رواية خنجر الغضنفر الفصل الخامس عشر 15 - بقلم Hunen23Hatum

#خنجر_لغضنفر

#البارت_الخامس_عشر

#حنين_حاتم

شكو شكو بيبي خير

يمة غضنفر محبوس صارلة اشهر يمكم وليوم ولد صاحبة اتصل بينا وبلغنة
ولج نعيمة لحكَي علي
ولج يمة راح لولد راااح
صخام بوشي يخليل دولبوني فروخكككك

بيبي اهدي بس خل افهم منج شلون نحبس ليش

يمة هوة طالع بفيزة سياحية بحجة يقابل ولد صاحبة من زمان بأمريكا
ولولد مستقبلة وماخذة لبيتة
طالب منة سلاح
وجايبلة سلاح مامرخص مدري شني
ومن راكب وطالع من بيت عيال كويكة كاضينة بسيطرة مدري وين وحابسي
وهسة محكوم ست اشهر مدري شكثر
خاب حدهن سكتييييي
ولج فرخ لدوج لايطيح لفرخ ولي لغرفتج لايحطنج ويكتلنج

تحجي وياي وصوت صراخ يمها وممالخ
بقت تصيح عليهن
وراها نسد
بقيت اتصل ميجابون
دموعي تتراقص على وجناتي من شدة ثقل لخبر علية كمبصت بلكاع وكعدت
ادين انغام على كتافي وصوتها يهمسلي
شخيرج انعام ليش دتبجين شصاير

اجهشت بلبكاء ومثل طفل احاول اشرح لبية بس يعيقني بكائي
يطلع لكلام من بين شفافي بس مجانت تفهمة
جان عبارة عن كلام بنبرة بكاء
جنت إمرأة بهيئة طفلة
قوية بس هشة
شجاعة بس مكسورة
بنص اهلي يس بعيدة
عايشة بس ميتة
صرت مأميز بين لحلم ولواقع
حتة احلامي صارت واقعية لدرجة تخيفني

ورة اكثر من ساعة رجع دك لتلفون
بهللساعة جنت لاازال يم لتلفون
بعيون مفتوحة بدهشة وحزن وغضب بآن واحد

الو ها بيبي

هايمة نعيمة
لفوصات خرمشني كسر بديجن كون
هاي فرخ لدوج صارت نادرة تفاككهن وهي تنفخين عليها تروح غادي
فكيتها منهن وراحن ادية

بيبي عوفيهن انتي وين بيج عليهن صحتج على كدج يروحن بدفعة يسون بيج شي
شبيهن هنة

هاي لفوصة سللامة ابنها متمالخ وي محيسن
وتمالخن هية وحدهن ولفروخ ردو يلعبون توهم

عوفيهن نارهن تاكل حطبهن وحجيلي على غضنفر

يمة صارلة مدة من نحبس بس هوة مايتصل بينا مدري همة يمنعو مدري هوة مايريد
وهلضالين بقلق
تالي صاحبة ماخذ رقمنة من عدة واتصل بينا لفرخ وحجالنة

نطاكم لعنوان

اي يمة سجلو بورقة هسة خل تجيبها زوري وتردها الج انة ماعرف

زوري اكلتني بلسلام
وراها ماعرفت تردلي لعنوان متعرف تقرا بس تريد تقصقص

صاحت على بسعاد كوة نزلت ونطتني لعنوان
فهمت عليها ودونتة يمي
لولاية الي يسكنوها عيال كوثر يمنع بيها حيازة اوحمل لسلاح منعا باتا
وخصوصا هوة سائح

اتصلت بصديقة وسألتها اذا تعرف احد يكدر يعرفلي موعد لزيارات واذا مسموح اولاء

كالت لوقت متاخر باجر اتصلج بأقارب زوجي وارجعلج خبر

بقيت انتضر منها جواب
مانمت اليل بالي يمة
وكلبي يتكطع علي
غربة وحبس ومن غير الي سمعة من كوثر كافي يهد جبال ويهدم سنين كان يوهم نفسة بيهن ويبرر بأفعالة حتة محد يتجرأ ويدينة
بس لضاهر كوثر جانت حاقدة ومحتاجة صوتها حتة تنطلق وتطلع كل لبداخلها
كتشفت ان حقدها علي اكبر من حقد قيصر
وتوضحلي انو قيصر عمرة ماكان حاقد
وإنما كان يغلف بنفسة بحقد ضاهري حتة يكدر يكشف لأسرار علبارد ومن دون ميشكك احد بي

اما كوثر رغم شعورها بلذنب الي جاء متأخر
ورغم جانت تريد تشوفة ولنية تتبارة لذمة
لكن ماكدر حقدها لدفين ان يبقة محبوس بداخلها
ونطلقت تبوح من دون منتبه على نفسها
متناسية غايتها ورغبتها بشوفتهم
وقرب اجلها

يمكن الله يحبة اخرة بحبسة
يمكن لوراجع جان جنة على نفسة وضيع روحة بثار لايمكن ينتهي
وياخوفي من هلثار الي راح يهد كيان عائلة كانت تمتع ولو بلقليل من لأستقرار مابينهم

يوم ثاني بليل اتصلت بية صديقتي
وبلغتني ان ماكدرت تحصل احد يعرف موعد لمقابلة
صدفت وقت تواجدي بلأذاعة صار يقل
لكون تسجيل حلقات برنامجي انتهى
ولحلقات الي يتم بثها تكون ليلا فقط
صار لنهار كلة الي
لبست لصبح ورحت
ستفسرت وبلغوني انو لزيارة لقادمة بعدلها ايام
دونت لموعد ولسقتة علثلاجة
وتانيت بصبر نافذ يجي لموعد

مصباح يوم لأحد لبست وركبت باص ورحت
ومن محطة لمحطة ستغرق اكثر من ساعة وصلت
دخلونة بقاعة جبيرة
وكل واحد على كرسي وننتضر
عيوني تتراوح بأرجاء لمكان  بقة كرسية لوحيد خالي
احد رجال لأمن تقرب الي وهمس
السجين الي تنتضري يرفض لزيارة

بدموع تلألأن وملئن ناضري خوما بي شي خوما مريض

مابي شي صحتة تمام

حملت جنطتي وخيبتي وعدت ادراجي بخوق مضاعف وقلق اكبر
خوفي علي من نفسة
خوفي يموت من قهرة وحبسة وغربتة
خوفي يلكتلة لتفكير بليالي لحبس الثقيلة
خوفي علي من نفسة الي ياما كانت الذ اعدائة
تمنيت اشوفة
تمنيت بس اكدر اطيب خاطرة ولو بكلمة تهون علي وضعة ومصابة

عدت مدة اني انتضر لموعد لثاني
وبهلوقت بديت التمس تذمر لكادر مني
وكلامهم كان ان صوتي تعبان ونبرتة متغيرة
ماجنت مريضة ولا التمس تغير بصوتي
بس لضاهر جانت لخنكة لبية توصلهم بكلماتي ونبرتي
اكثر من مرة نبهوني وطلبو مني اكشف عن صحتي واسوي جيك آب لجسدي واعرف لخلل وين
بس شنو احجي وشجاوب واني ادري لعلة ماتنشاف ولاتنكَاس
هملت نفسي وتكاسلت وماضنيت ان تعبي ومجهودي ولنجاح الي حققة لبرنامج ممكن ينسي وممكن بيوم وليلة اخسر وضيفة صارلي بيها اكثر من سنة
ماجانت مجرد وضيفة جانت عالمي لثاني
عالمي الي اغمض عيوني بي واتفوه بكلشي جنت احلم بي
عالمي الي اهرب بي من دوامة واقعي لمرير
بين غاية محمد الي مثلة مثل لباقين اتخذ مني وسيلة حتة يحقق طموحة ويكون نفسة بية هوة واهلة
وبين اصرار امي الي تخاف من انو افسخ من محمد وغضنفر يلكاها فرصة ويرجع لمياه لمجاريها
خايفة انجذب لعالمهم واكون جزء منة
وهي عاشت وسطهم هواي وشافت بعينها
جائز اكون شفت ايجابياتهم اكثر من سلبيات
بس هي للأسف تشوفهم مجرمين وكلما تصد عينها علاثر الي بركبتي تشهك وتندعي على غضنفر،من كلبها
وترجع تكلي انتي اكيد راسج فارغ مابي عقل
شلون تفكرين بأنسان بيوم من لأيام جان ناوي يذبحج مثل لمواشي وميرفلة جفن
متعرف هذا لطوق ماجان مجرد اثر
جان لقيد الي حبس روحي يمهم
وفرغني من كلشي
وسنين عدت اني بدوامة لضياع
لامحمد تعب وتركني ولا امي ملت ورضخت لقراري
لا أكدر اطاوع محمد واجيبة
اخاف من امي
اخاف تجلب بي وتجبرني علي
وبنفس لوقت ماريد احققلة غايتة هوة واختة الأنانية
وضاعت سنين من عمري اني اماطل وهمة يماطلون

بقيت انتضر موعد لزيارة لثاني
وماما اكلت راسي
بيج شي
مو على بعضج
وتلزم انغام تقرر بيها وتسأل بيها عني
صرت حتة من اريد اتصل بيهم اروح لبيت خالة ام رضاب واتصل
وادري بيها كل فكرها يمي
ملامتها وحجيها على خسارتي لوضيفتي
حاولت احصل شغلة ثانية
لعدنا بلأضافة لشغلها ولمساعدات نكدر تعيش بي عيشة طبيعية
بس هية ميعجبها كعدتي بلبيت
تطب وتطلع تلوم وكل ضنها اني الي سعيت بهلشي واني الي ردت ابطل
ببالها حسبة واحسها خايفة مني
خايفة تكون عندي نية ارجع

كعدت صبحية بدلت وطلعت
ركبت وصلت منهكة وخايفة هم ميقابلني
وفعلا تحققت مخاوفي
نتضرت وبدون فايدة رجعت مخذولة
ولخوف بتضاعف بكل مرة
طلعت من لبناية بأيدي امسح دموع جانن يقاومن على اجفاني
واشوف ماما تتقرب الي وبكل صوتها تنتر علية بلشارع مثل طفلة

هاااا واني اكول شبيج
ضيعتي وضيفتج
تمشين مثل لمخبلة
تحطين للجاي ملح وللمركة شكر
اكول شبيها بتي تخبلت بيوم وليلة
اتاري لأفندي لاحكنا باجرامة لهنا

بين انفعالها بلشارع وصياحها ونست نفسها
وبين جسدي لمتهالك  الي بلكاد جنت اجر لهوة واملي بلأوكسجين حتة اكدر استمر
لكيت نفسي اهرول بكل قوتي مبتعدة عن لمكان وعنها وعن نفسي وعن كلشي
عاينت اني وين
ركبت ورجعت للبيت
رحت يم رضاب
كوب شاي وكعدة علبالكون كدرت اجر لنفس

بقيت يم خالتي ام رضاب بين متخوفة اتواجه وياها وبين تعبانة منها ومن قرارتها الي يومية قرار
عفتها تصب غضبها على انغام

بقيت انتضر موعد لزيارة وخفية عنها تنكرت بملابس رضاب وطلعت
كعدت انتضر وماكو
سحبت جنطتي واقسمت يمين بأن هاي راح تكون اخر محاولة
مشيت خطوتين
صوت وراي ينادي ......

طلعت من لبيت اسحب برجلي لصكطت
وصوتي الي يضحك ناس وينال شفقة ناس ويرعب ناس
ومشيت الملم شتات عشق ضائع
انسانة جانت بعدال رجال
انسانة وفت اكثر من ماجنت متوقع منها
وضاعت بسببي
وضعت بوسط لحال الي صحيت ووجدت نفسي بي بعد اشهر، من فقدان اهلي للأمل من صحوتي
صحيت بلا شباب بلا صحة بلا رغبة للحياة
ورحلة علاج ستمرت هواي
لدرجة فقدت لأمل بلمشي وسماع صوتي
رحلة مريرة بكل لمقايس
فقدت بيها لصبر ووصلت لمرحلة لجزع
رحلة كان رفيقي بيها غضنفر،
ماتركني لحضة
عاف لدنية وكابلني
مثل ماعاف لدنية وكابل كويكة قبل
جان بداخلي امتنان تجاه كل امل بثة بداخلي
بوقوفة وياي بأصعب ضروفي
امتنان خلاني اندم لان سعيت افضح لأسرار لمدفونة
هاي لاسرار الي ممكن تهدة مثل جبل ثلجي وينهد باول اشراقة شمس من لصيف
هاي لاشراقة الي ممكن تموت لحقد ولكره ونار لثار وضلم امي لتغلي بداخلي
لكن ممكن تخسرني عضيدي
من عدها وقررت ادفن لسالفة
وتموت وياي
وحلفت ايمان عضيمة أن ماافتحها لو مهما يصير،
وتركت محكمة لقصاص لرب لعباد
صوتي جان ليلية يناجيهم
يشهد ربي مانسيت دمكم
بس خسارتكم تكفيني
ماعندي طاقة اخسر سندي لوحيد
وصحيت بعد رحلة مرض فاقد لكلشي
صوتي لعذب لجنت ادندن بي مواويل ناضم لغزالي تحول لصوت قبيح مزعج للسمع مستفز
انة نفسي جنت احس بلاشمأزاز منة
وجنت اتمنة لو الله ماخذ صوتي مثل كويكة
ولا ابقة اشوف عيون لأطفال تنترس دمع من يسمعون صوتي
واسمع يسموني لشبح بسبب شفافية صوتي
واشوف شفقة لناس علية
ذولة لناس لجانو يطربهم صوتي من اغني موال
عيرتني بلشيب وهوة وقار

وميحانة ميحانة غابت شمسنا لحلو ماجانا

ركبت لسيارة اعرج وتوجهت لديالى
مااندلهم ولا واصل بيتهم
سنين واني اعالج
عمليات ردت صوتي يرجع
ردت رجلية ترجع
فرق قليل مايرتقي للحلم الي جنت احلم بي
جنت احلم ارجع مثل قبل
والبس احلى قاط واروح اخطبها
وتفاجئت بعرقلتين
صحتي وخجلي من وضعي وعجزي وقباحة صوتي
وجدي وعمامي الي جوابهم جان

من شوكت نناسب وادم بينا وبينهم طلايب  ونسدت بفصلية
نخطب بتهم معناها احنة ماكاسرين عينهم وحكنا ضاع
ومن يوافقون معناها بتهم عايشة احسن عيشة ونطو اختها من لهنا ولراحة
وتصير لعلاقة مثل اي نسابة
وتكوم تروح اختها لأهلها وهي تروح وياها
واهلها بحجة يجون يشوفون بلقيس ويكومون يشوفون بسعاد وتصير طبة وطلعة خوما نطردهم
احنة مناسبيهم
وبتنة مكسورين عين لسانة من براها
هذا اسمة لعب
انت تخوط بصف لأستكان
لنسوان مزبلة اشر وختار احسنهن من عين باجر نزفل عليها
يامكثر لنسوان

ماناقشت ولا حجيت كلتلهم جملة جانت تختصر لوعتي
لنسوان يامكثرها بس كلبي هلواحد 💔

ماعندي امل يخليني استقتل وخوفي من وضعي
خوفي من عجزي
خوفي اشوف بعينها مثل لنضرة لأشوفها بعين زميلاتي لمعلمات
ويامصعبها علرجال يشوف لشفقة ولعطف بعيون لنساء
اخذت اجازة مفتوحة 
وفوك بغرفتي عتكفت
بعيدا عن عالمنا الي ميستقبل اي غرابة بلآخر
ويعامل لمرض على ان هوة مختلف كأن من كوكب اخر
وستسلمت وضعفت وقررت اترك حبي
قررت اعيش بقوقعة مرضي وضعفي
لولد لجنت ائويهم صارو يضطرون يطلعون بليل يسرقون لزرع من لبساتين وياكلون
حتياجاتهم لجبيرة من غاز وغيرة جنت اطلعهن من بيتنا واخليهن برة اختلهن بلزرع وهمة يجون ياخذوهن
بخوف وترقب وتخفي

ضاعت اخبارها مني
ومااريد اعلق نفسي بأمل مامعروف تالية
مامعروف لو شافتني بعاهاتي تكدر تتقبلني لو لاء
جنت اتهرب من هلشي
لأن اعرف نضرة لشفقة وعدم تقبلها الي ممكن تميتني
وتفني ذرة لأمل لباقية بية والي بيها جنت استمر واقاوم واعيش،

كاعد على سفرة لغدة
ودك لتلفون
عيون عبود علية وهمس
عليك

كمت على حيلي اسحب برجلي
لزمت لسماعة وكلت الو بصوتي الي  لليوم من انطق واسمعة افز واتفاجأ

صوت يهمس ببكاء
عفية اريد قيصر

انة قيصر بوية تعرضت لحادث وتغير صوتي

صوت بجيها عتلة
وتهمس
قيصر هذا صوتك
وين راح صوتك لحلو

صوتي ينهي لتحجي والي يعصر كلبي عصر وهمست
تفضلي

شنو ماعرفتني قيصر
اني بلقيس

هنا نخرست تماما
صوتي يعاندني

وصوتها لباكي يعذب بية

تعبتني ياقيصر،
اني لليوم اتعير بلمشكلة لجلبتها لنفسي ولأهلي بسبب امانتك
وانت كلمة شكرا ماكلفت نفسك
سنيين مامليت ولاكليت كل فترة اتصل ويكلولي ميكدر يحجي
شدعوااك
لو بمرسال ذاكرني

بلقيس تسمعين صوتي لقبيح
تسمعييي
انة اكره سماعة
انة اتضاهر لخرس حتة اخلص من نضرات لناس
انة متعوب بلقيس عوفي لمعاتب اسألج بلله

سلامتك من لتعب
وصوتك الي تستحي منة هذا موعيب ولا شي مخجل
هذا حادث ممكن اني وغيري نتعرض الة بأي لحضة
ليش تخجل منة
واذا تغير صوتك
اهم شي كلبك مثلة

صوتي بغصة والم يهمس
كلبي بعدة وحبكم هوة هوة

قيصر قرو فاتحتي
عسن قارين لفاتحة على روحي واخلص
قيصر ضاعت احلامي وراحت سعادتي من يوم اتصلت بية بذاك ليوم
من ذاك ليوم واني ماضكت راحة
ونكشفت كل جدبة جذبتها حتة اكدر احافض على امانتك
وابن عمي من عرفني مستغفلتة قامت قيامتي
وبابا كرد اعتبار الة نطاني بدون رأيي
ومن حجيت يكلي احسن متجيبيلي طلابة وترحين فصلية مثل اختج
اني شنو حاطجن سبيل
ابن عمج سبع نستري وسكتي

انتي شنو رأيج بلقيس

اني لموت اهون عندي

بتردد همست لو اجيت اخطب توافقين

وصوتها يرد علية ببجي ....يتبع

مساء لخير اعتذر علتاخير وعلى قصر لبارت اهلي ديشيلون ومن لصبح لسة وياهم وتعرفون لشيلة شلونها
وان شاء الله  منا ورايح يومين نشر بيوم استراحة
ولبارت يرجع ٢٠٠٠ كلمة
ها رضيتو ؟🥰
شوفوني تفاعل