رواية خنجر الغضنفر الفصل الرابع عشر 14 - بقلم Hunen23Hatum

#خنجر_لغضنغر

#البارت_الرابع_عشر_١٤

#حنين_حاتم

١٩٩٦
ولاية .....
الساعة ال٨ مساءً

رضاب:- يلله انعام لبسي لبدلة بساع ترة على جية

اي مووانتي خليتيلي مجال اعدل نفسي محتارة بيج عبالك انتي لعروس

ديلله ياعيني شعدنا غيرج
غير انتي مذيعتنا لجميلة مرت حمودي ابو سمرة

سدي حلكَج ام عين زايغة

صوت ام رضاب دخلت تصيح فضنها ولجن
لباب تندك اكيد وصلو
وانغام يمي تكربحت هية وكعبها

نداريت عليها ادية تحتضن متونها
سحبي نفس عميق
يلله بلا توتر
ليش هلخوف كلنا وياج

دنكت على حذائها من جوة فستانها واعدل بي

وصوتها يهمس الي بدموع
تمنيت بابا ويانا
وتمنيت من اتزوج انتي وراج دستة جهال
مو اتزوج وانتي لساج بهلدوامة
وتمنيت
صوتها ختنك بغصتها وسكتت

عوفي هلأفكار وخلينا بهللحضة لمميزة
حبيب لكلب جايب اهلة وجاي لتنغصين فرحتج بهيج افكار
كلشي بهلدنية نصيب

_ انغام:-حبيب لكَلب هه

صوت ماما بلحمام تصيح لشيسوار
رجعت خالة ام رضاب كالت محد اكو بلباب

دفعتها رضاب وركضت
اي اكيد واحد من جهال هاي لمجلوبة وخري خل اكطعهم باكو قندرتي بذيج جيتنا

لحكتها

ولج رضاب اوكفي عيب همة جهال شمفهمهم

لا والله انتي لجاهلة افهم مني ومنج ذولة

دفعتها وصرت كدام لباب

صوت ضربات علباب وصوت طفل زغير يبجي

فتحتها

عيوني سهبن
احس رجلية نهز ثباتهن
ايدي تتلمس لحايط وجسمي يقترب منة
اريد شي استند بي

صوتها يهمس ببحة ونبرة رجولية

شلونج

بعدني ممجاوبتها صوت حجي علدرج
عرفتهم وصلو
وصوت انغام من جوة تصيح ولج انعام سياراتهم بلبارك صعدو لدرج

ثواني وصارو كبالي ليث واهلة
تقربو يسلمون امة وخالتة بس الي اعرفهم لباقيات وبنات شابات ونسوان واطفال
وهية على صفحة تكترت
دخلو ودخلتها وياهم
خالة ام رضاب ستقبلتهم
رضاب ركضت لماما للحمام
كعدنة اني وخالة يمهم
شوية وطلعت ماما
عاينت لرجليها بلا حذاء من لأستعجال

تقربت تسلم على امة وهية بدورها بدت تعرفها على الي وياها خواتها ونسوان اخوانها وبناتهن
لأتفاق جان حفلة مهر بسيطة
رغم طلبو ناخرها لحد ميكمل ليث دراستة حتة يلبسون حلقات
ماما ستعجلت وكالت خير لبر عاجله

من شافتها تعرف ماما على اقاربها بساع كامت على حيلها ونطتها ضهرها وسألت عن حمام
تقربت الها وهمست تعالي
شالت ابنها ولحكتني ضهرها لأمي الي صايرة ورانة

دخلتها لغرفتي
وبدهشة وذهول اسال شجابج شدلاج بية
ولج ضحكتي على عقلي وقشمرتيني سويتيني عبارة عن على كولة بيبيتج واني اكلتها ومصايب صارت من ورة شردتج ولليوم مانسدت لسالفة

ابنها صار يبجي من صوتي
كامت وهي شايلتة
تفتر تسكت بي وتحجي وياي

_انعام انة ماجبرتج وانتي شفتي كلشي بعينج
احنة نضلمنة ولقسمة لجان ناويلي غضنفر عليها ماتعجبني بس ماتعودت اكسر كلامة
انة ماضربتج على ايدج ولا جبرتج تساعديني انتي اصريتي رغم حذرتج من اول حديث دار بينا وكتلج يأذوج

_فعلا انتي ماجبرتيني اني مغفلة
ولقانون لايحمي لمغفلين

_حشاج خية موهيج

لا هيج
وانتي هسة شكو جايتني
وبعدين تعالي منين ندليتي عنواني

-قبل فترة جنت رايحة للدوام وسيارتنة عطلانة ضطريت ائجر تكسي وانة بلسيارة سمعت صوتج بلمسجل بلبداية شكيت ماجنت متأكدة بس نبرة صوتج ببالي
سألت لرجال عن اسم لأذاعة نطا الي
سألنة وكالو فعلا اكو مذيعة بهلمواصفات
وسألنة على عنوان لأذاعة ورحنا
بس ماقبلو ينطونة عنوانج رغم كلنالهم كرابتها
واحنة نركب لسيارة لحكتنا بنية جانت جوة بلأذاعة ونطتنا عنوانج ووصتنا هواي منجيب طاريها

_مستحيل
لتكذبين هاي قوانين لأذاعة ماكو ولو معلومة وحدة تطلع عن لموضفين وإلا ينفصل لشخص الي سرب لمعلومة فمستحيل احد يجازف يسوي هلشي

-صدكيني وحكَ الله ماجاي اجذب
اني عبرت ٣ محافضات علمود اوصل
بنية كصيرة شعرها ولادي وجهها اصهب

من كالت مواصفاتها عرفتها
اوليفيا جانت تذيع لبرنامج قبلي
بس تمرضت فترة وصوتها تعب
خلوني بدلها مؤقت
كادر لبرنامج اعجب بأدائي ونبرة صوتي وكان تعليقهم من اول حلقة ذعتها
انو صوتي من لأصوات لمميزة الي تعلق بلذاكرة وصعب تننسي وانو من بين الاف لأصوات ممكن يميزو
بس نوهو على انو لكنتي بيها ركاكة وشتغلت هواي عليها وطورتها
وراها ثبتوني
وخلو اوليفيا ببرنامج ثاني بس ماكان ذا صدى واسع عكس لبرنامج الي كانت تذيعة قبلي
ولبرنامج صار ثنين صرت مشغولة كل وقت
من عدها وصرت اشوف بعيونها نضرات لكره
جنت احسها تحفر جواي لأن ابد مارتاحيت بلوضيفة كل مدة تصيرلي مشكلة اسبابها خفية
زميلتي جانت تكلي يتراوالج
بس هسة تأكدت

حاولت اتدارك لوقت قبل متكتشف امي حقيقتها

-هسة شتريدين جاية

دموعها صارت تنزل

-اريد اشوف غضنفر

تشوفي بيا عين كليلي ؟
تدرين لليوم يدفعون ثمن غلطج وخصوصا غضنفر

_انة اريد اتبارة وياهم لذمم

دنكت ودموعها تناثرن
ونبرة صوتها لرجولية تغيرت
لبحة الي بصوتها خنكتها كوة يطلع لكلام منها

خية انة بية ذاك لمرض
ورة ماجبت ابني بشكم شهر كتشفتة دكتورتي
انة وخالتي عدنة تواصل وية حماتها
محد يدري تتواصل ويانا لأن عم رجلي ابو لبنية الي نفصلت لأهلي بمجاني متحلف برجلي بس يندل مجانة يأذي
جانت توصللنا اخبار عن عمام رجلي بس مانحجي لرجلي نخاف يتأثر ويحط ببالة يرد للعراق
سولفت النة على اهل بلقيس وكالت متأذين من برانة وحجتلي
انة بعد ماتحمل اريد اشوفنهم
بس خايفة من غضنفر

اتفقت وية عمة رجلي تحجي وي بلقيس كلت بلكي من عدها اكدر اعرف اخبار اهلي من اختها لفصلية

لبنية من مسولفتلها عمتها وكايلتلها على مرضي مارافضة
وكالت هي مالها ذنب هاي قسمت اختي
حاجتني من بيت عمتها
وبوكتها نقهرت علية من حجيتلها على صحتي
هي سولفتلي هواي امور وحجتلي علمشكلة لصايرة
ومن ضمنها حجتلي عن حب غضنفر الج
وكالت مرتة مايريدها ولامتدني الها غير مرة وحدة ومن ليلتها حبلانة
كالتلي انعام هي نقطة ضعف غضنفر
وحتة قيصر مجلب بيج من داري بي يحبج ومتعلق بيج
هي تحاجي اختها بسكوت كل مدة بلية مايدرون
واختها تكت لأول ولتالي
حتة كالت ورة مارايحتلهم انتي مخطوبة هوة متمرض
وماينام غير بلأستقبال لليوم مامواطن مرتة
كالت عدة منها ولد
وحتة لفرخ ماهلكد يريد امة كلة ينام يم ابو
هوة حاسبها خدامة لأبنة ولجدتي شكرية
عبن زوري عرست ومحد ضل يخدمها
نطتني رقمج وانة اتصلت على لرقم وطلعتلي وحدة كتلها اريد انعام
كالتلي عدها شغل بليل تحل
كتلها بس تجي خل تتصل بية
كالت منو انتي شكللها اسمج
بس كتلها كوثر سدتة بوجهي ومن يومها كلما اتصل ترفع لسماعة وتخليني
تالي مليت وبعد ماتصلت

بين نقهرت على حالها وكلامها وفعلا شكلها تعبان ومتغيرة هواي بلكاد عرفتها من لشبه لبينها وبين غضنفر
وبين داخلي شي يريدها تكمل
يريد يعرف اخبار بعد عنة
حتة يبقة معيشني لأطلال
كبرت وعيت وتغيرت بس حبة ذاك هوة

شنو لمطلوب مني كوثر

لمطلوب اريد اروحلهم اخذ جفني بيدي واطبلهم
يو يكتلوني
يو يسامحوني
لو اشوفهم واتبارة لذمة وياهم لو اموت على ادي وتبرد نارة ويبطل يشوف نفسة عار
عار امي طمة بس ضل عاري ياذي

دموعي تجري
صوت لباب وامي برة تحجي

انعام شدتسوين جوة ومنو هاي لبنية اشو يكولون مو وياهم
طلعي خلصيني اختج مترضة تطلع تستحي تكول الة انعام تجي وياي

_ابقي هنا شوية واجيج

_ماشي بس لاتتأخرين اني محد يدري بية جاية وكون ارجع هسة طيران قبل ليرجع رجلي من لشغل

طلعت برة امي تخازر بية وتسأل عللبنية
كتلها عدها مشكلة وجاية تحجيها الي حتة اذيعها بلبرنامج

وهاي من شوكت تستقبلين لمتابعين بلبيت

نحرجت بعد

عافتني وراحت بس جنها ممقتنعة
والي اسعفني مالحكت تشوفها بساع اخذتها للحمام

رحت على انغام
سحبت ايدها واشجع بيها
اخذتها سلمت
بقو يحجون همة وامي وخالتي ام رضاء

لباب ندكت

رحت افتحها

خالتي ام منصور

صوتها يهمس الي

_ ها ستغليتو فترة غياب منصور وراح تزوجوها

سحبت ايدها وطلعنة للبالكون

_خالة دخيلج ليسمعوج
والله محد ضغط عليها هي قانعة بهذا لولد ورايدتة

سكتي انعام انتي شمدريج وين نشوفج ويمتة شايفة اختج اصلا
شتدرين
شبيها مابيها
تدرين امج شكد ضغطت عليها
ووصلت بيها تخيرها بين حلم حياتها وبين لزواج بمنصور

مستحيل خالة هاي شدتحجين

ليش مستحيل شنو جديدة عليج امج
مولليوم انتي على ذمة محمد بسببها
مولليوم تماطلين ومانلتي حريتج
وبلمطاف ستسلمتي

دموعي تنزل كأن وعتني على روحي وسنيتي لراحت سدى وعمري الي طخ الثلاثين
واني اركض ولعشة خباز

خالة يعني اختي مموافقة على ليث
لعد شلون امي تكول يحبها وتحبة

امج قصدها هي الي تحبة وتحب اهلة مو انغام
انغام بنية طموحة وبسبب ضغط امج ختارت حلمها وداست على كلبها وعلى منصور

هذا الي يفسر دموعها وخوفها

منصور شلون سكت

اني ماحجيتلة اصلا
عدهم حمل وهلمرة يتأخرون ٤ ايام
غير لو يدري يكلب لدنية

وهية تحجي صاحتني امي
بساع دخلت وسديت لباب وكلت لخالتي تروح
ورة ميرحون لناس تجي ونحجي
ووعدتها انو مااسكت علي دتسوي ماما بأنغام ومنصور

دخلت جوة
جانو كاعدين ورضاب ومرت خالو عيسى وحدة تدك علطبلة وحدة تغني
اغاني عراقية تراثية تخلينا نحن للبلد وناسة
انة لمسيجينة
انة لمضيليمة
انة الي باعوني هلي
بدينار باعوني هلي
واروح للملة واكلة ياملة علي
شايب وانة بنية ونطوني فصلية
واوكع وابوس ايدة ورويحتي بيدة
وحسبالة انا ريدة

تصفك ايد بأيد وتحرك اصبعها لسبابة مثل لمغنية بعدها علقديم

وترجع تكمل

ليش ليش
ليش ياجارة متردين لزيارة
زعلانة انتي علينة
متردين لزيارة

اعاين على ام ليث معجبها الي ديسوو

بس مرت خالو منطلقة تغني

جانن لبنات يركصن بلنص
وعلى صفحة شكم وحدة

ستغليت لفرصة حتة اطلعها بدون متنتبه ماما
بساع سحبتها وكتلها نزلي واني الحكج
دحستها بينهم ماما تسولف وية امة
دحست روحها بنص لبنات لديركصن وطلعت بساع

بلبالكون وصيتها تنتضرني جوة واني بس يرحون الحكها

ماطلعت حفلة كلسا سالفة

ورة ساعة يلله طلعو زتتهم ماما للدرج
ودخلت فرحانة تسولف
وانغام ضايجة بحجة شنو امة تلبسني لحلقة
عفتهن يحجن وبساع نزعت بدلتي وطلعت
جانت نفش قصيرة
لبست ملابس بيت جان لجو بارد ونزلت

لكيتها كاعدة شوية بعيد عن عمارتنا
ابنها غافي وهي ترجف

تقربت الها اتعذر

خية وينج ابني كتلة لجوع خلص مميتة وماجايبتلة غيرها وغفة على روحة من لجوع ولبجي

سودة علية
والله كوة نشلعو

عاينت على ساعتها

انعام لازم اروح بساع اخاف مااحصل طيارة
هذا رقم تلفونة واتصلي بية اذا سألوج كليلهم زميلتها بلدوام
انة لازم اسولف وياج

راحت

درت وجهي اريد اصعد

شفت ماما بلبالكون تعاين النا

صعدت ليفوك
استلمتني تحقيق

بقيت مصرة على انو هية من متابعين لبرنامج
رغم ادري ماما متنطلي عليها هيج جذب
اكدر اقنع لعالم كلة إلة امي لايمكن نكدر عليها
اصرارها بكلشي حتة بكشف كذبنا من لزغير تعودنا علي

دخلت للغرفة انام
من زمان مااخذت اجازة
بين بث وبين اعداد وبين نتناقش بلبريد ينتهي يومي واني ادخل للبيت مغربية بين عشة وغسل مواعين مالكة روحي غير نايمة

انغام خلصت ثانوية صارلها كم يوم من ستلمت لنتيجة
حلمها صيدلة
ولجامعة الي تريدها بمقاطعة ثانية
وماما جانت رافضتها رفض قطعي
فجأة وافقت
هسة فهمت لسبب

بقيت انتضر جية خالتي حتة افتح لموضوع
تاخرت خالتي واني نعسانة
دخلت نمت

فزيت ساعة بل٩ بليل
ماما وانغام ماكو

جريت لتلفون اتصل بيها اطمان وصلت لو تعرقلت

دكيت
ردت علية خالتها
طلبت احاجيها نطتها الي بعد ماسألتني منين اعرفها

ردت علية ونعتتني بأسم غير اسمي
صوتها مرتبك
عرفتها واكفة يمها

سلمت عليها وكلتلها غير وقت اتصل بيج

عبرت ل١٠ وماما وانغام ماكو

شوية واجن
سألتهن وين جنتو

ام انعام :-بلماركت

وشو مجايبات شي

_مالكينا الي نريدة

انغام شبيها دخلت وعيونها حمر

كلشي مابيها

لحكتها
جانت مطفية لضوة

شغلتة اريد احاجيها

صاحت
_طفي وطلعي اريد انطمر راسي يأذيني

اريد احجي وياج

مالي خلك عود باجر نحجي

رجعت للصالة
بقيت كاعدة بحجة اتفرج تلفزيون بس بالي يم لتلفون منتضرة منها اتصال

طفة ضوة غرفة ماما
بقيت كاعدة فوك ل١٢ يلله اتصلت

اول ماجاوبت سألتها بقلق
خوما صارتلج مشاكل

وصلت متأخر بس نفذت روحي بجذبة وكلتلة غضنفر متخربط وجنت بلطبيب

ياغضنفر

ابني
سميتة على اسمة

الله يحفضة
سمعيني كوثر اني من طلعتي واني كلبي متكطع عليج
ماعرف شلون اكدر اساعدج
ولا اعرف اذا جنت ماازال نقطة ضعفة لو تجاوزني
مثل ماتجاوز كلشي
ولا اكدر اروح وياج الهم
كلشي ماعندي اقدمة الج
ولو اتمنة تحققين امنيتج وتشوفيهم

اني اريد منج شغلة وحدة

شنو هي

تتصلين بأهلي وتحجين وية قيصر
تجسين نبضة من ناحيتي
تشوفي حاقد علي لو مسامحني
اذا مسامحني انة اروحلهم ادري بي بس هوة يكدر يحميني من غضنفر
بس اذا لسا حاقد هذا بحث اخر

ماعرف شكللها
واني اخر مرة طلعت منهم جان لولد بغيبوبة
اخاف اتصل ويطلع ميت

ماشي اذا علأتصال سهلة
سدي وهسة اتصل بيهم
بس اريدج تحصليلي رقم بلقيس لأن لقديم ميتحصلون منة

انة الي ادري بي همة شالو لديالى

ليش

ورة ماصارتلهم لمشكلة ابوها شال من خوفة عليهم

سديتة واتصلت
رد علية صوت جدهم

سلمت

رد بترحيب
ويسأل عن احوالي

بقيت محتارة اذا اطلب قيصر ويسألني علسبب شكلة
طلبت احجي وية بسعاد
كال بوية جاي تاكل علسفرة

شوية وردت علية
فرق لوقت بينا وبينهم جنت منحرجة من اتصالي

ردت علية بفرحة
انعام شلونج.

لحمد لله
سمعيني بسعاد اريد اسألج عن شخص بس لتحجين اسمة بس جاوبي بدون اسماء دخيلج

خوش

قيصر شلونة

موزين

ليش

صوتها يهمس بخفوت
انعام عينهم علية كلهم كبالي مااكدر احجي بس اكلج شبي يعرفون جاي تسألين علي
انتي موتكليلي لتجيبين طاري

زين بس بلغي يتصل بية ضرووري

خوش خوش

سدتة
وبقيت انتضر اتصال
عدن شكم يوم لا همة اتصلو ولا كوثر

اني ملتهية بشغلي

رجعت مغربية اريد اروح لخالتي عرفت ليوم جية منصور

دخلت سلمت
جانت تبجي

خالة شكو شصاير

خايفة لو درة

خالة حاجيت امي اكثر من مرة تكلي اني مالي شغل هي اختج راغبة للولد وتكول منصور شغلة خطر وماعندة مستقبل
حاجيت انغام تبجي وتصيح مينوخذ منها كلشي

عوفيها خل يتواجهون وخلص

زين اصعد ابدل وارجعلج
نسولف بلكي نوصل لحل

دخلت للبيت اتصلت بلرقم
ردت علية خالتها
سألتها عنها
كالت بلمستشفى كلش موزينة

خفت لاتموت وهي مسامعة صوتهم
رحت دكيت عليهم

ردت علية بلقيس،
سألتها شو مااتصل
رادت تحجي
رجعت نبهتها لتذكرين اي اسم

كليلة لموضوع يخص كوثر اختك وابد لتجيبين طاريي لأي مخلوق لتحجيها حتة بينج وبين نفسج
كليلة اختك بين لحياة ولموت
سألتني وين عنوانها
رديتة الها
بعدين انتبهت على نفسي
وسألتها شلج بي

صوتها برتباك يرد
ها موخاف يحتاج يجيها لو شي

صوت شخص يحجي وياها

صوتها يهمس
يوصل يوصل

سدتة بوجهي

ادية على راسي

شلون نطيتها لعنوان

رجعت اتصل محد يرد.

عدن يومين اني برعب اتصل ميردون علية

رجعت اتصلت على بيت كوثر
جاوبتني خالتها كالت طلعناها بس بعدها موزينة

عدن شكم يوم
اني مفصولة عن اهلي ومنصور ومشاكلة وياهم
خوف خوف متملكني

ساعة ب١١ بليل دك لتلفون
دخلت علية انغام
كومي اتصال من لعراق

اششش لتسمعين ماما سكتي

ركضت قبل مااسلم
صوت بيبي شكرية تصرخ
ولج حبوبة نعيمة غضنفر جايكم لأمريكا

شعندة جاي شلون شدلا

خايبة جاي على كويكة
غير هاي لغبرة جابرها تاخذ لعنوان منج
وصارلة جم يوم ماكو
لبارحة خابرنا ولويلاد عرفو لرقم من يمكم موش من لعراق وهاي لغبرة توها يلله حجت

سدي بيبي خل ابلغهم بلمصيبة

عيوني على ادية ليرجفن وكوة ادوس ارقام

جاوبو صوت خالتهاسلمت علية

خالة ماعرف شكلج
بس غضنفر هنا ويندل عنوانكم
بأسرع وقت غيرو مكانكم
طلعو من لبيت طلعو

شمعرفة بعنوانة
معناها انتي نطيتي الة
الله لايوفقج وين اروح بيهم هسة بهليل

بعدني اعتذر واوضح الها سدتة بوجهي

ساعة بلستة لفجر
كاعدة يم لتلفون مااكدر انام

اتصلت بلغتهم مااكدر اجي وطلبت يأجلون تسجيل لحلقة ويذيعون الي مسجل سابقا

شوية ودكت علية
وبخوف بلغتني خالتها وهي تبجي
انو كوثر رافضة تطلع من لبيت وكايلتلهم اريد اتواجه ويا لو يكتلني لو يسامحني
زوجها هم رافض يعوفها
وخالتها باقية تدك وتلطم

كلتلها سدي راح اجيكم
طلعت من لبيت بدون ماابلغ احد
عبالهم رايحة للشغل
ركبت سيارة ورحت لمدينة ثانية ومناك حصلت طيران لمدينتهم
اتصلت من لشارع اسال علعنوان
وبقيت من مكان لمكان اتصل
ماوصلت الهم إلة لمغرب

فتحلي لباب زوجها
سلمت
رد بلأشارة
دخلت تلكتني خالتها وجهها شحالة وتعاتب وترجع تلوم بكوثر

ردت عليهم بدموع وصوتها مبحوح
كوثر:- عوفوني وطلعو محد جابركم تبقون
انة ميتة ميتة
يكتلني غضنفر أو لاء
بكل لاحوال ايامي بلدنية معدودة

رجلها يحاجيها بأشارة وصوتة بأبأبا
دموعي نزلت
معصب حيل وغصة بداخلة بس ماعندة صوت يعينة

تقربت الها
ابنها نايم على صدرها

كوثر كسري لشر وكومي خل نطلع من لبيت

انعام اترجاج عوفيني طاقتي خلصت وياهم
مابية ابرر واحجي

بقيت يمها
عيونة علباب
نترقب جيتة باي وقت
اتصلت بلبيت بلغتهم اتأخر
اسمع صوت صياح منصور يمهم

سديتة وقلقانة
زوجها تمدد ويغفي
عمتها راحت للمطبخ
صوتها يهمس الي وتاشر علجامة
شفت شخص كبال لبيت يروح ويرجع
كمت على حيلي
تقربت للجامة
جان لابس بنطرون وقميص وقمصلة جلد
لجو برة بارد حيل
بساع سديت لبردة
فز رجلها مخروع من صوت لبردة
تقرب الي بعدني وفتحها
شافة
سدها وركض على كوثر شالها وركض بيها للطاق لثاني
لحكتة بيدي ابنها مفرفح
دخلها للغرفة واخذ لطفل مني
نطا الها وقفل عليها لباب
صوتها يصرخ
خلوني اواجهة كافي جم دوب اشرد
يريد يكتلني خل يكتل انة ميتة ميتة

اي حتة يتخبل اكثر
ماكافي كتلة امج لخبلتة

نزلنة جوة
صوت خالتها تتلاطم

ندكت لباب بقوة
متقبل نفتحها
زوجها دفع امة وفتحها

صرت كدامة
عيونة نفتحن كل حيلهن من شافني

حييل بقبضة ايدة ضربة بوكس وكع لولد بلكاع ودم ينزف خشمة
كمبص يمة ويهمسلة
عاشت ايدك ياابن خالتي
ضحكتو ليسوة ولميسوة علينننننة
ولك لو جاي وطالبها مني انة ارفضضضض ؟
بس جنكم الكم غاية تنتقمون مني على كتلي لأمي

وينههاااااااااا

وكفت كدامة
جسمي كلة يرجف من صياحة وصراخ خالتة
لزمت ايدة

غضنفر اترجاك اهدة
واسمع مني
لبنية راح تموت

عسنها بلموووووووت
ولج انة لليوم يسموني ابن لشردت واخو لشرددددت
اريد تجاوبني ليش
بس اريدنها تكلي لييييش

شتريد منها شترييد
بنية تزوجت

طلعوها الي

غضنفر اكسر لشر فدوة

لطابق لأرضي مابي غير صالة ومطبخ وصحيات
دفعني وركض ليفوك

لحكة زوجها
وكدام لغرفة وكف

من جيبة طلع مسدس
وبراسة حطة

وخر لا ارتكب بيك جريممممممة

يهز راسة بكل قوتة وصوت بأباتة كأن من داخلة يصرخ تموتني قبل متموتها

تقربت الة
ايدي على ضهرة

غضنفر اختك مريضة
اختك بيها خبيث ورادت تشوفكم تتبارة لذمة وياكم ولهلسبب اتصلت

ايدة رخت ولمسدس نزل من راس لولد
ندار علية بذهول

تعال
اهدة وتعال خل نحجي

صوتها من جوة تصيح فتحولي لباب

سكتي كوثر خل يهدأ وافتحة الج

نزلنا جوة
صدمة وذهول ولغضب لازال يقاوم على محيا
دمعة رطبت رموشة
شفت كدامي انسان مكسور
اذكر من كعد علقنفة هد روحة وطاح
حيل طلعت صوت جن تكسرت جوا
دخل كتلة من لغضب وبعد ماسمع مريضة
جن اب ومكسور على بنتة

صوتة يهمس
صيحوها

واحد يباوع علثاني

صيحوها كلشي ماسويلها اريد احجي وياها

صعد زوجها نزلها شايلها على صدرة
ولطفل ينزل علدرجات بلعكس جوة رجليهم
كمت علي شلتة

اراقب عيونة الي تتراوح نضرها بين كوثر وبين ابنها

نزلها زوجها
عينها الي تكت دموع للكاع نازلة مارفعتها
ابنها بحضني
شمر روحة يريد يروحلها
وكع بلكاع
صرختها من صاحت يمة غضنفر شجاك متبطل هذا لطبع نزل رجليك ونزل مثل لبشر ليش تشمر روحك

صدمته بسماع صوتها
ولأكبر منها صدمتة بسماع اسم ابنها

صوتة يهمس
مرتاحة مو
شلون مامرتاحة كسرتي اخوج واهلج وسويتي لتردي
ولج زلمة ومن اخطو خطوة افكر بأهلي
مااجينا على بالج لحضة
ماكلتي شني ذنبهم يتعايرون بية

انة ماسويت غلط انة تزوجت

ولوادم شمدريها تزوجتي
ولج انة يومين مشطت ديارنا ولديار لحوالينا اخم عليج ولجوارين كلها تخم ويانة
واكلهم كويكة ماتسويها لابد بنيادم يريد يضرني بيها

شوفي لبيج هسة
هاي حوبتنا

حوبتك بمرضي
تتشمت بية غضنفر
لو اكو احد لازم تطلع حوبتنا بي فهوة انت
انت الي حرمتنة من امنا
انت كلك ذنوبببببب
انت موتتنا وعدمت حياتنا
دمرتنا

تقرب الها
دمارات وجهة مبينة وجسمة ينكت من لغضب

بعد كل لسويتة وتكليلي دمرتكم
شسويت ولج غلطة مراهقة ودفعت ثمنها من صحتي وعافيتي
دفعت ثمنها من عيشتي وجنت انتقم من روحي بكل خطوة اخطوها
ايدة تأشر علية
حتة لمرة لوحيدة لحبيتها حرمت نفسي منها
عاقبت نفسي لأن اشوف روحي مااستحق اعيش واحب مثل لأوادم
جنت ناطر لموت نطارة
ماريد بنيادم ينضر وياي
دمرتكم
ولج انة لفنيت روحي حتة ابنيكم
وانتي شسويتي
خنتي لزاد ولملح خنتي لربة ولعشرة
ولج حتة لمومس ماتسوي سوايتج
شنو لسويتة انة شنو ذنبيييي

عيشتنا وية لكتلو ابونة وبماعون واحد اكلنا وياهم
لأن ماعدنا ام تطلعنا منهم
لمفروض مانعيش وياهم لأن مثل ماكتلو ابونة جان ممكن يكتلونا
لوعدنا ام وتلمنا مانضل عدهم
ضطرينا نبقة تحت جناحهم تحت رحمتهم عشنة ملطلطين
مكفخة
ورغم ندري بيهم كاتلين ابونا
وانت جنت تغطي عن افعالة وافعال ولدة وتشيل عنهم بدل ماتكتلهم وتشرب من دمهم

خاب سكتي هاي سوالف امي وحججها من ذبت موتة ابوي براس عمي جليل حتة تنفذ بفعلتها سامعهن هواي

لااااء
هذا مو حجي امي
هذا لحجي قيصر عندة دلائل وشهود علي
انت متسمعنة ولا تصدكنة
عمي جليل هوة كتال ابونة
قيصر حجالي كلشي
هوة سامعة يعترف لأمي قبل ماتشرد بينا ومهددها لو تقبل بي لو يكتلها مثل ماكتل ابونة
امي رادت تشرد بينا خوفا من عندة
لأن هي موكدة ولأن وحيدة وتدري مستحيل يوكفون وياها ضد عمي جليل
رادت تشرد وتعوف روح ابونا لربها ياخذ بحقة
وانت ضلم..

صوتها يهس بحسرة ودموعها تتسابق على وجناتها

لذهول الي بوجها يتحول لغضب عارم

تقرب الها وهمس من بين اسنانة

انة شني احجي
انة ضلم كتلتها
احجيييييي
كليلي انة كتلت امنة وهية بريئة
كليليييييييييييييييييييييييييييي

كوثر وكعت بلكاع خالتها وزوجها ركضو عليها

لزمتة من ايدة

فدوة غضنفر اهدة
انت ماكتلتها ضلم اهمس بداخلي يارب سامحني
وكملت اقنع بي وامتص غضبة لخلاني اتراجف منة كأن وحش كدامي مو انسان

غضنفر امك نهزمت وية صديق ابوك.
صدكني انت موشفتها بعينك تنهزم ويا
وحدهن تكول شكم مرة شايفيها ويا

تقرب الي حيل ضغط ايدي كأن يصب كل غضبة بيها

سامعة عن جهنم لفوك
وحكَ من بث هلروح
إلة اراويهم جهنم بلكاع

هدني وطلع حيل ضرب لباب

لحكتة
اهرول

غضنفر،
اهدأ

فدوة بس اوكف خل احجي وياك

لزمت ايدة
دفعني
شتردييين

وين رايح
اوكف اريد احجي وياك بس اسمعني

والله كل لدتسوي مراح يرجع اهلك
وكل امرك لربك وهوة ياخذ حقك وحقهم

ولنار لهناااااااااا
شلون تبرد شلووووون

انة موحرمة ضعيفة حتة اوكل امري لربي
انة اخذ حكَي بيدي
وروح ابوي لمات مغدور ماتروح هدددددر

تكتل عمك جليل
ولدة ميعوفوك

ولج ياولد
ذول لمخانثة لجنت اطلعهم من حلك لمووووت
ويتحامون بية ساعة لكلفة

وكف علشارع واشر لتكسي

ركب بيها ومشة
رغم كل توسلاتي بأنو يبقة

رجعت للبيت
كوثر صاحية وتلطم تكللهم من وراي
هسة يموت غضنفر

حاولنا نهديها
بقيت بخوف شكل لأمي
عندي صديقتي لبنانية هي تعرفها حامل وبشهرها
طلعت برة من كابينا
اتصلت بيها وكلتلها صديقتي عدها ولادة واني بلمستشفى وياها

بقت تلوم وتحجي علية لأن ماستأذنت قبل مااروح
قنعها بأنو طلكت واحنا نشتغل وضطريت اروح وياها

فرشولي بغرفة خالتها
لمرة نامت من وكت
بس اسمع صوت كوثر للصبح مانامت
واني هم
فجرية طلعت من بيتهم صدفت يوم ثاني عطلة
زوجها من اليل طلع حجزلي طيران من مكتب قريب عليهم
ركبت ورحت لبيتنا
ذبيت روحي بفراشي
مافزيت غير لعصر
على صوت انغام تبجي يمي بلغرفة

تقربت الها

شبيج انغام

منصور راح يخطب

وليش دتبجين موعلساس متردي

اريدة بس

بس شنو

ماما خيرتني بين انو انخطب لأبن صديقتها ليث واكمل دراستي بلجامعة الي اريدها
وبين انخطب لمنصور وتحرمني من دراستي
اني كلت انخطب لليث بينما اكمل فد مرحلة وافتعل مشاكل واعوفة وقتها بعد متكدر تبطلني
واكون ضربت عصفورين بحجر
بس هوة هسة يريد يخطب

هاي اسمها انانية انغام

ليش انانة لأن ردتهم ثنينهم
ثنينهم عندي بنفس لمكانة مااكدر افرط لابي ولابدراستي وانتي تعرفيني شكد تعبت

ماحجيتي ويا

حجيت
كلي ماطول فضلتي دراستج علية تحلمين ارجعلج
ومثل ماكسرتيني اكسرج

سكتت من سمعت صوت ماما
طلعت برة
بالي يمة
اتصلت بأهلة بلغت بيبي شكرية انو كوثر ماسوالها شي وهوة راجع الهم
وطلبت احجي وية قيصر

بحسرة جاوبت
شتحجين يمة قويصر
اوكفي هسة اصيحة

شبي حجية ليش ماكملتي

هوة يحاجيج وتفهمين ميحتاج اكلج

بقت تصيح الى ان اجاها
ردت علية صوت غريب لبحة لبي بحياتي مسامعة هيج صوت

همست منو

قيصر،

لاء موقيصر اني اعرف صوتة

حسرة طويلة نجرت
خوية انة قيصر بس شضية مال طلقة دخلت بزردومي وتغير صوتي

لحمد لله على سلامتك
صحتك شلونها اخر مرة اجيت جنت انتة بعدك بغيبوبة
شكد طولت

ضليت ٧ اشهر وصحيت صكط

شنو صكط خيرك

لاتشغلين بالج خوية
كليلي غضنفر شسوة ماسوة

عاف كوثر كلشي ماسوالها بس صار بينهم كلام قوي وهي حجتلة عن موت ايوك وكلتلة عمك جليل هوة الي كاتلة وطلع من لبيت كتلة من لغضب تحلف بيهم

اسمع صوت ضربة ايدة على رجلة

ااااخ منها كويكة حتة وهي هناك ماخلصانين

فدوة قيصر بلغهم خل ينهزمون خاف يشتبك وياهم ويأذو ماشاء الله همة جيش

الله كريم هسة خل يوصل

كلي انت شسويت على سالفة عمة امك وبلقيس اخبارها نقطعت عني كوثر كالتلي غيرو مكانهم

ااااااخ يابلقيس
خوية انتي تحجين عشرة بلشهر

شسوي انقطع عنكم بلكي اكدر ارتاح بس لضروف ترجع تذكرني بيكم غصب

صوت احد يمة يحجي ويا
سدة بدون ميسلم

يوم ثاني رجعت اتصلت بيهم حاجتني بيبي شكرية سألتها علي كالت ماكو ولابين

عدن ٣ ايام يومية اخابر اسأل عنة يكلولي ماكو مابين
ويطلبون مني ادور عنة
كلتلهم بسيطة يجوز رحلته تعرقلت
لوعجبة يبقة هنا يغير جو

صوت بيبي شكرية يعذب بية من تكلي
لاااع غضنفر اعرفنة ماينام على حكة ولايتأخر

عدة اسبوعين وهوة ماكو
هنا بدت اعصابي تنفذ
طلبت منهم يدزولي صورتة حتة انشرها
وبعد مدة دزوها الي
ونشرتها احدى لجرائد لمحلية مقابل مبلغ مالي وخلو رقمنا وياها
وعدت مدة اني اتصل وهمة يتصلون
محد يعرف عنة شي
عيشنا ايام بقلق ورعب

الى ان جنت نايمة ودك لتلفون
اجتني انغام تهمس تعالي من لعراق

ركضت رديت
صوت صياح ......يتبع
مساء لخير
لبارحة ماجان عندي نت عذروني
شوفوني تفاعل تفاعلكم حيل متراجع