#خنجر_الغضنفر
#بارت_٣٢
#حنين_حاتم
قيصر....
نتبهت فراشها فارغ
كعدت
عاينت بلغرفة ماهية
كمت على حيلي طلعت برة صوت بلصالة
فتحت لباب ظوة لصالة طافي،
عاينت كبالي جانت كاعدة يم لتلفون وتحجي بأنفعال
ليش هيج سويييت
كافي ترة ماعندي صبر تدري بية خلكي زغير
لتخليني اموت روحيييييي
لتضغط علية ترة اطلع من طوريي
حست علية لتفتت
ايدها على كلبها بأرتباك كالت
نززتني
شبيج هيفاء هاي ويامن جاي تحجين بهلليل
خل اشرب مي ريكي يبس من لهبطة
ستوقفتها وحجيت بجدية
جاوبيني ويامن جنتي تحجين
هاي شبيك قيصر هد ايدي شنو هوة تحقيق
اي تحقييييق
ويامن جنتي تحجين جاوبيي
وية عمي
ياعم هذا
عمي اخو ابوي صارلة مدة يلح علينة يكللنة رجعو
ليش
لأن احنة بلأصل طلعنة بدون علمة ورضا
وهسة جاي ينغص علينة ويريدنا نرجع لو
شو سكتتي كملي
يضغط علية ويكلي لوترجعون لو تحولولي فلوس
وليش هيج منطيتة اهتمام تجاهلي وين يلكاج هوة
يجي لهنا يسويها
واذا يجي شيريد يسوي
يفضحنة انت متعرفة كلشي يسوي علمود لفلوس
تجاهلي لتنفهيلة واذا هوة زلمة خل يسويها ويجي
بقت تجر حسرات وخايفة
تانيتها طبت للغرفة رحت على لرقم باوعت
لرقم من داخل امريكا
دخلت للغرفة جانت متمددة
وعيتها
هيفاء ليش تجذبين
لرقم منا
كامت على حيلها
هوة هنا وصارلة كم مرة يهدد بية
واغلس
ليش ماحجيتي لعد
نشتكي علي نطيح حضة
ووين نلكا حتة نشتكي علي
هذا مينكدر عندة طرق ملتوية شيطان
هاي لطرق تمشي بلعراق بس موهنا
تمددت بلفراش واحس جانب مني مامصدك
احسها ضامة شي بس ماردت اخليها تشك بس خليتها نصب عيوني وبديت اراقب لتلفون على طول
يوم ثاني تواصلت وياها زوجة اسعد
واتفقت تروحلها من لصبح لل٢
خابرني ياسر رحت للشغل اتفقنة وكلولي يوم ثاني تباشر
عدن ايام ستقريت بشغلي وهيفاء هم
هادي حصللة شغلة بس احسة مامرتاح يومية يتحجج حتة يتغيب
طول هلفترة احس هيفاء ضايجة ومهمومة
عكس اول مااجينا جانت فرحانة بشفائي
ارجع للبيت هلكان ماالحك اشوفها ولاعدنة وقت نسولف
لصبح من اكعد اشوف وجهها وارم وعيونها حمر
اسألها شبيج تكلي مابية شي
بليل احس عليها تحضنني وتبوسني
تبوس ادية وعلى رجلي لجانت مصابة توزع بوسات من جف قدمي للساق
مرات افز على بوساتها بكد ماتبالغ بس ماابينلها
بيوم قررت اخذ اجازة زمنية وامر عليها نطلع
ركبت ورحت للشقة مال اسعد
اندل مكانها بس ماداخل الها
نزلت من لسيارة
الي ادري بي لشقة ثالث طابق على ليمين
وكفت بباب لشقة جانو ٣ اطفال يلعبون كلت اكيد اطفال زوجتة
تقربت على لباب اريد ادكها
سألوني لجهال منو انت
جاوبتهم اني زوج خالة هيفاء
منو هيفاء
بت عم اسعد بابا
ابوكم
لعم اسعد
اي
بس هوة ماعندة اطفال
اي انتو اطفال زوجتة صح
لاء
اشرولي على لشقة الي كبالنة
هذيج شقة العم اسعد بس هوة ماعندة اطفال
شلون ماعندة ليش انتو منو
احنة اولاد جارة
عمو اسعد عندة زوجة
لاء بس اكو وحدة تجي يوميا لزياردتة
احس لدم صعد براسي
نداريت على لشقة على لباب خليت راسي حاولت اتسمع
صوت لأطفال ينبهني
الي تسوي عيب
دكيت لجرص واحاول اتماسك اعصابي
نفتحت لباب.......
.................انعام..................
من بعيد اعاين سيارة فدعم وكفت ونزلت منها سللامة تقربت الي عبايتها مفتوحة وحيل تخرط بخدودها وتصرخ
_ولج غضنفر مجبلينا صار ٣ ايام ينعيمة
شمرت لمسواك من ادية وركضت عليها
_هاي شدتحجين
_ماتحبي لا وحكَ الله انة كتلة بس ماصدكَني
كَتلة هاي مزة عرس
عمة مدينة طلعت من المطبخ تركض
_شبي غضنفر شبيييي
_شهر صارلنة ندك على هاي كرابتكم وكل مرة تكول نودي عليهم بس مايرضون يجون
ليش يعمة ليييش
،مدينة:- تكلح مانرضة نجي
ولج انة الج سجودددددة
جغلودة شمالة غضنفر ماتحجين
_انة شدراني،دكاترة ماطاحت على علتة ترديني انة اعرف
اخذتها ايات جوة وعمة مدينة تلكت فدعم بقة واكف يم سيارتة يستحي من حمواتها وبناتهن
دخلت ليجوة جسمي يرجف وكلبي احس يريد يطلع من ضلوعي
عاينتلي بحقد وتخازر وتحجي بنتر وحركة
_ولج انة لو يحبني هذا الحب لويعرس عشر نسوان علي هم ماعوفنة
كافي علي اشوفنة واسمع صوتة
_معناها متحبي لأن الحب لمابي انانية هذا موحب
اني ماعفتة إلة من حبي الة
لتلوميني
دموعي تجري وشفافي ترتجف واشهك
_سللامة:- اي هذا موحب هذا لعب فروخ
ولج يكوم ويكعد يصيح ليش من دون لخلك نسواني تفضح بية
فضيحة امي وسالفة كويكة وسللامة تصيح ماينام وياي ونعيمة من بيت لبيت
ولوادم تصيح زعلانة عبن نام وية ضرتها
يكوم ويطيح يصيح انة اموت من عمايل لنسوان تاليتي
وهي تحجي جنت اني الملم بزعابيلنة شي فوك شي وعمة مدينة لبست جواريبها وتروح وترجع بمكانها تحجي
_مدينة:- ااااااخ انة شلون طاوعتج ينعيمة شلوون
كلما اتصل يكلي ليش يعمة تردين تموتيني وخذيتيها
عقليها ياعمة ورديها الي
كليلها لاتصير وية الدنية ضدي
انة يحرم علي غيرها تتوسد ضلوعي
يعني كل هلجاينات والمصايب والدكَات والعرك مامات وتالي تموتة نعيمة
إخرب بيتي عليك يغضنفرررررر
ندارت علية بنتر
كومي يلله فضيها
ركبنة السيارة
عمة.مدينا عافت كل جهالها
صعدت بلصدر واني وسللامة ليورة
ستمرت سللامة تلوم بية وتحجي
_بطرانة وحكَ الله
_بطرااانة ؟؟
بلجذب ماكلف نفسة يبلغني حطني امام لأمر لواقع
٥ ايام اني اشب وانطفي حتة مااتصل يسأل ولو على بنتة
نداريت على عمة مدينة وصرت ابجي واحجي اريد اقنع داخلي قبل مااقنعهم
لفندق ياخذ الفصلية وين صايرة هاي كليلي
بصوت عالي نترت وهي تلزم ادية وتعصرهن
_خذاني يدك علية
٥ ليالي لامل ولاكل يتاني حمزة ينام ويتولاني كتل ويكلي تمنيتج تكَربيلي كَرابة دم جاكتلتج حلال
تعاين لفدعم وكالت
فدعم اخوي ماستحي منة خل يسمع
٥ ليالي غضنفر مالاحني وحتة مايبات بلغرفة جوة يم لعمال يكضي اليل
_هاي شجاي تحجين
_احجي الي تسمعي
_لعد ليش تسوون هيج وتوهموني انو بينكم شي
انتي ويا تردون تموتونيييييي
_هذا جان شرطي وهوة حلف علقرعان وبداعة حمزة
جانت منهارة وتحجي بصراخ ودموعها تتجارة تضرب على رجليها وترجع تخرمش بوجهها
هنا ادركت ان سللامة جانت فعلا تحبة حب تعدى حتة الكرامة
كملت منهارة وتبجي
_انة جنت اخابر اهلي دوم ومن كام غضنفر يراقبني ووصة لبنات يراقبني كمت من اطلع وي جدتي نعناعة من لسوك اخابر اهلي
اخوتي شغلهم عمالة وكاعدين لاشغل ولاعمل داكهم لجوع همة وعوايلهم
من مات مزهر رجل كشمش اتصلت بيهم وكتلهم انة شنهي ضلتي
احبنة بس تعبت شبابي كضة
جنت اشوفن روحي بجدتي شكرية
اخوتي كالولي اذا تخطين خطوة نكسر رجليج طمعانين ويردوني كبش فدا
وكالولي تداعين بحقج لشرعي الى ان تجبري ياخذج
مرة ابوي من درت بية احبل علريحة
كالتلي كربسي بكومة فروح خاطر يصيرلهم من لحلال نصيب
موتة رجل كشمش اجت بوكتها عدهم
خابروني بيومها وكالولي تجين ونجلب بيج ونسويها كعدة ونجلب بحمزة
واذا ستوجب لأمر نشرد بلفرخ خاطر نجبرة
بيوم الي اجت لمشية
خذاني اخوي لجبير ولبد بية عد عمتي بلديوانية
وهدد غضنفر كالالة لو تعدل بينها وبين مرتك لثانية لو تنسة ابنك
واذا حاولت تضرنة ابنك متشوفة ولاتندلة مجان
اخوتي شرطو علي
لو يعدل بيني وبينج
لو بعد مايشوفني ولايشوف حمزة
هوة نطاهم على مايهم وكاللهم يجرالكم
ختار يعدل
بس انة ادري بي ضاملي ضميمة
كلبي عالم ادري بي مايعديها
خفت اردن ويا
وديت علي كلتلهم اريد احاجي
اجاني للترك
من نضرة عينة عرفتة ماراح يعديها الي على خير
سألتة شناوي غضنفرر
دنك علية وهمس
انتم استخدمتو طرقكم وياي وانة طاوعتكم لحد مالزمت حمزة بيدي وهسة ناوي اردلكم لصاع صاعين
بجيت وتوسلت بي بلكي يلين
كتلةماتحبك بكدي وحكَ الله
ومن اول عثرة تعوفك ماتكدر على عيشتنا
وجبيرة ومابيها فروخ
انة اصيرلك انعام واهلها
موبيدي لصار ولاراضية على لسوو اخوتي ا نجبرت وحتة اثبتلك حسن نيتي انة عندي استعداد اعوفنكم وحتة حمزة اخلي الك وكل شهر تدزة الي اشوفنة بس بشرط
شنهو لشرط
تبين لأنعام انك عدلت بيننا وتعاملني طبيعي
وتنام يمي اذا صبرت انعام وتحملت مثل مااني صبرت وتحملت تنزل علية ضرة واشوفنكم سوة وسوالفك وغزلك كدام الكل
معناها هي صكَد تحبك وانة اطلع من حياتكم للأبد وحمزة الك
واذا ماصبرت وماكدرت تتحمل وعافتك تردني وتعدل بيننا
هوة خذاني للفندق يخاف عليج
يكلي انة لوشفت عيونها مااكدر اسوي كل هذا
ولج زامط بيج زمااااط
ويكلي لو تشوفني فوكج ماتصدك روحي تشتهي غيرها
لو انحط بغرفة بيها ١٠٠ مرة تدري بية اطلعلها بدون ماالمس اي وحدة بيهن
وحتلو درت ماتعوفني هي بنفسها كالتلي اعدل بيننا
تزعللها يوم يومين كلش كلش شهر وترد لحضني مثل ما الله واحد
هوة عبالة عادي عندج جاس نبضج من حجي كبل
بس انة اعرف لغيرة شتسوي
خفت لايسولفلج خليتة يحلف على لقران وبداعة حمزة
وضوكتج من نفس لكاس وكلشي سويتو كدام عيني ببداية زواجكم سويتة وياج
صح هوة مايدري بية
ماجذب ردت اهججج بكل وسيلة وردت اثبتلة انتي متحبي ومتكدرين تصبرين مثل مااني صبرت
بس مادريت طلعتج هيج راح تأذي
ماتحبي وحكَ الله
ولج اموت وية كل نفس يشهكة وتصعد روحة وترد الة
يجالع ويصرخ بأسمج
انة ماريدنة شبعي بي بس خل يكوم سالم لروحة ولأبنة
انة عايفتة الج وراح اهجن حتة اخوتي ماروحلهم
غضنفر لومات انتي لسبب
عبن عمرج ماحبيتي
حبيتي روحج وبس
حبيتي دلعة وغزلة وحبة الج
بس ماحبيتي
_حرام عليييج
ليش تسوين كل هذا لييش ولج شلون مااحبة شلووووون
_حرام عليج انتي
ياهو كالج تاخذين زلمة متزوج
لحكتيني علي وانة ماعدي غيرة جنت اتأمل ينصلح تالي من اجيتي مات كل امل بية
نداريت على عمة مدينة
_تسمعين عمة تسمعيييين
ليش مااحجة ليش ماكال
سللامة:- عبن اقتنع بحجيي وراد يشوفج صكَد تحبي لو لاء
انعام:- هوة اني لوباقية معناها مااحبة
_فدعم:- مالج غرض بسللامة سأليها حمزة وين جان
ندكت وماردت
_،فدعم:- خوية من طلعتي ودز وراج عمي إسماعيل وجدتي ورة مدة حمزة يلعب وية لفروخ برة واحنة بأشغالنة
جايين لفروخ يركضون لجدتي
كايليها واحد كال لحمزة تعال اخذك للشط نسبح وحمزة راح ويا
رديننا غضنفر كال ماكو غيرهم
خذينا اسلحتنة ورحنالهم مالكينالهم اثر بيوتهم خااالية لليل ردو اتصلو بينا وكالولة لو تطلك مرتك لثانية لو ابنك متشوفة بعد
هددناهم بسللامة وكنالهم اذا ماتردولنة حمزة نكتلها
تصدكين يكلولنا كتلوها
_سللامة :- يدرون بيكم ماتسووها
انعام:- صدك جذذذذب كل هذا صاير
ادري لبنات وين لفلح وين لعد شلون خطفو حمزة
_خوية بساتيننا حركناها وسلمناها لضمانة
يجون فلحهم من لصبح لليل يشتغلون ويدورون وجوههم ويمشون
لييش ؟
ضمنناهن عبن مابينا على شغلهن ولبنات تزوجن ومحد.فارغ الهن ولفلح اذا ماكو رقيب تضل كلمن الة بكيفهم يتصرفون
وهسة حمزة وين
ردينا
هاي شوكت
قبل مدة
شلون ؟
طلكج غضنفر ونطاهم ورقة طلاكج ونطاهم فلوس يلله ردولنا حمزة
بصحراء لانبار شمرو ليليتين احنة نهبد وندور علي تالي لكينا طايح من لعطش ولجوع ولتعب ولخوف
غضنفر تسودن علي كام يصرخ لااريد انعام ولا اريد سللامة
نداريت عليها بنتر يعني شستفادو هسة اهلج من سوو كل هذا طلاك باطل واول وتالي يرجعني ورة مايرجعولة حمزة
_جانت نيتهم يدزولج لورقة لبيت عمة مدينة
انتي من تشوفيها اكيد تعرفين انو هوة اختارني
عبن انتي خيرتي لويطلكج لويطلكني
بس انة مانطيتهم عنوان عمة مدينة هددوني وكلولي نذبحج بس انة كلبي مانطاني موحبا بيج خفت علي من شفتة متسودن عليج
_شنو ذولة اهلج
شنوووووو
_هاي عمايل لنسوان خية همة موهيج
فدعم:- اي مثل عمايلج بينا
كبل جانو اهلج موجودين نشمرج عليهم ونخلص
هسة وين نذبج بلشارع
_شبي غضنفر هسة من شنو يشكي فهموووني
_اوكفيلي انة كاتب حجي الدكتور بورقة عبن ياهو اليسألني مااعرف شكلة
سحب لورقة من الجكمجة نطاها الي
لزمتها واقرة بلكلام
مريضكم مصاب بللنبض القلبي الهاجر
حالة تصيب العصب القلبي الحساس اعراضها عديدة
ضهرت لديه بعض الاعراض تضمنت الم شديد في الصدر
و زيادة تدفق الإدرينالين في العضلة القلبية لديه
وفرط أفرازات الغدة الدرقية وارتفاع ضغط الشريان الرؤي وضعف في الجهة اليمنى من القلب
ولكون النبض الهاجر استمر لديه اصبح شكل من اشكال عدم انتضام دقات القلب
ولكونه اساسا مريض بحساسية الرئة تفاقمت لديه الأعراض واصبح مداوم على الأختناق لايستطيع التنفس سوى على الأجهزة
ولاينتضم نفسه إلا عند شفائه من حالة النبض المهاجر
الذي قد يكون قاتلا في مراحل متقدمة
دموعي تتجارة وكلبي وية كل كلمة يعتصر الم وحسرة
اشو ماسامعين بهيج شي
_اكلها انة لوادم تسألني شبي مااعرف شكللهم تكلي ماسامعة بهيج شي
_يعني ماكو علاج صخام يبقة هيج
_لا نطا لدكتور علاجات بس كال لعلاج لاساسي نفسي لأن هوة ماعندة مسببات صحية
المسبب لوحيد هوة نفسي
هبطتة على حمزة وقهرة عليج
ماتصورنا حالتة هيج تتطور
كلما نتصل بيكم هاي لمرة كرابة عمتي تكول وديت لفروخ عليهم بس مايجون
هوة كال اكيد ندلو عنوانها وودولها ورقة لطلاك وشردت من عمتي ولهلسبب عمتي مالها عين تحاجيني وتخاف تكلي
وراها بشكم يوم حالتة كلش تأزمت
نخبصنا نركض بي يادكتور لناخذة علي يكول خفقان خل يرتاح ولاينهبط
كبل شكم يوم واحد وياي بلدوام ودانة على دكتور ببغداد وشافة كشف علي كاللنة على حالتة
وكال يحتاج قسطرة لأن واحد من لصمامات كللش متضرر
_لعد ليش ماسويتوها شمنتضرين
_ومنو كلج منتضرين ترة ٤ مرات يحدد عمليتة ويدخل للصالة ويصعد ضغطة ويطلعو
_ننتضر يروح من بين ادينة يعنيييي؟؟
_وشنو لبيدنا علي ترة شهر صارلنة ساكنين بغداد
اخر سبوع وضعة كلش اتهدور كام لايحجي ولاياكل على لأوكسجين ولمغذيات
صار لطريق علية بسنة
بعد تقريب ٣ ساعات ونص وصلنة
نزلت منة بيدي امشي واتعثر
دموعي تتجارة
دخلت من باب لمطبخ ماكو صوت
وصلت للصالة بلكاع خالينة وبيبي ولبنات وعمة امريكا وام فدعم وام حسن داير مدايرة
بسعاد تقرة قران ولباقيات عيوننهن مورمة
وهوة بلكاع ممددينة
تقربت الة عيوني علي
كشمش تناوشت منة من عدي
ماشفت غضنفر شفت واحد طالع من مجاعة افريقيا
مفتح بس عينة للسقف كأن ميشوف الي داير مدايرة
شمرت روحي على صدرة واصرخ
غضنفرررررر
حيل سحبتني نعناعة من عدة وصرخت
ميلي عنة ميلي هوة كوة يجر لنفس
ليورة رجعت مرعوبة من صيحتها وشكلة المتغير هواي
صمديع بلباب واكف ويدخن
نداريت على فدعم مذهولة واصرخ
تحجون صدك حاطينة هنا تباوعون علي منتضري يمووووت
وية ماصرخت ام فدعم صرخت
دار عينة وحكَ الله دار عينة
فدعم يأشرلي احجي احجي
تقربت الة ازحف تلمست ايدة
عينة تدور علية
قسم بلله دمعة نزلت من عينة رطبت ادية
ورفع وحدة من رجلي ورجع نزلهن
بذهول اعاين الة
بقة يصعد رجل وينزل لثانية كأن يلوب من شي
عينة تصد علية ويرجع يباوع للسقف
حسيت ديشكيلي من شي
كمت على حيلي متهسترة واصرخ
كوم غضنفر كوم هاي اني اجيت وماعوفك للموت والله
فدعم ركض علي وكاللهم خل ناخذة ماطول تحرك ودار عينة
صوت بيبي شكرية نترت بي
المن تاخذة موكالولكم اخذو للبيت كلشي مابيدنة علي علاجة لوحيد عملية والعملية ماترهملة
خلي هنا بيناتنا نقرالة قران بلكي يتحسن
تراخذة للمستشفى همة يموتونة جان مثل لورد كلما تاخذو للمستشفى تردو منتكس اكثر
نعناعة وجدو ايدو كلامها
كلولة عوفة كلشي مايسوولة بلمستشفى كلما ناخذة
هوة تعبان مابي على لمستشفيات
_فدعم ؛؛ مااكدر اشوفنة هيج يروح من ادينا
_ابوخليل:-، هم ناخذة وهم يكلولنا طلعو مابيدنا شي علي وتتعاركون انت وصميدع وتسوولنة سالفة مثل كل مرة
_اتعارك والدنية اكلبها وشيسون خل يسوون
دنك علي شالة على صدرة وركض بي لباب لحوش
سحبت منة وركضت ورا
بيبي شكرية لحكتة لباب لشارع تكوم وتطيح تكلة جيبة كلما تاخذة يرد منتكس همة مرضو كلشي مابي جان كلما تاخذو للدكاترة تلعبون بي
ركب لسيارة ركضت ورا
ركبت وكشمش دفعتني وركبت
صميدع صعد ليكدام
ومشة
لمستشفى بعيدة عنهم
جان راسة بحضني ورجلي بحضن كشمش
علما وصلنة اني منتهية بجي ولوم شوفتة هدت وصلة من حيلي
نزلنا للمستشفى
لدكتور شافة عرفة لأن داخل فترة طويلة
سألهم شنو استجد عندة
فدعم:- حرك رجلي وعيونة تركز باوع على زوجتة ودمعة رطبت عيونة من شافها
_معناها زوجتة هي المحفز الي سبب عندة كل هذا
خلو بلمستشفى وكل يوم خل تجي زوجتة بلكي يتحسن ونكدر ندخلة عملية
لأن وضعة هسة ابد ميسمح بلعملية
بقينة يمة اكثر من ساعة
جنت بلكاع يم رجلي كاعدة
كلبي مااحس بي شعور لشفقة مسيطر على حواسي
دموعي تجري وعيوني علي
غمض عيونة ونام
صميدع كال رجعو انتو جايين من طريق
هوة هسة صارر عندة علم بجيتج
ومن يكعد هم اخابر عليكم وتعاي انتي ومنة
رجعنة للبيت
تلكتنا بيبي شكرية تلوم وتكلي هسة يرد منتكس اكثر مثل كل مرة
وراها بدت تلوم بية وبعمة مدينة لأن مانرد على اتصالهم
شرحت الها وحاولت ابرر موقفي
بس هيهات
كلها تشيرلي بأصابع لاتهام وكلها تكلي بالغتي ومالة داعي كل لسويتي
من حسيت محد بيهم يفهمني كمت من يمهم مكسورة خاطر
صعدت لغرفتي
بلكاع فراش ممددد وعلي دشداشتي وملابس منة
فتحت لكنتور
طلعت دشداشتة
حيل حضنتها وشميتها واحاجي
ليش ماحجيتلي
ليش مانطيتني ولو اشارة
حقدي على سللامة يغلي هي لسبب بكل لصار
مانمت بيومها
يوم ثاني اخذني فدعم ورحت
منة تبجي علية مااكدر اعوفها
بيبي شكرية حاطتها تبوس بيها وتلوم بية تكلي
حرمتينا من الفرخة شحلاتها صايرة وكبرانة
رحنة صميدع يرجع وياي وفدعم يبقة بمكانة
دخلنة لصالة جانت مكتضة
بلكاع كعدت ولزمت ايدة
جان نايم
خليت منة يمة
بقت تناغي وتهذي مينفهم شي عليها
فتح عيونة
قربتنا يمة يعاين الها صفن بيها
شوية ورجع غمض
بقينة يمة تقريب ساعة
كلسا يفتح عيونة يركز بمنة ويرجع يغمض
وراها طلعونة كالو راح يجي لدكتور لمسؤل وميقبل احد يم لمريض بس لمرافق
رجعني صميدع
عدن ايام كل يومية اروحلة صبح وعصر
يوم عن يوم نلتمس لتحسن
لاصوتة يطلع ولا ياكل
بس صار يتنفس بدون جهاز
بس بليل يخلو الة يخافون يختنك وهوة نايم ومحد يدري بي
كل مانروح الة نتبهتلة
بس يكول فدعم هلا بمنة لحلوة
عينة الي مركزة بلسقف تندار ناحيتنا ويركز بمنة
بعد اكثر من اسبوع جانت منة مريضة تغيير جو صار عليها عدن يومين اني مااروح خابرنا بليل فدعم بفرح جان يصرخ
غضزفر حجة حججججة وكال اريد ماي
ووراها كال اريد منة جيوها الي
لفرحة ماشايلتنا
يوم ثاني علساس اخذها واروح تخربطت حالتها حيل من جنة يم بيت عمة مدينة جانو يشغلون لالة بليل لان من ورة لمغرب تطفة عدهم الكهرباء وتضل للصبح طافية
جانو من لمغرب يسوون عشاهم علمود لضوة
ومن جانت تخاف من لضلمة ابقة قريبة يم الالة الى ان تنام
ويوم عن يوم صدرها يتعب
والسبب جان دخانوالالة بس اني ممنتبهة
بلأحرى ماعندي حل ثاني
بهلأيام لولد يومية يتصلون يبشرونة بتحسن
جدو وعمامة يومية يرحولة
بس المرافقين صميدع وفدعم يتناوبون علي
صبحية جنت رايحة للمستشفى بعد ماتحسنت منة
اني وصميدع وعمة امريكا
نزلنة صميدع وراح يدور على مكان يركن بي
دخلنة جوة
ندور علي بلصالة ماكو
تلفتت اسأل لناس الي بلصالة علي
وحدة حجية كالتلي ياااا يمة مريضكم مات ونقلو بلأسعاف للثلاجة
بلكاع كعدت ومنة بيدي
عمة امريكا ركضت ليبرة تسأل بلسسترات
ركضت وراها مثل لمخبلة
شمرت منة بيدها وطلعت ليبرة
شفت ثنين اسعاف واكفات
وحدة منهن تحركت
بكل حيلي ركضت وراها
قسم بلله جنت اركض مثل لمخبلة
لاعباية بقت ولا بقة عقل
عبرت لسيارة لشارع واني اركض بكل حيلي
الى ان وكفت
نفتحت لباب ونزل منها فدعم وقرب الي فدعم
قبل ميوصل الي اني تربعت بلكاع منتضرة اسمعها منة
تدنالي متفاجأ
شبيج انعام شجابج تركضين ورا لسيارة شجاح
مات غضنفر مااات
ولج شبيج خابرت على دكتورة الي ببغداد كال نهاية لأسبوع عندي سفر واتأخر
لدكتور لمسؤل على حالتة بلمستشفى كال يكدر يسافر حولني على مدينة لطب
انة اتصلت بجدي وكتلة راح انقلة شعجب ماكاللكم
_تونة اجينا احنة
تقرب الي كومني وكالي رجعي وكلي لصميدع
ماارجع اجي وياك
انعام رجعي ماترهم ميقبلون اي احد ويا غير لمرافق
نبهني ارجع وركض بعد مادكو هورن اكثر من مرة
رجعت للمستشفى
بلباب جانت عمة مدينة واكفة وبيدها منة
تقربت الهة طمنتها سألتها على صميدع كالت
طبك سيارتة وراح يدور عليج
بقينة واكفين بلباب دموعي تجري واندعي
شوية واجة على سيارتة شفنا رحنة علي
للبيت رجعنا كال خل يوصلون ويتصلون بينا يطمنونة ونلحكة
بقينة ننتضر اتصال منه
هللحضات مرن علية عمر
غفيت ومنة بحضني
صوت كشمش تفزز بية
خية اتصل فدعم واصلين للمستشفى ولعصر دكتورة يشوفة ويحددلة موعد عمليتة
كمت صليت ويم لتلفون ستقريت
منة تنتبه وتناغي متغيرة حسب كلامهم
ماوكعت من ايد فدعم
تهاتي مبوزة على فدعم وهوة يتحارش بيها
لليل خابرنة فدعم كال باجر بل٧ لمغرب عمليتة
كوة عدة لوقت علية
كلنة مترقبين ونندعي
عصرية ركبنة لسيارة اني وبيبي شكرية وجدو وسللامة وعمة امريكا وصميدع
وصلنة جانو مدخلي للعمليات
بعد مادريت عن روحي ولادريت عن منة
اروح وارجع وسبحتي بيدي
لاخليت امام لاخليت ذي جاه
وكفت كبال لشباك دموعي تتجارة واحاجي لأمام
ياابو لجوادين اني غريبة وانت غريب
ماالي غيرة
بجاهك عند الله اريدة يكوم سالم اذا صارلة شي مااسامح نفسي يكتلني لقهر والحكَة
ياابو لجوادين اني يتيمة
ماالي غيرة
اضيع بدونة
بمكاني واكفة ونززني صوت سللامة
تعاي خايبة طلعوو طلعووو
ركضنة ليجوة جانو ستوهم شايلي ببطانية وخلو على السرير
بعدة فاقد وعية صدرة عاري وملفلف ببلاستر
كعدت يمة ابجي واندعي
شوية وحرك ايدة
وصوتة يهمس بردااان
غطينا بقة يهلوس ويهذي
ساعة يصيح بردان ساعة يصيح محتر
اكثر من نص ساعة عدت وهوة يهلوس
بيبي تقربت الة همستلة هاي انعام هنا يلله صحصح وكوم بسللامة وشوفها وشوف منة شحلاتها صاير
صار يضحك ويغني
بويا نعيمة ويانعيمة
فريتج على لكون ..بجيتي ...غفيتي ريتج بلعمة عيون
خايبة نعيمة ويانعيمة
وشلون بصرك ولحمام ينوح
وابرة الشرايع مثل ام ولد غركان
لسانة ثكيل ويحجي
دموعي تتجارة
بيبي شكرية تهمسلة
اي هاي نعيمة هلأجت على مودك
ردتلك انعام
صوتة بثقل يهمس
كلولة تانيتك وضاع لعمر
كلولة لايرد مايلكة مني كل اثر
يحسبهن ايام واحسبهن سنة موش اشهر
سنة وعيوني تناطر
سنة يصبرون بية واجرع لمر
اكولن يرد ويوصلولي الحجي واعذر
يوصلولي لحجي يكولون ناسيك
ناسيني يخايب وانة هايم بيك
كل هذا واكول اقنع
واكل للشامت مودع
ومناطر ترد واشكيلك مربع
لونها تنحجي احجيها بس هي ونة بكلبي المكطع
سبحان هجرك لضيعني مني
مصايب عشت عدن ما المني
شسويت انة لكلبك ومال مني
تدنة تدفة من ناري
جكارة نطيني من صدري اورثها واسوافلك على اخباري ....حنين حاتم
عيوني تجري لسانة ثكيل ويتأوه كوة لكلام يطلع منة وية كل كلمة يجر حسرة
بقينة يمة الى ان صحة تماما
دكتور اجة شافة
كال يبات وباجر يطلع بس موزين علي هسة لسفر
فدعم وعمو رحيل قررو يبقون يمة وكالو نأجر بفندق بينما يستقر وضعة ونشيل خياطة ونرد
جان نايم
اجت سستر رادت تضربة ابرة بلمغذي
كالت كعدو اري احجي ويا
فززتة بيبي
سألتة للستر شلونك شنو تحس دايخ مسخن
جيكتة وراحت
عينة صدت علية
اشر لبيبي على منة
كمت على حيلي شلتها وتقربت الة
دنكت على راسة بستة وهمستلة
لحمد لله على سلامتك
عاينلي بس ماجاوب
بقيت لازمة منة من بطنها وهوة يبوس بيها ويشمها وهي تغار وتضحك
رجعت لمكاني
سللامة تدنت الة
بصوت مسموع تحاجي
انة رحت وجبتها الك
هي خسرت لرهان بس انة مالي كلب يشوفك تتعذب وتروح من ادينا
مالي ضلة وماريد ازيد همومك
انة اطلع منا اخذ جرودي وامشي
حمزة يضل امانة يمكم
اهلي مادري بيهم وين انة اروحن لبيت عمتي اضل عدها اشيلن كبرتها
وحمزة كل شهر شهرين اجي اخذة لو ادز احد يجيبة الي
دنكت وصوتها يهمس
الله يهنيك ويكومك سالم ويحفضك
باست راسة وبتعدت
ايدة سحبت ايدها عيوني نفتحن واسمع صوتة يكللها
ام حمزة ........
............بلقيس.........
صوت لرجال يهمس الة
يابا اخذوها لبيت سيد حكمت البطاط كلش معروفين
مرادهم بلأيد عالم تروحلهم تشكك بهدومها ترجع اصحا مني ومنك
صوت زياد وهوة يأشرلة على شفافة ويهمسلة اشش
جان الخنجر المسموم الي ترك بية فجوات من الألم
دموع نزلت على وجناتي وبروحي صرخة يتيمة تدوي مشيت ويا بألف طعنة والف كسرة والف ااه جوة ضلوعي ضميتها ،، مشيت بخطوات ثقيلة
ثقيلة كلش
اصعب شعور لمن يكون بداخلك كون من العتب
بس التزم الصمت لأن العتب لايجبرني ولايكسرة
تقرب الي
دفعتة
_لتتقربلي
_اريد اسندج
_انت ماتسند انت تكسر وبس
_شبيج بلقيس
_امشي وانت ساكت ولتحاول تحجيني
مشيت للبيت
دخلت اتفحص لمكان رغم ماعندي طاقة بس نفشت ملابس لكنتور كلها ودورتهن قطعة قطعة
رجعت على لمطبخ طلعت كل لغراض لبي
شلت لفراشات كلبت لبيت كلاب
واني برة اسمع صوت تأفأفة وضجرة
دورت لحد ماخويت ونمت بوسط لهوسة
فزيت لصبح جانت ساعة فوك ال٨
كمت بية مابية الملم بلزعابيل
لهناك سمعت صوت لباب ندكت
تمشيت كلت منو اكثر من مرة محد رد
فتحتها شوية ومديت راسي
ماحس غير لباب نسحبت وندفعت من صدري
ودخلت علية ام زياد ووحدة ماشايفتها جبيرة
دفعنني
قبل مااحجي واتعارك
سحلني ثنينهن ليجوة
بقيت ادفع بيهن واصرخ
بلغرفة شمرنني وتعاونن علية
بكل حيلهن يضربن جوة رجليهن صرت ولدوس على راسي ورجلية
ماعندي طاقة ولابية حيل عليهن
ادفعهن واكوم ويرجعن يوكعني
ام زياد تضرب بية وتكلي
اريد اسويها من صدك
حتة من تشهرين بينا وتكولين حطني وكتلني عاد من صدك
وخرن عني بعد ماهلكنني
لمن عبيهن وهمن يردن يطلعن
نار بية تغلي
للمطبخ ركضت دورت بلمجرات اسحب لمجر كوة ينسحب كلشي بلبيت يحتاج شمر بلزبالة
اجة بيدي ساطور
ركضت ولساطور بيدي
جانن يلبسن بنعولتهن
من شافتة بيدي ضربت صدرها وكضت
سبكتلها واحس عقل مابقة براسي صرخت بيها
شوفي هذا مامجربتة لليوم ابنج محرم اللحم علية اليوم اجربة بيييييج.......يتبع
جدا جدا اعتذر على لتأخير والله خطار اجاني وطلعو وقت متأخر كوة لحكت اكتب وعلمودكم سهرت
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!