#خنجر_الغضنفر
#بارت_٣٦
#حنين_حاتم
..........فدعم..........
عيوني علي
كال الوو
هلة ابو ستار شلونك
اي اي ان شاء الله
سدة ندار علية وكَال
_ حضر روحك فد ساعة ويجي عمك ابو ستار ويجيب الشيخ ويا
_ وانة احضر روحي اوكف الزملهم لباب واتلكاهم بلصلوات ولهلاهل موو
_فدعم لزلمة جاي لتسويلنا سالفة اكعد واسكت
عيني على جدتي تقربت الة كعدت بصفة ونطتة استكان جاي وتحاجي
_حجي فدوة اغديلك تريدة يعوف تهاني غصبا عنة
ذاك خليتو يعوف بلقيس بلغصب وهذا هم
حتة الله مايرضا
_ليش الله يرضا على سواياتة بينة
ابوها يعاتبني يكلي ذيج الفترة كلها لفرخة راسها معنجر من كل صفحة اسألها تكلي نردمت بلحايط وماادري
ترة هية بس هلوحدة انة بتي مابايعها ولا بايرة
ذولة ولد عمامها من لجبير للزغير رادوها
وتفاشلت وياهم ونطيتها الكم ومارديتكم
تالي وحيدتي ينكال عنها مرة السكير
عمي الزلمة ماعايل وتفاشل وي اخوتة على مودنا بس احنة مادارينة نعمتنا يطبنا الف مرض
حجاها ويعاينلي
عفتهم وطلعت
احس الكون حاشر بزردومي
ماتخيل ياخذوها مني بعد كل هلسنين
من هي طفلة عايشة براسي بكل تفاصيلها وكبرنا وانة اعلم وافهم
جانت بلمدرسة بلأبتدائية تجي يمنا اقريها اشبع بيها بوس اكل خدودها اكل
كلها مأمنا يشوفونها طفلة وانة ولد شاب بس محد يدري جنت احبها وعيني عليها
انة طالب جامعة وهي كل عمرها ١٢ سنة
وتانيت وتانيت تخرجت وتعينت واتاني واحسب بطولها شبر شبر يمتة تصير مرة واكلها من صدك
ولد عمي اسماعيل وولد جليل حلي عرسو كلهم وانة اتانيها
امنت صارت الي ماحسبت هليوم يجي
شكد حاولت اعوف لشرب
وشكد اقرر واخليها ببالي واكول لخاطرها كلشي اسوي بس مااكدر
ادمان عندي
ومن بدو جدي وغضنفر وتهاني يلحون وياي
احس ادماني علي يكبر
انة بطبعي من واحد يلح وياي على شي ازيد عناد
وبسبب ملحتهم صارت شغلة مزامط
جنت ناوي اتركة بس تصير تهاني حلالي
بس من كامو يلحون وياي ويحسسوني ان الجاي اسوي موقف حياتهم
مع انو عمري ماضريت احد
اشرب اجي للبيت
لا اتعارك ولا اسوي مشاكل ولا عندي شي وية احد بلعكس لناس تهابني وتحترمني
محد يدري بية اشرب حتة لجوارين لمقربين
وجدي جان يكوم ويكعد حجايتة اذا واحد بيوم درة بسوالفك
انة كتالك بهذا اليوم
وكلما يزيد عنادة وملحتة يزيد اصراري
يمكن لو عايفيني على راحتي جان عفتة من ذاتي
طلعت من لبيت ركبت لسيارة
رحت علبزل كعدت اكو مكان اضم بي لشرب طلعت واحد كسرتة
رجعت علثاني ماعرف شصارلي احس عروكي ترجف
مادري شلون جريت لبطل كلة مرة وحدة
نزلت ايدي احس عيوني صارت بكصتي
كمت مااشوف
بحة بزردومي
ومعدتي احس كامت تكلب
بقيت اضرب على صدري احس مانزل لسا بزردومي
عيني علبزل وحسيت شي رطب خدودي
مديت ايدي اتلمس
دموع
اعاين عليهن متفاجأ
عوينة ابو اصلج تهاني
صفنت على حالي
اختي وعمتي واكفات بعيني
وإلا لو ماهنة جان هددت بوضيفتي ولعبت فلك
كمت احس لكاع تتحرك والبزل نكلب بحر وروجة تطك روجة واشوف تهاني غركانة وتمدلي ايدها وتصرخ فدعم تعاللي
نزعت فالينتي وجيتت مثل المخبل اريد اطلعها
بكد مالماي بارد حسيت عروكي تشنجن وضهري وكف
اريد اتحرك عبالك واحد مربطني
ضليت اغط واطلع راسي انة سابوح من وانة طفل هذا لبزل اطرة جنت وية لفروخ نتسابق
مادري شصارلي اريد اطلع روحي ماعندي طاقة لشرب ساطرني وجسمي مرتخي حييل
ضليت اتصارع وية لماي
بديت اختنك حسيت هاي اخر لحضات الي
غمضت عيوني ورخيت جسمي
ضليت احس الماي يطب بخشمي
ماوعيت إلة على جسمي ينهبد بلكاع وطالب يصيح بكل قوتة ويرفس بية برجلي
كمت على حيلي اريد اتمالخ ويا
ضربتة لزم ايدي ورة ضهري لواها وصرخ بية
شبيك تخبللللت
ولك جامتتتتت
هاي تاليتك تموت وانت سكران
بيا وجه تقابل ربك
اصحا على روحك فدعم مو راح تخسر كلشيييي
حتة البنية لجانت تريدك كامت تصيح مااريدة من ورة سوالفك
وكفت على حيلي بعدة لشرب بية بس خف مفعولة من ورى لماي
رفعت اصبعي اصيح علي لساني ثكيل وحلكي عبالك مخيط
ولك سرسررررري منيلك هذا الحجي
شمعرفك انت بخطيبتي تريدني لو ماتريدني
افصم ضهرك اذا تجيب طاريها ........ صرت افشر علي واصيح
يعيروني برفض تهاني لرييتها على ايدي انة غلام ابوووي
تقربت الة لزمتة من هوانيكة وضليت اعت بي
احجييي احجي ولك شمدريك انتتتتت
_لالايروح بالك بعيد انة طالب يو نسيت
رحت عليك لبيت اهلك غضنفر كالي طلع مغثوث عبن جدة كالة تفسخ ليوم
ادري بيك من تنغث تجي للمقر مالك ريحة لبزل لخايس ولشرب هاي اجوائك المفضلة
غضنفر حجالي
هديتة ورديت ليورة
_ولك طالب جنت ابجي وحك الله بجيت عليها انة بجيييييت
_لا لتفرح يلنجر اذا انت جارة سادة علريك بطل كامل بدون متجر نفس اكيد دمعت عيونك من الشرب
جريت واحد من لبطالة شمرتة علي
صدة بيدة وركعة بلطاع
_خاب انت وياي علية
_انة وياك على روحك
ماتنلام لبنية من تصيح ماريدنة
_ولك طالب لاتسودننني
تهاني تصيح مااريدنا
خاب ليوم اذبحها وحك الللله
ركضت علسيارة ركبتها وسقت لبيتهم
يامن يحط تهاني بيديييييييي
يامن يحضيني بأبوها واطلع نار كلبي بيي
.........
تهاني :- من يوم الي اجة فدعم للبيت سكران واحنة يمهم
مامر علية يوم نمت بي
ايام عدت علية انة كل يوم انذبح
كل يوم ابوي يكول باجر فدعم يطلك انة اموت الى ان يطلع لصبح ويجي ابوي بحجة من جدي يكول فدعم مشغول
ماعندي غير لبجي ياريت امري بيدي
مثل ماهوة زلمة ويملك زمام امورة وكلشي يخصة
ضليت مثل الخرسة لابية احجي
ولا بية اداري العلة لبصدري واسكت
لا اني زلمة واوكف بوجه ابوي واكلة لاء
ولا هوة ادمي واكدر ادافع عنة واكول مايعيبة شي مالكم حق تفصلوني عنة
ضليت بلوعتي ليلية يطلع علية لصبح دمعتي بعيني
ابوي شلع لتلفون وقفل علي بغرفتة
ومنع امي من لروحة لبيت جدي
وحتة زوري ستار كاللها ماترحين منا لمن تفض سالفة تهاني
ضلينة لاتلفون ولا احنة لنروحلهم ولا طارش يجينا من عدهم
الى ان ودة علية ابوي كال بوية ليوم اخذ لشيخ لعصر واروحن لبيت جدج وافضها
انتي شنهي كولج
راسي للكاع عيوني تتجارة
ولكلمة طلعت من زردومي وذبحتني من لوريد لوريد
لكَول كَولك يبوية
من بعدك انة مالي كل كَول
عشمي بي
هوة لزلمة ليكدر يرفض ويقاتل علمودي
انة لحرمة لمالها راي
لراي للوالد لربة وكبر وتعب والي يعرف مصلحتنا
هاي طبايعنا وعلى هلشي تربينا
وزلمتي بعمايلة خلاني مثل بلاع لموس
كاعدة بحجرتي وماحس غير شي يضرب علجامة
بعدني اريد اوخر لبردة اشوف شكو
ماحس غير لشباك نشال ونركع بلضرب ولجام تطشر علية ايدي على وجهي احمي
حسيت شي نبت بأيدي
احرك بأذاني مامصدكة هذا صوتة وهذا صياحة
ندفعت لباب ودخلو ابوي وامي
امي لزمت ايدي لتجري دم بشيلتها لفتها ووجها يتلاطم ابوي ركض فتح لبردة عاين علي وصاح
ولك فدعم تخبللللللت
طلع يلبس بدشداشتة وامي لحكتة ستار نزل
شباك غرفتي على بستان بيت عمي صاير
فتحت لبردة على كيف
جان واكف وولد يسحب بي وهوة يماطل ويدفعة
ضربة حييل وتقرب للشباك بكل صوتة يصيح
تهاني انة ماترديني
ليييش ماغزر كلبي مابي ملح ماغزرررررر
وياهم تصيرين علية
تصيرين وية ابو صلعة علية
ليوم اطشرلج صلعتتتة
طلع سلاحة قبل مايرمي لولد الي ويا لاوا واخذ السلاح منة رجع علي بلكاع تماطلو و اخذة من عندة
حديقتنا ليبرة طويلة ابوي كملها يركض
ستار عبر من لحايط وطفر وندار على بستان بيت عمي
ولد عمي طلعو سلاحة بيدة ويصيح ليتندالي ارمي
طلعولي ابو صلعة طلعووووو
ستار تقرب علي يصيح
_ولك كافي يااابن خالي خزيتنااااا
عيني على فدعم موجه المسدس عليهم ويصيح ليتدنة ارمي وحك الله
محد الة شغغغغل
امي ركضت على بيت عمي تخابر من عدهم على بيت جدي
زوري جرت عبايتها وطلعت
لحكتها اريد الزمها ادري بستار مايقبل
دفعتني وطلعت
لحكتها اركض وراها
طلعت من باب لشارع تصيح وتخرط بخدودها
ولك ليش يحزام ضهررررري
ولك علمود مصلحتك تريد تهجم بيت اختك وعمتك
عيوني على زوري بلكاع كعدت وخرطت لثوب من لصدر وصارت تلطم
ستار بعيد عنها حط دشداشتة بحلكة واجاها يركض عيني علي من بعيد يصيح
طبي جووووووووووووووووووة
سلاح فدعم لجان متوجه عليهم ويهدد الي يتقرب ارمي
ندار من عليهم ووجهة على روحة
عيني علي من خلة لسلاح براسة وبكل قوتي صرخت
فدعم لااااااء ...........
......بلقيس.....
طفرت على حيلي
شكو شكوووو
صوت طلقة برة ثارت
وصراخ يم لباب طلعنننننننن
ركضت امي كدامي فتحتها
وية مافتحتها نجرت ليبرة وصياح خالي
طلعت برة هوة ومرتة وخالي لثاني
سحل اخذو امي للسيارة
ركضت عليهم
هدوووووها
معليكم بيها ممسوية شي غلللط
كاعدين ببيتنا ومنجبين ادري شمسوين بايكين ناهبين
خالي لثاني سحبني من ايدي بصياح ونتر
ركبي انتي لثانية
مطلكة وارملة ولوحدهن بتلفات الدنيا
اني مامطلكة خالو
اني زعلانة
ماطول هيج امشي خل ارجعج لرجلج وامج ترجع يم خالج شنو ضلتجن هنا بدون رجال
ماارجع لرجلي اني ويا مشاكل وامة متريدني وهوة يريد يتزوج علية شعندي راجعتلة
امشي لعد وية خالج انتي وامج
ماامشي ويا احنة لاكايليكم تصرفون علينة ولا رايدين منكم شي عوفونا هنا اني اداوم وبراتبي اصرف على امي مارايدين منكم شي
ترة ماجاي ناخذ رأيجن تمشين ويانة لبيت خالج ومناك تتصلين برجلج وتحلون مشاكلكم وترجعين
عروس ماصارلج شكم شهر تزوجتي تتطلكين شتكول لعالم وشتحجي
وشعلية بلعالم لعالم يدرون بية شعشت وششفت وية رجلي الجحف يدرون بأمي عايشة عد خالي تنام بغرفة الجهال ومرة خالو تحرض بجهالها يأذون ويهوسون حتة يهججونها
يدرون امي الي عمرها ٤١ تنكتل بلنعال علمود طلعت للأورزدي شترت ملابس
امي اني مسؤلة عنها محد الة شغل بيها
تعوفونها لو اصرخ واحشم لجوارين عليككككم
وية ماكلت هيج خالو محمد هم علية حيل ضربني
خالو احمد بقة يحميني ورة ضهرة ويحاول يدفع بي عني وهوة يغلط علية ويكلة نطينياها خل اربيها هاي لموتت لرجال من ورة مصايبهااااا
وبصوت عالي يصيح ترديني اخليجن وحدجن ولج انتي ابوج عايش وووكفتي لزلم سبوعين يتلاطمون من وراج
سبوع متخلين ابن عمج يتقربلج وتالي طلع لحجي وكلها تكول عايبة وابن عمها سترهاااا
رجال طاح من طولة من ورة مصايبج
حيل يحجي بصوت عالي واحنة لوحيدين كاعنة مفتوحة لاسياج ولاجادر ولزرع ميت اغلبة ولناس ولفلح تشوف وتسمع
خالي احمد بقة يهدء بي ويسكتة يكلة عيب من لعالم فشلة هنا كلها عشاير ليفزعون بعد شيخلصنة
دفع خالي وحيل سحبني من ورا
كمت اصيح واعت بروحي منة
ادري بي اذا اخذني يرجعني لزياد غصب
واني لموت عندي اهون
ضربني وسحلني حيل كمت اصيح
ايدة على حلكي يحاول يسكتني
ملصت روحي منة
ركض علية
خالو احمد سحلة وكالة
عوفها هنا مثل لجلب شنسويلها احنة علينا بأختنا هي مرجوعها لرجلها نرجع للبيت ونتصل بي ونكلة يجي يكسر راسها وياخذها
قتنع بكلامة
ركبو لسيارة ثنينهم
بعدة ديفر لسويج
ركضت علباب لورة فتحتها وسحبت امي
اعت بيها يمة كومي تخاف وتدفع بية
حيل مد ايدة ودفعني
راد ينزلي ركضت جوة للبيت
ثواني مرت علية خطف
كدام عيني صورة امي بلكاع نايمة جوة رجلين لزعاطيط ويحتارون شيسوون حتة يأذونها
صورة جسمها لمزورك من لضرب
ليجوة ركضت مثل المخبلة
لا بل فعلا جنت مخبلة
فتحت خانة بابا الي مانفتحت من يوم مات
من جوة ملابسة طلعت لمسدس وركضت برة
جانو محركين بس بعدهم بعد امتار عن لبيت
ركضت مثل المجنونة سبكت الهم وكدام لسيارة وكفت وصرت اصرخ
نزلو امي نطوني اميييييي
محد الة شغل بينا
نطوني امي لا ارميكم والللللله
نزل خالو احمد تقرب الي اوجه لمسدس علي اهدد بي لتتقرب ارميك مامهتم تلاوة وياي اخذة من عندي صفكني حيل وتفل بوجهي
عيني على خالو محمد وهوة بلسيارة ندار على امي تفل بوجها وحيل ضربها وينتر بيها
هي هاي تربيتتتتتتج ترفع لسلاح على خالها
عمي ........ مايسونهاااااااا
بعدة مامحرك
كدام لسيارة بلكاع تمددت
دك هورن اكثر من مرة وصاح كوميييييي لا انزل ادميج
ماعرف شنو لصارلي
جانت فكرة مستحوذة على تفكيري وعشرة زياد وصلتني لقرار مالة ثاني
إما اعيش بكرامتي أو اموت
نزل خالو احمد حاول يسحبني ويكومني
العناد البية مااثنى صياحهم وضربهم
كل الردتة اعيش اني وامي بكرامتنا بدون سحورة بدون بخل زياد بدون تسلط خالي بدون اذية مرتة وجهالة
من شاف خالواحمد عجز وياي
نزل بكل عصبية هم علية من ايدي وسحل للبيت
بلعتبة شمرني وحيل رفس برجلي
طب خالو احمد خلصني من عندة بلكوة
جنت منهارة مثل لطفل اصرخ انطوني امييي كلشي مااريد بس هي الي بقتلي اختي راحت بابا مات طفلي مات انطوني امي وخلونة نعييييش
عوفونا بحالنة كلشي منريد منككككم
خالو احمد كمبص يمي بلكاع يستغفر
بلقيس شبيج عود انتي لعاقلة شجاج خالو شنو هلتصرفات
سحبت ايدة بستها
فدوة خالو نطوني امي وعوفونا
امي مذلولة وبلمر عايشة
واني زياد وامة شوفوني النجوم بعز الضهر
نطوها الي
اذا اخذتوها معناها مااكدر انفصل من زياد عمامي ميقبلون اعيش لوحدي يلكوها حجة ويبقوني تحت رحمتهم
واني اذا يرجعوني لزياد اموت نفسي
والله اموت نفسي لاتتصور مجرد تهديد زياد وامة سلبو عقلي وصلوني للجنون الفعلي
ايدة على جتفي تمسح
طلع برة
اسمع حجية وية خالو محمد
تقربت للباب اسمعة يكلة
اني اخلي نوفل وزوجتة يجون يعيشون يمهم
نوفل يريد يعزل احسن ميكعد وحدة هوة يلتحق ١٤ يوم زوجتة تضل وحدها عاد هنا يم عمتة
خليها ترجع لبيتها هي مامرتاحة يمك
نوفل يعيش يمهم وهذا افضل حل
اسمع خالو محمد يتحجج ومقابل
بس خالو احمد ماخلالة حجة قنعة تماما
دقايق وسمعت صوت سيارتهم حركت ودخلت علية امي
كأنما جانت بسفر
حضنتها بكل قوتي
بعدتني وتلوم بية
_ ماتنلام ام زياد من تكول عليج مخبلة
هية هاي سوايات ولج بلقيس تدرين بنفسج شسويتي لو لاااء
_واسوي الأكثر هوة عمر لو عمرين ماما حاجيني
اذا مااعيشة مثل مااريد اموت افضل
_دخلت لغرفة بابا رجعت لسلاح لمكانة وحضنت دشاديشة وتبجي وتحجي وياهن وترجع تشم بيهن
سديت لباب عليها وطلعت
عدن شكم يوم احنة لوحدنة مرتاحين
هي تفتر بلبيت تتذكر بابا مرتاحة بنومتها وبأكلتها
اتلصت بلأدارة وطلبت اجازة
ورة يومين دخلت للحمام واني اسبح حسيت...........
........قيصر ........
اشرت على اسعد واني انطي اسمة
نفتحت عيوني من باوع على هوية اسعد ورجع باوع على هوية هيفاء
رفع راسة عاينلي وكال الهويات الكدامي تخبرني غير شي
انبرى يشرح وهوة يكول اسماء الثنين بصوت عالي
كال اسمائهم الثلاثية واللقب وحتة اسماء الأمهات
عاين الي وكال
ماكو اي صلة قرابة بين المدعو اسعد وهيفاء
مااصدك لجاي اسمعة
عيوني تتراوح بلنضر بينهم اريد اصرخ بكل صوتي من ياملة انتووووووو
غواش صار على عيوني
راسي ثكل احسة كإنما شايل لدنيا على راسي
دنكت راسي وافرك بعيوني
ماعرف شنو الصارلي
بديت احس رجلية متعينني على لوكفة
على لبقعة لواكف بيها جثلت على ركبي
ياسر كام من مكانة واجاني يركض
لقاضي والي ويا يستفسرون شبيك
صوتها من بين هوسة لكل اجاني
بحركة جانت تصرخ
سيدي هوة مريض عندة هلاوس
هوة ماواعي على نفسة من جان يضربني
بسبب لهلاوس جان يفقد ويضربني
عيوني على اسعد الي يخازر بيها ويأشر بعيونة وادي يطلب منها تسكت
وهادي نفس الشي
سالوني تحتاج مستشفى
اشرت براسي بلقبول
تقرر تأجيل الجلسة وية طلعتنا طلبت من ياسر يشوفلي محامي شاطر
طلعوني قاسو ضغطي جان مرتفع
مغذي خلولي ونزلو الي ورجعت للزنزانة
يوم ثاني اجاني لمحامي
على انفراد كعدنا بغرفة الضابط
ياسر شارح الة وبقة يستفسر مني عن تفاصيل اكثر ويدونهن
كمل كل الي يريد وكالي اسمعني زين
ماطول زوجتك نطتهم تقرير طبي عن تعنيفك الها وجسمها يثبت وشواهد اكثر من ثنين شهدو على هلكلام نحاول ناخذ القضية لمنحى اخر
انت مريض نفسي هي قدمت اوراق وادوية ونكدر بكل بساطة نجيب تقرير من الطبيب مالتك
بهلحالة راح يعرضوك على طبيب متخصص يشوف حالتك ويقرر
اذا اثبت الطبيب انك فعلا تعاني من اضطرابات نفسية راح تكون حجتك قوية
وانت ذكرت انو هي كالت للقاضي زوجي مريض وسوة كل هذا بسبب لاضطرابات ولهلاوس الي يعاني منها يعني اكدت مرضك
اذا اثبت الطبيب مرضك فعلي
راح تاخذ حكم جدا مخفف واحتمال ميحاسبوك اصلا
احتمال تدخل مستشفى يعالجوك الى ان يقرر طبيبك خروجك منها راح تخرج ويتضمن هلشي كفالة شخص الك وإحتمال كفالة مالية وتبقة تحت انضارهم أو احتمال يبعدوك عنها
اما اذا لاسامج الله لطبيب بين انك متشافي ومتعاني من اي اضطراب نفسي وبلمقابل حجتها جدا قوية ودلائلها فعلية
بهلحالة راح يكون لحكم كلش قاسي
احتمال حبس وكفالة مالية وتترحل على بلدك احتمال تفريق بطلب من عدها وتاخذ كامل حقوقها
واحتمال يفرضون عليك متدخل المنطقة الي تسكنها هي نهائيا بعد متاخذ الحكم الي يتراوح مابين ٦ اشهر الى سنتين
ومامعروف شكد ممكن يكون حسب الضرر الجسدي الي يحددة الطبيب الي كتب تقريرها واتطلع على جسمها والآثار الي بي
وهلتقرير فوري مسوينا يعني من وقت بداية التحقيق
يعني احتمال لآثار جانت قوية وهسة خفت
أو لعكس
فر راسي بكلامة
حسيت لأمل من برائتي مات
شعور انو تكون مضلوم ميضاهي شعور
لزم ايدي يطمنني وكال
حاول قدر لأمكان تضهر للطبيب انك تعاني من هلاوس حاول تقنعة ماطولك فعلا جنت مريض نفسي اكيد تعرف شلون تقنعة
هذا سبيلك الوحيد
واقوة سبب ممكن يقلب كل لأمور لصالحك
دعوة لخيانة الي مقدمها انت متفيد
لو تفيد جان حركتها الك
بس ماطول الجوارين شهدو بوجود زوجتة بوقت الحادث بلبيت وجائز فعلا تكون موجودة بس طالعة للماركت أو يم جارتها
مااعرف اعتقد زعلانة جانت ومبتعدة عنة
بس جوارينهم اطفال جانو يلعبون اكدولي انو هوة ماتسكن ويا لازوجة ولا اطفال
بقة متفاجأ حالة من حالي
اكد على شغلة الطبيب النفسي
بنفس ليوم زارني الطبيب النفسي
شرحتلة الهلاوس لجانت تصير عندي وكإنو مانعرضت على طبيب قبل ولا اعرف اي شي عن مرضي
ومن راح بديت اتضاهر بلخوف واحاول اكون قريب على المكان الي يكعد بي لشرطي
بديت ادعي نفس لأعراض لجانت تصير عندي
اصيح اشتكي من دكات كلبي لعالية
والمفاجئ انو لشرطة من يحطون ايدهم على كلبي يتفاجأون من دكات كلبي واسمع صوتهم يتناقشون بينهم مقهورين على حالي
والي جان يصير انو لنوبات الجانت تصير عندي
والي جنت امثل وادعيها
صارت فعلا تصير وياي
دكات كلبيي رجعت صرت اعرك صورة بلقيس تنرسم على لسقف كبالي
اشوف لمكان يخسف بية
ماعرف يأسي وكآبتي من حالتي رجعتني لهلشي
لو عقلي جان يستجيب لأدعائاتي
يوم ثاني زارني لطبيب قبل ميدخل لشرطة نطو نبذة عن الي يصيرلي
من دخل لطبيب يمي جنت استنجد بي مثل لغركان واطلب منة يكتبلي اي دوة اي مضاد اكتئاب اي شي يخلصني من هلاضطرابات الي بدت توصلني للجنون
وبديت انهار كدامها وارجع ضعيف
وعقلي سابقا الي وصل مرحلة صار يكذبها وجنت اضحك على نفسي شلون هيج جنت
رجعت اصرخ من اشوف لكاع تخسف واحس نفسي انسحب ليجوة
من ابدي اتوسل بلشرطي يبقة قريب يمي
طلع لطبيب بعد ماكتب التطورات الي صارت وياي
عدة ايام اني على هلحال الشرطة يتعاطفون وية حالتي
واجة موعد الجلسة لثانية
كدام لقاضي جان لتقرير الي قدمة طبيبي ولتقرير الي يخص حالتها والضرر الجسدي الي متعرضتلة
وعلى اساس هلتقريرين يصدر القاضي حكمة
بقة يقلب بلأوراق ويحجون بينهم
رجع لمحامي مالتها يشرح الي بدا بلجلسة لفاتت
والمحامي مالتي بدة يعرض حالتي ومرضي
وطلب ان يسأل هيفاء
وحاول يعزف على لوتر لحساس ويربكها بأسألتة سألها عن مرضي جانت تجاوب بمصداقية
عبدو وياسر ويامن جانو موجودين وشهدو بأنو اني جنت اعاني من هلاوس تدفعني لضربهم احيانا وافتعال مشاكل بدون سبب بتدريس من المحامي
وقدم شاهد غريب حتة تكون حجتنا اقوة
ولشاهد الي هوة ابو الملك الي سبق وان حجة لهادي عن شكوة بعض الطلاب الي جنت اسكن وياهم وادعائهم انو اني مجنون ويخافون مني
وواحد منهم شايفني واني اصرخ بلصالة واضرب على راسي واسوي حركات غريبة
ولولد نفسة اكد هذا لكلام
شفت وكفة من عبدو ويامن وياسر الي جانو مهيئين كلشي
وكفتهم خلت دموعي تنزل
في جلسة ستمرت اكثر من ساعة ونص عرض بيها المحامي قضيتي بأكمل وجه ولتقرير الي في متناول القاضي كان هوة المتحدث
وبلمقابل محاميها اجتهد بأثبات اذيتي الها وتعنيفي الجسدي بلشهود والدلائل
انتهت الجلسة واني انضر للقاضي وهوة يعلن عن حكمة .........
......انعام .......
عيني علي من اشر على سللامة وكال
سللامة مالها طلعة من لبيت بس كلكم تشهدون تحرم علية ليوم لدين
تبجي يصوت عالي وتتوسلة
انة راضية بس لاتكلي تحرمني من حمزة لو تخلي انعام تربي صوت حمزة برة يدك على لباب مجرد ماسمع بجيها
جدو ندار علي
يأشرلة شلون تريد تخليها بيننا بعد لسوتة شلون تأمن الها بعد
بوية طلكها وخل تمشي ونخلص
عمو إسماعيل تدخل وكالة
لا مهما يكون هاي ام ابنة
ابنة واعي وجبير ميكدر ينسيهيا لو مهما يسوي وماطولها بنضرة مومذنبة راح يبقة حاقد عليك ويكبر وهوة يشوفك ضلمتة وحرمتة من امة
طلعت برة تحاجي حمزة اسمعها تسكت بي
غضنفر تاناها طلعت يلله جاوب جدو وكالة
_سللامة ماللها طلعة من لبيت
انة مااضمن اذا طلعت ماتحاول تضرنة
سللامة تعرف كل اسرار بيتنا اماكن شغلنا كرابتنا يعني تكدر تأذينا
_جا شلون ترة حيرتنا
_انة نويت ابنيلها غرفة بصف المطبخ وبيها ملحقاتها حمام وتواليت ومطبخ وجودها بهذا البيت يكون عاملة بأجرها
ومااقبل اي احد يعاملها غير كونها معينة الكم بلبيت
ممنوع تتعدا المطبخ
دخولها بلبيت يقتصر على المطبخ بسسس
واذا سمعت بيها داخلة حجرة لو لأستقبال يكونلي غير حجي
ندار على صفحتنا وكال
سمعتن
جدي ماعجبة حجية وكالة
_شلون ترضاها على ابنك امة تتعامل على انها معينة ابنك ذكي وراح يحس بنقص وهي هم ماتقصر تحشي براسة
_ابني انة فهمتة كتلة راح يصيرلكم بيت لوحدكم كيف وانة ليوم كدامك اوصي لبنات كلهن ومن ضمنهن انعام بس يحسن سللامة تحشي براسة حجي لو تحاول تحسسة بأنو انة ضالمها لو مأذيها
يجن ويكللي
وانة ابني ماعايفة طول مااني بلبيت هوة يمي
ويبات ليلة يمي وليلة يمها
بيبي قاطعتة وكلتلة
_يمة ليش ماتخليها تمش لأهلها وتفضنا
_يااهل يمة اخوتها اذا لزموها يذبحوها بعد لصار عبالهم هية وشت بيهم
وانة بهلشي حطيتها تحت الأختبار
إن جرت عدل تضل هنا عدنا وتعيش معززة مكرمة محد الة دخل بيها
واذا لعبت بذيلها تحرم عليها طبت لبيت وحتة حمزة بعد متشوفة
جان واكفة بلباب وحمزة جوة رجليها
صاح عليها سمعتي
_اي اي سمعت هذهو انة راضية
مجرد ماكمل كلامة شلت منة وطلعت بلصالة صعدت لغرفتي
شوية ودفع لباب ودخل بدون ميدكها
نداريت علي
ليش متدك لباب
ادك باب حجرتي!! ليش
يجوز جاي ابدل
رفع تك حاجب وحجة بإستهزاء
_لا لتخافين لوجنتي تبدلين انة ادور وجهي وماعاين الج
_ليش حرمت عليك مثل سللامة
_لتحجين بكيفج
درت وجهي عنة وكعدت على ميز المراية
عيني تباوعلة بلمراية نزع كل ملابسة وبقة بلشورت
عيوني على جسمة اتذكر لمكانات الي يغار من ابوسة بيهن
دمعت عيوني تذكرت اليالي الي جنت اتوسد صدرة وانام
تذكرت من جان ميقبل البس ملابس من اريد انام
ويبقة اليل كلة حاضني ويبوس بضهري كلما انكلب لو اتحرك ويحس علية
دمعة نزلت من عيوني
لمكص كبالي
سحبتة ماعرف شلون تسللت ادية لشعري بترت خصلة لحد اذاني
وعيت على صرختة من سحب المكص حيل من ايدي ونتر تخبلتييييييي
_شعليك بية شعري واني حرة
_حررررة !! كلشي بيج من ممتلكاتي ماكو شي اسمة حرة
_ممتلكاااتك ؟! اني مولعبة ولا اثاث حتة تكول ممتلكاتك
وبعدين شدعوة هيج هامك شعري موتوك تكلي ادور وجهي لو شفتج نازعة
_اي ادور وجهي
_،بحركة نترت وضربت على صدرة ودموعي تنزل وحجم الم هلكلمة بين بصوتي
لييييش
_لأن موكفو
_موكفو شنووو
_موكفو عشرة موكفو حبي موكفو مداراتي موكفو حتة تصيرين مرتي
_ماطول هيج طلكني لععععد
_هنا ماكو عقل ماكو ذاكرة
اني شكم مرة كتلج لتدخل حياتي بأرادتها متطلع منها غير بأرادتي
_انت ششششايف نفسك
_صوتتتتتج
_تدوس بمصاريني وتكول صوتج
صوتي اعلي وكت مااكون على حق ومامأذيتك ولا مسوية شي يخليني انركن على الرف
واتعامل على اني غريبة
_صوتج تعلي على الكل بس علية متعلييي
_طلكنييييي
_تحلميين
_تطلكننننني غصبا ماعليك اني مااريدك كرهتك كرهتتتتتك
_فزيت على ايدة تسفط راسي وية الميز وصرخة منة
راح عليها شالها لصدرة
سكتها
يعاين الي بحقد رجعلها نومتها ورجعها لمكانها
تقرب الي رجعت ليورة
احس حركة بصدري صرخت بي
انت موتكول ميضرب لحرمة غير لحرمة
طلع هذا مجرد حجي تغريني بي حتة تبينلي انو انت تختلف عنههههههم
تضربني ليش تضربني شمسوية
طلعت حرمة
حالك من حال الحرممممممة
ايدة نهالت علية بضرب مبرح
دفعتة وصرخت حاول يسيطر علية
ادي لجانت تضربني
حيل لصدرة لعاري سحبتني وحاوطتني
جنت ادفع بي واضرب بكل قوتي واصرخ
ماريدك حالي من حال سللامة انضررررررب
متحبني لا والله كل هذا بس حجي
وخر عني وخرررررر
صوتة يهمس يم اذاني
ادور وجهي عبن مااكدر الزم روحي عنج
ولج ولخلق محمد مييييت بفراكج ميييت
حيل عصرني لصدرة وقيدني بحيث ماكدرت بعد اتحرك
بلكاع كعدنة ثنيننا وجها بشعري لمبتور دافنة و صوتة يهمس الي
تستكثرين علية الكلمة الحوة
وانة مجبليني بفراكج
اسمع لحمد لله على سلامتك من سللامة قبل مااسمعها منننج
ليش ولج لييييش
طلعتي شمتتي بية العدو والصاحب
وانة البعت كل ماضيي علمودج.
انة لعفت ثار اهلي لجل عينج ماتبجي
جبينة على جبيني ويتنفس بتعب
_انت كسرتني لتلومني
الحب لمابي انانية موحبببب
كلها تدري بخطتك وكلها تعرف واني مركونة على صفحة اني الغريبة الي متخليها تطلع على اسرارك
_احجيلج ويبرد كلبج وتطمأنين سللامة تجي تحاول تغيضج بية وتبينلج انو انة متقرب الها
بلحضة عصبية تخرطين لأول ولتالي تكليلها جذابة ادري بغضنفر مامتدنيلج ولا يريدج
انة من هاي جنت خايف
وادري بيج من تغارين علية تحركين لأخضر وليابس
_بس هذا موعذذر
_لاتلوميني انة جان لازم اخليها تأمن من تشوفج تتحركنين
جان لازم اخليها تصدك انو هية كبرت بعيني بعد ماصارت وياي ضد اخوتها حسب المخطط الراسمتة هي وبعد ماراحت وجابتج الي
جان لازم احسسها انو انة وثقت بيها
خاطر اكدر اوصل لأخوتها
_يعني تحقق غاياتك على حساب كلبي ومشاعري
_هذا عقاب هجرج الي
شلون اجة من عقلج روحي تشتهي سللامة شلوووون
شلون اجة من خاطرج اسوي وياها الجنت اسوي وياج
هذا يدل على انج عمرج ماعرفتيني
_الغيرة تعمي تلغي شي اسمة عقل
_والفراك احجيلج عنة
اسولفلج شسوة بعودي
مشتاكييييين
جا ليش زاجلكم بطة
ياطير عكبك بلسمة
ماناشدة إعلى اخباركم
جم ياس غنة وماكدر
يوصل لحن موالكم
تدرون ليلية انعصر
تدرون يخنكني لعصر
تدرون زاعلت الهوة
واتنفس بدخانكم
ايدة سحبتني وبلكاع تمدد وعلى صدرة شمرني
اصابعة على شفايفي وبصوت هامس يم اذاني
ويلاااااااااااااه محروم من ضوك العسل
والنرجس لبطراف صدرك بني ومدور
استثيرك وابقة اراقب هاصعد لانزل
تخاف اضيعن لمن انزل جوة نهدك شبر
شبرين احسبلي اموتن كبل مااذبل
اشمك واصيح افيش ياورد لكرنفل
واتاني لآخ منك وااصيرن نار تسعر
وبشماتة يرد صوتك علي حلللللل ......حنين حاتم
بعدني على صدرة واستمع لوصفة صوت لباب ندكت بقوة وكشمش تصيح غضنفر الحك ......يتبع
مساء الخير
اقدم اعتذاري الكم والله كاتبتة وقبل ل١ كامل بس الصحن مالتنة وكع من ورة العجة وتانيت دزولي رصيد اشتركت علمودكم ونزلتة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!