رواية خلف القضبان روح يتيمة الفصل الثالث والعشرون 23 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي

________

رعد - طلعت من بيت ركان شغلت السياره طول الطريق كل فكري وبالي يمها اول مره احس بهيج شعور غريب معقوله احبها لا اكيد شنو حب ليش حاب منو علمود احبها بس يمكن معجب بيها لأنها حلوه ومحترمه وملتزمه استخطيها لانها يتيمه احب اساعدها اكيد اي هذا السبب

فتحت جام السياره وشغلت اغنية شمسين وضليت
ادندن ويه الاغنيه اكثر مقطع احبه من يكول

يردوني أبتعد عنك وأعوفك
وإذا إنت جرح ما أريدك تطيب
أوكف بصفك ولا ما أعوفك

واني بالطريق حسيت اكو سياره تلاحكني
ضليت اسوق واركز عل سياره ورايه ورايه غيرت الطريق هم مافاد حسيت اكو شي مو طبيعي
دنكت اطلع السلا.ح ماحس غير رموني
بطلقتين وحده ضربت الجام مال سياره وكفت السياره بسرعه والثاني جتي بكتفي جانو ملثمين
رمو وبسرعه راحو توجهة انظاري لرقم السياره
اشوف السياره بدون رقم ضربت الستيرن من الأعصاب راحو ماعرفت منو هما اباوع كتافي ينزف والألم ماينوصف اخذت الموبايل اريد اخابر راكن احس عيوني غوشن ضليت افتح واسد بيهن
خابرت ركان مايرد اااخ ولك رد رجعت مره ثانيه خابرته

_
_
_

نور - جنت واكفه بمكان كله ضلام دامس
ضليت وحدي فجأه وكفت سياره
التفتت اشوف طلع بابا ضحكت كتله

بابا هاي انت

- اي بويه يلا تعالي وياي

نور - اباوع هو وحده برطمت كتله
بابا وين ماما

ابتسم وكال

- ماما تنتظرنه بالبيت

نور - صدددك

- اي

نور - صعدت ويا بالسياره جنا نحجي ونضحك
فجأه اختل توازن السياره بابا صاح
لااااا

اني خفت وجان نسوي حادث
____

نور - فزيت من النوم مرتعبه
أعوذ بالله من الشيطان الرجيم
بسم الله الرحمن الرحيم كابوس جان كابوس

حسيت نفسي مخنوكه وكوه اجر النفس عطشت
خليت الشال على راسي ورحت للمطبخ رحت اشرب مي والحجيه جانت بالستقبال كاعد وبيدها السبحه وركان ماعرف وين جان سمعت صوت موبايل بس بعيد الصوت اتباعة الصوت جان بغرفة الضيوف ضل يدك محد ماكو يرد رحت اشوف وين الموبايل جان عل تخم اخذته مكتوب علي رعيد انقطع رجع مره ثانيه دك صدفه دخل ركان
خويه موبايل صار شكد يدك

ركان - ماسمعت

نور - انطيته الموبايل بعدني ماداخله للمطبخ
سمعت صوت ركان يحجي بخوف وتوتر
يكله صدك تحجي التفتت
اشوف شصاير

___

رعد - ركان تعال بسرعه

ركان - شبيك صاير شي

رعد - تعرضت لمحاولة اغتيا.ل وتصوبت

ركان - صدددك تحجي

رعد - ولك هسه وقت شقه تعال نزفت هواي
ودايخ

ركان - اااااي وينك بضبط

رعد - قريب من ..... هناك عل شارع تلكاني

ركان - ماشي بس شوف رعد ابقى وياي عل خط علمود لا تفقد الوعي احجي وياي خوش

نور - من هيج كال ماعرف شصار بيه
جتي الحجيه مصدومه

ام ركان - شكو شصاير

نور - ماعرف والله

ركان - رعد خويه تسمعني

ام ركان - شكو ركان شبي رعد

ركان - تسمعني اي اي احجي لا تسكت

ام ركان - يمه شكووو احجي

ركان - رعد مصاوب يمه اني طالع قفلو الباب بالليل خاف اتاخر راح اخذ المفتاح وياي

نور - صدمني من هيج كال ماعرف شجاني شعور غريب جداً نزلن دموعي بصدمه واني اردد ويه نفسي بصوت منخفض لا لا لا

الحجيه لطمت على خدها كامت تبجي واني مصدومه ودموعي تنزل

ام ركان - صخام الصخمني عززه يمه رعيد

ركان - رعد تسمعني الووو

نور - طلع ركان والحجيه تبجي علي واني ماعرف شسوي كُلش انقهرت حسيت بألم بكَلبي غمضت عيوني نزلن دموعي رفعت ايدي لسماء وكلت ربي اشفي يارب اشفي واحفظه يارب رحت اهدي الحجيه هيَ تبجي واني ابجي

__

ركان - رعد تسمعني الووووو
اني طلعت من البيت

رعد - اي بس استعجل

ركان - اي خويه شغلت السياره ابقى احجي انت اسمعك

رعد - بتعب /
اااخ ولك ياحجي ياصخام

ركان - ماعرفت منو وره هاي الدكه الناقصه

رعد - لا ماكدرت اعرف منو جانو ملثمين والسيارة بدون رقم

ركان - عضيت اصبعي
اااخ لو بس اعرف منو اله ادكهم دك على كولتك

رعد - اشك بواحد بس خلي اتأكد وقتها اعرف شلون اتصرف سهله

وولك ركان وين صرت

ركان - يمعود طاير بالسرعه شسوي ليش ازدحام بغداد يخلص

رعد - ااااخ م م ماشي

ركان - اي احجي راح اوصل
الو الووو رعد انت وياي رررعد تسمعني رررعد

ماكو صوت عرفت بي فقد الوعي واني فقدت اعصابي لا لا لاااااا اوووف اريد اوصله ماكو ازدحام بقيت على هذا الحال نص ساعه يلا وصلت للمكان الكلي علي سيارته موجوده ركضت عل سياره اشوف المكان كله دم والجام مكسر ورعد ماكو ضليت اصيح مايرد

ررررعد وينك ضلعي اني جيت وووينك
شفت رياجيل واكفين ركضت اسئلهم

بلا امر عليكم ماشفتو واحد مصوب
صاحب ذيج السياره

- لا ماشفنه احد

ركان - ماشي مشكورين

- هلا بيك

ركان - ضليت مثل المخبل اجي منا واروح منا وووين رحت رعد ووووينك يارب سترك يارب سترك سحبت الموبايل اخابره سمعت صوت الرنه بالسياره مالته لعد ووين رحت ماتكلي وووين

شفت محلات شوي بعيده عن مكان الحادث
بس كلت اروح اسئلهم كلي امل واحد منهم شايفه كالو اخذو الشباب وراحو لمستشفى ال ..... ركضت شغلت السياره توجهة للمستشفى بالطريق خابرت حيدر
مايرد عليه

ااااخ ياحيدر رد ليش ماترد
مره ثانيه خابرته رد

حيدر - هلا با ركان شلونك

ركان - شلوني واخوك راح يموووت

حيدر - شنووووو شدتحجي انت

ركان - رعد اتعرض لمحاولة اغتيا.ل ومتصوب

حيدر - ووولك شدتحجي لا تخبلني
شلوون هيج صار

ركان - ماعرف كلشي ماعرف جان يمنا رجع وبالطريق هيج صار بي حسب كلامه

حيدر - وينكم انتو هسه

ركان - رايح لمستشفى ال.... هناك ماخذي الناس

حيدر - ماشي راح ابلغ الأهل ونجي

ركان - ماشي
سديته شوي وصلت نزلت بسرعه مثل المخبل
ادور واسئل علي كالو مدخلي لغرفة العمليات
ضلت اجي واروح وبالي يمه شوي واجوي حيدر
واخوانه وامه كامت تلطم وخواته يبجون الوضع كُلش صعب التفتت على بتول منهاره على اخوها جنت اريد احجي وياها واهدي بيها بس ماعندي الجرئه وإخوانها موجودين خاف يروح بالهم بعيد
ماريد يصير سوء تفاهم والوضع غير مايساعد كُلش

جوان - ووولكم ااابني راح يروح من ايدي يااااربي ربي اشفي ابني يارب

ووولك يمه راكن رعيد ضلعك بالعمليه يايمه

ركان - فدوه لعمرج ام رعد
كولي يا الله ان شاءالله يكوم بسلامه

حيدر - راح اتخبل منووووو هيج يسوي

سيف - اااخ بس خلي يكوم ونعرف شغلنه
وربي هاي السالفه ماتعدي على خير

احمد - يمعودين صلو على النبي (ص) واهدو
ادعوله يكوم بسلامه والباقيه سهله

تبارك - بدموع / ركان خويه فدوه ماعرفتو شلون هيج صار

ركان - لا والله ياخويه ماجنت ويا اني

جوان - بدموع / كال يمه اروح لبيت ركان ماتجين
كتله العصر اروح يايمه سوده عليه ابني راح يروح من اااايدي يارب ابني يارب اريد وليدي ررربي

بتول - يمه فدوه اروحلج اهدي ان شاءالله يكوم بسلامه كافي تبجين

جوان - ولج يمه لحد يلوووومني كَلبي كَلب ااااام يايمه كَلب ااااام يابعد كَلبي يمه رعيد سوده عليه يايمه سوده عليه حبيبي اااخ ربي برد كَلبي يارب
اريد ابني ربي اريده لاتحرمني منا يارب

سيف - يمه كومي وياي غسل وجهج مايصير التسوينه حبيبه ادعيله بدون بجي بلا شي صحتج مو تمام كومي ويايه غسلي وجهج

بتول - كوموها سيف وتبارك راحو وياها تغسل وجها وتهده شوي واني كعدت بالأرض من القهر خليت ايدي على وجهي وابجي بهدوء وادعي ربي يشافي رعد حيدر يجي ويروح متوتر واحمد صافن ومصدوم واني كاعده ابجي وادعي

حيدر - اروح اجيب مي

احمد - اجي وياك

بتول - راحو بقينه اني وركان جنت خاله ايدي على وجهي وابجي اجه كعد يمي وكال

ركان - بويه لا تبجين بنيتي ليش البجي

بتول - خايفه نخسره

ركان - مسحي دموعج وماريد بعد اشوف دمعه من عينج ادعيله وذكري الله يلا بويه مسحي دموعج

بتول - ماشي
مسحت دموعي بيدي انطاني كلينكس وكام
مسحت دموعي اخذت نفس عميق وضليت ادعي هو كل شوي يباوع عليه شوي واجه حيدر واحمد
وامي وتبارك وسيف ضلينه على حالتنه كلمن كاعد بمكان اني جنت يم امي خليت راسي على كتافها
صافنه ودموعي تنزل شويه وطلع الدكتور كلنا كمنا

جوان - بدموع / ها دكتور فدوه بشر فدوه كلي ابنج بخير

الدكتور - ابشرج هو صدك بخير والحمد لله نجحت العمليه من حسن حظه الرصاص مادخل بالقلب
وتصوب بالكتف

بتول - اول ماهيج كال حمدت ربي وشكرته حضنا امي اني وتبارك نحس الأرض ماشايتنله من الفرحه

حيدر - شلونه هسه

الدكتور - زين خلو شوي يرتاح وبعدين شوفو سلامته مايشوف شر

سيف - شكراً دكتور شكراً جزيلاً

ركان - الحمد لله على سلامته ست جوان

جوان - يابعد عمري يايمه الله يسلمك الحمد لله
يمه حيدر

حيدر - هلا يمه

جوان - تروح هسه ماريد تأجله لباجر تروح
تشوف شكو واحد بهاي المستشفى عنده عمليه
وفلوسه مو كامله تكمله صدقه جاريه لسلامة
اخوك

حيدر - تم يالغاليه

جوان - يمه بتول روحي اشتري من برا بطل مي موعد العلاج لازم اخذه

بتول - ماشي يمه تبارك تعالي وياي

تبارك - رجليه صارن خيوط من الصبح اجي واروح تعبانه روحي انتِ

بتول - لعد اروح وحدي  اح
بعدني ماكملة اسم احمد وجان ركان يطفر كال

ركان - امشي بويه اني اروح وياج

جوان - اي يمه روح وياها

بتول - سكتت هو مشه كدامي واني امشي وراه
رحنه للماركت اخذنه بطاله مي كال

ركان - راح اخذ عصاير

بتول - ماشي براحتك

ركان - انتِ شنو تريدين اخذي بويه

بتول - لا ماريد شي

ركان - سمعي الكلام كتلج شنو مشتهيه اخذي
وعلى حسابي

بتول - اكيد لا مايصير شنو على حسابك
عندي فلوس

ركان - يابه ورب الكعبه فلس ماتدفعين صدك تحجين مو عيب

بتول - انعكد لساني ماعرف شلون ارد علي
ضحك

ركان - هههه يلا روحي شنو تشتهين اخذي

بتول - ماشي
راح هو يجيب عصاير واني رحت اخذتلي نستله
وبسكت دفع الحساب وطلعنه واحنا نمشي كال

ركان - بتول شكد عمرج

بتول - ليش

ركان - بس سؤال

بتول -  راح ادخل ال18

ركان - العمر كله بويه

بتول - تسلم

________
في مكان اخر

نور - من راح ركان والحجيه تبجي حالتنه حاله
كل شوي تكول خابري شوفي شصار اخابر ماحصل ركان رحت توضيت وفرشت السجاده صليت ركعتين ودعيت

يارب من وين ابدي بدعائي ماعرف يارب
اشفي ولاتحرم احبابه منه يارب هو ساعدني هواي يارب وجان وياي ربي ارزقه الصحه والعافيه يارب اشفي ورجعه لهله بسلامه يارب ابجي وادعي وماعرف ليش ابجي احس روحي كُلش مخنوكه خلصت كمت اشوف الحجيه جانت كاعده تدعي

ام ركان - هلا يمه نويره هم زين جيتي يمه هاج خابري ركان شوفي شصار ويه رعيد ولج يمه روحي معلعلة علي

نور - ماشي حجيه بس اهدي
اخذت الموبايل اريد اخابر ماكدر ايدي ترجف مدري شجاني بزور كدرت اخابر شوي ورد

ركان - هلا يمه

نور - خويه اني نور

ركان - هلا بعد اخوج خير صاير شي

نور - لا سلامتك بس الحجيه كالت خابري وشوفي رعد شلون صار

ركان - قبل شوي طلع من العمليات ويكول الدكتور نجحت العمليه وهو بخير حسب كلامه احنا بعدنا ماشايفي

نور - من هيج كال ابتسمت ودموعي نزلن من الفرحه كتله

يعني رعد بخير مو

ركان - اي بعد اخوج بخير الحمد لله

نور - اخذ راحتك خويه

ركان - مع السلامة

نور - حجيه رعد بخير وطلع من العمليه

ام ركان - الف الحمد لله كلووووش اللهم صل على سيدنا محمد وعلى ال محمد الحمد لله يارب الف الحمد لله رعيد يابعد عمري ربي يسعده ويشافي

نور - اللهم امين

ام ركان - يمه قفلي الباب الظاهر راكن مايرجع قفلي وجيبي وتعالي بالستقبال احجي وياج

نور - ادللي حجبه بس اصلي ركعتين واجي

ام ركان - ماشي يمه

نور - رحت للغرفه فرشت السجاده وصليت ركعتين حمد وشكر لربي استجاب دعائي اصلي دموع الفرح تنزل من عيوني خلصت احس فرشات ابطني من الفرح طلعت  برا قفلت الباب ورحت يم الحجيه كعدنه بالستقبال وجان تكول

ام ركان - يمه نويره عيونج حمر شنو باجيه

نور - ها لا حجيه يابجي

ام ركان - لا يمه امبين من عيونج باجيه

نور - اي والله حجيه باجيه

ام ركان - ليش يايمه

نور - منا قهر بيت خالي ومنا حادث اخو بتول

ام ركان - يمه اريد احجي وياج بموضوع
بس لا تفهمين غلط

نور - تفضلي حجيه

ام ركان - ترا رعد يحبج

نور - التزمت الصمت من الصدمه

ام ركان - هههه انصدمتي حقج والله يايمه
احس بي يحبج لان يهتم بيج ورعد مو من طبعه يهتم غير بأمه وخواته واخوانه واني ملاحظته شلون يباوع عليج ويوصيني بيج حجيه دير بالج على نور حجيه الأدوية حجيه الأكل  هههههه اخ منك يارعيد

نور - حجيه مو شرط يكون حب

ام ركان - لا يمه اله حب ونص تعلميني بي اعرفه من جان هل كده صدكيني يحبج يايمه

نور - ماعرف شكلج حجيه

ام ركان - ههههه يمه ترا الكل حاس علي وعلى تصرفاته شلون ماحسيتي انتِ صدكي  هو هم مايعرف نفسه يحبج او يعرف بس يخاف من ردة فعلج يمه نويره انتِ لا تشوفي عصبي وعنده مشاكل ويه ابو رعيد خوش وليد بس غير الظروف عكست ويا وطلعت الجانب المظلم منا صدكيني يايمه شكد يساعد الناس وكريم ويه الناس صح عصبي ومن يفقد مايحس على نفسه بس يحترم الكل وكُلش حنين يايمه رعيد ماكو منه الله يشافي عمت عيني علي

نور - ماكدرت احجي شي احس لساني انعكد
ماجنت متوقعه اسمع هيج كلام

ام ركان - هاج يمه خابري ركان خلي نطمن على رعيد واروح انام 

نور - ماشي
اخذت الموبايل خابرت ركان رد انطيته للحجيه تحجي ويا

ام ركان - هلا يمه ركان بشر رعيد شلونه

ركان - هلا بيج حجيه لا الحمد لله كُلش زين

ام ركان - الف الحمد لله يايمه شوكت ترجع

ركان - ماعرف حجيه انتو قفلو الباب احسن

ام ركان - ماشي يمه دير بالك على نفسك

ركان - ادللي حبيبه

ام ركان - ديلا يمه روح ودير بالك على رعيد
في امان الله الله وياك يايمه

نور - سدته استحيت اسئلها واريد اعرف شلونه
شلون شغله ميته هسه دحجي ياحجيه

ام ركان - يلا يمه اروح انام

نور - ليش اقصد تنامين

ام ركان - اي يمه

نور - ماشي حجيه تصبحين على خير

ام ركان - وانتِ من اهله يابعد عمري

نور - راحت وبقتني بحيرتي بس لو بي شي جان كالت لا زين منو يكول اوووف ياريت لو الحجيه كالت شلونه قبل لا تروح اووف رتبت الاستقبال ورحت للغرفه متوتره ماسكه الموبايل بيدي اجي واروح اخابره اطمن علي لو مايحتاج ليش شكو بيها اطمن علي لا لا مايحتاج بس واجب عليه اسئل علي غير الرجال مريض معقوله كلام الحجيه يطلع صدك لا ماتوقع مادري يحبني لو لا اوووف شكد صعب التفكير ماخابره احسن ماريد اتواصل  ويا اكثر واتأمل وبالنهايه ينكسر كَلبي بس لازم اخابره اي فقط هل مره اخابره مايصير انسى هو هواي ساعدني اي اخابره

خابرته من اول دكه احس كَلبي راح يطلع منه مكانه من التوتر شوي ورد

سيف - الو

نور - عفواً هذا موبايل النقيب رعد

سيف - اي

نور - هو زين

سيف - الحمد لله احسن

نور - ماشي اكدر احجي ويا

سيف  - بس لحظه

نور - شوي واجاني صوته

رعد - الو

نور - اول ماسمعت صوته نزلن دموعي
كتله

شلون صرت

رعد - ااخ حيل تعبان

نور - بسم الله عليك من التعب سلامتك

رعد - الله يسلمج انتِ شلونج بويه

نور - اني بخير المهم انت تكون بخير

رعد - هسه صرت بخير 

نور - ماكدرت اجاوبه اصلاً ماعرف شصار بيه
ابتسمت كتله

اخذ راحتك خويه

رعد - خويه ؟

نور - يبووو طلعت بالغلط كتله
اي 

رعد - خوش

نور - سده بوجهي عزه شبي هذا صدك جذب
شحجيت وهيج سده بوجهي مو صوجك صوج
التخاف عليك  صليت ورحت انام ماكدرت ضليت افكر بتصرفاته وبكلام الحجيه واخاف حتى اتأمل لا ينكسر كَلبي خلي افكر بحالي وباهل امي احسلي
اوف والله شي متعب بين افكاري استسلمت عيوني لنوم نمت نوم عميق كمت على صوت المنبه بالموبايل اشوف الساعه 9 اووف اتاخرت  بالنوم
خليت الشال على راسي وطلعت غسلت وجهي
رحت للمطبخ شفت الحجيه تحضر اكل كتله

صباح الخير حجيه

ام ركان - هلا يمه صباح الورد

نور - شدسوين

ام ركان - اسوي شوربه لرعيد

نور - صدك ليش رعد طلع من المستشفى

ام ركان - لا يمه  بس ركان شويه وياخذنه نزوره

نور - ياخذنه قصدج اني هم اروح وياكم

ام ركان - اي اكيد يايمه معقوله اعوفج وحدج بالبيت

نور - من كالت هيج فرحة كتلها
حجيه اني اسوي الشوربه انتِ
روحي كملي غير شغل اذا عندج

ام ركان - ماشي يايمه

نور - راحت واني كملت الشوربه ورحت سبحت
ولبست فستان لون اسود ساده وحجاب لون بيج كلشي كمل اجه ركان اخذنه الحجيه كعدت كدام واني وره طول الطريق افكر بي واكول هسه شلونه اكيد تعبان وصلنه للمستشفى رحنه ماكدرنه ندخل للغرفه لان ممنوع اكثر من شخصين دخل ركان وحده واحنا وكفنه بره شوي وجتي بتول وامها وتبارك ماعرف وين جانو

جوان - ياهلا ومية هلا بالحجيه شلونج

ام ركان - هلا جوان هلا حبيبه الحمد لله ياداده انتِ شلونج

جوان - اااخ ياحجيه تعبت والله تعبت يوميه مشكله شلون اكون الحمد لله على كل شيء

يمه نويره شلونج يابعد عمري

نور - هلا خاله الحمد لله 
بتول جتي حضنتني

بتول - حبيبتي نور شلونج

نور - ياعمري الحمد لله انتِ شلونج

بتول - الحمد لله

تبارك - نور عيوني شلون صرتي

نور - الحمد لله حبيبتي

تبارك - دومج داده

ام ركان - ولج داده اول ماسمعت الخبر متت من الخوف كلت بس لا يصير بي شي

جوان - ااخ حجيه عوفي الصدمه الي
مدري هذا الولد شوكت يرتاح من مشكله لمشكله

ام ركان - عمت عيني علي ماعرفتو منو جانو

جوان - لا والله بعد مانعرف شي

نور - هما يحجون وجان يطلع ركان

ركان - نور خويه وين الشوربه

نور - اي هذا هو

ام ركان - يمه روحي انتِ ركان مايعرف شي

نور - ماشي

ركان - تعالي خويه اني اروح اجيب
موبايلي نسيته بالسياره 

نور - ماشي
راح ركان واني اول مافتحت باب الغرفه كال

رعد - ركان ماشتهي شي

نور - من شافني استغرب

رعد - نور هاي انتِ شوكت جيتي

نور - قبل شوي ويه ركان والحجيه

رعد - هلا بيج بويه

نور - الحمد لله على السلامة ماتشوف شر

رعد - الله يسلمج بويه

نور - طلعت الشوربه ويه الملعقة خليته
بصينيه جنت جايبته من البيت واخذت بطل
مي خليته يمه وكتله

معافه ان شاءالله

رعد - ماشتهي بس ريحة الشوربه تجنن

نور - بده شوي شوي يشرب الشوربه انفتح
الباب دخلت الحجيه

ام ركان - يمه رعيد سوده عليه يايمه عمت عيني عليك شلون صرت

رعد - لا حجيه ليش هيج تكولين اني كلش زين

ام ركان - عساك دوم يابعد كَلبي يمه كمل الشوربه
امك كالت ماكلت شي

رعد - اي والله ماشتهي وماحب الشوربه بس من تكون من ايدج احسها مميزه

نور - الحجيه باوعت عليه ضحكت كالت

ام ركان - يعني الشوربه عجبتك

رعد - كُلش عاشت ايدج حجيه

ام ركان - ههههه يمه كول لنور هيَ سوته مو اني

نور - التفت عليه ابتسم  ورجع التفت عل حجيه

رعد - عبالي انتِ

ام ركان - نور ماقبلت كالت اني اسوي

نور - التفت عليه ماعرف ليش توترت كال

رعد - عاشت ايدج تعبتج وياي بويه

نور - ولو ماكو تعب الف عافيه

رعد - الله يعافيج

ركان - يلا يمه لازم نروح

رعد - ليش ولك

ركان - عندي شغل واريد ادقق بسالفتك
واشوف منو السبب

رعد - ماشي عود بلغني من تعرف شي جديد

ركان - تم خويه ادلل سلامتك واي شي تحتاج خابرني

رعد - ماتقصر ضلعي

ام ركان - مع السلامة يمه سلامتك

رعد - الله يسلمج حجيه

نور - التفت عليه عيوني بعيونه اريد احجي هواي كلام بداخلي بس ماكدر احجي او ماريد اتأمل وينكسر كَلبي طلعو الحجيه وركان واني كتله

سلامتك ماتشوف شر

رعد - نور 

نور - نعم

رعد - لاتكولين خويه بعد

نور - ليش

رعد - بدون ماتسئلين

نور - ماشي

ردت اطلع كال

رعد - نور

نور - التفتت علي كتله
نعم

رعد - دير بالج على نفسج بويه

نور - ان شاءالله وانت هم

رعد - ادللي

نور - طلعت من الغرفه
احس راح يغمى عليه من التوتر سلمنه على بتول وامها واحنا دنطلع شفنه ابو رعد اول ماشاف ركان ابتسمله وتقدم يسلم علي

ركان - اهوو هسه وكتك

عمران - شلونك ركان

ركان - اهلاً استاذ عمران

عمران - حجيه شلونج

ام ركان - ياهلا

نور - التفت عليه كال

عمران - اخت ركان مو

نور - ردت اكله لا ركان قبلي رد

ركان - اي اختي

يلا يمه اتاخرنه

ام ركان - اي يمه

نور - عافه ركان ورحنه وهو ضل يباوع علينه
رجعنه للبيت مر اليوم عادي صار الليل جنت اصلي صلاة العشاء وجان يدك الموبايل خلصت صلاة اشوف منو طلع رعد جاوبته

رعد - هلا بويه ليش اتأخرتي بالرد

نور - جنت اصلي

رعد - مقبوله أن شاء الله

نور - تسلم انت شلون صرت

رعد - احسن الحمد لله بويه نور
باجر اطلع من المستشفى امر عليج نروح
نشوف خالتج اخت امج

نور - بفرحه / صدددك لكيتو عنوانها

رعد - اي قبل شوي خابروني بس مشكله

نور - بهت وجهي من هيج كال كتله
خير

رعد - كالو جانت عايشه هناك قبل 5 سنين بس هسه ماعرف موجوده او لا نروح باجر ونشوف

نور - بس انت تعبان شلون نروح

رعد - لا بويه زين الحمد لله

نور - ماشي شكراً

رعد - ادللي بويه ...........................................

__________
يقول

الحب في القلب جنون
والصمت في الحب فنون
والقلب عندما يعشق بجنون
جميع المشاعر تسير في طريق مجهول

احبك نعم بل اعشقكِ
لماذا هذا البعد بيننا
ولماذا لا نصارح بعضنا
لماذا الحزن يسكن في قلبناً

قلت لكِ انِ احبكِ
قلت لكِ انِ مجنون بكِ
قلت لكِ
انتِ
روايتي
وحكايتي
وقصتي
انتِ
حبيبتي
ومعشوقتي
وجميلتي
انتِ
وردتي
ونجمتي
واميرتي

انتِ بطلة روايتي
انتِ بطلة

خلف القضبان روح يتيمة
بقلم الكاتبه جيهان آغا _____________✍

بقلمي ✍

هذي القصيده تعبر عن البارت القادم 😌

__________

قلبييييي على اساس اليوم يكون البارت صدمه لنور لكن مالحكت اكتب اكثر  ان شاءالله البارت القادم صدمه لنور وتغير جذري لروايه

يعني احداث ناااار + بارت اليوم احداثه مو كُلش هواي لان يادوب لحكت هلكد  اكتب فَ انتظروني في البارت القادم

ولاتنسون حق تعبي

التصويت بالنجمة
تعليق بين الفقرات

حسابي انستجرام انشر
هناك كلشي يخص الرواية 👇

الان ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا