رواية خلف القضبان روح يتيمة الفصل الرابع 4 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
___________________

رعد - شفت هواي وربك وكلشي صرت اتوقع منك

عمران - ليش وكفت الشغل

رعد - ياشغل

عمران - اي غشم روحك عبالك ماعرف سوالفك

رعد - لا ماغشم وماعرف شي ومالي شغل بشي

عمران - ررعد تربايتي واعرفك لاتخليني اخليك
براسي ترا وربك وكتها صدك تشوف وجهي الثاني

رعد - اول شي اني مو ابنك ولا اعترف بيك
ثاني شي شتسوي سوي ماخاف غير من ربي

عمران - سهله يارعد سهله

رعد - يكول المثل اعلى مابخيلك اركبه

عمران - لازم اربيك من جديد

رعد - ههههه منو يربي روح راجع نفسك
يلا تعال ربيني

عمران - وانتَ داتعيد مسيرتي لا تنسى

رعد - بحلمك لو اموت ماسوي السويته

عمران - نشوف

رعد - اي شوف
سديته بوجه اعرف ماراح يسكت
وخلي شيسوي يسوي مو مهم عندي

ههه يكول اربيك روح ربي روحك عبالك انسى
ضربك وجوياتك وظلمك اني اكلك
سهله يصير خير اذا ما احركم حرك
مااسمي رعد

طول الطريق ضايج نزلت يم ماركت
اجيب بطل مي واني راجع شفت ولد
صغير يبجي بقيت واكف اشوف شبي
تقدمت كم خطوه اجه ابو تراجعت

صفنت عليهم اشوف شلون
شاله ابو وحضنه وضل يسكت
بي بكل حنيه استغربت من حب الأب لى ابنه

- حبيبي تعال خفت بعد ابوك
كافي بويه لا تبجي كافي تعال نروح
نشتري العاب

رعد - اشوف الولد بقه يبجي
لا ارادين تقدمت يمهم وكتله
السلام عليكم

- عليكم السلام تفضل

رعد - زاك فضلك
خير شبي يبجي

- مريض وماله خلك

رعد - شفت الكانونه بيده ردت امسك
ايده واكله انت بطل لا تبجي
بس اكو شي منعني
كتله

سلامته

- تسلم خويه

رعد - عفتهم ورحت يم السياره احس
روحي مخنوك غسلت وجهي بالمي
ورجعت التفتت شفتهم راحو صعدت بسياره
رجعت راسي ليوره غمضت عيوني
واشوف شريط ذكرياتي مر كدام عيني

_
_

رعد - بابا لاعوفني لا الله يخليك عوفني

واني ابجي واكله عوفني بس هو ماهتم
سحلني سحل من باب الحوش لحد المطبخ
وضربني راجدي مسكني من رقبتي وركع
راسي بالحايط احس اختل توازني غوشن
عيوني وماحس غير شي حار نزل على اذاني اوجهي مسحته بيدي اشوفه دم

عمران - اليوم اربيك ياعاااااار

رعد - جاب صينه استيل خلاها عل طباخ واني ابجي من الم راسي شغل النار الصينيه صار لونهَ احمر على سواد من الحراره التفت عليه
عيونه حمر سحب ايدي الصغيره
واني اتوسل بي

لا لا عوفني الله يخليك عوفني ماحجي
بعد عوفني

عمران - وووولك اليوم الا ارجع اربيك

رعد - مسكت الباب مال مطبخ واصيح
يممممممه وينج تعالي يمممممه سييف حيدررر
وينكم

اصيح وماكو احد بالبيت كلهم رايحين
لعرس بيت عمي سحب بكل قوته
ايدي وخلها عل صينيه واني
ابجي صحت بكل علو صوتي

ااااااااااااااااااااااخ

عمران - تستاهل هيج اسوي بيك علمود تعرف شلون تلزم لسانك كدام الناس

رعد - ماجاوبته حاير بوجع ايدي
وماعرف على شنو يحجي

عمران - اني ولك اني كدام الوادم تفضحني

رعد - ماعرف على شنو تحجي اااخ ايدي

اشم ريحة لحم يحترك كتله
بسس شيل ايدي والله ماعرف على شنو تحجي

عمران - لا اني اعرف شوكت اشيلها

رعد - بدموع /
حرام عليك اني مووو ابنك

عمران - تخسى تكون ابني

رعد - ضليت ابجي واصيح اااخ ايدي
لحد ما شال ايدي واني الوجع هد حيل هد
راح هو واني بقيت ابجي على ايدي اشوف
دخان يطلع من ايدي وريحة حرك الجلد

ركضت عل مغسله فتحت
مي بارد روحي طلعت ضليت اردد
كلشي ولا الحرك كلشي ولا الحرك كلشي ولا الحرك

_
_

رعد - نزلت دمعه من عيني واني اذكر طفولتي
الماشفت منها غير الضرب والجويات
والغلط والسب ووو شعدد وشنو ماعدد
مسحت دمعتي اباوع الأيدي
بعد اثر الحرك باقي كلما اشوفه
يزيد كرهي لعمران

ابتسمت بحزن واني مركز على
اثار تعذيب الطفوله سهله ياعمران
ورب الكعبه احركم حرك سهله

شغلت السياره
وصوت الأغاني عالي حتى ما اذكر
الماضي

_
_
________
في مكان اخر

نور - كملت الشغل ورحت اسوي كيكه سمعت
صوت المطر ركضت برا كلش احب المطر
ضليت افتر جو المطر حسيت نفسي بعدني طفله
بس هموم الدنيا كبرتني ضليت افتر مديت ايدي
ورجعلي شريط ذكريات الطفوله من جنا اني وصديقاتي بالابتدائيه نغني جوه المطر

مطر مطر ياحلبي عبر بنات الجلبي
مطر مطر ياشاشه عبر بنات الباشه
مطر مطر عاصي بلل شعر راسي

غنيتها واني ابجي فتحت عيوني ماكو ايد
تمسك ايدي كلهم راحو وعافوني وحدي

وين صديقاتي وين اهلي وين امي وابوي
كلهم راحو عافوني صفيت وحدي
بهل دنيا لا اب لا ام لا اخ ولا اخت لا خاله
لا عمه ولا خال ولا عم كلها ملتهيا بحياتها
يمكن منال اذا تموتني محد اله شغل بيه
ولا احد يهتم انقهرت على نفسي
ورفعتُ يدي الى السماء ادعو اذكرُ ربي

يارب كلهم عافوني وانت ماتعوفني
فرح كَلبي اني تعبانه يارب اجبر بخاطري
ياجبار اجبرني ربي اذا جان هذا اختبار منك
يارب ارزقني الصبر

كعدت بالكاع ودموعي تنزل بهدوء
واني اذكر طفولتي واكول ياريت ماكبرت
ياريت لو جنت بعدني طفله ماتعرف شلون
تمشي الحياة ماتشيل هم كل همها تلعب
وتضحك ياريت ترجع ذيج الأيام ياريت

واني بين افكاري وجان افز على صوت منال

منال - وووولج بنت الفكر شدسوين هنا

نور - شتريدين مني يعني وين ماروح ورايه

منال - اي ميته عليج غير من طاح حظج

كومي هسه تنشلين والله ماعالجج ناقصني مصاريف كومي

نور - شوي واجي خليني شوي ارتاح
بس جوزي مني اووف
هيج كلت

ورفعت راسي لسما ودموعي تنزل ماحس غير
اجتني ضربه قويه على ظهري شاغت روحي
من الوجع صحت

ااااااااااخ
التفتت اشوف العوده مال ممسحة الأرض
كسرته على ظهري اي كسرته لانها ظالمه

لييييش هيج حرااام عليج اني بشر مثلج
شمسويتلج

هيج كلت كامت تصيح وتغلط عليه

منال - بنت ال كومي فضحتينه تحرم عليج
عيشتج كولي امين لج كومي اني اعلمج اليوم
تعلين صوتج عليه بنت الفكر مو كافي مكعدتج
ابيتي

نور - سحبتني من شعري ودخلتي جوه اريد
بس ادافع عن نفسي ماكدر من وجع ظهري

وهي ضلت تضرب بيه وتلف شعري على ايدها
احس شعري كله تكطع واني ابجي كتلها

فدوووه بس عوفيني ماعلي صوتي بعد بس عوفيني هدي شعررري
ما فاد الحجي وياها بقت تضربني

دعيت ربي يخلصني منها وجان يندك الجرس
وكفت مصدومه

منال - منوووو هذا انوب
واااانتِ كومي دخلي جووووه اروح اشوف منو
ولا عبالج اعوفج هيج لا صبري عليه بس صبري
اني ااااعلمج

نور - راحت تفتح الباب واني سحلت بروحي
سحل للغرفه وجان اسمع صوت رياجيل ماهتميت
كلت اكيد لو زوج شهد لو سوزان

كمت ابجي وابجي ملخت روحي بالبجي
ظهري يأذيني من الوجع ماعرف شسوي

مر ساعتين على حالتي وجان ينفتح الباب

منال - كومي حضري العشاء

نور - خليت عيوني بعيونها ونزلن دموعي
كتلها

ماكدر ظهري يأذيني جوزي مني كافي

جتي سحبتني من ايدي كل قوتها

منال - لج مو عليه هاي الحركات والعياره مالتج
اعرفج واعرف سوالفج يلاااا كومي حضري العشه
ولد اخوتي جايين

نور - اااااااخ ايدي هديني
والله مو عياره والله ظهري يوجعني
ماكدر حرام عليج

منال - تحرم عليج عيشتج بنت الفكوره
امشي كدامي طاح حظج من بنيه
بلوه سوده نزلت فوك راسي وراس يلي ياخذج

نور - كمت ابجي
فدوه عوفيني والله ماكدر حرام عليج

منال - تكومين لو اكسر العوده الثاني هل مره
فوك راسج بلكت تموتين واخلص منج

نور - خلص كايمه بس هدي ايدي توجعني
هدتني وكالت

منال - 5 دقايق واشوفج بالمطبخ وها
لبسي شي عريض احسن

نور - هزيت راسي بمعنى اي راحت واني
كمت جسمي متكسر تكسير لبست دشداشه سوده
عريضه ولفيت الحجاب علي ورحت للمطبخ
ابجي واحضر العشه ابجي من ألم جسمي
وفوك كل هذا ولد اخوتها جايين ماعرف شلون
اذكرو عمتهم ذوله من الناصريه ومايجون
يمنا ماعرف اليوم جايين فوكها 5 ولد ربي
صبرني ذوله شيشبعهم

كملت العشه سويت مركة باميه
رحت اطبك التمن واني خاله ايدي على ظهري من الوجع ماحس غير واحد
مسك خصري وسحبني اله ردت اصيح حتى يسمعوني خله ايده على حلكي والصدمه
طلع ابن اخو منال جسمي كله يرجف من الخوف اريد ادفعه ماكدر

- لاطلعين صوت

نور - اريد احجي ماكدر كمت اجر النفس
بالكوه وهو يهمس بأذاني علمود محد
يسمعه

- اشتعلو اهلج شنو هذا الجمال لج انتِ
شنو من بنيه

نور - هو يحجي ويضحك واني دموعي تنزل
اهز براسي بمعنى لا

- شنوو مافهم لحظه راح اشيل ايدي
بس دير بالج تصيحين

نور - هزيت راسي بمعنى اي
شال ايده وابتعد كمت اتنفس سريع احس
ماكو اوكسجين كتله واني ابجي بصوت
يرجف من الخوف
ف ف فده عوفني شتريد مني

تقدم اكثر مركز عيونه علي

- نور شنو هذا الجمال لج شنو انتِ بس كليلي

نور - شدتحجي عوووفني

- ههه لا تخافين شكد حليانه ولج

نور - جان اكو سجينه وراي يم الطباخ
تلمستها وهو تقدم سحبت السجينه بوجه ابتعد

ااسمع دير بالك تتقرب اكثر

- خلص بس اهدي شبيج

نور - اطلع برا

- نور لاتعلين صوتج

نور - عيب عليك اطلع برا

- بس نحجي شبيج ذبي السجينه البيدج

نور - ماعندي حجي ويه الغربه
اطلع برا اكلك

- ههه فديت العصبيه بويه تموتين الواحد
على هذا الجمال

نور - شنو انت ماتسمع اكلك اطلع برا

تقدم اكثر صحت
ااااااااااطلع برا ياحقيررررررر

عليت صوتي كلهم جو للمطبخ جتي منال مصدومه

منال - هاي شكو شصاير ليش صوتكم طالع

نور - التفتت عليه خزرتني وكامت تغلط عليه

منال - شنووووو هذا البيدج بنت الفكر
تخبلتي

نور - ردت احجي وجان يطفر ابن اخوها

- شايفه عمه تتحارش بيه ماتستحي ومن كتلها
عيب عليج انتِ مثل اختي ضاجت تريد تذبحني معيشه مخابيل ابيتج

نور - اني مو مخبله وانت جذاب
التفتت على منال والدمعه بعيني

والله والله جذاب والله هو اتحرش بيه
وسحبني وكتله ابتعد ماهتم لكلامي
والله هوَ الجذاب مو اني

منال - ووولج نور ووولج بنت الفكر
تعلميني بيج حيه ام راسين انتِ

نور - كمت ابجي كتلها
والله ماسويت شي والله العظيم هوَ تحرش
بيه مو اني ليش ماتصدكين بيه

منال - اصدك بيج ولج لو اموت ماصدك بيج
طلعتي تربية شوارع واني
اكول عليج فقيره من طاح حظج وحضي
اخذت ابوج وابتليت بيج يا ادبسزز

نور - حجه ابن اخوها الجبير

- عمه ليش ملفيه هيج وحده ابيتج

منال - يابعد عمتك بلوه ونزلت عليه وين انطي
وجهي

- انتِ هييي ماتستحين تتحارشين باخويه
وصلنا يا زمان البنيه تتحرش بالولد

- خويه هيَ مو راحه مدري عمتي شلون ملفيتها

منال - على امها تطلع شترجه منها
ادبسز

نور - كلامهم مثل السجاجين دخلت قلبي
تقدمت لا ارادين وكفت مقابيل منال خليت عيني بعينها رفعت اصبعي بوجها والدمعه بعيني سكيت على سنوني وكلت

اخررر مره اجيبين طاري امي على لسانج
امي تسوه راسج وراس الخلفج تروحين فدوه
لتراب قبرها فهمتي

واذا اكو واحد ادبسز هو ابن اخوج تصدكين
ماصدكين مو مهم اليهمني ربي يعرف كافي

التفتت على ابن اخوها تقدمت علي وضربته راجد

ياحقير تتحرش وتكذب شنو من بشر انت
من امداك اي والله حسبي الله ونعم الوكيل

اني هيج كلت وجان تسحبني منال من شعري

منال - تعااالي ياادبسزززز شلون تضربي حقيره

نور - هدي شعري وثمني كلامج

منال - ولج اليوم اجرم بيج بنت الفكوره

نور - سحبتني وكع الشال سحلتني من شعري للستقبال كدامهم نزلت علي ضرب بضرب
على بطني وظهري وراسي وراجدي وره راجدي
تعبت اخذت نفس وكالت لابن اخوها

منال - بعد عمتك اكو عوده بالحوش جيبها
واتفرج

- ههه ماشي

نور - حراام عليج حسبي الله ونعم الوكيل بيكم
حسبي الله ونعم الوكيل

جسمي متكسر تكسير واجت بالعودة ضلت
تضربني لحد ماكسرت العوده عليه احجي وابجي من الوجع

حسبي الله ونعم الوكيل عليكم حسسسسبي الله ونعم الوكيل الله لا يوفقكم

منال - الله يموتج واخلص منج يا ادبسز

نور - ضلت تضرب طك خشمي وراسي دم
خلص طاقتي انتهت هيَ تضربني واني دموعي تنزل
جنت اتمنى يجي شخص يدافعلي
جنت اتمنى يجي شخص ويطلعني من جوه ايدها جنت اتمنى يكون عندي شخص يحضني ويحتويني يما واعيش بأمان جنت اتمنى ايد
تنحط فوك راسي واطبطب على ظهري
وتحسسني بال امان والحب بوقتها من
صدك جنت اتمنى امي تكون يمي اختل توازني
وبداخلي صوت قوي يرن براسي رن ينادي

وينج يمه تعالي شوفي حال بنتج الوحيده
تقبلين هيج يصير بيه وينج رحتي عفتيني

نزلن دموعي بكل هدوء رغم الموقف ابد
مو مال هدوء التفتت على ولد اخوها كلي امل واحد منهم يطلعني من ايدها ولكن لا حياة لمـن تنادي

كلهم يتفرجون عليه والي اتحرش بيه جان يضحك
على حالي لحد ما حجه ابن
اخوها الجبير

- عمه كافي عوفيها راح تموت وتبتلين بيها

منال - لا العار مايموت وهاي البنيه عار شيموتها......................................

_
_
___________
يقال

ما من يد إلا يد الله فوقها
ولا ظالم إلا سيبلى بأظلمُ
أيُّها الظالمُ مَهلاً أنتَ بالحاكمِ غرُّ
ليس يلقى دعوةَ المظـلومِ
المظلوم دونَ اللّهِ سترُ
فخفِ اللّهِ فما يخــفى
يخفى عليه منه سرُّ
يجمعُ الظالمَ والمظــلومَ
بعد الموتِ جسرُ
حيث لا يمنعُ سلطانٌ
ولا يسمعُ عذرُ
أو ما ينهاكَ عن ظلمكَ
ظلمك موتٌ ثم قبرُ
وكم حافرٍ حفرةً لامرئٍ
سيصرَعُه البغي فيما احتفرْ
لا تظلمنَّ فالظلمُ مرتعُه يفضي إِلى الندمِ
تنامُ عينكَ والمظلومُ منتبهٌ
يدعو عليكَ وعينُ اللّهِ لم تنمِ

_

قلبي على تفاعلكم راح ينزل البارت القادم
راح يكون اطول اكيد كلما نتقدم نطول البارت
حسب احداث الرواية وحسب تفاعلكم ايضاً

لاتنسون التصويت بالنجمة وتعليق بين الفقرات

تابعو حسابي انستجرام 👇

انزل هنا كلشي كلشي يخص الرواية و الأبطال

وتابعو حسابي واتباد
Jehan-Stories

حتى يصلكم كل جديد

والان نختم لمتنه الحلوه بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا