رواية خلف القضبان روح يتيمة الفصل الرابع والعشرون 24 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي

________

نور - بهت وجهي من هيج كال كتله
خير

رعد - كالو جانت عايشه هناك قبل 5 سنين بس هسه ماعرف موجوده او لا نروح باجر ونشوف

نور - بس انت تعبان شلون نروح

رعد - لا بويه زين الحمد لله اني صنديد
ماينخاف عليه

نور - صدك صنديد

رعد - هههه

نور - عزه بعيني شحجيت يبووو عليه كتله

اقصد شكراً

رعد - ادللي بويه

نور - مايدلل عليك ظالم باجر شوكت تجي

رعد - اني اخابرج قبل لا اجي

نور - ماشي يعني صحتك تمام هسه

رعد - اي

نور - ممكن سؤال

رعد - جواب

نور - يعني هسه ماعرف شكلك
خويه لو استاذ لو سيادتك لو شنو

رعد - ههههه رعد وبس

نور - بعدت الموبايل شوي
يبوووووضحكته تجنن صخام الصخم منال

رجعت قربت الموبايل

رعد - الو تسمعيني

نور - اي

رعد - يلا بويه اخذي راحتج ازعجتج

نور - بالعكس افرح

رعد - هههه خوش

نور - غميت كصتي من امداني
فلا اعرف احجي كتله

اقصد فرحة بخبر خالتي

رعد - هههه خوش دوم الفرحه بويه

نور - تسلم

رعد - نور

نور - نعم

رعد - دير بالج على نفسج بويه

نور - وانتَ ايضاً

رعد - تم

نور - سد الخط ابتسمت خليت الموبايل على كَلبي
اااخ ياكَلبي شديصير بينه ماعرف نحب لو عاشكَين ماعرف ويني وين هاي السوالف صخام الصخمج يامنال

ربي اذا مو من قسمتي لا تخليني احبه يارب

خلصت رحت كعدت يم الحجيه
هلا حجيه

ام ركان - هلا بيج يمه

نور - حجيه باجر رعد يطلع من المستشفى

ام ركان - صدك فرحتيني منو كال

نور - هو كال
التفتت عليه ضحكت كتلها
لا حجيه شنو السالفه خابرني كال لكينه عنوان بيت خالتج وباجر نروح نشوفها باقيه هناك او لا وبس

ام ركان - ههههه هو هيج كال

نور - اي والله

ام ركان - هههههه
بس رعيد مريض الظاهر شوفتج دوائه

نور - من صدك ضحكتني كتلها

لا حجيه شنو السالفه

ام ركان - شوفي بنيتي يمكن انتو الاثنين تغشمون
روحكم مدري تستحتون لو تخافون ماعرف شنو سالفتكم بس تره امبين كلشي واضح وضوح الشمس

نور - كلشي مدافهم عليج صدكي

ام ركان - هههه الله يساعدك رعيد والله شكله راح يتعب المسكين

نور - يااا هههههه

ام ركان - ضحكي يايمه ضحكي عساج دوم يابعد كَلبي

نور - حبيبتي يلا اروح انام تصبحين على خير

ام ركان - تلاكين الخير يايمه

نور - رحت للغرفه اريد انام ماكدر ضل كلام الحجيه يدور براسي واهتمام رعد واسلوبه وياي معقوله يحبني من صدك ليش شبيه علمود مايحبني بس فرق هما وين واني وين اوووف التفكير شكد متعب بين افكاري نمت

_______
في مكان اخر

رعد - خلصت المكالمه وياها مبتسم دخلت بتول
مستغربه

بتول - اووو النقيب رعد العصبي الي بعمره مايعرف يضحك وهسه مبتسم شنو هذا التغير الجذري ياسيادة النقيب

رعد - ولج خويه انتِ ماتتعبين

بتول - لا ليش بشنو اتعب

رعد - من الحجي

بتول - افا هيج صار خوش بعد ماحجي
برطمت ضحك عليه كتله

غير الموضوع عبالك ماعرف يابه حقك واكع على وجهك مو بس كَلبك

رعد - هههه لا حولَ ولا قوة الا بالله انتِ محد يخلص من لسانج

بتول - اي طبعاً ها حجيت ويه المسعده

رعد - منو

بتول - ديلا يمعود كافي تغشم روحك علينه
لو على الناس هههه

رعد - بتول كافي راسي مصدع

بتول - اها خوش نام اروح اخابر
نويره اطمئن عليها

رعد - نايمه عوفيها

بتول - هههه ها خويه شلون عرفت نايمه

رعد - هههه ااخ منج اااخ

بتول - ههههه باجر لازم اروح لسوك
شكلنه بدال العرس راح يصير عرسين

رعد - صدك حيدر شصار ويا

بتول - احنا نحجي وجان يدخل حيدر
تعال ابن الحلال ذكره ابالي مدري اباله ماعرف شلون جان يمكن هيج

حيدر - ههه طاح حضج اذا ماتعرفين
المثل لا تحجي

بتول - لا اعرفه بس نسيته

حيدر - هو هذا عقلج وتريد تدخل كليه
خويه شلون صرت

رعد - كُلش زين

حيدر - عساك دوم

رعد - تسلم خويه شصار بموضوعك

حيدر - ياموضوع

بتول - اويلي على حضي شكد تحبون تغشمون روحكم يعني ياموضوع غير سالفة الخطبه

حيدر - وربي لسانج طولان يرادله كص

رعد - عوفها بعدين نكصه هسه شصار وياك

بتول - برطمت صدك جذب انتو هم اخوان

رعد - هههه

حيدر - هههه لا مو اخوان

بس اطلع من المستشفى نروح نخطب
ان شاءالله

رعد - البنيه تعرف عندك تواصل وياها

حيدر - لا ماتقبل تتواصل اكلها نتعرف اكثر قبل الزواج رافضه تكول كلشي بالحلال حلو شسويلها

رعد - شني هاي قابل نايم وياها

بتول - لا والله البنيه حقها كفوو منها

حيدر - مدري خويه ماتقبل عفتها براحتها بالعكس
افهم وجهة نظرها وفرحتني بتصرفها حسيتها واعيه ورزنه مو بكلمتين تتقشمر وصح بعد ماكو شي رسمي بينا حقها

رعد - والله بعد انتو براحتكم اي شي تحتاج
مايردك غير لسانك

حيدر - ماتقصر خويه الله لا يحرمنا منك

بتول - امين

رعد - وين امي

بتول - رجعت ويه سيف واحمد

رعد - خوش تبارك وياهم مو

بتول - اي

رعد - خابريها ذكريها هسه موعد الأدوية لازم تاخذه امي قبل النوم

بتول - ماشي واحنا نحجي ونضحك
اندك الباب

رعد - تفضل

بتول - دخل ركان لابس ملابس العسكريه طالعه تخبل علي لازكه على كتافه وايده ومزين لحيته مرتب الشوارب ومزين شعره من الجوانب ومبقي شوي من فوك مرتبه ورافعه اول مادخل ريحة عطره ترست الغرفه بقيت هيج صافن علي وعلى جماله

ركان - السلام عليكم

رعد + حيدر - عليكم السلام

رعد - هلا بركان

ركان - هلا بيك ضلعي شلون صرت

رعد - صنديد ماينخاف عليه

ركان - اي وربي بهاي صدكت صنديد غير اسد
الجهاز

حيدر - شنو راح تلتحق

ركان - اي والله كلت امر اشوف رعد قبل لا اروح
التفتت اشوف بتول صافنه عليه حست على نفسها
شتت نظرها ابتسمت وربي بكل حالاتها حلوه

رعد - ان شاءالله مو باجر عكبه اني هم التحق

حيدر - اكعد نابليون بونابرت ماعرفناك دكعد
بعده جرحك ملتهب وين تروح

بتول - ههههه نابليون بونابرت

ركان - هههه لا حيدر صدك اخوك ملقب بأ اسد الجهاز كل مره العقيد سلام هيج يكله

رعد - اي فهمه عشره مثل نابليون بونابرت
مايوصلوني

بتول - فديت الثقه هههه

رعد - انجبي تقشمرين عليه بسيطه بتول سهله

بتول - لا والله ماقشمر ههههه

رعد - بس خلي اطلع وربي التحق على عنادكم

ركان - ضلعي اسمع مني
من تحس نفسك بخير يلا التحق
راح تتعب وانت ماناقصك وصحتك مو تمام

حيدر - اي والله صح كلام ركان

رعد - الله كريم

ركان - اباوع عل ساعه اوف اتاخر عُمر

رعد - شبي عُمر

ركان - كلي روح و اني اجي وراك نشوف رعد ونطلع سوا

حيدر - خوش ولد جم مره خابر يسئل عليك ويوم الصار الحادث اجه بس ماكدر يشوفك

رعد - اعرفه ومو غريبه علي
ابو حسين هذا صديق ونعم الصديق

ركان - اي والله

ماعرف شو اتاخر طالع اخابره اشوف وين صار

رعد - ماشي

بتول - واني اروح للحمامات

حيدر - بس لا تتاخرين بعد اخوج

بتول - تمام
طلعت جان ركان واكف الموبايل بيده مريت من يما التفت شافني اشرت بأصبعي 1 2 3 ولك يلا

صيحني شناطر صخام دصيح اوف عفيه شنو ذوله احساسهم ميت لو شنو دصيحي ضليت امشي ابطئء متأمله الاستاذ يصيحني بس ماصاح فقدت الأمل كلت بكلبي مو صوجك صوج التفكر بيك

كملت طريقي وجان يصيحني ابتسمت كلت من البدايه ليش اتعبني

ركان - بتول

بتول - انداريت علي كتله
نعم

ركان - شلونج

بتول - الحمد لله وانتَ

ركان - نحمد الله ونشكره

بتول - مدري اصفن على جماله لو على ريحة عطره احجي بكَلبي فلك طرك ياركان شمسوي بنفسك ووولكم قلبي الصغير لا يتحمل يبووو

ركان - بتول بويه دير بالج على نفسج

بتول - ليش

ركان - اخر مره جنتي تعبانه علمود هيج

بتول - ابتسمت كتله
وانت دير بالك على نفسك

ركان - حاضر

بتول - دك موبايله

ركان - اخذي راحتج بويه

بتول - ماشي
راح هسه وقت موبايله من فلك طرك مدري منو خابره اوووف اله هسه تخابرو مو دنحجي حجي مال مثقفين عشتو اويلي على كَلبي يبووو يخبل
رحت للحمامات عدلت نفسي نزلت جوه استريت بطل مي وصعدت فوك لحد مارحت اشوف ركان رايح اوف ماشفته قبل لا يروح يلا الله يردهم بسلامه ويحميهم كلهم وزعت المي على اخواني

حيدر - ليش تأخرتي

بتول - رحت اشتريت مي

حيدر - خوش
خويه نسيت اكلك اليوم من جنت نايم ابويه
اجه يطمئن عليك

رعد - ههههه خوش

حيدر - ليش تضحك شنو ماتصدك كلامي

رعد - لا اصدك بس اعرف شي ماتعرفو وجنت متوقع هيج تصرف منا

حيدر - الله وكيلك كلشي مافهم بينكم واحد لا ياخذ حك ولا باطل منكم

رعد - دوامه حيل متعبه عدم فهك احسن صدكني

حيدر - برحتك يلا خويه نام و ارتاح بعد كم
ساعه ونطلع

رعد - ماشي

_
______

نور - كمت الصبح ساعه 8
غسلت وجهي وعدلت الشال وحضرت الريوك
بيض على لبن (زبادي) على اجبان ومربه وزبده
وچاي عراقي مهيل جتي الحجيه

ام ركان - صباحج خير بنيتي

نور - صباح الورد والياسمين حجيه

ام ركان - شنو هذا النشاط والريوك الحلو

نور - ولو حجيه انتِ تستاهلين
كعدنه شافتني اعدل الشال كالت

ام ركان - يمه ليش متحجبه ركان مو بالبيت

نور - ها ماعرفت

ام ركان - اي يمه اليوم ساعة 5 الفجر التحق

نور - اها زين وحده راح

ام ركان - كل مره هو ورعيد وصديقهم نسيت اسمه ماذكر سوه يرحون بس هاي المره يمكن هو وصديقهم التحقو بدون رعيد صدك رعيد ولا عرفنه طلع لو لا هاج يمه خابري جوان نشوف شصار بيهم

نور - ماشي
خابرت عليها الحجيه حجت وياها

ام ركان - هلا داده هلا عيوني
اي لا والله حبينه نطمئن على رعيد طلع لو بعده
ها صدك اي شلونه الحمد لله يعني هسه احسن
الف الحمد لله ان شاءالله نشوفكم منو حيدر
صدك ياعيوني الله يتمم لكم على خير
يومل لرعيد والبقيه امين امين

نور - تحجي وتباوع عليه تضحك شصاير
انوب جابت اسم رعد مدري شصار بيه كلشي مافهمت الفضول يقره الف يبووو عليج حجيه
هسه غير افهم شنو السالفه

ام ركان - هههه اي لازم رعيد ان شاءالله اي والله هههه هو هيج ان شاءالله مع السلامة عيوني هلا بيج داده ياهلا الله وياج مع السلامة

نور - سدت الخط كتلها
ها حجيه طلعو من المستشفى

ام ركان - اي يمه طلعو

نور - اخو بتول شلون صار

ام ركان - الحمد لله تكول كُلش زين مشغولين ويه حيدر باجر يروحون يخطبوله

نور - فرحتيني الله يتمم لهم

ام ركان - يومل الكم يمه

نور - واني داكل هيج كالت من التوتر
عضيت لساني بالغلط اااخ شاغت روحي من الوجع ادري شبيه هيج اتوتر شجاني

ام ركان - خير يمه شبيج

نور - لا ماكو شي سلامتج عضيت لساني بالغلط

ام ركان - هههه معذوره

نور - انوب بسماير الحجيه يبوو عليه
كملنه الريوك غسلت المواعين ونظفت المطبخ والبيت

سمعت صوت يمكن موبايلي رحت للغرفه اشوفه مكتوب النقيب رعد اول ما اقره اسمه احس كَلبي يريد يطلع من مكانه مدري شيصير بيه اخذت نفس عميق شهيق زفير وجاوبته

رعد - شلونج بويه ليش تاخرتي بالرد

نور - اويلي على صوته كتله

الحمد لله انت شلون صرت اعذرني جنت بالمطبخ ماسمعت اول ماخابرت

رعد - معذوره بويه تغدي وحضري نفسج
مسافة الطريق وانه يمج

نور - تمام
سد الخط اويلي على صوته وعلى حالي اوووويلي بس نور شبيج صدك ماتستحين شسوي صوته يخبل هههه الله يحفظه لهله

واني طايره من الفرحه دعيت يارب اذا بي الخير ان شاءالله اليوم صدك الكي خالتي يارب

كملت الشغل وساعدت الحجيه بالغده كملنه رحت صليت وبدلت عدلت الحجاب وطلعت انتظر رعد

ام ركان - هايمه طالعه

نور - اي والله حجيه ادعي الكي خالتي وتنحل مشكلتي

ام ركان - ان شاءالله يايمه ربي يسعدج ويسهل امورج

نور - امين تسلمين حجيه
واحنا نحجي سمعت صوت سيارته جنت فاتحه الباب شوي علمود اشوفه من يجي طلع هو رحنه اني والحجيه سلمت علي

ام ركان - هلا برعيد شلونك يايمه شلون صرت

رعد - هلا بيج حجيه الحمد لله احسن
فدوه اروحلج ركان راح مو

ام ركان - اي اليوم الفجر

رعد - اي اعرف مر عليه قبل لا يالتحق
ان شاءالله باجر اني هم التحق

ام ركان - يمه بعدك تعبان

رعد - لا حجيه احسن صرت وعدنه شغل هواي اعرف ماراح يكدرون يكملون بدوني

ام ركان - فدوه لطولك صنديد ابن جوان
ماينخاف علي

رعد - ههه اي الله

ام ركان - يايمه الله يحفظكم وينصركم كلكم

رعد - اللهم امين تسلمين يانظر عيني
يلا بويه نور اتاخرنه

نور - اي يلا
فتحت باب السيارة الوره التفت عليه عكد حاجبه شبي هذا خلي اكعد كدام قبل لا يطلع اعصابه عليه سديت الباب ورحت كعدت كدام سلمنه عل حجيه شغل السياره وطلعنه كتله

شلون صرت

رعد - هسه صرت زين

نور - شلون

رعد - مو مهم

نور - تمام
احجي بصوت منخفض

ياربي هذا الرجال
غريب حتى بكلامه بس لو اعرف
اذا حبيته شنو الحبيت بي من امداني

رعد - شنو شدتحجين

نور - ماكو شي

رعد - ههههه

نور - ممكن اعرف على شنو تضحك

رعد - متأكده

نور - اي
التفت عليه عينه بعيني ابتسم وكال

رعد - على جمال عيونج وتصرفاتج الطفوليه

نور - انعكد لساني ماكدرت احجي اريد احجي
نسيت شلون احجي يبووو عليه وعلى حالي
انداريت احس كَلبي راح يطلع من مكانه ليش شلون ماعرف اني بنفسي ماعرف شنو السالفه
حس عليه كام يضحك شوي واجه اتصال شو هذا اول ماعرف منو خابره عكد حاجبه ورد بنزعاج

رعد - الو نعم

ريتاج - نعم الله عليك استاذ رعد صار زحمه رديت على اتصالنه

رعد - اي وهسه محتاجه شي

ريتاج - ليش ماترد من اخابرك

رعد - شوفي هاي السوالف مال عتاب والمسلسلات ماتمشي يمي من الأخير شتريدين

ريتاج - اريدك انت وينك صار شكد لا تمر عليه ولا تشوفني شنو مشتاكَيتلي

رعد - مشغول وراح التحق عود من انزل الله كريم

ريتاج - صدك تحجي ولك صار شكد انتظرك اخابر وماترد وهسه تكلي عود من انزل واجب شبيك رعد متكلي شبيك منووو الغيرك عليه ماجنت هيج

رعد - هههههه صدك ضحكتيني

نور - التفتت علي احجي بكَلبي
امبين يحجي ويه بنيه ويضحك غريبه نادراً
يضحك منو هاي الضحكت النقيب رعد العصبي المغرور معقوله عندك حبيبه وليش مو معقوله
منو حبيبته لا شلون فرحان وهو يحجي وياها

رعد - شوفي هسه مشغول بعدين نحجي اي خوش
ديلا منو لا يلا مع السلامه كلت مشغوله ماحب اكرر كلامي

نور - سد الخط وكال

رعد - مخبله ههههه

نور - ماتحملت بعد منو هاي كلت
اووووف

التفت عليه كال

رعد - ها بويه شكو شبيج

نور - سلامتك بس منو المخبله

رعد - منو

نور - اني اسئلك لو انت غير انت
كلت مخبله وضحكت

رعد - ها هههه انسي سالفه طويله
اكيد مو عليج

نور - خووش
نرفزني مستفز نزلت جام السياره احس نار بكَلبي
لعد شنو اتوقع من واحد غركان بالفلوس راح يحب وحده مثلي ضحكي على نفسج ضحكي من امداج
من كل عقلي فكرة بيوم يحبني ههه غبيه اعترف

رعد - جنت اسوق التفتت نزلت جام السياره
وصافنه شبيها هاي يلا ماضوجها اكيد تفكر بموضوع خالتها حقها سحبت سيجاره ولعتها اخذت اول نفس تخربط وضعها

نور - اول ما استنشقت رائحة السيجاره ضليت اكح ماتحمل ريحتها من صغري اختنك انطاني مي حمر وجهي من الكحه

رعد - بويه شجاج اخذي نفس
تنفسي شوي شوي

نور - واني اكح اشرت عل سيجاره يلا حس على نفسه وشمرها من الجام مال سياره

رعد - ماعرفت بسبب السيجاره خلي تولي اهم شي صحتج بس شربي مي لحظه خلي نوكف هنا

نور - وكفنه السياره عل ترابي نزلت من السياره
اتنفس شوي يلا ارتاحيت نزل هو هم كال

رعد - نور شنو عندج ربو لو شنو السالفه

نور - لا مو ربو عندي حساسيه من صغري هيج

رعد - مو خوش سالفه يلا امري لله صعدي انتِ ادخن شويه واجي راح اتخبل اليوم مامدخن

نور - ليش ادخن تعرف كُلش زين شكد مضر وسلبياته هواي

رعد - مو بيدي متعلم

نور - مثل ماجان بيدك تتعلم
علي بيدك تكدر تتركه اصلاً حرام التدخين

رعد - منو كال اول مره اسمع بهيج شي

نور - والله حرام روح اسئل كل الشيوخ
كلها تكول حرام زين تعرف ليش حرام

رعد - ليش

نور - لانه مضر بالصحه سبحانه رب العالمين مايمنعنه من شي بي فائده كلشي محرمه مضر بالصحه النفسيه والجسديه والعقليه مثل الشرب لانه مضر واله تأثير سلبي محرمه رب العالمين علينه

رعد - كلت بكَلبي عل سيجاره هيج سويتي لعد لو تعرفين سوالف الشرب والملا.هي والعربده اااخ فرق البينا فرق السماء والأرض شلون اعترفلج ماعرف

نور - سكت كلشي ماحجه واحس بعيونه كلام هواي بس ماحجه مدري ماكدر يحجي تركته براحته و رحت كعدت بالسياره انتظره يجي
شوي واجه

شلونج هسه

نور - الحمد لله
شغل السياره حسيت بي ضايج
معقوله من كلامي ضاج كتله
رعد

رعد - عيونه

نور - عيونه شنو شو هذا مايستحي هههه

رعد - كولي بويه شنو ليش سكتي

نور - ضجت مني

رعد - لا ليش

نور - حسيت بيك ضجت من كلامي

رعد - لا ماكو هيج شي احساسج غلط

نور - اتمنى

رعد - حقيقه مو تمني

نور - خوش
كملنه الطريق والهدوء سيد الموقف
شوي وكف السياره كال

رعد - وصلنه

نور - نزلنه من السياره اباوع علي عدل شعره ولبس النظاره طلع فدشي يخبل عزه بعينج منال وين ماجنتي

التفتت اشوف البيت جبير وراقي
معقوله هذا بيت خالتي

رعد - حسب الي عرفته جان بس هسه ماعرف
تعالي اندك الجرس ونعرف

نور - اي
دك الجرس رعد شوي وفتح الباب رجال يطلع عمره بال25 سنه بس رياضي معضل امبين

رعد - السلام عليكم هذا بيت الأخت اسماء

- عليكم السلام لا خويه غلطان

نور - بهت وجهي من هيج كال

رعد - بس الي اعرف هذا بيتها

- اي جان بيتها الدكتوره اسماء سافرت لسويد

رعد - شوكت سافرت

- تقريباً قبل سنتين

رعد - وانتو تقربوها بشي يعني أقاربها

- لا احنا اشترينه البيت منها

رعد - زين خويه ماعندك رقمها حسابها اي شي يوصلنا الها

- لا ماعدنه تواصل وياها

رعد - زين ماعرفت ليش سافرت

- بصراحه حسب الي سمعنه من الناس كالو عدها مشاكل وانجبرت تبيع البيت وتسافر لسويد

نور - من صدك انقهرت عفتهم ورحت بالسياره
ابجي على حالي شويه واجه شافني ابجي
صار عصبي جان ناقصني اعصابه وتكمل وياي

رعد - بس لووو اعرف ليش تبجين الموضوع مايستاهل

نور - شلوون مايستاهل اذا يمك ما يستاهل يمي يستاهل

رعد - كافي بطلي هذا البجي على كلشي تبجين
انتِ شنو ماتنشف دموعج

نور - باوعت عليه ماعجبني كلامه ماجاوبته
لان اعرف اذا اجاوبه راح اطلع قهري بي وهو ماله ذنب مو كافي تعبان ويايه شغل السياره واني ضلت دموعي تنزل بدون صوت علمود لا يحس ومع ذالك حس كل شويه يلتفت

رعد - بووويه لا تخبليني عليمن هذا البجي
شبيييج

نور - لا تصيح عليه

رعد - شلووون ماصيح كافي تبجين

نور - بس جان ناقصني انت وتكمل وياي

رعد - ليش اني شبيه شو ماتعرفين تحجين

نور - ماجاوبته صار عصبي وكف السياره
التفت عليه عيونه حمر شكله يخوف مثل يومل الشفته ابيتهم

رعد - من ااااحجي وياج جاوبي اني مو طفل تجاهليني فهمتي لو لا

نور - شبيك منو متجاهلك شكلت اني خلص ماريد شي منك وشكراَ على كلشي تعبتك وياي مامجبور تساعدني ولا ناقصك مشاكل عوفني طبني طوب
شيصير بيه خلي يصير ربي وياي يكفي

رعد - من اكول ماتعرفين تحجين صدك ماتعرفين شبيج بابا تخبلتي لو شنو

نور - شنو تخبلتي شو ماخذ
راحتك زايد بالحجي انتبه لكلامك وياي هيج تحجي ويه الغربه

اني هيج كلت وهذا فقد من الاعصاب كام يصيح ويحجي وعينه بعيني

رعد - ربي صبرني ووووولج ياغربه لااااا تخبليني
كافي تكولين غربه غربه انتِ موووو غريبه كافي
تعيدين هاي الكلمه لووو تحبين تغثيني بيها

نور - انصدمت منه بجيت خفت من اعصابه
كتله

هاي شبيك وياي تخبلت

رعد - اااااي تخبلت بسببج اي تخبلت كافي
تبجين كااااافي

نور - فتحت كل عيوني مصدومه على ردة فعله وياي ضرب الستيرن من الأعصاب وكال

رعد - كااافي اتعبيني كااافي ليش تبجين هيج تردين تخلصين مني وتروحين يم اقاربج لهاي الدرجه وجودي مضوجج بحياتج

نور - شنو هذا الحجي ليش هيج تفكر

رعد - نور

نور - ماجاوبته حيل نرفزني كلامه
صار عصبي

رعد - نووووووور

نور - بدموع /
نعم

رعد - لااااااااا تجاهليني من احجي ردي فهمتي
ومااااحب اكرر كلامي

نور - اخذ نفس شغل مكيف السيارة وكال

رعد - خلص اليوم اعقد عليج

نور - شنووو شدتحجي

رعد - ماكو غير حل ماااكو ماعندج غيرررري وين تروحين قابل تبقين ابيت ركان عيب وزحمه واني ماقبل خلص لهنا وبسسسس

نور - شو ماخذك الواهس كُلش شنو عقد وبس
تره اني بشر مو روبوت او لعبه عندك فهمت لو لا

رعد - لا تعلين صوتج عليه

نور - تره انت خبلتني شسوي لعد اشكرك مثلاً شنو نعقد مانعقد هذا كلام

رعد - لعد لكي حل يلا اسمعج شنو نسوي رحت دورة وتعبت علما لكيت بيت خالج وشصار بالأخير الافندي مارادج رحت سئلت وصيت ناس تعبنه علما لكينه بيت خالتج وشفتي طلعت مسافره وماكو وين تروحين لبيت عمامج المهدور دمج هدر يمهم فهمي وين اوديج ووووين ماكو غير حل

نور - طكيت من البجي احس كل الأبواب مسدوده بوجهي من صدك تعبت

رعد - لا تبجين كافي تبجين نور تعبتيني
ورب الكعبه

نور - اني التعبانه مو انتَ اني الواكعه بيها مو انتَ

رعد - اعنداج هذا ماحبه بطلي من اكلج لا تبجين لا تبجين راح انزل ادخن لان اعصاب منهاره وماريد اضوجج بكلامي

نور - نزل واني بقيت ابجي على حالي وين اروح ربي وين والله تعبت ربي ليش هيج محد يريدني ليش كلهم مايردوني ليش والله تعبت شوكت ارتاح شوكت استقر شوكت اااااخ يامنال حسبي الله ونعم الوكيل عليج الله لا يوفقج حسبي الله ونعم الوكيل

واني ودموعي وحالتي حاله سمعت صوت رنة
موبايل مو مالي شفته موبايل رعد مكتوب حرف R بالانكليزي منو هذا والله مالي شغل ولا اكله موبايلك دك هيج تعصب عليه صوجي اني كله مني اني شنو حبيت بي من امداني اووووووف يانور اوووووف

رجع مره ثانيه دك ماهتميت شوي واجه ترس السياره ريحة مختلطه بين عطره والسيجاره التفت عليه وكال

رعد - سمعي بويه اعترف جنت عصبي وياج واعتذر بس ثقي بالله ماحب اشوفج تبجين

نور - بس فهمني بغير طريقه مو هيج انهديت عليه ماعرفت شحجي وشكول

رعد - تشكين البطن وتريديني اهده

نور - اني شاكه بطنك صدك تحجي ليش شحجيت اني وهيج سويت

رعد - نور بويه لا تفتحين الموضوع هسه انتِ موافقه نعقد ومن اوصل لخالتج بالسويد يراد وقت ادزج هناك يمها بس وانتِ على ذمتي

نور - ماعرف خايفه

رعد - ليش اذا مني لا تخافين عقد عل ورق ماتقربلج حتى ماخلي احد يعرف عقدنه
بس مايصير تبقين ابيت ركان

نور - شلون محد يعرف

رعد - اني عندي شقق هواي انطيج وحده منهم عيشي هناك وكلشي راح اوفرلج وهيج محد يعرف
علمودج انتِ ولا اني عادي يمي

نور - بس هسه مايكولون وين رحت وهما يعرفون ماعندي احد

رعد - سهله نكول لكينه اقاربج وعايشه يمهم لحد ما نلكي خالتج

نور - لا والله هذا الكلام مو مقنع

رعد - يابه كولي رحت لبيت خالي وعايشه ويه جدتي وخلص قابل منو راح يجي يزورج ويتاكد

نور - سؤال جاوبني لان راح اتخبل

رعد - جواب

نور - خليت عيني بعينه وكتله
رعد ليش تساعدني فهمني ليش اني بذات هيج تتعب وياي وتساعدني وتهتم بيه فهمني والله التفكير تعبني

رعد - نور ................................

_
_
_
_____________وكانما يقول رعد ________

يلوموني
واحسك تكبر بروحي ويلوموني

وانا بلا شوفتك شينفعن عيوني

ياشوقي وفرحتي ودنياتي ولوني

وعذابي ولوعتي وشكواتي وظنوني

ياخيعونك علي وبيك خيعوني

ياواهس تضحك الدنيا على شفافك

يابو الليل الحلو ال يلعب على جتافك

احس روحي تأمن بيك وتخافك

واحسك لغزشنهو انت وشنو اوصافك

{ القصيده لشاعرنه المبدع الشاعر
عريان السيد خلف ( رحمهُ الله ) }

_
_

قلبيييي لاتنسون حق تعبي وربي خلصت البارت هسه ساعه 3:40 الفجر والله تعبت وعيوني كوه افتحهم حيل تعبانه لعيونكم سهرت وكملته وتفاعلكم قليل وتردون بارت طويل ويوميه ينزل والله مايصير هيج يعني ظروف وحياة وتعرفون ماقصر وياكم شوكت ما البارت يكمل انزله بس وين حقي تعبي وياكم يعني اقل شي وصلو البارت 200 تعليق ياعيوني انتو هلكد صعب الطلب والتصويت بالنجمة ماكو اسهل منها

هواي منكم مافاهم الكتابه وحسبالكم بس تقرون
قلبي انتو راح احجي بصوره عامه

تدرون من نكتب شكد نتعب نفسياً وجسدياً  يبوووو مااحجيلكم وبالأخص تعب نفسي مو طبيعي والي تقرونه بدقايق ياخذ من عدنا ايام وساعات كُلش طويله هذا تعب مار على جميع الكاتبات بس القارئ مايحس بي والبعض يكتب تعليق سلبي والله ( البعض ) حتى يسبون ويغلطون وين كاعدين احنا ؟

قلبي انتو اتمنى شوي تحسون بتعبي وكلامي موجه (( للبعض )) وليس الجميع وطن حب من قلبي الصغير لكم قلبي انتووو ❤

وانتظرني في البارت القادم طن احداث
__

قلبيييييي راح انشر قصة شعر ركان من شافته
بتول يعني شبه على حسابي انستجرام

انشر هناك كلشي يخص الرواية + تسريب من البارتات قبل لا انزله اهنا 👇

الان ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا