رواية خلف القضبان روح يتيمة الفصل العاشر 10 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
______

ركان - خلص بس لا تصير عصبي
اجي وياك اسوق انت مثكل بالشرب

رعد - لا مايحتاج اكدر اسوق

ركان - ماشي خويه اي شي تحتاج خابرني

رعد - ماشي
عفته وطلعت ماعرف وين اروح احس روحي
ضائع تائه وكفت السياره خليت راسي عل ستيرن مية فكره ادور براسي وصداع موتني

شغلت السياره
ورحت يمها ماريد ارجع للبيت واشوف عمران النذل  لان اعرف اذا شفته ماراح اسيطر على نفسي شوي وصلت صعدت لطابق الثاني
دكيت الجرس فتحت الباب

ريتاج - بصدمه/
رعد شوكت نزلت

رعد - ريتاج تعبان

ريتاج - التعب بيه ولا بيك فوت حبيبي فوت

رعد - دخلتني ماكدر امشي كعدت عل تخم
راحت جابتلي كلاص مي

ريتاج - حيبي شبيك شصاير وياك
وليش هلكد شارب

رعد - مو شغلج

ريتاج - لعد شغل منو مو من حقي اعرف زوجي
شبي

رعد - اني جاي هنا ارتاح من الضجيج
لاتوجعين راسي

ريتاج - ماشي اروح اسويلك جاي
متعشي لو لا

رعد - لا

ريتاج - اكوم اسويلك احلى عشاء ويدلل حبيبي

رعد - ماشي
راحت واني تمددت صافن عل سكف اني بنفسي ماعرف شنو اريد مامرتاح ساكت والسوالف الي بكَلبي مال صياح غمضت عيوني وماحس غير لمسات ايدها على عيوني وشواربي

ريتاج - رعدي

رعد - ها

ريتاج - مشتاقتلك شبيك حبيبي

رعد - تعبان

ريتاج - التعب بيه ولا بيك
حبيبي كوم نتعشه سوا

رعد - ماشي
كمت غسلت وجهي بمي بارد
تعشينه سوا رحت اتمدتت عل تخم
خال ايدي على عيني ماحس غير لمسات
ايدها النعامه على وجهي وتهمس بأذني

ريتاج - حبيبي

رعد - ها

ريتاج - احبك اعشكك اموت عليك
نظر عيني وماي عيني

رعد - كلهن اني

ريتاج - اي هو اني شعندي غير رعدي حبيبي

رعد - سحبتها عليه
اي وبعد كملي

تقدمت اكثر وايدها تتلمس
عيوني ورموشي

ريتاج - رعدي حبيبي وكَلبي ونظر عيني
اروح فدوه لهاي الرموش عيونك احلى عيون
اشوفهن بحياتي رعد مشتاقتلك موت ونار
الشوك يحرك بكَلبي حرك

رعد - ريتاج

ريتاج - عيونها

رعد - تعبان كُلش ومالي خلك شي

ريتاج - صدكني راح تنسى تعبك

رعد - شوفي حالتي ماعرف جم بطل مزقنب
خليها غير مره تعبان

ريتاج - لا رعد فدوووه شنو هاي مشتاقتلك

رعد - ريتاااج لاتعصبيني اكلج مال خلك شي

ريتاج - خلص بس لا تصير عصبي

رعد - اشوف برطمت سحبتها لحضني مسكت
خدها وشفتها
هذا الحلك ماريده يبرطم خوش

ريتاج - اني اريد انسيك تعبك

رعد - اعرف بس اني مالي خلك

ريتاج - هذا الشي يرادله خلك

رعد - غمزتلها وكلت
اي غير يراد واهس وخلك ياعيني

ريتاج - خوش اكوم

رعد - وين

ريتاج - امسح الصخام المكياج

رعد - كامت مسكت ايدها وسحبتها عليه
تعالي لا تمسحين شي 

__________
في مكان اخر

نور - وصلنه بغداد ازدحام  اباوع كلمن مشغول برزقه الرجال اليبيع چرك والجهال اليبعون الكلينيكس وابو الستوته والتكسي واكفين ينتظرون رزقهم التفتت عل جهَ الثانيه اشوف اطفال تنظف جام سيارات الناس والرجال الماسك ايد اطفاله ويمشي وطلاب المدارس اليدرس ومتوجه لمدرسته واليحجي ويضحك ويه جماعته
واليحجي بالموبايل صفنت عل الناس كلمن يروح لمحطه مختلفه  عن الثاني كلمن مشغول بحاله غمضت عيوني اااخ يانور شكد تعبانه بحياتج

شويه وجان اسمع صوت منال تكول

منال - واخيراً وصلنه

نور - التفتت اشوف
منطقه راقيه وكل بيوتها طابقين بس
جان بين هاي البيوت بيت طابق واحد صغير وقديم  چنه مسكون مو بيت من كد ماقديم وكف ابو التكسي يم هذا البيت بلعت ريكي وكلت
بس لا هذا هو البيت

منال - عشتوو خاف ماعاجبج بنت الفكوره

نور - ماجاوبتها التفت زوجها عينه عليه ويحجي ويه منال

سهيل - منال مو وكت هذا الحجي يلا نزلو الجنط

منال - ادلل

نور - نزلنه الجنط راح ابو التكسي اشوف البيوت شكد كبار وحلوه بس هذا البيت قديم

التفتت شفت  بنيه امبين فلبينيه تغسل كدام باب بيت قصر جبير كُلش طابقين ويم فلبينيه جانت واكفه بنيه حلوه ونازكه تكله نظفي هنا زين يم بيتهم كله حراس هما تقريباً ماقبيل هذا البيت الراح نسكن بي بس ذوله ماخذين مساحه كُلش جبيره بحيث ماكو احد بالفرع مقابيل بيتنا عل ركن غير بيتهم التفتتلي البنيه الجانت واكفه يم الشاغله ابتسمت رديت الإبتسامه فتح الباب زوج منال ودخلنه الجنط اول مادخلنه الحوش صغير مو كُلش جبير  وعل يمين حديقه يابسه صغيره وبعدين يجي باب المطبخ وعل يسار باب غرفة الضيوف دخلنا اشوف المطبخ مزبله البيت عباره عن تراب وصخ بحياتي ماشايفه هيج بيت وصخ امبين متروك من زمان دخلت شفت الصاله

وغرفتين وره يعني تصميمه مابي شي بس صغير مساحته يطلع اقل من 100 متر

منال - شدي حيلج اريد البيت يلمع لمع فهمتي

نور - خاف عبالج وحدي انظف هاي المزبله

منال - اي مو بس عبالي الا متأكده

نور - منال وحدي ما اكدر لازم تساعديني حرام
عليج شوفي البيت عبالك مسكون
الله يعلم جم سنه متروك

اني هيج كلت اجه زوجها كال

سهيل - اي منال ثنينكم نظفو علمود بسرعه تخلصون

منال - لخاطرك يابعد كَلبي وله اني اساعد هاي الحيه

نور - كتلها
الله يهديج بس هيج اكول
عفتهم ورحت اخلي الجنط بمكان
المكان كله تراب راح زوج منال جاب
ادوات تنظيف وصونده وممسحه ارضيه  بدينا بالشغل جلفنه البيبان  والشبابيك والكاع نجلف ويطلع منه كومه وصخ صار الليل واحنا بعدنا انظف البيت كالت منال باجر نكمل فرحت لان كلش تعبت راح زوجها جاب لفات كص هيَ وزوجها اكلو واني محد كلي تعالي اكلي خلصو يلا صاحتني

منال - انتِ هييي تعالي

نور - اذا نسيتي اذكرج عندي اسم

منال - عشتوو عندها اسم دنجبي وتعالي
ازقنبي لفتج علمود تفرشين الفراش نريد
انام

نور - من كامو هما يلا رحت فتحت الكيس مال لفه واكلت جنت جوعانه خلصت شلتهم وفرشت الفراش منال وزوجها نامو بغرفه واني نمت بالغرفه الثانيه والصاله وغرفة الضيوف بعدها وصخه باجر نكملها رحت توضيت وفرشت السجاده اصلي قيام الليل حسيت  بشعور غريب اصلي في بيت ومحافظة جديده صليت ورفعت ايدي لسماء وكلت ربي احفظني واسترني وفرح كَلبي يارب  تعبانه
ربي مالي غيرك يارب

رحت قريت القرآن شوي ونمت صار الصبح كمت وكملنا باقي الشغل اني ومنال زوجها طلع من الصبح لشغل يشتغل عماله خلصنه المطبخ والصاله وغرفة الضيوف صار البيت نظيف يلمع لمع بس بقه برا الحوش والحديقه وباب الحوش نغسله

منال - كافي اني تعبت انتِ روحي كملي برا

نور - ماشي
رحت كنست الحديقه وغسلت الحوش والجدران
بقى يم باب الحوش خليت الشال على راسي وطلعت اغسله وانظف يم الباب  صار الوصخ عل شارع رحت اغسله جان تمر سياره GMC سوداء مضلله ماهتميت كملت شغلي دك هورن فتحوله الباب الحراس اباوع حوشهم شكد جبير هذا الحوش هيج لعد الجوه والغرف شلون

خلصت دخلت جوه اسوي الغده
شويه وجان يندك الباب

منال - غراب البيل روحي شوفي منو

نور - شحجي وياج اعوفج ماجاوبج احسن

رحت افتح الباب اشوف نفس البنيه
يلي شفتها البارحه جايه وياها الفلبينيه
امبين الشاغله مالتهم

بتول - السلام عليكم شلونج داده

نور - عليكم السلام حبيبتي الحمد لله

بتول -  حبيبتي  احنا جواراينكم هذا بيتنا
يلي بال ركن جبتلكم اكل شفتكم
من البارحه تشتغلون كلت اكيد تعبانين

نور - اي والله هلكنه بس ليش مكلفه نفسج
ياعمري اني مسويه غده

بتول - ميخالف حبيبتي حق الجار عل دار والرسول عليه افضل الصلاة والسلام وصه بسابع جار

نور - اباوع شكد حلو طريقة كلامها وملامح وجها شكد بريئه وتنحب اخذت الصينيه من الشاغله
كوه كدرت اشيله جبيره

شكراً حبيبتي

بتول - الف عافيه داده امانه اي شي تحتاجون دكو الجرس يطلعون الحرس كولي من طرف بتول
والباقي عليه اي شي تحتاجون مايردكم غير لسانكم

نور - حبيبتي تسلمين

بتول - عيني تدللون شنو اسمج

نور - اسمي نور وانتِ بتول كلتي مو

بتول - عاشت الاسامي
اي حبيبتي اسمي بتول

نور - عاشت الاسامي

بتول - يابعد كَلبي
يلا  داده مع السلامة

نور - الله وياج حبيبتي
راحت شكد تنحب وحلوه ما شاءالله الله يحفظها لهلهَ سديت الباب استلمتني منال

منال - منو جان

نور - جوارين جابو اكل

منال - صدك وشنو دازين

نور - ماعرف
اني هيج كلت وهاي طفرت جتي تشوف شنو دازين

منال - عابتلج شكد فاهيه شو وخري
شنو هذا شكبره

نور - شكت السليفون (ورق المنيوم )  جان صينة مندي جبيره و علي فخذ خروف كامل انصدمت منال

منال - عززززه شنو هااي يمممه ذوله شون جوارين

نور - شبيج ماشايفه اكل

منال - بنت الفكر شوكت ماكلين هيج اكل

نور - هسه عرفت منو الفكر بينا

منال - هييي سدي حلكج قبل لا اشكه فهمتي

نور - اوي اروح اكمل شغلي احسلي
عفتها ورحت اكمل الشغل

__________

رعد - كمت على ضوء الشمس اباوع ماكو احد بالغرفه كمت اسبح طلعت ملابسي ورحت سبحت طلعت بدلت وسشورت شعري

ريتاج - صباح الخير حبيبي

رعد - صباح النور شنو هاي نايم اهنا
وماحاس على نفسي

ريتاج - اي البارحه جيت جنت كُلش تعبان
ومثكل بالشرب تعشينه ونمت هنا

رعد - راسي مصدع ماعرف ماذكر زين
مقتطفات بس

ريتاج - اي من الشرب ماتذكر

رعد - الريوك جاهز

ريتاج - اي حبيبي محضرتلك ريوك يجنن اني اروح وانت خلص وتعال لا تتأخر

رعد - خوش

راحت واني كملت وتعطرت ورحت اتريك
وهيَ تريد تحجي بس متردده اخذت زيتونه
وكلت

بسرعه احجي شتريدين

ريتاج - ها لا منو كال اريد شي

رعد - براحتج

ريتاج - لا شوف حبيبي صدك اريد اطلب منك طلب

رعد - اي وشنو هوَ

ريتاج - مو شسمه رعد فدوه لا تصير عصبي وخليني اكمل وانت احكم

رعد - خوش احجي

ريتاج - حبيبي يعني لشوكت نبقى هيج محد يعرف بزواجنه وعلاقتنه مابيها اي هدف نكمل علموده

رعد - التفتت عليها رفعت حاجبي
نزلت عيونها 

ها ست ريتاج شو هاي اسطوانه جديده مال ماكو هدف بعلاقتنه نكمل علموده شنو قصدج تردين طلاك اني حاضر

ريتاج - لااااا والله ماريد طلاك ينكص لساني اذا
اطلب الطلاك منك بس رعد اني احبك ماكدر اعيش من دونك اعرف انتَ ماتحبني بس تكضي وقتك وياي بس اني احبك صدكني

رعد - اني ماحب احد علمود احبج

ريتاج - بس يارعد مايصير نبقى هيج فدوه
خلي نجيب طفل واحد بس واحد التهي بي
من انت تنزل واجب اني شنو ذنبي ابقى وحدي

رعد - ليش وحدج جدي يوميه طالع ويه اصدقائه ويفتر بالمولات

ريتاج - والله حدي المول وارجع وانت تعرف

رعد - هسه شنو تردين انطيني الزبده

ريتاج - طفل اريد منك طفل

رعد - بأحلامج حتى بحلمج ماشوفين فهمتي
لا تنسين منو جنتي وشلون اخذتج ومن وين اخذتج

ريتاج - ماكو داعي تذكرني

رعد - لا اكو داعي الظاهر ناسيه اخذتج حتى استر عليج ماماخذج حتى تصيرين ام جهالي
وهذا الموضوع اخر مررره تعيدي مفهوووم

ريتاج - ليش هيج عصبي بس فهمني

رعد - بكيفي مو شغلج ونصيحه لاتجاوزين حدودج وتاخذين دور الزوجه التخاف على زوجها
وتعيشين الدور

ريتاج - بدموع /
رعد شبيك وياي

رعد - اهووو انتِ ناويه تعصبيني
بزايد واني مالي خلك نكدج

ريتاج - يااا شبيك

رعد - اني رايح وحدج اتريكي

اخذت المحفظه والموبايل وطلعت
صعدت بسياره فتحت الموبايل ادور على اسمه وينه وينه وين صار ها لكيته
خابرته شوي ورد

سويت الكتلك علي لو بعد

- اهلا ً استاذ رعد اي بس باقي
تبلغنه ويتم التنفيذ

رعد - حلوو اليوم بالليل اريد كلشي ينتهي

- حاضر استاذ احسبه انتهى

رعد - خوش نشوف سديت الخط
اذا ما احركك حرك ياعمران ما اسمي رعد بسيطه
اليوم اله ادكم دك  انه ولكم انه تندكون بيه سسهله
شغلت اغاني مسافة الطريق رجعت للبيت

______
في مكان اخر

بتول - راحت تيلا تغسل يم الباب رحت
اوكف يمها وجان يجي تكسي وكف عند رابع بيت بالفرع مقابيل بيتنه جان هذا البيت قديم ومتروك صار سنين اقدم بيت بالفرع نزلت منا بنيه شكد حلوه اجنن تخبل ونزلت مره يمكن امها ويه رجال اتوقع ابوها

ضلت تباوع عل مكان مستغربه التفتت عليه
ابتسمت بوجها ردت الإبتسامه ودخلو جوه
واني هم دخلت وصار الليل وهم مارجع رعد
وامي بس تبجي واني حايره شسوي وابوي رجع تعشه وماحجه ويه احد صار الصبح كمت غسلت وجهي ورحت اشوف امي وين اشوفها كاعده بالحديقه تسقي الورد رحت حضنتها وبست راسها
صباح الخير يا احلى ورده

جوان -  هلا حبيبتي  صباح النور

بتول - يمه وين ابويه

جوان - طالع

بتول - اممم خوش جتي ابالي فكر
يمه يمه

جوان - ها يمه

بتول - هذا البيت المقابيل بيتنا

جوان - وين اكو بيت مقابيل بيتنا

بتول - مو مقابيل اقصد يعني البيوت الكدامنه
عود رابع بيت

جوان - شبي

بتول - يمه البارحه سكنو بي يمه لو تشوفين
البارحه نزلت من التكسي  بنيه شكد حلوووه تخبل تخبل بيضه ثلج ثلج ما شاءالله ونازكه

جوان - اها وشلون وحدها سكنت ماعدها اهل

بتول - لا ويه مره ورجال يمكن امها وابوها

جوان - بس هذا البيت قديم ومتروك

بتول - اي اني هم انصدمت يمكن حالتهم مو كُلش

جوان - اي يايمه كلمن وهما شكل ماكو واحد مرتاح الحمد لله

بنول - اي والله الحمد لله

جوان - اخوج ماخابر

بتول - لا والله

جوان - الله يعلم وينه خايفه علي

بتول - ههههه يمه على منو تخافين على رعد
كولي اخاف عل ناس منا

جوان - انجبي لاتحجين على اخوج
شطوله لسانج

بتول - هههه يمه مو احجي علي بس رعد يخوف
وماينخاف علي

جوان - اااخ نار بكَلبي ماعرف شسوي ويا

بتول - زوجي

جوان - ليش يقبل علواه يقبل شفايتلي اشوف جهاله وازوجه رنكين بنت خالتج

بتول - لا لا فدوه يمه شايفه تكبر وغرور
رنكين لا ماتنجرع كُلش ماقبل

جوان - انجبي شبيها البنيه

بتول - ماقبل والله اذا جتي تسوي حياتنه جحيم
بزايد

جوان - يااا

بتول - اي هسه مو وكت هذا الحجي
اكلج يمه اطلب طلب قبلي فدوه

باوعت عليه وفرت حلكها مثل ام زكي
صغرة عيونها وكالت

جوان - اممم كولي الله يستر من طلاباتج

بتول - ههههههه فديتج والله اني فقيره فديتني

اريد اروح اودي اكل لهذا البيت الكتلج علي
يعني هسه هذا طلب صعب

جوان - لا اذا هيج ميخافل واجب علينه بعدهم جدد روحي ودي حق الجار عل دار

بتول - حضنتها وكمت ابوس بيها
فددديت امي احبج احببببج اني اكول على منو طالعه كريمه ثاري عليج طالعه

جوان - هههه اخ منج ام لسان منو يكدرلج

بتول - ههه
يلا اني ارووح اتريك

جوان - هههه ولج على كيفج لا تركضين

بتول - حاضرر يدلللل الحلووو
رحت اشوف تيلا

تيلا حبيبتي وينج

تيلا - نعم ماما

بتول - اريدج تسوين مندي عل غده تعرفين

تيلا - لا ماما  انا مايعرف يسوي

بتول - اممم شلون سالفه لعد اروح اوصي من برا
ولا اكلج تعالي اني وانتِ نسوي انطلع من اليوتيوب
ونتعلم

تيلا - حاضر ماما

بتول - اي يلا حضريلي المواد واني بس اتريك ونبدي بي بس طلعيلي التمن واللحم

تيلا - حاضر ماما

بتول - رحت تريكت عل سريع وشلت شعري ولبست الصدريه عود شيفه هههه وطلعت عل يوتيوب طريقة طبخ المندي طلعلي هواي طرق اختاريت وحده منهن وبديت اسوي مثل مايسون وتيلا وياي تساعدني وامي هم جتي ساعدتنه
اكيد ماكدر وحدي

ولج تيلا خفي ايدج راح نتأخر

تيلا - حاضر ماما

جوان - تيلا ماما طلعي التمن

تيلا - حاضر ماما

جوان - وبتول يمه روحي
انتِ عل لحم تبلي وانطي للحراس يروحون
يشوو بفد مطعم احسن من البيت

بتول - فددديت افكارج والله خوش فكره
يلا رايحه

تبارك - اشم ريحة طيبه

بتول - صار زحمه نزلتي من غرفتج

تبارك - سكتي وخليها الشغل موتني مديخلص
اي شدسون اساعدكم

بتول - دسوي مندي صينيه النا وحده لبيت الجوارين

تبارك - واووو مندي فرد مره شنو السالفه صدك تعالي منو علمج تسوين مندي

بتول - ههههه اليوتيوب علمني وامي ويانه دسوي

تبارك - ليش جازفتو وبهاي الكمية اذا ماطلع
طيب

بتول - هو لو بالهدف لو بالنجف مابيها مجال

تبارك - بسم الله علينا اني ما اكل من هسه اكلج

بتول - عشتوووو ولا تاكلين محد كلج اكلي

تبارك - اي خوش ولمنو ادزين ياجوارين

بتول - جوارينه الجدد

تبارك - يابيت ولج

بتول - هاي البيوت الكدامنه عاد رابع بيت

تبارك - القديم المتروك

بتول - اي

تبارك - عزه حشى السامع الجلب مايعيش بي
هو هذا هم بيت

بتول - والله ياختي ماعرف

تبارك - اي شعلينه 
اكلج رعد مارجع البارحه م

بتول - لا

تبارك - اممم ديلا كملي اغسل ايدي واروح
اساعد امي

بتول - ماشي
راحت تبارك واني كملت تتبيلة اللحم والحراس اخذو

اني طبعي احب اتعلم حلويات واكل وعندي واهس اسوي واتعلم تبارك بالعكس ماتحب المطبخ والأكل المهم كملنه بعد ساعتين رجعو الحراس وامي سوت التمن ورتبت اللحم عل صينيه وغلفته بورق السليفون ( ورق المنيوم  )

جوان - يلا يمه اخذو

بتول - بستها
امممح فديتج احلى
تيلا يلا تعالي ناخذه

تيلا - حاضر ماما بس هذا كبير

بتول -يعني ماتكدرين تشيلي

تيلا - انا مايعرف ماما

بتول - شو جربي اذا ماتكدرين اخلي الحراس
يشيلو

تيلا - لا ماما انا يكدر

بتول - ماشي يلا تعالي نروح

تيلا - حاضر ماما

بتول - رحنا اني وتيلا دكيت الباب طلعتلي نفس البنيه ما شاءالله شكد حلوه بيضه ثلج ثلج  ما شاءالله وعيونها كبار ولونهن عسلي فاتح رشيقه ونازكه بشكل ما شاءالله عليها

حجيت وياها طريقة كلامها شكد حلوه وهادئه حتى بكلامها انطيتها الاكل ورجعنه احضر السفره مال غده وجان اسمع صوت سياره

تيلا شوفي منو رجع

تيلا - حاضر ماما

بتول - كملت الترتيبات جتي تيلا

تيلا - ماما هذا بابا رعد

بتول - صدددك عفت البيدي وطلعت برا

رعد - رجعت للبيت اول مانزلت من السياره
جتي امي تحضني وتبوس بيه

جوان - يممه فدوه اروحلك فدووه اروح لطولك وين جنت يايمه ضل بالي عليك انت زين مو اكلت شي

رعد - بست ايدها وراسها
يمه والله زين فدوه اروحلج كُلشي مابيه واكف كدامج عرج مايطكني لا يضل بالج

تبارك - رعد خويه لاتلومها لو تشوف البارحه
شصار من طلعت

بتول - تبارك هيج كالت واني رحت حجيت ويه رعد غيرت الموضوع واشرت بعيون لى تبارك سكتت

فدووه اروحلك خويه ضل بالنا عليك

رعد - فديت الضال بالهم عليه والله زين
بس راسي صداع موتني اريد اروح انام

جوان - لا يمه لازم تتغده يلا تنام

بتول - اي فدوه رعد والله مسوين شلون مندي يلوك لهل حلك فدوه خويه اتغده ويانه

رعد - ماشي بس عمران بالبيت لو لا اني مااكعد ويا على سفره وحده

جوان - لا يمه من الصبح طالع ومارجع

رعد - ماشي اروح ابدل وانزل حضرو الأكل

بتول - ماشي
راح رعد واني وتبارك وتيلا حضرنه السفره اجو اخواني البقيه وكلنا التمينه نزل رعد هستونه نريد ناكل وجان نسمع صوت صياح برا انصدمنه طلعنه ركض نشوف شصار والصدمه نشوف دخان تارس الفرع طلعو اخواني يشوفون شصاير

رعد - ولك هذا حريق

حيدر - اي وربي

رعد - بسرعه روح جيب الطفايه
وسيف خابر عل اطفائيه بسرررعه

سيف - ماشي

بتول - طلعنا برا الناس كلها التمت

تبارك - عزه بس لا ناس بالبيت هسه صايرين فحم

جوان - سوده عليه  الله يستر

بتول - راح رعد اولد الجوارين يجبون بطانيه
مبلله وحيدر جاب الطفايه مال بيت بس مايفيد النار جبيره ماينطفي

حيدر - مايفيد شنسوي

رعد - ولك اكو صوت جوه اكو ناس

سيف - خابرت الاطفائيه بس تعرف زدحام بغداد
الله يعلم شوكت يوصلون

رعد - مانكدر ندخل انطلع الناس الجوه

حيدر - تخبلت وين نكدر دشوف النار شلون كابه

رعد - لعد نبقى هيج نشوف الناس تموووت

حيدر - اعصابك يمعود  هسه نشوفلنه حل

رعد - سيف

سيف - كول 

رعد - روح جيب طفايه ثانيه بسرررعه

سيف - خلص مابقه

رعد - روووح شك الكاع وطلعلي وين ماجان
اريد طفايه بسرررعه

سيف - تم

رعد - احمد روحو مره ثانيه خابر الاطفائيه اخبصهم خبص يلاااا

احمد - تم

بتول - كلهم انخبصو الفرع كله طلع

___

نور - كعدنه ناكل شوي وسمعنه صوت صياح وهوسه

منال - من وين يجي هذا الصوت

نور - برا

منال - ولج ريحة حرك و دخان عزه

نور - كامت ركضت منال برا واني خليت الشال على راسي رحت اشوف شكو وجان اشوف بيت بالفرع كابه النار بي وصاير حريق جبير والناس مخبوصه شلون اطفي النار خليت الشال على خشمي من وره كثرت الدخان الأسود التفتت
شفت بتول ومره وبنيه واكفين يم الباب
راحت يمهم منال واني بقيت واكفه يم باب بيتنا

منال - عيني هاي شكو شصاير

بتول - والله خاله حالنه حالكم كعدنه نتغده وسمعنه صوت صياح وهوسه طلعنا ونشوف الدخان تارس الفرع

جوان - سوده عليه يمكن اكو ناس جوه

منال - يااا سترك ربي

بتول - الله يستر

نور - اباوع الناس شلون مخبوصه رفعت ايدي
لسماء ادعي محد يتأذه نزلن دموعي واني اسمع صوت صياح داخل البيت ربي احفظهم يارب

ضليت واكفه شوي وجتي الاطفائيه طفو النار واني ادعي وابجي عل ناس الجوه بنص الدخان طلع واحد طويل معضل لابس تيشيرت اسود لازك على عظلاته وجهاصاير اسود من الدخان شايل بيده طفل ..............................

_
__________
يكول

كون بلا حجي نتكابل اني وياك

بعيوني السوالف كلهن اشرحهن

واسولفلك عليك شكد اسولف بيك

كبل لا جنت اعرفك بيه اسولفهن

سواليفك حفظ ماتنكتب باقلام

على خطوط الجفن برموشي كاتبهن

_

قلبيييييييي شنو توقعاتكم لبارت القادم ؟

حبايبي لا تنسون
التصويت بالنجمة
وتعليق بين الفقرات
وتفاعلكم مع الرواية
اذا ماكو تفاعل ماكو بارت لان اني هم
اتعب علمودكم وابسط شي حق تعبي تعليقات وتفاعل بالرواية  يعني مو شي صعب او متعب
اذا تفاعلتو وصلتو 200 تعليق باجر ينزل
البارت ال10 ماشي قليي

_

حسابي وانستجرام انشر هناك كلشي يخص الرواية  👇

حسابي واتباد تابعوني حتى يصلكم كل جديد 👇

Jehan-Stories

والان نختم هاي اللمه الحلوه بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا