رواية خلف القضبان روح يتيمة الفصل السادس والعشرون 26 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي

________

نور - سد الخط كال

رعد - اليوم راح اريحج واريح نفسي

نور - شلون

رعد - اليوم راح نعقد

نور - شنووو شلون يعني نعقد

رعد - مثل الناس يعني شلون الناس تعقد

نور - اقصد شلون يصير هيج نعقد

رعد - مافهمت على شنو معترضه بضبط

نور - يعني لا مجهزه نفسي ولا شي شلون يصير هيج بسرعه

رعد - بويه نور اليوم نعقد وباجر اخذي امي وشنو محتاجه اشتري

نور - تذكرت كلامه من كال على ورق من صدك انقهر من اذكر كلامه  كتله

لا مايحتاج مثل ماكلت عقد زواج على الورق وبس

رعد - لج بويه شبيج انتِ
اني كلت عل ورق بس ماقصر وياج كتلج اي شي تحتاجين اشتري حالج حال الناس

نور - ماجاوبته كمل الطريق شغل اغنية شمسين
كلت بكَلبي لعد شكد مرتاح واني والنار تحرك بيه حرك اااخ يانور ااااخ بعد شنو راح تشوفين بحياتج
الحمد لله على كل شيء كمل الطريق صارت ساعه بال 3:30 وكف السياره وكال

رعد - يلا بويه نزلي

نور - وصلنه

رعد - اي

نور - اريد انزل ماكدر مدري شصار بيه اني بنفسي ماعرف شنو دسوي راح اعقد على واحد ماعرفه ولا يحبني والقهر اني احبه احس راسي داخ من التفكير ومنا سيارته عاليه وماحبيت احسسه بتعبي نزلت احس رجليه صار بيها رخاوه مو طبيعيه اريد امشي ماكدر خطوتين واكول راح اوكع شافني واكفه كال

رعد - ها بويه شبيج

نور - مابيه شي

رعد - لعد ليش واكفه

نور - اكو بطل مي ريكي نشف

رعد - اي فوك بالشقه اكو

نور - ماشي
مشه واني على كيفي امشي ورا
الشقه جانت بالطابق الثالث والمصعد خربان عشتو انجبرنه نروح عل الدرج لحد ما وصلنه متت تعب وحتى كَلبي وجعني شافني تعبانه ضحك

رعد - ههههه شبيج هيج بسرعه تعبتي

نور - ماجاوبته شحجي احس راح ادوخ من التوتر مدري خوف الله يستر

وصلنه لشقه بعد مافاتح الباب اجه اتصال قبل لا يرد جنت واكفه ورا  اشوف نفس الشخص حرف R بالانكليزي غلق الإتصال وكال

رعد - مو وكتج

نور - هو هيج كال لو حركني بكلامه يعني طلعت بنيه عزه العزاني منو هاي معقوله صدك تطلع حبيبته اي ليش لا كلشي يصير اهدي نور اهدي مالنه شغل بي لهنا وبس عنده حبيبه مو حبيبه مالنه شغل شي مايخصني

فتح الباب دخل جوه وكال

رعد - تعالي بويه ليش واكفه

نور - دخلت انصدمت بجمال وترتيب الشقه والأثاث الراقي كله تركي الشقه والجدران والأثاث كله بين لون الابيض والرمادي كُلش حلو ومن النوع المطبخ مفتوح على صالة الاستقبال والاستقبال بي تخم لون رمادي وبكل زاويه بالبيت خال زروعات زينه حلوه ومنهم زرع الفيكس المطاط يخبل ناطي ديكور كُلش حلوه بالشقه ويم التلفاز بالصاله خال زرعة عصا موسى كُلش حبيتهم كال

رعد - تعالي اشوفج الشقه لحد مايجون
هذي صالة الاستقبال وهذا المطبخ مفتوح عل صاله وهنا الحمامات وهنا غرفتين هاي غرفة
النوم وهاي غرفه زايده

نور - فتح باب اول غرفه جانت مال نوم الأثاث البي حرفياً يجنن كله اثاث تركي ولونه رمادي والكنتور قسم من ابوابه على شكل مرأءة

والغرفه الثانيه جان بيها سرير امل نفر واحد و كنتور صغير كتله

ممكن سؤال

رعد - جواب

نور - هاي الشقه الك لو ايجار

رعد - لا الي

نور - لعد منو ينظفها هيج نظيفه

رعد - حارس البنايه اعرفه من جنت صغير جان سايق عمران وكُلش علاقتي بي قويه من صغري
بعد سنين طويله ترك الشغل ويه عمران اني شغلته هنا ومرته هيَ التنظف الشقه كل ما اريد انزل اهنا اخابره قبل جم ساعه وهو يروح يسوك ويشوف مستلزمات الشقه قبل لا اجي ومرته تنظف وتجهز الشقه

نور - اها اي مو اكول ولا جنها متروكه

رعد - عجبتج الشقه

نور - حلوه تتهنه بيها

رعد - ههههه قصدج نتهنه

نور - لا اني ماباقيه هواي ان شاءالله

هيج كلت حسيته ضاج من كلامي بس ماحجه شي شوي واندك الجرس راح فتح الباب جانت خاله جوان والحجيه وركان اول ماشفتهم كُلش توترت كَلبي يدك بسرعه  من التوتر جنت واكفه يم الغرف مانتبهو عليه

جوان - يمه شكو شصاير

رعد - اهدي يمه ماكو شي تعالي كعدي هنا

جوان - شهده ماتكلي شهده احجي يمه تره كَلبي ناغزني احجي شكو ليش جبتنا هنا

رعد - يمه غير بيت ابنج شنو السالفه

جوان - اول تالي تجيبنه هنا هو
انت بالسنه حسنا تجي

ام ركان - عيوني جوان خلي نفهم شنو السالفه

جوان - هسه غير يحجي

رعد - راح احجي بس هدي حبيبه

شوفو اني جايبكم هنا شاهدين على شي راح اسوي يمكن ماتقبلون او تنصدمون بس متأكد راح تفهمون الوضع وتوكفون وياي والشي الي راح اكله
محد غيركم يعرفه ولا راح يعرفه احد

ركان - دحجي يمعود شصاير

نور - مركزه على كلامه وجان اسمع اسمي

رعد - نور بويه تعالي

نور - بلعت ريكي ودعيت رب العالمين يسهل عليه وماتصيرلي مشكله تقدمت كم خطوه اول ما شافوني انصدمو

جوان - نور شجابج هنا

رعد - خلي افهمكم مثل ماتعرفون ذاك المره
رحنه نشوف خالة نور وجانت الأمل الوحيد ال نور وسبحان الله طلعت خالتها مسافره لسويد وبايعه بيتها ويراد وقت ايام واشهور لحد ما نلكي عنوان خالتها هناك لان ماكو اي خيط يوصلني الها وحسب الي عرفته عمامها الحقراء هادرين دمها هدر الله يعلم مرت ابوها شنو مكذبه وحاجيه على نور وهما حقراء بعد صدكو بكلامها وهادرين دمها وخالها شفتو شنو جان جوابه و ردة فعله من رحنه يمه بهيج حاله نور وين تروح مايصير تبقى ابيت ركان اكثر

ركان - خويه ترا نور لأنها من طرفك حسبتها حسبت خواتي الله شاهد بالعكس اني فرحان اكو شخص بالبيت  ويه امي من التحق

رعد - ضلعي ركان انت والحجيه ماقصرتو
واعرفك لو ما اثق بيك ماجان خليتها يمكم بس مايصير تبقى هلكد اني كتلك بوقتها بس جم يوم
وخلصت الجم يوم 

نور - غمضت عيوني نزلن دموعي بهدوء حسيت نفسي من صدك مكسوره وماعندي احد شكد تعبت بحياتي بس مثل تعب الوحده ماشايفه اصعب شعور من تحس نفسك وحيد وماعندك احد وتحس نفسك عبئ على الناس والناس مبتليه بيك شعور جداً صعب

ام ركان - كمل يمه وبعدين

رعد - بعدين ياحجيه اقترحت على نور اقتراح
كتلها اعقد عليج عل ورق وبس فقط تكونين على ذمتي واحميج من عمامج محد يكدر يتقربلج واني موجود والله كريم منا لحد ما نلكي عنوان خالتها اسويلها جواز واسفرها يم خالتها بحاله وحده اذا جانت خوش مره شتكولون انتو

يمه شنو رائيج

جوان - والله يايمه صدمتني

رعد - اعرف يمه وحقج حجيه انتِ شتكولين

ام ركان - زينت العقل يايمه والله زين تسوي توكل على الله واعقد عليها احسنلها خطيه ماناقصها شر عمامها ذوله ناس الشر يمشي بدمهم ظلام حسبي الله ونعم الوكيل ظلمو بنت اخوهم كلشي يطلع منهم وليدي احسن قرار اتخذته

رعد - فدوه لعيونج حجيه
ها ضلعي شو ساكت

ركان - شوي صدمتنه بالتوقيت بس  اتفق ويه امي زين تسوي اعقد هسه والله كريم لسالفة خالتها اذا هيَ موفقه طبعاً بوجهة نظري خوش اقتراح

رعد - لا متفقين اني وهيَ

حبيبه بعدج مصدومه

جوان - والله يايمه الموضوع موهين اي وحده لو جانت بمكاني جان انصدمت

رعد - حقج بس راضيه عل اقتراح او لا

نور - جانت كاعده عل تخم وامبين على وجها مصدومه التفتت عليه وكالت

جوان - نور بنيتي تعالي كعدي هنا احجي وياج

نور - هزيت براسي بمعنى اي
رحت كعدت يمها والتوتر محتلني كلي من الجدم (القدم ) لراس

جوان - رعد يمه اطلع برا علمود اني والحجيه
نحجي ويه البنيه

رعد - ماشي كوم ضلعي نشوف عُمر وين صار

ركان - اي يلا صدك اتأخر

نور - طلعو ركان ورعد
بقينه بس اني والحجيه وام رعد
نزلت راسي وايدي ترجف مسكت ايدي وكالت

جوان - يمه ليش هيج خايفه لاتخافين امي انتِ
بس احجي وياج كلمتين

نور - نزلن دموعي على ايدها مسحت دموعي بيدها وحضنتني وتمسح بيدها على راسي واني ابجي احس لو ابقى العمر كله ابجي ماتنشف دموعي من القهر الساكن كَلبي

جوان - بسم الله عليج يايمه ليش تبجين امي انتِ لا تبجين حبيبتي

ام ركان - سوده عليه يمه نويره لا تبجين بنيتي

نور - ابتعدت شوي انطتني كلينكس مسحت دموعي وكالت

جوان - يمه انتِ راضيه ومقتنعه بكلام رعد لو لا

ام ركان - يمه نويره التقصده خالتج جوان انتِ موافقه لو لا احنا مانريد تنجبرين على شي

نور - مسحت دموعي وكلت

ياحجيه ماعندي حل ثاني

جوان  - شوفي نور يمه اني من كلي رعد كُلش انصدمت و فرحت بنفس الوقت صار سنين امنيتي اشوف رعد مزوج واشوف جهاله وافرح بي بس ماتوقعت بهاي الطريقه راح افرح بي شوفي بنيتي اني مو علمود رعد ابني لا والله كلمة الحق تنكال

رعد ابني واعرفه كُلش زين ابني عصبي بس حنون بشكل ومن يحب يتملك بحبه نور يمه رعد شوي طبعه مختلف عن الناس حكم طفولته الجانت قاسيه يمكن مرات تحسي قاسي شوي بكلامه بس صدكيني كُلش حنون ومتاكده راح يحبج ويحتويج ابني واعرفه وخليها ابالج رعد اذا مايحبج ماجان اخذ هيج قرار اول تالي رعد يزوج وبحجة مساعده لا يمه هذا كلام يقنع روحه  كلنا حاسين علي وعلى نظراته اتجاهج واهتمامه بيج رعد مايهتم غير بالي يحبهم من صدك واني متأكده ابني يحبج
واذا تم هذا الزواج عندي شرط لازم ينفذه
رعد يلا راح يتم الزواج

نور - خاله اني ماحسيت بحبه اتجاهي كل الي دشوفه وحاسه بي مجرد مساعده فقط لا غير

جوان - يمه انتِ مو كَلب ام اسئلي كَلب واحساس الأم نادراً تلكي يخيب

ام ركان - اي والله صح لسانج داده نادراً يخيب

جوان - اي حجيه شنسوي تعبونه ذول الجهال

ام ركان - داده كلنا هيج الحمد لله على كل شيء

جوان - الحمد لله
نور يمه اخر كلمه موافقه او لا

نور - باوعت عليها وصفنت وكلامها يدور ابراسي معقوله صدك يطلع يحبني معقوله صدك راح يحتويني راح ارتاح لو راح ادمر راح افرح لو راح ابجي الحزن راح يحتل كَلبي لو خلص السعادة راح تدخل حياتي حسيت الكلمه بصعوبه تناكل اريد اكول اي بس خايفه واذا اكول لا الخوف يزيد من وره عمامي غمضت عيوني نزلن دموعي بهدوء اااخ يادموعي شكد نزلتي يارب راح اوافق ماعندي

خيار ثاني يارب توكلت عليك اختار لي ولا تخيرني ورضيني بالي انت تختاره

كلتها بصوت طفله مكسورة الجناح والحزن كاتم صوته كتم

اي خاله موافقه

جوان - خلص لعد اكوم اصيحه

نور - راحت تنادي واني الحجيه حضنتني نزلن دموعي كتلها

حجيه اليتيم وحيد بهاي الدنيا

مسحت دموعي بيدها المحنيه الحنونه وكالت

ام ركان - يشهد الله حبيتج مثل بناتي ومعزتج وغلاتج بكَلبي اكثر منهن لاتكولين اني يتيمه وماعندي اهل رب العالمين ياخذ شي وينطي شي يايمه عتبريني اني امج واهلج هنيالي لو جنت امج هنيالي اني متأكده امج فخوره ابنتها على هيج تربيه واخلاق لا تبجين افرحي يايمه وتفائلي بنيتي
ربج مايعوفج وهو اقرب الج يايمه من حبل الوريد

نور -  ان شاءالله ونعمه بالله
حبيبه الي الشرف اعتبرج امي

ام ركان - يابعد راسي بنيتي الحلوه ابتسمي

نور - ابتمست

_____

رعد - طلعنه برا

ركان - ها ولك ارعن وربي ماعرفتك هيج
متخبل عليها كلت تحبها بس مال كبل عقد
ماتوقعت  هههههه

رعد - لعد شسوي اكو حل ثاني
باوع عليه غمزلي وكال

ركان - ها يعني زواج عل ورق وبس
ماكو شي ثاني

رعد - هههه وانت شعليك

ركان - هههههه مبروك عل طفل من هسه

رعد - يول انت صدك ماتستحي عيب ابني
عيب اضل اعلم بيك

ركان - هههههه لا خويه علم نفسك اليوم وراك سهره طويله

رعد - سحبت سيجاره ولعتها
لا صعبه ماتوقع راح يصير شي

ركان - ليش مايصير انت خبره هههههه

رعد - دفرته على بطنه
انجب لسانك شطوله منيلي خبره

ركان - هاي السوالف مشيها على نور مو عليه اي نسيت جدي من ينزل يطفر عل ملا.هي
يلا تكبر وتعقل هههههه

رعد - ركان الساني زفر ماريد انزل عل ترابي
يول شوكت متقرب لبنيه اشرب اي واروح هناك بس مستحيل اتقرب لوحده منهم مخبل اتقرب لهيج نماذج

ركان - اي خوش لعد اول تجربه لا تفشلنه هههههه

رعد - ههههه من طاح حظك

ركان - ضلعي شد حيلك اليوم
نريد ولي عهد هههههه

رعد - اي احلم احلم
واحنا نحجي اجه عُمر والشيخ فهمته السالفه
ورحنه لشقه

نور - شوي واجه رعد وركان وفد واحد وياهم اسمه عُمر واجه الشيخ  كمنا اني والحجيه وهما سلمو

السلام عليكم

الكل - وعليكم السلام

نور - جنت واكفه يم الحجيه جتي ام رعد اخذته للغرفه وصاحت الحجيه راحت يمهم بقيت وحدي واكفه شوي وطلعو ماعرف شنو حجو رحت اغسل وجهي احس راح اوكع من القهر حيل مقهوره اباوع على نفسي بالمرايا عيوني حمر وذبلانه من البجي وخشمي صاير احمر من البجي

يعني احلى يوم بحياتي ماحبيته هيج يكون كل بنيه من احلامها تزوج وتلبس الفستان الأبيض احس حتى هذا الحلم طار من ايدي مثل الطير اتمنى اعيش حياتي مثل كل بنيه بعمري بس اااخ حسبي الله ونعم الوكيل عليج يامنال

عدلت الشال وطلعت اشوف كلهم كاعدين
صاحتني ام رعد رحت كعدت يمها وعيوني
في الأرض

جوان - يمه هسه الشيخ يحجي ويكلج موافقه لو لا بس كليله موافقه

نور - هزيت براسي بمعنى اي
اباوع ام رعد والحجيه فرحانيني كلت بكَلبي الله يرزقني فرحتكم شويه وبده الشيخ يحجي

الشيخ - بسم الله الرحمن الرحيم افلح من صل على محمد وعلى ال محمد

وين العروس

جوان - هاي هيَ شيخ

الشيخ - نتوكل على الله

رعد - توكل شيخ

الشيخ - يقول سبحانه وتعالى { يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير }

ويقول النبي ﷺ
(إذا خطب إليكم من ترضون دينه وخلقه فزوجوه، إلا تفعلوا تكن فتنة في الأرض وفساد عريض)

يقول النبي ﷺ ( تنكح المرأة لأربع: لمالها، ولجمالها، ولحسبها، ولدينها؛ فاظفر بذات الدين تربت يداك )
وافلح من صل على محمد وعلى ال محمد

الكل - اللهم صل على محمد وعلى ال محمد

الشيخ - الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا، من يهده الله فلا مضل له ومن يضلل فلا هادي له، وأشهد أن لا إله إلا الله وحده لا شريك له، وأشهد أن محمدًا عبدالله ورسوله واللهم صل على محمد وآل محمد ابنتي نور

نور - نعم

الشيخ - هذا الزواج خوما مغصوبه علي

نور - باوعت على رعد وكتله

لا شيخ

الشيخ - بارك الله بيج

اترضين او تقبلين يا ايتهال المحروسه نور محمود ... بأن اكون وكيلكِ لي ازوجكِ وانكحكِ من المحروس رعد عمران .... على سنة الله ورسوله على مهر موعجله .... مليون  دينار عراقي

ومؤخر .... مليون دينار عراقي فَ اذا كُنتِ راضية وموافقه على الزواج قولي نعم وانت وكيلي

نور - اجذب اذا كتلكم انتبهت شنو كال وشنو ما كال حسيت روحي فصلت عن العالم كله واجه ابالي صورة ام وابويه وتعب السنين الي عشتهم ويه منال وسالفة زوجها لو خالي وبيبي الي مارادوني تذكرتهم ونزلن دموعي وجان السؤال الوحيد الى يدور براسي

شنو راح يصير بيه بعد هذا الزواج

ضليت ادعي وادعي بكَلبي لحد ما حسيت سئلني
الشيخ موافقه او لا

جوان - يمه نور الشيخ منتظر الرد

ام ركان - يااا بنيتي ليش صافنه اذا موافقه كولي موافقه

نور - رفعت راسي جتي عيني بعينه  نزلن دموعي وكلت نعم موافقه وانت وكيلي اول ماهيج كلت
ابتسم رعد نزلت راسي ودموعي تنزل وايدي ترجف من التوتر الحجيه مسكت ايدي ومسحت دموعي رفعت راسي جانت عيونه مركزه عليه

خله الشيخ ايده بأيد رعد وكله

الشيخ - زوجتك ياايهل المحروس رعد عمران ...
من موكلتي المحروسه نور  محمود .... على سنة الله ورسوله وعلى مهر موعجله .... مليون  دينار عراقي ومؤخر .... مليون دينار عراقي فَ اذا قبلت قول

نعم قبلت التزويج لنفسي

نور - خليه عينه بعيني وكال

رعد -  نعم قبلت التزويج لنفسي

الشيخ - ندعو الزوجين نور و رعد
كما دعا صل الله عليه وسلم وقال
( اللهم بارك لكمَ وعليكم وجمع بينكم على خير )

اللهم اجعله زواج مبارك مبني على الرحمه والألفة والموده والمحبه اللهم بارك لنا في عقدنا هذا
وصل الله على محمد وآل محمد بارك الله لكمَ هذا الزواج وارزقكم ذريه صالحه وزرع في قلوبكم الموده والرحمه الف مبروك

نور - كامو كلهم وام رعد والحجيه هلهلو وحضنوني

جوان - كلووووولش الف الف مبروك يايمه

ام ركان - اللهم صل على محمد وعلى ال محمد بال امبارك يمه كلوووووولش مبروك بنيتي نويره

نور - تسلمون

ماحجيت شي بعدني مصدومه يعني خلص
صرت مرته  يارب وفقني يارب

جوان - يمه رعيد  الف مبروك حبيبي كلووووش

رعد - الله يبارك بيج حبيبه

ام ركان - والله وفيت بوعدك كلت حجيه من امي تخطبلي انتِ تكونين وياها فدوه لطولك يايمه الف الف مبروك

رعد - اي طبعاً اوفي بالوعد جم حجيه عدنا
هههه الله يبارك بيكم

عُمر - ضلعي الف  مبروك حبيبي شايف كل الخير

رعد - الله يبارك بيك خويه يوم النفرح بجهالك يالغالي

ركان - لك ساقط ازوجة واخيراً ههههه
مبروك ضلعي

رعد - انجب لك محد غيرك ساقط ههههه
يوم النفرح بيك طايح الحض ونخلص منك بس الله يساعد التاخذك

عُمر - والله انتو الاثنين الله يساعدهم الي ياخذوكم واخذوكم

نور - كلهم ضحكو من كلام صديقه
التفتو عليه باركولي

عُمر - خويه نور الف مبروك الله يسعدكم ويرزقكم الذرية الصالحة

نور - تسلم خويه

ركان - اخيتي الله شاهد حسبتج حسبت خواتي
الف مبروك والله يساعدج على رعيدنه ههههه

نور - ابتسمت وكتله
خويه شكراً على كلشي انت والحجيه
صرتولي اهل الله يجعله من ميزان حسناتكم

ركان - اي خويه لا تحسبين بيوم انتِ بدون اهل ترا اني اخوج والحجيه امج

نور - والله اعرف ماتقصرون الله يحفظكم

راح الشيخ والحجيه وام رعد جابو ضيافه بقلاوة وببسي وقطع كيك ماعرف شوكت جابهم رعد

كعدو كلهم واني رحت للغرفه الي بصف غرفة النوم شوي وجتي الحجيه وام رعد

ام ركان - يمه نور شلونج هسه بعدج متوتره

نور - اي والله ماعرف ليش

جوان - بنيتي كلنا هيج كُلش عادي والله اذا تعرف بتول اطير من الفرحه هههههه

ام ركان - اي والله حقهم يفرحون غير الغالي خطب

جوان - اي والله حجيه كُلش يحبو
يمه نور اني حجيت ويه رعد

نور - بخصوص شنو

جوان - بخصوصكم يمه اني شرطة على رعد
يزوجج زواج شرع وقانون مو بس عل ورق

نور - كُلش انصدمت من هيج كالت
شنووو

جوان - اي والله يمه وهو وافق يلا اني وافقة على زواجكم وين راح الكه احسن منج ال ابني

نور - خاله شدتحجين شلون يعني شرع وقانو رعد كال عل ورق وبس

جوان - مو بكيفه والله كتله وافق وكال ماعندي مانع اذا هيَ توافق

نور - شلون هيج ليش ما اجه كلي وسالفة خالتي شلون راح اتخبل

جوان - يمه نور هسه سالفة خالتج عوفيها وسمعي كلامي باجر اني والحجيه ناخذج لسوك نجهزج جهاز كامل وروحي لصالون رتبي نفسج حف كص صبغ بعد هذي سوالفجن انتن البنات ماريد تحسين نفسج مو مثل باقي البنات واتفقنه بعد مانخلص خطبة حيدر نجهز خطبتكم كدام الناس واسويلكم عرس ماصار مثله بكل العراق اخلي صغار وكبار تحجي بعرسكم يمه تستاهلين كل هذا واكثر بنيتي بس هسه محد راح يعرف انتو ازوجتو لحد مانخلص سالفة حيدر

ام ركان - كلامج ذهب داده زينت العقل زين تسوين
اي والله ثنينهم يستاهلون

نور - بعدني مصدومه من كلامها والصدمني رعد ما اجه وكلي على شرط امه واني اكول امه شلون قبلت بهيج زواج ومحد يعرف اااخ نور شنو
ديصير والله مدافهم شي

ام ركان - ها يمه شو صافنه

نور - والله حجيه مصدومه

ام ركان - حقج يمه تنحل ان شاءالله ماكو شي ماله حل وربج موجود بنيتي

نور - ونعمه بالله
حسيت ام رعد تريد تحجي بس متردده شوي وصدمتي اكثر كالت

جوان - هسه يمه نور ولو انتِ واضح عليج التوتر بس بنيتي هسه رعد صار زوجج شرع وقانون
يعني ماعرف  شلون افهمج

ام ركان - يااا داده جوان شجاج دخلي بالموضوع انتِ متوتره اكثر من البنيه

جوان - ههههه اي والله

ام ركان - لعد اني افهمها
يمه نويره التقصده خالتج يعني اليوم ان شاءالله شرع وقانون رعد يصير زوجج تعرفين بسوالف المزوجين لو نعلمج عليهن فهمتي قصدنا

نور - عزه العزاني ذوله شديحجون صخام الصخمج يامنال  وربي ابد مافكرت بهاي السالفه يبوووو لا كُلش مو وكته اني مامستعده لهيج شي ولا عندي ذيج المعلومات الكافيه انوب استحي احجي يبووو عليه خلي اكول اي شي قبل لا اروح بيها كلت

اي حجيه فهمت لا شكراً  مايحتاج

ام ركان - اي خلص لعد دامج تعرفين
يلا جوان خلي نروح علمود العرسان ياخذون راحتهم

جوان - اي صح يلا نكوم

نور - كامو جتي ام رعد حضنتني وكالت

جوان - يافرحتي بيج يايمه من اليوم عتبريني امج مو عمتج محبتج مثل محبت رعيد بنيتي

نور - تسلمين خاله

جوان - لا يمه لاتكولين خاله بعد ناديني يمه مث
جهالي انتِ من اليوم صرتي بنتي الثالثه

نور - يمكن اكثر كلمه ريحتني بهذا اليوم نزلن دموعي حضنتها وكلت

اااااخ صار سنين سنين طويله وانه محرومه من
هاي الكلمه

جوان - كافي يمه كافي تبجين امي انتِ الله سبحانه وتعالى ينطي وياخذ بنيتي فدوه اروحلج

ام ركان - ياااا واني بنت البطيطه السوده
لعد انه شنو محد يحضنتي

نور - ضحكنه على كلامها حضنتها وبستها
انتِ كَلبي حجيه يشهد ربي حبيتج عتبرتج بيبيتي لان محرومه حتى من الجده

ام ركان - ياعيني نويره انتِ بنيتي يايمه انسيهم كلهم احنا نصيرلج ام واب وجد وجده وكلشي وادللي 

نور - كُلش ارتاحيت بكلامها وكلت
تسلمون ماتقصرون

ام ركان - جم نويره ورعيد عدنه فدوه اروحلكم

جوان - ربي يحفظكم
يلا حجيه خلي نروح

ام ركان - اي يلا

_______

ركان - هسه ماصدك عكروك الجهاز اتزوج ههههه
خبر عاجل لازم نبثه

عُمر - قصدك اسد الجهاز شجابه عل عكروك ههههه

رعد - عوفه هذا الساقط ماعلي عتب اني اعلمه عكروك بعينه

ركان - افا عليك يلا اليوم احترمك كونك عريس وحركات
بغمزه / صدك اليوم يومك يابطل لا تفشلنه ههههه

عُمر - هههههه لا بهاي صدك اليوم يومك ارفع راسنه

رعد - هههههه ادبسزيه 

ركان - اصبر عليه اليوم اله نخبصك خبص مانخليك تندل دربك هههههه

عُمر - هههههه ولك منو يكول اليوم يسويها

ركان - لا يابه شلون مايسويها اذا يريد علمود اجيبله تمر اشرسي هههههههه

عُمر - ههههههههه

رعد - ايا ساقط مو بالحيف انه احتاج تمر
وفره الك من تزوج ههههههه

عُمر - يابه الرجال اسد الجهاز اسم على مسمى وفعل مفعول مابيها مجال ههههههه

ركان - خوفي لا يفشلنه  ههههه

عُمر - صدك جذب  هههههه

رعد - ركان انجب خوش

ركان - خوش ياشرس دير بالك عل فريسه بعد اخوك ههههههههههه

عُمر - ههههههه ناوي اليوم يجلطنه من الضحك

رعد - هههه لا تخاف كدها وكدود
جنا نحجي طلعو الحجيه وامي بس نور ماجانت وياهم اتوقع حجو وياها بموضوع الشرط

ام ركان - يلا يمه ركان خلي نرجع نعوف رعيد وعروسته ياخذون راحتهم

ركان - هنا المشكله نخاف نروح وتصير كارثه ويفشلنه ههههههه

جوان - يااا عزه العزاك هههههه

عُمر - يابه الستحو ماتو وركان واحد منهم هههه

ام ركان - ههههههه ادبسز  مدري علمنو طالع

ركان - ههههه على رعيد رعوده

رعد - خاب ماتنجب مشكله امي والحجيه هنا واني لساني زفر ماريد انزل عل ترابي

ركان - لا انزل بعد اخوك انزل مثل الاغنيه التكول
والليلة بدنا نولعها ولعها خويه ولعها ههههههه

عُمر -  والوحدة بدنا نودعها يا ليل كرمالي تعا  ههههههه

رعد - كمل وبعدين يكول
روح وإتركني معها ههههههه

جوان - ياااا عزه شنو انتو ههههههه

ام ركان - عفيه انتو وين متربيين ولج جوان معقوله احنا مربيهم هيج  هههههه

جوان - هههههه لا والله بس هما فاسدين

ركان - رحمه الله والديج ست جوان ههههههههه

صدك رعيد نريد عرس والله اذا ما اذب لحم بعرسك ما ارتاح 

عُمر - اي والله نريد عرس نفرح بيك خويه

رعد - والله ماعرف بعد نشوف الله كريم

جوان - ان شاءالله اسويلهم عرس العرق كله يحجي بي

ركان -  عاد صدك محتاجين هيج عرس

ام ركان - الله يتمم لهم يلا يمه نروح

ركان - اي يلا

جوان - يمه ركان وصلني بدربكم

ركان - مو تدللين من عيوني

عُمر - اني هم اترخص اروح

رعد - بعد وكت ضلعي وين رايح

عُمر - والله جان عندي شغل ومع ذالك جيت علمودك وماعرفت هيج السالفه لو عرفنه جان قمنه بالواجب اكثر اعذرنه ضلعي

رعد - صدك تحجي ترا ازعل ماكو هيج سوالف بينا جيتكم تكفي والله لو ما اثق بيكم ما جان طلبت
جيتكم انتو بذات

عُمر - سرك ابير خويه الصديق وقت الضيق

ركان - اي والله جم رعوده عدنه تمر اشرسي اكل مو تنسى اضل اعلم بيك ههههه

عُمر - هههههه

جوان - هههههههه

رعد - هسه هذا بالله عليكم شتحجون ويا سهله اعلمك بعدين

ام ركان - مايستحي ابني واعرفه
لك لسانك شطوله يلا امشي تأخرنه

ركان - عود انصحه شبيكم مو صوجكم صوجي 

جوان - يمه مثل ماكتلك ماوصيك دير بالك على نور وحاول تكعد وتحجي وياها ماشي

رعد - تم ادللي

ام ركان - يمه رعيد نور مثل بنتي اذا تحبني لا تزعلها وتبجيها ودير بالك عليها

رعد - والله  يابه نور محظوظه بيكم  تم ادللو

عُمر - يلا اني اترخص مبروك ضلعي مع السلامة

ركان - احنا هم نروح يلا خوي مبروك

رعد - الله يبارك بيكم وعذروني تعبتكم وياي

عُمر - تدلل خويه لو شمانسوي مانوفي حقك علينه

ركان -  تدلل رعوده
في  امان الله

رعد - مايدلل عليكم ظالم هلا بيكم في امان الله
راحو سديت الباب رحت اشوف نور وينها ماله صوت

فتحت باب غرفة النوم ماكو اكيد بالغرفه الثانيه
فتحت الباب شفتها كاعده في الأرض وحاضنه رجليها وتبجي

بويه نور شبيج

نور - اول ماطلعو الحجيه وام رعد من الغرفه
حسيت روحي مخنوكه كعدت حضنت رجلي
وابجي ماعرف على شنو ابجي احس جروحي هواي وحتى البجي مايرح كَلبي شوي ودخل رعد شافني اجه كعد يمي

رعد - بويه بس فهميني ليش تبجين

نور - ماجاوبته احس نار بكَلبي نااار تحركني
بس ربي يعلم بكمية التعب الي بكَلبي

رعد - راح تبقين هيج تجنبيين الكلام وياي

نور - شهكت بقهر ضميت وجهي بيدي كتله
فدوه عوفني والله البيه مكفيني تعبت من كلشي تعبت خلص طاقتي انتهت

مسك ايدي  بعدها عن وجهي وهاي جان اول مره يمسك ايدي ويصير تلامس بيني وبينه مسح دموعي بأطرف اصابعه تقرب اكثر انفاسه الحاره تضرب وجهي مسافه قصير تفصل بين وجها اوجهي نزلت راسي احس كَلبي راح يطلع من
مكانه اول مره يكون هلكد  قريب عليه وجان يكول بصوته الخشن البي بحه تخبل وانفاسه الحاره تضرب بوجهي

رعد - بويه رفعي راسج وخلي عينج بعيني

نور - ماكدر ارفع راسي احسه كُلش قريب عليه بس كتله

رعد

رعد - عيونه واهله وعشيرته كلهم

نور - بلعت ريكي صخام الصخمج يامنال شلون اخلي يبتعد كَلبي راح يوكف من سرعة ضرباته من التوتر راح يغمى عليه

رعد - احجي بويه لاتخافين احجي

نور - كلت بكَلبي ولك شحجي وانت هيج قريب بس ارفع راسي تصير كارثه يبوووو شجابني على هيج سوالف صخام الصخمج يامنال ربي لا يوفقج دنيا وآخره

رعد - نور بويه

نور - نعم

رعد - شو باوعي عليه

نور - رفع راسي بيده جتي عيني بعينه ذبلن عيونه وهو مركز على شفايفي وانفاسه الحاره تضرب بوجهي كال

رعد - نور

نور - نعم

رعد - لصبر حدود بويه ....................................

_
_

يقول الشاعر

سميتك نفـس لو ينكطع ماعيش
وسميتك حبيبي وروحي سميتك
عفت الناس كلها وما عشكت إنسان
بس أنت أعجبتني وحيل حبيتك
أعز مني عليه وغالي عالروح
عليك أجذب إذا فديوم مليتك
أنا بس بالكلام وكَلبي ذايب بحبّك
وأفكر بيك عشكتك اعترف وحيل حبيتك
أنا في ليلي ونهاري إذا شفتك
من صدّك مدير شيصير بحالي
أظن يغمى عليّ وأفقد إبصاري
احبك يابن الناس شسويت بحالي
تعال دفّيني بحنانك واعرف أسراري
سميتك نفـس لو ينكطع ماعيش
وسميتك حبيبي وروحي سميتك
_

وكانما كان الشاعر يقصد ابطال رواياتي
ابطال روايه خلف القضبان روح يتيمة
بقلم انا الكاتبه جيهان آغا

_
_
________

قلبييييي الجميلين انتظروني في البارت القادم
جميع البارتات القادمه راح تكون 🔥🔥🔥
من الأحداث الحلوه والغموض والتشويق

واكيد ملاحظين البارتات شكد صايره طووووويل لعيونكم الحلوه فَ ياقلبي انتو
لا تنسون حقي تعبي اقل شي وصلو البارت 200 تعليق وشكد مايكثر اتحفز اكتب اكثر ويطول البارت  بتعليقاتكم الحلوه لان تعليقاتكم وتفاعلكم بالرواية كُلش تحفزني

شاركو الرواية ويه اصدقائكم اهلكم يلي يحب القصص دزولهم الرابط خلي يقرون وياكم
وقراءة ممتعة لكم جميعاً

لاتنسون التصويت بالنجمة وتعليق بين الفقرات

قلبي حسابي انستجرام انشر هناك كلشي
يخص الرواية + موعد نزول البارتات ومشاهد قبل نزول البارت هنا 👇

وهذا حسابي واتباد تابعوني حتى يصلكم كل جديد

Jehan-Stories

والان ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر

"""""""""

#خلف القضبان روح يتيمة
#بقلم الكاتبه جيهان آغا