#خلف القضبان روح يتيمة
#بقلم الكاتبه جيهان آغا
_
_
قبل مانبدي صلو على سيدنا محمد
( اللهم صل على سيدنا محمد وعلى ال محمد )
ولا تنسون تفاعلكم يحفزني
اكتب البارت وانزله اسرع
قراءة ممتعة ياقلبي
__________
ريتاج - صار اسبوع ورعد ماكو
حيل شتاقيتله اخابره لو مغلق
لو مايرد عليه ااااخ بس لو اعرف
شنو الغيره علي ليش هيج صاير
خوفي يطلع مزوج وحده ثانيه
رجعت خابرته وهم مارد
ليش هيج يسوي لييييش
ضليت اجي واروح شسوي وشلون
اوصله طخت ابالي فكره سهله يارعد بسيطه
اني تجاهلني يارعد اااني سهله
اذا ما اروح وافضحك كدام كلهم واكول انه مرتك ما يكون اسمي ريتاج
رحت بدلت وتمكيجت وتعطرت اني اعلمك شلون تجاهلني يارعد سحبت الموبايل راسلته كتبت
مشتاقتلك تعال نشاوف ابيت اهلك
كعدت انتظر منا الرد بس المشكله ماعرف بيتهم وين شلون اروح لعد ماكو غير السائق اي هو يعرف وين بيتهم اكيد يعرف
واني بين افكاري دك الموبايل ابتسمت رديت علي
هلا حبيبي ماتجي اله بالعين الحمره
رعد - انجبي وسمعي كلامي كُلش زين والله ثم والله اذا تقربتي لبيت اهلي والله تشوفين وجهي الثاني اموتج واخلص منج ومحد يعرف بيج فَ كعدي وسكتي لا اجي اطيح حظج وحلكج اشكه فهمتي لووووو اعيد
ريتاج - اوف شدعوه على كيفك
انت البديت مو اني
رعد - ريتااااااااااج
ريتاج - عيونها وكَلبها وعمرها
رعد - لا حول ولا قوة الا بالله
ولج انتِ شنووو من بشررررر
ريتاج - ههههه رعدي تعال فدوه مشتاقتلك
رعد - لا اليوم لازم اشوفلي حل وياج
ريتاج - راح تجي ؟
فدوه رعدي فدوه تعال
رعد - سهله ساعه واني يمج لان طفح الكيل وياج
ريتاج - ياااي فديتك احبك
واني داحجي سده بوجهي ميخالف اهم شي يجي
رحت بدلت لبست طقم نوم مرتب المكياج كثرته ورتبت شعري رحت للمطبخ رتبت كرزات وفواكه
ورتبت الصاله والبيت لان اعرفه من النوع الدقيق لنظافه والترتيب شغلت التلفاز حطيته على قناة اغاني أجواء حلوه سويت وكعدت انتظره
_
_____
في مكان اخر
نور - طلع من الحمام
رعد - حبيبتي خلصتي
نور - التفتت اشوفه لَف المنشفه على خصره استحيت رجعت انداريت عل طباخ كتله
اي
رعد - خوش بس انشف شعر وابدل واجي
نور - تمام على راحتك
راح واني كملت ترتيب الطاوله صحته
حبيبي خلصت لو بعدك
مارد عليه صوت السشوار (مجفف شعر)
عالي مايسمع رحت للغرفه وكفت يم باب الغرفه
صفنت علي وعلى جماله لابس تيشيرت ابيض علي جاكيت لون بني وجينز اسود اوووف الملابس شكد حلو الجاكيت لازك لزك على عظلاته طالع يخبل
اباوع شلون بنشف شعره ويمشطه خلص رش العطر ولبس ساعته ضليت صافنه علي وعلى جماله ياريت لو ماجان يشرب كلما اذكر هذا الموضوع ينقبض كَلبي كُلش ان شاءالله يترك ان شاءالله يارب
واكف يعدل بشعره ويدندن بالأغاني شافني ابتسم
عله صوته
رعد - من أحضنك أحضن الدنيا بإيديّ
حبيبي وغالية عيونك عليّ
نور - ابتسمت كتله
هاي الي
تقدم بتجاهي سحبني اله وكال
رعد - لعد لمنو ليش
جم حب عندي وحده وماتصير ثنين
نور - خليت ايدي على كَلبه و رفعت حاجبي
صغرت عيوني عود اهدد كتله
امممم هو لازم هيج شحدك تحب غيري
ابتسم تقدم غمضت عيوني باسني بخدي
وعضه وجعني
: ااااخ رعد شبيك مو هيج
رعد - هههه مو بنيه كيك شسوي
نور - وخر ليش هيج توجعت
ابتعدت منا رجع سحبني اله وباس مكان العضه
على خدي من يكون قريب عليه ماعرف شيصير بيه توتر على فرح على ماعرف مشاعر مختلطه رفعت راسي نظراته على شفتي وعيوني كال
رعد - وهسه متوجعه
نور - ها م م ماعرف
تقدم اكثر وانفاسه الحاره تضرب بوجهي كال
رعد - تعرفين شنو
نور - شنو
رعد - ثنينهن يردن حلك
كطف الجكاره وشفتج
نور - ابتسمت تقدم غمضت عيوني
باسني ابتعد كال
رعد - شسويتي بيه انتِ
نور - هههه شسويت
رعد - خبلتيني شبقيتي بيه
نور - هههههه خوش
رعد - وانوب تضحك دخيلك ربي صبرني
نور - هههه
الله يصبرك حبيبي يلا محضره الريوك اتاخرنه
رعد - اي يلا روحي هسه اجي
نور - تمام
رحت كعدت انتظره شوي واجه تريكنه وصله اشعار سحب الموبايل شافه ضاج كتله
خير حبيبي شبيك
رعد - شغل بويه لا تهتمين اني لازم اروح
نور - والريوك
رعد - كملي انتِ عروك كَلبي عندي شغل لازم اروح
نور - تقدم باسني من راسي وكال
رعد - نور بويه مثل ماكتلج باب الشقه ماينفتح لكائن من يكون واي شي يصير وياج خابريني
نور - ماشي حبيبي بس لا تتأخر
رعد - ها بشري حن كَلبج لو بعده
نور - هههه كتلك اصبر
رعد - نصبر والله المستعان
اشوف تالي وياج
نور - كل خير بس اصبر
رعد
رعد - عيونه
نور - دير بالك على نفسك
رعد - تدلل بنت كَلبي
وانتِ هم دير بالج
نور - ماشي
رعد - يلا بويه في امان الله
نور - الله وياك حبيبي
راح واني هم ماشتهيت اكمل شلت الريوك وغسلت المواعين مشكله ماكو شي اسوي الشقه مفروشه ونظيفه شسوي هسه تذكرته وتذكرت كلامه
_
: تعرفين شنو
: شنو
: ثنينهن يردن حلك
كطف الجكاره وشفتج
_
تلمست شفتي ابتسمت والله عليك سوالف بس شلون سالفه قابل ابقى هيج متوتره وخايفه انوب ماعرف هلكد بهاي السوالف واستحي اكله ماعرف
راح اخابر الحجيه ام ركان احسن استحي احجي ويه امه هسه تكول جذبتو عليه هيَ عبالها كلشي تم ماتعرف حال الظيم حالي من التوتر
خابرت الحجيه شوي وردت
هلا حجيه شلونج شخبارج
ام ركان - ياهلا ومية هلا يايمه بخير انتِ شلونج بنيتي شلون رعيد وياج
نور - كلت بكَلبي مجنني بسوالفه
الحمد لله حجيه بخير ورعد مابي شي
ام ركان - اي يمه هذا رعيد وين اكو منا من اروح فدوه لطوله بعد طوايف طوايفي رعيد
نور - حجيه شنو هاي كله رعيد لعد اني شنو ترا اني اغار خاف عبالج
ام ركان - ههههه يمه انتِ الخير والبركه بنيتي
نور - حبيبتي حجيه تسلمين
بصراحه محتاجتج بشي بس فدوه
يبقى بيني وبينج
ام ركان - يمه سرج ابير ماله عنوان كولي يابعد عمري
نور - تسلمين
حجيه اني ورعد لحد هسه ماصار شي بينا
ام ركان - شلون
نور - يعني شلون اكلج ماعرف يعني بعد كلشي ماصاير بينا بس احنا ماكلنه لعمتي علمود لا تزعل
ام ركان - يااا صدك تحجين
نور - اي والله
ام ركان - ليش يمه راح يصيرلكم اسبوع شلون ماصار شي
نور - حجيه اخاف اتوتر ماعرف هو بس يوكف كدامي اتوتر احس هيج كَلبي راح يوكف من سرعة ضرباته واستحي ماكدر ماعرف شسوي
اني هيج كلت والحجيه خربت من الضحك
معقوله حجيت شي غلط شنو السالفه
ام ركان - ههههههههه
نور - دوم حجيه
ام ركان - يايمه صدك ضحكتيني هههههههه
بنيتي سمعيني هذا شي جداً طبيعي الخوف التوتر
كلنا مرينه بي وشعوره حلو بس لا تخلي يزيد عن حده كلشي يزيد عن حده ينكلب ضده
نور - شلون يعني
ام ركان - يعني يايمه حلو هذا الشعور بس لا تخلي يسيطر عليج وبعدين يسببلج مشاكل مع مرور الوقت يعني بنيتي الرجال يحبج و يصبر ويقدر مشاعرج وخوفج بس يايمه لشوكت يبقى صابر يوم يومين شهر شهرين سنه سنتين ماترهم يايمه من اساس الحياة الزوجيه الناجحه هيَ العلاقه الزوجيه الناجحه العلاقة من تكون بدون مشاكل وبتفاهم تنطي الي يريده وينطج الي تردي
والاحترام متبادل بينكم حياتكم تكون كلها حب وتفاهم هيَ هاي الحياة الناجحه بين كل زوجين
نور - والله شو كلامج حلو
ام ركان - والله يايمه هاي حقيقه لازم اساس العلاقه تكون مبنيه على التفاهم حتى بناء الأسره يكون ناجح
نور - صح كلامج زين حجيه اني صح دارسه بس على دراستي بس معلوماتي ماعرف شكول اقصد يعني المعلومات العندي مو كافيه يعني شلون اكلج ماعرف استحي
ام ركان - لا يمه احجي لا تستحين بنيتي
نور - يعني الأقصده حجيه ماعرف شلون اصرف شسوي يعني تفاصيل العلاقه ماعرفها واستحي اكله ماعرف فَ جيت عليج كلت احسن
ام ركان - فهمت عليج يمه عادي كلنا هيج جنا بنيتي هسه راح افهمج شنو تسوين بس ركزي بكلامي
نور - ماشي
بدات تحجي وتشرح وتفهم بيها واني مصدومه
وساكته خلصت كتلها
اووو حجيه طلع الموضوع صعب
ام ركان - هههههه ولج يمه وين الصعوبه
نور - لا لا صعب
ام ركان - هههه الله يساعدك رعيد
والله شكلك راح تتعب
نور - ههههه خايفه
ام ركان - بنيتي بس اول مره اكيد تخافين وثاني مره يقل والثالثه خلص ماكو اي خوف بس انطي فرصه مايصير هيج
نور - ماشي بس هسه شسوي
ام ركان - مثل ماكتلج سبحي ورتبي نفسج ولبسي ملابس نوم حلوه ومرتبه وانتو بعد سوالفجن حمره على كحله على عطر وبعد الباقي عليج
نور - ماشي حجيه ادعيلي ومشكوره تعبتج
ام ركان - الله يوفقكم يمه ونفرح بجهالكم ماسويت شي بنيتي لا تشكرين
نور - يابعد عمري الله لا يحرمني منج
حجيه اخر طلب فدوه خلي الموضوع بينا ماريد امه تعرف استحي منها
ام ركان - خلص يمه كتلج سرج وكلامج ابير ماله عنوان
نور - حبيبتي يلا اروح اني مع السلامة
ام ركان - مع السلامة يمه
يحفظكم الرحمن بنيتي
نور - اللهم امين تسلمين ياكَلبي
سديت الخط اباوع لساعه بعد وكت رحت امسح باب البلكون وارتب الزرع كلت اشغل نفسي خلصت رحت للمطبخ طبخت تمن ( رز ) ومركة باميه وكم قطعه لحم ال رعد اني ماهلكد احب اللحوم خلصت رحت للغرفه اختار طقم البسه اباوع كلهم الوانهم حلوه بس يفشلن الواحد يعني شلون البس هيج شي كدامه صعبه عليه اول مره
احلى واحد بيهم الاييض الطويل الي مثل الفستان المشلح و علي مثل روب تول كله ريش هم زين واحد بيهم طلع مستور شوي طلعته اخذت المنشفه ورحت سبحت طلعت نشفت شعري وسرحته هو سرح بس من اسبح شوي يعكش رتبته خليت مرطب وجه و ظل لون ترابي ناعم خفيف ورسمت ايلاينر فقط بنهاية العين رسمه كُلش نازكه فقط ناطي سحبه للعين اخذت روج دمجته على خدي ويه لمعه بسيطه من الهايلايتر عل خد وعظمة الحاجب وفوك الجفن اشوف
واوو صدك حلو ناطي نعومه للعيون
مشطت حاجبي وخليت حمره لون مشمشي
كُلش حلو ورشية عطر وهسه خلصنه
اباوع على نفسي صدك طلعت اخبل
ههههه الله يساعد كَلبه راح ينجن متاكده
بس صدك الميكاج ابداع نازك كُلش وبسيط
اني احب المكياج فقط بالبيت من صغري احب هاي السوالف
عطرت الغرفه ورتبتها بس حايره ماعرف اجيب شموع وحركات مثل المسلسلات التركية لو لا منو يكول عنده شموع رعد افندي
رحت دورت البيت كله ماعنده استحي اخابره اكله جيب شموع اريد يتفاجأ من يرجع يلا بلا الشموع هل مره رحت طفيت الاضويه شغلت التيبلم ضوئه خفيف ومريح للعين وضاف أجواء شبه رومنسيه للغرفه
________
في مكان اخر
رعد - طلعت من البيت شغلت السياره ورحت يم المصيبه السوده عكرت مزاجي اليوم لازم اشوفلي حل وياها خابرني ركان رديت علي
هلا بضلعي
ركان - ولك وينك انت شو مالك حس هيج الزواج نساك ضلوعك وسفه وهظيمه وعيب عليك نذل هيج بسرعه تنسانه
رعد - هههههه انجب ولاتحجي من يمك
ركان - خوش شو تضحك بشر بنيه ولد
رعد - شبشر بعدني مثل ما اني صافيه دافيه وربي
ركان - ههههههه تعرف مستغرب شلون صابر
رعد - كوه وربي كوه مصبر نفسي ماريد اجبرها ياركان هذا الشي مايصير بال اجبار شسوي
ركان - هلا هلا منو انت رعوده عوده موده ماعرفتك صاير فلسفجي وحركات هههههههههه
رعد - ماتنجب من يوم يومي هيج
ركان - اي صدكتك خويه صدكتك ههههه
رعد - اي صدك ابني صدك وتعلم ههه
ركان - هههه نتعلم ليش لا وينك هسه يمها
رعد - لا وربك
عندي مصيبه سوده اروح اخلص منها
ركان - ها ها شنو هيَ بس لا سوالف مكسره
رعد - لا يابه بعدين اكلك
ركان - ماشي اروح اني بالليل تعال للكوفي
الشباب ديسئلون عليك
رعد - اذا كدرت ميخالف اجي
ركان - ماشي ضلعي في امان الله
رعد - في امان الله خويه
سديت الخط شوي وصلت جنت ماخذ المفتاح
فتحت الباب اشوف مطفيه الاضويه ومدري شلاعبه بالبيت صحتها
ريتاااج وينج
سمعت صوت جرس خلخالها التفتت اشوفها ورايه
واكفه شلابسه هاي كبل حضنتني
ريتاج - رعدي مشتاقتلك موت والاشتياق تعبني
رعد - خوش بس ابتعدي علمود احجي وياج واروح عندي كومه شغل
ريتاج - حبيبي مشتاقتلك شنو مامشتاقلي عوف الشغل مايخلص خليك يمي انسيك كل الشغل والتعب
رعد - شغلي الاضويه وتعالي كعدي
عندي حجي وياج
ريتاج - ماشي حبيبي ادلل
رعد - كعدت عل تخم جتي كعدت يمي كتلها
ريتاج سؤال اني ليش ازوجتج اتمنى تردين
ريتاج - حتى تستر عليه
رعد - وبعد كملي
ريتاج - حتى
رعد - كملي
ريتاج - ماكدر ماريد اذكر فدوه رعد
احبك افهمني
رعد - ولج بويه مو سالفة حب اني ماحبج وتعرفين ولا اقبل بيوم تصيرين ام جهالي وتعرفين اني مو ملكج كزوج ريتاج اني مو الج تعرفين كُلش زين شلون اخذتج وليش ماخذج ليش هيج تسوين وتخبصيني تعال وتعال اني واعدج بشي ناطيج امل بشي جاوبي
ريتاج - لا
رعد - لعد ليييييش تبنين احلام وتصدكيها
جم مره كتلج لا تاخذين دور الزوجه اني مو مثل الناس اني مووو مثلهم افهمي زواجي منج فقط هيج زواج لا تاخذين الدور
ريتاج - ليش هيج تسوي بيه رعد شجاك
تعرف شنو اني متأكده انت تحب وحده لو مزوج لان تغيرت وياي بدون سبب لا اشوفك ولا تخابر ولك حتى ماتتقربلي من شوكت انت هيج هاااا من شوكت اعرف جنت تريدني علمود نفسك ومع ذالك كلت ميخالف احبه اتقبل بس مو هيج تعوفني
رعد - سحبت سيجاره ولعتها
: ريتاج نقطه راس سطر رعد مو الج
لا اتعبين نفسج
ريتاج - متت قهر من هيج كالت نزلن دموعي كتله
ش ش شنو تقصد
رعد - فهمتي قصدي كُلش زين
تقدمت حضنتني كالت
ريتاج - حبيبي عوفك من الحجي تعال ننسى كلشي ونبدي من جديد محضرتلك أجواء تخبل
رعد - بعدتها
: شبيج انتِ تفهمين شنو داحجي لو تغشمين نفسج
ريتاج - رعد اريدك لاتعوفني
رعد - ياطلابت رعد الماتخلص
ريتاج - رعدي
رعد - كمت كتلها
شوفي من البدايه لنهايه اني مامقصر وياج بالمصروف وانت جنتي محتاجه هذا الشي اكثر من الزوج بس لهنا وبس اني رجال حياتي كلها مشاكل
تعبت ماناقصني غيرج مثلاً كافي
ريتاج - شنو قصدك
رعد - علاقتنه صدك مابيها اي هدف مثل ماكلتي على شنو باقين كلمن ويروح بطريقه شوفي حياتج وانسيني
ريتاج - شنوووو تخبلت شدتحجي
رعد - صوتج لا تعلي لاااا اشك حلكج
ريتاج - ااااي بس الكلام الك اني مو بشر مو حقي احجي هااا
رعد - ريتاااااج لا تنرفزيني كتلج صوووتج لا تعلي
لا تخليني امد ايدي عليج احترمي نفسج احسلج
ريتاج - تسويها كلشي اتوقع من واحد مثلك
رعد - اااخر مره راح اكلج احترمي نفسج
اذا فقدت اعصابي راح تشوفين شي مايعجبج
ريتاج - رعد اسمعني و تذكر كُلش زين صدكندي راح تندم اذا تعوفني اله انزل راسك وافضحك واكول جنت مرته بالسر وهاي كتلك
رعد - سمعي لج مو انتِ عشره مثلج مايهزون شعره بيه ما عاش اليهدد رعد الظاهر انتِ بعدج ماتعرفيني اذا خليت واحد براسي احركه حرك
وهم ما ارتاح فَ حافظي على كرامتج قبل لا تنسحل بالكاع وثمني كلامج قبل لا تحجين
ريتاج - اسفه ماقصد شي بس شسويلك لعد هااا شسوي هذا مو حل ليش هيج ليييش فدوه لا تنهي كلشي بسرعه خلص مالح عليك بعد ولا اضوجك بس لا اطلك رعد فدوه لا اطلك وين اروح وين انطي وجهي فدوه لا تسرع خلص ماريد شي منك بعد تجي ماتجي براحتك ماريد شي بس لا اطلقني
رعد - كامت تبجي كتلها
ماعرف اشوف بس كوني كد كلامج
ريتاج - تمام حاضر ادلل
رعد - يلا اروح اني
ريتاج - وين بعد وكت والسهره
رعد - شكلنه
ريتاج - كوه تحكمت بأعصبي ابتسمت كتله
خلص حبيبي براحتك
رعد - يلا في امان الله
ريتاج - مع السلامة حبيبي
راح سد الباب واني ناااار بكَلبي عافني وراح اي راح
صرخت كل قوتي
لييييييييييييييش لييييييييش نسى كل حبي وتعبي لييييييييش يريد يطلكني الحقيرررررر
النذذذذذذذل سهله يارعد ااااااذااااا ما ادمرك ما اسمي ريتاج اني ووولك اااني تريد تعوفني وتعيش مرتاح ميخالف لازم اعرف شنو سالفتك والله ماخليك تخلص مني هيج بسهوله والله اكيد
شايفله وحده ادبسز ضاحكه علي وهيج قالب عليه اي اكيد شاف غيري بعد مايريدني والله اله اعرف منو هاي الادبسسز الضاحكه عليك بسيطه
_
_
_______
في مكان اخر
بتول - رحنه نبدل اني وتبارك
تبارك - ماعرف شنو اللبس
بتول - اني راح البس عبايه خليجيه
تبارك - عبايه ليش من شوكت تلبسين عبايه انتِ
بتول - تبو تغير لعد شنو البس هسه راح ارتب نفسي واخليكم تنصدمون
تبارك - خوش اني اروح اغسل وجهي لحد ماتخلصين علمود اني هم اجي ابدل
بتول - اي هسه بسرعه اخلص
تبارك - ماشي
بتول - راحت تبارك قفلت الباب فتحت الكنتور اي هذا حلو اله اطلع شيخه ههههه
لبست عبايه خليجيه حلوه لون اسود مطرز كرستال ذهبي ولمسه مكياج بسيطه فتحت شعري مشطه وشمرت الشال علي لبست ساعتي الذهبيه ويه باقي الاكسسورات وتعطرت اخذت الموبايل ونزلت جوه رحت اشرب مي دخل سيف
سيف - ياهلا بالشيخه وين رايحه هيج كاشخه
بتول - الله عليك حلوه لو لا
سيف - طبعا حلوه غير اخت سيف
بتول - ههههه حبيت الثقه
سيف - اي طبعا وين رايحه
بتول - نخطب لحيدر عقبالك دكتورنه
سيف - اها حلو لا اني بعد وكت
اكلج اذا صارت صدك لا تكولين تكعدون مرته ويانه لان صدك ماناقصنه مشاكل
بتول - والله ماعرف خويه خلي يخطب والله كريم
سيف - الله كريم
بتول - واحنا نحجي دخلت امي لابسه بشت خليجي لون رمادي يخبل عليها
جوان - يمه بتول تعالي شوي رتبيني
سيف - ياهلا بست الحبايب ياهلا بالحب نبع الحنان شترتب غير تخبلين فديت الحلو اني
جوان - يابعد عمري يايمه عيونك الحلوه حبيبي
بتول - صدك يمه ما شاءالله تخبلين بس ناقصج شوي مكياج وتطلعين فدشي يخبل
جوان - اي تعالي رتبيني ماعرف خاف اكثر ماحلو
سيف - يمه شنو هاي راح اغار لعد شوكت دوري
جوان - يااا اذا عليه جان من زمان اطفالكم تارسين البيت ان شاءالله بس اشر و الباقي عليه بس انتو ذوقكم صعب تشلعون كَلبي يايمه عفتكم براحتكم تختارون اختار وادلل
سيف - هههه صح كلامج لا اشاقه بعدني خلي اتخرج ويصير خير
جوان - ان شاءالله يايمه افرح بيكم كلكم
بتول - امين
سيف - يمه اترخص اروح اسبح وانام حيل تعبان
جوان - يمه خلي تيلا تسويلك شي اتغده يلا نام
سيف - رحت بست راسها
ماشي اروح اسبح هسه
جوان - اي يمه روح ارتاح حبيبي
بتول - راح سيف التفتت على امي
هاي شنو ست جوان تخبلييين
يلا تعالي ارتبج
جوان - ههههه اي يلا وين اختج
بتول - ماعرف يمكن تبدل
صدك شلوني اني
جوان - تخبليني ما شاءالله عليج يحفظج الرحمن بنيتي
بتول - طالعه عليج ياعسل يلا تعالي ارتبج اخليهم هيج ينصدمون بجمالج وترتيبج
جوان - ههههه خوش
بتول - رحنه للغرفتها شوي مكياج على عطر ورتبت الحجاب مالها دخلت تبارك
تبارك - ها خلصتو
بتول - ياااا عزه شمسويه بنفسج يمه فدوه
تبارك - هههه حلو
بتول - تكول حلو ولج غير اطكين بالكاع تخبلين فديت
تبارك - صدك يمه
جوان - الله يحفظكم ورداتي انتو ما شاء الله بسم الله عليكم وحده احلى من الثانيه احنا راحين نخط ال ابنه شكلنه راح نرجع الناس خاطبين
بناتنه
بتول - ههههههه يمكن
تبارك - هههههه وانتِ يمه ما شاءالله حيل حلوه
اكول ليش حلوين ثاري طالعين عليج
بتول - اي عفيه
اباوع امي انقهرت كالت
جوان - ياريت ابوكم يشوفني حلوه مثلكم
تبارك - يمه شنو هذا الحجي اصلا بابا يحبج وبنظره احلى وحده شافها بحياته
بتول - اي صح اتفق
جوان - يلا خليها هيج
يمه بتول تاخرنه خابري حيدر شوفي وين راح خلي يجي ياخذنه
بتول - ماشي
رحت خابرته اجه اخذنه رحنه لبيت البنيه هو راح واحنا نزلنه دكينه الجرس فتحولنه الباب استقبلونه ذاك الاستقبال امبين ناس محترمين كعدنه شوي وجتي حور الي راح تصير مرت حيدر ما شاءالله حلوه ومرتبه بدات امي تحجي وياهم
وطلبتها وامها كالت نشوف ابوها وهيَ شنو رائيها بس البنيه امبين عليها فرحانه دعيت الله يتمم لهم شوي وخابرنه حيدر ورانه سلمنه عليهم وطلعنه
الطريق كله حيدر وامي يحجون بيها متت ضحك علي مستعجل اول ماوصلنه للبيت رحت للغرفه ابدل اجاني اشعار عل انستا فتحته اشوفه من ولد يااا منو هذا كاتب
: شلونج بويه اني ركان
ابتسمت
منين جاب حسابي والله طلع مو هين هههه
كتبتله
هلا بيك بخير انت شلونك
شافها ورد بسرعه
: بخير بويه
بتول - كتبتله
محتاج شي
: لا سلامتج حبيت اسلم عليج
واكلج هذا حسابي
بتول - اها حلو ممكن سؤال
: جواب
بتول - من وين عرفت حسابي
: طلع كدامي صدفه دخلت علي
وعرفت هاي انتِ
بتول - خوش سبحان الله صدفه طلع يمك
: اي
بتول - ههههه ضحكت كتله
اليوم رحنه خطبنه لحيدر
: صدك حلو انتِ هم رحتي وياهم
بتول - اي اني وتبارك وامي رحنه
: اي زين سويتو
بتول - اي تعبانه اروح انام وادرس بعدين نحجي
: ماشي بويه اخذي راحتج
بتول - خليت لايك عل رساله ورحت بدلت ونمت
_____________
في مكان اخر
نور - رتبت كلشي صارت بال2 الظهر خابرته شوي ورد
حبيبي وينك
رعد - جعل محد غيرج يكلي حبيبي
نور - ههه امين وينك شوكت ترجع
رعد - بويه حيل مشغول ماكدر ارجع عل غده تغدي انتِ
نور - ضجت كتله
صدك تحجي رعد ليش هيج
رعد - مو بيدي ياكَلب رعد واهله وعشيرته كلهم
بس وعد مني اعوضج
نور - اممم خوش زين شوكت ترجع
رعد - ان شاءالله وره اذان المغرب وراح اجيب عشى من برا لا تحضرين انتِ ماشي بنيتي
نور - ماشي رعد
رعد - عيونه واهله
نور - لا تتاخر فدوه انتظرك
رعد - تم حاضر
نور - ماشي مع السلامة حبيبي
رعد - مع السلامة بنت كَلبي
نور - ابتمست سديت الخط رحت بدلت و تغديت وحدي كملت تنظيف المطبخ ورحت صليت ونمت كمت على رنة الموبايل اباوع الساعه بال5 اووف شلون نمت هلكد سحبت الموبايل طلع رعد جاوبته
رعد - بويه وينج
نور - جنت نايمه
رعد - شنو مريضه
نور - لا يكَلبي بس هيج غفيت
رعد - ماشي اني ساعه واكون يمج
نور - ماشي حبيبي انتظرك
سد الخط كمت توضيت كملت صلاتي رجعت
بدلت لبست الطقم الابيض وعدلت المكياج والشعر ورشية عطر اباوع عل المرايا يبوووو ليش هيج متوتره نور مايصير هيج قابل لشوكت ابقى متوتره منا لا تتوترين واهدي اي اهدي
عطرت الغرفه والصاله شغلت التلفاز كتمت صوته
كعدت عل تخم انتظره مر ربع ساعه وانفتح الباب بلعت ريكي صخام الصخمني شو احس بسرعه رجع عزه راح تصير صدك يبوووو اكوم
ابدل احسن لا لا شبدل اهدي نور اهدي
دخل لشقه كمت ضل واكف مصدوم كصني كص بعيونه توترت بزايد بسم الله بعدنه بالبدايه بده التوتر يزيد كتله
هلا حبيبي كواك الله
رعد - اني بحلم لو شنو
نور - ههههه لا حقيقه مو حلم
رحت اخذت منا اكياس العشى حطيتهم عل طاوله وهذا بعده واكف كتله
شبيك حبيبي شنو ماحبيت التغيير
سحبني من خصري بحركه سريعه ولزكني
عل حائط عيونه بعيوني كال
رعد - نور ليش هيج تعذبيني
ماتحمل بعد مو كافي تعبتيني
نور - ههههه ليش اعذبك يجوز الليله تكون ليله مميزه
رعد - ياالله واخيراً فرجت
نور - هههههه
تقرب يشم برقبتي كتله
رعد
رعد - عيونه واهله وعشيرته كلهم
نور - فدوه حبيبي بس مو هسه
ابتعد كال
رعد - ليش
نور - خلي نتعشى شوي نكعد نحجي
لان متوتره شوف ايدي
رفعتله ايدي كتله
شوف شلون ترعش من التوتر
ضمهم بين ايده وباسهم وكال
رعد - حتى لمست ايدج ونعومتها غير
نور - اممم شنو تقصد لازم مجرب ايد غيري
رعد - هههه ليش اكدر اجرب وعندي هيج كمر
نور - اي خوش مو اكول مايصير
رعد - اي حقج بس تعالي ها شلابسه اشتعلو اهلج
نور - ياااا شبيك اهلي ميتين
رعد - اقصد عمامج ومنال
نور - هههههه احبك
رعد - اعشكَج ميت بيج مو بس احبج
نور - باسني من راسي وكال
رعد - يلا جوعان اروح اسبح عل سريع ونتعشى
نور - ماشي حبيبي
راح واني رحت رتبت العشى شوي واجه
مثل كل مره فقط لابس بجامة التراك مشكله استحي منا مو بيدي شلون راح تعدي الليله
ماعرف كعد عل طاوله بدينه نتعشى كال
رعد - نور بويه ماريد اجبرج على شي انتِ راضيه
نور - لا حبيبي انت هم حقك بس اني متوتره وخايفه شوي
رعد - حبيبتي اذا سالفتج توتر خليها عليه واذا خوف يروح شوي شوي لاتفكرين
نور - اي ان شاءالله بس ممكن طلب
رعد - عيوني الج
نور - اريد نبدي اول خطوه بحياتنه بصلاة حتى رب العالمين يوفقنه بحياتنه وتوعدني تترك الشرب وترجع تصلي اعرف بالبدايه راح يكون صعب تترك شي انت مدمن علي بس صدكني مستحيل رب العالمين يحرم علينه شي مفيد لانه مضر عليك وعلى علاقتنه وحياتنه لازم تتركه وحرام
رعد - نور اني مو مدمن كتلج بس من انقهر وتصير مشكله اروح اشرب اريد انسى هاي غايتي
نور - ميخالف حبيبي بس مايجوز لازم تتركه
من تنقهر تعال يمي ومن تفرح تعال يمي احجي وفضفض بس ابتعد عن هذا السم
مسكت ايده وكتله
رعد اذا تحبني اتركه وخلي نبدي حياتنه
الجديده برضى ربنا علينه
باس ايدي وكال
رعد - صدكيني راح احاول وبعون الله راح اتركه
ادللي
نور - حبيبي الله يوفقك ويقويك ويثبتك
رعد - امين
نور - خلصنه العشى كتله
تعال وياي
رعد - وين
نور - اخذت بيده وكتله
هسه تعال وشوف
رحت توضيت وهو صافن عليه كتله
يلا حبيبي توضه علمود نصلي
و نبدي حياتنه الجديده
رعد - بس
نور - ماخليته يكمل كتله
يلا اروح اني لا اطول
عفته وطلعت رحت لغرفة النوم فرشت سجادتين
لبست ملابس الصلاة شوي واجه لبس تيشيرت التراك كتله
يلا تعال نصلي
رعد - ماشي
نور - اباوع علي شلون واكف لصلاة ياربي شكد حلو بدينه نصلي خلصت وهو بعده منزل راسه بالسجود نزلن دموعي رفعت ايدي لسماء ودعيت
ربي احفظه الي ولا تحرمني منا وفقه وثبته يارب
خلص كتله
ها حبيبي احجي الصدك ماحسيت براحه
رعد - والله يانور شعور غريب اني صار سنين كُلش طويله مامصلي تصدكين اوكف كل شوي اصفن ماذكر شنو اقره بصلاة ناسي ادعي الله يسامحني لاني حيل مقصر بحق ديني
نور - حضنته وكتله
ان شاءالله حبيبي الله يغفرلك ذنوبك ويسامحك لا تنسى ان الله غفور ورحيم
حضني كل قوته كال
رعد - ونعمه بالله
نور
نور - نعم
رعد - انه كُلش صلب وعصبي بس كدامج اضعف حيل بلايج احس روحي يتيم
نور - كل كلمه يكولها تدخل الكَلب و تتربع بي
ابتعدت كتله
الله لا يحرمني منك حبيبي
رعد - ولا منج عروك كَلبي
نور - فديت كَلبك
كمت هو هم كام شلنه السجاده خليته بالكنتور حسيت بقربه وكف ورايه سد باب الكنتور
وكال
رعد - نور انداري عليه
نور - بلعت ريكي انداريت ظهري عل كنتور وهو واكف كدامي كُلش قريب دنك عليه دخل ايده بشعري ورفع راسي بهدوء ودنك وباسني بخدي
قريب كُلش على شفتي شواربه طخت بشفتي
بلعت ريكي كزبرت غمضت عيوني بعد شعري النازل على رقبتي ب اهمال وحط راسه برقبتي يشم بيها مد ايده على خصري وسحبني بتجاهه
كتله
: رعد
ابتعد عيونه ذبلت وهو مركز بيه
دنك باسني اهتز جسمي بين ايده غمضت عيوني خليت ايدي على صدره وهو ويشم بشعري كتله
: رعد
رعد - مجنون بيج وبحبج
نور - ابتسمت حضنته وكتله
شكد تحبني
ابتعد ضم وجهي بين ايده وعيونه على شفتي كال
رعد - بعدد دكات كَلبي وكَلبج من نتحاضن ويدكن سوا
نور - ابتسمت تلمست وجهه ورموشه بأطراف اصابع ايدي ورفعت نفسي بأطراف اصابع رجليه وكفت على اصابع رجله ابتسم تقدمت حاوطت ايدي على رقبته هو اطول مني بهواي تقدمت شمية ريحته التارسه رقبته غمضت عيوني وبسته بخده
رعد - اشتعلو اهلج
نور - هههههه شكلنه
رعد - ولج شبقيتي بيه
نور - يااا شمسويه ههههه
تقدم و لمسات ايده تنزل ابطئء من كتفي لحد اصابع ايدي وايده الثانيه على خصري رفعني اله رجع حط راسه برقبتي واني متقبله كل شي منه وراضيه احس التوتر بده يقل احس شي اقوه مني يجذبني اله ماعرفت افسر شعوري لكن احس
بأمن واني ويا اخذ نفس من رقبتي كال
رعد - نور
نور - عيونها
همس حجه حرف حرف بهدوء
رعد - ا ح ب ج.................................................
________
قال احدهم لي حبيبته
: انتِ كتبي والكاف حاء من دون التاء
فردت
: وانت قلمي والميم باء
فرد
: انتِ القمر والقاف عين
فردت
: وانت كمالي والكاف جيم
فرد
: انا قلمكِ والميم باء
فردت
: انت حبراً في قلبي دون راء .
بقلمي انا الكاتبه والشاعره جيهان آغا ✍
________
انتظروني في البارت القادم مع احداث 🔥
لا تنسون التصويت بالنجمة وعلقو بين الفقرات اتمنى توصلون البارت 200 تعليق فمافوق حق تعبي
اذا ماكو تفاعل اعتذر ماكو بارت واذا اكو تفاعل بدال البارت بارتين ينزل وادللو
حسابي انستجرام انشر هناك
كل شي يخص الرواية والابطال 👇
والان ثقلو ميزان حسناتكم بذكر الله
"""""""""
سبحان ألله
ألحمد لله
لا إله إلا ألله
ألله أكبر
"""""""""
#خلف القضبان روح يتيمة
#بقلم الكاتبه جيهان آغا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!