#خنجر_الغضنفر
#بارت_٣٥
#حنين_حاتم
.....فدعم.....
وهوة يحجي وياي صوت صرخة اجت من جوة
بعدة يفتح بلباب يريد يدخل وخجلان مني
علة صوت الصراخ
دفع لباب ودخل
بقيت برة الوب لااكدر ادخل ورا ولا اعرف شبيهم
ورة اكثر من ربع ساعة يلله طلع
تلكيتة مفزوع
_خيرك خوية شبيهم لأهل
_الحجية نطتك عمرها
_امممممك
_فال الله ولا فالك
الحجية الي لكيتها بلسيارة
انا لله وإنا اليه راجعون
خيرها اشو كلمااسألك عليها تكلي زينة شموتها
_اني ادري خوية لبارحة ضلت تسولف اليل كلة مدري شمالها جن كلبها حاس
بليل نايمة يم راسي هية وعتني عدها جيس قماش لابستة بركبتها من يوم اللكيناها الجويس من يسألوها علي لفروخ تشهك وكبل تشبكة لصدرها ومثل لمخروع تنتر بيهم مالكم غرض بلجويس وشكم مرة حاولنة انة ورضيعتي نطلعة منها وهي نايمة ونشوف شبي ماكدرنا
من تنام تحط ايدها علي وللصبح تبقة لازمتة
وبس واحد يتنفس يمها تفز
لبارحة فتحتلي الجويس وطلعت لبي وضلت تتلمس وتسولفلي
بي فليسات واوراق وصور مال هوية زغار ضامتهن ومستمسكات هسة رديت فتحتة بي هوية مالتها وشهادة وفاة مال ابنها
ضلت بليل تسولف شبجتها على كلشي مافهمت منها جابتها على جنتها ردت على ولدها ردت حجت على وادم كرابتها جانو مكعديها يمهم وحجت اسماء بس انة مسطور مفتح عين ومغمض عين اغفة وتعيط وتوعيني
كلت لصبح ارد اسألها بس ماتصورت ملك لموت يلفينا
ضلت تجيبها منا وتردها منا مخنوكة من تحجي المسكينة جن حسرة بصدرها ومن حجت رتاحت
حط ايدة على راسة ودنك يذكر سوالفها وصار ينحب
ااااااخ ياجدة اااخ شجاني وماسمعتلج
متتي ومات سرج ويااج
_اذكر الله طالب هذا حد يومها وانتو ماقصرتو وياها على خدمتها ومداراتها وانتو ناس على كد حالكم الكم قصر بلجنة
_وحكَ الله يافدعم ماعادينها غريبة اجتنا حلت محل جدتي الي نحرمنا منها من وكت
ماتدري شكد آلمني منضرها مسبلة عيونها
جانت امنيتها تروح تزور ابنها الميت
وشكد حاولت اعرف منها وين مدفون ماتتذكر خطية
نوبات تتذكر وتشبشها علي كلسا تكلي بمكان
ااااخ ياجدة اااخ
حتة اسمها مانعرفة نصيحلنة جدة كل احنة حتة امي
_الله يرحمها
بقيت اهون علي جان متأذي حييل وعيونة تلمع بلدمع وصوتة كوة يطلع
شلناها اني ويا واخذناها للمستشفى سألو وين اهلها كلنالهم ماعدها احد وشرحنالهم شلون لكيناها وتورط طالب بيها
اخذو الجثة وماقبلو يسلومها النا وحولوها على التشريح وحولو طالب على الحبس بينما تطلع نتيجة التشريح
بين جر وعر طلعة نتيجة التشريح وسبب الوفاة تجلط بعد مشاورات بين الدكاترة واتصلو بمدير المستشفى وسين وجيم قرر دكتور يطلعها على مسؤليتة وكاللنا طلعو من السالفة لاتكولون نعرفها ولاتكولون جانت عدنة عايشة وعوفو هاي القصة كلها
طلعها على مسؤليتة الشخصية وعلساس هوة يدفنها
سلم الجثة النا بعد ماهلكنة وروحات ورجعات وواسطنا ناس ومعارف
سجلولها شهادة وفاة وإستلمنا الجثة
من كشك برة خابرت على ولد صاحبي ووصيتة يجيب تابوت ويجي واتصلت بلبيت وبلغتهم
خليناها وتوجهنا لدفنها اني وطالب وولد اصدقائي واجو غضنفر وصميدع وستار وجدي وعمامي
دفنناها وتتممنا مراسم دفنها على اتم وجه
طالب جان منهار عليها
تعب حييل
عيني علي الطريق كلة يفتح محفظته ويرجع يرجعها بملابسة
رجعنة لبيتهم وجدي إتكفل بفاتحتها
واني ولولد ٣ ايام على فد وكفة
طالب يكوم ويكعد يتشكر من جدي ومن عدنا
دمعتة بعينة
يكلي الله هيئلها دفن وفاتحة احسن فاتحة بلديرة كلها عبن طيبة ومن اهل الله
عاشت مضلومة ضايعة مشتتة
بلكي من هسة من ماتت ترتاح
رجعت للبيت ورة لثالث مصباح يوم الرابع بعد ماكفت العالم ولمينة كلشي ورجعنة الغراض المستأجريهن
طبيت للبيت من الباب تلكاني جدي
اشرلي بإستعجال
_لاتنزع نعالك لاتنزع عمك ابو اسعد ينتضرنا بلبيت
_شكو ينتضرنا شني متواعد ويا وماادري
_الزلمة الة يومية يتصل يكول تعالو خل فدعم يطلك ونفضها وانة اكلة مشغول جدة صاحبة متوفية
_مااروح جدي ولا اوصل
_شني وجهك مايكَودك
_شوف جدي من الأخير تهاني مااطلكها لومطي ينطح مطي
_احشم يلردي
إبن المداس ماخليتلنا وجه وية ابوها انت مومال زواج ماطول بعدك تعذرب مانزوجك لمن تعقل وتطلع هلسوالف من نفسك مثل الكَبلك عود ذيج الساعة نكسر ركَبة بنية ونورطها بيك
_ كملت حجيك
خاب لو مطي يركب مطي هم مااطلكهااااا
نزع شحاطتة وتقرب يريد يطكني
ضليت اتلاوة ويا اخذتها من عندة بقة يسب بية ويلوم بروحة لأن طاوعني
طبيت جوة كبل مديت السجادة بساع ووكفت اصلي
طب يدور علية من لباب ويسب
شافني اصلي
حط لنعال مالة وكعد كبالي وحاط ايدة على خدة ويعاينلي
كمت مااعرف شكول
تقربت بسعاد كالتلي كملت لو افرش السفرة بلأستقبال
اشرتلها بس صلاة المغرب دقايق
راح افرش بلأستقبال
لا شبيج هسة اخلص بسرعة انة حافضها
غضنفر يعاينلي وكوة حابس ضحكتة
كملت بسرعة وتكترت على صفحة لزمت السبحة واسبح جدي شمر لنعال ويعاينلي ادري بي مامقتنع
حطو لأكل همة اكلو انة ماكدرت مخنوك
كمل جدي اكل جابولة لبنات الكَ غسل بي وعاينلي رجع صاح على بسعاد كاللها جيبيلي التلفون
عيوني علي
كال الوو
هلة ابو ستار شلونك
اي اي ان شاء الله
سدة ندار علية وكَال........
....انعام.....
بعد ماراحو اهل تهاني جدو بقة يحجي على فدعم ويلوم بنفسة وبغضنفر لأن هوة الي قنعة وكالة يحبها ويتغير علمودها
نامو فدعم وغضنفر بغرفة بيبي شكرية ويمهم حمزة وجدو بات بلأستقبال
صعدت لغرفتي اني وبسعاد
اجت يمي بيدها حنة كالت خليلي حتة انام بيها شعري تعبان
كعدت هي بلكاع بين رجلية واني علجرباية خليت علاكة على ملابسي وهي لابسة دشداشة متريدها وبديت اخليلها
ريحتها حلوة استنشق بيها كأن اخذتني لعالم ثاني
صوت بسعاد نززتني
_اكلج انعام انة فايتتني صار شكم يوم ادعيلي من بخت جدج بلكي واطلع حامل
_وشبيج عبالك وحدة عاكر ترة ابنج بعدة زغير
_يووو ياانعام فال الله ولا فالج ماتدرين صميدع شلون ماكل كلبي وجدتي شكرية كل يومية جايبتلي سالفة سوي هيج وشربي هيج
،واحنة نحجي صرخت منة
ادية بيهن حنة شالتها بسعاد وتفتر بيها
هي تفتر بيها واني بمكاني احجي وياها
اششش ماما حبيبتي اسم الله
ماحس غير لباب ندفعت بدون متندك بسعاد صرخت لأن دشداشتها ربع ردان وكصيرة غضنفر دار وجهة وبقة لازم لباب
بسعاد دنكت بلكاع ورة البردة مسحت ايدية وسحبت منة من عدها
تقربت من ورة لباب سألتة
شراييد
كملي لبيدج وجيبي منة ولحكيني بلصالة جوة
سد لباب وراح
لطخت راس بسعاد شلون ماجان ولفتة بعلاكة وراحت لغرفتها
غسلت ايدية وشلت منة
اريد انزل ومترددة
بقيت كاعدة علجرباية واسولف وية منة
وتاليها شلون راح تصفة يامنة ماادري
لباب ندكت وصوتة يهمس انعام تعاي يبوية
اخذت منة وطلعت
جان هوة وسللامة وحمزة واكفين
اشرلي علغرفة
نطب لو نسولف هنا
شنسولف وشكو جايبها وياك
انعام الموضوع حساس ومصيري جاوبيني نسولف بلصالة لو نطب جوة
فتحت لباب وكلتلهم تفضلو
كعدهوة وحمزة علجرباية وهي كعدت بلكاع تفرك بأيديها وراسها للكاع
بقى السؤال حاشر بزردومي اريد اعرف ليش رادت تموت منة شنو ذنبها هلطفلة
سألتها بعتب
بدون مترفع راسها جاوبت
_انة ماادري بيها جوة اصلا
ومن خذيت المفتاح مااخذتة على مودها
قاطعها وهوة يحجي بأستهزاء وايدة تلعب بشعر حمزة الكاري
لأفندية ماجانت بايكة لمفتاح علمود منة
بايكتة تريد تبوك العقد من المعرض جدتي ضامتة وية لمستمسكات والصور
تريد تبوكة هاي اخر مكائدها
تبوك لعقد وخالها كايللها اعرف محامي شاطر يصدقة الج بلمحكمة ويستدعوني غصبا ماعلي ويصدقو
حتة تكدر تاخذ مني حاضر،وغايب ونفقة
مدري يازمال ضاحك عليهم بهذ الحجي
_وابنج شلون كدرتي تسوين بي كل هذا
سللامة اني لحد الآن مامصدكة واكول يمكن اكو شي غلط شلون طاوعتي خوانج ماخفتي على ابنج
تقربت الي وسحبت ايدي وصارت تبجي بحركَة وتشكي
_وحكَ الله ماكالولي هيج
كالولي يمنة بلحفظ والصون وكلشي ماعلي حالة من حال فروخنا الى ان نستلم الي نريدة
نسلمة لأبو
انة اموت لو خذيتو مني نعيمة وحك الله امووووت
دنكت على رجلية تريد تبوسهن
سحبتها واني استغفر
عاط بيها كافي تمسكن دموع التماسيح هاي بعد ماتعبر علينا
عاينلي وحجة بجدية
_انعام انة ليوم حيرتي مامثلها حيرة
بعيدا عن الزعل وبعيدا عن كلشي
انة قررت اخذ حمزة وامة تروح لأهلها واطلكها
انتي يابت الحلال تكدرين على تربيتة
لقرار قرارج ورديلي خبر
صارت تملخ بوجها وتنحب
يردون ييتموك ياحمزززة وانة اشم لهوة
عاط بيها غضنفر
_سكتي لتخبلين بلطفل كل شهر تجين لهنا تشوفي ويشوفج وتدورين وجهج وتمشين
انتي موكفو تربي انتي مهملة وبسبب جشعج وغيرتج الطفل راد يموت
ولاعندي استعداد ابقيج ببيتي
المن ابقيج وتربيتج وتعلومج الة اعوج ومخربط
انة مااذيتج انتي سعيتي لخراب عشج اكثر من مرة وهاي نتيجة افعالج اتحملي
كام على حيلة وتوجهلي بكلامة وعينة للباب
فكري ورديلي جوابج انتي حرة بقرارج لااحد يزعل منج ولا يلوم
_بدون ماافكر اني بنتي يادوب مكفيتها
بنتي طفلة رضيعة وشوفة عينك ماخذة كل وقتي اني لو اخذتة وتكفلت بي معناها يبات يمي واكون مسؤلة عن كلشي يخصة
لو هوة ومنة نفس العمر اقبل بدون تردد
بس فرق العمر بينهم جبير اكيد راح اقصر وية الثنين ولو شكد مااحاول اكيد راح افرق اني بشر مامعصومة ومااكدر على مسؤليتة اني بنتي من فهاوتي ماكدرت احميها
احبة واخو بنتي وسند الها ان شاء الله
ويكبرون وميكون بينهم غير الود والمحبة
بس مسؤليتة جبيرة وصعبة خصوصا اذا تفرقة عن امة ينرادلة اول فترة عناية خاصة ومدارات
تعالى صوتها بلبجي ولتواسيل جوة رجلينا صارت تبجي وتطلب الرحمة
_انعام ماتريدة وجدتي مرة جبيرة مابيها على حمزة ووكاحتة عدمن يضل ابني
ابوس ايدك خليني خدامة الة
انة راضية بحكمك ايا كان بس لاتحرمني منة
تقربت الي مجلبة بذيال ثوبي وتتوسل وتبجي
عافها وطلع واخذ حمزة ويا
على اخر بايات بلدرج كال
ابني انة اربي وإن لزم الأمر اخذة وياي للشغل بس مااخليج تربي
تسوين منة اداة لمصالحج وغاياتج تعلميني بيج
تدفعي يسوي الغلط ومن يسوي تصيحين فرخ باهش مايفهم
تزرعين براسة حقد على كل الي تكرهينهم
ومادامج تكرهين كل الي بلبيت معناها ابني يكبر وهوة كاره لجدة وجدتة وعمامة وعماتة واختة
ركضت ورا للدرج
_لا وحك الله توبة توووووبة
انة غلطت وعرفت غلطي وجل من لايخطأ
وندمانة وحك الله ندمااانة
شتحكم انة راضية بس لاتكلي افركج عن ابنج
_يصير خير
كالها ونزل ونزلت ورا تتوسل
عاط بيها كافي كلها نايمة صوتج طبي لحجرتج ويصير خير عود
بقيت اعاين من فوك شفتها دخلت لغرفتها وسدت لباب وهوة اخذ حمزة ودخل للأستقبال
رجعت للغرفة
شوية واجت يمي بسعاد تتخنس
تسأل شكو شصار
سولفت الها
بقت تلوم بية
_انعام ليش مااخذتي حمزة وانتي تربي
هيج خاف يضطر يبقيها هنا علمود حمزة ونرجع لنفس الطاس ونفس الحمام
_بسعاد بلا مثاليات اني طفل مااكدر علي
اني بنتي مقصرة بحقها ويومية مصيبة
حمزة طفل حرك وباجر عكبة يسجل مدرسة احتياجاتة تكبر وينرادلة مداراة
موعلمود مصلحتي بطلعة سللامة منا اورط نفسي بشي اني موكدة
احبة واخو بنيتي بس يااختي التربية صعبة وهذا امانة ومسؤليتة اكبر
ماريد بلحضة غضب لو عصبية لو تصرف سيء من عندة اتحول لزوجة اب قاسية مااريد احط نفسي بهيج موقف ولامجبورة
_بكيفج خية اني علمودج كلت تخلصين منها ومن اذيتها لأن هي بينت على حقيقتها يعني بعد صعبة تعيش بيناتنا وبيني وبينج اني كمت اخاف منها
تصدكين ابني مااخلي ينزل إلة وياي
شلون تصفا تاليها ماادري
بقينة نسولف تذكرت بلقيس صار هواي مشغولة بلمصايب ماسائلتها عن اخبارها ولا متصلين بيها
_اوووف ياانعام شحجيلج
_بلامقدمات جطيها وفضيني كلبي خلصان
_اخر مرة اتصلت بيها رزلتني وتجاوزت علية وبقت تكلي انتي مواخت ولا بيج خير لاهلج
مصايب تصير بينا وانتي حالج حال الغربة
لومثل قبل حدهن وربعها مستقويات علبيت اكول ميخلوها بس اني ادري ميحجون عيالج خوش ناس
بس انتي نسيتي اهلج وصارو همة اهلج
بقيت اتعذر واشرح الها لصار ويانا وهلضروف
ماعذرتني ابد
تكلي تلفون ربع ساعة ماتحترك الدنية
بس هي الحنية ماتنطلب موكوة
،_والله حقها وماتنلام بيج
_انعام انتي ماتدرين شصار بينا ماشفنا دربنا شهرين احنة مثل لعدهم فاتحة مخبوصين ناس تترادم بناس
تدرين حمزة خطفو اسبوعين
يوم يتصلون بينا يكلولنا ذبحنا وراح ندزلكم راسة
ونبقة يوم كامل نلطم ونتصارخ وعيونة على باب الشارع
يوم يتصلون بينا يكلولنا دفننا وينطونا عنوان كبرة ويرحون الولد يلكون كبر محفور خالي
يسألون الدفان يكللهم اتصلو بية وكالولي احفر قبر لطفل بس مااجو
واخر شي من شمرو بلصحرام
غضنفر وصل مرحلة يكوم ويطيح
٣ ايام احنة لانعرف النوم ولا نعرف الأكل
لعد اني ليش كرهتها لسللامة
لأن احنة فوك لأسوعين عايشين برعب وهية كلبها بارد وتعرف كلشي وتشوفنا نتكلة تشوف غضنفر وبيبي شكرية وصلو الموت وماكسرو خاطرها ولا كالت احجيلهم
اني من هاي وجزة روحي من عدها وبعد ماأمن الها منا لهنا
الي تسوي كل هذا كلشي يطلع منها
بقيت صافنة على كلامها ماعندي اي رد
مااعرف شنو جانت تفكر من سوت هيج
ولا اعرف اذا جان عدها ولو مبرر واحد لكل هذا
ترخصت مني بلقيس بعد ماصاحلها رجلها
وبدينا سهرتنا اني ومنة
عدن شكم يوم فدعم ممخبوص بيبية صاحبة متوفية ابو تهاني يومية يتصل بجدو يكلة شوكت يمرلي فدعم حتة نفض كلشي
وجدو يتعذرلة بسالفة بيبية صاحبة
الرجال عبالة يتهرب من عندة
اجة على شكم مرة للبيت
تهاني نتصل بيها متخبلة وبس تبجي
عمة امريكا مابينت رجلها ميخليها تجي خاف نأثر عليها بكلامنا
غضنفر طول هلفترة ينام جوة بلأستقبال وحمزة ينام يمة
يودي على منة وقتين أو تلاثة بليوم وكلما تروح يمة يدزلياها نايمة اببد مالة شغل بية
حتة اسمي ميلفضة
شي خلاني مثل المخبلة شكد احاول اقنع نفسي انو اروح اعتذر أو حتة اعاتبة وانهي هذا الجفاء الي كل بوم يكبر
بس شي بداخلي يصرخ اني ماغلطانة
وبطبعي ماطول مقتنعا انو اني ماغاطانة لايمكن اعتذر
صرت احسة استغنى عني وعن وجودي
وولمرة المليون بعدني احس نفسي نكرة
بزعلة برضا بمرضة بأشتياقة الي بكللشي احس نفسي نكرة
سللامة مالها صوت
من غرفتها متطلع إلة وقت لشغل
تكمل اكلها بغرفتها وتركض للمطبخ تحط مواعينها اي شي كدامها مواعين تغسلة وترجع لغرفتها
صبحية ستوني حطيت راسي على لمخدة وغفيت
دكت لباب علية بيبي شكرية
فتحتها متفاجأة لأن بلعادة متكعدني تدري بية اسهر وية منة ووجه لصبح يلله انام
صبحت علية وكالت
_يمة نعيمة هذا لفرخ صويحب فدعم الماتت جدتة ستوهم يلله نطوها الهم ودفنوها خطية
واتصل بجدج وكالة مريودة فزعتنا الهم ماعدهم احد خطي مكطوعين من شجرة
راح نمشي انة وام فدعم وكشمش
جدج ريكتا هوة ولولد وراح يمشون ويانا
سون غدة حبوبة وعينج على لجغلودة خاف تسويلها سالفة مالنا خلكها
حمزة غضنفر خذا ويا
سديت لباب وراها وبعد ماكدرت انام
ضليت اتكلب بفراشي
عدن ايام الفاتحة جدو وعمامهم ولولد و بيبي وام فدعم وكشمش يطلعن لصبح مايرجعن غير ورة اذان المغرب
سللامة طول اليوم بغرفتها
وكت مانريد نطبخ اني وبسعاد تطلع تسألنا اساعدجن
نكللها لا منحتاج
بكل ادب تحجي ومتتدخل ابد ومالها شغل بشي
شكم مرة تشوفني شايلة منة تبجي واني اشتغل لو اطبخ تجي تكلي نطينياها
شكم مرة جنت اكللها لاء خوفة بية ومااكدر ائمن الها
على شكم مرة اشوفها بدون متنتبه الي تلاعبها وتناغيلها من بعيد
تأشرلها لو تسويلها حركات بوجهها
ابقة محتارة كلبي يرق الها بس عقلي يحاول يذكرني بعملاتها
خلصت لفاتحة يلله شفناهم
بليل كاعدة بغرفتي اعزل ودكت لباب بسعاد كالت تعاي نزلي ديصيحونة
نزلت جوة بوجهي صارت كشمش سألتها شكو
_ماادري خية صاح علينا غضنفر كل احنة كال تعالو رايدكم
طبينة للأستقبال
جانو كلهم كاعدين حتة عمة اسماعيل ومرتة
سللامة كاعدة ومدنكة
لأول مرة اشوفها مكسورة مارفعت عينها من لكاع وتفرك بديها عبالك جايها خطابة
بصوت عالي حجة يسترعي بي انتباه لحضور
رفعت عيني من اشر على سللامة وكال
............بلقيس...............
ايدة على لحيتة وصدرة يصعد وينزل بنفس عالي حسيتة راح ينفجر
عيوني تصد على رجلي ووترجع على شفافة منتضرة اما كلمة او خطوة
صوتة همس ولج كافي كافي ممشي عليج روح عمو
ترة انفضحنا بلمنطقة
دكااافي
روحي بزعتتت
_يااخي مااريدك
مااريدكم اني مااكدر على عيشتكم
اني مخبلة اي مخبببلة ليش هوة الي يعاشرك ويعيش وية امك يبقة براسة عققل
جاوبني بدون لف ودوران
توديني يم امي لو اشمر روحي
صوت عمو نززني من جوة بكل صوتة صااح
_صايريلي روز وجاك ولد القناااادر
اني اعلمك انت وياها ولك الفاشششل
اضاهر مو عمك ابو بلقيس الي ماعؤف يربي
لضاهر اني ماعرفت اربيك يلطلي
قبل مااندار من ناحية عمو نقض علية بكل قوتة وسحبني حيل من صدري نزلني
شمرني حييل بلكاع وكام يضرب على راسة
_ولج اني كلب ابن كلب ماسمعت كلام امي
اني استقتلت علمودج وهاي تاليها عريس ماشفت كلشي كضيتيها علية
سحورة امك
مااطيقك
اشوفك حيوان
ولج اني صدك حيوان
لو ماحيوان ماحبيتج ولا شتريتج وانتي من يومج بايعة
امشي لابارك الله بلساعة الي شفتج بيها
لزم ايدي وسحبها حيل علدرج شكم مرة عثرت ولا همة
عمو من لباب تلكاني من ايدة يريد يضربني
حيل سحبني من عندة ورة ضهرة خلاني وكالة
_يابا اطلع منها فدوة اروحلك اني مااريدها خل تروح يم امها
اني تعبببت وحق الله
من يوم الي اخذتها حياتي نكلبت كلاب
شوف الشيب حتة بزلوفي طلع
خلي تروح يم امها وطلاك مااطلكها
والله لأكسر خشمها واجيب منى على راسها
سحبني حييل للسيارة ورجع علسيارة لجبيرة جاب وحدة من الجنط البيهن ملابسي شمرها ورة ومشة
سألني على رقم بيت خالي
نزل من الشارع من محل اتصل على بيت خالي اخذ منهم لعنوان
لطريق كلة ماحجة شي
الي جان صادمني يسوق بسرعة كلش عالية
زياد الي بلعادة يتراجف علسيارة ويمشي بطييء
وصلنة نزلني يم الباب
نزل وياي نزل لجنطة ودك لباب
طلعلنة خالي معبس جان ومن سللامة عرفتة مامرحب بجيتي
زياد ماجاب طاري زعل ولا اي شي
كالة مشتاقة لأمها ولحت هسة تريد تجيلها
بقة خالي يلوم شجابكم لوقت متأخر ليش مااجلتيها جايبة لولد هيج وقت
ماطايرة امج
بقيت اتلعثم وفشلانة احس زياد يتشفة بية من شافة ممرحب بجيتي
جاوبة نيابة عني من شافة لح
_حلمانة بيها وبقت تبجي واصرت هسة تجي
بعدهم يحجون مدت راسها امي بدون متسلم على زياد سحبتني ليجوة حضنتني وتسأل بية شبيج
شمسويلج هذا الماشايف
ماحجيت شي تقربت سلمت على مرة خالو وبناتها
ولدها اطفال بوسوني
مرة خالو كالت دخلي جوة بلغرفة ارتاحي
طبيت لغرفة لبنات
حوراء وشيماء وضمياء ١٥ ١٦ ١٧ على التوالي
لغرفة زغيرة بيها كنتور و٣ جرابي وميز مراية
ماكو مكان بلكاع على وحدة من الجرابي كعدت
اجت امي تسأل نطتني كلاص ماي
سولف الها لصار وياي من يوم طرحت لحد هللحضة
بقت تلوم بية وتكلي غلطانة بلي سويتي
مالها داعي الفضايح ولصياح بلشارع
ليش هيج خليتيلهم لزمة عليج
_لفيت راسي وسكتت عنها لأن ادري لو شكد مااكون صاحبة حق ماطول صيحت وطلعت صوتي معناها بنضرها ضاع حقي ومالي بعد كل حق
واني نايمة ندستني شيماء
فزيت افرك بعيوني وبردانة
_اكلج عفية اني ماعندي مكان خواني رحت يمهم طردوني وبلألعاب يشمرون علية
رحت لبابا صاح بيهم
بس نام بابا من شعري طلعوني من الغرفة
روحي انتي نامي يمهم يستحون منج لأن خطار ميسوون شي
جريت حسرة وكمت
نطتني بطانية ومخدة ودوشك
طبيت يمهم لساهم كاعدين ويلعبون
امي مخدة جوة راسها ومخدة فوك راسها كلسا تضرب على رجليها من يصرخون
مديت فراشي بصفها
متمددين احنة وهمة يلعبون طوبة
صحت بيهم بأدب كلتلهم باجر لعبو هسة وقت نوم
_باجر عدنة مدرسة ومن نرجع نتغدة وننام ماما تجربنا ننام لضهر ولعصر تكعد تدرس بينا بس بهذا الوقت تسمح النا نلعب
امي تقربت الي وهمست
_لتحجين كلشي ماما تتعبين وماكو كل نتيجة
هي تتعمد تخلي وقت لعبهم بليل تدري بية انام من وكت
_من عين باجر نروح لبيتنا ماما مووضعية هاي
_سكتي وسدي حلكج هوة سألني عليج عبالة زعلانة كتلة خطار شكم يوم وتروح
شمرت الغطة عني وكعدت على حيلي تربعت كبالها
_شوفي ماما رجعة لزياد بعد ماارجع لو اعرف اعيش بلشوارع وعيشة هنا هم ماالنة
اخلص من ذلة زياد وامة ارجع لذلة خالو ومرتة
بقت تلوج
ماما جفيني لشر سكتي لتحجين هيج ولج ذاك ليوم من جان بلدوام رحت للأورزدي جبت ملابس واجيت
كلت منا لمن ينزل ينسوها لجهال محد يجيبلة طاري
ماادري بلحية تذكرهم ومتانية جيتة بس حتة تكلة
هذا كبري وعمري ونزع شحاطتة وكتلني
خلاني مضحكة لجهالة ومرتة
يكلي تدكين دروب مرة حمرة خضرة جمالة ارملة شمطلعج
صفنت اعاين عليها ودموعي تجري
امي زغيرة كل عمرها ٤١ سنة وحلوة ماتعبانة
عشرة بابا وياها حلوة ماتعبها بلعكس مرتاحة جانت والناس تحسدها بس من يوم اخذو بسعاد هي ماشافت الراحة
من راوتني اثار ضرباتة
ثورة بداخلي
احس كلبي تكطع وصوت بداخلي يشكي لبابا
تعال شوف حبيباتك شسوو بيهن بعد عينك
محد رحمنا بابا
لا لأهل ولا لكرايب
بقيت كاعدة مانمت
اتكلب بفراشي
لحد مانامو الجهال
الي من خلال الي يسوو ونشاطهم الزايد عم اللزوم ومبالغ بي بلنسبة لعمرهم
كأطفال واعين وكبار
تأكدت فعلا امهم موصيتهم لقتل اي محاولة او رغبة مني بلبقاء لأن لضاهر امي زاعجهم وجودها ومتخوفين من بقائي
ساعة ب٣ وعيت امي
كعدت عبالها وكت الصلا صاير
لزمتةايدها واعاين على عيون الجهال اتأكد نايمين
وهمست الها
_ماما احنة شنو ضلتنا هنا كومي خل ناخذ ملابسنا ونروح لبيتنا نفتحة ونكعد بي
جواريننا ناس طيبين واحسن من اهلج واهل بابا
ننتجي عليهم بقضاء حوايجنا ونستعين بيهم
واني اعرف اسوق وراتب عندي
اخذ قرض على راتبي واخذ سيارة
ودنعل ابو الخوال لابو حتة العمام
الي يجينا ويدك بابنا نطردة وشيريد يسوون خل يسوون
ماطولهم كسرونا وصارو ويا الدنيا علينا
شمرت ايدي ونترت بية بخوف
_لتحجين حجي اكبر من راسج
حتة خالج يحطني ويكتلني حلال
ورجلج وعمامج يكوشون علبيت وعليج
خليني سالمة على روحي عاد بس بلأسم عندج ام ولناس تحطلي حساب
_شحددددهم وحق الله الي يوصل لبيت بابا ويدك بابنا اطلعلة بملابس بابا وبسلاحة اكتلة
كافي شافونا نسوان يستقوون علينا
_بلله تنلام ام زياد من تكول عليج مخبلة ولج بلقيس بطلي رعونية واندفاع واتذكري هاي سوالفج شكد خسرتج
_لتلوميني همة الي وصلوني لهلمواصيل
هذا العندي كلتة الج ضلة مااضل
لا تحت رحمة زياد وامة ولا تحت رحمة اخوج هاي جنطتني وهلي فلوس عندي وشكم قطعة ذهب وبس يطلع الضوة اطلع اركب سيارة واروح
يعجبج تجين وياي هلا بيج
يعجبج تبقين تحت رحمة اخوج براحتج
بقت تلوج وتحاول تثنيني عن قراري
مثل التطلك تكم وتكعد وترجع تتمدد وتتغطة تشمر لغطة وتتوسل بية
ولج يمة ستري علية من غير كلشي لحجي عليج اشكاال وكلها متحملتلج
خالج واحد من الناس كل ماتنجاب سيرتج يفتح الموضوع القديم واكللي ذيج الرزالة وماعرفتي تربين وحجي اشككال
_ماما لعندي كلتة اني واصلة مرحلة لو اعيش بكراكتي وحرة نفسي لو اموت لتحاولين ولا تتعبين نفسج
بلقيس لقديمة ذبحوها زياد وامة
لكدامج وحدة مخبلة وماعلى المريض حرج
لفيت راسي بلغطا ودموعي تتجارة
وصوتي يختنك بلبجي
يطالب من ربي العون
ساعة بل٤ ونص حسيت على ايدها تندس بية
جنت كاعدة بس مغطية راسي وخانسة
وخرت لغطة عني اعاين امي لابسة جبتها وحجابها وجنطتها على كتر محضرتها
كمت على حيلي تقربت الها حيل حضنتها وهمست
لتخافين ماما هلمرة الي يرشنا بماي ارشة بدم
واشوفهم ام بلقيس شنو ربت
جريت حجابي جنت بملابسي الي اجيت بيهن مابدلت
شديت الربطة على ركبتي وسحبت جنطتي
من دفاتر الولد شكيت ورقة وكتبت بيها بلسان امي
شكرا على ضيافتكم انا ذاهبة الى بيتي مع ابنتي بلقيس وسنعيش معا لكونها ستتطلق من زوجها
خليت لورقة بفرلش امي جوة مخدتها
ولزمت ايدها وطلعنة نتخنس
امي تندل المفتاح فتحت باب لشارع ورجعتة لمكانة
طبكت لباب ومشينة
ركبنا للبيت
وصلنة جانت دنيا صبح
تريكنا بلشارع واخذنا مسواك ورحنة
لسيارة تذب بعيد لكون منطقة زراعية تمشينا مسافة
دخلنة للبيت كلة تراب
تحزمنا نضفنا وغسلنا
تعبنة ومانايمات
نمنة وقفلنة لبوب
اصوات تتداخل بحلمي صياح وباب تتركع وصوت برة
فتحت عيوني على صرخة امي
ولج بلقييس كعدي
صخام لصخمني شلون طاوعتج
طفرت على حيلي
شكو شكوووو
صوت طلقة برة ثارت
وصراخ يم لباب طلعنننننننن
..........قيصر.......
صوتة يهمس الي
بس انت عليك بلاغ بلأعتداء على زوجتك بلضرب المبرح
بيدة رفعلي لبلاغ وهوة يأشرلي على اسمي واسم المبلغ
كبلوني واخذوني للحبس
بقة ياسر برة يحاول يشرح الصار للضابط
انهى كلامة وهوة يفهمة انو اذا كانت تهمة كيدية راح يبين كلشي بلتحقيق ومن ينعرض على المحكمة
نركن بلاغ الخيانة الي قدمتة ضدها
وعقلي صار يجيب ويودي على دهائهم وكمية الشر الي بداخلهم
تغدو بية قبل مااتعشة بيهم
ماجانت مجرد ليلة بلحبس
جانت المحكمة الي اقامها عقلي وهوة يحاسب قلبي على كلشي اقدم على فعلة
جانت المحكمة الي حاكمت نفسي بيها قبل ميحاكموني
حاكمت نفسي بس على شنو
على طيبتي ووضوحي
على صفائي ويا الناس
على نيتي البيضة
على فطرتي وتعاملي وياهم بأصلي
نهاني التفكير ودمر كل امل باقي بية
ياسر اجاني زارني طلبت منة يتصل بأهلي ويشرح الهم ويطلب منهم يدزولي مبلغ مالي اوكل بي محامي
ماقبل وكلي متسوة تشغلهم ومتستاهل توكل محامي
لأن ماعدها دليل على ضربك الها ولا اكو شاهد
وحتة وإن ادانوك بهلشي راح تطلع بكفالة مالية اذا ماكدرت عليها اني ولولد نلملك وعود بعدين رجعهن النا
اصفن جنت بكلامة
ناس من غير بلدان حتة
وكفو وياي بشدتي
وولد بلدي وصلوها للمحاكم علباطل
زوجتي جانت تاكل بية وعيشتها دغش وياي
بقيت ايام على ذمة التحقيق
تحدد موعد جلستي واجة وقت ان يعرضوني على القاضي
جنت واكف برة لقاعة وكدامي مجموعة اشخاص
بلسرة جانو يدخلونة كل مجموعة سوة
اجت من بعيد هي واسعد وهادي ووحدة مااعرفها ووياهم ثنين من جواريننا من ضمنهم البنية الي لكتني من جنت اشرب واصرت انو تتصل بهيفاء
ماعاينتلي جانت تتهرب ناطيتني ضهرها
لابسة نضارة شمسية الحجاب ماكو
مجرد لفاف صوف على ركبتها وقبوط وبنطرون
دخلونة
جنت داخل وكلي امل انو الدعوة راح تنرفض
والي تفاجأت بي شي خلاني اجثل على ركبي بلكاع مصدوم
وارفع القبعة للدهاء والشر الي مستقر بعقلهم ومسيطر علي
محامي بدة يعرض القضية من جانبها واني عيوني تنفتح وية كل جملة يحجيها
موكلتي كانت تعمل لدى المدعو اسعد كخادمة
وتتعرض للضرب والتعنيف المستمر على ادين زوجها
وفي كل مرة تقرر ان تشتكي علي تتراجع
و كل مرة يوعدها بلتغيير
الى ان جانت منغمسة بأعداد وجبة الغداء لعائلة المدعو اسعد
وتفاجأت بدخول زوجها عليهم
وهم بضربها ضرب مبرح لم تستطيع زوجة السيد اسعد ان تبعده عنها
حاولت تتصلبلشركة
سحب الهاتف من يدها ورماه حتى تكسر
وراح يسحب زوجته الى ان اخذها الى اسفل العمارة
وبعدها وهي تحاول الفلات منه وهوة يعنفها
دفعته لتخليص نفسها
واذا به يرتطم بلجدار ويسقط ارضا اثر الضربة
وماكان من موكلتي إلا الهرب مسرعةً خوفا من ان يعود لضربها
ماكانت تتوقع انه اصابه الأغماء
زوجة السيد اسعد رأت ماحدث من بلكونة شقتها
ونزلت الى شقة جارتها واتصلت من تلفونهم لتخبر المستشفى ان هناك حالة اغماء
الذهول الصابني من مد ايدة وهوة يشير لوحدة جانت كاعدة بصف اسعد
ايد ياسر تمسد على كتفي من ورا ويهمس الي
لتخاف اكيد راح يطلبون من عدهم شهود على هذا كلامهم وهمة ميملكون
ولتنسا اطفال الجوارين الي نكرو وجود زوجة لأسعد ولا حتة اطفال يعني لجوارين ومالك العمارة يعرفون ماعندة زوجة تسكن ويا
استدعوني للمنصة
وكفت وبدا القاضي يوجهلي اسألة
اول شي حجيت بي كونة ماعندة زوجة تسكن ويا والجوارين كلولي بهلشي
الجواب كان انو كلام الأطفال لايأخذ به وسوف يتم النضر بهذه النقطة ويتم الأستفسار عنها من قبل المختصين بلتحقيق بلقضية
نوهت عن انو اني مقدم قضية خيانة زوجية وبعيني شفت هلشي ولهلسبب ضربتها براسها فقط ووراها فقدت وعيي من صدمتي بلي حجتة الي وكونها احتالت علية حتة اتزوجها من اجل نيل الجنسية
قاطعني وكال لتدخلنا بقضايا اخرى ولتخلط الأوراق
بقيت اشرح وابين انو اني مااعرف اي شي من الي حجو
وكل الي حجوو ماصار لاعتديت عليها لاقبل ولابيوم الحادث مالحكت حتة اضربها من ذهولي بخيانتها الي وية اسعد ارتفع ضغطي وفقدت وعيي
طلبو مني ارجع لمكاني
ورجع المحامي مالتها يشرح
قدمو اسعد وزوجتة هوياتهم
وبدة يسألهم زوجتة جانت تحجي وتشرح كيف اني ضربتها كدام عينها هي واطفالها
وكيف كسرت الهاتف حتة امنعها من الأتصال بلشرطة وطلب النجدة
وبينت انو هيفاء دائما تشكيلها مني وتبجي وتفضفض الها وتحجي عن تعنيفي
رجعت لمكانها ونادو على جارتهم الي سبق وان التقينا اني وياها بلبار واتضح ان هي تعمل بهذا المكان
سألوها عن سلوكي
وادعت انو اني مداوم على الشرب بلبار الي تعمل بي هي
ويوميا ابقة الى ان يغلقون البار يلله اطلع
ومن ترجع لبيتها تسمع صوت صياحي عليها وضربي الها واني مخمور وصوت صراخها وهي تستنجد
قاطعتهم واني افور
وكتلة سيدي اذا كنت اعنفها فعلا وين اخوها هادي من كل هذا وهوة يسكن ويانا بنفس الشقة
طلبو مني السكوت وعدم التفوه بلكلام الى ان يسمح الي
وبدت تشرح كيف كانت هيفاء تشكيلها من ضربي
وكيف جنت اعنفها واني مخمور وبعدها اغتصبها
وانو اني مريض نفسي واعاني من هلاوس واضطرابات
من جنطتة قدم المحامي اوراق مراجعاتي للدكتور
وبعض اغلفة علاجي الي مامكملهن اصلا
وكفت على المنصة ونزعت النضارة
عيوني جحضن لدرجة حسيتهن راح يطلعن من محجرهن من بدت تكشف عن كدمات بأديها ورجليها ضربات بعضهن بللون الأزرق وبعضهن محمر
حسيت الكاع تتحرك من جواي
صوتي يهمس لياسر بحسرة وغصة واني اطلب ماي
حسيت شي مستقر بزردومي ويعيق الهوة عن الدخول لصدري
بعتب همست الة
ليش ماخليتني اوكل محامي
رد علية بذهول وحسرة
_ماكنت بتصور انو بيطلع منهن كل هذا
شو هذول الناس انا بحياتي ماشفت هيك اوادم
_بعدك مشايف شي
ضعت اني ياسر ضعتت
_لاتقول هيك ربك مابيرضا بلضلم
رجعو استدعوني للمنصة
بغصة وحسرة حجيت
سيدي اني انسان ووحيد هنا هل من المعقول ان اعنفها وهي اخوها وابن عمها الي الة سنين ساكن بأمريكا وموجودين بنفس الولاية لابل اخوها يسكن ويانا وابن عمها بعد مسافة
هل من المعقول اعنفها ويسكتون ويتجاوزون عن افعالي
هل من المعقول انو جارتنا تسمع صوت صراخ زوجتي واخوها الي يسطن ويانا بنفس الشقة ميسمع صراخها ولايهم لنجدتها وتخليصها مني
بل حتى الأتصال بلشرطة اذا كنت اني فعلا مجرم ومأذيها لهلدرجة
زين ابن عمها الي يسكن من سنين هنا ويعرف كل لقوانين ويعرف انو تعنيف الزوجة تعتبر جريمة يحاسب عليها القانون
هل من المعقول يسكتلي
صوت لقاضي يسأل ويستفسر عن ابن عمها
قلب اوراقة ورجع سألني
اي ابن عم تقصد
اشرت على اسعد واني انطي اسمة
نفتحت عيوني من باوع على هوية اسعد ورجع باوع على هوية هيفاء
رفع راسة عاينلي وكال .......يتبع
مساء الفل لبارت ٤الاف و٦٠٠كلمة يعيوني
تفاعلكم ميت ليش جذي يعيوني
مقصرة وياكم بشي يعيوني
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!