#خلف القضبان روح يتيمة
#بقلم الكاتبه جيهان آغا
قبل مانبدي صلو على سيدنا محمد
( اللهم صل على سيدنا محمد وعلى ال محمد )
ولا تنسون تفاعلكم يحفزني
اكتب البارت وانزله اسرع
قراءة ممتعة ياقلبي
___________________
منال - يابعد عمتك بلوه ونزلت عليه وين انطي
وجهي
- انتِ هييي ماتستحين تتحارشين باخويه
وصلنا يا زمان البنيه تتحرش بالولد
- خويه هيَ مو راحه مدري عمتي شلون ملفيتها
منال - على امها تطلع شترجه منها
ادبسز
نور - كلامهم مثل السجاجين دخلت قلبي
تقدمت لا ارادين وكفت مقابيل منال خليت عيني بعينها رفعت اصبعي بوجها والدمعه بعيني سكيت على سنوني وكلت
اخررر مره اجيبين طاري امي على لسانج
امي تسوه راسج وراس الخلفج تروحين فدوه
لتراب قبرها فهمتي
واذا اكو واحد ادبسز هو ابن اخوج تصدكين
ماصدكين مو مهم اليهمني ربي يعرف كافي
التفتت على ابن اخوها تقدمت علي وضربته راجد
ياحقير تتحرش وتكذب شنو من بشر انت
من امداك اي والله حسبي الله ونعم الوكيل
اني هيج كلت وجان تسحبني منال من شعري
منال - تعااالي ياادبسزززز شلون تضربي حقيره
نور - هدي شعري وثمني كلامج
منال - ولج اليوم اجرم بيج بنت الفكوره
نور - سحبتني وكع الشال سحلتني من شعري للستقبال كدامهم نزلت علي ضرب بضرب
على بطني وظهري وراسي وراجدي وره راجدي
تعبت اخذت نفس وكالت لابن اخوها
منال - بعد عمتك اكو عوده بالحوش جيبها
واتفرج
- ههه ماشي
نور - حراام عليج حسبي الله ونعم الوكيل بيكم
حسبي الله ونعم الوكيل
جسمي متكسر تكسير واجت بالعودة ضلت
تضربني لحد ماكسرت العوده عليه احجي وابجي من الوجع
حسبي الله ونعم الوكيل عليكم حسسسسبي الله ونعم الوكيل الله لا يوفقكم
منال - الله يموتج واخلص منج يا ادبسز
نور - ضلت تضرب طك خشمي وراسي دم
خلص طاقتي انتهت هيَ تضربني واني دموعي تنزل
جنت اتمنى يجي شخص يدافعلي
جنت اتمنى يجي شخص ويطلعني من جوه ايدها جنت اتمنى يكون عندي شخص يحضني ويحتويني يما واعيش بأمان جنت اتمنى ايد
تنحط فوك راسي واطبطب على ظهري
وتحسسني بال امان والحب بوقتها من
صدك جنت اتمنى امي تكون يمي اختل توازني
وبداخلي صوت قوي يرن براسي رن ينادي
وينج يمه تعالي شوفي حال بنتج الوحيده
تقبلين هيج يصير بيه وينج رحتي عفتيني
نزلن دموعي بكل هدوء رغم الموقف ابد
مو مال هدوء التفتت على ولد اخوها كلي امل واحد منهم يطلعني من ايدها ولكن لا حياة لمـن تنادي
كلهم يتفرجون عليه والي اتحرش بيه جان يضحك
على حالي لحد ما حجه ابن
اخوها الجبير
- عمه كافي عوفيها راح تموت وتبتلين بيها
منال - لا العار مايموت وهاي البنيه عار شيموتها
نور - ثكلن عيوني غمضتهم وماحسيت على شي
مر اكثر من 3 ساعات فتحت عيوني اشوف
ضوه قويه على عيوني وعيوني تغوش
ماشوف شي بتعب رفعت ايدي علمود الضوه
لا يضرب بعيوني شويه وضحة الصوره بعيوني
شفت نفسي بالمستشفى
ومشكليلي مغذي رفعت ايدي اتلمس وجهي وراسي
كله مضمدي ولافي بالفاف وايدي كله مزوركه
كل جسمي متكسر من الضرب دخل دكتور
جان جبير بالعمر شافني ابتسم
الدكتور - سلامتج بنيتي
نور - تسلم
اجه وكف على راسي بطئ نزول المغذي
وبده يسألني
الدكتور - بنيتي شصار وياج وين يوجعج
ومنو هيج سوا
نور - صفنت اذكر شصار وياي غمضت
عيوني ودموعي تنزل بهدوء
الدكتور - بنيتي لاتخافين واحجيلي شصار وياج
ومنو هيج سوا
نور - فتحت عيوني كتله
منو جابني
الدكتور -مرأة كالت تصير بنت زوجي
نور - وينها
الدكتور - راحت
نور - دكتور ج ج جسمي متكسر كل جسمي يرجف
والوجع ماكدر اوصفه
الدكتور - بنيتي هسه انطيج مسكن ترتاحين علي
بس كليلي منو هيج سوا
نور - سكتت ماكدر اكله لانو اعرف اذا اكله
منال راح تطردني من البيت واصفا بشوارع وين انطي وجهي كتله
ماكو شي وكعت
الدكتور - بنيتي حالتج مو مال واحد واكع
نور - حجيت واني ابجي على حالتي
كتله
دكتور فدوه بس انطيني ابره مكسن شي
جسمي يون عليه من الوجع فدوه
الدكتور - ماشي بويه بس الضابط
راح يجي يحقق وياج اذا اني ماعرفت
شنو صار هما لازم يعرفون
نور - ش ش شنوو ياضابط
الدكتور - بنيتي لازم يحققون وياج ويعرفون
شصار وياج
نور - لا لا فدوه دكتور شحجي شكول ماعرف
فدوه لاتخليهم يحققون وياي ماعرف شي
الدكتور - بنيتي اهدي ولا تخافين هما وياج مو عليج
نور - اعرف بس اني وكعت ماكو شي ثاني
مايحتاج التحقيق
الدكتور - والله يابنيتي هاي إجراءات قانونيه
ماكو شي بيدنه
نور - طلع وعافني ياربي من طلعتلي سالفة التحقيق شحجي شكول
شويه ودخلو ضابط وثنين عساكر ويا
عدلت الشال على راسي ومسحت دموعي
بس عيوني حمررر امبينه باجيه هواي
الضابط -السلام عليكم بويه
نور - وعليكم السلام
الضابط - اي بويه شصار وياج احجي كلشي من البدايه
نور - ماصار شي بس وكعت
الضابط - بويه احجي الصدك لا تخافين من احد
نور - حجيت بكَلبي
اااخ لو اكلكم شصار بيه بس لا حياة لمـن تنادي
بدء يسأل واني ارد علي لح هواي بسؤال
منو هيج سوا بيه بس اني ماكتله واصريت
افهمه اني وكعت وبعد تعب اقتنعو وراحو
مر ساعه اجه الدكتور كتله
دكتور لازم ارجع للبيت
الدكتور - ماشي بويه راح اكتبلج حبوب مسكنه
اخذيهم قبل لا تطلعين
نور - ماشي
كتبلي الحبوب وساعدني اكوم لانو ماكدر اسند
نفسي وكال
الدكتور - بنيتي اخلي وحده من البنان تساعدج
نور - اي والله ياريت
راح صاح وحده من الممرضات جتي سندتني
حتى امشي وصلت برا المستشفى كالت
- حبيبتي وين اهلج
نور - ماعرف
- زين تعرفين بيتكم وين
نور - اي
- شايله فلوس
نور - لا والله
- هاج هاي عشره اخذيلج تكسي ورجعي
للبيت
نور - لا ماريد شكراً
- اخذي راح تحتاجي
نور - ماكدر اخذهم
- اعتبري مساعده
نور - سكتت خلتهم بيدي وراحت
صفيت وحدي رحت عل شارع وكفت تكسي
وانطيته الفلوس دليته على بيتنا وصلني تشكرته
راح واني دكيت الباب محد يفتح ضليت ادك
شوي وانفتح الباب
منال - بلوه شرجعج
نور - وين اروح
منال - مو شغلي
نور - منال والله ماحجيت شي وماكتلهم
انتِ هيج سويتي بيه
منال - وشتريدين مني اشكرج مثلاً
نور - لا بس خليني ارجع ماعندي مكان اروحله
منال - راح ادخلج بس مو لسواد وجهج
اريدج تخدميني خدامه وبلاش وين الكي هيج
خدامه
نور - اني مو خدامه فهمتي وهذا بيت ابوي
دفعت الباب ودخلت
الحمد لله ولد اخوانها رايحين
اول مادخلت كالت
منال - يلا بسرعه تعالي نظفي البيت اريده يلمع لمع
نور - سكتت ماحجيت شي رحت للغرفه
وقفلت الباب علمود لا تدخل وتضوجني
نزعت الشال ولبست ملابس صيفيه رغم الجو شتاء بس احس جسمي ثكيل كلش ومخنوكه
ماكدر البس ملابس سميكه تمدتت غمضت عيوني ودموعي تنزل من والألم جسمه كله يون عليه من الوجع
_
_
__________
في مكان اخر
رعد - جنت كاعد بالمكتب مشغول بأوراق
المتهمين ماحس غير ركان طفر
عضيت شفتي
اشتعلو اهلك اكو واحد هيج يطفر
ركان - هههه تعرفني ملطلط
رعد - اول مره تحجي الصدك
ركان - اوي حبيبي شبيك وياي
رعد - انوب رجعتلك الحاله الله يصبرني
ركان - هههه هاي شبيك حبيبي اوي شكد احبك
رعد - هههه فدوه اروحلك اني وعشيرتي بس
لاتتنعوص بكلامك ترا كلش ماراهم الدور
ركان - اوي ليش ولج رعوده
رعد - انوب رعوده
ركان - اي اي رعوده اوي شكد احبج فدوه لهل خلقه
رعد - حبتك حيه ام راسين
ركان - ليش ولك بيش طالبني
رعد - بطل سوالفك الشيب ترس
راسك
ركان - لا تجذب ابني ترا اني وانت نفس
الطاسه والحمام وبعدنا شباب
ماكو ولا شيبه براسي شوف
بس الظاهر انت شيبت بسرعه
رعد - خوش يابه
ركان - اكلك رعيد
رعد - كول
ركان - وين سهرت قبل لا تجي
رعد - شنو قصدك
ركان - بغمزه /
غشم روحك ها
رعد - لا تصير فسوقي وفضولي
ركان - افااا عيب عليك ابني
شهل حجي عيب بويه شوكت تتأدب
رعد - من انتَ تتأدب ابني
ركان - ديلا هسه ابقى احسن منك
رعد - خوش الله يهديني
ركان - امين
هسه كلي وين جنت ويه منو احجي
رعد - ماصدكت خلصت من سيف الفضولي انوب انت
ركان - ديلا هسه لا تبايد احجي وين جنت
رعد - مو شغلك لاتصير فضولي ابني
ركان - هيج يعني سهله
تعرف اني مقهور
رعد - على منو
ركان - مقهور على البنيه الراح تاخذك وتبتلي
بيك عمي الله يساعدها وين ماجانت
رعد - حقير ونذل ماعتب عليك
ركان - هههه صريح مو بيدي
ترا صدك احجي بس كلي منو تتحمل واحد
مثلك
رعد - ليش شبيه طنطل
ركان - هههه لا ابني افهم كلامي وين اكو منك رجال ونعم منك ابولغيره كفو من شاربك الجنا مكناس مال فيلم الساحره نسيت اسم الفيلم المهم بس تعال نكون صريحين انت شخص عصبي كُلش ومعقد ماتعاشر غير القريبين عليك والي
تعرفهم كُلش زين
فوك كل هذا شغلك اهم حتى من حياتك
ماعندك وقت للعائله ولمة العائله
وقاسي من الخارج لكن احسك مرات
حنون من داخلك مدري هيج احساس
وها نسيت عندك سوالف مكسره
ههههه سوالفك سويهن ضد الكسر بعد اخوك
ماعده النسوان التعرفهم ولك الله يساعد التاخذك
رعد - انجب من طاح حظ وصفك صارلك ساعه
تعد وتصف وماذكرتني بشي زين
ركان - لعد جدي كال مرات احسك حنين
رعد - رحم الله والديك صار زحمه
ركان - ديلا يلا سوالفك كلها اعرفها طابخيها
سوا
رعد - اي هيج اعترف
ركان - يعني مارحت للململ
رعد - ململ شنو
ركان - ههههه ولك لا تبايد
رعد - صفنت شوي يلا طخة ابالي
يول انت ليش هلكد فاسق
ركان - هههههه طالع عليك موبيدي
رعد - لو شي بي خير ميخالف بس لان
مابي خير علمود هيج
ركان - هسه رحت لو لا
رعد - ماروح بدونك لا تخاف
ضلعي
ركان - كفووو منك
بس حضي مو مثل حضك
رعد - ليش
ركان - ماعرف وين ماتروح البنات
يلتفتون عليك ومدري شيسون
علمود تلتفت عليهن واني والمسكين اغرك روحي
بالعطور ومحد بحالي يابه والله
احلى منك بس هنا ماعندهن ذوق
رعد - هههه اي خوش
اخذ هاي الأوراق
يم الرائد حمزه خلي يشوفهم
ركان - ماشي اروح اكمل شغلي
وارجعلك ركض خاف عبالك تخلص مني
رعد - هههه بس من اموت اخلص منك صدكني
ركان - حتى وقتها ماعوفك ويوميه ازورك
واحجي وياك غير انت ضلعي
رعد - خوش ديلا روح
ركان - رايح رعوده هههههه
رعد - طاح حظك انتَ ورعوده ههه
راح ركان واني كملت باقي الأوراق
وصيتهم يجبون جاي صدع راسي شوي
واجه واحد من المنتسبين
- سيدي المقدم سلام يريدك
رعد - ليش صاير شي
- مااعرف بس كال بلغو
النقيب رعد يجي
رعد - ماشي روح واني اجي وراك
- حاظر سيدي
رعد - خليت البيريه على راسي ورحت
دكيت الباب
المقدم سلام - ادخل
رعد - احترامي سيدي
كالو العقيد يريدك
المقدم سلام - اي اتفضل
رعد - رحت كعدت عل كرسي
انطاني اوراق وكال
المقدم سلام - باجر اكو مهمه سريه
تخص هذا الموضوع
رعد - اول ماقراءة الأوراق انصدمت
سيدي هذا شلون طلع
المقدم سلام - كول شلون انهزم
رعد - ولا يهمك راح نرجع اداهمه هوَ ويلي وياهم
اني اشك هذا وره جماعه مو وحده
المقدم سلام - وشكك بمحله
رعد
رعد - نعم سيدي
المقدم سلام - اريد ابداعك وكلي ثقه بيك راح
تنجح
رعد - شكراً لثقتك سيدي ادلل
المقدم سلام - يلا هسه روح ادرس ودقق الأوراق والمخطط واذا عندك اي شي تحب تضيفه اقترح
علينا
رعد - حاظر سيدي
ضبرتله التحيه وطلعت واني اقره بال اوراق
خابرني حيدر
حيدر - رررررعد الحك.....................................
_
_
______
يكول
لتخليني وحدي
منين اعرف الناس
لااكدر اعاشر
ولاخلك عندي
إحب شلون غيرك؟
من اود شلون؟
أنه وياك كلش خلصـت ودي
بـكد حبك لنفسِك چنت إناني وياك
ومنو اليحبك بكد حبي
خَل نتبادل انا وياك الادوار!
واغيب وانتَضل اسئل عليه!
وافرض تگدر تنام فنك تفز
اذا ما حلمان بيه
_
تتوقعون شنو صار ؟
في البارت القادم راح تعرفون
والبارتات القادمه كلها اطول يعني
هذا اخر بارت يكون قصير وبس احبكم
وينزل البارت حسب تفاعلكم مع الرواية
لاتنسون التصويت بالنجمة وتعليق بين الفقرات
تابعو حسابي انستجرام 👇
انزل هناك كلشي كلشي يخص الرواية و الأبطال
_
وتابعو حسابي واتباد حتى يصلكم كل جديد
Jehan-Stories
والان ثقلو ميزان حسناتكم بذكر الله
"""""""""
سبحان ألله
ألحمد لله
لا إله إلا ألله
ألله أكبر
"""""""""
#خلف القضبان روح يتيمة
#بقلم الكاتبه جيهان آغا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!