#خلف القضبان روح يتيمة
#بقلم الكاتبه جيهان آغا
_
_
قبل مانبدي صلو على سيدنا محمد
( اللهم صل على سيدنا محمد وعلى ال محمد )
ولا تنسون تفاعلكم يحفزني
اكتب البارت وانزله اسرع
قراءة ممتعة ياقلبي
__________
نور - ابتسمت تلمست وجهه ورموشه بأطراف اصابع ايدي ورفعت نفسي بأطراف اصابع رجليه وكفت على اصابع رجله ابتسم تقدمت حاوطت ايدي على رقبته هو اطول مني بهواي تقدمت شمية ريحته التارسه رقبته غمضت عيوني وبسته بخده
رعد - اشتعلو اهلج
نور - هههههه شكلنه
رعد - ولج شبقيتي بيه
نور - ههههه
تقدم و لمسات ايده تنزل ابطئء من كتفي لحد اصابع ايدي وايده الثانيه على خصري رفعني اله رجع حط راسه برقبتي واني متقبله كل شي يسوي وراضيه احس التوتر بده يقل احس شي اقوه مني يجذبني اله ماعرفت افسر شعوري لكن احس
بأمن واني ويا اخذ نفس من رقبتي كال
رعد - نور
نور - عيونها
همس حجه حرف حرف بهدوء
رعد - ا ح ب ج
نور - واني هم احبك
رعد - عروك كَلبي بنت كَلبي انتِ
نور - ياعمري
حضنته كتله
: رعد
رعد - ياكَلب رعد انتِ وعمره لرعد وحبيبة رعد
ومرته لرعد واميرته
نور - نزلن دموعي كتله
: اريدك دوم يمي لا تعوفني
رعد - ماعوفج لو اعرف اخسر عمري صدك تحجين ولج مامصدك شلون عرفتج وخطبتج وصرتي الي
نور - مسح دموعي وباس راسي وكال
رعد - احبج يابنت كَلبي
نور - احبك يا ابن كَلبي
شالني بهدوء وحطني عل سرير جانت الغرفة مضاءة بضوء خافت ضاف جوًا من الرومنسيه والطمأنينة تقرب يبوسني حسيت بخوف
كتله
رعد خايفه
رعد - ليش ياكَلبي انتِ
نور - ماعرف
رعد - شلون وياج انتِ تدللين عليه ولصبر حدود واني صبري خلص حده
نور - ههههه ليش ادلل
رعد - يجرالج ست نور ماتعرفين ليش
ولج اني ميت بيج وانتِ خايفه لا تخبليني
نور - هههههه
رعد - وتضحك اشتعلو اهلج يانور
نور - هههههه
رعد - نور
نور - عيونها
رعد - اريدج اليوم مابيها مجال
نور - سكتت ماعرف شنو ارد انوب توترت كتله
ماشي بس اول شي ممكن تحضني
رعد - بس حضن ؟
نور - كلت اول شي
رعد - تدللين
نور - تمدد عل سرير وسحبني اله ضمني بحضنه حسيت بالحنان الاحتواء سحب ايدي يبوس بيها
رعد - مو اصابع اقلام
نور - ابتسمت كتله
رعد شوكت حبيتني
رعد - ماعرف فجأه اشوف نفسي صرت
مجنون بيج وبحبج
نور - ابتسمت كال
رعد - سؤال مهم
نور - جواب
رعد - انتِ شوكت حبيتي رعد
نور - نزلن دموعي واني اذكر يوم الراد يغت.صبني زوج منال حضنته وكتله
حبيته من ربي تقبل دعائي و دزه الي حتى
ينقذني من مصيبه كادت ان تدمر حياتي رعد
احبك تعرف شنو احبك ثق بالله هاي الكلمه ماتنكال بسهوله مو كلمن كال احبك حب من صدك صدكني كملة احبك عند الناس الصادقين بمشاعرهم تنكال من اعماق القلب
مسح دموعي بيده باسني وكال
رعد - شوفي اني ماعرف على ذنوبي رب العالمين راح يتقبل دعائي او لا بس ثقي بالله من كل كَلبي ادعي الله لا يحرمنا من بعض وبس الموت يفركنه
نور - ابتسمت
تلمست وجهه ورموشه بأطراف اصابعي صافنه على عيونه تقدمت بسته وهو كذالك جانت ليلة لا تنسى ومشاعر الحب والشوك والسعادة والخوف اختلطت بس جانت اجمل واحلى ليله بحياتنه بيومها ادركت اني صدك احبه حب عظيم صادق نابع من الكَلب وليس فقط كلام صرت بيومها
زوجة رعد شرعاً وقانوناً
ماكذب جان الخوف متعبني التوتر محتلني بس هو نساني شي اسمه خوف بحنيته وتعامله الحلو وياي حتى التوتر راح جانت ليله مميزه بنسبه النا
ادعي الله يبارك النا ولكل زوجين
___
: صار الصبح فتحت عيوني جنت نايمه بحضنه
اباوع علي شلون نايم فديت حتى بنومته حلو
انداريت اشوف الساعه بال9 اريد اكوم ماكدر حاضني وكَلبي ماينطيني اكومه كُلش حلو وهو نايم اتلمست وجهه ورموشه اعشق رموشه طوال
واني بالمسكاره ومو طوال مثل رموشه نزلت ايدي على وجهه وشواربه وشفته ماحس غير عض اصبعي روحي شاغات
اااخ شبيك رعد ليش هيج
فتح عيونه
رعد - منو كلج تحارشي بيه
نور - هيج صار الحجي خوش بعد مالي شغل بيك
ردت اكوم سحبني لحضنه يشم برقبتي كتله
وانت ليش تتحارش ماتستحي
رعد - هههههه لا مااستحي
وانتِ هم لا تستحين
نور - اني مو مثلك منحرفه
رعد - ههههه يمج اكبر منحرف شسوي
نور - حظي
رعد - من اروح فدوه لحظج
نور - باسني بخدي شواربه خشنه ومزعجه
وهو يبوس بيه بقوه كتله
رعد
رعد - عيونه واهله
نور - شواربك مزعجه
رعد - ههههه ازينه لخاطرج ادللي
نور - لا عوفهن ساترت عليك
رعد - افا هيج اني ماحلو ولج
نور - لا حبيبي ماقصد هيج غير تخبل
بس اكول عوفهن
رعد - تدللين يانظر عيني
ماكلتي شلون جانت ليلة البارحه ماعرفتج هيج تموعين بسرعه عود جنتي خايفه وهيج لو مو خايفه شلون
نور - صدك ماتستحي
رعد - ههههههه لسانج طويل هسه والبارحه
اختفه لسانج
نور - رعد كافي استحي من هيج سوالف شنو ماتستحي انت
رعد - هههه لا ما استحي
نور - وخر اريد اكوم
رعد - بعد وكت
نور - راح تصير بال10 شبيك
رعد - ميخالف مشتاكلج كلت بعد وكت
نور - تقدم يريد يبوسني كتله
رعد قابل نبقى هيج ترا مايصير
رعد - ولج شنو المايصير ههههه
لا تخبليني ولو خبلتيني شبقيتي بيه
نور - باسني ابتعد كال
رعد - ينعل ابليسج شنو من شفه عندج
نور - رعد ترا اخجل شنو السالفه
رعد - ترفه وتخجل ربي صبرني بس لو اعرف
الخلفچ مافكر بحالي مره وكل الصفات البيـچ تحـلالي
نور - اووو فدوه احبك واعشك كلامك
رعد - احبج واعشكج وميت بيج صدكي
نور - ههههه رعد تعرف شنو
رعد - شنو ياكَلب رعد
نور - اني معجبه برموشك
رعد - اني ورموشي نروحلج فدوه
نور - هههه بسم الله عليك حبيبي
رعد - من تضحكين اريد اكلج اكل لا تضحكين
نور - ههههه تمام
______________
في مكان اخر
بتول - جنت بالمدرسه ومر اليوم عادي رجعت اشوف سيارة ابويه موجوده يااااي واخيراً رجع
ركضت للبيت دخلت اشوف تيلا وامي يجهزون الغداء
: كواج الله يمه
جوان - هلا يمه يكوي حيلج
بتول - الغالي راجع من السفر مو
جوان - اي قبل شوي رجع سبح ونام
بتول - اوف ردت اشوفه مشتاقتله
جوان - مراح يطير امل الشوك
بتول - هههههه فديت التغار ترا اني احبكم انتو الاثنين
احمد - الاثنين لو الأحد
بتول - اجه احمد ابو النسوان
جوان - هايمه شو صار ابو النسوان
احمد - ههههه وربي بس هيج سمعه عل اسم صافيه دافيه
بتول - احسن بدون وجع راس
احمد - خبره ماعرفتج
بتول - هههههه وين ياحضي
احمد - احسن اكلج يمه صدك ابوي راجع هسه الحراس كالو
جوان - اي يمه رجع
احمد - والله طول هل مره شنو السالفه
بتول - اب صدك هو ابوي يكول شغل شغل ويسافر ايام واشهر يلا يرجع شنو شغله هناك مافهمت
احمد - اي والله مثل الاطرش بالزفه هاي احنا
جوان - لا تفهمون يايمه احسن الكم
يلا روحو بدلو شوي ويكمل الغداء
احمد - اي مية جوع
بتول - اني هم
صعدت فوك بدلت وغسلت ونزلت جوه اساعد امي وتيلا شوي ورجع حيدر وتبارك وسيف كملنه ورتبنه كُلشي كعدنه ننتظر ابوي
تبارك - اكلكم وين رعيد شنو ملتحق
سيف - صدك صار جم يوم ماشايفه
حيدر - يمه ماحاجيه ويا
جوان - كال عندي شغل هاي فتره مشغول
احمد - شغل واجب قصدج لو شنو
جوان - ماعرف
بتول - صدك يمه اريد اشوف نور تجين وياي نروح لبيت ام ركان
جوان - لا يمه يمكن مشغولين هاي الفتره
غير يوم نروح
تبارك - ليش مشغولين
شنو خاطبين ال ركان واحنا مانعرف
بتول - من هيج كالت ضجت
: شنووو شوكت خطب
جوان - يبووو شجاكم منو خطب كلت مشغولين
يااا شبيكم
بتول - واحنا دنحجي اجه بابا
كلنا كمنه رحنه سلمنه علي وبسنه راسه واني حضنته
بوووويه حيل حيل مشتاقتلك ليش طولت
عمران - فدوه لبنيتي الحلوه شسوي غير الشغل يبعدني عنكم
تبارك - الحمد لله على السلامة بويه
سيف - الحمد لله على السلامة يالغالي
حيدر - الحمد لله على السلامة بويه
احمد - ياهلا ياهلا اشرق وانور العراق بجيتك
بتول - شكد لوكي شوف شنو تريد منا
احمد - اي صرت مثلج
عمران - ههههه تسلمون بويه تسلمون الله يرضى عليكم كلكم
بتول - كعدنه كلمن ومكانه التفت ابوي كرسي رعد فارغ جان كال
عمران - وينه هذا العاق ملتحق ؟
بتول - من هيج كال امي ضاجت رد علي حيدر
حيدر - لا ماتوقع يمكن مشغول صار جم يوم مامبين
عمران - اي بال عربده مشغول تلكو من ملا.ها
لملا.ها هو هذا مكانه
حيدر - لا بويه شنو السالفه
اصلا اغلب وقته مشغول بالمجمع الاحترك
عمران - اي كُلش هاي من شوكت العار صار مشغول
خلي يضحك عليكم
بتول - اباوع امي ضاجت رادت تكوم مسك ايدها سيف ما خلاها تكوم
سيف - بويه شنو السالفه شبيك ويا ترا رعد حاله حالنه ليش هيج تحجي علي
عمران - شجابه عليكم مايوصل شعره منكم
هذا العاق
جوان - الله يهديك بس هيج اكول
بتول - كامت امي ضايجه انقهرت صار جم يوم ابوي مو بالبيت اليوم موجود وهيج صارت مشكله
عمران - عوفوها وكملو اكل
بتول - بس
عمران - كلت كملو اكل
بتول - ماكدرت بعد احجي اكلنه شوي وكلمن راح لغرفته جتي تيلا لمت الطاوله رحت اشوف امي كاعده بالمطبخ حضنتها
: ست الحبايب ليش كاعده هنا
جوان - هلا يمه
جنت داعلم تيلا شلون تسوي دولمه
بتول - يمه فدوه لا تزعلين من كلام ابوي
جوان - الله يهدي مايعرف يحجي كلمتين حلوه
كله رعد هيج ورعد هيج مايصير يايمه هيج يكسر بي كدامكم مهما يكون يبقى اخوكم الجبير
بتول - يمه احنا مالنه شغل بكلام ابوي وتعرفين
شكد نحب رعد ونحترمه كلام بابا مايقلل من احترامنه ال رعد بس يمه صدكي مشتاقتله
شصار الشغل ماله ما خلص فد جم يوم
وراح يكول التحق واذكرج وكلشي ماشفنه منا
جوان - الغايب عذره ويا بنيتي واليوم ان شاءالله يجي علمود نروح نخطب لحيدر
بتول - صدك يا الله واخيراً شوي نفرح
زين يمه واحنا مانجي
جوان - لا يمه بس اني واخوانج وابوج نروح يعني كعدت زلم حتى تبارك ما أخذها زحمه من الناس
بتول - براحتج يمه يلا اروح اكمل درس فدوه لاتضوجين من كلام ابوي
جوان - لا يمه صارلي سنين ويا متعوده علي
روحي كمل دراستج بنيتي
بتول - حاضر ياعسل
بست راسها وصعدت لغرفتي ادرس اجاني اشعار
فتحته اشوف ركان كاتب
: شلونج بويه
بتول - كتبت
بخير وانت
ماشافه عفته وكملت دراسه شوي و رد
: نحمد الله ونشكره شلون الدراسه
بتول - كتبت
لا زينه وهسه دادرس
: من تحتاجين مساعده بموضوع مافهمتي خابريني واني اشرحلج
بتول - ابتسمت كتبت
شكرا ركان ماريد اتعبك
: بويه تعبج راحه
بتول - تسلم اذا هيج عندي موضوع بال قواعد ماهلكد اعرفله اذا تساعدني بي اكون ممنونه منك
: ادللي بويه هسه اخابرج فتحي الكام عل موضوع اني اشرحلج وانتِ كتبي ماشي
بتول - ماشي
خابرني مدري توترت جاوبته
ركان - بويه فتحي الكام
بتول - ماشي
فتحت الكام عل كتاب هو يشرح واني اكتب تعب وياي بصراحه كتله
: تعبتك شكراً وشرحك كُلش حلو ويفهم
ركان - تدللين بنيتي هسه فهمتي الموضوع
بتول - اي فهمته ركان ممكن سؤال
ركان - تفضلي بويه
بتول - ليش تساعدني وتتعب وياي
ركان - انتِ بنظرج ليش
بتول - ماعرف
ركان - احسن كلشي بوقته حلو
بتول
بتول - ها
ركان - ماكو شي انسي
بتول - لا احجي
ركان - غير وقت اكلج هسه مو وقته
بتول - ماعرفت شحجي توترت كلت اغير الموضوع وتذكرت نور كتله
نور شلونها
ركان - زينه ان شاءالله
يلا بويه اروح اني وانتِ كملي دراسه
بتول - ماشي شكراً مره ثانيه
ركان - ادللي بويه دير بالج على نفسج ماشي
بتول - ماشي
ركان - مع السلامة
بتول - مع السلامة
سد الخط حسيت هيج طايره من الفرح معقوله يحبني يارب يطلع احساسي صح اي ليش مايحبني شبيه جني كمر ههههه فديت الثقه العندي
رجعت اكمل الدراسه
_____
في مكان اخر
نور - راح للحمام واني رحت للمطبخ احضر الريوك كملت طلع من الحمام
حبيبي الريوك حاضر
رعد - هسه اجي نظر عيني
نور - تمام
شوي واجه منشف شعره ولابس تراك اسود وريحة عطره فايحه يسبح بالعطر هذا الرجال
سحبني اله كتله
رعد الريوك
شم رقبتي كال
رعد - اي عادي هسه نتريك
نور - تقدم باسني ماحجيت شي شوي وابتعد
بدينه نتريك مره اني اوكله ومره هو كملنه الريوك
بين الغزل والكلام الحلو اجه اتصال
كتله
:حبيبي رد شوف منو
سحب الموبايل طلعت امه رد عليها
رعد - هلا يمه شلونج
جوان - هلا يابعد كَلبي
يايمه نحمد الله ونشكره انتو شلونكم
رعد - بخير حبيبه
جوان - شدسوي يمه بشنو مشغول
نور - جنت كاعده بحضنه وصوت موبايله عالي يعني جنت اسمع كلام امه راد يبوسني بعدته كال
رعد - مشغول بنص الخير يمه
نور - شكد فشلت صدك مايستحي وامه خربت من الضحك
جوان - ههههههه الله يحفظكم ابني شدو حليكم نريد اطفال حلوين مثلكم
رعد - هو هم هيج ان شاءالله احبلها بتوم ولا يهمج
جوان - كفووو هههههه
نور - عزززه بعينك
شكد استحيت
هو يضحك وامه تضحك ردت اكوم رجع سحبني
ادفع بي ماكدرله سحب ايدي يبوس بيها كال
رعد - بعد ابنج زلمه حوك
جوان - ههههه اي اكيد
يمه اليوم بالليل تعال نروح نخطب لحيدر
رعد - ساعه شكد
جوان - وره اذان العشاء بس انت تعال العصر
رعد - ماشي يمه ادللي
جوان - تسلم وليدي بس يمه رعيد عمران رجع اليوم
رعد - اها حلو حلو
جوان - اي والله ماعرفنه فجأه رجع بدون مايكول
بس شوف يمه فدوه خلي الليله تعدي على خير لخاطري وخاطر اخوك خطيه تحمله ولا ترد علي اذا حجه ماشي يايمه
رعد - خلي لا يجفص ابطني مالي شغل بي
ولو عندي حساب ويا
جوان - ميخالف يمه فدوه اروحلك تحمله اليوم لخاطري
رعد - ميخالف لخاطرج وخاطر حيدر ادللي
جوان - فدوه اروحلك يايمه ربي يحفظك
وصل سلامي وبوساتي لنويره
رعد - غاليه وطلبج رخيص
جوان - تكيف اعرفك ههههه
رعد - هههه
جوان - الله يحفظكم وليدي يلا مع السلامه
رعد - مع السلامة حبيبه
نور - سد الخط باوع عليه ضحك كال
رعد - اله بتوم احبلج
نور - رعد ليش هيج تحجي كدام امك والله استحي شبيك
رعد - هههههه ليش تستحين شحاجي اني
نور - لا يبو وين اصلا كلشي ماحجيت
رعد - اي فعلاً ماحجيت ههههه
فديت التستحي
نور - فديت المايستحي
رعد - هههههههه وربي تضحكيني انتِ
نور - تقدم باسني بخدي وراسي كال
رعد - بوسات امي كالت سلملي عليها وبوسها
نور - الله يسلمها شلونها هيَ
رعد - بخير بفضل الله
نور بويه اليوم لازم اروح
نور - وين
رعد - نخطب لحيدر
نور - شوكت ترجع
رعد - ماعرف بس يمكن بالليل متأخر
نور - شلون انام وحدي
باوع عليه غمزلي كال
رعد - ها نورتي تردين حضن يلا تنامين
نور - يبوووو وين راح بالك اكول شلون يعني انام وحدي بالشقه اقصد عل رجعه شبيك
رعد - لا عروك كَلبي راجع ان شاءالله
نور - ماشي حبيبي
رعد - واحنا ان شاءالله بعد خطوبة حيدر
اسويلج عرس ماصاير اخلي كبار وصغار
تحجي بي ونروح شهر عسل وين ماتردين نروح
نور - رعد ماحب الهوسه وعرس فخم ومدري شنو اني مو جوي هيج أجواء اني اريدك انت ماريد شي ثاني واحس هسه ماله داعي راح بعد كلشي بوقته حلو
رعد - اعرف وحقج بس هذا حلم كل بنيه
ماريد احرمج من هذا الحلم
نور - صح بس حلوتها بيومها يارعد مو هيج
سبحان ألله حتى زواجي مايشبه الناس
رعد - تعرفين ليش
نور - ليش
رعد - لان مميزه عن كل الناس
اله اسويلج عرس واحلى عرس
خلي الدنيا كلها تعرف النقيب رعد
الملقب بأسد الجهاز واكع بحب لبوه مثلج
نور - اني لبوه تشبهني بالحيوان ؟
رعد - لا ياكَلبي حشاج اقصد مثل فقط
انتِ بنت كَلبي واميرتي الي وبس
نور - اي الك وبس وانت
بطلي وحبيبي وزوجي الي وبس
رعد - الج وبس
نور - اي لازم
واحنا نحجي دك موبايله ماعرفت منو بسرعه
غلقه كال
رعد - وهسه طفلتي الحلوه اروح اني عندي شغل
لا تنامين بالليل ارجع
نور - لا تتأخر اذا تأخرت انام
رعد - ان شاءالله ما اتأخر بس شوفي بويه
اي شي يصير وياج خابريني
نور - ماشي حبيبي
تقدم بعد شعري النازل على رقبتي ب اهمال وكال
رعد - نسيت اكلج لون شعرج حيل عجبني
نور - اي بعد ذوقي
رعد - احلى ذوق
نور - باسني من راسي
وكام يبدل واني لميت الطاوله
شوي وطلع كاشخ ومرتب نفسه كتله
شدعوه هيج كاشخ وبعدين شنو
هذا عطرك فايح خففه شوي شنو تسبح بالعطر انت
ضحك سحبني من خصري يشم برقبتي
كال
رعد - تغارين
نور - منو اني اكيد لا
رعد - اي واضح صدكتج
نور - صدك حبيبي صدك اني ما اغار هذا طبعي
رعد - ها والله لعد شعليج بعطري
نور - ماكو داعي هيج تسبح بالعطر
احس مبالغ فقط لا غير
رعد - هههه خوش
نور - اي خوشين
مره ثانيه اجه مكالمه انداريت اشوف منو مالحكت
غلقه شنو السالفه حسيت بي ضاج من المكالمه باس راسي وكال
رعد - عروك كَلبي دير بالج على نفسج
نور - ماشي حبيبي وانت هم
رعد - ادللي نظر عيني
نور - راح واني ماكو شي اسوي رحت سبحت
اذن الظهر صليت ودعيت ربي يوفقنا بحياتنه الجديده ويجبر بخاطري
_______
_
رعد - طلعت من البيت خابرت ركان شوي ورد
ركان - هلا بضلع
رعد - هلا بيك شلونك
ركان - اني لو انت وين جنت البارحه شكد ادك عليك مغلق وانتظرناك ماجيت عل كوفي
رعد - جنت مشغول الموبايل يمكن خلص شحنه ماذكر الحجيه شلونها
ركان - بخير دوم تحجي بيكم و تنهد عليه شوف رعد ازوج وباجر عكبه يصير اب وانت بعدك عمي شلون فتحتلي باب
رعد - ههههه اي ازوج ليش ماتزوج
ركان -هو هم هيج الله كريم وينك هسه
رعد - رايح عل مجمع ومناك عندي شغله ويه علي
ركان - منو علي
رعد - علي شبيك الي ويانه بالجهاز
ركان - ها ابو الاستخبارات شعندك ويا
رعد - اريد أدب عمران شوي
ركان - رعد ماتكدرله عوفه لا تضيع وقتك ويا
رعد - اني ما اكدرله ههههه
ضحكتني حبيبي النار تحرك ورعد
يرعدهم رعد واولهم عمران بس اصبر وشوف
ركان - خويه براحتك بس اني اكول عوفه احسن
رعد - لا صار شكد انتظره يرجع ورجع الاستاذ
لا تشغل نفسك المهم بالليل نروح نخطب لحيدر
ركان - حلو وانت شوكت تخطب كدام الناس
رعد - وره خطوبة حيدر ان شاءالله
ركان - ان شاءالله صدك بشر شصار وياك
رعد - هههه كل خير
ركان - لا والله هلاااا
مو داكول الرجال فرحان ههههه
رعد - ههههه عيب عليك
ركان - عليه لو عليك شوف شلون تضحك
اي حجي مكيف ههههه
الله يتمم لكم ونفرح بجهالكم
رعد - حبيبي تسلم
يلا ضلعي شوي واوصل بعدين اخابرك
ركان - ماشي خويه
رعد - سديت الخط وتوجهة للمجمع كملت الشغل
صارت بال3 خابرت علي رد
: هلا رعيد
رعد - هلا علاوي شلونك خويه
: نحمد الله ونشكره
رعد - ونعمه بالله بالبيت محتاجك بموضوع
: اي خويه تعال هلا بيك
رعد - مسافة الطريق وانه يمك مع السلامة
سديت الخط مسافة الطريق وصلت لبيتهم
كعدنه حجينه بموضوع عمران وفهمته كلشي
علي - والله يارعيد سالفتك سالفه خويه
رعد - سوالف مو سالفه شسوي المشكله اخواني
لاوين ذراعي
علي - بس اني متاكد ماتكدر تسوي الي سوه بيك
رعد - اسوي اكثر صدك بس مستحيل افكر بيوم اغتا.له او امو.ته هو نذل وحقير واني ما اكللك
شيخ معمم بس ما اوصل حقارته لو اموت
علي - اعرفك خويه الله يساعدك شنو من عم هذا ماعرف
رعد - اذا اشتكي علي راح يطلع بسرعه النذل
علي - اي شي اكيد تريد الصدك معارفه هواي وكلهم مناصب مايطول يوم ويطلع بس عندي اقتراح ثاني هو البيت الجبير الك لو اله
رعد - كله حلال ابويه مسجله بأسمه النذل
علي - عندي فكره
رعد - و هيَ ؟
علي - هسه افهمك شوف انت ...............
رعد - بده يشرحلي اجاني اتصال من امي
رديت
هلا يمه
جوان - رعيد يمه وينك
رعد - عندي شغل محتاجين شي
جوان - اي تعال ذوله اخوانك كُلشي مايعرفون جلطوني راح اتخبل وياهم
رعد - ماشي حبيبه مسافة الطريق وانه يمج
جوان - لا تتأخر يمه
رعد - ادللي يمه مع السلامة
سديت الخط
ضلعي خوش فكره ان شاءالله بعدين نكمل هسه اروح يردوني بالبيت
علي - لا خويه بعدين ادزلك حسابهم عل واتس
وانت خابرهم وشوف شيكولون
رعد - ياريت تسوي فضل
علي - رعيد ضلعي تدلل
رعد - تسلم حبيبي يلا في امان الله
علي - في امان الله خويه
رعد - طلعت من بيتهم شغلت السياره وتوجهة لبيتنه شغلت اغنية ولهان تذكرت نور نسيت اخابرها سحبت الموبايل خابرتها شوي وردت
بنت كَلبي شلونها
: هلا حبيبي بخير وانت
رعد - هسه صرت بخير
: دومك يانظر عيني حبيبي وينك انت
رعد - رايح للبيت هسه امي خابرت تكول تعال
مايعرفون يسون شي اله اني وياهم
: هههه الثقه
رعد - حقيقه شبيج
: اي خوش رعد
رعد - عيونه واهله
: حبيبي لاتنسى القرآن صار شكد امك كالت اني انطيج واحد عدنا هواي بالبيت
رعد - ادللي بويه وبعد
: لا تتاخر عليه ترا الشقه وحشه بدونك
رعد - ياعروك كَلبي انتِ ادللي ان شاءالله ما اتأخر
: احبك
رعد - اعشكج
: يلا حبيبي لا تحجي هواي وانت تسوق غير وقت خابرني ماشي
رعد - فديت التخاف عليه
: طبعاً اخاف عليك شعندي غيرك ياحبيب الروح والريه
رعد - اشتعلو اهلج ليش من اني يمج هيج ماتحجين
: هههههه
رعد - اي ضحكي اااخ لو جنت يمج جان عرفت
شسوي
: هههه شكد منحرف
شنو هذا الصوت اليمك
رعد - صوت راشد الماجد لحظه سمعي شيكول
عليت الصوت اجه عل مقطع من يكول
تضيك وأمد النظر للسماء فوك
وأهيم بين أفلاكها يمكن ألكـاك
لا إنت عرفت اللي بلاني من الشوك
ولا السماء تاسعها وش كد أنا أهواك
سمعي هاي بصوتي وصوته
: هههه يلا
رعد - ولهان ولهان وإن داريت يفضحني الموت يانور
: ههه بسم الله عليك
رعد - واحشني كلّك إنت وعيوبك أفداك اي والله افداك
: هههه ياحبيبي
رعد - صدكي ولهان اريد بس اخلص وارجع
مشتاكَلج بنت كَلبي مشتاكَلج حد النخاع وكَلبي بس بأسمج يدك
: فديتك جعل محد غيرك يشتاكلي
حبيبي فدوه لا تتاخر ودير بالك على نفسك
رعد - تدلل بنت كَلبي
سديت الخط وصلت للبيت فتحو الباب الحراس
صفيت السياره ونزلت
شلونكم شباب شخباركم
الحراس - ياهلا ومية هلا بسيادة النقيب نورت
رعد - هلا بييكم مامحتاجين شي
الحراس - لا استاذ تسلم مامقصر ويانه
رعد - ادللو بويه
دخلت للبيت مخبوصين هذا يجي منا وذاك يروح منا وتيلا واكعه بيها بالمطبخ
شلونج تيلا والله شكلهم متعبيج
تيلا - اهلا بابا لا بابا انا ما يتعب
رعد - شلون ماتعبين اهلي واعرفهم الله يساعدج
تيلا - بابا هذا شغل مال انا ماذا يفعل
بتول - البيت كُلش مخبوص بتجهزات الخطبه
وابو اصر ياخذ حلويات من بقلاوة وكنافه ومدري شنو تجهزات عرس مو طلب زواج
واحنا نحظر شفت رعد بالمطبخ يحجي ويه تيلا ركضت حضنته
هلا هلا برعوده عوده موده
نورت البيت عمي نورت
رعد -هلا بيج بعد اخوج شلونج خويه
بتول - مشتاقتلك هوايه هوااايه وينك خويه ليش
هيج مختفي مفتقديك
رعد - هو هيج اختفيت حتى تشتاقون
بتول - لا تعيدها فدوه
رعد - يابعد عمري خلص ما اعيدها
بتول - واحنا نحجي اجه حيدر متت ضحك علي
شعره مخربط
حيدر - ولك رعد وينك تأخرت تعال شوف حالي
رعد - هاي شبي شعرك جن بزونه متعاركه علي
بتول - هههههه عزه صدك ليش هيج
حيدر - واني اعدل بي السشوار خرب شايف حضي
اله اليوم يخرب انوب جيم مايشتغل بقيت عل نص
بتول - خربنه ضحك علي هههه
حيدر - ولكم اليوم خطبتي مدري طلب واني هيج حالي على شنوووو تضحكون
رعد - هههههه اهده وروح غسل وجهك وبدل وتعال نروح للكوفير يرتبك احسن
حيدر - صدك تحجي
رعد - لا جذب ربي صبرني
بتول - ههههه عوفه خويه هذا من هسه
طافي عقله
حيدر - انجبي ام لسان
بتول - فدوه على اساس لسانك مقصر
يلا عريس نعذره
رعد - ههههه يول بعدك واكف هسه مو وكت الحجي يلا بسرعه روح بدل راح تتأخر
حيدر - اي يلا هسه
سيف - يعني اله اليوم نروح عندي بحث لازم اخلصه
رعد - ها شبيك انت الثاني
سيف - شلونك خويه شخبارك
رعد - بعد وكت
سيف - هسه شفتك وربي
رعد - شبيك هيج ضايج
بتول - يريد مره هو هم ماتعرف شبي
هيج كلت ماحس غير كفخني على راسي
اااخ شبيك
سيف - لسانج طولان
بتول - هههههه يحجي الحق مو طولان
رعد - لا شنو هاي طاكنه مرض الزواج وجاي ننعدي لو شنو هههه
سيف - هههه لا وربي عندي بحث باجر عدنا إيفنت
طبي ولازم اكمل اكول ماريد اروح امك ماتقبل
رعد - خويه الدراسه كل يوم وما اطير ارجع كمل
بس لمة العائله وهيج مناسبه مو كل يوم
بتول - فدديت ولك انت معلم واحنا منك نتعلم
سيف - صح كلامك خوي
رعد - شنو بعدك مامبدل روح بدل وينه احمد
شو ماكو
سيف - تغده وطلع يشتريله ملابس ولحد هسه مارجع
رعد - اي مو كنتوره فارغ خطيه
بتول - ههههه هو هذا طبعه من تصير مناسبه ينخبص مدري شيصير بي
رعد - ااخ منكم خلي اخابره اشوف وينه الارعن
لحظه صدك امي وين
بتول - فوك تبارك تمكيجها
رعد - حلو
سيف يلا روح بدل هسه نروح للكوفير
تعال ويانه
سيف - ماشي خويه
بتول - اكلك خويه قنع امي نجي وياكم
تكول لا بس الزلم تروح بربك هذا حجي
رعد - والله بعد اخوج ماعرف بهاي السوالف
على كلامهم دامشي هسه ماعرف اليوم شنو عقد قران لو شنو لحد هسه ماعرف
بتول - لا فقط خطبة زلم هيج تطلبوها رسمي من ابوها واخوانها
رعد - بيها الخير
بتول - عقبالك رعوده
رعد - عن قريب ان شاءالله
بتول - صددك احلف
رعد - وربي
بتول - هلااااا عمي هاي الاخبر الزينه منو هيَ
نعرفها لا
رعد - بعدين اكلج هسه خلي اشوف احمد وين
سحبت الموبايل اخابره مايرد
شو مايرد الارعن
بتول - خاف مامخذ الموبايل ويا
رعد - لا شلون ماياخذ
بتول - واحنا نحجي اجه ابوي
عمران - بابا بتول
بتول - هلا بويه
عمران - تعالي بويه شوفي ساعتي وين
وفتحو شبابيك البيت اشم ريحة عرك (كحول) اختنكنه
بتول - رعد جان بيده الموبايل اول ماكال هيج رفع راسه باوع على ابوي كلت هسه راح تصير مشكله
بس الصدمه رعد مارد على ابوي عافه وطلع برا
كتله
بويه وين ماكو ريحه
عمران - هسه تعالي شوفي ساعتي وين
بتول - غير الموضوع عرفت هيج كال حتى
يغث رعد ولو هو بالعكس ريحة عطره تارس البيت
بس ابوي ماعرف ليش هيج حجه رحت ادور على ساعه شوي ونزلت امي طالعه تخبل تخبل
بسم الله ما شاءالله يمه شنو هاي
تبارك - شغل ايدي بعد
بتول - صدك فنانه
جوان - كافي تخجلوني
بتول - ههههه فديت الخجلان صدك حلوه طالعه
بويه شوف مرتك جنها كيكه
عمران - مرتي من زمان كيكه
تبارك - اوووو هابويه
بتول - رومنسي وربي هههههه
ها ست جوان خجلت خجلت
جوان - يااا كافي شبيكم
تبارك - ههههه خجلت ست جوان
سيف - خلصت وين رعيد
حيدر - اني هم خلصت وينه
جوان - رعد اجه
بتول - اي يمه
جوان - وينه
بتول - اتوقع برا يمكن يدخن
سئل عليج كتله فوك تجهز نفسها
جوان - ماعرفت غير تجين تكولين اجه
بتول - والله التهيت ونسيت اكلج
عمران - ديلا على اساس منو جاي
مسوين المايسوه يسوه دكافي
حيدر - بويه شهل حجي غير اخونه الجبير
جوان - عوفه يمه عوفه ابو الطبع مايغير طبعه
بتول - اباوع على امي انقهرت دخل رعد واحمد
اجه باس راس امي
رعد - حبيبه شلونج
جوان - يابعد عمري يمه بخير دامكم انتو بخير حبيبي
رعد - دومج يالغاليه
يلا حيدر سيف اتاخرنه
سيف - اي يلا اجيب مفتاح السياره
رعد - ليش المفتاح مايحتاج نروح بسيارتي
سيف - اي يلا
عمران - وين رايحين
حيدر - للحلاق نرتب شعرنه
جوان - يمه لا تتاخرون
حيدر - اي ان شاءالله حبيبه
يمعود اتاخرنه ديلا امشو
بتول - مستعجل حيدر ههه
احمد - كُلش ههههه
بتول - راحو وابوي طلع برا بالحديقه يحجي بالموبايل واحنه كملنه باقي الترتيبات
____
رعد - طلعت شغلت السياره صعدو الولد
ها نروح خلصتو
سيف - اي خويه توكل
رعد - يا الله
احمد - رعيد شغل اغنيه ركص شي خلي نفرح
رعد - اي ربطه بموبايلك وشغل الي يعجبك
سيف - احمد شغل مال حسام
زوجنا وخلصنه منا ههههه
احمد - صدك خلصنه منا ههههههه
حيدر - عيب عليكم والله الي يسمعكم يكول نايم على كلوبكم ادبسزيه
احمد - ههههه وربي اله اشغله ديلا
سيف - شغل شغل
حيدر - اي خلصتو مني غيركم كسبني
رعد - هلا باع الثقه عمي باع صدكت
حيدر - اي طبعاً هههه
سيف - اسمع اسمع يكول
زوجنا وخلصنة منة وباجر عدنة الأصغر منة
احمد - زوجو عمي زوجو ههههه
حيدر - صدك سيف شو احسك تريد تزوج هههه
سيف - هههه
لا يابه يازواج واني طامس بالدراسه
_
رعد - طول الطريق كضينا ضحك وشقه واغاني
وصلنه هناك كلمن وراح جو ايد كوفير خلصنه
سيف - اويلي يابه شنو هاي طالعين اله انطك
بالكاع
احمد - اي وربي هيج حلوين ومانعرف
حيدر - العريس احلاكم
احمد - لا والله شوف رعيد بووووياي صدك
كشخه انت رعيد
رعد - حلو ؟
سيف - اي وربي كُلش حلو طالع
رعد - يلا تأخرنه روحو بالسياره ادفع واجي
حيدر - خليها عليه خويه
سيف - صدك كلمن ويدفع لنفسه
رعد - انجبو وروحو لسياره لا العب بيكم شلم بلم
يلا
احمد - صار بيها شلم بلم خلي نفلت ههههه
سيف - هههههه بضبط
____
بتول - مر تقريباً ساعتين على روحتهم
جنا بالمطبخ دخل ابوي ضايج
عمران - وووين صار هذا ابنج منين طلع بسالفة كوفير مدري حلاق مدري صخام
جوان - هسه يرجعون
عمران - خابري شوفي وين مولي تأخرررنه
بتول - اني اخابرهم
اخذت موبايل امي بعدني مامخابره سمعت
صوت سياره
يمكن رجعو طلعت برا اي هما
رحت اجيب شال امي
دخلو اخواني من صدك طالعين يخبلون
جوان - بسم الله الذي لا يضير مع اسمه شيء في الارض ولا في السماء وهو السميع العليم الله يحفظكم يايمه
تبارك - هاي شنو واحد احلى من الثاني
بتول - فدددديت اخواني عمي الجمال يمكم ويكطع هههه
حيدر - والله لو مارعيد ولا ابالي نروح
تعبناك خويه
رعد - تعبك راحه عريسنه
جوان - من اروح فدوه لطولك يايمه الله لا يحرمنا منك حبيبي
رعد - حبيبه ولا منج يالغاليه
عمران - يلا يلا امشو تاخرنه بلا حجي ماله معنى
بتول - اباوع رعد ضاج ومارد طلع برا
وامي باوعت على ابوي كالت
جوان - كافي خلي اليله تعدي على خير
عمران - من وين يجي الخير وابنج هنا
جوان - الله يهديك
بتول - طلعو كلهم و امي وابوي واحد مايطيق الثاني ماعرف شوكت تخلص مشاكلنه تبارك رحت للحديقة تحجي بالموبايل ويه صديقاتها واني صعدت فوك اكمل دراسه
___
رعد - رحنه اني واحمد بسيارتي وسيف راح ويه بسيارة حيدر وامي بسيارة عمران وصلنه هناك كعدنه شوي وفتحو موضوع الخطبه اجاني اتصال
عبالي نور طلعت ريتاج غلقته بوجها رجعت مره ثانيه خابرت لا حول ولا قوة الا بالله شتريد هاي شوكت ارتاح منها طلعت برا رديت عليها
ريتاج - حبيبي شلونك
رعد - شعليج شتريدين بسرعه مشغول
ريتاج - اريدك بموضوع يخصنه
رعد - احجي شعندج خلصيني
ريتاج - مو كل حجي ينحجي عل موبايل لازم اليوم اشوفك
رعد - ماكدر عندي شغل
ريتاج - رعد لازم تجي
رعد - كتلج ماكدررر لا تلحين يلا روحي
عندي شغل
ريتاج - لحظه لا تسده
رعد - ربي صبرني ولج شنو انتِ من بشر والله مدافهمج كااافي راح احظرج وربي
ريتاج - واذا كتلك حامل ........................
_
_
__________
يكول الشاعر
تمطر قهر وهموم
وترعد مصايب
والدنيه هيج وياي
من انته غايب
________
قلبي انتظروني في البارت القادم 🔥
عذروني عل تأخير مريضه شوي بسم الله عليكم
فَ مااكدر اكتب اسرع وانزل اسرع بس مع ذالك
كتبت الي اكدر اكتبه لا تنسون حق تعبي وياكم
التصويت بالنجمة وعلقو بين الفقرات ❤
حسابي انستجرام انشر هناك كلشي يخص الرواية حتى نشرت صوت لغزل رعد هناك
وبعد راح انشر روحو شوفو 👇
ملاحظه حسابي انستجرام هو نفسه حسابي القديم بس غيرت الصوره 🌷
-
والان ثقلو ميزان حسناتكم بذكر الله
"""""""""
سبحان ألله
ألحمد لله
لا إله إلا ألله
ألله أكبر
"""""""""
#خلف القضبان روح يتيمة
#بقلم الكاتبه جيهان آغا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!