#خنجر_العضنفر
#بارت_٣١
#حنين_حاتم
................قيصر..................
_شبيج هيفاء شكووو
_جاي انزف ولطفل راح ينزلو لأن ميت
_هاي شدتحجيين شموتتة مومرتين رحتي للطبيبة وكلتي صحتة زينة
_ثولة هاي دكتورتي لطفل ميت صارلة اكثر من ٢٠ يوم وراح يسوولي عملية ووضعي كلش تعبان وخطر
نسبة نجاح لعملية ٦٠%
_عملية ؟؟
_اي طلبو توقيعك عليها كلنالهم مسافر وهادي راح يوقع بس كلي نطي خبر لقيصر لازم يكون عندة علم ماطول راح تدخلين بنج
لاسامح الله كلشي يصير
_خلص كليلة خل يوقع
_اي هوة وقع هسة وانت تحجي وياي بس
_شنو
_فلوس لعملية ماعدنة وأسعد ندك على تلفون لبيت ماجاي يجاوب ميدخلوني عملية اذا ماادفع لإجور للتأمينات
_ وفلوس شغلج وشغل هادي وين؟
_شغلي خليها سكتة
فصلوني صار شكم يوم
_اشو ماكلتي موميومية نتحاجة
_ ماردت اضوجك وانت وراك عملية تبقة تفكر
_هسة شلون اي ماحجيتي من وكت جان حولتلج
_شمدريني قابل اشم ايدي مساع بدة عندي لنزيف
_راح اسدة اجت لدكتورة
سدتة وخلتني بقلق
الي المني اكثر بهلاتصال انو لشي الي بسببة قررت ادوس على كلبي وحبي وذكرياتي واتقبلها كزوجة مات
جنت اهون روحي بي واكول يجي وتصيرلي عائلة واستقر وية هيفاء حتلو كلبي يم بلقيس
حتلو روحي لليوم تفرفح على طرواها
وحتلو اشوف وجها بهيفاء
بقيت الوم بنفسي
ليش رحت وشربت وشلون فقدت وصرت حيوان لهلدرجة وتقربت الها
حتلو جنت اشوفها بلقيس شلون كدرت اكون وياها علاقة كاملة
ليش تسرعت
ليش مااجة على بالي هيج احتمال
بقيت اهدأ بنفسي واحاول اقنع داخلي يبطل ملامة
حتلو مارتبطت بهيفاء بلقيس تزوجت خلص
وجدي وعمامي محد يرظة يخطبها الي جانو
حتلو باقي،بلا زواج بلقيس منين احصلها واني نكتب علية ماشوف بلدي ولااطبه للدوم
جانب مني يقتنع وجانب يلوم
طلعت صورتها نص بدلتها محروك لحد صدرها باقي ووجها لحزين سالم مابي شي
بعيوني يتلألأ دمع واحجي وياها
مذنب وآثم دمرتج يابلقيس ودمرت نفسي
لومالموت دك بيبان اهلي ماعوفج لو اعرف يصير لدم من بيتنا لبيت اهلج
تزوجت ياريت مرتاح اظحك على نفسي بلكي انسا
ولج لوعشرة اتزوج ماانسة وعدي من كتلج مااطلع من ديالى إلة بزفة وايدج بيدي
ولا انسة ذيج لعيون ولبرائة
ماانسة احساسي بيوم نزلتج من لنخلة
ماجانن مجرد دقايق
ولامجرد لزمة
ولامجرد نضرات التقن
لصار بهللثواني شي يتعدا لوصف
شي يتعدة استيعاب اهلي واهلج وكل لناس
غير كَلبي وكَلبج محد يعرف لبيننا شنو
كلتها وارجع اكولها من خسرتج حسيت خسرت ثورتي للمرة لثانية
بس هلمرة الي إستشهدو مو اصدقائي
هلمرة استشهدت احلامي،افكاري قدراتي معتقداتي وكل احساس بية
من خسرتج جان احساسي مثل خسارتي للدليل لوحيد الي يثبت برائة امي
وماتت سنين تعبي سنين دورت بيهن على لسلام لنفسي ولبلدي بس ماحصلتة
خسارتج يابلقيس ااااخ من خسارتج
هدمت كلشي بية
كلبي مرهونلج
ولوشكد ماتاخذني لدنية ولمسافات
يبقى اسمج يفزز كل حنين بية
احب بلدي لأنج مقترنة بي
احب ناسي لأن يجيبولي علومج
احب اهوارنا لأن مثلج معطاء
انة احب نفسي لأنج ساكنتها
اتزوج واسافر وشما ابتعد يبقة اسمج لوينجاب بعز فرحتي تخنكني لعبرة
ياريت ابجي بس ياريييييييت
عفست لصورة ولجيبي رجعتها
بقيت انتظر تتصل بية هيفاء من لمستشفى وماكو
لرقم ادك علي ميتحصل
الى ان اجة موعد عمليتي اني بقلق وافكر
وصل دكتوري
دخلوني للعملية ماعرف شنو لصارلي الم براسي احسة يريد ينفجر من التفكير
قاسو ظغطي مرتفع
بقة لدكتور يحاول يطمني وكلي اخذ قصط من لراحة وضربني ابرة
بقة يسولف وياي ليش تقلق عمليتك نجاحها مظمون
لجان مخوفني انو عمليتي تستمر ساعتين
خفت بهلساعتين تكون هيفاء،ماتت
قلقي جان عليها مومن لعملية
صارحت لدكتور
لزم ايدي متعاطف وياي
_لتخاف حتة وإن كان ميت كورداش بسيط وراح تكوم زوجتك سالمة
_موكورداش دكتور عملية
_طفل بعمر ٥ اشهر وعملية ؟؟
اكيد انت مثلي لناس تسألني زوجتي بياشهر مااعرف
_لادكتور اعرف لأن احنة صارلنة ٥ اشهر من تزوجنا وهي حملت من اول يوم فمااخطأ بحملها
بقة يسولف وياي
مانزل ظغطي ولا تحسن
اجل عمليتي على لأسبوع لقادم
رجعت للبيت مخنوك اتصل عليهم علبيت ميتحصلون
لليل يلله اتصلوو
جنت غافي على لقنفةة
طفرت صوت هادي يهمسلي بأسى
_الله يعوظك لتظوج مامقسوم
_لاماظوج اهم شي هيفاء سالمة
_هاي هي تحاجيك
صوتها يهمس بخنكة وبحة
_مات لطفل قيصر
_ميهم لتظوجين اهم شي صحتج الله ماقاسمة
_انت هم لتظوج نسوي غيرة لعمر كدامنا
_عوفي عنج هلتفكير اهم شي سلامتج
كليلي فلوس العملية شلون دبرتوهن
قيصر راح لاسعد لشغلة هوة عندة شكم فلس وتداين من صديقة بلشغل ونطاهن لهادي
كالة شكم يوم وقيصر راح يدزلك لفلوس،
سديتة مخنوكَ
احس خلصى مات كلشي جان يربطني بيها
ماعرف شلون راح استمر وياها
لجان واكف بعيني لطفل وبس
لبست ورحت حولت الها فلوس ومصرف
واتصلت بجدي اطلب منة يدزلي لأن الي بقة عندي شي قليل
بقيت انتظر لعملية بفارغ لصبر
وبليلتها هم اتصلت ببلقيس
رد علية صوت انثوي بس موصوتها مال وحدة جبيرة
سألت منو انت
تظاهرت كوني غلطان بلرقم وسديتة
ودخلت للعملية لوحدي
طلعت من لعملية جانت دنية ضهر
واني بلبنج شفتها كَبالي
بقيت احجي وياها
ها بلقيس اجيتي وراح تسويلي مشكلة جديدة
تدرين بذيج جيتج تكربست براسي وماكدرت اخلص منها
تدنيلي تعاي اي تعاي ايييي والله مشتاكَ
لساني ثكيل وعيوني كوة افتح بيهن
تقربت الي اتلمس بيها واحجي وياها
شعرهن لأشكَر يروح فدوة لهذا شعرج لبسواد الليل
ايدي على شفايفها واهمس
وهاي لشامة تسواهن شلع
عيوني احس ملزكات ماينفتحن
فركتهن نداريت مالكيتها
صوت يهمسلي
هاقيصر لحمد لله علسلامة
رجلي مااحس بيها صحت بي
_وين رجلي
رجلي وينهاااا
_هاي رجلك يمعود هاااي
_انت منو
_اني هادي
بقيت افتح وارجع اغمظ انام واصحا الى ان فكني لبنج تماما
شفتهم كبالي ثنينهم جانو
تقرب هادي باسني وتحمدلي لسلامة
هي بعيدة ماتقربت
رفعت راسي شوية وهمستلها
لحمد لله على سلامتج شجابج انتي وعمليتج
هادي جاوبن نيابة عنها
_لاشالولها لخياط ليوم واصرت تجي
تقربت الي همست لحمد لله على سلامتك وندارت على هادي
_اني اريد ارجع
ترجع وياي لو تبقة
_ خل نطمأن علي وشوف شلون نروح للشقة الي مأجرها خوما نروح نهبد كلشي منندل خل يصير زين ونروح
_نازلة جوة اشربلي كلاص جاي
راحت
لتفتت الة
_شبيها شصاير
_يمعود انت تدري بروحك شسويت قبل ميفكك لبنج تمام خليها سكتة
_شجابكم متكلي
_هي اصرت تجي لثولة كلتلها خليها على باجر هوة ليوم ميطلعو
اجت متعناية على صخام وجهها
_ترة اني ماواعي يعني كلشي يطلع مني
_يمعود انت متدري بروحك شسويت اني مااحاسبك لكلب ومايهوة بس الومها هي لأن سوتها بلة ملح واني مقابل على كل تصرفاتها بس تدري بيها رعنة ومتهورة وهي كل اهلي اخاف اتعاند وياها واخسرها بساعة شيطان وتهور منها
ردي على كلامة جان حسرة طويلة نجرت
رجعو للشقة بعد مااتصلت على جار الي وطلبت منة يجي ياخذهم للشقة
جانو جايببن وياهم ملابس واحتياجات بسيطة
هادي بس وصلها للشقة رجعلي بات يمي
ويوم ثاني جيكو وظعي وطلعت
ماجنت اكدر امشي ولا اكدر احركها
لدكتور تعليماتة جانت تتوجه الي ولهادي
ونبهني انو اني محتاج من ٢٠الى ٤٠ يوم بلقليل يلله اكدر احركها وشوية شوية ابدي تحفيز وحركات بسيطة تدريجيا يلله امشي
وبلغني بجلسات علاج فيزيائي كل خميس بلمستشفى
رجعنة للشقة
هادي ورة يومين راح ميكدر يتاخر بسبب شغلة
وهي بقت يمي
طول هلمدة ماحطت عينها بعيني ولا لتقت عيوننا
جنت اشوف نفسي طفل بين اديها تلبس وتبدل وتسبح وتتجيلي
صفنت واني اسأل روحي لوما هي اني شجان حالي هسة ومنو الي
خلت لغدة كدامي ودخلت للحمام غسلت لملابس وشرتهن على لمنشر
كملت غداي
ردت اسبح الي يومين ماسابح
تجتلي
خلتني على كرسي لحمام وبيدها جانت تليف جسمي رغم مااقبل واتلاوة وياها ملاوة
ايام وايام عدت متخلي عينها بعيني ولاتباوع بوجهي
نضرتها اما للكاع او للاثاث
جريت ايدها احجي وياها
_هيفاء موبيدي والله
الله هوة لزرع هلحب بية
وانتي مالج حق تزعلين علمود كلام كلتة واني موبوعيي
_مستحوذة على لوعي والاوعي عندك
اني لابلوعي موجودة ولابلاوعي لابلأحلام ولابلحقيقة
_انتي عزيزة موشرط تكونين حبيبة ووكفتج هاي ماانساها
ضحكت بأستهزاء وهي تدنك على رجلية تنشفهن
_هذا واجبي لامانة عليك ولا اريد مقابل
على جسمها نتجيت واني احاول ماارمي جسدي عليها بقوة بس مااكدر مااسيطر
وصلتنني للقنفة وهي تلهث مختنكة
دنكت على رجلية تلبسني جواريبي كملت بتسمت الي دنكت على رجلي الي بيها عملية باستها
مااعرف شصار بية تمنيت لكاع تنشك وتبلعني
جريتها ابعدها وسحبت راسها لصدري
_لتسوين هيج بية هيفاء لتسوووين
نحيبها ختنك بصدري
همست ووجها بصدري
مااسوي اذا هلشي يأذيك بس انت براحتك سوي بية مايحلالك
كلشي منك ماياذيني
هموم لدنية جثلت على صدري
رفعت راسي للسمة اريد اصرخ بكل صوتي
من عرفتها لليوم واني احس بلذنب بكل فعل يبدر منها بس ليوم احساسي جان اكبر من كل مرة
احساس خلاني اكره حتة نفسي
عدن ايام علاجي هي خطوة بخطوة وياي
ايام صعبة جنت احس بثقلي عليها
مثل لطفل جنت وهي ام الي
الى ان وكفت وحركت رجلي بعد اكثر من شهرين
وكدرت اخطي
مثل طفل جنت اكوم واوكع والكة اديها تسندني ودموع لفرح مالية عيونها
وتشجع وتأملني
وصلت مرحلة اريد امشي بس حتة تخلص من عبئي
لكيتها جيش بوسط ضياعي وعجزي وغربتي
بيوم مشيت لوحدي بدون مااحد يسندني
بلكاع شفتها تسجد شكر لرب لعالمين
ومن كلبها طلعت لهلهولة ووياها دموع
وعلى كل لمستشفى فترت توزغ واهلية
كملت رحلة علاجي ولوما الي يدزو جدي وغضنفر ماكدرت اخطو خطوة ولا وكفت على حيلي
جنت اطلب مبلغ يدزولي ضعفة
اتصل بيهم بعد كل جلسة علاج وابلغهم بلتحسنات
وهيفاء تحجي وياهم
بيبي توصيها علية
تشهك وهي تكللها وصي علية موتوصيني علي
اكو واحد يوصو على روحة
صار لازم نرجع
لمينا كل اغراضنا وسلمنة مفتاح لشقة
وركبنا طيران
وصلنة دنيا ليل جانت
هادي جان جايب عشا من برة
اكلنة وبقينة نسولف
فهمت هوة مادافع اجار لشقة هذا لشهر لأن مبطل من شغلة وباقي،كم يوم يدور على شغلة ثانية صارف كل لعندة
طلعت لباقي عندي ميكفي اجار
ابو لمحل جان جايب عامل غيري
اتصلت بياسر وعبدو كالو نحاول نحصللك شغل بأقرب وقت من معارفنا
هيفاء نبزت
_وصيهم الي همات احسن مااضل كاعدة لشهر راح يخلص واحنة كلشي ماعدنة
_هادي:- علما يلكولنة شغل يجي راس لشهر
خلي اهلك يدبروهن بينما نشتغل
_هوة ليطلع برة يصير عون لأهلة يحول فلوس ويساعد
إلة اني اسحب منهم وماكو
_هيفاء:- فترة مرض وعدت وان شاء الله توكف على رجليك وتدز الهم
نهيت كلامهم برفض ونبهتهم انو منا ورايح مااطلب فلس من اهلي على لعكس راح احاول ارجع الهم الي دزو الي شي ورة شي
يوم ثاني اجانا اسعد جان جايب علبة حلويات تحمدلي على لسلامة وبقينة نسولف
من خلال كلامة فهمت انو هوة محصل شغلتين لهادي بس هوة رافظ بحجة لاجر قليل
_هيفاء:- اني غير شغلة مدبرة منزل أو معينة مااريد
شغلتي تعودت عليها من زغري وارتاح الها
اسعد:- ليش متجين تساعدين لمدام وانطيج اجر حالي حال لناس
لتفتت عليها يامدام
ضحك وبأستهزاء كال
لمحروسة مرتي
لعد شو متجيب طاريها ابد
ندار على هيفاء وهادي وتوجه لهم بلكلام
_كلولة ليش مااجيب طاريها
ضحك هادي وهيفاء تعاينلي وجها جامد
عقب اسعد وهوة يلم ادي لصدرة
ماجيب طاريها لأن ببساطة لشي الي منحبةمنحب نسولف بي
وليش متزوجها اذا متحبها
نجبرت عليها علمود لجنسية لأن معاملتي نرفظت
وصار شهرين متعاركين و شامرها عد اهلها وقبل إسبوعين إتصلت بية تبلغني انو هي حامل
_عندك اطفال منها
_ماعندي بس هي عدها اطفال من ابن عمها جانت متزوجتة قبلي
_ان شاء الله هلطفل يكون بشارة خير عليكم
_يمعود لبيننا خراب بس اني اخاف من لطلاك هنا كسران ظهر وبيني وبينك لشقة ولسيارة لراكبها اني بأسمها يعني بدونها اديح
لمهم موموظوعنا هذا
نرجع لهيفاء
احسن مااجيب وحدة غريبة انتي اقرب النة ونعرفج
بقت تعاينلة مرتبكا وترجع تعاينلي
بضحك سألها _شبيج هيوفة
ندار علية وكمل
_جنك ماقابل من هاي تباوعلك
_لايابا موهيج
بلعكس احسن ماتشتغل عد وادم غربة
وهي بعد حرة انة اصلا مامقتنع بشغلها بس هي اصرت
وماطول مصرة فشغلها يم زوجتك احسن من انو تكون ببيت ناس منعرفعم
واذا حصلتلي شغلة واردها زين وهادي إشتغل حتة اجر متاخذ منكم تروح تساعد زوجتك نص نهار وتقظي وقت يمكم احسن من حبسة لبيت
_هذهو صايرين
بقينة نسولف
راح أسعد ووكال لهيفاء انطي خبر لأم اميمة شوف شلون تتفقون انتي وياها على وقت
دخلت للغرفة لحكتها حسيتها ممرتاحة
تقربت الها سألتها شبيج كالت كلشي مابية
بليل جنت نايم فزيت بردان ولغطا واكع مني
سحبتة
نتبهت فراشها فارغ
كعدت
عاينت بلغرفة ماهية
كمت على حيلي طلعت برة صوت بلصالة
فتحت لباب ظوة لصالة طافي،
عاينت كبالي ...
...........بلقيس................
وية ماطلع لمفتاح وتقرب يريد يفتح قفل لباب
نفتحت لباب لوحدها وندرعت
جفلت وعيوني نفتحن كل حيلهن من شفت
ام زياد ووياها وحدة طلعن من جوة ملفلفات بعبيهن
احس لكَاع لجواي كَامت تتحرك
ثواني اخذن من طاقة كلبي بعدال سنين
حسيت نفسي مثل لواكف بلوسط وكل لأتجاهات الي تحيطة ترجعة لنقطة لبداية
بركان وشوفتهن هيجتة
ماسألتة ولاتوجهتلة بكلام لان لحجي ضايع ويا ولعتب يتعبني وميتعبة
ركظت عليها
بكل مابية من قوة صرخت
انتي شتردين منييييييي
حرامية بواكة تدخلين لبيتي واني بعز مرظي وتبوكيني
جنت رايدة بصراخي اخلي لمنطقة كلها تطلع واخزيها واخليها تحرم تعتب توصل لفرعنة كلة
جريت ايدها الي بيها بتوت حييل لزمتها صبيت كل لبية من الم وحركة وغظب
وصرخت بيها
واني اكول وين بتوتيييي
تبوكين لكحل من لعين الله اكبر علييييج
زياد تقرب الي مصدوم
_هاي شدتسوين بلقيس
وخررررر وخر عنيييي
كافي اسكت اسكت جم دوب مو راح انفجر
اكول عمتي وفشلة واحترمها لخاطرك ولخاطر عمو
تجر بأيدها مني ولبنية لوياها ختلت وراها وغطت وجهها مستحية من لناس،
زياد سحبني
_ولج كافي شبيج تخبلتي منين دتجيبين هذا لحجي
فرجتي لعالم علينة سمعي صوت بيبان لدربونة كلها تفتحت بت لكللللب
اني بت لكلب زياد
هين هييييين
ليوم اشوفكم لكلبة بت لكلب من صددددددددك
ولك والله لأفرج بيوت لدربونة عليكم بيت بيت
تغلط على ابوي لمات من وراكم
ولك والله لأخليكم تستحون تطلعون من لبيت
شمرت لعباية بطرك لدشداشة ضليت
شمرت لنعال
وبلكاع كعدت وشكيت ثوبي بكل حركة كلب صرخت
ياناس ياعالم شهدووووو
عروس وباكت ذهبي وبيعتة
عروس وطلعتني من بيتي واجرتة وكعدتني بكَن
حتة ملابس ماخلتلي
توزع بيهن على بناتها وبنات اخواتها
شفت ثنين نسوان جوارينهم طلعن من لبيت وتقربن النة
ركظت عليهن وهوة ينتر على امةوالي وياها ويحجي عليهن متخبل متهستر يشيل روحة ويركعها بلكاع
ركظت علنسوان لميت روحي وسترت صدري بحجابي وصرت اصرخ
لحكوني خالة فدوة طببيني لبيتكم اهلي بديالي
تعاونن علية هية وبت اختها كتلني وطيحن لطفل
هاج شوفي
بقعة دم جانت اكو بثوبي راويتها الها وأشر الها على لكانيولا الي بيدي
بطرك لدشداشة طلعنني ولانعال ولاكروة ويكلولي ولي لاهلج
ولج خالة بلحديقة تعاونو علية وكطعوني مابكلوبهم رحمة واني يتيمة
جرتني لمرة ورة ظهرها ووراها رجال لابس دشداشة تقرب يصيح عليهم
صدك جذب ام زياد
موهاي الي مات ابوها قبل مدة واخذتوها لأبنكم عود من ريحة عمكم هيج تسوون بيها
لنسوان ندارن على ام زياد
الله اكبر ولكم تكَاطعت لدنية حفيدج موتتي
اني جنتي صارلي سنتين اركظ بيها عد لدكتورات اننهبت بس حتة تحبل
بقت تبرر الهن
_ام حقي عيوني خل تولي هاي فد وحدة جذابة
ولج دادة جورة وعشرة احنة وانتو تعرفونا ماعدنا هيج شي صدك جذب
زياد تقرب يريد ياخذني
واني كمت اجلب بدشداشة لرجال واصرخ
عمو احميني فدوة
عمو دخيلة عدك يردن يموتني امة وبت خالتة حلفن بس يروح للشغل باجر يكتلني خلاص
دفع ايدة وكالة
_والله ماتاخذها هاي لبنية دخيلة عندي تبات ليوم واتصل بأهلها يجون ياخذوها
_عمي زوجتي محد الة حق عليها اني حر بيها
_زوجتك دخيلة يمي يعني ماسلمها غير بيد اهلها
_صدك تحجي عمو شنو متعرفنة انت
هاي وحدة مريظة يتراولها ترة ماكو كلشي من الي حجتة
_يابا اكسر لشر وعوف لبنية يمنا ليوم احنة موغربة خليها ترتاح هلليلة هي مريظة ولصباح رباح يجون اهلها وتفاهم انت وياهم وليدي
عيب لدربونة كلها سمعت مصايحكم ولبنية خايفة منك ومن اهلك خليها هلليلة يم خالتك ام حقي
ومرة اخوك
ومحلولة ان شاء الله
_عاين الي يخازر عض شفتة وهمس
بسيطة بلقيس نتواجه وين تطيرين
_شفت عمو شفتو شلون يهدد بية
امة تصيح وتستريح تخبلت
اخذها بنتر وصياح ومن خلال كلامة فهمت لجانت وياها هي لمى
اخذوني وياهم للبيت
اتصلت على بيت خالي وحجيت وية امي
ماكدرت احجي تفاصيل بس كلتلها طرحت و تعاركنة تعالي علية
_وين اجي عليج بلقيس
شايفة حالي شنو
وية لزعط انام واكل حتة غرفة ماإلي
ولبيت لايخلوني اروح اأجرة ولا يخلوني اكعد بي
خالج ملتحق بعد ١٢ يوم يلله ينزل ممنوع اطلع لوحدي للسوك ميخلوني اروح وخالج يكوم ويكعد يصيح ارملة عيب من لناس وفشلة من لعالم
من يجي خالج اجيج
لتظوجين امي بيها صالح ربج ماقاسمة طير بلجنة يندعيلج
دموعي نزلت ماكدر احجي خنكتني لعبرة
سديت لتلفون
وصرت اشاهك واكَح شح لهوة بصدري
لمرة طببتني للحمام وجنتها نطتني ملابس
سبحت وبدلت جنت منهكة
بلحمام كعدت ابجي
وصورة بابا كبال عيني
بدموع جنت اشكيلة حالي
بابا طول عمري نظيفة لااعرف احتال ولا اعرف اتبلة على احد ولا عندي هذا لدهاء
شوف اهلك لوين وصلوني
خلوني اسوي الي لااانت ولا ماما ربيتونا علي
انت تعرفني مااذي بشر بس الي يأذيني مااسكتلة كائن من يكون
شوف حالي بابا
بعد عينك ماكو دلال وخدي تعلم على اللطم
قاطعني صوت لمرية
دكت علية لباب
كمت على حيلي حسيت بدوخة
كوة وصلت للباب مجرد مافتحتة وكعت
تلكَني اديها
اسمع حجي صوت وضوة احس بعيوني
من سمعت صوتة احس ،عادلي وعيي
فتحت عيوني وكعدت على حيلي خايفة
شفتة كَبالي تقرب الي
رجعت ليورة وسحبت رجلية تحسبا لاي فعل يبدر منة جنتت خايفة ولا اعرف شلون طلع مني كل هذا
ايدة سحبت ايدي
وضمني لصدرة
على راسي بقة يمسد
وصوتة يقرة ايات يم راسي
_ايدة إحتضنت وجناتي ويهمسلي
شبيج بلقيس حاجيني شسويتي بينة برة وين عقلج
_ماضل عقل براسي
امك شتسوي ببيتي وشلون سمحت لنفسك تنطيها نسخة مفتاح
_عوفي هلسوالف هسة احنة ببيت لعالم
كليلي يوجعج شي اخذج للمستشفى
عقلي ترجم الديسوي د يحاول بي يغطي على شينتة الي فقدتني صواب
_كَومي يلله خل نروح للبيت مااكدر اخليج تباتين هنا
_مااروح اذا متحجيلي ليش نطيتها نسخة مفتاح وشكالتلك شجانت تسوي ببيتي بشنو ظحكت على عقلك
_احجيلج وروح عمو بس كومي خل نروح للبيت
_لتحلف بروحة اببببببد ليش روحة يايوم همتك
تكوم وتكعد تسب بي
لتجيب طاري اسمة على لسانك
_لحضة شيطان وانتي بتصرفاتج مابقيتي عقل براسي لتلوميني لومي نفسج الي وصلتني لهلمواصيل
_لا والله الوم امك الي دمرتني وبعدها تركض على هجمان بيتك وانت ولايمك مااعرف عقلك وين
_دكومي ياعيني بلبيت نحجي كافي فضايح
كَمت ويا خفت اعاند ويعوفني وامي هم متكدر تجي ستحيت من لناس
تشكرت منهم وطلعت ويا جان يتجيلي دوخة لازمتني كوة اشوف
بلباب الرجال تسالم ويا وهمس الة .....
...........انعام..............
كعدي وبلا صياح لفرخة نايمة لاتخرعينها خل نحجي
عن شنوو نحجيييي
_شتريدين احجيلج
احجيلج شلون كضيت الليالي لخمسة
احجيلج شكم مرة كتلتها اصيحها الج تراويج زراك جسمها
_وليش كتلتها
_اكتلها وانعل طاهرها ولو هاي اختي لو وحدة من بنات عمامي جا كتلتها حلال على عمايلها
_شسوت هي طلبت حقوقها
بلطريقة الي هي تشوفها صح من منظارها
تطلب حقوقها من ياوكت لفصلية الها حقوق
كل هذا ومحد لايمها وجدي وعمامي ووياها ضدي
بس تشهر بية وبنفسها هاي عملة ماتغتفر عمي زلم ونستحي نحجيها بديوان ونكول لمرة حارمتنا لو مقصرة ويانا
بس هي تتصالف عبن اهلها وياها علغلط
ا بكل صلافة جايبين عالم ويودون علينا
وبعين وكحة اخوتها يحجون عادي
بس انة عرفت غاياتهم كلش زين ودبارهم يمي
_ايبااااااه هاي هي لفصلية هيج تحسبولها حساب ومشية رايحة ومشية راجعة
الي ادري بي سحل تجيبوهن
_نعيمة بوية اكو امور انتي ماتعرفينها
فصلية كصة بكصة من يموت رجل وحدة منهن
لثانية بلعرف لعشائري يحق الها تطلب لتفريق بإتفاق لعشيريتين
وادمنا ووادمهم اتفقو لو اطلكها وابنها عدها
لو البيلها لتريدة
وانة ختاريت لأسهل
_انت ماختاريت لأسهل إختاريت لأفظل الك
خلصت لعندك
كوم وديني لبيت عمة امريكا
_انعام بوية كسري لشر
ولتردينة يصير
ماترديني
انة طالع
هاي عتبة غرفتج مااعتبها ولا اوصل الج الى ان انتي تهدين وتفتحيلي بابح
هنا اضلن بلعتبة انام لو ١٠٠ سنة لمهم عندي اشوفكم بخير هاذهو
انتي مويهمج كَلبي
هذا كَلبي وسألي
يحجيلج قصص عمال لفندق لكضيت اليالي سهران وياهم وادخن
_ لا اريدك ولا اريد كلبك اني اريد اطلع منا مااكدر اشوفك ولا اكدر اشوفها
_يجرالج اوديج بس كليلي جم يوم وتردين
_ماارجع
_موحجي هذا والله يبوية
_طلعني منا لأن اذا ابقة اسوي بنفسي شي
_زحمة هسة نطب عليهم خل يطلع لصبح
_خوش
جريت غطاي ولفيت راسي
سمعت خطواتة ليبرة اتجه ورد لباب ورا
رفعت راسي شفتة تمدد بلكَاع
اريد اطلع من لبيت مخنوكة
احس اذا ابقة هنا اموت
ماعرف شلون غلبني لنعاس ونمت
فزيت دنية صبح عاينت للساعة فوك ل١٠
فتحت لباب وية صوت لباب فزت منة
رحت عليها
رظعتها وغسلتلها اسمع صوت حجي جوة
مديت راسي واشوف بنات عمة مدينة
فتحت عيوني مذهولة
شجابهم
جانت عايزة
لبست منة ولبست حجابي ونزلت
مثل الي مسوية جريمة موكأن متاخرة بلنوم كلها تعاين الي
عاينتلي نعناعة هزت ايدها وعينها على مدينة وكالت
حضووووووض،
تقربت الهم صبحت وسلمت على عمة مدينة وبناتها
صوت رجلها برة يسولفون ويا
صديت على صوتة بلمطبخ صاح سوو جاي
كامت سللامة تريد تسوي
صاحت بيها نعناعة
_كعدي انتي من لصبح ليهسا تكربين
ندارت علية وكالت
جيبي لفرخة وكومي سوي جاي حركي روحج شوية ورمتي من النوم ولراحة
نطيت منة لبيبي شكرية وردت اروح
صوتة توجه لنعناعة بكلامة
_صيحي سللامة انعام مانايمة الليل كلة منة ماخلتها تنام
عيونة تأشر الي
رجعي لمجانج
كامت سللامة راحت للمطبخ وكفت مدري شتحجي ويا ولاول مرة احس سللامة بمركز لقوة
عيوني على اديها الي تأشر وشايفها من تحجي
عيونة الي مركزة وياها ويناقشها
حسيت تركيزي بهاي لتفاصيل راح يموتني
معقولة هي عاشت لجاي اعيشة
شلون لعد كدرت تبقة وشلون تحملت وهوة حررها وكللها و رقتج توصللج
معقولة تحبة وصبرت على هلاذى وتعايشت
شلون عدها كلللب
بقو يسولفون
عمة مدينة جانت جاية على بيت حماتها ساكنين نفس محافظتنا مزوجين ابنهم وجايين للعرس ومرو بينا
ناوين نفس ليوم يرحون بس جدو وبيبي جلبو بيهم كلولهم خل نشوفكم
شوية وترخص منهم غصنفر راح لشغلة
عيني علي من صعد لدرج لبس بدلة لعمل ونزل
لحكة حمزة يوصي بي يشتريلة
تقرب الي من بعيد اشرلي على منة يريد يبوسها عبالة يوصل وافشلة
سحبها من ايدي
شم ركبتها
نعنانة بغل
اييي محروم منها صالة جم يوم مت عيني
زعلانة وي رجلج لفرخة شعليها
غضنفر؛- زعل حبايب هذا ليلية على صدري تنام منة بس انة اشتاكَلها
طلع وبقو يسولفون جنت منفصلة عنهم
عيني على سللامة
ماشفت وحدة مكتولة مثل ميكول
جانت تسولف وفرحانة
عيني على كَلابيتها بصباحية عرسي مالبست مثلها
مكياج خفيف حاطة
اعاين على روحي بمحجر لدرج
سواد جوة عيوني وجهي شحالة
ظهرية صبن لبنات لغدة
كمت اريد اساعدهن
سللامة دفعت ايدي وكالت
خية بلجبيرة ماساعدتينا جاية هسة علصب
من لصبح احنة نكرب
روحي روحي
لابية اجادل ولا الي خلك
رجعت فوك صعدت بلصالة
شوية وصعدتلي عمة مدينة
تقربت كعدت يمي
بقت تسولف على عرس ابن حماتها وتتمدح بيهم بس اعرف غايتها مو هاي
_وراها جرت منة من عدي وكالت
هاي منة بت لأشهر
ترظين لو واحد خذاها منج
_طبعا لاء
_جا حطي روحج بمجانة
ابنة
حمزة يشوف روحة بي
يخاف ينحرم من عندة وتنعاد طفولتة بي
إخرب بيتي علي فرحان طاير من لفرح كلسا يكلي عمة ابوي بات يمنة
لماترظينة على بتج لاترظي على حمزة
والله اعرف كل لجاي تكولي
واني بعمري مالمت سللامة ودائما الومة ومااقبل من يأذيها حتلو بحجاية
واني جنت اكلة روح الها جنت اجس نبظة جنت اريد اخذ منة كلام يخليني اطمأن وابطل مخاوف
كلبي برد من كلامة
ونعميت من ثقتي
وصار شكم يوم باعدة نفسي واحاول اتقبل اتعايش طبيعي
بس والله ماجاي اكدر
مااعرف شلون اشرحلج
حمل جبييير والله ياعمة
لموت عندي اهون
اني اختي جانت اذا تاخذ غرض من عندي بعد ماالبسة وراها ولا اكَيسة
اني انانية واحب لتفرد بأشيائي،
مااكدر ولاعندي عقل يستوعب لفكرة
شكد حاولت وبعدني جاي احاول موسهل علية ابد
شوفتهم نار وتغلي بية
اريد اطلع منا
تصدكين كلما اشوفة أو اسمع صوتة اتخيل شلون حضنها شلون باسها شلون رتل إلها ابيات مثل ماجان يسوي وياي
وصلت مرحلة اطب غرفتي واسد اذاني مااكدر اسمع صوتة
لجاي يصيرلي موشي عادي
اني جاي اموت علبطيء والله ياعمة
ايدها على خدودي تمسح دموعي وهمست
_كافي ولج كطعتي كلبي خرب عينج
صدك لاكال لمثل لضرة مرة لو جانت جرة
تعاي كومي تغدي وربج يحلها ان شاء الله ويبرد كلبح
_مااشتهي لعسل
_ميخالف تعاي ويانة علواهس نكَشي
نزلت وياها
جانت لسفرة ممدودة جدو براس لسفرة ستوة حال فدعم بملابس لشغل بعدة وصميدع وزوج عمة مدينة وولدها وولد عمة امريكا قريبين الة
بس غضنفر ماكو
ياكلون ويسولفون
كلسا يفززني من صفنتي صوت واحد منهم
انز اوزع ابتسامات حتة ماادري شيحجون
شوية ودخل جان مدهن وملابسة مدهنة
صاحو علي
فدعم يدحس بلثريد بحلكة ويكلة يلله متانيك شوف اصلا ولاحطيت لكَمة بحلكَي
_اي بس على كيفك لاتغص
تهاني بصفي كَاعدة وتتجاهل نضرات فدعم وكلامة الي اغلبة جان يقصدها بي
عمة امريكا تظحك
وجدو كلسا وسالها على ابن عمها لجان رايدها قبل
هي تظحك وتكلة
ياااع لبارحة جان يمنة صابين لعشة وهوة نص ساعة يصلي الله يحفظة لشبابة
عيني علي راح للمطبخ بيدة دولة
ترسها لبن من لسطل وتعمد فات من جهتها مانحس غير دولكة اللبن نجفت على راس تهاني
نص منها نجفة بحضني
طفرت ابدل لمنة
علدرج اسمعة يكللها
يلله خير اللبن خييييير
لاكيتة جان طالع من لحمام سابح بلشورت ولفانيلة
طبيت للغرفة
بدلت لمنة
تقرب الي سحب ايدي
_هاي تاليها انعام تشمتين نعناعة بينة
_كول لنفسك هلشي انت لسبب
جريت منة وطلعت
وية نزلتي شفتها صعدت فوك
مااعرف شصار بية
طولت فوكَ واني اغلي روحي صعدت للسمة ونزلت
كلسا اريد اكَوم واتعوذ لشيطان
شوية ونزل هوة جان لابس دشداشتة تقرب كعد علسفرة بيبي شكرية سحبت منة من عدي وكالتلي كومي يمة حطي لرجلج من لجدر ياكل فظالة
اشرلي وايدة تتناوش فردات تمر
لاهاي نعمة الله شمالها
خير وبركة
عيني علي جان يسولف وية رجل عمة مدينة مااكل غير شوية تمرات وشرب لبن هواي
كامو للأستقبال وراحت بسعاد تحط الهم جاي
بقينة اني وتهاني وزوري نلم بلسفرة
واني بلمطبخ عاينت الها من نزلت
طبت لغرفتها طلعت ملابس ودخلت للحمام
بهللحظة تمنيت اطلع من لبيت وماارجع
ظهرية تمددو لولد بلأستقبال وبقينة احنة بلصالة
شوية ونامت عمة مدينة وبقن بناتها يسولفن وية لبنات
شوية وكالت عمة امريكا للبنات يلله تحظرن نمشي لبيتنا
ركظت فوك نزلت جنطتي
وكلتلها عمة اجي وياكم اني
_حياج الله هلابيج
لبست عباتي وترخصت من عدهم
بلباب استوقفنة تقرب الي وهمس
خطار عدنة زحمة
امريكا:- لاموخطار شني خطار بتنا وفروخها
خليها تمشي ويانا ترتاح الها جم يوم
رحنة لبيتهم
بليل اتصلو بينا كالو عمة مدينا راح تبقة جدو مجلب بيها كايلة شكم يوم واحنة نجيبهم
ولدها رايحين وية رجلها وباقيات بس لبنات
عدن شكم يوم اني يمهم ابات يم تهاني
نفسيتي تعبت حتة واني بعيدة هم افكر بيهم
عمة امريكا تروح الهم بين يوم ويوم مرة هي وتهاني وتظل زوري يمي ومرة هي وزوري وتظل تهاني يمي
ابوهم لرجال ماقصر كالي بوية هذا بيتج
لاتستحين من عدنة
احنة نطلع ولبيت الج
لحد ماالله يهددي سركم
عدة اسبوع اتصل يأمي ماترد كتبت مرسال لانغام ونطيتة لرجل زوري يدزة على عنوان لسكن مالتها
بليل مرت علينة عمة مدينة هي ولبنات ووياها بسعاد
بقت عمة مدينة تنصح وبسعاد تايدها
_عمة انتي لا اول ولااخر وحدة وانتي اخذتي براسة مرة يعني ماجابها على راسج
بسعاد:- اي خية ردي لبيتج لو تشوفين حالة مثل طير ومهدود عشة
_اسالج وجاوبيني بصراحة احلفج بروح ابوج
_سألي
_ينام يمها لو لاء
_خية بدون ماتحلفيني هوة ينام ليلة يمها بس موبغرفتهم بلأستقبال وليلة تنام هي بغرفتها وهوة ينام بلأستقبال
شفتيييي يعني ماهزة فراكي ولا مهتهم
محتار شلون يتنعم بيها وبجمالها
هذا لتردوني ارجعلة
نختم كلامهم برفضي لرجوع وقررت اخذ وقت اكثر
بليل ختنكت حسيت لخنكةراح تكتلني
اتصلت وحجيت ويا
صوتة يهمس
هايبوية ماكافيج فراك كولي تعال كولي حنيت كولي الي يهمني كلبك وبس
اني وصلت لقرار مالة ثاني
لو تطلكني لو تطلكها وانت بكيفك بعد
جر حسرة طويلة وكال
لا اطلكج ولا اطلكها ثنينهن موت بلنسبة الي جفة بيها ابني عزيزي
وجفة بتي ومريتي لماكو بغلاتها
لعد تحمل قراري
_انعام شناوية
نمت يمها حضنتها بستها شميتها وشهكت مثل ماجنت تشمني
جاوبني
ولك موتني لتفكير موتنييي
ماطولك بهلانانية تحمل انانيتي لعد
_لاتتهورين والله يبوية كلبي هوة هوة مخضرلج عشكَ وروحي غيرج ماتشتهي لو عشرين سللامة
_ميوكل خبز حجيك ابببد
ماطول نسد عليكم باب غرفة وحدة هذا لحجي لتحجيلي بي
سديتة ويكلبي نار تغلي
حضنت منة ونمت
جان عندي استعداد اموووت وارجع لامريكا ولا اعيش ويا واشوفة ينقفل عليهم باب هوة وسللامة
واشوف ضحكتها لصبح عكس ماجانت تكعد معبسة
جان عندي استعداد اتهور واسويها وارجع لامريكا بس ماعندي كلب يتحمل لوضع هذا
نمت مكسورة خاطر ودمعتي بعيني
حسيت ايد على وجهي تتلمس
فتحت عيوني شفتة
طفرت على حيلي ونترت بي
انت شتسوي هنا
تقرب الي ويهمس
_شششش زحمة من رجل عمتي يسمعنا
_شتريد جاي شتريد لضاهر ماشابع من سللامة
_خرب روح سللامة صوووتج
بعدني اريد اكمل ايدة على حلكي وحضني
بقيت ارافس وادفع بي
اطلع اطلع مااريدك
ولك شلون نطاك كلبك شلوووون
حجاية لتنكال جنت احجيها ثقتي عمية بيك اكول لو مو احجيها لو ادفعة دفع لغرفتها مايروحلها
وانت نمت يمها
شميتها
حضنتها
حجيتلها شعر وتغزلت بتفاصيل جسمها
سويت وياها كل هذا كليييي
حيل صرت اظرب بي وادفع فقدت تماماااااا
هيج صورتهم كبالي تنرسم
والي اشوفا بعيني احجي واصرخ
بستها من راسها لرجليها مثل ماجنت تبوسني
احجي احجييييييي
من شافني صرت املخ بشعري واصرخ
عجز يسكتني طلع وسد لباب
بلكاع كعدت وانحب
منة كعدت مخروعة ركظت الها
شوية ودخلتلي تهاني
شمالج خية على كيفج ويا تلكيتة من لدرج راد يطيح من طولة
وانيييييي محد يفكر بية وبكلبي
ولج دااموت تهاني تعرفين شنو دااموت
منين مااندار صورتهم ببالي
كافي خية لفرخة راح تتسودن بسج
حضنت منة لصدري وبقيت ابجي
لصبح قررت وقراري جان حازم وماعندي ذرة تردد
خابرت على عمة مدينة وطلبت منها تجي
دخلت اني وياها لغرفة تهاني ولزمت ايدها وبدموع حجيت
عمة اني اريد اجي وياج
تعبت وحق الله تعببببت
اريد ابتعد
اذا بقيت هنا يكتلني تفكيري
ناس تروح وتجي تجيبلي اخبارة
كلسا الكَا فوكَ راسي
اخذيني وياج فدوة عمة ابوس ايدج
_اخذج شني متعاجزة من لكَمتح
بس هوة مايكَدر على فراكَج ماتدرين شحالة بهلشكم يوم
_يتعود عمة لتخافين علي
_ماظن ينعيمة
_يعني متاخذيني
_امري لألله بلكي بهلبعد كلبج يحن وتعرفين قيمتة
حضري غراضج بهليومين احنة ماشين
بس ماريدة يعرف بيةرايحة وياكم
شلون ولج ماترهم
من نوصل يله نبلغة
ترة هذا ابن اخوي
واني مااكرها عمة غضنفر روحي من لدنية اني علمودة عفت كلششيييي
اني اجيت للعراق وحيدة وغريبة عشت علموة عفت لدنية ولبيها اريد اشوفة يكدر يضحي علمودي
ااااخ ينعيمة شلون بيج
طاوعيني عمة ترة اذا مااخذتيني اني ارجع لأمريكا مثل مااجيت بدون علم احد وانتي بكيفج بعد
لمي جوالاتج وتحضري
امري لالله
عدن يومين لميت غراضي وفجرية طلعت وياهم علساس فدعم ياخذ اجازة ويوصلنا
كلتلة احنة نروح ماعلينا شي
وصلنة لمنطقتهم
جانت بيوت بدائية بمعنى لكلمة
كلها عبارة عن طين وحجر بنائها
حوش بلوسط وغرف داير مدايرة
كلشي عدهم علقديم
قنفاتهم عبارة عن دجة مبنية من طابوق وعليها بساط وجرجف
جرابيهم سكيبايات بلسطح
تلفون ماعدهم
بيت كرايبهم بعيد عنهم عندة تلفون
راحت عمة مدينة الهم اتصلت بيهم وطمنتهم
رجعت كالت غضنفر تسودن وبقة يحجي علية لان اخذتج وياي
اول ايام تعبت حييل يمهم جهالها مؤذين لبيت ميهدأ ومنة متعودة علهدوء
تغيرت نومتها بفضل وكاحتهم وعركهم بلنهار،
صارت متنام بس بليل
ننام بلسطح لبكَ ياكل وجوهنا نصبح وجوهنا خرايط
همة كلشي مابيهم واحنة وجوهنا كلها حب واثارر
عدة شهر اني يمهم
اجت بيبي شكرية وعمو رحيل غضنفر دازهم
بقو يحجون ويقنعون
كلتلهم اني مرتاحة هنا
ونطيتة ختيارين وهوة ماقبل بلثنين
وهوة حر واني هم حرة بأختياري
تغدو يمنة ونطو فلوس لعمة مدينة وراحو
بقينة
كل سبوع اكثر تروح عمة تخابر وترجع وجهها معبس وتحجي على روحها لان طاوعتني
رجعت من يمهم كالت غضنفر مريض
ورة شكم يوم راحت تتصل تعرف اخبارة شوية وسمعت صوت رمي قريب
رجعت عبايتها مدروعة وتتلفت تاشر وتعد وترجع تكمل طريقها ووراها ايآت كلسا تكفخها
تقربت
هاعمة خيرج
عمة لعماج ميلي من دربي
كعدت بلكاع نزعت شيلتها صكت على كلاص مي
هاي بت لفكر سجودة تعاركت ويانة علمود لفروخ
من ورة هاي ام بطن إويتة ماكلة اللكَمة من لفروخ ومانسمع غير صراخهم والكاها كاضة لفروخ وتركع راس براس ماخذة خاوة إويتة
ماشوف غير سجودة لخبلة طلعت لبرنو مال رجلها وكامت ترمي جوة رجلينا خلت طفارنا مالة والي
عزززة هاي شبيها
خاب هي بت فكر نفسها ضعيفة وكعدت ١٠ سنين بلا خلفة وذولة اجوها بلمعجزة
وإويتة تطك بيهم
كامت لدنية
من عدها ونقطع اتصالنة بيهم
عدة اكثر من شهرين اني يمهم لا احد بين ولا سمعنة اخبار عنهم
كاعدة عصرية الكط مسواك من لكَاع
ويمنة حموات عمة مدينة وبناتهن
ماشوف غير سيارة فدعم طبكَت ونزلت منها سللامة
تقربت الي وحيل تصرخ وتخرط بخدودها
ولج غضنفر مجبلينا الة ٣ ايام ينعيمممممممة....يتبع
مساء لورد ولياسمين بارت ٥ الاف و٢٠٠ كلمة اريد تفاعل يسوة لتعب يعيوني
منا للبارت لقادم اربطو حزام لأمان 😁
ركزو بهذا لفيديو ولتكلولي نريد غش جماعة لفيس
تعديل (مجبلينا:- يعني ممددي على لقبلة )
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!