسر لا تشرد ازل...ابني الزمها

آقدامي تاخذني المجهول...مو بيدي
بس المهم أتخلص من هل البيت...
وراي خطوات.
دا اسمعها...
وايد ضخمه تلف علي أيدي
واني ارفس برجلي

چانت هل آيد ماسكتني بقوه...بس دون الم
مجرد يضغط...لحتى مااتحرر منها

کامش أيدي أثنينهم ومحوطهم بأيده...
برغم احساسي بذيج الحظه مختفي....بس استشعرت
حرارت ظهره...
وثكل جسمه وهو مدنك...يهدئني
درت راسي اريد اعرف منو
عيوني اجتي على الجكاره...الي بشفافه وهي مجمره
هذا ياسر ماسكني...

نفسي الي يصعد وينزل من التعب.. وي جموده
وهو منتظر والدتي الي من أجتي...ماما
رخى ايده عني يسلمني الها..
بحركه مني...
لا أراديه
جريت جكارته من بين شفافه
وهي مشتعله خليتها على جف أيده
ضغطت أبقوه...وبخزره
وعيوني تتوعدله..

برغم أنو أحترك بس هو مارفله جفن...ولا يتألم
انتبهت على روحي أني حركته....
وأيده يم الأبهام
أثر الجكاره مطبوع...لعبت روحي من منظر جلد ايده محترك

وكعت للكاع ماما تسندني ...
بطني لوتني واني أتقيء
أقترب يساعد ماما...تقيئت....
وصار على حذائه تقيء
رجعت الغرفتي كارهته..

ماخلاني أشرد...من البيت وهاي ثاني مره..يسويها
كرهته بغيظ...بس فرحانه..
لأن حركته...وتقيئت عليه احس نتصرت

بهل فتره...
قطعت الأكل نهائيآ...اي شي أكله أتقيئه

بابا وماما رجعو دياخذوني للطبيب..
وكل يوم تشخيص
مره قولون"هو يسبب التقيء....
اخذولي سونارات...
كالو قرحه بلمعده
واني مغيبه طول هل فتره....عايشه عل مغذي

اسبوع أكثر...عل هل حاله...
شعري چان کلش طویل....بدا یوکع..

حاله صارت بيه هي اظل أجر شعره"
شعره من راسي..
اصفن عليها واكطعها
صارت هاي واهسي...

لو أبقى أقرض أضافري...الحد ميطلع دم..
الى أن بقن يلتهبن...اظافيري

عمي أبو ياسر أجانا يتعذر
انو ابنه اتصلو عليه....عنده دوام

بابا يخابر..واسمعه يكول

-ياسر اشوكت تنزل من الواجب..البنيه رح تموت
........................ء

بليل واني محتظنه اقدامي...
اجى يزن
وهو يخلي الشال على راسي...
وغدير يمه
أخذوني...واني بيدهم اريد اعترض..مدا اكدر
الشي الوحيد الي اكدرله...والسب رغم عمري مسابه احد اصرخ بقوه

-حقرررراء عوفوني حقررررررراء

اباب بيتنا سياره سوده
يزن فتح الباب صعدت غدير وهويساعدني أصعد

ركب بلصدر وهو يمد ايده...

-السلام عليكم....مشكور أبو الشباب دساعدنا...
ألصوت الخشن وهو يمد ايده شفت مناظره..بس

-وعليكم السلام...افضال الوالد ماأنساهن..
لاتهتم
أنطلق بينا بسيارته

يحجي بصوت ناصي
نزلنا المكان بي بيوت عشوائيه..

سبقنا بخطوات يدك الباب
يشعل جكارته...
والجمر..بظلام يضوي
الخوف تملكني....
وي صوت الكلاب
ختلت ورى يزن....

حس عليه ياسر طلع الفون مالته
يشغل الفلاش اليه حتى مااخاف ويبتسم من ورى المنظره

انفتح الباب...بين سلام والحجب
دخلنا المكان بيه رطوبه...
وريحة بخور طيبه...وريحة مي وتراب
برغم الظلام..

بس اكو فانوص معلوك علحايط

حسيت نفسي داخله المكان قديم...
مثل قصص جدتي القديمه
امريه عمرها بلأربعين....شفتها بضوه الفانوص
الي جانت لازمته....وارافعته الوجهه

ملامحها وهدوئها يدل على الأطمئنان....كالت

-عيوني منا دخلو....هاي من تطفى الوطنيه نظل هيج
لأن الحجي ميرضى نسحب....الايد كصيره..

دخلتنا الغرفه بيها مبخره قديمه...سلمو الولد
رد عليهم رجال لابس شطفه سوده..
ثوبه قديم...
وبركبته سبحه
وبايده قرأن يقراء...
من دخلنا غلقه..رد السلام..وهو يأشرنا نكعد...

جان منتظرنا نحجي..اني بوسطت يزن وغدير..

ياسر كعد يمه يهمس بأذنه وياشر عليه
عيون الحجي الي...
كام وبيده عوچیه...

خلاها علی چتفي الايمن ويقراء المعوذات بصوت ناصي حلو
رجع خلاها على جتفي اليسرى ويقراء اية الكرسي ...وهمات المعوذات

جر أكتاب قديم...أوراقه هزلات

قرأئه و غلقه وعلى صوته وهو يصيح

-لاحول ولاقوة الا باالله العلي العظيم..
أشرنا أنكوم...
اسمعه يكل اليزن والياسر...بعد ماطلعنا..

-دورو البيت كلش زين...وانت ياسر مثل ماكلت
أكو سحر...

والسحر بلبيت مدفون..كلما يبقى السحر
البنيه تنظر....وتتأذى
جاي تفقد عقلها...فقدت صحتها..
لاتفقد حياتها...

فاستعجلو نبشو بيتكم قبل لتموت هل طفله
تقرب الحجي وبيده كلاص مي نفخ بيه
قبل لا اطلع نطاني ياه....اشربه
شربته كله...احس أرتويت أشوي..

كالهم أنتظروها هل يومين...رح تتقيء بكثره
أنتبهو عليها...
ولا تركون المغذي عنها
لأن هسه هي جلد وعظم...معدة فارغه..
ضرب من الجنون جاي يجيها...
الكلام كله عني....واني ولا يمي

طلعنا...
واحنا بسياره...مغص رجعلي بقوه..اصرخ من عنده
على صوتي......بوجع اقسى من الوجع

-هذا شنو انطاني رح أموت لحكولي...
السياره ساقت حيل....
ويزن يكل الياسر...

-خويه استعجل...خل ناخذها تضرب أبره مهدىء
دخلنا العياده مديت ايدي اي شي اريده
محرد يروح الألم......

اشوف نظراته واكررره اكثر
خاصه من ضربنا الابره واكف يباوع عليه

الى ان رجعنا للبيت
وصلت الغرفتي تمددت
ماما.. بابا...يسئلون...محد حجى

بس اشوف باب الغرفه...
ياسر بيده الصونده...يعلم يزن كيف يقراء عليه
وهو يكله....
-طرف لصونده باذنها...وطرف الثاني بحلكك..واقرا
أجتي ماما نطته كلاص مي...يزن يقراء عليه
ياسر يرش الغرفه....مي بلكلاص...
أقترب من عندي...
واني خفت منه...
خلى ايده
على طتف يزن يودعه....وهو يكله

-أتقوى هل مواقف ولازم تتقوون كلكم
...لازم واحد يسيطر على نفسه
اني بكره أجيكم....ادور البيت مالتكم
وأنت لاتخليها وحدها....طلعها أفضل..تشم هوى
................
يجي اليل مااكدر انامه...اله اشوف صورة عمر...
وذكرلي فد ذكرى من ذكريات خطوبتنا...
بس هل مره
نمت لان الابره قويه...
كعدنا الصبح..

دنتريك اكلت كمع صمونه...تقيئته
يزن وغدير....الي بدو يساعدوني ارتب الشال
أطلع معاهم بلكن أغير جو...ركبنا السياره....منا
ومنا نزل ياسر...البيتنا

فصلت كلش عن الواقع...
بس أكو شي الي مثبتني هي ذكرياتي
ولحظاتي وي عمر ..

الي من دونهم يجوز جان متت...
الي مصبراتني عن التعب...مبعداتني عن الجنون
عمر الحب الاول
والعشق الاول
والسيد الاول ...
الي دخل گلبي...
يريده گلبي...يرفضه عقلي...اتلمس اشفافي
وذكر أول بوسه منه...
نزلت دمعتي..ايد لمستني..ورجعتني الوضعي

ايد يزن الي مكعدني يمه بصدر مال سياره...
وبوراي غدير.....
واني أشوف نظراتهم البعض...
مثلنا اني وعمر...
مثل لمعت عيونا...

برغم أزوجو ...من أسبوعين اكثر اقل مدا اميز
بس اشوف حبهم البعض....
مشتاقه العمر...الي أختفى
أختفى مثل الي مموجود......

خليت ايدي على يزن
اريد اكله يوكف يم الكورنيش...
مافهم عليه وهو يسوق...

لأن كل الكلام يخوني...لاف السياره
ورجعنا للبيت....
اول مدخلنا اشوف ياسر..بيتنا
دي سولف يم بابا...وهو يلهث مثل الفحطان
ومتربه ملابسه بيده قزمه... يكول البابا

-عمي حفرت حتى جو الكاشي مال المنور...ملكيت شي

يزن صاحتله ماما يكسر خشب للسمك..
واني رجعت الغرفتي...بدخلتي
واسمع صوت سميره تصرخ وتبچی
اجتي البيتنا....تصيح

-وينك أبو قتيبه لك مزوج عليه...
اني سمير الي حملتك..
وحملت ظيمك تزوج عليه

لك سميره على سن ورمح...تزوج عليه...

طلعت واكفه...دا اتفرج عليها
وعمي يهداء بيها....
وماما تكذب الخبر..
الكل ممصدك...بس الحقيقه أني أعرفها..
ماما كعدت يم سميره...تبچي على بچیها.. تواسیها

-لا تزعلین ام قتیبه...صحتچ آهم مو آنتي مريضه
قتيبه..امجد..بناتها التلاثه وهن واكفات..يم أمهن

سميره صفنت على أيد أخوي يزن...وهي متوتره..

انداريت اليزن..واشوف بيده علاكه سوده مطينه
اجى يفتحها...اتقدم ياسر ياخذها منه...

-لا تفتح أي شي يخوي...خطر عليك...
عيوني للعلاكه..
والقتيبه الي طلع أبسرعه...

سميره توترة...حلكها يبس..جرت ايد بناتها..

-يله تعالن رجعن لبيوتجن...كلشي يصير
تخوف السالفه....

الكل طلع...بقى ياسر خبر ماما..

-خاله اريد طاسه فافون وملح...جاوبته

-صار أبني..عيوني أتبع حركاته...وهو يدخن...
طفى الجكاره...وخبر ماما..

-خاله كل ماافتح ذبي ملح على ايدي..
فتح العلاكه....
وي أول فتحه رشت ملح
طلع ورقه معکوده...وملفوفه بخیط...کلما یفتح
ترش ماما ملح...
کعدت علی رجلی..
وراسی ساندته بآیدی...فتح الورقه بیها طلاسم وشغلات....
من ظمنهن اثر شعر" او ابر
ظل يطلع شغلات
ويرش ملح..
من ضمن هل شغلات...مثل الكره...

رجعهن للعلاكه....بعد ماخلص غسل ايده..
واخذ يزن..
وراحو....
احس نفسي أشوي صرت زينه...
حسيت أبجوع....قوي..كتل ماما...

-حتى لو خبزه وطماطه...جوعانه...
-يمه عساج على اكل

جابولي اكل...واني مثل الترجع له روحه...

رجع يزن فرحان بيده بطل مي...
اجى حظني...

-مبروك خيتي..صرتي زينه ويجوز ازوج من جديد
لأن مركصتي بزواجي....ضحكنا كلنا..
اخوي شهد كعد يبوس بيه..

بابا الي كل شوي يبوس راسي....
ماما...تبوس بخدي.....
بس الخدر لسى بجسمي...
والوجع...
بديت أعرف شنو الي ديصير حواليه..

يزن وهو يسولف الباب....واني بلحمام..جنت

-بابا الشيخ حجى على ياسر كله شلون تفتحهم
متخاف على روحك...بس الظاهر هل ياسر
رجال من صدك...تدري بويه من ضمن هل شغلات
الي بلعلاكه..لكينا كرة..ماعرفناها شنو..بس الحجي
كال النا....

-هاي الكره...مال انثى القنفذ
من تولد بجحر مالتها تطلع ادور على اكل
هنا الدجالين يراقبون انثى القنفذ..
من تطلع
يكتل صغارها ويدفنها بلكاع...يم الجحر
ويغطي باب الجحر بلتراب
ويرش الحفرة بدم صغار القنفذ
من ترجع امهم تبقى تبجي...
باب الجحر
ومن الحزن تطلع من فمها مثل الكرة اوالبيضة الصلبه

ياخذها الدجال للعمل السحر
واستحضارالجن.....

اخطيه انقهرت عليها
يقتلون أطفالها....لحتى يأذون الناس

بس بقى شي واحد لازم نعرفه...
هل سحر
يرادله أفلوس...لأن الدجالين يتعبون بيه..
منو الي مسويه.....ياب

بابا صافن.. عيونه الي طلعت من الحمام..

-اهم شي رح تشفى أختك...والي سواها الله يجازي

كام وهو يحضني...وياخذني للفراش...
تمددت...
وشفت صورة عمر...
اخذت الفون مالتي مبي شحن ..
خليته على الشحن......ونتظرت..

حتى من صحيت..
وبوجعي اريد عمر..
عمر الي خلاني بين قصائد الشعراء
بين سطور شعر نزار القباني....واخلاني اميره

انشحن عشره بلميه...
دورت رقم عمر...

رنيت عليه فتح خط؟؟؟؟

.......