#خنجر_الغضنفر
#بارت_٣٤
#حنين_حاتم
صد على كشمش وعمة امريكا وصاح عليهن
جيبنلي سلاااااامة
فدعم ضرب على جيبة طلع صوت
طلع برة ولحكة صميدع
ركضن عليها ثنينهن شلون لطفل جابنها سحل
وهية تتلوفت وتسأل شبيكم مثل المسوي عملة
طببنها للغرفة
صاح على بسعاد كاللها اخذي حمزة ولفروخ كلهم برة وسدي لباب وابقي يمهم
ندار علية اشرلي بيدة بدون مايعاين
انطي منة لجدتي وتعاي
شكو شتريد مني النوب
دخل جوة ماحجة
نطيتها الها ورحت وراهم
فتحت لباب ودخلت
سللامة يم باب لأستقبال الي على لحديقة واكفة وإيدها على لباب كأن ناوية تنهزم وتنتظر الفرصة
تقرب عليها وصاح
لأثنين لفات من رحتي وي جدة نعناعة وين وليتيييي
للسوك غير
موكتلك انة كبل مااطلع وكتلي روحي ونطيتني فلوس
يعني مادرتي وجهج وركبتي نفرات لبيت اخوج الشفية
مارحتي ونطيتيهم الفلوس الأخذتيهن مني خاطر لايفظحون سواياتج
تدرين هسة فدعم ولولد ويييين
جذب جذب وحكَ الله هذا ياهو الوصللك هيج
جدتي نعناعة كالتلك مووو
هي هم تروح لولدها
نتفارك بلسوك وهي تروح لبيت جليل وولدة كل مرة
وتروح تنطيهم فلوس وملابس لجهالهم
احنة وحدة تباوع علثانية
_محد كالي انة لحكتجن وشفتج من ركبتي ولحكتج بس ماادري بجدتي نعناعة هم ماشية بدرب
طحتن بشر اعمالجن
_ماسويت شي فروخ اخوتي كاتلهم لجوع ومرة اخوي رادت مني فلوس ورحت وديتهن الها
وحك الله غير هيج ماسويت
لاتحلفييييين
تقرب الها ايدة على ركبتها حييل خنكها ويصيح
الحنية تخرخر من عندج.
ولج لوما يتصلون يهددون بيج لو توديلهم فلوس لو يفظحوج
عبالج ماادري جنتي متفقة وياهم عليييية
وناوية تاخذين حمزة وتشردين بي ومن ماصحتلج فرصة وماكدرتي تاخذي وتشردين اتفقتي وياهم يخطفو وامنتيلهم كلشي وتتصلين تنطيهم معلومات شمدريهم همة احنة بأشغالنا
شمدريهم ماكو زلمة بلبيييت
من نطيناهم الدية ومن لصراء جبناا فظحتي روحج بعظمة لسانج
عبالج تعبر علية من كلتي دورو قريب على صحراء كربلاء يجوز تلكونة
ولج من ساعتها وانة حطيتج هناااا
يأشر على راسة وهي ترفس بين ادي
تقربت عمة امريكا سحبت ايدة عنها
_كافي لاتلوث ايدك بيها هلنكسة
_عمة انة تلّلعبني مررررة انننة
عمت عين المرض الخلا النسوان تعلب بحالييييييي
من جيبة طلع لمسدس وبكَفا ظربها حييل على راسها
ولج تتفقين وياهم عليييية
عبالج عبرت علية سالفة الرهن واطلع من حياتكم اذا كسبت انعام الرهان
عبالج ماادري بيج بت حرام وناوية تنهبيني وتشردين بحمزة
ومن شفتي اخوتج تخلو عنج بيوم هددناهم بيج من خطفو حمزة
كلنالهم نكتلها اذا ماتردولنا حمزة
شفتيهم تخلو عنج وكالو عادي كتلوها
كلبتي عليهم وفظحتيهم وسويتي روحج خيييرة شفتي مابيهم نفع الج كلبتي عليهم
تلعبين على لحبليييين بت الكلللللب
ياجبهة التفيدج تصيرين وياها
ولج انة ردت الحك لجذاب لحد لبااااااااب
جنت منتظر اتصال عمة مدينة واجاني لأتصال
ولج مرتين ردتي تموتين منة مرررتين
وتحشين براس الفرخ دمرتييييي
الله بعالي سما غاظب عليييييييج
ولج ليوم لو تنجمع الأنس والجان ماتخلصج مني يابت الحرررررام
هم عليها بكل حيلة يضرب بيها
ماجنت اشوفها جانت مختفية جوا
شكم سنة عشت يمهم ماشفتة يظرب
قيصر يظرب وفدعم يكتل اخواتة لوعصب وحتة امة بلشقة يظربها
صميدع حالة حال البنات يتماطل وياهن جان
إلة هوة
حجايتة مايظرب الحرمة غير الحرمة مثلها
عمة امريكا وكشمش يحاولن يفرغن بيها بس اببد ماجانن جديات كأنما الي يسوننة جفيان شرر
جنت اشوف التشفي بعيونهن
الكدامي ماجان غضنفر اببد
ماشفت بكلبة رحمة
ملخها
مرعدها تمرعد
علباب جنت منتجية واعاينلة بذهول مرعوبة من شكلة ومن الجاي يسوي
وبرة اسمع صوت بيبي شكرية تلوب
نداريت علباب اريد افتحهها وانهزم اريد اشرد مااريد اشوفة هيج يسوي
احس برعب من عندة موطبيعي
فكرة ببالي جانت تجول خلتني مثل لطفل اتراجف
توقعت جابني لهنا وراح يكمل من عدها ويرجع علية
ردت بس انهزم
ردت احظن منة واحتمي بيها
بس فتحت لباب صرخ بية
وييييين
سدي لباب وطبيييي
بهللحضات ماجان يضرب بيها ضرب عادي بلحايط ركع راسها اكثر من مرة
وصل مرحلة شالها شيول وركعها بلكاع ويصرخ ولج ال........ ماتسوي سوايتج
ابنج ولج ابنننج ماخفتي يموووت
ماخفتي تاكلة لحيواناااااات
تاكلين من خيري وتطعنين بييييية
أشهر انة شفت الموت من ورا عمايلللللج
ولج زلم طول وعرض لعبتي علينا
مثل المخابيل نهبد ٣ اياااااام
توصل بيج انتي واخوتج ترحون لكرابة عمة مدينا وتغروها بلفلوس خاطر من نتصل ماتوصلنا الهم
تجين تكليلي اخوتي وصلو ورقة الطلاكَ لأنعام وانعام شردددت خليتيني اطيح من طولي وبلا عافية ضلييت
خليتيني مجتف
ولج عمت عين المرض الخلاني تحت رحمتتتتتج
اليوم رحمة الله بكبرها لوتنزل ماتخلصج منيييي
من كد مااذاها عمة امريكا شبكتة بثنين اديها هي ضخمة حاولت تقيد حركتة
وكشمش نامت فوكها نيوم
دفع عمتة ورجع شال كشمش،شيل من عدها
سللامة كصيرة وتارسة
ملابسها تملخن عليها
موضرب عادي ماشايفة هيج شي بكل عمري
جانت جثة فاقدة من الضرب وميرضة يعوفها
نرعبت من عندة ارجف جنت وكل ضربة احس راح يرجع علية ويضربني مثلها وإلا ليش صاحني
جسمي يرجف دموعي تتجارة واشهك مثل الاطفال
اخر شي سوا شال كرسي مال تخم وركعة بيها
صرخت بكل قوتي
كاااااافي
مو ماتتت ماتتتت
انت موغضنفر ابببد موغضنفررر
بلكاع كعد يتنفس بصعوبة
دشداشتة نازعها
ندار علية
ونتر
مو غضنفر
لا وحك الله ماخليتن مني كلشيي
هية من صفحة وانتي من صفحة
مونسوان لا وحك الباري مونسوااااان
انة كايلها اموتن من عمايل لنسوان تاليتييييي
ايدة تفرك بصدرة
عيونة تنفتح وتنسد
كام على حيلة كوة يشيل بروحة
وية كومتة وكع على وجهة
ركضنا علي
عمة امريكا كامت تظرب على وجهها وتصرخ
دفعت لباب بيبي حيل تظرب عليها
ركظت فتحتها الها
شافتة بلكاع وهي شكت ثوبها وكامت تصرخ
منة بلكاع مفرفحة شالتها زوري
طلعت كشمش ليبرة تركض لبيت عمها اسماعيل
حاولنا نوعي
عيني على وجها شاحب وشفافة زركة صارت
صوتة من يصرخ تاليتي اموت من ورة النسوان يرن براسي
دنكت على صدرة افرك بي
شوية وطب عمو إسماعيل ومرتة
شالو هوة وعمة امريكا وكشمش
اخذو للسيارة
نعناعة بغرفتها كل هذا
بيبي شكرية اخذت دولكة ماي وطبت يم سللامة
حاولت توعيها دارت عليها ماي حاولت تشربها ماكو
منتهية
بقيت جوة الوب واتلقى ملامة بيبي شكرية
للمرة المليون حسيت نفسي نكرة
كلها تدري وواكفات على استعداد ينتظرون منة اشارة إلة اني مركونة
كإن غريبة
ماجنني شريكة حياتة واقرب لناس الة
زوري تقربت الي وهمست
شمالج ترجفين كعدي راح توكع منج الفرخة
حقج ماشفتي شسوة بيها ماشفتي
وانتي مقهورة عليها
لاء لاء تستاهل بس اني مصدومة بي متفاجأة كل هذا يطلع منة ماكو بكلبة رحمة اببد
ماتت بين ادي ماتت
هوة تعمد طببج عندة غاية
وشنو غايتة
راد يشوفج من يطاوعج ويمشي على مايج وكلشي تسوين مايحاسبج ولاحتة يلوم ومقدر كلشي يبدر منج راد يشوفج هذا موضعف هذا حب
راد يشوفج هوة وياج شي ووية الدنيا كلها شي ثاني
يعني سوة كل هذا بسللامة بس حتة يشوفني انو هوة سبع وبطل وكادر يصلخ ويذبح
يبوووو راح تنهدين انة صوجي حجيت
ولج هوة لسوا بسللامة لاشيء ترة جان ناوي يشمرها مثل ماطاوعت اهلها يشمرون حمزة وبنفس المكان
بس شفتي بعينج لصار
شحيت نظري عنها وتحججت بمنة
كمت من مكاني رحت عليها فتحت باب لأستقبال
جانت تون وتتأوه
رجعت بيبي دخلت يمها حاجتها
جغلودة اااسللامة تسمعيني
شمالج شيوجعج
ماعرف شتحاجيها
طلعت بيبي دكت لباب على نعناعة
ودنكت يم لباب تهمس الها
ماتطلعين صاحبتج نكتلت وخرطت لاول ولتالي لختلة ماتفيدج بعد
نترت بيها
انة لاناهبة ولاسالبة فروخي واحفادي ورحت اشوفنهم
نحرمت منهم من ورة احفادج ملاعين الصفحة
هم صوبوهم وهم هججوهم كلة باطل باطل
والحجي مايكول
لا موباطل نعناعة خليني ساكتة
ليش تخليني احجي المظموم
الحجي تعرفينة مايقبل بلشينة لاتغشمين روحج
عافتها ورجعت لمكانها
الجهال يم ام فدعم بغرفتها حاطتهم وكاعدة
ماتريدهم يطلعون حتة لايطلع حمزة وياهم ويشوف امة بهلحالة
عدت ساعة احنة ايدينا على خدنة ومكابلين التلفون لا احد اتصل ولا احد اجة
شوية ودخل جدو من لباب عكالة بيدي نازعة
من برة صاح وينها نعناععععععة
بيبي على كعدتها اشرتلة
بغرغتها
دخل ليجوة ونسمع صياحها
يابويااا انة تطكني ابو خلييل
وزوك علية
ويرد عليها
اطكج وانعل طاهرج واليلة ماتضلين تلمين بقجتج وتولين لبيت اهلج
بقة يضرب بيها وهية تصيح
ام فدعم وبيبي دكن عليهم لباب شكم مرة
تالي دفعت لباب بيبي ودخلن جوة يردن يفرغنها من عدة
الصدمة انو نعناعة دفعتهن بكل قوتها وتصيح عليهن
بطلن لواكَة عود شوفنا حجي احنة خيرات
طلعن برة انة ورجلي مالجن غرض لونصير لحم
طلعت بيبي تحجي على روحها
_خاب هوة احنة صوجنا
من امدا هلكلب المايعرف يحقد ولايشيل على بنيادم
ماطلع من يمها إلة وعبايتها على راسها وبقجتها بيدها
لازمة ضهرها بيدها وتمشي وتتأوه
فتح لباب وكال الها
روحيلهم ولدج خل ينفعوج
ندارت علي تقربت تريد تحجي ويا
حجي لاتخلي الحاقدات يخربن بيننا
اشششش ماريد اسمع صوتج
طلعي طلعي لابارك الله بيج
الي تدكَ دروبجن كلشي تسوي وكلشي يطلع منها
بمكان ماتعقليها بمكان ماتجين تحجين لرجلها على نواياها
انتي تهيأيلها كلشي
ولإدهى كل وحدة تركض على غايتها
طلعت بقجتها على راسها وتدردم على بيبي شكرية
دخل جدو للغرفة وطبك لباب
تقربت الها
_بيبي كومي يمة خطية خاف يتخربط موهين علي لسمعة
_ياااع انة ادش غرفة نعناعة شمالني
_هاي غرفة رجلج قبل متكون غرفتها
_لايمة انة ماعندي هيح شي
بس مااطب غرفة وحدة ماموجودة وهذن جنايني سعليهن من يطلعن مااخلي اي واحد يطب غير رجولتهن حتة لو نباك شي منهن مايكدرن يتهمن اي احد
وحتة نتجنب المشاكل
_ماعرف شكلج والله بيبي بس جدو خطية ليروح يوكع عاد صيحي ليبرة واحجي ويا هدأي
_جا غضنفر موخطية يمة
_والله محد خطية غيري
اني شمسويتلة بيبي
_يمة رجلج تعرفينا وتعرفين لبي ليش تزيدين همومة بذيج المرة كلنا ماتدري بلصاير وماحطها على بيننة
وانة اول لوادم عذرتج
بس هلمرة انتي تدرين ماعندة وياها شي ولمح الج وكالج بس صبري
ليش يايمة هيج تسوين ويا حتة بنيتة حارمتة منها انتي مو تخافين الله وصايمةومصلية وشحلاتج تقرين قرعان وعكَلج يوزن بلد
_اني مامسوية شي بيبي
انتو يمكن عدكم عادية يتزوج ثانية شي طبيعي عدكم واغلب ولدكم ماخذين ثنين بس اني مااتحمل هاي الفكرة ولا ااكدر اتعايش وياها
شكد غالي علية وشكد تعبت بحبة بس عندي فراكة اهون من ان تشاركني بي وحدة
وهوة مامعذور بلي سوا
كلها تدري واني اخر من يعلم
ليش مو اني الي اقربلة من روحة
_هوة انتي تنطي مجال يحاجيج شوكت ماتكربلج وصحتي لااريد اشوفك ولا اريد اسمع صوتك وتأذي ببعاد منة عنة
_حقي وهذا ابسط شي يتوقعة مني يركض وراها ام حمزة وام حمزة وراسة براسها ويسولفون شتتوقعون مني مثلا اخذة بلأحضان
وبعدين هذا موعذر بيبي شافني نافرة منة ومااطيق احجي ويا جان يكدر يدزلي وحدة من لبنات أو حتة يدزج انتي وتحجيلي كلشي
_انة ادري بلله
ترة انة حالي من حالج مثل لأطرش بلزفة كلشي ماادري هوة راسة براس كشمش وامريكا وفدعم
هسة يرد وافتهمي منة
_راسة براسهم انتي كلتيها وجمالة تلوميني
كامت من يمي راحت لسللامة اخذتلها ماي
اسمعها تحجي وياها وتعاتب بيها
ليش يجغلودة ليييش
ولج حيرتي ودوهنتي
كالج روحي تجز منج ماهاويج ولاهاوي عشرتج روحي لأهلج وورقتج تجيج وحمزة ماحرمج منة كلتي نهي
كالج ضلي بأحترامج ولاتشهرين بية وبروحج وعيشي لأبنج هم دكيتي رجل وصحتي نهيي
يايمة غضنفر ماياذي دودة أذا ماينداسلة على طرف
ليش يجغلودة خليتي يتسودن عليج
شربحتي هسة راح تفلسين من عدة ومن حمزة ومن اهلج
وهية تحجي سمعت صوتهم من برة
كمت تقربت للمطبخ
شفتهم جانو ينزعون بنعلهم
دخلو
يمشي بطولة مابي شي
عمة يريد يتجيلة دفعة وطب
عيني علي تقربت اريد اتحمدلة لسلامة
عافني وعكس على لأستقبال
عمة امريكا لحكتة تحجي ويا
_عمة عوفها تعال ارتاح هسة هي ماطايرة ماكافي لسويتة بيها اخذت حيفك منها
مد راسة عاين عليها
بيبي تقربت الة باسة جتفة وسحبتة من ايدة لغرفتها اخذتة
عافت لباب مفتوحة تمدد على جربايتها اديدة على صدرة
شلت منة ردت ادخل بقيت بمكاني مترددة
تقدمت خطوتين ورجعت
على لدرج كعدت كامت تبجي جوعانة
صوتة يحاجي بيبي يكللها جيبيها الي
تقربت الي بعدها تريد تاخذها مني صاح عليها
_خاف مننوع اتقرب منها واشوفها
ضحكت واخذتها مني وراحتلة
اخذها من عدها خلاها على صدرة ويشم بيها
على بطنا شبخت وتلعب بدكم دشداشتة سكتت
بقيت اريدها تبجي حتة يصيحني
اريد ادخل بس مترددة
اريد اتحمدلة لسلامة لو اريد الومة على الي سوا و اعاتب
مااعرف شريد مااعرررف
سمعت صرختها كمت على حيلي طفرت
جان يشمشم بيها ويبوس بيها تضحك وتغص بلضحك تغار وتتبزز من لحيتة
عاينلي جنت واكفة يم لباب
همس لبيبي
جدة طفي لظوة وسدي لباب اريد انام
كامت تريد تاخذ منة من عندة كللها خليها يمي مشتاقلها
طفت لظوة وسدت لباب
بقيت انتضر صرختها بجيها
ابد ولا اطلع الها صوت
نفتحت باب غرفة جدو وراح علي
راحت بيبي على سللامة جانن عمة امريكا وكشمش يمها
دخلت يمهن
جانت كاعدة على حيلها وشادة راسها بشيلتها ومادة رجليها وتفرك بيهن
عيونها للكاع وتبجي
كومنها لغرفتها تعرج ومحدبة
تلملم بملابسها تستر بروحها
طببنها وقفلن لباب
طلع حمزة يريد يروح يمها اخذتة بيبي يم غضنفر
وطلعت بيدها منة غافية نطتها الي
دخلت لغرفة ام فدعم نيمتها وقفلت لباب عليها وعلكت المفتاح بباب الأستقبال
بيبي تقربت الي همستلي
يمة روحي سويلة لكمة ياكلها وطبي علي تحمديلة لسلامة انتي ام لأصول
مهما يكون هذا ابو بنيتج
هذا غضنفر ينعيمة لاتخلين الغيرة تنسيج اصلج
وكت طيحة بنيادم ينتجي على اكرب ناسة
واكرب منج ماكو الة
دخلت للمطبخ واجن بسعاد وتهاني وياي
عمة امريكا وزوري راحن للبيت وكالن بليل نجي يجون ويانة ستار وابو
لجهال بلأستقبال وجدو يمهم هوستهم للظالين وهوة صافن ولايمهم رغم بلعادة يكوملهم بلسبحة يتخبل من الهوسة
كملنة لعشة وصبينا للجهال وصينية لجدو وبيبي
بسعاد تلوب على صميدع كالت مااشتهي
جدو سأل عليهم مرتين كلنالة طالعين بشغل
اخذت صينية لغضنفر ودخلت للغرفة
ستوني فتحت لباب
صاح طلعوو برة اريد انخمد
_هذا عشاك
_ماريد متزوهر من يومي
_تقربت خطوتين
صاح طلعي وسدي لباب
طلعت وطبكت لباب
رحت للمطبخ مخنوكة
مااعرف شنو يريد لايحطني بلصورة ولايعذر ردة فعلي
بقيت بلمطبخ كاعدة كملو عشاهم وجابت بسعاد لصواني
بيبي طبت لغرفتها نامت بلكاع يمة
وجدو بلأستقبال بس شرب لجاي غفة
كعدتة بسعاد يروح لغرفتة كاللها خليني هنا بس جيبيلي غطة
غطتة وسدت لباب
شوية ودخل صميدع
تلكتة بسعاد تسأل شصار وين رحتو شسويتو
عافها ودخل يسأل
_وين غضنفر
_بسعاد نايم ، فدعم وين شو اجيت لوحدك
_فاركني يم لبزل
_ها هم راح يشرب
_لا لاكة ربعة هناك وبقة يسولف وياهم
راح اطلب للحمام حميلي لعشة
وكفت بسعاد تحمي بلعشة
وام فدعم اخذت ظاهر وحمزة وابن زوري هم بقة على واهسهم وصعدت بيهم فوك بغرفتي تخلصنة من هوستهم
واني اغسل بلمواعين سمعت صرخة منة
بساع نشفت ادية بثوبي وركظت الها
رجعت على لمفتاح
ادور ماهوة
عاينت بلكاع ماكو
دنكت اباوع جوة بلكاع
ركظتلها احجي وياها
ماما لتبجين حبيتي اني هنا
وبسعاد نايمة بلكاع وتدور على لمفتاح
بدت تفرفح وصوتها يتكطع
هية بيها فحطة
بقيت احاجيها من ورة لباب
ماما اني هنا حبيبتي
من بعيد بسعاد عاطت
ولج انعام ماكو ماالة اي وجوود
صرختها تكطع كلبي
تهسترت كمت اصرخ
طلعو كلهم
طلع مفزوع يسأل شكو
_منة جوة محبوسة ولمفتاح ماكو اختفا
تقرب على لباب حيل ضربها اكثر من مرة حاول حسيتة ماعندة طاقة
طلع صميدع من الحمام بلشورت وكف ويا بقو يدفعون بيها وهي تصرخ جوة
الى ان كسرها اني منتهية من الخوف والبجي واروح للمطبخ وارجع احاجيها مثل المخبلة
ركض عليها شالها حطها على صدرة تناشغ
ايدة على ضهرها تطبطب ويهمسلها
اشش
مات ابوج كون ولاهلدموع تنزل من الخوف والجوع
سحبتها من ايدة حضنتها لصدري واحجي وياها
عذريني ماما ردت احميج عود
ردت اكحلها عميتها
بسعاد ناوشتني ممية خبطت الها
خليتها بحلكها تناشغ وترضع
نزلت ام فدعم تسأل شكو
شرحت الها بسعاد
ايدها على صدرها ضربت وكالت يااا بسلا
ندار عليها غضنفر فاتح عيونة ونتر
بسلا شنو
احجي عمة
ماكو شي يمة اكول بسلا لفروخ ضيعو
يافروخ هاي التلوخ لباب
احجي عمة ممشي عليج الميتينلج
تعاين على بيبي وجدو
بيبي اشرت الها
_احجي ام فدعم هاي ماينسكت عليها
ام فدعم:- من جانن لبنات بلمطبخ انة نزلت اجيبلهم ماي عطشو من اللعب والتطفر
من نزلت شفت سللامة توها تريد تطب لغرفتها وتتلوفت
سألتها وين جنتي كالت جدتي شكرية فتحتلي لباب رحت للحمام ورديت
شكرية:- ياااع عمت عينها شوكت فتحتلها لباب انة نايمة جوة
معناها عدها لنسخة لثانية وتكول ظايعة لجذابة
حيل ضرب على رجلة وصاح
يلوموني من اطكها يلومونننيييي
اخذ لمفتاح من بيبي شكرية وركظ على غرفتها
بيبي جلبت بي يمة عوفها لايصير بيك شي
بس صير زين وشتسوي بيها سوي محد يكلك لاء ولا احد يدافعلها
بعدها تحجي ويا سمعنة صوت ستار وابو يصيحون يا الله وينكم يااهل الدار
هد ايدة من بيبي وطلع ولحكنا
ابوستار شايل على متنة تنكة دهن نزلهة بلكاع وتباوس وية غضنفر تحمدلة لسلامة لأن بعمليتة ماجان موجود رايح يم كرايبة عدهم مشكلة
دخلوهم للأستقبال خليت منة بيد عمة امريكا ورحنا للمطبخ بسعاد كملت لمواعين واني سويت جاي وصبيتا
اخذتة مني تهاني ودتة جوة
بقينة احنة بلصالة نسولف
شوية وصاحهم جدو للصالة لأستقبال بارد
اجو يمنة بقينة نسولف اني ولبنات على صفحة
وبيبي وام فدعم وعمة امريكا على صفحة
ولزلم على صفحة
نسمع صوت واحد برة يصيح
ستوه صميدع يريد يكوم ودخل علينا فدعم
خطوة ليكدام خطوتين ليورة
ركض علي صميدع عرفة شارب يريد ياخذة لغرفة بيبي
دفعة ويصيح
وخر عني وخررر
عاين علينة
رفع ايدة واشر الله الله ملمومين وين المزة خلصتوها .........
ركض علي غضنفر حاول يسد حلكة
راد يسحلة بقة يصيح طلعو لمزة حرامية طلعوها
لزلمة بيكم خل يكول انة اخذتها
طلع سلاحة من خصرة
سحبة من عدة غضنفر وركعة بي حيل على بطنة اكثر من مرة
وسحبة للحمام سحل
شمرو هوة وصميدع وفتحو علي الماي
واحد يباوع علثاني جدو من فشلتة ايدة على راسة ومدنك بلكاع
وعمة مدينة تخرط بخدودها بسكوت وتهمس لبيبي وانة قنعت ابوها وحلفتلة كتلة مايشرب عاف لشرب من زمان
بقينة نسمع صوت صياحة جوة
كام ابو ستار للحمام راح يعاين علي
ندار جهتنا اشر لتهاني بيدة
راحت يمة خجلانة ودموعها تجري
تهاني؛- عاينت علي بلكاع جان وغضنفر وصميدع واحد يضرب بي واحد يدير علي ماي ويسدون بحلكة
ماتجرأت ارفع عيني بعين ابوي
مثل شي يخصني وجاي اتعاير بي من اقرب ناسي
دنك يمي وهمسلي
هابوية هذا لتردينا يشاركج حياتج
هذااااا
انة هسة لو كلت هذا مايصلحلج رجل ولايصلح ستر وسند
شنهي كولج
عيني صدت علي غادي طينة ويضححححك
عبالك يكركرون بي مو يضربو
صديت على ابوي وكتلة
الكول كولك بوية
مشيت لحجرة جدتي
طبيت انحب واندب حضي
اسمع صوت ابوي برة يحجي وية جدي ويكلة
لا والله عمي موهاي المرجية منكم
انة اخذت حجاية منكم وكلكم ضمنتو وزكيتو الي وكلتو عاف لشرب
ابوخليل؛- وانة ماجذبت وروح ابيك بس هوة الملعون لعب علية
حلف ووعدني كال جدي بس تخطبها الي انة اعوف الشرب للدوم
ورد لسوالفة بسكوت
انت ابننا وتعرف فدعم إزلمة معدل بس هلولد لحرام اليقشمرو
_والنعم عمي انة ماكايل غير هيج
بس انة اب ومن حقي اختار لبتي زوج صالح
والخمار ملعون دنيا واخرة
انة ماقصرت وياكم ولا رديتكم من دكيتو بابي
بس ليوم لسموحة منكم كلكم بعد الشفتة انة اريد افسخ
لنسب نسب ولعلكَة علكَة ولبيننا دايم ومايخربة كلشي
بس فدعم طلعها من ماعونها
انة اسمع كل مدة من واحد واكول لا مااضلمة
بس هسة شفت شوف عين
بعد اجذب عيوني ؟
ابو خليل؛- حكك يبوية حكك شماتكول
وهوة يستاهل من ايدة
خل يعرف عنادة وطيحان حضة وين وصلة
شوية ودخلن يمي لبنات
يسكتن بية
امي طبت تتلاطم
شوية وسمعنة صوت الولد طلعو اخذو لغرفة بيبي
صميدع راح للمطبخ جابلة كهوة ودخل جوة يمة
اسمع ابوي يكل لجدي انة انتضرة شوكت مايصيرلة مجال اتصلو علينا ونروح للسيد
دموعي تتجارة حسرة ترست صدري
والله وصارت صدك يافدعم
والتمثيل تحول حقيقة
شوية وصاح علينا ابوي
طلعنة خالة ام فدعم وجدتي عيونهن مدمعة تمنيت اطبلة للغرفة واصرخ لحد مااصحي
طلعنة واحس روحي ضلت جوة
صرخة بصدري اريد ارجع
اريد اعاتب
اريد اصرخ واكلة شوكت تصحا موضعت من اديك
مو نهدم لبينتا وانت مسطور
...
فدعم:- جنا منتضرين اتصال عمة امريكا
بعد مابلغها غضنفر تروح لكرايبها سجودة وتراضيها وتحاول تسحب منها كلام وتعرف منها ليش جانت تضم عليهم اتصالاتنا من جان غضنفر خربان منتهي
راحت الها شكم مرة وحاولت وياها مااخذت منها لاحك ولا باطل
تالي غضنفر كاللها نطيها فلوس اغريها بلفلوس
بنفس اليوم لكاللها اتصلت بينا لعصر وحجت لغضنفر لحجي لكايلتا الها
وتأكد شكنا وطلعو اخوتها فعلا رايحين ومهبدين يدورون على عمة مدينة ومهبدين وسائلين يردون ينطوها ورقة طلاك انعام لاكين واحد من ودلها بلباب منطيها الة
همة ثولان لاقراية ولاكتابة مسوي لورقة طيارة وضال يلعب بيها
سائلة على بيت سجودة مدلي
ورايح الها ومتفق وياها تمنع اي اتصال من عدنا الهم بأي طريقة كانت
ماجننة شاكين بلموضوع بس سللامة فلتت ونطت على روحها هواي لزمات بدون متنتبه
غضنفر ربط شي بشي وطلع شكنا بمحلة
كال انة حصتي سللامة
ووكلنة انة وصميدع وطالب وستار نروح لبيت اخوتها
وخطفنا ثنين من فروخهم بباب لبيت جانو يلعبون
سومناهم عليهم
واخذنا ضعف الدية لأخذوها من عدنا
شمرنا لجهال لبراس لدربونا
جانت لخطة نشمرهم بلصحراء مثل ماسوو بحمزة بس ماكدرنا
اربعتنا واحد يكل للثاني انة معلية انت اخذهم وذبهم
تالي قررنا نردهم
بقينة نراقب بلبيت من بعيد
لحد ماصدنا واحد من اخوتها
اخذ عيالة وشكم جنطة وركب سيارة ومشة
لحكنا طلع من المحافضة يريد ينهزم
على لحدود دنية مغرب لشارع خالي سيارات قليلة
سبكنالهم
لسايق نزل رافع ادي ويبجي
كلنالة مالك شغل لتخاف
سألنا مرتة وين رايحين
كالت لبيت اهلي بلسماوة
ركبناهم ويا لسايق وكلنالة توكل وصلها لبيت اهلها لرجال دك صدرة يرجف كال حتة كروة مااريد
كتلة توكل وهذا صاحبنا عدنا شغل ويا يكملة ويلحككم
خلينا لسيارة مشت
لزمتة كتلة ختار منو تريد يتضارب وياك
شاف صميدع زغير وانعمنا اشر علي
لزمة صميدع تضاربو لحد ماضرب صميدع حيل خلا يتفل دم
لزمتة وين ليوجعة خليتة يكوم ويطيح
اخر شي سويتة
طكيت ركبتة ويم اذانة همستلة
تندك بغضنفر عبالك وحيييد اخو مسافر
ترة ازغر اخوتة بلشدايد جييش
ركبنا لسيارة وعفنا بلشارع جثة
رغم هذا ماحسيت كلبي برد جنت رايد ارمي برجلة بس طالب منعني كالي عندة عائلة خطية عائلتة هوة يولي بس عائلتة يتأذون يروح يسكط
هوة مارمة احد بيكم هذا لقصاص حكَ
خطف من عدكم خطفنا وحركنا كلبة واخذنا لدية ضعف وضربنا هاي جرة اذن حتة بعد مايعيدها
رجعنة للبيت ذبيت ستار يم لسوك رايد يتسوك
مرينة من يم لبزل حنيت للحبيب صارلي هواي ماشارب
نزلت وخليت صميدع كمل دربة طالب ركن سيارتة ونزل يمي ضايج
بقة صميدع يوصي بية
لاتطوخ بداعة امي
مالنا خلك جدي يعرس علينا
كعدنة انة وطالب
قبل مااشرب وصيتة
_طالب خاف اطوخ ديربالك تاخذني للبيت
اشمرني بهذا البزل وخليني اغرك ولا تاخذني للبيت
ادري بروحي من اشرب ماارتاح اذا مااكوم اشوف لبشر لواحد عشيرة
هوة لولد مايشرب بس كعد يمي خلص لكرزات كلما التفت اعيط بي
بقة يحجي وياي فدعم كافي كثرت
كافي يمعود موهيج بسك خبال
شي اسمعة وافهمة وشي مايتعدة طبلة اذاني
حسيت علي كومني وسحبني بقيت ادفع بي واتعارك ويا
سحلني للسيارة
نمت بلطرق وية كل طسة اسبة
الى ان وكف لسيارة نزلني تجالي
كعدني بلكاع وكالي لضوة مال اهلك مفتوح خل يطفة وادخل
كمت على حيلي دفعتة
واذا مفتوح
شني تخاف جببببان
انة مااخاف
وينكم طلعو يلله اذا بيكم واحد زلمة خل يطلعلي
نداريت علي
بيت منو همة
ايدة على حلكي ولك اشششش
حاول يسيطر علية ماكدر
بقيت اصيح وادفع بي
خاف لايطلع جدي ويشركة بعقابي
بساع ركب سيارتة وبتعد
طبيت ليجوة اغني واصيح جوعاان
تهاني تعاي شبعيني تعااااي مشتاقلج
مااعرف شصار وراها اذكر جنت اضحك متونننس وراها حسيت بضربات غضنفر ببطني
تقيئت بلحمام
شربوني كهوة غصب
وراها نمت جنت تعبان
واني نايم مرة علية كل لصار حلم
فزيت مرعوب اصرخ تهانني
دفرني غضنفر اسككت وصمخ ياتهاني اشبك لمخدة وانطمر تهاني بحح
تهاني ابوها جدي
عمتي تضرب على وجهها
راحت تهاني لا يربييي
_حييل هذا كلة وتوك يلله صحيت
_شني شني شصار غضنفر احجيلي
بقة يسولف الي
ايدي على راسي مصدوم شلون سويت كل هذا
عاينت للساعة فوك ال٥
لبست وتعنيت لبيت طالب
جان لجو ضباب
دكيت لباب حيل طلعلي يفرك بعيونة
حطيت بي بوكس رجع ليورة مصدوم
ولك انة موكتلك لاتردني لللبييييت
طحتلة ضرب وهوة موم يصد بية ويصرخ ولك شكو شصاار
راحت لمرة راحت من ايدي من ورا عملتك
كافي فدعم ترة وجعتني بسسك ياخوي
انة مووصيتك وكتلك لاتجيبني للبيت اشمرني بلبزل ولاتجيبني للبيييت
اي وين اخذك جبتك لبيت اهلي خفت منك تفضحني وانة عدي اخوات وامي مرة صايمة ومصلية اذا تشوفك تحرم طبية لبيت علية
كلت اخذك لبيت اهلك بلكي نايمين واطببك للأستقبال اشمرك واطلع
كعدت بلكاع كمبصت ايدي على راسي
مخنوك اريد اشم الهوة مااكدر
ماتصورت هذا اليوم يجي
مأمن صارت حلالي
وكفت على حيلي بحزم اصحك على روحي واقنع بيها
تهاني مرتي مااطلكها لو تنكلب لدنية وشيسوي ابوها خل يسوي
تقرب الي طالب ايدة على متني
دك صدرة وكال
مرتك من هذا لشارب مالك غرص انة احاجي ابوها
اكلة انة قشمرتة وحجيت براسة وهوة تارك لشرب
انة ارتبها مالك غرض
وهوة يحجي وياي صوت صرخة اجت من جوة
بعدة يفتح بلباب يريد يدخل وخجلان مني
علة صوت الصراخ .....يتبع
مساء الخير شلونكم
اريد اطلب اجازة باجر وعكبة عندي مناسبة انتو كريمين واني استاهل 😁😉
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!