رواية خلف القضبان روح يتيمة الفصل الثامن 8 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

قراءة ممتعة ياقلبي
_______________

تبارك - وليش اشتغل وعندنا خدم

بتول - يااا شبيج واذا هم على كد حالنا عندنا شغل

تبارك - هسه شرايده

بتول - تعالي سوي المقبلات وياي اليوم الغده
مشويات وطبخ  بيت خالتي يجون

تبارك - ياخاله

بتول - خاله سعديه

تبارك - امم كلهم لو بس هيَ

بتول - حسب يلي عرفته كلهم

تبارك - يلا اغسل ايدي واجي اساعدج

بتول - ماشي حبيبتي
دك موبايل امي عايفته عل ميز شفت هذا ابوي
اول ما جاوبته اشو هذا صاير عصبي والصدمني
كلامه

عمران - سسسمعي لج هذا رعد موته على ايدي

بتول - بصدمه
ش شنوو بويه شبيك شصاير

عمران - الو منو وياي شنو مخربط بالرقم

بتول - سده بسرعه
رجعت خابرته مارد بقيت بحيره شنو جان يقصد
خفت رحت اشوف امي وين راحت
يمه وينج يمه

طلعت للحديقة شفتها هناك تحجي ويه الحراس
يمه انتِ هنا واني ادور عليج

جوان - اي يمه جيت اشوف الحديقه يرادلهَ اهتمام
ليش هامليها

بتول - اكلج يمه ابوي خابر

جوان - اي شكال

بتول - هو هنا الصدمه

جوان - شصاير احجي

بتول - كتلها يلي سمعته شو امي توترت بين
عليه الخوف

جوان - لا متوهمه بال اسم

بتول - لا والله كال رعد سمعته

جوان - يشاقه لا تهتمين وهسه روحي شوفي تيلا وين وصلت بالطبخ يلا بنيتي روحي

بتول - بس

جوان - كلت روحي

بتول - برطمت كتلها
حاضر
رحت للمطبخ اشوف تيلا وتبارك يطبخون

تبارك - ها خاتون وينج عفتيني وحدي اطبخ

بتول - لا هسه اسوي المقبلات

تبارك - يلا بسرعه لا تتأخرين

بتول - ماشي بس اروح اجيب الموبايل واجي

رحت جبت الموبايل وكتبت عل يوتيوب
مقبلات مطاعم حبيت هاي المره اني اجرب واطلع مهاراتي ما اوصي من برا ضليت اقلب باليوتيوب
جذبني شكل واحد من الفيديوهات بي اكثر من 4 انواع مقبلات حضرت المواد وشغلت المقطع
والشيف شنو يسوي اسوي مثله سويت

سلطة الباذنجانيه
سلطة الشونذر
سلطة التبوله
سلطة الرمانيه
وحمص بطحينه كُلش احبه خلصت ورتبتهم

امممح ليدي الحلوه فديتني شكد مبدعه
التفتت علي تبارك تضحك

تبارك - هههه الله يستر من الطعم

بتول - يااا خوش تحفزون انتو

تبارك - وين باقي الولد

بتول - حيدر هسه يجي واحمد عزه عزه احمد

تبارك - شبي ولج

بتول - احمد من البارحه ما شايفته عزه بعينه
وين يديح هذا الولد ماعرف

تبارك - شو خابري شوفي وينه

بتول - اي لحظه
رحت غسلت ايدي
خابرته دك مره مرتين الثالثه رد

احمد - هلا بتيل الكهرباء

بتول - هلا باحمد ابو النسوان

احمد - افا عليج يعني يلي اسمه احمد ليش
هيج طالعه صيته بالموزين احنا فقره يمعودين
شبيكم هههه

بتول - كُلش يابعد خيتك وينك مختفي

احمد - بالكليه طايح حظ جدي

بتول - هههه ليش جدي

احمد - مو حظي طايح من زمان تحول على حظ جدي

بتول - ههههه هسه عوف جدي المسكين وكلي
وينك من البارحه ماكو لا اني ولا تبو شفناك

احمد - اشتعلو عشيرتي بدرس الكَمل ترس راسي
من التفكري

بتول - يااا انوب كَمل هههههه عزه بعينك شكد تحجي

احمد - اي مو يكولون ماعندي مجال احك
راسي هاي اني غير من الكَمل ينحك الراس

بتول - هههه وربي ماتبطل سوالفك التعبانه مثلك

تحمل حبيبي تحمل كلها تصير ذكريات
المهم لا تتأخر اليوم بيت خالتي يجون

احمد - سعديه لو حمديه لو نوريه

بتول - هههه عزه بعينك منو ذوله

احمد - ذوله على نفس القافيه

بتول - هههه اخ منك ومن سوالفك لا تتأخر
محضرتلكم شلون مقبلات اجنن اتموت

احمد - لا بعد اخوج ماريد اموت بعدني
مامكحل عيني بشهادتي بشنو طالبتني

بتول - ياااا هيج يعني دروح انت الخسران

احمد - هههه اي غير الصراحه راحه شبيج

بتول - من هيج كال تذكرت سالفة ابوي
طلعت من المطبخ ونصيت صوتي كتله

اكلك احمد من ترجع بالبيت عندي وياك موضوع

احمد - بس لا تطلبين فلوس ماعندي

بتول - من طاح حظك شكد فكر نايم عل فلوس وتصيح ماعندي

احمد - راحن الفلوس من وره عينج القناص

بتول - هههه تروح فدوه لعيوني فهمت

هسه مو وكت هاي السوالف والله موضوع جدي مو شقه

احمد - جدي شجابه بالنص بس لا يريد يزوج ترا رجله بالكبر عيب علي

بتول - يبوووو الغباء يبووو ولك انت ليش هيج ملطلط بس كلي اسمع من ترجع نحجي وهسه يلا روح اريد اكمل شغلي

احمد - ماشي خويه

بتول - راح واني اضحك على سوالفه
احمد اكثر واحد كوميدي بينا وسيف
ايضاً كوميدي لكن مو مثل احمد  رحت للمطبخ
اكمل اللمسة الاخيره على كولتهم وهسه كلشي تمام

تبارك - ها وينه ابو النسوان

بتول - هههه يكول احنا فقره ليش طالع صيتنه بالموزين

تبارك - اي كُلش فقره

بتول - بالكليه بعده ويكول مشغول بالدرس

تبارك - خوش ان شاءالله بالدرس ولا غير شي

بتول - اي تبارك اروح اسبح كملي الباقي ويه تيلا

تبارك - اي بس لا تتأخرين خاف يجون

بتول - لا بسرعه اخلص
صعدت فوك لغرفتي
رحت سبحت ورتبت نفسي اندك الباب
تفضل

احمد - ها تلوش

بتول - يا هلا ياهلا تعال
دخل كعد عل سرير كعدت يما كتله
احمد ركز بكلامي

احمد - اي دحجي شنو السالفه

بتول - اكو شي واحنا مانعرفه بين ابويه ورعد

احمد - اي والله اني هم حسيت

بتول - رعد يحب امي ويحبنا كلنا بس مايحب ابوي وابوي زين ويه كلنا بس ويه رعد دوم يسمعه
كلام  ويكسر بي كدامنه

احمد - خويه لا تنسين رعد كُلش عنيد مايسمع
كلام احد

بتول - لا هذا مو عذر اكو شي ثاني

احمد - شلون نعرف

بتول - ماكو غير امي

احمد - ههه تخبلتي

بتول - لا بعدني

احمد - امي من وره ابوي وين تكدر تحجي

بتول - لعد شنسوي

احمد - خلي رعد يرجع ونشوف شنسوي

بتول - تعرف مشتاكه لرعد

احمد - اني هم شو خلي نخابره
نشوف شوكت يرجع

بتول - اي اي فدوه خابره

خابره احمد شوي ورد فتح مكبر الصوت

رعد - هلا بحمود

احمد - هلا بأخوي شلونك شخبارك

رعد - شغل بشغل انتو شخباركم شكو ماكو

احمد - ماكو شي اليوم بيت خالتي سعديه يجون

رعد - اي  هلا بيهم بس كول لبتول خلي تقفل باب غرفتي وتخلي المفتاح يمها

احمد - حاضر وهيَ يمي تسمعك
اكلك رعد شوكت تنزل

رعد - فد4 ايام ليش

احمد - مفتقديك ياخوي البيت بدونك مدري شلونه

رعد - ههه لوتي الله يعلم شتريد مني

احمد - هههه لا يمعود مايصير اشتاك لخويه

رعد - يصير ليش مايصير شلونك بدراسه

احمد - زين عليك طالع وان شاءالله مثلك
اطلع الأول من اول سنه

رعد - عفيه هيج اريدك

بتول - جيب احجي ويا
اخذت الموبايل من احمد وحجيت ويا
رعود شلونك خوي شخبارك

رعد - هلا تلوش شلونج خويه

بتول - كُلش زينه خويه فدوه اروحلك
شلونك انتَ اخبارك

رعد - اني بخير بعد اخوج

بتول - عساك دوم يابعد عمري
خويه عادي اطلب منك طلب

رعد - اي اكيد

بتول - دير بالك على نفسك فدوه اروحلك

رعد - هههه حاضر تدللين

بتول - يابعد كَلبي مايدلل عليك ظالم

رعد - يلا بعد اخوج اروح اكمل شغل
في امان الله

بتول - ماشي خويه مع السلامة
سد الخط التفتت على احمد
اكلك يمكن نسأل رعد

احمد - اني اشهد تخبلتي رسمي

بتول - دنجب لا صرت مثلك
اندك الباب

اتفضل

تيلا - ماما كبير تكول تعال اجاك ضيوف

احمد - استلمي خلي نروح نضحك ويه سعديه
سعوده

بتول - اي والله هههه

نزلنه وبيت خالتي كلهم جايين سلمت عليهم
كعدت يم امي وكل شوي نضحك على سوالف خالتي كلما التفتت اشوف رنكين بتها بيدها
الموبايل ورافعه خشمها مدري شبيها الحمد
لله والشكر على شنو شايفه نفسها

التفتت اشوف عبد العزيز ابنها الجبير
يباوعلي ويبتسم

شبيهم ذوله توترت ماعرف ليش كمت للمطبخ اشوف تيلا
ها خلصتي

تيلا - اي ماما خلص

بتول - ماشي روحي صيحي تبو خلي تجي
تساعدنا نرتب السفره

تيلا - حاضر ماما

بتول - واني اطلع الكلاصات سمعت صوته
التفتت اشوف واكف وراي توترت كال

عبدالعزيز - اساعدج

بتول - ها لا لا هسه تبو تجي

عبدالعزيز - شلونج صارلي هواي ماشايفيج

بتول - الحمد لله عايشين
اني هم صارلي هواي ماشايفتك

عبدالعزيز - اي صح اني قليل اتواجد
بالبيت دوم مسافر اي شلون الدراسه وياج صعب سهل

بتول - يعني زين

عبدالعزيز - يمكن انتِ خامس علمي صح

بتول - اي

عبدالعزيز - تابعيني عل فيس بوك او الانستا
واي شي ماعرفتي فتحيل كام وادرسج

بتول - شكراً بس اخوي رعد مامقصر دخلني دورات تقويه

عبدالعزيز - خوش رعد وينه

بتول - ملتحق

يلا تعال نروح هسه تيلا اجيب الباقي

عبدالعزيز - ماشي

بتول - راح واني اخذت الكلاصات ورحت
ارتب السفره

تبارك - اكلج وينه ابوي

بتول - ماعرف
خابري شوفي وين صار تأخر

تبارك - اي لحظه

بتول - راحت تبارك تخابره واني خلصت الترتيب

تبارك - خابرته كال هسه اجي

بتول - ماشي رحنه كلنا كعدن على طاولة الطعام ننتظر ابوي شوي واجه هو وحيدر وسيف كلنا جنا ملتمين ونضحك على سوالف خالتي وجان امي
تكول

جوان - لو رعد هنا جان كملت لمتنه

سعديه - اي والله ياخيه
سوده عليه رعيد فدوه لطوله وين اكو منه

جوان - والله خيه حنين كُلش

سعديه - تعلميني بي ياخيه مواقف رعد ويانه
عمري ما انساها الله يحفظه ويرزقه الزوجه الصالحه والذريه الصالحه صدك جوان شوكت
تزوجي مو كافي كمل دراسه وكبر  وصارلج احلى ضابط وشحلاته

جوان - اتمنى  والله بس هو معند راسه يابس
ماتعرفي بس ماجوز منا من يرجع احاول اقنعه مره ثانيه

سعديه - هذا مثل بنيتي رنكين والله مال
نخطبهم لبعض شكلتي هههه

بتول - غصيت باللكمه عزه بس باقي
غرور وتكبر رنكين علينه التفتت على رنكين
اشوفها خجلت عشتو شلون حركات لا بالله مو خوش شغله

جوان - ليش الكه احسن من رنكين لو
بيدي اليوم قبل باجر اخليها چنه ابيتي
بس غير ابني راسه يابس

سعديه - خيه حاولي ويا بلكت يقبل

جوان - ان شاءالله اتمنى والله

بتول - اشوف ابوي ضاج من سمع اسم رعد
وكلامهم علي التفتت على احمد اشرتله يشوف تعابير وجه ابوي غيرت الموضوع

اي خاله شلونها المقبلات ترا اني سويته
مو مال مطاعم

سعديه - فدوه اروحلج غير يخبل مثلج
عاشت ايدج يمه

بتول - حبيبتي الف عافيه

_
_
_______
في مكان اخر

نور - مر يومين دك الموبايل مالها اني جنت بالمطبخ جاوبت وهاي الضحكه شكت حلكها

منال - هلا اي صدك بيها الخير هههه الله يبارك
بيكم اي شنو ها صدك يدلل لا اصلاً اني جنت ناويه ابيعه اي شسوي هنا ها اي صح تمام يدلل انتظركم
هلا بيكم مع السلامة

نور - ها شو فرحانه

منال - عابت وجهج فكر اخاف احجي وتفكريني

نور - هسه شرد عليج

منال - شحدج ترادديني
حضري نفسج باجر الشيخ يجي نعقد

نور - شنوو ليش مستعجله

منال - وانتِ شعليج بكيفي بس هذا الباقي
تتحكمين بحياتي

وها راح ابيع البيت

نور - بصدمه /
ليششش

منال - وجع بكَلبج شكد تسألين
ابيعه ماريده وبعدين سهيل يريد نشتري بيت ابغداد

نور - واني وين اولي

منال - تولين ويانه

نور - اني مو عندي حصه بالبيت انطيني حصتي
ماروح وياكم

منال - انتِ هيييي شو لسانج طولان تحلمين
بيوم من الأيام تاخذين حصتج فهمتي

نور - شنو من كَلب عندج شلون اعيش ويه رجال ماعرفه ولا يعرفني ماتخافين انتِ

منال - عادي شكو بيها اخاف عل رجال منج
مو عليج

نور - شنووو قصدج ثمني كلامج قبل لا تحجين

منال - تعرفين شنو لو ما فرحانه جان دفنتج
بيدي بس اليوم ما اعكر مزاجي بوحده مثلج
ويلااا كملي الطبخ بلا حجي زايد

نور - ماجاوبتها راحت لسوك واني بقيت وحدي
ابجي على حالي شراح يصير بيه ماعرف ليش خايفه من هذا الزواج مو بيدي كُلش خايفه
يارب مالي غيرك وحدك تعلم بحالي

كمت اكمل الشغل رجعت من السوك شايله
كومه كراتين ماعرف شنو بيهن خابرت
سوزان عليها وكامت تحجي على امها ما راضيه
تزوج بس امها ولا هتمت وكالت ازوج وغصباً عنكم وهذا حقي اما شهد فرحانه على فرح امها
وحتى كالت بس تروحون لبغداد احنا هم نأجر
بيت يمكم مانبقى بالموصل

كلت بكَلبي بس هذا الباقي اتحمل انوب شهد
خلص اليوم مثل باقي الايام ومارحت للمدرسه مالحك من وره شغل البيت ومنال تقبل يوم وعشره ماتقبل والقهر ياكل باكَلبي اكل

صار الصبح اسمع صوت اغاني فتحت عيوني عبالي حلم لا والله مو حلم الصوت قريب كمت غسلت وجهي وعدلت شعري رحت اشوف من وين هذا الصوت

اشوف منال كاعده تتمكيج ومشغله اغاني وتهز
بيده ويه الاغنيه كلت

الحمد لله والشكر العقل زينه

منال - موتي قهر

نور - اني اموت قهر على شنو بالله عليج
على شنو اموت

منال - كون هيج تموتين واخلص منج

نور - ماجاوبتها رحت احضرلي ريوك شوي واندك
الباب

منال - روحي شوفي منو

نور - لفيت الحجاب ورحت افتح الباب
اشوف رجال لابس دشداشه بيضاء وعنده
كرش وعيونه مو راحه من النوع الياكل الواحد بنظراته توترت وكلت

تفضل عمو منو رايد
هذا ضل صافن عليه وكصني كص بعيوني
خفت منه كال

سهيل - اريد منال

نور - ماشي بس منو انت

سهيل - سهيل خطيبها

نور - فتحت كل عيوني معقوله هذا هوَ
صخام الصخمني هذا چنه ارها.بي
بلعت ريكي ورحت صحتها راحت تشوفه
واني رحت للمطبخ اباوع من الشباك عليهم
دخلته جوه وصاحت

منال - نووور وينج

نور - ماجاوبتها سويت روحي ماسمعت
شوي وجتي

منال - بنت الفكوره مو اصيحج ليش ما اجاوبين

نور - مشغوله بشغل

منال - جيبي جاي الي و ال سهيل

نور - خوش
راحت واني حضرت الجاي رحت اودي
لفيت الحجاب زين دكيت الباب

منال - تعالي

نور - خليت الجاي بسرعه وطلعت للمطبخ
صار الليل اجه الشيخ وعقدو وماعرف
ليش هيج مستعجلين اول مره اشوف
هيج عقد زواج سريع ماعرف شنو سالفتهم

واني رحت لغرفتي ابجي على حالي
هذا الرجال يخوف والقهر راح يعيش ويانه
ماطلعت من غرفتي يومها ضليت ابجي وادعي
قفلت الباب ونمت صار الصبح
وصوت ضحك منال تارس البيت ويه زوجها

طلعت ملابس ورحت اسبح احس روحي تعبانه
اليوم ومالي خلك اول مافتحت الباب كامت تشمر
عليه كلام ماهتميت وزوجها كل شوي يباوع عليه ويضحك عفتهم ورحت سبحت ولبست دشداشه عريضه ولفيت حجابي وكملت الشغل

اسمع كلامها وكلام زوجها يكول

سهيل - اليوم راح يجي الرجال يشوف البيت

منال - اي حبيبي خلي يجي

سهيل - اسبوع الجاي لازم نروح لبغداد

منال - ليش مستعجل

سهيل - لكيت شغل هناك ماريد نتأخر

منال - ماشي انت فصل واحنا نلبس يانظر عيني

سهيل - وبنت زوجج شلون

منال - مالك شغل بيها بس نروح هناك
نخلص منها

سهيل - خوش

نور - اسمع كلامهم ودموعي تنزل
شنو راح تسوي بيه وين عمامي خوالي
محد بحالي ربي مالي غيرك ربي اكفني شر
منال يارب

مر يومين بين الشغل والدراسه
وكلام منال المسموم
وهذا زوجها لازك بالبيت مايطلع حتى ماخذ راحتي
من اشتغل اجه العصر رجال شاف البيت
واقتنع بي وكال منا لمدة أسبوع فرغو البيت

________
في مكان اخر

< بعد مرور يومين >

رعد - جنت ارتب الأوراق دخل ركان

ركان - هلا بضلع

رعد - هلا بيك

ركان - اليوم ننزل تعبنه وربك

رعد - اي والله اني هم تعبان

ركان - اكلك رعيد

رعد - كول

ركان - شو هذا الرائد بسام مدري شونه

رعد - فد مزعج اني ما اطيقه نهائي

ركان - ولك اعرف اسراره لو بس تعرف شمسوي
من سوالف اشيب الراس

رعد - والقهر مسوي روحه هو وبس

ركان - تره مو هين لا شوفه هيج

رعد - اعرف تعلمني بي

ركان - وين راح تنزل

رعد - بالبيت وين يعني

ركان - بغمزه /
كلت يجوز تروحلك مكان منا منا

رعد - لا تعبان غير يوم نروح

ركان -  بس خلي نرجع شويه نرتاح

رعد - كول اذا ما اجانه إنذار زين

ركان - اي ورب الكعبه يلا خويه في أمان
الله شوي وطالع اني

رعد - ليش ماترجع وياي

ركان - لا ماريد اتعبك

رعد - اسكت لا يصير فشار وزماط بينا

ركان - اي تعال بال زماط محد يكدرلي ههههه

رعد - متأكد مو بعدين تندم

ركان - ههه لا اشاقه يمعود ناقصني خبالك عليه

رعد - اي خوش تعترف
يلا روح كمل وشوي واشوفك برا

ركان - ماشي

رعد - راح ركان واني كملت كُلشي وطلعت رجعنا سوا طول الطريق ضحك واحد يحشش عل ثاني
وصلته لبيتهم قريب على بيتنا

ركان - باجر نروح مو تنسى

رعد - اي ماشي

ركان - في امان ألله

رعد - في امان الله
راح واني اضحك علي شلون يمشي من التعب
اني وركان أصدقاء  من الطفوله وجوارين درسنا وتعبنا سوا وكملنا الكليه العسكريه سوا هوَ وعُمر
اصدقائي المقربين رجعت للبيت فتحولي الباب الحراس دخلت السياره للكراج شفت سيارة
عمران موجوده اخذت نفس من التعب
اااخ صدك مو كتك ..............................

_
_______________
يكول

مثل العود من يذبل بلاية وداع
ومثل الماي من ينشف بلاية وداع
تدريني هرش واوجرت بية الكاع
يا رخص العشك من ينشره وينباع

______

البارت القادم احداثه ناررر ولان احداثه نار
راح يكون بارت طووويل

تفاعلكم يحفزني اكتب البارت وانزله اسرع
بدينا نتعمق بعالم ابطالنا
اكثر ونتعمق بحياتهم وجمال الرواية
راح تبدي اكثر من البارت القادم ان شاء الله

والان ياقلبي انتو لا تنسون
التصويت بالنجمة
وتعليق بين الفقرات
وتفاعلكم مع الرواية

حسابي انستجرام
انشر هناك كلشي يخص الرواية 👇

وتابعو حسابي واتباد حتى يصلكم كل جديد

Jehan-Stories

ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر
"""""""""

#خلف القضبان روح يتيمة
#بقلم الكاتبه جيهان آغا