رواية خلف القضبان روح يتيمة الفصل السابع 7 - بقلم الكاتبة جيهان آغا

#خلف القضبان روح يتيمة
#بقلم اللكاتبة جيهان آغا

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي

___________________

كرم - ممكن سؤال

نور - تفضل

كرم - اتمنى تلفين حجابج زين
ماريد خصله من شعرج يطلع ومن تمشين
دوم نزلي راسج وامشي وهذا كلامي
شنو تعتبري اعتبري خوف غيره كلشي

نور - عفواً شدتحجي انت هوَ شنو الكلشي
انطاني ورقه وكال

كرم - هذا رقمي شلون وشوكت تخابريني
ماعرف شوكت ماتحبين خابريني واي شي تحتاجين اني يمج

نور - تقدم راد يمسك ايدي ابتعدت بسرعه
وشكيت الورقه وشمرتها علي وكتله

دير بالك تعيدها فهمت ابشرك جاي لشخص الغلط
و تفضل كمل طريقك وماريد اشوفك بعد

كرم - نور اني احبج

نور - لااا تخليني الم الوادم عليك
تخبلت اي اكيد تخبلت ياحب هذا

كرم - هذا جوابج لشخص يكلج احبج ؟

نور - صبرني يارب
بس فهمني ياحب هذا كله اعدهن
مرتين شايفني شبسرعه حبيتني

كرم - صدكيني الحب من يدخل القلب
مايعرف اليوم من السنه

نور - قنع روحك
واني اكول شبي اليوم نظراته لاتفسر

كرم - انطيني فرصه اثبتلج حبي فرصه وحده

نور - خويه امشي روح بس جان ناقصني انتَ
علمود تكمل وياي والله يالله يكول حب

كرم - نور

نور - اكلك روح
حجه بعصبيه

كرم - ماشي الايام بينه وخلي ابالج
انتِ الي وماتصيرين لغيررري فهمتي

نور - شدتحجي انت روح بابا روح بس هذا الجان ناقصني

كرم - اي اروح هسه سهله يصير خير

نور - راح واني مصدومه لا يانور اليوم
كله صدمات الله يستر
دكيت الباب فتحته منال

منال - ليش تأخرتي

نور - كلت بكَلبي بس جان ناقصني انتِ

ما جاوبتها دخلت جوه اشوفها محضره كلشي
من كيك وحلويات اشكال والوان

ها لازم بعدهم ماجايين

منال - بالليل يجون

نور - اخذت كيكه وكلت
والله دنيا منال التعشق الفلوس
شلون كَلبها انطه تشتري كيك وعصير

منال - اي ناس عن ناس تفرق
وذوله ناس محترمه قابل فكريين مثلكم

نور - التفتت عليها وكلت
ماكو غيرج الفكر نشوف وين راح توصلين

كامت تحجي ونسب بيه عفتها ورحت غسلت ايدي وجهي كُلش مالي خلكها رحت لغرفتي
بدلت طلعت اشوفها تحجي ويه بناتها وصايره
عصبيه

منال - اااي شكو بيها من حقي ازوج
لا
اي
تخدمني ولا يهمج
اي شكو بيها تخدم الرجال
انتِ مالج شغل فهمتي
امشي ولي طاح حضجن من بنات امشيي
ادبسزيات لسانكم شطوله

نور - سدت الخط امبين سوزان ماراضيه
اكيد لان شهد عادي يمها

اي واني الواكعه بيها شخسرانين هما
النه الله ياكَلبي النه الله
رحت صليت المغرب وحضرت العشه تعشينه
كملت الشغل وخلصت المواعين واني طالعه
من المطبخ اشوف منال
راحت تعطرت وكعدت عل تخم وتعدل بحمرتها
شوي واندك الباب

منال - انتِ هييي روحي فتحي الباب

نور - اسمي نور مو هييي

رحت لفيت شالي و فتحت الباب اشوف نسوان اربعه وثنين كبار وياهم ضلو صافنين عليه ومبتسمين وحده منهم
كالت

- بسم الله ماشاء الله بس لا انتِ الجينه نشوفها

نور - لا خاله مو اني تفضلو 

- الله يحفظج ياخاله شكد حلوه انتِ

نور - تسلمين
دخلو جوه جتي منال استقبلتهم بالحضن والبوس
والضحك عبالك جاي يخطبون بنتها مو يخطبوها عزه بعينج شكد خفيفه

رحت اني اقدم لهم مي وحده منهم كالت

- عيوني منال هاي البنيه ماشاء الله تخبل
مزوجه لو لا

نور - التفتت على منال ضاجت بس ردت عل مرأه

منال - لا كَلبي مامزوجه

- لعد اريد اخطبها لبني الجبير شلون شاب يخبل

منال - لا عيوني شنو خطب ماخطب نور ماتزوج هسه بعدها صغيره

- ليش شكد عمرها

منال - صغيره وتدرس عيوني مو مال زواج

نور - ماقبلت تكول عمري استغربت كلت راح تدفعني حتى تخلص مني بس متأكده وراها شي هاي مو خيره تكول بعدها صغيره وتدرس الله يستر من الراح يجي

كملت الضيافه واحس روحي مخنوكه

رحت للمطبخ ماطلعت كعدت حضنت رجليه
و ابجي شلون اكدر اعيش ويه رجال غريب ومنو يكول يطلع زين اااخ بويه شوف حال بنتك هاي هيَ منال الردتها ليش تزوجتها ليش ضليت ابجي
من قهري شوي وراحو وهيَ
جتي للمطبخ معصبه مسحت دموعي

منال - شعندج هيج كاشخه ليش جايين يخطبوج لو يخطبوني ست نور

نور - رفعت راسي وعيوني صايرات حمر من البجي كتلها
شتريدين مني بسسس عوفيني كافي مليت

جتي سحبتني من شعري وكالت

منال - يا ادبسز عبالج ماعرف سوالفج
بنت الفكر شلون كاشخه تردين تاخذين
الرجال مني

نور - هدي شعري كااااافي والله العظيم كلشي مامسويه بنفسي لا كاشخه ولا مصخمه
بس غسلت وجهي

منال - جذابه شوفي وجهج ابيض ثلج

نور - قل أعوذ برب الفلق بعد طكيني عين

منال - ووولج بس خلي نروح لبغداد هناك اخلص منج مو هنا صبري عليه بنت الفكوره اني اعلمج

نور - هدت شعري كتلها
حسبي الله ونعم الوكيل عليج بس هيج اكول

عفتها رحت توضيت ورحت للغرفه قفلت الباب ولبست ملابس الصلاة وفتحت القرآن كلت شوي ارتاح من التفكير قريت القرآن

واتمددت على سجادة الصلاة

اباوع لصكف الغرفه دموعي تنزل بهدوء
ا

ااخ يادموعي شوكت تنزلين بفرح وسعاده

تذكرت كلام كرم نزلن دموعي

يارب هذا منين طلعلي والله ماناقصني مشاكل
ربي تعبانه يارب مالي غيرك يارب تعبت
من كلشي يارب مستقبلي مجهول وكلتك
امري اجبر بخاطري يارب

نمت اني ودموعي التنزل عل سجادة

_
_
________
في مكان اخر

رعد - راح ركان واني مشغول
بقضية هذا المخطوف شوي واجاني
اتصال اشوف هذا عمران استغربت شيريد اول ما رديت اجاني صوت ضحكه

عمران - هههههههه

رعد - خير ولو الخير عمره مايجي منك

عمران - هههه اي بس شلوني اهدد وانفذ مو

رعد - شنو قصدك

عمران - تعرف كُلش زين شنو قصدي كتلك
لاتخليني اخليك براسي ترا ابوي ماعرفه

رعد - صفنت شوي معقوله عمران وره حريق
المجمع كتله

بس لا انت وره هاي الدكه الناقصه

عمران - هههه ابني عمران كول وفعل

رعد - من هيج كال كوه لزمت اعصابي

اااسمع لك دير بالك مره ثاني تكلي ابني
سوايتك العدو مايسويها سهله ياعمران احسب حسابك اردها الك اقوى ورب الكعبه

عمران - ههههه الظاهر نسيت عمران يخوف ما يخاف شنو تسوي روح سوي بس شلوني كول وفعل

رعد - هههه اوعدك وعد وتذكره كُلش زين
اذا مااحركم حرك مااسمي النقيب رعد

عمران - نصيحه لاتلعب بالنار مرات النار تحرك صاحبها

رعد - خاف مني ولا تخاف عليه وربك ياعمران لخليك تندم الأيام بينا ونشوف

عمران - اسمع لك
هذا جان تحذير كُلش بسيط
اذا اشوفك مره ثاني متقرب شبر واحد من شغلنه
راح تشوف شي ثاني صدكني وتعرف نبهتك
لان ماريد تدخل سوالف اكبر منك وانت بكيفك

رعد - انت شنو من بشر بس كلي

عمران - مو شغلك والزم حدك ابقى ابوك

رعد - ههههه عمران ياعمران لا اضحكني
لا شو مو ابوي ولا راح تكون بيوم من الأيام

تذكر بيني وبينك شي واحد فقط وهوَ
نار الإنتقام

عمران - ديربالك على نفسك ماوصيك

رعد - دير بالك على شغلك ملاحظه صغيره
اي شي يصير لاتستغرب كلشي توقع ماوصيك

عمران - جيد

رعد - سد الخط غمضت عيوني واني اذكر كلامه
طلعت انت ياحقير ورا هاي السالفه سهله سهله
تكسر استكان الجاي بيدي من العصبيه اااااااخ
وووولك عمران ويامن اندكيت ااااني اعلمكم اللعب على اصوله يااااحقير ياااانذل اااني هيج تسوي
بيه ااني ووولك اله احركم حرك صبرو عليه

صدفه دخل
منتسب من شافني هيج عصبي توتر وعيونه على ايدي التنزف دم

- احترامي سيدي
سيدي ايدك تنزف

رعد - بسررررعه كلي شتريد

- حاضر سيدي
المقدم سلام يريدك بغرفة الاجتماع اليوم
بالليل يتم تنفيذ العمليه

رعد - ياعمليه منهم اها الي بدوله الخاطفي

- اي سيدي

رعد - ماشي تعال نظف هنا اروح اغسل ايدي وجاي

- حاضر سيدي

رعد - رحت اغسل ايدي كله
دم وكزاز داخل جوه الجلد
غسلته بسرعه ولفيته بكلانكس
غسلت وجهي عدلت شواربي
ورحت لغرفة الاجتماع

دكيت الباب

المقدم سلام - ادخل

رعد - نعم سيدي

رحت كعدت بمكاني وكل الضباط والقاطع
يلي راح يتواجد بالعملية متواجدين

المقدم سلام - النقيب رعد

رعد - نعم سيدي

المقدم سلام - تعال اشرح الخطه وضيف اقتراحات العندك

رعد - حاضر سيدي

رحت وكفت يم الخريطه المحددين مكان
العمليه وبديت اشرح

بسم الله الرحمن الرحيم
نحنُ اليوم كلفنا بواجب تنفيذ القاء القبض
على مجموعة عناصر ارهابيه يلي اريده
من عندكم الحيطه والحذر و الانتباه الشديد
أثناء تنفيذ الواجب وتنفذون الواجب بكل
احترافيه ومثل ما ادربتو والان نبدي
بشرح الخطه الراح نمشي عليها

بديت اضيف اقتراحات تسهل علينا
العمليه ونطلع بخسأر اقل
والمقدم ايدني خلصنا واشرلي المقدم
انو نبدي تجهيزات العمليه بديت مثل كل
مره احفز بال القاطع يلي راح يرافقنا في العمليه

ياابطال علو الهمه العمليه من اسهل العمليات الناجحين بيها وبعدين احنا Swat العراق
ماكو شي يصعب علينا الكل يستعد

الكل - حاضر سيدي

رعد - راحو كلهم واني اخذت الأوراق اجه يمي المقدم سلام خله ايده على كتفي وكال

المقدم سلام - اني جداً فخور بيك يارعد
انت الوحيد العندي ثقه بشغله ومتاكد راح تنجح العمليه دامك انت القائد بيها

رعد - سيدي يسعدني كلامك وثقتك بيه
ان شاءالله نرجع واحنا منصورين ومايكون
خاطرك الاطيب

المقدم سلام - كلي ثقه بكلامك يارعد

يلا روح كمل باقي الاستعدادات

رعد - حاضر سيدي
ضربتله التحيه وطلعت
لبست الملابس وأدوات الواجب الخارجي
والأسلحه اجه ركان

ركان - اكلك رعد

رعد - كول

ركان - العدو مو سهل
واحسب حسابك مو قليلين

رعد - خليها عليها اله اسحل بيهم المركز ورب الكعبه

ركان - هههه اذا هيج سهله

رعد - اي اضحك اليوم نحركهم حرك
شنو ماراح تجي

ركان - طبعاً اجي بس جيت اشوف معنوياتك

رعد - 10 على 10 لا تخاف

ركان - هههه من يوم يومك ياخي انت ماتتعب

رعد - والله اليوم اكو نار بكَلبي من حسن الحظ
استلمت العمليه اليوم اسحلهم سحل امسح بيهم المركز ادكهم دك وكول رعد ما كال

ركان - هلا هلا كفو على كولتك نحركهم حرك

رعد - اي لازم
يلا تعال نشوف الشباب وين وصلو

ركان - اي يلا

رعد - رحت كلهم جاهزين بس ننتظر البرقيه
من العمليات المشتركه ينطون اذن ونتحرك
ولعة سيجاره انتظر البرقية على نار
شوي واجه ضابط بيده البرقيه ضربلي التحيه
وكال

- احترامي سيدي هذي برقية الموافقه

رعد - قراءة البرقيه وافقو
بارك الله بيكم

ذبيت السجاره وصفكت بيدي لميتهم
شباب تعالووو

الكل - نعم سيدي

رعد - اليوم نحركهم حرك واعرف انتو كدها
جاهزين

الكل - نعم سيدي

رعد - اذن توكلنا على الله

طلعنا ضياء الاول (ساعات الفجر الأولى )

متجهين لماكن العمليه وصلنا ومشينا حسب الخطه وبعد ساعات من الاشتباكات بينا وبينهم
نجحنه بالعملية بعض منهم ماتو وبعض منهم
سحلناهم للمركز وحررنه المسؤول المختطف

رجعنا واني فرحان بنجاح العمليه دون خسائر جنت حاط احتمال خسائر لكن اقل بس ماتوقعت بدون خسائر نطلع توجهنا نحو المركز اول ماوصلنا نزلو
المجرمين مغطين عيونهم مسكت راسهم الجبير
وصدك سحلت بي المركز سحل توجهنه لغرفت التحقيق كعدت عل كرسي ولعة سيجاره ادخن بهدوء واناظر المتهم اشرت على ركان يشيل الغطه من عيونه شاله وهذا اول ماشافني اخترع

- سيدي فدوه اروحلك اني مالي شغل
بس عوفوني

رعد - هههه ليش خايف بعدني كلشي مامسويلك
تلحك على خوفك والله تلحك

ركان

ركان - نعم

رعد - روح حقق ويه البقيه اريد اليوم
صوت تعذيبهم يهز المقر كله فهمت
وهذا بقي عليه

ركان - ههههه ياخي صدك على كولت المقدم سلام اسد الجهاز انت

رعد - اخذت نفس من السيجاره وكتله
مو كتلك نحركهم حرك

ركان - هههه عمي والله انتَ كول وفعل
كفو منك اسد الجهاز ماعليك عتب

رعد - اي طبعاً المهم
روح كمل التحقيق وياهم وخليني ويه ضيفنه اشوف شلون اضيفه لازم نهتم بي

ركان - الله يساعد اليوكع جوه ايدك
هههه يلا شوف شغلك

رعد - راح ركان اباوع هذا عود راسهم الجبير
ميت خوف

شبيك هيج شكلي يخوف

- س س سيدي اني مالي شغل

رعد - اخذت نفس من السيجاره وكتله
اي انت وينك وين هاي السوالف صدكتك

- س س سيدي عندي جهال فدوه لطولك
مالي شغل اني حالي حالكم

رعد - تخسي تشبه روحك بينه ولك تروح
فدوه لتراب بسطالنه

شوف عندي كومه شغل فا لا اتعبني بسرعه
احجيلي كُلشي بالتفصيل الممل

-

رعد - احجي شنو خرسيت

- م م ماعرف شي

رعد - شكلك تحب اضيفك بطريقتي ماشي
ماعندي مانع 
كمت وطفيت السيجاره بيده

- اااااااخ

رعد - ههههه ورب الكعبه اليوم اربيك واعلملك
ال اخ شلون تكون
ضربته بوكس  طك خشمه دم

- ااااااااخ

رعد - تحجي لو لا

- م م ماعرف شي

رعد - ماشي اني هسه اعرفك
مسكته من ياخته وضربته كله طك راسه دم
وكع في الأرض شغلت سيجاره ثانيه
بكل هدوء  وخليت بسطالي على معصم ايده

تحجي لو لا

- اااااخ لك انت مخبل شلون هيج تحقق ويايه
اله ارفع عليك قضيه وووووينكم جايبيلي مخبل
يحقق وياي

رعد -  هو كال مخبل واني فقدت
هاي الكلمه بذات اكرها من صغري وكلما اسمع
شخص يكلي هيج من صدك اتخبل علي وماشوف
شي كدامي حاولت قدر الإمكان اتحكم
بأعصابي

اعلمك المخبل شيسوي
مشيت على ايده وصوت اصابعه تكركط جوه
بسطالي اطفئة السيجاره الثاني بيده
وكومته وضربته كله ثانيه  ولهنا فقدت خلص ماكدر اتحكم بأعصابي اكثر ونزلت علي
بوكس وضرب فقدت

ياحقيرر كتلك اااحجي ليش ماتحجي

- ووووووينكم اااااخ 

رعد - شوهة وجها بالدم والبوكسات ماحسيت
كدامي بشر شفته كدامي  عدو وبس ماحس غير ركان والمنتسبين طلعو من جوه ايدي واني فاقد من الأعصاب

ركان - ررررعد شبيك تخبلت

رعد - عووووفني احقق ويا هذا النذل اليوم اربي

ركان - انتو اخذو لغرفه الثانيه اني احقق ويا

- حاضر سيدي

رعد - ركااان لا تدخل  عوفه اني احقق ويا

ركان - ورب الكعبه ماتحقق ويا شوف روحك
شبيك اهده ليش هيج عصبي تريده يموت
جوه ايدك وتبتلي بي

رعد - المتهم متهمي واني حررررر بي

ركان - ولك ياحر لا تخبلني اهد شبيك 
مسوي وجه الرجال خريطه هو هيج
التحقيق يكون شبيك رعد

رعد - طلعت من الغرفه رحت لمكتبي
دخل ركان بيده بطل مي

ركان - هاك 24 ساعه اعصاب
عمي الله يساعد اهلك ويلي التاخذك

رعد - لا تزامط 

ركان - ههههه لا والله ما ازامط بس ياخي دومك
عصبي مو زين على صحتك

رحت يم المقدم سلام

رعد - اووو ولا رحت يما هذا الحقير
بقه بيه عقل

ركان - هههههه هو وين عقلك عايفه بالملا.هي

رعد - انجب عكروك ليش صرت مثلك

ركان - ههههه افا عليك اني عكروك ولك تروحلي
فدوه

رعد -  روح كمل التحقيق
ويه هذا الحقير اريد صوت صريخه يهز المقر هز
ماوصيك

ركان - هو شبقه من الرجال هههه ماشي يابه
يدلل النقيب رعد بعد امر خدمه

رعد - لا تسلم

ركان - يلا ضلعي اروح اني

رعد - اي روح

راح ركان واني احس روحي معلعلة
كُلش ومالي خلك شي كوه كمت رحت دكيت باب غرفة المقدم

المقدم سلام - اتفضل

رعد - احترامي سيدي

المقدم - هلا بأسد الجهاز رفعت راسي اليوم

رعد - راسك دوم مرفوع سيدي ما عاش الينزل راسك

المقدم سلام - رعد اتمنى منك دوم تبقى على هذا الحماس والإبداع واتقان عملك بأحتراف

رعد - لاتوصي حريص سيدي

المقدم سلام - بارك الله بيكم ابطال
حققتو ويه المتهمين

رعد - نعم سيدي جاري التحققي

العقيد سلام - بارك الله بيكم

تفضل اخذ راحتك اكيد تعبان

رعد - التعب فدوه لتراب العراق

المقدم سلام - كفو منكم سباع ولد سباع

وحسب العرفته من الرائد يحيى كانت الاشتباكات بينكم عنيفه ومع ذالك طلعتو من دون خسائر

رعد - صح سيدي مشينه حسب الخطه
والتوفيق من رب العالمين

المقدم - بارك الله بيك وبيهم
اتفضل روح كمل شغلك

رعد - تسلم سيدي ماشي
ضربتله التحيه وطلعت للمكت تعبان كُلش
ولعة سيجاره اشوف الساعة 9 الصبح خابرت امي دك شوي وردت

جوان - هلا يابعد حيلي هلا يابعد روحي هلا يمه شلونك

رعد - هلا بيج يالغاليه اني زين اذا انتِ زينه

جوان - عساك دوم زين يابعد عمري

رعد - بتول وتبارك والولد شلونهم

جوان - كلهم بخير يايمه ويسلمون عليك
انت شلونك يايمه

رعد - بخير

جوان - ليش صوتك تعبان يايمه خاف مريض

رعد - لا حبيبه بس تعبان من الشغل
لا يضل بالج يمه داتاخذين الأدوية بأنتظام

جوان - اي والله يايمه

رعد - موصي بتول اديربالهَ عليج بس لا مقصره وياج

جوان - لا والله يايمه محد مقصر وياي بس يمه بالي يمك فدوه احجي الصدك شلون الوضع يمكم

رعد - نشكر الله ونحمده كُلش زين

جوان - الف الحمد لله والشكر يايمه
الله يحميكم يايمه

رعد - بعد روحي
يلا يمه لازم اروح دير بالج على نفسج

جوان - وانت هم يمه دير بالك على نفسك فدوه اروحلك امي انتَ

رعد - حاضر تدللين
في امان الله

جوان - الله وياك حبيبي
سديته ورفعت ايدي لسماء
يارب احفظلي ابني من كل شر يارب

بتول - اشوفه تدعي لرعد ودموعها تنزل

ها يمه ليش تبجين شلونه رعد

جوان - اااخ هوَ يكول زين بس
احسه تعبان

بتول - اي يمه غير شغلهم كله تعب بتعب
شي اكيد يكون تعبان

جوان - اي الحمد لله على كل شيء
يمه بتول لاتكولين لى ابوج حجينه ويه رعد

بتول - ليش يمه

جوان - ابوج مادري شجاه ويه اخوج
مايتحمل يسمع اسمه انوب انكله حجينه ويا
يسويلنه سالفه

بتول - يمه بس لو اعرف رعد وابوي ليش هيج
ابوي يحبنا وحنين ويانه كلنا بس ويه رعد لا
مومثلنه  فدوه احجيلي اكو شي احنا مانعرفه

اشوف امي توترت من توترها عرفت اكو شي
ميحبون نعرفه وغيرت الموضوع

جوان - مو وكت هاي السوالف روحي شوفي
تيلا شطابخه اليوم بيت خالتج سعديه يجون يمنا
عل غده

بتول - صدك منو يجيبهم

جوان - عبد العزيز

بتول - اممم خوش هلا بيهم

رحت اشوف تيلا

نزلت تبارك بيدها الموبايل

اكلج تبو ليش ماتجين تساعدينا ماتملين من الموبايل

تبارك - وليش اشتغل وعندنا خدم

بتول - يااا شبيج واذا هم على كد حالنا عندنا شغل

تبارك - هسه شرايده

بتول - تعالي سوي المقبلات وياي اليوم الغده
مشويات بيت خالتي يجون

تبارك - ياخاله

بتول - خاله سعديه

تبارك - امم كلهم لو بس هيَ

بتول - حسب يلي عرفته كلهم

تبارك - يلا اغسل ايدي واجي اساعدج

بتول - ماشي حبيبتي
بعدني ماداخله المطبخ وجان
يدك موبايل امي عايفته عل ميز شفت هذا ابوي
اول ما جاوبته اشو هذا صاير عصبي والصدمني
كلامه

عمران - سسسمعي لج هذا رعد موته على ايدي..................................

_
_
___________

أنـعِــمْ بـنـصـرِكَ لـلـحَــزانـى فرحة  عِـــيــداً

وبـيـوم ِ زحـفِــكَ مـَجـدَنـا مـوعـوداً

جَـهِّـزْ لـهـمْ يا ابـنَ الـعـراق ِ  نار جـهـنـَّماً

وأقِـــمْ لــهـــمْ من اللهيبي أخــدوداً

واجْرفْ بمكنـسةِ الـرّصـاص ِ قِـمامةً

بــشـــريَّــة ً من الإرهابي لا تــســـتــحــقُّ وُجــوداً

خـذهـا من سِـلاحِـكَ بعـدما

جـعـلـوا بــيـوتَ الآمـنـيــن لـُـحُـوداً

إنْ لم تـكـنْ نارا ُ يُـخـافُ لـهـيـبُـهــا

فــلــنـار مـوقِــدِهــم غـدوتَ وُقــوداً

ما دامَ أنَّ الـمـوتَ حَـتـْـمٌ فـاقـتـحِـمْ

مَــيــدانـَهُ حـتـى تــقــومَ شــهــيــداً

____

اكو سر غامض بالرواية شنو تتوقعون يكون
هذا السر ؟

الغموض والتشويق اساس روايتنه الحلوه
وبدينا ندخل عالمهم الخاص شوي شوي

لا تنسون التصويت بالنجمة وتعليق بين الفقرات وتفاعلكم مع الرواية على تفاعلكم ينزل البارت
يوميه او بين يوم ويوم وحسب الظروف بنهاية

حسابي انستجرام
انشر هناك كلشي يخص الرواية 👇

وحسابي واتباد تابعوني حتى يصلكم كل جديد

Jehan-Stories

والان ياحلوين ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا