رواية خلف القضبان روح يتيمة الفصل الخامس والثلاثون 35 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
__________

تقدم بتجاهي رفع ايده راد يضربني
حميت نفسي بأيدي وغمضت عيوني وابجي

جان اكو طاوله كزاز صغيره يمي بالصاله ماضربني جتي ضربت ايده عل طاوله كمت اصيح خفت خفت من الصوت بعدت ايدي الترجف من عيوني

اطشر الكزاز كله وايده تنزف كال بصوت مخنوك انبح صوته من الأعصاب

رعد - لييييييش اليحب يتعب ويه محبوبه لان
يكون صادق بحبه ؟ جاااوبي

نور - غمضت عيوني دموعي تنزل كتله
: ر ر رعد ايدك

رعد - جااااااوبي

نور - تقدم اكثر وكال

رعد - وربج هاي الكلمه الكلتيها ماراح تعدي
على خير وهذا خشمج اله اكسره الظاهر
انطيتج مجال زايد سسسسهله يانور سهله

نور - التفت عل مطبخ جان اكو كلاس عل طاوله سحب وركعه بالأرض خليت ايدي على اذاني وابجي طلع وسد الباب كل قوته واني ايدي وجسمي كله يرجف من الخوف مصدومه من
كلشي بحياتي كمت اباوع البيت صاير عباره عن كزاز وهوسه كسر شكو شي كدامه نزلن دموعي واني اشوف المنظر

اااااااخ ياكَلبي ااااخ ومية اااااخ تعبت من كلشي تعبت ليش هيج لييييش

كعدت ابجي على حالي شوكت ارتاح ماعرف
يوميه مشكله يوميه مصيبه يوميه سالفه تعبت

ماعندي احد اروحله ولا عندي احد اخابره
ربي مالي غيرك ولا اريد غيرك ساعدني يارب تعبت

________

رعد - طلعت من الشقه شغلت السياره
وتوجهة لبيت خالتها اني اعلمج ياحقيره

اااني اعلمج بسيطه

وصلت بسرعه لان جنت اسوق سريع

نزلت دكيت الباب كل قوتي
جتي خالتها مرعوبه فتحت الباب

: رعد ليش هيج ادك الباب بنص اليالي

رعد - ريتااااااج الحقيره بالبيت

: صوتك منا الناس تعال ادخل

رعد - دخلت للبيت وصحت بعلو صوتي

ريتااااااااج

ريتاج - جنت بالغرفه متمدده بيدي الموبايل وجان يندك الباب سمعت صوت رعد يصيح عزه شجابه
هسه يمه بلعت ريكي وطلعت اشوفه بالصاله
اول ما شافني جرني من شعري

رعد - وووووولج ياحقيره ياادبسسسز اني اعلمج
اليوم

ريتاج - اااخ هد شعري شجاك خاله احجي فدوه

: رعد هد شعرها

رعد - انتِ سكتيييييي ماريد اسمع صوتج
وانتِ ووووولج نسيتي من وين اخذتج
وشلوووووون اخذتج ياحقيره نسسسسيتي
منووو توسل بيه علمود اخذه ولج جيتي تبوسين
بسطالي بس علمود اخذج واقبل بيج هاي تاليت معروفي وياااااااج

هوااااااي نبهتج وكتلج نااااااري تحرك ماترحم
بسسسس انتِ حبيتي تحركج ناااري

ريتاج - بدموع /
فدوه بس اسمعني اني احبك ومن حبي
اريدك الي وماريد تعوفني

جر شعري اقوى وقربني منه وكال

رعد - اليوم اعلمج ناري شلون تحرك

ريتاج - هدي شعري تخبلت هدددني

: هد البنيه مخبل هسه الم الناس عليك

رعد - ههههههه اي متعلمين عل فضايح هو
هذا اصلكم وجوكم بعد لمي عادي يمي
كُلش عادي

ريتاج - رعد فدوه بسم اسمعني

رعد - ضربتها سطرها وكعت بالكاع
نزلت لمستواها جريتها من شعرها وكتلها
انتِ طالك طالك طالك

وخليها ابالج راح تدفعين الثمن غالي على هاي سوايتج وفهمج كفايه

هديتها عفتهم وطلعت برا

شغلت السياره ونار تحرك بكَلبي حرك
سحبت كلينكس خشمي طك دم رفعو ضغطي الله لا يوفقكم

رجعت راسي ليوره شوي اوكف الدم
طلعت سيجارتين ولعتهم احس نار بصدري
شغلت السياره وكفت بمكان غسلت ايدي
كله دم وكزاز داخل جوه الجلد يخلون
الواحد كوه يتعصب ويطلع من طوره

صعدت بالسياره توجهة للملا.ها
كعدت هناك ساعه شربتلي جم كاس حسيت
بصداع دفعت الحساب وطلعت شغلت السياره
وتوجهة لشقه

_____

نور - كمت اني ودموعي الم الصاله
واكنس الكزاز ماكدرت اكمل حسيت بألم بكلبي وضيق النفس رحت لغرفه النوم ارتاح شوي وجان ينفتح باب الشقه اول ماسمعت الصوت كل جسمي رجف من الخوف اكيد هو رجع تذكرت كلامه انقبض كَلبي بس لا شارب اذا شارب رحت بيها

كعدت عل تخم بالغرفه اطك طك بيدي من الخوف والتوتر وجان ينفتح الباب التفتت اباوع عيونه حمر وتخوف نظراته تجدح من العصبيه

حسيت بي شارب نزلت دموعي وبلعت ريكي
تقدم بتجاهي عيوني بعيونه كتله واني ارجف
من الخوف

ش ش شبيك ليش هيج عيونك

ركز عيونه عليه وبده يتقدم اكثر قفل الباب والخوف يجري بدمي بده يتقدم واني ابتعد يتقدم واني ابتعد صار السرير وراي ابتعدت وكعت عل سرير وهو تقدم اكثر غمضت عيوني احس بانفاسه الحاره تضرب وجهي وريحة السم الشرب تفوح منا مسك فكي جان كلش قريب مني صار وجها مقابيلي وجهي كتله

: ش ش شبيك وخر كافي تعبت منك

: دخل ايده بشعري وسحبه كل قوته احس شعري كله تكطع بيده بلعت ريكي ماحجيت شي
خله عينه بعيني وكال

رعد - احب اتفنن بتعذيبج والايام بينه

نور - شهكت من البجي كتله

: اعرف انت مو بوعيك رعد مايحجي هيج
انت مو رعد الي اعرفه هد شعري ماريد
احجي وياك

سحب شعري اكثر وسك على اسنونه كال

رعد - لا اطلعين خبالي وربج اتعب واتعبج وياااي

نور - نزلن دموعي كتله

: رعد ماريدك بعد ماريدك عوفني

تقدم وعيونه تجدح باوع عليه وعيونه
بعيوني كال

رعد - كلج ملكي وماعندج غيري ولا راح يكون عندج فهمتي لو لا النفس ماتتنفسي اذا اني ماكلج
لو تموتين موووت ماعوفج لو اعرف ادمر حياتج
واسوي حياتج جحيم ماعوفج انتِ ملكي ملكي ورعد بس الموت يفكه من املاكه اتذكري كلامي كُلش زين ماحب اعيد الكلمه

نور - هو يحجي واني دموعي تنزل

رعد - حركيني بدموعج بعد حركيني ماوصيج

نور - عيونه حمر هد شعري وطلع ملابسه وراح للحمام بجيت على حالي حسيت بالم بصدري جهة القلب احس روحي مخنوكه اريد اصرخ اريد ارتاح تعبت والله تعبت

حضنت المخده وابجي بدون صوت شوي ودخل للغرفه سمعت صوت فتح الكنتور مدري شجان يسوي ماكدرت التفت

شوي وحسيت بي واكف على راسي سويت نفسي نايمه بس دموعي فضحتني ماريد اشوفه ماااريد

كعد مقابيلي سحب الموبايل مالي وطلع سيجاره ولعها يدخن وصافن عليه وعلى الموبايل ماحجه شي تقدم اكثر واني مغمضه ودموعي تنزل انداريت لجهَ الثانيه كام طلع برا الغرفه شوي ورجع فتح الكنتور طلع سلا.حه جان لابس الزي العكسري تذكرت اليوم يلتحق

اخذ الموبايل وطلع ركع الباب
ورا كمت احس نفسي مخنوكه كُلش اريد اتنفس ماكدر سمعت صوت باب الشقه عرفت بي راح طلعت برا الغرفه رحت توضيت فرشت السجاده وشبعت بجي على حالي

رفعت ايدي لسماء وكلت

الهي تعبت ومالي غيرك يارب مداعرفه
مدافهم علي ولا على تصرفاته ساعه حنون ويحبني ومن يتعصب ينسى نفسه هو انسان ينسى هو بشر يارب تعبت وتعبني فوك تعبي مخنوكه ربي مالي غيرك ربي اذا جان اختبار قوني وصبرني حتى اكون كد هذا الاختبار واذا جان بلاء
لك الحمد والشكر على كل شيء

_____

رعد - طلعت من الشقه وتوجهة للبيت بدون مايحسون رحت اخذت جنطي مال التحاق وطلعت
صعدت بالسياره سحبت سيجارتين ولعتهم احس ناااار تحركني حرك واني اذكر كلامها ضربت
ضربت الستيرن كل قوتي عصبتني مسحت وجهي

تكول عوفني ههههههه
ماعووووفج لووو تموتين تحلمين اعوفج يانور

ما انطيتي مجال ااافهمج واشرحلج عنااااد كلج عناااد وانه ااااعند منج بسيطه يانور اعرف شغلي وياج اااااني تكولين عليه مو رجال وماريدك وانتِ ماتعرفين السالفه شنوو سهله يصيرررر خير

توجهة لبيت ركان وصلت طلع ركان صعد شغلت السياره طول الطريق ادخن وساكت حس عليه

ركان - ضلعي شبيك

رعد - تعبان

ركان - من الحفله لو صاير شي

رعد - أنسى

ركان - رعيد احجيلي خويه شبيك ابوك حاجي
شي مضوجك بكلمه احجي

رعد - لو يموت هيج واحد مايصير ابوي

ركان - اي غير نفهم شبيك لحظه بس لا ويه نور
متلاغي لو شنو السالفه

رعد - سحبت نفس من السيجاره
: اااخ ياركان اااخ

ركان - صار بيها ااخ اذن الموضوع يم نور احجي
شصاير وياكم

رعد - ماريد ادوخك سالفه طويله

ركان - انجب واحجي قابل اني غريب احجي

رعد - شوف اني قبل سنتين بيوم رحت للملا.ها
جانو جايبين راقصه جديده شفت رقصها وشكلها
انعجبت بيها كشكل ورقص فقط مو شي ثاني

ولصراحه كرجال نفسي ادنت عليها بس ماكدرت اتقربلها وهيَ محرمه عليه صح ذنوبي هواي اعرف واشرب واروح لهيج اماكن محرمه وبعيد عن طريق ربي بس بعمري ماكدرت اتقرب لوحده عندي ذنوب اي ما انكر بس ماناسي ربي والا هيج علاقه محرمه عقابها مو سهل ماكدرت اسويها نهائي رغم مرات
جنت اثكل بالشرب بس ماسويتها

ركان - وبعدين شصار

رعد - حجيت ويه البنيه وين ماوين ماعندها غير اخوها وخالتها يابه شتسوي بهيج مكان كالت
اني اخوي شمرني هنا وراح لان اخوها مدمن ممنو..عات يعني عقله مو براسه كتلها يعني محد متقربلج

كالت لا بعدني جديده هنا عليه فقط الرقص
كامت تحجيلي شلون حالتهم تعبانه وحصره عليها تلبس شي مثل العالم ماعندهم وارد غير تقاعد ابوها واخوها ياخذه يصرفه عل ممنو..عات

كتلها بعباره صريحه اني نفسي ادنت عليج
وماكدر اتقربلج بعدني مامكمل كلامي كالت

ازوجني حتى لو جان بالسر راضيه كتلها شلون
كالت اتمنى تزوجني وتستر عليه خلصني من هذا المكان . توسلت بيه حتى اخذها

ركان - لحظه هاي شوكت مو كل مره نروح سوا

رعد - لا مرات جان موعد نزولنه يختلف بجم يوم
قبل او بعد

ركان - اي صح وبعدين شصار بس لا تكلي ازوجتها

رعد - بلا

ركان - اكيد تخبلت بربك اكو واحد يسوي
هيج سوايه متكلي شجاااك

رعد - هيَ توسلت بيه حتى اخذها واني جنت
رافض موضوع الزواج كلت أخذها فقط علمود
العلاقه احسن من ما اروح لوحده محرمه عليه
وكتلها وهيَ كالت ميخالف بس استر عليه وطلعني
من هذا المكان ماريد شي ثاني

ركان - لا اكيد تخبلت رعد هذا زواج مو لعبه
وانت الك سمعتك لا تخبلني منا امك اخوانك
شلون هيج تسووي

رعد - خلي اكمل
وافقت على اقتراحها ورحت حجيت ويه المسؤول عليهم وافق بس طلب مقابل هل شي فلوس

انطيته و اجرت شقه واخذتها باليله ظلمه ورحنه لفد شيخ عقدنه

ركان - ولك انت شنو لا تخبلني ماخفت تحبل المره شتكول لناس ابني من رقاصه بالملا..ها

رعد - لا اتفقت وياها ماريد أطفال منها نهائي علاقتنه على كد العلاقه الزوجيه فقط لا زايد
ولا ناقص وهيَ وافقت بس المشكله مو هنا

ركان - بعد مسويه مصيبه اكبر

رعد - من تعرفت على نور وهاي حتى نفسي
ماتتقبلها ماعرف ليش رغم هيَ هم حلوه جانت
بس كلما اريد اتقربلها نور تجي كدام عيني يتشوش بالي ابتعد جنت اكول اكيد معجب بجمال نور مثل
ما انعجبت بهاي بس لا جنت غلطان

ماكدرت اباوع عليها بنظره مثل ماباوعت على هاي ماعرف ليش يعني نور غير عن كلهم شكد مار عليه بنات وشكد عايش وشايف وعايف بس مثل نور ماشفت بنيه مختلفه حتى اول لقاء بينا مختلف مادري من عقدت على نور حاولت ابتعد عن ريتاج مو بيدي ماكدرت اتقبلها بقيت فقط اصرف عليها
خلي نكول اكسب بيها اجر فقط لا غير بس هيَ

اااخ ماكعدت راحه ماعرف شلون عرفت مزوج وماخذه رقم نور ماخابره عليها ودازتلها صور اني بنفسي ماعرف شوكت مصورته جنت نايمه ماحس
عليها ونور تخبلت

ركان - حقها ترا البنيه تعبت وياك ولك اني العرفك
من الصغر مصدوم من تصرفك هيَ شلون ماتنصدم عمي الله يساعدها

رعد - اعرف تعبت بس ما انطتني مجال افهمها واكله هاي اخذتها قبلج ما انطتني مجال تخبلت اريدها بس تسكت ماتقبل تسكت واني اتخبل من عنادها ومن اشوفها تبجي

ركان - وبعدين مافهمتها

رعد - لا كامت تصيح وتعلي صوتها كتلها لا تعلين صوتج ما فاد كتلها بويه راح اطلكها بس اهدي
مافاد وجفصت بالحجي وطلعت خبالي عليها

ركان - وانت من تتخبل ابوك ماتعرفه

رعد - شسوي لعد اكو شي بيدي
عاجبني اعصابي  مثلاً طلعتني من طوري

ركان - شكالتلك وطلع خبالك

رعد - اخذت نفس من السيجاره رديت

كالت مو رجال اليخون مرته كتلها واني
بنظرج خاينج كالت اي واني تخبلت تالي عمري
وحده تجي تكول مو رجال ترا الكلمه صعبه وماتوقع لو جنت بمكاني تتقبلها

ركان - هو صح الكلمه ماحلوه بس صيغة الكلام
بينكم اجه بموقف مبني على سوء فهم صار بينك وبينها اعذرها شوف ضلعي اني مو علمود نور احجي لا بس الصراحه تنكال

نور انسانه جداً محترمه ومستحيل نادر تلكي مثلها
وهذا الكلام مايطلع منها اله اذا صدك حارك كلبها
واكيد البنيه منفعله وطلع منها الكلام لو تعرف الحقيقه مستحيل هيج تكول

وانت شنو سويت بس لا ضربتها

رعد - كسرت شكو شي كدامي تخبلت
جيت اضربها شفتها شلون خايفه ورفعت
ايدها تحمي نفسها وتبجي اوووف ياركان اووف

ركان - ضربتها ؟

رعد - لا ماكدرت الضربه اجت عل طاوله اليمها
بس كامت تصيح خافت من صوت الكزاز ماتحملت
عفتها ورحت ادبتلك ذيج ضربتها وطلقتها ورحت
شربتلي جم كاس ورجعت لشقه

ركان - مو كلت اترك الشرب

رعد -  بعدها يتعبني ركان
اني اتعب من ابتعد عنها تخيل واني حالتي وعصبيتي ردت ارجع احضنها وانام يمها اتنفسها بس صار العكس سمعتها كلام ماحلو ماعرف شلون حجيت او

ركان - او شنو كمل

رعد - اخذت نفس من السيجاره
:تنكسر ايدي مدري شلون جريتها من شعرها

ركان - لا حول ولا قوة الا بالله ماعرف شكلك

رعد - اعرف غلطان بدون ماتحجي بس اني
منا عصبي وشارب حتى انسى قهري رجعت
اسبح وابدل حتى التحق

تكول عوفني شلووون اعوفها شلووون ووولك اذا ما احضنها ماكدر انام اذا ما اتنفسها اااااتعب احبها حب جنونييي بس هيَ ااااخ منها هيَ ماتعرف تحتوووي حبي الها مدتفهم اعشقها مو بس احبها
تعرف شنو يعني اعشقها

ركان - خلي نفسك بمكانها شنو راح تسوي
ترا الشي الصار مو قليل وماكو مره تتحمل
جان لازم اطلكها الذيج اول ما تعقد على نور

رعد - اي جان لازم بس  ماااعرف ردت اطلقها بس مادري ليش ماطلقت

ركان - وهسه شراح تسوي

رعد - زين الالتحاق اجه بوقته لازم نبتعد
عن بعض علمود هيَ تهده واني اهده

ركان - عفتها وحدها بالشقه ؟

رعد - اي هسه اخابر السائق ياخذها يم امك
ومن ارجع اعلن زواجنه وارجعها لبيتنه يم امي والبنات

ركان - اهلك مايعرفون بسألفة زواجك من ذيج

رعد - لا ولا راح يعرفون طلكتها

ركان - واذا سوتلك مشاكل

رعد - ماتكدر كلشي ماتعرف اي معلومه تخصني
لا بيتنه لا مكان الشغل بضبط وين ولا اهلي

ركان - شكلك يارعد نور راضيها انت هسه بديت
تشوف حياتك وتفرح لا ادمرها باعصابك الزايد

رعد - حيل ضايج منها كلامها حيل نرفزني

ركان - ميخالف ماتعرف السالفه لو تعرف ماجان
كالت هيج اعذرها ترا البنيه تعبت هواي بحياتها
يوميه صدمه الله يساعدها كل صدمه تصيح اني شتتوقع منها مثلا

رعد - الله كريم يصير خير

واني داسوق اجاني اتصال من علي رديت

: هلا ضلعي

علي - رعد وين صرت

رعد - بالطريق خير صاير شي

علي - اجتماع طارئ ومهمه معقده جداً
العميد يحيى شوي ويوصل حاولو قبله تجون
والمقدم سلام سئل عليك كتله دقايق ويكون يمك

رعد - ماشي وين انتو هسه

علي - بالمقر

رعد - 10 دقائق واحنا يمكم

علي - جيد لا اطول

رعد - ماشي

ركان - ها صاير شي

رعد - اجتماع مهم ومهمه معقده كلام علاوي

ركان - اي يلا شعدنه شتاكينه للمهمات الصعبه

رعد - جتي بوقتها

ركان - ههههه عود الله يساعد العدو اليوكه جوه
ايدك  وانت بهاي الحاله من هسه ابلغ المقدم سلام واكله اترحمو عل عدو اليوكع جوه ايد النقيب رعد

رعد - وانت الصادك بعد

وصلنه للمقر بوقت المناسب شوي واجه المقدم سلام والعميد يحيى  توجهنه لغرفة الاجتماع

بده يشرح كيف نتعامله مع المهمه وبحذر
كل تركيزنه على كل حرف ينطقه

المقدم سلام - بسم  الله الرحمن الرحيم
نحنُ اليوم كلفنا بواجب تنفيذ القاء القبض
على مجموعة عناصر ارهابيه خطره يلي اريده
من عندكم الحيطه والحذر الانتباه الشديد
أثناء تنفيذ الواجب وتنفذون الواجب بكل
احترافيه ماريد اي غلط منكم الغلط ممنوع نهائي
احنا شغلنه المهات الصعبه اريدكم مثل ما ادربتو
والان نبدي بشرح الخطه الراح نمشي عليها
واضح

الكل - نعم سيدي

رعد - بده يشرح ويكتب عل سبوره كال المقدم

المقدم سلام - النقيب رعد

رعد - نعم سيدي

المقدم سلام - انت راح تكون المسؤول عن المهمه

العميد يحيى - المقدم سلام المهمه مو سهله

المقدم سلام - سيدي لان مو سهله كلفت
النقيب رعد بيها

العميد يحيى - بس تذكر الغلطه لا تغتفر
بهيج مهمات متأكد هو كدها

رعد - باوع عليه المقدم كال

المقدم سلام - متاكد وكلي ثقه بي

العميد - اذن توكل على الله ويلا روحو جهزو
نفسكم دقايق وتوصل البرقيه واول ماتوصل
مباشرة تروحون وانت يانقيب

رعد - نعم سيدي

العميد - شد حيلك غلطة الشاطر بالف عقاب

رعد - اكيد سيدي وهذا حقكم
بحيل الله نرجع بانتصار جديد

العميد - انتهى الاجتماع

رعد - كمنا كلنه اجه المقدم سلام كال

المقدم سلام - ركان رعد

- نعم سيدي

المقدم سلام - نصيحه من اخ لاخوانه
بلغو اهلكم واحجو وياهم ماتعرفون يمكن اخر
مكالمه بينكم وبينهم  كلشي يصير

ركان - سيدي اعرف المهمه صعبه بس ماتوقعت
لهل  درجه

المقدم سلام - لا كُلش معقده وخطره ماسمعتو
كلام العميد

ركان - حاضر سيدي اعتبره تم

رعد - حاضر سيدي

المقدم سلام - انت بذات يارعد كون حذر
ترا العميد جان جدي بكلامه واني ماريد نقيب  بشطارتك يتعاقب كون حذر وانت كدها يا اسد الجهاز

رعد - واني كد ثقتك سيدي وشكراً على كلامك

المقدم سلام - يلا كلمن يروح يشوف شغله

رعد - احترامي سيدي

ركان - احترامي سيدي

رعد - طلعنه اني وركان

ركان - خابر امك ومرتك

رعد - بس امي

ركان - رعد لا تعاند مسألة حياة او
وموت مو وقت عنادك

رعد - اعرف شلون اتصرف بدون ماتكول

عفته ورحت خابرت امي شوي وردت

: يمه صباح الخير مقدماً

جوان - هلا يمه شعندك كاعد بهل وكت

رعد - التحقت

جوان - شنوو شلون تلتحق بدون ماشوفك

رعد - صارت بعد المهم يالغاليه اتكلفنه بمهمه
خطره والمقدم كال بلغو اهلكم واحجو وياهم
احسن كلشي يصير واني حبيت اسلم عليج واكلج
ابريلي الذمه خاف ما ارجع بعد

جوان - صخام الصخمني ووولك يمه
شدتحجي

رعد - يمه فدوه اروحلج اهدي واسمعي كلامي
دنيا الأعمار بيد الخالق بعد اذا صار بيه شي نور
بامانتج

جوان - سوده عليه ولك يمه لا تكول هيج
ترجع ان شاءالله كلكم ترجعون منتصرين

رعد - صدك نسيت دزي السائق خلي ياخذ نور لبيت الحجيه لا تبقى وحدها

جوان - ادلل يايمه

رعد - ماشي يمه دعواتج يالغاليه يلا لازم اروح ولا يضل بالج خاف ما احجي وياج من يصحلي وقت مناسب اخابرج ماشي

جوات - ماشي يايمه دير بالك على
استودعتك الله الذي لا تضيع ودائعه

رعد - مع السلامة

سديت الخط ورحت جهزت نفسي طلعنه برا
ننتظر البرقيه شوي وصلت البرقيه وافقو

: ياابطال تعالو

التمو السريا الراح يتواجدون بالمهمه ويانه

رعد : احنا Swat العراق يعني مو ناس عاديين
شغلنه ولعبتنه المهمات الصعبه وماكو شي
يصعب علينه انتو ابطال الجهاز شدو الهمه نريد
نوصل لأعلى القمه جاهزين

الكل - نعم سيدي

رعد - ماسمعت اريد صوت اقوى جاهززين

الكل - نعمم سيدي جاهزين

رعد - جيد نتوكل على الله النقيب ركان

انت تروح بالسياره الثانيه وتراقبلي
الوضع وانتبه مانريد اي أخطاء ممنوع

ركان - اكيد 

يلا يا ابطال توزعو

رعد - ضلعي اشوفك هناك نلعب بيهم

ركان - هههه شلم بلم ونحركهم

رعد - حرك دير بالك من الطريق

ركان - وانت هم

رعد - افترقنه اني وركان كلمن وبسياره
مسافة الطريق بعيد بالساعات بغير محافظة
مو ابغداد

مع طلوع الفجر وصلنه للمحافظة المطلوبه
ومناك رحنه لمقر ثاني بالليل اتم المهمه

_______
في مكان اخر

نور - اول ماطلع حسيت زاد اختناقي ضليت
ابجي لحد ما غفيت اني ودموعي كمت على رنة الموبايل سحبت الموبايل طلعت ام رعد رديت
كالت

جوان - يمه نور هسه السائق يجي وراج
ياخذج لبيت الحجيه ولا تخافين يمه ان شاءالله
يرجع بسلامه ادعيله

نور - لحظه خاله منو يرجع على شنو تحجين

جوان - على رعيد اكلج لا تخافين ادعيله

نور - كمت كَلبي نغزني كتلها
خاله رعد شبي شصار مدافهم عليج

جوان - يااا لعد مو التحق بمكان خطر مهمته صعبه
شنو ماتعرفين

نور - شنووو شوكت هاي ماعرف ماكلي

جوان - اي يمكن علمود لا تخافين يمه مايريد
يخوفج

نور - شنوو ما اخاف شلون مايكلي ياربي صبرني هسه وينه شلون احجي ويا

جوان - يمه اهدي مابي شي قبل شوي
خابرني وكلي خلي نور تروح لبيت ام ركان

نور - نزلن دموعي كتلها
يعني ليش هيج يسوي بيه ليش ماخابرني وكلي

جوان - يمه اهدي ماصار شي كتلج مايحب يخوفج
هسه راح يجي السائق روحي يم الحجيه ولا تبجين هناك ركان ويه رعد علمود الحجيه خطيه واني بعدين اجي يمكم ماشي يمه

نور - مسحت دموعي
:ماشي

سدت الخط رحت غسلت وجهي واخذتلي
كم قطعة ملابس رتبت الغرفه والبيت بسرعه
شوي واجه السائق لبست عبايه خليجيه ولفيت الشال اخذت الجنطه وقفلت باب الشقه ونزلت
صعدت بالسياره شوي اوصلنه لبيت الحجيه
نزلت دكيت الباب فتحته

: شلونج حجيه

ام ركان - هلا يمه هلا حبيبه تفضلي

نور - دخلت جوه راح السائق كعدت عل تخم بالصاله جتي قدمتلي مي

ام ركان - نورتي بيتج يايمه

نور - منور بيج يالغاليه

جتي كعدت يمي كتلها

: حجيه صدك الي سمعته

ام ركان - شنو سمعتي يمه

نور - نزلن دموعي كلت
صدك رعد وركان مستلمين مهمه خطره

ام ركان - اي والله يايمه ادعيلهم

نور - نزلن دموعي بجيت اريد اسكت ماكدر

ام ركان - ياااا ولج يمه ليش البجي ادعيله
بنيتي ان شاءالله يرجعون بسلامه

نور - مو بيدي حجيه مو بيدي مخنوكه
مامرتاحه كَلبي ناغزني

تقدمت حضنتني تسكت بيه

ام ركان - يايمه ذكري الله وادعيلهم هما هذا
شغلهم هاي مو اول مره بس مالومج بنيتي
مامتعلمه على هاي الأجواء وهاي اول مهمه خطره
يستلمها من ازوجتو لا تخافين هما ابطال يخوفون وماينخاف عليهم كافي تبجين بنيتي وقبل شوي
خابرني ركان وكال وصلنه للمكان وكلشي تمام

نور - مسحت دموعي شربت مي كالت

ام ركان - يمه ليش عيونج حمر صاير شي

نور - تذكرت الصار بالليل كتلها
لا حجيه ماكو شي بس تعبانه شوي
ومانايمه علمود هيج

ام ركان - روحي نامي يايمه الغرفه على حطت ايدج نامي وارتاحي

نور - ورعد

ام ركان - ادعيله نامي وكومي صلي وادعيله بنيتي

نور - ماشي حجيه
اخذت الجنطه ورحت للغرفه مثل ماهيَ شمرت
العبايه وفتحت الحجاب واتمددت عل سرير
غمضت عيوني الصداع موتني ضليت اقلب
نفسي لحد ما نمت

______
في مكان اخر

بتول - صار الصبح كمت من النوم
اااخ جسمي كله متشنج من الرقص البارحه
متكسر تكسير

سحبت الموبايل اشوف ركان مراسلني كاتب

: شلونج بويه اني اليوم التحقت اريد منج اديرين بالج على نفسج ودراستج واذا رجعت بسلامه عندي موضوع مهم وياج ونسيت اكلج البارحه جنتي كُلش حلوه مع السلامة .

بتول - انصدمت من الرساله وفرحت لصراحه واااااي واخيراً حجه الفاهي على ياموضوع يقصد انوب تعالي صبري لحد ماينزل يارب صبرني الفضول يتعب

طلعت من الغرفه اشوف امي جوه كاعده عل تخم تبجي عزه العزاني بس لا صاير شي

نزلت ركض رحت يمها

: يمه ليش تبجين شكو شصاير

جوان - ااخ يايمه اااخ قهركم هد حيل هد

بتول - فدوه خوفتيني شصاير

جوان - اخوج ملتحق بمكان خطر سوده عليه
يايمه سوده عليه رعيد حبيبي

بتول - كامت تبجي لصراحه خفت كُلش كتلها

وركان ويا مو

جوان - اي

بتول - ضربتين عل راس تهد جبال مو بس الحيل
كعدت عل تخم مصدومه وخايفه هسه كعدت
منو النوم صدمه تلو الآخرى صعبه الله يستر
نزل حيدر

حيدر - شكو شبيكم

بتول - رعد ملتحق بمكان خطر

حيدر - لا والله هاي شوكت

بتول - اليوم

حيدر - يمه ليش البجي ادعيله قابل هاي اول
مره

جوان - كَلب الام مايعرف اول مره واخر مره

حيدر - لا حول ولا قوة الا بالله شلون سالفه
هاي ان شاءالله خير

بتول - ان شاءالله

____
في مكان اخر

نور - جنت كاعده  متوتره كمت
ضليت اجي واروح ماتحملت خابرته يطلع مغلق اااخ يارعد اااخ

رحت فرشت السجاده صليت ودعيت واني
ابجي شبعت بجي احبه ماريد اخسره شوي
ودك الموبايل سحبته طلع هو جاوبته بلهفه

: رعد وينك فدوه

رعد - اهدي بويه شبيج ليش البجي

نور - شلوون ما ابجي فدوه انت زين

رعد - اي حبيبتي كُلش زين

نور -   بعدك تعبني ارجع حييل

تعبانه

رعد - التعب بيه ولا بيج بويه

نور - فدوه لا تعوفني محتاجتك يمي احس
روحي ضايعه

رعد - بويه بس الموت يفركنا

نور - ارجع كافي تعبت من دونك

رعد - سهله ياعروك كَلبي سهله ماباقي شي
بس اخلص الواجب واني يمج

نور - احبك صدكني مشتاقلك كَلبي اريدك يمي
احس نفسي ضايعه بدونك

: اخذ نفس وكال بتعب

رعد - مشتاكلج حد النخاع وكَلبي بس
بأسمج يدك

نور - ابتسمت احبه مشتاكه لكلامه  اخذت نفس
وكتله

: احبك يا ابن كَلبي

رعد - احبج يابنت كَلبي

نور- كالها بتعب وجان اسمع صوت انفجار..............

_

_______

وكانما نور تقول

خليتني باقي جسد بس بلايا روح
ودكات الكَلب باسمك تنشط الروح

وكانما رعد يرد عليها ويقول

انا احبك حُب جنوني افهمها عاد
تعبني غيابك وهد حيل البعاد

ترد علي نور وتقول

ارجع حبيب الروح مشتاكه
ارجع واحضني من نتلاكه

ارجع وفهمني انا اول حب
ارجع بغيابك حتى الدمعه حراكه .

الشعر بقلمي ، جيهان آغا___________✍

_

شصار ... ؟ توقعاتكم

_

قلبييييي والله مريضه وجنت مشغوله دكاتره
ومستشفى وفحوصات انا صارلي اكثر من سنه
هذي حالتي والله الحمد لله على كل شيء
فَ عذروني حبايبي والبارت اليوم مو كُلش طويل مقارنه مع البارتات القبله لكن ماكدرت اكتب اكثر عذروني بس ان شاءالله

احاول بهل يومين

انزل بارت ثاني احاول قدر الإمكان اخلص الرواية بسرعه ماريدكم تنتظرون وسلامتكم

_

فضلا وليس امرا

لا تنسون التصويت بالنجمة وتعليق بين الفقرات وتفاعلكم مع الرواية وشكراً لكم ❤

حسابي انستجرام
انشر هناك كلشي يخص الرواية 👇

حسابي واتباد تابعوني حتى يصلكم كل جديد

Jehan-Stories

_

والان قلبي ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا