رواية خلف القضبان روح يتيمة الفصل السادس 6 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي

___________

رعد - اول ماقراءة الأوراق انصدمت

سيدي هذا شلون طلع

المقدم  سلام - كول شلون انهزم

رعد - ولا يهمك راح نرجع اداهمه

المقدم  سلام - اريد ابداعك وكلي ثقه بيك راح
تنجح

رعد - شكراً لثقتك سيدي

المقدم سلام - يلا هسه روح ادرس ودقق الأوراق والمخطط واذا عندك اي شي تحب تضيفه اقترح
علينا

رعد - حاظر سيدي
ضبرتله التحيه وطلعت واني اقره بال اوراق
خابرني حيدر

حيدر - رررررعد الحك المجمع احترك راح

تعبنا راح كلشي راااح

رعد - شنوووو شلون هيج صار 

حيدر - ماعرف حالي حالك خابروني واني
بالدوام وكالو احترك رحت هنا كلشي محترك
كلشي

رعد - ماعرفتو منووو السبب وشلون

حيدر - لا بس الشرطه شاكين بفعل فاعل وليس
قضاء وقدر

رعد - سهله خلي انزل اشوف ياحقير هيج مسوي
ورب الكعبه احرك الأخضر واليابس بسيطه

اسمع حيدر منا لحد ما انزل اريد المجمع يرجع
مثل قبل واحسن فهمت

حيدر - والفلوس شلون اذا خلصت

رعد - من تخلص كلي اني احولك

حيدر - ماشي خويه روح كمل شغلك

رعد - ماشي بس اريد اتفتح عيونك زين
وتراقب الكل من بعيد حتى العمال راقبهم
واني راح اعرف شلون اكشف الجان
السبب بسيطه

حيدر - ماشي في أمان ألله

رعد - سد الخط واني النار بكَلبي رحت لمكتبي
وكعدت عل كرسي الصداع موتني من الصدمه
خليت ايدي على راسي  وافكر منو هذا اليجرء
يتقرب من شي يخصني منووووو لو بس اعرفه
الا اكطعه تكطع

ضائع بين افكاري وفكره تجيبني وفكره توديني
بالي مشغول دخل ركان

ركان - اكلك ضلعي

رعد - راسي مشوش بعدين كلي مو هسه
خليني وحدي

ركان - خير شصاير وياك

رعد - كول شماصاير

ركان - دحجي شبيك خوفتني

رعد -  احترك المجمع مالي

ركان - ياواحد منهم ما شاءالله عندك هواي

رعد -  ناقصني عينك

ركان - مو كلنا ما شاءالله هاي شبيك
اي ياواحد منهم

رعد - يلي ناطي لحيدر يديره مجمع ... الطبي

ركان - لا مو خوش خبر
زين خسائر هواي

رعد - يمكن ماعرف حيدر كلي هسه

ركان - والناس شلون

رعد - لا ماكو خسائر بشرية فقط ماديه

ركان - ومنو وشلون هيج صار

رعد - بفعل فاعل بس منو ماعرف

ركان - اكلك خاف واحد من المجرمين الجاي نصفيهم  وحبو ينتقمون منك

رعد - انت غبي لو شنو ولك احنا منو اليعرفنه
نروح لجميع المهمات ملثمين ومعلوماتنا الشخصية سريه

ركان - اي هم صدك بس منو هذا اليكرهك لهل درجه وحب يخسرك هيج خساره

رعد - ماعرف ماعرف تعبت من التفكير

ركان - يلا خويه بالمال ولا بالعيال لا تضوج

رعد - ركان اني اي شي اشتغله اتعب علي
واشتغله من كل كَلبي وهذا المجمع تعبت علي
السالفه مو سالفة ماده اكدر اسوي عشره غيره
بس تعبي الراح شلون

ركان - حقك افهمك والله بس لازم تعرف منو جان السبب

رعد - سهله سهله والله بس اعرف منو وره هل دكه
الناقصه اله اخلي يتوسل بيه بس اعوفه اني اعلمهم اذا ما ادكهم دك فلا اسمي رعد

ركان - الله كريم كول يا الله
هاك هاي الأوراق

رعد - مال شنو

ركان - مال واحد بالدوله مختطفي وسلموك
الملف ماله

رعد - وليش اني ترا العقيد سلام ناطيني غير مهمه

ركان - هو العقيدم سلام كلي رعد يستلم الملف

رعد - سهله يصير خير

ركان - تعرف العقيد سلام يثق بيك اكثر كلنا
حظوظ

رعد - افكرني بعينك ماوصيك

ركان - ههههه نذل تروح فدوه لعيوني
ليش عيوني هم تعرف تفكر الوادم
وهسه اروح اكمل عندي شغل هواي اليوم

رعد - ماشي ضلع روح

ركان - لاتفكر بموضوع المجمع متأكد راح تعرف
منو وره هل دكه

رعد - اي بس خلي انزل سهله اني اعلمهم
الظاهر بعدهم مايعرفون ويامن اندكو

ركان - ههههه الله يساعدهم دخلو براس رعد
شيطلعهم بعد

رعد - اخليهم عبره لغيرهم بس اصبر عليه

ركان - اعرفك والله يلا في امان الله

رعد - في أمان الله
راح ركان واني مشغول بقضية هذا المخطوف
شوي واجاني اتصال اشوف هذا عمران
استغربت شيريد اول ما رديت اجاني صوت ضحكته

عمران - هههههههه

رعد - خير شكو ولو الخير مايجي منك

عمران - هههه شلوني اهدد وانفذ

_
_
__________
في مكان اخر

نور - من رجعت من المستشفى فوك تعبي
رجليه صارن خيوط وصارلي اسبوع مارايحه للمدرسه لازم باجر اروح وهل سنه سادس ياربي ماعرف شلون راح ادبرها واطلع معدل

كملت كل شغلي ورحت للغرفه
وبديت ادرس من ساعه 8 لحد 2 وكل شوي
منال تصيحني جيبي هذا ودي هذا سوي هذا
من نامت ارتاحيت منها

رحت توضيت وفرشت سجادتي ولبست ملابس الصلاة وبداءة اصلي قيام الليل خلصت دموعي
نزلن رفعت يدي الى السماء وكلت

يارب اريد انجح بدراستي وبختبارك
الي يارب ارزقني الصبر
يارب تعبانه ربي تعبانه كُلش وحدك تعلم بحالي
يارب احس روحي تايها دلني على الطريق الصح
تعبانه ربي عبدك في ضيق وكرمك واسع لا يضيق يارب

مسحت دموعي وبديت ادعي دعواتي من خلصت
دعيت دعائي المفضل يلي ما انام اذا ما ادعي
احس من ادعي ارتاح ادعي وعلى يقين رب العالمين راح يجبر بخاطري رفعت
يدي الى السماء

________

ادعو باسمك الذي تحب وقد نفضت يدي من الناس لأقول لك وحدك سبحانك بأنني أحتاج معيتك لتأذن وقدرتك لأكمل وفضلك لتهبني العطايا قد سُدًت الأبواب وجئتُ أرتجي بابك وانغلقت المفاتيح وجئت أشحذ فتحك وتعقدت الأمور وجئت اسألك فرجك وحسن تدبيرك اعجزتني الحيل ولا يعجزك شيء في السماوات والأرض وخانتني خياراتي فأسلك خيرتك ومشيئتك وتركتني الأيادي وارجو منَّتَكَ لترافقني في الطريق لا أملك الآن غير التوجه إليك ولا يسعني أن ادعو سواك ولا افتقر لغير رحمتك بأن تنظر لي نظرة رضى فترضى عني وترضيني اللهم امين
_______

خلصت ادعيتي وقراءة سورة الملك ونمت

صار الصبح كمت  غسلت وجهي مستغربه اشوف البيت هدوء غريبه يوميه على صياح منال اكوم

ماهتميت بديت بشغل البيت كنس على مسح وطبخ ونفخ رحت بدلت علمود اروح للمدرسه تعبت من شغل البيت كعدت شوي ارتاح مطرت
ابتسمت احب المطر كلش
استنشقة رائحة المطر
افيشش شكد احب هاي الريحه

رفعت ايدي الى السماء ادعي متعوده ادعي من ينزل المطر لان  سمعت يكولون من اوقات استجابة الدعاء وقت نزول المطر 
خلصت الدعاء ورحت اخلي الكتب بالجنطه
فرحانه اليوم منال مو بالبيت ولا اريد اعرف وينها اجي واروح بالبيت بكيفي واضحك
من الفرحه اخذت الكتب والجنطه
ولفيت الحجاب اريد شوي  اندك الباب
رحت افتح الباب وجان انصدم بالي شفته
بقيت مصدومه جمدت ابمكاني

منال - هااا شبيج شفتي طنطل

نور - بصدمه / هاي شمسويه بروحج

منال - حلوه مو شو وخري 

نور - دفعت الباب ودخلت كعدت عل كرسي بالحوش والعلج بحلكها خلت رجل على رجل
صابغه شعرها لون اصفر فاقع ومدري شمسويه بحواجبها ولابخه وجها لبخ بالمكياج
انصدمت اول مره اشوفها هيج بس هذا الجان ناقص التفتت عليه وحجت بدلع

منال -  شلوني حلوه لو لا

نور - مارديت عليها بقيت ضافنه مستغربه

منال - تعرفين شنو اني الثوله داسئل من 
وجه فكر مثلج حيه ام راسين

نور - هههه شبيج ليش هيج مضغوطه مني
الحمد لله من الله حلوين وبيض نبرق برق
مو ندور لبخ حتى نصير حلوين

كامت تقدمت عليه ضاجت من كلامي جرت شعري

هدي شعري

منال - واذا ماهديته

نور - راح تشوفين شي مايعبج

منال - ههههه هاي منو تحجي

نور - نور التحجي اعرفج منو نور

منال - اكسر خشمج وخشم الخلفج ادبسز

نور - احترمي نفسج وثمني كلامج وصلتي
هذا العمر ماتعرفين تحجين كلمتين

منال - اي مو نتعلم منج ست نور

نور -  اي تعلمي

منال - وين موليه

نور - للمدرسه يعني وين

منال - رجعي بسرعه علمود تحضرين البيت اليوم بالليل يجوني خطابه

نور - شنوووو تخبلتي انتِ

هيج كلت سحبتني من شعري نزل الشال

منال - بنت الفكوره لا تعلين صوتج لا اكص لسانج
ادبسز

نور - هدي شعري حسبي الله ونعم الوكيل عليج استحي على نفسج بهل عمري شمسويه بروحج وتريدين رجال

منال - اي اريد شكو بيها ليش شبيه مو بشر حالي حال الناس

نور - هدي شعري اكلج 
هدته وكالت

منال - خلي ادقج اكثر اذا صارت القسمه
راح انبيع هذا البيت ونروح لبغداد ديلا موتي قهر

نور - اني اموت قهر تخسين ليش منو انتِ علمود
اموت قهر

منال - موتي قهر راح تتبهذلين بس ينباع هذا البيت بس شسوي فاعلة خير الفيج يمي
تخدمينا

نور - شنو قصدج

منال - اقصد يابنت الفكر انتِ وراي وراي شوكت ارتاح منج ماعرف بس سهله خلي اروح هناك اذا ما ازوجج واخلص منج ما اسمي منال والله لوماحصتج بهذا البيت وياي جان من زمان الشارع مكانج

نور - اي واجيبين رجال غريب يسرح ويمرح ابيت ابوي موو

منال - اي وموتي قهر يلا شتسوين سوي
دروحي يم خالاتج عماتج قابل اني مبتليه بيج

نور - البيت بيتي ماعوفه لو تموتين

منال - الموت يلفج لف كولي امين

نور - الكلام مايفيد وياج

رحت اعدل الشال خربته من كد ماتسحب بشعري
اخذت الجنطه ورحت ابجي على حالي منين
طلعت بسالفة الزواج وبغداد ربي صبرني

رحت لبيت صديقتي زينب نروح سوا للمدرسه
دكيت الباب طلعتلي امها

السلام عليكم شلونج عمه

- هلا بنور شلونج بنيتي

نور - نحمد الله ونشكره ياعمه الحمد لله
وين زينب

- بعدها تبدل هسه تجي

نور - ماشي انتظرها

- فوتي جوه يمه لاتبقين برا

نور - لا مرتاحه هيج بس خلي لا اطول لان
اتأخرنه

- ماشي يمه

نور - راحت امها واني بقيت انتظرها
انفتح الباب التفتت عبالي هيَ طلع اخوها
اهوو هذا لزكه شلون قهر
خله عينه بعيني نزلت عيوني

كرم - شلونج نور

نور - عيني بال ارض رديت علي
الحمد لله خويه

كرم - شلونه السادس وياج

نور - زين

كرم - بقيت صافن على جمالها وبياضها سبحان
الخالقهَ جنها حوريه مو بنيه انتبهت اكو اثار جروح بوجها كتلها
نور

نور - نعم

كرم - شنو هاي الجروح بوجهج

نور - ممكن تصيحلي زينب

كرم - جاوبي

نور - رفعت راسي وكتله
خويه بصفتك منو اجاوبك صيحلي زينب اتأخرنه

احجي ويا وهذا صافن بعيوني لا حوله ولا قوة الا بالله كتله

خوويه ويه منو احجي

كرم - ها اي اي هسه تجي زينب

نور - بقه صافن عليه وماعرف نظراته ماعرف شلونها ضجت ماعرف ليش ابتعدت عن بيتهم شوي وجان تجي زينب

زينب - هلا بضلعتي

نور - هلا حبيبتي يلا نروح اتأخرنه

كرم - اني اوصلكم

نور - لا شكراً مايحتاج يلا زنو اتأخرنه

زينب - لا كرم يوصلنه احسن
اهلي مايقبلون وحدي اروح تعرفين شوي
الأوضاع مو امان هاي الفتره

نور - ماشي
مشه كدامنه اخوها واحنا وره المدرسه تبعد
عنه تقريبا ربع ساعه كل مره مشي نروح
ضل كل شوي يالتفت عليه ماهتميتله بس
احسه اليوم نظراته ماعرف افسرهن

وصلنه يم باب المدرسه دخلنه التفتت اشوفه بعده يباوع عليه شبي هذا ماهتميت دخلنه للمدرسه

زينب - اكلج نروش

نور - كولي حبيبتي

زينب - احجي الصدك شبي وجهج مزورك

نور - اااخ لا تذكريني

زينب - ياستار ياربي شكو ولج

نور - حجيتلها الصار وياي زينب اقرب صديقه الي اصلاً ماعندي صديقات غيرها هيَ الوحيده اثق بيها واعرف شكد تحبني لطمت على خدها
مصدومه من الصار البارحه

زينب - عزه العزاني شلون هيج صار

نور - اي والله هيج صار شوفي حالي اثار الضرب
والله ماعرف شكول لناس من تسألني شبي وجهج
لعد لو اشوفج ايدي ورجليه وظهري تنصدمين

رفعت رداني شويه ايدي
كله صاير ازرك واثار ضرب
ومسكت ايدها

شوفي 

زينب - بدموع /
سوده عليه تروح فدوه ليدج هاي العجيزه

نور - ولج القهر مو هنا القهر تريد تزوج واليوم
جايها خطابه

زينب - يمه عزه العزاني هاي تخبلت رسمي

نور - سكتي وخليها القهر شيب راسي
ماناقصني هيَ انوب تزوج ولا تكلي
ابيع البيت ونروح لبغداد نعيش بس كليلي
شسوي وياها القهر موتني

زينب - عزززه شلون وانتِ وين تروحين

نور - نزلن دموعي
تكول انتِ تبقين تخدمينه

زينب - تخسى خلي تخدم نفسها بنفسها

نور - ااخ يا زنو تعبانه كُلش مرات من تعبي وقهري اعاتب اهلي واكولهم ليش عافوني وحدي وارجع استغفر ربي

حضنتني وكامت تبجي وابجي وياها

زينب - لاتنقهرين فدوه اروحلج
اني شنو دوري اعتبريني امج وابوج

نور - الله لا يحرمني منج

زينب - ولا منج ياكَلبي بس تعالي
اذا رحتي شلون نشاوف
حسبي الله ونعم الوكيل عليج يامنال

نور - اهنا القهر شلون اعوفج تعرفين شكد متعوده عليج يوم المااجي للمدرسه انقهر لان ماشوفج
انتِ مو صديقتي انتِ اختي وامي وكل هلي

زينب - بدموع /
احبج نور انتِ احلى اخت 

نور - حضنتها وابجي
وانتِ احلى اخت وصديقه الله عوضني بيج

زينب - يلا كافي بجي
الله كريم حبيبتي خلي نتفائل 

نور - ونعمه بالله تصدكين اني هم كُلش
متفائله من ادعي رب العالمين وياي هذا الشي المصبر كَلبي

زينب - اي حبيبتي  الحمد لله
بس هاي منال اااخ مال واحد يخنكها ويخلص منها
ليش هيج فاهيه

نور - ههههه والله ماتستاهل احصل بسببها ذنوب

زينب - هنا المشكله يا اختي ماتنجرع
شلون متحملتها ماعرف

نور - ازيدج من الشعر بيت
اليوم رايحه لصالون لشوفين شمسويه
بروحها لابخه وجها لبخ بالمكياج صدمتني
لو حمرتها الحمره وكعت من عيني حتى اللون
وتكول شلوني حلوه شجاوبها

زينب - هههههههه هاي تخبلت

نور - ولج اني من نفسي استحيت وهيَ ولا عبالك

زينب - هههههه تمنيت اشوفها شلون لابخه وجها

نور - ههههه سكتي وخليها
واحنه نحجي دك الجرس ومن درس لدرس خلص يومي بس كُلش فرحت لان شفت زينب وحجينه
سوا خلص الدوام كالت زينب

زينب - نروش تعالي نوكف هنا هسه كرم
يجي ياخذنه

نور - ماشي حبيبتي

وكفنه يم باب المدرسه طلعو الطلاب
وقسم من المدرسين اتاخر الوقت
اكلج مو اتأخر اخوج

زينب - اي والله اتأخر شلون هسه نرجع
وحدنه خاف يجي ومايلكانه وعباله صاير شي

نور - والله شكلج خلي ننتظر 5 دقايق بلكت
يجي

زينب - اي

نور - بقينه ننتظر  شويه واجه اخوها

كرم - ها خلص دوامكم

زينب - لا بعده طبعاً خلص وين جنت صار شكد
ننتظرك

كرم - صار عندي شغله خلصتها وجيتكم يلا امشو

نور - يحجي ويه اخته وعيونه عليه
نزلت عيوني واحجي ويه نفسي شبي هذا

مشينه وصل اخته لان بيتهم اقرب من بيتنه
للمدرسه

زينب - وصل نور لبيتهم يلا تعال

كرم - اي شي اكيد

نور - لا شكراً مايحتاج اني اروح وحدي

كرم - عيب على شواربي اذا قبلت تروحين وحدج
شنو السالفه

زينب - حبيبتي  خلي هو يوصلج احسن

نور - صدكيني مايحتاج

زينب - لا والله مو امان لخاطري نروش
شنو السالفه

نور - ماشي
حضنتني ودعتها اول ما دخلت جوه التفت عليه
نزلت عيوني وكتله خويه اذا ممكن نروح اتاخرت

كرم - انتِ تدللين

نور - شنو

كرم - يلا خلي نمشي اتأخرتي

نور - يمشي كدامي واني امشي وره وكل شوي
يتلفت وصلنه يم الباب

شكراً

كرم - واجبي

نور - داريد ادك الباب كال

كرم - نور

نور - نعم

كرم - ممكن سؤال

نور - تفضل

كرم - اتمنى تلفين حجابج زين
ماريد خصله من شعرج يطلع ومن تمشين
دوم نزلي راسج وامشي وهذا كلامي
شنو تعتبري اعتبري خوف غيره كلشي

نور - عفواً شدتحجي انتِ هوَ شنو الكلشي
انطاني ورقه وكال

كرم - هذا رقمي شلون وشوكت تخابريني
ماعرف شوكت ماتحبين خابريني واي شي تحتاجين اني يمج

نور - تقدم راد يمسك ايدي ابتعدت بسرعه
وشكيت الورقه وشمرتها علي وكتله

دير بالك تعيدها فهمت ابشرك جاي لشخص الغلط 
و تفضل كمل طريقك وماريد اشوفك بعد

كرم - نور اني احبج

نور - لااا تخليني الم الوادم عليك
تخبلت اي اكيد تخبلت ياحب هذا

كرم - هذا جوابج لشخص يكلج احبج ؟

نور - صبرني يارب
بس فهمني  ياحب هذا كله اعدهن
مرتيني شبسرعه حبيتني

كرم - صدكيني الحب من يجي مايعرف اليوم من السنه

نور - قنع روحك
واني اكول شبي اليوم نظراته لاتفسر

كرم - انطيني فرصه اثبتلج حبي فرصه وحده

نور - خويه امشي روح بس جان ناقصني انتَ
علمود تكمل وياي والله يالله  يكول حب

كرم - نور

نور - اكلك روح
حجه بعصبيه

كرم - ماشي الايام بينه وخلي ابالج
انتِ الي وماتصيرين لغيررري ......................

_
_

________
يكول

كتله هاهيَ انتهه البيناتنه
وحتى لو صدفه وتلاگينه بدرب
اعتيادي تنعكس خطواتنه 
عاشرنه النحبهم أحلى الأيام
نشتاك بعطش للعاشرونه
احبك اي احبك حقي احبك
والله احبك يالصعب المنال
بس صدكيني غيري راح يعشكَونك
هيَ قسمه وانتَ مامكتوبلي يابن الحلال
هيَ دمعه تجوي بكَلب اليحبونك

____

قلبي وين تفاعلكم ليش قليل

الرواية كُلش حلوه راح تبدي جمالها اكثر واكثر

تستاهل تفاعلكم واني استاهل حق تعبي وياكم

لا تنسون التصويت بالنجمة وتعليق بين الفقرات وتفاعلكم مع الرواية

حسابي انستجرام
انشر هناك كلشي يخص الرواية 👇

وحسابي واتباد تابعوني حتى يصلكم كل جديد

Jehan-Stories

والان ياحلوين ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا