#خنجر_العضنفر
#البارت_الثلاثون٣٠
#حنين_حاتم
سأاقف الليلة هنا ياسيدة مخاوفي
عللِ اراكِ فأبوح لكِ عن شديد اسفِي
اتسمعين خوفي اللذي يتأرجح بين احرفي
فقد بات وجهك رفيق نوبات هلعي وسخفي
فلاالبعد ولاتفاصيل النساء
ولاحنيني لثورتي ولاجارتي الشقراء
تنسيني شغفي بكِ وذكرياتي الحمقاء
سيقتلني ضنكِ اني فضلت الرحيل على البقاء
أيا وعدا قطعته فنقضته فتجردت من شرفي
اهرب كل يوم واعود لوحدتي هلاوسي وخوفي
طويل الحيّ قد كان لقبي ولي اجمل لأوصافِ
وغدوت مزيناً بحزنٍ اطول من اشجار الصفصافِ
وإن عدنا وعاد الزمان بنا هل ستزول تلك الخطوط الحمراء
يؤلمني انتهاء قصة حبنا بلبعد والجفاء
ويقتلني ان اسمي لم يدون في لائحة الأوفياء
وحيدا بائسا بلكاد انجو من يومي ليدون اسمي مع الجبناء .....حنين حاتم
كبال حانة وكفت
ضارب بكل مبادئي واخلاقياتي عرض لحائط
هارب من نفسي وعاهاتي وخياراتي الي نفرضت علية مرتمي بحضن اي شيء ينسيني لحن صوتها الي يقودني للجنون
ارتجاف كلماتها بكائها
ماكانن مجرد كلمات كأنما شيء من سعير جهنم نصب بأذاني
يكولون الدنية ماتوكف على احد
ليش دنياتي وكفت يمها لييييش
ليش من دون لخلك ماجاي اكدر اعيش
فقدت الفرحة اللهفة بكلشي
عذاب جنت اعيش حتة بللكمة لآكلها اتزوهر بيها
اخذت لبخيل لجانت تبجي وتشكيلي منة
وطأت اقدامي مكان بعمري ماجنت اتخيل نفسي ادخلة
ولا جنت اتخيل ممكن اوصل لهلظعف
معقولة لحب يظعفنة لهلدرجة
لو اني لوحيد لجنت جبان وضعيف
سلبوها مني وماعندي حل غير لاستسلام ولإمتثال
خوفي ماجان على نفسي خوفي على اهلي الي ماالهم ذنب ينضرون بسببي
اجت بعيني جدتي لماشافت ويانا غير لشكَا
دخلت وعلى لميز كعدت
وشربت الى ان كمت مااشوف
يمكن جان تأثري بي اكثر من اي شخص موجود بلمكان لكوني اول مرة اشرب
افرك بعيوني مصدوم من حالي
جنت اشوف كل الي بلمكان بلقيس
شفتها تتقرب الي وبتسمت وتسألني
انت جارنا زوج هيفاء
ماسمعت لكالتة عيوني جانت متركزة على شفافها وإبتسامتها لساحرة
دموع نزلن من عيني وشفافي تهمس الها
مشتاقلج بلقيس ايدي تسللت لخصرها وهمست الها
سامحتيني واجيتي علمودي مو
عفتي رجلج واجيتيلي
خليني انام بحضنج تعالي خل نروح للبيت
ماعرف شنو لصار
حسيت بوكس على فكي
ماحسيت بألمة رغم من تأثيرة رجعت ليورة ونرطمت بطاولة جانت وراي
صوت واحد يصرخ بي
لاتضع ايدك على زوجتي
اغمض وافتح احاول اركز بشكلة
شايفة بس مااعرف وين
لحانة جانت قريبة على لشقة
توقعتا واحد من لجوارين
كمت ايدي على فكي ثائر لنفسي
حاولت ارفع ايدي ماكدرت
قررت ابتعد قبل مااثير لمشاكل واهرب من لبلقيسات لجانن تارسات لمكان مدري تارسات عقلي
بلباب إستوقفتني نفس لبنية
همست الي تحتاج اوصلك للبيت
اتصل بهيفاء تجي تاخذك
لجان يصير وياي انو ملامحها لشقراء والبياض يتحول الى ملامح بلقيس بشعر اسود وضحكة عراقية ماليها لخجل
ولشامة لفوك شفتها لرفيعة تدفعني للخبال وتثير غرائزي
فزيت على صرختها وهي تدفع بية وتهمس الي
انت مخمور راح اتصل بهيفاء تجي تاخذك
بلكاع كعدت وعيوني على سيقانها
ماجنت املك ذرة وعي جنت مخمور لدرجة اشك بكوني انسان
بقت عيوني تتحرك وية حركة سيقانها لعارية
ونار احس تصعد من رجلية لراسي
لكدامي اجزم بلقيس وتتمايل وتتدلع
سيارة وكفت ونزلت منها هيفاء تقربت الي تصرخ منفعلة
حاولت تكومني جنت جثة
سحبتني للسيارة بلكوة
صعدت يمي
عيوني عليها
صرخت بية
شبيك متكلي شبيك
وين تريد توصل
تشرب قيصر لو كل الحب يسوي مثلك محد بقة عاقل
كافي تسوي بنفسك هيج كل لدتسوي مراح يرجعها
انتي مهووس بيك شش
عيوني تغوش
نشوة نتابتني
اخر كلمة ماسمعتها مثل ماتلفضت بيها
سمعتها بجزء من لنشوة لبية
الي جنت محتاجة واني بهذا وضعي
جان دماغي يخيلي هيفاء تتلفض بي
كلمات تثير لرغبة بية وتدفعني الها
ماعرف شوكت تحولت لكدامي الى بلقيس قلبا وقالبا
نزلتني من لسيارة تسحب بية
واني متلذذ،بقربها وكلشي بيها
صراخها وانفعالها عقلي لمخمور جان يترجمة الي على هيئة غزل
للبيت دخلتني ودخلت للغرفة
جانت دتلبس لكوت مالتها
ندارت علية صرخت
ذاك لمسكين راح يهبد يدور عليك
وخر عني خل انزل اشوفة وين راح
ايدي تحتجزها بين لكنتور وصدري
سمعت لحن ارتطام صدري بصدرها
ويم اذانها همست
محتاجج
اني مشتاقلج موت
اني مريض بيج
داويني اترجاج
لهفتي عليج ماماتت لليوم
نطفت بعيني كل لنسوان
ايدها على متني وهمست الي
واني ميتة بيك
تحبني قيصر
احبج شنو
انة لبية ماينوصف
ضايع لحد مالكيتج هسة
ايدي تسللت لوجهها
وعلى شفافها وركَبتها جنت ارسم لوحات اشتياقي
وبحضنها جنت ارمي لوعتي الي ماكدرت اترجمها لليوم
ملامحها لبريئة موطن ذابت بي كل خيباتي
وعلى شعرها الي بسواد الليل تمددت
جنت تعبان
ورغم كل شوق وإحتياج بية ماسولت الي نفسي ولاتمكنت وساوس لشيطان مني
جنت محتاج احضن واشم واتغزل وبعز ضياع عقلي مني توقفت عد حدود معينة وماتجاوزتها
خطوط حمراء ماتعديتها ولا راح اتعداها وي انسانة مهما غلبني فقداني وعيي واتزاني
مااعرف شوكت غفيت
نكلبت تحسستها
حضنتها بكل قوتي
ويم اذانها همست
بلقيس لتعوفيني بعد
صرختها نززتني
فتحت لضوة
شعرها لأسود تحول الى اشقر
وملامح بلقيس نتهت بملامح من صدمتي ماجنت اميزها إلة من صوتها
صرختها جن طيرت لشرب من راسي واعادتلي اتزان نفسي وزمامها
بلقييييس؟؟ هذا لطلع منك
بليل نايم وياي ولصبح تصيحني بأسمها
شنو من بشر انت كلللللييييي
سويتني بديل عن بلقيس
تريد تنساها بية
هذا الي الله كَدرك علي قيصر
عقلي توقف عد ثاني جملة تلفضت بيها
عيوني نفتحت بذهول واحس لكاع فترت بية
تقربت الها جانت كتلة من لغضب ولانفعال حيل تضرب على وجهها وتبجي وتلوم بنفسها
بأيدي حاولت اسيطر على فوضويتها وانفعالها
وهمست الها بخوف من ردها
هيفاء شنو لصار بيننا بليل
متدري متدرررري
يعني تقربتلي وانت متدري
بس والله موصوجك صوج لغبرة الي بلاعقل سلمتك نفسها وانت متدري بروحك
هسة بلا لوطلعت حامل شحجي وشكول
رجلي نام وياي ومايدري
ولك قيصر تريد تخبلنييييييي
بطلي صياح خل افهم رحمة لربج راح اوكع من طولي
كليلي صارت بيننا علاقة كاملة ؟؟
اكتل نفسي قيصر اكتل نفسييييي
شحجي وشكول يربي
شكل لأخوي شكل لأبن عمي
شجاني وطاوعتك شجانيييي
كافي تولولين كاااافي
لبست ملابسي وبلباب واكف البس حذائي
تقربت الي تبجي
هاقيصر راح تنهزم مثل عادتك
لا لتخافين لو شماانهزم ارجع لخيبتي
هادي وين
جان يدور عليك بليل رجع
دك لباب سألني عليك اني بعد من فشلتي ماعرفت شأكلة
كتلة يمي نايم كال اني رايح يم اسعد
_جانت عايزة لتمت ليش مادفعتيني ليش ماطلعتيني من لغرفة
_وليش ادفعك غير رجلي اني شمدريني بحضرتك متخيلني بلقيس اشم ايدي مثلا
عفتها ونزلت جوة
بمقهى بقيت كاعد اشرب جاي وادخن
حسيت معدتي كامت تكلب
بقيت احس نفسي اريد استفرغ رغم معدتي خالية
حسيت بدوخة قوية
رجعت للشقة
دكيت لباب
تلكاني اسعد من لباب حضني ويهمس
يابا مبروك بلرفاه ولبنين ان شاء الله
إستغربت من جرئتة
اني لو بمكانة اطم روحي ولا ابارك لنسيبي لأن نام وية بت عمي
طبيت للحمام سبحت
طلعت للصالة خليت سجادتي وعليها هويت باستغفار وتمتمات بدموع لندم ولخوف من ربي علي سويتة
خجلي من ربي خلاني كاعد علسجادة اكثر من ساعة
الى ان لتفتت على سدة لباب بعد ماطلعو هادي واسعد
تقربت الي وهمست بدموع
_جاي تستغفر على خيانتك لبلقيس وية مرتك
_ هيفاء كافي ترة لبية مكفيني
استغفر على صخام وجهي
على لشرب الي شربتة لبارحة على عصياني لربي
لميت لسجادة وتمددت بفراشي بعد مااتصلت بأبو لمحل اعتذر منة ادعي لمرض
شوية وطلعت من لمطبخ تلبس بجاكيتها تريد تطلع
_وين
_للماركت محتاجة شغلات للغدة
_شنو تردين تكليلي لو تطلبين من اخوج ومنا ورايح متطلعين بدون حجاب ولبس مستور
واسعد علاقتج ويا تكون بحدود ضحك وسوالف ويلزم ايدج ويطخ بيج انة موسطل هنا
_شنو الي صار ليش هلشروط هسة يلله طلعت
_جنتي زوجتي حبر على ورق ومتعنيني ابد لاماربطني بيج شي بس هسة ختلف لوضع نحسبتي علية وبنضرهم اني متقبلج همة ميدرون لصار جان غلطة وشي خارج عن ارادتي
_غلطة؟؟؟
لييييش تكول هيج
تعرف شنو الي احسة من تحجي هيج
ولو انت يايوم هتميت للي احسة
تجاهلت كلامها واني اغير لموضوع واحجي وياها على لمعاملة
_متهمني لمعاملة
جان همي انت
جانت غايتي نتزوج واكدر انسيك بلقيس
واحل محلها
وانال هذا لمقدار من الوفاء والي ماشفتة عد رجال
جان حلمي ادخل هذا لكلب واكون لوحيدة بي
مثل مابلقيس تفردت بي رغم كل لبنات لحواليك واني اولهن
متهمني لمعاملة وحتلو ردت تلغيها الغيها
اهون عندي ارجع لعمان ولا اشوفك كاره نفسك وكارهني لأن تشوفني لمسبب الي خلاك تخون حبيبتك الي هي نايمة بحضن رجال ثاني
ماعرف شوكت صفكتها بكل قوتي
كامت على حيلها نضراتها ودموعها
تقربت الها حاولت اعتذر
_اني اسف بلقيس موقصدي والله
_بلقيس؟؟؟؟
اسكت لخاطر ربك اسكككت
عدن ايام مخنوك خنكة بس الله ليعلم بيها
والي يعذبني اكثر نضراتها
بعد لصار بذيج اليلة صرت مجبور انام يمها استحي من هادي
اغفة على صوت بجيها يومية
اتصلت بأهلي حاجاني غضنفر بعد ضايج مني ويلوم
كال راح ادزلك فلوس رفضت
سألني عن اخباري سولفت الة رؤس اقلام
حجيتلة عن حيرتي وكرهي لنفسي بعد لصار بذيج اليلة
وإستمعت لصوتة لناصح برزالة ناشفة
بلقيس تزوجت ورجعتك للعراق مستحيلة
ليش لساك ضال على اطلالها
شمتوقع مثلا تتطلك وتطير وتجيك
بنية تزوججججت كافي ارحم نفسك
هيفاء تحبك تعالج وعيش حياتك
شوكت حبيتها لهلدرجة بنية ضلتلها يمنا شكم يوم لاتبالغ قيصر
ماحجيت شي
جنت اتمعن بكلامة
واحاول استوعبة
سديتة منة رتجيت على لحايط
عدن ايام وحان موعد مقابلتها
قبل لمقابلة اجانة اسعد للبيت
وكعد يتناقش ويانة بموضوعها وكال
راح يصير عدهم نوع من لشك لأن سبق وأن قدمت لمعاملة ونرفضت
راح يشكون انو زواكم شكلي
وشلون نثبت الهم
هنا اكثر شي يثبت هوة لحمل
احتمال وارد تنرفض معاملتها
وإحتمال يطلعون لجنة بشكل مفاجئ بدون مينطوكم خبر ويجون يتطقسون على وضعكم
_وشنو لمطلوب من عدنا
_خلي هيفاء تراجع دكتورة شي
ندار عليها وتوجه الها بكلامة
تردين اخلي زوجة واحد معارفي تاخذج لدكتورة زينة هي تاخرت بلحمل وراحت الها ونطتها علاج
وافقت بدون مترجع الي بسؤالها
وراحت للدكتورة ونطتها علاج
اجت فرحانة ومن لباب تشرحلي
لدكتورة كالتلي بعد لشهرية ب٧ ايام اخذ هذا لعلاج هوة منشط مجرد متتقربلي راح احمل
عدة ايام على هذا لموضوع ماكدرت اتقربلها رغم شكد حاولت تتودد وتغريني
ورة ايام
فعلا طلعت حامل
وحملها قديم يعني من اول مرة تقربت الها بيها من جنت مخمور
وراحت للمقابلة ووية لحمل كانت حجتنا قوية
نقبلت هيفاء كلاجئة
فرحتها وشكرها وامتنانها جان كلش جبير
تعبت واني اشوف نفسي لئيم ومذنب بحقها
تعبت من اهتمامها الي اقابلة بجفاء
تعبت من كل لمرات الي اجتني بيهن عروس ورديتها
تعبت من ضميري ومن لتفكير
تعبت من ضياعي
تعبت من تفكيري واني اشوف جزء مني يكبر بداخلها كل يوم
تفكيري واني اسأل نفسي هذا لطفل لو اجة شراح يلكة شنو من اسرة تنتضرة
انتهى لمطاف بية واني اتخذها زوجة
لا حب ولا رغبة
وانما شفقة وخوف من ربي ومن حوبتها وحوبة دموعها الي جنت اغفة عليهن يومية
جانت خير زوجة
لبسها لسفور اصبح محتشم
علاقتها وية اسعد صارت محدودة للدرجة الي جانت تخلي يتجبجب من عندي ويقلل جياتة النا هواي
مداراتها الي واهتمامها جانن اكثر شي كسر عيني وحسسني بكوني ضالم ومذنب
ولطفل الي برحمها جان لرحمة الي انتشلتني من ضياعي
بديت رحلة علاجي بعد ماستقر حملها وقررت تشتغل كمدبرة منزل
شغلها يقتصر على لتوجيه فقط تدير مجموعة خدم ببيت عائلة غنية كبيرة
وضيفة محترمة الى حد ما لبسها رسمي
بطنها رغم كون لطفل ابن ٥ اشهر بس لساها مابيها ذاك لكبر
لمبلغ الي جمعتة ماجان يكفي لعلاجي
اتصلت بجدي وحجيت ويا وبعد مدة دزلي مبلغ مالي لابأس بي وطلب مني ابلغة اذا حتاجيت
وسافرت لولاية ثانية من اجل لعلاج عد دكتور وصفو الي معارفي بلشغل
رغم اصرارها انو تجي وياي بس مانعت بسبب حملها
هادي اجة وياي
وصلنة للولاية ورحت على لدكتور تحاليل وجيك اب ستغرقن ٣ ايام
ووراها تحدد موعد عمليتي لأولى
والي هي املي برجوع صوتي
لدكتور وعدني انو صوتي راح يتحسن وتتغير نبرتة بس احتمال ميرجع مثل قبل وتبقة نبرتا بيها نوع من لغرابة
وافقت لأن قباحة صوتي جانت عقدة نفسية
بليوم لثالث اتصل بينا اسعد وبشر هادي بتمام معاملتة وتحديد يوم لمقابلة وطلب منة لمجيء فورا
رفض يروح وكلله بعد وقت على لمقابلة اطمأن على قيصر واجي
بقة يتناقش ويا
رفضت يبقة يمي واصريت علي انو يرجع
وكتلة مااححتاجك هي مستشفى خاصة وعنايتهم تغنيني عن اي مرافق
رجع وبقيت انتضر موعد عمليتي
بهلفترة هيفاء جانت على تواصل وياي
حاولت اواجه مخاوفي واتخلص من عدها
ولاول مرة بتت لوحدي
وبدت لهلاوس تختفي
بدة عقلي يكذبها ويبعدها عني
حسيت نفسي قوي لدرجة انو ماعادت تهزمني
بديت اضحك على نفسي واهزء بيها
بديت اسال بروحي شلون جنت اخاف من تهيؤات
وحان موعد عمليتي
بليلتها خابرت اهلي كلهم وحجيت وياهم من لزغير للجبير دعواتهم وبكائهم
اما هيفاء فجانت تحاول تقويني وترفع معنوياتي
بليلة عمليتي
امنية جالت بخاطري
جنت متمني اسمع صوتها
اسمعها تكلي سامحتك
جنت خايف اموت وذنبها بركبتي
دونت لرقم واتصلت
رد علية صوت رجلها
سديتة بدون مااجاوب
وبقيت يم لسماعة تمنيت ترجع تتصل بية
ماعدهم احد خارج لعراق
يعني ماكو غيري ممكن يتصل بيهم
دخلت لصالة لعمليات واني متمني اسمع صوتها
طلعت ونطقت واني اسمع صوتي
ماكدرت اعرف اذا جان صوتي لقديم نفسة لو يختلف ماتانيت اتحسن فور خروجي اتصلت باهلي
صوت هلاهل جدتي وفرحتهم بسلامتي
طلبو مني اخفف لكلام حبالي لصوتية جانت تتاذة
وعدت مدة فرحان بصوتي
بديت اراجع علمود رجلي
لأمل جان بسيط بس مايأست واصريت
رجلية بسبب لحادث صار بيها قصر بمقدار قليل لكن ملحوض ويأثر على مشيي
بديت مراجعتي عد دكتور متخصص وتحاليلي الازمة
تحددت عمليتي على بداية الشهر لقادم
اهلي وهيفاء على اتصال وياهم
نقبلت معاملة هادي وتم لأعتراف بي كلاجئ رسميا وبدة يشتغل
طالع بمطعم قريب على لشقة الي اجرتها تغديت ورجعت
واني افتح بلباب مال لشقة جنت اسمع صوت لتلفون
دخلت جاوبت
اجاني صوتها لباكي بصراخ
قيصر الحكني
شكو شصايير..........
_غضنفر بحضن سللامة وحاجزين بلشيراتون ٥ ليالي عيني
نامي المن تناطرين لفجر فجر سللامة هلمرة
وسواد اليل الج
حسيت جملتها إبتلعتني
جسمي رخة حسيت منة راح تسرح من ايدي
حسيت ثورة بداخلي
بتسمت ولنار بصدري
وهمست الها
شكو بيها زوجتة
مامسوي شي غلط.ام ابنة
ليش ماكلولج اني شكد الحيت علي بشانها وشكد نبهتة انو الي ديسوي حرام
عافتني ومشت بضحكة شامتة
حسيت لكون كلة جثل على صدري
لخنكة الي حسيتها مامارة علية ولا بأسوء اوقاتي
بقيت بمكاني كاعدة
عقلي مامستوعب
اتوقع بأي لحضة يفتح لباب ويدخل علية
يامرارة هلشعور الي لاتوصف
حسيت كلبي من داخلي يتقطع
عقلي تخيلات صور
وصلت لجنون
اسألمن شحجي كلها نايمة
متوقعتها اللحضة
بس ردة فعلي ولخنكة الي بصدري ماتوقعتها
فجرية صعدت لغرفتي
ستوني اريد انام صعدتلي بيبي شكرية
_هايمة كاعدة
_اي بيبي كاعدة تعالي
_شلونها منة
_زينة
تعاي وياي خل نصلي
خل انوم منة وانزل
كامت على حيلها تريد تروح
رجعت ندارت تعاينلي وبحلكها حجي
تمشت خطوتين ورجعت وكفت
عاينتلي بشفقة وهمست
_لاتضوجين يمة
_شلون مااضوج بيبي شلوووون
_انتي بحجيج نطيتي لموافقة مقدما على هذا لشي ليش يايمة حسستي انج راضية
_جنت وبعدني خايفة من الله
وخايفة علي من حوبتها
بس ماضنيت يسوي هلشي بدون مينطيني خبر وبدون ميهيئني نفسيا
ماخذها فندق بيبي
لهلدرجة رايدها وعندة رغبة بيها يريد يبتعد عن كلشي
لاتضلمي يمة ماتدري شنو لصار ويا يجوز جبرو
غضنفر محد يكدر يجبرة على شي بيبي تغشمين نفسج هوة حتة من اخذها جان بأرادته خوفا على كشمش وافق عليها
سدت لباب وتقربت الي
راح احجيلج على سالفة بس بداعة منة ماتطلع برة هلغرفة
احجي بيبي تدرين ماعندي هلطبع
من جانت مدينة هنا سللامة امنت الها واتخذتها بيت سرها
هواي سوالف جانت تحجيهن الها تحاول تكسب عطفها ووودها حتة تساعدها وتقنع غضنفر
مدينة جانت تضوج منج ماجذب عليج
بس ماتكره بتي خالية كلب
من عرفت بيها وازة أويتة خاطر تطكج تسودنت من عدها واجت سولفتلي على كل سوالفها رادت تعرف هلسوالف صكَد لو جانت تجذب عليها
من ضمن هلسوالف حجتلي سالفة
سللامة تصير بت عم مزهر علاقتهم بيهم خراب وابد مابينهم محنة ومن صارت لسالفة لبيننا وبينهم هي من ذاتها كايلتلهم انة اروح بمكان كشمش
همة جواريننا صح مابيننا وبينهم طبة وطلعة بس تدرين بيتهم كبالنة
وطلعت جغلودة اللحم شايفة غضنفر بعرس واحد من ولد جليل وضالة بكل طلعة وطبة الة تراقبة من سطح بيتهم وضال بنفسها ومن صارت لسالفة اجتها من الله رغم مزهر عدة ثنين اخوات بس هي متبرعة
ومسولفة لمدينة على سالفتها من كايلة لأهلها خل واحد من ولد عمة ياخذني
طلعت لغبرة عود تريد تخلي يغار وتغيضة
نطت على روحها لزمة وخربت صورتها بعينة
ماجان قصدها ولا الها نفس بواحد من لولد بلعكس تحب غضنفر بس ماعرفت تتصرف
واضح هي تحبة فعلا من تمسكها بي رغم كل لصار
وهي تحجي وياي نامت منة علسوالف
اخذتها مني خلتها بفراشها وكللتلي
كومي ييمة خل نصلي
نزلنة اني وياها
لاكتني نعناعة جانت طالعة من غرفتها
نضراتها الي ولبيبي كلش اذني
صليت وبجيت بصلاتي
رجعت لغرفتي نمت فزيت لصبح
توقعت الكا جاي
بس ماكو
فدعم مااجة للبيت جدو يلوب علي
راحلة لدوامة طلع مامدوام
وراها اجة للبيت جدو هلمرة ماسوالة كلشي بس قاطعة حاول يعتذر منة دخل يمة لغرفة تعالى صوت صياحة
ونختم بتهديد
(والله لأخلي ابو تهاني يطلكها منك على عملتك هاي ) مايندرى مجرد تهديد لو صدك ناوي يطبقة
فدعم يضحك ماماخذ لموضوع بجدية
عدن يومين شفت بيهن لمر
صورتهم ببالي افكاري بيهم تمنعني حتة عن لأكل
كلما يتاخر كلما يزيد حقدي وغليلي
طول ذيج لفترة اتصل بأمي متتحصل
تعبت حييل
ولتعبني اكثر كلهم يحاولون يكونون قريبين يمي بيبي شكرية كشمش زوري بسعاد حتة فدعم وصميدع طول ماهمة بلبيت يحششون ويضحكون يلاعبون بمنة ميخلولي مجال انفرد بنفسي
نضرة لشفقة بعيونهم تتتعبني
واني لجنت ملكة بوجودة صرت مكسورة وكلها تنقهر علية
مرن لخمس ايام علية مثل لموت
بليوم لسادس فزيت على صوت حمزة فرحان يدك علية لباب
فتحت لباب ونهال علية يسولف ويضحك ويكمز ويصفك
بابا نام يمنا بابا نام يمنة
بعد مينام يمج
اكلنة كباب يخببببل
وهوة يحجي لمحتة علدرج جان يصعد
دفعت حمزة بخفة وسديت لباب وقفلتها
عروكي يرجفن اعصابي نتهت
دموعي تجري
حسرة بية اشهك مثل طفل
_صوتة يهمس
انعام فتحي لباب تسمعيني
تقربت للباب
كوة سكتت روحي ماريدة يسمعني ابجي
_ماافتح لباب ولا اريد اشوف وجهك روح
_له له يورد لباجلة هاي موش انتي
_لا هاي اني وتعود منا ورايح ماتدخل غرفتي ولا تدك بابها
_شصاير يابوية غير افهم
_تفهم ؟؟
ليش متدري شصاير
_وانتي تدرين شصاير ؟
فتحي لباب خل نحجي زحمة يسمعون صوتي ولفروخ تعاين علية مشتول بلباب
_ماافتح روح اذا تخاف على صورتك
_زين فتحي بس اشوفكم مااتقرب وحك الله
بس اشوفكم نعيمة لاتمرمرين كلبي مشتاااااك وداعة قيصر
_ماافتح وماريد اسمع هاي لكلمة بعد
مااريد اسمع كلشي منك روح الها كمل شهر لعسل مالتك
ختفة صوتة
بقيت حاضنة منة وابجي
شوية وصعدتلي بسعاد توسلت بية افتح لباب رفضت وكلتلها ماطولة بلبيت ماافتح لباب ولا انزل
رجعت بيبي شكرية صعدت بقت تتوسل بية
_نعيمة اريد احجي وياج انة مالي غرض بي
شني مالي خاطر شاتلتني بلباب
انة شلي غرض بغضنفر اريد اشوفن حفيدتي
فتحت الها لباب ردت اسدها بيدها جكارتها تخنك منة بقيتها مفتوحة وعيني علباب
بقت تحجي وتهدأ بية
مفصولة عنها ماستوعب كلشي حقدي عماني
وهي تحجي لمحتة علدرج
طفرت للباب سوة لدرج شبختين تقرب دفع لباب واني وراها
_وخررر
_ماطب وحك الله بس اشوفكم
ووكت ماتهدين نسولف
رفعت ايدي بتهديد توخر عني لا اسوي بروحي شي
ماااريد اشوفك
ومنة هم متريد تشوفك
٥ ايام عايفها هستوك تذكرت عندك بنية
_حرام عليج تحرميني منها
_حرام عليك انتتتت
طبكت لباب ودخلت
بيبي حجت وياي رادت جنت قافلة
عافتني وطلعت
سديت لباب وراها
مانزلت بعد
صوتها جوة يختبر صبري تسولف بصوت عالي
شلون فندق يرد لروح
شني لحدايق لبي شني لمطعم
وغضنفر خذانة لمدينة العاب تخبببل
وحمزة يوصف اكثر منها
وصلت مرحلة اسد اذاني
وارجع افتح لباب اتسنط عليها
تعببببت
ماتخيلت هلشعور قاتل لهلدرجة
بليل كعدت وية نفسي بجلسة تفكير
بعد طول تفكير قررت انطي لنفسي فرصة شهر واحد اذا كدرت اتعود واتأقلم عليها كضرة الي وتشاركني بي
استمر
واذا ماكدرت اطلب لطلاق
مانكر لخيارين صعبات وممقتنعة بيهن
بس تعبببت من لتفكير
شوية وسمعت دكاتة علباب
همس انعام هذا غدة
طلعي اكلي
مااريد
لاتسوين هيج بوية انتي موزغيرة اكلي
كتلك مااريد
زين طلعي خل نحجي
مااريد اطلع عوفنييييي
عافني وراح
عصرية صعدت بلقيس كالتلي راح للشغل
نزلت وياها
مجرد ماشافتمي نزلت كامت تسولف على لفندق ولطلعة
فدعم نتر بيها
دكافي شلحيتي موافتهمنا وحكَ الله
سكتت وتعاين الي بغل
تلكاني فدعم اخذ منة من عدي
يبوس بيها ويسولف
بيبي شكرية تضحك وتسولف وياي
بقيت اسولف وياهم طبيعي ابد ماخليتها تتمكن مني او تفرح بأنتصارها علية
حمزة كلسا يتقرب على منة يبوسها
تصرخ
اكثر من مرة يبوسها تصرخ
امة نترت بي
دعوفها نحسة شلزكت بيها
حمزة بطبيعتة طفل عصبي واحس هلشي مكتسبة منها لأن هي تعاملها ويا بعصبية ومن نوع تضرب
نتر بيها من صاحت بي
انتي موكلتيلي روح سوي روحك تبوسها وو..
نسد حلكة وهي تكفخة وتصيح بي
ادبسز لتصيح شنوو طفلة كدامك تصيح علية
بيبي فهمت شالت منة بحضنها
شوية ودخلت عمة امريكا وتهاني بس زوري ماوياهم ابنها مريض ماراضية تجي
تهاني كالبة خلقتها على فدعم كعدت بصف امها حتة ميكدر ينفرد بيها ويعتذر
راح للمطبخ واجة بيدة وردة
تقرب على تهاني بضحك يكللها
ممكن نتعرف
اني فدعم خليل رجلج ان شاء الله
لا ياهو كال رجلي
روح تأكد من هذا حجيك وبعدين تعال احجي
شنهو غصدج
اسأل جدي
ندار على عمة امريكا
عمة شني لصاير
اسأل روحك
جدك اجانة وحجة وي ابوها وكالة فدعم مايفيدكم
وحجالة على سوالفك كلها
انة اخووو كشمممش
احرك بيتكم اذا صكَد غير
ولأكرع يريدني اطلك هسة
خل يمد ايدة ليفوكَ نجوم لسمة اكَرب الة
احشم ولك ابو لعركَ
عمي ماعايل ولا مأذي واحد بيكم لاتندكون بية
ترة انة مسودن قسم بلقران اشوفكم سواديني
واراويكم ابو لعركَ من صكَد
_دروح روح
_اروح ماشي عمة
هييين يلأكرع
طلع برا متخبل شكو طفل بطريقة شالة بجلاق وراشدي خلة لجهال طبت علينا تتصارخ
رجع من باب لمطبخ صاح
كَلو للأكَرع لا يطلع من لبيت لازملة لدرب وحكَ الله
هوة عود شخاط واحد اوجج كَطناتة واخلي يغني على لدنية لسلام وهايهية
صوت عمة تكتم بضحتكتها وصاحت علي
ايدك وماتطول فدددعم
خوش خوش انتو لجبتوها لروحكم
ضرب لباب وطلع
ضحكت عمة امريكا واحنة وحدة تباوع علثانية
تقربت بصوت ناصي تحجي تخاف من لجهال مايضمون حجاية
_ابوي اتفق ويانة على هلسالفة يريد يتوبة من لشرب عبن جزع ويا كال نلزمة من ايدة لتوجعة بلكي من نهددة بتهاني يعقل ببطل
_نعناعة:- ياااااع جاهوة ذيل لجلب هم ينعدل
_امريكا:- لا وانتي لصادكَة جان انعدل جليل وويلادة
ضلت نعناعة تخازر وتنافخ
اخذتنا لسوالف للمغرب على كعدة عمة امريكا من يلتقن هي وبيبي شكرية يامحلى لكعدة وياهن
بلعادة من يدخل يبحبح بصوتة
هلمرة جفت
شلت منة بساع وطفرت للدرج
بعدني بنص لدرج سحب ايدي
حييل دفعتة ونترت
عوفنيييي
_انعام خل نحجي يبوية لاتصيرين كلش لعناد مايسوي كل حل
واني مااريد اي حل
اني طالعة منا وعايفتلك لجمل بما حمل اشبع بسللامة
_افااااا ياهو لجانت تلح علية وتحجي بسالفة سللامة
_وانت ماشاء الله ماصدكت
_خل ندخل لغرفة ونسولف زحمة صوتنا سمعونا
_ماعندي شي احجي
عتيت روحي منة وركضت للغرفة قفلت لباب
شوية وصاح من ورة لباب هذا اكل
تاكدت منة نزل لدرج وفتحت لباب بسرعة سحبت لصينية تعشيت
وتانيت بسعاد صعدت لغرفتها مرت بية واخذت لصينية مني
تعبتني منة يلله نامت
تمددت بفراشي
اسمع صوت شخير برة
فتحت لباب على كيف
جان ممددد بلكاع ايدة جوا راسة لا غطة ولامخدة
سديت لباب وعفتة
كلبي مانطاني شمرت علي غطة ورجعت للغرفة
عدن ايام من يكون بلشغل انزل واساعدهن
من يجي اختل بغرفتي
كد ماحاقدة علي مااكدر اشوف وجها ولا اعاين بي
يومية بلصالة بعتبة لغرفة ينام
اكثر من مرة يدز على منة ماانطيها الة
بهلأيام منة صدرها يخرخش
ظاهر مريض وعداها يبوس بيها
لاحضت هلفترة ليلة ينام بلصالة بعتبة لغرفة وليلة ينام جوة
حقدي يزيد ويغلي
ماكدرت ولو لحضة اتقبل هلشي
بليل نايمة ومنة تكح اختنكت
بلغم بصدرها خنكها
نطيتها دوة
بقت مانامت اليل كلة
شوية وكامت تتقيء طلعت للحمام غسلت الها جان بلصالة نايم هوة
ماحسيت غير هوة فوك راسي
حاول يسحبها مني
نفجرت بوجها ومثل لمخبلة صرت اني اسحب وهوة يسحب
_خل اشوفها ولح ختنكت راح تموت لفرخة
_وخر عني ماتلزمهااااااا
_انعام شبيج تخبلتي
سحبتها منة كل قوتي
فرفحت
هوة يسحب واني اسحب
ولج راح تموت إزركت
انعام شمااااالج
ايدة طبعت على خدي
صفنت بوجها مذهولة
سحبتها منة
نطاها الي بدون مقاومة
مشيت
خطواتة وراي وصوتة يهمس الي يحاول يعتذر ويلحك بية قبل مااسد لباب
طبكتة بوجها
بقة ورا لباب يحاجيني
بوية والله موش غصدي
بس انتي عصبتيني
ماشفتي روحج شلون تخبلتي لطفلة مختنكة رادت تموت
منة بتي مثل ماهية بتج لاتخلين لحقد يعمي عيونج
انة ابوها حرام لجاي تسوينه
صورتها بوجهي منين مااندار
خليني اشوفها بس اشوفها
حتة الله مايرضة
انة اكدر اخذها بلقوة بس ماريد ائذيج خليني اطمأن عليها
مااااا ماانطيها الك
وماالي ضلة هنا
من عين باجر اخذ ملابسي واطلع من لبيت ارجع منين مااجيت
ليييش غير لو اعرف شنهي لصار
نسيت روحك من جنت تصيح مااريدها روحي تجز منها مااكدر اتقربلها لو تصير من ذهب
عشمتنيييي
خليتني عمية من ثقتي بيك واكول حتلو اكلة روح الها ماراح يروح ولا يتقربلها
موتصيح لحضة مااهون بيها وماتستاهلها
شلون هونت بيها ٥ ليالي شلووووون
مافكرت بكلبي
اني مااكدر حاولت طول هلمدة
صاير عادل ليلة الي وليلة الها
نطيتك ونطيت لنفسي فرصة وماكدرت
ابنك متكدر بليا رابي على ايدك وجبير
ومتعلق بي
منة يوم يومين وتنسة حتة وجها
لاتصيحين انعام ظاهر كعد يصرخ من صياحج
نامي ولصبح نسولف
نسولف!
هاي اذا كعدت لصبح ولكيتني
طلعت ملابسي ترست جنطتي
حضرت جوازي ومستمسكاتي
وبقيت اتاني لفجر
لبية لاينحجي ولايتسولف
لبية ناااار
نار مايطفيها اي كلام
بعيني صرت اشوف
ااااااخ
فجرية فتحت لباب وطلعت
ماجنت مقررة ابتعد
جنت مقررة اروح يم عمة امريكا واطلب منها ابقة يمها ومتجيبلة سيرة ردت احرك كلبة مثل ماحرك كلبي
وردت اخذ وقت كافي وافكر حتة اكدر اخذ قراري
طلعت اتمشة
تعديت من يمة منة بيدي وعلى كيفي اسحب بلجنطة
اول مانزلت بايات بدت لجنطة تطلع صوت وية ثالث باية طفر من مكانة
بخطوتين وصل الي
سحب منة من ايدي بقوة حطها علة صدرة
وحيييبل من ايدي سحبني
حاولت ادفعة ابد ماكدرتلة حسيت لزمتة مثل كلبجة وعلى معصم ايدي
الى ان دخلني للغرفة
ماكدرت اصيح ولا احجي ستحيت بيت صميدع نايمين
دفعني وقفل لباب
وين تردييين
اريد ارجع منين مااجيت
انة موكتلج لتدخل حياتي برضاتها ماتطلع منها إلة برضاتي
لا هاي لسوالف تطبقها على سللامة موعلية
عليج وعلى سللامة وعلى كل حرمة
بس اني مااريدك
كعدي وبلا صياح لفرخة نايمة لاتخرعينها خل نحجي
عن شنوو نحجيييي
شتريدين احجيلج
احجيلج شلون كضيت الليالي لخمسة.....يتبع
عذروني علتاخير ايدي مااكدر اضغط عليها
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!