#خنجر_لغضنفر
#البارت_الخامس_٥
#حنين_حاتم
ندارينة على بسعاد لركضت على اختها وبتنورتها جلبت وتبجي ولخشم ولوجه شحالة كأن طفل رضيع
حيل تخض بجسمها وتكللها معلية اروح وياج ماابقة هنا
لبنية نهارت من لبجي وتشبك بيها وتسكتها
عيوني تدمع على حالها
طفلة
ولبرائة ولسذاجة تتجلى بأفعالها وكلامها وكلشي يبدر منها
وامامها اخت بقلب ام تكتفت بقرار اكبر منها متكدر تخلصها
صوت نعناعة تحاجيها بنتر
شمالج ليشوفج يكول شاوين على اذاناتج بصل لو مامدللة
كافي هدي لبت وراها طريق
موزين وابو خليل خلاها تجي لهنا وتشوفج
صوت وراها ينتر
شني نعيرها لأن ستقبلناها
هذا بيتها وشوكت ماتريد تجي تشوف اختها اذا ماشيلها لكاع نشيلها إعلة روسنا
صميدع يحاجيها ويقنع بيها يكللها غير مرة هم تجي
طفلة وصعب تتقنع خوفها وضياعها وكلشي حستة من اجت لهنا نرسم بمسار دموع وشهكات وتوسل تفطر لكلب
وحيرة اختها لفرفحت عليها
نتها كلشي بدورتها على جدو وهية تستأذن منة وتكلة
ادري ثقلت بطلباتي بس والله ميهون علية اطلع وهية بهلحال تسمحلي بلبقاء يومين بينما تشبع مني واشبع منها
وبحزم رد عليها
شني بوية ماتستحين
تستسمحين خاطر تضيفينا
انتو اهل لدار واحنة نطلع برة
نضرات نعناعة وجيشها
وفرحتها هية واختها اليى اخذتها تسحب بيها ليبرة تريد تشوفها بيت لطين لسوتة
دخلت للغرفة
افكر شنو اسوي
خايفة اتصل بمحمد ويعرف
نتضرت يكون ماموجود بلبيت وقت ضهرية جانو لزلم كلهم بلديوان يم خال بسعاد
ولصالة فارغة كلها بلغرف
كاعدين كل احنة بلقيس متمددة وبحضنها بسعاد مثل طفلة
تسولف الها عن اهلها وبنات اقاربهم وتنطيها لستة عن كل حدث صاير من يوم زواجها وجيتها لهنا
كشمش فاكة حلكها عليهن وتشاركهن
وزوري تعزل بلكنتور
طلعت برة اتلفت
اخذت لتلفون ودكيت
ردت علية بنية طلبت احاجي محمد كالت طالع
سألتها شوكت يجي كالت مااعرف
رجعت للغرفة
ورة اكثر من نص ساعة هم رجعت اتصلت كلت بلكي يكون رجع
جاوبتني نفس لبنية وكالت يتأخر احتمال لليل
طلبت منها من يرجع تتصل وأي احد يجاوبها تكلة انو هية صديقتي وتريد تحاجيني
مارفضت لبنية الي عرفت انها زوجة اخو لجبير
طبيت للغرفة بقينة نسولف
عصرية صوت نعناعة عالي
دكت لباب ام كشمش
وطبت يمنة تباوع لبلقيس صفنت بوجهها
بطبيعتهم من يجي خطار يباوعون بوجها ويركزون بداية جيتنا الهم انغام جانت تبجي تكلي اخاف منهم يصفنون بوجهي وميوخرون نضرهم عني
بعد ايام صار لأمر طبيعي عرفت هاي نضرات لأعجاب ولغرابة من لأختلافات لبينة وبينهم بللكنة والعادات ولشكل واللبس
ام كشمش انسانة طيبة وخدومة ماشوف عدها وقت راحة من دون لجناين لهذا لسبب حتة بنتها مثلها مالها رأي بلبيت حتة جهالها مالها كلمة عليهم
جانت قصيرة وتارسة سمرة حمرة وجهها متعوب حيل وهنة كلهن ملامحهن حلوة بس لتعب راسم لوحات بوجوهن
بين شغل لبساتين ولبيت ولجهال الي كل وحدة عدها دستة وخطارهم ثكيل ينهد حيلهن من يجون
شوية واجت حدهن وهاي اول مرة اشوفها تطب لغرفة لبنات بقن يجاملن لبنية ويسولفن وياها
شي تفهمة وشي تتولى بسعاد مهمة لشرح الها
عصرية اخذنها كلهن يفرنها بلبساتين وعدهم اقاربهم يودوها الهم يتباهون بلضيف ويتغاوون بي وناس تغور ناس من يجيهم ضيف
فرحتهم بجيتها كأن طابتهم سلطانة مو اخت لفصلية
مارحت وياهن رغم الحاح لبنات
بقيت انتضر بلكي تتصل
قبل لصلا رن لتلفون
بساع جريت لحجاب لبستة وفتحت لباب
جان كبالي ولازم لسماعة
عينة علية تخازر كأن يكلي عرفتج منتضرة اتصال
وخر لسماعة عن اذانة واشرلي
الج
تقربت ابلع ريكي
نطاا الي
خشونة ادي نززتني بيها بروزات ونتوئات
مشة بخطوات سريعة
ميريد يفوتة شي
قبل مايوصل للأستقبال بصوت هامس كلتلها بعدين احاجيج لتتصلين
سديتة
لتفت الي وهوة قريب علباب
تك حاجب نرفع وشفافة تحركت
ماعرف شنو كال ماسمع غير دكات كلبي لجبان
مشيت للغرفة وقبل ماافتح لباب
صوتة تسلل الي بجملة
همة لمني خانو لزاد ضلت علغرب
ويكلك تزوج
وراها حسرة نجرت وصوت لباب نضربت حيل
دخلت للغرفة وبعد ماطلعت
دخلن وية لأذان تعبانات كلهن وبلقيس محملاتها اقاربهم صوغات علاليك
تمددن وكشمشة طلعت تساعد بلطبخ
اسمع قيصر برة يتعمد يحجي بصوت عالي
وبسعاد نطلقت تنطي لأختها موجز عنة
هذا معلم لا لا معاون طويل جنة نخلة يلبس مثلنا ميلبس دشداشة حباب بس يتعارك دائما وية اخو
يعزل روحة عود هوة فد مندلة محد يعجبة
بس كشمش صديقتة
اختها عينها علية خجلانة
صرخت بسعاد
اااخ ليش تكرصيني
صوت بلقيس يهمس الها كافي عيب بطلي هلحركات صرتي وحدة منهم تعلمي منهم اطباعهم حلوة
وترد عليهة بدموع
ومدرستي لعد
هوة انتي يايوم حبيتيها
حاولي تقنعين رجلج كسبي حبي دللي حتة هوة هم يباردرج وحاولي تقنعي علدراسة
بقت تسولف وياها
حسيت انو وجودي شوية مضايقهم
طلعت افسحلها لمجال بنصح اختها عسا نصائحها تجيب نتيجة وياها
تقربت لبيبي شكرية جانت تتعشة
يحطولها من وكت ورة لصلا كبل تتعشة وتنام هذا طبعها
تقربت الها
كعدت يمها
اشرتلي
اكلي وياي
بلعافية هسة يحطولنا لبنات عيب اكل قبل خطارنة
من فدوة اغديج تعرفين لأصول
صوتة بلأستقبال يتصايح وية قيصر
سألتها شبي
ااااخ من قويصر يتعمد يغثة
صارلة جم يوم حاطج براسة ويكلة يو تعرس عليها يو تطلعها منا يو تخلي واحد يعرس عليها
وهوة يشب ويطفة من ورا
خو يطلعني منا ويفض لمشاكل
نعيمة تغشمين بروحج جم دوب
لغضنفر مايرضة يهدج براسة حسبة وكويكة ماعايفها
وياخوفي يلكاها
هوة ليش هيج يسوي بس لو افهم يعني حتة نعناعة واحفادها طلعو احسن منة
وين يريد يوصل بهاي افعالة حتة اخو ميطيقة ويدري بنفسة غلط ومادري ليش هلعناد
ها جنج بصوب نعناعة ليوم شني شسامعة
سلامتج
بس ماجاي اعرف منو لزين ومنو لموزين يومية انصدم ببشر
ولغضنفر تحجين عنة شي ولأشوفة بعيني شي ثاني
من سالفة لنعولة غسلت ايدي
كلة من جليل اااااخ عسن شوغة لغضنفر بعزيز كلبك
شعلي لرجال
هوة حط دابة وداب لبت
ارملة ويركض وراها تعاي اعرس عليج بزرنة ميروح للغريب
وهية تعرف سوالفة لغبر ماينلبس عليهن ثوب من جان لمرحوم خليل عايش يسولف الها
روحها تجز منة وتخاف من مرتة نسرة تاكلها
وجانت تكول هوة كتال رجلي
مدري ياهو لحاط هلسالفة براسها
سكتناها نخاف عليها من جليل يروح يحط جيلة براسها وتضل لفروخ لا ام ولا أبو
راحت يم بيت عمتها جم ليلة مانسمع غير لصياح من بيتهم وشوية وجابها جليل هية وعمتها وقويصر وكويكة
لغضنفر جان وي جدة مالة غرض بيها متعلق بجدة
ماطبت للبيت كالت حالفة مااطبة
فرشولهم بلديوان
ضلت تبجي اليل كلة ومدري شبيها خايفة
تالي لفجر كضوها شاردة وي ياس
صاحب خليل وربيبة ولغضنفر يحبة جان
حزت بروحهم ولدنة توة ميت وهية شاردة وي صاحبة شينتها تكسر لضهر
يو كتلوها يطلعون اهلها يطالبون بدمها
خلو لغضنفر مت عيني يكتلها حتة محد يحكَهم
يعني تقنعيني هذا بشر مثلنة طفل ياربي وين لطفولة شلون يكتل امة منين جاب هلقسوة منييين
يااااع تغديلة سبع فدوات جا شمالة موبشر
سمعيها مني يمة لغضنفر اسمة بلحصاد ومنجلة مكسور
يعني شنو
يعني لجاينة لتصير تلكي بيها بس من تستفسرين تعرفين هوة مالة غرض
هيج يحط روحة علمامش
اي ليش عجيب امرة
نارة يايمة نارة مابردت
امة
لأم موشوية
فرخ مراهق ودفعو بحجايتين
خلو هوة يكتلها حتة يضيع دمها بسالفة غسل عار
وضلو اخوتة مكفخة بيد لنساوين
من زغرة يشتغل وي جدة وصارلهم ام وابو
كويكة تمووت علي
بس قويصر طبعت صورة امة ببالة
فرخ بس مانسة ضل حاقد على اخية رغم يشلع من لحمة ووصلة وكبرة
محد بهذا لبيت الة فضل على كويكة وقيصر
هوة مت عيني راحن ادياتة وتشوهن إعلمودهم
ليش شيشتغل هوة
بلتيزاب
لنغزة اللزمت صدري احس كهرباء كأن
شششنو يشتغل بلتيزاب
ماعرف جدة شافالة شغلة ومكسبة منها كلش زين وستقر بيها من زماان
نعدمن ادياتة من لشغل حتة لفروخ من يكضهم يو يلعبهم يجون يبجون منة
اعاينلة مت عيني يصفك ايد بيد ويجر حسرات
احس غصة ترست صدري
زين امة من كتلها جان مراهق وندفع بكلامهم وتأثر من شافها وية صاحب ابو
اني من حز ركبتي وجان ناوي على موتي شنو عذرة
يااااع جانسيتي سوايتج
نعيمة انة احبنج بس سوايتج شششينة لزلم تستعاب تسويها
على يامال تشردين بتنة وتساعديها علغلط
ترضيها على اختج
لصراحة لاء بس
بلية بس
هاي انتي مرة وماترضيها
جا شحال لزلمة
وسالفتة وي لخيانة قديمة وجملتها اختة
عار لأم صعب
مت عيني حتة يستحي يخطب
وكويكة لفوصة عضت ايدة لجان بيها يشيلها ويركض بيها مثل فرخ زغير
جانت اميرة كل لبنات تغار منها
ولي يرشها بماي يرشة لغضنفر بدم
احمد الله انج مرة
عبن لو جنتي زلمة
الله لعالم شجان سوة بيج لغضنغر
اووووف يابيبي والله مااعرف شكلج من ضحكت على عقلي كويكة واني لليوم اخاف اثق بكلام احد احس كلكم تجذبون
على راسي حيل صكَعتني
والله إنتي شلنفص وماتنلام بيج نعناعة من تكول نَمرة
كومي اخذي لصينية وروحي ارد انخمد
بين اضحك وبين فكري يم كلامها
حطيت لصينية علميز ووكفت اغزلها
ادين حدهن حيل سحبتها مني ومن ورة خشمها كالت
لا والله ماتكضيهن
عبن شني انتي ضيييف
ضيف
مشيت خطوتين واسمعها تكل للعيبية
انة سامعة لضيف ٣ ايام بس احنة ضيوفنا تنام إعلة كلوبنا اشهر
نوب جملتها هاي ام تنورة لمدي شني ماشني
طبيت للغرفة
ورة دقايق طبت كشمش بيدها لصينية
بيها ثريد لحم وخضرة ولبن وزبد وخاثر وطاوة مخلمة اكلنة وشالت لصينية وبسعاد لل٩ يمنة ماترضة تروح يم رجلها
تالي دفعتها اختها دفع وطلعتها من لغرفة
شوية وشخرت كشمش
بقينة اني وبلقيس وحدة صافنة بلثانية
صوت لباب ندكت
منو
انة انة
لبست وطلعتلها
جانت بس هية ولولد
وهية واكفة سألتني شني ماخابرتي على صاحبج
صاحبي شنو بيبي زميلي بلمدرسة لجنت ادرس بيها
لمهم هسة مالنة غرض
خابرتي
لا ماكدرت
تعاي هسة خابري
وغضنفر خاف يسمع علتلفون لثاني
مالج غررض هسة ادز لويلاد يلهو
دزتهم وبقينة واكفين الى ان مد راسة عبود اشرلنة
وكفت يم لتلفون ودكيت
هواي يلله ردو
جانت نفس لبنية
صاحتة الي
بأيجاز فهمتة انو طلعتي صارت سهلة وتأمنت بس احتاج يدزلي احد ينقلني لبغداد
كال دقايق اشوف صاحبي وارجعلج
شوية واتصل
ليوم ميكدر باجر لفجر قبل لصلا بساعة تتجهزين
قبل ميكمل نترت نعناعة بنفعال
مايكدرون باجر
من كل ولابد ليوم تطلعين
ايدي اكتم لصوت واسألها
ليش
همة امنو وضعهم عليوم باجر صعبة مايكدرون
اذا موليوم معناها تضلين هلضلة
صوتة يحجي ها انعام شنو تعرقلت
لا بس لازم ليوم باجر ميكدرون
ابد مابيها مجال منا منا
ابد ميكدرون
خل اشوف غير واحد من اصدقائي وارجع احاجيج
بقيت واكفة يم لتلفون وهية يمي
عيني علأستقبال
شوية ورجع اتصل
كال هذهو اتفقت وية صديقي اسمة مهيمن
نطاني اسمة و مواصفاتة وشكل لسيارة ورقمها وتفقنا على لوقت ولمكان علشارع لعام يم لوري قديم سكراب
تشكرت منة هواي وصوتة يرد بحسرة
اني قطعت وعد الج وخذلتج
ولجاي اسوي تكفير عن ذنبي واتمنة تسامحيني
فهمت انو جاي ينطيني باص بأنو جيتي لبغداظ مومعناها يريد قربي مجرد يساعدني حتة يريح ضميرة لأن يحس نفسة جزء من عذابي
مااذكر كنيتلة مشاعر لجنت احسة تجاهة علاقة زمالة وبس ومالومة كل انسان يشتري راحتة واحنة قربنة مضرة
اكدتلة انو ماشايلة علي بكلبي وممنونة من مساعدتة ومجرد مااوصل راح احاول اطلع لأهلي بأي وسيلة
دخلت للغرفة
اجذب اذا اكول ماخايفة
خايفة منة وخايفة عليهم كلهم
عيوني على كشمش
كلسا اتقرب ابوسها
لميتلي كم قطعة ملابس وفلوس بقتهن الي ماما ماصرفت منهن
وذهبي جان عندي شكم قطعة زغار
حطيتهن جوة مخدتي
وكمت ادور بلدولاب عن ورقة وقلم
لكيت قلم بس ورقة ماكو
وبلقيس تتكلب من اطلع صوت خفت تكعد
جريت كتاب شكيت لغلاف وعلجها لبيضة كتبت
اول مابديت اقسمت انو كشمش ماالها يد بهروبي
وابديت اعتذاري عن كل اذية تسببت الهم بيها وشكري على حسن ضيافتهم ومساعدتهم لعائلتي
طبكتها وخليتها يم راسي
مر لوقت بطييء
ستنزف كل طاقة وصبر بية
عاينت علساعة
سحبت غراضي وكمت
تقربت لكشمش
جان بودي احضنها بكل قوتي
بستها على جبينها وبساع طلعت بدموع خلتني اكره نفسي من خوفي عليها وادري اول لملامين هية
فتحت لباب
تمشيت للمطبخ مثل ماكلولي
جانت بابة مفتوحة
وبين لزرع تختلت جان اكو اشجار عالية تصير عليمين وليساار وبلنص صبابة ممشة طويل يودي للباب لخارجي
وصلت للباب
بلعادة لفلح بلحديقة قوريهم وجكايرهم وللصبح كاعدين
من صديت عليهم جانو غافين
عرفت منطيهم شي
جان واكف واحد من ولد نعناعة بضهر لباب ماميزتة ياهو بيهم ناطيني ظهرة
طلعت الة
علكيفي من يم لديوان خطفت
جدو وجليل وفدعم يم لضيف نايمين
مشيت وهوة كدامي ياشرلي الحگة
صدت عيني على سلاح بخاصرتة
للحظة حسيت بخوف ونويت ارجع
مشيت بخطوات تتقدم وخطوات تحسبني للخلف
جان كدامي وقت اتراجع بس خوفي ماحصل فرصة بعد وخجلي من صديق محمد لجاي ومتعني خلاني الغي لتراجع من احتمالاتي
ايدة من بعيد تأشرلي استعجل جان يمشي ويتلفت
شفت ٣ زلم ملثمين واكفين بين لزرع وبديهم سلاح
لخوف صار رعب
وملامة شلون جازفت بنفسي
امشي وبداخلي تناقض خوف وتردد
بس ماتن كل فرصي بلتراجع
وكفنة يم لمكان لمتفق علي
هوة واكف واني بداخل لسيارة لسكراب حشرت روحي بجزؤ منها وحاضنة لجنطة
صوت لحشرات وصريرهن
حفيف لأشجار
لضلام لدامس
لسلاح إلي منظرة ببالي
وصوت دكات كلبي اعلى من كلشي
جنت اذوب واتلاشا من لخوف ولساني يلهج يارب
احميني لخاطر روح بابا لطاهرة
يارب سهلي اوصل لبر لأمان والتحق بأهلي
من بين رجفة جسدي وشفافي الي تمتمت بذكر ربي
صوت طلقة خترق طبلة اذاني
وصوت يرعددددددد
وينكككككككككككم
ايد عبود سحبتني بكل قوة وحيل يركض بية ويلتفت يرمي عشوائي
وإني اصرخ
وصوت رمي كأن جبهتين ناس ترمي على ناس
يسحلني واركض ويا كلشي ماشوف ضلام ولزرع لبلكاع اغلبة عالي
تملخن رجلية وملابسي وكلسا اعثر وشي يجلب بية وهوة عمياوي يسحل بية بكل قوتة
لثواني صرت انسحل ورجلية بلكاع تنجر
كومني ويصرخ
كووووومي
كومي ليكتلنا
كمت ويا ومن رعبي من صياحة صرت اركض اركض بلا وجها
اركض الى ان صرت كبال خرابة
دفعني لداخلها وتقرب الي بصياح گال
لوشمايصير متطلعين منا
ولو لكوج ديري بالج تجيبين طارينة
بلكاع يم رجلية رمة وگال
لثانية براسج اذا جبتينة بلطاري
ركض وصوتي ليتقطع خوف يصرخ
وين عايفني ويين
صوت لرمي شتد
واحسة يتقرب الي كلماجالة
الى ان فاتت طلقة لداخل لبيت وخترقت حايط على يميني شفت جدحة شرارة
وصياح صياااااح زلم
الم برجلية ملخني
تلمست جانن مليانات شوك وسل
من لقدم للساق
ثوبي مفتوك
ولالعبا ولا لجنطة
مدري شوكت وكعن مني
صوت لرمي سكت
اسمع صوت رجلين
شهكاتي بيدي اكتم بيها
خالة ايدي على حلكي
احس تتقرب الي
صوت همس
وينننننج
وينج ردددددي
هههنا هنا اني
تقرب الي
يتلمس
حسيت ايدة على خاصرتي حيل لفتني وبقوة سحبني ومشة
ماعرف دجة باب أو شنو
بس اذكر وكعت على وجهي وشي بكصتي نبت من لألم صرخت بكل صوتي
ادي حتضنت جسمي حسيت راسي يم نبضة لعالي
وهمس وصوتة مخنوگ من ثگلي
لتخافين هذا اني
جسمي بين ادي يختض من سرعة خطواتة
صرنة قريبين علبيت
عيوني ترتفع بخجل تباوعلة أريد اگلة نزلني اگدر امشي بس خوفي منة ومن ملامح وجهة المعقوچة خلاني انخلس
من بعيد اشوف قيصر وفدعم وعمهم رحيل واسماعيل بديهم سلاح ويرمون ليفوك ويصيحون ويركضون علينة حسيت أحد ورانا خضيت متنة أريد انبهة
ماعرف شنو لصار
اذكر وكعت من ادي وجسمي رتطم بلأرض حييبل
راسي حسيت شي حاد دخل بي
عيوني عليهم من ركضو علينا كلهم وبس حلوك مفتوحة مااسمع صراخهم وكلشي مااسمع
غمضت عيني ودوخة لزمتني غواش بعيوني
افتحهن واسدهن
جانو داير مدايرة
وصوت قيصر يصرخ ليوم احرك بني سعد علييييييييهم
فتحت عيوني على نغزات براسي
جانت ام فدعم بوجهي
لزمت ايدها
اااااخ شدتسوين
صاحت بصوت
تعالن كضنها خل اكمل
حدهن ولعيبية حيل لزمن ادية
وخيطت راسي يمكن زرارتين بس
بساع وخرت عني
غمضت عيوني
دوخة
والم براسي
رجلية احس نمل بيهن
تلمست جواي
اني بفراشي
وهاي غرفة لبنات
على وجهي دم يابس
جنت اغفي
رغم لألم نعاس غالبني
صوت حدهن يهمس
صخام لصخمنة هسة لو كاتليهم ومفتكين
هاي شيسكتها هسة تخرط لأول ولتالي
صوت يرد عليها
دبارها يمي مالج غرض
فتحت عيني اسأل على كشمش
بضحكة ردت علية
كشمشة بخبر كان إسلمي على روحج
كمت على حيلي مستحيل اعوفها
هية مالها شغل شنو تغشمين نفسج
على رگبتي حيل لتفن اصابعها
ووجها كأن نمسخ بكد ماملامحها نتفضن وعيونها جحضن ووجها يتكرمش
وحييل تزمجر
وحك الله اذا اسمعلج نفس بيدي اكتلج
هنا تضلين وطلعة ماالج محد بلبيت يطيق وجهج
دفعتها طاقة ماعندي
شنو لصار
لعيبية ترد علية بإستهزاء
لصار يمحبوبة لسلامة ولبكَة
لغضنفر من جابج شايلج صوبو بضهرة
واصابتة خطرة
وهسة بلمستشفى
حسيت گلبي يصرخ واعضائي تعتصر
كأن شخص لزمهن وحيل بكل قوتة يعصرهن
ايدي حاضنة بطني الي ماعرف مصدر لألم منين
شراح يصير بية لو مات
شنو مصيري هناااا
يكتلوني خلاص يمكن شوية
كشمش وين
ابجي مثل لطفل
كشمش تعاليلي بردي ناري كليلي ميكتلوني
ياربي كومة سالم
ياااارب
كبالي مدري شيتبسبسن
حدهن متكدر تنصي صوتها شكد متحاول يبقة مسموع
كلماتها يتسللن لأذاني
انة خوفي من قويصر لغضنفر مصوب ويمكن يموت ونفتك منة بس
خوفي من ابو طويلة يكَولون كالب لدنية كلاااب
ومجهز سلاحة منتضر لغضنفر يصحة ويعرف منة ياهو الصوبة
وانة لخوثة جنت اكول اذا يموت غضنفر قويصر يركَص بجفية
بقن يمي يبثن سمهن كلسا
كلما اكَوم للباب يهمشني ويرجعني
صووت حجي برة لبيت ماهدأ
ركَع جدورة ومواعين وصوت زلم ولجهال تروش
ادور صوتها بينهم مثل طفل
ماكو ولاسمعتلها حس
اريد اطلع ادورها
وخوفي منهن لو طلعت ياكلني
شوية وطلعن ثنينهن من سمعن صوت فدعم ركضن يعرفن اخبار غضنفر
ورة لباب كمبصت بلكاع واسمعة يكَللهن
مابي شي نجحت عمليتة وجزة مرحلة لخطر كالو يو ليوم يو باجر يطلعو
صوت حدهن تتمسكن وتكَلة
مت عيني ماكَاللكم ياهو ذول لوادم الي طبو لبساتيننا وصوبو
ماشفنا لسة
حطلي اكل خل امشي
وين كشمشة خل تطلعلي ملابس الة
صوت نعناعة يرد انة حابستها
ماكو غيرها لشردت هلحية وسهلت طلعتها
سحبت لباب اريد اطلع
مستحيل اسمح يذبون تهمة براسها واسكت
مجرد مادفعتها رجعت نسدت علية
وصوت حدهن من ورة لباب تكلي
وخري عن لباب لا اطبلج اكَضي بيج لتوبة
بقت ورة لباب وتدفعها وتكلي كلها متحلفة بيج بس تطلعين ياكلوج
شوية وطبت يمي تروح وترجع واضح عليها لتوتر ولخوف من عندة
ندارت علية وتقربت الي
خية احنة ردنة مصلحتج ردنة نطلعج منا وهم نخلصج وهم نخلص من سوالف لو صارت ماتنسد
ويلادنة حمود وصيهود صح مامستحقين زواج بس هم ينخاف منهم
وانتي ماعايزج شي
ونخاف لو واحد منهم حط عينة إعليج لغضنفر مايرحمة
وانتي ماعايزة صح جبيرة بس مامبين عليج ومامتعوبة مثلنة
احنة شني ذنبنة نوكَع بنار لضنفر
هسة يو عرف احنة مشرديج مايسكت لا هوة ولاجدي ولا حتة عمامي
تقربت الي اكثر
لسموحة خية انة جنت معصبة وصارت بوشج
عبن خايفة لو عرفو مانسلم
لتخافين ماجيبكم بلطاري
مو اني الي اعض لأيد الي نمدتلي بغض لنضر عن غاياتكم بطلعتي احنة بينة اتفاق ووعد واني ماخونة
بس الشي لوحيد الي مااسمح بي انو كشمشة تتورط بلسالفة واني وانتو ندري مالها ذنب وحتة ماتدري بية من طلعت ولا عدها علم
خية سمعي مني
سالفة شردتج لوحدج محد يصدكها
كشمشة يحبوها كلهم يرحموها لو عرفو الها يد
بس احنة مايرحمونة
وليش بلله
خية احنة من زمان احفاد نعناعة مكروهين
واحفاد شكرية لمقربين لجدي
عبن ايتام يعاملهم احسن منة
ينقهر عليهم
يعني ترديني اذبها براس كشمش
لا انتي نكري مالج غرض بس لاتجيبين طارينة
هسة حجينة كلة فتراض لمن يطلع غضنفر يلله نعرف ياهو لجان يرمي عليهم
شنوو
يعني مو اخوانج همة لجانو يرمون علي؟
لا خية همة يرمون بجبهة لغضنفر
مدري منمة ذول لرمو علغضنفر وصوبو مت عيني
زين ليش سمعتج تكلين للعيبية لو مموتي وخلصانين منة ؟
يااااع جانتي كاعدة يعيارة
انة اقصد بهذا حجيي على لي صوب لغضنفر لأن كالو لامحي بس عايفي يدرون بلغضنفر مايرضة واحد ياخذ ثارة من زغرة يكلهم الي يصوبني انة ويا محد الة غرض
كعدت كبالي متوترة
طبو جهالها متمالخين حطتهم كطعتهم
نوب اخذتهم وطلعت
بالي يم كشمشة
فتحت لباب علكيف
تمنيت بس المحها
عدة ليوم محد يطبلي عدا حدهن
جابتلي غدة وعشة بس ماضكت لكمة
بقيت حبيسة تأنيب لضمير الي ميرضة يرحمني
لا اني لشردت وخلصت ولا اني لسلمت على روحي
وجمالة لولد تصوب من وراي
ياخوفي من اهلة
شلون بية
ذيج لمرة ماحاد خنجرة
ابجي وارجع اسكت روحي اكول هلمرة ميسويلي شي
مايأذيني
اي اي بيبي شكرية كالت كلبة طيب
كالت اسمة منجل وحصادة مكسور
مدري حصاد
اهوووو
كمت افتر
براسي شك مال كزازة من فلتت من ايدة ووكعت علكاع
رجلية كوة ادوس عليهن اغلبهن بي سليل وشوك بعدة بداخل رجلية
شكد جنت اكول ليالي لحبس مايجي مثلها
بس هاي اليلة عدت علية بمرار مامثلة مرار
ماكعدت اليل كلة
رجلية لألم لبيهن متجاهلتة
اروح وارجع
اكوم واكعد
اذن لفجر صليت بلية وضوء وحتة جسمي موطاهر دم وجروح
جنت محتاجة قرب لربي بهللحضات موشلون مجان
دموعي تجري واناجي ربي
اللهي جنت رايدة التحق بأهلي مااجرمت
ليش كلشي معاكس وياي خلصني منا
اذا هوة سكت اهلة ميرحموني
حتة بيبي شكرية شايلة علية وماتقربت للغرفة ولا شافتني
اعاين للساعة فوك ل٥
بقيت اتاني اسمع صوتها بلكي تطلع للشغل
ماطلعت ولا طلعن كلهن
صوت نعناعة تصيح عليهن وبيبي شكرية متخربطة تشكي من قالونها
اسمع زوري تحاجيها مدري شنو فورت الها ونطتهيا شربتة
وصوتها يردد
ربي بجاه اذانك يطلع لغضنفر واكحل عيني بشوفتة
ربي خذيت ابو مني حفضة الي وشافي وكومة سالم
فتحت لباب علكيف وعفتها شبه مردودة حتة يطبلي ضوة
شوية واجت حدهن حطت صينية بيها كلاص حليب وخاثر وبيض وخبزات
شربت لحليب وعفت لباقي
اجتني مرة رحيل ام كشمش
صبحت علية بس عكس عادتها وجهها معبس
لزمت جرحي بيدها حيل تضغط علي
فتحت شيشة مدري ماليش وبشيلتها بللت طرفها وخلتها علجرح وحيل ضغطتة
رغم يوجعني بس احس هانت حتة روحي علية
اعضم مصائبي هية لاشيء كدام لوضع لجنت بي
دبت لحركة بلبيت
ممالخ جهال ونسوان تشتغل بلمطبخ ولبنات تنضيف
ذبحو ذبايح وصوت اقاربهم اجو
لا احد تقرب للغرفة ولا لمحت بشر
اغلب شغلهن بلحديقة
جنت فاتحة لباب علكيف وورا طابوكة زغيرة خالة حتة لاينفتح اكثر
وبضهرة كاعدة بحيث ماابين
كلسا امد راسي بلكي المحها ولا الها وجود
تأكدت حابسيها فوك
ساعة بل١٠ عتلك لرمي وصوت لجهال تروش وخبصتهن
عرفت طلعو من سمعت صوت جهال بلصالة واحد يركض ورة لثاني يتمالخون على فلوس طاشيهن علي بلحديقة
صوتها من هلهلت وصرخت
هلة بسورها ونورها وقصورها
وحيل تبوس بي
عاينت خلسة جنت من بينهم المحة يتجولة لولد ويمشي
مدنك
عكس ماعهدتا ببنية تشابه بنية نخلهم
جان مدنك
صدت عينة على غرفتي بساع رجعت راسي
طببو لغرفتة
جان متألم وكوة يتحرك
ولفهمتة من حدهن عندة فقرة بضهرة متضررة اثر لضربة ولهذا حتاج عملية
بقيت بلغرفة اسمع صوتة من كاللهم طفو لضوة وطلعو برة وسدو لباب
صوتها تتوسلة يمة اكلك لكمة
ماريد مختنك
عافو وطلعو
بقة صوت خطارهم للعصر يلله طشت لناس
خوفي بعدة
وهدوئهم مخوفني اكثر
بليل ورة لعشة
ندكت بابي وحدهن طبت
تتلفت كالت الي كومي لبسي لغضنفر يريدج هوة وجدي
شش شيريد ماعرفتي
مادري
لزمت ايدي عصرتها وترجف
سمعيني خية
لو جبتي طارينة مانسلم واحنة كلنة عدنة فروخ مابينا على لمشاكل ولغضنفر مايعديها على خير
سكتي وكولي محد شردني انة طلعت لوحدي
وبطلعتي شفت زلم مسلحين وملثمين دخلو للبستان يصدكوج لتخافين هاي دوم تصير عدنا حرامية يطبون لناس من لجوع كلشي كامت تسوي
كليلة من شفتهم بعد لا اكدر ارد واكللكم
ولا اكدر اشرد
لبدت بلخرابة
خوش خوش
طلعت وياها وهية توصي بية وتعيد لحجي علية
طبيت للأستقبال
رجلية ترجف
كلهم كاعدين بيبي شكرية ونعناهة وعمامهم وجدهم ولولد
سلمت ردو كلهم
وجوه مكلبة وكسرتهم علي واضحة
كعدت خجلانة مستحية كارها روحي لمن طبت الهم لليوم ماشافو منها بس لمصايب
هلمرة اني لضالمة
اني لمذنبة
صوت جدهم بكسرة حجة
احنة جبناج هنا امتثالا لأمر ابوج ومعزتة علينة
ورغم كل لسويتي احنة وياج موضدج
لا راح اسألج ياهو لشردج ولا اكلج ياهو لعاونج ولا اكلج ياهو لرما ولااريد اسمع كلشي منج
سالفتج من يمي طلعت
بقت يم لغضنفر
شيقرر مانلومة
ندار علي وصد علية
ايدة نرفعت ليفوك وجان صامها
فتحها وفتح اصابعا وكال
انتي من ليوم حرة طليقة
الج لأمان وين متروحين روحي وحكمي عليج سقط ومالي يمج كللشي
عيوني تتلفت
لجاي اسمعة صدك لو حلم
كلها تندار علي متفاجأة
صوت قيصر ينتر ماعاجبة
وكلها تتحاجة بينهم
صوتة صاح وسكت لكل
انة لعندي كلتة
تلم كلشي الها وتطلع من ديارنة ليوم كبل باجر
كام على حيلة كوة
ركضو علي كلهم
كمت من مكاني
للغرفة طبيت
الزم وجهي واحاجي بروحي
مولمفروض افرح
ليش مخنوكة ليش من سمعت لكالة احس شي كاتم نفسي ونايم على صدري
هاي نلت حريتي الي بسببها جان مات لولد
زين دموعي شنو سبب نزولهن
لميت كلشي الي وحطيتة بلجنطة الي جابتها حدهن مدري وين لاكيها
لزمتها وكمت
صوتة يرن بأذاني
تطلع من ديارنا ليوم كبل باجر
مشيت للباب
فلوس عندي اركب واطلع وانهي كلشي ارتاح واريح لعالم مني
اوصل للباب
ارجع ركض لطرف لغرفة
الزم ليدة
حيل اسحب ايدي منها وابتعد
اكوم
وارجع اكعد علجرباية
هاي اني
اي اني
اني شنو وليش
اني كتلة من لتناقض
اني كون من لمشاعر
مشاعر خلتني اكره نفسي واكره كل تناقض عشتة بوسط هنزاع
شي بية نكسر
رغبتي بلخروج منا احس ماتت
ماعرف شوكت طلعت من لبيت بدون حتة مااودع بشر
وبياعين اباوع بوجههم
صوتهم بعدهم بلأستقبال مدري شيسولفون صوتهم عالي لزلم يتصايحون
وصلت للحديقة
نداريت اكثر من مرة
احس عايفة شي بهذا لبيت
احس روحي فقدت شي
وصلت لنهاية لحديقة
صوت وراي صرخ
ورجلين تهرول
بفزة بكلبي ورجلية لميتات احس رد لدم بيهن
نداريت
قيصر يتقرب الي
وحييل سحب لجنطة من ايدي
وبصراخ نتر
طلعة من هلبيت ماكووووو
اذبحج ولا اخليج تطلعين
عبالج بهلسهولة تمشين هذهوووو
ليش تصيح علية مو انت الي جنت رايد طلعتي وانت الي تلح علغضنفر ويومية تتمالخون
اني ماملامة اني ردت اطلع ولغاية تبرر لوسيلة
تقرب الي
عبالج ماادري منو شردج
همة رادو يساعدوني خوفا من انو واحد من ولدهم يدخل لشيطان بينة ويتبالش وية لغضنفر
بصوت عالي ضحك
وتقرب الي
حيل على جهة لأشجار سحبني
تدرين ليش رادو يشردوج
لأن حبج
اخوي لعمرة ماحب وليستحي حتة يخطب من شينة امنة حبببببببج
لغضنفر لكلبة مات بموتة امي
رجع عاش ودك من جديد
رادو يشردوج لمن عرفو يريد يخطبج
الح علي اريدة يتقدملج خطوة قبل متشردين وادري بيج ماساكتة وببالج لشردة وجنت اتوقع بأي لحضة نكعد مانلكاج
اهدد بي لو تاخذها لو اشردها
اريدة يتزوجج ويستقر
شردوج حتة لايتزوج ولايستقر
تعرفين ليش
لأن صاير درع امان للكل
ولد جليل يسلبون وينهبون ويعبرون على بنات لعالم وهوة يشيل عنهم
يذب روحة بوسط لموت
بايع روحة من زغرة بايعها
بايعها وشاري لموت
رادو يشردوج حتة لايتزوج ويستقر
حتة يبقالهم درع يغطي على عملاتهم لكَشرة
وصار لغضنفر وحش كاسر بنضر لوادم
ينهب ويسلب ويسطي
ومحد يدري بي كطنة بييييييضة
كطنة بيضة وبوكت لعركة تلكي بلنص وهوة مالة كلشي بيها
يطك ويصوب وهمة يطلعون منها
يدور لحرشة دوارة
ومن نحكَ احد لايرضة بفصل ولا يرضة بمراضاة
حجايتة لثار مايغسلة بس لدم
كلها تسحب روحها وكلها تكول موكد نخاف من لثار يضل لأحفادنا وهوة يصر ويروح برجلي ياخذة
ومن اسألة ليش هيج تسوي بروحك متخاف من لموت
يكلي المن اعيش امي عار ورغم كتلتها بس ماخلصت لليوم احس بخجل من شينتها
وانت تشوف دم سنونك ولا تشوفني
وكويكة طعنتي وضحكت لوادم علية
وانة لجنت ازامط بيها
دموعي تجري
كافي كافي اترجااااك
هذا لوحش انتو صنعتو
انت بحقدك علي وسوالفك الي دوم تحسسة وتذكرة بكتلة لأمة
عمامك وولدهم ونسوانهم وحجيهن
ولنفاق ليوصللة اضعاف
انتو خلقتو منة مسخ
انتو خليتو انسان يتحول لوحش حتة يغطي على عملة امة حتة محد يتجرأ ويكول مابي خير
انتو تحملو تبعات اغلاطكم اني شنو ذنبييييي
خليني اطلع خلص مالي ضلة هنا
لاتوكف بوجهي
هلمرة لو اعرف اموت اطلع
كافي مااكدر على حياتكم
وحشكم الكم وخلوني اشرد بروحي
ايدة من حزامة سحبت شي
وصوت لأقسام
ولمسدس براسي تخلة وصوتة يصررررررررخ
.....يتبع
مسائكم معطر بلصلاة على محمد واله
جمعة مباركة
جماعة لواتباد اكو بنوتة ختصرت بث ليوم وكتبت الكم كل غش مستقبلي ذكرتة بلبث تلكو على منصة رسائلي
حبايب تفاعلكم اببد موبلمستوى لمطلوب ليش تتعبوني كافي علية تعب لقصة
احداثها متتعبة
نزلتة الكم من وكت شوفوني تفاعل يفرح
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!