رواية خلف القضبان روح يتيمة الفصل الثامن عشر 18 - بقلم الكاتبة جيهان آغا

#خلف القضبان روح يتيمة
#بقلم الكاتبه جيهان آغا

_
_

قبل مانبدي صلو على سيدنا محمد

( اللهم صل على سيدنا محمد وعلى ال محمد )

ولا تنسون تفاعلكم يحفزني
اكتب البارت وانزله اسرع

قراءة ممتعة ياقلبي
_____

اذا ماكو زحمه ممكن توكف هنا بس انزل

رعد - ماشي

بتول - حبيبتي ابقي يمنا وباجر نشوف شيصير

نور - تسلمون كلامكم وكفتكم وياي يكفي شكري اخوانج وامج بدالي

بتول - عيوني انتِ تدللين
دير بالج على نفسج واي شي يصير تعالي يمنا

نور - تسلمين
التفتت علي بعده عيونه عليه من المرايه
كتله
شكراً تعبتك وياي

رعد - هذا واجبي ماكو اي تعب

نور - نزلت من السياره شفت الباب مفتوح شوي بلعت ريكي وتقدمت وجان اسمع صوت رياجيل وهوسه واحد منهم يصيح يكول

- هاي العار تخبلت نزلت راسنه الحقيره اله نغسل عارنه هيج ادبسز لازم من زمان تموت

منال - كتلكم ياعيوني
هاي البنيه عار محد صدك بيه هيج زين شوهت سمعت رجلي ودخلته بالسجون بسوالفها المنحرفه

- ااااخ بس الزمها اموتها بيدي

- اهده يمعود منال هسه هيَ وين

منال - ابيت هذا القصر العندهم حراس

- شنووو منو هما علمود تروح هناك

منال - عندهم ولد ومريشين تريد تفوتها هيج فوته
لعد شنو شغلها الادبسر من واحد لواحد ليش تكعد راحه

- اااااليوم موتها على ايد سهله

نور - اسمع الكلام مصدومه صدمة عمري منو ذوله ومنال شدتحجي وتألف عليه وين اني يارب يكون حلم ربي يكون حلم ابتعدت بالغلط وكعت حاوية النفايات اجلكم الله التفتو شافوني صاح واحد منهم

- وووولكم هاي هيَ العار لزموها

نور - جانو اربع رياجيل ركضت ركضو ورايه ابجي واركض وجان انجر من شعري صحت بعلو صوته

ااااااااخ هدوووووني

- ياحقيره ياعار اليوم نموتج

منال - حيل بيج تستاهلين ادبسزز

نور - مسكوني رادو يدخلوني جوه نطقت اسمه لا ارادين صحت بعلو صوتي

ررررررررررعد بتووووووول ساعدوني

- صوووتج ادبسز اليوم نشرب من دمج حقيره

منال - عززه بعينج رعد منو هاكم شوفو شبسرعه عرفت رعد مدري منو ولج ياحقيره شكد رخيصه انتِ

نور - حسبي الله ووونعم الوكيل عليج يا منال

ادعي على منال واحد منهم ضربني راجدي فر وجهي فر دخلوني جوه واني ابجي وهما يضربون بيه اربع رياجيل وكلها ترفس ابطني وتضرب بيه
وتسب وتشتم بيه

- حقيرررره انتِ عار علينه يا ادبسز

- ووولج اليوم نشرب من دمج وما نرتاح
نزلتي رووووسنه

نور - بدموع / منووو انتو فدوه والله مالي شغل هو حاول يغت.صبني عوفووووني

مافاد الكلام وياهم ضرباتهم صارت اقسى طك خشمي وراسي دم والضرب يجيني من كل الجهات وكعت بالكاع اربع زلم التمو عليه واني القاهرني ماعرفهم منو ذوله اباوع منال تضحك وهما فاقدين عليه بالضرب حسيت نفسي راح اروح يم اهلي فرحت رغم حزني فرحت رغم الموقف مو مال فرح فرحت رغم الألم  البيه كلت خلص راح اروح يم اهلي ضلو يضربون ويضربون لحد ما اختنكت ضليت اكح طلع دم من حلكي وهما يرفسون ابطني
ومعدتي وكل شوي واحد منهم يضربني راجدي

جنت منتظره واحد منهم يكول كافي عوفوها بس كلها تضرب حسيت نفسي فراشه بين الوحوش باوعت لسماء نطقت الشهادة ودموعي تنزل

اشهد ان لا اله الا الله واشهد ان محمد رسول الله

بعدني ماكملت وجان اسمع صوت رعد واخوانه غمضت عيوني وبعد ماحسيت بشي

____

بتول - نزلت نور واحنا دخلنه للبيت
رعد كال اغسل السياره واني رحت اشوف امي وين شوي وجان نسمع صوت ينادي بأسمنه

رعد - هذا صوت منو

بتول - ماعرف

حيدر - شكو شصاير

بتول - ركض رعد برا
واني ركضت وراه اجوي اخواني ماكو احد برا

رعد - من وين هذا الصوت

حيدر - ماعرف احسه قريب

سيف - خاف متوهمين

رعد - لا

بتول - صار هدوء شويه واجه صوت بجي وصياح وعياط التفتنه مصدر الصوت جان من بيت نور

عززززه ولكم نور

رعد واخواني ركضو دفرو الباب جتي امي وتبارك رحنه نشوف شكو والصدمه رياجيل اربعه ويضربون بنور وامدديها بالكاع ومزوركين وجها تزورك وجها صاير عباره عن دم واثار ضرب بوحشيه والبنيه لا حس ولا نفس لطمت على خدي

عزززه بس لا ماتت

ركضت تبارك تشوفها ورعد مسك واحد منهم وضل يضرب بيهم وحيدر وسيف طبوك ويه رعد وصارت بالبوكسات بين الطرفين  ومرت ابوها واكف تتفرج
رحت يم تبارك

ها فدوه بشري

تبارك - ولج البنيه بس لا صار بيها شي

بتول - ضلت تضربها على خدها تريد تكوم
ماتكوم

تبارك - نور حبيبتي كومي نور احجي وياج تسمعيني نور داده كومي عيوني انتِ

بتول - ماكو فائده نور لا حس ولا نفس
كمت ابجي وادعي متنه خوف عليها صحنه سيف
سسسسيف تعال شوف نووور فدوه

اجه ركض خله ايده عل معصم ايدها
ويم رقبتها  كال

سيف - البنيه راح تموت نبضات القلب جداً ضعيفه
رررعد بسرعه شغل السياره

رعد - اول ماسمعت سيف هيج يكول ماعرف شصار بيه رحت اشوفها صدك لا حس ولا نفس
ردت اشيلها امي كالت

جوان - لا يمه اصبر تبارك روحي جيبي بطانيه شي بسرعه علمود يشيلوها

تبارك - حاضر

منال - عوفوها بلكت ماتت وخلصت منها

رعد - ااانتِ بذات حسابج بالمركز بسيطه
اذا ماخليج تعفنين بالسجن ما اسمي النقيب رعد

بتول - اباوع  منال صار وجها اصفر والرياجيل خافو اول ماعرفو رعد ضابط راحو بسرعه 

رعد - وووين رايحين اشوفكم بالمركز بسسسيطه ياعار انتو هم زلم

بتول - جابت تبارك البطانيه من بيتنه و اني وامي وتبارك بزور خليناها عل بطانيه وجان يشلوها الولد صعدوها بسيارت رعد واني رحت كعدت وره يمها وامي كعدت كدام وحيدر وسيف اجوي بسياره حيدر واحمد جان بالكلية

طول الطريق اني وامي نبجي وندعي بس لا صار بيها شي اباوع وجها كله دم وازرك صاير من الضرب القاسي

رررعد فدوه استعجل

رعد - اكثر من هذا الاستعجال راح نسوي حادث شوفي النبض بعد اخوج

بتول - مسكت ايدها ورقبتها ماحسيت بشي طكيت من البجي

رعد - شكوووو ليش تبجين

بتول - ماكوووو نبض ماكووو ماحس بشي

جوان - عزه العزاني يمممه البنيه راح تروح من اااايدنا استعجل

بتول - اني وامي نبجي ورعد يسوق بسرعه

نور فدوووه كومي يارب تشفيها يارب نور كومي
فدوه اروحلج كوومي

وصلنه للمستشفى رعد شالها وركض بيها
للمستشفى جابو سديه اجه الدكتور شافها كال

الدكتور - نبضها كُلش ضعيف

رعد - يعنيييي شلون شوفو شغلكم
ليش وااااكفين بسرررعه

حيدر - راح يرجع يفضحنه ولك صوتك منا الناس

رعد - ماتشوفه شلوون واكف صافن عليها

سيف - هاي شبيك غير يفحصها وين صافن

بتول - دخلوها للغرفه وماخلونه ندخل
شويه واجه الدكتور كال

حيدر - ها دكتور بشر

الدكتور - المريضه متعرضه لي احصار القلب

جوان - عززه شنو يعني

سيف - لحظه يمه بس خلي نفهم
شلون هيج صار دكتور

دكتور - هيَ مريضه بمرض احصار القلب
لا تكولون ماجنتو تعرفون

سيف - مانعرف والله بتول هيَ جانت مريضه

بتول - لا ماتوقع ماكالت

رعد - هسه جانت تعرف او لا مو شغلك
فهمنه شنووو هذا المرض وشنو علاجه

سيف - احصار القلب
احتمال يؤدي تباطؤ سرعة ضربات القلب إلى الإغماء واضطراب نظم القلب وحدوث مضاعفات خطيرة بصراحه وحيث إن إحصار الحزيمة يؤثر في النشاط الكهربي للقلب، واحتمال يتسبب في بعض الأحيان في صعوبة التشخيص الدقيق لأمراض قلبية أخرى، خصوصًا النوبات القلبية

صح دكتور لو اني غلطان

دكتور - لا كلامك صح احنا راح نخليها اليوم
تحت المراقبه واذا بقت هيج باجر لازم نزرعلها منظم دقات قلب

رعد - لا حوله ولا قوة الا بالله

حيدر - خير ان شاءالله شكراً دكتور

دكتور - سلامتها ماتشوف شر

بتول - راح الدكتور اباوع رعد ماعرف شبي
حسيته خايف على نور وتصرفاته غريبه متوتر يجي ويروح وهاي التصرفات مو تصرفات رعد
معروف علي مايهتم ليش هيج مهتم بحالة نور ماعرف

جوان - هسه شنسوي وين ننطي وجهنا

حيدر - المشكله مانعرف احد من أقاربها

سيف - هما منو الجانو يضربوها

رعد - يمكن عمامها الحقراء

سيف - مكسرين البنيه مشوهين وجها شنو هذا التخلف

بتول - الله يعلم منال شكايلتلهم

جوان - حسبي الله ونعم الوكيل شنو من مره
هاي عزه بعينها

تبارك - هسه احنا نبقى هنا لو شنو

جوان - والله ماعرف يمه رعد شتكول

رعد - يمه مادري مشكله مانعرف احد اقاربها نبلغه يجي ولا نكدر نعوفها وحدها

سيف - شغله لايصه كُلش

بتول - اني ابقى يمها انتو رجعو

حيدر - شلون يصير وحدج تبقين والمدرسه ست بتول

جوان - لا ترجع عندها دراسه

بتول - لا فدوه كُلش احبها فدوه يمه خلوني اني يمها الله يخليج حتى اذا ارجع بالي وفكري راح ينشغل بيها فدوه اريد ابقى يمها

رعد - رجعو انتو اني وبتول نبقى

حيدر - صدك تحجي

رعد - ليش شوكت مجذب استاذ حيدر

حيدر - لا خويه ماقصد شي بس استغربت

رعد - لا تستغرب

جوان - اذا هيج يلا يمه حيدر احنا نرجع وباجر الله كريم يمه

حيدر - ماشي خويه اي شي يصير بلغنه

رعد - ماشي

بتول -راحو كلهم بقينه اني ورعد رحت للغرفه يم نور وهو طلع برا يدخن

__

رعد - طلعت برا ادخن وافكر بيها جنت اكول اني مامرتاح ساكت والسوالف البكَلبي مال صياح

طلع اكو اسوء من حالتي على الأقل عندي امي واخواني وخواتي مو مثلها ماعندها احد كُلش صعبه اخذت نفس من السيجاره غمضت عيوني
اجه شكلها ابالي من ذاك الحقير راد يعتدي عليها
وذوله الجبناء الي زوركو وجها يدفعون الثمن غالي بسيطه اذا مارجعت رد افعالم مضاعف ماسمي رعد

بين افكاري خابرتني ريتاج غلقته بوجها
رجعت مره ثاني خابرت جاوبتها

ريتاج - حبيبي وينك

رعد - عندي شغل بسرعه كولي شتريدين

ريتاج - رعد شبيك وياي

رعد - اهووو رجعنه على سوالفج التعبانه
اكلج عندي شغل بسرعه خلصيني

ريتاج - اريدك انت وينك مشتاقتلك

رعد - لا حوله ولا قوة الا بالله
ولج باباه انتِ شبيج مو صوجج صوج الجاوبج

غلقته بوجها كُلش مالي خلكها
رميت السيجاره ورحت اشوف البنات

اول مافتحت الباب شفت بتول كاعده ومغمضه عيونها امبين نايمه التفتت عل البنيه تقدمت كم خطوه صفنت عليها نايمه مثل الملاك سبحان الخالق شكد حلوه حتى وهيَ بهذا الحال حلوه

اااخ بس لو اعرف اقاربج وين مال ادكهم دك على سوايتهم انكسرت ايدهم شمسوين بيج

بتول - خويه

رعد - سمعت صوت بتول التفتت طلعت كاعده تراجعت كم خطوه

بتول - خويه شبيك ويه منو تحجي

رعد - ها لا ماكو شي

بتول - رعد والله اعرفك احجي شبيك

رعد - لا خويه ماكو شي

بتول - زين اسئلك سؤال جاوب بكل صراحه

رعد - اسئلي بعد اخوج

بتول - انت معجب بنور

رعد - لا منيلج هذا الحجي

بتول - اليوم شفت غير رعد العرفه

رعد - شنو قصدج

بتول - تعرف احسن مني شنو قصدي
يلا براحتك لا تجاوب بس تأكد نور ماكو منها
اكو بعض البنات تشوفهم خلقه بس بدون اخلاق
واكو العكس بس نور خلقه وأخلاق والمثل نور نادراً تلكاهم بهذا الزمن اتمنى تفكر بالموضوع وعندي احساس انت وهيَ راح تكونون اجمل ثنائي لان انتَ محتاج وحده مثل نور ونور محتاجه سند مثلك راح تكملون بعض صدكني وانتَ بكيفك بالنهايه هيَ وجهة نظر

رعد - ماريد اظلمها وياي

بتول - ليش تظلمها

رعد - اخذت نفس بتعب وكلت

اني طبعي عصبي قاسي غيور كُلش غيرتي توصل التملك والذنوب تارستني من الراس لجدم هيَ امبين عليها انسانه محترمه خلوقه مؤمنه ملتزمه مانرهم سوا الفرق بيني وبينها مثل فرق السماء والأرض تستاهل احسن مني

بتول - لا خويه مو شرط كلامك مو صح
ماتعرف مرات رب العالمين يدزلك شخص
يغير كل حياتك نحو الأفضل

رعد خويه فدوه فكر بالموضوع زين ولا تحكم
بسرعه

رعد - نازل ادخن من تحتاجين شي خابريني

بتول - ماشي خويه

_
_

نور - جنت واكفه بمكان كله ورود جان الجو ربيع والفرشات بكل مكان سمعت صوت يصيحني

نور نور

التفتت ماكو مصدر لصوت رجع مره ثانيه

نور نور

التفتت لطرف الثاني ماكو احد

تقدمت كم خطوه دخل اشواك الورود في قدمي

اااخ كعدت اطلع الشوك وجان اشوف خيال امي
فتحت كل عيوني من الصدمه كمت بلهفه

نزلن دموعي كلت

يمه وووين رحتو عفتوني ليش ما اخذتوني ليييش
تعبت يايمه والله تعبت اريدكم يمي

اشوف امي ابتسمت انطتني ورده حمره وكالت

- الصبر يايمه الصبر

نور - راحت اريد اكوم ماكدر كمت ابجي واكول
يمممه لاااا تعوفيني فدوووه يمممه وين رحتي
رررجعي اريدج يمي لا تروحين لييييش عفتيني
لا تروحين رررجعي
__

فزيت من النوم بجيت وكلت
ليش عفتيني ليييش لا تعوفوني لاااااا

بتول - جنت كاعده مغمضه عيوني تعبانه
وجان تفز نور كامت تبجي وتحجي كلشي ما افهم عليها

حبيبتي شبيج اهدي

نور - عافتني وراحت لييييش عافتني وحدي ليييييش تعبت والله تعبت ليش مايردوني ليش ما اخذوني وياهم ليييييش

بتول - نور عيوني انتِ فدوه بس اهدي والله مدافهم شي منو عافج شنو السالفه

نور - اهلي اهلي عافوني وحدي ليييش

بتول - كامت تبجي بحركة كَلب رحت مسحت بيدي على راسها ومسحت دموعها

فدوه لا تبجين انتِ مريضه مو زين عليج البجي

دخل رعد شافه تبجي

رعد - شكو شصاير

بتول - ماعرف خويه كامت تبجي وتحجي كلشي ما افهم عليها

رعد - اروح اشوف الدكتور وين صار دير بالج عليها

بتول - ماشي
راح رعد شويه واجه الدكتور انطوها ابر مهدئه
نامت صار الصبح كمل الدكتور باقي الفحوصات
اجه شاف وضعها كال

الدكتور - ها اليوم احسن من البارحه

بتول - ماعرف اكثر الوقت نايمه

الدكتور - بسبب الإبر

رعد - دكتور اكو فرق لو لا حسب الفحوصات

عد - دكتور اكو فرق لو لا حسب الفحوصات

الدكتور - لا اكو فرق الحمد لله بس

رعد - بس شنو

الدكتور - رحمها متعرض لضربات قويه
ومضرر جداً احتمال نسويلها  عملية ازالة الرحم

بتول - لطمة على خدي
عززه العزاني شدتحجي دكتور كول غيرها

الدكتور - بنيتي راح نحاول ومانقصر وبالنهاية
والشفاء من رب العالمين

رعد - يعني الي افهمه منك البنيه راح تنحرم
من الامومه

الدكتور - مع الأسف احتمال 99%

بتول - يارب ساعدنه زين دكتور ماكو حل ثاني

الدكتور - راح اناقش حالتها ويه الزملاء
وان شاءالله نلكي بديل او حل ثاني اما بخصوص قلبها لازم ادير بالها اذا تكرر عندها الحاله لازم نركبلها بطاريه تنظم ضربات القلب

بتول - نزلت دموعي مصدومه من كلام الدكتور

الدكتور - راح اكتبلها ادويه خلي تستمر
عليها هاي الفتره

رعد - ماشي

بتول - كتبلها وراح وكفت بمكاني ودموعي تنزل
شافني رعد اجه مسح دموعي

رعد - خويه ليش تبجين

بتول - نور شنو ذنبها ماسمعت كلام الدكتور
اذا البنيه انحرمت من الامومة شنو راح يكون ردة فعلها الموضوع مو سهل والله

رعد - والدكتور كال ان شاءالله نلكي حل بديل
ادعيلها ماعرفتج هلكد تحبيها

بتول - كُلش احبها خويه نور ماكو منها حقك
ماتعرفها

واحنا نحجي كامت نور مسطور راسها خطيه

نور - كمت احس روحي دايخه كُلش فتحت عيوني

حسيت بألم مو طبيعي براسي وبطني رفعت ايدي اتلمس راسي شادي بشاش طبي شفت بتول واخوها واكفين فوك راسي كلت بتعب

وين اني شنو صار ......................................

_
_

__________
يكول الشاعر

راح اكتب احبك واني معجب بيك
واريد الليله اثبت اني مجنونك

واريد اكتب كلام وبي واصفك زين
واتغزل اريد بنضرة عيونك

واكتب كل شعر بي نطقت العشاك
وعوف المفردات التنكتب دونك

واسرح بلخيال بلا عقل وياك
واشتاكلك واتحسر من يذكرونك

حبيبي انت واعز من ماي العيون
قليله الروح كون افديها العيونك

راح اكتب احبك واني معجب بيك

_

تتوقعون منو معجب او يحب منو وقبل منو ؟

قلبي انتو ان شاءالله يوميه ينزل بارت بس وصلو البارت اقل شي200 تعليق  وان شاءالله يوميه انزل قلبي انتو

""""""بس بشرط """""""

لاتنسون التصويت بالنجمة
وتعليق بين الفقرات
_

تابعو حسابي انستجرام انشر هناك كلشي
يخص الرواية 👇

وتابعو حسابي واتباد

Jehan-Stories

وضيفو الرواية عندكم في المكتبه حتى من انزل
البارت القادم يوصلكم الأشعار

والآن ثقلو ميزان حسناتكم بذكر الله

"""""""""
سبحان ألله
ألحمد لله
لا إله إلا ألله
ألله أكبر

"""""""""

#خلف القضبان روح يتيمة
#بقلم الكاتبه جيهان آغا