#خلف القضبان روح يتيمة
#بقلم الكاتبه جيهان آغا
_
_
قبل مانبدي صلو على سيدنا محمد
( اللهم صل على سيدنا محمد وعلى ال محمد )
ولا تنسون تفاعلكم يحفزني
اكتب البارت وانزله اسرع
قراءة ممتعة ياقلبي
_____
وكفت السياره بمكان رجعت راسي ليوره
غمضت عيوني نزلن دموعي محتاج شي
وماعرف شنو هوَ شوكت ارتاح ماعرف
اباوع ايدي كلها دم وصخت السياره ولا مهتم
ليش واصل هيج مرحله ماعرف هيج دمي هين
عليه هيج وجعي هين عليه هيج الألم هين عليه لا ورب الكعبه ماهين بس تعبان من كلشي مامرتاح
بحياتي مامرتاح فتحت باب السيارة وايدي بعدها
تنكط دم خابرت ركان شويه ورد
الو ركان وينك
ركان - هلا بضلعي بالبيت ليش
رعد - تعال اني كُلش تعبان
ركان - شكو شبي صوتك
رعد - تعال لمكان.... قريب عل مجمع اني هناك
ركان - ماشي خويه مسافة الطريق وانه يمك
رعد - لا تتاخر كُلش تعبان وجيب وياك شاش طبي وديتول
ركان - رعد شبيك خويه صاير شي
رعد - مالي خلك احجي جيب الكتلك علي وتعال
ركان - ماشي ضلعي
رعد - سديت الخط وكعدت عل رصيف ادخن
واحس روحي مخنوك كُلش والم ايدي ماحس بي بكد ماحس بنار كَلبي شويه واجه ركان
ركان - خويه شبيك وليش ايدك هيج
رعد - سالفه طويله جيب الديتول
ركان - ولك ياديتول كوم ايدك يرادلها خياط
رعد - مابيها شي
ركان - شنو المابي شي كوم يمعود
شوف امبين نازف هواي دم وجرحك غميج
مو مال شاش وديتول كوم
رعد - تعال انتَ سوق تعبان ماكدر اسوق
ركان - ماشي بس كوم
رعد - كمت صعدنه بسيارتي
ركان - احجيلي شصار وياك وليش هيج مسوي بروحك
رعد - تعبان ركان اسكت
ولك اااخ تعبت ياركان تعبت السوالف البيه مال صياح وحتى صوتي راح
ركان - سلامتك ضلعي شوف كلت اكيد حيدر راح يحجي عليك بس ماتوقعت واصل هيج مرحله
رعد - ليش عبالك اهتم بحيدر وغيره
محد يكدر يتحكم بيه غير اشك حلكه شك
شحده اليحجي عليه
ركان - خلص بس لا تصير عصبي
شصار وياك هسه غير افهم
رعد - عمران اااخ كله منه النذل موصي جماعه تراقبني علمود يعرف وين اروح ويجي يهدد ويحجي عليه يم امي يريدها تكرهني الحقيررررر اني اعلمه عباله الناس مثله حقرااااء
ركان - بس اهده كافي اعصاب شوف شصار بحالتك من وره اعصابك ياخي بطل العصبيه ماتفيدك
رعد - موووو بيدي هو اليشوف هذا الحقير تريده يهده
ركان - اني مستغربه هوَ شعلي بيك وليش بس انتَ
رعد - لانه حقير عايش دور الاب كدام الناس
علمود يسود وجهي كدام اخوتي ومايعرفون
حقيقته الحقير
ركان - امك تعرف كافي
رعد - بس خلي أنزل واجب وارجع افضحه فضيحه بس اصبر
ركان - ياخي اهم شي صحتك لا تهتم
رعد - عبالك اهتم لكلامه بس اليهمني امي وهوَ ديحاربني بيها النذل
ركان - والله يارعد سالفتك سالفه ياخويه
رعد - سهله يصير خير احركهم بناري هوَ وجماعته اذا ماخليهم يبوسون الأيادي مااسمي رعد
ركان - اذكر الله ضلعي وصلي على محمد وآل محمد واهده
ولع سيجاره اخذته من ايده وشمرته من الجام
مال سياره
رعد - شبييك
ركان - ولك كاافي تأذي نفسك انت الخسران والله
شوف حالتك وايدك شلون تشتهي ادخن استغرب منك
رعد - لعد شسوي اكعد ابجي مثلاً ووولك اااخ اطفي نااري اطفي ناري وضيمي
ركان - شويه وصلنه
للمستشفى اجه الدكتور شافه
الدكتور - شو حرك اصابعك شلون هيج
صار حادث لو شنو
رعد - كوه حركتهم كتله
اعصاب دكتور اعصاب
ركان - زين اعترفت ااخ من اعصابك الله يستر
ها دكتور بشر
الدكتور - لا زين ماكو قطع بال اوريده
بس جرحه غميج لازم يخيطو
ركان - اي الحمد لله اذا عل خياط سهله
الدكتور - راح اكتبله هاي المسكنات وهسه
يجي الممرض يخيطه وسلامته
ركان - مشكور دكتور
رعد - شويه واجه ممرض نظف الجرح
وخيطه طلعنه من المستشفى وصلتني
رساله من ريتاج كاتبه
شوكت تجي
التفتت على ركان كتله
ضلعي روح انتَ اكدر اسوق هسه
ركان - شلون اعوفك وحدك
رعد - لا اكدر اسوق ارجع اني هم عندي شغل
ركان - ماشي بالليل تعال للكوفي غير جو
رعد - ماشي مشكور حبيبي
ركان - ولو ضلعي انت تدلل سلامتك ماتشوف شر
رعد - تسلم
راح ركان واني رحت شغلت السياره مسافة الطريق
وصلت لشقه صفيت السياره وصعدت فوك دكيت الباب فتحته
ريتاج - حبيبي وينك ضل بالي ياااا
عزه العزاني شبيها ايدك
رعد - شوفي كُلش مالي خلك احجي اناملي ساعه
تعبان واروح عندي شغل فَ لا تسألين مالي خلك
ارد عليج
ريتاج - هاي شبيك صوج التخاف عليك
رعد - دخلت جوه تمدت عل تخم
لاتخافين منو كلج خافي
ريتاج - ليش تحسسني غريبه عليك
رعد - ليش انتِ منو طبعاً غريبه عليه
ريتاج - ليش اني مو زوجتك
رعد - اذكرج بشنو اتفقنه قبل ما ازوجج
لاتنسين مزوجج علمود استر عليج
فالا تعيشين الدور بويه
ريتاج - ليش تحسسني ماخذني علمود شهوتك
وراحتك
رعد - اي وشنو تردين هسه
ريتاج - اريد تحسسني اني صدك زوجتك بكل
وقت مو بس من تاخذ التريده تسمعني كلام حلو وبعدين تتغير
رعد - شبيج بابا تخبلتي لو شنو اكلها مالي
خلك وهيَ ماعرف شدتخطر استغفر الله ياربي
ريتاج - رعد اني احبك اريد بكل وقت تحسسني بحبك الي هسه عرفنه ماتريد جهال مني بس مو هيج تتعامل وياي اني شمسويتلك
رعد - اول شي اني ماحبج ولا احب غيرج
ثاني شي انتِ شرعاً وقانوناً مرتي ومن حقي اخذ الاريده منج وثالث شي اني ساتر عليج لا تخليني اصير عصبي واطلكج ورابع شي قسماً عظماً اذا بيوم عرفتج حبلتي موتج على ايدي مخبل ومن اتعصب اتخبل بزايد فا لاتختبرين اعصابي بيوم من الايام انصحج وهاي كتلج قد اعذر من انذر
وهسه ماريد اشوفج كدامي امشي وووولي
ريتاج - بس
رعد - بلاااا بسسس كتلج امشي ولي ماريد
اشوفج
راحت فتحت الباكيت الثاني وطلعت السيجاره
طلعت كل قهري بال التدخين غمضت
عيوني وجان تجي ابالي هاي البنيه الشفتها اليوم
تذكرت ملامحها البريئه والله جانت حلوه بيضه
والخدود حمر والعيون عسليه امبين بعدها صغيره
هسه اني شلي دخل بيها
اااخ شكد تعبان وايدي رجعت تنزف ماعرف ليش رحت مره ثانيه عقمته ولفيته بالشاش
نمت ساعتين كمت على صوت الموبايل اشوف امي
هايمه
جوان - بدموع /
وينك حبيبي وين رحت
رعد - حجيت بتعب
تعبان يمه تعبان
جوان - التعب بيه ولا بيك يايمه سوده عليه
ااااخ يارعد راح اموت من قهرك
رعد - لا تكولين هيج
جوان - يمه رعد فدوه اروحلك ارجع بالي يمك
رعد - من هوَ يطلع ارجع
جوان - راح يسافر عنده شغل بدبي
رعد - خوش من يسافر ارجع
جوان - ماشي يايمه دير بالك على نفسك فدوه اروحلك
رعد - ماشي ادللي
سدت الخط كمت اريد ابدل رحت للغرفه بيدها الموبايل ومسويه نفسها مامهتمه
ريتاج
ريتاج - نعم
رعد - طلعي ملابسي اريد اسبح
طلعتهم بدون كلام بعد احسن يرادلج خلك هل كبره رحت سبحت وغيرت شاش الجرح واخذت الموبايل والمحفظه
ريتاج - ماترجع بعد
رعد - ماعرف يمكن انزل واجب
ريتاج - خوش
رعد - خليت 500 الف عل تخم مصروف الها بغيابي وطلعت رحت يم ركان والشباب ومر اليوم
مثل باقي الأيام رجعت بالليل للبيت شفت ماكو سيارته يعني سافر واخيراً خلصت من شوفته صعدت فوك لغرفتي كملت باقي الشغل عل لابتوب ونمت
_________
في مكان اخر
نور - كمت الصبح نفس الروتين شغل طبخ نفخ
واجه فوكه الخبز خلصت الشغل رحت عل خبز
خلصته وزعنه اني ومنال بقه بيت بتول رحت انطيهم الخبز اول مادخلت شفت امهم فارشه السجاده بالحديقه تقره القرآن وتدعي
صفنت عليها لا ارادين تقدمت وكفت وراها اسمعها تدعي لبنها الاسمه رعد التفتت شافتني
جوان - هلا يمه نور شلونج
نور - الحمد لله انتِ شلونج خاله شلون صرتي
جوان - والله ياخاله شلون اصير
تعبانه يايمه تعبانه على تعب جهالي
نور - الله يساعدج
جوان - كعدي بنيتي ليش واكفه
نور - لا اروح اكمل الشغل بس جبت الخبز
جوان - كعدي بنيتي الشغل مايخلص كعدي
هسه اصيح بتول تجي كعدي شوي ارتاحي من الشغل العمر يخلص والشغل مايخلص
نور - كعدت كالت لشاغله تصيح بتول
وهيَ بدت تحجي
جوان - يمه نور عذرينه علمود البارحه
نور - ولو خاله عادي ماكو بيت بدون مشاكل
جوان - ااااخ يابنيتي تعبت والله تعبت
نور - بسم الله عليج من التعب خاله
جوان - الله يحفظج يايمه ويسعدج
نور - كامت تبجي وتحجيلي على ابنها ومشاكله ويه ابو اني استغربت شلون حجتلي ابقى وحده غريبه عليهم بس يمكن كَلبهَ متروس وحبت تفضفض تحجي وتبجي واني اهدي بيها من صدك انقهرت عليها اني اتمنى تكون امي عايشه والناس العندها ام هيج تبجي اهلها غريبه الناس ماتحس بالنعم الى بعد ماتفقده جتي بتول جابت قهوه
بتول - ياهلا بنور
نور - هلا بيج حبيبتي
واني احجي وياها جان اسمع صوت اخوها
التفتت طلع اخوها نفسه العصبي لابس البدله العسكريه لازكه على عظلاته ونظاره سوده وبيده جنطه باوع عليه التفتت عل حجيه
رعد - بتول
بتول - هلا خويه
رعد - بعد اخوج اريد ستكان جاي من ايدج
مستعجل
بتول - ادللي خويه
نور - راحت بتول وهو اجه يم امه باس راسها
رعد - يمه نازل واجب مامحتاجه شي
جوان - حبيبي سلامتك تروح وترجع بسلامه يحفظك الله يايمه شلون صارت ايدك
نور - التفتت على ايده مضمده بالشاش الطبي
التفت عليه وكال
رعد - لا الحمد لله زين
بتول - وهاي احلى ستكان جاي لي احلى نقيب بالعراق كله
رعد - فدوه لعيونج تعبتج خويه
بتول - ماكو تعب حبيبي ادلل جم رعيد عدنه
نور - شرب الچاي بثواني عزه هذا شنو مايحترك لسانه غريب شال النظاره
رعد - يلا يمه اروح اني
جوان - دير بالك على نفسك يايمه ولاطول دوم خابرني انتظر منك اتصال طمني من توصل
رعد - ادللي حبيبيه
نور - رفعت راسي صدفة عيني بعينه
راد يحجي شي بس ماحجه واني انداريت اشوف الورد بالحديقه شغل السياره وطلع واني بقيت شويه وكمت
خاله اريد اروح عندي شغل وان شاءالله رب العالمين يفرجها عليكم اهم شي الصحه ياخاله اهتمي بنفسج وكلشي ينحل ان شاءالله
جوان - يابعد عمري بنيتي الغاليه والله حبيتج
الله يرضى عليج امانه يايمه اي شي تحتاجين مايردج غير لسانج
نور - حبيبتي تسلمين ماتقصرين
بتول - نور حبيبتي عاشت ايدج الخبز يجنن
اني ماحب الخبز من وراج حبيته
نور - الف عافيه حبيبتي
سلمت عليهم وطلعت كملت شغلي ومرت الأيام
واني مثل روتيني شغل كنس طبخ نفخ والخبز وموضوع الدراسه منال لغته وكالت تحلمين ترجعين بعد مابينه حيل مصاريف دراستج بيومها كُلش انقهرت وبجيت ودعيت رب العالمين يخلصني منها تعبتني صارت حياتي كله شغل تعبت وكمت ما اشتهي اكل يومي كله اشتغل صحتي بدت تتدهور
وزوج منال بعده يشمر بالحجي واني اطنش واروح للغرفه اقفل الباب خايفه منهم كلهم منال وحده ماتخاف الله وزوجها اسوء منها صرت ماثق بيهم نهائي وبيوم من الأيام جنت نايمه الظهر شوي وكمت على كيفي فتحت الباب ماريد زوجها يسمع صوت باب غرفتي ويضوجني بكلامه رحت علمود اشرب مي عطشانه وجان اشوف منال وزوجها كاعدين بالمطبخ يشربون چاي ويحجون عليه
منال - يعني شلون فهمني
سهيل - تزوج زواج مؤقت جم يوم ويطلكها الرجال
منال - لا عيوني ماريدها ترجع لا مؤقت ولا بطيخ
سهيل - هاي شبيج منال الرجال دافع خوش مهر
ناخذ مقدمها ومؤخرها وترجع تخدمنا خوش صفقه
شغل عقلج
منال - اريد اخلص منها ماريده ترجع شلون
سهيل - عود من تطلك زوجيها لواحد ثاني
منال - انت هيج تكول
سهيل - اي حبيبتي خلينا نستفاد منها شوي
حق تعبنه وياها
منال - ولك هلااااا يعني نلعب لعب بالفلوس
سهيل - ههههه اي ونسافر ونعيش حياتنه
منال - خلص اني موافقه بس شنو لا تخلي نور
تعرف الزواج مؤقت خلي تنصدم من يطلكها على اساس هو مارادها وطلكها
سهيل - ماشي اكله لرجال لا تحجي كدامها
منال - اي احسن
نور - فتحت كل عيوني من الصدمه شنو داسمع
معقوله اني بحلم يارب يارب اكون بحلم مو واقع
ابتعدت بسرعه ورجعت للغرفه قفلت الباب شهكت
من البجي ضميت وجهي بيدي والرجفه تسري بدمي اريد اصرخ اريد ابجي بصوت كون الكره الأرضيه كلها تسمعني شوكت ارتاح شوكت افرح شوكت اخلص من منال شوكت ينتهي كابوسي شوووكت تعبت والله تعبت رحت سجدت لربي وابجي بصوت مخنوك
ربي نور تعبت والله تعبت ربي انت اقرب الي من حبل الوريد لا تعوفني واعرف ما راح تعوفني تعبت والله تعبت كعدت ابجي على حالي اااااااخ يمه وينج بويه وينك تعالو منال راح ادمرني منال راح تموتني منال راح تسود حياتي
اشوف ايدي وجهي كله يرجف انهارت اعصابي
وماكدر اطلع صوت ابجي علمود لا يحسون عليه ضليت على حالتي ابجي وماعرف شنو راح يكون مصيري وشنو راح اسوي كلت ماكو غير سوزان لازم اخابرها ماعندي غيرها بس لازم محد يحس عليه ماكدرت اطلع برا الغرفه من الخوف
بعد مرور ساعتين صار هدوء بالبيت كلت يمكن
راحو لسوك لفيت حجابي وطلعت ادور على
موبايل منال كلي امل الكي دورت هواي مالكيته رحت للمطبخ اشوف خالته عل كاونتر التفتت يمين يسار ماكو احد ماعرف وينهم رحت اخذ الموبايل طلعت رقم سوزان دك اول ماشالته كلت الو
وانسحب مني الموبايل التفتت طلع زوج منال
غلق الموبايل والتفت عليه
سهيل - ها ياحلوه شدسوين هنا
نور - ما جاوبته داريد اطلع مسك ايدي وسحبني اله اول ماردت اصرخ خله ايده على حلكي وحصرني بزاوية المطبخ واني ابجي اريد ادفعه ماكدر كل قوته ماسك ايدي وايد الثانيه خالها على حلكي ونظراته مقرفه تقدم اكثر كال
سهيل - واخيراً الحلو وكع بيدي
نور - ابجي واحجي بس ماكو صوت خال ايده على حلكي كلي
سهيل - اششش خلي اليوم يعدي على خير ياحلوه ما اذيج بس صيري عاقله وسمعي كلامي هههه
نور - طكيت من البجي تقرب بده يتلمس بيه تخبلت اريد ادفع ايده الي انتهكت حرمة جسمي ضليت ادفع و ارفس بي بس وماكدرت جان اقوى مني تقدم يريد يبوسني دفرته برجلي وطلعت من المطبخ ركضت لغرفة الضيوف ركض ورايه اريد اقفل باب الغرفه مالحكت دفر الباب ملامحه تغيرت صار شكله يخوف اروح منا يجي منا ماعرف شسوي
سهيل - هههههه يدلل علينه الحلو ومتحمل دلاله
بسسسس لصبر حدود وين تروحين مني اليوم ماعوفج تعالي لج ادبسززز تعالي وين تروحين
نور - احسه وحش مو بشر نظرات عيونه جداً مقرفه هو يتقدم واني ابتعد صحت بكل علو صوتي
مناااااااااال وينج تعاااالي مناااال
سهيل - ههههه ماكو منال راحت لسوك بس اني وانتِ بالبيت وين تروحين مني ووووين تعالي ما اذيج صيري عاقله واسمعي كلامي
نور - من هيج كال انصدمت ياربي وين اروح
كتله بصوت متقطع من الخوف
ف ف فدوه ع ع عوفني الله يخليك عوفني
سهيل - هههه ولج اني اروحلج فدوه شلون اعوف هيج كيك ماكدر اعوفج تعالي لا اتعبيني ماعوفج اليوم تعالي كافي عناد
نور - تقدم واني ركضت طلعت من الغرفه اريد اطلع برا فتحت باب الحوش سحبني من الشال وكع من راسي الشال وسحب شعري عليت صوتي
ياناااااااااس ياعااااااااالم سااااااعدوني ياهل الخير
ووووووينكم ساعدووووني
انقهرت على نفسي ماكو احد برا
سهيل - اشششش ادبسززز صوتج اني اعلمج
نور - عوووفني ياحقير
سحبني من شعري يريد يدخلني للغرفه دعيت ربي يساعدني كلشي ولا اخسر اغلى شي امتلكه يسحبني واني ابتعد منا ماكدرله هو اقوى مني
سحبني للغرفه جر شعري كل قوته شعري كله تكطع بيده ومددني بالكاع تقدم عليه يريد يبوسني واني ابجي واصرخ
عووووفني حقييير عووووفني يانذل عوووفني
ضربني سطره جرني من شعري وركع راسي بالكاع احس غوشن عيوني وهو يتلمس بيه واني ابجي لي لحظه حسيت راح انتهي ماكدر عاجزه ادافع على نفسي هو اقوى مني ومع ذالك ضليت اضربه على صدره وكتافه مسك ايدي ورفعها فوك راسي وضربني سطره ثانيه تقدم اكثر واني صحت بكل علو صوتي
يااااااااااااااااااارب ياااااارب ساعدني يااااااارب مالي غيرك لا حوله لي ولا قوت اله بك ياااااارب
سهيل - ههههه ماكو احد يساعدج اليوم ضلي صرخي لصبح اتمتع بصوتج بعد صرخي
نور - اريد ادفعه ماكدر ثكيل وسمين شك الدشداشه عليه واني ابجي وادعي ربي
بده يتجرأ بلمساته اكثر صار وحش مو بشر مستحيل هذا بشر واني اصرخ صوتي انبح ولا يسمع اتوسل ولا يرد ادعي وابجي
يمممممممه وينج باباااااااااا وووينكم تعالووووووو نور راح تموت تعالووووووو يااااارب لا حوله ولا قوة الا بالله لا حوله ولا قوة الا بالله رررربي ساعدني يارب تقدم خله راسه برقبتي يريد يبوسني واني تخبلت من البجي وجان اسمع صوت الباب ندفرت اشوف بتول واخوها اجه اخوها مسك سهيل من ياخته ونزل علي بوكس وضرب واني ابجي وارجف جتي بتول جابت بطانيه غطتني تقدمت تريد تحضني وتهدي بيه صرخت بوجها
لاااااااااا لحد يلزمني لااااااا
بتول - سوده عليه خلص حبيبتي بس اهدي
نور - ارجف وابجي اشوف اخو بتول سوه سهيل كاع ومشه علي دمه يطافر منا ومنا وكل بوكس يصيح اااخ بكل علو صوته وهذا نزل فد نزله علي اجوي اخوان بتول البقيه صارت هوسه
رعد - يااااحقير يانذل اليوم اني اربيك ووولك اليوم اشوفك نجوم الظهر يانذل تريد تعتده على بنيه بكد بناتك ياااااحقير شلوووون نفسك تدنه على بنيه بكد بناتك ياااااانذل
سيف - رعد عوووفه راح يموت
حيدر - يمعووود عوفه راح يموت شبيك
بتول - رعد صار نار موت الرجل تموت لحد مافقد
وعيه كوه سحبو حيدر وسيف واحمد وهو بعده مستمر بالضرب جوي الجوارين التمو صارت هوسه شالو الرجال التفتت على نور مصدومه فاتحه كل عيونها وتحجي وتبجي متنه قهر عليها جتي امي وتبارك نريد نكومها ماكو ماتقبل احد يلزمها
رعد - يمه اخذوها للبيت واني اخذ هذا الحقير للمركز
جوان - ماشي يايمه
بتول - امي تقدمت تريد تكومها وهيَ تصرخ
نور - حضنت رجليه وابجي وارجف واحجي بصوت هستيري
لا لا لحددد يالزمني لاااااااا وووين امي امي وين اريد امي ابوي وين اريد ابوي وووين وين اهلي اريد اهلي وينهم ليش عافوني وحدي ليش لحد يلزمني لحدددد يلزمني ماما وين ماما ووين راحت ليش عافتني ليش
جوان - بدموع / حسبي الله ونعم الوكيل
سوده عليه يايمه بس اهدي الله يخليج
رعد - التفتت عليها كُلش انقهرت على حالتها اني بعمري ماانقهر على احد ومعروف عني كَلبي ميت من زمان بس من شفت حالتها وبجيها الهستيري انقهرت تقدمت اريد احجي وياها بس تهده ماكو كامت تصيح وتصرخ كتلهم عوفوها
يمه بس تهده اخذوها للبيت لا تبقيها هنا
اني اروح اخذ هذا العار للمركز
جوان - ماشي يايمه
بتول - راحو رعد وحيدر سحلو الرجال اجه سيف يريد يحجي وياها بس ماكو فائده تصرخ وتبجي انهارت بالبجي
سيف - خويه بس اهدي وكومي ويانه
نور - لاااا لا لا لحد يلزمني لا اااااااخ بابا ووووينك تعال شوف حالي تعااااال نور تعبت ووووينك
صحت بعلو صوتي ياناااااااااس ياعااااااااالم محد ماكو ليييش محد ماكو ليييش بابا تعال شوف حال بنتك تعااال
ابجي وانادي اهلي اريدهم يمي اريد ابوي يجي يحضني وامي تهدي بيه اريد اهلي يمي ليش راحوو اريد اهلي
سيف - بتول حاولي تكوميها انتِ وامي اني طالع انتظركم
بتول - ماشي
راح سيف واني وامي كوه قنعناها تكوم
وهيَ بعدها تبجي سترت نفسها بالبطانيه وكالت
نور - بدموع/ ف ف فدوه ش ش شالي
بتول - اي هسه
رحت جبت شالها جان واكع بالكاع خليته على راسها واحنا دنطلع جتي مرت ابوها كامت تصيح وتعيط
منال - عززززه شكو شصاير ليش هيج الناس ملتمه شمصخمه نور اعرفها ماتكعد راحه
بتول - هجمت على نور وهيَ ترجف وتبجي بعدها مصدومه
منال - وووولج ادبسز شمصخمه ياحقيره اعرفج مو راحه
جوان - انتِ هيييي استحي على نفسج عيب عليج
شوفي حالة البنيه راح تموت من الخوف بسبب زوجج النذل
منال - لييش عيوني شبي زوجي شمسوي
جوان - زوجج راد يغت.صب البنيه وتكولين
شمسوي
منال - صخاااام الصخمني ولطام الطمني وووولج نور تتبلين عل رجال كدام الناس وووولج اعرفج ادبسززز مو راحه شمصخمه اااحجي لج
تبارك - مع الأسف عليج انتِ هم بشر وعندج احساس شوفي حالة البنيه ياتبلي هذا زوجج واحد نذل حسبي الله ونعم الوكيل علي
منال - انتِ هييي ماسمحجل تدعين على زوجي
و لا تدخلين بشي مايخصج اني اعرفها كُلش زين هاي وحده ادبسز انتو ماتعرفوها
جوان - امشو يمه امشو الظاهر الانسانيه ماتت وصار ابسط شي عندهم طعن بالشرف واعراض الناس مع الأسف عليج خافي ربج من الله يعميج
تبقين مرت اب واني الصدكت تحبين البنيه طلعتي جذابه الله لا يوفقج حسبي الله ونعم الوكيل عليج
منال - علي كيييفج عيوني على كييفج اكلتيني حاصل فاصل على شنو تدعين غير افهم شصاير وبعدين سهيل اعرفه مستحيل هيج يسوي شوف هيَ شمصخمه ومخبله الرجال اااحجي لج ادبسززز شمصخمه
جوان - انتِ الكلام وياج ماله اي فائده
يمه بتول يلا نروح
بتول - ماشي يمه
مسكناها اني وتبارك ماتكدر تمشي واحنا دنطلع كالت
منال - ووولج نور اني اعلمج اذا ما افضحج واخلي بيت عمامج وخوالج يجون يغسلون عارهم ما اسمي منال ادبسززز موووتج على ايدهم صبريلي
بتول - هيج كالت ونور كبل وكعت بين ايدنه نريد نشيلها مانكدر اجه سيف يريد يشيلها مايكدر يلسمها
سيف - تبارك روحي جيبي بطانيه اي شي نشيلها بسرررعه
تبارك - ماشي
بتول - راحت ركض لبيتنه جابت بطانيه ثانيه و اني وتبارك وامي وتيلا خليناها عل بطانيه واحمد وسيف شالوها اخذناها لبيتنه خلت راسها على حضن امي فحص ضغطها سيف كال
سيف - اووف هبوط حاد بسرعه كوموها شربوها اي شي اروح اجيب مغذي مايصير تبقى هيج
بتول - ماشي خويه استعجل
راح سيف واني وامي رشينه قطرات مي على وجها فتحت عيونها شوي وتحجي بصوت منخفض
نور - لا لا لحد يلزمني
جوان - سوده عليه حسبي الله ونعم الوكيل عليهم خبلو البنيه
تبارك - الله لا يوفقهم خطيه البنيه بعدها مصدومه
بتول - التفتت نور تبجي وتحجي بصوت منخفض بجتنه وياها اجه سيف شكللها كانيولا ومغذي و وانطاها ادويه ضلت تباعو عل صكف وتنزل دموعها لحد ما نامت بسبب الأدوية
سوده عليه شكد تعبانه
تبارك - شنو من عائله وين اهل امها ابوها
جوان - يمه الإنسان من يصير يتيم محد يفيده لا عم ولا خال كلمن مشغوله بنفسه وعائلته مع الأسف صلت الرحم مابقت بكَلوب الناس
سيف - هسه شنو نسوي تبقى هنا
جوان - خلي يرجع رعد ونشوف شيكول
___________
في مكان اخر
رعد - رحت سحلت الرجال للمركز وزوركته تزورك
علمته شلون مره ثاني يفكر ولو تفكير بس يتقرب لي اي بنيه اجه ركان طلعه من ايدي
ركان - ووولك راح يموت عوفه كافي
رعد - طبه مرض حقير يريد يعتدي على بنيه بكد بناته
ركان - هسه قابل اول حاله هيج تجينه تعودنه ليش هيج حارك دمك
رعد - ولك شلووون ما احرك دمي واشوف هيج ناس ساااقطه تعتدي بكيفها لعد احنا شنوووو هنا
احنا شنووو شغلنه
ركان - خلص بس اهده واطلع الولد يكملون ويا التحقيق
رعد - طلعنه اني وركان رحت غسلت ايدي كله دم هذا النذل
ركان اني ارجع اشوف شصار بيها
ركان - منو هيَ
رعد - ولك غير البنيه الراد يعتدي عليها
ركان - ليش ماعندها اهل شو صاير حنين ماعرفتك
ههههه
رعد - انجب
ركان - ههههه خوش
رعد - بالليل نشاوف
ركان - يم عُمر اللمه
رعد - ماشي
ركان - يلا روح صاير رخاخ الاخ ولا عرفتك ههههه
رعد - كلت انجب خوش
يلا في امان الله
ركان - هههه الله وياك خويه
رعد - عفتهم الولد كملو ويا التحقيق
رجعت للبيت...........................
_
_
___________
يكول
مَن وَعيت وانه ضايعَ
ماَكو حب ولا اكو عِنوان اعتِنيله
ولاكو واحد دَكلي صَدره
وكلي ذب حَملك وانه الاشيله
بَيه حزن الناس كِلهه
بَيه جرح ماكدر اوصفه
وعَيني بالدَمعِه كُلش بخيله
همي هم يهد جبال
وحبك بكَلب ماشالته جبال
احبك بكدر النهر والبحر والجبال
احبك افهما بدون اقوال
بين الحلم والواقع والأقوال
بين نارين تلكاني
بعدك عني بنار الشوك يكَتلني
وقرب مني بنار الحب يلجمني
يمكن احبك ويمكن معجب بيك
حبك برواية
《 خلف القضبان روح يتيمه 》رويته
بقلمي_________________________ ✍
_
_______
البارت القادم ناررر طن من الأحداث والغموض والتشويق شنو تتوقعون راح يصير ؟؟
اول شي اعتذر عل تأخير صادفني اكثر من ظرف
ماكدرت اكتب وانزل بارت ومن كمل البارت احترك الموبايل سبحان الله شي وره شي بنات الانستا يعرفون لان اشاركهم كلشي هناك فَ عذروني قلبي بس رجعت اعوضكم ويوميه ان شاءالله ينزل بارت بس لا تنسون تفاعلكم يحفزني انزل البارت اسرع يلا قلبي يلي مامصوت
يصوت عل نجمه اذا ممكن
وعلقو بين الفقرات وصلو البارت اقل شي200 تعليق اريد تفاعلكم ويه الرواية لان صدك تستاهل
تابعو حسابي انستجرام
انشر هناك كلشي يخص الرواية 👇
وتابعو حسابي واتباد حتى يصلكم كل جديد
Jehan-Stories
الان ثقلو ميزان حسناتكم بذكر الله
"""""""""
سبحان ألله
ألحمد لله
لا إله إلا ألله
ألله أكبر
"""""""""
#خلف القضبان روح يتيمة
#بقلم الكاتبه جيهان آغا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!